Baheth

السلام عليكم ورحمة الله وبركاته. اهلا بحضراتكم في المقطع رقم تمنمية خمسة تسعين من مقاطع حظر التجول والحلقة الثانية والعشرون من حلقات تدبر سورة المائدة من اكتر الايات التي تستخدم في الهجوم على الاسلام والمسلمين خاصة في الغرب - 00:00:00ضَ

وازهارهم بمزهر انهم ما يقدروش يتعايشوا مع غير المسلمين في مجتمع واحد هي الاية واحد وخمسين من سورة المائدة واللي كتير من الناس الحقيقة فاهمينها غلط سواء مسلمين او غير مسلمين. اقرا معي كده الاية واحد وخمسين والاية اتنين وخمسين - 00:00:33ضَ

اعوذ بالله السميع العليم من الشيطان الرجيم يا ايها الذين امنوا لا تتخذوا اليهود والنصارى اولياء اه بعضهم اولياء بعض ومن يتولهم منكم فانه منهم ان الله لا يهدي القوم الظالمين - 00:00:55ضَ

فترى الذين في قلوبهم مرض يسارعون فيهم يقولون نخشى ان تصيبنا داء دائرة فعسى الله ان يأتي بالفتح او امر من عنده فيصبحوا على ما اسروا نادمين فيصبحوا على ما اسروا في انفسهم نادمين - 00:01:33ضَ

ويقول الذين امنوا الذين اقسموا بالله آآ هؤلاء الذين اقسموا بالله جهد ايمانهم انهم لمعكم هبطت اعمالهم فاصبحوا خاسرين طيب قلنا في حلقة سابقة انه كانت هناك علاقة اسمها علاقة الموالاة. يعني التحالف - 00:02:12ضَ

يصبح فلان مولى فلان او قبيلة بتوالي قبيلة حليفة لقبيلة فلما فلان يوالي فلان يدافعوا عن بعض آآ في في القتال آآ يدفعوا الديات غرامات اللي على بعض يساعدوا بعض فيها - 00:02:54ضَ

وكانوا حتى يرثوا بعض والموالاة دي نوع من الاخوة ونوع من العلاقة الحميمة جدا على مستوى الدول والامم الموالاة ايضا بمعنى التحالف والاعتماد على الاخر والدفاع المشترك والكلام ده كله - 00:03:13ضَ

وان الدولة آآ توالي دولة فتبدأ تعتمد عليها في اكلها وشربها وتسليح جيشها وتدريب جنودها وهكزا اقرأ كده معي واحد وخمسين يا ايها الذين امنوا لا تتخذوا اليهود والنصارى اولياء. بعضهم اولياء بعض. ومن يتولهم منكم - 00:03:31ضَ

فانهم فانه منهم ان الله لا يهدي القوم الظالمين اول حاجة نداء يا ايها الذين امنوا بيذكر به الله المؤمنين انهم هم اللي اتخذوا قرار الايمان وبالتالي هذا القرار له تبعات - 00:03:55ضَ

منها الاتباع والطاعة والامتثال لاوامر الله فعادة يأتي هذا النداء قبل الامر بشيء عظيم او النهي عن شيء كبير حاجة مهمة يا ايها الذين امنوا لا تتخذوا اليهود والنصارى اولياء. خلاص لا تتحالفوا معهم وتعتمدوا عليهم بعد ما شفتم في العشر - 00:04:15ضَ

اياتي السابقة كفرهم بالنبي عليه الصلاة والسلام وبالقرآن وكرههم للاسلام. ما ينفعش بعد كل ده نامن لهم في الامور الحساسة التي تمس امن المجتمع بعض الناس تشددوا جدا في معنى كلمة اولياء. فقالوا لأ معناها - 00:04:41ضَ

ان آآ آآ يكون معناها ان المسلم يواليهم في العقيدة فقط. يعني يبقى يعتقد ان معتقداتهم افضل من معتقد الاسلام طبعا ده بينتهي بالكفر. لان الانسان بيصبح زيهم في كراهية الاسلام - 00:05:00ضَ

آآ وتصبح الخطوة اللي بعدها انه يرتد عشان كده في الاية اربعة وخمسين ربنا تكلم عن الردة. الاية على طول اللي بعد المجموعة دي من الايات ربنا تكلم عن الردة. وقال - 00:05:24ضَ

يا ايها الذين امنوا من يرتد منكم عن دينه فيمت وهو كافر آآ من يرتد منكم عن دينه فسوف يأتي الله بقوم يحبهم ويحبونه اذا الموالاة معناها موافقتهم في كل شيء حتى العقيدة. ده فيه رأي من الاراء اللي هو تشدد قوي ان يعني الموالاة دي يعني لازم يبقى خلاص يعني واحد هيبقى مسيحي خلاص - 00:05:38ضَ

على النقيض من هذا الرأي رأي تاني بقى تشدد الناحية التانية. قال لك لا لا لا الموالاة دي هي اي مودة واي موادعة لهم يعني تعزم واحد منهم على العشاء انت كده بقيت موالي - 00:06:07ضَ

انت كده انطبقت عليك الاية ما ينفعش يبقى عندك اي علاقة صداقة بهم خالص طيب تعالوا بقى نناقش الرأي ده. عشان ده الرأي الحقيقة ايه؟ الرأي ان غلط يعني انا دلوقتي فاكر من حوالي اتناشر تلتاشر سنة كنت بصور مع استاز القانون الدولي في جامعة يو سي ال - 00:06:24ضَ

كولاجين في لندن اسمه دكتور فيليب سانز كنا بنصور معه فيلم الجهاد ضد الارهاب آآ واحنا بنصور معه في بيته هو بيتكلم بيقول في قدام الكاميرا اللي بيسأل عن الارهاب وقتل المدنيين الابرياء يروح يشوف العصابات اليهودية اللي كانت بتعمله - 00:06:49ضَ

وفي فلسطين اللي هي النهاردة بقى اسمها اسرائيل لما كانت بتفجر الفنادق ووسائل المواصلات انا وقفت التصوير قلت له دكتور رائع جدا لكن معلش ممكن نعيد التصوير تاني وبدل كلمة المنزمات اليهودية - 00:07:12ضَ

خليها المنزمات الصهيونية عشان بس ما نتهمش ان احنا معادين للسانية الراجل شبه طردنا من بيته خلينا انتم جبنا ما لكم خايفين كده يا ابني الاسلام هو اللي بيتهاجم انت ما انتاش معادي للسامية لما تقول المنزمات اليهودية - 00:07:30ضَ

ورح قل لهم ان انا يهودي نعم انت يهودي؟ قال لي اه انا يهودي انا ما كنتش اعرف ان هو يهودي بعد كده بعد ما خلصنا معه بعمل بحث عن الراجل ده - 00:07:50ضَ

لقيت له مواقف عجيبة جدا فاتح مكتبه سبيل دافع عن عشرة من معتقلين جوانتانامو مجانا كاتب كتابين اتحاكم بسببهم في امريكا كتاب اسمه لوليس ويلد يعني عالم بلا قانون. وكتاب اسمه توتشر تيم يعني فريق التعزيب - 00:08:02ضَ

اسبت في كتابين ودول ان جورج بوش رئيس امريكا في الوقت ده ودونالد رامز فيز اللي كان وزير الدفاع هم اللي كانوا على علم بالتعزيب اللي بيحصل في سجن ابو غريب - 00:08:24ضَ

وفي جوانتانامو وكشف فضيحة كبيرة جدا. اتحاكم بسبب الكلام داهو طيب اسأل سؤال بقى معلش. واحد زي ده يهودي وعمال بيدافع عننا. ده ما اقدرش اعزمه على العشاء زي اللي بيقول - 00:08:38ضَ

انا كده ببقى موالي لليهود والنصارى ما اقدرش اشكره ما اقدرش اجيب له ازازة آآ ريحة هدية ما اقدرش اشكر فيه قدام الناس واقول يا جماعة الراجل ده واقف معنا ازاي - 00:08:52ضَ

ازاي يقول لك ايوة انت هتعترض ولا ايه ؟ القرآن قال كده واضحة اهي. يا ايها الذين امنوا لا تتخذوا اليهود والنصارى اولياء. بعضهم اولياء بعض. ومن يتولاهم منكم فانه - 00:09:06ضَ

ان الله لا يهدي القوم الظالمين طيب اقول لك على حاجة انا عندي حالة تانية كمان المحامي بتاع معظم القيادات الاسلامية في امريكا اللي واجهت يعني تعنت واضطهاد قانوني شديد بعد حداشر سبتمبر - 00:09:21ضَ

ايام ادارة جورج بوش وكده يهودي محامي يهودي اسمه ستانلي كوهين الراجل ده متعاطف مع القضية الفلسطينية لاقصى درجة هو لسه خارج من السجن على فكرة هم استجنوه يعني فضلوا وراه لغاية ما لبسوه تهمة واتسجن آآ تمنتاشر شهر ولسه خارج من آآ من سنة كده - 00:09:38ضَ

دي صورته على تويتر صورته مع مين؟ مع الشيخ احمد ياسين وده قريب كان آآ القائد اسماعيل هنية بيسلموا آآ جايزة او حاجة زي كده لما كان بيزور غزة. الله - 00:09:59ضَ

واحد زي ده يهودي بس واقف معنا وبيدافع عننا واتسجن بسببنا وبسبب ارائه المؤيدة لنا. ده آآ يعني يعني لما يدخل السجن ما بعتش عيش وبيض ولبن لبيته عشان عياله ياكلوا يعني مسلا مش فاهم. ما اروحش ازوره في السجن - 00:10:20ضَ

هل معقول ده المنهي عنه في الاية؟ معقول ده ده في حالات كتير كلكم اكيد عارفينه يعني جامعات امريكا كلها مانعاه من الكلام دلوقتي. وقناة الجزيرة عملت عنه آآ آآ وثائقي فيلم وثائقي - 00:10:38ضَ

اسمه يهودي ضد التيار دكتور نور اوريكم صورته اهو. وهو بيتكلم في آآ في المؤتمرات بتاعته حاطط علم فلسطين وهو بيتكلم. ده يهودي امريكاني يا جماعة اعتقل اعتقل في اسناء المزاهرات اعتراضا على آآ ضرب غزة. الله! مش فاهم انا! لما يبقى واحد زي ده يهودي! وبيعتقل - 00:10:57ضَ

وهو بيدافع عننا وفي كل مكان بيدافع عننا وكلكم شفتم عند في فيديو مشهور له لما بتطلع آآ بنت آآ في جامعة آآ آآ بتقول له انا حاسة ان انا بيجي لي كوابيس بسبب كلامك وهيجي لي كوابيس وهاموت من كتر الكوابيس عشان خاطر اللهجة المعادية للسمية. قال لها باقول لك - 00:11:20ضَ

كفاية آآ دموع تماسيح دموع التماسيح دي انا لا احترمها ومش هتوقف. كلكم عندكم الفيديوهات دي. الله معقول دول هم دول اللي لما اودهم لما اشكرهم لما اعاملهم كويس يبقى يبقى يبقى انا كده آآ تنطبق علي اية دي يا ايها الذين امنوا لا تتخذوا اليهود والنصارى اولياء بعضهم اولياء بعض - 00:11:40ضَ

اولا ده طبعا كلام ربنا ولا يمكن يكون غلط لكن احنا فهمنا لكلام ربنا كثيرا ما يكون غلط بصوا بقى صلوا على رسول الله في قاعدة احنا في مؤسسة جسور اكتشفناها - 00:12:06ضَ

وهو ان لما تجد اية فيها حث على العنف او القتال او لها علاقة بموضوع العلاقة بالكفار او كده والناس اللي بيكرهوا الاسلام بيقدروا يطلعوا منها شبهات عشان يهاجموا بها الاسلام. ويبينوا العنف بتاعنا وعدم قدرتنا على التعايش مع الاخر وكده - 00:12:21ضَ

الرد على الشبهة دي بيكون في سياق صغير جدا سميناه بلس سفن ماينس سفن يعني ايه؟ يعني اطلع. سبع ايات لقدام او سبع ايات لورا. هتجد اجابة مع ان انا من حقي اقول لك خد القرآن كله من الفاتحة الى سورة الناس - 00:12:41ضَ

آآ سياق واحد وانا مؤمن حقول كده لكن انا مش محتاج اقول كده اي شبهة تخص الجهاد القتال العلاقة بغير المسلمين هتلاقي الاجابة عليها موجودة في سياق قصير جدا لو طلعنا لقدام ست ايات بس - 00:13:05ضَ

وقرينا الاية سبعة وخمسين قبل ما انتقل من واحد وخمسين هنقراها مع بعض واحد وخمسين وبعد كده نقرا سبعة وخمسين عشان خلوا واحد وخمسين في ذهنكم واحنا بنقرا سبعة وخمسين - 00:13:23ضَ

يا ايها الذين امنوا لا تتخذوا اليهود والنصارى اولياء. بعضهم اولياء بعض ومن يتولاهم منكم فانه منهم ان الله لا يهدي القوم الظالمين. اسمع بقى سبعة وخمسين يا ايها الذين امنوا لا تتخذوا الذين اتخذوا دينكم هزوا ولعبا من الذين اوتوا الكتاب من قبلكم - 00:13:38ضَ

كفار اولياء واتقوا الله ان كنتم مؤمنين تاني؟ طيب. يا ايها الذين امنوا لا تتخذوا ما قالش اليهود والنصارى. قال ايه بقى؟ الذين اتخذوا دينكم هزوا ولعبا من الذين اوتوا الكتاب من قبلكم اللي هم اليهود والنصارى. وكمان الكفار والكفار اولياء - 00:14:07ضَ

اتقوا الله ان كنتم مؤمنين. الاية دي مفسرة للاية واحد وخمسين اقول لكم على حاجة ناسخة للاية واحد وخمسين. بس الناس مش فاهمة معنى النسخ للاسف النهي هو عن اتخاذ الذين يسخرون من الدين ويستهزئون بديننا من الذين اوتوا الكتاب من قبلنا اللي هم مين؟ اليهود والنصارى - 00:14:29ضَ

وكمان الكفار عباد الاصنام والبوزين والهندوس واي دين تاني بقى ها هو ده المنهي عنه النسخ ليس الغاء حكم بحكم جديد فقط. مش شرط النسخ عند علماء السلف هو تخصيص العام - 00:14:55ضَ

او تفسير المبهم يعني اية عامة جت اية تانية تخصصها بقى اسمها ناسخة او اية مبهمة. جت اية تانية تفسرها بقى اسمها ناسخة. ناسخة مش بتلغي حكم. ناسخة يعني ايه؟ بتشرح - 00:15:17ضَ

صح اكتر بتشرح اكتر الاية سبعة وخمسين في حالتنا خصصت واحد وخمسين ازاي واحد وخمسين بتقول ايه يا ايها الذين امنوا لا تتخذوا اليهود والنصارى اولياء. الاية عامة جدا. اليهود والنصارى. عامة جدا - 00:15:40ضَ

يعني بتاع آآ تلاتة مليار في العالم دلوقتي الاية العامة دي قبلها على طول الحديث كله كان عن عيوب اليهود والنصارى والاخطاء اللي وقعوا فيها. كل فريق وقع في اخطاء عاملة ازاي - 00:16:04ضَ

تمام فكان جت جت سيرتهم عموما بطريقة عامة في الاية واحد وخمسين لكن تيجي بقى سبعة وخمسين تخصص النوعية اللي ممنوع ناخدها اولياء من اليهود والنصارى. فتقول لك ايه يا ايها الذين امنوا لا تتخذوا الذين اتخذوا دينكم هزوا ولعبا من الذين اوتوا الكتاب من قبلكم. اللي هم اليهود والنصارى - 00:16:24ضَ

والكفار اولياء يعني من الاخر كده خلوا عندكم كرامة ازاي تثقوا في ناس بتسخر وتستهزأ من دينكم وتروحوا تعملوا معهم تحالف عسكري او تحالف سياسي وهم بيسخروا من دينكم ولا حتى الموالاة بمعنى الصداقة. اللي ما يحترمش دينك تقطع علاقتك به تماما. مش هتاخده تعزمه على العشاء - 00:16:50ضَ

واتقوا الله ان كنتم مؤمنين اختار بين الايمان وبين موالاة الكافرين اللي بيسخروا من دينك احنا مش بنتكلم في مسألة فرعية دي مسألة اساسية تقدح في الايمان ثم علشان يقرفك بقى ويشعرك بالتقزز من موالاة الناس دول يقول لك ايه بص الاية تمانية وخمسين - 00:17:16ضَ

واذا ناديتم الى الصلاة اتخذوها هزوا ولعبا ذلك بانهم قوم لا يعقلون دول لما بيسمعوا الاذان بيقعدوا يتريقوا عليه ويسخروا من كلماته. يقولوا سامع الراجل اللي بينهق ده؟ سامع الراجل اللي بيجعر ده - 00:17:43ضَ

طبعا ما حدش هيسمع كلمات الاذان ويسخر منها الا لو كان عقله خفيف او اهبل الأذان له معنى عظيم معانيه جميلة عظيمة الله اكبر الله اكبر الله اكبر الله اكبر تبدأ في اول الاذان اربع مرات! الله اكبر يا جماعة - 00:18:02ضَ

بتترجم بالانجليزي بالغلط غلط او غلط تترجم الله ازكريتر ما بيترجموهاش كده. اسأل ما بيترجموهاش كده ليه؟ يقول لك عشان دي كده جملة ناقصة. طب ما هي بالعربي جملة ناقصة ايضا - 00:18:24ضَ

الله اكبر. لما اقول لك احمد اكبر. جملة ناقصة زي ما يقول لك احمد اكبر من عمرو احمد اكبر من اخيه الله اكبر ايوة فعلا جملة ناقصة لكن يكملها موقف - 00:18:46ضَ

ففي الحرب بنقول الله اكبر من هذا العدو لما ننتصر نقول الله اكبر من هذا النصر عشان ما نفرحش بنفسنا. لما بنطفي نار نقول الله اكبر من هذا الحريق الاذان الله اكبر بتناديك وتقول لك الله اكبر من التجارة اللي في ايدك من البزنس اللي في ايدك من اي عمل في ايدك دلوقتي بيلهيك عن الصلاة - 00:18:59ضَ

فالفكرة ان الاذان نفسه كلماته كلها جميلة. لها معاني عظيمة لن يسخر منها الا شخص متخلف حي على الصلاة حي على الصلاة اللي هي تواصل مع السماء حي على الفلاح يعني النجاح. ازا النجاح في الدنيا والاخرة متوقف على التواصل مع السماء - 00:19:21ضَ

حي على الصلاة حي على الفلاح تقرن النجاح بالتواصل مع السماء. حاجة جميلة قارن ده بقى بدق جرس الكنيسة نفخ البوق بتاع اليهود لاعلام الناس بالوقت. احنا مش بنتريق على حاجة لكن اللي بنقوله هل فيه مقارنة - 00:19:43ضَ

هل ممكن يسخر يهودي او مسيحي من كلمات الاذان الا اذا كان بجد مجنون كده ربنا قال واذا ناديتم الى الصلاة اتخذوها هزوا ولعبا ذلك بانهم قوم لا يعقلون نرجع بقى للاية اتنين وخمسين - 00:20:00ضَ

نقرا واحد وخمسين وبعد كده نقرا وراها ايه ؟ اتنين وخمسين معلش. هنقرا واحد وخمسين تاني معلش يا ايها الذين امنوا لا تتخذوا اليهود والنصارى اولياء بعضهم اولياء بعض. ومن يتولهم منكم فانه منهم - 00:20:25ضَ

ان الله لا يهدي القوم الظالمين لازم نفهم ان الموالاة درجات اعلاها الموالاة في الدين يعني الرضا بدينهم ان واحد مسلم يقول ان عقيدة اليهود والنصارى ما فيهاش مشكلة. وعارف انهم بيكفروه بالنبي عليه الصلاة والسلام. يعني بيعتبروه كذاب على فكرة. يعني معنى ان هم - 00:20:44ضَ

مش مؤمنين به يعني بيعتبروه كزاب بس خلاص. ما هو قال على نفسه نبي تقول لي لأ انا مش شايفه نبي بس انا بحترمه لأ ما فيش حاجة اسمها شايفه نبي وباحترمه. هو قال على نفسه نبي. لو انت مش مؤمن بكده يبقى انت بتكذبه خلص الموضوع - 00:21:06ضَ

بس كده وبيكفروا بالقرآن والمسيحيين بيؤلهوا السيد المسيح. وبيعتبروه ابن الله. واليهود بيكذبوه وبيعتبروه كذبوا ما هواش نبي اصلا بعد كل ده ترضى بهذه العقائد الفاسدة وتقول لي آآ انا شايف ان كله في النهاية طرق بتؤدي الى الله لا انا اسف - 00:21:21ضَ

دي موالاة اعلى اعلى درجة من درجات الموالاة هنا هي الرضا بالدين. الرضا بدينهم. يعني نحن لا نرضى عن عقيدتهم. ولكن جيرانا آآ معنا زملائنا آآ نعاملهم بالحسنى مطلوب امرنا ان احنا نعاملهم بالحسنى - 00:21:44ضَ

بالبر وبالقسط يعني بعد كده في موالاة التحالف السياسي والعسكري معهم ضد المؤمنين. ده برضو غير جائز انك تحالفهم بدون ضرورة او تحالفهم ضد المؤمنين خلاص؟ لكن لو فيه ضرورة اه لو فيه مصلحة ممكن - 00:22:07ضَ

لكن ما ترميش نفسك في عبهم. ما تبقاش ترمي باسرارك وتعتمد عليهم ربنا قال ومن يتولاهم منكم فانه منهم. يعني ايه فانه منهم؟ يعني يستحق نفس عقابهم يوم القيامة ان الله لا يهدي القوم الظالمين - 00:22:30ضَ

اللي بيعمل كده في نفسه هو اللي ظلم نفسه اقرا بقى اتنين وخمسين فترى الذين في قلوبهم مرض يسارعون فيهم. يقولون نخشى ان تصيبنا دائرة فعسى الله ان يأتي بالفتح او امر من عنده فيصبحوا على ما اسروا في انفسهم نادمين - 00:22:48ضَ

الذين في قلوبهم مرض دولم وناس ايمانهم ضعيف بيتأرجح بين الايمان والكفر كلمة تجيبهم وكلمة توديهم التطور الطبيعي بتاع الذين في قلوبهم مرض هو انهم لو ايمانهم لم يثبت هيبقوا منافقين - 00:23:10ضَ

في بلدنا في قلوبهم مرض دول بيتأرجحوا بين الايمان والكفر. لو لم يثبتوا على الايمان هيبقوا منافقين او يرتدوا دول بقى مش بيقدروا يتخلوا عن علاقتهم باليهود والنصارى. وبيستمروا في نفاقهم باستمرار - 00:23:26ضَ

كان في اتنين من كبار زعماء المدينة على علاقة تحالف وموالاة باليهود. هما عبدالله بن ابي بن سلول وعبادة بن الصامت. عبادة ابن الصامت اعلن ولاءه لله ولرسوله وترك التحالف مع اليهود - 00:23:45ضَ

رضي الله عنه وارضاه. بينما ابن سلول ما قدرش يعمل كده وقال انا محتاجهم ما حدش يعرف ايه اللي ممكن يحصل بالزات بعد هزيمة احد والاسلام كاد ان هو يستأصل في الاحزاب - 00:24:06ضَ

فقال لك مين عارف يمكن آآ قريش يهزموا المسلمين ويجتاحوا المدينة ساعتها انا هاحتاج يهود المدينة فالمنافقين وقفوا معهم طيب وتجد النهاردة المنافقين يقفوا معه حتى لو هيقفوا ضد الفلسطينيين - 00:24:24ضَ

يعني الفلسطينيين مسلا مش عاوزين يبيعوا بيوتهم ودكاكينهم اللي في القدس علشان اليهود ما يهودوش القدس ييجي المنافقين اللي بيحملوا اسماء عربية وجايين من دول عربية آآ دول مسلمين المفروض ها يشتروا هم البيوت والدكاكين من الفلسطيني اللي محتاج فلوس - 00:24:47ضَ

ها فيبيعها وبيبيعها العربي مسلم واذا بالعربي ده بعد كده يروح يبيعها هو لليهود فترى الذين في قلوبهم مرض يسارعون فيهم يعني يسارعون في ارضائهم ومساعدتهم وفي موالاتهم. يقولون نخشى ان تصيبنا دائرة - 00:25:07ضَ

الامور تتغير في العالم واحنا محتاجينهم عشان نفضل في مراكزنا وكراسينا في السلطة فعسى الله ان يأتي بالفتح او امر من عنده فيصبحوا على ما اسروا في انفسهم نادمين. عسى كلمة رجاء - 00:25:29ضَ

لما يقولها لمسلم يبقى بيرجو الله لكن لما الله يقول عسى يبقى للتحقق سيتحقق ربنا لا يرجو من احد فلما ربنا يقول عسى الله ان يأتي يعني سيأتي الفتح وامر من عنده - 00:25:46ضَ

لكن متى لا نعرف ربنا سيغير الاحوال بطريقة تجعل هؤلاء المنافقين يندمون على موالاتهم لليهود وللنصارى. طيب تلاتة وخمسين ويقول الذين امنوا اهؤلاء الذين اقسموا بالله جهد ايمانهم انهم لمعكم حبطت - 00:26:02ضَ

فاصبحوا خاسرين المؤمنين بيتعجبوا من حال المنافقين. وبيقولوا لبعض المؤمنين بيتكلموا في بعض اهؤلاء الذين اقسموا بالله جهد ايمانهم انهم لمعكم. بيتكلموا على المنافقين بقى دول اللي اقسموا بالله مية يمين - 00:26:35ضَ

جهد ايمانهم مية يمين. حلفوا الحلفانات كلها. قعدوا في كل المؤتمرات بتاعة الجامعة العربية. قعدوا في كل دوا. كم مرة يقعدوا ويحلفوا انهم لمعكم انهم معنا انهم زينا انهم مننا - 00:26:55ضَ

كل ده توكيد ان حرف توجيد لمعكم لام القسم وفي الاخر طلعوا منافقين وواقفين مع اعدائنا. فربنا يرد يقول حبطت اعمالهم فاصبحوا خاسرين يعني اي عمل صالح عملوه مش هينفعهم بحاجة يوم القيامة - 00:27:09ضَ

شايفة يبنوا بقى مساجد يتبعوا بقى مصاحف يوزعوا تمر في رمضان. يعملوا اللي هم عايزينه بقى في منافقين بيبنوا ملاجئ ايتام ويفتحوا مع جمعيات خيرية لكن نفاقهم وموالاتهم لاعداء الاسلام - 00:27:30ضَ

دليل عدم اخلاصهم وده بيلغي الثواب تماما بتاع الاعمال الخيرية اللي بيعملوها. حبطت اعمالهم. وكلمة حبطت دي من حبطة الناقة. يعني ايه؟ الناقة بتفضل تاكل تاكل تاكل بيجي لها مرض يجعلها ما تشعرش بالشبع. فتفضل تاكل - 00:27:47ضَ

تاكل تاكل وتموت بالتخمة فالتعبير بليغ جدا ليه الناقة لما بتفضل تاكل كتير كده وتنتفخ كرشها يكبر صاحبها لو عبيط بيفتكر انها عمالة تسمن ومش فاهم انها هتموت بالشكل دوا. لو واحد متمرس وفاهم الدنيا وفاهم في تربية الجمال يعرف ان الناقة دية مريضة ومش حاسة بالشبع - 00:28:07ضَ

لكن لو هو اهبل هيبقى فاكر انها عمالة تسمن دي بقى لما تدبح هترمي لحمة كتير وتجيب فلوس كتير وفجأة تموت قيمتها بتبقى صفر خلاص بتصبح ميتة فبتروح كل اماله. كذلك المنافقين هيروحوا يوم القيامة عندهم امل ان شوية الاعمال الخيرية اللي عملوها شوية الملاجئ الايتام اللي فتحوها شوية المصاحف - 00:28:33ضَ

اللي طبعوها هتنفعهم يوم القيامة لكن اعمالهم دي ستحبط كما كانت تحبط الناقة في الدنيا خلاص احنا فاضل لنا اختلاف قراءات في الاية اللي فاتت دي هشرحه لكم انا للاسف الحلقة دي هتطول شوية. ماشي - 00:28:55ضَ

عشان بس المادة بتاعتنا تكون كاملة وما نبقاش تركنا حاجة في الاية دية ليك لو لقيتو نفسكو اتلخبطم اسمعوا الجزء اللي جاي ده تاني فهمتوا ؟ خير ما فهمتهوش مش مشكلة قوي لان المعاني التلاتة اللي هنقولها قريبة جدا من بعضها - 00:29:16ضَ

لكن اللي هيفهمها بصراحة هينبسط جدا يعني. فبصوا بقى يا جماعة على الايتين دول الاية اتنين وخمسين والاية تلاتة وخمسين ركزوا معي فترى الذين في قلوبهم مرض يسارعون فيهم يقولون نخشى ان تصيبنا دائرة فعسى الله ان يأتي بالفتح او امر من عنده - 00:29:38ضَ

فيصبحوا على ما اسروا في انفسهم نادمين. ويقول الذين امنوا اهؤلاء الذين اقسموا بالله جهد ايمانهم اذ انهم لمعكم حبطت اعمالهم فاصبحوا خاسرين. ركز بقى معي الجزء لاني هشيل من اول - 00:29:59ضَ

فترى لغاية فعسى في الاية اتنين وخمسين. بص بقى معي امم بص يا سيدي ويقول الذين امنوا اهؤلاء الذين اقسموا بالله جهد ايمانهم ممكن معناها يكون رجاء يعني يعني في الاية اتنين وخمسين الاول بص لي من اول كلمة فعسى - 00:30:18ضَ

بص لي من اول في عسى فعسى الله ان يأتي بالفتح او امر من عنده فيصبحوا على ما اسروا في انفسهم نادمين ويقول الذين امنوا اهؤلاء الذين اقسموا بالله جهد ايمانهم - 00:31:09ضَ

ممكن معناها يكون رجاء رجاء ان الله يأتي بالفتح او امر من عنده وكمان رجاء ان الذين امنوا يقولوا بيقولوا ايه باقي الاية تلاتة وخمسين يعني رجاء لحاجتين منفصلتين ان ربنا يأتي بالفتح - 00:31:28ضَ

وان اللي امنوا يقولوا هذا الكلام برضه. بعد ما يكتشفوا المنافقين على حقيقتهم وممكن يكون رجاء للحاجتين مع بعض كأنهم حاجة واحدة عسى الله ان يأتي بالفتح او امر من عنده ويقول الذين امنوا كذا كذا برضه. يعني الاتنين - 00:31:52ضَ

الحالة التالتة المعنى التالت اللي ممكن انه عسى رجاء انه ربنا ياتي بالفتح اوامر من عنده فقط بس وبعدين القارئ هيتساءل طب يا ترى ساعتها الذين امنوا هيقولوا ايه فتأتي الاجابة - 00:32:12ضَ

اجابة سؤال محذوف ويقول الذين امنوا اهؤلاء الذين اقسموا بالله جهد ايمانهم دول هم التلات احتمالات للفهم بتوع الايتين دول. اللي هم اصلا يعني كلها معاني قريبة جدا من بعض. لكن - 00:32:33ضَ

علشان تؤدى بالمعنى ده انا هقول لكم على حاجة. مين اللي مهتم اوي هل عسى تخص الرجائيين دول ولا لأ وهل عسى تخص رجاء واحد وبعد كده ده تساؤل وبيتم الاجابة عليه ولا لأ؟ اللي بيهتم بحاجة زي كده - 00:32:52ضَ

هو الشخص اللي بيتناول النص القرآني من زاوية الفنان الاديب اكن واحد مسلا هيخرج النص ده مسرحية عايز يعرف مين هيقول ايه بالزبط في اشخاص المسرحية فلازم يفهم بالزبط مين اللي بيقول وبيرجو ايه بالزبط - 00:33:12ضَ

خلاص عسى من اخوات كاد مش كان كاد تلاتة من اخوات كاد دول اسمها افعال الرجاء عسى حري اخلولق دول بيدخلوا على الجملة الاسمية يرفعوا المبتدأ وينصبوا الخبر عشان كده قال عسى الله ان يأتي بالفتح او امر من عنده - 00:33:33ضَ

عسى الله ان يأتي بالتالي الاحتمال الاول اللي هو انه يقول الذين امنوا يبقى معطوف على يأتي الاحتمال الاول دي بنسميها قراءة ابو عمرو ويعقوب. تقرأ كده ويقول الذين امنوا - 00:34:04ضَ

عشان كده في قراءة ويقول الذين امنوا مش ويقولوا الذين امنوا خلاص؟ في الحالة دي ويقول الذين امنوا هتبقى معطوفة على يأتي. عسى الله ان يأتي بالفتح وامر من عنده - 00:34:31ضَ

ومعناها وعسى ان يقول الذين امنوا ده معناه. عشان كده ويقول يعني وعسى ان يقول الذين امنوا. تمام؟ طيب. لو الاحتمال التاني بقى في الفهم هو المطلوب الاحتمال التاني في الفهم - 00:34:52ضَ

اللي هو ويقول الذين امنوا هتبقى معطوفة على فعسى الله ان يأتيه مش معطوفة على ان ياتي معطوفة على فعسة نفسها ارجو انا عارف طبعا انتم اتلخبطتم مني دلوقتي. اتفرجوا علي تاني. وانتم ماسكين المصحف وبالراحة ووقفوا وحاولوا تفهموا - 00:35:06ضَ

ويقول معطوفة هنا على في عسى نفسها فهتقرأ ويقول الذين امنوا. دي اللي هي قراءة عاصم اللي احنا بنقرأها في حفص عن عاصم وقراءة حمزة والكسائي وخلف. الاحتمال التالت بقى هو انه يكون جواب على سؤال محذوف - 00:35:29ضَ

وهو يا ترى الذين امنوا قالوا ايه؟ دي بنسميها قراءة الجمهور يعني معزم القراء ومنهم ورش طبعا ورش عن نافع نافع المدني قرأ كده يقول الذين امنوا بدون الواو لحذف الواو - 00:35:53ضَ

هنا اصبح استئناف يعني اجابة على سؤال محذوف. يقول الذين امنوا تمام دي قراءة نافع وابن كثير المكي وابو جعفر وابن عامر الشامي وهكذا. طيب دلوقتي بقى انت شغلت الفيديو كزا مرة وحاولت تفهم لقيت الفروق بينهم طفيفة جدا فحاسس انك برضو مش فاهم مش مشكلة - 00:36:11ضَ

ممكن تفهم بعد كزا سنة. انا كنت ما بفهمش الحاجات دي لغاية قريب جدا. لكن القرآن بيمرن العقل ومرة واحدة لقيت عقلي ابتدى ينضج ويرى من المعاني ما كانش بيشوفه قبل كده. فما تتضايقش لو انت مش فاهم المستوى ده من - 00:36:35ضَ

طرح القراءات التلاتة بمعانيها التلاتة خلاص برضو من الناس اللي شرحوها كويس قوي عايزين تقروا في التفسير ابن كثير شرحها كويس اوي. انا اسف ابن عاشور آآ تفسير ابن عاشور - 00:36:52ضَ

خلاص؟ طيب لان القرآن يا جماعة نازل لكل الناس بمختلف مستوياتهم الثقافية قراءاته مم هي اللي بتفرق في المعنى شروق طفيفة جدا دي بعضها زي دي كده بيتذوقها جدا الادباء والشعراء. الناس المتخصصين في اللغة بالذات يتذوقوا فرق زي ده. لان هو لما - 00:37:05ضَ

اقرأوا النص مش بيقرؤوه زي ما انت بتقرأه لأ هو بيعتبر نفسه مخرج ومطلوب منه ان النص ده يوزعه على ممثلين يقولوه فلازم يعرف كل واحد على خشبة المسرح هيقوله ازاي - 00:37:28ضَ

وباي صيغة وباي آآ يعني بصيغة تعجب ولا بصيغة رجاء ولا بصيغة استفهام فلازم يكون فاهم كويس اوي مين بيقول ايه قولوا باي طريقة بالزبط خلاص عشان لما ينطقوا احد ينطقها صح - 00:37:42ضَ

بس فيعني لو انت مش فاهم الفروق دي ما تتعقدش بس لازم ايه تعرف ان كتاب ربنا مش مستوى واحد هتقعد تلاتين اربعين خمسين ستين سنة تقراه كل يوم وكل يوم تجد فيه مستوى فهم اعمق من اليوم اللي قبله - 00:37:56ضَ

جزاكم الله خيرا وبارك الله فيكم. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك - 00:38:14ضَ

احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين اللهم احيي قلوبنا بحبك - 00:38:34ضَ

واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا - 00:38:57ضَ

وذهاب همومنا وعمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم الغيب الشهادة ان تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا - 00:39:15ضَ

اخواننا واخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد رميهم - 00:39:40ضَ

اخي برمي عدوهم وتقبل شهداءهم وكن مع اخواننا في تركستان الشرقية وفي الشام وفي كشميرا وفي الهند وانصر يا ربي من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم - 00:40:02ضَ

وان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها واهدها سبلها. واملأها بنورك الذي - 00:40:22ضَ

لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك وامتها يا مولانا على الشهادة في سبيلك. انك نعم المولى ونعم النصير. وصل اللهم وسلم على محمد وعلى اله وصحبه ومن - 00:40:42ضَ

والسلام عليكم ورحمة الله نراكم غدا بازن الله في نفس هذا الموعد ان كنا من اهل الدنيا - 00:41:00ضَ