Baheth

بسم الله الرحمن الرحيم. قل هذه سبيلي ادعو على بصيرة انا ومن اتبعني وسبحان الله وما انا من السلام عليكم ورحمة الله وبركاته الحمد لله الحمد لله عدد ما خلق - 00:00:00ضَ

الحمد لله ملء ما خلق الحمد لله عدد ما في السماوات وما في الارض الحمد لله عدد ما احصى كتابه والحمد لله على ما احصى كتابه والحمد لله عدد كل شيء. والحمدلله ملئ كل شيء - 00:00:33ضَ

وصلاة وسلاما على سيد الخلق اجمعين. سيدنا محمد عليه افضل الصلوات من رب العالمين الى يوم الدين. يا من على العرش مستوى ملكا على كل الملوك الملك ملكك انت وحدك لا شبيه ولا شريك. عجزت عقول الخلق عنك وكلهم قد - 00:00:53ضَ

لكن بظل الحب تألهك القلوب وترتجيك. واصلي واسلم على حبيبي وسيدي وسيد الخلق اجمعين. سيدنا محمد عليه افضل صلاة من رب العالمين الى يوم الدين. ارجو ان يكون كل واحد بيتفرج معنا دلوقتي يكون بيقول الوقتي عليه افضل الصلوات من رب العالمين. صلى الله عليه وسلم - 00:01:17ضَ

يعني قبل ما اتكلم يا جماعة لازم الاول يعني اوجه رسالة الى حبيبتي امي ربنا يبارك فيها. ربنا يبارك فيها ويتقبل منها افضلها علي اللي يعني ما اعتقدش ان في ام عملتها لابنها ابدا. واتمنى انها تكون راضية - 00:01:41ضَ

عندي بازن الله في هذا الوقت بازن الله سبحانه وتعالى. آآ يعني قبل ما نتكلم يا جماعة انا عايز ابشركم انا عايز ابشركم ان آآ كل دقيقة قعدته قدام برنامج ديني تتفرجوا عليها يمكن تقربوا من ربنا خطوة لكم بها اجر عند الله. في الدنيا قبل الاخرة. كل شروط سمعتها - 00:01:57ضَ

في كل درس حضرته كل صفحة قرآن قريتها. كل عمل طاعة عملناه لاجل الله لكم به اجركم عند الله في الدنيا قبل الاخرة بازن الله سبحانه وتعالى. عايز ابشركم يا جماعة. ان الطريق اللي احنا ماشيين فيه ده - 00:02:16ضَ

فيه جنة فيها ما لا عين رأت. اجمل بلاج. رحت اتفسحت فيه كان فين اجمل عربية شفتها في حياتك. ملكة جمال العالم شكل جمالها ايه؟ ولا اذن سمعت. اجمل مكان سمعت عليه او سمعت عليك في حياتك كلها - 00:02:32ضَ

كان فين وكان شكله ايه واتوصف لك فيه ايه ولا خطر على قلب بشر. اي واحد مننا كده اما قعد وحلم وسرح بخياله. يا ترى فكر في ايه ايه اللي جيت في خياله من افكار السعادة؟ كل ده اللي مستنينا عند ربنا يا جماعة اعظم منه والله. انا عايز ابشركم يعني كان في احد آآ معلش - 00:02:49ضَ

احد لاعبي الكورة كان نجم عالمي كبير جدا. وقريت له حوار بعد ما عدى خمسة وتلاتين سنة ولازم يعتزل خلاص بقى لازم يتركن على الرف فيعني بيكلموه في وسط الحوار عن احد اللعيبة اللي لسة عنده سبعتاشر سنة وقتها ولكن كان متوقع ليه يبقى نجم عالمي كبير جدا - 00:03:09ضَ

لا يمكن انساها ابدا طول حياتي. الراجل وهم بيسألوه عن اللعيب الصغير ده قال لهم ايه ؟ شوفوا الكلمة قال ينتظره ايام رائعة انا حسيت ان الكلمة فيها حسرة والله العزيم يا جماعة. الراجل متصور ان ده لسة عنده سبعتاشر سنة. الطريق اللي انا مشيت فيه. اللي كله كاميرات ومعجبات - 00:03:29ضَ

وملايين وشهرة وتليفزيونات ياه كل الطريق ده مستني الراجل اللي لسة عنده سبعتاشر سنة ده ، ولكن الاتنين غلابة والله يا جماعة. لان الاتنين في الاخر هيتركنوا على الرف انا عايز اقول لك يا اخي ويا اختي عايز اقول لكل واحد بيتفرج علي دلوقتي ان لو عرفت ربنا ينتظركم ايام رائعة. اه والله يا جماعة. فلنحيي - 00:03:50ضَ

انه حياة طيبة. ابراهيم كان في النار. بس في حياة طيبة شوفوا احد السلف بيقول ان في الدنيا جنة جنة! ممكن شاب دلوقتي يزن يقول جنة! جنة في الدنيا! جنة في الدنيا اللي احنا عايشين فيها دي! ده احنا دفعنا الوفات عشان ندخل النوادي! ودفعنا الوفات - 00:04:14ضَ

عشان نروح البلاجات. وفي الدنيا فيه جنة واحنا ما نعرفش. طب هي فين ؟ جواك جواكم يا جماعة اللي هيعرف ربنا هيعيش جواه جنة. جنة معرفة الله وهينتظره ايام رائعة. انا مش عايز اطول عليكم. انا عايز ادخل معكم في الموضوع. عايزين نتكلم - 00:04:34ضَ

يا جماعة يا جماعة لو واحد من البشر اي انسان صنع حاجة وكبرت بتخرج عن حدود سيطرته. يعني اللي اخترع النت يعرف في سيطرة دلوقتي على النت لا يمكن. ولكن الملك سبحانه وتعالى خلق سبع سماوات ما فيش زرة منها خرجت عن سيطرته - 00:04:53ضَ

وانت زرة في ملك الله. وانت زرة في ملك الله. اوعى حد منكم يفتكر ان فيه اي امر من امور حياته خارج عن سيطرة الملك سبحانه وتعالى. يعني يعني قلقانين ليه؟ قلقانين ليه يا جماعة؟ يا جماعة احد احد السلف كان فيه فترة من الفترات - 00:05:13ضَ

وكان فيه جدب شديد جدا على على على هزه البلد في هزا الوقت. والناس ماشية تعبانة وقلقانة ومخنوقة. فالراجل ماشي من شدة بقى الكرب لقى غلام قعد يلعب ويضحك. فالراجل استغرب قال له يا غلام الناس في هذا الكرب وانت تضحك - 00:05:29ضَ

وقال له ان لي سيد يملك حديقتين انا سيدي راجل غني. عنده حديقتين ما خافش من الفقر اللي الناس خايفة منه. فقال هذا الرجل هذا الرجل المبارك له سيد تملك حديقتين ولا يحزن - 00:05:47ضَ

ولي رب يملك خزائن السماوات والارض ثم احزن. سبحان الله! هو ده الكلام اللي انا عايز اقوله لكم دلوقتي يا جماعة. عايزين نتكلم عن كنوز كنوز الناس ناسياها ولو الكنوز دي افتكرناها واكتشفناها جميع مشاكل حياتنا هتتحل خدوا بالكم والله العزيم. عارفين السعودية قبل البترول وبعد - 00:06:05ضَ

بترول اكتشفوا كنز ربنا فتح لهم كنز في الارض. قلب حياتهم. انا دلوقتي جاي اكن لكم اكلمكم عن كنوز. لو اكتشفتوها في حياتكم هتقلب حياتكم. هتغير الكنوز عارفين القصر القصر اللي مساحته الفين متر - 00:06:25ضَ

مفتاحه قد كده هو مشاكل حياتكم الضخمة الكبيرة الواسعة مفتاح حلها قد كده هو بس نعرفه. بس نكتشف الكنوز اللي هتفتح لنا جميع مشاكل حياتنا. يا اخواننا انا الوقتي ممكن اكون واحد قاعد جنبي على الترابيزة شيك بمليون دولار. انا ما اعرفش ايه ده! ما اناش عارف قيمته. فتيجي خاطرة كده في صدري اقوم كاتبها على الشيك او حاجة عايز افتكرها. اكتبها - 00:06:40ضَ

هو اكتب عليها آآ بعد كده خلصت الحاجة وخلصت الموضوع اقوم شايله ومطبقه راميه في الزبالة. ييجي واحد بعد كده يقول لي انت عارف الورقة اللي كانت جنبك دي كانت - 00:07:02ضَ

بمليون دولار وكان ممكن يحل لك كل مشاكل حياتك. اعمل انا ايه ساعتها يا جماعة مش عايزين نندم. بالله عليكم بالله عليكم مش عايزين نندم. بالله عليكم عايزين نفهمها صح. يا جماعة ده التلاتة دخلوا الصخرة اتقفلت عليهم - 00:07:12ضَ

التلاتة لما اتقفلت عليهم الصخرة لما كنت في السعودية بحج السنة دي بفضل الله. فكنت امشي في في الطرق اللي عاملينها وسط الجبال. ابص للجبال على يميني وعن شمالي وفوقي اقول يا ربي انا لو اتقفلت علي صخرة زي دي في المكان ده اطلع ازاي؟ شوفوا التلاتة ما ضيعوش وقت ما ضيعوش عمرهم ما بزلوش مجهود على الفاضي - 00:07:28ضَ

التلاتة قالوا ايه؟ فقال بعضهم لبعض اسمع الكلمة دي بقلبك نوصل ازاي لحل مشاكلنا من اولها من غير ما نضيع وقتنا. عايزين نتكلم عن الكنوز. هديكم اول كنز. اول كنز اسمعوه معي. واكتبوه - 00:07:48ضَ

في الاوضة في الاوضة بتاعتك والاوضة بتاعتك. وعلقوا في قلبك. اول كنز بديه لك كلا ان معي ربي سيهدين. الله اه تخيلوا كده ربنا بيقول فلما تراءى الجمعان جيش فرعون جاي على جيش سيدنا موسى وسيدنا موسى الجيش بتاعه قدامه البحر وجيش فرعون بيقرب وجاي بالسيوف - 00:08:22ضَ

السيوف بتلمع في ضوء الشمس اللي بدأت تطلع وجيش فرعون منطلق بالخيول بتاعته وجنود اشداء وجيش سيدنا موسى كله قال انا لمدركون هل اتدبح البحر ده كله هيبقى لونه احمر الوقتي. تتخيل طلاء الجمعان! يعني جه سيدنا موسى شاف كل الجيش بتاع فرعون! يعني بقوا قريبين من بعض جدا! وبيقربوا! وبيقربوا - 00:08:42ضَ

قربوا والجيش بتاع سيدنا موسى يأس كله قال انا لمدركون راجل واحد. وقف في وسط الازمة دي وسبت الجيش كله. كان هو سيدنا موسى قال كلا ده لا يمكن يحصل ابدا ومعي ربي. ربي مولاي معي واذى ينالني ان معي ربي. انت كمان - 00:09:02ضَ

وانت لو ربنا معك لو بحر الهموم قدامك وجيش الابتلاءات جاي بيهجم عليك هتقول ان معي ربي ربنا هيشق لك البحر. اي والله لما كان مع موسى شق له البحر ولو معك يشق لك البحر. بس يبقى معي ربي ازاي - 00:09:22ضَ

وانت مش محجبة يبقى معي رب ازاي وانا ما بغضش بصري يبقى معي ربي ازاي ؟ وانا ما بصليش في الجامع. يبقى معي رب ازاي ؟ وانا مش معه. عايز ربنا يبقى معك خليك معه - 00:09:41ضَ

عايزين نقلب على الكنز التاني نص الكنوز كتير القرآن والسنة دول كلهم كنوز. الكنز التاني لولا ان تداركه نعمة من ربه ربنا بيقول لولا ان ربنا تدارك سيدنا يونس كان سيدنا يونس حالك من غير ربنا. انا باقولها لكم الوقتي يا جماعة. كل واحد مننا بيعدي بمواقف حرجة - 00:09:56ضَ

لو ما فيش انقاز جه من ربنا في لحزتها هتهلك. الليلة دي لو ما جاش فرج هتبقى كارسة بكرة هتحصل كانت عدت التلاتين والواحد وتلاتين والاتنين وتلاتين وما كانتش هتتجوز لولا ان تداركه نعمة من ربه. كان خلاص سقط سنة والتانية - 00:10:16ضَ

والتالتة خلاص لو سقط المادة اللي جاية دهيت هيترفد من الكلية ويترفد من التعليم. لولا ان تداركه نعمة من ربه. ياه احد الشباب كان معاد احد الشباب الصالح. معدي في الشارع فلقى شاب راكب بعربية كده ومشغل الكاسيت طبعا صوت عالي جدا وقعد يعاكس بنات في الشارع. طبعا المنزر ده احنا بنشوفه. مين فينا بيحاول - 00:10:37ضَ

مين فينا بيجي في قلبه الرحمة على مسل هؤلاء الشباب؟ يا جماعة ده لو واحد مننا شاف قطة ولع فيها النار قلبه بيتقطع. بني ادم لو عصى الله ممكن حكيم ارجو جهنم ازاي ما نرحموش؟ فالشاب قعد يفكر اروح ما اروحش اروح ما اروحش. في الاخر قرر انا هاروح - 00:10:59ضَ

راح كلمه ودايما احنا بنفتكر ان الناس وحشة وبعيدة وما فيش فيها فايدة وهم فيهم خير كتير قوي والله يا جماعة قوي قوي فاول ما كلمه الشاب اتأسر بكلامه جدا وحابه جدا قال له طب طب طب اديني نمرتك طب انا نفسي اتوب قعد معه وفاهمه يبدأ ازاي اول خطوة لربنا سبحانه وتعالى في طريق - 00:11:17ضَ

ربنا قعد معه وفهمه وعلمه الشاب حبه قال له طب لو سمحت خد عنواني ويا ريت تزورني. قال له طب يا حبيب قلبي ازورك. خد العنوان وصاحبنا الملتزم نسى الموضوع اسبوع كامل لغاية ما افتكر العنوان. فانا اما اروح ازور - 00:11:35ضَ

راح يزوره بيخبط على الباب لقى ابو هزا الشاب طالع والحزن على وجهه. قال له لو سمحت فلان موجود قال له للاسف يا ابني فلان مات انت مين؟ قال له انا فلان. قال له انت اللي ربنا انقز ابني على ايديك قبل ما يموت باسبوع واحد! ابني ما كانش بيصلي. ما صلاش - 00:11:50ضَ

غير لما اقابلك لولا ان تداركه نعمة من ربه. البنت اللي صاحبتها قالت لها تعالي معي درس عن الحجاب. تعالي معي درس في المسجد. البت مش محجبة غلبانة غلبانة ما تعرفش ممكن ربنا يعاملها معاملة شكلها ايه لو ماتت على هذه المعصية. فالبنت قلبها رق راحت الجامع الخطبة عن الحجاب سمعت - 00:12:11ضَ

الكلام اتأسرت. انا لازم البس الحجاب الوقتي. ما رضتش تخرج من الجامع الا وهي لابسة الحجاب. خرجت على باب الجامع. كان الاجل يا جماعة. فاصابها حادث طيارة السيارة ماتت لولا ان تداركها نعمة من ربها كان ساعة هتموت على المعصية دي. ساعة تموت عليه! يا جماعة احنا احنا عايزين نقول له انجدنا يا رب. عايزين نقول له الحقنا يا رب - 00:12:31ضَ

عايزين نقول له اغثنا يا رب. عايزين نعرف ان لو النار قدامنا اهي مولعة. والمشركين ماسكين سيدنا ابراهيم المشركين ماسكينه. والنار مولعة الطير بيعدي من فوق هيسقط من شدة حرارتها في النار. وهو واثق ان ربنا مش هيسيبه. عايز ربنا ما يسيبكشي؟ خليك مع ربنا لها تمن - 00:12:53ضَ

بقى انا الوقتي باكلمكم عن ملك. ملك عزيم. واحد يقول الله! ده هو بيكلمنا عن ملك قدرته كبيرة قوي ويقدر يحل لنا كل مشاكل حياتنا. الحمد لله اما اروح انام بقى تنام ايه يا حبيبي؟ انا كلمتك عن ملك يقدر يحل لك كل مشاكل حياتك - 00:13:13ضَ

اجري عليه قم انطلق اليه. كسر كل حاجز بينك وبينه. يا جماعة ده الراجل قاتل المئة لما راح للعالم قال له انا عايز اتوب. قال له اذهب الى الارض الفلانية ارض ارض بني فلان لان فيها قوم يعبدون الله. الراجل عمل ايه؟ انطلق انطلق انطلق. اخيرا ربنا فتح لي باب توبة. اخيرا - 00:13:29ضَ

دي فرصة يبقى في علاقة عبادة وعبودية بيني وبينك يا مولاي انطلق وهو في الطريق نزل ملك الموت. الراجل وقع على الارض وملك بينزع روحه من صدره. بس هو مش قادر يتخيل ان هو يموت قبل ما يوصل لربنا. بدأ ينزح بصدره تجاه ارض الطاعة. بقى بيزحف على صدره - 00:13:50ضَ

وملك الموت بينزع روحه من جسمه وهو بيزحف على صدره. تخيلوا المنزر! انتم متخيلين! متصورين واحد قد ايه شوقه الى الله ان الملك الموت بيخرج روحه وهو بيزحف ويزحف لغاية ما مات - 00:14:10ضَ

وهو بيزحف لربنا مات وهو بيزحف لربنا يا جماعة مش عايزين حاجة تعطلنا عن ربنا ابدا الكنز التالت اللي عايز اقوله لكم والكنز ده يعني ممكن يفيد ناس كتير اوي منكم يبسط ناس كتير منكم. الكنز التالت ما من - 00:14:26ضَ

الا هو اخذ بناصيتها. يعني ايه؟ يا اختي في الله. انت فاكرة ان جوزك لما اتقدم لك وعجبتيه واتجوزك ده لانك اجمل واحدة شافها؟ لا والله. ده شاف معك ميت واحدة. وممكن اجمل منك. انت عارفة هو اتجوزك ليه؟ لان - 00:14:45ضَ

ان ربنا الملك اخز بناصيته اليك انت يبقى البنت اللي قاعدة قدامي الوقتي زعلانة من جوزها. او جوزها زعلان منها. وفيه خلافات في العلاقات الزوجية ما بينهم. عايزة جوزك يرجع لك - 00:15:05ضَ

التلت الاخير من الليل. اه والله يا جماعة. التلت الاخير من الليل. قولي له يا رب هاته لي يا رب يجيبه لك بس آآ اوعي يعرف انك هتقولي يا رب هاته لي. احسن هو كمان يفهم بقى ويصحى في التلت الاخير من الليل يقول يا رب انا مش عايزها يا رب تبقى تبقى مشكلة - 00:15:18ضَ

كبيرة فاحنا عايزين في السر كده هتقول يا رب ازكر ان انا كنت في احد المواد وكانت مادة يعني مادة جراحية يعني وكانت مادة صعبة والدكاترة بتوعها صعبين فليلة امتحان الشفوي كانت بصراحة الدكاترة صعبين وكانت مجزرة - 00:15:34ضَ

قعد جنب اتنين كده مستنيين الدور كل واحد بيدخل كده ايه يعني يدخل ياخد اللي ربنا قسمه له ويخرج يعني في مكان مغلق كده ما حدش عارف ايه اللي جواه - 00:15:49ضَ

فيدخل يتعرض على دكتورين يسألوه اسئلة الشفوي يدي له مسلا الصفر المحترم او يدوا له ايا ما كان الدرجة بقى اللي ايه اللي نصيبه فيها. فانا قاعد جمبهم كده يعني فلقيت واحد بيقول انا مرعوب احسن ادخل في لفلان ده بيدي صفار. واحد يقول وانا مرعوب احسن ادخل لفلان. ده صعب جدا - 00:15:59ضَ

فقلت لهم يا جماعة هو فلان نصيته بايد مين قالوا الله. قلت لهم طب وفلان نصيته بايد مين ؟ الله. قلت لهم طب قولوا يا رب يأخز بناصية فلان وفلان اليكم يسألكم اسئلة سهلة ويديكم - 00:16:16ضَ

درجات عالية ممكن ياخد بنصيتهم عنكم. يسألوكم اسئلة صعبة ويدوكم درجات وحشة. فالاتنين يعني ايه يبدو ان هم يعني في الفترة دي ما يستوعبوش هزا الموضوع. دخلت لله ساعتها الاسهل اتنين في اللجنة كلها. وخدت بفضل الله درجات يعني الواحد ما كانش يتخلى في هزا الامتحان. الثقة في الله يا جماعة. اما تثق فيه هيديك والله. هيفتح عليك والله. اما - 00:16:30ضَ

اما تجعل همك هو الله يكفيك هم كل شيء. اقبلوا عليه حطموا كل حاجز بينكم وبينه ثقوا فيه. اقفوا على بابه. اتمرغوا على اعتابه. عايزين يا جماعة نقول ما من دابة الا هو اخذ بناصيتها. عايز مراتك تحبك - 00:16:50ضَ

قل له يا رب هاتها لي. عايزة جوزك يرجع لك قولي له يا رب هاته لي. عايز دكتور الشفوي ربنا يحنن قلبه عليك. عايز بتاع الانترفيو وانت داخل عشان المقابلة في الشركة ربنا - 00:17:09ضَ

قلبه عليك قل يا رب خز بناصيته الي يا رب. هنقول يا جماعة الكنز الرابع وده كنز جميل اوي اوي الكنز الرابع كنز اسمعوا معي يا جماعة فان تولوا فقل حسبي الله - 00:17:19ضَ

لو كل الناس سابتك. لو كل الناس سابتك. لو ما حدش حد معك قل حسبي الله. انا ما ليش غيرك يا رب. خليك معي يا رب. يا جماعة حسبي الله - 00:17:38ضَ

بس يا ناس ده سيدنا ابراهيم قالها حسبي الله ونعم الوكيل وهو داخل النار ما فيش ضافر في صابع من صوابعه اتحرق سيدنا ابراهيم قالها وهو داخل النار ما فيش شعرة في جسمه اتحرقت. ده سيدنا ابراهيم قال هو داخل النار ما فيش حتة في جسمه احمرت. حسبي الله - 00:17:48ضَ

الكلمة دي والله لو قلبك دخل فيه اليقين بقدرة الله قلبك هيتزلزل وانت بتقولها لربنا. يا جماعة يا اصحاب الابتلاءات يا اصحاب المشاكل يا ايتها الام الفاضلة اللي قاعدة قدامي الوقتي لك بنت كبرت اوي وخايفة ما تتجوزش ولك ابن لسه اتخرج بقى له خمس سنين وما اشتغلش - 00:18:08ضَ

ولك بنت تانية كل يوم في مشكلة مع جوزها وجاية غضبانة عنك. يا ايها الاب اللي زعلان عشان ولاده ما بيعملوهوش كويس. يا حبيبي يا اللي بتسقط في الكلية وعايز تخلصها - 00:18:28ضَ

يا حبيب قلبي يا اللي عايز شغلانة. يا اختي في الله يا اللي عايزة عريس. يا اخي يا ابي في الله. يا اللي عندك سكر ولا عندك ضغط ولا عندك فشل عندك اي مرض - 00:18:38ضَ

ونفسك ربنا يشفيك. شفاء تام وعافية تامة في جسمك. يا جماعة خذوا يقين ابراهيم تنبت لكم في النار جنات النعيم خذوا يقين ابراهيم تنبت لكم في السكر والضغط والفشل الكلوي جنات النعيم. خذوا يقين ابراهيم تنبت لكم في العنوسة والبطالة - 00:18:48ضَ

الفقر جنات النعيم. خذوا يقين ابراهيم يا امة الاسلام. ينبت لكم وسط الاسلحة النووية والبيولوجية بتاعة امريكا واليهود جنات النعيم. يا جماعة الكنز ده اوعوا تضيعوه في حياتكم. ده كنز عظيم اوي. هيفرق معكم اوي في حياتكم والله العزيم. لو تمسكتم بالكنز ده انتم مصدقين يا جماعة. انا ممكن اجي - 00:19:08ضَ

واحد الوقتي انت مالك انا تعبان ومريض طيب يعني ربنا قل يا رب قل يا رب ارفع له ايديك فيبدأ يبص لك كده وهو يعني مش عارف مش مصدق مش مثواب الله اعلم يعني. هو عامل زي واحد آآ يعني مش زي آآ مش زيكم طبعا يعني ربنا يبارك فينا جميعا - 00:19:28ضَ

فبيقول انا رخصتي اتسحبت مني وفي المرور وعايز حد يجبها لي. طب يا حبيب قلبي ده انا عندي قريبي وزير. اكلمه لك يجيبها لك. وزير! يعني اعرف يجيب لي الرخصة يعني! ده وزير يا حبيبي وزير وزير! يعني يعرف يجيبها! ده رخصة مرور! رخصة مرور يعرف الوزير يجيبها لي! ده وزير يا حبيبي - 00:19:45ضَ

يا جماعة ده الملك يا جماعة ده ربنا يا جماعة ده العزيم ده المهيمن ده القيوم. ايه المشكلة اللي في حياتك ما يقدرش يحلها لك. ايه؟ يعني انا اسف الواحد يعني يعني - 00:20:06ضَ

اما بيقابل بعض الاخوة بيحصل بينه وبينهم حكايات جميلة والله. احد يعني انا عايز اقول الحكاية دي عشان اقول لكم ايه. انت واسط؟ انت واسقة انه يقدر يحل لك مشاكلك - 00:20:19ضَ

انت واسقة انه يقدر يجيب لك عريس؟ واسقة وعريس يرضيكي ويحبك ويعيشك ملكة في الدنيا. انت واسق انه يقدر يحل ازمة الفقر اللي عندك. انتم واسقين فيه انتم واسقين انه يقدر يحل لنا مشاكلنا - 00:20:30ضَ

فيعني صاحبي كان قاعد معي كده فحسيت ان هو تعبان وعينيه شكلها مرهق ومجهد فبقول له مالك يا حبيب قلبي فيه ايه ؟ فيعني هو عنده ضغط فقلت له مستني هطلع اجيب جهاز الضغط اسمك اسلك الضغط واشوف احوالك ايه - 00:20:44ضَ

يعني بقيس له الضغط فلقيت ان آآ عالي فقلت له والله ضغطك كزا يعني. فزعل قوي قال لي ياه دا دا عالي يعني يعني هو كان نفسه ان الضغط يطلع واطي شوية عن كده. فصعب علي فحاجة بسيطة كده قلت له طب اقيس لك تاني - 00:20:58ضَ

قال لي يعني يعني ما تتعبش نفسك قلت له لأ معلش عايز لك تاني فبقى قيس له الضغط تاني فلقيته سكت كده وغمض عينيه. انا ما اعرفش هو بيعمل ايه. بس حسيت ان هو يعني ايه يعني قاعد بطريقة غريبة كده - 00:21:14ضَ

فبقى قيس له الضغط لقيت الضغط بتاعه زي ما بيقول الكتاب. بالزبط مزبوط مزبوط تماما انا وقفت كده مش عارف اعمل ايه. فبيقول لي في ايه ؟ باقول له في واحد مننا احنا التلاتة غلط - 00:21:27ضَ

ياما يا يا الجاز فقال لي انت عارف انا من ساعتها لغاية دلوقتي قاعد اقول ايه؟ قلت له بتقول ايه؟ قال لي بقول الا بذكر الله تطمئن القلوب. قلت ما شاء الله! سبحان الله! قال لي هو ذكر الله ربنا ما يقدرش يشفي الضغط! قلت له ده يشفي الضغط. ويشفي السكر ويشفي السرطان! هو شفاء - 00:21:40ضَ

البرد اسهل عند ربنا من شفاء السرطان. سبحان الله! تخيل كده! انك داخل مصلحة حكومية المدير بتاع ابوك! تخاف ان فيه اي موزف يوقفك اي مصلحة؟ طب تخيل ولله المسل الاعلى انك ماشي في الدنيا ربك متولي امرك. مش عايزين يا جماعة عايزين عايزك تعرف. مين حبيبك؟ ومين طبيبك - 00:22:03ضَ

مين وكيلك؟ ومين ولي امرك؟ الطفل في المدرسة يقولوا له يا ابني لما يزعلوا منه هات ولي امرك. لما يحصل اي حاجة هات ولي امرك. انت مين ولي امرك؟ مين ولي امرك - 00:22:23ضَ

لما تحصل لك اي مشكلة هتجري عليه. مين اول واحد لما هتفرح هتجري عليه؟ مين اول واحد لما هتزعل هتجري عليه؟ صاحبك ولا ربنا؟ مين اول واحد لما يجي لك اي هم هتجري وتشتكي له. مين اللي لما بيتنزل في التلت الاخير من الليل بتقف بين ايديه؟ تقول له انا حبي لك يا مولاي خلاني مش ممكن ابدا - 00:22:33ضَ

في الوقت ده وما اقولكش يا رب. يا جماعة يا جماعة ده انا لو نازل الوقتي مسلا القاهرة انا بلدي مسلا منصورة مسلا ونازل القاهرة انا لي تلاتة حبايب في القاهرة - 00:22:53ضَ

بهم. يا حبيب قلبي انا عايز اشوفك بمناسبة ان انا نازل يعني ايه ؟ ما انا ما بنزلش كل يوم. وانت يا حبيبي وانت يا حبيبي. انا لما بنزل يا جماعة بلا السفر عايز اشوف حبايبي. حبايبي نفسي اشوف - 00:23:03ضَ

بفرصة ان انا نازل. ولله المثل الاعلى. الملك لما هيتنزل للارض هيقوم مين بين ايديه اللي بيحبهم لو بيحبك هيقومك في التلت الاخير. عايزين ربنا يحبنا. اللهم احبنا يا رب. اللهم احبنا يا رب. يبقى كنا بنقول فان تولوا فقل حسبي الله - 00:23:13ضَ

الله يقدر يقدر يهديك. يقدر كنت في في الحج الحجة اللي فاتت والخطيب على في على الجمعة على المنبر بيدعي اللهم اسقنا في السعودية في الحرم المدني اللهم اسقنا اللهم اسقنا اللهم اغثنا واحنا بنقول امين. والله العزيم يا جماعة - 00:23:33ضَ

صلاة الجمعة خلصت خارج من المسجد على الباب. الدنيا شتت. الدنيا شتت بقينا هنتغرق. هدومنا اتبلت ادوني قلت سبحانك يا رب. فبقول صاحبي قال لي يا اخي ده انا بنفسي. كنت باصلي في الحرم ورا الشريم والسديس. صلاة استسقاء والله العزيم. واحنا بنصلي الشتا - 00:23:51ضَ

نزل علينا يقدر ولا ما يقدرش؟ يقدر يقدر والله العظيم يا جماعة. يبقى فان تولوا فقل ايه؟ حسبي الله واحنا جايين في السفر الوقتي. جايين القاهرة بنقول في دعاء السفر فبنقول اللهم انت الصاحب في السفر. والخليفة في الاهل - 00:24:11ضَ

الطلب ده لو انا طلبته من واحد من اهل الدنيا هيقال علي الراجل ده يعني يبدو ان ايه يعني عقليته حصل فيها حاجة. ليه؟ انا بقول لواحد خليك معي في السفر - 00:24:28ضَ

ما تسبنيش في السفر وخليك مع اهلي وخليك مع امي وخليك مع اختي وخليك مع زوجتي وخليك مع بنتي. خليك معهم في السفر اهتم بهم وما تسيبهمش فواحد يقول لي ازاي ابقى معك في السفر وابقى معهم في بلدهم ازاي ما يقدرش. انما الله يقدر - 00:24:38ضَ

انما الله قادر انه يبقى معك في السفر. ويبقى مع اهلك في بيتهم وفي بلدهم. الله يقدر يا جماعة. عشان كده عايزين نفرح به عايزين نفرح بربنا. عايزين نفرح ان هو ربنا. عايزين نفرح تخيلوا لو فيه عشرة عبيد. العشرة في السوق كل واحد اتباع لسيد شكلي - 00:24:54ضَ

تاني يوم اتقابلم فكل واحد منهم بقى بيتكلم عاللي حصل. كل واحد منهم هيفتخر بايه وهيفرح بايه؟ الغنى اللي فيه سيده. كل واحد واحد هيقول ده انا سيدي جدا ده انا سيدي مش عارف مركزه كبير جدا. اكتر واحد هيفرح فيهم مين ؟ - 00:25:12ضَ

اللي سيده اغنى واحد فيهم واعلى مركز فيهم هيقول انتم عارفين سيدي؟ ده فلان الفلاني. انتم عارفين القصر الفلاني ده بتاعه. عارفين الشارع الفلاني ده بتاعه. عارفين الارض الفلانية دي بتاعته عارفين عارفين عارفين دول كل كل ده بتاعه - 00:25:27ضَ

هيبقى فرحان. انت فرحان ان ربك قادر اوي قوي قوي قدير اوي يا جماعة يا جماعة احنا قدرنا العربيات حق قدرها وقدرنا العمارات حق قدرها. وقدرنا الموبايلات حق قدرها. بس ما قدرناش الله حق قدره - 00:25:43ضَ

يا اخوانا يا اختي في الله. يا جماعة احنا لو خرجنا من الدنيا ما قدرناش العربيات مش مشكلة. لو خرجنا من الدنيا ما قدرناش العمارات مش مشكلة ولكن لو خرجنا من الدنيا ما قدرناش الملك حق قدره مصيبة. كارسة والله العزيم. يبقى احنا عايزين نعرف عايزين نعرف ربنا عزيم قد ايه. يبقى الكنز ده - 00:26:01ضَ

ها قلنا ايه فان تولوا فقل حسبي الله. الله اكبر الكنز اللي بعد كده الكنز اللي بعد كده قول الله سبحانه وتعالى ان رحمة الله الله. كلمة رحمة الله دي كده تنزل على قلبك كده بتعمل ايه؟ بلسم. بلسم يشفيك. ان رحمة الله قريب - 00:26:21ضَ

من المحسنين ياه يعني اما تشوف كده يعني يعني اتنين قاعدين في نفس المشكلة وفي نفس الهم. ده يعني اتنين عيانين. جنب بعض في سريرين جنب بعض في قسم جنب بعض عندهم نفس المرض بنفس المضاعفات - 00:26:45ضَ

وتلاقي ده قاعد تيجي تشك شكة يا دكتور انا تعبان انا ما عدتش قادر استحمل انا ياه استغفر الله العزيم يا رب استغفر الله العزيم يا رب ايه بس احنا نضحك على ربنا يا راجل يا طيب. يا راجل قل الحمد لله. واللي جنبه على طول. اي حقنة ياخدها. اي قرص دواء اي دواء مر. اي محلول يتعلق له - 00:27:03ضَ

اللهم لك الحمد والشكر يا رب. يا رب احمدك واشكر فضلك العظيم يا رب. تحس ان انت بتبص للتاني كده قلبك في السما وانت بتبص له والله. يا جماعة ان رحمة الله قريب من المحسنين - 00:27:23ضَ

احد الناس اصيب بمرض اكتشف يعني اكتشفوا يعني ايه ربنا قدر ان هو يكتشفه. ان في شريان في مخه القصة دي واقعية حصلت ان في شريان في مخه ممكن يفتح في اي لحزة ما هواش متوصل يعني ممكن الشريان يفتح في اي لحزة ولو فتح في المخ هينزف دم ولا - 00:27:33ضَ

بالله في الدماغ هيموت على طول. هيموت بنزيف داخلي. ولازم يعمل عملية خطيرة جدا في المخ. هيتفتح فيها جزء من نسيج المخ لغاية ما يتوصل للشريان الشريان العملية دي قالوا له دي مش في مصر. دي برة لازم تسافر برة - 00:27:54ضَ

والوف مؤلفة فالراجل يعني يعني يعمل ايه؟ هيعمل ايه؟ فقال يعني يا رب لو شافتني لو العملية دي نجحت انا هاطلع لك المبلغ الفلاني لله يا رب فندر الندر ده ونزل يصلي الجمعة في المسجد. فبيقول نزلت اصلي الجمعة في المسجد - 00:28:09ضَ

فلقيت خطيب الجمعة بيتكلم عن الصدقة بيتكلم عن الصدقة وعن الشفاء فالراجل بيقول قلت ايه ده؟ انا بعامل ربنا كده ازاي؟ انا مش هطلع الفلوس لو شفاني انا هاطلع الفلوس قبل ما اعمل العملية. طلع الفلوس قبل ما يعمل العملية. وسافر يعمل العملية - 00:28:27ضَ

ودخل يعمل العملية وخرج من العملية بعد ما فاق لقى الدكتور داخل عليه بيقول له ايه ده ؟ الدكتور الاجنبي بيقول له بالاجنبي بقى. بيقول له دي اسهل عملية عملتها في حياتي كلها. بيقولوا العملية ما خدتش - 00:28:45ضَ

انا فتحت بس كده ما لمستش المخ. لقيت الشريان في وشي قفلته وقمت قافل تاني. انا عمري ما شفت في حياتي عملية اولى دهي عمليات المخ والاعصاب بتاخد اتناشر ساعة واربعتاشر ساعة. العملية دي خدت سواني - 00:28:59ضَ

ليه يا جماعة؟ ليه؟ عشان ربنا يبقى اذا انا اقول لكم كلمة واحدة بس. ايه تحت في الارض مراكز التسليم وفوق في السما منابع التقسيم. خل قلبك مع منابع التقسيم واوعى يبقى قلبك مع مراكز التسليم. خليه فوق - 00:29:15ضَ

مع الملك مع منابع التقسيم عشان ربنا يقسم لنا جميعا اوفر حظ بازن الله ومع فاصل اترككم مع الاستغفار حتى نلتقي مرة اخرى السلام عليكم ورحمة الله وبركاته مرة تانية بفضل الله مع بعض - 00:29:35ضَ

وربنا يجمعنا مع رسول الله صلى الله عليه وسلم في الجنة يا رب ومرة تانية بسلم على امي. ربنا يبارك فيها يا رب ويرزقنا جميعا باب بر الوالدين في الجنة. اللهم امين. يا جماعة احنا بنتكلم عن مين؟ عن ربنا. عن ربنا. قبل ما نكمل كلامنا عايزين بس - 00:30:04ضَ

نفتكر بنتكلم عن مين ؟ الرسول وصف ربنا بكلمة. الكلمة دي وقفت قدامها وصف ربنا قال سحاء الليل والنهار فقلت الكلمة دي يعني ايه ففتحت القاموس اشوف يعني ايه سحاق؟ يعني ايه سحاء؟ ففتحت لسان العرب فلقيت كلمة السيل الساحية اللي هي المطر لما يزيد ويبقى - 00:30:24ضَ

ويجري في كل حاجة في طريقه فقلت سبحانك يا رب! ربنا يمين الملك ولله المثل الاعلى ايدين الملك نازل منها الخير فيا ضنات! سحاء الليل والنهار الخير نازل من ايديه فيضانات ليل ونهار. ان رأيتم ما انفق منذ خلق السماوات والارض؟ شفتم كل اللي اداني الملايكة في السماوات - 00:30:45ضَ

وكل اللي اداه للبشر من اول سيدنا ادم ليوم القيامة. وكل الخير اللي نزله في الكون الواسعة دهو كله كل ده زي ما عصفور كل فيضانات خير المهولة دهي اللي نازلة سحاء الليل والنهار من خزائن الملك كل ده. زي ما عصفور ينقر نقرة في المحيط الاطلنطي - 00:31:09ضَ

ينقص ايه من المحيط الاطلنطي ده غنى ربك. ربك هو ده غناه سبحان الملك ولا نحصي ثناء عليه ربنا غني اوي يا جماعة. زعلانين ليه؟ انت خايف ما يديكش رزق - 00:31:28ضَ

انت خايفة اضيقها عليك ليه ؟ خزاين ربنا مليانة عرايس يا اختي في الله. خزاين ربنا مليانة ولاد يا اختي يا اللي متجوزة بقى لك خمس سنين وانا لسة ما خلفتيش. خزاين - 00:31:41ضَ

مليانة فلوس يا اللي عايز فلوس. خزاين ربنا مليانة عافية يا مريض يا اللي نفسك في العافية. خزاين ربنا مليانة راحة بال يا مكتئب يا حزين يا خزاينه مليانة بس انتم اجروا عليه وقفوا على بابه. اقفوا على بابه في التلت الاخير من الليل قولوا له يا رب وقفنا على بابك وما لناش غيرك - 00:31:51ضَ

خلاص احنا على الباب ده حتى نلقاك يا رب. الكنز اللي بعد كده ليس لها من دون الله كاشفة. الله! ما لهاش حل غيره انسى ان لها حل غيره ليس لها من دون الله كاشفة. اه والله. انسوا يا جماعة. يا جماعة ده الرسول عليه الصلاة والسلام كان مرة الجيش يعني بتاع المسلمين يعني كل واحد نام فيه في وقت نوم يعني. والرسول شاف - 00:32:11ضَ

شجرة ونام لوحده. فالرسول صحى على واحد ماسك سيف رفعه وبيقول له يا محمد من المشركين. من يمنعك مني؟ فقال رسول الله الله فسقط السيف من ريد الرجل انت لو شبح السقوط - 00:32:36ضَ

ليلة الامتحان وباقي خمس ساعات على الامتحان ولسه مش لاحق تزاكر او مش لاحق تراجع او مش لاحق تقرا وما انتاش عارف تزاكر ايه وبقيت خايف ادخل امتحان اعمل ايه وشبح السقوط رفع سيفه عليك وقال لك من يمنعك مني؟ قل الله يمنعني - 00:32:55ضَ

لو انت كبرت وبقى عندك تلاتين خمسة وتلاتين سنة وشبح العنوسة رفع السيف وقال لك من يمنعك مني؟ قولي له الله لو انت يا حبيب قلبي يا اللي عايز تلتزم وانت يا اختي ياللي عايزة تتوبي وتلتزمي شبح جيش الفتن والمغريات والبنات المتبرجة والنوادي واحوال - 00:33:12ضَ

بتاعتنا ليلة الخميس والعياذ بالله والمعاصي وقافشات السينماءات والفضائيات والصور اللي في كل مكان رفعت السيف عليك وعليك قالت لك من يمنعك مني؟ قوله الله الله يمنعنا. اه والله يا جماعة. الله - 00:33:30ضَ

ليس لها من دون الله كاشفة. قل له جاي لك يا رب اتيتك اتيتك اعلن ذلي وفقري اتيتك انت حبيبي وربي وانت محير قلبي وفكري اطير اليك سفينة شوق يدافعها الموج في كل بحر - 00:33:49ضَ

اطير اليك هزاره يام واجري وحول العواصف تجري فكن لي هداي وكن لي منايا وكن لي رجايا وزادي وذخري اتيتك اتيتك اتيتك اعلن ذلي وفقري ليس لها من دون الله كاشفة. انسى ما لهاش غير ربنا - 00:34:12ضَ

اي سكة تانية مش هتوصل منها للي انت عايزه. الا سكة ربنا. شوفوا سيدنا يونس يا جماعة. سيدنا يونس لما قال يا رب كلمة يا رب نزل بها من خزاين الملك اعظم من اللي نزل - 00:34:39ضَ

من خزائن ملوك الدنيا كلها. من اول ما سيدنا ادم نزل الارض. كلمة يا رب دي هو ايه اللي دق ابواب السماء؟ واستنزل الوف الملايكة في غزوة بدر غير كلمة يا رب لما طلعت من اعماق سيدنا محمد. هو ايه اللي ضيع حرارة النار على ابراهيم؟ غير كلمة يا رب لما طلعت من - 00:34:49ضَ

عمق ابراهيم هو ايه اللي شق البحر لموسى وخلى الماية واقفة صفين زي الحجارة زي الجبل. غير كلمة يا رب لما طلعت من اعماق قلب بموسى شايفين سيدنا يونس ركب السفينة. والسفينة بتبعت بتبعد بتغوط في البحر اكتر واكتر واكتر - 00:35:09ضَ

وفجأة في وسط البحر يرموا سيدنا يونس وسيبوه والسفينة تبعد والناس تبعد ويبقى لوحده. لما الناس كلها تتخلى عنك. لما الناس كلها تسيبك. لما كل الابواب تتقفل في وشك لما ما عدش حد واقف جنبك. وفوق كل ده الهموم تقوم هجمة كمان. ويقوم جاي الحوت بلع سيدنا يونس. فيه منزر مأساوي اكتر من كده - 00:35:29ضَ

حد من اللي قاعدين يتفرجوا علي دلوقتي واللي سامعيني الوقتي عنده مشكلة اكبر من المشكلة دي اول ما قال كلمة يا رب. اول ما التوجه الى الله حصل. كل حاجة اتقلبت. الحوت تحول الى غواصة بحرية في نزهة - 00:35:53ضَ

جميلة تنقله لغاية الشط. والبحر تحول الى نزهة خلوية سيدنا يونس عليه الصلاة والسلام بيتنزه في البحر. والليل زال والارض امرت فانبتت شجرة يقطين. والميت الف رجل اللي قلوبهم جاحدة ومقفولة من قومه. ربنا فتح لهم قلوبهم للهداية - 00:36:09ضَ

متقبلوا الهداية واسلموا. كل الكائنات المرعبة المخيفة في الكون تحولت الى جنود مسخرة له. اول ما قال كلمة يا رب وكلكم في هذا الموقف كلنا الظلام اللي كان حواليه اصل سيدنا يونس كان عامل ايه؟ لو انت عايز تطلع منها بنفسك هتعمل ايه؟ لو طلع من الحوت هيهرب - 00:36:29ضَ

من البحر فين؟ هيروح فين من البحر؟ ولو البحر عرف له سكة فيه هيروح من الظلمات فين؟ هتروح فين؟ ما لكش غيره. ما لكيش غيره. هنروح فين يا جماعة ما لناش غيره - 00:36:49ضَ

اللي حصل انه لما قال كلمة يا رب كل حاجة اتغيرت كل حاجة كل حاجة اتغيرت الظلمات اللي كانت حواليه هي ظلمات المستقبل اللي حوالينا. ما حدش عارف بكرة فيه ايه - 00:37:02ضَ

والحوت اللي ابتلعه ده نفسك اللي عايزة تبلعك. بس نفسك لو ضحكت عليك هتضيع لك اخرتك مش دنيتك. والبحر ده بحر الشهوات والفتن اللي احنا عايشين فيه. اللي احنا عايزين ربنا ينجينا منه. يبقى كلنا نقول لا اله الا انت سبحانك اني كنت - 00:37:15ضَ

من الظالمين ليس لها من دون الله كاشفة ابدا والله العزيم. لما اباه ابنه يزعل منه ويسيب الشقة ويمشي مش محتاج ابويا. فواحد يروح يقول يا ابني يا ابني انت لك غيره؟ يا ابني لو افتقرت ما حدش هيديك غيره. يا ابني لو تعبت ما حدش هيسهر معك غيره. يا ابني فلما الابن يعاند قوي يقول له - 00:37:35ضَ

ده انت ما تعرفش تعيش من غيره. اهو ده اللي انا باقوله لنفسي ولكم لو افتقرت ما حدش هيغنيك غيره لو مرضت ما حدش هيشفيك غيره لو لو حد زلمك ما حدش هينصرك غيره. عايزين نفوق يا جماعة نعرف ان احنا ما لناش غيره. الكنز اللي بعد كده - 00:37:57ضَ

وهو يتولى الصالحين. الله وهو يتولى الصالحين اعرف دكتور اعرفه راجل صالح قوي ما شاء الله نحسبه كذلك. ولا نزكي على الله احدا. الدكتور ده بيحكي ايام ما كان طالب في السانوية العامة كان نفسه ان هو يدخل كلية - 00:38:20ضَ

صيدلة ويتعين فيها ولكن كان يعني احوالهم المادية صعبة جدا فجاب مجموع صيدلة فعلا في السانوية العامة ولكن للاسف ما كانش يعني بالاحوال المادية يقدر يسافر هنا في القاهرة ان هو يدخل كلية صيدلة في القاهرة. والمدينة بتاعته ما كانش فيها كلية صيدلة - 00:38:39ضَ

قهرا اضطر يدخل كلية تانية. ما هواش عايزها. دخل الكلية التانية حلم حياته ضاع منه. حلم حياته اتبدد من قدام عينيه. ما عرفش ما عرفش يزاكر سقط بعد ما سقط عملوا كلية صيدلة في هزه السنة في المدينة بتاعته وقالوا ان السنة اللي فاتت جاب مجموعها ممكن ان هو يدخل لان الكليات في الاول معروف ان بيبقى العدد اللي - 00:38:58ضَ

قليل. وعايزين عدد كبير يدخلها. فقال خلاص حلم حياتي اتحقق. انا ربنا الحمد لله فتح لي الباب. دخل كلية صيدلة وفرحان جدا وزاكر وزاكر وزاكر الامتحانات بتاعة اخر السنة سقط - 00:39:19ضَ

ياه! كان موقف صعب جدا. اتحطم نفسيا قال انا ما اقعدش وقتها ما كنتش عارف اعمل ايه. طب يا رب انا حصل لي كده ليه؟ طب يا رب اعمل ايه؟ الدنيا اسودت في وشي. بقى ما هوش عارف يروح فين حلم حياته صوت مش هيتعين واحد - 00:39:33ضَ

قطعة عين ازاي؟ فبيقول خلاص هيعمل ايه؟ كمل وخلاص. يعني ما عدش قدامه حجر انه يكمل. وبدأ يزاكر ويحاول يجتهد برضه ويحاول يعوض جت اول دفعة اتخرجت اللي هي الدفعة اللي قبله بقى بعد ما سقط سنة المفروض هيعينوا معظمها لانها كلية جديدة محتاجين معيدين كتير - 00:39:47ضَ

فلما الطلبة بتوعها عرفوا ان في يعني تعيين كتير بدأ يحصل تزوير في الكنترول. مجلس الجامعة عرفه اجتمع وقرر انه ما يعينش غير عدد محدود جدا من الدفعة دي جت الدفعة اللي بعد اللي بعدها بتاعة استازنا الفاضل بقى جت عينوا منها ستة وتلاتين واحد - 00:40:06ضَ

الراجل بيتكلم وهو منبهر بيقول انا لو كنت نجحت اول سنة ما كنتش اتعينت شايفين يا جماعة؟ فاهمين يا جماعة؟ شايفين يعني ايه يا جماعة وعسى ان تكرهوا شيئا وهو خير لكم؟ شايفين بيقول انا لو كنت رحت جامعة القاهرة وكان معي فلوس اروح - 00:40:25ضَ

ما كنتش اتعينت. انا لولا ان انا سقطت ما كنتش اتعينت في حاجة في حياتك زعلان منها؟ والله العزيم ممكن تبقى دي اعزم خير بكرة تحمد ربك عليه اه والله ما تعرفش - 00:40:42ضَ

ما تعرفيش ممكن ربنا عين لنا خير فوق ما نتخيل وما نتصور. اه والله يا جماعة. يا جماعة اثبتوا على الثقة بالله. يا جماعة ده الخضر الخضر وسيدنا موسى انطلق حتى اذا ركب السفينة خرقها. قال اخرقتها لتغرق اهلها؟ انت بتعمل ايه؟ سيدنا موسى مش قادر يتخيل الخاطر بيعمل ايه؟ انت بتعمل ايه - 00:40:57ضَ

ده مساكين دول غلابة. ده آآ رزق اليوم بيومه. تقوم تبوز السفينة بتاعتهم في الاخر. اصل احنا بنتفرج يعني احنا الوقتي بنتفرج من ورا الكواليس. انما احنا لو جوة الاحداس يا ترى اصحاب السفينة بكوا قد ايه ؟ يا ترى زعلوا قد ايه ؟ يا ترى اتألموا نفسيا قد ايه لما لقوا مصدر - 00:41:17ضَ

استاز قومي الوحيد حصل فيه المشكلة دي. انما كلها ايام والملك بعت يأمم السفن كلها الا السفينة دي لقاها معيوبة وما رضاش يأممها. قالوا اللهم لك الحمد يا رب على ان السفينة اتخرقت. يعني ممكن ييجي يوم تقول الحمد لله ان انا ما اتجوزتش بدري؟ اه الحمد لله اصل لولا - 00:41:37ضَ

ما كنتش اتجوزت فلان. ابدا ممكن ييجي يوم تحمد ربنا على سنة راحت منك؟ اه والله. ممكن ييجي يوم تحمد ربنا على مرض ابتليت به؟ اه والله. اه والله يا جماعة - 00:41:57ضَ

بكل حاجة بتحصل من ربنا لنا كرم منه سبحانه وتعالى. طيب بعد كده حتى اذا فانطلق حتى اذا لقي غلاما فقتله سيدنا موسى قال له اقتلت نفسا زكية بغير نفس! ازاي! ازاي - 00:42:07ضَ

احنا الوقتي برضو من ورا الكواليس عارفين ايه اللي هيحصل انما يا ترى تخيل ام واب كبار في السن ممكن ما عندهمش غيره. ابنهم الشاب الجميل اللي زي الورد قدامهم بيقول لهم انا خارج رايح مش - 00:42:23ضَ

خرج فجأة الباب بيخبط. اتجعزوا فيه ايه ابنكم لقناه مقتول في الشارع اللي وراكم ابني قتل ابني مات انتم متخيلين امه وابوه عملوا ايه؟ قد ايه بكوا؟ قد ايه حزنه؟ قد ايه الدنيا اسودت في عينيهم؟ قد ايه حسوا ان خلاص الدنيا انتهت بموت ابنهم - 00:42:35ضَ

مكان ما مرش اكتر من شهور او سنين ربنا رزقهم ابن تاني كبر شافوا البر بقى كما ينبغي ان يكون الدين شافوا الصلاح قالوا ياه! سبحان الله! لعل اللي فات ده وده الحقيقة. كان لو كبر كان هيضيع لهم دنيتهم واخرتهم. بسبب - 00:42:56ضَ

الشقاء بتاعه. ولكن ربنا ابدلهم اللي احسن منه. اوعوا تقولوا ان في حاجة وحشة. توسموا الخير في اقدار الله. احسنوا الظن في الله يا جماعة اه والله البني ادم كده يعني تلاقي البني ادم عامل زي واحد شاف عربيات رايحة وجاية موديلات بقى وكل موديل سيسي غير التاني وكل موديل - 00:43:18ضَ

باور ومش باور وكل حاجة بقى لها مواصفاتها. فقالوا له احنا عايزين نديك عربية. تحب عربية موديل ايه بيقول لهم انا عايز عربية حمرا اللي بتلمع دي يا ابني حمرة ايه! حمرة ايه يا ابني بتلمع ايه بس ؟ قل لنا موديلها ايه ؟ قل لنا عايزة باور ولا لأ ؟ قل لنا عايزها اوتوماتيك ولا عايزة فتيس ؟ قل لنا عايزها - 00:43:38ضَ

امكانياتها ايه؟ قل لنا عايزها قل يا انا عايز الحمرا اللي بتلمع دي. يا ابني حمرا بتلمع ايه! يا حبيبي! يا جماعة ده البشر! ده احنا! احنا بنتعامل بعض! بعض - 00:43:58ضَ

مزاهر خداعة. ما بنتعاملش مع الحقائق. احنا عايزين الحمرا اللي بتلمع بس. موبايل بيرن كده بوليفونك كده والرنة بتاعته جميلة شوية. احنا عايزين اه عايزين عايزين اللي بيرن الرنة دي عربية معدية كده عربية جميلة كده ومكشوفة بقى والمتهيأ لك ان اللي راكب فيها ايوة انا عايز دي انت انت شفت ده - 00:44:08ضَ

انت سعيد ولا حزين؟ انت شفت ده عند ربنا؟ ربنا راضي عنه ولا غضبان عليه انت شفت ده مريض ولا سليم؟ انت تعرف منين؟ بلاش يا جماعة السياسة الحمرا اللي بتلمع دي بالله عليكم. عايزين نبقى فعلا نعرف نتعامل مع ربنا. يبقى الكنز اللي انا قلت لكم دلوقتي ايه؟ فاكرينه - 00:44:28ضَ

عايزين بقى حد يقوله بقى انا مش سامع. انا قاعد اقول يا رب حبنا مش سامع حد بيقول امين. قاعد اقول سيدنا محمد عليه الصلاة والسلام مش سامع حد بيقول عليه الصلاة والسلام. قاعد اقول الكنز ايه - 00:44:43ضَ

الكنز ايه اللي احنا كنا بنتكلم فيه؟ هم وهو يتولى الصالحين. طب شوفوا بقى الكنز الجميل ده وعسى ان تكرهوا شيئا وهو خير لكم ياه هو خير لنا اه يعني احسن من اللي انت كان نفسك فيه. اه والله - 00:44:53ضَ

اعرف يعني انا بحاول ان في الموضوع ده اجيب لكم قصص واقعية ليه؟ عشان ما حدش يقول ده انت بتحكي قصص لا انا بجيب لكم قصص من الواقع. اعرف الناس بتوعها اعرفهم - 00:45:11ضَ

وكلمتهم عشان الواحد بس نبقى ايه كلام قدام عيننا وشفنا. مسكت بايديك اهو. عشان بعد كده ما يبقاش لك حجة. اعرف يعني يعني اخ فاضل وشيخ فاضل وهو دكتور في الجامعة ربنا يبارك فيه - 00:45:21ضَ

فالراجل ده بيحكي لي يعني بيحكي انا سمعت الكلام ده منه نصا يعني فبيقول ان هو كان يعني عندنا في المنصورة وكان عايز يسافر قريته. آآ اللي بينها وبين المنصورة حوالي ساعتين تلاتة ركوب. قبل الفطار يا دوبك يا دوبك - 00:45:33ضَ

يروح يفطر مع والده ووالدته في رمضان عشان يفطر معهم يوم في رمضان ربنا يعيننا على بر امهاتنا واباءنا يا رب اللهم امين. ويغفر لامهاتنا ولابائنا يا رب اللهم امين - 00:45:48ضَ

فبيقول يعني راح للموقف لقى ما فيش غير مكان واحد بس. هو اللي فاضل في العربية. الحمد لله هاركب العربية تطير الحق افضل افطر مع والدتي. فبيقول رايح يركب العربية لقى واحد جه من وراه جري قام خابطه وزقه وقام واخد المكان - 00:45:59ضَ

فالراجل ده يعني مشهور ان هو خلوق ومؤدب ربنا يبارك فيه يا رب. فبيوصونا خلوق هيعمل ايه خلاص وقف سكت. والعربية قفلت ومشت. ولسه عم عربية تانية تيجي وعربية حمل والعربية تملى والعربية توصل هيروح يتسحر معهم بقى مش مشكلة. المهم يبر امه وابوه - 00:46:17ضَ

فبيقول فركب العربية اللي بعدها والعربية انطلقت اللي بعدها بيقول وهو داخل على باب البلد على كوبري البلد لقى العربية اللي كان هيركب فيها واقعة في الماية وكل اللي فيها ماتوا غرقوا - 00:46:33ضَ

ياه يبقى انت بعد كده تقول ان فيه حاجة شر يبقى انت بعد كده تظني ان في حاجة شر. شفتم الراجل ده! الراجل بيجري لاجله. الراجل الراجل بيزقه عشان اجله عشان والتاني - 00:46:47ضَ

الخلوق ده الراجل اللي يعني الراجل اللي عارف ربنا ده باذن الله سبحانه وتعالى ده واحد رضا بقضاء الله فكان هو الخير. وعسى ان تكرهوا شيئا هو خير لكم. اه والله يا جماعة. يا جماعة احنا بنقول يعني وهو يتولى الصالحين. وبنقول وعسى يا اخواننا يا اخوانا ربنا زي ما بيتولى الصالح الناحية التانية بقى - 00:47:03ضَ

خدوا بالكم منها. ده اله عزيز. خدوا بالكم. لو عصيتوا كل الكلام اللي احنا بنقوله ده هتاخد منه ايه؟ هتاخد منه ايه بمعصيته؟ هتوصل لايه بمعصية يعني احد احد الناس كان يعني موزف في الازهر يعني يعني صاحبه دايما يكلمه يقول له الدنيا والزروف - 00:47:23ضَ

والمشاكل والدروس الخصوصية والخنقة والتكاليف والمصاريف والمرتب مش مكفي. ومش لاقي. مخنوق وكل ما يكلمه يشتكي يشتكي يشتكي المرتب مش مكفي فيعني بعد ما كلمه في كل الكلام ده فلقاه شايل زرف اصفر حكومي كده وماشي فبيقول له ايه ده؟ فبيقول له ده بقى شوية ورق من بتاع الحكومة واقلام من بتاعة الحكومة عشان العيال ما انا هاعمل ايه؟ ما - 00:47:43ضَ

انا لا اكل. فقال له بطل المعصية دي لان ده مال عام حرام. بطل المعصية دي وربنا يفرج كربك. فراجل يعني ايه ما وزنش الكلام اوي يعني ومشي فبيقول صاحبنا فبيقول فبعد كزا شهر لقيته جاي لي وهو بيضحك ومستبشر وطاير فبيقول له فيه ايه ؟ بيقول له انت طلع كلامك صح - 00:48:05ضَ

انا اول ما بطلت المعصية دهيت ربنا حل لي كل المشاكل اللي انا كنت متضايق منها. ده انت كلامك مزبوط. الحمد لله فالراجل فكر كده قال ايه ده يعني الراجل ده كان بيعمل معصية خدوا بالكم يا جماعة - 00:48:26ضَ

ما حدش منتبه انها معصية اصلا. دا حاجة صغيرة قوي. حاجة بسيطة. دا ورقتين وقلم. ايه المشكلة؟ وهي كانت سبب الكرب اللي في حياته. خدوا بالكم ممكن معاصي انت ما انتاش اصلا - 00:48:39ضَ

معترف انها معاصي. ومتهيأ لك انها حاجات بسيطة. وهي سبب مشاكل حياتك. ممكن ان البيت حريقة وولعة وبيتك على طول مشاكل مشاكل مع ومع الزوجة بسبب انك سايب بنتك بتنزل متبرجة تفتن بنات المسلمين. صح - 00:48:52ضَ

ممكن الاكتئاب النفسي اللي عندك يا حبيبي. بسبب اطلاق البصر وعدم غض البصر ممكن تأخر سن الزواج عندك بسبب انك انت بتكشفي حتة من شعرك كده قصه من شعرك. او بسبب المكياج او الاختلاط - 00:49:08ضَ

ممكن يا جماعة اي حاجة في حياتنا واي كرب في حياتنا ممكن السنة اللي الواحد سقطها بسبب التدخين ممكن والله يا جماعة. يبقى ازا يا جماعة خدوا بالكم خدوا بالكم - 00:49:22ضَ

والله يا جماعة يعني يعني عايزين ان احنا ما نستهنش باي معصية. هو يتولى الصالحين هو وليهم بما كانوا يعملون. وفي ناس هو عدوهم بما كانوا يعملون لانهم كانوا بيعصوه. حب يعصي الملك اخر حاجة عايز اقولها لكم بقى عشان نقفل الكلام بقى بينا وبين بعض في هزه الليلة. يعني احنا العصر عدى. يعني - 00:49:32ضَ

في الليل ان شاء الله. يعني هو في بعض الاختلاف ولكن خلاص الليل باقي عليه حاجات بسيطة ان شاء الله اخر حاجة بقولها لكم اقبل ولا تخف اقبلوا ولا تخافوا. يا موسى اقبل ولا تخف. يا جماعة اجروا عليه وما تخافوش. تدفعوا ايه تمن انه يعيشكم سعداء؟ تدفعوا ايه؟ تدفعوا - 00:49:52ضَ

ايه تمن انه يعيشك سعيدة؟ تدفعني قاب تلبسيه؟ تدفعي زي شرعي تلبسيه؟ تدفع ايه تمن انه يعيشك سعيد؟ تدفع توبة؟ تدفعه ايه ؟ تدفعي انك انت تقومي الوقتي زوجك اللي انت مزعلاه تتصلي به وتقولي له معلش وتستحملي زعله في الاول. عشانك يا رب مش عشان حاجة. تدفع انك تقوم تصالح مراتك. تدفع انك انت تقوم تصالح اخوك. تدفع انك انت - 00:50:13ضَ

بتقومي بناتك البنتين الصغيرين الطفلتين دول تحكي لهم كلام قصة دينية يمكن يطلعوا متدينين. في وسط الواقع الرهيب ده تدفعوا ايه؟ تمن ان ربنا يا جماعة يا جماعة احنا عايزين ننطلق والله ما فيش حاجة تعطلنا ابدا. الرسول عليه الصلاة والسلام كان ازا حزبه امر فزع الى الصلاة فزع - 00:50:33ضَ

شفتم قبل كده واحد حرامية بيجروا وراه وراه وبيجري على اسم بوليس فزع الى اسم البوليس. شفته قبل كده واحد في غابة طلع عليه وحوش وبيجري عشان يستخبى فزع اجروا عليه. اجروا عليه الليلة في التلت الاخير. قولوا له الحقنا يا رب. انجدنا يا رب. اغثنا يا رب. ادركنا يا رب - 00:50:53ضَ

اقفوا الليلة في التلت الاخير بين ايديه. اتمرغوا على على اعتاب بابه. قولوا له ما لناش غيرك. هتروح فين؟ لو فضل الباب مقفول كده يفتح لنا بابه. لو ما فتحت لناش مين هيقبلنا؟ مين هيتوب علينا؟ يا جماعة ده بيتنزل في التلت الاخير. لما يتنزل الليلة الليلة بالله عليك - 00:51:13ضَ

ويقول هل من تائب؟ قل له انا يا رب انا انا يا رب قمت نفسي اتوب بقى اتوب من كل اللي انا عملته. لما يتنازل الليلة ويقول هل من سائل قل له انا يا رب. انا يا رب عندي حوائج كتير اوي نفسي اسألك فيها. انا يوم لما يتنازل يقول هل من مستغفر؟ قل له انا - 00:51:33ضَ

يا رب قولي له انا يا رب تعبت من المعاصي اللي عملتها. اتخنقت وقلبي اتحرق منها. انا يا رب. يا جماعة اقفوا بين ايديه الليلة. ده لو ان اولكم كل اللي بيتفرجوا واللي ما بيتفرجوش عملوا بالنصيحة ده وقفوا الليلة في التلت الاخير وكل واحد طلب مسألته فاعطانا الله كل واحد مسألته ما - 00:51:53ضَ

نقص ذلك من ملكه شيء يبقى اتفقنا على ايه؟ الليلة قيام ليل ان شاء الله الليلة نفزع الى الصلاة. الليلة نقف بين ايدين قل له يا رب جمالك يا رب انا يا رب عايز اعيل. وانا يا رب عايزة جوزي يصالحني. وانا يا رب عايز انجح - 00:52:13ضَ

وانا يا رب عايز ابقى متدين. وانا يا رب عايز تملأ قلبي بالايمان. وانا يا رب عايز تتوب علي. وانا يا رب عايز تسبتني. ولا يا رب عايزة ولادي تهديهم لي. ولا يا رب عايز فلوس - 00:52:30ضَ

وانا يا رب عايز رزق وانا يا رب عايز صحة وانا يا رب عايز تشفيني نقف ونقول يا رب ونفرح به ويفرح بنا ان احنا واقفين نقول له يا رب ويجيب دعاءنا - 00:52:40ضَ

هنقف الليلة. اقول لكم صورة تصلوا بها الليلة. سورة مريم. اشمعنى؟ سورة مريم بتتكلم عن الموضوع اللي احنا اتكلمنا فيه الليلة. معجزات ربنا في ان هو يشفيك ويهديكم ويحل لكم مشاكل حياتكم. كفاية اول اية ولم اكن بدعائك رب شقيا - 00:52:50ضَ

ولم اكن بدعائك ربي شقيا. عمري يا رب ما دعيتك وشقيت ابدا ولا مشكلة في حياتي استمرت وانا بقول لك يا رب يبقى نختم على كلمة يا رب ونختم على لقائنا الليلة كلنا مع الملك بازن الله في التلت الاخير من الليل. واحنا بنقرأ سورة مريم بقلوبنا وبنقول يا رب اجعلنا من سعداء الدنيا والاخرة - 00:53:09ضَ

اللهم اجعلنا من سعداء الدنيا والاخرة. اللهم امين. اللهم امين. اللهم امين سلام عليكم ورحمة الله وبركاته. وجزاكم الله خيرا - 00:53:30ضَ