Baheth

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهدي الله تعالى فلا مضل له ومن يضلل فلا هادي له واشهد ان لا اله الا الله وحده لا شريك له. واشهد ان محمدا عبده ورسوله - 00:00:00ضَ

اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها. وكل محدثة بدعة. وكل بدعة ضلالة وكل ضلالة في النار - 00:00:25ضَ

اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد. كما باركت على ابراهيم وعلى ال ابراهيم - 00:00:47ضَ

العالمين انك حميد مجيد. فهذا هو الدرس العاشر من هذه السلسلة التي سميناها فك الوثاق لشرح كتاب الرقاق للامام ابي عبدالله محمد بن اسماعيل البخاري رحمه الله والذي يوافق يوم الثلاثاء التاسع والعشرين من شهر ربيع الاول. سنة الف واربعمائة وواحد واربعين. والذي يصادف - 00:01:05ضَ

السادسة والعشرين من شهر نوفمبر سنة الفين وتسعتاشر اه في الدرس الماضي سبق لساني كما يسبق احيانا بسبب سيلان الذهن وتراكم المعلومات فذكرت ان آآ جحا هو الذي قيل له حدث فقال حدثنا عكرمة عن ابن عباس - 00:01:33ضَ

ان النبي صلى الله عليه وسلم قال خصلتان من المؤمن في المؤمن اذا يعني احرزهما دخل الجنة اه ثم سكت قال هيه قال اما واحدة فنسيها عكرمة ونسيت الثانية هذا لم يكن جحا. انما هذا هو اشعب - 00:02:02ضَ

عارفين اشعب المحتال اللي هو بتاع الاكل دايما اكوله متطفل. هذا هو اشعب لكن انا سبق لساني قلت جحا يعني يمكن للتقارب الشخصي يعني الحاجة التانية انه انا اتكلم عن سفيان الثوري سبق لساني ايضا وقلت الرشيد طلبه آآ بحث - 00:02:18ضَ

والحقيقة لم يكن رشيد لان رشيد جاء متأخرا. انا وانا باسمع الفيديو الحقيقة آآ استغربت يعني الرشيد هارون الرشيد متأخر يعني كان في زمان محمد بن حسن الشيباني وابو يوسف آآ صاحب ابي حنيفة والشافعي ومالك والطبقة دي - 00:02:40ضَ

ممكن هارون الرشيد في تلك الطبقة انما سفيان الثوري مات قديما مات قبل ذلك في ايام ابي جعفر المنصور. الرشيد يمكن جه بعد كده يعني آآ ابو جعفر المنصور هو اللي كان في ايام سفيان الثوري - 00:03:02ضَ

لان الحقيقة يعني احيانا يسبق لساني كما قلت بسبب سيلان الذهن وتراكم المعلومات بعضها البعض. بل احيانا قد اخطئ في بعض الايات يعني اه قد انسى جزء من اية او نحو ذلك يعني - 00:03:18ضَ

دي المشكلة دي الحقيقة آآ مشكلتها او هذه هذا سيلان الدهن ده مشكلته اننا الان في هذا المجلس صححت الخطأ بتاع المجلس الماضي. يبقى الخطأ في المجلس الماضي والصواب لا يصل الى من؟ الى المستمع. يعني - 00:03:33ضَ

ده المجلس العاشر المجلس التاسع سمعه اناس ثم لا يظفرون بالمجلس العاشر فيبقى الخطأ كما هو. كما اه ذكر عن الجاحظ ابو عمرو ابو عثمان آآ فسر يوما بيتا قالته احدى الاعرابيات - 00:03:53ضَ

تقول منطق عذب وتلحن احيانا وخير الكلام ما كان لحنا. الاعرابية بتقول كده. فهو فسر هذا البيت قال ايه قال يستعذب اللحن من الجواري. الجواري اللي هي البنت يعني او المرأة - 00:04:15ضَ

قال لك يستعرب منها الكلام المكسر. لما تروح تكسر في الكلام يبقى دمها خفيف تبقى حلوة يعني. لما تقول بدل صغير تقول صغنون مسلا او الصغنن او الكلام ده بيبقى شكلها ايه؟ حلو. الجاحز فهمها كده - 00:04:34ضَ

وخير الكلام ما كان لحنا. اللحن اصلا هو الخطأ يقال فلان لحن في الكلام يعني اخطأ فيه يقول لك اللحن في القرآن كذا كذا كذا يعني خطر في القرآن اللحن هو الخطأ - 00:04:49ضَ

فهي بتقول منطق صائب وتلحن احيان تمام؟ وخير الكلام ما كان لحم. طب ازاي يبقى خير الكلام؟ وهو غلط ما يبقاش خير الكلام. الجارية قصدت معنى اخر قصدت التورية ما تقولش الكلام صريح. تقول كلام متغطي - 00:05:03ضَ

تمام؟ التورية اصلها معنيان مع من بعيد ومعنى قريب اذا قلت الكلمة اللي هي كلمة من التورية فالمستمع يفهم المعنى البعيد تمام يفهم المعنى القريب وانت تقصد المعنى البعيد لو - 00:05:25ضَ

اه دعيت حد للبيت عندك فقال اني صائم. اقرب معنى لصائم ايه ممسك عن الطعام والشراب لكن ممكن يكون صائم عن الكلام اني نذرت للرحمن صوما فلن اكلم اليوم انسيا - 00:05:50ضَ

يعني اذا كلمة الصيام لها معنيان. اقرب معنى يتبادر الى ذهنك كمستمع الامساك عن الطعام والشراب. ابعد المعاني اللي انت تقصده تمام ولست في هذا كاذبا لو واحد مسلا دعاك وانت شاكك في اكله او مش عايز تاكل عنده فقلت اني صائم - 00:06:09ضَ

مع انك ما انتش صايم ولا حاجة. طب ايه تأويل الكلام اني صائم عن اكلك عن طعامك؟ اي معنى انت تقصده في ذهنك تمام؟ آآ ده المراد لكن اللي بيستمع يقصد المعنى الايه؟ المعنى القريب - 00:06:28ضَ

ده اسمها التورية تقصد المعنى ليه؟ البعيد فالجارية بتقول كانت بتحب يعني واحد ولا حاجة فقالت افضل الكلام المتغطي عشان ما يتكشفش ما هي لو قلت كزا كزا كزا كزا هتتكشف. فهي عايزة تقول آآ كلام ومتغطي - 00:06:44ضَ

تمام؟ فظاهره اللحن ظاهر الخطأ لانه على خلاف مقصود المتكلم. تمام؟ فده الجاحز ايه؟ فسر البيت بكده انه يستعذب القول اللحن من الايه؟ من الجواري فقيل له لا ده هي تقصد كذا وكذا وكذا. فقال الكلمة التي اقصدها بقى - 00:07:04ضَ

قال كيف لي بما سارت به الركبان انا الفت الكتاب والركبان خدوا الكتاب ووزعوه على بعض. اجيبهم انا منين بقى كل واحد خد الكتاب ومشي. ما اعرفش اجيبه بعد كده - 00:07:24ضَ

هو الاشكال في يعني الذي يحدث احيانا من الكلام المتكرر وفيه سخونة وتتابع والكلام ده الانسان احيانا قد يخطئه فينسب هذا الى هذا الى اخره انا انبه على هذا عشان اي حد يجد يعني خطأ في اي فيديو ولا حاجة يعرف ان ايه ان قد اكون تراجعت او انا اخطأت او نحو ذلك يعني - 00:07:38ضَ

آآ درسنا هذا المساء في آآ حديث عبدالله بن عمر بن الخطاب عن النبي صلى الله عليه وسلم كن في الدنيا كأنك غريب لكن يجمل بنا ان نلحق الماضي بالحاضر - 00:08:02ضَ

آآ ده الحديس ده تالت باب في كتاب الرقاب عند البخاري شفت كيف ان البخاري رحمة الله عليه يرتب الابواب هو رتب الكتب. ورتب الابواب في الكتب في كتاب الرقاق - 00:08:19ضَ

بدأ برأس المال كن في الدنيا حديث ابن عباس كن في الدنيا كأنك غريب آآ آآ نعمتان مغبون فيهما كثير من الناس. الصحة والفراغ. ده رأس مال بني ادم اغلى رأس مال في الدنيا - 00:08:41ضَ

هو العمر الذي ستلقى الله به فاوعى تضيع عمرك يعني كما كان يقول بعض العلماء اظن الحسن البصري او الفضيل بن عياض يقول ما كان لا يصحبك في الموت فاخلع يدك منه - 00:09:02ضَ

يعني انت النهاردة بتعمل اي عمل آآ بتلعب او آآ تشتغل او الكلام ده سؤال لك ترى هذا الذي تفعله ينفعك في قبرك اي شغل بتاجر اي تجارة بتعمل اي علم اي حاجة انت بتعملها في حياتك - 00:09:24ضَ

هل يسرك ان يصحبك هذا؟ او هذا ينفعك في قبرك؟ هتقول لأ اقول لك فاتركه في جنازة من الجنازات بعض العلماء يعني كان معه رفيق يعني فقال لرفيقه ترى لو تكلم هذا الميت - 00:09:46ضَ

فماذا يقول؟ يقول قال له يقول ركعتان خير من الدنيا وما فيها قال فانت الان في المهلة فاركعهما انت لسة عايش يعني اي حد بتشيعه الى القبر يتمنى لحظة ان يكون مثلك - 00:10:07ضَ

حيا حتى يستدرك الذي فاته طيب انت شيعته ودفنته بس انت لسة حي ما كنت تخشاه ان يصحبك في قبرك فاتركه الان ادي معنى نعمتان مغبون فيهما كثير من الناس. مغبون يعني خسران - 00:10:30ضَ

يا اما صحيح يا اما فارغ انما فارغ وصحيح ده الغنيمة الباردة عند عافية وصحيح غير مشغول ومات في غني كويس مكفي يبقى يستثمر رأس المال. اغلى رأس مال في الدنيا - 00:10:49ضَ

هو العمر. اللحظات سواني دقات قلب المرء قائلة له ان الحياة دقائق وثواني فبدأ الامام البخاري برأس المال لانه كتاب الرقاق ما يرقق القلب ما اراد ان يرقق به قلبا - 00:11:13ضَ

يبتدي معك برأس المال. رأس المال ده كيف تنفقه؟ هتعمل به ايه رأس المال ده ده حديس ابن عباس قام جايب لك بعديه حديث انس وحديس سهل ابن سعد الساعدي ان الصحابة كانوا في الخندق - 00:11:31ضَ

مع النبي صلى الله عليه وسلم او كانوا بيبنوا المسجد على حسب الروايتين والاتنين صحيح يعني وقال لك كيف كان النبي صلى الله عليه وسلم يعمل مع الناس كان يحفر الخندق مع الناس - 00:11:48ضَ

يحفر بيده ولعلنا نذكر حديث جابر بن عبدالله الانصاري الذي ذكرناه قبل ذلك. وما بيحفروا الخندق. قال جابر فاعترضتنا كدية عظيمة لا تعمل فيها المعاني الفوز مش راضية تكسرها. صخرة يعني كبيرة. بيكسروا فيها ما يتكسرش. قال فذهبت الى النبي صلى الله عليه وسلم فاذا به رابط على - 00:12:01ضَ

حجرا او حجرين من الجوع فقال فذهبت الى النبي صلى الله عليه وسلم وقلت له يا رسول الله كدية عظيمة لا تعمل فيها المعاون. مش عارفين نكسرها فقال فقام معي اعلو في وجهه اثر الجوع - 00:12:23ضَ

وامسك بالمعل وضربها فكانت كثيبا اهيل ما هي اصابة الصخرة رملا وكانت الجبال كثيبا مهيلا كثيبا اهيل يعني فكان يحفر بيده. وفي بناء المسجد النبي صلى الله عليه وسلم كان يبني معه. يبني مع الصحابة - 00:12:41ضَ

وهو يردد وهم يقولون الله هو يقول اللهم لا عيش الا عيش الاخرة العيش على الحقيقة هو عيش الاخرة. مش عيش الدنيا ادي الرابط ما بين حديث انس وسالم ابن سعد السعيدي وحديث ابن عباس - 00:13:05ضَ

ليس العيش ما تعيشه انت ما تعيشه انت كبد كبد ومعاناة ابين لك الكبد ده في حاجة بسيطة جدا رغيف الخبز اللي انت بتقطعه وتاكله وتبلعه. كيف يصلك الفلاح يبذل البذر - 00:13:22ضَ

ويروي ويقعد مبيدات وعفش والكلام ده يكبر يحصده. طبعا بيروي ويعمل وياخد له ست شهور مسلا تمام؟ وبعدين يحصدوا يوديه الاجران يدرسوا يفصل التبن عن القمح تمام وبعدين ياخده يغسله يعجنه يخبزه وانت تاكله - 00:13:44ضَ

ده رغيف خبز كيف اوصل اليك هذا الرغيف كم انسان عمل فيه حتى يصلك حتى يصلك كم واحد عمل فيه؟ ده رغيف خبز واحد فانا بستغرب جدا جدا من اللي دماغه يجيب التايهة في الكمبيوتر والدقائق والكلام ده ولا يعرف عبادة ربه - 00:14:11ضَ

وهي من ايسر ما يكون. ومن امتع ما يكون ايضا. مش من الايسر ما يكون معرفة الله عز وجل من امتع ما يكون ومن ايسر ما يكون ايوة يجيب التايهة وتلاقي دماغه واصل الى ابعد ما يكون في العلم وجاهل بالله عز وجل - 00:14:34ضَ

يعني عالم الزرة والفضاء الهندي الهندوس الذي يعبد العجل ويعبد البقر اذا رآها في الشارع وقفت حطت دماغها على العربية ما يمشيش ازا دخلت البقرة محل فكهان وكلت الفاكهة يقول لك حصلت لنا البركة - 00:14:54ضَ

وادي بقرة فكيف وصل الى هذا؟ ويسجد البقرة؟ انا شفت على اليوتيوب حاجات والتأكيد شفته يعني ناس مرضى ده المنزر اللي انا شفته يعني او تحت المنازر التي رأيتها ناس مرضى - 00:15:14ضَ

وناس عايزين البركة يناموا على بطنهم وتيجي البقرة تعدي عليهم كلهم. ماشي يمشي البابا عليهم عشان ده بركة. هذا هو الاله عندهم ازاي وصل الى ادق الدقائق من العلوم الكونية ولا يعرف ربه برغم ان الفطرة تنادي باعلى صوتها على الله تبارك وتعالى انك لا تعبد الا الله - 00:15:29ضَ

عز وجل وهذا فيه اشارة حتى عباد البقر فيه اشارة الى ان المرء مفتقر الى اله يعني كل انسان يريد الها ينزل به حاجاته ازا تورط يناديه حتى عباد البقر قال لك البقرة اله - 00:15:55ضَ

اذا الافتقار الى الاله حاجة كل انسان على وجه الارض ايا كان هذا الاله ايا كان بتاع ابوه ان شاء الله بتاع حجر بتاع بدبوذا بتاع عزير المسيح اي حد - 00:16:16ضَ

النفس البشرية تفتقر الى اله فالسعيد من اختاره الله مسلما طب كملها انت ممكن اي واحد فينا يكون ابن لابوين نصرانيين او يهودين او يهوديين او بوزيين او اي حاجة - 00:16:30ضَ

هيطلع وناخد نفس الدين يرث نفس الدين ويعبد آآ نفس العبادة فمعنى ان الله عز وجل اختارك مسلما ليه مفرط لماذا فرطت؟ لماذا لا تعرف ربك؟ لا تعرف ما هو المطلوب منك. تعيش في الدنيا كالانعام - 00:16:49ضَ

ارحام تدفع وارض تبلع كملها طالما انك انت صرت مسلما كملها اعرف ما هو المطلوب منك النبي عليه الصلاة والسلام كان في الخندق وكان في المسجد يعمل بيده مع الصحابة - 00:17:07ضَ

وبعدين عايز يصبرهم عايز يقول لهم هذا نعم العيش الذي انتم فيه انتم في عبادة الله وفي طاعته لا يضركم ما فاتكم من الدنيا لان جت بعض الظروف خلتهم يتركوا الدنيا وهم في حاجة اليها - 00:17:24ضَ

زي غزوة تبوك وتبوك اللي هو جيش العسرة اللي سورة التوبة نزلت في هذه الغزوة وفي احاديث كعب بن مالك رضي الله عنه في قصة تخلفه عن غزوة ابوك اه اخذ منه الايه؟ القدر الشاهد يعني - 00:17:43ضَ

ليه اتسمى جيش العزرة لانه كان في عسرة من مال وفي حر شديد خدوا في الغزوة دي تقريبا واحد وعشرين يوم. على ما وصلوا الى تبوك. انت عارفة تبوك في الشمال - 00:18:01ضَ

في الوقت ده الثمار بدأ التطييب وانتم عارفين الفلاحين يفضل طول السنة يهز ايد ينفق على الارض يعمل كيماوي ويجيب مش عارف ايه ومبيدات وبتاع والكلام ده على بال ما ايه يطلع الزرع - 00:18:21ضَ

واول ما يبتدي يدرس وقت الحصاد هيبتدي يبيع السمار ويبتدي يدخل جيبه ايه المال فالفلاحين كلهم او الجماعة اللي بيزرعوا يعني او اصحاب البساتين او البتاع بينتظروا يوم الايه الحصاد وان الثمرة تطيب - 00:18:37ضَ

بدأت الثمار تطيب في ذلك الوقت اللي النبي صلى الله عليه وسلم نادى بالصحابة الى آآ الذهاب الى تبوك عشان في مالك غسان اه كان عمال يهدد المدينة وعايز يغزوها والكلام ده. فكان الصحابة مستعدين. كلهم - 00:18:54ضَ

ازا جاء غسان ادخلوا له يعني المهم في ذلك الوقت بدأت ثمار تطيب كعب بن مالك كان رجل عنده بستان انا شايف الثمار تطيب نودي للجهاد فقال لك ده انا عندي راحلتان - 00:19:12ضَ

عندي راحلتان مش راحلة واحدة وبعدين ده جيش جرار يمشون بسير اضعافهم. اضعف واحد ماشي في الجيش الجيش ماشي على آآ سرعته فقال لك ده انا عندي ركوبة قوية جدا وبتاع هم بس ينصرفوا - 00:19:33ضَ

على بال ما تزيل الثمار تطيب يمسك السمرة كده يقول عايزة لها يوم كمان يوم كمان عشان ابيع على طول تمام وانا معي الراحلتان هم ماشيين على مهلهم وانا هاجري على الواحد كده هاحصلهم ان شاء الله - 00:19:50ضَ

تمام لكن كما قال الله عز وجل وكان الشيطان للانسان خذولا يقول له يمنيه يمنيه وبعدين يورطه اول ما يورطه يقول له انا ما لك؟ انا ما اعرفكش ها كمثل الشيطان اذ قال انسان اكفر - 00:20:06ضَ

ها معروف الشيطان بيعمل ايه في ابن ادم. فكن على حذر منه لبيبه اخفى من النمل الى النفس دبيبه اخفى من النمل الى النفس قال الله عز وجل يا ايها الذين امنوا - 00:20:22ضَ

لا تتبعوا خطوات الشيطان ما ياخدكش كده يرميك مرة واحدة ما هوش عبيط لا ده هو حذر جدا. ياخدك خطوة خطوة بتعرف عقرب الدقايق عقرب السواني اهو ماشي وانت شايفه بيجري. عربي الدايق بتشوفه - 00:20:43ضَ

والعقرب الساعات بتشوفه وهو بيتحرك هو الشيطان عامل زي كده يدب الى نفسك دبيبا خفيفا وبعدين يورطك ده اللي حصل مع كعب ابن مالك يمسك السمرة يقول فاضل لها يوم - 00:21:02ضَ

انا انا قادر ان الحقهم. ده انا راكب الكوبري وانا لوحدي كمان. انما ده جيش جرار يمشي بسيد اضعافهم يروح تاني يوم يقول فاضل يوم. يا سلام! ما هو يوم هبيع احسن - 00:21:18ضَ

السمرة لما تكون طيبة وكويسة والناس ازاي ياكلوها على طول والكلام ده هيكون احسن اتفضلي ده حضرتك بقى يوم بعد يوم بعد يوم بعد يوم وبعدين قال له ايه؟ قال له وانت هتلحقهم؟ والله لو انت راكب طيارة نفاذة ولا هتلحقهم. اقعد اقعد - 00:21:31ضَ

اقعد فجلس هو نفسه ندم قال وهممت ان ادركهم فيا ليتني فعلت خلاص بدأ يخزله هزا الشيطان بسبب الثمار ثمار على ما يروح هم مش عارفين انه في اي غزوة هيرجعوا ولا لأ - 00:21:46ضَ

اهو رايح يموت يا يرجع يا ما يرجعش في اي غزوة آآ يعني قولي لما يبيع بدري بدري يكون احسن فده اللي اخره بقى. كل شوية يقول ايه فاضل لها شوية طيب. شوية طين. كان من يوم الطيب الى اخره - 00:22:09ضَ

الغزوة في الوقت ده وقد طابت الثمار والظلال لما النبي صلى الله عليه وسلم وصل تبوك ما سألش الا عليه هو قال ما فعل كعب بن مالك مع ان كعب الملك يقول في اول الحديث - 00:22:26ضَ

والناس كثيرون لا يجمعهم ديوان لقل احد يغيب الا ويظن انه سيخفى ما لم ينزل فيه وحي يعني الجيش مسلا عشر تلاف واحد غاب من العشر تلاف. هتعرف انه غاب ازاي - 00:22:50ضَ

هتقول لعله يمين لعله شمال زي لما تروح عمرة ولا حج واحد يقول لك هنتقابل مسلا هتقابله فين هتقول مع ان انتم انت انت واخوك مسلا او انت ومراتك ولا انت وابنك وهنتقابل في المسجد الحرام. تقول لعله هنا لعله عند الميزاب لعنده عند مقام ابراهيم - 00:23:06ضَ

اي لعل بقى ما هو عدد كبير جدا ومتفرقين في كل مكان لما سأل عن كعب ابن ما لك سبحان الله يعني لما تتأمل في هذا الحديث ترى فيه اشياء غريبة جدا - 00:23:25ضَ

ده واحد من الجماعة انت عارف كده عبدالملك زمان كان ملك ايام ما كان نصراني فلما بقى مسلم بقى واحد زي الناس لا مالك ولا يحزنون فالملك العادة يعني هندام بقى ولابس وبتاع معها فلوس - 00:23:40ضَ

شيك يعني وبتاع تا واحد يعني مش مبسوط من كعب اه. فلما سمع النبي صلى الله عليه وسلم يقول ما فعل كعب بن مالك؟ قال يا رسول الله حبسه برداه والنظر في عطفيه - 00:23:57ضَ

ده راجل مش بتاع جهاد ولا بهدلة زينا. ده راجل مالك ايه اللي ما خلاهش ييجي قال لك لابس نضيف هيتوسخ لو مشي معنا وبعدين والنظر في عطفيه العطرين بقى العضلات بقى والمجانص يقعد يبص لنفسه كده معجب بروحه اوي - 00:24:11ضَ

انبرى معاذ ابن جبل وقال بئس ما قلت. والله يا رسول الله ما نعرف الا خيرا المهم جيش العسرة كان في ذلك الوقت هو ده مش حرمان من الدنيا الرجل اللي عايز يحصد اللي بقى له ست شهور ولا قرابة سنة بيزرع في حاجة معينة ومستني الثمار تطلع عشان يبيع - 00:24:27ضَ

جاءت الغزوة في هذا اليوم الصحابة مش كعب بن مالك بس اللي كان عنده بستان غيره من الصحابة كان عنده زرعات وناس عندهم تجارات ايضا حساب التجارة منطلق للجهاد فالنبي عليه الصلاة والسلام - 00:24:50ضَ

وهو بيقول اللهم لا عيش الا عيش الاخرة يصبرهم لئن فاتكم ما فاتكم من الدنيا فلم يفتكم شيء على الحقيقة لان العيش في الحقيقة هو عيش الاخرة يومات المفرط المجرم - 00:25:19ضَ

يقف على شفير النار يقول يا ليتني قدمت لحياتي فين حياته؟ اللي هي الاخرة في الجنة او في النار. ما هي حياته كده. اللي في الجنة في النار يقول يا ليتني - 00:25:38ضَ

كيف قضى عمره هذا المسكين يا ليتني قدمت لحياتي النبي صلى الله عليه وسلم قال العيش عيش الاخرة على الحقيقة كأنه قال لا يضركم ما فاتكم من الدنيا وانتم في طاعة الله عز وجل. ده اول باب البخاري رحمة الله عقده - 00:25:56ضَ

وبعدين جايز انت ما تفهمش مراد الامام البخاري انه جاب الحديسين ورا بعض عشان يقول لك ما هو العيش على الحقيقة عقد لك الباب الثاني انا ما كنتش يعني واخد بالك - 00:26:23ضَ

قال باب مثل الدنيا في الاخرة. اهو ده مباشر اهو مش عايز تأويل ولا عايز تأمل ولا شيء من هذا باب مثل الدنيا في الاخرة طيب الدنيا اللي انت عايش لها ووكدوك وسدمك وهجيراك على هذه الدنيا - 00:26:39ضَ

كم تساوي كم تساوي قال صلى الله عليه وسلم في حديث المستورد بن شداد مثل الدنيا في الاخرة كمثل احدكم وضعوا وضع اصبعه في اليم. اليم البحر يعني فلينظر بما يخرج - 00:26:57ضَ

انت عايز تغرف من البحر قمت عامل صباعك كده في البحر. طالع بكام جردل؟ الصباع ده طالع من كم جردل ولا كان في امتصاص ها قطرة فترة بالنسبة للمحيط كم تساوي - 00:27:22ضَ

خلي بالك الدنيا الاخرة اقل من كده اقل من كده النبي صلى الله عليه وسلم يقرب بس المعنى يقرب المعنى ولا الدنيا لا تساوي اصلا شيئا في الاخرة بتاتا بس ضرب المثل لابد يكون فيه آآ آآ منظومتين يعني آآ حاجة قبال حاجة - 00:27:42ضَ

ضرب المسل مشبه او مشبه به يعني الدنيا اقل من القطرة دي والحديس التاني لو كانت الدنيا تساوي عند الله جناح بعوضة ما سقى الكافر منها شربة ماء لانه ما يستاهلش - 00:28:06ضَ

ما يستاهلش يعني يأكلون يأكلون خيره ويعبدون غيره يستاهل ايه ده ده ما يستاهلش النفس اللي بياخده الجناح البعوضة لو جبت احس ميزان اكبر ميزان حساس في الدنيا. ميزان الذهب - 00:28:25ضَ

مش كده ؟ حط جماعة بقى عضو في ميزان الذهب قد ايه ما لهاش اي قيمة فعلا الامام البخاري عقد القصة دي الباب التاني شف الابواب ازاي بتدي لبعضها بيت المثل دنيا في الاخرة. اورد فيه حديس سهل الاية اية سورة الحديد - 00:28:45ضَ

اعلموا انما مسل الحياة الدنيا انما يعلموا انما الحياة الدنيا لعب ولا وجاب حديس سهل بن سعد السعيدي صوت احدكم في الجنة خير من الدنيا وما فيها واحنا قلنا الصوت عصاية - 00:29:07ضَ

لو لك عصاية في الجنة انت عارف مسمار جحا باع دار وساب مسمار كل شوية رايح على الدار. رايح فين يا جحا اطمن على المسمار ها ما هو ده مسمار جحا يقول لك الذريعة التي من اجلها يدخل الدار مرة تانية. ليه ؟ يقول لك جاموس مرجوح. هو ده نفس القصة دي - 00:29:25ضَ

فانت لك في الجنة صوت صوت عصاي طولها مترين في عرض تلاتة سنتي لو لو ملكك فعلا في الجنة هتدخلها ما انت هتجيبها منين ازا ما دخلتهاش فلابد ان تدخلها - 00:29:44ضَ

فصوت احدكم في الجنة اشارة الى انك ستدخل الجنة لكن عايز يقول لك حقارة مال الصوت في الجنة التي عرضها السماوات والارض يطلع ايه الصوت في الجنة واخر واحد في الجنة زي ما احنا قلنا قبل كده له قد الدنيا عشر مرات. عشر مرات - 00:30:00ضَ

يا جماعة عشر مرات قد الدنيا والدنيا لم تدم لبني ادم على وجه الارض من لدن ان خلقها. ربنا الى ان يأخذها ما فيش حد حكم الدنيا كلها على بعضها في كل قاراتها - 00:30:19ضَ

فلو لك قدها يا افقر واحد ان جاز لنا ان نقول ان في الجنة فقير اقل واحد في الجنة قده يديني عشر مرات فلما يكون نعمتان مغبون الصحة والفراغ بتنفقها في ايه - 00:30:36ضَ

في اقل من الصوت في اقل من جناح البعوضة والله يا اخوانا انا اولكم نحتاج الى وقفة حقيقية مع النفس العمر بيمضي يعني انا تجاوزت الستين. العمر اللي النبي صلى الله عليه وسلم قال فيه - 00:30:52ضَ

اعذر الله الى رجل بلغه ستين سنة اعذر يعني قطع عذره. خلاص. خلصت ستين سنة ومش واخد بالك واعمال الامة ما بين الستين لسبعين. هتاخد بالك انت بقى اعزر الاعزر الالف بتاعة اعذرها دي اسمها همزة الازالة - 00:31:09ضَ

عذر يعني ايه؟ التمس له عذرا. اعذر لم يلتمس له عذرا زي عجمة واعجمة. همزة الازالة ديت تزيل المعنى اعذر الله عز وجل الى رجل بلغه ستين سنة. الحديث ده هيجي لنا بعد باب ولا اتنين - 00:31:30ضَ

ستون سنة يسألني انا مش هسأل حد تاني صف لي الدنيا كما نسب الى نوح عليه السلام. باب دخلت منه وباب خرجت منه لو دخلت المستشفى نتخيل ان ما فيش حد صحيح - 00:31:49ضَ

لو طلعت برة في الشارع تتخيل ان ما فيش حد مريض انت كنت مريض او انا كنت مريض. وبعدين عوفيت اوصف لي مرضك. اقول لك كنت نايم وصحيت خلصت حدوتة. العوام بيقولوا كلمة صح مية في المية. اللي فات مات - 00:32:06ضَ

فعلا اللي فات مات انت اي حد فينا كلنا على بعضنا يبص على عمره هل معقول وصلت ستين ولا وصلت خمسين ولا وصلت سبعين ولا تمانين ده لسة اول امبارح اهو - 00:32:24ضَ

هكذا الدنيا بتمضي. يوم بيطوي يوم ثم يسلمك في النهاية الى اجلك والى مصيرك الدنيا في النهاية ما تستاهلش حاجة اصبر على لأوائها وشدتها ليست هناك شدة تبقى بل تزول - 00:32:36ضَ

وليس هناك نعيم يبقى بل يزول اي واحد كان معافى مريض شديد المرض. تقول له هل مر بك بك هل مر بك عافية قط؟ يقول لك والله ما حصل انا ابن اللحظة - 00:32:53ضَ

ابن اللحزة لا ابن امبارح ولا ابن بكرة وانا ابني اللحزة اللي جاية الساعة اللي جاية دي مش ابنها ده انا في البيت بيطلع ويخرج وانا اتكلم اموت ده خرج النفس ما يدخلش - 00:33:07ضَ

دخل ما يخرجش وهكذا يعني رواه البخاري عقد الباب التاني عشان كده عشان كده ما كنتش واخد بالك من الحديس بتاع انس وسهل حفر الخندق ولا لا خد بالك بقى من الباب اللي هو صدره في وشك على طول - 00:33:22ضَ

باب مثل الدنيا في الاخرة هتقول له طيب يا امام انا الحمد لله انتفعت بالتبويب بتاعك والاحاديث اللي هي اوردتها قل لي بقى طالما الدنيا حقيرة كده بس احنا ولادها - 00:33:38ضَ

نحن اولاد الدنيا وفطمنا على لبانها طب احنا ولاد الدنيا وبنفضل نرضع منها لحد ما نموت طب متى ننتهي عنها وهي امنا ونحن الطفل وهنرضع منها الامام ابن القيم رحمة الله عليه بيقول كلمة جميلة جدا - 00:33:55ضَ

يقول هناك فرق بين وعظ العالم والزاهد ازاي ده الراجل المتخلي عن الدنيا اللي هو ايه مهتم بنفسه مهتم بنفسه سايب الدنيا وزينة الدنيا وقرف الدنيا والكلام ده والعالم الزاهد هو الذي يزهد - 00:34:24ضَ

فيما يجب ان يزهد فيه لكنه واخد بحظه برضه من الدنيا لان العلم مؤدبه العلم معلمه ويسيب ايه ويعمل ايه ياخد ايه ويسيب كده قال ابن القيم رحمة الله عليه - 00:34:43ضَ

العالم يحقر الدنيا عند الناس عفوا الجاهل لا خليني اقول العبارة صح قال العالم يحبب الناس في الله فيسهل عليهم ترك الدنيا والزاهد يبغض الدنيا الى الناس وهم ابناؤها فلا يسهل عليهم تركها - 00:34:55ضَ

لان الزاهد يقول لك ايه طلقوا الدنيا واتبعني اطلقها ازاي ما اعرفش اطلقها ولا اعرف استغني عنها لكن اذا احببت ربك عز وجل باسمائه وصفاته سهل عليك ترك الدنيا لما انا وانت - 00:35:23ضَ

نعلم ان الله عز وجل هو الغني الحميد حميد بمعنى مفعول اي الغني المحمود وكذلك كل فعيل تأتي مفعول كل حميد تأتي محمود تمام؟ الغني الحميد اي الغني المحمود انا وانت نعلم يقينا - 00:35:42ضَ

ان الله عز وجل كتب الرزق لنا جميعا وقدمه لنا جميعا لن تموت ولك لقمة على وجه الارض لن تموت ولك درهم على وجه الارض يقينا زي ما انا بتكلم كده - 00:36:06ضَ

وانت بتتكلم احنا عارفين الحقيقة دي ايه اللي مخلي البني ادم يرتشي؟ ويسلك الحرام ايمان نزري يعرف ان الله عز وجل غني بس لكن قلبه لم يشرب هذا المعنى لو القلب ده شرب هذا المعنى - 00:36:23ضَ

استريح فبيشرب المعنى ازاي اصله خدوها من الحياء الحياة واحد رايح يشتغل في المباني ابن يبني مباني ويرفع مونة واسمنت والكلام ده انتم شايفينهم واحنا شايفينهم بيشيل قصعة المونة الاسمنت على كتفه ويطلع - 00:36:42ضَ

بيعملوا ايه بقى لما يكون مسلا هم في الدور الخامس السادس تلاقي على كل بسطة واحد واقف يدوا القصعة لبعض. لان ما فيش حد يعرف يطلع خمس تدوار بقى من القصعة. تقيلة عليه - 00:37:07ضَ

صح كده وبعدين مع الايام تلاقي واحد طالع خمس تدوار لوحده بعد كده طب ده عملها ازاي ده ليه ما عملهاش في الاول؟ قال لك ما اصل قلبه ما خدش على المجهود والضغط الدم ومش عارف ايه والشرايين ما وسعتش والكلام ده نفسه يتقطع - 00:37:19ضَ

منه لو عمل كده طب يبتدي يعمل الكلام ده ازاي؟ يطلع الدور الخامس ازاي؟ قال لك بالتدريب يبتدي يدرب نفسه زي الجماعة بتوع المصارعة وبتوع كمال الاجسام ومش عارف ايه وبتاع. عمره واصل كده آآ - 00:37:39ضَ

يعني لأ يا شيلي حاجة مسلا ايه آآ تلاتين كيلو. وبعدين خمسين كيلو وبعدين مية كيلو وبعدين ميتين كيلو وميتين وخمسين وهكذا لكن ما يعرفش ابدا في الاول يشيل ميتين وخمسين كيلو ابدا - 00:37:53ضَ

الايمان والتقوى والخشوع زي دي بالزبط بالزبط انت راجل تريد ان تحب ربك عشان تزهد في الدنيا. وتعرف انها حقيرة كما حقرها مولاك. قال لك هي حقيرة تبقى حقيرة كلام نهائي - 00:38:08ضَ

تمام طيب عايز تحب ربك تعمل ايه قال لك انظر الى اوسع باب في زيادة الايمان وهو بين الاسماء والصفات هو انت لما تقول فلان جدع وفلان ندل قلت جدع بناء على ايه - 00:38:28ضَ

على صفاته اللي على جسمه ولا على شكله ولا على لونه ولا حاجة. ده انسان جدع. ما فيش شدة الا وقف جنبي. فلان كذا فلان ندل لانه شافني واداني ضهر - 00:38:49ضَ

اذا لا يعرف المرء فينا الا باسمائه بالا وصفاته فانت لا تعرف ربك عز وجل الا بصفاته باب الاسماء والصفات اوسع باب دي زيادة الايمان فكل اسم من اسماء الله عز وجل تتحققه - 00:39:01ضَ

تتحقق وبتبتدي تنظر في العلم بقى من الذي كتب في الاسماء والصفات من الذي يغوص عشان يجيب لي ما يعجب ويطرب في معنى الاسم علماء كثيرون اقربهم لنا مثلا ابن تيمية وابن القيم ابن آآ رجب - 00:39:20ضَ

مسلا وعايز اقول لك على حاجة لو انت عايز تزود ايمانك وانت تريد حقا ما انتش يعني عليك بكتب الزهد المسندة المسند اللي فيها حدسنا فلان عن فلان عن فلان عن فلان - 00:39:44ضَ

كل ما تزهق هات كتاب منهم اقرأ في هذه الكتب شوف كيف ترجم السلف كلام الله عز وجل وكيف ترجموا صفاته كلامهم جميل جدا جدا جدا كتب الزهد المسندة هقول لكم على اسمائها - 00:40:03ضَ

وافضلها انا بقول كتب الزهد المسندة ليه المسندة لانه كلام مش عايز واحد بيفهم اوي عايز اي حد يقرأ بس على عادة السلف كلامهم جميل ومش عميق مش عويص محتاج انك تفتح قاموس ولا تسأل عالم ولا الكلام ده ابدا - 00:40:24ضَ

كلام السلف مباشر لكنه على القلب على طول. يدخل القلب مباشرة ابن مبارك الزهد لاحمد ابن حنبل مسجد الوكيل بن الجراح الزود الهنادي بن السري. الزهد لابي داوود السيستاني. الزهد لابي حاتم الرازي. الاسد بن موسى. اللي البيهقي زهد الكبير. البيهقي. وهلم جرى - 00:40:48ضَ

كتب الزهد المستدا كثيرة افضلها على الاطلاق كتاب زهد لابن المبارك واكبرها الامام احمد طبع لكنه ناقص المخطوطة بتاعته ناقصة بتاع احمد كبير لكن مخطوطاته ناقصة فاخرجوه عن المخطوط الايه؟ الناقصة. انما كتاب الزهد ابن مبارك لا سيما - 00:41:10ضَ

الطبعة الاخيرة التي نشرها اخونا آآ الحبيب الدكتور عامر حسن صبري وهو يسكن في البحرين الان عامر حسن صبري اخ فاضل من اخواننا العلماء اخرج كتاب الزهد آآ افضل طبعة لكتاب الزهد كتاب الزهد آآ اسمه كتاب الرقائق - 00:41:33ضَ

هو مسميه كده كتاب الرقائق اللي يهجر على المخطوطة يعني آآ كتب الزهد دي ترجمة عملية اقوال السلف وافعالها يجيب لك القول والفعل ابو مسلم الخولاني مسلا من ضمن الكلام اللي بيجيبوه يعني - 00:41:52ضَ

ابو مرسي الخولاني كان يعني رجلا آآ مجدا متابعين مجدا ومتعبدا فكان يصلي بالليل فاذا تعب من القيام ماسك عصاية بتعكز عليها يمسك العصاية يضرب رجله يضرب رجليه. اوعوا تكونوا فاكرينك انه مجنون ولا حاجة - 00:42:15ضَ

يضرب رجليه ويقول لانتما احق بالضرب من دابتي ايظن اصحاب محمد ان يزاحمون دونهم ان يسبقونا ويقوم يصلي ساعات الواحد محتاج يسمع ودنه كلمة منه كلمة منه انت عارف المريض لما يقعد يقول اه اه. عارف اه دي بتريح - 00:42:39ضَ

غير انه يكتم في نفسه ليه الانسان بيقول اه ليبي ليه بيسكت ؟ اه بتريح اه بتريح. يسمعها ودانه. او لعل حد يسمعها يخفف عنه الكلام ده هو لما يقول انتما احق بالضرب من دابتي ايظن اصحاب محمد صلى الله عليه وسلم ان يسبقونا ويقوم يصلي - 00:43:01ضَ

عبيد الله بن عمر القواريري ده شيخ البخاري ومسلم قال ما فاتتني صلاة العتمة قط العشاء يعني لا تؤاخذوني عندي برد قليل الحمد لله الله يبارك فيكم طيب قال ما فتنت صلاة العتمة قط - 00:43:25ضَ

انا هقول الحكاية دي بس عشان الجماعة اللي بيضيعوا صلاة العشاء جماعة او اي صلاة جماعة قال فنزل بي ضيف وقمت على خدمته فاتتني صلاة الايه؟ العشاء طب اعمل ايه بقى - 00:43:54ضَ

قال فطوفت على مساجد البصرة ادور على مسجد مأخر الصلاة الحق الصلاة معه ما لقتش وهو راجع للبيت قال فخطر لي قول النبي صلى الله عليه وسلم ان صلاة الجماعة تعدل خمسا وعشرين - 00:44:12ضَ

وفي رواية سبع وعشرين قام راجع مصلي العشاء سبعة وعشرين مرة ما هو سبعة سبعة وعشرين سبعة وعشرين مرة صلى العشا في الليلة دي ونام قال فنمت فرأيت انني اركب فرسا - 00:44:29ضَ

والجماعة راكبين افراس وعمالين نتسابق مع بعض وفرسي اخرهم عمال يضرب في الفرس على الاخير عشان يلحق بهم. قال فالتفت الي اخرهم وقال لي لا تتعب نفسك ولا تتعب فرسك - 00:44:46ضَ

فاننا صلينا العتمة في جماعة. ومن اين لك تأمين الملائكة؟ افترضنا صليت العشاء سبعة وعشرين مرة انتم عارفين النبي صلى الله عليه وسلم قال من وافق تأمينه تأمين الملائكة غفر له - 00:45:01ضَ

طب ماشي لحقتنا وخدت سبعة وعشرين تجيب تأمين الملايكة منين صلاة عشا وده واحد من الصحابة لما واحد من العلماء خطر بباله ان يفعل هذا وهو انت عارف الصلاة تقع في المرة الاولى هي الفريضة والباقي نفل - 00:45:17ضَ

بس هو عايز يريح نفسه يصلي العشاء سبعة وعشرين مرة عشان يدرك ثواب الجماعة. اللي هي لا تستغرق منه عشر دقائق لا سيما الجماعة هنا في المساجد صلاتهم خفيفة مراته مش كتيرة. يعني مسلا لو حب يسبح له شوية كده وبتاع وياخد راحته ما يعرفش - 00:45:35ضَ

هو يقول سبحان الله والحمد لله ولا اله الا الله الله اكبر. ما يعرفش يكمل حتى يعني بحاول اجيب مسلا تلت تسبيحات بعد الذكر ما اعرفش اجيبهم تمام؟ فصلاة الجماعة صلاة خفيفة يعني - 00:45:54ضَ

في عشر دقائق لو الامام يعني ايه كان راكز كده وابن حلال يعني صلاة الجماعة دي النبي صلى الله عليه وسلم يعني قال قال فيها حاجة مغرية جدا يعني حديث عثمان ابن عفان رضي الله عنه - 00:46:07ضَ

صحيح قال صلى الله عليه وسلم من صلى العشاء في جماعة لان ما قام نصف الليل من صلى الفجر في جماعة والعشاء في جماعة كأنما قام الليل كله بس الدموهم الاتنين لبعض - 00:46:21ضَ

من صلى الفجر في جماعة والعشاء في جماعة فقد قام الليل كله مين يفوت الفجر والعشاء طب مين يفوت العصر؟ ملائكة الليل ينزلوا في العصر اللي هيكون معك بالليل تمام - 00:46:48ضَ

وملائكته النار بيطلعوا بقى وردي بيغيروا ورديات فيسألهم ربهم تبارك وتعالى. يسأل ملائكة اللي نازلين لو طلعوا كيف تركتم عبادي؟ يقول يا رب تركناهم وهم يصلون واللي نازلين كيف اتيتم عبادي اتيناهم وهم يصلون - 00:47:10ضَ

فلما يكون الدفتر اللي هتتكتب فيه انك انت حاضر غير واحد ما غايب الغايب ما لوش نايب خلاص فلا احد اطلاقا يترك صلاة الجماعة انا اعرف من العلماء من من اصيب بالكساح - 00:47:30ضَ

اي يقول اركبوني على الدابة يركبوه على الدابة ويسندوه لان لو سابوه هيقع لأ يسندوه لحد ما يدخل الجامع يصلي ولا يترك صلاة الجماعة اكبر خسارة عليك واسهل ما يكون بالنسبة لك. انت خسران ايه! ما انت قاعد - 00:47:50ضَ

وانت بتعمل ايه قل لي بتعمل ايه؟ ما هو العمر الذي تضيعه بلا فائدة يوم يندم المرء يا جماعة الاشكال ان العقوبة نار نار مش قلم ولا قلمين ولا شلوت ولا الكلام ده. العقوبة نار وقودها الناس والحجارة - 00:48:10ضَ

عايز تعرف الحدوتة دي هات شمعة يا اخي. مش هاقول لك بوتاجاز ولا الكلام ده. هات شمع وحط ايدك عليها اضعف ما يمكن من النار نجيب شمعة هل تطيق انك تحط ايدك عليها - 00:48:28ضَ

طب ما انت عارف الحقائق ديت ايه لماذا هذه الغفلة بنعمل ايه ماذا نفعل في حياتنا كتير من اوقاتنا ضايعة بلا فائدة فلزلك الامام البخاري عقد هذا الباب عشان يعرفها حقيقة الدنيا. اللي انت قطعت ارحامك بسببها. عاديت اخوك بسببها. ابوك امك اخواتك - 00:48:41ضَ

جيرانك عملت كل اللي انت تعمله بسببها. وهي لا تساوي جناح بعوضة ايه الهبل اللي احنا بنعمله ده ما هذا الشطط اللي احنا بنعمله ده مايا ما يليق بواحد عاقل ركب الله فيها الة العقل انه يتصرف هزا التصرف - 00:49:04ضَ

لابد ان يفعل شيئا مفيدا مفيدا حتى النبي صلى الله عليه وسلم في حديث ابي ذر في صحيح مسلم بيقول له اعمل ايه يعني من الخيرات قال له اعمل كذا وكذا وكذا وكذا وكذا. فكل ما يقول له اعمل كذا يقول له ان لم استطع - 00:49:21ضَ

يقول فاعمل كده. يقول له فان لم استطع. يقول له اعمل كذا فان لم يستطع. قال له اعمل كذا تمام؟ لحد اخر مرحلة قال فان لم تستطع. قال له احجز الشر عن الناس - 00:49:36ضَ

شرك خليه في نفسك ازا ما كنتش عارف تعمل معروف ان تفعل اي شيء منافع. الشر اللي عندك ده ما تطلعهوش على خلق الله فانها صدقة لك يعني حتى الشر اللي عندك. لو انت حجزته عن الناس ولم تؤذي الناس - 00:49:46ضَ

عبادة لله عز وجل. هتاخد صدقة عليها يا اخي برغم ان الصدقة ما تجيش الا واحد اثبت عمله طب اللي حاجز الشر ده عمل ايه حاجز الشر ما عملش حاجة الا تاخد بها اجر برضو - 00:50:03ضَ

زي من هم بسيئة فلم يعملها قال اكتبوها له حسن الله! ده هم بسيئة الحسنة واحد عمل حاجة مفيدة يتقرب بها الى الله قال لك اذا هممت بسيئة فلم تعملها قال الله عز وجل للملائكة اكتبوها حسنة. ليه؟ قال الله عز وجل فانه - 00:50:17ضَ

تركها لاجلي هو انت لك هوا في حاجة معينة والحاجة دي انت قادر عليها ان انت تفعلها وبعدين تركتها لماذا تركها وروحك فيها ونفسك فيها؟ قال تركها لاجلي. وفي الرواية التانية قال تركها من جرايا - 00:50:37ضَ

تركها لاجلي دي الدنيا خلاص عرفناها فواحد قال للامام البخاري والله يا امام انا فعلا فهمت قصدك من التبويب ومن الاحاديث التي اوردتها بس قل لي بقى الدنيا دي طالما حزرتني منها وقلت لي انها رخيصة وتافهة والكلام ده. اكيد الدنيا دي هتغرني - 00:50:58ضَ

قل لي بقى العقبات اللي هتقابلني في الدنيا عشان اخد بالي منها فعقد الباب الثالث لهذا قال باب كن في الدنيا كأنك غريب او عابر سبيل اول حاجة انت تاخد بالك منها او تعملها لنفسك يعني - 00:51:18ضَ

كن كأنك غريب او عابر سبيل ده الباب التالت اللي يقوله البخاري بوبه. اول افات الدنيا هيجيب لنا بعد كده شوية افات خطيرة جدا بعضها خفي يعني قال حدثنا علي بن عبدالله - 00:51:38ضَ

قال حدثنا محمد بن عبدالرحمن عن الاعمش قال حدثني مجاهد عن ابن عمر ان النبي صلى الله عليه وسلم قال كن في الدنيا كأنك غريب او عابر سبيل وكان ابن عمر يقول - 00:51:57ضَ

اذا امسيت ده تفسير غريب او تفسير عفوا تفسير عابر السبيل قال وكان ابن عمر يقول اذا امسيت فلا تنتظر الصباح واذا اصبحت فلا تنتظر المساء وخذ من صحتك لمرضك ومن حياتك لموتك - 00:52:23ضَ

في بعض الروايات الاخرى فانك لا تدري ما اسمك يا عبد الله غدا طب اسمه غدا هيبقى ايه المرحوم ادي الاسم بتاعه هو اسمه علي ولا اسمه ابراهيم ولا اسمه زيد. بكرة اسمه المرحوم - 00:52:44ضَ

فانك لا تدري يا عبد الله ما اسمك غدا الحقيقة في مشكلة حديثية وطبعا طالما انكم موجودين ويعني بنشرح البخاري حاجة ضخمة كبيرة لابد لي غصب عني ان اتكلم احيانا في شيء من المصطلح - 00:53:06ضَ

علم الحديث اللي هو لازم افهموا عشان تفهم الوخاري هو صح يعني يعني بعض الجلوس قد لا يعني ايه هذا ومش متخصص ولا الكلام ده ولا بيدرس البخاري ولا القصة مش متخصص - 00:53:33ضَ

قصة ان احيانا انت مضطر ان تمشي على حد الموسى غصب عنك انا اللي بعمله ببسط وايسر جدا جدا الفكرة والمعلومة بحيس ان اقل بحيس ان اقل الناس فهما يفهمها - 00:53:52ضَ

صح مش هتسبت في دماغك انا عارف الا اذا كنت طالب علم ده الغنيمة الباردة بالنسبة لطلبة العلم لكن العامي مش هيثبت في دماغه بس هيفهم عشان لما اقول لك كزا تقول اه انا فاهمها - 00:54:10ضَ

بعد يومين تلاتة حطيني من دماغك. مش مهم انت لا تتعبد الله عز وجل بعلم الحديث بانه مصطلح مش مشكلة. اهم حاجة المعاني التي نبرزها احيانا من الايه؟ من النصوص - 00:54:25ضَ

شيخ البخاري هنا والذي قال ابراهيم ابن معقل النسفي. احد رواة صحيح البخاري قال سمعت البخاري يقول ما استصغرت نفسي خلي بالك من كلم البخاري ده البخاري ها البخاري دهو - 00:54:41ضَ

ضخم هنا اهو يقول ما استصغرت نفسي بين يدي احد الا بين يدي علي بن عبدالله المدين في هذا الحديث كان امة واحدة علي ابن المدين فيما يتعلق بعلم الحديث وعلم العلل والكلام ده - 00:55:03ضَ

كان ابن عيينة وهو شيخي ابن المدين علي ابن مديني يسميه حية الوادي لو اي حد طلب الحديس اي حد قال لك من حية الوادي اعرف على طول لان عليه ابن مدينة - 00:55:26ضَ

ايه الحي بتاع الوادي ده ؟ قال لك ما بتنامش الحية بتنام حية الوادي كل ما يتكلم يقول ليت ان حية الوادي هنا. ده ابن عيينة اللي بيقول سفيان بن عيينة - 00:55:43ضَ

ده اللي هو ضخم بقى الصبيان ده حاجة كبيرة اوي اوي وانا هحببكم في علماء المسلمين في هذا الدرس. كتر الاسماء اللي هقولها لكم. وهكررها على مسامعكم تمام؟ هتعرف ان احنا - 00:55:57ضَ

امة عظيمة لكن ابتليت بعقوق ابنائها يعني هذا العلم الذي انا ادرسه او اقوله كم واحد في امة محمد صلى الله عليه وسلم يعرفه؟ وده علم لازم علم لازم. اسمه علم خادم. العلوم خادم ومخدوم - 00:56:12ضَ

في الدنيا من المخدوم؟ الملوك صح كده ولا انا غلطان الملوك او اي حد له منصب اوله هيئة اوله حاجة مخدوم. عنده خدم يعني من المخدوم في الارض؟ اول طائفة الملوك - 00:56:35ضَ

صح من الخادم؟ انا وانت. ولا حد تالتنا يا حلوين ها زي ما بيقولوا يعني علم الحديث علم خادم وبقية العلوم مخدومة مخدومة. بيت العلوم زي الملوك. وعلم احاديس زينا زيه زيك كده - 00:56:52ضَ

طب ازاي هو ما هو خادم قال لك ما من علم الا يحتاج اليه وهو لا يحتاج الى احد تمام لو افترضنا ان ملك من الملوك لا عنده طباخ ولا كناز ولا زبال ولا مش عارف ايه هيعيش فين في الزريبة - 00:57:12ضَ

كل حاجة حواليه عايزة حد ينضف. وعايزة حد يعمل وعايزة مش عارف ايه. لو ما فيش خدم الملك ده هيعيش فين؟ في زريبة. بالزبط ازا الملك بالقدم الابهة اللي انت شايفها دي كلها ان فيه خدم. اللي فيه سواق واللي فيه طباخ واللي فيه مش عارف نجار واللي فيه كزا وكزا وكزا وكزا - 00:57:33ضَ

علم الحديث بقى ليه هو خادم؟ قال لك ما من علم الا يحتاج اليه. الفقه يحتاج الى صحة الدليل تعرف صحة الدليل بحدثنا فلان عن فلان عن فلان التفسير يحتاج الى - 00:57:52ضَ

في الحديث حدثنا فلان عن فلان عن فلان اللغة العربية نحتاج الى الاسناد حدثنا فلان عن فلان عن فلان النكت لو عايز تهزر محتاجة اسناد لو عايز تشحت محتاجة اسناد - 00:58:09ضَ

زمان زمان ايام الاسناد ما كان له قيمة واحد شحات قال حدثنا عبدالرحمن بن مهدي قال حدثنا فلان عن فلان ان النبي صلى الله عليه وسلم قال اذا سأل السائل ثلاثا فلم يعطوه فكبر عليهم - 00:58:29ضَ

طبعا حاجة تخوف. كبر عليهم يعني يا رحمن يا رحيم روحوا في داهية كلهم على طول ايه ده الدلو ده الدلو ده الدلو بتاع لم الفلوس في المنديل وازا بعبدالرحمن المهدي معدي - 00:58:46ضَ

واحد قال له يا امام اه اه حديث كذا كذا قلته قال له ايه الحكاية؟ قال له قد جاء رجل فقال كذا وحدثنا عبدالرحمن قال كذا وعدو الله ما سمعت به الا الساعة - 00:59:00ضَ

فكان يؤلفه ليه كانت البضاعة الاسناد زمان يعني؟ الاسلام كل حاجة في الدنيا منقولة باسنادها. احنا النهاردة لما انت بتروي عن جدك حكاية عن جدك وجدي جدك وجد جدك مش ده اسناد - 00:59:14ضَ

هو انت لما الموزف او المدير بتاعك يقول لك مين اللي عمل ده ؟ تقول له فلان قال لي فلان عمل مش ده اسناد ما هو الاستاد ايه غير كده ان تنقل الكلام عن غيرك - 00:59:31ضَ

هو ده الاسناد. فاذا كان الاسناد بقى ما احناش عارفين الكداب من الصادق كله في بعضه بني ادمين في بعضهم. متى تعرف الصدق من الكذب فلأجل هذا علم الحديث علم خادم - 00:59:42ضَ

لكل العلوم كل العلوم تحتاج اليه حتى تصحح نفسها وهو لا يحتاج الى اي علم اخر طيب العلم ده الضروري جدا جدا لكل العلوم الاسلامية عشان نحافز على الفقه والحديث والتفسير واللغة والكلام ده. انا عايز هذا العلم. كم من المسلمين يعرف هذا العلم - 00:59:56ضَ

انا اقول هذا الكلام دائما يا طلبة العلم. اقول له انت يا ابني في البلد اللي هو فيها سواء كان هنا او في اي بلد اخره كنت بسافر له والكلام ده - 01:00:18ضَ

كم عالما من علماء الحديث تعرفهم في هذا القطر اللي انت عايش فيه لو اردت ان تستفصل من علة حديث مسلا وعايز تحدي يقنعك او او يقول لك او الكلام ده الى من تذهب - 01:00:29ضَ

لما بلد يكون فيها طاعون وما فيهاش فيها دكتور واحد. طبيب واحد يبقى الموتى بالالوف المؤلفة مش حد هيغيب حد يعني دي عاملة زي كده بالزبط فهذا العلم بالنسبة للعلوم الاسلامية حياة - 01:00:43ضَ

عشان كده يا اخواني آآ يعني اصبروا على العلم. العلم ذل كما يقول علماء لا يتعلم الانسان الا بالذل يقعد رجل على رجل والكلام ده عمره ما يتعلم. قال مجاهد ابن جبر احد رواة هذا الحديث عن ابن عمر قال لا يتعلم اثنان مستحي - 01:00:58ضَ

ومتكبر المستحي يخاف يسأل يقول اخيه مش فاهم ما هو مستحي. والمتكبر يقول لك هو ده ابن مين في مصر ها عشان اسأله ده قد ولادي ها كان فيه واحد برضو في البقالة ايام زمان لما كنت باشتغل في البقالة يعني - 01:01:19ضَ

كان يدخل زبون مقاول كبير يعني. وكان جارنا في في البقالة فبيعتبرني صنايعي ما هو راجل آآ مقاول كبير وراجل بقى المرسيدس وبتاع والكلام ده وقدر يشيل البضاعة والكلام ده. فجرى بينه وبينه مرة حديث في - 01:01:36ضَ

معنى شرعي يعني والحديس كان منكر وقتها يعني والكلام ده فعايز اقول له يعني الحديس الحديد آآ مش صحيح والكلام قال لي هو انت اعلى من الشعراوي؟ انا سامعه الشيخ الشعراوي - 01:01:54ضَ

فهقول له ايه ده انا عارف انه مقاول يعني ما لوش علاقة هو له علاقة بالطوب والرمل والكلام ده. لكن ما لوش علاقة بالعلوم يعني تمام؟ وبعدين قال لي ايه؟ قال لي ده انت من دور اولادي - 01:02:10ضَ

يعني اختشي انت ايه العلاقة باولادي يعني عشان اتولدت قبلي يعني هو الانسان يولد قبل ان يصلي دي فضيلة انك انت اكبر مني مسلا ؟ لأ شف يعني ففي ناس كده يبقى يدور على المتكبر يعني ما ما اصبتش الرجل رحمة الله عليه - 01:02:23ضَ

الكبر يعني. لكن اقصد اقول انه فيه انسان متكبر. شايف انك اقل منه. تطلع ايه يعني مع ان الضعفاء مع ان الضعفاء المتضعفين اعزهم الله بالعلم يقول الاعمش رحمة الله عليه سليمان بن مهران الاعمى شهادة الباز الاشهب - 01:02:44ضَ

الاعمش ده يقول لو كنت بقالا اذا استقذرتموني ما يجيش حد يشتري مني. ليه شكله كده يغمه هيقول لك هشتري من داهو يقطع الخيار من البيت مسلا لو كنت بقالا لاستقذرتموني - 01:03:04ضَ

الاعمش ده حمزة الزيات احد القراء السبعة الكبار اخد القرآن عنه ده استاز حمزة الزيات قراءة حمزة المشهورة هو اللي اعمى شيخه انا احفظ القرآن زي قل هو الله احد - 01:03:22ضَ

الاعمش ده وله قصص نوادر يعني انصحك لو عايز تقرأ شوية عن الاعمش هات كتاب شرف اصحاب الحديث الخطيب البغدادي شرفوا اصحاب الحديد. انا يعني عايز اختم احنا كده خدنا ايه - 01:03:39ضَ

ها طيب عشان خاطر برضو يعني لا اخلي المسألة من طرفة آآ اختم باحكام الاعمش. تمام لا مش كان اعمى المهم حضر جنازة في يوم من الايام وكان عسرا في التحديث - 01:03:55ضَ

يعني عشان تاخد منه حديس تطلع عينيك عشان تاخد منه حديس فحضر جنازة يوما واحد من الطلبة الاذكياء حب ياخد منه احاديس فقام واخد بدراعه كده انجز معه يعني وقال له انا معك يا ابا محمد - 01:04:14ضَ

انا يعني يقوده رجل اعمال يقوده انت عارف زمان الجنرالات كان فيها صمت وما تعرفش حد بيتكلم وكده يعني فبدأ التلميذ ده ينحرف بالاعمش عن الجماعة اللي ماشيين معه شوية شوية شوية لحد ما خدوا ايه في الصحراء. وهو اعمى مش واخد باله - 01:04:37ضَ

قال اتدري انت يا ابا محمد؟ قال له لا. قال انت في جبانة كذا وديتك ترب تانية مقابر تانية خالص والله لا اردك الى البلد حتى تملأ الواح حديثا معي كشكول ميت ورقة عايز املاه. ها - 01:04:56ضَ

وقال له كيف تفعل هذا؟ قال شف انسى انسى. انسى خالص ان انا لا اي اعتذار هيعتذر لابد ان الم الواح حديثا قرار اكتب حدثني فلان عن فلان عن فلان ملأ الالواح حديثا - 01:05:14ضَ

وبعدين راجع الاعمش متغيز عليه خد كيف اخذ هذه الغنيمة البريدة ببساطة كده وبحيلة حتى ما شفهاش مروءة يعني ولا بتاع اول ما قرب من البلد قام التلميز مدي الالواح لواحد صاحبه كده سكيتي يعني - 01:05:27ضَ

وبعدين وصل البيت. قال له يا ابا محمد نحن في بيتك. قام متعلق برقبته وقال خذوا الالواح من الفاسق. تمام؟ فقال يا ابا محمد قد مضت الارواح. الارواح راحت خدنا حد تاني وبتاع - 01:05:43ضَ

فقال له كل ما حدثتك كذا. حتى مش عايزه ينتفع. حتى مش عايزه ينتفع. شف بقى التلميز المؤدب بقى اللي اتربى على المشايخ وكده قال يا ابا محمد انت اعلم بالله من ان تكذب - 01:05:58ضَ

يعني لن تقول حدثني فلان وانت تكذب على هذا الفلان يعني وقال انت اعلم بالله من ان تكذب. والاعمى مش له طرف كثيرة جدا يعني انا الفت كتابا لكن لم ينشر حتى الان - 01:06:16ضَ

سميته اتحاف الارمش لاخبار الاعمش القرمش الزكي يعني اقول قولي هذا واستغفر الله لي ولكم - 01:06:29ضَ