Baheth

السلام عليكم ورحمة الله وبركاته. اهلا بحضراتكم في المقطع رقم تمنمية ستة وخمسين من مقاطع حظر التجول والحلقة الثالثة والاربعون من حلقات تدبر سورة انا النهاردة هحاول اخلي التون بتاعي كله هادي كده - 00:00:01ضَ

حاول في ناس بتنتقد ان انا باعلى اوي وبازعق اوي فانا هاتكلم النهاردة بطريقة هادية جدا. يعني وكأني بريطاني كده شخص بريطاني يعني لا مش بريطاني قوي عشان ما تناموش مني يعني. لكن هحاول اكون هادي خالص - 00:00:23ضَ

حلقة امبارح تدبرنا فيها الاية الكريمة التي نزلت في موضوع طعمة ابن ابيرق اللي سرق سلاح ودقيق وطعام من مخزن بتاع واحد مصري وراح شال السلاح في بيت واحد يهودي اسمه زيد ابن السمين - 00:00:40ضَ

خايف ان يتلاقى عنده آآ فلما وجدوا اثار الدقيق داخلة بيت آآ اليهودي وجدوا السلاح في بيته. واليهودي قال يا جماعة انا ما سرقتش حاجة ولا اعرف مين آآ الراجل المسلم اللي اتسرق منه ده خالص ولا اعرف بيته فين. ده انا - 00:01:03ضَ

راجل اسمه طعمة ابن ابيرق ويقال ابن ابي ريق هو اللي شال الحاجة دي عندي امانة وطعم انكر علشان اليهودي ايه؟ يلبس هو التهمة. وتطبق عليه هو العقوبة بتاعة السرقة. بداله - 00:01:21ضَ

فهو في الحالة دي سرق وكمان بهت شخص بهت شخص بريء وحاول يلبسه هو الجريمة عشان يعاقب بداله يعني يعني اه يعني جريمة مركبة مش بس سرق وكمان عايز يلبس التوبة لشخص برئ - 00:01:40ضَ

شفنا ايضا ان بعض المسلمين من بني ظفر عائلة في المدينة وجدوا ان ما فيش فيه يعني فيها حاجة خالص انما العقوبة توقع على اليهودي بدل المسلم طالما ان المسلم اعتزر وتاب. ونضمن انه ما يعملش كده تاني - 00:01:59ضَ

دافعوا عنه. دافعوا عن الذين يختانون انفسهم يعني انحازوا وتعصبوا لشخص مجرم لمجرد انه من جماعتهم من ربعهم ينتمي لدينهم عربي زيهم او او او اقرا بقى الاية مية وعشرة - 00:02:17ضَ

اعوذ بالله السميع العليم من الشيطان الرجيم ومن يعمل سوءا او يظلم نفسه ثم يستغفر ان الله يجد الله غفورا رحيما ومن يكسب اثما فانما يكسبه على نفسه وكان الله عليما حكيما - 00:02:38ضَ

ومن يكسب خطيئة او اثما ثم يرمي به بريئا فقد احتمل بهتانا واثما مبينا. ترجع لمية وعشرة يعني ايه ومن يعمل سوءا او يظلم نفسه ثم يستغفر الله يجد الله غفورا رحيما. ايه الفرق بين عمل السوء وظلم النفس - 00:03:09ضَ

قالوا عمل السوء هو الاثم الذي فيه اساءة لاخرين زي القتل سرقة الغش اما ظلم النفس فهو الاثم اللي بين الانسان وبين الله. زي شرب الخمر مسلا. الشرك حاجات كبيرة لكنها بين الانسان وبين الله وما فيش طرف تالت بيقع عليه الضرر - 00:03:36ضَ

انما السرقة في طرف تالت بيتسرق. الغش فيه طرف تالت بيتغشش. وهكزا. القتل فيه طرف تالت بيقتل فربنا في الاية دي بيفتح باب التوبة والمغفرة والرحمة للمخطئين سواء في حق نفسهم او في حق الناس - 00:04:02ضَ

التفاصيل مش هنا. التفاصيل بقى موجودة في ايات اخرى وفي السنة انه التوبة من الذنب اللي فيه طرف تالت لابد ان الطرف التالت يسامح او يرد له الحقوق. لو اتسرق لازم يرجع يترد له المسروقات. حقوقه ترجع له. لو - 00:04:24ضَ

تم اغتيابه لابد انه يسامح ويتقال له ان يعني احنا خضنا في عرضك ونرجو انك تسامحنا وترجوه ويبوسوا ايديه ويبوسوا رجليه كمان عشان بس الناس تقول لك ايه لا اغتابوا ابقى ادعي له من ضهره - 00:04:45ضَ

مم آآ انما الذنوب اللي بين الانسان وبين الله بيتم ايه ؟ الاستغفار فيها مباشرة بين الانسان وبين الله قبل ما نترك الاية مية وعشرة لاحزوا معي انواع الحرام اللي فيها - 00:05:01ضَ

ومن يعمل سوءا او يظلم نفسه خلاص؟ قلنا السوء ذنب متعدي بيتعدى لشخص اخر. سرقة قتل غش. وظلم النفس ذنب غير متعدي لاخرين. بين الانسان وبين الله زي شرب الخمر كده. طيب - 00:05:18ضَ

اقرأ بقى معي مية وحداشر ومية واتناشر ومن يكسب اثما فانما يكسبه على نفسه وكان الله عليما حكيما ومن يكسب خطيئة او اثما ثم يرمي به بريئا فقد احتمل بهتانا واثما مبينا - 00:05:35ضَ

طيب يعني ايه يكزب قلنا الكسب محصلة العمل والقول والنية فيوم القيامة الناس هتيجي بما كسبت. مش بما عملت بس مش بما قالت بس كمان بالنوايا فالعمل والقول والنية مع بعض كده كسب كل ده للانسان كزبه في الدنيا - 00:05:57ضَ

ومن يكسب اثما فانما يكسبه على نفسه وكان الله عليما حكيما اللي يكسب اثم نتيجة قول غلط عمل غلط نية غلط فانما يكسبه على نفسه هو اللي هيشيل اللي بيشيل قربة مخرومة بتخر على دماغه. زي ما قالوا عندنا في المسل - 00:06:21ضَ

هو اللي هيشيل الوزر بتاعه يوم القيامة. ما فيش حد هيشيل وزره ابن ابيرق اللي سرق هيشيل وزر السرقة بنوا ظفر اللي جادلوا عن طعمة رغم انه سارق وعرفوا ان هو سارق هيشيلو وزر الجدال عنه - 00:06:44ضَ

كل واحد عمل غلطة هتنزل على حسابه مش على حساب حد تاني وكان الله عليما ربنا عالم بكل واحد عمل ايه وقال ايه ونيته في كده كانت ايه حكيمة لان بحكمته ما حدش بيشيل وزر اخرين - 00:07:06ضَ

والا كان يبقى ظلم والله سبحانه وتعالى حاشاه ان يظلم لا يظلم احدا اقرا مية واتناشر ومن يكسب خطيئة او اثما ثم يرمي به بريئا فقد احتمل بهتانا واثما مبينا - 00:07:31ضَ

الخطيئة هي الخطأ. سواء عمد او غير عمد الاثم هو الذنب المتعمد فسواء ذنب كبير او صغير عمد او غير عمد ما ينفعش حد يعمله ويلزقه في حد تاني بريء - 00:07:49ضَ

ومن يكسب خطيئة او اثما ثم يرمي به بريئا فقد احتمل بهتانا واثما مبينا بريئا هنا نكرة. يعني اي بريء بريئا اي برئ يهودي مشرك مسلم ما يفرقش هنا. شخص بريء - 00:08:08ضَ

فقد احتمل بهتانا واثما مبينا مش فقد حمل لأ فقد احتمل على وزن افتعل. يعني هيشيل حمل البهتان الافترا اللي افتراه على البريء ده حتى لو كانت غلطة صغيرة وغير متعمدة. طالما لزقها في شخص بريء ما بقتش صغيرة - 00:08:29ضَ

يعني لو واحد عمل صغيرة مش كبيرة ولزقة في واحد بريء فقد احتمل بهتانا واثما مبينا. اصبحت كبيرة. اصبحت اثم كبير جدا لانه بهتان في ناس مش بتلاقي المتهم في احدى الجرائم - 00:08:56ضَ

فيروحوا يمسكوا اي ناس غلابة ويلبسوهم القضية. عشان الملف يتقفل ممكن يقتلوهم كمان يصفوهم ويقولوا حاولنا نقبض عليهم فضرب فضربوا علينا نار فعملنا كده فقد احتمل بهتانا واثما مبينا. البهتان هو الكذب الفاحش - 00:09:16ضَ

في واحد بيكزب لانه فشار. بيحب يتزاهر يقول لك البدلة اللي انا لابسها دي اشتريتها بخمس تلاف جنيه من سويسرا وهو شحتها من اخوه الكبير في كزبة حرام في واحد تاني بيكزب ويقول ان جاره سرق وهو ما سرقش. دي كزبة ودي كزبة. الاتنين حرام والاتنين فيهم اثم. لكن الكزبة التانية - 00:09:40ضَ

بهتان كذب فاحش وفيه ادعاء على شخص بريء ممكن الادعاء ده يؤدي لعقوبة ظالمة تقع بالراجل البريء الكذبة التانية طبعا الاثم فيها اثم مبين يعني واضح وضخم عقوبته مغلظة جدا يوم القيامة - 00:10:04ضَ

فقد احتمل بهتانا واثما مبينا. لما نبحث عن هذا التعبير هنجده في القرآن تلات مرات. طبعا انت انت واخد بالك ان الايات مية وعشرة مية وحداشر مية واتناشر. جايبة كل انواع الاثم - 00:10:31ضَ

سواء آآ مسلا آآ مية وعشرة آآ ومن يعمل سوءا او يظلم نفسه. سواء ذنب متعدي للغير او غير متعدي للغير واتناشر ومن يكسب خطيئة او اثما. يعني حاجة متعمدة او غير متعمدة. متعدية للغير او غير متعدية للغير. طالما - 00:10:46ضَ

طالما ان حد لزقها في شخص بريء اصبحت اثما مبينا. بهتانا واثما مبينا. فالمقصود من مية وعشرة مية وحداشر مية واتناشر ان جميع الزنوب دي مقصودة مش مقصودة زنب متعدي مش متعدي. طالما ان حد حاول يرمي به بريئا - 00:11:09ضَ

اصبح كبيرا شديدة اللي هو البهتان لما نبحث في التعبير نجده جه في القرآن تلات مرات في سورة الاحزاب ربنا سبحانه وتعالى بيقول والذين يؤذون المؤمنين والمؤمنات بغير ما اكتسبوا - 00:11:30ضَ

مقادي احتملوا بهتانا واثما مبينا اللي بيتبلوا على المؤمنين والمؤمنات يؤذون المؤمنين والمؤمنات بغير ما اكتسبوا لا يدخل فيه كمان الغيبة يعني النبي عليه الصلاة والسلام نهى عن الغيبة وهي ان تذكر اخاك بما يكره - 00:11:59ضَ

فقيل يا رسول الله وان كان حقا قال وان كان غير حق فذلك البهتان يعني ايه يعني الغيبة انك تقول عن اخوك حاجة هو يكره انها تقال عنه. انه مثلا بخيل اوي - 00:12:22ضَ

انت كده ارتبته فقيل يا رسول الله الصحابة قالوا طب وازا كان فعلا بخيل قال ازا كان مش بخيل يبقى بهتان. وازا كان بخيل يبقى غيبة. والاتنين حرام. يعني لو قلت الحق عنه انه بخيل في غيبته وهو يكره انه يتقال ده - 00:12:45ضَ

قال ايه يبقى انت اغتبته برضو فالغيبة انك بتقول حاجة حقيقية على فكرة انت ما بتكزبش لكن يجوز الغيبة في حالات الاستفتاء رايح تستفتي المفتي وتقول له انا اخويا بخيل. والوضع كزا كزا كزا كزا. هل يجوز نعمل كزا ؟ هنا يجوز انك بتستفتي تاخد فتوى - 00:13:04ضَ

آآ في القضاء بتصدر انتقاضي وبتصدر حكم غيابي في غيبة الراجل يجوز تغتابه هنا في الشهادة شاهد وجابوك تشهد في المحكمة آآ والراجل بيحاكم غيابيا. لازم تشهد وتقول الحقيقة. حتى لو هو مش موجود - 00:13:25ضَ

آآ في الشكوى انت رايح بتشتكي فتشكوه وحتى لو مش وهكزا يعني. وفي النصيحة والتزويج مسلا حد متقدم لبنت واحد صاحبك. قلت له بس خلي بالك هو اه ممكن يجوز - 00:13:44ضَ

انما غير كده لأ قاعد بتقتل الوقت وبتتسلى بانك تجيب سيرة الناس وده بخيل وده مش عارف ايه وده مم ده ما ينفعش البهتان انك تكزب كزب وتلزقوا فيه ده طبقا شرح النبي عليه الصلاة والسلام في السنة - 00:14:01ضَ

الاية التانية في سورة النساء الاية عشرين وان اردتم استبدال زوج مكان زوج واتيتم احداهن قنطارا فلا تأخذوا منه شيئا اتأخذونه بهتانا واثما مبينا اللي ياخد مهر زوجته وهو بيطلقها - 00:14:22ضَ

وده لا يجوز هياخده ازاي بانه يبهتها يعني يفتري عليها يقول انها ارتكبت الفاحشة. لانه لا يجوز للزوج يسترد مهره الا لو الزوجة ارتكبت الفاحشة لو خلع بقى ده حاجة تانية - 00:14:49ضَ

لكن في الاية تسعتاشر اللي هي الاية اللي قبلها بتقول ايه يا ايها الذين امنوا لا يحل لكم ان ترثوا النساء كرها ولا تعضلوهن لتذهبوا ببعض ما اتيتموهن الا ان - 00:15:03ضَ

بفاحشة مبينة بالتالي اللي هيتبلى على زوجته ويتهمها تهمة فظيعة زي دي عشان يسترد المهر بتاعه يبقى احتمل بهتانا واثما مبينا المرة التالتة ورد في اللي يرمي شخص بريء بالجريمة بتاعته اللي هي الاية مية واتناشر - 00:15:17ضَ

ومن يكسب خطيئة او اثما ثم يرمي به بريئا فقد احتمل به بهتانا واثما مبينا وللعلم عشان تبقوا عارفين طعم ابن ابي رق ده يعني اصح الروايات انه هرب من المدينة عشان لا تطبق عليه العقوبة - 00:15:41ضَ

وارتد وعاش في مكة يعني ادوا له لجوء وخرم جدار عشان يدخل بيت يسرقه فالجدار اللي اتهد عليه ومات. مرتد سارق حقير مية وتلتاشر بقى ولولا فضل الله عليك ورحمته لهمت طائفة منهم ان يضلوك - 00:16:02ضَ

وما يضلون الا وما يضرونك من شيء. وانزل الله عليك الكتاب والحكمة علمك ما لم تكن تعلم وكان فضل الله عليك عظيما. دايما لما نلاقي ربنا بيكلم فرد مخاطب يبقى النبي عليه الصلاة والسلام - 00:16:33ضَ

قل يا ايها قل يعني قل يا محمد. طبعا الكلام لنا احنا ايضا من خلاله وحتى الكلام ده ايضا لنا احنا من خلاله لكن ربنا بيخاطب النبي بيقول له ايه ؟ ولولا فضل الله عليك ورحمته - 00:16:56ضَ

ربنا بيذكر النبي عليه الصلاة والسلام بان فضله هو ورحمته هو ما قدرش بنوا ظفر يضللوا النبي عليه الصلاة والسلام يعني ما قدروش يقنعوه يعاقب اليهودي البريء الله يعني هي تربية النبي واخلاقه اللي خلته ما يعاقبش اليهودي البريء ولا فضل ربنا ورحمته؟ لأ فضل ربنا ورحمته. اهو والاية بتقول كده - 00:17:12ضَ

ولولا لولا حرف امتناع الامتناع يعني امتنع انهم يضللوه انا اسف امتناع لوجود امتنع انهم يضللوه بسبب وجود فضل ربنا ورحمته ولولا فضل الله عليك ورحمته لهمت طائفة منهم ان يضلوك وما يضلون الا انفسهم - 00:17:41ضَ

نتعلم من الاية دي بقى اننا لا ننسب الخير لانفسنا ابدا. ولا لصفاتنا الذاتية انا نجحت لاني زاكرت كويس انا ما غرقتش في العاصفة لاني سباح ماهر مراتي ولدت بسلام لاننا رحنا لدكتور شاطر. كل دي اسباب للنجاح. لا يجب ان تنسى خالق الاسباب - 00:18:10ضَ

وتنسب له هو الخير لان فيه ناس بتزاكر وبتسقط واحد زاكر كويس جدا طول السنة وجاله حرارة عالية وحمى يوم الامتحان. هيروح الامتحان مش هيعرف يركز وهيسقط يبقى بفضل ربنا ورحمته نجحوه - 00:18:36ضَ

واخذه بالاسباب ده لان خالق الاسباب جعل الاسباب هو ده النظام في الدنيا في ناس ممكن يبقوا سباحين مهرة جدا وبرضو يغرقوا. في عواصف والدوامات ده الساحل الشمالي ده مات فيه - 00:18:54ضَ

آآ بطل العالم في السباحة ايامنا احنا بقى اما كنا بنعوم بطل العالم في السباحة مات في الساحل الشمالي مرسى مطروح وفي ناس بتروح لاحسن دكاترة وبتموت فلازم ننسب النجاح والخير كله لربنا - 00:19:10ضَ

حتى النبي اللي ربنا وصفه وانك لعلى خلق عظيم استحالة يظلم انسان بريء ربنا قال له ان التزامك بالصراط المستقيم ده ليس الا فضل من ربنا ورحمة. ولولا هذا الفضل وهذه - 00:19:29ضَ

الرحمة لهمت طائفة ان يضلوك وما يضلون الا انفسهم وما يضرونك من شيء. لكنهم ما قدروش يضللوا حد غير نفسهم هم وما حدش استطاع انه يضرك يا محمد لان لو كان النبي خلي بالك بقى الموضوع ده خطير جدا. لو كان النبي حكم حكم ظالم على اليهودي - 00:19:52ضَ

كانت هتبقى كارثة تقدح في صدقه وصدق نبوته ثم قرآن يذكره مرة اخرى بان هذا الفضل فضل عظيم. يعني كلمة فضل جت مرتين في الاية ولولا فضل الله عليك ورحمته لهمت طائفة منهم ان يضلوك وما يضلون الا انفسهم وما يضرونك من شيء - 00:20:20ضَ

وانزل الله عليك الكتاب والحكمة وعلمك ما لم تكن تعلم وكان فضل الله اللي اتزكر في الاول ده عليك عظيم ده فضل كبير عليك ليه ؟ الله! ده كان هيقدح - 00:20:42ضَ

في الكتاب والحكمة والعلم اللي عندك وانزل الله عليك الكتاب والحكمة وعلمك ما لم تكن تعلم وكان فضل الله عليك عظيما ربنا هو اللي رزقك النبوة انزل عليك الكتاب اعظم كتاب - 00:20:56ضَ

اعطاك الحكمة اللي تتجلى في السنة النبوية وعلمك العلم اللي ما كانش ممكن تعلمه لولا ان الله هو الذي علمك سيد المتقين مش ربنا قال واتقوا الله ويعلمكم الله. يبقى سيد المتقين هو اكتر واحد ربنا علمه - 00:21:26ضَ

شفت بقى بفضل الله عليك بانك لم تقع في الفخ فضل عظيم ازاي! لان ده كان هيبقى ضد كل تعاليم الكتاب اللي انت اوتيته والحكمة اللي انت اوتيتها والعلم اللي انت اوتيته. العلم الالهي اللي ربنا - 00:21:50ضَ

وكان فضل الله عليك عظيما بص في الاية مية وتلاتاشر كلها بفضل الله مذكور في الاية مرتين في اول الاية فضل الله مذكور وان الله عصم النبي من الوقوع في الفخ. فخ مين فخ الذين جادلوا - 00:22:05ضَ

عن الذين يختانون انفسهم ثم بعد ذلك ذكروا بنعمة النبوة وانزال الكتاب والحكمة والعلم. ثم فكروا تاني ان الفضل ده فضل عظيم لان الوقوع في الفخ بتاعهم ده كان هيبقى - 00:22:25ضَ

كان هيخضع في صدق النبوة كلها اقرا بقى مية واربعتاشر لا خير في كثير من نجواهم الا من امر بصدقة او معروف او اصلاح بين الناس ومن يفعل ذلك ابتغاء مرضات الله فسوف نؤتيه اجرا عظيما - 00:22:40ضَ

اللي بيعمل حاجة غلط عارف انها غلط فمش بيخطط لها في العلن ابدا بيتكلم في السر وبيخطط في السر وبيبيت الامر. الجماعة بنوا ظفر اللي جادلوا عن طعمة ابن ابيرق - 00:23:05ضَ

وراحوا حاولوا يقنعوا النبي لما خططوا لده كانت هناك نجوى يعني كلام في السر ولما ذهبوا للنبي صلى الله عليه وسلم كلموه على جنب. مش هيكلموه في الموضوع ده قدام ابو بكر ولا عمر ولا علي ولا عائشة - 00:23:24ضَ

نجوى على جنب كده وقفوا يتكلموا معه لانهم ساعتها اي حد من الصحاب الكبار دول كان هيقف ضدهم ويزعق خدوا النادي على نجوى هنا القرآن الكريم بيعلمنا درس في منتهى الموضوعية. نقرا الاية كده مع بعض - 00:23:41ضَ

حاول تفهم الموضوعية ايه هو الدرس اللي بتاخده من الاية؟ لا خير في كثير من نجواهم معظم النجوى اللي عند الناس اللي هو الكلام في السر ده ما فيش فيه خير - 00:23:57ضَ

الا من امر بصدقة او معروف او اصلاح بين الناس ومن يفعل ذلك ابتغاء مرضات الله فسوف نؤتيه اجرا عظيما ايه الدرس بقى؟ الدرس الاية بتقوله هو انه مش معنى ان التخطيط للشر بيتم في السر يبقى كل الكلام في السر غلط لأ - 00:24:11ضَ

يا جماعة ما ينفعش ان احنا حكمنا على الامور يبقى سطحي كده الكلام في السر بقى حرام عشان اللي بيخططوا للشر بيكلمه في السر لأ لما حد بيعطي صدقة باخلاص بيعطيها في السر - 00:24:33ضَ

لما حد يأمر بصدقة يقول لحد كده انت ربنا فاتح عليك ومعك قرشين. طلع بقى كده زكاة ووزع على الناس الغلابة بيقول كذا في السر حد يأمر بمعروف بينصحوا ينصحه في السر - 00:24:51ضَ

لان النصيحة على الملأ فضيحة وممكن المنصوح ما يقبلش النصيحة من الناصح لما تبقى قدام الناس ويكسف الناصح ويقول له انا ما طلبتش منك نصيحة ان عادة الناصح بينصح لما يعني مين اللي بينصح مين ؟ اللي عنده علم اكثر بينصح اللي عنده علم اقل - 00:25:08ضَ

واللي عنده خبرة اكثر بيمسح اللي عنده خبرة اقل فالناصح دايما بيزهر بمزهر الاكثر علما والاكثر خبرة والمنصوح بيزهر بمظهر الاقل علما والاقل خبرة ربنا قال ومن يفعل ذلك ابتغاء مرضات الله. فسوف نؤتيه اجرا عظيما لان ممكن جدا الامر بالصدقة - 00:25:32ضَ

او بالمعروف او الاصلاح بين الناس ما يكونش لوجه الله ولا حاجة. يكون لوجه المجتمع يكون عشان الظهور بمظهر العالم والمصلح والخبير ولما حد بيصلح بين الناس يا جماعة لازم برضو يصلح في السر - 00:25:58ضَ

يروح لدهن في السر كده ويقول له ايه ده نجوى. نجوى بس كويسة على فكرة فلان بيحترمك جدا بس هو الموضوع فيه سوء تفاهم فانت لما تقابله بكرة بلاش تتفاداه بالعكس سلم عليه واشرح له على طول حقيقة اللي حصل وهتشوف انه هيتفهم جدا - 00:26:14ضَ

يقوم رايح للتاني في السر ويقول له على فكرة لعلمك فلان ده بيعزك جدا والموضوع ده سوء تفاهم. فلما تقابله بكرة ما تصدهوش لو كلمك. اسمع منه وحكم عقلك وضميرك - 00:26:29ضَ

ويقوموا الاتنين يتقابلوا ويتكلموا ويتصالحوا وده تم عن طريق النجوى. الكلام في السر يبقى مش عشان النجوى او الكلام في السر بيحصل فيه حاجات غلط يبقى النجوى نفسها غلط بالعكس. ده ربنا امر بان احنا يكون عندنا نجوى في الامور دي - 00:26:43ضَ

لما تروح تقول له تنصح واحد انه يطلع صدقة؟ ما تنصحوش الا نجوى. بينك وبينه عشان يتقبل منك وهكزا عاملين بالزبط زي مسلا ايه الناس اللي راحت حرمت سواقة المرأة للسيارة عشان ممكن تعمل بها حاجات غلط ويحسب من وراها مفاسد طب ما هو ممكن تعمل بها حاجات صح - 00:26:58ضَ

ويحسب من وراه منافع ولكن لأ ما هو برضو درق المفسدة مقدم على جلب المصلحة. لا الكلام ده مش صح مش على اطلاقه يعني مش اي مفسدة ومش اي مصلحة. هناك مفاسد صغيرة وهناك مصالح كبيرة. دار المفسدة الصغيرة لا يقدم على جلب المصلحة الكبيرة - 00:27:19ضَ

المهم القرآن هنا بيعلمني الموضوعية. ما تبقاش متشدد. مش عشان وسيلة ممكن تؤدي الى شر تمنعها تماما. بينما هي ممكن تستخدم في تحقيق مصالح وهنا هي النجوة. النجوى ممكن تستخدم في تحقيق مصالح - 00:27:36ضَ

ادوا يا جماعة كل حاجة وزنها الحقيقي. القرآن بيشكل شخصيتك. بيشكل طريقة تفكيرك. بس لو تقرأه بتدبر. مش تقرأه زي تمام اللهم انا نسألك حبك وحب من يحبك وحب كل عمل يقربنا الى حبك - 00:27:53ضَ

اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظبأ. اللهم حببنا اليك والى ملائكتك - 00:28:11ضَ

انبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعباد الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم رابعا - 00:28:30ضَ

قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون - 00:29:00ضَ

فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل ولا حول ولا قوة الا بك - 00:29:26ضَ

اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة في فلسطين اللهم سدد رميهم وخيب رمي عدوهم. وتقبل شهداءهم وكن مع اخواننا في تركستان الشرقية وفي الشام - 00:29:47ضَ

وفي كشميرة وفي الهند وانصر يا رب من نصرهم. واخذل يا رب من خذلهم وطهر المسجد الاقصى من الدنس فانهم لا يعجزونك. واكتب يا ربنا ختم القرآن فيه. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من - 00:30:07ضَ

اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل ومن لم يصب به فقه شره وابعده عنه ولا تسلطه الا على اعدائك واعداء دينك واعداء اوليائك - 00:30:27ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها - 00:30:46ضَ

بها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم ونعم النصير. وصل اللهم وسلم على سيدنا محمد وعلى اله وصحبه ومن تبع هداه - 00:31:06ضَ

السلام عليكم ورحمة الله نراكم غدا باذن الله في نفس هذا الموعد ان كنا من اهل الدنيا - 00:31:36ضَ