Baheth

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم اما بعد اه من وقت لاخر بيحتاج الانسان ان هو يفوق نفسه. يفوق نفسه فعلا يعني الدرس ده آآ هو لي في المقام الاول. بس قلت بدل ما اقوله لنفسي - 00:00:00ضَ

يعني ينتفع به لوحدي اقوله لكم بالمرة لان الانسان آآ لا يسلم من فترة آآ مع يعني طول الامد. زي ما ربنا قال آآ فطال عليهم والامد صح؟ الم يأن - 00:00:22ضَ

للذين امنوا ان تخشع قلوبهم لذكر الله وما نزل من الحق. ولا يكونوا كالذين اوتوا الكتاب من قبل فطال عليهم الامد. فايه؟ فقست قلوبهم وكثير منهم فاسقون. اه. طبيعة الانسان مهما كان اه بيقول انا ملتزم مهما كان اه طالب علم مهما - 00:00:39ضَ

كانت اخته طيبة ومنتقبة وكل الكلام الجميل ده تمام اه كل الكلام ده في الاخر كلنا بنعدي بنفس المرحلة ديت مرحلة ان القلب ازا طال عليه الامد يحصل له نوع من الايه؟ نوع من القسوة. يعني ايه طول الامد - 00:01:03ضَ

يعني الانسان اه بيبدأ يشعر ان هو بقى زي الناس طال علينا الامد في الالتزام. بقى لنا سنين ملتزمين. آآ اللي بنصبح فيه بننام فيه ما فيش تجديد للعهد مع الايمان. ما فيش طلب علم زيادة. ما فيش تدبر قرآن. بقينا شبه الناس - 00:01:28ضَ

بقينا بنتكلم نفس كلام الناس بقينا لو قعدنا في قعدة واحنا ملتزمين اهو بنقول على نفسنا ملتزمين بنتكلم زي الناس بالظبط في الدولار والجنيه اه والاسعار اللي طلعت واللي نزلت واكل العيش والحياة والمشاكل والسياسة والاقتصاد - 00:01:50ضَ

بقينا بنتكلم زيهم. بل بين حتى لما بيتكلموا غلط بنتكلم في الغلط زيهم. بقوا لما يتكلموا على افلام ومسلسلات وافيهات ويوتيوب برده نلاقي نفسنا عارفين كل حاجة متابعين زيهم وما فيش فرق بيننا وبينهم في الحياة - 00:02:12ضَ

احنا بنشعر ان احنا واضح انه طال علينا الامد وواضح ان القلوب بدأت تقسو واضح ان احنا بقينا عادي يعني. بقى يشغلنا ما يشغل الناس وبقى يفرحنا اللي يفرح الناس. وباقي يحزنا اللي يحزن الناس - 00:02:31ضَ

ما بقاش في اي تميز في اي حاجة. فدي علامة سيئة وعلامة انهيار وعلامة ان احنا ايه انتبه من فضلك السيارة ترجع الى الخلف. انتبه من فضلك. التزامك يرجع الى الخلف - 00:02:47ضَ

لو زدنا على زلك بقى ان انت حاسس بالتوازي ان الازكار بتروح. والصلاة بقت تقيلة على قلبك وقيام الليل عليه السلام راح يعني. وآآ صيام النهار بقت مش عارف ليه بقت تعبان؟ بقت بادوخ. ما بقتش قادرة زي الاول - 00:03:01ضَ

انا حاسس ان انا لا الصيام ده بقى تقيل على قلبي. آآ بالنسبة طلب العلم الجدول بالسلامة. من زمان ما فيش جدول دورات كتير بنشترك فيها ومش بنكمل في اي حاجة. الاذكار لو قلناها فبتبقى تمتمة - 00:03:25ضَ

زي زي الطلاسم كده من غير استفادة من غير اي حضور قلب نتلزز بمجالس الغفلة. نتلزز لو قعدنا مع اهل الغفلة. لو سمعنا حتى اللي بيزكرنا بالله بقى الموضوع تقيل على قلبنا - 00:03:43ضَ

بقت المقاطع اللي فيها هلس وهزار وضحك واستخفاف وغيبة بقت بتسلينا. والمقاطع الدعوية النافعة ما بقيناش بنشغلها زي الاول. كل الاعراض دي لو لقيتها في نفسك فاعلم ان السيارة ترجع الى الخلف. واعلم ان لن ينفعك اللحية. لن تنفعك اللحية. لن ينفعك النقاب - 00:04:00ضَ

لن ينفعك الخمار. لن ينفعك ان انت تعرف كل الدعاء وكل الشيوخ ومتابعهم وعامل فولو ولايك لن ينفعك الا العمل الحقيقي على الارض ما الذي تفعله في خلوتك ما الذي يراه الله منك - 00:04:27ضَ

في ظلمات الليل وفي غرفتك وهي مغلقة عليك شف ربنا بيقول ايه عن النبي والصحابة؟ ان ربك يعلم ان ربك يعلم انك تقوم ادنى من ثلثي الليل ونصفه وثلثه جلوسه وطائفة من الذين معك - 00:04:45ضَ

والله يقدر الليل والنهار لو قلنا شيلنا ان ربك يعلم انك وتكلمنا عنك انت بقى اتكلمنا ايه عنك انت. وقلنا يلا اكمل الجملة الاتية. اكمل الجملة الاتية ان ربك يعلم انك - 00:05:05ضَ

اكمل جملتك الشخصية بص جملة الصحابة هي كده ان ربك يعلم انك تقوم ادنى من ثلثي الليل ونصفه وثلثه طائفة من الذين معك دي الجملة اللي لو قلنا للنبي عليه الصلاة والسلام اكمل وقلنا للصحابة اكمل هيكملوا كده. يلا اكتب دلوقتي جملتك الشخصية - 00:05:25ضَ

ان ربك يعلم انك وانكدي بعديها نقط كده. هي دي مش اية مش هتبقى اية دلوقتي. هي دلوقتي جملة انت هتخترعها لنفسك. وهتكتب فيها الحقيقة حقيقة نفسك سيبك من اللي بيقولوا عليه الناس. الناس بيقولوا عليك شيخ. الناس بيقولوا عليك مولانا. الناس بيقولوا عليك اختنا. الناس بيقولوا عليك - 00:05:52ضَ

المعلمة الناس بيقولوا عليك اللي فاهمة المتدينة المنتقبة المختمرة والاخت الصالحة. دعك من كل هذا. ان ربك يعلم لم يعلم ايه بقى؟ ده اللي يعلمه الناس لكن ماذا يعلم الله؟ الله ماذا يعلم الله عنك - 00:06:15ضَ

هذه هي دي المسألة التي ينبغي ان انت تقعد تفكر فيها كتير. عندما تقرأ هزه الاية. تقعد كتير قوي تفكر في الكلمة ديت. ياه هي لو الاية دي نزلت فيا انا فهيتقال لي ايه بقية الجملة - 00:06:32ضَ

ان ربك يعلم انك انك هل هيتقال انك تقوم ادنى من ثلثي الليل؟ ولى انك تقعد على اليوتيوب عشر اربع ساعات بالليل بلا اي فائدة. ولا انك تقلب في مقاطع التيك توك بالساعات بلا فائدة. ولا انك تقلب - 00:06:47ضَ

في الانستجرام بالساعات بلا فائدة. ولا انك آآ قاعد بتقلب في التفاهات بلا فائدة. ولا انك انت شاهد اباحية واسوأ بكتير. ولا انك انت بتكلم شات مع بنات بالليل. اه ولا انك انت غافل لاهي - 00:07:09ضَ

في لاعب ولا انت نايم بتنام بالعشرة والاتناشر والخمستاشر ساعة ولا انت ما بتصحاش الفجر؟ ولى انك آآ يعني بتقعد بقى بتتكلم بقى في غيبة ونميمة وتجيب في سيرة الناس وتقعدي تجيبي في سيرة - 00:07:29ضَ

هي تسير الدية تسير الدية ودي لزة المجلس بتاعتك. ولو فتحتي المصحف ما بتستحمليش تقعدي صفحتين تلاتة بتزهقي. انت ممكن تقعدي ساعة وساعتين مع زميلتك في التليفون تتكلمي على فلانة وفلانة وفلانة غيبة في غيبة في غيبة. وشفتي المقطع ده شفتي المقطع دوت وشفتي الفيديو ده وشفت - 00:07:47ضَ

البلوجر ديت عملت ايه؟ وشفت البت دي عملت ايه؟ وشفت البلوجر دي نزلت ايه؟ والبلوجر ديت لابسة ايه؟ واليوتيوبر ده نزل ايه؟ وبنقعد طول الليل في الموضوع ده ودي منتقبة ودي بخمار وده ملتحي - 00:08:07ضَ

لكن تطال عليهم الامد. طال عليكم الامد. طال عليكم الامد. فقست القلوب. قست القلوب. وبالتالي لما تقسوا القلوب يصل امري الى الفسق وكثير منهم فاسق وكثير منهم ايه؟ فاسقون. نسأل الله السلامة - 00:08:22ضَ

والعافية. فازا وجدت هزه الاعراض مع اه زي ما قلنا انك انت بتحس الاذكار بدأت ايه؟ تريح منك شوية وحاسس ان حتى لما بقول اذكار الدنيا واقعة ورد القرآن ريح وطلب العلم في المواسم ومتابعة الدورات والاكاديميات مع - 00:08:43ضَ

سلامة وقيام الليل بقى ركعتين او ركعة احيانا ده لو قمت اصلا وصلاة الجماعة راحت الصلاة في اول الوقت راحت. الصلاة الطويلة الطويلة اللي انا اقعد اصلي صلاة طويلة فعلا. اطول في الصلاة كده راحت - 00:09:09ضَ

والصلاة ما يبقاش فيها خشوع السلامة. مع احساس ان ان انا بقت شبه الناس. بقيت بتكلم زي الناس. وبيحب احب اللي بيحبه الناس بخاف من اللي بيخاف منه الناس. فرحني اللي بيفرح الناس. مواضيع بقت زي مواضعهم. طول النهار بتكلم في الدنيا. طول النهار بنضحك ونهزر - 00:09:29ضَ

فاعلم ان الالتزام يرجع الى الخلف انتبه من فضلك التزامك يرجع الى الخلف انتبه من فضلك قال عليك الامد انتبهي من فضلك. لقد قسى القلب واوشك على المواد وانا جاي النهاردة - 00:09:48ضَ

هلق نفسي والحقك ونتكلم شوية بصراحة. ما حدش شايفنا احنا في لايف وقاعدين مع بعض يعني ما لو ما لحقناش بعض دلوقتي ما حدش هيلحقنا. احنا بنطلع برة في الواقع ما حدش بيكلمنا عن ربنا - 00:10:10ضَ

احنا بنيجي هنا بنفضفض. بنيجي في اللايف يوم الاتنين نفضفض بنقعد طول الاسبوع بنقابل ناس ودنيا وناس بتتكلم في الدنيا والاسعار والدولار والكلام دوت نيجي يوم الاتنين كده نقعد مع بعض كده. نشتكي لبعض همومنا. هاقول لكم ازيكم عاملين ايه. وحشتوني. ما تكلموني عن ربنا. ما تشجعوني اتكلم - 00:10:26ضَ

ما تخلوني ازكر نفسي بالله. وانا ازكركم بالله. ونقعد نلحق في بعض. ما فيش بقى الشيخ علاء وانتم الطلاب والكلام ده. لا احنا قاعدين كده قاعدة ونس مع بعض. وكل - 00:10:49ضَ

واحد فيكم بيزكرنا بالله. والكومنتات دي بتزكرنا بالله فبنيجي نفوق نفسنا ناخد قلمين كده يوم الاتنين الساعة تسعة وبعد كده بعد القلمين دولا نيجي تاني ننزل في الدنيا بس على الاقل مش هرجع زي ما كنت هحاول افوق شوية افوق يومين تلاتة لغاية ما يجي - 00:10:59ضَ

اللقاء اللي بعد كده قسوة القلب لو حصلت فدي اكبر مصيبة ممكن تحصل لك. ليه؟ لان ربنا قال فقست قلوبكم وكثير فقست قلوبهم وكثير منهم فاسقون. اول ما تبدأ القسوة يبدأ الفسق - 00:11:18ضَ

الفسق يعني ايه الفسق؟ يعني الخروج عن طاعة الله تعالى. وتبدأ انت فعلا تشعر بكده بعد فترة معينة. آآ اه مش هنقول الفسق بقى ان انت بتزني وبتشرب خمرة مش ضروري. يعني مجرد ان انت بدأت تخرج عن طاعة الله ده اسمه فسق لان كلمة فسق في اللغة - 00:11:40ضَ

يقال فسقت الحبة ازا خرجت من الايه؟ من الغشاء بتاعها مخالفة سقت في اي حاجة خرجت بيقال فسقت. فمجرد انت تخرج عن طاعة الله ده درجة من الفسق تعالى دلوقتي نقول هل قست القلوب ولا لأ - 00:12:00ضَ

انا اسألكم بالله واحنا واحنا دلوقتي بنكلم ناس غالب الزن اللي قاعدين معي دول ناس بيقربوا من ربنا تمام؟ ويمكن في ناس بقى لها سنين بتقرب من ربنا. انا اسألكم بالله - 00:12:18ضَ

مش في منة منة اللي رجع رجع يعني يمكن زمان تعالى قارن بين نفسك من تلت سنين اربع سنين وبين دلوقتي المفروض نزريا ان انا انا بزيد في الالتزام. المفروض نزريا ان انت كل شوية بتقرب من ربنا بتزيد - 00:12:34ضَ

طيب اسألك سؤال. اسألك سؤال هل هل ورد القرآن بتاع دلوقتي اكبر ولا ورد القرآن اللي كان من سنة او سنتين سؤال محرج اسألك بالله هل رؤيتك لمقاطع افلام مسلسلات بل واغاني دلوقتي - 00:12:51ضَ

وانك انت بدأت تتآلف مع الموضوع ده زيي حال قلبك مع نفس المقاطع ديت ونفس الاغاني نفس الافلام نفس المسلسلات من تلت اربع سنين المفروض تكون اشد بغض لها المفروض تكون اشد بعد عنها - 00:13:20ضَ

فلو حصل العكس يبقى فيه حاجة غلط. هل استيقظك وانتظامك على صلاة الفجر. دلوقتي بعد سنين الالتزام ديت زي من تلات اربع سنين هل حرصك على الصف الاول زي من اربع سنين؟ هل حرصك على تكبيرة الاحرام زي من تلات سنين - 00:13:38ضَ

احنا بننهار قست قلوبكم قلوبهم وكثير منهم فاسقون. بدأنا نخرج عن طاعة الله تعالى. هو ده الفسق بدأ منا اللي بدأ يسمع اغاني عادي خلاص كل الناس بتسمع اغاني. الاغاني بقت بتملأ السهل والوادي. الاغاني بقت في كل المقاطع وفي كل الفيديوهات خلاص. انا بدأت انا رجعت تاني اصلا - 00:14:03ضَ

في اللي بدأ يرجع يسمع الكوري والاجنبي والعربي وفي اللي بدأ يتآلف مع مسلسلات عنده نتفليكس في البيت. في منا ملتزم مين؟ واخوات بقى عندهم نتفليكس في البيت بقوا بيتفرجوا عليها عادي. وبيقول لك يعني ده مش زي السينما ده حاجات بسيطة وهو مش عارف ان دي اخطر كمان من السينما - 00:14:29ضَ

دلوقتي بقى فيه تساهل في الغيبة. ما بقاش موجود في الاول. فدي علامات قال قال عليهم الامد فقست قلوبهم وكثير منهم ايه؟ فاسقون طيب ربنا زكر القسوة في اية تانية. وهي - 00:14:53ضَ

قوله تعالى ثم قست قلوبكم من بعد زلك فيا كالحجارة او اشد قسوة. وان من الحجارة لما يتفجر منه الانهار وان منها لما يتشقق فيخرج منه الماء وان منى لما يهبط من خشية الله - 00:15:12ضَ

الله بغافل عما تعملون المسال ده ربنا ضربه بيشبه به بين بين القلب القاسي وبين الحجر بيقول فهي كالحجارة. وبعد كده قال او اشد قسوة يعني بل اشد قسوة. ليه؟ لان الحجر مهما قسى - 00:15:31ضَ

فهو في النهاية بيتفاعل مع حب الله تعالى. ويتأثر ويخشى الله سبحانه وتعالى فالحجارة يتفجر منها الانهار لكن انت عينك بقت جامدة الحجارة يتشقق فيخرج منه الماء انت عينك ما بتدمعش بقى لها شهور - 00:15:55ضَ

منها ما يهبط من خشية الله. انت قلبك ما بقاش يهتز من خشية الله زي الاول بقت بتعمل حساب للناس. اكتر ما بتعمل حساب لله عشان كده بيقولوا من علامات قسوة القلب جمود العين. العين تبقى جامدة - 00:16:17ضَ

ما بقاش فيه البكاء زي زمان. زمان كنا نسمع الدرس نبكي. زمان كنا نسمع القرآن نبكي زمان كنا نحضر الجنازات نبكي زمان كنا نشوف العبر والمواعظ والايات حوالينا في من حولنا في هلاك الظالمين وفي حسن الخواتيم. وسوء الخواتيم كنا نتأثر ونبكي - 00:16:36ضَ

لكن دلوقتي معهد هناك لا تأثير ولا بكاء نسأل الله السلامة والعافية. وربنا زكر ربط بين انهمار الدموع او انهمار المياه قسوة القلب وكلما قسى القلب كلما قل انهاره. وكلما جمدت جمدت عينه - 00:17:01ضَ

الاصعب بقى من كده المرحلة الاصعب قول الله تعالى فبما نقضهم ميثاقهم لعناهم وجعلنا قلوبهم قاسية واجعلنا قلوبهم ايه قاسية يحرفون الكلم عن مواضعه يحرفون الكلم عن مواضعه ونسوا حظا مما ذكروا به - 00:17:23ضَ

ربنا بيقول ان قسوة القلب وصلتهم ان هم كمان نسوا دينهم وكمان عايزين يحرفوا في دينهم وده بتلاقيه بعد قسوة قلب. للاسف بقى دلوقتي في ناس من اللي كانوا شايفين ان كزا ده حرام خلاص. كان شايف ان كزا ده حرام - 00:17:59ضَ

بقى دلوقتي بيقول يا جماعة يعني ليه حرام طب ما انا سمعت في شيوخ بيقولوا حلال ليه ليه ليه ربتونا على الحاجات دي ان هي حرام طب ما يا جماعة ما هو في ناس في كلام تاني في حاجات بتتغير - 00:18:19ضَ

في ثوابت كان زمان زمان حاجات خلاص انت الفت ان هي غلط. دلوقتي بقت بتدور على فتاوى تحللها لك ده فيزا كان زمان الواحد خلاص ما فيش كلام فوايد البنوك الربوية حرام - 00:18:38ضَ

خلاص وده موضوع ما فيهوش كلام. كل العلماء الموسيقات قالوا فوايد الملوك الربوية حرام. دلوقتي بقى فيه طالع الجيل يقول لك ايه المشكلة؟ طب هنعمل ايه في الزمن دوت؟ طب ما الازهر بيقولوا حلال. في شيوخ بيقولوا حلال. هم. بقى دلوقتي بنتكلم بنفاصل - 00:18:55ضَ

بعد بقينا دلوقتي بنسمع اللي بيقول لك والله ده يعني ما فيش شيوخ بيقولوا الموسيقى دلوقتي حلال فيه شيوخ بيقولوا والله بيتكلموا في النمص والمرأة والترقيق الحواجب وفي ناس بتفصل وتقول اصل ينفع وما ينفعش. في ناس بدأوا يتكلموا ده في فتاوى طلعت في لبس المرأة ويعمل - 00:19:15ضَ

ازاي دخلنا سيبك من من فكرة ان انت دي فتوى صحيحة او مش صحيحة. فاكر ان انت بتنزل عموما يعني انت بعد ما كنت عامل لنفسك سقف معين بدأت تنزل منه - 00:19:35ضَ

وبتنزل منه مش عشان انت مسلا طالب علم واكتشفت علم جديد لأ انت بتنزل من السقف ده لهوا في نفسك انت عايز تنزل بس انت عايز استشارة عن النزول دوت - 00:19:49ضَ

فبدل ما تقول انزل واحس ان انا بعمل حرام لأ انا هنزل واجعل وشرعا الانهيار دوت وشرعا النزول دوت وانت مش واخد بالك ان انت مش بتنزل لمجرد لفتوى حتى لو فتوى صحيحة. يعني مسلا مسألة فيها خلاف يا سيدي. المسألة فيها خلاف. واحدة اه اه كانت طول عمرها لابسة - 00:20:02ضَ

النقاب على انه واجب. فخلاص بعد كده سمعت بدأت تسمع خلاف نقاب واجب ومستحب. قالت خلاص انا معقدة نفسي ليه؟ طب ما البسه ما اقلعه طالما هو كده كده في خلاف اقلعه. دي مش دي المشكلة. احنا معترفين ان مسألة النقاب فيها خلاف. لكن اختيارك للنزول هو ده الخطر - 00:20:22ضَ

الفكرة مش مش مش هنقلع النقاب وهيقف على كده الموضوع. الموضوع هيكمل هيكمل وهيبدأ النزول لمسائل ما فيهاش خلاف خلاف بعد ما بدأنا بالنزول في المسائل اللي فيها خلاف نزلت دايما للقول الادنى للقول الاقل - 00:20:41ضَ

وسبت القول الاحوط او الاشد ماشي ممكن نعدي دي. لكن المشكلة ان السلم بيكمل بقى. هو اللي بينزل مرة بيكمل نزول. لدرجة ان انت بدأت تتمنى بعض كان ان بعد ما كان كنت شايفها حرام بدأت اتمنى ان هي تكون حلال وبدأت تدور على اي حد يحللها لك مش عشان انت بتبحس عن الحق - 00:20:59ضَ

لكن عشان انت بتنهار. فبتدور عن حد يشرعن لك الانهيار. هتلاقي نفسك وصلت لمرحلة عايز الدين يتغير نفسه تحريف هذه مشكلة قسوة القلب. قسوة القلب لها علامات علامات. العلامات دي - 00:21:22ضَ

لو وجدتها في نفسك يبقى فعل القلب قاسي منها ضيق الصدر انت عارف زمان كان واحد في بداية التزامه صدره منشرح جدا فرحان بالهداية بيحب الدين قوي. عايز ينزل الشارع يكلم كل الناس في الدين. عايز يعني بيروح مشتاق لقيام الليل. كان - 00:21:44ضَ

صدر منشرح كان بيحب ربنا قوي. بيحب الصلاة قوي. بيحب الدعوة قوي. حب عمل الخير قوي. حب الشيوخ والعلماء. وحب الدروس وعايز طول يومه ما يطلعش من الدروس والعلماء والمشايخ وطلب العلم وقراءة القرآن كان صدره منشرح - 00:22:07ضَ

كم فرحان؟ كان سعيد كان طاير بالهداية ايه اللي حصل حاسس دلوقتي لأ انا ما بقتش فرحان زي الاول. حاسس ان قلبي بدأ ايه؟ صدري ضيق شوية. ما بقتش حاسس بالانشراح - 00:22:26ضَ

اللي انا كنت حاسس به. افمن شرح الله صدره للاسلام هو على نور من ربه فويل للقاسية قلوبهم من زكر الله اولئك فيه ضلال مبين. فمن يرد الله ان يهديه يشرح - 00:22:45ضَ

صدره للاسلام ومن يرد ان يضله يجعل صدره ضيقا حرجا. فاذا وجدت الان بعد الفترة دي ان العكس المفروض انا كل ما ازيد ايمان ازداد انشراح صدر. لأ انا بحس ان دلوقتي بقى صدري ضيق. خلقي بقى ضيق - 00:23:04ضَ

بقيت عصبي ما بقتش عندي آآ سعة صدر زي الاول ما بقتش مشتاق للعبادة زي الاول. ما بقاش عندي الحماس الدعوي اللي كان في الاول. انا كنت ببقى عايز اكلم كل البنات اللي في الكلية انا - 00:23:22ضَ

انا ببقى عايز عايز كل البنات يسمعوا الدرس اللي انا سمعته انا كنت بنشر وباعمل وبسوي وكان عندي حماس وكنت ماسكة الكلية وكنت المدرج ده انا لازم اكلم ايه اللي حصل؟ دلوقتي بتقفي مع البنات بتتكلمي معهم في نفس الكلام اللي بيتكلموا فيه. في الميك اب وفي الاكل وفي الشرب وفي الدولار بل وفي الولاد - 00:23:37ضَ

بعد ما كنت انت انت. اللي كنت نار في الدعوة في الجامعة ايه اللي حصل بتشاي بضيق في الصدر دايما. ما بقاش فيه الحماس بتصلي الصلاة عايزة تخلصيها ما بقاش فيه الحب حب الصلاة ما بقاش فيه لذة الايمان وحلاوة الايمان فيه حاجة غلط - 00:23:59ضَ

فازا من علامات ان في حاجة غلط ان الصدر بدأ يضيق وانشراحه بالهداية وانشراحه بحب الله وشوقه الى العبادات ما بقاش زي الاول وزي ما قلنا من الحاجات اللي تدل على قسوة القلب - 00:24:20ضَ

آآ عدم التأسر بالمواعظ والايات زمان كان الواحد ممكن يسمع قرآن يبكي وهو قاعد وهو قاعد يبكي على طول دلوقتي ولا حاجة زمان كان ممكن واحد يروح خطبة جمعة يبكي - 00:24:39ضَ

فعلا كان يروح خطب الجمعة لبعض الشيوخ والله ما يمكن ابدا خطبة جمعة الا لازم كل مسجد يبكي. كل المسجد بيقول لك الملتزمين ولا لا كل المسجد بيبكي دلوقتي دروس - 00:24:59ضَ

بقى الدرس بيتسمع كده يعني كمجرد ايه ها خلصني يعني قل لنا الكلمتين وخلص. مش قلب بقى سامع قلب حاضر اه بكاء. وان كان في ناس لغاية دلوقتي ما شاء الله عليهم. يعني بيجي لي كومنتات على بعض دروس وقاعدة تقول لي انا ببكي من اول درس لاخره - 00:25:16ضَ

يا عيني علي يعني انا اللي اديت الدرس ما بكتش. واحدة رقيقة القلب ما زال في قلبها حياة. تقول انا ببكي من اول الدرس لاخره طب بتبكي ليه ؟ هو مش ضروري ان انا اكون باكلمك عن النار عشان تبكي. انا باكلمك مسلا عن غلام الاخدود. فانت شايف ان انت مقصر مع الله. شايف ناس ثبتت - 00:25:36ضَ

شايف مشاهد مصرع الظالمين شايف نصرة الله للمتقين شايف مواقف ايمانية ده بيخليك تبكي حاسس ان انت بعيد قوي عن ايه ده؟ الناس دي فين واحنا فين يا جماعة عدم التأسر - 00:25:55ضَ

طبعا ضعف الاستجابة. يعني مسلا انت سمعت مقطع دلوقتي على النت. خلاص بقى العادي ان احنا بنقلب في في الفيسبوك او في اليوتيوب او كده. بنسمع بقى مواعظ كتير قوي بقى - 00:26:11ضَ

يلا امير منير دقيقتين. يلا علاء حامد دقيقتين. يلا محمد الغليظ تلات دقايق. يلا احمد العزب بتاع اربع دقايق. مع انهم كل واحد فيهم بيقول حاجة رسالة مفيدة جدا والمفروض انت تنفز بقى. يعني المفروض تتحول للتنفيز وبيقول لك حاجة تنقز حياتك. فانت يعني احسن الاحوال بتسمع للاخر تدي - 00:26:21ضَ

تمام؟ كومنت الله ينور يا عم الشيخ جزاكم الله خيرا كمل عادي العادي. ممكن المقطع اللي بعديه وانت بتقلب كده فيه عكس الكلام اللي زيرو بيقوله. يعني هو كان بيكلمك عن غض البصر مسلا - 00:26:41ضَ

جميلة الله ينور يا عم الشيخ الله يكرمك. ربنا يكتر من امسالك. اقلب مقطع فيه واحدة متبرجة عادي يلا بنا اقلبي بعد ما كان بيكلمك على الاغاني والموسيقى وحرام وحلال الله الشيخ امير الله يكرمك اقلب - 00:26:54ضَ

اللهم اقطع فيه اغاني وموسيقى ما الحلو ده تعال نخش نسمعه. ما فيش تأثر المواعظ ما فيش تعسر بالدروس بقى عادي بيتقال الدرس خلصنا الله مقطع جميل كأن كأن ايه احنا بنعمل علاء شو تمام يعني احنا ايه احنا - 00:27:10ضَ

كوميدي ده انا بقف كده على ليه؟ بقعد هنا في اللايف او بسجل لكم مقطع علشان انا بسلي وقتكم. بنعمل كوميدي او نعمل ايه دعاء شو علاء شو امير شو الغليظ شو. الله حلو المقطع ده يا شيخ انت تعبت فيه. شكرا على المقطع اللطيف - 00:27:26ضَ

واحنا هنكمل حياتنا عادي واحنا هنعمل نفس المعاصي عادي. قول بقى اللي انت تقوله احنا كده كده حياتنا مكملة عادي قسوة القلب من الاشارات ان انت مع تلاتة لا تتأسر بالمواعظ. لا تتأسر بالايات - 00:27:43ضَ

الحاجة اللي بعد كده ان انت طيب حتى يا عم لو بتعمل معاصي كلنا بنعمل معاصي في قلب حي وقلب قاسي. قلب الحي بيندم. يعني عارف ما احنا بنغلط كلنا - 00:27:59ضَ

بس القلب الحي بيندم. بيندم. يتألم. يزعل من نفسه يعني ماشي يا عم احنا غلطنا النهاردة. ما قصرنا في الصلاة. ما صلتش سمعت مشيت كلمت ولد ماشي بس على الاقل بندم - 00:28:14ضَ

على الاقل بزعل من نفسي على الاقل باستغفر لأ احنا وصلنا بقى للمرحلة الاسوأ ان مش بس ان انا بعمل الزنوب لكن ما بقاش فيه الالم اللي كنت بحس به زمان - 00:28:32ضَ

ما بقاش فيه الندم اللي كان فيا زمان بقى عادي عادي هي عادي دي كلمة عادي اول ما توصل لكلمة عادي اعرف ان انت خلاص قست قلوبكم انتهى الامر. القلب الان في حالة صعبة جدا - 00:28:44ضَ

طالما وصلنا لكلمة عادي. لان هو ما كانش عادي النبي عليه الصلاة والسلام بيقول اذا سرتك حسنتك وساءتك سيئاتك فانت مؤمن ازا سرتك حسنتك وساءتك سيئتك فانت مؤمن يعني ايه؟ يعني بيقول ان انت مش هيقول ان انت معصوم. انت اكيد كلنا بنعمل ايه؟ بنعمل سيئات. بس بيقول لو انت السيئة بتاعتك بتحزنك - 00:29:02ضَ

يبقى لسه فيك خير بتتألم لما تعمل السيئة لسه فيك خير. لما بتصحى ما صلتش الفجر بتصحى الصبح زعلان من نفسك ولا عادي؟ رحت الشغل عادي؟ لما سمعت اغنية كده في السريع ندمانة متألمة متأسفة على الواقع ولا عادي يعني - 00:29:28ضَ

مش مشكلة حصل ايه يعني عادي فيها ايه يا عم الشيخ مشكلة كبيرة تابعت حلقة مسلسل كامل عام خلصت عادي ما ما كانش فيه حاجة يعني. شوية متبرجات على شوية موسيقى. على شوية قلة ادب على شوية افكار فاسدة. عادي يا عم الشيخ ما بنتفرجش على الشزوز يعني ما بنتفرجش على الزنا يعني - 00:29:46ضَ

اول ما تلاقي عادي دي يبقى انت لا تسوءك حتى الصيام. ازا سرتك حسنتك وساءتك سيئتك فانت مؤمن. ازا ازا لم تكن السيئة سوءك تحزنك. يبقى احنا وصلنا لمرحلة اسوأ - 00:30:07ضَ

تمام بعد كده بيقول لنا من علامات الموضوع دوت زي ما قلنا قبل كده جمود العين جمود العين بيقول لنا هنا عن احد السلف قال بلغني انه من بكى على خطيئته محيت عنه - 00:30:26ضَ

عشان تعرف قد ايه انت محتاج لدمع العين. دمع العين ده ما بنشوفوش الا في رمضان دلوقتي. يعني بقى دلوقتي الجامد جامد فينا بيبكي في رمضان متخيلين؟ الجامد بيبكي في رمضان - 00:30:52ضَ

الجامد بيبكي مرتين تلاتة في رمضان. اللي هو في ليلة سبعة وعشرين وفي تهجد الختمة مرة كده في صلاة الفجر. ده الجامد اللي هو بيبكي تلات مرات في السنة والتلاتة في رمضان - 00:31:09ضَ

لكن فين بقى اللي بيبكي كل يوم يخرون للازقان يبكون ويزيدهم خشوعا. خلونا الازقان هي بكون ويزيدهم خشوعا. ده العادي بتاعهم. وازا سمعوا ازا سمعوا ما انزل الى الرسول ترى اعينهم تفيض من الدمع. مما عرفوا من الحق - 00:31:27ضَ

مما عرفوا من الحق يقولون ربنا امنا ربنا امنا فاكتبنا مع الشاهدين بمجرد ما سمعوا ما انزل اليه الرسول ترى اعينهم ايه؟ تفيض من الدمع. مما عرفوا من الحق. يعني ده العادي بتاعهم - 00:31:52ضَ

ده العادي بتاعهم احنا بنبكي في الموسم مرة احنا بنبكي في السنة مرة وبنبكي كتير بقى طول السنة على حاجة ما لهاش دعوة بالدين بنبكي على الدنيا وبنبكي على الفلوس وبنبكي على المناصب وبنبكي على احداس دنيوية عادية - 00:32:09ضَ

لكن بنبكي من خشية الله كل سنة مرة في العمرة في رمضان في ليلة القدر وبتكلف عشان المسجد كله بيبكي بس بالعافية. لكن انا لو علي انا لو لوحدي ما كنتش بكيت اصلا حد - 00:32:26ضَ

وقال ابو حازم بلغنا ان البكاء من خشية الله هو مفتاح الرحمة. ازا من لا يبكي كيف يرحم؟ وقد جاء في الحديث عينان لا تمسهما النار عين بكت من خشية الله. وعين باتت - 00:32:40ضَ

تحرص في سبيل الله وقال احدهم بلغنا ان البكائين هم اول من تنزل عليهم الرحمة اذا نزلت البكائين لو ربنا بينزل رحمته على العباد بيبدأ بالبكائين لما ربنا ينزل رحمته على العباد - 00:33:02ضَ

يبدأ بالبكائين دولا اول ناس تنزل عليهم تنزل عليهم الرحمة. فشوف بقى بعدنا يعني عن هذه المنازل. ليه؟ اول ما تلاقي العين جمدت يبقى انت اقسى من الحجارة لان من الحجارة لما يتفجر منه الانهار. وانت جمود العين - 00:33:24ضَ

ومن علامات قسوة القلب ايضا اه من علامات قسوة القلب ايضا الكسل عن الطاعة. الكسل عن الطاعة تمام؟ فيجد الانسان بعد فترة انه صار كسول عن الطاعة. لا يكاد يقوم الليل الا الا نادر. واذا قام - 00:33:47ضَ

مسيرا يصوم كل فين وفين يصوم يوم وبيبقى تقيل على قلبه اوي ازا قرأ جزء من القرآن يعني بيبقى بشق الانفس. مش قادر يقرا اكتر من جزء من القرآن. في ناس ما بتقدرش اصلا لا جزء ولا ولا - 00:34:08ضَ

ولا حتى حزب فتمام فديت مسألة مؤلمة جدا. تمام؟ بيجد ان بقى عنده حالة من التوسع المباحات حالة من التوسع في المباحات فبيتوسع قوي في المباحات بقى اغلب يوم ونوم - 00:34:24ضَ

بقى آآ بقى بقى عنده تساهل في حاجات ما كانش فيها قبل كده. ابتدى المعايير عنده تختل. بعد ما كان عنده حزم في موضوع معين لأ دي مش هعملها بقى بيعملها عادي ما بقاش مم فين - 00:34:45ضَ

زمان ما كتش كده. نوافل كتير كان بيعملها بدأت تروح منه. ازكار كتير كان محافظ عليها بدأت تروح منه جداول والتزامات ونزام ومنهجية كان محافظ عليها بدأت تتهاوى منه حتى في مواسم الخير - 00:35:04ضَ

بيضيع رمضان بيعدي يمكن ما بيلحقش يختم خاتمة كلكم في ناس بيعدي عليها رمضان ما بتختمش ختمة واحدة. انت متخيل تمام؟ بيعدي عليه العشر الاوائل من ذي الحجة مع ان الدعاء بيقعدوا ينزلوا الف مقطع قبل ذي العشر الاول من ذي الحجة. وهو بيقعد يمني نفسه. انا هبقى التنين في - 00:35:27ضَ

لولا وحامل وهسوي عدى العشر الاوائل من ذي الحجة ولا عمل حاجة احب الايام الى الله عادي عدوا زي اي ايام عادي. هو يعني الجمدان بتاعه يمكن صام شوية وصام عرفة وجبرت كده وخلص - 00:35:51ضَ

ما فيش اي تميز في اي حاجة ما فيش الجمدان اللي هو كان متخيله. حتى موسم الطاعة نفسه بيروح منه ازا كان الموسم بيروح منك. ازا كان ليلة القدر يا دوبك صليت التراويح. ازا كان العشر الاول ما صمتش غير عرفة - 00:36:08ضَ

انت عايز ايه؟ انت لسه لسه بتسأل قلبي قاسي ولا لا انت اتغيرت خلاص انت ما بقتش انت ما بقتيش بتاعة زمان. ولا انت بقيت كده فلازم نفوق. ما بقاش الانسان حتى وهو بيؤدي الطاعة. نفترض الانسان حتى بيؤدي الطاعة ما بقاش يشعر بحلاوة الطاعة - 00:36:26ضَ

فين حلاوة الصلاة؟ فين خشوع في القرآن؟ عشان كده احد الناس عصى الله يوما او عصى كان بيعصي ربنا كتير مفروض ان المعصية تسبب قسوة القلب. فمرة قال كده فقال يا رب كم اعصيك - 00:36:47ضَ

ولا ولا تعاقبني بالك قال يا رب كم اعصيك ولا تعاقبني حلو بيقول يا رب كم اعصيك ولا تعاقبني فاوتي له في المنام. جا له من ام في نفس الليلة - 00:37:04ضَ

فقيل له كم اعاقبك وانت لا تدري كم اعاقبك وانت لا تشعر الم احرمك من لذة مناجاتي بيقول لك يا رب كم اعصيك ولا تعاقبني؟ فجاء له في المنام. قال كم اعاقبك وانت لا تدري - 00:37:21ضَ

وكم اعاقبك وانت لا تشعر الم احرمك من لذة مناجاتي الم احرمك من لذة مناجاتي؟ يعني قيام الليل سابت زي ما هو هو بيقول انا انا الصلاة زي ما هي الصيام زي ما هو ده ايه ده كمان ده الصلاة عنده زي ما هي ده احنا الصلاة راحت - 00:37:44ضَ

لا ده هنتكلم في واحد الصلاة زي ما هي. الصيام زي ما هو. ورد القرآن وزي ما هو بس فين العقوبة؟ اتحرم من الايه؟ من اللزة اتحرم من الحلاوة. اتحرم من الخشوع. اتحرم من التدبر. اتحرم من جمال المناجاة. اتحرم من بكاء العين. اتحرم من - 00:38:03ضَ

اطالة السجود اتحرم من دعوة من القلب اه اه صح انا حصل لي كل ده فعلا صح صح. ايه ده انا فعلا هصلي كل ده انا بقيت انا بقيتش بصلي زي الاول - 00:38:22ضَ

انا بقرأ قرآن مش زي الاول. انا ما بقتش صح؟ صح. ايوا صح. انت تعاقب. انا وانت بنتعاقب ده الراجل كان يعني ازا الحرمان حتى مش بس مش هقول الكسل عن الطاعات. يا عم الطاعات زي ما هي - 00:38:35ضَ

يعني ايه عندنا مستويين؟ المستوى الاول نطلعات زي ما هي بس تحرم من من المادة الفعالة اللي فيها. ما فيش خشوع ما فيش تدبر ما فيش حلاوة الكلام اللي بنسمعه عن السلف بقى ايه؟ لو علم الملوك وابناء الملوك ما نحن فيه من السعادة لجال دون علي بالسيوف. فين الله؟ آآ واحد - 00:38:53ضَ

بيقول ان اهل الليل في ليلهم الذ من اهل الله و في لهوهم فين فين الكلام ده؟ آآ واحد يقول والله لو ان اهل الجنة في مثل ما انا فيه من السعادة لهم في عيش طيب. فين الكلام ده؟ انا مش حاسس - 00:39:12ضَ

ايه الكلام ده ؟ اه، ما انت اتحرمت خلاص. اتحرمت من اللزة دي ، مع اننا كنا بنحس بها زمان. كان واحد احيانا بيجي له احيانا اوقات يصلي صلاة يقول والله ده لو لو - 00:39:27ضَ

الجنة زي الصلاة اللي انا فيها دي فعلا بتبقى الجنة جميلة. ويقول فعلا والله العظيم الواحد يعني سماعه للقرآن الز من سماع الاغاني. ده كلام كنت زمان كنا بنقوله وبنحسه - 00:39:37ضَ

دلوقتي لأ بنقول وبس بس مش بنحسه احنا دلوقتي بنقول ان لذة سماع القرآن الز من الاغاني والمسلسلات والافلام والموسيقى. لكن الواقع غير بقى غير كده. بقيت انت انت ايوة انت ايوة انت - 00:39:49ضَ

بتتلززي بسماع الموسيقى والاغاني والافلام اكتر من تلززك بسماع القرآن وما تضحكيش على نفسك يبقى الحرمان من اللزة نفسها. من حلاوة الايمان. المرحلة اللي اسوأ بقى ان الحرمان الحرمان من من الطاعة نفسها. نبتدي قيام بيقل الورد يروح - 00:40:05ضَ

قرض السلام نسأل الله السلامة والعافية. طيب خلينا بقى نقول بعض الايه الاسباب والعلاج في النهاية. كل سبب عكسه علاج يعني لو قلنا كل سبب هيبقى قصاده علاج. من الاسباب - 00:40:23ضَ

كثرة بص خلينا نقول الاتنين مع بعض عشان ايه الوقت. هنقول السبب قصاده العلاج على طول من الاسباب كثرة الكلام بغير ذكر الله تعالى كثرة الكلام بغير ذكر الله تعالى - 00:40:40ضَ

احنا عايزين نكون في الحتة دي نخلي بالنا. لان احنا بنتسحب بنتسحب بنقعد مع الناس بنتكلم زي الناس اه بقينا عد كده انا عايزك تقعد بمنصف مع نفسك في يوم في اخر اليوم تقعد مع نفسك - 00:41:01ضَ

وتقعد تقول انا النهاردة اتكلمت في ايه انا النهاردة اتكلمت في ايه؟ من اول اليوم لاخره. قعدت معه. قعدت مع البنات في الجامعة. اتكلمت في ايه؟ في المواصلات اتكلمت في ايه؟ في البيت اتكلمت في ايه؟ في التليفون - 00:41:20ضَ

اتكلمت في ايه؟ وقولي لي نسبة الكلام في الدنيا كان نسبته كم من كلامك هتعرفي ساعتها يعني ايه؟ ايه السبب ان القلب بيقسو؟ يبقى اول سبب ان احنا نكثر نكثر من الكلام بغير ذكر الله تعالى - 00:41:33ضَ

نكثر من الكلام في الدنيا بلا طائل. يعني ما اكيد كلنا هنتكلم في الدنيا لو في حاجة مهمة. ما انا عائز اشتغل وعائز اشتري وابيع ماشي بس ده حاجة مهمة بنتكلم بلا فائدة. كتير كتير طول النهار بنتكلم كل الترندات بنتكلم فيها. كل الهري بنتكلم فيه. كل - 00:41:52ضَ

الحوارات اللي على النت لازم نقول رأينا فيها. كل البلوجرز بنعلق عليهم. كل الفيديوهات المشهورة لازم ننادله نحكيها ايه انت عايز قلبك يرق ازاي وانت اغلب او تسعين في المية من كلامك هو في الدنيا - 00:42:11ضَ

يبقى لازم الاول نعمل ايه؟ وقف شوية انا لما يجي الناس يتكلموا طالما الكلام ما فيش فايدة بالنسبة لي ما فيش حاجة مهمة مش هاتكلم اسكت اسكت. طب اسكت بس لأ خليني اخش في العلاج بقى. ما هو العلاج العكس العكس يبقى العلاج. ايه هو؟ ان تكسر من زكر الله سبحانه وتعالى - 00:42:30ضَ

اثرت زكر الله سبحانه وتعالى. عشان كده ايه؟ العكس بقى. لما انا اقول لك كثرة الكلام في الدنيا سبب للقسوة نعكس. يبقى كثرة الذكر هو علاج هو العلاج. لزلك قال رجل الحسن البصري اني اشكو قسوة قلبي - 00:42:51ضَ

اني اشكو قسوة قلبي فقال اذبه بالذكر اذبه دوبه بالذكر. وقال بهيب بن الورد لم نجد في حياتنا ارق لهذه القلوب من قراءة القرآن بفكر وتدبر. ما هو ده من الذكر؟ فعشان كده بقول لك انت قاعد مع الناس دلوقتي. هم قاعدين يتكلموا في الهري وفي الدولار وفي الدينار - 00:43:09ضَ

وفي في رجلين الفراخ وفي اوراك الفراخ وفي الصدور البانيه احنا ما لنا احنا من الدنيا دي لا رزق بيزيد ولا بيقل هو مجرد فضة وتنهيدات الناس قاعدين تتمهد فيها ايه رأيك انت تقعد تقول سبحان الله والحمد لله ولا اله الا الله والله اكبر وانت بتتدبرها مش - 00:43:35ضَ

بس بتقولها قل سبحان الله وبحمده سبحان الله العزيم. اقعد قلها. قل لا اله الا الله وحده لا شريك له. له الملك وله الحمد وهو على كل شيء قدير. واقعد كده اجرب انك انت تقعد شهر شهر من الان - 00:43:55ضَ

متماسك تقدر تتحكم في نفسك وانت عندك شهوة انك تتكلم عايز تقول رأيك عايز تدلي بدلوك عايز تضحكهم عايز تبين ان انت امور تفهموا وعايز ابقى الملتزم الكيوت الجميل اللي عشان يحبوني. لأ - 00:44:14ضَ

انت مش تبقى الملتزم الكيوت الجميل اللي هيحبوه. انت هتبقى ملتزم بينهار وهيحتقروه لان هم كانوا بيحترموك لما كنت ملتزم. كانوا بيحترموك لما كان لك ثوابت ولما كان لك حاجات مش بتتنازلي عنها. اول ما اتنازلت عنها بزعم ان هم يحبوني ويحبوا الدين. ما بقوش لا يحبوكي ولا يحبوا الدين - 00:44:30ضَ

وانت خسرت وهم خسروا نجمد ما تتكلمش وحاول ان انت عود نفسك افتكر اللي انا بقوله لك ده. حاول ان انت اقول ايه. طب انا ما لوش لازمة الكلام. انا هقعد اذكر ربنا في سري. هقعد افتح - 00:44:53ضَ

مصحف هقرأ قرآن بس. وشف بعد شهر الفرق اللي هيحصل في قلبك. تحس فيه تطور كبير في حال القلب. بعد ما انت قاسي شوية تحس ان هي بدأت بدأت تفك شوية. تمام؟ فهو اصل الاصول كما قال ابراهيم الخواص. قال دواء القلب خمسة - 00:45:10ضَ

اشياء دواء القلب خمسة اشياء قراءة القرآن بتفكر. وخلاء البطن. بطنك ما تبقاش مليانة. وقيام الليل والتضرع في السحر ومجالسة الصالحين. تاني دواء القلب في خمسة اشياء. قراءة القرآن بتفكر - 00:45:31ضَ

خلاء البطن قيام الليل التضرع عند السحر ومجالسة مين؟ الصالحين. يبقى انا عايز احاول كمان اطور بعد كده. ان انا انا ليه اصلا بجالس الناس اللي بيتكلموا في الدنيا؟ يعني - 00:45:53ضَ

ده ايه اللي يخليني اجالسهم واقعد اعاني عشان ما اتكلمش معهم؟ طب ما اجالس الناس اللي بيتكلموا في الاخرة قدر المستطاع هم عملة نادرة طبعا دلوقتي بس يعني حاول نحاول يبقى كده عندنا ايه؟ قسوة القلب سببها كتر الكلام في الدنيا وقلة الكلام في الاخرة. ويا ريت ايه رأيك بقى نعمل حاجة تانية؟ ان انت انت اللي - 00:46:06ضَ

امسك دفة الحوار. بمعنى وانا ليه اقعد اتكلم في الزكر لوحدي وهم برضه قاعدين يتكلموا في الدنيا؟ طب ما انا افتح موضوع اخروي بقول يا جماعة النهاردة سمعت درس حلو عايز اقول لكم على مختصر له كده. يا جماعة الدنيا يا اخوانا طب بص اسمعوا كلام ربنا اسمعوا الحديث ده بس - 00:46:26ضَ

عشان برضو نفوق يا جماعة. طب ما تصلوا على النبي عليه الصلاة والسلام. طب ما يا جماعة طب نقعدوا نستغفر شوية كفاية بقى كلام في الدنيا ارحمونا بقى شوية. انت تدير - 00:46:45ضَ

دفة الحوار بحيس ان انت تنقزهم وتبقى دعوة الى الله. ويبقى انت انقزت نفسك. ما هم لما يعني يغيروا الحوار انا نفسي هستفيد مديحة الحاجة اللي بعد كده بيقول كثرة الضحك. دي جاء فيها حديث صريح - 00:46:55ضَ

النبي عليه الصلاة والسلام بيقول لا تكثروا الضحك فان كثرة الضحك تميت القلب. وده السبب التاني كثرة الضحك تميت القلب. تميت الايه؟ القلب يقصد بالضحك اللي هو بصوت ان انا اضحك اكركر كده اطلع صوت كده فاهم؟ او اي صوت حصل كل واحد وصوته يعني. بس هو الضحك - 00:47:14ضَ

الضحك اللي هو بصوت كثرته بقى تميت القلب. يبقى احنا عندنا اه ما لوش التبسم ما لوش علاقة بالقصة ديت. يعني التبسم. بعض الناس في التبسم ده لأ. فهي عايز يقعد مكشر - 00:47:39ضَ

افتكر كل ما يكشر اكتر كل ما التزامه يزيد. وده غلط كبير. هي بالعكس كان النبي عليه الصلاة والسلام دائم التبسم. دائم التبسم كان يتبسم دائما عليه الصلاة والسلام. التبسم لا يؤثر على القلب. بالعكس هو من من انشراح الصدر ومن جمال الوجه ومن السنة - 00:47:56ضَ

انما الضحك كركرة يعني نضحك تضحك كركر. طلع صوت فما حدش بيعمل ضحك بصوت الا لو كان فعلا بقى يعني ايه يعني يعني معلش المسلم مهما كان عنده هموم دايما. عنده بيفكر في الموت يفكر في الرحيل بيفكر في تقصيره. بيفكر في الام المسلمين. بيفكر - 00:48:16ضَ

في ذنوبه بيفكر في في الدعوة عنده مشاغل. بتخليه بيضحك بس مش كتير يعني. فيبتسم كتير يضحك قليل بس ضحك الكتير دليل على الغفلة. فالانسان يخلي باله يعني الناس الموضوع بقى يلا نقعد قدام مسرحية نضحك ساعتين - 00:48:37ضَ

تلات ساعات. تلات ساعات ضحك متوسط. تلاقي مقطع كده على اليوتيوب. مقطع اليوتيوب مكتوب ايه؟ ضحك بلا فواصل. صح ضحك بلا فواصل ويقول لك آآ مقطع تاني اضحك مع فلان ساعة متواصل من الضحك - 00:48:58ضَ

آآ اتحداك مقطع اتحداك الا تضحك. آآ مقطع تاني كوميدي هيضحكنا ساعة واحنا بنخش نتفرج على الحاجات دي كلها. ونقعد نضحك ونتقلب على ضهرنا كمان. بالساعات ساعات بنضحك ونتقلب على ضهرنا - 00:49:17ضَ

صح انا بجيب لنفسي قسوة القلب. ما فيش مانع ان انت تضحك احيانا حصل قدامك موقف مضحك يعني ممكن اضحك شوية. واطلع صوت كمان بس مش كتير تلم الدنيا شوية. كسرة الضحك تميت القلب - 00:49:40ضَ

يبقى العلاج انسان لا يكثر من الضحك. ويتجنب الحاجات اللي هي بتغفله. احنا بنغفل نفسنا. لما انا اقول لك انت تخش تتعمد تقعد تتفرج على حاجة بتضحك بالاربع ساعات وقعدت اربع ساعات بتضحك كركر. ما اعمل لك ايه انت اللي جبته لنفسك. يبقى انا بقلل الكلام دوت. اقلل - 00:50:00ضَ

الحاجات اللي هي الناس هتخليني اضحك بقى ومش عارف ايه. صدقني الضحك ده مش هيخليك سعيد طب انت عايزني على الكتاب لأ على كتاب يعني يا عم بضحك يا عم اتبسط شوية كنت فاكر ان الضحك ده انبساط الضحك ده مسكن - 00:50:21ضَ

مسكن واحد بيتألم عشان ينسى المه بيسكنه بشوية كركرة. ضحك. مجرد ما الضحك ينتهي سيعود الالم مرة ثانية ينتهي مفعول المسكن ونعود الى الالم مرة ثانية اما السعادة الحقيقية فهي ما استقر في القلب - 00:50:36ضَ

والضحك لا يؤدي الى سعادة تستقر في القلب. وانما السعادة تستقر في القلب بالله هو الذي انزل السكينة في قلوب المؤمنين هو الذي انزل السكينة في قلوب المؤمنين. فانزل الله سكينته سكينته - 00:50:54ضَ

على رسولي وعلى المؤمنين كفر عنهم سيئاتهم واصلح بالهم هو اللي بيعمل كده. فما تفتكرش ان انا لما اقول لك ما تضحكش. انت عائز نكتئب بالعكس ده كسرة ضحك دي مسكن. ستعود اليك الالام عن قريب - 00:51:15ضَ

زي الناس يقول لك يا عم تسيبني نتفرج على على على الماتشات سيبنا نتفرج على المسلسلات. بنرفه عن نفسنا شوية انت بتسكن الالم بس تاني يوم تاني يوم من الماتش هتلاقي مشاكلك زي ما هي - 00:51:36ضَ

بل القلب سيقسو اكتر وتزداد المشاكل. يعني انا لما ضحكت وقعدت في مسرحية اتفرج عليها تلات ساعات ضحك. حلو ايه اللي حصل؟ ده مسكن. المسكن ده زي ما بيخلينا طبيا نقول المسكن ده كان دكتور قال لك ما تاخدش منه كتير عشان اه هيسكن لك الالم بس هيزود المشكلة - 00:51:50ضَ

فاحنا عملنا كده خدنا مسكن سكن لنا الم تلات ساعات بعد كده الالم عاد والمرض زاد فالألم زاد يعني انا لما اقول لك لا تكثر الضحك علشان قلبك لا يقسو. ولما قلبك يلين هي دي السعادة بقى - 00:52:11ضَ

فالحقيقة انا بدلك على روشتة السعادة مش بمنعك من السعادة شغل مخك معك بعد كده بيقول لنا من اسباب قسوة القلب كثرة التوسع في المباحات توسع في المباحات يعني ايه؟ يعني كثرة الاكل. كثرة الشرب. كثرة النوم. كثرة النظر يعني ده حرام مش خلينا نقول توصف - 00:52:32ضَ

اكل كتير شرب كتير نوم كتير اكل كتير شرب كتير نوم كتير الحاجات دي بتقسي القلب. قال بشر بن الحارس خصلتان تقسيان القلب. كثرة الكلام وكثرة الاكل. الامام احمد بن حنبل سئل - 00:52:59ضَ

هل يجد الرجل رقة في قلبه وهو شبعان فقال لا اعتقد ذلك. الامام احمد قيل له هل يجد الرجل هل يجد الرجل رقة في قلبه وهو شبعان؟ قال لا اعتقد ذلك. لا ارى ذلك - 00:53:20ضَ

مشكلة كبيرة طيب يبقى احنا نحاول قلل اكلك. وعلى فكرة تقليل الاكل ده حاجة مفيدة في كل حاجة يعني. مش عارف كارت الاكل ديت مضرة في كل شيء. يعني لو قللت اكلك هيبقى ده اكل صحي لك. لان - 00:53:39ضَ

احنا اصلا الجسم الصحي ليه انه ما يمتلئش؟ انت لو بس كلت كلت بدل عشرين معلقة رز كلت سبعة احسن لك من عشرين معلقة. لو كلت حتتين لحمة قد كده احسن ما تاكل خمس حتت. خد بالك - 00:53:54ضَ

الكلام ده كلكم قاريين وفاهمينه وكلكم بتخسسوا دلوقتي يعني وكلكم ندمانين على الاكل اللي كلتوه احسن للجسم انشط للبدن احضر للقلب اوفر للمال. يعني عندنا دلوقتي مشكلة اقتصادية. يعني انت عارف من حلول المشكلة الاقتصادية لغاية ما ربنا يحلها من عنده يعني - 00:54:12ضَ

آآ ربنا يرحمنا يعني فمن الحلول ان احنا قلل الاكل قال لك مش عشان انت فقير ولا غلبان؟ لا ده ده اجراء المفروض اصلا المفروض تعمله اداء عادي. ده اجراء صحي - 00:54:38ضَ

فمن فوايده الجانبية ان انت ماديا مش هتعاني. تخيل احنا كلنا اتخدنا قرار هناكل نص الاكل اللي بناكله. صدقني صحتك هتتحسن وفلوسك هتتوفر. لان احنا فعلا بناكل بزيادة زيادة احنا ناكل بزيادة. نص اكلنا ما لوش لازمة - 00:54:54ضَ

غير بقى قسوة القلب هل الاكل هلل الشرب قلل النوم المفروض ما تنامش اكتر من سبع ساعات. ست سبع ساعات بكتير اوي اكتر من كده مش تمام. بيقول لنا بعد كده من اسباب قسوة القلب كثرة الذنوب - 00:55:16ضَ

كثرة الذنوب. كلا بل ران على قلوبهم ما كانوا يكسبون ما كانوا يكسبون. الران فكلما كثرت الذنوب كلما ران على القلب كلما اشتد ايه؟ قسوة وقال بعض السلف البدن ازا عري - 00:55:35ضَ

ربط كذلك القلب اذا عري منا الخطايا الصراعات دمعته البدن ازا عري القلب ازا عري من الخطايا السرعة دمعة الصراع الدمعة. وقال ابن المبارك رأيت الذنوب تميت القلوب وقد يورث الذل ادمانها. وترك الذنوب حياة القلوب. وخير لنفسك - 00:55:55ضَ

عي الصيانة. رأيت الذنوب تميت القلوب. وقد يورث الذل ادمانها. وترك الذنوب حياة القلوب. وخير لنفسك عص يبقى العلاج ان انت قلل الزنوب ما استطعت. كل ما تقلل زنوبك كل ما قلبك يرق اكتر. كل ما ذنوبك تكتر كل ما قلبك يقسو اكثر واكثر. يبقى احنا ربطنا بين الاسباب - 00:56:26ضَ

وبين العلاج. تعال نزود في العلاج شوية بقى. يعني احنا ايه؟ قلنا اشهر الاسباب. وربطنا السبب بالعلاج. تعال نزود في العلاج بقى شوية. من العلاجات الاحسان الى اليتامى والمساكين. تاني من العلاجات الاحسان الى اليتامى والمساكين - 00:56:53ضَ

النبي عليه الصلاة والسلام جاءه رجل وشكى قسوة القلب جاءه رجل وشقي قسوة القلب. فقال صلى الله عليه وسلم ان احببت ان يلين قلبك. ان احببت ان يلين قلبك قلبك فامسح رأس اليتيم واطعم المساكين. ان احببت ان يلين قلبك فامسح رأس اليتيم - 00:57:12ضَ

واطعم المساكين. الانسان يتعمد ازا رأى يتيم ان يمسح رأسه. فاذا لم يعرف يتيم فليذهب ان يزور اليتامى في دور دور اليتامى وكده زورهم. وامسح رأس اليتيم. واقعد معه واتكلم معه وهزر معه وحكي معه واحكي له قصصه واسمع - 00:57:38ضَ

هزارو هات دي بتطلعك كانك تبص نضفت آآ المسكين احسن اليه. انا مش عايزك تحسن المسكين تدي له الفلوس وتجري. لأ انا عايزك مسلا لما تيجي تدي ست غلبانة الفلوس اتكلمي معها شوية. قولي لها انت عاملة ايه يا حاجة - 00:57:58ضَ

بتعملوا ايه؟ انت عايشة ازاي؟ انت بتاكلي ايه؟ اخبار ولادك ايه؟ تشربوا ايه؟ احكي لي عن نفسك اسمعي الكلام هتسمعي حواديت لو قلبك حجر هايلين وهتسمعي كمية وسط حوادثها اللي هي بتحكيها كمية رضا وحمد وشكر وتفويض - 00:58:16ضَ

ورضا عن الله هيحسسني ان انت ما اسلمتيش اصلا بالنسبة للناس دي. ناس جميلة ناس رائعة معاملتها جميلة وانضف ارق قلوب قلوب الفقرا والمساكين. فما تديش الصدقة وتجري. لأ كلمي شوية كده - 00:58:39ضَ

ازيك يا حاجة عاملة ايه؟ قول لنا بس عاملة ايه؟ سبيها تفتح بس ولادك عاملين ايه يا حاجة راضي عن ربنا واسمعي الكلام لما تروحي البيت تلاقي كمية النعم اللي انت فيها. مع سخطك وشكوتك الدايمة واحساسك ان انا ما عنديش وما عنديش وما عنديش - 00:58:57ضَ

قلبك هيرق فعلا تحسي ان انت كم كنت قاسية ما شوفتي الناس ديت ما تشوف اليتيم تحمدي ربنا على نعم ان الانسان له اب وام واسرة والكلام دوت واضح فامسح رأس اليتيم واطعم الايه؟ اطعم المسكين. خلينا نقول آآ اخر حاجة في في العلاج - 00:59:18ضَ

حاجات او كزا حاجة مرتبطة كثرة ذكر الموت الحاجة اللي احنا بنهرب منها قل ان الموت الذي تفرون منه قل ان الموت الذي تفرون منه فانه ملاقيكم. احنا بنفر من الموت - 00:59:43ضَ

وبنفر من الكلام عن الموت وما بنحبش حد يكلمنا عن الموت. ومش بحب لما بتيجي الخطبة اللي على اليوتيوب اللي مكتوب فيها الموت مش بخش عليها. لما الاقي مقطع دعوي بيتكلم عن الموت - 00:59:58ضَ

مش بحب اسمعه. لما الاقي دارس هيتكلم عن الموت مش بروح احضره احنا بنعمل كده فعلا ولو حد قال لنا اتكلم عن الموت قدامنا نقول له فهل الله ولا فالك. غير السيرة - 01:00:10ضَ

مش عايز اسمع الموضوع دوت. انت كده بتبوز نفسك. ده هو ده صحي جدا اكثروا من ذكر هادم اللذات. ما هو ده اللي هيراعي قلبك. ده اللي هيفوقك. ده اللي هيدي لك القلمين اللي هتصحى بهم. اكثر اذا وجدت حد يعني - 01:00:23ضَ

بليكثر من زكر الموت فخليك معي حلو. خش اسمع خطبة الموت. دلوقتي بعد ما تخلص دور على خطبة عن الموت واسمعها. لشيخ قديم. شيخ بيأثر فيك شيخ بيزن من اسمع اي حد بيتكلم عن الموت خش اسمع - 01:00:39ضَ

اقرا عن الموت. افتح كتاب الدار الاخرة واقرا واقرا الحتة بتاعة الموت كلها جاءت امرأة الى السيدة عائشة قالت ان قلبي قاسي. قالت اكذري ذكرى الموت يا رق قلبك. قال فمكثت شهرا تذكر الموت. فعولج قلبها وجاءت الى - 01:00:52ضَ

عائشة وشكرتها وشكرتها. كان احد السلف يقول لو فارق زكر الموت قلبي ساعة لفسد قلبي لفسد قلبي. ومن ذلك ان الانسان يعني من الحاجات اللي تساعده ان يكثر من زيارة القبور. وان يتفكر في احوال اهل القبور. قال النبي - 01:01:11ضَ

صلى الله عليه وسلم الا كنت قد نهيتكم. نهيت نهيتكم عن زيارة القبور الا فزوروها. فانها تذكر الاخرة. وفي رواية فانها ترق القلب ترق القلب وتدمع العين وتذكر الاخرة وتذكر الاخرة - 01:01:29ضَ

واحد السلف يدعى محمد بن صالح التمار. قال كان صفوان بن سليم. يأتي البقيع. البقيع مقابر البقيع. في الايام فيمر كان بيعدي قدامي واشوفه رايح البقيع داخل. قال فاتبعته يوما مشيت وراه يوم - 01:01:51ضَ

وقلت والله لانظرن ماذا يفعل؟ وما يصنع؟ قال فجلس على قبر واخذ يبكي. حتى ظننت انه قبر بعض اهله قال ثم مر بي مرة ثانية وجلس على قبر اخر وظل يبكي. قلت يمكن واحد قريبه. ومر علي مرة تالتة وقعد على قبر وقعد يبكي - 01:02:07ضَ

قلت يمكن واحد برضو قريبه. فاستغرب. فبعد زلك عد علي قال فسلمت عليه وقلت آآ بيقول بعد كده قابلت محمد بن المنكدر. وسألته قلت له يا صفوان ابن سليم له قرايب كتير في الباقية للدرجة دي؟ كل شوية يروح من قبر لقب للقبر ويبكي - 01:02:26ضَ

فمحمد ابن المكادر كان عارفه. قال لا ليسوا باقاربي. انما هم اخوانه في الله. وانما هو رجل يحرك قلبه بزكر الاموات كلما عرضت له قسوة قال انما هم اخوان في الله. ولكنه رجل يحرك قلبه بزكر الاموات كلما عرضت له قسوة - 01:02:46ضَ

وكانت امرأة متعبدة من عبد القيس تكثر من اتيان القبور. فعوتبت في ذلك. فقالت ان القلب القاسي ازا جفى لم يلينه الا القبور. وكأني انظر اليهم قد خرجوا من بين اطباقها. وكأني انظر الى تلك الوجوه المتعثرة. والى تلك الاجسام - 01:03:10ضَ

المتغيرة والى تلك الاكفان الدسن دنسة فيا له من منظر فظيع ومما يرقق القلب ان يتأمل الانسان في عاقبة الظالمين وفي ديار الهالكين. وفي مصارع الفاسدين والمفسدين. كيف كانوا وكيف - 01:03:30ضَ

اصبحوا وكان الربيع ابن خثيم اذا وجد من قلبه قسوة اتى منزل صديق له. في نادي يا فلان يا فلان يا ابن فلان ثم يقول كل نفس ليت شعري ما فعلت وما فعل بك سم يبكي حتى تسيل دموعه حتى تسيل دموعه - 01:03:51ضَ

هذا حالهم يعني. سبحان الله يعني كان آآ احدهم اذا قسى قلبه قعد يذكر الامراء والخلفاء ومن ويزهب الى مقابرهم وينشد لهم ويذكرهم بالله سبحانه وتعالى ويقول يعني اين الملك؟ واين السلطان؟ واين الجاه؟ اين زهب كل هذا - 01:04:12ضَ

فيرق قلبه يرق قلبه عشان كده هختم لكم بكلام بديع جدا جدا لابن الجوزي رحمة الله عليه. انا عايزكم انسى بقى كل حاجة وركز معي في الكلمتين دول بقى هم دقيقتين بالظبط وهخلص المحاضرة دي - 01:04:37ضَ

بس هقول لك كلمتين كده ابن الجوزي دي طريقة رائعة كده في ترتيب الكلام. بيقول صجع كده جميل لكن كلامه مؤثر جدا جدا جدا فانسى كل حاجة دلوقتي وركز معي في الكلمتين دول. ودي اخر حاجة هقولها النهاردة. ابن الجوزي بيحكي بقى كل اللي انا قلته ده. اللي هو بقى زكر الموت ومصارع الظالمين وغفلة الناس - 01:04:57ضَ

فكتب ابن الجوزي رحمة الله عليه يقول اين الذين كانوا في اللذات يتقلبون ويتجبرون على الخلق ولا يغلبون مزجت لهم كؤوس المنايا. فباتوا يتجرعون ما اغنى عنهم. ما كانوا يمتعون. مدوا ايديهم الى الحرام - 01:05:20ضَ

واكثر من الزلل والاثام وكم وعظوا بمنصور ومنظوم من الكلام لو انهم يسمعون ما اغنى عنهم ما كانوا يمتعون. حمل كل منهم في كفن الى بيت البلا والعفن. وما صحبهم غيره من - 01:05:43ضَ

من الوطن من كل ما كانوا يجمعون ما اغنى عنهم. ما كانوا يمتعون. ضمهم والله التراب وسد عليهم في ثراهم الباب وتقطعت بهم الاسباب والاحباب يرجعون. ما اغنى عنهم ما كانوا يمتعون. اين اموالهم والذخائر - 01:06:03ضَ

اين اصحابهم والعشائر؟ دارت على القوم الدوائر. ففيم انتم تطمعون؟ ما اغنى عنهم ما كانوا يمتعون شغلوا عن الاهل والاولاد وافتقروا الى يسير من الزاد وباتوا من الندم على اخص مهاد. وانما هذا - 01:06:26ضَ

من حصاد ما كانوا يزرعون ما اغنى عنهم ما كانوا يمتعون. اين الجنود والخدم؟ اين النعم والنعم؟ بعد ما كانوا يربعون فيما يرتعون ما اغنى عنهم ما كانوا يمتعون. لو رأيتهم في حلل الندامة اذ برزوا يوم القيامة - 01:06:46ضَ

عليهم للعقاب علامة يساقون بالذل لا بالكرامة الى النار فهم يوزعون. ما اغنى عنهم ما كانوا يمتعون يا معشر العاصين قد بقي القليل. والايام تنادي قد دنا الرحيل وقد صاح بكم الى الهدى الدليل - 01:07:09ضَ

ان كنتم تسمعون ما اغنى عنهم ما كانوا يمتعون كل المقيمين على معاصيهم وجهلهم. الناسيين من سبقهم المصرين على قبح كم لعب الردى بمثلهم؟ لقد بولغ في اجتثاث اصلهم. فتراهم ما يكفي من توبيخهم. فهل ينتظرون الا مثل ايام الذين خلوا من قبلهم؟ قل - 01:07:29ضَ

تأملوا العواقب. الاثام تبقى وتفنى الاطايب. الذنوب تحصى. وما يغفل الكاتب. والسهم تفوق والرامي صائب. واللذات وان نيلت فبعدها المصائب. فليتدبر العاقل وليحضر الغائب قبل ان الجهال على جهلهم فهل ينتظرون الا مثل ايام الذين خلو ومن قبلهم ايها العبد انظر بعين فكرك وعقلك هل - 01:07:54ضَ

تجد سبيلا لخلاص مثلك مع اقامته على فعلك اين اعتبارك بانطلاق اسلافك؟ اين فكرك وفي فراق في فراق الافك؟ متى تنتقل عن قبح خلافك قل للمفرط يستعد ما من ورود الموت بد قد اخلق الدهر الشباب وما مضى لا يسترد او ما يخاف اخ المعاصي - 01:08:24ضَ

من له البطش الاشد يوما يعاين موقفا فيه خطوب لا تحد. فالى ما يشتغل الفتى في في لهوه والامر جد. ابدا عيد الزمان لاهلها تعب وكد. يا من يأمل ان يقيموا به وحادي الموت يحدو. وتروح داعية المنون على - 01:08:49ضَ

امنها وتغدو يختال في ثوب النعيم ودونه ودونه قبر ولحد. والعمر يقصر كل يوم في الامال مد كم من ظالم تعدى وجار فما راعى الاهل ولا الجار بين هو يعقد عقد الاصرار حل به الموت فحل من حلته - 01:09:11ضَ

الازرار فاعتبروا يا اولي الابصار. سأل في اللحد صديد وبلي في القبر جديد. وهجره نسيبه ووديده تفرق حشمه وعبيده والانصار. فاعتبروا يا اولي الابصار. اين مجالسه العالية؟ اين عيشته الصافية؟ اين لذته - 01:09:33ضَ

خالية كم تسفى على قبره صافية؟ ذهبت العين واخفيت الاثار. فاعتبروا يا اولي الابصار. تقطعت به جميع الاسباب وهجره القرناء والاتراب. وصار فراشه الجندل والتراب. وربما فتح له في اللحد باب. وربما فتح له في اللحد - 01:09:53ضَ

سباب النار فاعتبروا يا اولي الابصار. خلا والله بما كان صنع واحتوشه الندم وما نفع. وتمنى الخلاص وهيهات قد وقف وخلاه الخليل المصافي وانقطع. واشتغل الاهل بما كان جمع. وتملكت ضده المال والدار. فاعتبروا يا اولي الابصار - 01:10:13ضَ

نادم بلا شك ولا خفى. باك على ما زل وهفى. يود ان صافي اللذات ما صفا. وعلم انه كان يبني على شفا جرف فاعتبروا يا اولي الابصار. بس ما فيش كلام يتقال تاني. خلص اللقاء - 01:10:33ضَ

اعتبروا يا اولي الابصار. جزاكم الله خيرا. اسأل الله ان يجمعنا واياكم في جنات النعيم. وان يقينا قسوة قلوبنا وان يرقق قلوبنا وان يحمينا من شر انفسنا. جزاكم الله خيرا. سبحانك اللهم ربنا وبحمدك. اشهد - 01:10:54ضَ