Baheth

انساني يفقه قولي السلام عليكم ورحمة الله وبركاته. اهلا بحضراتكم في المقطع رقم تسعمية وخمسة من مقاطع حظر التجول والحلقة الحادية والثلاثون من حلقات تدبر سورة المائدة اقرأ معي الاية تسعة وتمانين - 00:00:00ضَ

اعوذ بالله السميع العليم من الشيطان الرجيم لا يؤاخذكم الله باللغو في ايمانكم ولكن يؤاخذكم بما عقدتم الايمان فكفارته اطعام عشرة مساكين من اوسط ما تطعمون اهليكم او كسوة او كسوتهم او تحرير رقبة - 00:00:27ضَ

فمن لم يجد فصيام ثلاثة ايام ذلك كفارة ايمانكم اذا حلفتم فمن لم يجد فصيام ثلاثة ايام. ذلك كفارة ايمانكم اذا حلفتم واحفظوا ايمانكم. كذلك يبين الله لكم اياته لعل - 00:01:01ضَ

المجتمع بيصبح مجتمع سعيد وقوي لما علاقات الناس تكون قوية وعلاقات الناس مش هتبقى قوية ببعضها الا لما الناس تثق في بعضها يقول لك دي بلد الناس فيها بتتعامل مع بعض بالكلمة - 00:01:32ضَ

ما دام واحد وعد انه هيعمل حاجة يبقى لازم هيلتزم بكلامه يبقى معنى كده ان درجة الصدق بين الناس عالية وده بيؤدي ان الناس تثق في بعض وتحترم بعض جدا - 00:01:59ضَ

فتصبح الناس بتشعر بالامان في التعامل مع بعض لما بيقل التزام الناس وصدق الناس ووفاء الناس بالوعود بيحتاجوا قدر اكبر من الزام بالكلمة فبيلجأوا للقسم وللايمان. الناس تعبأ تعبأ تقسم يمين لبعض عشان يصدقوا بعض - 00:02:16ضَ

الكذب انتشر طيب والكذب من الاخلاق الذميمة حتى من قبل الاسلام بقول لك دي مسألة سطورية بفطرة الانسان الفترة السليمة تعلم ان الصدق هو الحسن وان الكذب والخيانة والخداع هو القبيح - 00:02:41ضَ

يعني حتى ابو سفيان لما كان كافر هرقل الروم سأله عن النبي عليه الصلاة والسلام فقال له الحقيقة. وطبعا حقيقة النبي او الصواف جاية يعني وصف النبي وصف جيد هرقل فلما خلص - 00:03:01ضَ

الناس اللي معها في القافلة قالوا لي ايه اللي انت عملته ده ايه اللي انت عملته ده! انت طلعت شكرت في محمد! قال لهم خشيت ان تقول العرب اني كذاب. يعني اعمل ايه اكذب يعني - 00:03:19ضَ

ما ينفعش اكزب من اخلاق من المروءة بس لو الناس مش هتحترم حتى القسم بتاعها هنا بقى الامر بيبقى ضار جدا بالعلاقات اللي بين الناس خلاص كذا الثقة انتهت. يعني يقول لك قالوا للحرامي احلف - 00:03:28ضَ

هل جالك الفرج؟ يعني الشخص الحرامي اللي ما عندوش امانة بالتأكيد هيحلف كزب. تخيل بقى لما المجتمع ينتشر فيه الحلفان الكزب فربنا بيؤكد على اهمية احترام الايمان. يعني القسم والحلف - 00:03:51ضَ

طيب ايه المناسبة؟ يعني ايه التناسب بين الموضوع ده والموضوع اللي قبله الموضوع اللي قبله كان ايه اقرأ كده معي الاية سبعة وتمانين يا ايها الذين امنوا لا تحرموا طيبات ما احل الله لكم ولا تعتدوا ان الله لا يحب - 00:04:08ضَ

معتدين وكلوا مما رزقكم الله حلالا طيبا. واتقوا الله الذي انتم به مؤمنون فين بقى حسن التخلص فين العلاقة بين الاكل والايمان اللي هي القسم والحلفان الحلفانات طبعا ما هو الواحد لما - 00:04:30ضَ

بيحرم على نفسه حاجة ربنا قال لا تحرموا طيبات ما احل الله لكم. وهو اللي بيحرم على نفسه بيعمل ايه ؟ بيقسم انه مش هياكلها بيقسم انه مش هيعمل كزا. فيقول طب والله العزيم ما انا واكل في بيتكم تاني - 00:04:57ضَ

قسم فالتحريم الحلال دخلنا في القسم لان عادة بيتم عن طريق القسم والله ما انا حاطط في بقي العسل تاني. اهو ده قسم هنا بقى القرآن بيشرح لي ايه هو اللغو. ده لغو - 00:05:18ضَ

طالما مش مقصود به الحلفان مجرد كلمة طلعت في وقت غضب او مش مقصود ان انا اقسم على عدم فعل شيء بالفعل ها عشان آآ يعني مجرد ان انا آآ آآ واحد آآ آآ يعني - 00:05:37ضَ

في بعض يعني في حاجة اسمها اليمين الغموس اللي هو بيغمس صاحبه في النار اللي هو عشان يخرج من موقف فبيقسم وهو نيته انه بيقسم اه كذب او بيقسم ونيته انه هيحنث في هذا اليمين - 00:05:58ضَ

طالما ان مش هي دي النية يبقى ده لغو مجرد واحد اقسم على عمل شيء او عدم عمل شيء ثم يجد ان الخير في غير ذلك هنا ربنا شرع لنا حاجة اسمها الكفارة - 00:06:15ضَ

يعني واحد مسلا بيكلم ابنه في التليفون وقال له انت اتأخرت ليه ؟ انا قلت لك ما تجيش بعد الساعة اتناشر بالليل. ودلوقتي الساعة واحدة. طب والله العزيم لما ترجع البيت - 00:06:29ضَ

انا هدبحك هل لازم يبر يمينه لأ ده لا يجوز انه يبر يمين ده اسمه لغو وهنا هو اقسم على شيء حرام فلازم يحنث في يمينه. يحنث في يمينه يعني ما يعملش اللي هو حلف عليه - 00:06:39ضَ

لازم ما يعملوش لا يجوز انه يعمله ويعمل ايه؟ يكفر بالكفارة اللي هي اللي ربنا قالها لنا في الاية وهنشوفها دلوقتي او واحد مسلا اقسم يمين بالله انه لازم هيصوم يوم العيد - 00:07:00ضَ

لا يجوز انه يبر يمينه لان الصوم يوم العيد حرام لازم يحنث ويكفر بعد كده تمام؟ طيب واحد اقسم يمين انه هيقاطع مسلم قطيعة المسلم حرام لازم يحنث ويكفر اقسم يمين انه ما يشربش اللبن ابدا - 00:07:16ضَ

مش حرام انه ما يشربش اللبن بس لو وجد انه محتاج يشرب لبن. وان ده يضره صحيا. والخير في غير ذلك. واراد انه يحنث في يمينه يحنث ويكفر. ازاي! النبي عليه الصلاة والسلام طب ايه الاصل عندنا كلمة الاصل يعني الدليل - 00:07:39ضَ

ايه الاصل عندنا؟ قال النبي صلى الله عليه وسلم من حلف على يمين فرأى غيرها خيرا منها فليأتي الذي هو خير وليكفر عن يمينه مسلا من الناس التي خاض خاضت - 00:07:57ضَ

في حديث الافك حديقة الافك اللي هو الكلام الشائعات اللي اثارها المنافقين حول السيدة عائشة واثاروا انها وقعت في آآ آآ والعياذ بالله الفاحشة من الناس اللي رددوا الكلام فوقعوا في هذا - 00:08:19ضَ

احد الصحابة وكان اسمه مسطح ابن اثاثة. رضي الله عنه وهو ابن خالة سيدنا ابو بكر وكان ممن شهد بدرا لما حصل كده وظهرت براءة السيدة ام المؤمنين عائشة رضي الله عنها من فوق سبع سماوات في سورة النور - 00:08:41ضَ

سيدنا ابو بكر رضي الله عنه آآ اقسم انه لا يعطي مسطح نفقة. وهو كان من الناس اللي بينفق عليها سيدنا ابو بكر. كان بيدي له نفقة يعني كان بيدي له مرتب - 00:09:00ضَ

طب كده كل شهر سينا وبكر اقصى بانه يمنعه واحد خاض في عرض بنته وعرض زوجة رسول الله وام المؤمنين اقل حاجة يعملها على الاقل الفلوس اللي بيديها له ما يستاهلهاش - 00:09:13ضَ

فانزل الله عز وجل ولا يأتل اولو الفضل منكم والسعة ان يؤتوا اولي القربى والمساكين والمهاجرين في سبيل الله وليعفوا وليصفحوا الا تحبون ان يغفر الله لكم؟ والله غفور رحيم. فقال ابو بكر - 00:09:30ضَ

بلى والله احب ان يغفر الله لي فعفا وصفح عنه لكن سأل النبي طب ازاي ارجع في يميني وارجع ادي له فلوس تاني؟ ما انا حلفت اني ما اديلوش فلوس - 00:09:50ضَ

فقال النبي صلى الله عليه وسلم كفر عن يمينك ورد الذي كنت تعطيه لمسطح. ارجع ادفع له تاني وكفر عن اليمين طبعا اليمين اللي يكفر عنه ده بيبقى يمين باخلاص الواحد بيقوله ومش ناوي يعمل حاجة معينة او بدون اخلاص مجرد طلع من واحد كلمة ما كانش يقصدها - 00:10:04ضَ

انما اليمين الكاذبة الغاموس اللي هو بيحلف على حاجة بالكزب وعارف انه بيكزب. او عارف انه هيرجع يخالف قال بعض العلماء ان ما فيش فيه كفارة خلاص غموس يغمس صاحبه في النار - 00:10:26ضَ

لكن واحد بيحلف على حاجة انه مش هيعملها ابدا في المستقبل. مش داخل بيت حمايا وحماتي وراح حالف ده غلط ده حقيقي يضر العلاقات بين الاسرتين وبتاع يبقى تعمل ايه؟ تكفر عن يمينك وترجع تروح بيت حماك وحماتك. هي دي النقطة - 00:10:44ضَ

الحاجة التانية ايضا آآ يجوز ان انسان يقسم في حالة الاضطرار لانقاز حياة ناس من زالم او طاغية فيبقى اللغو هو اليمين على فعل شيء حرام لكن يعني يجوز في هذه الحالة مش بينقز حياة ناس. المسألة يعني فيها مصلحة كبيرة جدا فيها حياة ناس وفيها كده - 00:11:00ضَ

اللغو هو اليمين على فعل شيء دون نية اليمين. يعني مجرد كلمة طلعت. والله ما انا واكل مش عارف ايه. والله كلمة والله بتتقال كتير للاسف وده غلط لكن مش مقصود بها الحلفان ولا مقصود بها القسم. ده لغو - 00:11:31ضَ

ده يكفر عنه برضو يجوز الحنف فيه الرجوع في هذا اليمين ويكفر عنه اليمين اللي تترتب عليها معاملات تجارية او مصاهرة يعني زواج لازم الالتزام بها لازم خلاص انت اقسمت - 00:11:47ضَ

انك هتشتري بيت في مدينة كزا وبناء على هذا اليمين ترتب زواج لابد من الوفاء بيمينك انت اقسمت انك هتعمل حاجة الكفارة لا تحلك من اليمين ده حتى يحلك الطرف الاخر - 00:12:06ضَ

لما يكون الامر متعدي لطرف تالت بقى. انت بقى مش بتقسم بينك وبين ربنا لأ انت بيترتب معاملة تجارية او مصاهرة وزواج على القسم اللي انت اقسمته. واحد قبل الزواج اقسم لزوجته انه لن يتزوج - 00:12:26ضَ

توج باخرى طول ما هي على زمته اصبح يمين ملزم لانه ترتب عليه زواج اصبح شرط في المعاملة او في العقد اللي بينهم والمؤمنون عند شروطهم ما يقدرش خلاص يتزوج - 00:12:42ضَ

لانه خلاص اقسم على زلك ما ينفعش يقول طب انا هتزوج واكفر تكفر عن مين؟ لازم الطرف الاخر يحلك من يمينك كده تقول لك انا احلك من يمينك تقدر تروح تتجوز - 00:12:58ضَ

وعلى فكرة الاتفاقات اللي قبل الزواج دي هي اولى الاتفاقات بالاحترام للحديث المتفق عليه عند البخاري ومسلم عن عقبة بن عامر رضي الله عنه عن رسول الله صلى الله عليه وسلم انه قال - 00:13:11ضَ

ان احق ان توفوا به ما استحللتم به الفروج حطيت شرط اتحط شرط تم اتفاق على اتفاق قبل الزواج المهر ميت الف تغطس وتجيب ميت الف في انسانة سلمتك نفسها بهذا الشرط - 00:13:31ضَ

ما ينفعش ترجع وتقول طب انا هكفر تكفر مين ؟ لازم هي تحلك من يمينك الله! انت اتفقت على اي اتفاق لازم هتنفزه وفي اليمين الغاموس اللي هو بتقسم على شيء ونيتك عدم الوفاء به باليمين - 00:13:50ضَ

دي نية خيانة نيتك عند الحلفان كانت انك لن توفي دي اسمها خيانة وغدر وهي من صفات المنافق قال النبي صلى الله عليه وسلم اربع من كن فيه كان منافقا خالصا - 00:14:09ضَ

ومن كانت فيه خصلة منهن كانت فيه خصلة من النفاق حتى يدعها. الاربعة ايه بقى؟ اذا اؤتمن خان واذا حدث كذب واذا عاهد غدر واذا خاصم فجر تلاتة منهم يخصوا ايه يخصوا الامانة - 00:14:28ضَ

اذا اؤتمن خان واذا حدث كذب واذا عاهد غدر واذا خاصم فجر يفجر في الخصام فبالتالي المنافق لا امان له نرجع بقى لتسعة وتمانين تاني لا يؤاخذكم الله باللغو في ايمانكم ولكن يؤاخذكم بما عقدتم الايمان فكفارته اطعام - 00:14:49ضَ

اشارات مساكين من اوسط ما تطعمون اهليكم او كسوتهم او تحرير رقبة. كفارة يعني ما يغطي الوزر جاي من كلمة كفر. كفر. كلمة كفر. الكفار يعني اللي بيغطوا. اللي بيغطوا الايمان - 00:15:17ضَ

كفارة يعني ما يغطي الوزر بتاع حنف اليمين هو ايه؟ كفارته اطعام عشرة مساكين واختلفوا هل لازم العشرة يبقوا عشرة ولا ينفع مسكين واحد لمدة عشر تيام او اتنين مساكين خمس تيام - 00:15:35ضَ

في خلاف لكن الرأي الاقوى هو ان ينفع اقل من عشرة ويكون عدة مرات. يعني واحد لمدة عشر تيام اتنين لمدة خمس تيام وهكزا مش مشكلة. طيب هتأكلوا ايه سندوتشين فول لأ - 00:15:56ضَ

او اطعام عشرة مساكين من اوسط ما تطعمون اهليكم اوسط يعني ايه يعني من احسن اولا تطعموا يعني وجبتين يعني اكل يوم كامل. وجبتين فطار وسحور غدا وعشاء يعني هاف بورد - 00:16:13ضَ

ماشي الوسط قلنا هو الافضل لان في قصة اصحاب الجنة ربنا قال قال اوسطهم الم اقل لكم لولا تسبحون اوسطهم يعني احسنهم من اوسط ما تطعمون اهليكم يعني من افضل الاكل اللي بتاكلوه لاهلكم - 00:16:42ضَ

انت بتأكل لاهلك ايه احسن حاجة ايه لحمة يبقى هاكل لحمة يبقى انت هتأكل عشر مساكين لحمة جمبري هتاكلهم جمبري طيب مش هتاكل مش عايز تأكل عايز تكسي انت شايف ان الفقراء دايما تبص على مصلحة الفقير مش مصلحتك انت - 00:17:06ضَ

شوف مصلحة الفقير والله انت شايف الفقراء اللي مين يعني بياكلوا في البلد دية ودايما في موائد رحمن وفي بتاع فالفقراء مش ناقصين اكل لكن انت شايف ان الفقراء في منطقتك ناقصهم - 00:17:26ضَ

ملابس ملابسهم مش كويسة ملابس ولادهم تعبانة بزيادة عاملة يعني يعني واضح اوي الفرق بين ملابسهم وملابس ايه الناس اللي مش فقراء فانت قرر انك عشان مصلحة الفقير انت هتكسي - 00:17:36ضَ

يبقى تجيب ملابس للفقراء ولاولادهم او تحرير رقبة تحرر عبد طيب احنا عندنا في سورة النساء تدبرنا كفارة القتل الخطأ وكان من ضمن الكفارة تحرير رقبة مؤمنة وربنا زكر انها لازم تكون مؤمنة يعني العبد او الامل لها يعتق لازم يكون مسلم - 00:17:50ضَ

لو تفتكروا تدبرنا قول الله تعالى وما كان لمؤمن ان يقتل مؤمنا الا خطأ ومن قتل مؤمنا خطأ فتحرير رقبة مؤمنة. ودية مسلمة الى اهله الا ان يصدقوا. فان كان من قوم العدو لكم - 00:18:18ضَ

وهو مؤمن فتحرير رقبة مؤمنة وان كان من قوم بينكم وبينهم ميثاق فدية مسلمة الى اهله وتحرير رقبة مؤمنة. كل رقبة مؤمنة كده على طول. فمن لم يجد فصيام شهرين - 00:18:37ضَ

بين متتابعين انما هنا كفارة اليمين ربنا قال او تحرير رقبة وسكت. ما قالش مؤمنة ولا غير مؤمنة اهي او تحرير رقبة الجمهور على ان الكفارات لازم الرقبة تكون مؤمنة - 00:18:50ضَ

سواء ربنا قال او ما قالش لكن ابو حنيفة قال اخذ بظاهر النص القتل الخطأ ربنا قال رقبة مؤمنة. وفي اليمين وفي الظهار ما قالش. ما هم دول التلات حاجات اللي فيهم ايه؟ التكفير - 00:19:12ضَ

الرقبة فمجرد ان انت اعتقت عبد او انا هذا يجزئ ككفارة طبعا كلنا من جوانا نقول ايوة بس طبعا لو فيه عبد مسلم وعبد غير مسلم اكيد المسلم اولى بان انا احط فلوسي فيه وايه واحرره - 00:19:30ضَ

ده اكيد وانت مغمض وابو حنيفة نفسه اكيد يرى ذلك ايضا لكن لما تبص على كفارة القتل الخطأ بقى حكمة الله سبحانه وتعالى الاصل في الكفارة ايه ؟ انك بتكفر عن غلطتك - 00:19:52ضَ

بتعوض الذي اصيب بسبب غلطتك بضرر عن الضرر اللي انت سببته فبتدفع دية لاولاد القتيل اللي كان بيأكلهم ويشربهم طيب والامة المسلمة اللي انت اخدت منها روح بني ادم دي - 00:20:10ضَ

لما خبطته بعربيتك انت تروح تجيب لها رقبة مؤمنة لان الحرية تساوي الحياة. انت خدت حياة بني ادم ادي للامة المؤمنة رقبة مؤمنة فانت كده قمت بزيادة عدد الاحرار في الامة واحد قصاد الواحد اللي نقص بسببك - 00:20:31ضَ

لكن في كفارة اليمين انت بتعتق انسان لمجرد انه انسان ومش معنى ان ابو حنيفة قال انها تجزئ يعني يعني هو بيفضل ذلك. لا ابدا ابو حنيفة لا يفضل ذلك ولكن - 00:20:53ضَ

هو في الفقه ما فيش تشغيل مخ. واضح جدا وبرضه عايز اقول بقى على حاجة احنا كمسلمين محتاجين مصارف للصداقات وللكفارات يستفيد منها المسلمين وغير المسلمين كمان. لعدة اسباب منها اولا السبب الدعوي - 00:21:07ضَ

ومنها ان غير المسلمين عندهم انشطة اغاثية كثيرة بيستفيد منها المسلمين ايضا فمن باب المعاملة بالمثل انتم مسلا اديتم اهلنا في الصومال ماشي المسيحيين عندهم منزمات اغاثية بتدي فلوس وزع اكل. طبعا انا عارف كويس جدا ان عندهم اجندة تنصيرية لكن في النهاية المنزر الزاهر ايه؟ ان هم ما بيفرقوش بين الناس وانهم بيدوا الناس كلها - 00:21:28ضَ

طيب انت كمان لازم تظهر بهزا المصدر حتى من الناحية الدعوية. فلازم يكون عندك مصارف تقدر ان مسلا الزكاة لازم تكون للمسلمين فانت دايما وانت بتجمع التبرعات من الناس تعرف ودي زكاة ولا مش زكاة يقول لك لأ ده مش زكاة. دي كفارة كزا يبقى انا اعرف ده انا ممكن اخصصه في - 00:22:05ضَ

اللي رايح يفيد مسلمين وغير مسلمين. مسلا واحنا بنوزع مسلا معونات كنا في البوسنة ايام الحرب بتاعة البوسنة فانت في البوسنة انت مش قادر تفرق بين المسلمين والكروات. والكروات كاتوليك. ايوا بس فيه منزمات كاثوليكية برضو بتروح وبتوزع على الكل. يبقى - 00:22:24ضَ

هنا انا اقدر اصرف من المصري ده. فاحنا محتاجين كمسلمين نكون عارفين المصارف اللي لازم توزع على المسلمين والمصارف اللي فيها فليكسبيليتي اكتر شوية وفيها مرونة. فدي مسألة لوجيستية بالنسبة لنا احنا. في العمل الدعوي يعني - 00:22:44ضَ

طيب كمل بقى الاية تسعة وتمانين فمن لم يجد فصيام ثلاثة ايام ذلك ايمانكم اذا حلفتم واحفظوا ايمانكم يبين الله لكم اياته لعلكم تشكرون اللي بقى مش قادر لا يكسي ولا يأكل ولا يعتق ما عهوش فلوس. واحد يعني برضو يعني آآ هيكفر عن يمينه وهو اصلا فقير - 00:23:00ضَ

يعمل ايه الصيام الصيام يعلم الانسان يسيطر على لسانه ويحسن اخلاقه فلا يكذب ولا يعد ولا يخلف هو اصلا الصيام بيبقى الانسان تعبان بقول لك ايه انا مش قادر اتكلم انا صايم - 00:23:36ضَ

حلو قوي. فالصيام مناسب جدا للمسألة دي عشان خاطر يعودك انك ما تتكلمش بقى تمسك لسانك شوية تسيطر على لسانك المرة الجاية الصيام ثلاثة ايام. طبعا الجمهور على ان التتابع افضل. يكون التلات ايام متتابعات. وان كان مش شرط. زي القتل الخطأ ربنا - 00:23:56ضَ

قال في القتل الخطأ فمن لم يجد فصيام شهرين متتابعين فطيرة اليوم الستين هتعيد كله من اول وجديد انما في الكفارة ما قالش فممكن يكونوا متفرقين لكن الافضل يعني ما تدلعش بقى يعني آآ تعال شد على نفسك شوية. يعني انت لا كسيت ولا اكلت - 00:24:18ضَ

هل انت حررت رقبة؟ وكمان عايز تسوقهم تلاتة متفرقين كل شهر آآ يوم بلاش دلع بقى لان خلي بالك برضه انت بتعمل ده كله ليه؟ عشان ربنا يسامحك فلازم توري ربنا من نفسك خيرا - 00:24:42ضَ

فمن لم يجد فصيام ثلاثة ايام. ذلك كفارة ايمانكم اذا حلفتم ومع ذلك قال لك ايه ؟ واحفظوا ايمانكم يعني مش علشان تقدر تعتق وتطعم وتكسي الفقراء بسهولة وانت غني تمشي بقى تعقد الايمان شمال ويمين وعمال وكل شوية تكفر عن ايمانك - 00:24:56ضَ

خلاص لأ الكلمة لها قيمة في الاسلام. واحفظوا ايمانكم معناها قللوا الايمان شوية. ما تحلفوش كتير. كتر الحلف مش من الاخلاق مش من المروءة كذلك يبين الله لكم اياته لعلكم تشكرون - 00:25:22ضَ

مشكورون ايه اشكر نعمته اللي هي ايه انه جعل لكم مخرج من اخطاء زي كده كان ممكن يكون عقابها نار جهنم لكنه جعل لك كفارة في الدنيا مفيدة للمجتمع وللفقراء ولك انت كمان بانه يزاح عنك العقوبة. فدي لوحدها نعمة - 00:25:45ضَ

من الله تشكر ربنا مين فينا افتكر ان من ضمن نعم ربنا علينا الكفارات بتاعة بعض الذنوب اللي زي دي اهدي انا متأكد ناس كتير جدا ما فكرتش فيها شفتم بقى النعم ربنا كتيرة ازاي؟ مشكلتنا اننا احيانا بناخد كلمة الشكر ببساطة وبسطحية شديدة - 00:26:05ضَ

بننتبه كده وننور بس لما تيجي سيرة الجنة او النار او الكفر او الايمان. لكن التعبير لعلكم تشكرون مش بناخده بجدية بنمر عليه بسرعة مع ان هذا التعبير المفروض يذكرنا بايه - 00:26:25ضَ

الهدف الاساسي من وجودنا في الدنيا ياه للدرجة دي امال ايه انت بس بتنسى اهم قصة في القرآن كله هي ايه القصة اللي بتضع اساس الحياة. ايه ؟ قلنا قبل كده قصة ادم وحواء مع الشيطان - 00:26:42ضَ

قصاد ادم فاكرين لما ابليس اعلن تمرده ولم يسجد لادم زي ما ربنا امره وربنا لعنه. ابليس طلب ايه من ربنا فاكرين قال ما منعك الا تسجد اذ امرتك قال انا خير منه خلقتني من نار وخلقته من طين - 00:27:03ضَ

قال فاهبط منها فما يكون لك ان تتكبر فيها. فاخرج انك من الصاغرين. ربنا طرده برة الجنة قال انظرني الى يوم يبعثون. انظرني يعني انتظرني اديني مهلة. ما تدمرنيش دلوقتي - 00:27:27ضَ

اديني مولة الى يوم يبعثون قال انك من المنظرين ستمهل انت من الناس اللي هتمهل قال فبما اغويتني لاقعدن لهم صراطك المستقيم ثم لاتينهم من بين ايديهم ومن خلفهم وعن ايمانهم وعن شمائلهم. يعني هجي لهم من كل ناحية - 00:27:46ضَ

ولا تجد اكثرهم شاكرين يبقى الهدف الرئيسي بتاع ابليس انه يجعلنا غير شاكرين. يعني ايه غير شاكرين؟ يعني كافرين لان الشكر عكس الكفر ها ليرى ااشكر ام اكفر في حاجة اسمها شكر النعمة وحاجة اسمها كفر النعمة. فلما تقرأ في الاية تسعة وتمانين بقى - 00:28:14ضَ

ربنا بيقول واحفظوا ايمانكم كذلك يبين الله لكم اياته لعلكم تشكرون. تعرف انك لما بتحفظ ايمانك يعني بتقلل الحلفان يعني بتمسك لسانك يعني بتخلي بالك ما تحلفش كل شوية ما تحلفش كتير ما تتسرعش في الحلفان - 00:28:40ضَ

انت بتنقز نفسك من انك تصبح من حزب الشيطان اللي هم مش شاكرين لله فبتصبح من حزب الله اللي ربنا اتكلم عنه في نفس السورة حزب الله دول اللي هم ايه؟ الشاكرين - 00:29:03ضَ

الاية ستة وخمسين الاية ستة وخمسين مش كده اهي ومن يتولى الله ورسوله والذين امنوا فان حزب الله هم الغالبون. حزب الله دول من صفاتهم الرئيسية ايه؟ انهم شاكرين ونتوقف هنا الليلة - 00:29:21ضَ

اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب - 00:29:48ضَ

اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احي قلوبنا بحبك. واجعلنا لك كما تحب. اللهم اجعلنا - 00:30:07ضَ

احبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا - 00:30:37ضَ

اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرور - 00:31:04ضَ

ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين اللهم سدد رميهم وخيب رمي عدوهم وتقبل شهدائهم وكن مع اخواننا في تركستان الشرقية وفي الشام وفي كشميرا وفي الهند. وانصر يا رب من - 00:31:24ضَ

نصرهم واخذل يا رب من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:31:50ضَ

توحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل عليك. واحيها يا ربنا بمعرفتك وامتنا - 00:32:10ضَ

فيا مولانا على الشهادة في سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه والسلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا - 00:32:31ضَ