السلام عليكم ورحمة الله وبركاته. اخواني واخواتي في الله احبابي في الله الحمد لله وكفى. وصلاة وسلاما على عباده الذين اصطفى اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم - 00:00:37

في الاولين والاخرين وفي كل وقت وحين. اما بعد وحشتونا يا شباب ربنا يبارك فيكم وربنا يحفظكم. يعني بصوا يا جماعة احنا الوقتي لو في السينما قدام فيلم انما النور بيتطفى والكل بيطفي بيسكت يعمل الموبايل بتاعه. وما فيش حد بيتكلم يعني آآ يعني ازن ان احنا شوقنا - 00:00:57

درس دين او ان احنا نسمع تفسير كلام ربنا سبحانه وتعالى اهم من ان احنا في مباراة دلوقتي مسلا على كافيه من الكافيهات وممنوع حد يتكلم او ينطق اظن ان ده - 00:01:17

حاجة مهمة جدا عايزين نركز مع بعض بقى. لعل الله يرزقنا الليلة فهم اية او ايتين من كتاب الله سبحانه وتعالى. آآ آآ هنتكلم النهاردة عن ايه؟ قصة قارون يا جماعة. قصة قارون. يعني خدوا بالكم احنا بنتكلم في تفسير كتاب ربنا ليه؟ عشان نخرج بعمل صالح. ما حدش عارف العمل اللي هيدخلنا الجنة عملناه ولا لسه - 00:01:27

ما حدش عارف عشان كده لازم نجتهد. انا اتكلم عن قصة قارون في القرآن في سورة القصص. والحقيقة ان قارون ده مش شخصية. مش مجرد شخصية. قارون ده اصعب اب فتنة بتعدي في تاريخ اي دعوة من الدعوات. انا باتكلم عن قصة قانون الوقتي لان احنا كلنا كدعاة وكملتزمين في الواقع مكويين - 00:01:47

بنار هزا النموزج القانوني. قصة قارون بتمسل اصعب لحزة بتعدي في تاريخ اي دعوة. يعني قصدك ايه؟ لما فرعون جاب لموسى سبعين الف ساحر ووقفوا يسحروا للناس ستميت الف شاب وفتاة. وراجل وامرأة من بني اسرائيل اتبعوا موسى في اللحزة دي. لما فرعون قالوا - 00:02:07

اقتلوا ابناء الذين امنوا معه واستحيوا نساءهم. فيه ناس دخلت الدين ومشت ورا موسى. لما فرعون قطع السحرة وصلابهم فيه ناس مشط ورا موسى ولكن لما قارون خرج في زينته حصل شلل دعوي عام. فجأة الشباب بعد ما كانوا بيمشوا وراء موسى رغم السجون والاذى والبهدلة - 00:02:27

الشباب عادوا بيقولوا الدين خنيق. واحنا مش عايزين نتخنق وعايزين نعيش حياتنا. وانتم ليه مضيقينها علينا؟ فجأة حصل شلل دعوة رهيب بسبب الفتنة بتاعة قارون. تعالوا يا جماعة ندخل كده في قصة قارون. ونحاول نتجلى من الايات كده ايه الفتنة دي؟ وايه الموضوع؟ قال تعالى - 00:02:47

ان قارون كان من قوم موسى. على فكرة يا اخواننا قصة اه قارون عشر مشاهد. عشر مشاهد. المشهد الاولاني يعني هلخصها لكم الاول وبعد كده ندخل. المشهد الاولاني مشهد البغي. فبغوا عليهم - 00:03:07

المشهد التاني مشهد الفتح الدنيوي الجبار. واتيناه من الكنوز بعد البغي. يعني انسان باغي وزالم وربنا يديه. يعني واحد بيعصي ربنا ودايس في طريق المعصية وربنا يديه مشهد الفتح الدنيوي الجبار بعد مشهد البغي. المشهد التالت مشهد رد الفعل العام. اذ قال له قومه لا تفرح هو - 00:03:21

الناس ممكن يترقوا لدرجة ان هم يقفوا في وش الظالم. ولدرجة ان هم ينكروا المنكر ولدرجة انهم يوصلوا للدرجة العالية ديت. هي الناس فيها خير للدرجة ديت المشهد الرابع مشهد الكبر والاصرار. انما اوتيته على علم عندي. انتم انا مستحق للي انا فيه ده. المشهد الخامس - 00:03:41

المشهد الرهيب بقى يا جماعة اللي هو اخطر لحزة في القصة كلها. فخرج على قومه في زينته. لحزة الحرب على الله. مشهد لما قارون قرر ان هو عارف ايه اللي هيضيع الناس كويس مش انهم يسمعوا عن اللي عنده قارون لأ انهم يشوفوه. فخرج على قومه في زينته. المشهد السادس - 00:04:01

مشهد الشلل الدعوي العام. يا ليت لنا مسل ما اوتي قارون. الاسر الجبار اللي احدثته الفتنة القارونية في وسط شباب امة وفي وسط عموم الامة. المشهد السابع مشهد الصمود والكفاح. من اهل العلم اللي عارفين دورهم. واللي قاموا بمهمتهم هنا خير اداء - 00:04:21

وقال الذين اوتوا العلم ويلكم. المشهد التامن مشهد الخسف الرهيب. فخسفنا به وبداره الارض فيه اغنيا كتير اوي اوي اوي زلموا الناس وو ولكن ربنا ما خسفش بهم الارض انتقم منهم في مالهم. اشمعنى قارون اللي اتخسف به الارض؟ اشمعنى ؟ لانه اصبح انسان - 00:04:41

حارب الله بالمال بتاعه. بيحارب الله وبيحارب الدعوة بالنعم بتاعته. المشهد التاسع مشهد رد الفعل. وي كان الله يبسط الرزق من يشاء. هو انتم ما كنتوش عارفين ان الرزق بايد ربنا. انتم ما كنتوش عارفين انها ارزاق. انتم كنتم فاكرينها بجري الوحوش. المشهد العاشر مشهد - 00:05:01

التعليق الرباني على القصة القصة كلها سبع ايات يا جماعة. وبعد كده ايتين تعليق ربنا على القصة. القصة كلها سبع ايات. ولكن عبرة جبارة التعليق الرباني تلك الدار. الله! يعني ايه تلك الدار؟ يعني ايه تلك الدار الاخرة؟ اصل ربنا قال قبلها فخسفنا به وبداره الارض. الاصل - 00:05:21

المزهل الدار المزهلة بتاعة قارون دي ربنا بعد ما خسفها قدام عين الناس قال تلك الدار. الدار اللي انتم متعلقين بها والقصور والدنيا دي لا تساوي شيء بالنسبة للقصور بتاعة الجنة والدار بتاعة الجنة. تعالوا بقى اما ندخل كده في مشهد مشهد من مشاهد القصة. نحاول ان احنا نستجلى يا جماعة اعجاز القرآن - 00:05:41

وانوار القرآن في حياتنا. تعالوا نحاول نستخرج من كنوز القرآن انوار ربنا ينور لنا بها حياتنا. المشهد الاولاني مشهد البغي كان من قوم موسى فبغى عليهم. طب ليه ربنا ما قالش ان قارون بغى على قوم موسى؟ ليه كان من قوم موسى؟ ليه اسبات انه من بني اسرائيل الاول؟ بل كان ابن - 00:06:01

موسى كما قال اكثر المفسرين. كأن منهم وبدل ما يرحمهم في الظلم اللي هم فيه. يقوم يدوس على رقبيهم اكتر. يقوم يزلمهم ويجور عليهم اكتر يقوم يفتري عليهم ويبقى الدراع اليمين لفرعون على ايدهم عليهم اكتر. طب هو الاول يا جماعة زي ما اتعودنا هو زمن نزول القصة - 00:06:21

امتى ؟ هي زي ما قلنا في قصة المائدة قبل كده وفي قصة توبة كعب. هو زمن نزول القصة امتى ؟ سورة القصص كلها نازلة امتى ؟ سورة القصص فيها قول الله انك لا تهدي من - 00:06:41

احببت لما قلب النبي اتفطر على موت ابو طالب وهو ميت وهو كافر. مات وهو كافر. يبقى القصة بعد موت ابو طالب. وفيها ان الذي فرض عليك القرآن لا ردك الى معاد. الاية اللي نزلت تصبر النبي وهو بيهاجر. وهو اسناء الهجرة وربنا بيقول له هترجع منتصر يا محمد. يا ابن عبدالله - 00:06:51

ردك ربنا هيردك لمكة تانية وانت منتصر. يبقى ازا القصة نازلة يا جماعة في اخر شعب ابي طالب في عام الحزن اول عامل حزن وقت ابو طالب يعني نازلة في وقت عصيب. طب ده زمن حدوس زمن نزول القصة - 00:07:11

زمن حدوس القصة ايه؟ لان الموضوع ده موضوع خطير جدا. هي القصة دي بقى حصلت في حياة موسى امتى؟ خلفية درامية للاحداس ده علم خطير جدا. هي حصلت ايه يعني حصلت وموسى في مصر ولا حصلت بعد العبور العظيم الى سيناء حصلت امتى ؟ كسير من المفسرين قالوا لأ ده في سينا. ولكن يا جماعة - 00:07:27

لو جينا نشوف يعني بعض الاقوال التانية هنلاقي ان القصة دي لا يمكن تكون حصلت في سينا. ليه بقى ؟ اول حاجة هو قارون تتخيله هزا الرجل الضلال الكافر ده هو الراجل الرهيب دهو كان هيرضى ان هو هيمشي ورا موسى ويستنى ان هو يخرج ويصطدم بفرعون لا يمكن طبعا شخصية قارون كانت - 00:07:47

ترضى ان هي توقف هزا الموقف الايماني الجبار ويتبع موسى قدام البحر الاحمر. الحاجة التانية طب قارون الكنوز بتاعته دي كان هينقلها ازاي بقى من البحر الاحمر؟ يعني الكنوز اللي - 00:08:07

مفاتيحها بس تنوء بالعصب والقوة. ما فيش حد يقدر يشيل المفاتيح. كان هيجيب منين ناس تشيل الكنوز ديت وتجري بها في البحر الاحمر؟ تالت حاجة لو قارون ما كانش اغتنى غير - 00:08:17

بعض العبور من البحر الاحمر. الرمل بتاع سينا كان هيجيب منه الكنوز دي ازاي بقى؟ يبقى ازا يا اخواننا كلام غير ان القصص في القرآن كلها بتاعة قانون بتؤكد ان قارون كان برعي مين لفرعون او كان سند زي هامان بالزبط مع فرعون. يبقى ازا زمن حدوس القصة قبل العبور لسيناء في مصر يبقى القانون ده - 00:08:27

الشخصية اللي كلنا عارفينها فلان راجل الاعمال الجبار اللي كان واقف جنب الرئيس فلان او فلان راجل الاعمال الجبار اللي استغل فلوسه انه يعمل قنوات تدمر الشباب وتضيع الامة وتفتن الناس. احنا قدام شخصية واضحة وقدام موقف واضح ما تستعجلوش في الحكم على مين هو قارون. لان احنا في النهاية هنقف وقفة و هقول لك اوعى - 00:08:47

وقارون وهنتكلم مين هو قارون اوعي تبقي قارون اصل زمان كان فيه قارون واحد مع موسى دلوقتي فيه الف قارون الوقتي فيه مليون قارون فيه مليون واحد خرجوا على الناس في زينتهم فتنوا الناس. الدرس ده مهم اوي اوي اوي اوي اوي. بالنسبة لكل واحد موهوب لكل شاعر لكل - 00:09:07

كل فنان لكل ملياردير لكل واحد بيطلع الاول على دفعته لكل واحد ربنا ادى له حاجة. الدرس ده بيخاطبه. يبقى المشهد الاولاني ان قارون كان من قوم موسى فبغوا عليهم. طب يعني ايه قارون يا جماعة؟ قارون على وزن ايه؟ قارون اسم عبري اصلا. عبري! هو القرآن مش عربي! هو القرآن ازاي - 00:09:27

يجي فيه كلام الفازة! هو انا الوقتي لما بحكي لك قصة حصلت بين واحد اسمه بيتر وواحد اسمه جون في انجلترا! وباكلمك باللغة العربية الفصحى! اما اجي اتكلم اقول لك جون - 00:09:47

هو ده مش معنى انها ضد اللغة. هو اسمه كده. انا بحكي قصة اسم كده. وان كان فيه من العلماء من استخرج جذور عربية لهزه الالفاز الا ان الاسم كده. انما تعالوا - 00:09:57

العبري. قارون على وزن ايه ؟ بالعبري شارون. زي شارون اللي كلنا عارفينه. شارون من يشر. يشر ده يعني اللي هو بقى الايه ؟ المستقيم السوي، ها؟ طب قارون من يقر. يقر ده يعني ايه ؟ حتى في اللغة العربية القرى اللي هي الفلوس. يقر ديت اللي هو الغني العظيم. الموقر المعظم يعني قارون معناها - 00:10:07

المعظم اللي الناس كانت مبهورة وبتعزمه وبتوقره بسبب الفلوس بتاعته. المشهد التاني واتيناه من الكنوز ما انما الفاتحة ولا تنوء بالعصبة اولي القوة. مشهد الفتح الدنيوي الجبار. ويا رب الظالم انت بتدي له. هو يا رب الفاسد انت بتدي له. هو يا رب مين قال لكم ان - 00:10:27

هنا معناه ان انا بحب الغني. هو مين قال لكم يا جماعة؟ ان اكتر ناس ربنا بيحبها هي الرؤساء والاغنياء ممكن تكون دي ابعد ناس عن ربنا اصلا. مين قال لك ان جمال - 00:10:47

المرأة علامة حب ربنا لها. مين قال لك ان قلة الجمال او قلة المال معناها ان ربنا ما بيحبش فلان. عايزين نفهم يا اخواننا. عايزين نفهم المقاييس صح واتيناه من الكنوز. كلمة الكنوز دي كلمة يعني انا لو معي مسلا مليون جنيه ها وبتاجر بهم دي مش كنوز ليه ؟ لانها فلوس آآ رايحة وجاية الكنوز دي - 00:10:57

ارباح بعد المليارات اللي بتاجر بها بقى عندي ارباح لا محتاج اصرفها في اكل ولا شرب. ولا محتاج ان انا اتاجر بها حتى دي ماكنز حاجة مكنوزة كده. فقارون فائض الربح بتاعه بس. كان كنوز مفاتيحها بس تنوء بالعصبة اولي القوة. نجيب ناس يشيلوا مفاتيح - 00:11:17

الكنوز بتاعته او مفاتيح الخزائن بتاعته تنوء تميل. يعني هيقع من طوله مش قادر يشيل المفاتيح. يعني تخيلوا يا جماعة سبحان الله! ازا كان ده غنى مخلوق والغنى الله اللي ادى له هزا المال يبقى غنى ربنا قد ايه ؟ يبقى مشهد الفتح الدنيوي الجبار. هنا ييجي المشهد التالت بقى. مشهد رد الفعل العام - 00:11:37

قال له قومه لا تفرح ان الله لا يحب الفرحين. اذ قال له قومه هو من امتى عموم الناس عندهم قوة في رد بالمنزر ده. خدوا بالكم الناس ما اتكلمتش لما القانون بغى. الناس اتكلمت لما قارون اغتنى. يعني للاسف احيانا بيبقى رد الفعل متأخر عند كثير من الناس. طب - 00:11:57

هم من الاول تلقطه وتكلمه وتوعظه. المقصد ان الناس اتكلمت از قال له قومه كلمة غريبة جدا ان الناس تقف وتقول لقارون خمس الخمس كلمات دول هم دستور دعوة الاغنياء. دستور دعوة الموهوبين. لاعب كورة مشهور. فنان مشهور مغني مشهور - 00:12:17

واحد ملياردير ايا ما كان الموهبة اللي ربنا اداها لك. دستور دعوة الاغنياء والموهوبين هم الخمس كلمات دول. القاعدة الاولى لا تفرح ان الله لا يحب الفرحين. القاعدة التانية وابتغي فيما اتاك الله الدار الاخرة. القاعدة التالتة ولا تنسى نصيبك من الدنيا. القاعدة الرابعة - 00:12:37

واحسن كما احسن الله اليك. القاعدة الخامسة ولا تبغي الفساد في الارض. ان الله لا يحب المفسدين. شيء مزهل يا جماعة ان العوام قالوا هزا الكلام القوي ده بيقولوا لا تفرح لا تنسى لا تبغي تلات نواهي وفي امرين ابتغي فيما هو ايه ده هم العوام بيتكلموا بهزه - 00:12:57

وبهزه المعاني الجبارة. عشان كده بعض المفسرين قال لك ده مش العوام اللي قالوا كده. امال مين ده موسى. لأ هو ربنا قال از قال له قومه. قال لأ امال في بعض المفسرين - 00:13:17

قالوا ده موسى ليه ؟ مش مصدقين ان العوام ممكن يخرج منهم الكلام الجواهر ده. موسى تعب مع الناس في الدعوة، وتعب مع الناس في التربية. فخرجت ثمرة عالية. ودي رسالة - 00:13:27

لكل داعية ومربي الناس مليانة خير. الناس محتاجة حد يخرج الخير اللي جواها. الناس لما موسى اهتم بها خرج منها هزه الكنوز الخمسة. طب تعالوا نشوف الخمسة الجبارة دهي. الكنز الاول لا تفرح ان الله لا يحب الفرحين. الواحد حزين اوي يا جماعة ومتألم. وهو شايف الناس واقفة قدام - 00:13:37

قرون وبيقولوا له الكلام ده كله. قارون قاعد يبص لهم. الناس دي بتفكر يبص لهم. انتم كلكم يعني يعني الشرف بتاعكم طلع علي انا. طيب قارون بعد كده لما لقى الناس بتتكلم معه قال انا مش هاكلمكم مش هارد عليكم. هو انا لسة هاقعد انكد فيكم! انا هاوريكم اللي عندي - 00:13:57

قارون شخص ان لو عايز يشق المجتمع بدل ما يقعد يكلمه بدل ما يقعد يسجنه لا ده يوري له الدنيا والفتن بتاعة انا هوريكم النعيم اللي انا بتمتع به جوة القصور وما حدش واخد به باله. انا هاخرج لكم النساء الباهرات. اللي ملك يمين لي. انا - 00:14:17

خرج لكم نجوم هوليود. نجمات هوليود وملكات جمال العالم اللي هم يمشون موكب حواليا كده. هاخرج لكم اقوى رجال في العالم وهم حاشية حواليها موني هخرج لكم اخطر عربيات في الدنيا عمركم ما تخيلتم ان فيه عربية منها اصلا موجودة بالمنزر ده وهمشي لكم خمسميت ستميت عربية في الموكب - 00:14:37

ورايا كده انا هاوريكم الدهب اللي عمركم ما شفتوه. والجمال اللي عمركم ما تخيلتوه. واللبس اللي عمركم ما تصورتوه. والمتع والدنيا انا هوريكم الدنيا انا هوريكم الفيس. انا هاوريكم السوشيال ميديا. انا هاوريكم الاف القنوات على الفضائيات تعرفكم الدنيا وصلت لايه؟ اللحزة - 00:14:57

رهيبة. يعني الناس يا جماعة كانت سابتة قدام قارون طول ما كانت سامعة على النعيم بتاعه ما شافتوش. لما قارون في اخر القصة خرجوا وراهم النعيم الناس دي كلها معظمها وقع. للاسف الشديد ليه ؟ اهل الباطل فاهمين وروهم. زي امرأة العزيز لما نسوة المدينة قعدوا ينتقدوا فيها ويفضحوها - 00:15:17

قالت كده هو انتم سامعين عن جمال يوسف؟ فعاملين لنفسكم فيها كده. تعالوا اما اوريه لكم بعينيكم. قطعوا ايديهم وشاركوها في المؤامرة على يوسف اهل الباطل فاهمين ان لو عايزين تضيعوا الالتزام من المجتمع بدل ما تحبسوه وتسجنوه وروهم الدنيا - 00:15:37

ما حدش هيقدر يقاوم في اللحزة دي. يعني عايز اقول ايه؟ هو المعلومة اللي انا قاعد الف وادور فيها ديت قصدي منها ايه؟ عايز اقول لك ايه. عايز اقول لك وعايز اقول لك حصن قلبك. الفتن جاية جاية - 00:15:57

عايز اقول لك ان فيه فتن ممكن تيجي انت ما تقدرش عليها. الناس دي كانت بتقول لقانون الكلام الخطير ده بس كان جواها بزرة. قارون عرف يستغلها بعد كده عالج البزرة دي من دلوقتي. وعايز اقول لك لا تمدن عينيك. انت اضعف من انك تسبت قدام فتن الدنيا. عشان كده ربنا قال لك مش هتقدري تغمضي عينيك. لو - 00:16:07

في الباطل مش هتقدري. لا تمدن عينيك الحل نصرف عنينا عن فتن الدنيا. طب الخمس كلمات الخطيرة اللي قالها هؤلاء الناس. قالوا خمس كلمات. الكلمة الاولانية لا تفرح ان الله لا يحب الفرحين. يعني ايه؟ هو امتى افرح بالفلوس؟ لما الفلوس تبقى هي الغاية بتاعتي. هو انا الوقتي لو جا لي مليون جنيه مسلا لو - 00:16:27

انا راجل متدين انا مش هفرح بالمليون جنيه امال افرح ايه! اما بقى اصل رحمي بهم وبر قرايبي بهم. وآآ اكفل ايتام بهم. واصرف عن دعوة منهم واقف ساعتها افرح بقى لان الغاية بتاعتي هي الطاعة. انما امتى افرح بالفلوس لما تبقى هي الغاية؟ لما يبقى ما عنديش اخرة بتمسل غاية - 00:16:50

يعني ايه لا تفرح ان الله لا يحب الفرحين؟ اوعى الدنيا تبقى هي الغاية. معنى انك تفرح بالدنيا ان الدنيا هي نهاية المطاف بالنسبة لك. فانت فرحان ان انت خدت فيها، اوعى تبقى الدنيا لغاية - 00:17:10

اتنين وابتغي فيما اتاك الله الدار الاخرة. ما قالوش ابتغي بما اتاك الله الدار الاخرة. لا ابتغي فيما اتاك الله. اصل الدنيا ما تساويش انها تبقى تمن للجنة. ابتغي فيما اتاك الله الدار الاخرة. يعني حول المواهب اللي ربنا اداها لك. حول الزكاء اللي ربنا اداه لك - 00:17:20

حول الشعر او الفن او المواهب الفنية اللي ربنا اداها لك. حول التفوق اللي ربنا اداه لك. حول الفلوس اللي ربنا ادها لك. حول قل الزرية اللي ربنا اداها لك. حول المواهب او العبقرية اللي ربنا اداها لك لاسانسير تطلع عليه الى رضا الله. يعني استعمل - 00:17:40

للدنيا اللي ربنا اداها لك انها تبقى وسيلة لطاعة ربنا ورضا الله وابتغي فيما اتاك الله الدار الاخرة. كلمة تمسل رسالة لكل انسان تلاتة ولا تنسى نصيبك من الدنيا. كلمتين حلوين او كلمة لا تنسى يا جماعة كلمة واقعية اوي. اصل الانسان اللي مشغول بالاخرة فعلا - 00:18:00

بينسى ان في دنيا. عارفين احد السلف لما قيل له لما لم تتزوج؟ اخر عمره قال لو ذكرتموني لفعلت. انا مشغول يا اخواننا الكلام مش كلام آآ الكلام ده حقيقي. الكلام الانسان المشغول بالاخرة وقلبه مليان بمعاني الاخرة بينسى ان هو يشتغل عشان الدنيا اصلا. فمحتاج ان - 00:18:20

يتقال له ولا تنسى. طب يعني ايه نصيبك من الدنيا؟ المفسرين اختلفوا على تلات اقوال هنا. القول الاولاني جمهور المفسرين وابن عباس رضي الله عنه ايه بقى نصيبك من الدنيا اللي هو العمل الصالح. قالوا كده اياك ان تضيع عمرك دون الخروج بالاعمال الصالحة. قال لك ده نصيب من الدنيا - 00:18:40

هو النصيب بتاعك هو الاعمال الصالحة اللي انت خرجت بها. جمهور المفسرين ده جمهور المفسرين. القول التاني يا جماعة وده افتكرته النهاردة وانا ماشي في جنازة لاحد الامهات الفاضلات وببص كده وهي متكفنة يعني يا رب يعني الانسان هيموت عشان يجيب عقارات ويجيب سندات ملكية ويجيب عقود ارض ويجيب وفي النهاية الكفن ما لوش - 00:19:01

جيوب مش هيخرج غير بالكفن. القول التاني نصيبك من الدنيا اللي هو الكفن. الكفن قالوا هو الكفن. قالوا الكفن ده الحاجة يعني وحيدة اللي الانسان بيخرج بها من الدنيا. طب والقول التالت قالوا نصيبك من الدنيا ده قول الامام مالك بقى. نصيبك من الدنيا اللي هو الاستمتاع بالطيبات. ايه المشكلة - 00:19:21

قالوا اصحاب هزا القول الله يحثك على الاستمتاع بالطيبات. الله اه هي مش اوضة يا حضرة. اصل ده راجل غني. لازم ادي له طرح متوازن للدين. هقول له الدين ما فيش في دنيا هيطفش. ولازم الملتزم نفسه يبقى انسان متوازن عشان الناس تتعلم التوازن. يعني الاستمتاع بالطيبات من الدنيا دي عبادة. زي - 00:19:41

الاجتهاد في العبادة دي عبادة. ولازم الملتزمين يبقوا ناس متوازنة في حياتهم. ولا تنسى نصيبك من الدنيا. اربعة واحسن كما احسن الله اليك. يا اخوانا الدين تلات درجات. الدرجة الاولى الاسلام. الدرجة التانية الايمان. الدرجة التالتة الاحسان. يعني ممكن يقولوا اسلم وممكن يقولوا له - 00:20:01

امن قالوا له احسن الاحسان ده ان تعبد الله كأنك تراه. يعني لما شكلوه ووجهوه ووجهوه لاعلى مقامات في الدين. احسن يعني خليك في قمة الدين. الله! قمة الدين ازاي يا اخوانا! ده انتم بتكلموا راجل ضلالي. بتشكلوه على قمة الدين. ليه يا جماعة؟ ليه اللفظ ده؟ جه في دعوة زلك الملياردير - 00:20:21

القاروني عشان عدة اسباب. اول حاجة ان اولى الناس بالشوق للجنة هم الاغنيا. يعني احنا ممكن نكون قاعدين الحمد لله ده انا النهاردة يعني ما شاء الله يا جماعة امسكوا امسكوا يعني ايه اه قولوا ما شاء الله لا قوة الا بالله ده انا فاطر لحمة ومتغدي سمك مشوي مسلا يعني - 00:20:41

انما يا حبيبي هو انت عارف الاغنياء بياكلوا ايه؟ بياكلوا حاجات ما نعرفهاش اصلا. ده فاضل استاكوزا بالمش عارف ايه ومتغدي كابوريا محشية ايه ما شاء اه ده انا كنت امبارح في راس البر يا سلام! يا عم انت عايشها كده ليه! عايش مين يا عم! الناس دي لما بتتفسح! بتتفسح في حتت ما يعرفهاش اصلا! الناس دي لما بتروح فندق - 00:21:03

في فندق بالف دولار الليلة بعد الدولار ما بقى داخل على عشرين جنيه. الناس دي يا اخوانا عايشة حياة ما احناش عارفينها اصلا. طب المفروض بقى يفتن بالكلام ده عن - 00:21:23

لأ ده المفروض يشتاق للجنة. ليه ؟ لان نعيم الدنيا بيفتح المدارك. ازا كان ده ما اعد البشر للبشر. امال ما اعد رب البشر عشان كده قالوا له احسن لان المفروض ان انت فيه يشوقك بقى للجنة اكتر. الحاجة التانية هو انت فاكر النعمة اللي ربنا ادها لك دي ما لهاش ضريبة؟ يعني - 00:21:33

يعني اللي اللي بياكل فول كل يوم هيتحاسب زي اللي بياكل لحمة كل يوم! يعني الجعان ومش قادر يقوم الليل هيتحاسب زي اللي واكل مسلا قد ايه كده وممكن يقوم يصلي تلات ساعات مش هيهبط ولا هيدوخ. يبقى هي دي القضية ان ربنا اداك نعم لا ضريبة. انت اللي ربنا اداه لك. بمستوى النعم اللي - 00:21:53

ربنا اداها لك واللي ربنا اداه لك انت المفروض تبقي من العابدات عشان تكافئي انك بس يبقى لك حجة امام نعم الله سبحانه وتعالى. الحاجة التالتة يا جماعة ان ليه احسن قالوا لده احسن؟ هو انت في الدنيا هتموت على انك تبقى ملياردير؟ وهتموت على انك تبقى رقم واحد في قائمة اغنى ميت ملياردير في العالم. وفي الدين اي - 00:22:13

كلام وخلاص اشمعنى في الدنيا طموحين وفي الاخرة زاهدين زي ما انت في الدنيا عايز تبقى احسن واحد لازم في الاخرة تبقى نفسك انك تبقى احسن واحد واحسن كما احسن الله اليك. عامل ربنا زي ما ربنا عاملك. ربنا ادى لك من غير ما تطلب. ربنا ادى لك من غير ما يزلك في الطلب. ربنا ادى لك - 00:22:33

ربنا ادى لك وبيديك دايما احسن كما احسن الله اليك. الحاجة الخامسة ولا تبغي الفساد في الارض ان الله لا يحب المفسدين يعني ايه ولا تبغي الفساد في الارض؟ اوعى تستعمل النعم في معصية ربنا. اوعى تستعمل النعم وتستقوى على اجتراء وتعدي حدود ربنا - 00:22:53

النعمة اللي ربنا اداها لك. يعني ان الله لا يحب الفرحين. ان الله لا يحب المفسدين الناس دي عندها افق عالي قوي في حب الله. وبيقولوا القارون خاف انك تخسر حب الله. ايه الكلام العالي ده يا جماعة؟ المشهد الرابع مشهد الكبر والاصرار. قال انما اوتي - 00:23:13

على علم عندي. انتم عارفين يا جماعة يعني ايه على علم عندي؟ فيه ناس كتير يعني المعنى الاولاني المتبادر انا عندي علم بالتخطيط والادارة في العلوم الدنيوية اللي انا باعرف اجيب بها فلوس والكلام ده مزبوط. امريكا دواء واحد زي اليوناسيين كسبت منه مليارات قد ايه من ورا العالم. امريكا دواء واحد بس - 00:23:33

في علاج اي فيروس او اي آآ او هيباتيس او مسلا فيروسات الكبد او كسبت مليارات ممليرة. العلم يا جماعة بيجيب اموال جبارة هو الفيمتو سكند ده الفيمتو تكنولوجي دي والاستيم سيل تكنولوجي. الكلام ده امريكا كسبت من وراه مش مليارات كسبت من وراء ما - 00:23:53

فوق المليارات من الاحصاء والعدل. يبقى العلم بيجيب فلوس فبيقول انا عندي علم. فكسبت فلوس. انما فيه مفسرين قالوا لأ ده مش معقول. المفسرين اقوياء جدا جهابزة. قالوا لأ ده مش قصده - 00:24:13

كده ده قصده انما اوتيتوه على علم اي على علم من الله بما عندي من الصلاح. ربنا يعلم ان انا احسن واحد في الدنيا فالداني ده لانه يعلم الخير اللي جوايا. شوفوا بقى القهر اللي بيقهر به. الفقرا اللي جهال في الدين ومش عارفين. عشان كده بيقول لك انما اوتيت - 00:24:23

تيتو ده ربنا اداها لي. اوتيت يعني ربنا اداني على علم بما عندي من الصلاح والتقوى والخشية. اوعوا تتأسروا اوعوا ان الغني ربنا ادى له لانه بيحبه. والفقير ربنا ما ادالوش لانه حاربه لانه ما بيحبوش ابدا. ده ده سؤال في امتحان الغني اسمه الفلوس. وسؤال في امتحان - 00:24:43

هل الفقير اسمه الفقر ولازم ده يجاوب على السؤال صح وده يجاوب على السؤال صح قال انما اوتيته على علم عندي. اولم يعلم ان الله قد اهلك من قبله من القرون. من هو اشد منه قوة واكثر جمعا؟ جمعا هنا يعني في - 00:25:03

استماع للناس حواليه. انت مغرور بالناس اللي ملفوفة حواليك ليه؟ مغرور بالدنيا كلها اللي مجتمع عليك ليه؟ عشان كده شف بقى الضربة اللي جت في الاخر ولا يسأل عن المجرمون. يعني ايه ولا يسأل عن ذنوبهم المجرمون؟ آآ اول معنى ان يعني قارون او في ناس من كتر - 00:25:19

حدش اصلا لو شافها بتتسحل في جهنم يوم القيامة هيقول يا رب انت عملت فيه كده ليه؟ الكل عارف ان ده مجرم. فربنا بيرميه في نار بلا حساب خلاص اترم على جهنم وعلى طول. والعياذ بالله. يا اما يا جماعة من قول الله سبحانه وتعالى ولا يسأل حميم حميما. ما حدش هيعبره يوم القيامة. ولا يسأل عن ذنوبه - 00:25:39

المجرمون يعني الاجتماع حواليه. قارون النهارده لو صابعه وجعه ولا طلع دمل في ايده ولا رقبته وجعته الدنيا كلها هتلف حواليه ليه؟ عشان فلوسه عشان مركزه. انما يوم القيامة يبقى نكرة. ما فيش حد هيبص له. ما حدش هيعبره هيتمرمغ في ارض المحشر ما حدش هيبص له. ولا يسأل عن ذنوبهم - 00:25:59

ما حدش هيبص له المشهد الخطير بقى. واللحظة الفاصلة والاية اللي بتلخص الواقع اللي احنا عايشين فيه. فخرج وجعل قومه في زينته. فخرج قارون في الاية اللي قبلها قال انما اوتيته على علم. قانون بيتكلم انما هنا قانون بينفز - 00:26:19

قارون حس ان الواقع ده مش هيتغير طول ما هو بيواجهه. لا لا لا لا. انا هاعمل حاجة ما حدش هيقدر ان هو يواجهها. خرج اللي الباطل قرروا ينزلوا للناس. اهل الباطل قرروا ينزلوا الواقع. خرج على على دي استعلاء. يعني خارج من فوق كأنه خارج ايه بقى؟ النجم خارج بقى - 00:26:39

النجم السما النجمة نازلة من السما على الناس بقى. خرج على قومه في زينته. في مش في زينة في زينته. حشد كل ما يستطيع من المبهرات. تخيلوا كده فيه مليارديرات ما يخرجش ما يمشيش غير وحواليه مسلا ايه عشر فتيات من اجمل جميلات العالم كده. ماشيين - 00:26:59

ده ايه ده ده بيقول للناس شوفوا العز يعني. ما هو كل واحدة من دول ده فعلوا فيها تلاتين اربعين مليون دولار. عشان ترضى انها تعيش وسطه بالمنزر ده. فبيبقى غنى - 00:27:19

وهي في القانون بهر الناس بالرفاهية. انت بتحب ايه؟ بتحب النساء؟ انا هامشي حوالي ملكات جمال العالم ولابسين لبس فاتن يبهر اي شاب بيحب النساء. انت بتحب ايه؟ هتموت على العربيات؟ انا هجيب لك بقى مش اللامبورجيني - 00:27:29

كريزلر والبنتلي ده انا والهامر ده انا اجيب لك اللي انت ما تخيلتوش اصلا في الدنيا. ومش عشرة ولا عشرين ولا خمسين عربية هجيب لك الف عربية انت هتموت على ايه ؟ المركز والسيطرة انا هاوريك وانا ماشي على العرش وحوالي الدنيا كلها شايلاني. هابهرك بالمركز اللي انا فيه. انت - 00:27:46

بتحب ايه ؟ انت بتحب الدهب وعينيك بتتخلع على الدهب. انا هوريك الدهب اللي كل الموكب بتاعي لابسه ان انت ما تتخيليش ان الكمية دي موجودة على وجه الارض فخرج على قومه في زينته. خرج يبهرهم اللحزة دي يا جماعة هي اللحزة اللي اتشلت فيها الدعوة. اللحزة اللي مسيرة - 00:28:06

الدعوة وقفت فيها. ازاي ؟ اصل خدوا بالكم ده قارون واحد. دلوقتي الف قرون. هو انت كأن الشاب انا بحس ان شبابه عايزين يقولوا يا شيخ هو انت فاكر ان ان الموضوع بقى بنت. ده بقى اوبن بوفيه بنات على السوشيال ميديا. اللي انت عايز تكلمها تكلمها. هو الموضوع عاد مخدرات زي زمان وبانجو. ده بقى - 00:28:26

مليون نوع. هو الموضوع بقى طموحات! ده شهادات جبارة وزمالات ومرضات هو الموضوع قد ايه! وبراج الموضوع انت مش متخيل الدنيا وصلت لفين ؟ انت متخيل ان الموضوع كان زمان فتنة. ده بقى مليار فتنة هو الموضوع بقى آآ سوفت ميوزك ولا راب ولا ميتال ولا جاز - 00:28:46

ولا روك ولا هيب هوب ولا انت مش متخيل الدنيا وصلت لايه! الشباب الوقتي بقوا البنت ماشية في الجامعة منزر العدسات الملونة مع الجمال فبيبصوا لها والبنات واقفين يا ليت لنا مسل ما اوتيت فلانة. يا ريتني مكانك. الشاب ماشي مع اجمل بنت في الجامعة. وراكب افخم عربية والشباب بيبص - 00:29:06

يا ريتنا مكانك. النتيجة فخرج على قومه في زينته. قال الذين يريدون الحياة الدنيا يا ليت لنا مثل ما اوتي قارون يبقى دي اللحزة يا اخوانا اللي وصلت الشباب للدرجة اللي هم فيها دلوقتي. تدخل على الشاب في جولة عايز تدي له سي دي لأ مش عايز - 00:29:26

شكرا يا عم ده انا باديه لك ببلاش. مش عايز مش هيسمعه. يا عم انا انا مش عايز يسمع ويروح يرميه. فيه شاب قال لي انا رميته في الزبالة عشان ما حدش يخليني اسمع حاجة في الدين. اللي خادمة في الشقة عنده بتمسح وهي منزلة كيس الزبالة وقع - 00:30:05

كيس الزبالة على السلم. بيقول لي نازل على السلم لقيت السي دي اتفزعت. هو فيه ايه! مش عايز اشوفه اصلا. تدخل على الشاب انت اسمك ايه انا مايكل وانا جورج في ايه يا ابني - 00:30:25

خايف تقول انك مسلم احسن تسمع الكلمتين في الدين وفي القرآن ليه؟ تدخل الشاب دلوقتي البنت عايزة تلتزم وتلبس حجاب امهات المؤمنين. اول ما تنزل وتشوف البنات والتبرج مش قادرة ما ابقاش زي دول. الكل بيبص لهم. الشاب بيبقى عايز يتوب ويلتزم. اول ما ينزل ويلاقي صاحبه راكب عربية فور باي فور - 00:30:35

وطاير وجنبه بنته مش قادر عايز يبقى زي ده. الشباب بعد خرج على قومه في زينته. بعد ما كانوا نفسهم يلتزموا بقى الدين بالنسبة لهم خناقة. ده الدين بالنسبة لهم صعب. بقى الدين بالنسبة لهم قيود. الوضع اللي احنا فيه تنزل في جولة. تكلم الشباب في الالتزام. ما حدش بيرد عليك. ليه - 00:30:55

واول ما واحد قلبه يتفتح يقول لك بصراحة يا عم الشيخ احنا كنا متفقين ان لو حد جه يكلمنا في الدين ما حدش ينطق معه عشان يخلص الكلمتين بتوعه يكبوهم ويسيبنا ويمشي. مش - 00:31:15

عايزين خناقة ايه اللي حصل يا شباب؟ تقف مع الشباب احنا عايزين نطفش من البلد احنا يا ابني فوق يا بني انا اللي افوق يا شيخ فق انت انت مش شايف اللي احنا فيه! انت مش شايف البنات وصلت ليه! انت مش شايف القنوات! انت مش شايف الدنيا! انت مش شايف العربيات والابراج والاموال والدولارات! انت مش شايف الجنيه بتاع - 00:31:25

البلد بقى عامل زي ورق الجرايد ، انت مش شايف الشهادات العالمية اللي بياخدها بيحصل له ايه ؟ انت مش شايف انتم اللي عايزين تفوقوا. مش احنا اللي عايزين نفوق يا عم الشيك - 00:31:45

تقف مع الشباب اهو الاية دي بتلخص اللي حصل. فخرج على قومه عشان كده نفس الكلمة دي ربنا قالها في القرآن في موضع دلي بس مع واحد من الصالحين مع سيدنا زكريا فخرج على قومه من المحراب. خرج الصالح لازم يخرج وينزل للناس. زي ما الفاسدين بينزلوا للناس حرام هم ينزلوا - 00:31:55

الشباب يضيعوك. واحنا قاعدين ما بننزلش. وسيدنا زكريا برضو ربنا قال خرج على برضو من علو. اصل سيدنا زكريا واحد نازل من السما يعلي ناس انما القانون علا هنا للاستعلاء والتكبر. يعني نفس الكلام حتى سبحان الله يا جماعة كلمة زكريا عكس كلمة قارون. سبحان الله! قارون - 00:32:15

الذي ذكره الناس وعظمه الناس. زكريا الذي ذكر الله فذكره الله. يعني ده الناس ذكرته وده ربنا زكره في النهاية مقال ده ايه ومآل ده ايه؟ مش عايزين نتفتن. عايزين عايزين نفهم عشان كده قال الذين يريدون الحياة الدنيا. يريدون - 00:32:35

جريمة يا اخواننا الدنيا ان انا استمتع بالطيبات ده حلال. بل بالعكس ده ممكن يبقى عبادة. انما ان انا اريد الدنيا. ان انا ارادتي تجتمع على الدنيا عشان كده تلات ايات في القرآن يخلعوا القلب. لو الواحد فهمه الاية الاولانية من كان يريد الحياة الدنيا وزينتها. الاية ما قالتش انه زنا. ما قالتش انه - 00:32:55

ما لقيتش انه فجر. الاية قالت انه يريد بس من كان يريد الحياة الدنيا وزينتها. نوف اليهم اعمالهم فيها. وهم فيها لا يبخسون. اولئك الذين ليس لهم في الاخرة الا النار. وحبط ما صنعوا فيها وباطل ما كانوا يعملون. الاية التانية من كان يريد العاجلة عجلنا له فيها - 00:33:15

نشاء لمن نريد ثم جعلنا له جهنم. الاية التالتة من كان يريد حرث الاخرة نزد له في حرثه. ومن كان يريد حرث الدنيا نؤته منها وماله في الاخرة من نصيب. التلات ايات الجريمة فيهم بس يريد. قال الذين يريدون الحياة الدنيا يا ليت لنا مسل ما اوتي - 00:33:35

قارون يا ريتني مكانك. يا ريتني عندي شعرك. يا ريتني عند جمالك. يا ريتني عندي عربيتك. يا ريتني ابويا كان مركزه زي ابوك. يا ريتني عندي شهادتك. يا ريتني عندي وسامتك ولا فصاحتك ولا عبقريتك ولا زكائك ولا فلوسك ولا عزك ولا ملكك ولا يا ليت لنا مثل ما ملكت - 00:33:55

تعظيم ما اوتي قارون انه لذو حظ عظيم. لما المفاهيم تنقلب والمفاهيم تبوز. انه لذو حظ العظيم ويجي المشهد السابع مشهد صمود اهل العلم وقال الذين اوتوا العلم سبحان الله! الذين اوتوا العلم شافوا زيهم زي الناس. شافوا النساء وشافوا الحرس وشافوا - 00:34:15

والدهب وشافوا العربيات وشافوا الهيمنة والسيطرة وشافوا انما العلم ربنا عصمهم به. شفتم العلم مهم ازاي يا شباب؟ شفت انك تطلبي علم مهم ازاي شفت انك تطلب علم وتدخل معهد من معاهد العلم اللي على النت زي المعهد القرآني الدعوي ولا معهد آآ ابن ابن تيمية ولا - 00:34:40

وانك انت تحفز قرآن شفتم العلم مهم ازاي يا جماعة؟ شفتم العلوم الشرعية بتسبت ازاي؟ وقال الذين اوتوا العلم العلمي هنا طبعا بالله والدار الاخرة ويلت ثواب الله خير. كلمتين خطيرتين جدا صرخة بيصرخوها فيهم. الكلمة الاولانية ويلكم يا ويلكم هتودوا نفسكم في مصيبة - 00:35:00

هتضيعوا زي ما دول ضاعوا. ايه! ضاعوا! مين اللي ضاعم؟ دول ده دول متمتعين. ده دول متنغنغين. ده دول اخر انتخة واخر شهر واخر فرح. واخر انطلاق وعايشين شبابهم. مين يا عم وياكم مين يا عم ده الناس عايشة. مين قال لك انها عايشة - 00:35:20

مين قال لك ده ؟ حفت النار بالشهوات. النار من مرة منزرها جميل. انما من جوة نار. الناس دي من برة شكلها جميل، انما من جوة عايشة في نار. كلها خمسين - 00:35:40

بص الملكات جمال هوليود بص للي عاشوها بالطول والعرض دود في دود مرميين في القبر الدود بينهش فيهم. بعد الف سنة شوية تراب ما حدش حد فاكرهم ولا حد حد داري بهم. ما تبصلناش الوقتي وهي ماشية بتتمتع بشبابها وبتكلم ده وبتضحك مع ده. بص لها. ساعة الموت وهي بتقول - 00:35:50

رب ارجعون. ما تبصلوش الوقتي وهو طاير بالعربية على الساحل ولا شرم ورايح ناوي على الف كبيرة يعصي بها ربنا. بص له والنبي بيقول على الحوض سحقا سحقا لمن بدل بعدي. ما تبصلوش الوقتي. ويلاكم اوعوا اتخدعوا بالمنزر اللي انتم شايفينه شايفينه ده. ده - 00:36:10

من برة والكلمة التانية ثواب الله خير. خير من ايه؟ خير من اللي ربنا اداه القانون. نعم. انتم عايزين تقنعونا ان اللي هيمشي في طريق ربنا ربنا هيدي له واكتر من اللي قارون خده ايوة ثواب الله في الدنيا وفي الاخرة خير. لزة الايمان احسن. سعادة الدين اعظم. انك ترفع ايدك تقول يا رب تلاقي ربي - 00:36:30

معك اكبر واعظم. ما يبقاش فلوسك مسلت قطيعة بينك وبين ربنا. جدار بينك وبين ابواب السماء. لا تفتح لهم ابواب السماء عايزين اوعوا تتخدعوا ثواب الله خير. هو فين ثواب الله للخير ده؟ شايفين الملتزمين؟ تعبانين. شايفين الملتزمين بيكافحوا ومضطهدين. يا جماعة حفت الجنة بالمكاره - 00:36:50

الجنة من بره شكلها وحش. الجنة من بره بس من جوة جنة. كزلك طريق الجنة. من برة شكله صعب ومشقة وتضحية وحرام ولكن من جوة جنة. جوة الصدور جنة الاتصال بالله. ما تبصلهاش دلوقتي وهي ماشية في الحر وتعبانة. بص لها وهي يوم القيامة بتشرب من - 00:37:14

ايد النبي عليه الصلاة والسلام على الحوض ما تبصلوش الوقت وهو ماشي بيغض بصره ومكافح عشان يرضي ربنا بص له وهو تتنزل عليهم الملائكة الا تخافوا ولا تحزنوا. ساعة الموت ما تبصلهاش الوقتي وهي ماشية بتقاوم ازاي تسبت وتكمل وما تنتكسش عن الطريق. بالصلة وهي داخلة - 00:37:34

في ايد عائشة وايد في ايد فاطمة الجنة بازن الله. ما تبصلهمش الوقت يا جماعة. ويلكم ثواب الله خير. لمن امن وعمل صالحا ولا يلقاها الا الصابرون. قال لك يعني ايه ولا يلقاها؟ ايه ايه اها يعني ايه الهادي؟ تعود على ايه؟ فيه مفسرين قالوا تعود على الجنة ما حدش هياخد الجنة غير - 00:37:54

صبر على الشهوات في زمن الفتن. فيه ناس تانية قالت لأ. ولا يلقى الاعمال الصالحة. الا الصابرون. ما حدش ربنا هيفتح عليه بالالتزام الا اللي صبر على الشهوات اللي جواه في زمن الفتن. فيه ناس قالت لأ لا يلقاها اي الكلام الطيب اللي لاهل العلم قالوه. اللي هو ويلكم ثوابكم - 00:38:14

الله خير. ما حدش هيرزق الكلمة الطيبة. ولا حد من اهل الدعوة واهل العلم هيرزق. انه في النوازل يقوم ويقول كلمة الحق في وجه الظالمين. ويفوق ناس زي اهل العلم في القصة هنا الا اللي صبروا من السخرية وصبروا على فتن الدنيا وصبروا على قسمة ربنا لهم. ورضوا بقسمة - 00:38:34

ربنا لهم في الرزق ولا ولا يلقاها. يلقى دي يا جماعة حاجة يعني عطاءات ربنا. الدين والاخرة ربنا اللي بيديهم. لو انت وقفت على باب هيديكي ولا يلقاها الا الصابرون ويجي المشهد التامن والمشهد الرهيب. فخسفنا به وبداره الارض - 00:38:54

ارض. طب يا رب قانون يروح في ستين مصيبة مش في داهية. انما يا رب داره دي مليانة بكنوز وخزائن ودهب. يا رب اديها لنا نستخدمها في الدعوة اليك قوة وفلوسه. هو والفلوس اللي فتنت الناس. يا اخوانا اهم من الفلوس. مصلحة الدعوة مش فلوس. مصلحة الدعوة ان قلبك انت يبقى سليم. وربنا - 00:39:14

سيدنا يوسف يقعد في السجن عشر سنين عشان يخرج في الاخر بمقام ارجع الى ربك. قلبي سليم مية في المية. المهم القلوب. المهم قلبك مش الفلوس الناس الجهلة اللي تقول لك انتم فاتحين العمرة والفلوس بتتصرف واقتصاد البلد. يا ابني الايمان اللي احنا بنرجع به هيعمر البلد اعظم - 00:39:34

مليار مرة من كل مليارات الدنيا. فخسفنا به به ربنا خسف به في المكان اللي كان فيه العز بتاعه. في نفس القصر اللي كان بيتعالى منه على الناس. وخسفنا يعني الموضوع مش هزار يا جماعة. يعني العقوبات الربانية مش هزار. يعني اللي بيحصل الوقت ده مش هيتسكت عليه. ما تنتقدوش - 00:39:54

ان اللي بيحصل دلوقتي هيتفخسفنا به وبداره الارض. ياه! مين قارون يا اخوانا واحنا بنتكلم في المشهد التامن لازم نقف هنا وقفة. هو مين قارون؟ قارون ده انا لما بفتكر الفيس وبفتكر السوشيال ميديا اللي عاملين الحاجات - 00:40:14

ادي دول كورونا يا اخوانا. قارون ده كل بنت بتفتن الشباب والبنات باصين لها وبيقولوا يا ريتنا مكانك. قارون ده كل واحد ربنا ادى له نعم كتير. وادى له وادى له كل شاب ربنا ادى له واستخدم الحاجات دي في المعصية ففتن كل اللي حواليه وكل الشباب بيقولوا يا ريتنا مكانك. فاكرين - 00:40:33

انا ودودي لمكان دودي بيحب ديانة ملكة آآ بريطانيا وبينهم علاقة وديانا سبنسر. اللي اللي اطلقت من تشارلز الامير تشارلز اه والاعلام قاعد يجيب قصص ديانة ودودي. والشباب كلهم هيتجننوا. يا ليت لنا مسل ما اوتي دودي. انه لذو حظ عظيم - 00:40:53

اهي دي القضية كل واحد اتقال يا ريتني مكانك اهو ده بيحط نفسه مكان قارون. اوعى تبقى قارون وانت مش عارف. اوعى تبقي القانون هو مش انت مش عارف اوعى تبقى فرعون. تخيلوا لما فرعون عرف ان قارون مات عمل ايه؟ يا ترى جنازة قارون دي كان شكلها ايه؟ يا سلام! شهيد الواجب - 00:41:13

اللي اللي ظاهرة طبيعية جت ولم تتدارك جهود الانقاز انها تنقزه ولكن مات موتة ربنا. موتة طبيعية ايا وهو الان في النعيم مع الالهة بسبب انه كان بينصر الوطن وكان واقف مع قضاء ويتحول لبطل قومي اوعى تبقى الشعب اللي اتدحك - 00:41:33

عليه بجنازة قارون. اوعى تبقى فرعون. هو قارون ربنا خسف به الارض ليه؟ عشان يقول لي فرعون انا اقدر اخسف لك البر والبحر. فرعون بعدها على طول البحر كأن لو فيه حاجة جبارة وانتقام جبار نازل ربنا بيبعت رسايل تمهيدية الاول له. الخسف بقارون كان رسالة لفرعون انا - 00:41:53

انت مش عارف ايه اللي هيحصل فيك. عشان كده لما تشوف الوقت موتات الشباب البشعة. لما نشوف الوقتي الموتات المرعبة المفاجئة لان القانون ده قصة موت فجأة. وقصة سوء لما نشوف الوقتي - 00:42:13

البوتات المفجائية للشباب. لما ده يحصل يا شباب اعرفوا ان فيه حاجة خطيرة هتحصل بعد كده. زي لما ربنا خسف بقارون يعني كان لازم فرعون يفهم ان فيه مصيبة تحصل له لو ما اتعزش. ما اتعزش. ربنا خلاه عبرة وخساف به البحر زي ما خسف بقارون. البر - 00:42:25

يبقى دي قضية. امتى هنفهم؟ فيه ناس مش قادرة تترجم الرسايل الربانية. بني اسرائيل هنا ترجموا الرسالة. ويك ان الله يبسط الرزق لمن يشاء ويقدر في شباب ما بيترجمش الرسايل مش عايز يفوق. متخدر ومصمم يكملها. وهو متخدر فخسفنا به وبداره الارض - 00:42:45

المفاجأة ان معزم المفسرين بيقول ان قارون كان مسلم وان قارون كان من اتباع موسى يعني زي ما الكفر بيضيع المعصية بتضيع. يعني زي ما الكفر بيودي في داهية. المعصية بتودي في داهية. يعني ما حدش يقول دا معصية. هو انا عملت ايه يعني؟ هو هو - 00:43:05

ايه يعني ان انا عندي شوية طموحات في المتع وطموحات آآ يا جماعة فخسفنا به وبدليل الارض دي جت مع واحد من اتباع موسى يعني يعني دي مفاجأة. عارفين مين المجنون؟ المجنون اللي نزل في بحيرة قارون يدور على كنوز قارون. يا عم بص على العبرة. يا عم انت بتبص - 00:43:25

انا عايز بس قبل ما القصة تخلص اقول لك انت انت مين في القصة دي؟ انت الناس اللي اللي اتفتنت اول ما شافت الدنيا والبهرجة والصور ولا انت اللي من اهل العلم اللي وقفوا يتكلموا ويدافعوا ولا انت قارون نفسك اللي مسلت فتنة لغيرك. انتم مين من التلات نمازج اللي القصة بتتكلم - 00:43:45

يا جماعة قضية كبيرة قضية خطيرة ان احنا يعني خسفنا به وبدين الارض دي رسالة من ربنا. رسالة ربانية. كم واحد فينا بيقرا الرسالة ربانية. وكم واحد فينا عنده امية في ترجمة الرسائل الربانية - 00:44:05

فما كان له من فئة ينصرونه من دون الله وما كان من المنتصرين. الجملة دي اتقالت في القرآن؟ اه مع مين؟ مع صاحب الجديتين في سورة الكهف وما كان له من فئة ينصرونه من دون الله ها وما كان منتصرا. نفس الجملة اللي اتقالت هنا اتقالت هنا. امال الغني بتاع سورة الكهف اللي هو كان كافر؟ ربنا - 00:44:20

اضاع ماله بس ما خسفوش الارض ليه ؟ لان قارون استعمل ماله في حرب الدين في معاداة الله. التاني ده كان واحد فساده على نفسه المصيبة في اللي فساده بيبقى على غيره. اوعى - 00:44:40

تسخر نعم ربنا ان فسادك يبقى على غيرك. لان ده اخطر وضع. ممكن انسان يحط نفسه فيه. المشهد التاسع اللي هو رد الفعل بقى. واصبح الذين تمنوا مكانه بالامس. يقول بالامس اصبح ده بين يوم وليلة. الفرج جه. الصحوة الاسلامية قامت في الواقع - 00:44:54

بتاع بني اسرائيل من يوم وليلة. ربنا قادر يا جماعة. ربنا قادر ان الواقع اللي الشباب منصرفين على الدين. ومش راضيين يسمعوا كلام اهل الدين. بننزل الجولات ونكلم طب ويتأسرم واحنا جايين خلاص الدرس اللي انتم قلتوا لنا عليه ولا واحد ييجي. ليه؟ مكبرين بالدنيا واصبح يعني في لحزة ربنا ممكن يغير - 00:45:14

الواقع يعني الوقتي قارون بقى ماضي. قارون بقى ماضي وبنتكلم عنه بالزمان الماضي الوقتي. واصبح الذين تمنوا مكانه بالامس يقولون وي كأن الله يبسط الرزق لمن يشاء من عباده ويقدر وي كلمة ندم يا ندمي يا ندمي يا ندمي على الضلال اللي انا كت فيه - 00:45:34

وكأن كلمة تعجب كأن الله يبسط الرزق لمن يشاء من عباده ويقدر. هو ايه ده؟ هم قالوا ويك ان مرتين ويكأن الله يبسط الرزق. ووي كأنه لا يفلح الكافرون. هو المتوقع ان الزهول الاعظم من ايه؟ لا يفلح الكافرون. ان قارون اتخسات به الارض - 00:45:54

قارون يتخسف به الارض ويبقى مسلى هو والدار بتاعته. انما دي الكلمة التانية اللي قالوها. ويكأنه لا يفلح الكافرون. ده ده التعجب امال التعجب الاولاني اللي زهلهم ايه وي كأن الله يبسط الرزق لمن يشاء - 00:46:14

يعني ايه ؟ هو هو ايه اللي في ده فيه عجب؟ ما ما ربنا بيدي وبيمنع. هو ايه القضية؟ الناس دي يا جماعة من كتر انبهرها الوضع والزنا اللي فيها قارون البديهيات تاهت منها. فلما اترد لهم بصرهم تاني كأن الله يبسط الرزق لمن يشاء من عباده ويقدر - 00:46:29

الموضوع طلع ارزاق ما طلعش جري وحوش. الله! طب ما دي ملهيات. كأن غشاوة الطموحات الجبارة في بالدنيا كان عميهم على قضية التوحيد في الرزق. ان الرزق بايد ربنا. يعني انا مش باقول لك ما تطمحش. مش باقول لك انس - 00:46:49

روحك ان يبقى معك بورد امريكي او يبقى معك شهادة عالمية او تبقى انا باقول لك اوعى تنسى ان طموحك ده في ايد ربنا سبحانه وتعالى يأتي بها الله ان ده في ايد ربنا سبحانه وتعالى. لولا ان من الله علينا لخسف بنا. اخطر كلمة قالوها. لولا ان من الله علينا بان - 00:47:09

اعنى من ان نؤتى مسل ما اوتي قارون كما تمنينا. ان ربنا من علينا انه ما ادالناش مال قارون زي ما كنا بنتمنى. فكنا هنتفتن زي ما اتفتن فيتخسف بنا. يعني هم بيحمدوا ربنا هنا على نعمة المنع وليس على نعمة العطاء. بيحمدوا ربنا ان ربنا منعهم. يعني يا اخوانا - 00:47:29

سبحان الله العظيم! يعني الدنيا الحياة الدنيا قائمة بين المنع والعطاء. شوية ربنا بيديك. وشوية بتمنعي. حتى ازا جاء الموت فاما منع لا عطاء بعده. واما عطاء لا منع بعده. يبقى الدنيا سنتها كده بل هنا اسم الله المانع - 00:47:49

ان المانع ممكن يكون قمة الرحمة. بيحمدوا ربنا ان ربنا ما اداهمش. ان ربنا منعهم. لولا ان من الله علينا لخسف بنا ثم تمنوا المعصية. تمني المعصية ده احنا كنا نستاهل يتخسف بنا معه لمجرد ان احنا تمنينا اللي هو فيه. فهمه بقى الدنيا نورت وييجي - 00:48:09

في الختام من الله سبحانه وتعالى تلك الدار الاخرة. وقفت النهاردة قدام الجملة ديت قلت يا رب هو المتوقع ان ما كانش ربنا يقول تلك الدار الاخرة. امال ربنا كان يقول ايه؟ تلك الدنيا. لانه - 00:48:29

ربنا جاب منزر الدنيا وهو بيتخسف بها. انما ربنا قال لها تلك الدار الاخرة. ليه؟ كأن الدنيا اللي اتخسف بها دي كانت هي الغشاوة. اللي مخليانا ما احناش شايفين اول ما الغشاوة زالت شفتم الاخرة بقى الاخرة بانت. يبقى اللي عمينا عن عزمة الجنة وخطورة النار هو - 00:48:43

محاطة الدنيوية العمياء. اللي عميانة والانبهار بالمتع الدنيوية. هو اللي عاملها. برضه كلمة تلك الدار. لان ربنا قال له خسفنا به وبداره. اوعوا اوعوا تنبهروا بالدار بتاعة الدنيا. انبهروا بالدار بتاعة الجنة. تلك الدار الاخرة نجعلها للذين لا يريدون علوا في الارض ولا فسادا - 00:49:03

والعاقبة للمتقين اصل في ناس مش مصدقة ان العاقبة ومآل الامور على حسب الدين. لأ وعلى حسب الدنيا والشهادات والفلوس لا والله العزيم. على حسب الدين نهايات الامور على حسب الدين. وبعد كده ربنا يقول كلمة خطيرة جدا في التعليق. من جاء بالحسنة. انا وقفت قدام الكلمة دي. يا رب ده انت كنت بتكلمني عن - 00:49:23

كنوز تنوء العصبة اولو القوة بالمفاتيح بتاعتها يا رب. وفي الاخر حسنة. يعني طب يا رب من جاء بمليارات الحسنات حسنة واحدة هتفرق في مصيرك في الاخرة. حسنة واحدة زي ما نص درجة في السانوية العامة تفرق في مستقبل طالب. حسنة في الاخرة تفرق عشان كده حسنة مفرد - 00:49:43

ومن جاء ليه؟ حافظ حافظت على الحسنة. ما فيش معصية خطفتها منها. السبات حتى الممات. فله خير منه. ومن جاء بالسيئة. طب السيئة مفرد ليه سيئة واحدة بس. ما تتغفرش تضيع الانسان وتضيع مصير الانسان. طب ليه من جاء بالسيئة؟ مش من عمل السيئة - 00:50:03

بعد ميت رمضان وما اتغفرلكيش ؟ بعد ميت فرصة مغفرة بعد بعد ما الف ليلة عدت عليك في عمرك تنزل الملك يقولها فاغفر الله بعد كل ده فلا يجزى الذين عملوا السيئات. هي كانت من جاء بالسيئة بالمفرد في الاول. بقت عملوا السيئات ليه؟ بالجمع - 00:50:23

لان السيئة مش هتقف عند حد. اللي هيعمل السيئة زي الحبل. هتجيب اللي بعدها. هتجيب اللي بعده. تجيب اللي بعدها. فلا يجزى الذين عملوا السيئات. الا ما كانوا يعملون قضية خطيرة جدا يا اخواننا قضية آآ قصة قارون آآ آآ اثرت ان انا اتكلم عن قصة قولون زي ما قلت لكم احنا بنحاول نختار القصص اللي ما جتش في القرآن غير مرة واحدة بس - 00:50:43

آآ على قد ما نقدر طبعا في قصص تانية لها عبر عظيمة وبازن الله نتناولها برضو. آآ آآ انا عايز اقول لكم يا جماعة ان قارون ده مرحلة وامتحان في تاريخ كل - 00:51:03

دعوة من الدعوات. ما فيش زمن ربنا ما بيبتليش اهله بالنموزج القانوني. نموزج الفتنة الجبارة في الاستمتاع بالدنيا. وملكية الدنيا اللي بتخلي ناس كتير اوي تتشل رغبتها عن الدين وتبقى عايزة الدنيا. يا ترى انت مين في القصة دي؟ القصة دي رسالة للدعاة والعلماء. قولوا كلمة حق - 00:51:13

قوموا وقولوا للناس ويلكم ثواب الله خير. ما تسكتوش وانتم شايفين الناس بتضيع. القصة دي رسالة لكل قارون. رسالة لكل موهوب اوعى تستغل مواهبك في معصية ربنا سبحانه وتعالى. عشان ما تبقاش قارون او تلاقي نفسك في الاخرة مع قارون. القصة دي رسالة لكل شاب موهوب ابتغي فيما اتاك الله - 00:51:33

الله الدار الاخرة. سخر مواهبك لنصرة الدين ولنصرة الاسلام. القصة ديت رسالة للعوام في كل مجتمع. اوعوا يتضحك عليكم. اوعوا وتتخدعوا زي ما الناس اتخدعت في قارون وبعد موت قارون. القصة ديت رسالة لنا كلنا يا جماعة. القصة ديت زي كل قصص القرآن بتخاطبنا كلنا - 00:51:53

بتقول لنا فوقوا واستيقظوا قصص القرآن العظيمة. قصة ان قارون كان من قوم موسى فبغى عليهم. خدنا المشاهد العشرة لهذه القصة العظيمة لهزه القصة اللي قلنا فيها ان اخطر من اخطر العبر فيها ان دهب فرعون ما قدرش ان ان سجون فرعون ومعتقلات فرعون - 00:52:13

وسيف فرعون ما قدرش يعمل في الدعوة اللي عمله دهب قارون. يبقى احنا يعني ممكن يكون سجون فرعون الدعاء بيكرهوها ولكن فعلا اللي بيشيل الدعوة هو دهب قارون. هو ده اللي بيموت الدعوة. عشان كده عايزين نقاوم حب الدنيا في قلوب الناس. عايزين - 00:52:33

فوق الناس عايزين نوصل رسالة ويلكم ثواب الله خير. دي رسالة في رقبتكم كلكم. واليكم ثواب الله خير. كل واحد فيكم وكل واحدة فيكم. تقولوها لاخواتكم كنتم تقولوها لاصحابكم تقولوها لصحباتكم. تقولوها على الفيس تقولوها في كل مكان. وصلوا الكلمتين دول. وصلوا كلمة ولا يلقاها الا الصابرون - 00:52:53

وصلوا الكلمة دي يا اخوانا عشان لما الدنيا تنجلي لما الضباب بتاع حب الدنيا ينجلي يبقى احنا من الذين اوتوا العلم. اللي وقفوا سبتوا الناس في الفتن اللي وقفوا دعوا الناس الى الله - 00:53:13

مين اللي يصلح في هزا الزمن العظيم؟ يعني عبرة اخيرة اختم بها لان قلبي متألم منها اوي. ربنا بيقول تلك الدار الاخرة نجعلها للذين لا يريدون علوا في الارض ولا فسادا. كلمة اغلى من الدهب قالها ابن تيمية في الاية ديت. قال الاية دي قسمت الناس لاربع انواع. فيه ناس - 00:53:26

فين علو وفساد؟ وفيه ناس مش عايزين لا علو ولا فساد. وفيه ناس عايزين علو بس مش عايزين فساد. وفيه ناس عايزين فساد بس مش عايزين مين اللي عايزين فساد ومش عايزين علو؟ قال لك الشباب الفاسد. الشباب اللي عايز يزني ومش مهم ومركزه بقى ولا وضعه. امال مين اللي عايز علو وفساد - 00:53:46

قال لك دول الحكام الزلمة عايز يعلو ولازم الشباب يفسد. عشان يتشغل في شهواته ويفضل الحاكم في المركز بتاعه. قال لك امال مين بقى اللي عايز علو عايز فساد قال لك ده اهل الدين اللي جواهم حب الانا. اللي مش عايز فساد مش عايز الناس تبوز. بس عايز يبقى هو الشيخ والكبير واللي الناس كلها - 00:54:06

ملفوفة حواليه مصيبة ربنا يطهر نفوسنا. قال لك امال مين اللي مش عايز العلو ولا فساد؟ قال لك دول الاتقياء الابرار. اهل الدين الصادقين الاوفياء. يبقى ازا يا اخواننا اية فيها تربية نفسية. تربية نفسية ان ازاي اهل الدين بسبب ان هم مش عايزين فساد ولكن عايزين علو. الدنيا كلها ضاعت - 00:54:26

الدنيا كلها خربت. عشان كده بعد القصة على طول ربنا قال للنبي ان الذي فرض عليك القرآن لردك الى ميعاد. بني اسرائيل بعد القصة ديت اه كانوا خلاص هيعودوا الى فلسطين وهيعدوا وهيتشقي بهم البحر وهيهجروا ارض مصر. والنبي عليه الصلاة والسلام بعد القصة ديت كان هيهجر مكة عشان يذهب الى المدينة - 00:54:46

المنورة تناسق موضوعي في غاية الخطورة. عايزين نفهم القرآن. عايزينكم ان شاء الله بازن الله اللي عنده اي تعليقات. اللي عنده حاجات استفاد منها تفيدونا. ربنا يبارك فيكم وربنا يحفزكم. لقاء ممتع جميل مع احبابنا ومع اخواننا. ربنا يسددكم وربنا يوفقكم. وربنا يفتح عليكم جميعا في فهم كتاب الله - 00:55:06

اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم استعملنا ولا تستبدل بنا. اللهم استعملنا لا تستبدل بنا. اللهم استعملنا ولا تستبدل بنا. سبحانك اللهم وبحمدك. اشهد ان لا اله الا انت. استغفرك واتوب اليك. وجزاكم الله خيرا - 00:55:26

ان ادبرتنا داني وان اقبلت ادنامي وان احببت والاني - 00:55:45