الحمد لله رب العالمين واشهد ان لا اله الا الله وحده لا شريك له. واشهد ان محمدا عبده ورسوله صلى الله على محمد وعلى اله وصحبه وسلم الله تبارك وتعالى حينما يذكر كتابه - 00:00:00

حينما آآ يكون الحديث في الاية عن القرآن العظيم تجد ان الله تبارك وتعالى يذكر هذا القرآن بحيث يكون في قلب المؤمن بمنزلة عظيمة وربنا تبارك وتعالى احيانا يذكر آآ صفات لهذا القرآن انه النور المبين والحق المبين والذكر الحكيم وانه بصائر - 00:00:17

بينات وهدى ونور وتبصرة وفرقان واحيانا الله تبارك وتعالى يذكر من انزله فيقول مثلا تنزيل من حكيم حميد او آآ تنزيل من رب العالمين. تنزيلا ممن خلق الارض والسماوات العلى - 00:00:43

واحيانا ربنا تبارك وتعالى يذكر لماذا انزله ويقول مثلا كتاب انزلناه اليك مبارك ليدبروا اياته وليتذكر اولوا الالباب ويقول ايضا شهر رمضان الذي انزل فيه القرآن هدى للناس وبينات من الهدى والفرقان - 00:01:01

لماذا ربنا تبارك وتعالى يذكر القرآن على هذه الوجوه حتى يعظم القرآن في نفس المؤمن وكثير من المسلمين علاقته بكتاب الله تبارك وتعالى هو مجرد ثواب يعني غاية ما يرجوه ان يكون الحرف بعشر حسنات - 00:01:18

هذا هو الذي يربطه بالقرآن وانا وجدت كثيرا ليس من من المسلمين ولكن من طلبة العلم من ينظرون الى هذا القرآن العظيم من وجهين فقط؟ ان هو كتاب يعني يقرأ شيئا منه بالنهار بعد صلاة الفجر - 00:01:38

يأخذ ثوابا او انه مجموعة ادلة يستدل بها تحت المسائل والابواب وفي الواقع الذي يقرأ كتاب الله تبارك وتعالى ثم ينظر الى حال هؤلاء يعلم ان هؤلاء حرموا اعظم ما انزل اليه القرآن - 00:01:55

هذا القرآن بكلمة واحدة هو السبب الذي لا يضل به الانسان ولا يشقى ولا يأتيه الضلال والشقاء الا بقدر جهله بهذا الكتاب او بقدر مخالفته لهذا الكتاب وحتى تتصور هذا - 00:02:12

لابد ان تفهم ان ادم عليه السلام في اول وقت لنزوله الى الارض الله تبارك وتعالى اعلمه انه سيأتيه هدى من الله بقدر اتباعه لهذا الهدى هو وذريته بقدر ما ينجون - 00:02:31

من الضلال والشقاء قال اهبطا منها جميعا بعضكم لبعض عدو فاما يأتينكم مني هدى فمن اتبع هداي فلا يضل ولا يشقى ومن اعرض عن ذكري فان له معيشة ضنكا ونحشره يوم القيامة اعمى - 00:02:47

الشاهد هنا قال ربي لما حشرتني اعمى وقد كنت بصيرا؟ قال كذلك اتتك اياتنا فنسيتها وكذلك اليوم تنسى الانسان يا شباب انما يتمسك بالشيء بقدر ركز في هذا يتمسك بالشيء بقدر علمه بحاجته اليه - 00:03:05

لاحظ هذا ومن يسلم وجهه الى الله وهو محسن وقد استمسك بالعروة الوثقى ما معناها؟ تصور ان انسانا في سفينة وهذه السفينة ستغرق فرأى هو حلقة من الحلقات. يعني السفينة تتمايل وهو خايف يسقط من السفينة. فوجد حلقة من الحلقات في السفينة فمسك في السفينة - 00:03:28

كيف يكون تمسكه بهذه الحلقة تمسك من يعلم انه اذا تهاون في هذا التمسك غرق هذا المعنى العظيم هو الذي ينبغي ان يكون في قلبك وانت تفتح كتاب الله. ان تعلم ان هداك في الحياة الدنيا هو - 00:03:51

هو بقدر علمك واتباعك لهذا الكتاب كلاهما العلم والاتباع لما يأتي طالب مثلا يقول لي ان هو يطلب العلم ويصبر كثيرا على علوم الحديث المصطلح وعلم الرجال وعلم اصول الفقه واللغة العربية - 00:04:10

ولا اجد له آآ عناية بكتاب الله تلاوة او استماعا او حفظا واتقانا او مراجعة وتثبيتا او علما لما لماذا نزل القرآن والعلم بما في السورة من العلم والعمل اعلم يقينا ان هذا الطالب يسير خطأ. ليه - 00:04:32

لان بعض الطلاب بيفكروا القرآن الكريم مادة من المواد العلمية. لأ. انت انما تتعلم كل علم ليحسن فقهك لهذا الكتاب بمعنى ان هذا الكتاب هو القبلة التي ترجوها وهو المركز الذي تدور حوله - 00:04:51

هو الهدف الذي يبدأ معك وتجمع معه غيره هو الامر الذي له اول وليس له نهاية ما هوش مرحلة في حياة الانسان بيقول لك انا خلصت القرآن. لا. لان طلب القرآن هو شعب - 00:05:12

طلب القرآن شعب. يبقى الانسان يزداد من علم القرآن الى ان يلقى الله. ولذلك قال الله تبارك وتعالى للنبي صلى الله عليه وسلم وقل رب زدني علما. زدني من علم القرآن - 00:05:27

فعلم القرآن ليس مجرد ان تحسن تلاوته ولا ان تكون متقنا في الوقف والابتداء والتلاوة وحسن الصوت. لا هذا شعبة من شعبه تمام اعظم ما ما نزل له القرآن امران. ان يتدبر وان يتذكر به. يعني ان تفقهه وتعلم الرسائل المضمنة في هذا - 00:05:44

كتاب وان يظهر اثره عليك. هذا اعظم ما فيه حتى تصل الى هذا ستتخذ مجموعة من الاسباب من جملتها انك تتعلم مثلا لسان العرب تتعلم السنة كما تكلمنا بالامس. لكن ما هي المشكلة يا شباب - 00:06:06

ان هذا القرآن عزيز فهذا القرآن لا يعطيك الا بقدر ما تبذل له. وانه لكتاب عزيز. هذه العزة هي من صيانة الله لهذا الكتاب فربنا تبارك وتعالى من تعظيمه لهذا الكتاب - 00:06:23

افك عنه كثيرين من الناس. يؤفك عنه من افك يعني ربنا يصرف عنه وهو ايات بينات يصرف عنه اكثر الناس فمن هدي الى هذا الكتاب لابد ان يقدر تلك النعمة - 00:06:41

انا اريد منك ساعيد لك هذه الفكرة مرة اخرى لتفهم ماذا اريده ربنا تبارك وتعالى قال فلا تكن في مرية منه انه الحق من ربك. طب اذا كان هو ليس فيه ادنى شك او ريب او مرية - 00:06:55

طب لماذا اكثر الناس لم يؤمنوا به؟ فربنا قال هكذا ولا تكفى منه انه الحق من ربك ولكن اكثر الناس لا يؤمنون فاذا كان الله سبحانه وتعالى صرف اكثر الناس - 00:07:09

عن علم القرآن والاهتداء بالقرآن بل عن الايمان بالقرآن ثم اختص جماعة من الناس اختارهم لان يؤمنوا بهذا الكتاب ويهتدون بهذا الكتاب هؤلاء درجات في هذا الكتاب في تقدير هذه النعمة والاخذ. منهم ظالم لنفسه ومنهم مقتصد ومنهم سابق بالخيرات. في واحد والله ماشي - 00:07:22

بالعافية فين وفين ما بيقرأ الورد لو عنده ورد اصلا وممكن يعدي عليه شهر ما يفتحش المصحف وحتى لو فتح ومش عارف هو بيقرأ ايه ولا عارف الاية فيمن نزلت ولا فيما نزلت. المفلحين زي المهتدين زي المتقين مش فارق معه. تمام كده؟ بس عنده ايمان - 00:07:46

مجمل فسيأخذ من هذا الكتاب العظيم بقدر ذلك. فسالت اودية بقدرها. في وادي قد كده بالضبط يا رب تكون المطرة اللي نزلت دي تكفي العالمين. هو هياخد من كل المطرة دي بقدر حجمه وبقدر عمقه وبقدر اتساعه. صح ولا لأ؟ هياخد ازاي - 00:08:04

فهمت المعنى العظيم ده هو الذي يجعلك تسابق في علم القرآن ولا تستكثر ما وصلت اليه لان بعض الناس بيفكر ان القرآن مرحلة في العمر. يقول لك انا خلصت. القرآن لا ينتهي. القرآن هو امر يبدأ معك - 00:08:24

وتبقى تزداد كل علم وكلما ازدت علما ازدت علما بالقرآن. ازددت من علم اللغة ظهر لك ازددت من علم السنة النبوية وهدي النبي صلى الله عليه وسلم. ازددت علما لماذا نزلت الاية وفي من نزلت الاية؟ كلما ازددت شيئا كلما كنت مهيأ اكثر - 00:08:42

ولذلك لما تكلمنا بالامس عن المفاتيح العظيمة التي تهيئك لاستخراج ما في هذا القرآن من العلم والعمل. بينت لك امرا مهما وهو ان هذا القرآن لا يعلم ما فيه من الهدى الا من انزله - 00:08:59

لكن الله تبارك وتعالى يمن على من يشاء فيعلمه منه ما شاء. انت نفسك يمكن ان تقرأ سورة بقى لك عشر سنوات وتجد في لحظة ما انك فهمت من اية منها امرا لم يكن يخطر لك على بال. مش هقول انك انت كنت شاكك لم يخطر لك على بال. ليه - 00:09:17

باذن الله ولا يحيطون بشيء من علمه الا بما شاء. تمام؟ لكن ما هو بقى شباب المحور العظيم في هذا الباب وده محور دقيق هو تقوى الله التقوى يا شباب - 00:09:37

هي مفتاح يفتح لك ما اغلق عليك من علم القرآن. وده امر نادرا ما يستدعى في الكلام عن علم القرآن. دائما يأتي الكلام عن لسان العرب. يأتي الكلام عن اسباب النزول يأتي الكلام عن كتب التفسير ومناهج المفسرين لأ الله تبارك وتعالى في اية عظيمة بين ان تقوى الله ليست فقط - 00:09:53

قد تجعلك تعلم الحق ولكنك تفرق بين الحق والباطل. وهذا اعلى العلم لان الله اصلا ما ارسل رسله الا ليفرقوا بين الحق والباطل. فربنا قال ان تتقوا الله يجعل لكم فرقانا. شف كلمة يجعل لكم - 00:10:15

فرقانا كلمة كبيرة جدا. يعني الله سبحانه وتعالى يهديك لتميز الحق من الباطل. لذلك ابن تيمية يقول ان بيان الحق عند الاشتباه والالتباس خير ما عبد الله به وتلا قول الله هو الذي ارسل رسوله بالهدى ودين الحق ليظهره على الدين كله. فيبقى لازم تفهم ان ما فيش حاجة اسمها - 00:10:31

اه مادة القرآن الكريم لا هي قبلتك وهي المركز الذي تدور حوله. ما معنى القبلة؟ يعني انك تطلب كل شيء له طب وما معنى المركز الذي تدور حوله؟ انه الامر الذي يشترك معك في كل ما تطلبه - 00:10:55

تمام؟ فانت مثلا آآ في المرحلة دي قلت والله انا عايز اشد حيلي في علوم الحديث. جميل جدا. بس معك القرآن هو نفس الشيء. جميل ده اصل ثابت. ماشي معك. لذلك ربنا قال والذين - 00:11:12

يمسكون بالكتاب ويمسك دي تدل ان هو في كل احواله معه هذا الكتاب يبصره ويهديه فنحن داخلون على شهر رمضان المبارك. شهر رمضان هو شهر القرآن ليس فقط هو الذي انزل فيه القرآن ولكن هو الشهر الذي يحب الله منك ان تكثر من الاستماع للقرآن ومن تلاوة القرآن. ودائما اريد ان - 00:11:22

تستحضر هذه الاية. ومن الليل فتهجد به. هو ربنا يريد منك ان تقوم بين يديه تقرأ القرآن. هو يحب ذلك. يحب ان يرى نعمة القرآن عليك يبقى احنا لازم نجعل هذا الرمضان باذن الله - 00:11:44

نقطة انطلاق للمسابقة في هذا القرآن العظيم. من كان منكم من الله عليه بالختم يدخل في مرحلة التثبيت والاتقان. يبقى كل السور عنده متساوية. يشوف كده الصور اللي هو بيخاف منها بيقلق منها. لان يا شباب خد قاعدة كده. كل - 00:11:59

كل اية تفكر قبل ان تقرأها فانت لم تحفظها. لم تحفظها الحفظ اللي هو ينبغي. القرآن ينبغي ان يجري على لسانك. يجري من غير ما من غير ما تفكر كده - 00:12:15

تمام؟ فاي سورة لم تصل فيها الى هذا فانت لم تبلغ فيها الحفظ الثابت. انت لما تيجي تقرأ سورة الفاتحة عمرك شفت واحد بيراجع سورة الفاتحة قبل ما يقرأ لأ ليه؟ لانه من كثرة ما قرأها صارت تجري على لسانه - 00:12:25

يبقى الجماعة اللي حافظين نهتم نبدأ بقى نإيه؟ نكمل النقص. والله الاحكام في بعضكم قراءته جميلة. بس فيه شوية اخطاء بسبب ايه؟ انه ما قرأش على حد والقرآن ده يا شباب يعني خد بالك انت ممكن تقرأ تحفظ من الشرايط اللي هي بتاع ده اللي هي المواد الصوتية. تمام - 00:12:41

وممكن بقول الشرايط ده جيل التمانينات ده فاهم؟ آآ فممكن انت تحفظ فعلا وتكون قراءتك حلوة بس لا يمكن يكون زي ما تكون عند شيخ بيض الحروف والوقف والابتداء وهكذا. يبقى نبدأ بقى نكمل النقص والله الحفظ نص ونص. نشوف الصور والله سورة ايه والله سورة المائدة دي دايما اخاف منها. سورة آآ - 00:13:00

اه طالع لي موضة دلوقتي كل ما اقابل واحد يقول لي سورة النحل دي فاهم؟ موضة بقى لي اسبوعين كل ما اقابل واحد يقول لي يا اخي بس سورة النحل دي كانهم اتوافقوا مع بعض مع ان ده في بلد وده في بلد - 00:13:20

اه ايوة. انا بشوف ان ده مش صح ابدا ابدا فكرة ان في صورة صعبة ليس في كتاب الله سورة صعبة. تمام؟ هي في شيء واحد فقط هو كثرة التلاوة كثرة تلاوة السورة - 00:13:30

يجعلك تقرأها بتلقائية وانا هحكي لكم عن نفسي يعني مسلا فيه صور والله كانت بالنسبة لي في الحفظ. وده السبب ان انا ما ما يعني ما دستش فيها في الحفظ كتير. يعني سمعتها كم مرة وخلاص. مسلا - 00:13:47

سورة الفرقان دي كانت من السور الغريب جدا ان انا لما بييجي الدور عليها مسلا وانا بصلي بالناس ببقى قلقان منها. والله العظيم لما شديت حيلي فيها بقت دي الصورة اللي يعني من جملة الصور اللي - 00:14:00

اصلا عمري ما افكر آآ اراجعها اصلا. ليه؟ لاني آآ قعدت شهر كامل يوميا ما بقرأش غير بها ليه؟ لان قلت مش هينفع كده ابقى انا القرآن كله ماشي سالك. واجي بقى في ضيق ليه يعني؟ فاهم؟ فاللي انا عايز اقوله بقى عشان احنا داخلين على رمضان ان شاء الله. فيه ناس منكم ربنا كرمهم بالختم ما شاء الله شباب زي الورد - 00:14:12

وكتير على فكرة مش الشباب اللي انا اخترتهم بس. بس نبدأ بقى نعمل ايه نشوف والله انا عندي مشكلة في الايه؟ في الحفظ. في صورة كذا وسورة كذا لا اثبتها واكثر بها. واحد تاني والله انا ما قرأتش على حد ابدا. شف حد تقرأ عليه يا شباب - 00:14:31

حتى من اخوانك هنا شباب زي الورد ما شاء الله حافظين كويس جدا. وقراءتهم متقنة وبيصلحوا حلو كمان يعني مسلا شفتهم انا كزا مرة بيصلحوا الشاي اللي بيقرأوا ممتازين جدا. ما شاء الله! فانت استغل وجود اخوانك معك. تمام؟ آآ طيب فيه بقى مرحلة بعد كده مرحلة - 00:14:44

صلاة بالسورة الحفظ شيء والصلاة بالسورة شيء والصلاة بالناس جماعة شيء اللي بيصلي بالناس بقى بالصور فيه بقى حاجتين يركز فيهم دي ياخدها نصيحة من اخيه. اول شيء في واحد ممكن يقرأ السورة كاملة ما يغلطش فيها. بس لو قطعها بيغلط والعكس في واحد يعرف يقرأ ربع ربع بس ما يعرفش يجيب الصورة على بعضها. انت بقى لازم تدرب نفسك على الاتنين. على الاتنين - 00:15:00

النوافل تجيب مسلا صورة زي سورة طه دي تقسمها على نوافل اليوم. وتعود نفسك من اي موضع بتقرأ الله اكبر تجيب دي تجيب دي. تمام كده؟ كل ده بيخليك بيعودك بيعودك على انك انت ما تكونش تقول لا والله اصل انا لو عملت كده باغلط اصل لو قرأت سورة البقرة آآ سورة الاعراف بعد سورة البقرة لازم اغلط - 00:15:21

هو ده اللي انا باقول لك عليه. انك انت تقعد تسد النقص ده. تمام كده ؟ طيب. اللي منكم بقى لسة ما ختمش القرآن اعمل ايه في رمضان؟ ده سؤال مهم يا شباب. انا عن نفسي عمري ما فكرت في رمضان ده في عدد الختمات من اول ما بدأت اصلي الى يومنا هذا - 00:15:41

انا بفكر في شيء واحد ركز واحفظ ده. الزمن الذي اقضيه مع المصحف. الزمن. الزمن ده بقى بالليل بالنهار. ايه المدة اللي انا قاعد فيها مع المصحف فممكن في رمضان من رمضانات والله حاسس ان انا سورة النساء فعلا سورة صعبة علي - 00:15:55

فاخلي كل يوم مع الورد بتاعي سورة النساء. عادي انا مش في دماغي. انا مش فارق ما فيش ولا حديث في تاريخ الاسلام في عدد الختمات ريح دماغك نهائيا ما فيش في تاريخ يعني ما فيش حاجة اسمها عدد الختمات. تمام كده؟ في حاجة اسمها القدر الذي اقضيه مع هذا الكتاب. قم الليل الا - 00:16:14

نصفه او انقص منه قليلا او زد عليه ورتل القرآن ترتيلا. فاللي انا عايزك تفهمه بقى ان مقياسك ما تجيش تقول لي انا قرأت تلات اجزاء لأ ما هو الوقت الذي اعطيته للقرآن انت ممكن تقرأ تلات اجزاء في ساعة. فيه ناس بيقرأ صاروخ. خلاص كده؟ يعني فيه كنا بنصلي انا وواحد والامام كان سريع. قلت له الامام ده - 00:16:38

من سرعته هو نفسه فاتته ركعة. عمرك شفت امام قايم يقضي ركعة؟ فاهم كده اهل السرعة والجماعة ففي واحد كده ما تفهمش في منه اي حاجة. لأ يا شباب الاعتبار في قيام الليل او في تلاوة القرآن هو القدر الذي تقديم هذا الكتاب - 00:16:58

تعرف ده اثره ايه؟ انت ممكن ربنا يفتح عليك في اية تبقى ترتلها عشر مرات عشرين مرة ومش عايز تخرج منها. طب ما تقف معها ما تقف هو انت ايه اللي شاغلك انك انت النهاردة ما قراتش غير جزئين او تلاتة؟ ده الحاجة اللي لازم تتطور فيك. فاهم؟ نعم الانسان ممكن وقت يقول والله انا عايز اشد حيلي النهاردة - 00:17:18

وراجع كزا اه ماشي. لكن ازا فتح الله عليك في سورة وحبيت تكررها ما تكررها. انت مش عارف الحديس اللي في البخاري رجل اللي اللي صلى بهم طول الصلاة بقل هو الله احد ويكررها ويريحها - 00:17:37

وارجعها وقررها هو ده ما كانش حافز؟ ده من اهل القرآن امال هو خليه امام ليه بس هو بيحبها فمش قادر يخرج منها يبقى انت بقى لازم في رمضان خليك ذكي - 00:17:47

اول شيء ما هو القدر الذي تعطيه لكتاب الله؟ ممكن والله تكون في اية وانت بتقرأها تقول الله! سبحان الله! ايه ايه الاية دي معناها ايه مش عارفه ارجع للتفسير. ما تجيش تقول لأ اصل ده هيضيع لي ربع - 00:17:59

ساعة ضيع لك ايه يا ابني؟ هو انت قمت شربت سيجارة مسلا ؟ ده انت بتقرأ في انت بتتعلم. زي واحد من الشباب بيقرأ آآ لا يحب الله الجار بالسوء من القول الا من ظلم. قلت له يا عم ايه الا من - 00:18:09

قال لي يا عم اقرأ. هو احنا غلطنا! هو احنا غلطنا في البخاري! فاهم؟ اقرأ ايه يا ابني! انت بتقرأ غلط! انا مش بقول لك مسلا الا لأ ده انت قلت زلم يعني انت خربت الدنيا خالص. فالشاهد في في واحد تاني من الشباب عمري ما هنساه. كان بمتقن للقرآن وصوته جميل. جيت في مرة - 00:18:22

بكلمه عايز اكلمه عن القرآن وعلم القرآن. قال لي يا شيخ انا مش هضيع وقتي غير في في قراءة القرآن. قلت له هو انا باكلمك عن التوراة والانجيل يا ابني - 00:18:42

فعلا في انا بقى عايز عايزين نصحح التعامل ده يا شباب. لازم تفهم ان هذا الكتاب اعظم بكثير من ان هو واحد يقول لك انا بقرأ مش عارف سورة الفاتحة في نفسه واحد - 00:18:50

والتاني يقعد ينغم لأ ده دي دي يعني اشياء يعني مش عارف اقول لك ايه دي اشياء تكميلية هذا الكتاب كتاب عظيم. طبعا التلاوة يعني الحمد لله يعني دي من اكتر الاشياء اللي بيهتم بها حسن التلاوة والوقف والابتداء والاحكام. لكن لأ علم القرآن - 00:19:00

انتم ازاي انتم بتفرحوا ازاي لما تيجي اية معينة نستخرج منها معنى تقول يا سبحان الله! المعنى ده كان فيها ما كنتش ابصره. ايوة ما انت مش تبصره لانك لم تطلبه - 00:19:18

انت لم تطلبها انما لو طلبته ستجده وستجد اكثر منه. ليه؟ لان يا شباب وانت بتاخد من القرآن بقدر ما تطلب وليس بقدر ما فيه هو ما فيه لا يحيط به الا من انزله. بس ربنا بيمن علينا كده كل مدة - 00:19:26

ويفتح لنا باب من من بابه ازا كنت انت بتفرح انا يعني احنا يا شباب لما انت مسلا سورة الاسراء لما خدناها وبعدين انت جيت تقرأها شفت قلت ايه ده يعني كل ده كان فيها انا عايزك تتخيل بقى النبي عليه الصلاة والسلام والصحابة اللي هم يعني انزل عليهم هذا الكتاب كيف كانوا يقرأونه - 00:19:41

ما هو ده السؤال اللي احنا جاوبنا عليه اللي ما كناش عارفين نجاوب عليه امبارح ليه الاية الواحدة كانت بتخليه يغير حياته مش محتاج الف دليل يقول لك وفي المسألة مائة دليل لا مش محتاج هو ده هو محتاج يسمع - 00:19:59

اية واحدة وممكن ما يكونش حافزها. هو خالد ابن الوليد. خالد ابن الوليد ما هو جاب سالم مولى ابي حذيفة وقال له ممكن تقرأ علي كده سورة المدثر اللي هي نزلت في ابوه - 00:20:09

مش عارفها قال له تعالى اقرأ عشان سالم مولى ابي حذيفة هو كان من اهل القرآن فاعذرني ومن خلقت وحيدا وجعلت مش عارف هو. ما يعرفش فاهم؟ انما هيسمع الاية خلاص. الاية عنده سلطان. يعني بتنزل عليه كده سلطان تحركه. بيتحرك بها. فيبقى احنا رمضان انا بشوف ان رمضان - 00:20:18

في ميزة كبيرة جدا هو نقطة انطلاق لتكتشف قدراتك ولتفتح صفحة جديدة. كتير منكم اعتكف معي السنة اللي فاتت صباغ اعتكف وفارس وغيره من الشباب وعبدالرحمن وغيره. فعلا انا واجد فرق فيهم السنة دي - 00:20:37

حسيت ان هو مش الفرق اللي انا مش الفرق الكبير اللي ظاهر. لكن لأ باين. باين ان فعلا فيه قدر كبير من قدر كبير اهتم بالقراءة بالحفظ بتفسير القرآن. هي دي النقلات اللي احنا بنطلبها يا شباب. لكن انا بجد يعني اعيذك ان يضيع - 00:20:53

شبابك من ضاع شبابه شبابه ضاع عمره وخير ما تستثمر فيه هذا الشباب والقوة هو اتقان كتاب الله وهو ده الامر اللي باذن الله ستجد بركته في كل تفاصيل حياتك. مش هقول بس ستجد بركته في في الايمان لا لا والله. في كل تفاصيل - 00:21:13

ويكفي ويكفي ان الله اختارك من جملة من يختارهم للاشتغال بهذا الكتاب. والله العظيم دي لوحدها انا دائما كل ما افتح المصحف اقول يا رب لك الحمد والله مع اني يوم واحد ممكن ما يخطرش بباله يقول لي اه اقول يا رب لك انت جعلتني انا بافتح هذا الكتاب ومليارات الناس اصلا ما يسمعوش به ولا يعرفوا عنه ده فضل كبير - 00:21:32

فضل كبير فده بقى اللي بيخليني افضل اتعب فيه واراجع واحفظ واصلي به. فاهم؟ فانا مش عايزك تستكثر ابدا ما تبذله لهذا الكتاب ومش عايزك ابدا ابدا يصرفك عنه صارف. ومش عايزك تتعامل معه انه مجرد ورد بتاخد ثواب. وزي ما قلت لك بقدر ما تعطي هذا الكتاب من البذل بقدر - 00:21:55

بقدر ما يفتح الله لك فيه. واي واحد منكم يا شباب لم يقرأ هذا الكتاب على شيخ او على احد متقن. نصيحة اخيك نصيحة اخيك والله لو هياخد منك فلوس كتير. يعني اعتبر انك انت موجود ما وجدتش حد من اخوانك. تمام كده؟ ما وجدتش يعني مش فاضيين مثلا وليكن تمام - 00:22:16

وان كنت انا عن نفسي يعني والله ما كنت اترك واحد يريد ان يقرأ الا وكنت انا اللي اقول له اقرأ. لان دي فرصة لي خيركم من تعلم القرآن وعلمه - 00:22:35

انتم عارفين ابو عبدالرحمن السلمي فضل له كده عمود في المسجد اربعين سنة يجلس من الفجر الى المغرب يقرأ الناس القرآن. ابو عبدالرحمن السولي من كبار ائمة الحديث قرآن تمام كده؟ وهو ده اللي قال حدثنا من كان يقرؤنا القرآن يعني امام - 00:22:44

اربعين سنة من الفجر للمغرب. انا انا عايزك تتصورها بس اربعين سنة فقالوا له انت ازاي قعدت كده ؟ قال لهم وروى حديث عن عثمان بن عفان ان النبي صلى الله عليه وسلم قال خيركم من تعلم القرآن وعلمه. ده حديث في البخاري - 00:23:00

قال فذلك الذي اقعدني مقعده هذا شف حديث واحد غير حياته ازاي؟ حديث واحد خلاه سيستم حياته كلها قاعد في المسجد. الكرة الارضية عايزة تيجي تقرأ عليه قرآن انا جاهز يا حبيبي اقعد. ادي انا قاعد اهو - 00:23:14

يقرأ ويمشي وده يقرأ وده يمشي وده يقرأ وده قاعد يعلم الناس القرآن ونصيحتي لك اهتم بان تتلو هذا الكتاب على احد. وان تتقن حفظ القرآن وما فيش حاجة اسمها صورة صعبة - 00:23:28

انسى الفكرة دي ما فيش حاجة هو القرآن ميسر. ولكن الله سبحانه وتعالى من رحمته يجعل الانسان ينسى له عشان يبقى مرتبطا بهذا الكتاب ويتواضع عشان ما يعيش في الوهم. مش حكيت لكم قصة صاحبي ده طالب كان معي. والله العظيم بيقرأ القرآن كله زي ما انت بتقرأ الفاتحة. حقا. وده كان دايما - 00:23:42

جيبه انا اعيده كده خليه يقرأ عشان يعني بتمزج منه قراءته حاجة يعني لكن ما كانش بيصلي بين الناس. اخش انا اصلي اقول له ادخل صل معنا في التهجد يعني؟ ابدا - 00:24:02

ما يصليش لما فرضت عليه انه يدخل تقول لأ هتدخل يعني تدخل المرة دي بقى عايز اجرأه انه يدخل دخل صلى بسورة المائدة مع يمكن غلط تلاتين غلطة وانا كنت فرحان انه بيغلط بصراحة. لاني بفرح من تهذيب الله لنا. لان الله يهذبنا. الله سبحانه وتعالى كريم ورحيم. فمن رحمته بنا يهذبنا. يخلي الانسان يقع في ذنب - 00:24:14

عمره ما كان يخطر بباله عشان يتواضع ويحس بالناس اللي بتقع في ذنب. يخليه يغلط في صورة عمره ما كان بيغلط فيها. ويرد واحد من اللي مش حافزين عشان يهذبه وينقيه ويعلم - 00:24:34

القرآن اللي بيجري على لسانه من الله دخل والله العظيم انا كنت حاسس به. وطبعا عارف انه ما يقدرش يطلع من الصورة من غير ما يكملها. ما فيش حاجة اسمها انك تقول بسم الله وتطلع من الصورة من غير مكملة دي معي. لانه هيلاقي القفا على نافوخه على طول - 00:24:44

فاهم فطلع من الصورة انا حكيتها لكم قبل كده بس دي مهمة دلوقتي بقى عشان هي كانت في شهر رمضان. طلع من القراءة الركعتين راح عند دورة المياه بيغسل وشه. طبعا هو كان ابيض وعسل كده - 00:24:57

شبه الواد مهند ما شفتش مهند في حياتي الا لما افتكرته. تمام؟ ابيضان وسكرة كده فرحت طبعا وشه احمر. فقلت له طبعا انت دلوقتي الشيطان بيوسوس لك بيقول لك مش هتدخل تاني. قال لي اه. قلت له هتدخل. مش بمزاجك. قال لي والله - 00:25:08

والله ما ادخل قلت له والله لتدخل قال لي لا مستحيل قلت له هتدخل؟ فبدأت بقى ايه جانب الترغيب والترهيب هتدخل يعني هتدخل هتدفع يعني هتدفع. تمام كده؟ التانية بدأت بقى ابين له حكمة الله في انت غلطت ليه - 00:25:23

قلت له يا ابني ربنا سبحانه وتعالى رحيم بنا عالم بنا قلت له انت ممكن تكون عايش في الوهم عشان تحافز القرآن. تمام كده ؟ ممكن تكون لما حد بيغلط في التلاوة تقول ايه ده بيغلط ازاي ده ؟ تمام؟ وبالفعل كان فيه موقف حصل زي كده والله - 00:25:41

بعد كده قلت له آآ لو انت ما دخلتش المرة دي مش هتدخل تاني المهم فضلت اتكلم فيه وقلت له اتوضأ واستعن بالله وقل الله اكبر وايه لو غلطت؟ قلت له ايه اللي يحصل؟ طب ما تغلط ايه اللي يجرى - 00:25:54

قلت له هي ايه اسوأ شيء؟ انك تغلط طب ما تغلط يعني اول رمضان صليت به بالناس كان اول ما اجي اقول الله اكبر وانا يعني الحمد لله ممكن كنت ببقى طول النهارده راجع تمام؟ بس الشيطان يقول لي انت هتنسى كل حاجة انا كنت بقول ايه المشكلة - 00:26:06

وكزا مرة يعني ممكن اغلط عشر اخطاء في الجزء عادي جدا غلطي مش مش تقصير مني. غلطي لان القرآن ده شباب عشرة عمر. انت ما تفكرش ان حفزك ده هيخليك تقرأ بطلاقة. فيه حاجة اسمها الزمن الذي قضيته معك - 00:26:19

كتاب الله انت بقالك قد ايه بتقرأ فاهم؟ فما هياش حرفنة ما تفكرش ان هي مسلا ان واحد اوه ده ده مبهر جدا لانه لا لا هو قدر الزمن اللي انت عشته معه. فهو دخل والله العظيم من يومها الى الان هو امام في التهجد بيقرأ بالعشر - 00:26:34

اجزاء يوميا عادي جدا عشر اجزاء ده عادي جدا عنده. ده طبيعي يعني بيقرأ عشر اجزاء ده ده عادي جدا. خلاص. فيبقى انت لازم تفهم ان انت تقتحم هذه العقبات باذن الله. ودايما تفكر ايه هو اسوأ شيء. ان انا غلطت طب ما اغلط. ما يحصلش اي شيء. وكل من يخشى الخطأ لن يدرك الصواب - 00:26:48

شبابك شبابك مع كتاب الله مع الاستقامة مع الهدى مع صحبة الخير مع طلب العلم. اقسم بالله هو ده الوقاية لك في هذا الزمن الصعب هذا الزمن زمن مليء بالفتن التي هي قريبة من كل انسان وفي متناول كل انسان. وخد بالك ما حدش هيهتم بك. يعني - 00:27:08

ما تفكرش انا ممكن اليوم اليومين دول انا فايق لك وفاكر فاكر يوسف وفاكر عصفور وفاكر علي وفاكر قوقل قولك وفاكر فلان وفاكر فلان اه بس بعد كده ممكن انساك. ممكن آآ صحابك ينسوك ما ياخدوش بالهم منك عادي بيتكلموا معنا ناس كل مرة بيجوا وبننسى نبعت لهم رسائل ونسأل عنهم. تمام؟ مش معنى كده ان انا بقول لك - 00:27:28

ان انت ما تهتمش باخيك لأ. انت مع نفسك المتغطي بالناس عريان. يعني لو انت ربطت استقامتك بشيخ او بصحبة يبقى انت غلطان لأ ده طريقك انت طريقك تمام؟ وانت ابصر بنفسك. ما انت ممكن تقول لي آآ معلش يا شيخ انا والله عندي ظروف المرة دي. بقول لك خلاص وانا اقول لك حاجة. هو انت لما تيجي تقول لي تعتزر لي على المخيم وتقول لي انا مش جاي. هاقول لك ايه؟ هاروح امسكك واجيبك - 00:27:48

انا عملت لك الصعب. ايه هو؟ ان انا جيت لك بنفسي اعيد لك اربعة وعشرين ساعة معك. اعمل لك ايه تاني؟ ما فيش حل تاني غير ان انا ازاكر مكانك - 00:28:12

ما فيش حل تاني بجد يعني اللي انا كل اللي اقدر اعمله لك النصائح والتشجيع والتثبيت والدحك والهزار والكلام ده معك لدرجة ان امبارح الواد اسمه ايه ده؟ فين الواد اسمه ايه ده؟ ورينا نور قاعد بيكلم يا علي. نزل لي آآ نزل لي ربع جنيه عشان احاسب التاكسي يا عم - 00:28:20

محمد السيد يا عبدالسميع فاهم؟ فالدنيا طقطاوة معك. لما انت بقى تعتزر لي انا هاقول لك ايه مش هاقدر اقول لك حاجة. خلاص. لان انا بصراحة يا جماعة بدي الانسان اوي بس لا اسى على احد - 00:28:39

خلاص اللي بعد ما مش شرط انك معي بشكل عام لما بشوف شاب فتحت له ابواب الخير ويسير فيها ببطء والله العظيم اقسم بالله باتحسر عليه. انت ممكن تلاقيني باضحك كتير في الدرس - 00:28:52

وده باين بس اللي جوايا ربنا وحده اعلم به. انا اكتر شيء بيفرحني في الدنيا ان الاقي شاب يبصر طريقه ويمضي فيه بقوة. ومع ذلك يرحمك الله ومع ذلك شف ومع ذلك يكون انسان متواضع ومحترم يحب الخير لاخوانه ما عندوش لؤم وخبث. اوعى تفكر ان التميز ده امشي لأ لأ. هو كده فيه باكيدج كده. انسان يعرف طريقه - 00:29:07

لا يتكلم كثيرا يفعل اكثر ما يتكلم. آآ اخلاقه حسنة يتواضع لله. يسابق في الخيرات. ليس هناك شيء يسعدني الا لما اشوف الشخص ده. في المقابل لما اشوف انسان بيماطل متردد - 00:29:27

نكسل يختلق الاعذار ده ده شيء بقى غير بقى اللي بيحسد ده ما لناش دعوة بيحسد او نفسيته وحشة ده ما لناش دعوة لأ. انسان نقي طيب لكنه كسلان بينام ما بيهتمش بنفسه - 00:29:41

وما بيهتمش بالقرآن تقابله السنة دي والسنة اللي بعدها زي ما هو ما اتغيرش فيه. قسما بالله وربنا سيحاسبنا على هذا ان هذا اكثر ما يؤذيني في الحياة الدنيا ان انا اشوف شاب - 00:29:53

شاب طيب وكويس لكنه ماشي في الدين بالعافية. بالعافية تقعد تشجعه عشر ساعات عشان يتحرك سانية واحد تاني مجرد ما توجهه كلمة بتقولها له. كلمة والله ما بيخليك تعيدها له ابدا - 00:30:05

مجرد انك تشير له انتهت كزا عدد من الشباب كان يقول لي مسلا يا شيخ مسلا في الباب الفلاني اقرأ ايه اقول له كذا وكذا. والله ما يقابلني بعدها الا وقد اتقن كذا وكذا اللي انا قلتها له دي. ولا اعيدها معه ابدا - 00:30:22

خلاص انما في واحد تقعد مدة كبيرة جدا عشان تخرج منه بطاقة بسيطة بتقعد معه يومين او تلاتة وبعد كده تنطفئ ازاي؟ ازاي؟ ازاي؟ انا استغرب اما واحد فعلا مش حاسس بالشباب اللي فيه انت تقدر تعمل حاجات كتير. ما عندكش غير عمر واحد. فماشي - 00:30:37

عمال بالزق السنة كلها تجي لي حافز فيها جزء ايه ده ازاي السنة كلها حافز فيها جزء؟ ازاي يعني؟ ازاي اقابلك رمضان ده وانت حافز جزء مسلا تبارك؟ والسنة اللي بعدها تقول لي يا دوبك ده انا حفزت جزء قد السماء. ازاي اعمل حاجة - 00:30:58

اتناشر شهر ده انت كنت عملت فيهم كل حاجة امال الكتب دي كلها هتعملها امتى؟ والعلم ده كله هتعمله امتى؟ فاللي انا عايز اقوله لك انت ما حدش هيحمل همك - 00:31:15

ممكن تجد ناصحا ممكن تجد صحبة خير بس والله والله اعني على نفسك. كلمة عظيمة اعني على نفسك ليه؟ لان هوى النفس. يقول لك نام يا عم الحاج نام ريح دماغك. فاهم؟ طب المخيم يا عمي؟ طب طب احنا متجمعين عشان نزاكر؟ انا مش مشكلة هتتعوض. طب الكتاب ده انا انا عندي كزا واحد من الشباب عنده مكتبة كبيرة - 00:31:26

كتيرة سألتوا سؤال واحد قلت له بالله عليك بيني وبينك يعني مش هقول لحد يعني انت في واحد لا ما انا ما قلتلكوش على اسمه ما قلتلكوش على اسمه. فاهم؟ باقول له سرك في ميكروفون. يعني الكرة الارضية هتعرفه. بالله عليك - 00:31:46

كتاب من المكتبة دي ولا كتاب اهم حاجة بس يسألك عن النسخ. يقول لك ايه افضل نسخة لتحقيق الطبري؟ لتفسير الطبري. افضل نسخة من مجموع الفتاوى. طب مش عارف ايه؟ ويجيب النسخة اللي ورائها اصفر عشان عشان ايه - 00:32:01

ما بيقرأش ما بيغرقش والله ما فيش يعني يا شباب شوفوا قدر اسأل كزا واحد قل له انت خلصت كم كتاب من الجلدة للجلدة من اوله لاخره والله العظيم اكثر الشباب اللي هو المفروض بيطلب علم والله ما عملها - 00:32:15

طب ليه ليه؟ لان العمر ضايع باخبار تافهة. العمر ضايع باشياء بجلسات ما لهاش لازمة. فاهم؟ يسهر مع بعض يحكي. بتحكي معه في ايه ما انت عشان فاضي. والله لو كان عندك مشروع ما تفرغت ابدا. انت راكب قطار هتلاقي نفسك فاتح المصحف. بتسمع درس - 00:32:29

فاهم؟ هتلاقي يا شباب الانسان لما بيدخل في المسابقة في الخيرات اقسم بالله حياته كلها بتتغير. الدقيقة بيكون لها وزن عنده فاهم هتلاقيه كل حاجة هتلاقيه بيلعب رياضة عشان العلم - 00:32:46

عشان ينشط نفسه. هتلاقيه بيغير عادات كتيرة فيه بيقول اصل انا متعود انام عشر ساعات. هيقلل نومه هيبقى ست ساعات. وربنا هيبارك له فيه. اللي هي الاعتبار بانك انت تنام عدد كتير ما انت ممكن تقعد على السرير تتقلب وتتعب ما تعرفش تنام. ممكن تنام - 00:33:00

وساعة واحدة ربنا بيبارك لك فيها. يا جماعة التعامل مع ربنا مش بقوانيننا احنا انت واحد يقول لي انا شغال عشر ساعات في اليوم وايه يعني؟ لو جلست ساعة بصدق مش حكيت لكم على الراجل اللي هو بنى ده والله ما هنسى الراجل ده ابدا كل ما اجي ادي درس او اقرأ قرآن افتكر الراجل اللي بنى - 00:33:16

المخيم الوقف اللي احنا فيه ده ابنه بيحكي بيقول ابويا لما عمل ده الناس قالوا له انت هتبني ازاي الوقف ده في الصحرا دي؟ مين اللي هيجيه؟ قال لهم ربنا هيبعتهم - 00:33:31

انا انا انا كل ما اشوف واحد يعني انا جيت منين وده جه منين واحمد جاي من بريطانيا وده جاي من المانيا وده جاي من اسبانيا وده جاي من اليمن وده جاي من كزا ما هو ده هو ربنا جمعنا - 00:33:42

فيه هو هو دي مش اية؟ هو دي مش اية لك؟ انا بالنسبة لي دي اية اه والله راجل ولا يعرف يعني على قد حاله. بنى مكانه ونحسبه من الصادقين. ربنا جاب الناس هنا. يتعلموا علم ويقرأوا قرآن - 00:33:52

ويصلوا وهو لازم تفهم ده. انت في تعاملك مع ربنا ما تجيش تقول اصل انا ما بعرفش احفز. ما فيش حاجة اسمها اصل انا بنام كتير. اصل انا عندي شهوة - 00:34:08

مع ربنا ما فيش الكلام ده. ربنا على كل شيء قدير قادر ان هو يذهب من قلبك نار الشهوة ويجعلها طمأنينة. وقادر ان هو يخليك انت الكسلان يخليك في قمة النشاط اللي بتبثه في الناس. مش كان في بعض طلاب العلم كان فاهمه على قده. فالشيخ بتاعه قال له كنت بليدا فاخرجتك المواظبة. قال له - 00:34:18

كنت بليد اصلا ما بتفهمش. بس من كثرة التعب بقيت نبغة ايوة. ما انت لازم تفهم انت بتتعامل مع ربنا. يعني انت انا انا عايز اقول لك على حاجة. هو دلوقتي - 00:34:40

لما هم برزوا لجالوت وجنوده بالمقاييس العادية دول يقدروا كلهم يعملوا حاجة مع جالوت؟ ما يقدروش جالوت لوحده؟ ده انت انا عايزك تقرأ في قصص بني اسرائيل عن جالوت ده كان ايه؟ مجرد رؤيته تخليك تموت. انت تموت كده. قلبك يدخل يموت - 00:34:52

طب دول قدروا عليهم ازاي بالله؟ لذلك في اللحظة اللي الصحابة بعض الصحابة اعجبتهم كثرتهم؟ اه لا بقى انتم كده اعجبكم طب يلا بقى ايه اللي حصل؟ خلاص ضاقت عليكم الارض بما رحبت ثم وليتم مدبرين - 00:35:08

تربو وهم يعني حوالي اتناشر الف ولا حاجة خافوا لان هو ربنا فانا ليه بقول لك الكلام ده؟ عشان ما تجيش تقول ايه؟ اصل انا اصلا اصل انا اصلا دي مشهورة جدا - 00:35:24

اصل انا اصلا كسلان. اصل انا اصل فلان استثنائي. لا لا اصل انا مش زي فلان. اصل فلان ده ما فيش الكلام ده والله لو رأى الله فيك صدقا وبذلا لترى من الله قدرات هتقول يا رب عارف ساعتها هيجي لك ايه؟ هيجي لك حسرة على على الزمن - 00:35:35

اللي فات انا اكتر حاجة بتتعبني في الحياة دي. ان لما يفتح باب من الخير افتكر السنوات اللي فاتت. فتتحسر قلبك فهمت؟ فيبقى انت انت تدعو ربا على كل شيء قدير لا يعجزه شيء. تمام؟ وانت فقير اليه. فما تجيش ابدا تقول اي - 00:35:54

عذر اصل انا ظروفي تعبانة المادية. اصل انا عندي شهوة غلباني. اصل انا اصلا ما بعرفش احفز. اصل انا كسلان. اصل انا مش زي فلان اللي هو غني فبيقدر يجيب كتب - 00:36:13

اصل انا مش ساكن جنب فلان وفلان اللي بيشجعوني. اصل ما فيش اصل ما فيش مش ممكن ابدا يكون خلق الله انسانا ولم يجعل له ادوات تهديه. مش ممكن. مش ممكن - 00:36:24

هو ربنا سبحانه وتعالى خلق آآ يعني يعني وهدى. فيبقى انت طريقك بقى. خد طريقك ده بقوة. امض فيه بقوة. بس ما تتكلمش كتير ما تتكلمش كتير. يعني لا تحدث الناس عن مطالبك او اهدافك - 00:36:39

ولو انت عايز من باب الاقتداء حدث الناس بعد ما يتم الامر من باب والله ده انا سبحان الله تعبت في كذا وربنا فتح علي. لكن لا تتعود ان تشبع رغبات - 00:36:54

نفسك بالتحديث عما تنوي ان تفعل لان النفس بتاخد بتاخد ده قلت لكم يا شيماء والنصيحة مني يعني. وسائل التواصل حولت النجاح الى شهرة فقط يعني ممكن واحد يكون في قمة النجاح بس مش مشهور فيقول لك انا مش ناجح. فاهم؟ وواحد ما يسواش بربع جنيه - 00:37:04

تمام؟ وعشان الناس بتعملوا لايكات وبيعملوا اعجابات فصدق ان هو ناجح. وهو ما يسواش اي ربع جنيه حتى. فاهم النجاح هو ان تكون عند الله فالحا. هو ده النجاح عند الله بس. لان هو ده اللي هينفعك. الباقي مش هينفعك. فانت بقى شق طريقك وشهر رمضان - 00:37:24

مبارك ابدأ فيه بقوة حافظ على وقتك عندك حاجتين. سد الاشياء اللي بتضيع وقتك. وسائل التواصل. الفيسبوك ما لوش لازمة. ما تلغي امه. انت هتعمل به ايه؟ ما تلغيه دلوقتي كل ما اقابل واحد الاقيه عامل عشر تطبيقات التيك توك ومش عارف وفيسبوك حلوة تيك توك وفيسبوك. تصدق علي - 00:37:42

وتيليجرام ومش عارف ومشترك مع الكرة الارضية. واحد منهم آآ بيكلمه فطر ايه النهاردة؟ والتاني يقول له خرجت انا ومراتي وقعدنا في قعدة حتة. طب وانا ما تخرج ان شاء الله عنك ما خرجت يا اخي انا ما لي انا! وتلاقيه مهتم بتفاصيل كل الناس الا نفسه هو - 00:38:03

نفسه في غربة تلاقيه اهتم بخناقة فلان وفلان النشطاء وبعدين اتصالحوا على بعض واهتم بان فلان النهاردة سافر كذا وقضى اجازته في مالديف. ايه ده واتغدينا النهاردة وانا طبخت النهاردة مسقعة باللحمة المفرومة وطلعت حلوة. اصل انا مراتي بقى لها اسبوع عند امها. انا ما لي يا عم! انا ما لي بجد! بجد والله! ولا انا ولا - 00:38:19

امر غريب انتم مستغربينه ولا انا اللي مستغربه بس؟ ايه العبط ده؟ فاهم؟ ما تقفل كل ده يا عم وتخليك انا اللي انا اعرفه اللي انا اعرفه ان انت مسلا شفت فلان حسيت ان الانسان ده فعلا تنتفع منه خلقا لغة دينا موعظة خلاص - 00:38:42

انا لو في انسان يعني مسلا انا لما سمعت دروس الدكتور مساعد الطيار مثلا من زمان الكلام ده لما واحد دلني على اقسم بالله من يومها يعني مش عايز اقول لك كنت مش ممكن اسافر خلصت كل دروسه كل شوية عمال اقول له نزل نزل عشان خلاص كل حاجة خلصت. نفس الشيء خلص في الغفيص نفس الشيء. فهمت كده؟ الشيخ طارق عوض الله في - 00:39:01

في علوم الحديث. اول ما اعرف واحد خلص يعني خلاص كل حاجة. بس الدكتور سامي عميري في من من قبل ست سنوات سمعت له نقد كده للفيلم اللي هو اسمه سبع سنين اللي هو بتاع الملحدين وكده فيلم عملته قناة الجزيرة فيلم هابط وفيلم في قمة السوء - 00:39:20

واثاره في قمة السوء. فيلم يعني بيحكي عن الفترة بعد الثورة ان في ناس تحولوا لالحاد وناس تحولوا للايه؟ لتكفير الناس والجهاد والكلام ده كله. المهم انا لما والله العظيم لقيت تعليق جميل - 00:39:36

بدأت ادخل على الاشرطة خلصتها كلها. لزلك رجعت بعد كده هو قابلني. هو استغرب ان انا بناقشه في كل دقائق وهو بيقول لي انا اصلا نسيت ان انا قلت كده - 00:39:50

اللي انا عايز اقول لك ان في حاجتين وجدت انسان بينتفع منه ما هتركوش ان شاء الله يكون اصغر مني فاهم؟ او قريني وجدت انسان تافه ازاي ازاي تقبل تقبل انك تكون بتابع انسان تافه - 00:40:00

تعرف سيدنا ابراهيم هم قالوا قالوا له ايه؟ اجئتنا بالحق ام انت ايه عارف مين اللاعب اللاعب هو الذي لا يخبر بالصدق ولا يأمر بالخير. هو ده اللعب فازاي واحد تافه عمال يهرج ويستظرف وانت بتابعه بتبعه ليه - 00:40:15

ليه يا اخويا انت داخل في العلم بجد فعايز ترفه عن نفسك ده انت في الطراوة فاهم كده اقفل كل دول. فيسبوك مش ما لكش فيه ما بتابعش حد الغي. ده الغي الغي الغي. متابع ناس على اليوتيوب ما لهمش لازمة. انت انت وطبعا انت ممكن تقول اصل - 00:40:31

طب اخد دقيقة مني والله الدقيقة لها تمن. ومن يفرط في القليل يفرط في الكثير يبقى وقتك احفظ سد هذه الابواب وافتح على نفسك ابواب متنوعة مع القرآن. شف حد تقرأ عليه القرآن وتجيبه. ان شاء الله يكون اصغر منك اقعد قدامه كده قل له ممكن بعد ازنك - 00:40:48

عليك ولو اية وتفتح المصحف تقول اعوذ بالله من يقول لك لأ ده قل اعوذ كذا كذا. لان هو ده يا شباب اللي اللي يعني الانسان يقعد يكمل نفسه كل واحد مننا خبير بنفسه. انا والله - 00:41:04

بعضكم مسلا ضعيف في اللغة العربية جدا. تمام؟ ومع ذلك ممكن يكون بقى له سنة وانا عمال اتكلم عن اهمية النحو وغيره. وعمره ما فكر يقرأ. طب ليه ما انا قلت لك انا قلت لك عندك مشكلة في الناحية. يعني ده معناه ايه؟ انك تتعلم. انا عندي مشكلة في القرآن. ايه الناتج بتاعها؟ ان انا - 00:41:17

فاهم؟ يبقى يبقى كل واحد مننا يا شباب بيمشي يحاول يخلي نفسه من من شره ويكتسب الخيرات. تمام؟ ويصبر صدقني والله لو وضعت في قلبك ان الله على كل شيء قدير. والامر المستحيل بالنسبة لك هو على الله هين. هو علي هين دي كلمة بتنزل على القلب - 00:41:37

هو قال له يا رب ازاي ده انا الكبر ومراتي عقل ما فيش اي سبب لا مني ولا منها. قال له هو ده صعب على ربنا؟ قال له هو علي هين خلصت - 00:41:57

ده كل شيء تطلبه هو على الله هين. والله عندي شهوة مؤرقاني تعباني جدا مخلياني حتى وانا بزاكر على الله طيب اذا رأى منك صدقا ابدلك صبرا بقدر هذا الصدق. ومن يتصبر يصبره الله. النبي عليه الصلاة والسلام وجد مجموعة من الناس كل شوية يجوا يسألوه - 00:42:07

يمدوا ايديهم. اداهم واداهم واداهم. فعايز يهذبهم بقى. والله قال لهم كلمة والله قال لهم كلمة والله العظيم شف كلمة يعني مش عارف اقول لك يعني شرط وجملة شرط يستعفف يعفه الله - 00:42:27

كلمة كبيرة قوي انت ممكن تقول دي كلمة ايه دي؟ بيقول لهم يعني لو لو رأى الله منك العفة عن سؤال الناس حاجة من الاتنين. اما هيرزقك مال من عنده او هيقنعك بما يديك بما عندك من المال. وبعدين قال لهم - 00:42:43

ومن يتصبر يصبره الله. واضع من يستغني يغنيه الله. نفس الشيء يا شباب. انت ربنا رأى منك تصور واحد حفظه ضعيف. الذاكرة كان بينسى. تمام بس ربنا رأى منه جهدا طول النهار يقرأ في المصحف. وبيتعب وبيبذل اقل شيء مش هقول لك انه لازم ربنا يخليه - 00:42:58

كما في القرآن لأ بس اقل شيء ان هو يكون منزلته عند الله بما يطلب. هو دلوقتي لما واحد لو واحد شقى سأل الله الشهادة بصدق ايه اللي بيحصل؟ انزله الله - 00:43:18

او منازل الشهداء ولو مات على فراشه. ليه؟ لانه صادق فانت بقى يعني في رمضان ده ابدأ صفحة جديدة ونسأل الله سبحانه وتعالى ان يرزقنا الثبات والهدى والايمان وان يصرفنا عما لا ينفعنا - 00:43:28

بارك الله فيكم وجزاكم الله خيرا - 00:43:42