Baheth

بسم الله الرحمن الرحيم. الحمد لله رب العالمين. والصلاة والسلام على اشرف المرسلين محمد واله. قلنا اذا اول شيء ينبغي للمؤمن الداعية ان يهتم به في اطار في بحثه واهتمامه بشؤون المسلمين. اول شيء ينبغي ان يتم به هو تدين الناس. تدين العامة. يعني المشكل اللول اللي - 00:00:02ضَ

خص الانسان المسلم يفكر فيه في المجال ديال تبليغ الواجب الدعوي. تبليغ الدين الى الناس. المشكل اللول هو التدين ديال الناس. كيفاش الناس يكونوا متدينين كيفاش الناس يكونوا صالحين في دينهم - 00:00:22ضَ

وباش يكونوا الناس صالحين في دينهم اذن خاص يفكر شنو هو العمود الفقري ديال الدين لي كيتسمى يمكنا نسميوه مؤشر كيما كيعبرو بالفرنسية يعني واحد العلامة مادية الى هي بانت لك موجودة كتعرف بان الدنيا بخير شفتها مكيناش كتعرف بان الدنيا خطر - 00:00:36ضَ

يعني هداك المؤشر رقم واحد يعني مجموعة ديال المؤشرات ولكن بالأولويات كاين عندو رقم واحد وكاين ديال رقم تنين رقم واحد لي خصنا نبداو به لي هو ديال الدين والأساس ديال الإسلام - 00:00:56ضَ

الا شفتو في الانسان كظن بخير شفتو غايب فيه كتخاف منو هذا بإجماع السلف والخلف من علماء الأمة وصالحيها والأواخر وبتواتر نصوص القرآن الكريم طبعا والسنة النبوية هاد المؤشر رقم واحد هو الصلاة - 00:01:09ضَ

الموعظة اذن ديال الصلاة لا يجوز لاي مؤمن ان يجهلها ماشي يا ودي نقول اودي المومن راه زعما خصو غير يكون هو كيصلي مزيان وكان لا يجب انا كنقول يجب عليه ماشي لخاطرو انه يتقن موعظة في الصلاة خصو يعرف يتكلم في موضوع ديال الصلاة - 00:01:27ضَ

خصو يتكلم مع وليداتو مع الزوجة ديالو مع الإخوان ديالو الأخوات ديالو مع الأقارب ديالو لي كيزوروه وكيزورهم مع الأصدقاء ديالو ضروري الموضوع ديال الصلاة خصك تكون تعرف تكلم فيه. تكون اش بغيت تكون فالحرفة ديالك. ايلا كنت متلا عندك واحد المهنة معينة او طلبنا لك تعطينا تعريف بديك المهنة. غادي تعرف تعطينا واحد الخلاصة - 00:01:44ضَ

الانسان اللي فشي وظيفة او شي حرفة كيمكن لو يعطي واحد المعلومات حول ديك الحرفة ديالو باختصار عاد دابا سمعنا الاخ المسجل قبل قليل عطينا معلومات حول التسجيل لأنه هاديك الصنعة ديالو كذلك اي واحد الصلاة هي الصناعة ديال المسلم الصنعة ديال المسلم بصفتو مسلم هي الصلاة هذا - 00:02:05ضَ

علم مشترك فيه واحد الحد ادنى خصو يكون كل واحد كيعرفو لأنك نتا كتصلي واجب عليك تعرف اش هو لي كيهمك فصلاتك اذن بما انه يجب عليك تعرف اشنو كيهمك صلاتك راه كذلك واجب عليك تعرف كيفاش دير تبلغ الصلاة ديالك للاخرين هذا شيء مقطوع به في الدين يجب على المسلم ان - 00:02:25ضَ

ويتقن كلمات مهما قلت في الصلاة اذن الموعظة ديال الصلاة مبنية على جوج ديال الامور الأمر اللول آيات من القرآن. الأمر الثاني احاديث من السنة النبوية عندنا جوج ديال القضايا كبيرة واساسية لي خصنا نركزو عليها فالموعضات ديالنا ديال السهر جوج ديال النقط فكرتان قضيتان جوج ديال الحاجات لي تبغي تكلم - 00:02:45ضَ

الصلاة استحضر فبالك بأن خصك تقول هادي وتقول هادي واحد جوج ديال المسائل المسألة اللولة خصك تقول وتعرف تكلم فكون الصلاة هي الركن الاساس ديال الاسلام الإسلام عندو خمسة دالاركان شهادة ان لا اله الا الله وان محمد رسول الله واقام الصلاة وايتاء الزكاة وصوم رمضان وحج البيت لمن استطاع اليه سبيلا - 00:03:10ضَ

الشهادة والصلاة والصيام والزكاة والحج للي يقدر عليه خمسة ديال الحاجات هذا هو الإسلام بني الإسلام على خمس كما في حديث النبي عليه الصلاة والسلام الذي روته عائشة. هاد الحديث هذا يعني المعنى ديالو متواتر. اش معنى المتواتر؟ يعني اللي مقطوع به ما فيه شاي فوق صحيح. كنقولو حديث صحيح. هادي درجة - 00:03:34ضَ

يفوق الصحيح بمعنى انه المسلمين كاملين كيعرفوه. توارثوه ابا عن جد. هادي حقيقة كبيرة من حقائق الدين الى جيت لأي واحد من المسلمين وسولتو على القرآن تقولو اش هو القرآن؟ يقولك هو كتاب الله - 00:03:54ضَ

القرآن هو كتاب الله كلشي الناس كيعرفو القرآن هو كتاب الله كذلك الصلاة هادي من الحقائق الكبرى ان الصلاة هي العمود الفقري ديال الدين هي السارية لي مبني عليها البني ديال الإسلام - 00:04:09ضَ

السريان الرئيسية اذن هادي الفكرة اللولة هو الركن الأساس ديال الإسلام هي الصلاة غادي نرجعو للتفصيل فهاد المسألة القضية التانية لي خصنا نداكرو عليها ايضا هي ان الصلاة وقت مرتبطة بالوقت كفى جوج حاجات الا استطعت تبلغ هاد جوج ديال الامور للناس او لمن استطعت من الناس فقد قمت - 00:04:22ضَ

بواجبك واديت ما عليك درت الواجب ديالك واديت داكشي اللي عليك اما كون الصلاة هي ركن من اركان الاسلام بل هي الركن الاساس من اركان الاسلام فهذا كنستافدوه من كتاب الله عز وجل - 00:04:42ضَ

ومن السنة النبوية يكفي انك تحفظ اية وحدة من القرآن فهاد القضية وحديت واحد من السنة النبوية الآية شوف اللي جاتك ساهلة ونذكر لكم بعض الآيات يمكن لنا مثلا نعتمد قول الله عز وجل الف لام ميم ذلك الكتاب لا ريب فيه هدى للمتقين الذين يؤمنون بالغيب - 00:04:57ضَ

ويقيمون الصلاة ومما رزقناهم ينفقون. فجاء الإقامة ديال الصلاة مباشرة بعد الإيمان بالغيب. الذين يؤمنون بالغيب يقيمون الصلاة. الإيمان بالغيب والعقيدة ديال الإسلام. هو العقيدة كلها ديال الإسلام هي الإيمان بالغيب. اش هو الإيمان؟ ان تؤمن بالله وملائكته - 00:05:17ضَ

وكتبه ورسله واليوم الاخر والقدر خيره وشره حلوه ومره ستة هذا هو الايمان كل هذا الامر هذا غيب مكيناش شي حاجة اللي كتشاف بالعين فهادشي كامل غيب الايمان بالله غيب لا تدركه الابصار وهو يدرك البصر سبحانه وتعالى - 00:05:37ضَ

الملائكة غيب ان تؤمن بالله وملائكته. كتبه ورسله شي واحد يتهم يقول ايوا الكتاب راه كنشوفوه قدامنا ها القرآن. والتوراة كانوا الانجيل لا الحقيقة ديال الكتاب والحقيقة ديال الرسول شنو هي؟ ماشي داك بنادم اللي هو رسول او الكتاب اللي هو هاد المصحف فالوراق الكتاب والرسول كلاهما - 00:05:54ضَ

مبني على ظاهرة الوحي. اش قيمة الرسول؟ قيمتو كينزل عليه الوحي. واش القيمة ديال القرآن؟ كونو نزل من عند الله تعالى. شكون اللي عمرو شاف الواحد غيب مطلق. الصحابة اللي جالسين مع النبي صلى الله عليه وسلم جالسين حداه كينزل عليه القرآن وما كيسيقو خبر. غيب مطلق. اما الأمور الأخرى البقية - 00:06:14ضَ

الإيمان باليوم الأخير بالقدر داكشي لي غادي يجي غيبول مطلق اذن العقيدة كلها غيب الذين يؤمنون بالغيب يعني العقيدة الاسلامية من بعد العقيدة الاسلامية غير تآمن اول خدمة خصك طبقها ويقيموا للصلاة مباشرة جات بعد - 00:06:34ضَ

الإيمان بالغيب وتوارد الأمر بالصلاة في القرآن مرات عديدة واحد العدد كثير ديال المرات اقيموا الصلاة اقيموا الصلاة اقيموا الصلاة الذين يقيمون الصلاة يعني والمقيمين الصلاة يعني كثير جدا فإذا القرآن جعل الصلاة هي - 00:06:54ضَ

العملي الأول بعد الإيمان. كذلك السنة النبوية. يمكن لك تاخد واحد الطريف من حديث جبريل عليه السلام ولا حديث عائشة. حديث جبريل الحديث اللي مشهورة القصة ديالو نزل سيدنا جبريل كيسول سيدنا محمد عليه الصلاة والسلام وعليهما السلام يقولو يا محمد اخبرني عن الاسلام قال الاسلام واشهد ان لا - 00:07:14ضَ

لا اله الا الله وتقيم الصلاة وتؤتي الزكاة وتصوم رمضان وتحج البيت ان استطعت اليه سبيلا اولا الحديث ديال عائشة في رواية عن النبي صلى الله عليه وسلم هو الكلام ديالو - 00:07:34ضَ

النبي صلى الله عليه وسلم ولكن عائشة رواته بني الاسلام على خمس يعني الاسلام مبني على خمسة السواري شهادة ان لا اله الا الله واقام الصلاة وايتاء الزكاة صوم رمضان وحج البيت لمن استطاع اليه سبيلا - 00:07:44ضَ

خديت هاد الحديد ولا الحديد لاخر المهم عندنا خمسة د الاركان وخا متحفظوش اللفظ ديالو غير عقل على المعنى ديالو المهم هي خمسة خمسة مكاينش لي يتلف ليه الشهادة والصلاة والزكاة - 00:07:58ضَ

الصيام والحج اذن هاد الكلام كلو غير مقدمات كيمكن لك ضرب عليه كامل يعني نتا مغاديش تقولو للناس لي كيهمك نتا تعرفو اش غادي تقول للناس اش هو العمل لي خصو يقوم - 00:08:08ضَ

في الدين ديالك غادي تبلغو يكفي انك توصل ليهم بأن الإسلام فيه خمسة د الأركان وبأن الركن رقم واحد لي هو عمل خدام ديما هو الصلاة. وشد هاديك الأركان كلها دوزها بين يديك وعرضها على الناس. الشهادة شحال مطلوبة مننا من مرة نقولوها؟ مرة وحدة. يكفي - 00:08:20ضَ

في ان تقول مرة واحدة في حياتك عمرك كامل اشهد ان لا اله الا الله وان محمدا رسول الله فتكون مسلما هادي لي كان كافر وبغا يدخل واحد النصراني ولا يهودي ولا مجوسي او لا دين له بغا يسلم يكفي المرة اللولة كينطق بالشهادة مبقاتش واجبة عليه بعد ذلك الى بغا يزيدك يزيد النافلة كتولي ذكر - 00:08:40ضَ

هذا ذكر. كما قال النبي عليه الصلاة والسلام جددوا ايمانكم. قيل وكيف نجدد ايماننا يا رسول الله؟ قال قولوا لا اله الا الله او كما قال عليه الصلاة والسلام فإذا الشهادة مطلوبة من نوع وحدة في العمر اما حنا المسلمين راه كنبتو بها ممطلوباش منك يعني ملي تكبر ودير عقلك يعني - 00:09:00ضَ

كيما بديت تصلي خصك تبدا دير الشهادة او خصك تشهد باش تدخل الاسلام لا المسلم ولد المسلمين داخل للشهادة ملي كيتزاد من كرش مو كل مولود يولد على فطرة فأبواه يهودانه او ينصرانه او ينجسانه. ويلا مسلمين كيطلع مسلم. ما يحتاجش عاد يسلم. طالع مسلم بإذن الله عز وجل - 00:09:20ضَ

اذن الشهادة ماشي شي خدمة كثيرة هي يكفي انها كتعتاقدها بالقلب ديالك هانتا مسلم خلي الصلاة خليوها هي التالية لأن عليها الخدمة كنجيو من بعد الصلاة لإيتاء الزكاة اقام الصلاة وإيتاء الزكاة هاد الزكاة هادي هي فريضة محدودة علاش محدودة؟ ماشي المسلمين كاملين - 00:09:40ضَ

واجبة عليهم واجبة على اللي عندو الفلوس اغنياء واللي ما عندوش ما واجباش عليه ثم هاداك اللي واجبة عليه شحال من مرة واجبة عليه مرة وحدة فالعام من العام للعام عاد كيبدا الزكاة - 00:10:00ضَ

سمع بانه كاينة اذن هي واحد العبادة لي يعني قليلة الوقوع مكتوقعش بزاف كتوقع فواحد الفئة معينة من الناس لي هوما الاغنياء ملك الانصبة وكتوقع مرة في العام رمضان رمضان شهر واحد في السنة ملي كيفوت مكيتعرفش المسلم مسلم بالصيام لأنه الى الى غادي تعرف المسلم المسلم بالصيام خصك تبقى - 00:10:10ضَ

نتسنى حتى يجي رمضان باش تعرفوا واش مسلم ولا بالزكا والا معندوش فلوس متعرفوش فإذن لا يعرف المسلم لا بالزكاة ولا بالصيام يعني فالعادة الجارية وفالأيام العادية الحج مرة وحدة فالعمر لمن استطاع اليه سبيلا اللي قادلو ماديا ومعنويا الصحة ديالو ولا فالمال ديالو فإذا كاتبقى - 00:10:33ضَ

الصلاة اللي هي واحد الواجب مطلوب يدربوا عليه المسلمين من سبع سنين. من سبع سنين الصيام ما واجبشاي ندربو عليه من سبع سنين الصلاة واجب تدرب ولادك عليها من سبع سنين - 00:10:55ضَ

وتأدبو فعشر سنين والصلاة اللي هي عبادة ديال ربعة وعشرين ساعة على ربعة وعشرين ساعة ماهياشي ديال عام ولا ديال مرة فالعمر ولا ديال شهر ربعة وعشرين ساعة على ربعة وعشرين ساعة الله عز وجل ملي فرض الصلاة اول ما فرضها فرضها خمسين صلاة كيما - 00:11:09ضَ

الاسراء والمعراج والنبي صلى الله عليه وسلم بقى يطلب ربي عز وجل باش يخففها يخففها يخففها حتى ردهالو فخمسة اذن كل وحدة من هاديك الخمسة كتنوب على عشرة شنو المعنى ديال هاد الكلام؟ المعنى - 00:11:26ضَ

انه الربعة وعشرين ساعة كل صلاة فديك الربعة وعشرين ساعة كتنوب عالباقي من الوقت حتى كتكمل ربعة وعشرين ساعة على ربعة وعشرين ساعة ولذلك سبحان الله العظيم كتشوف الصلاة موقتة على اوقات - 00:11:37ضَ

وكتبان لك بأنه المسلم كيتعرف يسلم بالصلاة الى بغيت تعرف المسلم بأنه مسلم تعرفوه بالصلاة. وتعرفو ما مسلمش او ناقص الإسلام ديالو بقلة الصلاة وهذا هو كان المعيار ديال العلماء من زمان - 00:11:52ضَ

عمر بن عبد العزيز والثروة حتى على عمر بن الخطاب كان كيصيفط للولاة والعمال ديال الأقاليم كيقولهم واعلموا ان خير اعمالكم عندي الصلاة فمن حافظ عليها كان لما سواها احفظ. ومن ضيعها كان ليلة سواها اضيع. مراسلة - 00:12:06ضَ

داخلية ادارية للعمال كيقولهم بلي راه اهم شي ديروه بالنسبة ليا انا الوصلة ديالكم لي يحافظ على الصلاة ديالو بالنسبة ليا راه كنطمئن راه محافض على كلشي ولا يضيع الصلاة ديالو راه ضيع كلشي ما نبقاش ديك الساعة مطمئن عليه يمكن ياكل اموال الرعية ويظلم عباد الله وحتى علماء الحديث - 00:12:24ضَ

كيأكدو على الصلاة كيمشيو ياخدو الحديث على شي محديت كيشوفو لو صلاتو هي لولا كيدايرة لقاو صلاتو مزيانة كيجلسو معاه هي ياخدو الحديس ملقاوش صلاتو مزيانة مكيجلسوش باختصار كانت الصلاة عند علماء زمان مؤشر يعني واحد العلامة ديال الصلاح ولا ديال قلة الصلاح كيعولو عليها بزاف لأن هي العلامة الدائمة - 00:12:44ضَ

ظاهرة دايما لربعة وعشرين ساعة على ربعة وعشرين ساعة وظاهرة باينة ماشي شي حاجة اللي مدسوسة لأن حتى الصيام راه مدسوس شكون اللي سيق لك الخبار نتا فلان راه فاطر ولا صايم - 00:13:05ضَ

فوسط رمضان كاع ما تسيقلو خضر ولكن الصلاة واحد الحركة باينة باينة ودايمة اذن من هنا كانت الصلاة هي الركن الأساس ديال الدين لأنها الركن اللي باين ودايم عليه قايم الإسلام - 00:13:15ضَ

فوق الأركان كلها من الشهادة للصيام للزكاة للحج صحيح غتقوليا الشهادة هي العقيدة ايه متفقين ولكن كنتكلمو على ربط الإنسان بالدين ديالو الى غير دار الشهادة وما بقاش كيصلي مشى ما بقى لو امام ويلا كان كيصلي على الدوام الشهادة كتكون مضمونة - 00:13:31ضَ

ما يمكنش يصلي وهو كافر بالله ما مآمنش. فالصلاة هي بحال داك الوتد اللي كيربط الإنسان بالدين عمرو ما يزيغ وعمرو ما يضيع. ولذلك سيدنا محمد صلى الله عليه وسلم كان كيقول العهد الذي بيننا - 00:13:51ضَ

وبينهم الصلاة يعني العهد اللي بينا وبين الناس هو الصلاة. العهد الذي بيننا وبينهم الصلاة فمن تركها فقد كفر. يعني اللي ترك الصلاة ماشي راه كفر مية فالمية لا اللي ترك الصلاة راه غادي يمشي للكفر. لأنه بحال ديك الدابة اللي حيدت لو تد. مشات باعت مشات مشات تا طيح فالهاوية - 00:14:01ضَ

اذن لي قطع الصلاة مشى اخلاق الكفار وقد يكفر بالفعل حتى في عقيدته. اذا من هنا كانت الصلاة هي الركن ديال هي الساقية الكبيرة لي مبني عليها الدين السارية العملية التطبيقية اذن ملي كنوصلو هاد الفكرة كنتاقلو للفكرة التانية لي مرتبطين - 00:14:21ضَ

حنا قلنا الصلاة هي واحد العمل ديال ربعة وعشرين ساعة على ربعة وعشرين ساعة اي مؤقت فالوقت اذن هو قول الله عز وجل هنا نتاقلو للآية خدم غير بآية وحدة - 00:14:41ضَ

فهاد القضية وهي قول الله عز وجل ان الصلاة كانت على المومنين كتابا موقوتا ان الصلاة كانت على المومنين كتابا الموقوتة اذا خصنا نخدمو بجوج د الأمور بآية وحديث يدلان على ركنية الصلاة في الإسلام وبآية كدل على الوقت الأساس ديال الصلاة في الإسلام - 00:14:51ضَ

القضية الثانية هي وقتية الصلاة وارتباطها بالوقت لما قال الله عز وجل ان الصلاة كانت عن المومنين كتابا موقوتا كتابا اي فريضة هذا من عند كتابا ان الصلاة كانت على المومنين كتابا يعني فريضة بحال قول الله عز وجل كتب عليكم - 00:15:14ضَ

اي فرض عليكم الصيام فكتابا موقوتا اي فريضة مرتبطة بالوقت وارتباط الصلاة بالوقت ماشي بداك المعنى لي كنفهمو في العادة. يعني ان الصلاة خصها تكون فواحد الوقت معين كتر من داكشي - 00:15:32ضَ

المعنى الحقيقي ديال ارتباط الصلاة بالوقت هو ان الصلاة هي الوقت براسو بل الوقت هو الصلاة. الوقت هو الصلاة نرجعو للصلوات اسميتهم الصلوات الفجر الفجر وقت قبل ما تكون فيه الصلاة كانوا العرب كيقولو الفجر - 00:15:47ضَ

اللغات الأجنبية عندهم الفجر كيسميوه الأسماء ديالهم الفرنسية ولا بالإنجليزية كلهم الناس عندهم العالم كامل كيعني ان الفجر شنو هو الفجر؟ هو واحد الوقت فلكي فالهوا فالسما فضاء يعني ديك الوقت اللول ديال انبساق الضو اللول - 00:16:02ضَ

من بعد الليل كيتسمى الفجر. او سمى الله تعالى الصلاة اللولة فجر. سماها باسم الوقت. كان ممكن يتسمى شي سمية اخرى. تقال ليها الصلاة لولى متلا كاين شي حاجة اللي تخيلها فدماغك - 00:16:16ضَ

ولكن تما وقرآن الفجر ان قرآن الفجر كان مشهودا. سماها فجر وصلنا الظهر ظهر غادي نوريكم علاش تسمات بالأوقات. تسمى الظهر ظهر الظهر من ظهور الظل وزوال الشمس كنقولو الزوال - 00:16:28ضَ

ولا الظهر الزوال هو لما كتزول الشمس من كبد السماء كاين واحد الوقت كتكون الشمس ملي كطلع كطلع الشمس كطلع من المشرق وكتشد واحد الاتجاه غادية الظل كيكون قابض واحد الاتجاه - 00:16:49ضَ

حتى كتوصل الوسط يلاه را الأرض لي كدور متافقين ولكن الحركة لي كتبان العين هي الشمس كنتبعو الحركة ديال العين كتوصل الشمس للوسط ديال السما كيموت الظل توقف ما تلقى عندك ظل - 00:17:01ضَ

كتلقى ضلك لابسك معاك الحيط ما فيه ظل كتقلب الضلة فوسط النهار ما كتلقى فين تضلل. هاد الظل كيكون فاللول الظل ديال النص النهار اللول كي غيكون؟ قبط واحد الاتجاه ديال - 00:17:14ضَ

معاكس للشروق مع الشمش جاي من الشروق كتزيد الشمش الشمش الشمش كتزيد تزيد تا تقبط الوسط سميتو الوسط ميدي كتشد الوسط كيموت الظل ملي كتبدا تحول الشمش للجهة لخرى كيبدا نص النهار التاني كمل نص نهار اللول ها الوسط كتبدا نص النهار التاني كيتبدل الظل يتعكس - 00:17:27ضَ

كيقبط الجهة المعاكسة للغروب. وكيتولد الظل الجديد. ملي تولد الظل الجديد كيقولو زالت الشمس من كبد زعما مالت هاهي بغات بقات كتهود كانت كطلع كطلع كطلع توصل للوسط كتبدا تهود اذن ملي كتزول كنقولو ظهر الظل - 00:17:47ضَ

ها الظهر الظهر من ظهور الظل الجديد كيظهر اش كيظهر الظل الجديد من تما بدا الظهر وقت الظهر كيبدا بوقت ميلاد الظل الجديد. المعاكس للغروب هداك وقت الظهر راه بدا وقت الظهر - 00:18:07ضَ

فإذا الظهر وقت فلكي كان قبل ما يجي الإسلام العرب كانوا كيقولو الدور لأن هدا كاين فالشمش وكاين فالكرة الأرضية وكاين فالفضا ثم كيمتد الظل كيمتد الظل والشمش كتميل كتميل كتميل والظل كيطوال ملي كيولي الظل قد كل جسم دير واحد - 00:18:25ضَ

واحد العصا وتوقفها تلقى الظل ديالها ولى قدها بالطول نعبر مثلا واحد الخط هكا كتشوف الظل وتنعسها تلقاها قد الظل قد هاديك المسطرة ولا قد الحيط ولا قد الشجرة كل حاجة الظل ديالها قدها حينما يصبح ظل كل شيء - 00:18:46ضَ

مثله قد الظل قد الجسم. كمل الظهر. مات الظهر بدا العصر. قيل سمي العصر عصرا لانعصار الوقت ما كيبقى المغرب ديك الساعة غير الحدورة حتى الناس اللي صايمين غير كيفوت العصر ما كيبقى فيهم لا جو لا عطش - 00:19:01ضَ

بنادم نفسيا نفسيا كيولي بنادم المغرب بحالا جات ولي خدام فشي خدمة ولا فشي ملفات ولا فشي حانوت وودن عليه العصر وماصلاهشاي كيقولها الكليان هاد الكليان ما كيفيق براسو حتى كيدخل عليه للمغرب - 00:19:17ضَ

معصور عصر كيتزير الوقت كتعرفو كيداد داز غيفوت العصر را المغرب جاية كتجري المغرب راه واضحة مقتول فلكي كتغور فالشمش مشات غروب سميت المغرب المغرب لأن كتغور بالشمش والعشا فالعربية هي الضليما كيقولو العشا المعنى ديالها الضليما زعما الضلام لأن المغرب مافيهاش الضلام - 00:19:30ضَ

اوروبا خليها تشوف صاحبك ملي ماتبقاش تشوف صاحبك نفرضو نكونو في البادية ماكاين لا بولات لا ضواو ملي يغيب عليك صاحبك عرف ليها العشا بدات وفوقاش كيبدا الظلام ملي كيغيب الشفق الأحمر الشمش اللي دير الضو مشات منين كيجي الضو غير من داك الشعا اللي باقي الآثار ديال الشمس اللي غابت من بينو داك - 00:19:51ضَ

الشفق الأحمر والأضواء الباهتة لي باقية في الكون كتعطي الأرض الضو. ملي كيغيب هداك الشفاق شفد ذاك الشفق الأحمر كيمشي راه بدات العشا متبقاش بدات العشا هاديك الساعة من تما وهي عشا حتى يأذن الفجر وهي عشا راها الظلام العشا هي الضليما بالعربية يقولو عاشا يعشوب - 00:20:09ضَ

هي مبقاش كيشوف ضلام عليه الحال مات عشا حتى الماكلة د العشا سمعت عشا يعني كناكلوها في الظلام هذا الاصل ديالها اذن الصلوات الخمس ملي كتأملها تلقاها بأن الأسماء ديالها كلها اوقات - 00:20:29ضَ

هادشي باش قال الله سبحانه وتعالى ان الصلاة كانت على المومنين كتابا موقوتا وربطها بالوقت وهذا راه شيء مهم جدا ربطها بالوقت لأن القيمة ديال الصلاة الى كيصلي الإنسان يصليها في الوقت. ويلا ما كيصليهاشاي في الوقت تهاونا راه ما عندوش صلاة - 00:20:43ضَ

علاش ما عندو صلاح لأنه الله سبحانه وتعالى ملي قالك الفجر صلي الفجر ماشي تصلي جوج ركعات وكان لا تصلي بديك الوقت ولله المثل الأعلى شي واحد دار معاك قال لك اودي تجيني في الفجر. نتلاقاو ونقضيو الغرض في الفجر. راه القضية الفلانية ولا البيعة والشرية الفلانية كتكون في الفجر. وانت ما جيت حتى العشرة في النهار - 00:20:56ضَ

راك جيت يا ودي جيت. ولكن البيعة والشرية مشات في الفجر. يعني ما شديت والو. بحال التران. الى كيقلع مثلا واحد التران في الفجر ونتا ما جيتي فديك الوقت بالضبط ما تلقاش التران - 00:21:17ضَ

فلذلك لي جا في الوقت راه قبض الصلاة لي مجاش من الوقت راه مقبض والو واخا يمشي يصلي جوج ركعات يصلي عشرين ركعة الفقهاء قالوها اش قالو؟ قالو اودي الصلاة الا صلاها الإنسان في الوقت ديالو - 00:21:30ضَ

يسميوها اداء كيأدي كيعطي ويلا داز الوقت ديالها كيقولو لها قضاء كيرد الكريدي قضاء يقضي ما فات وعمر القضاء ما كيكون بحال الأداء الأداء دائما افضل من القضاء وكان دايما نمتل فهاد القضية بواحد المتال مزيان نستعملوه باش نعرفو مزيان ارتباط الصلاة بالوقت الصلاة هي الوقت براسو ان الصلاة كانت على المؤمنين كتابا موقوتا - 00:21:40ضَ

بحال واحد مثلا الى دخل للدار في العشاء وموجدينلو في الدار العشا. واحد الشهيوة من الشهيوات اللي كيعجبوه ياكلهم. ولكن هو كان عيان وضربها بالعصا. ماتعشاش ماكلاش تا جا الصباح ملي جا الصباح عاد لقاه فراسو الصحة والحيوية باش ياكل من بعدما ارتاح وقال لمالين الدار عطيوني داك العشا وجابوهلو وقعد كياكلو مغاديش يتقال اودي راه - 00:22:06ضَ

تعشى كي كيفطر واخا ديك الماكلة ديال العشا بالضبط هي هي راه باقية حفظها فالتلاجة ولا فاش ما كيفطر لأن قيمة العشاشية هو ديك الضليما مشات الضليما مشا العشا واخا الماكلة باقية مشا العشا وخا صليت جوج ركعات الفجر هي جوج ركعات مزايد ما ناقص بالجهر كدا هداكشي هو هداك ولكن وحدة - 00:22:26ضَ

الضو وحدة فالضلام ديال الفجر لي ديال الفجر هي لي فجر او ديال العشرة فالنهار سميتها العشرة فالنهار اللهم الا ادا كان لعدر فوق طاقة ابن ادم ففوق لا تلام ولكن العادة لي خص يكون عليها المسلم الغالب ديال الأحوال ديالو هي الوقت - 00:22:46ضَ

فإذن الصلاة كلها في الإسلام جوج د القضايا نأكد على الصلاة هي السريعة لي معندو صلاة راه معندو والو اول ما يحاسب عليه العبد يوم القيامة الصلاة فان صلحت صلح سائر عمله. وان فسدت فسد سائر عمله. ما كيهمنيش يكون كيدير الخير وكيدير وكيدير وصلاتو ما عندوش. ما عندو والو. عندو غير الريح - 00:23:02ضَ

الى يدير الخير يدير الخير فراسو هو لول بعدا يصلي مزيان عاد يدير الخير فالناس الصلاة اولا وقبل كل شيء ثم الصلاة وقت. شي لعبة عاود ما عندها حتى معنى بنادم يبقى يجمع الصلوات فالليل ويصلي خمسة ويصلي ديال البارح اليوم الصباح وكيتسالو تلتيام شروينا لي يديرو بعض الناس فإدن الإنسان الداعية - 00:23:22ضَ

يؤكد على هادو جوج يؤكد على الصلاة بأنها الفريضة الأساس ويأكد على الصلاة بأنها وقت يكفي من كلامنا ما قلت وماشي ضروري هادشي اللي قلت كلو يتقال انا قصدت نفصل شوي زايد شوية الكلام باش نشدو الربع ديالو ولا النص ديالو - 00:23:45ضَ

ضروري هاد التفاصيل كلنا نقولوها ولكن تاني درب عليها الموعظة لي عندها قيمة كبيرة للناس انا را مانديرش دابا الموعظة عليكم الحمد لله راه الإخوان عارفين ولكن كنعطي المادة العجينة اللي نتوما ديرو منها الموعظة. الموعظة اللي توصل للناس وما تقلش عليهم - 00:24:04ضَ

هي ديال خمسة دقايق حتى لعشرة دقايق الى طولت كاع خمسة دقايق لعشرة دقايق نتعلمو تكون الموعظة ديالنا مختصرة ومركزة وراه من قلة الفهامة من قلة الصنعة يطول بنادم الكلام في الموعظة بشكل خاص - 00:24:21ضَ

لأن المعدة فين كديرها؟ شناهي المناسبات ديالها؟ ديال الموعظة بمناسبة نحصرها يا اما كتكون فدار الناس جايين يتعشاو ماشي جايين يسمعو الموعظة ايوا مخصكشاي نتا تقل على عباد الله شحال من واحد معندو غرض بكلامي - 00:24:36ضَ

تخطف منو شوية باش متقنطوش. لي جا يتعشى طير منو خمسة دقايق تا لعشرة دقايق. مطولش عليه. ها وحدة كيمكن تكون جنازة موعظة المقبرة واش الناس يبقاو جالسين في الشمش وفي تمارة في المقبرة وتشدهم انت ساعة المكانة تما راه ماشي معقول - 00:24:50ضَ

مقبرة تكلم وخفف يمكن تكون في مسجد كذلك المسجد راه الناس ماشي كيجيو للمسجد يجلسوا كيجيو للمسجد للعبادة راه العبادة كتجيهم بزز للمسجد كتجيبهم اذن الموعظة لما حتى هي ديرها في المسجد تكون مركزة وهكذا سائر المواعظ - 00:25:06ضَ

كتفاوت حسب الظروف وحسب الأوقات ومن بين القواعد ديال الموعظة اللي كثيرة تتقال للناس ما تحاولش دير الموعظة فواحد المكان اللي فيه الفتنة قلع الفتنة هي اللولة ايلا قديت عاد دير الموعظة بحالاش - 00:25:24ضَ

لقيت واحد الرباعة ديال السكايرية را مايمكنلكش دير الموعظة وهوما على ديك الحال يلاه تقول كلمة ولا جوج اللي يمكن ترسخ لهم في الذهن كلمة ولا جوج هادشي را ماشي - 00:25:38ضَ

نقول حرام وكذا وكذا الله يهديكم سير فحالك مديوش الموعظة ديك الساعة او كتلقى الناس مشغولين بشي هم اللي مصدع لهم روسهم فشي قضية او شي بيع او شرا المهم راهم فشي شغل شي خدمة بعدا راها راكبة او انجي دير ديك الساعة موعظة ماشي وقتها - 00:25:48ضَ

تحرر الوقت ما امكن وهكذا هاد الأمور هادي كلها ان شاء الله الرحمان الرحيم غادي كل مرة يمكن نتكلمو على شيء منها اقول قولي هذا واستغفر الله لي ولكم والسلام عليكم ورحمة الله وبركاته. هادي واحد الأساس مهم جدا قاعدة في الوعظ والإرشاد. نتا ملي كتكون دير موعظة مكتعرفش الموضع شكون لي فيه - 00:26:02ضَ

كيكون مخلط كيقدر يكون شي شيطان شنو هو الشيطان؟ الشيطان هو لي مباغيكش نتا دير الموعظة ومباغيش الخير يوصل ويطرح عليك سؤال ولا يديرلك واحد الطريقة باش كلفك الأسئلة فيها جوج دالنواع اسئلة تعلمية واسئلة تعجيزية - 00:26:19ضَ

المسيرة التعليمية خصك تجاوب عليها ما استطعتشاي تمهلو قلنا اودي نسول ولا نقرا ولا نشوف من بعد ونجاوب ويلا استطعت خصك تجاوبو وبين لو يعني السؤال راه مدار الا باش تجاوب - 00:26:35ضَ

ولكن الى لقيت واحد اللي باغي غير يعني يخسر الجو انت حسب يعني الظروف العامة ديال المكان وحسب النوعية ديال الموضوع الى هو كان واحد الموضوع اللي هو يعني معلوم من الدين بالضرورة بحال - 00:26:48ضَ

او بحال الخمر مثلا انت كدير مواضع الخمر او واحد بغا يقول لك لا لا راه ما حرامش. ما كاينش شي حاجة اللي كتحرمها وكذا بعض الأحيان كيكونوا شي ناس اللي غرضهم تفلية - 00:27:02ضَ

يكون هو نيت مبلي بشرب الخمر والعياذ بالله وكيتفلى فبحال هذا اللي قال فيه الله عز وجل وقل لهم في انفسهم قولا بليغا شنو هو القول البليغ؟ كدور فيه وقل لهم في انفسهم قولا بليغا - 00:27:12ضَ

لأن هذا معلوم من الدين بالضرورة ماشي شي حاجة لي في الدين جزئية ولا كذا بسيطة لا قضايا كبرى هذا شيطان خصك تخنسو ويخنس يديلو الوسيلة باش تسكتو بحال هدا كيكون ساهل التخنز علاش؟ لأنه كينتاحر تا هو مشى لشي حاجة كبيرة والخمر قدها قداش وكيقول حلال هذا خصو العصا - 00:27:26ضَ

او انه الصلاة بغا يقول لك ماشي واجبة ولا كيدير شي اسلوب باش يميع الجو خصو يتقمع يدور فيه يعني وتردو يعني هو موضوع هو تردو موضوع النيت هو فإذن هذا بصفة عامة ولكن بعض الأحيان كيكون شبهات فالإنسان راه بالتجربة كيقدر يفرق بين الشبهات وبين - 00:27:47ضَ

بحال هاد النوع ديال البسالات الشبهات كاين بعض الناس اللي كتكون نيت بنادم عندو شبهة تكون عندو شبهة وهاد الشبهات فيه انواع من بينها كيكون بعض الأحيان واحد الدفاع نفسي لا شعوري انا نفسر هاد الكلام دفاع نفسي لا شعوري على الخطأ هو كيكون على خطأ بنادم هو مكيصليش متلا - 00:28:08ضَ

وخصو يتهرب من الصلاة بعض الاحيان مكيكونش بنادم فايق براسو كيدير هاد الاسلوب هذا ويقول بحال هاد الكلام اللي قال لينا دابا السي الزبير كيحكي لينا على الناس وسمعناه مرارا كيقول لك ايوا اودي هادوك اللي كيصليو كاع - 00:28:24ضَ

والاخلاق ديالو ما مزياناش وكذا وكذا راه بناقص انا من هاديك الصلاة هو هذا غير واحد الدفاع نفسي على الوضعية ديالو هو لا اقل ولا اكثر راه عارف بان الصلاة واجبة - 00:28:36ضَ

اذن بحال هذا لي كيكون عندو شبهة وعندو واحد النوع ديال التهرب وضح لو الأمر بعدا نوضح لو الأمر او حطو امام الدليل القاطع. توضيح الأمر ان الصلاة ماشي الوظيفة ديالها هي تحسين اخلاق الناس. ان الصلاة تنهى عن الفحشاء والمنكر - 00:28:46ضَ

هادي اية لا تفيد الحصر شنو المعنى ديال هاد الكلام؟ يعني ماشي يعني الصلاة راه جات غير باش تصحح اخلاق الناس جات باش تصحح اخلاق الناس ايه تمشي غير هادي - 00:29:03ضَ

اصلا واولا وقبل كل شيء الصلاة جات باش نعبدو بها الله تعالى. بغض النظر عن الأخلاق قبل الاخلاق الخضوع لله ماشي هي الصلاة اش كديرو في الصلاة؟ ركوع وسجود واش فيها هي البيع والشرا؟ فيها اخلاق الناس هي - 00:29:13ضَ

هي فيها خضوع لله وما خلقت الجن والانس الا ليعبدون هادي المهمة الأساسية ديال الإنسان في الأرض باش يعبد الله تعالى والصلاة هي رقم واحد في العبادات بالإطلاق التام. كاين شي عبادة لي فوق منها كاع - 00:29:28ضَ

من الصلاة اول ما يحاسب عليه العبد يوم القيامة الصلاة بزز مني وبزز منك هذا واجب ديال الخضوع لرب العالمين واجب ديال الخضوع لرب العالمين والذي لا يعصي متمرد على الله - 00:29:45ضَ

يفهم بنادم هاد الحقيقة متمرد متمرد يعني داير لي عصيان كيما نقولو العصيان المدني والعصيان العسكري يجي شي واحد يعني جندي تعطاه الأمر لكوماندار عطاه الأمر ومبغاش يطبق راه كيقتلوه اعدام مكاينش اللعب التمرد العسكري - 00:30:00ضَ

العصيان العسكري والعصيان المدني ولي الشعوب كتولي دير مظاهرات ضد الدولة هاد التمرد راه كيديرو بنادم العبد على رب العالمين. اش باغي قضية واعرة. ايوا بعدا هادي كنصفيوها عاد نجيو للأخلاق ديك الساعة - 00:30:17ضَ

الأخلاق واش نتا غتحاسب على اخلاق هداك المصلي؟ الى كيصليو اخلاقو خاسرة منو لمولاه لا تكلف الا نفسك ان لا تزر وازرة وزر اخرى انا ما غاديش نتحاسب به ولا هو يتحاسب بيا كل واحد بينو وبين مولاه ثم واش انت حسبت الناس في الجامع - 00:30:34ضَ

كلهم ودوزتهم بالواحد بالواحد ان كاع اللي كيصلي اخلاقو خاسرة هذا واحد النوع ديال التصور يعني بالسين يعني كطلع فوق السور على الغيب كتعرف واحد ولا جوج ولا ثلاثة خاسرين الأخلاق ديالهم مشي مع انت كاع لي كيصلي خاسرة الأخلاق ديالو حرام عليك هذا راه تهمة لعباد الله - 00:30:53ضَ

التهمة للمومنين لأن اللي كيحافظ على الصلاة ديالو راه لاباس عليه راه بخير عليه اذن لي كيصلي وكياكل ديال الناس ويدير ويدير هداك راه كيحرق راسو ولكن نتا معليكش بيه - 00:31:09ضَ

ما دارتش الصلاة باش نقلدو فلان ولا فلان كنقلدو رسول الله صلى الله عليه وسلم صافي ثم هذا واجب بغض النظر على هادشي كلو واجب عليا وعليك وعلى الاخر والاخر - 00:31:22ضَ

تلقاه بغا يتعنتت هاديك الساعة دور فيه فعلا. ملي غير تحس بيه بلي راه هادا باغي يعاود من داك النوع لاخر يعني المواضيع الكبيرة راه ساهل تزير فيها بنادم فين كتوحل في الأمور لي استنباطية. يعني اجتهاد فتوى. هاديك يمكن بدا يرد عليك الى مكانش شي واحد لي متفقه ولا هدا كتوحل معاه - 00:31:32ضَ

ولكن هادو هاد الأمور هادي متوحل معاها بسيطة بسيطة كيمكن لك طرفو بالكلام يجي يقولي الخمر ماشي حرام بدا يقولي الزنا حلال ولا يقولي هداك يكفي ان تفضحو للناس صافي كيتهنى عليه - 00:31:50ضَ

اش كيقول هذا باركا ماتزيدوش كاع فلذلك فعلا يعني الإنسان كيقدر في الموعظة يتفاجأ ببعض الأسئلة السيئة محرجة يعني الغرض ديالها الفتنة او بعض الشبهات يعني بنادم كتلقاه مخربق فمخو هادوك هوما الشبهات عدو شبه تالف فكادلو الحساب هو اللول - 00:32:00ضَ

ثم حطوا امام الأمر الواقع اقول قولي هذا واستغفر الله لي ولكم والسلام عليكم ورحمة الله وبركاته. ودوما يتجدد اللقاء بمشيئة - 00:32:17ضَ