Baheth

قولي السلام عليكم ورحمة الله وبركاته. اهلا بحضراتكم في المقطع رقم تمنمية وستين من مقاطع حظر التجول والحلقة السابعة والاربعون من حلقات تدبر سورة النساء قلنا في الحلقة الماضية اننا هنجد احيانا القرآن الكريم - 00:00:00ضَ

بيقول ولله ما في السماوات والارض واحيانا ولله ما في السماوات وما في الارض فيؤكد على مسألة الارض كمان فيحط لها ما ما في السماوات والارض نفس المعنى بتاع ما في السماوات وما في الارض. لكن في توكيد هنا في تأكيد على مسألة والارض كمان يعني - 00:00:31ضَ

وقلنا نتدبرها وتقولوا لنا رأيكم فيها. والناس كتبت طبعا الحمد لله كلام كويس جدا لما نجمع السياقات اللي وردت فيها ونقارنها هنجد ولله ما في السماوات والارض بتذكر عادة للدلالة على ملك الله للسموات والارض بشكل عام - 00:01:01ضَ

ولكن ولله ما في السماوات وما في الارض فيها تأكيد على ملك الله لكل ما في الارض ايضا كما انه ملك لكل ما في السماء او مالك كل ما في السماء - 00:01:25ضَ

لزلك دايما هتجدوها في سياق الكلام عن الامور الدنيوية. والامور الارضية وعن الانسان وعن اعمال الانسان اللي في الدنيا بينما التعبير اللي ما فيش فيه تأكيد قبل الارض ما يعني ولله ما في السماوات والارض - 00:01:43ضَ

هتجدوه عادة بيجي في سياق الكلام عن الامور السماوية والوحي وانزال الكتب وهكزا خلاص؟ روحوا بقى بالكلمتين اللي قلته لكم دول وهم في دماغكم كده شوفوا السياقات دية وردت دايما ده بيجي في اي سياق هذا التعبير وفي اي سياق هذا التعبير. وعلى فكرة احنا بكرة عندنا ايتين فيهم عايرت فيهم ولله ما في السماوات وما في الارض - 00:02:04ضَ

مرتين اقرا بقى معي الاية مية سبعة وعشرين اعوذ بالله السميع العليم من الشيطان الرجيم ويستفتونك في النساء قل الله يفتيكم فيهن وما يتلى عليكم في الكتاب في يتامى النساء اللاتي لا تؤتونهن ما - 00:02:29ضَ

كتب لهن اللاتي لا تؤتونهن ما كتب لهن وترغبون ان تنكحوهن والمستضعفين من الولدان وان تقوموا لليتامى بالقسط وما تفعلوا من خير فان الله كان به عليما. حلو اوي يستفتونك - 00:03:01ضَ

يعني بيطلبوا منك الفتوى. انك تفتيهم يبين لهم الصح من الغلط في امور النساء وسبحان الله كلمة يتامى النساء رجعتنا لايه بص كده اهو الاية بتقول ويستفتونك في النساء قل الله يفتيكم فيهن وما يتلى عليكم في الكتاب - 00:03:31ضَ

ابي في يتامى النساء يتامى النساء دي رجعتني لايه ؟ تلاتة هي تلاتة اللي فيها ذكر اليتيمة وان خفتم الا تقسطوا في اليتامى فانكحوا ما طاب لكم من النساء صح - 00:03:56ضَ

يبقى بص بقى الجمال بص الجمال ده ربنا بدأ السورة بذكر احكام تخص حقوق الضعفاء والمظلومين في الجاهلية. بالتحديد. اليتامى النساء وكانوا بيظلموا في الميراث وفي المهور وفي حقوقهم عموما - 00:04:20ضَ

فربنا ذكر احكام كثيرة تخصهم مواريث وحاجات كده. هم ثم توعد بالنار الظالمين اللي هيظلموهم ووعد بالجنة المتقين العادلين اللي هيرعوهم حلو؟ طيب ثم رجع جاب لنا سبب ذكر هذه الاحكام بقى دلوقتي وبين لنا - 00:04:43ضَ

ان الصحابة هم اللي سألوا وهم اللي طلبوا الفتوى ويستفتونك في النساء فالاية دي لو انت عاوز تحطها في اول الصورة هتتحط في اول الصورة وتمشي بمنتهى الوضوح موضحة ان الصحابة سألوا عن وضع النساء - 00:05:08ضَ

فربنا اداهم كل الاحكام اللي جت في اول السورة دي وان الاحكام اللي جت في اول السورة دي كلها دي اجابة على سؤال الصحابة يستفتونك يستفتونك على فكرة يستفتونك جت جت مرتين في القرآن الكريم. والاتنين - 00:05:36ضَ

في سورة النساء لكن فيه خمستاشر مرة جت يسألونك هنتكلم في ده بعد اخر الحلقة خالص هتكلم في الحتة دي معكم طب ما دي حاجة غريبة انتم ليه بتسألوا في امور ربنا ما اتكلمش فيها - 00:05:58ضَ

ليه بتفتحوا على نفسكم فتحة؟ ما تخليكم ساكتين طالما ربنا ما الزمكمش بحاجة لأ ده دليل على مدى التقوى اللي عند الصحابة الصحابة عندهم تقوى خايفين يكونوا بيعملوا اي حاجة تغضب ربنا - 00:06:17ضَ

فكانوا يسألوا عن اي شيء بيحييك في صدرهم يبقى ويستفتونك في النساء. دليل على ان الرجال المسلمين بين الصحابة كان عندهم شعور بان حال النساء في الجاهلية مش صح وانهم كانوا مظلومين - 00:06:36ضَ

وكانوا يريدوا اللي طالب بحقوق النساء هم الرجال رجال الصحابة. يريدوا شرع الله في هذا الامر عشان لا يأتي احد منهم يوم القيامة ظالم يبقى تحرير المرأة في عصر الرسالة جاء بطلب من الرجال - 00:07:01ضَ

ده اللي التقوى بتعمله ان كل واحد يفكر في مصلحة الاخر مش مصلحة نفسه يفكر يفكر في حقوق الاخر اللي هي واجباته ناحيته تمام علشان لا يسأل عن حقوق احد عنده يوم القيامة - 00:07:21ضَ

اقرأ بقى معي كده شوفوا يا جماعة التفكر والتدبر ده من اروع ما يمكن. لانه بيوضح لك امور وابعاد يعني كل اية لها ابعاد كثيرة جدا بالزات من ناحية الشعور والمشاعر. يعني كلمة ويستفتونك في النساء مش لازم تعدي عليكم ابدا. لازم تقفوا عندها لازم تفكروا عندها - 00:07:43ضَ

اقروا معي ما انا هحاول اهدى شوية انا قلت هتكلم النهاردة زي البريطانيين من اولها دخلت مصري ويستفتونك في النساء. قل الله يفتيكم فيهن وما يتلى عليكم في الكتاب في يتامى النساء اللاتي لا تؤتونهن ما كتب لهن وترغبون ان تنكحوهن. في الجاهلية كان لما - 00:08:08ضَ

راجل يموت بيجي حليفه يعني صديقه المقرب انا هكلمناكم عن موضوع التحالفات اللي كانت بتحصل وان الراجل يحط ايده في ايد الراجل ويقول له انا دمي دمك وعيلتي عيلتك وآآ عقلي عقلك يعني - 00:08:33ضَ

انا اعقلك وانت تعقلني. يعني لو انا عملت مشكلة وهيتطلب مني آآ آآ دية او تعويض انت هتخش تسد بفلوسك وانا اخش اسد عندك كان بيتعمل كده نوع من انواع الموالاة اسمها الموالاة - 00:08:48ضَ

ففي الجهرية لما واحد من دول كان يموت ييجي الولي بتاعه اللي هو عنده موالاة معه حليفه ياخد باله من عياله من ضمن عياله بنته اليتيمة اللي عندها فلوس هتقول لي ما هم ما كانوش بيورسوا النساء يقول لك لأ. ما في بقى البنت اللي كان ابوها يحبها دلوعة ابوها كان بيوصلها - 00:09:02ضَ

ثروة بيوصي لها بشيء مش كل البنات ما كانوش بيورسوا يعني بس كان الامر متروك لايه؟ لمزاجه الايه؟ الاب يعني فييجي صديقه اللي هو حليفه ده لما البنت تكبر وتبلغ - 00:09:26ضَ

ويشعر ان هيجي لها عريس ويتجوزها من جواه هو طمعان في الفلوس البنت كبرت ولو اتجوزت وتركت البيت هتاخد مالها اللي هو بيرعاه والمالها بتاع مالها مختلط بماله ما احنا قلنا معزم الناس دي كان عندها الاموال - 00:09:46ضَ

بتاعتها في شكل آآ جمال او آآ او آآ آآ خرفان وقطيع من الحاجات دي فهو عنده عندها خرفان ومعروف بس النسبة كم الى كم وخلاص عنده جمال وهي عندها جمال معروف النسبة لكن كله مختلط فعشان ييجي بقى حد - 00:10:06ضَ

ياخد البنت بسروتها دية مشكلة بالنسبة له هو عينه على ايه؟ عينه على الفلوس ومش عاوز يرجع المال هيعرض ان هو يتزوجها المفروض ان هو الولي بتاعها. يعني لما يتقدم لها عريس يجلس معه - 00:10:26ضَ

ويشوف مناسب ولا مش مناسب ويعمل له كده انترفيو وهيديها مهر قد ايه ويجيب لها حقها منه عشان ما فيش راجل ييجي يضحك عليها يرعى مصالحها هو الولي. طب ازاي يبقى هو نفسه العريس؟ وهو الولي في نفس الوقت ده تضارب مصالح. مش في مصلحة البنت. مش في مصلحة البنت - 00:10:44ضَ

الولي بتاعها يبقى هو عريسها هتنزل الاية تلاتة في سورة النساء وان خفتم الا تقسطوا في اليتامى فانكحوا ما طاب لكم من النساء ما حبكش البنت دي بالزات الستات كتير - 00:11:04ضَ

مثنى وثلاثة ورباع رح اتجوز اتنين تلاتة اربعة بس ابعد عن اليتيمة اللي انت مؤتمن عليها دي فان خفتم الا تعدلوا فواحدة او ما ملكت ايمانكم ذلك ادنى الا تعولوا. طب احنا اتكلمنا خلاص بقى في الموضوع ده واتكلمنا في التعدد والشرط هو العدل - 00:11:26ضَ

وكل ده. خلاص ولما اتوقعتوش انكم هتعدلوه يبقى واحدة بس والكلام ده كله واتكلمنا برضو انه لو هو عاوز يتزوجها هيبقى مهر المثل مهر المثل يعني معروف البنت اللي زي ديه بتتجوز وبيدفع لها مهر كم في المجتمع هو ده اللي هيدفعه. طالما ان هي ما لهاش ولي - 00:11:44ضَ

كل كل ده احنا مش هنعيده تاني بقى نرجع بقى دلوقتي للاية بتاعتنا مية سبعة وعشرين تاني ويستفتونك في النساء قل الله يفتيكم فيهن وما يتلى عليكم في الكتاب في يتامى النساء اللاتي لا تؤتونهن - 00:12:08ضَ

ما كتب لهن وترغبون ان تنكحوهن ربنا افتاكم في النساء اليتيمات الغلابة اللي عاوزين تتجوزوهم يا رجالة ما ده اللي كان بيحصل في الجاهلية. وده اللي الصحابة ما كانش عاجبهم - 00:12:30ضَ

خلي بالكم لكن عايزين تشريع ينهي الكلام ده عشان ما حدش يفكر ان ده يرجع تاني الكلام ده يبقى ده كان بيحدس هنا في الجاهلية. والصحابة ارادوا التشريع ده. اه - 00:12:44ضَ

اللي عايز يرجع للقصة دي بتاعة مهر المثل وبتاع يا جماعة يرجع للحلقات الاولى للصورة. عشان بس ما نعيدش كله تاني. طيب فربنا بيقول ربنا افتاكم في اليتامى والاولاد الضعاف اللي انتم بترعوا اموالهم. وافتاكم في النساء. فتخيل بقى يتامى النساء - 00:12:59ضَ

يعني ده ضعف مركب وقال لكم ازاي اليتامى هتردوا لهم اموالهم؟ ومتى ترد اموالهم؟ وطريقة اختبار النضج العقلي بتاعهم عشان ما حدش ينصر عليهم بمجرد ان هم لما يكبروا يبلغوا تديهم فلوسهم ما حدش يروح ينصب عليهم. فكل ده ربنا احنا شرحنا الكلام ده قبل كده - 00:13:17ضَ

والمستضعفين من الولدان وان تقوموا لليتامى بالقسط وما تفعلوا من خير فان الله كان به عليما هذا الخير الايتام ده خير كبير جدا. ربنا هو اللي عالم به وما تفعلوا من خير فان الله كان به عليما - 00:13:38ضَ

لما موزف عندي في الشركة نعمل شغلانة احتراف ويعملها كويس اقول له انا عارف انت تعبت قد ايه واسكت يعني مش هقول لك مكافأتك هتبقى عاملة ازاي. يعني هخليها مفاجأة. هتركك تتخيل. ما ينفعش بعد كده ادي له مكافأة صغيرة - 00:14:12ضَ

ده دليل ان المكافأة هتبقى غير متوقعة غير معتادة عشان كده انا خبيتها ولم اذكرها يبقى لما ربنا يقول وما تفعلوا من خير فان الله كان به عليما. ده وعد - 00:14:35ضَ

وعد وكناية عن عظم الثواب. ده وعد بثواب عظيم اقرا بقى من مية تمانية وعشرين لمية وتلاتين وان امرأة خافت من بعد وانا اسف. دايما باغلط في الايات عشان حفزتها غلط وانا صغير. وان امرأة خافت من بعلها - 00:14:54ضَ

نشوزا او اعراضا فلا جناح عليهما ان يصلحا بينهما صلحا. والصلح خير واحضرت انفس الشح وان تحسنوا وتتقوا فان الله كان بما تعملون خبيرا ولن تستطيعوا ان تعدلوا بين النساء ولو حرصتم فلا تميلوا كل الميل فتذروها - 00:15:18ضَ

المعلقة وان تصلحوا وتتقوا فان الله كان غفورا رحيما وان يتفرقا يغني الله كلا من سعته. وكان الله واسعا حكيما تعالوا نشوف مية تمانية وعشرين. يا جماعة عشان كده بنقول - 00:15:46ضَ

الحفظ ييجي على نضافة بعد ما الناس تتعلم التلاوة صح تحفز صح لكن اللي بيحفز غلط من صغره يعني بيبقى صعب انه يصلح وان امرأة خافت من بعلها نشوزا او اعراضا فلا جناح عليهما ان يصلحا بينهما صلحا - 00:16:08ضَ

صلح خير. طيب ايه يا جماعة الناس بتتزوج وبعد فترة بتتغير الزوج بيتغير الزوجة بتتغير الطباع بتتغير الحالة المادية بتتغير. الحالة الجسمانية بتتغير في اللي بيتخن خمسين كيلو وحاجات كده. والحالة النفسية بتتغير - 00:16:31ضَ

فالاسباب اللي من اجلها تزوجوا بعض وهم صغيرين عندهم عشرين واتنين وعشرين وخمسة وعشرين دقيقة بتتغير عند النساء وعند الرجال فالاسباب بتذهب اللي هم متجوزين عشانها اصلا وبيحصل ما نسميه بقى ازمة منتصف العمر - 00:16:57ضَ

بيحصل عند النساء قرب الاربعين تلات اربع سنين. بتحصل عند الرجالة قرب الخمسين. تلات اربع سنين وبينتج عن كده طلاق وهدم بيوت الاسلام دين واقعي جدا وبيراعي هذه التغيرات وان كان الطلاق جائز الا ان الاسلام لا يدعو الناس للتسرع في اللجوء الى الطلاق الا بعد - 00:17:18ضَ

بعد استنفاذ كل المحاولات للحفاظ على البيت لذلك شفنا حالة النشوز في الاية اربعة وتلاتين ازا كان سيصدر من المرأة وربنا قال للرجال كيف يتعاملوا مع هذا الوضع بطريقة تجعل الطلاق هو اخر ملجأ - 00:17:47ضَ

وجبنا معنى النشوز من الاية مية سبعة وعشرين احنا في وهكزا مية تمانية وعشرين الف ما يحدث كثيرا بقى. بس انا برضه مش عايز ارجع واعيد تاني كلام قلناه قبل كده - 00:18:10ضَ

ما يحدث كثيرا بقى هو ان الراجل بينشذ بعد فترة من الزواج بيفتر بيتغير بيبدأ يرغب في الارتباط بامرأة اخرى فلو تزوجها قد ينشز. يعني يميل اليها اكثر من الاولى - 00:18:26ضَ

يميل اليها في النفقة اكثر. يميل اليها في المبيت عندها اكثر. يميل اليها في تمضية الوقت معها اكثر. يميل اليها في القيام بواجباتي الزوجية اكثر هنا بتحصل مشكلة وهي ان الشرط اللي اشترطه ربنا للتعدد هو العدل بين الزوجات والا يبقى واحدة بس. اهي الاية تلاتة - 00:18:47ضَ

وان خفتم الا تقسطوا في اليتامى فانكحوا ما طاب لكم من النساء مثنى وثلاث ورباع فان خفتم الا تعدلوا فوائد واحدة او ما ملكت ايمانكم في ناس فاهمين فواحدة يعني خلاص يبقى خليك بالاولى. لأ ما هو ممكن برضو فواحدة عنده انه يطلق الاولى والتانية تبقى هي الواحدة - 00:19:11ضَ

هنا الراجل سيخشى انه لا يعدل ويأتي يوم القيامة شق مائل لان ده ورد في حديث اللي جاي يوم القيامة لم يعدل بين زوجتيه الشق بيبقى مائل او بين زوجته شقه بيبقى مائل. هيحاسب على عدم العدل بين زوجاته. فهيفكر في ايه الراجل انه يطلق الاولى بقى خلاص - 00:19:32ضَ

اضمن له الطلاق اولا جائز مش معصية في نفس الوقت مع واحدة بس ما فيش خوف من انه يلاقي وزر على عدم العدل يوم القيامة فيبقى الاضمن اضمن سيناريو بالنسبة له انه يطلقها - 00:19:53ضَ

او يتركها وخلاص يبقى معه واحدة بس فعشان الاسلام يتفادى هذا الشكل في التفكير الاسلام بيخاطب هنا المرأة ويخاطب الرجل بيقول للمرأة الاولى لو عاوزة تستمري في هذا الزواج تستطيعي ان تدخلي في - 00:20:10ضَ

اتفاق جديد مفاوضات جديدة مع الراجل تعيدوا انتم الاتنين الاتفاق بطريقة لا تجعله يختار الطلاق وممكن ببعض المرونة منك تبقي على هذا الزواج وده مش حرام وتقدري تعملي كده ثم خاطب الرجل وقال له وانت ربنا مش هيحاسبك على شيء مش في استطاعتك - 00:20:33ضَ

الامور المادية فقط من ناحية الانفاق والمبيت والكلام ده يعني حتى لو مش بالعدل طالما بالتراضي بينك وبين زوجتك الاولانية وفيه شروط جديدة هي موافقة عليها ربنا هيقبل زلك. خلاص - 00:20:56ضَ

طيب فالايات هنا بتدور حوله جواز انه يجوز اعادة التفاهم بعد فترة من الزواج حول شروط الحياة وشروط الزواج في زل وجود طرف تالت اللي هو زوجة ايطالية ده كله للحفاز على البيت - 00:21:12ضَ

وما فيش حد بيجبر فيجوز اعادة الاتفاق على شروط جديدة بعد عشرين تلاتين سنة. عايشين بشروط معينة اه لكنها مش مقدسة. وان كانت هي الاصل لكن طالما الناس تغيرت من ناحية بعض - 00:21:36ضَ

واصبح هدم البيت وارد ربنا هنا بيجيز للمرأة ويجيز للرجل انهم يقعدوا يعيدوا الاتفاق تاني للابقاء على البيت ممكن الزوجة تقول له بص ما تطلقنيش خليني على زمتك انا هخفف عنك بعض الاعباء من ناحيتي - 00:21:53ضَ

ساسقط عنك مسلا المؤخر اللي عليك باقي المهر اللي انت ما دفعتوش او مسلا لن اتمسك بحقي كله في القسم القسم يعني ان كل حاجة تبقى بالنص بيني وبين الجديدة. يعني مش لازم تمضي آآ نص الاسبوع هنا ونص اسبوع هنا انا شخصيا يكفيني اشوفك مرتين في الاسبوع بس - 00:22:11ضَ

ممكن مش محتاجة التلات تلاف جنيه بتوع مصروف البيت انا يكفيني الف وخمسمية بس. فممكن تبقى فليكسبل بقى شوية عشان لو ده لو ازا ارادت انها ايه ان هذا الامر يستمر - 00:22:29ضَ

اقرا بقى الاية مية سبعة وعشرين وان امرأة خافت وان امرأة خافت من بعلها نشوزا او اعراضا فلا جناح عليهما ان يصلحا بينهما صلحا والصلح خير. اولا البعل امرأة خافت من بعلها البعل هو الزوج الذي دخل بزوجته - 00:22:43ضَ

لكن الزوج الذي لم يدخل وكاتب كتابه بس ما اسموش بعل والدليل سورة البقرة ميتين تمانية وعشرين وبعولتهن احق بردهن في ذلك ان ارادوا اصلاحا. يعني الازواج اللي بيطلقوا من حقهم يرجعوا زوجاتهم لعصمتهم في فترة العدة. ده الازواج اللي دخلوا بزوجاتهم لماكن الزوج - 00:23:07ضَ

اللي كتب كتابه بس وبعدين طلق في كتب الكتاب مش من حقه يرجع. خلاص عايزة ترجع عشان ترجع تاني لازم اتفاق جديد لازم عقد جديد لازم توافق من اول وجديد ولازم مهر جديد. كل حاجة من ايه؟ كل حاجة جديد في جديد. طيب - 00:23:31ضَ

وان امرأة خافت من بعلها نشوزا او اعراضا خافت يعني توقعت نشوز انه يميل لاخرى ويميلها اعراضا انه يعرض عنها ويترك البيت خلاص هيترك فلا جناح عليهما اي يصلح بينهما صلحا - 00:23:49ضَ

والجمهور قرأ ان يصالح بينهما صلحا يعني ورش يقرأ اي اصطلح الجمهور كله يعني ستة من العشرة يعني هم الاتنين يجوز يقعدوا يتفاهموا حول شروط جديدة يعيشوا بها صلحا ويتصالحا - 00:24:17ضَ

معناها مش ان مسلا آآ آآ اتنين متخاصمين يقوموا يحضروا بعض ويعيطوا لأ ده مش معناه صلح. الصلح يعني اتفاق اتفاق جديد بشروط جديدة اما اقول انا اتصالحت مع جاري على قطعة الارض اللي بينا يعني اتفقنا على شروط بتزيل الشد والجزب اللي بينا - 00:24:38ضَ

ادنى شروط للصلح. فالصلح ده عبارة عن عقد بل ربنا بيشجعنا على هذا الخيار وبيقول والصلح خير. احسن من الطلاق ربنا يكره جدا انه يشوف بيوت بتتهدم وزي ما خاطب المرأة وقال لها خليكي مرنة عشان البيت يستمر. خاطب الرجل وقال له - 00:25:03ضَ

ما تبقاش بقى متهور وتهد البيت. لو كان خوفك من الحساب يوم القيامة انك مش هتقدر مش هتقدر تعدل بينهم وخايف انك تحاسب على الظلم فربك عالم بالطبيعة البشرية ديا وبص - 00:25:26ضَ

ولن تستطيعوا ان تعدلوا بين النساء ولو حرصتم. ربك عالم بهذه الطبيعة. مش هتقدر تتعادل في امور معينة قلبية فكون بقى ان ربك لا يظلم فتيل ونقير انت مش مطالب بكده - 00:25:42ضَ

انت اللي مطالب به العدل فيما تملك الامور المادية ولو انت هتقعد مع الاولانية وهتعيدوا الحسابات تاني وتعيدوا الشروط تاني مطالب انك تلتزم بالشروط اللي هتقولها لك لكن قلبك ونفسك بتميل للاتنين زي بعض لأ ده انت مش هتحاسب عليها - 00:25:58ضَ

ليك خلي بالك بقى مهم قوي يا جماعة عشان ناس كتير مش فاهمة الحتة دي حتى لو انت بتميل لواحدة اكثر من واحدة لا تظهر هذا الميل كان النبي صلى الله عليه وسلم يقول اللهم هذا قسمي مش قسمي قسمي يعني القسم بتاعي فيما املك وانت اعلم بما لا - 00:26:19ضَ

املك ربنا قال فلا تميلوا كل الميل فتذروها كالمعلقة. وان تصلحوا وتتقوا فان الله كان غفارا الرحيمة يبقى ولن تستطيعوا ان تعدلوا بين النساء ولو حرصتم. في حاجات قلبية مش هتقدروا تعدلوا فيها. لكن ما تروحش تزهروا هزا الكلام - 00:26:44ضَ

ما تروحش تظهر بالنسبة للامور المادية قالت انت ملتزمين بها خلاص لكن ما تبقاش الجديد عمال طول النهار تقول لها شعر وتسمعها اغاني وبتاع والتانية ما بتكلمهاش وما بتبصلهاش لأ - 00:27:10ضَ

فلا تميلوا كل الميل فتذروها كالمعلقة لا هي اسمها متجوزة ولا هي اسمها مطلقة. لأ. لازم تدرب نفسك على الاحسان. وعلى الكلام الحلو خلاص معقول خلاص هي تخنت خمسين كيلو. ومش عارفة تخسهم. مش كل ما تروح عندها بقى تعاملها معاملة سيئة وما تعبرهاش. لأ ده برضه ده عشرة عمر - 00:27:25ضَ

وام ولادك يعني الاسلام هنا بيدخل العامل ده ضروري. وان تصلحوا وتتقوا فان الله انا غفورا رحيما وان تصلحوا وتتقوا انك تصلح ما بينك وبين زوجتك الاولى ده من التقوى. انت تتقي الله فيها. يعني ربنا بيقول له ده انت تتقي الله في زوجتك - 00:27:46ضَ

وده يؤدي الى انك ها تنال المغفرة والرحمة من الله. عايز اكتر من كده ايه؟ فان الله كان غفورا رحيما. لما انت تصلح الامور بينك وبين زوجتك وتتقي الله فيها - 00:28:11ضَ

هنا في قصة مشهورة ذكرها الزمخشري الكشاف الشاف ده على فكرة من افضل كان الشيخ بتاعي دايما يقول الشيخ عبدالستار فتح الله انه لو نزعت منه الاعتزاليات لسارة افضل تفسير - 00:28:24ضَ

بصراحة مش عارف كده ليه اوي يعني بس يعني هو هو التفسير كويس التفسير لغوي يعني فهنا الكشاف بيزكر اه ان في راجل من الخوارج دميم جدا وشكله وحش اوي - 00:28:40ضَ

وزوجته كانت جميلة جدا فنظرت اليه يوما ثم قالت الحمد لله قال مالك فقالت حمدت الله على اني واياك من اهل الجنة ليه متأكدة كده قالت له لانك رزقت مثلي فشكرت - 00:28:53ضَ

وانا رزقت مثلك فصبرت وقد وعد الله بالجنة عباده الشاكرين والصابرين. طبعا هو مش صح انها تقول له كده في وشه كده. لكن بالطريقة دي يا جماعة الناس كانت عايشة راضية - 00:29:17ضَ

انظر دايما للجانب الايجابي في كل شيء لو زوجك او زوجتك فيها شيء سيء استحمل وتذكر ثواب الصبر لو زوجك او زوجتك فيها شيء جيد. اشكر ربنا وتذكر ثواب الشكر - 00:29:31ضَ

فربنا بيحذر هنا بقى الانفس الشح التي تبخل لا هي بتشكر ولا هي بتصبر ولا هي عندها اي مرونة للابقاء على البيوت ها واحضرت الانفس الشح هنجيب الاية اخر الاية مية تمانية وعشرين - 00:29:52ضَ

واحضرت الانفس الشح وان تحسنوا وتتقوا فان الله كان بما تعملون خبيرا دايما ربنا يحث الانسان على الاحسان الاحسان الى الناس وان الناس تتقي الله في التعامل مع بعضها. وان تحسنوا الى بعض وتتقوا تتقوا الله في بعض في تعاملاتكم مع بعض - 00:30:21ضَ

فان الله كان بما تعملون خبيرا صحيح ان الاسلام اجاز الطلاق. لكنه لان ده لان الطلاق ممكن ينهي مشاكل كبيرة لكن دايما الاسلام يجعل الناس تتفاداه فجعل حتى ان بعد الطلاق يجوز الرجوع في الطلاق. يجوز يعني يعود الزواج بنفس العقد ونفس المرض - 00:30:50ضَ

طالما في فترة العدة مرتين وبعد الطلاق التالت يحرموا على بعض الا بقى لو هي تزوجت من واحد تاني وحصل له حاجة ولا طلقها بعد مدة فده عشان الزوج اللي بيتسرع في الطلاق يتربى وياخد درس - 00:31:18ضَ

ما يتلاعبش بالكلمة دي. وحتى كمان بعد الطلاق ربنا جعل امر الاولاد اللي بينهم بالتشاور بينهم حتى في الامور البسيطة اللي زي فطام الرضيع. ربنا قال في الاية في سورة البقرة - 00:31:37ضَ

البقرة متين تلاتة وتلاتين فان اراد فصالا يعني فطام ان الطفل يبطل يرضع ويبدأ ياكل. فان اراد اراد مين؟ المطلق والمطلقة ده ده مش الزوجين لما ترجع للسياق هتجد ده واحد ومراته طلقوا بعض طلقوا. فربنا بيقول فان ارادا لازم الاب والام يتفقوا - 00:31:53ضَ

فصالا عن تراض منهما وتشاور فلا جناح عليهما. ايه ده! هم هيقعدوا ويتفاهموا مع بعض مع بعض وكلمة حلوة من هنا وكلمة حلوة من هنا والماية ترجع لمجاريها؟ ايوة طبعا - 00:32:15ضَ

ده في طفل حرام خسارة وكمان طفل صغير لسه بيرضع! لا لا لأ القرآن عايز يرجعهم لبعض فدايما القرآن يعطي كل الفرص الممكنة لعدم هدم البيوت بس خلاص لو الخلاف كبير - 00:32:31ضَ

والتغير اللي حصل منهم بقى في الفترة دي الشديد وبعض الناس كانت اصلا مستحملة لغاية ما الاولاد يكبروا لكن الرغبة في الاستمرار خلاص مش موجودة خلاص مين عارف يمكن ده يكون احسن للطرفين - 00:32:45ضَ

وان يتفرقا يغني الله كلا من سعته وكان الله واسعا حكيما لو ما فيش فايدة وهيطلقوا ربنا يغنيهم ويعوض عليهم هم الاتنين ودي حكمة ربنا وكان الله واسعا حكيما حكمة ربنا وهو واسع عنده ما يغني الجميع - 00:33:02ضَ

خلاص هديكم بقى واجب لبكرة في الاول قلنا عن يستفتونك وردت مرتين ويسألونك جت خمستاشر مرة في القرآن الكريم ايه الفرق بينهم؟ ليه هنا مش يسألونك؟ ليه يستفتونك تدبروها واكتبوا لي التدبرات بتاعتكم على الفيسبوك واليوتيوب فقط يا جماعة - 00:33:23ضَ

وخلوا بالكم من الاراء اللي بتشوفوها على الانترنت اللي بدون دليل مش بالضرورة ان اي حد فسر كده او قال كده يبقى يبقى صحيح خلاص؟ ده واجب ايه؟ لبكرة. ونتوقف هنا الليلة - 00:33:46ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا وامواتنا - 00:34:05ضَ

ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم اجعل - 00:34:25ضَ

حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهابهم همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:34:55ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حق حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياك - 00:35:17ضَ

لهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين - 00:35:37ضَ

اللهم سدد رميهم وخيب رمي عدوهم وتقبل شهدائهم. وكن مع اخواننا في تركستان الشرقية وفي الشام وفي كشميرا وفي الهند انصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا رب - 00:35:55ضَ

انا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها وادم ودها - 00:36:15ضَ

اديها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا رب بمعرفتك وامتها يا مولانا على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه - 00:36:37ضَ

السلام عليكم ورحمة الله. نراكم غدا بازن الله في نفس هذا الموعد ان كنا من اهل الدنيا - 00:37:02ضَ