Baheth

السلام عليكم ورحمة الله وبركاته. اهلا بحضراتكم في المقطع رقم تسعمية خمسة وعشرين من مقاطع حظر التجول والحلقة الثانية عشرة. من حلقات تدبر سورة الانعام اخر آلة آآ آية تدبرناها في الحلقة الماضية ختمت به. قل هل يستوي الاعمى والبصير افلا - 00:00:00ضَ

لا تتفكرون من يتفكر يبصر الحق لا يستوي الاعمى والبصير. المشكلة ان الاعمى اعمى القلب الذي لا يرى الحق اعمى ليل. لانه لا يتفكر. افلا تتفكرون؟ من يتفكر يبصر الحق - 00:00:30ضَ

ومن لا يعمل عقله يصير كالانعام بل هم اضل وهذا التفكر هيقود الى ايه؟ الى الخوف من حساب الله. يوم الحشر. اقرا بقى معي الاية واحد وخمسين اقرأ معي الاية واحد وخمسين - 00:00:49ضَ

اعوذ بالله السميع العليم من الشيطان الرجيم وانذر به الذين يخافون ان يحشروا الى ربهم ليس لهم من دون كونه ولي ولا شفيع لأ ليس لهم من دونه ولي ولا شفيع لعلهم يتقون. تمام ركز - 00:01:08ضَ

بقى كده ان المعنى ده دقيق جدا سيدنا محمد عليه الصلاة والسلام محمل برسالة يبلغها للمشركين والكفار والمؤمنين برضو فربنا بيقول بس الكلام هنا اصلا في السياق كله عن المشركين كمان يعني - 00:01:38ضَ

ربنا بيقول له انذر به الذين يخافون ان يحشروا الى ربهم طب هم طالما واحد يخاف الحشر مش يبقى خلاص مؤمن يبقى نضيع وقت في انزاره ليه ؟ ده ده نبشره بقى بالجنة - 00:01:59ضَ

يعني النقطة هي انه مش بالضرورة ان الذين يخافون ان يحشروا انهم يكونوا مؤمنين. تصوروا بقى قلنا قبل كده بس انتم نسيتم ان معزم الكفار مذبذبين في الكفر. فبتأتيهم خواطر انهم ممكن يكونوا على المنهج الخطأ - 00:02:15ضَ

بس معزمهم حتى لو الخواطر دي بتيجي عنده بيخفيها عن اسرته عشان ما يتأثروش عن الباقيين من اصدقاؤه وزملاؤه وجيرانه علشان ما يبقاش اضحوكة ويتريقوا عليه شكلك هتصبأ وتدخل دين محمد ويتريقوا عليه ويبقى مسخرة - 00:02:37ضَ

فربنا وصفهم يوم القيامة لما يوقفوا على النار بايه ؟ لو تفتكروا في الانعام تمانية وعشرين. هم بل بدا لهم ما كانوا يخفون من قبل الواحد منهم لما يقف على النار - 00:03:00ضَ

هيقول يا ريتني سمعت العقلي كان بيقوله لي يا ريتني سمعت لعقلي. او يا ريتني سمعت لقلبي الدنيا وامنت وما مشيتش ورا النفس وشهواتها واهوائها انا كت حاسس ان القرآن ده صح. وان فعلا فيه حشو. يا ريتني اتقيت الله. وانذر به الذين يخافون - 00:03:18ضَ

ان يحشروا الى ربهم ليس لهم من دونه ولي ولا شفيع لعلهم يتقون. بالتالي ممكن واحد يكون مشرك وبيعبد صنم لكن في قلبه اوف وفي عقله فيه خواطر تأتي تجعله يخشى انه يكون غلطان - 00:03:47ضَ

وان محمد يكون نبي فعلا وان يكون كلامه صحيح فيخاف انه يحشر فعلا الى ربه. دول اقرب للايمان من الاخرين اللي قاعدين يستهزئوا ويسخروا آآ من الاسلام ومن القرآن. دول هم اللي يستحقوا نبذل معهم وقت في دعوتهم. لان دول هيسمعوا. ده هيبان لما تلاقيه بيسمع - 00:04:08ضَ

يرمي السؤال ويسمع. مش سؤال يلاحقه بسؤال تاني من غير ما يسمع الاجابة. ده معناه انه بيضيع وقتك انما ده بيسمع احسن طريقة في دعوتهم ايه بقى ؟ مش المعجزات المادية. بالعكس - 00:04:31ضَ

افضل طريقة هي استخدام التأثير العاطفي حرك مشاعره قل له مين غيره وليك يحفزك. مين غيره يرعاك ويحميك؟ كمل الاية ليس لهم من دونه ولي ولا شفيع. لعلهم يتقون ما فيش غيره. ما لكش غيره - 00:04:45ضَ

اللي هيشفع لك لا الاصنام اللي عبدتها هتشفع لك. ولا الملائكة اللي انت عبدتها هتشفع لك. ولا المسيح عليه الصلاة والسلام اللي انت عبدته هيشفع لك. ولا بوذا اللي انت عبدته هيشفع. ولا - 00:05:07ضَ

اي حاجة انت عبدتها اشركتها معلقة تشفع لك هو ده الكلام اللي ممكن يحركهم فيتقوه ويؤمنوا ليس لهم من دونه ولي ولا شفيع لعلهم يتقون. وهذا الكلام يسري علينا احنا ايضا كمؤمنين. بالحق - 00:05:17ضَ

اللي خايفين من الحساب بعد البعث. القرآن فيه انذار لنا. علشان يساعدنا اننا نثبت على الايمان في مواجهة الشهوات الانزار بانك بان في حساب هناك حساب طيب ماذا سافعل عندما اقف امام الله؟ ويسألني لماذا عصيتني؟ فانا حتى المؤمن الكلام دوا يخصه ايضا - 00:05:38ضَ

جاي ينذر حتى المؤمن هنا المؤمن احيانا بيزل واحيانا بيمشي ورا شهواته حتى وهو مسلم وحتى وهو مؤمن عندما الواحد يقف امام الله آآ يبدأ دلوقتي لازم يتصور كده هاقول ايه لربنا - 00:06:08ضَ

لما يقول لي لماذا عصيتني؟ ولماذا فعلت كذا وكذا فده ترهيب يخوفني انا ايضا وده خوف مفيد. هناك تحفيز ايجابي يحرك المشاعر مشاعر الحب والعرفان. وهناك تحفيز ايضا او هناك ترهيب - 00:06:26ضَ

يخوفني. هم. ليس لهم من دونه ولي ولا شفيع لعلهم يتقون ما ليش غيره الله سبحانه وتعالى اللي ينصرني وما ليش غيره يشفع لي طيب لو انا لي قريب شهيد استشهد في الحرب ضد اسرائيل مسلا - 00:06:46ضَ

مش ده هيشفع لسبعين من اسرته؟ اه طب والنبي عليه الصلاة والسلام مش ممكن يشفع لي؟ اه بدون ربنا ما فيش شفيع لا النبي ولا الشهيد قريبك ربنا فقط هو الذي يأذن للشفعاء ان يشفعوا - 00:07:08ضَ

نسينا اية الكرسي من ذا الذي يشفع عنده الا باذنه. لازم حتى الشفاعة باذن ربنا ازا ليس لهم من دونه ولي ولا شفيع الواحد لما افتكر كده يتقي الله بقى لعلهم يتقون - 00:07:26ضَ

اقرا كده بقى اتنين وخمسين وتلاتة وخمسين لان فيه حاجة جامدة جدا ممكن تغير التاريخ دلوقتي تشعروا ان كفار قريش اعلنوا انهم ممكن يجتمعوا مع النبي صلى الله عليه وسلم - 00:07:48ضَ

ويتكلموا بهدوء ويسمعوا منه الموضوع كله. ويمكن الموضوع ده يعني لو لو النبي صلى الله عليه وسلم اقنعهم طالما هم مستعدين يسمعوا كده ويتكلموا بهدوء. ازا الموضوع ده كله ممكن يخلص بسلام جدا - 00:08:04ضَ

ممكن جدا النبي عليه الصلاة والسلام يقنعهم بالاسلام فتخيلوا بقى لو كان قريش كلها اسلمت في المرحلة المكية لا كان هيبقى في بدر ولا احد ولا حد يموت ولا حاجة خالص - 00:08:18ضَ

ولا حد يقتل والتاريخ كله كان هيتغير بس الزعماء الكبار بتوع قريش دول حطوا شرط واحد للنبي عليه الصلاة والسلام. عشان يقعدوا معه ويسمعوا كده آآ يمشي الصحابة الفقراء اللي قاعدين معه دول - 00:08:34ضَ

بلال وصهيب الرومي وعمار ابن ياسر وابن مسعود. قالوا له دول شوية ناس يعني معلش ما تأخزناش يعني عبيد وفقراء جدا يعني حتى لو واحد مش عبد فقير جدا ما عندهمش هدوم نضيفة. بحيس لما بيستحموا بيلبسوا نفس الهدوم - 00:08:49ضَ

بتبقى ريحتهم عرق ما عندهمش طبعا فلوس برضو يشتروا ديودورانت بقى ولا عطور ولا برفانات وبتاع. فمشيهم بقى عشان ايه؟ عشان نقعد بقى كده ونقعد نتكلم بقى في الكلام المهم - 00:09:10ضَ

النبي كان ممكن يقول للصحابة طب يا جماعة سيبونا شوية دلوقتي النبي طبعا طبعا النبي ما كانش هيعمل كده لكن ربنا قال له ايه ولا تطرد الذين يدعون ربهم بالغداة والعشي يريدون وجهه - 00:09:24ضَ

وما ما عليك من حسابهم من شيء. وما من حسابك عليهم من شيء فتطردهم فتكون من الظالمين وكذلك فتنا بعضهم ببعض. ليقولوا اهؤلاء من الله عليهم من بعد اليس الله باعلم بالشاكرين - 00:09:46ضَ

يعني ايه بقى قالوا له مشيهم عشان نعرف نقعد نتكلم بقى. الكلام بقى الكبار بقى. كلام الناس بقى الناس بقى رجال الاعمال بقى وطبعا هم كانوا رجال الاعمال فعلا يعني سادة قريش كلهم تجار - 00:10:12ضَ

فربنا قال له ولا تطرد الذين يدعون ربهم بالغداة والعشي ما تطردش المسلمين المؤمنين الصادقين اللي بيذكروا الله وبيدعوه بالغداة والعشي يعني ليل نهار من الصبح لغاية ما لما يصحوا لغاية بالليل قبل ما يناموا. دي ناس قايمة نايمة في ذكر الله دول هتطردهم. عشان شوية كفار - 00:10:30ضَ

وبيعملوا كده ليه حركات ماسك سبحة قدام الناس عشان خاطر الناس تقول له عليه آآ بتاع ربنا! لا يريدون وجهه ولا تطرد الذين يدعون ربهم بالغداة والعشي يريدون وجهه. يعني مش عايزين شيء دنيوي - 00:10:59ضَ

يريدون ارضاء الله طب والكفار دول مش خسارة برضه الفرصة اللي لن تعوض دي ما يمكن اما يسمعوا كلام النبي ويسمعوا القرآن وتدبر القرآن ادخلوا في الاسلام. مش مهم ما عليك من حسابهم من شيء. وما من حسابك عليهم من شيء - 00:11:17ضَ

مش مشكلتك خالص كل واحد شايل زنوبه واعماله هو بس اللي هيتحاسب عليها. لا انت هتتحاسب على اعمالهم وعقائدهم وافعالهم ولا هم هيتحاسبوا عن عقائدك ولا اعمالك. بس كده. انت فتطردهم فتكون من الظالمين تطرد المسلمين دول تبقى من الظالمين. كلمة كبيرة جدا - 00:11:42ضَ

النبي عليه الصلاة والسلام ايوة ما فيش حاجة اسمها هتمشيهم عشان خاطر آآ دول فقراء لا لا لا اوعى تطرد المؤمنين من مجلسك والا لو عملت كده هتبقى زالم التدبر هنا - 00:12:05ضَ

هو ان الاسلام فيه مبادئ اساسية لا يمكن التهاون فيها لا احد كائنا من كان يستطيع ان هو يتهاون في هذه المبادئ ده فكرني الحقيقة وانا بتدبر الحلقة دي من عشرين سنة كده دعيت - 00:12:18ضَ

آآ في احدى دول الخليج الكبيرة وفرجوني لمسجد ضخم كبير اتبنى اية معمارية الحقيقة وكانت زيارة رسمية الحقيقة. كان يعني كنت ايامها بقى مدعو من قبل آآ رئيس الدولة نفسه - 00:12:40ضَ

عملوا لي زيارة للمسجد حاجة تحفة يعني بس انا لاحظت والعربية داخلة بي كده ان انا داخل من مدخل اسمه مدخل كبار الزوار يعني العربية دخلت من حتة في الباركينج تروح على مدخل كبار الزوار - 00:12:59ضَ

وبعدين قلت خلاص ده الباركنج بتاع المسجد ماشي نزلنا فيه مدخل للمصلين اسمه مدخل كبار الزوار بعد ما خلصنا وفرجوني الاية المعمارية دي اتعمل معي اجتماع كده وسألوني انت زرت المسجد قلت لهم ايوة زرته طيب وايه رأيك؟ قلت لهم يعني طبعا تحفة جميل جدا ورائع وبتاع - 00:13:13ضَ

لكن انتم افسدتم معنى المسجد باليافطة دي اللي انتم حاطينها في احد المداخل كان مكتوب مدخل كبار الزوار. مدخل المصلى مدخل المسجد نفسه وربنا بيقول في سورة الجن وان المساجد لله فلا تدعو مع الله احدا. في المساجد كلنا سواسية امام الله - 00:13:38ضَ

مسجد ملك لله. ما فيش حاجة اسمها صاحب المسجد صاحب الارض اتبرع به عشان المسجد يتبني خلاص ما بقاش صاحب الارض ما فيش حاجة اسمها مين صاحب المسجد. صاحب المسجد هو الله - 00:14:02ضَ

مش من حق حد انه انه يفرق في المسجد بين ابيض او اسود او غني او فقير او حاكم او محكوم وهو ده المعنى اللي كان الكفار عاوزينه اصلا. عشان يقعدوا مع النبي ويسمعوا. قالوا له بس اعمل لنا المسجد فيه كده بيزنس كلاس وايكونومي كلاس في المسجد - 00:14:16ضَ

اخر رسول من رسل الاسلام انطلب منه يعمل نظام تبقي يفرق بين الفقراء والاغنياء يجعل هناك مجالس للاغنياء وعلية القوم ما يحضرهاش الفقراء اول رسول اتطلب منه نفس الشيء. ايه رأيكم بقى ؟ اللي هو سيدنا نوح - 00:14:40ضَ

اتطلب منه نفس الشيء ورد عليهم في سورة هود وما انا بطارد الذين امنوا انهم ملاقوا ربهم ولكني اراكم قوما تجهلون ويا قوم من ينصرني من الله ان طردتهم افلا تذكرون - 00:15:04ضَ

يعني بيقول انا لو طردتهم الفقراء دول عشان انتم تقعدوا معي مين اللي ينصرني من الله؟ يعني مين اللي هيحوش عني؟ عزاب ربنا سيدنا نوح وفي سورة الشعراء بقى هنشوف ان الدنيا ولعت ولعت عشان سيدنا نوح رفض التهاون في المسألة دي - 00:15:28ضَ

شيء عجيب! بصوا بقى! سورة الشعراء من الاية مية وخمسة كذبت قوم نوح المرسلين اذ قال لهم اخوهم نوح الا تتقون اني لكم رسول امين فاتقوا الله واطيعون وما اسألكم عليه من اجر. ان اجري الا على رب العالمين. فاتقوا الله واطيعون. قالوا ان - 00:15:49ضَ

مينو لاكا واتبعك الارذلون انت عايزنا نؤمن لك ونتبعك زي الناس اللي امنت بك دي انت حواليك شوية غلابة وشوية عالم تعبانة لا لا لا سيدنا نوح نوبة قال وما علمي بما كانوا يعملون؟ هو انا هاعمل انترفيو لكل واحد قبل ما يؤمن؟ اشوفه بيشتغل ايه - 00:16:19ضَ

انحسابهم الا على ربي لو تشعرون. وما انا بطارد المؤمنين. ان انا الا نذير مبين. مش هيحصل ان اوعوا تفكروا ان هيحصل ان انا هطرد المؤمنين الفقراء. لا لا لا - 00:16:44ضَ

مش هيحصل ومش هينفصل ابدا المؤمنين وهيظل المجتمع المؤمن ملتحم طبقة واحدة. مش يبقى فيه طبقة خاصة للفقراء وطبقة للاغنياء مش هيحصل قالوا الدنيا ولعت بقى لان لم تنتهي يا نوح لتكونن من المرجومين - 00:17:02ضَ

قال ربي ان قومي كذبون فافتح بيني وبينهم فتحا ونجني ومن معي من المؤمنين. بس ولعت الدنيا لما كان يتراجع لأ الاسلام لا يتراجع الناس هي اللي لازم تعرف انها محتاجة للاسلام مش الاسلام هو اللي محتاج الناس. فحصل ايه بقى - 00:17:23ضَ

خلاص اداع فافتح بيني وبينهم فتحا ونجني ومن معي من المؤمنين فانجيناه ومن معه في فولك المشحون ثم اغرقنا بعد الباقين. في ستين داهية مع الف مش قادر اقول يا معالي سلامة اتنين في ستين داهية - 00:17:48ضَ

الاسلام مش هيتغير عشان حد. الاسلام فيه ثوابت وهو ان الناس كلهم اخوة لا تمييز بينهم على اساس لون ولا جنس ولا عرق ولا مستوى مادي الاسلام جاي عشان يغير الناس - 00:18:10ضَ

مش جاي عشان يتغير علشان الناس. لأ الاسلام جاي يعالج الامراض النفسية اللي عند الناس كبر وغرور يبقى فايدته ايه بقى؟ لو الانسان امن ودخل الاسلام وفضل او استمر بنفس خصاله السيئة وامراضه النفسية والعقلية اللي - 00:18:28ضَ

ودي مشكلة موجودة النهاردة المسلمين عاوز في مسلمين عاوزين يأيفوا الاسلام بطريقة ترضي الناس. عشان يواكب التغيرات اللي في المجتمع الاسلام اصلا نازل يناسب كل العصور. ولكن هناك تغيرات حصلت - 00:18:47ضَ

للاسوأ نتيجة امراض اجتماعية الحل هو ان المجتمعات تتغير بما يتفق مع تعاليم الاسلام وليس ان احنا نغير الاسلام بما يوافق المجتمعات الجديدة لا ده مش مقبول اقرا بقى معي اتنين وخمسين تاني - 00:19:11ضَ

ولا تطرد الذين يدعون ربهم بالغداة والعشي يريدون وجهه. ما عليك من حسابهم من شيء. وما من عليهم من شيء فتطردهم فتكون من الظالمين. وكذلك فتنا بعضهم ببعض اية تلاتة وخمسين وكذلك فتنا بعضهم ببعض ليقولوا اهؤلاء من الله عليهم من بيننا - 00:19:35ضَ

اليس الله باعلم بالشاكرين ربنا بيفتن الناس ببعض يعني بيختبر الناس ببعض الفتنة اختبار ابتلاء بيبتلي الناس ببعض بيفتن الغني بالفقير عشان يشوف الغني هيتعالى على الفقير ويتكبر على الفقير فيسقط في الامتحان ولا هيعامله معاملة لا تشعره ان فيه فرق بينهم ويقول في نفسه يعني مين يعرف - 00:20:09ضَ

مش يمكن هو يكون عند ربنا افضل مني هو ده المفروض ويفتن الفقير بالغني نشوف هيحسده هيحقد عليه هيتمنى زوال نعمته فيسقط في الامتحان هو كمان. ام سيدعوا له بالبركة والهداية - 00:20:43ضَ

احلو عملا بقول النبي صلى الله عليه وسلم لا يؤمن احدكم حتى يحب لاخيه ما يحب لنفسه ربنا بيبتلي وكذلك فتنا بعضهم ببعض ليقولوا اهؤلاء من الله عليه من بيننا؟ على فكرة ربنا بيفتن المتدين بغير المتدين ايضا - 00:20:59ضَ

المتدين يشوف اللي مش متدين فيشعر انه احسن منه ده مين ده ؟ حرام انا شايف واحد من اهل النار مين قال لك حاله هيبقى ايه قبل ما يموت وانت حالك قبليها قبل ما تموت. انت تدعو الله انه يثبتك على الدين. وتقول كده دايما ربنا لا تزغ قلوبنا بعد اذ هديتنا - 00:21:26ضَ

ويفتن غير المتدين بالمتدين اصلا ويشوف هيتخذوا قدوة ولا لا ولا هيحاول ان هو يضلله وهكذا. اذا ربنا بيفتن الناس ببعض قالوا ايه بقى دول الكفار قالوا ايه وكذلك فتنا بعضهم ببعض ليقولوا اهؤلاء من الله عليهم من بيننا؟ بقى هم دول اللي ربنا اختارهم عشان يمن عليهم بالهداية - 00:21:46ضَ

من بين كل دول يعني ربنا ما لقاش غير دول شف الكبر. خلوا بالكم المال اذا دخل قلب الانسان افسده جعله يشعر ان هو مش من تراب زي الفقير. لأ انا اعمل حاجة مختلفة - 00:22:14ضَ

يشعر المختلف في كل شيء وبيبدأ الاغنياء هنا تفسد فطرتهم مش كل الاغنياء طبعا يعني الا من رحم ربي لكن لكن اللي دخل المال في قلوبهم بتفسد فطرتهم لدرجة انهم بيعملوا طبقات داخل المجتمع - 00:22:30ضَ

الغني نفسه عشان يتكبروا على بعض يعني لا يمكن يفرحوا ابدا لفقير اصبح غني زيهم. لأ لأ ولو واحد فقير اصبح غني ينزروا له نزرة علوية ولان هم اسبق منه في الغنى - 00:22:49ضَ

هم اغنيا ابا عن جد لكن هو لسة يعني اول جيل في في الفلوس. وبيقولوا عليه ابن اصله نوفريش ده اصله غني جديد مش ابن ناس زينا. فساد فترة ليس بعده فساد المال مفسد - 00:23:07ضَ

نرجع بقى للاية. وكذلك فتنا بعضهم ببعض ليقولوا اهؤلاء من الله عليهم من بيننا بقى هم دول اللي ربنا اختارهم عشان يهديهم اسمع رد ربنا بقى اليس الله باعلم بالشاكرين - 00:23:23ضَ

ليه ما قالش بالمؤمنين؟ مش ربنا من عليهم بالهداية! ليه ما قالش بالمهتدين ايه حكاية الشاكرين دي ؟ كل ما تيجي كلمة شاكرين لازم تفكرك بقصة بداية الخلق. الكلمة دي كلمة مفصلية في القرآن. الشاكرين سمعناها في قصة بداية الخلق. لما ابليس - 00:23:41ضَ

اقسم انه يضل بني ادم قال ايه الاعراف ستاشر وسبعتاشر وانت مغمض قال فبما اغويتني لاقعدن لهم صراطك المستقيم ثم لاتينهم من بين ايديهم ومن خلفهم وعن ايمانهم وعن شمائلهم ولا تجد اكثرهم شاكرين - 00:24:03ضَ

فالشيطان كل همه يجعلك غير شاكر غير شاكر يعني كافر كافر بالنعمة مش بالضرورة كافر يعني كافر يعني بتعبد حد غير ربنا. لكن ده كل همه يجعلك مش شاكر اذا الانسان هو اللي بيختار اما يشكر او يكفر - 00:24:30ضَ

فمن يشكر يمن الله عليه بالهداية ومن يكفر بيضل شفت بقى تمسك الله بالمؤمن حتى لو كان فقير المليونير اتقال له مش عاجبك تقعد مع الفقير؟ ياللا مع السلامة غور في داهية - 00:24:48ضَ

ومش بس ربنا يتمسك بالفقراء اللي كانوا قاعدين مع النبي عليه الصلاة والسلام لأ ده كمان هيجبر بخاطرهم بطريقة فيها تكريم ما لوش مثيل. اقرأ معي الاية اربعة وخمسين. شيء عجيب سبحان الله! جبر خواطر - 00:25:05ضَ

للفقراء ربنا قال ايه بقى للنبي عليه الصلاة والسلام؟ واذا جاءك الذين يؤمنون باياتنا فقل سلام عليكم ربكم على نفسه الرحمة انه من عمل منكم سوءا بجهالة ثم تاب من بعده واصلح - 00:25:21ضَ

فانه غفور رحيم وكذلك نفس الايات ولتستبين سبيل المجرمين يعني ايه بقى الكلام ده اللي قاعد والناس داخلة عليه هم اللي لازم يلقوا السلام صح وهو يرد السلام دي اداب السلام. اداب السلام معروفة - 00:25:42ضَ

الماشي لازم يسلم على الجالس مش العكس الراكب يسلم على الماشي مش العكس الداخل يسلم على من بالداخل. لكن ربنا عمل وضع خاص لهؤلاء الفقراء الستة. اللي كانوا حول النبي صلى الله عليه وسلم والكفار - 00:26:10ضَ

طلبوا انه يطردهم والنبي ما طردهمش ونزلت الايات بتقول له ما تطردهمش ولو طردتهم تبقى من الظالمين وكمان اتعمل لهم وضع خاص. ومن هنا ورايح. لما يدخلوا عليك يا نبي الله - 00:26:27ضَ

تبدأهم انت بالسلام وتبلغهم من الله السلام شفتم جبر الخاطر؟ لان الفقير مشاعره بتنجرح لما يعرف ان فيه غني قرفان منه وقرفان من ريحته فربنا بيجبر بخاطرهم بيقول ايه؟ واذا جاءك الذين يؤمنون باياتنا فقل سلام عليكم. انت اللي تسلم عليهم - 00:26:45ضَ

ده امر مني اذا انت بتبلغهم مني انا السلام ادي اول كرامة ربنا بيكرمها لهم الكرامة التانية او التكريم التاني خطير ربنا بيبشرهم ان ربنا قد تاب عليهم كتب ربكم على نفسه الرحمة انه من عمل منكم سوءا بجهالة ثم تاب من بعده واصلح - 00:27:11ضَ

انه غفور رحيم. ربنا غفر لهم ورحمهم. لكن يستوقفني هنا كلمة كتب على نفسه الرحمة ايه قيمتها خلي بالك ربنا رحيم وخلاص خلي بالك وردت عدة مرات ان ربنا يفعل ما يشاء. فعال لما يريد - 00:27:36ضَ

فعلوا اللي ما يريد دي اللي يفهم معناها لازم يصيبه الرعب رعب ليه؟ معناه ان ربنا يستطيع يفعل اي شيء بما فيه بما فيها ايه بقى انه يوم القيامة يأمر - 00:28:04ضَ

بان الكفار والظالمين هم اللي يدخلوا الجنة. والمؤمنين والصالحين هم اللي يدخلوا النار. حد يقدر يمنع ربنا يعمل كده؟ لأ طب ما ده مرعب يا مرعب الحل ايه؟ الحل ان حد يحط لربنا قانون وما يخرجش عنه. معقول! هو فيه حد يقدر يحط ربنا قانون! ايوة - 00:28:21ضَ

مين ؟ ربنا نفسه ازاي ؟ عشان ربنا يطمنك. ربنا كتب على نفسه اشياء وحرم على نفسه اشياء معقول! ايوة يا عبادي اني حرمت الظلم على نفسي ما حدش يقدر يحرم حاجة على ربنا. فربنا حرم على نفسه هو وقال لك عشان يطمنك - 00:28:43ضَ

وعشان كده في سورة هود ان ربي على صراط مستقيم. ربنا عمل لنفسه صراط مستقيم يمشي عليه. ليه؟ عشان يطمنك كتب ربكم على نفسه الرحمة. يعني فرض على نفسه الرحمة انه يرحم ويغفر - 00:29:11ضَ

طب يغفر لمين ؟ كمل الاية انه من عمل منكم سوءا بجهالة ثم تاب من بعده واصلح فانه غفور رحيم. ربنا هيتوب فقط على اللي يعمل سوء او يعمل سيئة بجهالة - 00:29:33ضَ

يعني ايه يعني ما كانش عارف انها حرام؟ طب واللي عارف انه بيعمل حاجة حرام وبعد كده تاب واصلح ما ينفعش ربنا يتوب عليه؟ لأ بجهالة هنا معناها انه عمل السيئة - 00:29:49ضَ

مش بس معناه انه يجهل انها حرام لأ. معناها انه عملها وهو يجهل عقابها قد ايه كبير عكرمة احد المفسرين الكبار قال ما فيش حد بيعمل ذنب الا بجهالة يعني لا يمكن انسان يدرك شدة العقاب وشدة العذاب اللي على الذنب ويعمله برضو - 00:30:04ضَ

فاي انسان عمل ذنب اسمه ارتكب الذنب ده بجهالة اطمنوا في الحتة دي اذا ربنا كتب على نفسه الرحمة اللي يعمل سيئة وبعد كده يتوب ويصلح لان ممكن السيئة دي تكون في حق انسان اخر. يبقى لازم يصلح اللي عمله. يعيد - 00:30:29ضَ

الى اهلها. لازم يصلح اللي افسده في الحالة دي ربنا بيتوب على التائب ويغفر ويرحم من يعود اليه خلاص؟ وكذلك تفصل الايات ولتستبين سبيل المجرمين. نخليها المرة الجاية ان شاء الله عشان ما نطولش عليكم - 00:30:48ضَ

اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب تحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب - 00:31:11ضَ

اللهم اجعل حبك احب الينا من اهلينا واموالنا وبنا الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي - 00:31:30ضَ

قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور - 00:31:57ضَ

صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون - 00:32:18ضَ

بحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم يحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك - 00:32:44ضَ

اللهم بحق كل حرف في كتابك تلوناه او تدبرناه. عيد بنصرك المرابطين في الارض المباركة فلسطين. اللهم سدد رميهم وخيب رمي عدوهم وتقبل شهدائهم وكن مع اخواننا في تركستان الشرقية وفي الشام وفي كشميرا وفي الهند - 00:33:03ضَ

وانصر من نصرهم واخذل من خذلهم. وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعة - 00:33:23ضَ

وتوحدت على دعوتك وتعاهدت على نصرة شريعتك. فوثق اللهم رابطتها وادم واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك واهيها يا ربنا بمعرفتك. وامتها يا مولانا على الشهادة في سبيلك - 00:33:45ضَ

انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه والسلام عليكم ورحمة الله. ونراكم غدا باذن الله في نفس هذا الموعد ان كنا من اهل الدنيا - 00:34:12ضَ