ان الحمد لله ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا انه من يهده الله فلا مضل له. ومن يضلل فلن تجد له هاديا مرشدا. يا ايها الذين امنوا اتقوا الله - 00:00:00

احق طقاته ولا تموتن الا وانتم مسلمون. يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والارحام ان الله كان عليكم رقيبا. يا ايها الذين امنوا اتقوا الله وقولوا قولا - 00:00:41

سديدا. اتقوا الله وقولوا قولا سديدا. يصلح لكم اعمالكم. ويغفر لكم ذنوبكم قلوبكم ومن يطع الله ورسوله فقد فاز فوزا عظيما. اللهم صل على الحبيب محمد وعلى ازواجه امهات المؤمنين - 00:01:11

وعلى ذريتي وال بيته انك حميد مجيد. اما بعد اخواني واحبابي في الله في هزا الزمان العجيب الزي اصبح ملايين من البشر فيه لا يؤمنون الا بفكر المصلحة. وفكر الوصولية ويعتبرون انهم لن يستطيعوا ان يصلوا الى اي هدف من اهداف حياتهم - 00:01:31

الا بالكذب الا بالغدر الا بفكر النفاق. دولة من الدول المجاورة لنا. يعني موزف من الموزفين اللي فوق خمسين سنة وكان يعني احد اقارب مسؤول كبير جدا في هزه الدولة مات. الموزف راح وقعد يعيط وقاعد يعمل. هو ما لوش دعوة اصلا - 00:01:51

نهائي. ولكن الجنازة فيها كل الوزراء بتاعة البلد داهية. وكل المسؤولين الكبار بتوع البلد. والموزف قاعد بيموت نفسه بقى تأسر ومصمم انه يدخل مع الجنازة القبر ومصمم طب انت مصمم ليه ؟ لا قريبتك ولا انت حتى اللي غسلتها ولا انت - 00:02:11

يعني ولا انت حتى من الناس اللي يعنيهم هزا الامر في مسل هزا المقام ومصمم وعايز يقرب بقى من الوزرا اللي واقفين ويعمل بقى ان ايه من المسؤول الكبير دخل القبر مات جوة القبر. وهو بيدخل الجسة دخل القبر مات جوة القبر. سبحان الله! من ضمن اللي كانوا واقفين وزير - 00:02:31

الصحة في البلد دهي في هزه الدولة وزير الصحة بنفسه يعني جري على نقله وجرى الراجل مات. ما فيش حد كل اللي كانوا واقفين ما عرفوش يعملوا حاجة كل يعني اهل المركز واهل السلطان والمليارديرات في هزه البلد. الراجل مات قدامهم في القبر. وهو بيجامل - 00:02:51

وهو عايز يتزلف وهو فاكر ان يعني والله اعلم بنواهي البشر مات ما حدش عرف يعمل له حاجة. وزير الصحة نفسه اكبر رأس في العلاج في البلد ما حدش عارف يعمل له حاجة. قصة خطيرة جدا يا اخواني في الله. ان في ناس معتقدة ان علشان نعلى لازم نطاطي. فكر النفاق اصبح منتشر الوقت من كتير - 00:03:11

جدا مننا ومصيبته النفاق انه عامل زي المرض الخبيس. المرائي عارف انه مرائي. عارف انه طالع المنبر عشان الناس تبص له. انما المنافق ما يعرفش ان هو منافق. النفاق ده عامل زي الورم الخبيس جوة الجسم ما حدش حاسس به. ممكن يكون الواحد مننا الوقتي جواه نفاق. هو مش حاسس ولا - 00:03:31

ولا واخد باله وفاكر ان هي دي الحياة وهي دي الدنيا يا ابني وانا باعلمك الدنيا وانا باعرفكم الدنيا ماشية ازاي وانا بافهم الناس الدنيا الدنيا اللي انت فاكر انها ماشية كده دي اسمها النفاق. هزا لم يأمر الله سبحانه وتعالى به علشان نعلى لازم نطاطي. ناس كتير قوي الوقت يبقى عندها نفاق وزيفي - 00:03:51

يعني ايه نفاق وزيفي انا عشان اترقى لازم اجي بقى على المديرين اجاملهم اكدب عليهم ازيفلهم الصورة وابوهمهم ان هم ياما هنا ياما هناك لو وحد ما اتكلمش عن الزلم ما قلش كلمة حق احسن حد يغضب علي من منهم وما اترقاش ولا اطلع ولا اتصعد. وفي نفس الوقت لازم انقل كلام من الموظفين - 00:04:11

لهم ولازم اقرب منهم ولازم آآ امدح واسني عليهم نفاق وزيفي والا ما اترقاش. فيه نفاق ديني. المنافق ده انسان انسان مزور انسان مش قادر يدفع تمن انه يبقى كويس. بس هو نفسه يبقى عند الناس صورته كويسة. فالحل ان هو يكدب - 00:04:31

الحل ان هو يغش ويخدع. الحل انه يرسم صورة مزيفة عن نفسه وهو في الجامع بقى. والناس كلها بقى شايفاه عم الراجل الطيب الراجل الامين ودي مش حقيقته اصلا. هو مش عايز يبقى كويس ويدفع تمن انه يبقى كويس. فبالكدب بيحاول يرسم لنفسه صورة مزيفة. ويحافز على الصورة ديت - 00:04:51

حتى لو بالكدب. فيه النفاق النفاق نفاق عشان اعيش بقى. فيه ناس معتقدة كده كما قال النبي صلى الله عليه وسلم ثلاث من كن فيه كان منافقا خالص ده منافق مصبوب كده على النفاق. ومن كانت فيه خلة من منهن كان فيه خلة من النفاق حتى يدعها - 00:05:11

اذا حدس كذب. فيه ناس تجار كده هو معتقد انها لو ما كدبتش ما كسبش اصلا. الكدب انتشر جدا يا جماعة. تتكلم مع اللي قدامك ولا حد من جيرانك ولا حد - 00:05:31

اصحابك يكدب قعد يكدب وهو مش عارف انه بيكدب ده هو بقى صادق في الكدب. من كتر ما بقى ماهر في الكدب هو بقى بيكدب على نفسه. هو اعتقد ان دي تلقائية ودي شطارة ودي مهارة وده عشان ابيع واشتري وده عشان الدنيا تمشي يا ابني انا عايز اعيش. ازا حدس كزا ازا وعد اخلف الميعاد الساعة - 00:05:41

كزا هو مش ناوي ييجي اصلا ومديك الميعاد. ازا اؤتمن خان. ما عندوش امانة في شغله. الشغل بيبدأ الساعة تمانية وينتهي الساعة اتنين. يروح الساعة تسعة ونص. ويمشي الساعة اتناشر وتلات اربع الوقت اللي في الشغل ماسك الواتس وقعد يخلص المصالح بتاعته. مش مصالح المسلمين اللي هو جاي لهم. اذا اؤتمن خان - 00:06:01

لامانة بيته خاين لامانة شغله. خاين لامانة شطارته في مهنته. خاين للامانات كلها ايا كانت هذه الامانات. ده ده النبي عليه الصلاة والسلام قال عليه رافق خالص والعياذ بالله ان في ناس معتقدة ان من غير كده انا ما عش اصلا. يا ابني من غير كده احنا نموت اصلا من غير كده ما فيش مصالح تمشي. هو ده النفاق - 00:06:21

اللي معتقد ده ده منافق. فيه نفاق الحقد بقى. يعني ايه نفاق الحقد؟ نفاق الحقد آآ ان يبقى لك مسلا قريب او حد مسلا قريب منك وحاقد مسلا عليك او غاير من حاجة معينة نعمة ربنا اداها لك اديها لاولادك اديها لايا ما كان - 00:06:41

اي مكان ومش قادر يزهر اللي جوة قلبه. فيبدأ يزهر الحب الفائض لك. وولادك وكل حاجة تبعك والحب لاي نعمة تيجي لك وهو من جوة مش قادر. كما قال النبي صلى الله عليه وسلم افضل الصدقة على هذه الرحم الكاشح. الكاشح اللي كبده مولع عليك من الحقد - 00:07:00

عليك بس هو من برة زي رحم يعني ايه ؟ هو بقى عامل ان هو بيحبك وعامل. فده نوع من انواع النفاق. القاسم المشترك ما بين كل انواع النفاق الموجودة في المجتمع - 00:07:20

الوقت يا جماعة ان الاسانسير بتاع كل دول اسانسير الصعود والعلو بتاع كل دول هو كلمة واحدة بس. الكدب ان كل دول الاسانسير بتاعهم انهم يعيشوا كدابين. انه على قد ما يقدر يكدب ويبقى ماهر في الكدب ويبقى متقن للكدب على قد ما يقدر يوصل وعلى قد ما يقدر يعلى - 00:07:30

مصيبة مصيبة ممكن تكون مصيبة مجتمعية مصيبة دنيوية ولكن الاخطر ان ربنا لما اتكلم على المنافقين قال كره الله عافاهم فثبطهم. واخد بالك؟ ربنا بيحب الطاعة. ربنا بيحب الدعوة الى الله. ربنا بيحب الجهاد في سبيل الله. ربنا بيحب طلب العلم ده. ربنا يكره منه انه يعمل - 00:07:50

الحاجات دي الكارية اللهم بعثهم. كاره الله الانبعاث اللي هو القوم بعد النومة. واحد نايم كده وقال بقى اما اقوم بقى. ده الانبعاس. الانبعاس ان واحد عايز ثور على الفساد اللي في حياته. واحد عايز يثور على الكسل. واحد عايز يقوم بقى كره الله مبعثهم فثبطهم. التثبيت ان يحصل له - 00:08:14

والزروف وضغوط تشغله عن اللي هو عايز يعمله. فييجي يعمل الطاعة يلاقي الف مشكلة حصلت له مش عارف يعملها مش فاهم فيه ايه! هو مش فاهم! ييجي يعمل الطاعة يلاقي نفسه من جوة بقى محبط ومقفول بقى! وما عدش له نفس يعملها! من المشاكل اللي قابلته وهو بيعملها! هو فيه ايه - 00:08:34

كره الله انبعاثهم فثبطهم. اصل ده انسان منافق. اصل ده انسان قلبه مش مع ربنا اصلا. اصل ده انسان بيعبد مصلحته. مش بيعبد ربنا. اصل ده انسان حتى لما بييجي يعمل خير مش بيعمل خير ودين وتدين عشان ربنا. ده عشان الموضوع ده فيه مصلحة له. عشان الموضوع ده فيه غرض - 00:08:54

كلمة مرعبة العلماء اترعبوا من كلمة كره الله ان بعثهم فثبطهم. اترعبوا من عقوبات ربنا للمنافقين. الوقتي المنافق ده واحد حياته كلها مصلحة. فكر مصلحة. وازاي يبقى وصولي عشان مصلحته. ما عندوش حاجة اسمها مبادئ. لو سمع واحد بيتكلم عن الاخلاق والمبادئ يقول بس. ده ده - 00:09:14

ده انا ده ده صيدا بالنسبة لي دلوقتي. ده ده انا اضحك عليه وانصب عليه. واخد لما يلاقي واحد بيتكلم على الاخلاق والمبادئ يبص له كده انت ما انت اكيد غشاش. هو - 00:09:34

مش مصدق ان فيه حد نضيف. مش مصدق ان الدنيا فيها نضافة. مش مصدق ان فيه حد بيشتغل لوجه الله. هو معتقد ان كل الناس زيه. كله بتاع مصلحته عشان كده مرعوب من كل الناس. لان هو عايز مصلحته هو بس. ففاكر ان كل الناس لو اكتشفوها يقعدوه في مصلحته ما حدش عايز مصلحة حد. هو ده - 00:09:44

الاعتقاد بتاعه. فده والعياذ بالله يعني سمعنا يعني قعد رئيس اكبر دولة في العالم. وهو بيتكلم عن واحد شخصية كبيرة كده ومتهم في جريمة معينة يعني جريمة قتل معينة لحد اعلامي بيقول انا آآ حتى لو سبت تورطه. انا مش باتكلم في القضية انا باتكلم في الكلمة. الكلمة بتجيب لك بالزبط يعني ايه نفاق - 00:10:04

بيقول حتى لو سبت تورطه انا عمري ما هاقطع معه. ليه ؟ فبيقول من الجنون ان اضحي بمليارات الدولارات راجل يبقى القضية ما عادتش مبادئ القضية مصالح. ما حدش يكلمني في مبدأ. هو ده بالزبط فكر النفاق. ان ما تقوليش لا مبدأ ولا اخلاق - 00:10:24

ولا الكلام بتاعكم ده. الدنيا مصالح. واللي هيعرف يمشي مصلحته هو اللي هيوصل. هو ده فكر النفاق. بدأت الدنيا تتضح قدامنا شوية. يعني ايه يا جماعة انا مش بتكلم هنا النفاق اللي هو من جوة كافر ومن برة عامل نفسه مسلم. ما اتكلمش عن النفاق الكفري. انا باتكلم على النفاق اللي احنا مهددين به دلوقتي - 00:10:44

اللي ممكن يجيب النفاق التاني لو اتسكت عليه. باتكلم عن الفيروس نفسه. باتكلم عن الخطر نفسه. نوع من انواع النفاق وهو ممكن يكون نفاق اصغر ولكن ممكن يودي في داهية والعياز بالله. في الاخر في الدرك الاسفل من النار. هو ليه المنافق في الدرك الاسفل من النار؟ لان المنافق كان - 00:11:04

دايما وسايله من اجل انه يوصل وسائل انحطاطية. هو دايما مش متخيل انه هيوصل بالكفاح والتخطيط والمجهود والبزل والنجاح والتميز. ايه يا عم التميز مين يا عم انا ما عنديش الكلام ده. انا هاوصل بالوصولية والمجاملة والكدب والغدر - 00:11:23

الخيانة واتفق مع ده النهاردة وابيعه بكرة. هو هو متخيل ان ما فيش وصول غير كده. فبالتالي ربنا بيجعله في احط درجة في النار لانه كان عايز يعلى بوسائل منحطة فربنا يحطه في النار في الدرك الاسفل من النار والعياذ بالله. كره الله انبعاثهم فظبط - 00:11:43

طب كلمة مرعبة يا جماعة. كلمة ترعب اي حد مننا يعني خاف خاف لو لقيت نفسك نفسك مقفول عن قيام الليل خاف لو لقيت نفسك ما انتش مبسوط ان مراتك تلبس نقاب او تلبس خمار او تلبس حجاب امهات المأمونين. خاف - 00:12:03

خاف لو لقيت نفسك. نفسك مقفولة عن صلاة الجماعة. نفسك مقفولة عن حفز القرآن. خاف. لو لقيت نفسك مثبط حاجة انت عارف ان ربنا بيحبها. خاف احسن يكون جواك مشاكل ربنا مش رايدك بسببها - 00:12:22

خاف اهتم بطهارة السر جواك اهتم بتطهير سرك مع الله. راقب قلبك. احسن يكون في قلبك نفاق. ربنا لا يرضى عنك بسببه. خاف واعرف ان ربنا سبحانه وتعالى بيختار لدينه. مش اي حد عايز يشتغل لدين ربنا بيختاره. كره الله انبعاثهم. فيه ناس جواها مشاكل. فيه ناس عندها امراض - 00:12:39

لو جت تشتغل للدين الامراض هتطلع على الدين وهيفسدوا الدنيا. عنده امراض تجاه الناس. بيغير بيحسد. آآ قماص عنده نفسنة مرهق صعب لو ده دخل اصلا هيرهق الناس كلها. هيرهق الصالحين كلهم. خاف الله بيختار لدينه. انت ربنا بيختارك. انت ينفع - 00:13:03

ان ربنا يختارك لدينه. واز صرفنا اليك نفرا من الجن. قالوا يعني ايه نفر؟ قالوا ان يصلحوا للنفير. يعني ربنا لما بيختار لدينه بيختار احسن ناس. واقوى ناس في الدين وفي السريرة - 00:13:23

اطهر ناس انت ربنا اختارك ولا ما اختاركش ولو انت لحد دلوقتي ربنا ما اختاركش ليه؟ فكر خاف. لو انت جيت تعمل طاعة ولقيت فيه مشاكل بتحصل بينك وبين الطاعة دي اوعى تتراجع. ما هو التاني كره الله انبعاثهم. طب التاني عنده نفاق فربنا عمل له ايه؟ طب اما يختبره كده بشوية مشاكل - 00:13:37

بينه وبين الطاعة. اول ما يلاقي مشاكل اعتق قليلا واكدة. يقوم راجع على طول. لا لا لا. مش ماشي في السكة. لو كمل هيبقى عنوان صدق وربنا يختاره لما تلاقي مشاكل بينك وبين طاعة اوعى تحبط. اوعى تتقفل. اعرف ان المشاكل دي اختبارات من الله. جيت تشتغل في الدعوة - 00:14:00

ولقيت الزروف مش ميسرة. جيت تطلب علم ولقيت جيت تحفز قرآن ولقيت الموضوع صعب. جيت تقوم الليل ولقيت الامور مش ميسرة. جيت تتصدق ولقيت الماديات بدأت تقل شوية. اعرف ان ربنا بيمتحن صدقك. اوعى تثبط. كمل واسبت برهان صدقك لله سبحانه وتعالى - 00:14:20

كره الله انبعثهم فثبطهم. انا بتكلم ليه عن النفاق بتكلم عن النفاق يا اخواني لان النفاق دوران خبيس. الصحابة كانوا مرعوبين منه. انا ما اترعبتش من النفاق غير لما شفت رعب الصحابة منه. عمر ابن الخطاب بعد موت النبي عليه - 00:14:40

والسلام. النبي ما قالش اسماء الاتناشر منافق. ائمة النفاق في المدينة غير لصحابي واحد بس اللي هو سيدنا حذيفة. كان هو اللي عارفه. فعمر ابن الخطاب كان كل شوية يسأل حذيفة - 00:14:56

الرسول قال ان انا واحد من الاتناشر دول يا حزيفة. الرسول قال ان انا واحد من دول عمر خايف على نفسه منهم. حزيفة اول ما قال له لأ فاضت عينين عمر - 00:15:06

دموع بكى بالزبط كده يا جماعة ربنا يحفزنا واحد طلع له اورام في جسمه قالوا له لازم تعمل اشعة مقطعية بالصبغة او تعمل اشعة رنين مغناطيسي فهو رايح بنسبة تسعة وتسعين في المية اللي هيطلع عندي ورم. فهو قاعد بقى مستني ولو ايدي ما فيهاش ورم هيبقى بطني هيبقى رجلي. فطلعت النتيجة. فبيلوم النتيجة ايه - 00:15:16

قالوا له سليم مية في المية. اما اعيط من الفرحة. يعني انا ما عنديش ورم من الاورام دي! اهو ده اللي حصل لسيدنا عمر. اول ما حنظلة قال له انت - 00:15:36

ورم النفاق الخبيث عيط من الفرحة. علي رضي الله عنه وارضاه. سيدنا ابو بكر الصديق ماشي في الشارع. لقى سيدنا حنظلة الاسيدي. صحيح مسلم وقاعد يعيط فبيقول له مالك يا حنظلة؟ قال نافق حنظلة. حنظلة ده كان من كتبة الوحي. من كتبة الوحي وقعد يولول في الشارع. فيه ايه - 00:15:46

قال له منافق انا منافق قال له منافق ليه؟ قال له انا عند النبي عليه الصلاة والسلام بيبقى قلبي في السما اروح بيتي واقعد مع مراتي والعب مع ولادي واراجع حساباتي - 00:16:06

المحلات بتاعتي الاقي قلبي اتشغل بالدنيا يبقى انا منافق. تخيلوا هو بيعتبر ان منسوب الايمان لو اتهز عنده يبقى ده انفاق. ابو بكر قال له ابو بكر بدل ما يشد ازره عيط جنبه قال له انا لنجد ما تجد. هلم بنا الى رسول الله. ابو بكر خايف على نفسه من النفاق - 00:16:16

كما قال الحسن البصري لم يخف النفاق الا منافق. لم ما خاف من النفاق الا مؤمن وما امن من النفاق الا منافق. لا يأمن النفاق الا منافق. النفاق ده مرض خبيس كده بيطلع من غير ما حد يحس. اصحاب النبي كلهم - 00:16:36

كانوا خايفين على نفسهم من النفاق. ازاي ما نخافش على نفسنا؟ لما كنا بندرس مادة كده في امتحانات امراض الكلى في الدراسات بتاعة امراض الكلى مادة كده كان ازاي نعقم الوحدة الغسيل الكلوي والعيانين ربنا يشفيهم ويعافينا جميعا يا رب. عيانين الفشل الكلوي - 00:16:56

وبيغسلوا كلى. فيقولوا لو لمست مكنة الغسيل تغسل ايدك بالماية والصابون. وما تتكلمش مع العيان غير وانت لابس جوانتي. ليه؟ يقول لك لان العيان ده في اي ميكروب يتنقل له خطر ولو بتنقل للعيان بتوصل له وصلة على المكنة تبقى لابس ماسك على تنفسك والعيان لابس ماسك. ولو لمست العيان - 00:17:14

تغير الجوانتي وما تدخلش على عيان بالجوانتي بتاع العيان اللي قبله ولازم يبقى فيه حوض غسيل ماية بصابون ما بين كل عيان والتاني هو فيه ايه ؟ يقول لك لان - 00:17:34

الميكروبات في كل حتة. لو انت ما عملتش كده اي ميكروب يتنقل للعيان في لحظة. فانت لازم تاخد بالك. هو بالزبط النفاق كده. هي من كروبات خفية جذورها جوانا. كلنا بنحب مصلحتنا. كلنا خايفين من الدنيا وخايفين من الناس وخايفين من كل حاجة. فالبزور جوانا لو - 00:17:44

فتش بالك انك كل شوية تعقم قلبك. كل شوية تراقب قلبك. هتلاقي النفاق نبت. وبقى عندك فكر المصلحة وانت مش واخد بالك وبقى عندك الفكر ده زي ناس كتير الوقتي يا جماعة. يا عم وقت الله يا عين الله. يا عم آآ ما تحبكهاش. يا عم سب الدنيا تمشي. يا عم ما تقعدش - 00:18:04

اتعقد لنا الامور. يا عم ربنا قال حلال وحرام امن بكلام ربنا ومبادئ الدين ما تبقاش فكرك فكر مشي المصلحة وخلاص. حتى لو على مصلحة الدين. حتى لو على مصلحة الاخرة لأ - 00:18:22

اللي كل قضيته ان مصالح الدنيا تمشي وخلاص. دي قصة والعياذ بالله قد يكون لها علاقة بالنفاق. والعياذ بالله فالنفاق خطر. الصحابة خافوا منه وربنا حزر الصحابة في عز مكة منه وليعلمن الله الذين امنوا وليعلمن المنافقين. قبل ما يبقى فيه دولة اسلامية. ولا يبقى فيه حد محتاج انه ينافق. ايام مصعبة - 00:18:39

كانوا بيتعزبوا وبيموتوا من التعزيب في تحت المشركين في مكة. ربنا قال لهم خدوا بالكم من النفاق. نفاق ايه يا رب؟ هنافق مين؟ النفاق ان يبقى اهم حاجة عندك في حياتك مصلحتك. يتحرق بقى اللي يتحرق ويروح اللي يروح. عملت حرام المهم المصلحة تمشي - 00:18:59

والدنيا مش هتمشي غير مع الوصولية. تجامل ده تكدب على ده. تقطع مع ده توصل مع ده. مشي حالك. المهم ان حالك يمشي. ده النفاق والعياذ بالله. عشان كده يا اخواني في الله كلمة نفاق دي - 00:19:18

اصلا ما يشكل مع يعني مش موجود في قاموس اللغة العربية ان حاجة اسمها نفاق يعني ان انسان بوشين او بكزا وش الكلمة دي اللي جابها الاسلام اومال العرب كان عندهم ايه النفاق؟ العرب كان عندهم ان فيه حيوانين بيعيشوا في انفاق وهو دين الاسلام القرآن جاب كلمة نفاق منها - 00:19:33

كما يقول علماء اللغة وعلماء التفسير. فيه حيوانين بيعيشوا في نفاق. قعدت ادور على الحيوانين دول والانفاق اللي بيعيشوا فيهم. اترعبت من كلمة نفاق. حيوان الاولاني الضب حيوان حيوان الضب ده حيوان مرعوب. على طول عنده خوف وهلع من ان هو حد يصطاده ولا حد يأزيه. فبيبني جحر نفق طويل - 00:19:56

يجي متر ونص تحت الارض وبيعمله ملتوي ومزلم وبيبقى مرعوب ان اي حد يخاف انه يطلع في الشمس كتير يخاف لان الشمس تموته وطلع فيها كتير اكتر من واحد الدب ده بيغير لونه كل يوم كزا مرة. زي المنافق بالزبط يغير لونه. مع كل واحد لون غير التاني. الضب - 00:20:16

ده بيغير جلده كزا مرة. الضب ده حيوان مرعوب على طول. فلما ييجي يلاقي ورقة شجر ما ياكلهاش كلها. ياكل حتة منها ليه؟ عشان لو جه عدوي يستخبى تحت الحتة التانية. الضب ده بيسيب مين يسكن معه في النفق بتاعه. تخيلوا كده العقرب الاسود. ليه؟ يسيء - 00:20:36

هو يحفر الحفرة يسيب العقرب يسكن معه فيها. مقابل ان العقرب الاسود ده يحميه بعد كده. من اي حد يجب عليه. فبالزبط كده زي المنافقين لما بيتحالفوا مع اليهود مع اقارب اليهود كده بالزبط بالزبط. عشان كده النبي عليه الصلاة والسلام قال حتى لو دخلوا جحر ضب لدخلتموه وراءهم. لما الغرب - 00:20:56

هيدخل جحر الضب في نهاية الزمان. النبي قال للمسلمين هيقلدوا الغرب في كل حاجة. هيقلدوه في لبسه وهيقلدوه في تسريحة شعره. وستاتنا هيقلدوهم في لبسهم وهنقلدهم في الدنيا وفي الفكر وفي المفاهيم. طب اشمعنى جحر الضب؟ لان الضب ده عايش في نفق زي المنافقين. عايش في نفق تلاقي دايما اللي - 00:21:16

بالغرب بقى عنده نفاق. هو يقول لك انا مسلم. ولكن هو عاد كاره حاجات في الشريعة. عاد رافض حاجات في الشريعة. ولكن بيحاول يهرب منها من غير ما صورته تتأسر. الحيوان التاني اللي عايش في نفق اسمه اليربوع. اليربوع ده شبه الفار كده. اليربوع ده - 00:21:36

بيبني نفق تحت الارض ولكن بيبني نفق عجيب. يعمل فتحة كل الحيوانات شايفاها. ويعمل خمس ست فتحات سرية ما حدش يشوفها. عشان لو حد هجم عليه يقول قد اخذنا امرنا من قبل عامل احتياطاته ان لو حد هجم عليه عنده خمس ست فتحات جانبية. عشان كده كلمة لغز جاية من جحر اليربوع ده اصلا. لان - 00:21:55

الجحر بتاعه ما حدش يفهمه. اعقد جحر الحيوان في الدنيا هو جحر الياربوع ده. جحر كله مسالك ومتاهات لانه مرعوب. اليروع ده ما يخرجش النهار ابدا بالليل بس لانه مرعوب على طول. خايف من الكائنات فهو بيعش غير بالليل. وعايش في النفق بتاعه على طول. ما يعيش غير جوة النفق - 00:22:20

ده والنفق الملتوي الرهيب ده. اهو دي جت منها كلمة نفاق. لان المنافق دايما عايش جوة نفق. حياته كلها في الخفة. بيخبي على الناس حقيقته دايما مرعوب فعايز يبقى عنده كزا باب للامان عشان لو اتهدد من باب هو هو كده. تقول له ايه التهديد هو حاسس ان الدنيا خطر - 00:22:40

وحاسس ان الناس وحوش. وحاسس دايما ان ربنا مش هيقف معه لو حصل له مشكلة والعياذ بالله. فدايما عايز يأمن نفسه باي طريقة. ويأمن حياته يأمن نفسه ضد الناس. احساس انسان عايش في رعب. النفاق ده طبخة شيطانية جوة نفسية المنافقين - 00:23:00

المنافق ده انسان بيتكون من تلات صفات. دايما بيبقى انسان عنده طموح عالي جدا طماع جدا. ابن سلول ما كانتش مشكلته مع القرآن والسنة. ابن سلول لما جه يموت قال للنبي عليه الصلاة والسلام كفني في توبة - 00:23:20

والف منافق اسلموا يوم جنازة ابن سلول بسبب كده. ابن سلول كان مشكلته ان النبي جه خد منه رئيس المدينة مشكلته كلها ان الطموح بتاعه ضاع دي مشكلته الاساسية. فدايما طماع. عايز يوصل لحاجات عالية. والحاجة التانية جبان. جبان! وكسول. ما عندوش استعداد انه يتعب. ويكافح - 00:23:35

عشان ينجح بحق النجاح لأ هو عايز يوصل بطرق سهلة. فبيدور على الطرق بقى اللي زي الكدب بقى والنفاق عشان يوصل بها. عايز يوصل بطرق رسالة دايما خايف من كل الناس ومعتقد ان كل الناس ضد مصلحته وان كل الناس متربصة به. وفي نفس الوقت الدافع الاخروي عنده ضعيف. يعني معتقد ان ايه - 00:23:59

يعني يعني ما عندوش حاجة تقول له الجنة والنار ولا لا يا عم الدنيا. فاستمتعوا بخلاقهم. انا فديني المنافق في كلمتين. المصلحة والمتعة طيب عايز اقول ايه؟ كل اللي فات ده المقدمة - 00:24:19

عايز اقول ايه ؟ عايز اقول يا جماعة كره الله انبعاثهم فثبطهم. عشان ما نوصلش للنتيجة دي. عشان ما يبقاش جوانا صفات ربنا كارهها من فوق سبع سماوات عشان ما يبقاش جوانا ضخائل في اسرارنا مع الله. ربنا لما يطلع عليها يكرهها والعياذ بالله. او يكرهنا بسببها - 00:24:33

او يصرفنا عن الطاعة. او يطردنا من جنابه بسببها. او ينقم علينا ويغضب علينا ساعة العرض على الله بسببها الخبيس لما لقوه خطر وما حدش بيحس به. اخترعوا في الطب حاجة اسمها تيومر ماركوس. دلالات الاورام - 00:24:55

ان كل ورم بيفرز مواد غريبة كده لقطوا الاورام دي. فلقوا ان ورم اورام الرحم بتطلع مادة معينة مش موجودة في الجسم. اورام الكبد بتطلع مادة معينة. اورام الكلى بتطلع مواد معينة. اورام الغدد الليمسوية بتطلع موضوعا. فقال لك المواد دي الاورام بتطلعها من بدري قوي. فلو انا قدرت اقيس - 00:25:13

ردي ولقيتها الدلالات دي اعرف ان فيه ورم من البداية واعرف اواجهه وهو لسة صغير. اهو بالزبط كده. احنا عايزين دلالات اورام النفاق جوانا كده من القرآن نشوف ايه صفات المنافقين في القرآن - 00:25:33

تعالوا نشوف كده. ربنا وصفهم بايه؟ ربنا وصفهم بحاجات كتير قوي. واحد لو خرجوا فيكم ما زادوكم. لو خرج فيكم ما زادكم الا خبالا. ولاوضاعوا خلالكم يبغونكم الفتنة. لو خرجوا فيكم ما زادوكم. يعني ايه لو خرجوا فيكم ما زادوكم؟ انسان ما هو لا يمسل اي قيمة - 00:25:48

في الحياة. انسان لو دخل الجامع ما عندوش اي ايجابية. ما عندوش اي روح مبادرة. لو دخل الدعوة ما عندوش اي قيمة اضافية. انسان وجوده زي عدمه الانسان حياته زي موته. انسان لو اتشال فجأة من وسطنا الوقتي ولا فيه اي قيمة لشيله. لان هو مش داخل بقلبه. مش داخل بهم وهمته - 00:26:08

مش داخل عايز يضيف لي الدين. هو داخل له تفكير تاني. لو خرجوا فيكم ما زادوكم. اوعى تبقى كده. اوعى تبقى لا تمسل قيمة اضافية للدين. اوعى يبقى زي حياتك لو انت مت وما اتفتحش ثغر للدين بموتك تبقى مصيبة. المفروض ان موتك يبقى فيه مشكلة حصلت زي موت خالد ابن الوليد لما مات - 00:26:28

زي موت مصعب ابن عمير زي ما مات. زي موت عمر بن الخطاب لما مات. زي موت سعد بن معاز لما مات. كانوا سادين سغور. موتهم كان مصيبة. لان هم - 00:26:48

سادين صغور اوعى اوعى تبقى لو خرجوا فيكم ما زادوكم من ضمن صفات المنافقين في القرآن وارتابت قلوبهم والعياذ بالله. فهم في ريبهم يترددون يترددون يعني ايه؟ يترددون المفسرين قالوا الانسان المتردد المتذبذب اللي بيقدم رجله ويأخر رجل - 00:26:58

فدايما ييجي كده يقول لك مسلا ايه اجي احفز قرآن ولا اشتغل في الدعوة ولا اطلب علم ولا اطلع صدقة ولا احدد جزء من مالي لصدقة يقدم رجلي ويأخر رجلي - 00:27:18

طب اعمل طب ما اعملش طب صح طب غلط طب هندم طب مش هندم ما عندوش حسم في علاقته بالله. ما يقدرش ياخد قرارات في دينه زي ما بياخد قرارات في دنيته. في دنيته استاز ورئيس قسم في التخطيط واتخاز القرارات. في الدين مزبزب. حيران تايه - 00:27:28

مش عارف ياخد قرار مش قادر مش قادر ياخد قرار انه يصلي حتى نص ساعة قبل الفجر. مش قادر ياخد قرار انه يصلي جماعة. على طول كده. فهم في ريبهم - 00:27:48

سطره سطر حياته كلها كده مع ربنا. على طول بيقدم رجله وبيأخر رجل. مش قادر يحسم اموره من صفات المنافقين في القرآن لو كان عرضا قريبا وسفرا قاصدا لاتبعوك ولكن بعدت عليهم الشقة. لو كان عرضا قريبا عرض القريب - 00:28:01

الغنيمة السهلة يعني. لو الدين هيجيب دنيا احنا معك يا باشا. لو الدين هيجيب دنيا احنا بتوع الدين كله. احنا بنحب الشريعة لو هتجيب انما هتجيب لنا مشاكل لا يا عم - 00:28:21

الدين مش هيجيب دنيا مش عايزينه. احنا عايزين نطبق الدين اللي بيجيب دنيا. ما يطبقش حاجة من السنن غير لو سمع مسلا في بتوع الاعجاز العلمي في القرآن يقوله مسلا ايه ان دي لها تأسير حلو على الصحة. فيطبعها عشان الصحة. انما هو اصلا ما بيطبقش اي سنة اصلا. هو ما يطبقش من الدين غير اللي له ارتباط - 00:28:34

دنيته بس. انا باسمع آآ آآ راب وجاز وروك وهارد ميتال بسمع كل الاغاني اللي في الدنيا وكل المعازب اللي في الدنيا. بعضا طب الكلام ده حرام. آآ البديل ايه ؟ البديل الجنة. لأ يا حبيبي ما عنديش حاجة اسمها بديل الجنة. هات لي بديل دنيوي. والا ما تقوليش حرام - 00:28:54

لا يا ابني والله يريد الاخرة. يا عم هات لي بديل في الدنيا. لو كان عرضا قريبا. هاكسب في دنيتي انا وراك. مش هاكسب وسفرا قاصدا. يعني ايه سفرا قاصدا؟ يعني ماشي - 00:29:14

انت عايزنا نطلع معك بس المسافة قد ايه ؟ لو حاجة قاصدة مقتصدة كده صغننة كده لو مهمة دينية صغيرة ماشي يا عم امرنا لله احنا معك. ما عندوش طول - 00:29:28

بس ما عندوش استعداد انه يدخل ماراثون عشان ربنا. ما عندوش طول نفس في الدين. طريق اصلاح القلب وتغيير النفس عشان ربنا يا عم طويل ما ليش فيه. طب طريق مجاهدة النفس في العبادة. يا عم طويل ما ليش فيه. رمضان ما يقدرش يصبر تلاتين يوم عبادة والكلام اللي انتم بتقولوه ده. ومواسم ومش مواسم - 00:29:38

حندوز طلب العلم حفز القرآن يا عم احفز تلاتين جزء. يا عم انتم ناس فاضية. ما عندوش طول نفس مع ربنا. دايما عايز الدين السهل زي ما ربنا قال وقالوا لا تنفروا في الحر. عايز يديني المكيف. عايز الدين اللي فيه تكييف. انما دين بالمشقة وبالجهاد ولكن بعدت - 00:29:58

الشقة اي دين فيه مشقة اي دين فيه جهاد. اي دين فيه تضحية ما ليش دعوة بالدين ده اصلا. انا ما ليش دعوة بالقصة بتاعتكم دي من صفات المنافقين في القرآن اللي ادت في النهاية الى كره الله انبعاثهم. فثبطهم والعياذ بالله. مش عايزين ربنا يكرهنا. مش عايزين ربنا يقول علينا زي في اول سورة التوبة - 00:30:18

وبراءة من الله. فيه عباد ربنا اتبرا منهم عشان صفات فيهم. عايزين نتبرأ الى الله من النفاق. ونتبرأ الى الله من صفات المنافقين نتبرع الى الله من النفاق الاصغر. احسن نجيب بعد كده النفاق الاكبر من صفاتهم ولو ارادوا الخروج لاعدوا له عدة. ما بيستعدش لحاجة في الدين - 00:30:38

انت عارف انك هتموت انت من وانت عندك خمس سنين عارف انك هتموت انت الوقتي جا لك الموت وانت عندك سبعين سنة ما استعدتش ليه ؟ تلاقيه فجأة يتجعز ويخاف ويشك في الدين. انت ما استعد ما انت عارف. عارف ان - 00:30:58

الدنيا دار ابتلاء وان كنا لمبتلين. ما بتستعدش للابتلاء ليه ؟ سيدنا ايوب عليه الصلاة والسلام لما ربنا ابتلاه فكان سيدنا ايوب ملطي مليونير. ملطي مليونير وكان عنده اراضي ومواشي واولاد كتير وكان عنده مخازن قمح ومخازن شعير - 00:31:14

وكان كان ملط مليونير عليه الصلاة والسلام والناس كلها بتحبه. فاول الابتلاء الارض بتاعته كلها اتحرقت. فهو واقف يصلي فالشيطان جا له. قال له يا ايوب انظر الى الهك الذي اخترته ووحدته وعبدته لقد احرق الله ارضك - 00:31:31

شفت بقى ربنا اللي انت قاعد تصلي له؟ شفت عمل فيك ايه؟ ارضك اتحرقت. سيدنا ايوب قال له ايه؟ في نفس اللحظة. قال له دخلتها عريانا واخرج منها ارض مين يا عم! ارض مين! ده انا دخلت الدنيا دي كان حيلتي ارض ولا حيلتي مواشي! انا دخلت الدنيا دي عريان. هو انا دخلتها! وانا املك شيء اصلا! ربنا - 00:31:51

خد مآذن ده ملكه واخرج منها عريانا وحتى لو الارض فضلت معي. ما انا هاسيبها في يوم من الايام. ما هي هتسيبني انا هاسيبها. هو انا هاخرج من الدنيا هاخد ارضي معي في القبر. تاني يوم - 00:32:13

يا ايوب انظر الى الهك الذي اخترته ووحدته وعبدته. لقد قتل الله غنمك. قال له دخلتها عريانا واخرج منها عريانا كلمة دخلتوها عريانا واخرج منها عريانا؟ دي كلمة ما بتطلعش في لحزة. دي كلمة واحد مستعد ان لو الابتلاء جه هو جاهز. هو - 00:32:26

في اللحزة دي ومستعد لها من مدة. التانيين ولو ارادوا الخروج لاعدوا له عدة. ما بيستعدش لحاجة. ويا رب انصر الاسلام. طب انت بتطلب علم عشان تستعد لنصرة او حتى بتحفظ قرآن طب انت بتعمل حاجة عشان تستعد انك تبقى بكرة تشتغل في دعوة او بتسمع حتى مقطع كده على النت خمس دقايق عشان - 00:32:46

تكلم حد صاحبك في الدين منه ولا لا ما فيش ما فيش اي استعداد. يعني انت ما فيش اي استعداد انك تعمل حاجة لربنا؟ ما عندكش استعداد انك تعمل من صفات - 00:33:06

في القرآن وفيكم سماعون لهم لو خرجوا فيكم ما زادوكم الا خبالا. ولاوضعوا خلالكم يبغونكم الفتنة وفيكم سماعون لهم فيكم سمعونا المنافق دايما انسان مرعوب. ومش مصدق ان فيه حد نضيف. ومش مصدق ان المنافق يا جماعة له نصراني ولا يهودي - 00:33:16

ولا ملحد ولا كافر. النفاق ده دين لوحده. المنافق ده مش مع حد. هو مع مصلحته بس ومؤمن ان ما فيش طريقة للوصول لاي خير هو عايزه في حياته غير الكدب والنفاق والغش وتمشية المصالح ونقل الكلام والحاجات اللي زي دي - 00:33:37

هو ده المنافق. ايا ما كان بقى الناس فاكرة ان المنافق ده انسان عقيدته فاسدة. يعني انسان من جوة آآ عنده اهداف خبيسة. ممكن المنافق ما يبقاش هو عنده اهداف خبيسة. بس طريقته في الوصول لاهدافه دايما هي اللي طرقه خبيسة. وسايله دايما وسايل خبيسة. وسايله دايما كده. في - 00:33:55

سمعونا لهم يعني ودن معكم وودن معهم. ودن مع النبي والصحابة ودن مع العلمانيين واليهود في المدينة ليه عامل زي الشجرة اللي لها جزرين جزر على نهر وجزر على باكابورت. هم مصممين ان ما يسلموش نفسهم لحد. ولا يسلموا ودنهم لحد - 00:34:15

عايزين يسمعوا كله يسمع الدعاة ويسمع العلمانيين في التوك شو وغيره ويسمع اللي بيشتمه في البخاري ومسلم ويسمع هو عايز يسمع كل ايه هو خايف هو مش مآمن لحاجة ولا مآمن لحد. هو عايز يسمع يا ابني امن لربنا. امن لشرع ربنا. امن لقال الله - 00:34:35

قال الرسول وفيكم سمعونا لهم. عشان كده المنافق مش مصدق ان فيه حد ضيف. ولا مصدق ان فيه حد بيشتغل عشان ربنا. ربنا انت اشتغلني. يا عم كله بتاع مصالح يا عم صالح - 00:34:55

يا عم عم عشم مات والحياة خد وهات. ما فيش الكلام اللي انت بتقوله ده. كله فتش عن الغرض بتاع ما فيش حد بيشتغل لوجه الله. الكلام ده مش هو معتقد كده والعياز بالله. لان هو كده. فمتهيأ له ان الناس كلها كده. من صفات المنافقين في القرآن - 00:35:05

وقلبوا لك الامور لقد ابتغوا الفتنة من قبل وقلبوا لك الامور. عارف قلبوا لك الامور فيها اقوال كتير طبعا في التفاسير. من ضمن الاقوال فيها قلبوا لك الامور هو مش عايز انه يطلع الحكم الشرعي هي مش عايزة الحجاب يطلع فرض - 00:35:25

هو مش عايز كده او هي مش عايزة كده. فيبدأ يقلب لك الدنيا وهات لي بقى لفز حجاب في اية من ايات القرآن. يا عم من وراء حجاب لا هات لي بقى مش عارف لفظ بيدل على ايه. تيجي تقول له السنة يقول لك استنى بقى. ما انا اعرف منين ان السند وانا مالي بالسند؟ كلمني بالقرآن ما تكلمني - 00:35:44

مش بالسنة يقعد يقلب لك الدنيا. تقول له حديس البخاري في تحريم المعازف ليكونن من امتي اقوام يستحلون الحرى والحرير والقمر. يقول لك استنى بقى ده السند مش عارف ايه! يا عم انت هو عايز يقلب لك الدنيا - 00:36:04

هو عايز يهرب من الدين بس وهو شكله شيك من غير ما يبقى شكله وحش. من غير ما الصورة المزيفة اللي هو بيحرص ان الدنيا كلها تبص له بها تتهز - 00:36:19

عايز دايما يبقى شكله حلو وبيهرب من الدين. فانا مش ضد الدين. لو دي دين انا كنت عملته. انما مش دين. اللي انتم بتقولوه ده تشدد يا عم ده كل اصحاب النبي عليه الصلاة والسلام كانوا كده وده ايه اللي انتم بتقولوه ده تشدد. هو عايز يقرا قلبوا لك الامور مصيبته ايه بقى؟ حتى جاء الحق واه - 00:36:31

ظهر امر الله. اما تجيب له اية او حديس يحسم المسألة. دي مشكلته في الحياة. عشان كده دايما دول بينكروا السنة. ليه؟ ويهربوا لان السنة بتجيب الخلاصة القرآن بيجيب لك قواعد عامة تخرج منها بالف حاجة في الحياة. السنة بتجيب الكلمة خلصت. كزا حرام وكزا - 00:36:53

حلال كلام واضح وحاسب من النبي عليه الصلاة والسلام. القرآن قواعد لبناء الحياة. وتوجيه الحياة. فالمنافق يقول لك ايه خليني بقى ايه ما تقوليش السنة فيرب منها. من ضمن صفات المنافقين في القرآن - 00:37:13

ائذن لي ولا تفتني ائذن لي ولا زي الجد ابن قيس كده. النبي عليه الصلاة والسلام بيقول للصحابة طالعين تبوك. طالعين نقاتل الروم. يلا فالجد ابن قيس ده واحد ملطي مليونير وواحد من زعماء - 00:37:28

المنافقين في المدينة فراح للنبي عليه الصلاة والسلام قال له يا محمد يا محمد انا انا بحب الجهاد جدا في سبيل الله. ووالله ما عدت هسيب غزوة معك ابدا. ابدا يحلفون بالله لكم ليرضوكم. مش هسيب غزوة تانية ابدا. انما - 00:37:41

دي بالزات ما اقدرش. ليه اصل انا باحب النساء جدا جدا لقد علمت يا محمد اني اشد الانصار حبا للنساء انا خايف اشوف بنات الروم وانت عارف بنات الروم بقى شعري الاصفر عينين الخضرا فافتن فوقع في الحرام يا راجل - 00:37:55

هي دي القصة. هو دايما بيضرب الدين بالدين هو عايز يهرب من الدين بالدين. هو عايز يهرب من الدين وتكاليف الدين. بس بشكل ما يجرحش الشياكة بتاعته. ومنزر الجميل بتاعه - 00:38:14

ففي الاخر انا مش خايف من الروم ولا خايف من الجهاد في سبيل الله. انا خايف على قلبي من انه يتفتن بنساء الروم يا رب راجل هي دي القصة كلها. الا في الفتنة سقطوا. وان جهنم لمحيطة بالكافرين. ده ده وقع في عز - 00:38:28

لما خالف النبي عليه الصلاة والسلام مصيبة الهروب من الدين بقلبوا لك الامور. الهروب من الدين بازن لي ولا تفتني. يا ابني دين ربنا اهو. طريق الجنة اهو قال الله وقال رسول الله اهو متوه نفسك ليه؟ بتمشي ورا ناس يقلبوا لك الامور وعايزين يتوهوا الامة وراهم - 00:38:48

ايه ما تمشي ورا قال الله وقال رسول الله صلى الله عليه وسلم من ضمن صفات المنافقين في القرآن ولا يأتون الصلاة الا وهم كسالى هو فعليا مش مرتبط بالاخرة - 00:39:10

عشان كده ولقد رأيتنا وما يتخلف عن صلاة الفجر الا منافق معلوم النفاق التكاسل في صلاة الجماعة من علامات النفاق يا اخواني ولا يأتون الصلاة مش ولا يصلون. ايه الفرق بين لا يصلون وبين لا يأتون الصلاة - 00:39:25

لا يصلون يعني ممكن يصلي في بيته انما لا يأتون. يعني في الجامع يعني ربنا اعتبر ان من علامات النفاق تخلف الرجال عن صلاة الجماعة ده بينبت النفاق في القلب. ولا التكاسل عن العبادة. التكاسل عن قراية القرآن. ان قراية القرآن تبقى تقيلة على القلب. سماع القرآن تقيلة على القلب. سمعوه بجد مش تشغيله - 00:39:44

ودماغي في اللي فيها. لأ سماعه ان ان الزكر يبقى تيل على القلب. ان جلسة الضحى تبقى تقيلة على القلب دي كارسة. ده دي علامات خطر ولا يأتون الصلاة الا - 00:40:07

من علامات النفاق الخطيرة اللي ربنا زكرها في السورة قد اخذنا امرنا من قبل وان تصبك مصيبة يقول قد اخذنا امرنا من قبل ويتولوا وهم فرحون. الحمد لله هو طالع دلوقتي تبوك هو - 00:40:17

الروم زي شوية بتوع بتوع قريش دول هيروح يكسبهم ويرجع. ده الروم يا عم. ده الاسلحة الكيماوية والنووية يا عم. ده الدبابات والمنجنيكات والقاذفات النارية. الروم كان تسليحهم مرعب زمان. مرعب - 00:40:36

وكانوا دول جبارة هو فاكر الروم ايه ؟ وانتم فمستنيين بقى يسمعوا بقى ان النبي راح تابوك بقى الروم مسكوا المسلمين قطعوهم وقتلوهم وخلصنا منهم بقى. وان تصبك مصيبة يقول قد اخزنا امرنا من قبل. يعني ايه اخزنا امرنا من قبل - 00:40:56

المنافق لو هو بيحضر ماتش والماتش ده او بيحضر دورة والدورة دي مسلا بيلعب فيها ست فرق المنافق لو هو مشجع عارفين المنافق يعمل ايه المنافق يا عين الست فانلات بتوع الست فرق في جيبه - 00:41:13

اي فريق يكسب يقوم مطلع الفانلة بتاعته. الم نكن معكم؟ انا معك يا عم ده انا قاعد اشجعك من ساعتها. المنافق يقلب على كل لون. على كل وش بيعرف يلبس خمس وشوش في اليوم. هو عايز يعمل حساب. المؤمن بيحسبها حساب واحد - 00:41:30

المؤمن بيحرق السفن. المنافق عمره ما يحرق السفن. المؤمن بيحط البيض في سلة واحدة مع الله. المنافق عمره ما يحط البيت في سلة واحدة ولا هيقدر ابدا المنافق يحط بيضة في سلة اليهود وبيضة في سلة المسلمين وبيضة في سلة النصارى وبيضة في سلة الملحدين. لازم يوزع ليه؟ عشان اللي يكسب في الاخر يقول له انا كنت معك - 00:41:50

فمعه كل الفانلات ومستعد يلعب بكل الالوان. ومستعد يغير لونه وجلده في اي وقت. قد اخذنا امرنا من قبل المنافق كما قال تعالى ويحلفون بالله انهم لمنكم وما هم يحلفون يحلفون دي اسمها اليات الدفاع النفاقية. المنافق دايما حاسس بالخطر - 00:42:10

وحاسس ان الناس متربصة به هو شخصية خوافة دايما. هو شخصية جبانة. عشان كده بيعيش في نفق النفاق. عشان كده دايما عايش في نفق. عشان كده دايما خافي حقيقته عن الناس - 00:42:32

ممكن يعيش مع مراته وما يكلمش مراته بصراحة. هو دايما كده. فهو دايما عنده اليات دفاع. عشان كده زي ما ربنا قال. واذا لقوا الذين امنوا قالوا ايه امانة. يا عم هو انا اتهمتك - 00:42:42

عارف لما تقابل واحد والله العظيم انا ملتزم. يا عم هو انا قلت لك انك انت راجل وحش. واقسم بالله انا ما بقعش في الزنا. يا عم هو انا قلت لك انت بتعرف ازاي؟ واذا لقي امنا يا عم - 00:42:55

انا ما اتهمتكش اصلا. هو مرعوب. فدايما اسلحته يحلف كتير. يحلفون بالله. يحلفون لكم ليرضوكم. يحلفون بالله انهم لمنكم. على طول على طول اقسام. على طول كدب. على طول ائذن لي ولا تفتني. على طول كداب. على طول محتار. على طول فهو عنده اسلحة اليات - 00:43:05

الدفاع نفاقية عشان يقدر يهرب من ان اي حد يكتشفه. ان اي حد يكتشفه ويحلفون بالله انهم لمنكم منكم ولكنهم قوم يفرقون. مرعوبين هم على طول خايفين. خايف من بكرة وخايف من المستقبل. هو مش متخيل ان ربنا هيقف معه. هي مصيبة المنافق - 00:43:25

يا جماعة مصيبة المنافق انه معتقد انها في ايد البشر مش في ايد ربنا فهو دايما مرعوب احسن البشر يغضبوا عليه او احسن البشر يقلبوا عليك. هو لو عرف انها في ايد ربنا هيتعزز على الدنيا كلها - 00:43:45

عشان كده المفسرين سموا اية العزة وقل الحمد لله الزي لم يتخز ولدا. ما فيش حد تحته. ولم يكن له شريك. ما فيش حد جنبه. ولم يكن له ولي من الذل. ما فيش حد فوقه. ما فيش - 00:44:02

غيروا كبروا تكبيرة. ما هوش عامل زي ملوك الدنيا المفسرين سموها اية العزة. لان اللي الاية دي بتدخل في قلبه بيبقى عزيز. اخاف من مين يا عم انا ربي ما هوش محتاج حد. وربي يغنيني عن كل حد ازل نفسي ليه ؟ مصيبتهم انهم معتقدين انها في ايد البشر - 00:44:12

فمرعوبين احسن البشر يقلبوا عليهم. هو ده العزاب كله. وهي دي الزلة كلها من صفات المنافقين في القرآن ويقبضون ايديهم ويقبضون ايديهم المنافقون والمنافقات بعضهم من بعض يأمرون بالمنكر وينهون عن المعروف ويقبضون ايديهم. يعني ايه يقبضون ايديهم؟ معظمنا عارف انك ما بيتصدقش كتير. هناك من المفسرين من قال يقبضون ايديهم ما بيرفعش ايدين ربنا - 00:44:32

ربنا يقول يا رب مع قلة الدعاء من علامات النفاق كلة رفع لان هو مش مش فاهم ان هي بتيجي من فوق. هو متهيأ له انها من تحت. فليل نهار قاعد يفكر اوصل لده ازاي؟ واتعرف - 00:45:02

على ده ازاي ؟ وقم علاقة مع ده ازاي ؟ ومعرفة الناس كنوز يا عم. واوصل ده ازاي ؟ واصالح ده ازاي ؟ وده خلاص ضعف ما عدش له لازمة - 00:45:19

اقطع معه بقى واطنشه وامسح رقمه من على محمول ازاي ؟ هو ده تفكيره في الخلق. هو مش فاهم انها بتيجي من فوق. عشان كده يقبضون ايديهم. ما عندوش يرفعون - 00:45:29

ايديهم ما عندوش رفع الايد لربنا من علامات النفاق اي التعلق بالدنيا وعدم التعلق بالله ان الانسان يبقى قليل الدعاء وربنا بيقول ايا ما تدعو ايا ما تدعو ايا ما تدعو فله الاسماء الحسنى. يا عم اطلب اللي انت عايزه. بس ادخل على الله من باب الاسماء الحسنى. ربنا يفتح لك كل الابواب - 00:45:39

ربنا لا تجعلوا دعاء الرسول بينكم كدعاء بعضكم بعضا. لما المنافقين يعني ربنا بيقول لهم انتم فاكرين لما النبي يرفع ايده ويقول يا رب زي ما انتم تمدوا ايديكم لبعضكم - 00:46:04

هو انتم فاكرين مدت ايد العبد ليه؟ زي مدت ايد العبيد لبعض. انتم بتمدوا ايدكم لبعض تطنشوا بعض تقولوا العين بصيرة والايد قصيرة. انما انا لأ اللي هيرفع ايده ويمدها لي هملا ايده من الخير - 00:46:15

لا تجعلوا دعاء الرسول بينكم كدعاء بعضكم بعضا ويقبضون ايديهم صفات المنافقين. صفات كثيرة جدا جدا جدا رضوا بان يكونوا مع الخوالف. انسان بليد بليد الاحساس مهما شاف ناس بتجتهد في الدين ما بيغرش في امور الاخرة والعياز بالله ما بيغرش. هو يغير في الدنيا بس. ما يغرش في الاخرة. ما عندوش غيرة في امور الدين ابدا - 00:46:31

صفات المنافقين فاستمتعوا بخلاقهم. اي اخذوا حظ الاخرة في الدنيا. هو ما بيفكرش في الاخرة. هو عايز هنا. جنته هنا. فجنونه المتعة عشان كده ليه المنافقين دايما بيحاربوا الدعاء الى الله حتى المنافقين في الاعلام العلماني يحاربوا الدعاء الى الله. لان هو مش قادر يتخيل الحياة بحلال وحرام - 00:46:54

ما تخنقنيش! ده هي دي الدنيا بتاعتي! ده دي جنتي! فاستمتعوا بخلاقهم. سبني اتمتع يا عم! هتقعد تقيد لي عشان كده يحبون ان تشيع الفاحشة عايزين شيوعية العلاقات الجسدية في المجتمع. تبقى مشاع. يبقى الستات مشاع - 00:47:14

الدنيا كلها تبقى على المشاع. والناس زي الشيوعية كده زمان. لما كانوا في مبادئ شيوعية الجنس والكلام الضال بتاعهم نحذر من قضية النفاق حذر خطير يا اخواني في الله. لانها من اخطر القضايا. ولان النفاق ده مرض خبيث جوة القلب. ان لم نأخذ بالنا منه ونحاربه ونحاربه قد ينبت في القلب - 00:47:34

دون ان نشعر ونلقى الله به ونحن لا ندري. اقول قولي هذا واستغفر الله الحمد لله وكفى. وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله - 00:47:57

اللهم صل على عبدك ونبيك محمد صلى الله عليه وسلم. في الاولين والاخرين وفي كل وقت وحين. اما بعد نعمل ايه انجو من النفاق ازاي؟ اراقبه جوايا ازاي كما قال الحسن البصري ما امن النفاق الا منافق. انا عايز اخاف بقى من النفاق. اعمل ايه - 00:48:11

اول حاجة تعملها صلح عباداتك وابعد عن صفات المنافقين في العبادة. قال رسول الله صلى الله عليه وسلم الحديس ده بقى خده كده ايه؟ حلقة في قلبك بقى مش في ودنك. قال رسول الله صلى الله عليه وسلم والحديس حسنه الشيخ الالباني رحمه الله. وحسنه ابن حجر العسقلاني. وحصله وحسنه الامام ابن حجر العسقلاني. قال رسول الله صلى الله عليه وسلم - 00:48:29

من صلى اربعين ليلة لله في جماعة في جماعة صلاة الجماعة دي بتموت النفاق بتحرقه بتكوي بؤر النفاق في القلب في جماعة يدرك التكبيرة الاولى. يعني ايه الحق تكبيرة الاحرام. اربعين يوم كتب له براءتان. براءة - 00:48:49

من النار وبراءة من النفاق. خدت براءة يا عم من النفاق. اربعين يوم. يبقى اقلها حافظ على صلاة الجماعة ركز في صلاة الجماعة. الحاجة التانية احزر من النفاق العملي احزر من النفاق السلوكي بتاع المجتمع ازا حدس كذب ازا وعد اخلف ازا اؤتمن خان ازا عاهد - 00:49:10

قدر ازا خاصم فجر اخلف كذب خان فجر غدر خاف من الخمسة دول هو دي مصيبته ايه؟ ازا حدس كزب عشان الموضوع يمشي فيلاقي مصلحته يكدب. بيكدب. آآ طب ازا خاصم فجر يبقى ماشي معك وحبيبك يحصل مشكلة بينه وبينك يطلع كل - 00:49:34

مصايبك اللي هو كان عارفها. هو اللي قاله ده كدب ولا صدق صدق! امال النفاق ايه! اشمعنى ما قالوش امبارح اشمعنى ما فضحكش غير النهاردة ؟ لما كان بيني وبينك مصلحة امبارح بتزاكروا مع بعض ايام امتحانات. بينكم مشروع تجاري كان ساكت. اول ما المصلحة - 00:49:54

او خلصت بدأ يطلع العيوب بتاعتك يبقى ده ازا خاصم فجر طول ما فيه مصلحة ماسك لسانه مؤدب اول ما المصلحة تروح يبقى انسان فاجر. اول ما المصلحة تروح يبقى انسان غادر. اول ما المصلحة تيجي يبقى انسان كداب. اول ما المصلحة تروح يبقى انسان خاين - 00:50:12

يبقى احزر من الكلام ده الكدب بقى الوقت منتشر ما تديش معاد وتكدب فيه. انا جاي خمسة ونص تبقى خمسة ونص. اتقوا ربنا في شغلك. ما تخونش الامانة في شغلك - 00:50:32

شغلك من تمانية لاتنين يبقى تنزل تمانية الا ربع. والساعة اتنين لما تيجي تبدأ تسيب الشغل. ووقت الشغل بتاع المسلمين مش بتاع الموبايل بتاعك والواتس والفيس والحكايات والروايات وتخليص مصالحك اللي برة الشغل بالتليفون ده وقت المسلمين. ما تقعدش تفطر ساعة والناس هتموت على المكتب بتاعك وانت قاعد تقول له يا استاز بنفطر يا استاز - 00:50:42

انتم ما عندكوش نزر ولا اتقوا الله افطر قبل ما تروح شغلك. انت يا عم هم بيدوا حاجة مش انت وافقت على العقد ده. اتق الله في شغلك وخليك انسان امين. ما تبقاش دكتور خايب - 00:51:04

اكشف على عيان وانت خايب. ما تبقاش مهندس خايب. لانك ممكن الواحد يبقى غشاش فيخون. وممكن ما يبقاش غشاش. بس غشك هنا انك ما تعبتش انك تتعلم مهنتك اوعى تنافق - 00:51:17

اوعى تنافق. خليك انسان امين. اوعى تنافق. من ضمن علاج النفاق قال رسول الله صلى الله عليه وسلم من مات ولم يغزو ولم يحدس نفسه بالغزو مات على شعبة من النفاق - 00:51:34

اللي ما اتحركش للدين النفاق هيعشش على شعبة النفاق تشعب جواه. ميكروبات النفاق والورم الخبيس تشعب كمان. والعياذ بالله مش تسمعوا عن حد مات يقول لك الفطريات المعينة عششت في الكلى عششت في القسطرة الوريدية اللي متركبة له. عششت في - 00:51:46

مش عارف عضو من اعضاء بطنه. عايز شيء ربنا يعافينا ويعافي مرضى المسلمين اجمعين. النفاق عشش جواه. من مات ولم يغز ولم يحدس نفسه بالغزو. الانسان اللي ما اتحركش عشان - 00:52:06

الحركة عشان الدين والشغل في الدعوة الى الله. والكلام عن ربنا بيحرق النفاق جوة القلب. ما فيش حاجة بتحرق النفاق زي التضحية اوعى تسيب النفاق ينام احرقه على طول بالدعوة الى الله. احرقه على طول. انصح بنتك وانصح مراتك وانصح اصحابك. وشير مقاطع دينية من على النت - 00:52:16

والفيس للناس كلها. اشتغل. الحاجات دي بتحرق النفاق في القلب حتى لو الناس ما انتفعتش بها قال حذيفة رضي الله عنه امين سر النبي عليه الصلاة والسلام في النفاق؟ اياك والتلون - 00:52:37

اياك والتلون فان دين الله واحد اياك والتلون فان دين الله واحد. واعلم ان الضلالة كل الضلالة ان تعرف ما كنت تنكر او ان تنكر ما كنت تعرف تغيير المواقف ايوة يا عم طب ما في ما في شيوخ يا عم بيغيروا في توام. يا عم تغيير الفتاوى غير تغيير المواقف. الامام الشافعي وهو في العراق كان له فتاوى جه مصر غير - 00:52:49

الواقع بيتغير. انما تغيير المبادئ انك بتتعامل مع الفقير بوش ومع الغني بوش انك بتتعامل مع رئيسك في الشغل بوش ومع زميلك بوش انك بتتعامل مع اللي انت محتاج له بوش ومع اللي انت مستغني عنه بوش - 00:53:14

انك بتتعامل مع نفس الشخص النهاردة بوش وبكرة بوش خلي وشك واحد اياك والتلون فان دين الله واحد واعرف ان الموضوع بايد ربنا رزقك مش في ايد حد. ترقيتك مش في ايد حد - 00:53:31

احد اه رجال الاعمال يعني كان مرة كده قابلته بيقول لي جت فترة في ازمة اقتصادية في البلد ما كانش فيه دولارات البنك قرر انه يصرف لرجال الاعمال دولارات ولكن بفوايد ربوية وما فيش. وكلهم محتاجين عشان يستوردوا ويخلصوا. بيقول كله مضى بيقول انا الوحيد - 00:53:47

اللي رفضته وقلت والله ما هتعامل بالربا ماذا بيقول لي والله انا الوحيد اللي جا لي الدولارات من البنك الوحيد اللي ادوني الدولارات. يا عم رزقك بايده وهو لوحده سبحانه وتعالى - 00:54:04

رفعتك بايد وما تزلش نفسك لحد. خليك مع الله ايا ما تدعو فله الاسماء الحسنى. ربنا لا يعجزه انه يعمل لك شيء. فضل الله المشاهدين. ما تحاولش يبقى وصولي ما نبقاش وصوليين. بلاش تسلك الطرق السلة زي الشباب دلوقتي. قاعد على القهوة. عايز ايه؟ عندك يا ابني تمانية وعشرين سنة. ما هو انزل اشتغل بالفين جنيه - 00:54:17

انا اتجننت! يا ابني بحط رجلك في السوق وان شاء الله لما تنزل هتلاقي في فرص احلى. بس انزل. لأ انا مستني اما يجي لي فرصة كبيرة. يا ابني بلاش الاستسهال - 00:54:39

قفح كافح واشتغل كثير من الشباب اللي بيسافر برة بيسافر برة ليه ؟ آآ اشتغل ويروح ويتمرمط ويتمسح بالارض. وفي الاخر يرموه لما يبقى عنده خمسة واربعين سنة. ييجي هنا ما لوش - 00:54:49

اي لازمة في بلده. ما عندوش اي سي في بلده ولا عنده اي خبرة في اي حاجة بلده. يروح بقى يعني يتمرمط عشان يجيب له الف ونص في الشهر. ما فيش حاجة. ما لوش اي حاجة - 00:55:02

خدوا شبابه ورموه بعد ما شبابه خلص. يا ابني كافح وافتح مشروع وتاجر واشتغل. وانجح. عشر سنين عما يقف على رجليه احسن العشر سنين دول تشتغل بهم برة وترجع هنا تبدأ من الصفر تاني. كتير منهم بياخد ادوية نفسية لما يرجع. لانه بيتصدم. ولا عارف يصرف ولا عارف يعيش - 00:55:12

بلاش اختيار الحلول السهلة خليك انسان مستعد انك تكافح عشان تنجح. فضل الله المجاهدين. اتعب نفسك. اخواني واحبابي في الله. خمسة وتسعين في المية من الموافقين ما كانوش منافقين في بدايتهم - 00:55:32

ومنهم من عاهد الله ومنهم منافق بس ربنا جايب لك بدايته نهايته كانت عهد مع الله فان اتانا من فضله. شف الايمان لنتصدقن ولنكونن من الصالحين فلما اتاهم من فضله بخلوا به وتولوا وهم معرضون فاعقبهم نفاقا. مين اللي اعقبهم نفاقا - 00:55:49

ها الله مفسرين بعض المفسرين قال اللي اعقبهم نفاقا البخل البخل زرع النفاق في قلبه. اوعى تبقى بخيل حتى لو فلوسك قليلة تصدق. ادي لارحامك. ولو كيس برتقان اتنين كيلو - 00:56:11

ما تبقاش بخيل. فاعقبهم البخل البخل زرع النفاق في قلوبهم. اولها عاهد الله واخرها اعقبهم نفاقا في قلوبهم. البداية رهيبة النهاية مفزعة مفزع ليه سب نفسك كل ده ليه عشان البخل فاعقبهم نفاقا معظم المنافقين ما كانش منافق في الاول كان في الاول انسان كويس ولكن فضل - 00:56:26

المصلحة تجرجروا تجرجروا تجرجروا لحد ما ضاع. والمشهد النهائي في سورة الفاضحة. السورة اللي فضحت المنافقين. المشهد النهائي المرعب. سورة التوبة دي اخر سورة نازلة في القرآن. سورة رقم مية واربعتاشر - 00:56:48

اخر سورة نازلة وايه اخر ايات في سورة التوبة؟ وازا ما انزلت سورة كفر واذا ما انزلت سورة قالوا ايكم زادته هزه ايمانا هو حد الكلام ده حد استفاد من الكلام ده ؟ فاما الذين امنوا فزادتهم ايمانا وهم يستبشرون - 00:57:01

واما الذين كفروا فزادتهم رجسا الى رجسهم وماتوا وهم كافرون. او لا يرون انهم في كل عام مرة او مرتين ثم لا يتوبون. ولا هم يتذكرون ما فيش اي ترجمة للرسائل الربانية. ربنا يمرضه عشان يفوق ما يفهمش - 00:57:21

ربنا يعمل له مشكلة اقتصادية في شغله عشان يفوق ما يفهمش. ربنا مهما يبعت له رسايل يفوقوا بها مش راضي يفوق. لا القرآن بيفوقوا ولا احداس الرسايل الربانية في القدر بتفوقه. وفي النهاية واذا ما انزلت سورة نظر بعضهم الى بعض - 00:57:41

هل يراكم من احد حد شايفكم ما فيش ثم انصرفوا ده اخر كلمة نزلت عن المنافقين في القرآن كله دي لان سورة التوبة دي اخر سورة نزلت. سورة ده اخر مشهد في القرآن كله ربنا بيصور به المنافقين. وهم قاعدين يتسحبوا واحد ورا واحد - 00:58:00

نظر بعضهم الى بعض هل يراكم من احد ثم انصرفوا صرف الله قلوبهم بانهم قوم لا يفقهون. اخر مشهد وهم مصممين اللي هيعيش كده هيموت كده اللي هيعيش كده ما فيش حاجة هتفوقه. اخر مشهد ربنا بيقول لنا فيه كأن الله يقول لنا هم مكملين. هيعيشوا كده وهيموتوا كده. ما فيش لا القرآن - 00:58:20

فوقهم احداس القدرة تفوقهم. بعدها لقد جاءكم رسول من انفسكم عزيز عليه ما عنتم. حريص عليكم. بالمؤمنين رؤوف رحيم. فان تولوا لو كلهم باعوك. لو كلهم اتخلوا عنك يا محمد يا ابن عبدالله فقل حسبي الله وانطلق وجاهد في زات الله لوحدك. وربنا هينصرك - 00:58:44

اخر مشهد في سورة الفاتحة سورة المنافقين. سورة التوبة المنافقين مكملين والرسول مكمل اصحاب المصالح مكملين مش هيفوقوا واصحاب المبادئ مكملين. مش راجعين هتكمل ورا دول ولا هتكمل ورا دول ؟ - 00:59:04

هتختار طريق المصالح ولا هتختار طريق المبادئ؟ هتختار طريق حتى ان سبت فلن نفعل شيء لانها مليارات الدولارات ولا هتختار ما طريق فان تولوا فقل حسبي الله طريق الاخلاق وطريق المبادئ وطريق شرع الله وطريق الحلال والحرام وطريق قال الله وقال رسول الله. اللهم تب علينا توبة ترضى بها عنا - 00:59:25

اللهم طهرنا من النفاق. اللهم طهر قلوبنا من النفاق. اللهم طهر نفوسنا من النفاق. اللهم طهرنا من دغل النفاق ومن غوائل النفاق. اللهم طهرنا من صفات المنافقين. اللهم ارزقنا الصدق يا رب العالمين. اجعلنا من الصادقين. اجعلنا مع الصادقين - 00:59:50

ارزقنا الصدق والاخلاص على الوجه الذي يرضيك عنا يا رب العالمين. اللهم طهرنا من النفاق. طهر اعيننا من الخيانة. طهر قلوبنا من الرياء طهر نفوسنا من النفاق. اللهم لا تجعل في قلوبنا اياك. ولا تجعل همنا الا رضاك. ولا - 01:00:10

اجعل همنا الا رضاك. ولا تجعل رغبتنا الا اليك. ولا تجعل توكلنا الا عليك. اللهم اشرح صدورنا ويسر لنا امورنا. اللهم اعمر قلوبنا بما عمرت به قلوب الصالحين. واملأ صدورنا بما ملأت به صدور الصديقين. يا رب العالمين. يا اكرم الاكرمين. لا بأس - 01:00:30

لك الا بك. لا بلاغ اليك الا بك. يا ربنا اوصلنا اليك. يا ربنا اهدنا فيمن هديت. وعافنا فيمن عافيت. وتولنا فيمن توليت وقنا واصرف عنا شر ما قضيت. وبارك اللهم لنا فيما اعطيت. انه لا يذل من واليت. تباركت وتعاليت. يا رب - 01:00:50

ويفرج كربنا. يا رب ادي الديون عنا. يا رب اغننا واغننا على الوجه الذي يرضيك عنا. يا رب اغننا على طاعتك وابتغاء مرضك يا رب عافنا في ابداننا وعافنا في احبابنا وعافنا في ازواجنا واولادنا. ربنا هب لنا من ازواجنا وذرياتنا قرة - 01:01:10

واجعلنا للمتقين اماما. اللهم اجعل القرآن العظيم ربيع قلوبنا ونور صدورنا وجلاء احزاننا ابا همومنا طهرنا من النفاق والرياء والكبر والغل والحسد والعجب. يا ربنا طهرنا. طهر سرائرنا اصلح حالنا واصلح بالنا يا ارحم الراحمين. سبحانك اللهم وبحمدك. اشهد ان لا اله الا انت استغفرك واتوب اليك - 01:01:30

- 01:01:55