Baheth

الحمد لله وكفى وصلاة وسلاما على عباده الذين اصطفى. اللهم لك الحمد كله. اللهم لك الحمد كله. اللهم لك الحمد يا نور السماوات والارض بديع السماوات والارض. يا قيام السماوات والارض. اللهم لك الحمد كله. ولك الملك كله وبيدك الخير كله. واليك - 00:00:00ضَ

ترجع الامر كله. اللهم صل وسلم وزد وبارك على الحبيب محمد. اللهم صل على الحبيب محمد صلاة ترضى بها عنا. اللهم صل على الحبيب محمد صلاة تسكنا بها في الفردوس الاعلى. اللهم صل على الحبيب محمد صلاة تنور بها قلوبنا وتزكي بها نفوسنا - 00:00:20ضَ

وتشرح بها صدورنا وتقوي بها في رضاك عزمنا. اللهم صل على الحبيب محمد صلاة تسدد بها خطانا اللهم صل على الحبيب محمد صلاة توسع بها ارزاقنا. وتكشف بها الهم والغم والكرب عنا. يا ارحم الراحمين. اللهم - 00:00:40ضَ

استعملنا ولا تستبدل بنا. اللهم استعملنا ولا تستبدل بنا. اللهم امين. اما بعد اخواني واخواتي في الله انا في غاية السعادة بهزا اللقاء. على القناة الرسمية الدكتور محمد جودة صديقي وحبيبي ورحلة عمر مع بعض في الدعوة الى الله. الله يوفقه ويحفزه وينفع به يا رب وينفع بكم - 00:01:00ضَ

استعملكم ولا يستبدل بكم ابدا يا رب يفتح علينا جميعا في الدعوة الى الله لاخر لحظة في اعمارنا. انا في غاية السعادة يا جماعة وانا بشارك في هزه الليلة وهنتكلم عن اية المشكاة. اية المشكاة في سورة النور يا اخوانا. سورة النور دي عبارة عن ايه؟ يعني الاية دي جاية هنا جاية في قلب - 00:01:20ضَ

بسورة النور ليه ؟ يا جماعة المشركين عرب قبل الاسلام دايما المشركين كده اسهل حاجة عندهم القتل والزنا والعياط بالله. فكان فيه ما يمكن ان نسميه يعني والعياز بالله سعار في مسألة الشهوات الجنسية في الجزيرة العربية. والصورة مبينة كده وهي - 00:01:40ضَ

بتحارب هذا هذا البعد عن الله. بتحارب استغلال جسد المرأة في نشر الشهوات في المجتمع. بتحارب ده سورة النور يا جماعة بتوجه رسالة قبل ايت المشكاة على طول بايتين. بتوجه رسالة للبغايا لواحدة امرأة اللي كان بيملكها في الجزيرة العربية - 00:02:00ضَ

بيخليها تعمل في البلاء غصب عنها ربنا سبحانه وتعالى يقول آآ قبل اية المشكاة على طول ولا تكرهوا فتياتكم على البغاء ان اردنا تحصنا ومن يكرهن فان الله من بعد اكراههن غفور رحيم. ده رسالة الى امرأة بغي. تخيلوا سيدنا جبريل نازل على سيدنا محمد برسالة من الله - 00:02:20ضَ

لهؤلاء النسوة ولهؤلاء الفتيات وللي بيفتحوا او والعياذ بالله هؤلاء القوادين اللي بيفتحوا بيوت البغاء. سورة النساء سورة النور بتكلم مين ؟ عشان نفهم اية المشكاة جاية فين ؟ وعايزة تنور على مجتمع اهل الشهوات عايزين يضلموه لدرجة ايه ؟ يعني فيه صحافة صفراء في المجتمع ده - 00:02:40ضَ

الله سبحانه وتعالى يقول ان الذين يحبون ان تشيع الفاحشة. التشيعة دي اللي هي بيسموها الوقتي شيوعية الجنس. من مبادئ الشيوعية يقول لك شيوعية الجنس. ان آآ ما فيش حاجة اسمها دي زوجة لفلان وفلان مرتبط بفلانة. ما فيش الكلام ده والعياز بالله زي البهائم كده. اي واحد مع اي واحدة. ففي حاجة اسمها الصحافة الصفراء - 00:03:00ضَ

الذين يحبون ان تشيع الفاحشة زي كثير من الصحف الصحف الصفراء دلوقتي. اللي عايزة الشهوات تنتشر وسط الشباب. والصور الجنسية والمواقع الاباحية والمقاطع الاباحية ولبس النساء العاري الصورة بتواجه مش بس زاهرة البغاء ولا زاهرة الصحف الصفراء وزاهرة - 00:03:20ضَ

ان في ناس بتحب ان تشيع الفاحشة آآ يعني عشان اصلا ده مصدر دخل لها دي بقت دنيتها. ده بقى بيكسب وبيتربح من ورا انحلال المجتمع والعياذ بالله غير ان هو بيكره الدين. وعارف ان الشهوات لما هتنتشر الدنيا هتضلم فهيسهل ان الشبهات تنتشر - 00:03:40ضَ

احد اخواني فيه مخرجة مشهورة جدا يا جماعة بانها بتعمل افلام آآ فيها شبهات ضد الدين. آآ يعني فسبحان الله العظيم فكان شاف رؤية كده آآ يعني ايه يعني شاف المخرجة دي وشاف آآ يعني حاجة زي انتشار مرض ايدز في المجتمع او حاجة زي كده - 00:04:00ضَ

فقلت له المخرجة دي شغالة على الشبهات. الايدز ده مرض نقص المناعة. لما الشهوات بتنتشر بتنقص المناعة الايمانية. يقوم زي الجسم اللي عنده ايدز اقل ميكروب يأسر فيه فتبقى الشهوات الشبهات تأسر بقى. ممكن شاب يلحد ممكن فايه مصيبة الزنا؟ هم عايزين تشاء الفاحشة في الذين امنوا ليه؟ عشان - 00:04:20ضَ

تاني ييجي للمجتمع ايدز ايماني يبقى نقص مناعة ايمانية. فلما ييجوا يكلموه في الالحاد يكلموه في التنصير يكلموه في اي شبهات ينفع ان هي تنطلي عليه لان الدنيا عشان كده سورة النور نازلة تنور في الوضع ده. سورة النور بتتكلم عن ايه ؟ بتتكلم عن التبرج التبرج نقدر نقول التبرج الصامت - 00:04:40ضَ

يعني ربنا بيقول على فكرة سورة النور يا جماعة فيها اصعب تكليف للمرأة في القرآن كله. ومزكور مرتين ولا يبدين زينتهن اصعب تكليف للمرأة في القرآن ولا يبدين زينتهن. لان المرأة بتبقى متعلقة بالزينة. فربنا بيقول لها وليضربن بخمورهن على جيوبهن. الخمار اللي هو - 00:05:00ضَ

الرأس والجيب اللي هو صدر المرأة فربنا بيقول لها نزلي الطرحة على صدرك. يعني سورة النور نازل فيها احكام حجاب الجزء الاعلى من جسدك المرأة بعد كده في سورة الاحزاب جه بقى الجزء الادنى من جسد المرأة يدنين عليهن من جلابيبهن ما تلبسيش حاجة لها وسط ما تلبسيش حاجة ضيقة تفصل - 00:05:20ضَ

اه مفاتن جسم المرأة فربنا ما سابش سنتي واحد في جسم المرأة بدون حكم في القرآن يا اخواننا. فشوفوا وليضربن بخمرهن على جيوبهن يعني فكرة الاسبان ايش كزا لأ. نزلي الطرحة على صدرك لازم الطرحة تنزل سابغة كده تغطي آآ آآ مفاتن صدر المرأة. انتم متخيلين سورة النور - 00:05:40ضَ

بتواجه ايه؟ بتواجه يعني مجتمع ربنا بيقول له ولا يضربن بارجلهن ليعلم ما يخفين من زينتهن. يعني يعني هي واحدة اصلا لابسة فعلا لابسة عباية ولكن لابسة تحتها خلخال وبتضرب الارض برجليها عشان الخلخال يطلع صوته. يعني انت متخيلة فهي ظاهريا انتم عايزين مني ايه؟ انا لابسة عباية - 00:06:00ضَ

طب وشعرك آآ شعري متغطي وليضربن بخمورهن. يعني ربنا ما بيقول لهمش البسوا خمار. بيقول لها لأ خمارك ما تنزليهوش على ضهرك. ما تعمليهوش سبانش وتبينه في رقبتك وتبيني مفاتن جسمك نزلي الخمار على صدرك. يعني هي واحدة لابسة خمار ولابسة عباية مغطية رجليها وربنا بيقول لها ده مش حجاب. ده مش - 00:06:20ضَ

حجاب انت كده بتضحكي على مين! انت انت هتخدعي اللي خلقك! انت ده مش حجاب! ده تبرج! وده اثارة للشهوات! وده اثارة للمفاتن! شفتم سورة النور بتعمل ايه سورة النور بتكلم واحد كان فيه علاقة علاقة لاقصى درجات علاقة الانتمة الحرام والعشق الحرام بينه وبين واحدة اللي هو مرصد وعناق في اول السورة الزانية - 00:06:40ضَ

لا ينكح الا زانية دي ناسنا بسبب ايه ؟ مرصد لما راح عشان يحرر المأسورين من المسلمين اسناء الهجرة. فقابل عناق. عناق دي كان ايه ؟ كانوا هم الاتنين اتنين بيعشقوا بعض وبيقعوا والعياذ بالله في الزنا مع بعض ايام الجاهلية. فاول ما شافته عناقة قالت له ايه مرصد هلم فبت عندنا الليلة. هي الدنيا سهلة كده! يعني تخيل - 00:07:00ضَ

انه المجتمعات العربية يا جماعة كان سهل ان واحدة تروح بيتها ومعها راجل غريب. يعني يعني انتم متخيلين المجتمعات بتقول هلم فميت عندنا الليلة عادي جدا كده. يعني فقال يا عنق ان رسول الله قد حرم الزنا. فده مرصد مرصد ده مات بعد الاية دي بشهور ما اتجوزش عن - 00:07:20ضَ

مقومات بعد الاية دي بشهور في آآ بئر معونة والرجيع. يعني شفتم الاية بتغير الانسان قد ايه من واحد كان على علاقة آآ بهزه الدرجة مع هزه المرأة البغي والعياذ بالله الى واحد شهيد في سبيل الله. يستشهد وهو يدعو الى الله في جزيرة العرب. يعني استشهد في جولة يعني - 00:07:40ضَ

ده واحد من اللي استشهدوا اسناء الجولات الدعوية زي عروة ابن مسعود الثقفي. اما استشهد وهو يدعو اهل الطائف الى الله. زي مؤمن ال ياسين اما استشهد وهو يدعو آآ اصحاب - 00:08:00ضَ

او آآ او آآ ال ياسين الى الله. يعني دول استشهدوا وهم يتكلمون عن الله. زي جميع الانبياء وكأن من نبي قتل المفسرين قالوا اجماعا ما فيش ولا نبي قتل في معركة. وكل من قتل في الانبياء قتل وهو يدعو الى الله. فاشرف موتة في التاريخ ان الانسان ينال الشهادة - 00:08:10ضَ

في سبيل الله وهو يتكلم عن الله سبحانه وتعالى. يبقى بيتكلم آآ الصورة بتتكلم عن العلاقات الحرام. علاقات الزنا الحرام. علاقات المخادنة الحرام. علاقات الانتمة حرام العلاقات الحرام بين الرجال والنساء. الصورة بتتكلم عن الخيانات الزوجية يا جماعة. والذين يرمون ازواجهم. واحد دخل لقى مراته مع واحد - 00:08:30ضَ

طب يعمل ايه ؟ طب هو كداب ولا صادق؟ ما هو ممكن يبقى كداب وممكن يبقى صادق. فبتتكلم عن آآ تنزيم اسبات جريمة الخيانة الزوجية. يبقى صورة عن علاقات الزنا الفاحش. السورة بتتكلم عن الخيانات الزوجية. السورة بتتكلم عن الصحافة الصفراء والصور الجنسية - 00:08:50ضَ

ونشر الشهوات في المجتمع. الصورة بتتكلم عن السورة بتتكلم عن الحجاب وعن التبرج بتاع النساء وعن كشف اه للمفاتن بتاعتها. السورة بتتكلم عن الاختلاط الفاحش ما بين الرجل وما بين المرأة وعدم اه وعدم غض البصر. قل للمؤمنين - 00:09:10ضَ

غضوا من ابصارهم قل للمؤمنات يغضضن من ابصارهن. كزلك السورة بتتكلم عن آآ قضية العنوسة وقضية عدم الزواج وواحد ما اتجوزش وواحدة ما ومجتمع ما فيش فيه جواز وعيب ان واحدة جوزها مات تفكر في الجواز بعد ما مات. واقعدي ربي عيالك عيب فبيقول وانكحوا الايامى. الايامى دي كلمة جبارة يا اخواننا الايام - 00:09:30ضَ

دي بتشمل كل شاب جامعة ما اتجوزش وكل بنت ما اتجوزتش. وكل امرأة عندها خمسين وستين سنة لم تتزوج وكل راجل كبير لم يتزوج. دي ياما وكلمة القيامة دي اصلا كلمة جبارة في اللغة انتم عارفين يعني ايه الايام في اللغة؟ الايام في اللغة ان ان اللي بيجي يجني العسل من خلية النحل بيقوم جاي - 00:09:50ضَ

عود خشب ومولعه نار. ويقوم مدخل عود النار جوة الخلية. فالنحل يفزع ويضطرب ويخرج من الخلية بسرعة مرعوب ومفزوع مضطرب يقوم هو واخد العسل بتاعه فالنحل مفزوع ان العسل بيتاخد ومفزوع ان فيه نار بتهجم عليه. اهو الحركة دي اسمها الايام. عشان تعرفوا - 00:10:10ضَ

هو ربنا بيختار الفاظ في القرآن بيختار الفاز اعجازية ازاي؟ ان لفز الايامى معناها حسوا باللي مش متجوزين. حسوا بالشباب اللي مش متجوز حسوا زوجها توفاه الله بعد سنة سنتين من الزواج. وقعدت لوحدها حسوا زوجته توفاها الله وعاش لوحده. وحسوا باللي ترملت او - 00:10:30ضَ

او المطلقة او اللي يعني سنها عدى سن معين ولم تتزوج. حسوا بمدى الاضطراب اللي عندهم. حسوا بمدى عدم السكينة اللي جواه حسوا بمدى النار اللي هم حاسين بها. ربنا بيقول وانكحوا الايامة. اسعوا في تزويج الناس. وتزويج الشباب وتزويج المجتمع كله وتحصين - 00:10:50ضَ

المجتمع كله وبعد كده ربنا بيكلم الشاب اللي مش علاء يتجوز بيقول له انت لو تعففت عن العلاقات الحرام مع بنات الناس لو تعففت على انك تنط من الشبابيك المواربع على الفيس والانستا والسوشيال ميديا والسناب شات وكل - 00:11:10ضَ

وكل السوشيال ميديا لو تعففت عن بنات المسلمين وبطلت تضحك عليهم. بطلت تستميلهم بطلت تقع في الزنا بطلت تقع في المحرمة وانت كزلك ربنا بيقول له هديك ايه وليستعفف يبعد عن العلاقات الحرام. الجنسين يبعدوا عن العلاقات الحرام وليستعفف الزين لا يجدون نكاحا. ما عندوش اي - 00:11:30ضَ

مليم يتجوز به حتى يغنيهم الله من فضله. حتى هنا بعض المفسرين بيقولوا حتى اي من اجل عايز ربنا يغنيك. عايزة ربنا يغنيك من فضله تعففي عن العلاقات الحرام. يعني ربنا هنا بيقول للشباب والبنات اللي ما اتجوزوش والشهوة بتتقد جواهم. ربنا سبحانه وتعالى بيقول لهم - 00:11:50ضَ

تعففوا عن العلاقات الحرام وانا اغنيكم من فضلي. حتى يغنيهم الله على قول اي من اجل ان يغنيهم الله. وبعد كده ربنا كلم البغايا. وبعد كده ربنا في اخر السورة - 00:12:10ضَ

اتكلم عن الاختلاط الفاحش جوة البيوت. جوة البيوت لاختلاط الفاحش ليستأذنكم الزين ملكت ايمانكم والذين لم يبلغوا الحلم منكم. والاختلاط جوة بيوت اعمامكم بيوت عماتكم بيوت اخوالكم بيوت خالاتكم. سورة النور يا جماعة قرار مواجهة السعار الجنسي في - 00:12:20ضَ

المجتمعات العربية قرار مواجهة العلاقات الحرام. يعني صورة النور بتدينا قوة. سورة النور بتدينا قوة ان نموزج مرصد ابن ابي مرصد مات شهيد في الاخر لما مشي وراء شرع الله ووراء سنة رسول الله صلى الله عليه وسلم. ان احنا نقدر نغير المجتمع. ان اكتر الشباب اللي الوقتي بعيد وبيقع في علاقات حرام انه ينفع ان هو يتغير - 00:12:40ضَ

سورة النور بتدينا بتدينا قوة عشان كده بتحمل اشد تكليف نفسيا على المرأة في في القرآن كله ولا يبدين زينتهن مرتين. سورة النور بتدينا امل ان السعار الجنسي اللي موجود في جزيرة العرب اتكسر قدام - 00:13:00ضَ

فهزه من المعارك التي انتصر فيها القرآن. طب الفترة بتاعة سورة النور دي فترة جهاد في سبيل الله سورة النور والنساء والاحزاب نازلين في فترة قمة حرب المنافقين على الاسلام. وقمة حرب المشركين على الاسلام. في الفترة بتاعة غزوة الاحزاب - 00:13:20ضَ

طب هو ربنا في وسط الجهاد بيتكلم عن ده ليه؟ عارفين لما المانيا اكتسحت فرنسا في الحرب العالمية التانية وخدت فرنسا بدون اي مجهود ولا بدون اي تعب يزكر حصل بعدها ايه ؟ فاللي حصل بعدها ان قالوا ان مستحيل شباب فرنسا كان يصمد قدام الجيش الالماني لانه شباب ضايع بسبب الخمر والزنا. فقالوا - 00:13:37ضَ

لن ينتصر شعب تحكمه الشهوات. اهو بالزبط كده احنا مش هننتصر والخيانات الزوجية وبيوت البغاء والدعارة والفتيات البغايا صلاة الفاحش وعلاقات الزنا الحرام والخيانات الزوجية وعدم الزواج من ناس كتير جدا في المجتمع - 00:13:57ضَ

ومش هننتصر وكل ده موجود في وسط بقى هزه المواجهة جه قرار في هزا الوقت ان تواجه هزه الازمة بكل قوة تواجه الصحف الصفراء يواجه اعلام المنافقين الزي يستفز الشهوات. تواجه خمسة مليون موقع اباحي على شبكة السوشيال ميديا. يواجه - 00:14:17ضَ

كل ده طب هنواجهه ازاي؟ كيف سنواجهه؟ رقم واحد قل للمؤمنين يغضوا. قل للمؤمنات يغضضن. رقم واحد رقم اتنين اية المشكلة اللي احنا بنتكلم عنها. رقم واحد قل للمؤمنين يغضوا. على فكرة يا جماعة هي لو آآ لو ما فيش محزوف كانت بقى تقول للمؤمنين يغضوا - 00:14:37ضَ

من ابصارهم. فقالوا يغضوا دي محزوفة. قال لها انتم عارفين الافعال الخمسة وحزف النون في جزم هنا في في جزم. هي الاصل كانت فقال لك ازاي قل للمؤمنين يغضوا؟ ايه اللي جزم يغضوا؟ قل للمؤمنات يغضضن. الله! طب برضه دي مجزومة. ايه اللي جزمها؟ قال لك اللي جزمها فعل محزوف - 00:14:57ضَ

ايه الفعل المحزوف مع علماء اللغة قالوا انتقل للمسلمين غضوا يغضوا. يعني المحذوف ايه؟ غضوا للمؤمنين غضوا ابصاركم. هيحصل ايه؟ يغضوا من ابصارهم. غضوا يغضوا يعني ايه القصة ايه؟ يعني اتكلموا في الدعوة الى الله. فيه بنات كتير قوي مؤمنة بس حد - 00:15:17ضَ

عن ربنا. فيه شباب كتير اوي مؤمن بس حد يكلمه عن الله. سبحانه وتعالى اتكلمه عن ربنا سبحانه وتعالى. لو فيه حد اتكلم عن ربنا المجتمع هيتغير. يبقى ما بنلاقيش فيه غض بصر ما فيش حد بيقول غضوا. انما لو لو الدعاء الى الله نزله للناس. ونزله للشباب واتكلموا عن الله الناس هتستجيب. عارفين زي قول الله سبحانه وتعالى - 00:15:37ضَ

قول الله قل للمؤمنين آآ يغفروا للذين لا يرجون ايام الله. قال لك برضو مش هيغفرون يعني ان تقل للمؤمنين اغفروا يغفروا زي قول الله لسيدنا ابراهيم وازن في الناس بالحج يأتوك. مش يأتونك هتتكلم عن ربنا الناس هتيجي. والناس هتقبل بس مين اللي بيؤذن في الناس؟ مين - 00:15:57ضَ

اللي بيدعو الى الله مين اللي بيقول للناس غضوا ابصاركم. مين اللي بيقول للبنات اتحجبوا عايزين نشتغل في الدعوة الى الله. احنا داخلين على رمضان اهو يا جماعة. احنا في شهر شعبان شهر رفع - 00:16:17ضَ

الى الله. انتم عارفين ان فيه اربع مرات بترفع عملك وعملك الى الله. الرفع اليومي كل اتناشر ساعة بيرفع تقرير عنك بيرفع عملك الى الله. كل كل اسبوع كل يوم اتنين وخميس. كل سنة في شعبان بيرفع عمل السنة الى الله. واخر عمرك لما بيقبض روحك وروحك وروحي ملك الموت نسأل - 00:16:27ضَ

وحسن الخاتمة بيرفع عمل العمر كله الى الله سبحانه وتعالى. فالاعمال بترفع احنا دلوقتي في فترة رفع الاعمال الى الله. احنا الوقتي داخلين على رمضان قرن من الزمان ليلة القدر. عايزين بقى مين اللي هيقول للمؤمنين غضوا؟ مين اللي هيقول للشباب توبوا؟ مين اللي هيؤزن في الناس بالتوبة الى الله وبالعمل الصالح؟ مين؟ مين اللي - 00:16:47ضَ

اجتهد ساعتها هيلاقي نتيجة. ما فيش حد هيشتغل ولن يجد نتيجة في هزا العمل ابدا. آآ آآ طيب آآ هنتكلم مع الناس لما نتكلم نعمل ايه هي دي بقى اية المشكاة اللي احنا هنتكلم في بعض ملامحها الان ان شاء الله بازن الله قدر ما تسعه هزه الدقائق بازن الله - 00:17:07ضَ

او دكتور محمد جودة بقى ان شاء الله بازن الله هيغطي آآ آآ بالتأكيد بقى يعني ايه حاجات كتير في هزه الاية وفي الايات المصاحبة لها. الله نور الارض ايقظوا الفطرة بقى. ايقظوا النور الكامن اللي جوة. صحوا الفطرة يا جماعة فيه حاجة اقوى من اي مفاعل نووي موجودة. عارفين سورة - 00:17:27ضَ

سبق وصورة فاطر صورة سبق بتقول لاهل الباطل انتم عارفين انتم بتحاربوا مين ؟ سورة فاطر بعدها بتقول لاهل الباطل انتم عارفين انتم بتحاربوا ايه ؟ انتم الفترة يبقى صورة سبأ بتقول لهم انتم عارفين انتم بتحاربوا مين؟ انتم بتحاربوا الله. لن تنتصروا على الله. مهما عملتم سورة فاطر بتقول لهم انتم عارفين انتم بتحاربوا ايه - 00:17:47ضَ

بتحاربوا الفطرة. يعني انتم بتحاربوا الفطرة؟ يعني تلاقي الشاب التبرج انتشر. وخمسة مليون موقع اباحي بيراودوه عن نفسه. وغلقت الابواب وقيل هي انت لك من زات اليمين وزات الشمال. ومش لاقي حلال والحرام ببلاش والحلال غالي جدا ومش عارف يعمل ايه ويسمع مقطع دقيقتين عن - 00:18:07ضَ

ربنا فجأة تنتفض الفطرة يصحى قلبه اللي كان ميت يتوهج القلب بالايمان يدوس بحزاؤه على كل الشهوات تدوس بحزائها على كل الشهوات وينطلقوا الى الله سبحانه وتعالى. لسة احد آآ اخواني من الدعاء الى الله - 00:18:27ضَ

كان معي فبيقول لي زمان وانا باحضر للشيخ فلان. آآ آآ انا كنت بعيد جدا عن ربنا وعديت العشرين ولا دخلت جامع ولا باصلي. قال لي حضرت له اتغيرت وتبت الى الله قال في واحد كان شغال في الاعلام وكان بعيد جدا وضايع جدا بيقول فشفته في الدرس انا استغربت ايه ده بيقول درس بكى وقال - 00:18:47ضَ

انا عايز اتغير بس انا مش هقدر اتغير ليه ؟ قال لان فيه واحدة بقى مأنتمين مع بعض في الحرام والبنت دي لا يمكن هتسيبني فصاحبي بيقول لي بيقول لي فقلت له - 00:19:07ضَ

هاتها الدرس. قال له يا عم درس مين دي؟ لا يمكن تتغير. دي لا يمكن تتأسر. قال له طب هات الدرس. بيقول جت الدرس. التزمت. وانتقضت. وانطلقت في وسابته فضل ومنة الله وممكن سبقته كمان في الطريق لربنا سبحانه وتعالى. يا اخوانا الناس كلها في قلبها خير. الناس كلها في قلبها خير بس احنا فسورة اية - 00:19:17ضَ

تشكا بتقول لكم خاطبوا الفطرة. ما تيأسوش. فيه حاجة جوة افسد الشباب وافسد المغنيين. حد من اخواني الدعاة آآ الى الله على السوشيال ميديا من حوالي اسبوع لقيته باعت لي الساعة اربعة وخمسة واربعين دقيقة العصر. آآ بيقول لي يا دكتور حازم انا - 00:19:37ضَ

عملت مقطع للمغني الفلاني وجاب لي بقى اشهر مغني في مصر. اشهر مغني في مصر بجد يعني او من اشهر اتنين تلاتة مغنيين في مصر. انا بعت له مقطع انا فعلا كده آآ - 00:19:56ضَ

يعني مم يعني كده مم يعني يعني الموقف كده مزبوط هو هو عمل حركة جميلة جدا. حركة بطولية بس هو طبعا عايز حد يقول له كلمة يسبتوا كلنا كده بعد اربع ساعات الساعة تمانية وي. لقيته باعت لي المغني سمع الفيديو ونزل آآ ونزل - 00:20:06ضَ

على الستوري بتاعته على صفحة الفيس الصفحة البيدج بتاعته. وكلم مدير اعماله ومدير اعماله اتصل بي هو عايز يقابلني. قلت سبحان الله! يا ابني القى عصاك! فاذا هي تلقف ما يأفكون! القى عصاك! الكلمة قولي ما انتش عارفة الكلمة دي! هتجيب نتيجة ازاي! فلما كلما - 00:20:26ضَ

قال انك اليوم لدينا مكين امين. سيدنا يوسف اتكلم عن ربنا خمس دقايق غير النزام في البلد كلها. اتكلموا عن ربنا الكلمة قوية. اقوى سلاح على وجه الارض هو الكلمة. ربنا لما نزل معجزة من فوق سبع سماوات عشان البشرية تنتصر على ابليس. نزل كلام يا جماعة نزل القرآن. كلام الله سبحانه وتعالى - 00:20:46ضَ

حالة اقوى سلاح في الدنيا هو الكلمة. ممكن واحد مجرم يقنع شاب انه يبقى زعيم عصابة. وممكن واحد داعية يقنع شاب انه يجاهد في سبيله مين اللي ناوي يضحي بروحه؟ الكلمة اقوى من ان من البيان لسحر كما قال النبي صلى الله عليه وسلم. ففي اية المشكاة اية خمسة وتلاتين في سورة النور الله ينور قلوبنا وينور - 00:21:06ضَ

اجبر بصائرنا يا رب اللهم امين. ويزكي نفوسنا ويسدد خطانا ويقوي في رضاه عزمنا. آآ آآ الله اتكلم بقى عن ايقاظ الفطرة. الفطرة اللي هي ايه اللي هي المصباح؟ انت مش كاتم فيها مصباح. المصباح دي في اللمبة بتاعة زمان بتاعة القرى هي الفتيلة اللي بتنور. والفتيلة اللي بتنور - 00:21:26ضَ

في حواليها ازاز ها وفيه خزان زيت تحت موصول بالفتيلة. فالفتيلة تفضل تاخد زيت من خزان الزيت توهج بالنار وفيه ازاز حواليها الازاز ده بيحميها من الهوا. والبلام اللمبة اللي كانوا بيسموها لمبة الزيت دي كلها محفوظة - 00:21:46ضَ

حتة جوة الجدار عشان تكسف النور. وتركز النور وما يتشتتش النور. فالنور ينور الاوضة كلها والغرفة كلها ويبقى في قوة الاضاءة. فربنا سبحانه وتعالى بيشبه الايمان في قلب العبد بالمنزر ده. الله نور السماوات والارض. الله - 00:22:06ضَ

والله يا جماعة اه علماء اللغة قالوا ان الوله الوله اللي هو الحب. شدة الحب. يعني يقول لك فلان ولهان. الله الذي تهيم القلوب في محبتي الذي تهيم القلوب شوقا اليه. الله سبحانه طبعا فيه معاني تانية لكلمة الله بس يعني المعنى ده ان كلمة الله من الحب - 00:22:26ضَ

من الحب والوله وشدة الشوق الرهيب لرؤية وجه الله سبحانه وتعالى الله يمتعنا بالنظر الى وجهه الكريم في الفردوس الاعلى في صحبة النبي محمد صلى الله صلى الله عليه وسلم. ويجرنا من عذاب النار يا رب. الله نور السماوات والارض. يعني الله هادي اهل السماوات والارض. يعني ما فيش - 00:22:46ضَ

مصدر في الهداية في الكون غير ربنا. اللهم اهدنا اللهم اهدنا وسددنا. اللهم اهد قلوبنا يا رب ما ننساش والله يا جماعة. يعني ما انساش اه يوم عرفة اللي فات ده ولسه كان يعني يعني ربنا سبحانه وتعالى توفى من اليوم اللي قبلها. يعني كان وفاة خالد ابني الله يرحمه. فطبعا رزقت انا - 00:23:06ضَ

زوجتي وبناتي الحج بمعجزة يعني حاجة كده يعني ايه حاجة عجيبة وترتيب عجيب! سبحان الله العظيم! تاني يوم لقينا نفسنا داخلين عرفة. فانا اول اول ما دخلت عرفة انا طبعا في حالة نفسية يعني لو وزعت على الارض لفاضت. ما حدش يقدر يتخيل ايه اللي جوة قلبي. من الالم والحزن - 00:23:26ضَ

يعني ومحاولة التماسك والواحد بقى ايه يعني يعني كل اللي في زهني انا يا رب اهدي انجد قلبي عشان اعيش مع حسن الظن بك. ومع السقة فيك موقف صعب جدا. سبحان الله العظيم! انا فاكر يوميها دخلت المخيم في يوم عرفة - 00:23:46ضَ

وما آآ عايز ادعي وقلبي ليس ليس فيه الا ما يعني لا يعلم ما فيه الا الله سبحانه وتعالى. دعيت دعوة واحدة بس اول ما دخلت يا جماعة رفعت ايدي وقلت اللهم اهد قلبي. اللهم اهد قلبي. والله العزيم انا كل ما قبل هزه اللحزة حال - 00:24:04ضَ

واول ما الدعوة دي دعيت ربنا بها انا الى هزه اللحزة في حال تاني خالص. اول ما قلت اللهم اهد والله يا جماعة انا ربنا سمعني في سانيتها انا ربنا سايقة انا في سانيتها انا لقيت قلبي هدي. وبدأت ابص للموضوع بزاوية تانية خالص. وسبحان الله واديت درس - 00:24:24ضَ

انت طالبه مني في المخيم ادي درس اديت درس اسمه معجزة الدعاء الغير مستجاب. اللي هو اول مرة بقى الدنيا تنور قدامي. طب انا دعيت. طب الدعاء ما استجبش ليه؟ طب - 00:24:44ضَ

ايه المعجزات اللي او ايه الحاجات العجيبة اللي ربنا عملها لنا في الابتلاء وربنا كان معنا في كل لحزة ازاي ؟ وربنا وبدأت اشوف لطف لربنا في كل لحزة في رحلة المرض بتاعة ابني عجيبة! سبحان انا كان قلبي قبل كلمة اللهم اهد قلبي. ربنا اللي عالم به وقلبي بعد الكلمة دي بقى في حتة - 00:24:54ضَ

تانية خالص سبحان الله! فعلا الله نور السماوات والارض. ما حدش هيهدي قلبك غيره. حدش هينورها لك غيره. ما حدش يملاها من جوة نور غيره. ربنا هو اللي بيهدي ما فيش زرة نور في قلب ملك من حملة العرش. ما فيش زرة نور في - 00:25:14ضَ

قلب ملك من ملائكة سدرة المنتهى. ولا عالم ما تحت سدرة المنتهى في السماوات السبع. ما فيش زرة نور في قلب نبي. ما فيش مقام ايماني خلى شهيد يدخل ويتقحم الموت عشان ربنا. ما فيش مقام ايماني في قلب واحد ساجد لله. بيتبتل الى الله - 00:25:34ضَ

ما فيش مقام ايماني خلى واحد ينزل يصرخ في الشوارع والقهاوي والنوادي يتكلم عن الله الا من نور السماوات والارض هو اللي بينورها. هو اللي بينورها عشان كده من صفات الله الباعث. مش بس الباعث يعني واحد مات وحيي يوم القيامة. فيه حاجة اسمها البواعث. الدوافع الباعث يعني اللي ممكن - 00:25:54ضَ

يرزق قلبك باعث على قيام الليل. فكرة فكرة واحدة بس يا جماعة. يعني يقول لك الامراض النفسية كلها امراض الفوبيا واللي عنده عقدة من ركوب الاسانسير واللي عنده رعب من آآ او قلق وتوتر من الاماكن المغلقة ولا المفتوحة ولا ولا اي حاجة انواع الفوبيا - 00:26:19ضَ

لا تحصى يعني. يقول لك ان كل دي فكرة فكرة وسواسية. نسأل الله العفو والعافية. يقول لك ان علاج الفكرة فكرة. يعني الباعث اللي يرزقك فكر او باعس تخلي فيه فكرة تانية تضرب المرض في مقتل. وتلاقي نفسك بقيت انسانة سليمة. الاكتئاب فكرة - 00:26:39ضَ

الاكتئاب فكرة والسعادة فكرة والفرح فكرة والانشراح فكرة والامل فكرة. الباعس الله نور السماوات والارض. ربنا ممكن بنوره ينور لك فكرة واحدة بس في قلبك. يخليك ما عدتيش تسيبي قيام الليل. يخليك ما عدتيش تسيب صيام اتنين وخميس. يخليك - 00:26:58ضَ

تنطلق في الدعوة الى الله. تبقي مستغربة الواحد ساعات بيعدي عليه فترات يا جماعة والله انا مستغرب من نفسي. ببقى مستغرب فيها من نفسي. يا رب ده انا انا عارف نفسي انا ما عنديش الهمة دي في الدعوة. هو ايه اللي حصل؟ ربنا نورها لك. ربنا نور لك الحتة دي دلوقتي. ربنا نور لك قيمة قيامي للفكرة واحدة في قيام الليل - 00:27:18ضَ

اللي ربنا بعثها في قلبك الباعث بعثها في قلبك. خلت فيه بواعث ودوافع جواك انك انت تغيري كل حاجة في حياتك. هو الله نور السماوات والارض. يعني اي مقام ايماني في ايده هو. اي الاخلاص والصدق في ايده هو. اليقين يا اللي عندكم شكوك ونفسكم في اليقين فيه دول - 00:27:38ضَ

ان ربنا ينور لك في الفكرة اللي مضلمة حياتك ومخلية عندك اكتئاب او فوبيا او بنك اتاك في ايده ان هو ربنا اللي منور قلوب الملايكة وربنا اللي نور قلوب الانبياء. وربنا اللي نور قلوب الصحابة وربنا ربنا اللي بينورها يا اخوانا الله - 00:27:58ضَ

في اهل السماوات والارض. ما فيش نور غير من عنده هو. يبقى لما نقول اللهم اهد قلبي يا رب اللهم اهد قلوبنا. اللهم اهد قلوبنا. اللهم اهد قلوبنا. آآ القرآن جميل اوي يا جماعة. القرآن جميل. يعني الواحد مبهور بعطاءات النص القرآني. الله يجعلنا من اهل القرآن. الله - 00:28:18ضَ

اجمع لنا القرآن والدعوة اليه. انا امنيتي على الله في حياتي ان ربنا يجمع لي القرآن والدعوة اليه. الله يقوي قلوبنا ويطلق السنتنا بالدعوة الى الله بالقرآن. الله نور السماوات والارض. دي كلمة بس انت ممكن تعيشي الناس فيها. انت ممكن تنزل على قهوة تكلم الناس بس يعني ايه الله نور السماوات والارض - 00:28:38ضَ

والقلوب لما ضلمت الاكتئاب عمل فيها ايه ؟ والقلوب لما ضلمت الانتحار انتشر ازاي ؟ والقلوب لما ضلمت مثل نوره كمشكاة فيها مصباح. يعني علو الهمة بقى. ربنا سبحانه وتعالى بيقول لك تعالى بقى اما اوريك في قلوب ربنا نورها قد ايه - 00:28:58ضَ

ايه! تعال اما اوريك في قلوب مليانة نور تجاه اللي قد ايه. تعال نوريك في قلوب منورة بنور ازاي ؟ تعلم اوصف لك قلب. قلب الانسان عاش بينا. بحق وحقيقي. قلب القلب ده قلبي. القلب ده قلب محمد. الله اعلم. القلب ده قلب ابراهيم خليل - 00:29:18ضَ

الله اعلم. القلب ده قلب واحد من الانبياء. قلب واحد من الشهداء. قلب القلب ده قلب مين؟ قلب واحد من الصديقين. قلب واحد من العباد. قلب واحد من الدعاة. القلب ده قلب مين يا رب؟ مش هاقول لك قلب مين. لان القلب ده مش ما حصلش مرة واحدة، ده فيه قلوب كتير كده. ده فيه قلوب من نور. ده فيه قلوب - 00:29:38ضَ

كلها نور القلب نور. والصدر نور. والفطرة نور. والقلب موصول بنور القرآن. فيه توب منورة اوي يا جماعة. فربنا بيقول مثل نوره يعني تعالوا اما اديكم مسل على القلب اللي يرضيني. على انا يرضيني ان قلبك يبقى شكله - 00:29:58ضَ

ايه؟ اما اديكم قدوة قلب رضاني فانا هوصفه لكم. قلب عبد من عباد الله زيه زيكم. زيه زيك ممكن يكون قلب امرأة. ممكن يكون قلب السيدة مريم ممكن يكون قلب عيسى ابنها قلب انا هوصف لكم قلوب الصالحين. انا هاوصف لكم قلوب اهل الفردوس الاعلى - 00:30:18ضَ

تعالوا اما اوصف لكم القلب اللي انا لما بانزر اليه واطلع عليه انا باحب صاحبه. وبرضو عن صاحبه وبتولى صاحبه. تعالوا اما اوصف لكم. مسلا نوره كمشكاة فيها مصباح. النور ده يا جماعة ما جاش كده. النور ده يا جماعة وراه تعب. النور ده وراه مجاهدة. عشان النور ده سيدنا - 00:30:38ضَ

لف الكرة الارضية يدور على سيدنا محمد عليه الصلاة والسلام. عشان النور ده فيه ناس دفعت عمرها تدور عليه النور ده فيه ناس جاهدت في الخلوات وقيام الليل عشان توصل له. عشان النور ده انا اعرف ناس بتنزل تتكلم عن ربنا. عشرين جولة يوميا - 00:30:58ضَ

عشرين مرة يتكلم عن ربنا في الشارع عشان قلبه ينور بالكلام عن الله. النور ده فيه ناس عاشت عمرها كله عشان تحصله. انت هتتعب قد ايه؟ عشان تحصل النور ده مثل نوره كمشكاة فيها مصباح. المشكاة اللي هي الحفرة اللي في الحيطة القوة اللي في الحيطة. الحتة اللي داخلة في الحيطة اللي بيتحط فيها اللمبة دي - 00:31:18ضَ

عشان تركز النور اه الشتات مش هينفع لازم تركز. طول ما انت مشتتة مش هتقدري توصلي لحاجة. طول ما انت مشتت مش هتوصل لحاجة. كنت قاعد مع واحد من اساتزة الادارة في مصر. فقال - 00:31:38ضَ

في ناس بتبقى آآ شغلها عامل زي الشوال. هو بيعبي جوة الشوال جهد ومجهود بيبزله في شغله بس فيه سقوب كتير في الشوال اللي بيتعبى قاعد يطلع. فيه ناس كتير كده يا جماعة هي بتعبي نور. قاعد يسمع دروس. قاعدة تسمع مقاطع. قاعد ياخد جلسات ايمانية. قاعدة تتربى. داخل معه انت - 00:31:51ضَ

تربوية بتحفظ قرآن قاعد يعبي نور عندها اوراد عنده قيام ليل ولكن عنده ثقوب كتير. بيتعرض لشهوات بيتعرض لفتن حاطط نفسه في الفتن نصاحب صحبة غفلة مش مركز ركزي ركزي عشان توصلي لربنا دي المشكاة والمصباح المصباح اللي هو الفطرة - 00:32:11ضَ

اه اللي جوة القلب. المصباح في زجاجة. الزجاجة اللي هو القلب بقى. اللي هو بيحاوط بالفطرة. يبقى القلب ربنا يشبهه في الزجاجة عشان الصفاء والفطرة ربنا شبهها بالمصباح. ما تقعديش تراكمي زنوب على الفطرة بقى اجل الفترة بتاعتك. الزجاجة كانها كوكب دري - 00:32:31ضَ

كوكب الدوري الزي لا يغيب نوره في السماء لا في ليل ولا في نهار. يعني قلوب لا تغيب انوارها. القلب منور. والفطرة منورة. والمشكاة منورة الصدر بقى اللي هو جواه القلب. الصدر منور والقلب منور الفطرة منورة يوقد من شجرة مباركة اللي هو القرآن - 00:32:51ضَ

القرآن هو الشجرة المباركة والوقود الايمان. ان الفتيلة تولع. يبقى نور على نور ليه؟ نور القرآن على نور الايمان. نور الشجرة المباركة اللي هو آآ نور زيت الشجرة المباركة اللي هو نور القرآن يبقى قلبه متصل بالقرآن مباشرة. متصل - 00:33:11ضَ

مباشرة على نور الايمان في القلب. آآ انا يعني المعاني في الاية كتير جدا جدا. واعتقد ان انا كده يعني خلصت الوقت الوقت بتاعي بتاع اللقاء. آآ آآ فانا عايز نخرج بفوايد يا جماعة - 00:33:31ضَ

عايز نخرج بفوايد يعني طب ازاي اجل الفطرة ازاي؟ آآ المصباح ده يرجع ينور تاني الازاز اللي بايز ده ومليان سواد من جوة ده من برة اجليه ازاي؟ الفطرة ترجع تتوهج تاني ازاي؟ اتصل بالقرآن ازاي؟ انور ده ازاي؟ رقم واحد يوقد من شجرة مباركة - 00:33:46ضَ

احفظوا الروشتة دي كويس جدا. انا عايزة الفترة بتاعتي تنور. انا عايزة قلبي ينور. رقم واحد يوقد يوقد يبقى اتقاد الايمان في القلب. ان يبقى جواك يعني التقاد عارفين فرن وهو موقد كده فيه جواك يعني حريقة حماس تجاه الدين وتجاه الطاعة واتجاه رمضان وتجاه تزيين - 00:34:06ضَ

صحيفة قبال رفع الاعمال في شعبان اشتعل حماسا ازاي بالاتصال بالقرآن؟ القرآن يا جماعة لو اتقرا صح هيشعل حماس في قلبك. طب والحاجة التانية في بيوت اذن الله ان ترفع. يبقى الارتباط بالمساجد. الارتباط ببيئة الايمان. لان البيوت هنا آآ في اقوال - 00:34:26ضَ

اقوال المفسرين مش بس المساجد. فيه قول للمفسرين انها البيوت العادية. فيه قول للمفسرين يعني اي بقة ايمان في بيوت ازن الله ان ترفع. اي دار قرآن بيوت اذن الله ان ترفع. جمعية خيرية بيوت اذن الله ان ترفع. بيتك حولتيه لبيئة ايمانية بتعبدي ربنا فيها. وعملت مسجد صغير لك في البيت. بيوت اذن الله - 00:34:46ضَ

او ان ترفع المساجد بيوت اذن الله ان ترفع. يبقى ربنا بيتكلم عن بيئات الايمان. يبقى القرآن رقم واحد يوقد من شجرة المباركة. رقم اتنين في بيوت اذن الله ان ترفع يبقى الارتباط ببئات الايمان. دوروا على صحبة الهمة. صاحبوا بعض. شجعوا بعض. شجعوا بعد رقم تلاتة رجال لا تلهيهم تجارة - 00:35:06ضَ

ولا بي عن ذكر الله رجال هي دي المرجلة الحقيقية. مش ذكور رجال هي دي المرجلة الحقيقة دي القوة في الدين. لا تلهيهم تجارة ولا بيع والبيع بعد التجارة لان البايع هو لحزة قبض الفلوس. فممكن الواحد يتعب في التجارة عشان لحزة البيع. مهما كانت المغريات اسبت. اسبت. طب والسبات ده جه - 00:35:26ضَ

بعد ايه جه بعد بيئة الايمان. بعد يسبح له فيها بالغدو والاسار رجال. بعد صحبة الهمة هنقدر نوصل للسبات بازن الله. وبعد كده الم تر ان الله يزجي سحابا ثم يؤلف بين التدبر في خلق الله. زي ما اتكلمنا عن ايات الله القرآنية الشجرة المباركة. نتكلم عن ايات الله الكونية التدبر - 00:35:46ضَ

في خلق الله الواحد لما بيعدي عليه ابتلاءات آآ بحب يعني اخد جنبي لوحدي كده واجيب اي فيلم تدبر او اقعد جلسة تدبر المشاهد الطبيعية انت بتسبت ايمانك في الله. فعلا وهو الذي جعل لكم النجوم لتهتدوا بها في ظلمات البر والبحر. من معاني ظلمات البر والبحر يا جماعة الكوارث - 00:36:06ضَ

والابتلاءات الشديدة. الهداية وتسبيت القلوب في المصايب. اه بصة للسما. بصة لنجوم السما ممكن ربنا يثبت قلبك بها. الله يوفقكم ويبارك فيكم ويحفظكم وينفع بكم يا رب. انا كنت اتمنى ان انا آآ ابقى معكم اكتر من كده. انا سعيد جدا جدا ان انا على القناة الرسمية للدكتور محمد جودة صديقي - 00:36:26ضَ

حبيبي وعشرة سنين الله يوفقه ويسدد خطاه وينفع به. ويستعمله ولا يستبدل به ابدا. آآ سعيد جدا ان انا معكم اخواني واخواتي في الله. آآ آآ فخور وحاسس بشرف ان ربنا بيستعملني في الدعوة الى الله وبيستعملني في التربية. والتوجيه والتفسير كتاب الله والتدبر في كتاب - 00:36:46ضَ

وانا وسطكم الله ينفع بكم. الله يخرج منكم دعاة وداعيات وعباد وعابدات وعلماء وعالمات الله يسددكم وينفع بكم يا رب وشدوا حيلكم في التربية وشدوا حيلكم في شعبان ورمضان كده. يبقى عندكم برنامج وخط سير. يعني عايزين القرآن نوجد علاقة رهيبة بالقرآن وقراءة - 00:37:06ضَ

انصح بتركيز وترتيل في الشهرين دول. وفي نفس الوقت عايزين نبني لنفسنا واقع لازم تتعرفوا على بعض. لازم تبقوا بيئة ايمان لازم تبقوا صحبة همة. لازم تتعلموا رح الفريق في البناء عشان بكرة تتعلموا روح الفريق في العطاء. لازم يبقى كل واحد منكم ان شاء الله السنوات القادمة عنده فغر من صغور الدعوة الى الله بيحترف - 00:37:26ضَ

اه فيه من اجل نصرة دين الله سبحانه وتعالى الله يوفقكم الله يسددكم. الله يجعلنا من اهل القرآن. الله يجعلنا من اهل القرآن. اللهم لنا القرآن والدعوة اليك اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم استعملنا ولا تستبدل بنا. اللهم - 00:37:46ضَ

منا ولا تستبدل بنا. اللهم بارك لنا في شعبان ورمضان. اللهم تب علينا توبة نصوحة. تب علينا توبة ترضى بها عنا. تب علينا توبة لا على اعقابنا بعدها ابدا. اللهم انا نسألك العافية وتمام العافية. ودوام العافية والشكر على العافية. اللهم انا نسألك الفردوس - 00:38:09ضَ

تعالوا نستجير بك من النار. اللهم استعملنا ولا تستبدل بنا. اللهم استعملنا ولا تستبدل بنا. اللهم بارك في هؤلاء الصالحين والصالحات اللهم بارك فيهم يا رب اللهم انفع بهم. اللهم فقههم في الدين. اللهم علمهم. اللهم ارشدهم. اللهم سددهم. اللهم استعملهم ولا تستبدل بهم. برحمتك يا ارحم - 00:38:29ضَ

الراحمين سبحانك اللهم وبحمدك اشهد ان لا اله الا انت استغفرك واتوب اليك. جزاكم الله خيرا - 00:38:51ضَ