Baheth

الحمد لله واشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم اما بعد. آآ ده الجزء التاني من آآ درس او لايف عملناه بعنوان لا اريد ان اتحجب - 00:00:00ضَ

وكان الغرض الاساسي من اللايف دوت هو ان احنا بنناقش مناقشة آآ هادئة جدا لاي بنت عندها آآ شبهات او بعض المشاكل في الحجاب او بعض الاسئلة اللي بتدور في زهنها. او بعض المشاكل اللي بيرميها الشيطان في زهنها. وزي ما قلنا المرة اللي فاتت في - 00:00:14ضَ

بتبقى هي نفس الشبهات نفس المشاكل اللي بتتكرر كل مرة وكل بنت بتقول نفس الكلام. لان في الحقيقة المصدر واحد يعني يعني مصدر الشبهات هو واحد هو في النهاية الشيطان هو الذي يلقي في اذهان البنات نفس الكلام نفس المشاكل نفس الشبهات اللي بتوصلنا في الاخر كدعاء ان احنا كل سنة كل عشر سنين - 00:00:38ضَ

كل عشرين سنة تقريبا نسمع نفس الكلام من البنات وبالتالي الموضوع يعني بالنسبة لنا بقى خبرة خلاص احنا عارفين هنسمع ايه وعارفين الرد هيكون ازاي. فيمكن المرة اللي فاتت اتكلمنا على خمس شبهات اظن اتكلمنا عنهم المرة اللي فاتت. وهي شبهة اه اعتقاد ان طالما - 00:00:58ضَ

آآ قلبي ابيض يبقى انا مش محتاج البس حجاب. وان المهم ان قلبي يكون ابيض وما ازيش حد والدنيا ديت. وردينا عليه باستفاضة في اللايف اللي فات الشبهة التانية اللي هي بتقول ان في محجبات وحشين وانا اه مش محجبة بس بس انا اخلاقي احسن من محجبات كتير - 00:01:18ضَ

كده كده في محجبات مش قدوة. اتكلمنا برضو باستفاضة عن الشبهة ديت. الشبهة التالتة اللي اتكلمنا فيها وهي ان اه في ناس بتقول ان مهم الاحتشام. المهم ان انا اكون ايه - 00:01:38ضَ

محتشمة وقعدنا ندردشنا كتير مع اللي هي بتقول المهم الاحتشام ووصلنا معها ان هو الاحتشام في الاخر لازم يكون هو الحجاب الشرعي. الشبهة الرابعة اللي اتكلمنا فيها وهي آآ لما ربنا يهديني هالبس الحجاب. لما ربنا يهديني هالبس الحجاب. واللي عايز الرد طبعا على الشبهة - 00:01:48ضَ

دي ترجع للايف بتاع المرة اللي فاتت بنفس الاسم. يعني لو على اليوتيوب هتلاقيه اسمه لا اريد ان اتحجب بس هيبقى الجزء الاول وده هينزل على اليوتيوب باسم لا اريد ان اتحجب - 00:02:08ضَ

الجزء الثاني. الشبهة الاخيرة الخمسة اللي اتكلمنا فيها المرة اللي فاتت. وهي انا لسه صغيرة. انا لسه صغيرة. وردينا على البنت اللي هي بلغت نزل عليها دم الحيض ولسه بتقول انا لسة صغيرة او ماما بتقول لي انت لسة صغيرة كلمناها برفق ولين ان ما ينفعش ابدا واحدة نزل عليها دم الحيط - 00:02:18ضَ

انا لسة صغيرة لو ماتت هتتحاسب عادي زي ما هيتحاسب انا هتحاسب ومامتها هتتحاسب وابوها هيتحاسب والصحابة والتابعين اي حد بلغ امام ربنا خلاص بقى لك حساب بقى فيه كتاب فيه سيئات وحسنات. بقى فيه ميزان وصراط وجنة ونار وكل حاجة هتتعمل عادي جدا. حتى لو بلغت - 00:02:38ضَ

يوم واحد خلاص انت الان مكلفة لابد ان تتعاملي على ان انت مش صغيرة. صغيرة عندنا تساوي غير مكلفة. ماشي غير مكلفة نتساهل معها في هزه الامور لغاية ما تتعود. اما المكلفة فالامر قد انتهى. والان نحن عرضة لاي بنت تموت في اي وقت. ساعتها مش هيتقال عند ربنا سبحانه - 00:02:58ضَ

تعالى اصل دي كانت صغيرة هيتقال ان هي كانت بالغة وهي هتتحاسب واهلها كمان هيتحاسبوا على كده. طيب خلينا النهاردة نكمل بقى في الايه؟ الشبهة السادسة انا الشبهة ديت كنت هخليها اه متأخر شوية. بس طبعا لان الجو ساقع. ومثلج. فالواحد بيشوف احيانا - 00:03:18ضَ

في الطريق حاجات آآ بتساعده في دروسه. يعني انا متعود في حياتي ان انا يعني لما بشوف اي اي حاجة في الحياة كده بحاول آآ آآ يعني سبحان الله انت فاهمين كل واحد بيفكر بالحاجة اللي تهمه يعني يعني لان انا منشغل بموضوع الدعوة فممكن اشوف حاجة في الطريق تلفت نظري - 00:03:38ضَ

لفكرة دعوية او لخاطرة هتنفع الناس. ايه ايه علاقة ده بموضوع الحجاب؟ الشبهة اللي انا كنت هقولها متأخر في الدرس ده بس هقولها في البدري ان بعض البنات عندهم مشكلة في موضوع الحجاب او خاصة النقاب يعني يعني لو اتكلمنا عن واحدة مش محجبة بتتكلم في الحجاب ممكن واحدة محجبة وكانت عايزة تنتقل لخطوة النقاب - 00:03:58ضَ

مترددة بسبب الشبهة ديت وهي تقول لك انا الحجاب بيخنقني. او الحجاب بتبقى الدنيا حر. يعني الدنيا حر في الحجاب وانا ما بستحملش ان انا البسه والحر والكلام دوت. طيب طبعا الكلام ده آآ مش هتسمعه دلوقتي يعني يعني ما فيش حد هيسمعه - 00:04:18ضَ

الان خالص انما الكلام ده بيتسمع في الصيف بس. لكن دلوقتي العكس يعني ممكن المحجبة تبقى فرحانة جدا تقول الحمد لله ان انا لابسة حجاب على الاقل مغطي ودني بقى ومغطي - 00:04:38ضَ

في راسي وبتاع ومش محتاجة البس بقى ايس كاب والبس في وداني سماعات تقفل هي متكتفة ومتكلفتة ومغطية كل حاجة. وتمام بتلبس ما تلبسه هي كده كده عايزة تغطي اصلا كده كده فبتلبس بزيادة مش فارق معها. هي مبسوطة في الشتاء بتكون المحجبة هي اللي سعيدة يعني. التانية بتبقى ايه - 00:04:48ضَ

كابرة شوية ، بس في الصيف التانية بتلاقي تقيلة. تقول لك لأ الدنيا حر وبتاع. طيب انا ايه المشهد اللي احنا بنشوفه وبيخليني آآ آآ اقول المترددة عيب يعني عيب ايه هو بقى؟ احنا بنشوف في الشتاء اللي هو التلج اللي احنا فيه ده دلوقتي معلش في الطريق في بنات - 00:05:08ضَ

اه مش محجبة يعني كاشفة شعرها وما زالت في هزا الشتاء رغم البرد الشديد برضه كاشفة شعرها وكاشفة رقبتها عادي ويمكن كمان تكون كاشفة يعني جزء مسلا من من من فتحة كده بتاع علشان ده لبسها الطبيعي. وعندها استعداد تستحمل عادي كل ده رغم السقعة الشديدة جدا اللي احنا - 00:05:28ضَ

رجالة ممكن ما استحملهاش. بس هو ده لبسي وانا لازم البس كده وانا ما بحبش بقى الكوفيات والكلام ده وهتنزل كده. بل في بنات ممكن لسه بيلبسوا المقطع بتشوفوا الكلام ده؟ فيه بنات بتلبس في عز التلج دوت البنطلون المقطع لغاية دلوقتي. تمام؟ وفيه بنات طبيعي - 00:05:48ضَ

شغلهم لازم تلبس مسلا قصير شوية او تلبس شراب خفيف في طبيعة شغلها. زي مسلا واحدة آآ مضيفة في الطائرة او كده هو ده طبيعة لبسهم صيف شتاء هتلبس كده. تمام؟ فانت بتستغرب يعني تقول سبحان الله يعني. يعني البنت اللي هي متبرجة - 00:06:08ضَ

اللي هي عارفة ان هي غلطانة وعارفة ان هي ممكن بتاخد سيئات على الكلام دوت. آآ بسبب ان هي معاندة بسبب ان هي عايزة تلبس كده بسبب ان هي ده - 00:06:28ضَ

بنطلونها ولازم تلبس كده شايفة ان ده شياكة عندها استعداد تستحمل البرد الشديد رغم كل شيء لان طبيعة شغلها كده عندها استعداد تستحمل البرد الشديد رغم كل شيء وتيجي بقى صاحبة الحق اللي عايزة تتحجب. اللي عايزة تلبس ما يرضي الله سبحانه وتعالى. تقول لك اصل آآ اصل الحجاب ده حر وبيتعب - 00:06:38ضَ

وبيزهقني سبحان الله يعني يعني اللي على الباطل آآ عنده جلد وعنده قوة يتحمل من اجل الباطل صاحب آآ آآ حق آآ ما عنده قدرة ولا قوة ان هو يتحمل من اجل الحق الذي يدينه لله سبحانه وتعالى به. فده مش المشاهد اللي كلكم بتشوفوه - 00:06:58ضَ

بنات بتشوفه خلي الواحدة تتكسف يعني تقول سبحان الله يعني هم بيستحملوا الساعة دي كلها وانا يعني مش قادر استحمل في الحر علشان مسلا بالبس اسود ولا بالبس نقاب ولا - 00:07:18ضَ

بس مغطية كل جسمي. ايه المشكلة يعني؟ استحمل لله سبحانه وتعالى. دولا بيستحملوا من اجل ماذا؟ من اجل منزرهم من اجل من اجل دنيا يصيبنا انا بتحمل من اجل الله سبحانه وتعالى. شف ربنا سبحانه وتعالى بيقول طبعا ده مسال تاني انا مسال هقوله على المشركين بس مش قصدي حاجة يعني - 00:07:28ضَ

المحجبة دي على راسي ومسلمة ما فيهاش حاجة. بس ربنا قال عن المسلمين في غزوة احد قال ان تكونوا تألمون. ان تكونوا تألمون فانهم تألمون كما تألمون وترجون من الله ما لا يرجون. وكان الله عليما حكيما. يعني ربنا بيقول انتم بتتألموا! طب ما برضو الكافر بيتألم - 00:07:48ضَ

بس في فرق انت لما تتألم ترجو امر لا يرجوه الكافر. ان تعي حين تتألم ترجو امرا لا يرجوه الكافر انت ترجو الله سبحانه وتعالى. واما هو فاقصى امني ان يرجو دنيا يصيبها. وبالتالي ان انت لما تحسي ان التحمل دوت او - 00:08:08ضَ

او شيء من الحر ستكون فيه صعوبة في الصيف ونحو ذلك. اه ده لله سبحانه وتعالى لا شك ان ده بيخليكي فرحانة رغم كل شيء زي ما هي بتستحمل عادي البرد في الشتا عايزة تلبس لبسها. لان دوت بيرضيها او بيرضي شهواتها. احنا بنرضي ربنا سبحانه وتعالى. ربنا سبحانه - 00:08:28ضَ

انا عاب عاب على المنافقين لما قالوا في غزوة تبوك لا تنفروا في الحر. لا تنفروا في الحر. وكان الرد الشديد فيهم قال تعالى قل نار جهنم اشد حرا لو كانوا يفقهون. وهذا الكلام نفسه نقوله للمترددة بسبب حر مسلا. تقول - 00:08:48ضَ

طيب نار جهنم اشد حرا. نحن نتحمل شيء بسيط جدا لا لا يعني لا ولا اي حاجة من الحر الان من اجل ان نحمي نفسنا من حر هو اشد. احنا بننزل نصلي في المسجد في الحر. احنا ممكن المسجد ما يبقاش فيه تكييف ونتحمل علشان لازم انا اعمل كده. على - 00:09:08ضَ

عشان انا بحمي نفسي مما هو اشد في الحرارة عند الله سبحانه وتعالى. الصحابة طلعوا من المدينة لغاية تبوك. يعني في الشام ماشيين ماشيين على رجليهم واو يعني راكبين حتى بس في حر شديد جدا. المنافقين ما قدروش يطلعوا. كل ده ما ترددوا في زلك لانهم يعلمون ان نار جهنم اشد - 00:09:28ضَ

حرا كما قال سبحانه وتعالى. ثمان ان واحدة منكم لازم تتأمل في ان السلعة غالية. سلعة الله غالية. الا ان سلعة الله الجنة انت لما تشتري جنة لازم تدفعي تمن. ما هو مش كلها الحاجة مش ببلاش. فهذا ثمن الله سبحانه وتعالى اذا رأى منك زلك فانه سبحانه وتعالى يعني يعني يرضى عنك - 00:09:48ضَ

ويكتب لك الخير والتوفيق. الامر الذي يلي ذلك ان النبي عليه الصلاة والسلام هو نفسه قال كده. قال حفت حفت الجنة بالمكاره وحفت النار بالشهوات. حفت الجنة بالمكاره. يعني امور قد يكرهها الانسان. لا شك ان - 00:10:08ضَ

ان التجمل ده من طبيعة المرأة. هي بتحب الزهور وتحب التجمل. والحجاب يمكن يكون عكس الهواء دوت آآ كونها عايزة ما تبقاش حرانة اكيد ما فيش حد عايز يبقى حران. دي انواع من المكاره. لكن ربنا سبحانه وتعالى جعل تحمل الانسان لهذه المكاره - 00:10:28ضَ

ارضاء له سبحانه وتعالى هو ثوا يعني آآ طريق الى الى الجنة. قال الا ان سلعة الله غالية. الا ان سلعة الله الجنة الا ان سلعة الله الجنة. فيعني انا اسألكم سؤال الان. طيب سؤال الان وتجاوبوني به بصدق يعني. لو ان - 00:10:48ضَ

انسان مثلا آآ جت له وظيفة. ايه هي الوظيفة ديت؟ وظيفة بسيطة جدا. واحد جه قال له ايه وظيفتك قال له والله الوظيفة اللي انت هتشتغلها انا عايزك تقف في الشمس. تقف في الشمس شهر ايه؟ شهر يوليو مسلا شهر سبعة. سبعة - 00:11:08ضَ

تمانية شغلتك انك انت هتقف هنا حراسة مسلا خلينا نفترض ان هي حراسة مسلا. فهو المكان ما فيهوش ظل خالص. هتقف هنا بس في الشمس وتلبس لبس الحراسة كله وتقف هنا. طيب الاجر كم؟ الاجر كم؟ عشان استحمل. قال له هتاخد في الساعة الف - 00:11:28ضَ

الف جنيه. هتاخد في الساعة الف جنيه. وزي ما تقف طول ما انت واقف بتاخد هنعد لك الساعات اللي وقفتها وهندي لك كل يوم مرتب على قد الساعات اللي انت اخدتها. تمام؟ ايه - 00:11:48ضَ

مين فيكم يعني ايه رأيكم في الوزيفة ديت؟ تقبلوها ما تقبلوهاش. طبعا الرجالة يعني سيبك منها. اي حد لو وظيفة شبه كده يعني تتقبل ما تقبلش. لا شك اي حد يقبلها. لا شك اي حد يقبل وزيفة زي ديت اخد في الساعة الف جنيه بس هقف في الشمس شوية هعرق شوية حد - 00:12:08ضَ

هدومي هتتباع لي مش مهم. الف جنيه في الساعة يا عم. تمام؟ طيب. لو السؤال بقى اللي بعد كده. لو جه نفس الراجل اللي هو آآ اه اه اللي جه بعد كده صاحب الوظيفة ديت. تمام؟ جه لصاحبنا دوت اللي واقف. هو عارف بقى ان كل ساعة - 00:12:28ضَ

الف جنيه. فقال له ايه الاخبار؟ عامل ايه؟ تعبان؟ آآ حران؟ مدايق بلاش هيقول له ايه؟ طبيعي هيقول له لا يا باشا يا باشا حران ايه يا باشا؟ ده انا مبسوط اخر انبساط. هو في جو الطف من كده - 00:12:48ضَ

هو في جو احلى من كده؟ ده انا قاعد هنا في تكييف. ده انا مش تعبان خالص. لا لا لا لا. يقول له طب اجيب حد غيرك؟ طب اجيب حد يقف مكانك شوية؟ لا يا باشا ده - 00:13:08ضَ

انا مبسوط جدا ده هو فيه انبساط اكتر من كده؟ هو فعلا هيقول له كده من قلبه لان هو ايه؟ لان هو طبعا البنات هتقول لا ما لناش دعوة بالبنات - 00:13:18ضَ

الرجالة هيوافقوا وانا اول واحد. حتى لو عشر تلاف حتى لو مية الف لأ نعيد نعيد تفكير تاني هيقول له هيقول له يا باشا انا هنا مبسوط ما عنديش اي مشكلة. تمام؟ هو ما فيش دي شغلانة عادية وشغلانة - 00:13:28ضَ

هو حارس واقف حارس في حر عادي ما هو في ناس كتير بتقف كده. آآ ما فيش اي علاقة بان هو بيهين ولا حاجة يعني. بس هي دي وزيفته يعني. بلا شك ان هو هيبقى مبسوط جدا. ولا شك - 00:13:48ضَ

هو لو جا له بعد كده قال له ايه رأيك حاسس ان انت تعبان شوية تستريح شوية يقول لا مش عايز اريح. طب نجيب حد يقف مكانك يقول لا ما تجيبش حد يقف مكاني. هو ايه اللي مخليه بيقول كده - 00:13:58ضَ

توقع الاجر. احساسه دائما بتوقع الاجر. خليه مش حاسس بالالم. مش حاسس باي تعب مش حاسس ان هو مدايق ايه اصلا؟ لان هو دايما في كل ساعة مفترض متوقع الف جنيه هتجي له كل ساعة. طيب لو افترضنا ان الالف دي طلعوا عشر تلاف - 00:14:08ضَ

لأ ميت الف في الساعة لا شك الموضوع هيبقى لأ ده هيروح يصيف في المكان ده بعد كده طيب الذي خذه المحجبة من الاجر عند الله سبحانه وتعالى. لو انها استحضرت هذا الامر ما كانش جه في بالها - 00:14:28ضَ

خالص موضوع الايه حر والخنقة ولبس بيضايقني وما باخدش راحتي فيه اه وبالمناسبة اه اه بتقول لك ما خدش راحتي فيها هنقول الموضوع ده بالمرة ما كانش هتقول كده خالص. وانا ازعم ان الحجاب من من العبادات العجيبة. التي لها اجر لا ينقطع. او يعني اقصد اجر - 00:14:48ضَ

جدا لان المحجبة مجرد ما تنزل من بيتها ازا كانت محتسبة لله سبحانه وتعالى فهي في عبادة الى ان تعود. في عبادة عبادة بقى انتم عارفين ممكن الزكر ننقطع فيه اقرا قرآن ما قراش قرآن اصلي ما اصليش يعني ايه؟ فيه عبادة كده بتبقى ايه مستمرة كده ما بتقفش ابدا مسل الحجاب - 00:15:08ضَ

زي الصيام كده. الصيام عبادة عظيمة ليه؟ لان هو على طول انت قاعد من الفجر للمغرب هي العبادة معك. ما بتقطعش. اجراء كبير جدا دي واخدة اجر لغاية ما ترجع. والعكس المتبرجة اخدة وزر لغاية ما ترجع. فده شلال حسنات وده شلال سيئات. اللي عايشة في الجو دوت اللي حاسة - 00:15:28ضَ

القيمة ديت مش هتيجي تشتكي من حر ومتضايقة والكلام دوت. خلينا بقى بالمرة بقى لانه ملحق بنفس الموضوع. هو ان هي تقول لك اصل الحجاب ما بستريحش فيه. وده بنكلم فيه مين اللي بتلبس بنطلون في العادة. البنت اللي بتلبس بنطلون ضيق آآ بتلبس جينز او كده - 00:15:48ضَ

بتلاقي عندها مسلا تقول لها البسي واسع وبتاع تقول لك ما انا البنطلون بيريحني اكتر. ما الجيبة والكلام دوت ما ما اعرفش اتعامل فيها. هي عندها مشكلة. يعني احنا احنا مش بنقول لها هي مشكلتها في ايه؟ تصورها عن - 00:16:08ضَ

تصوروا عن الايه؟ عن الجيبة اللي هي هتلبسها هي في الاخر بتنتقل للاسف الى من البنطلون الى جيبة ضيقة يعني بتطلع من البنطلون لجيبة ايه؟ لجيبة غريبة كده ضيقة فعلا مش مريحة يعني. يعني هي فعلا مش مريحة. وممكن - 00:16:28ضَ

بنطلون اريح منها. لكن احنا ما قلناش ان انت تطلعي من البنطلون ده للجيبة الضيقة جدا دي اللي تكاد تكون الحركة فيها آآ غير مريحة فعلا يعني لا احنا بنقول للمرأة ان هي تطلع من البنطلون الضيق دوت الى حجاب حقيقي حجاب واسع فعلا. اللي هو يبقى واسع فعلا الحركة في حركة المرأة - 00:16:48ضَ

اسهل بكتير اكيد من البنطلون لان هي بتكون حرة الحركة جدا يعني. هي لابسة واسع جدا وخلاص جوة بتتحرك بقى على راحتها زي ما عايزة اه دي مسألة خاصة بقى لو كمان لبست حاجة فضفاضة بقى مش مش مش بعمل مش ضيقة من الوسط ما تضيق من الوسط - 00:17:08ضَ

ده بيخلي الحركة مش مريحة. لكن لو لبست واسع من الوسط ما فيش بقى حزام وضيق مجسم وكده. اكيد اكيد بتابع الحركة ايه احسن وبتبقى الحركة اسهل. مل آآ بعض المناد تعتقد وده يعني عن تجربة يعني انا - 00:17:28ضَ

طبعا انا زوجتي منتقبة من زمان وغيرها يعني. اللبس الشرعي الواسع فعلا مش حر اصلا. زي ما الناس متخيلة. ومش بيعطل الحركة خالص. العكس بل هو في الحركة اسهل بكتير. بس اللبس الصح يعني. ويمكن في لما في الحر بيبقى اريح بكتير. ان هي في في النهاية لابسة - 00:17:48ضَ

واسع جدا. عامل زي ايه؟ عامل زي واحد لابس قفطان كده. بيبقى متهوي ليه؟ لان متهوي يعني الدنيا هوا. تحت بقى بتبقى مخففة متقلة بتخفف في الصيف خالص سائل في الشتا خالص كل ده مش باين مش باين اي حاجة هي مخففة ولا متقلة في النهاية هي بتعرف تزبط الامور على حسب الجو. وفي الاخر - 00:18:18ضَ

تبقى في الصيف عارفة ان هي تبقى مهوية كده ومستريحة. وفي الشتا بتعرف تتقل على راحتها. لان في الاخر اللي زاهر لنا هو لبس معين تحته بقى هي واخدة راحتها خالص سواء بتخفف او بتقل. وده يمكن يعني اخواتنا اللي لابسين واسع ولابسين نقاب كمان يبقوا عارفين كده كويس ويقيدوا الكلام اللي انا اللي انا بقوله - 00:18:38ضَ

اه اما اللي هي بتلبس بقى بنطلون جينز ولابسة فوق حاجة ضيقة دي. فدي بتبقى هي اللي فعلا متكتفة. هي اللي فعلا كتفت نفسها ولما بنقول ان احنا بنقول لها انتقي الحجاب مش قصدنا انتقلي من بنطلون لجيبة ضيقة فعلا بتكعبل حركة لأ بنقول انتقل لحجاب فعلا واسع هيكون - 00:18:58ضَ

اريح بكتير في الحركة ولك حرية في الايه؟ في اللبس والكلام دوت. طيب تعالوا ننتقل لمشكلة تانية. المشكلة التانية ان واحدة بقى بتقول انا مش مقتنعة بالحجاب. ودي من الشوال - 00:19:18ضَ

الايه القوية. اوعى تقول لك انا مش مقتنع اصلا بالايه؟ مش مقتنع اصلا بالحجاب. طيب. احنا بنشوف هي بتقول انا مش مقتنع بالحاجات ديت. عندنا لها احتمالين. احتمالين. الاحتمال الاول ان هي مش مقتنعة انه فرض. عادي - 00:19:33ضَ

الاحتمال التاني ان هي لأ عارفة انه فرض بس برضو مش مقتنعة به. الاحتمال الاول ان هي مش مقتنعة انه فرض مش مقتنع انه ايه انه فرض. فهي ممكن تكون سمعت آآ كلام كلام ما هنا او هنا - 00:19:55ضَ

حد قال ان الحجاب مش فرض او كده. فاحنا ممكن بنعزرها يعني. لكن احنا بنقول لها ان احنا الحجاب قامت عليه ادلة من الكتاب والسنة. قال الله تعالى وليضربن بخمرهن على جيوبهن - 00:20:15ضَ

قال الله تعالى يا ايها النبي قل لازواجك وبناتك ونساء المؤمنين يدنين عليهن من جلابيبهن. النبي عليه الصلاة والسلام آآ قال لا صلاة لحائض الا بخمار. فامر الحائض ان هي تلبس خمار في الصلاة فضلا عن خارج الصلاة. وقال ان - 00:20:35ضَ

قالت عائشة رضي الله عنها لما رأت نساء يلبسن ثيابا رقيقة قالت ان كنتن غير مؤمنات فالبسن ما شئتن وان كنتن مؤمنات هذا ليس بلباس المؤمنات. عموما يعني الادلة كتير اوي والنبي عليه الصلاة والسلام قال ان المتبرجات اه هن المنافقات واحاديس كتيرة دلت على ان الحجاب - 00:20:55ضَ

فريضة. زائد ممكن اعدها تقول مسلا طب والله ما هو ممكن يكون الادلة دي مش دليل على انه فرض ممكن الكلام على انه مستحب مسلا نقول لها لأ اجمع اهل الاسلام. خدي بالك من كلمة اجمع ديت. اجمع اهل الاسلام وعلماء الاسلام من اول الصحابة الى يومنا - 00:21:15ضَ

هذا على ان الحجاب فرض لا نعلم عالما واحدا. عالم واحد على مدار اربعتاشر قرن. لا نعلم عالما واحد قال ان ان الحجاب مستحب بس. الحجاب نقص الاصل الحجاب. اما النقاب بقى فهو فيه خلاف مشهور يعني. تغطية وجه المرأة خصوصا - 00:21:35ضَ

في خلاف مشهور بين الاستحباب ولي والوجوب. اما الحجاب اللي هو كل شيء ما عدا بقى مسألة تغطية الوجه. هذا ما في احد الا اهل العلم الا قال انه انه فرض على المرأة. فازا كانت مشكلة المرأة اللي هي بتقول ان ان انا مش هختارها عشان فرض خلاص يبقى المفترض - 00:21:55ضَ

اما بنقول لها الكلام دوت خلاص هو فرض المفروض الموضوع ينتهي. مشكلتنا مع التانية بقى اللي هي لأ هي عارفة انه فرض بس تقول انا برضو مش مقتنع. يعني فده بقى - 00:22:15ضَ

اللي عندنا معه مشكلة. يعني ازاي انت عارفة بتقول انا عارفة ان هو فرض وعارفة ان ربنا فرضه بس انا مش مقتنعة به. هنا بيكون عندنا مشكلة عارف بيجيب يحصل في دماغي كده ازاي انت مقتنعة ان هو فرض وفي نفس الوقت مش مقتنع - 00:22:25ضَ

طب ازا آآ طيب واحدة واحدة فرض مين اللي فرضه؟ مين اللي فرضه هتقول ربنا. الرسول عليه الصلاة والسلام ربنا. طيب. ربنا فرضه يعني فين بقى يعني ازاي اقول بعديها انا مش مقتنع؟ يعني - 00:22:45ضَ

ازاي؟ اقول بعديها انا مش مقتنعة بعد ما عرفت ان ربنا هو اللي فرض الايه؟ الحجاب. هل معنى كده ان انا مش مقتنعة بكلام ربنا مش مقتنعة بحكمة ربنا؟ ما هي ما هي لو ركزنا هنوصل لنتايج مخيفة. ان واحد عارف بغض النظر مش في الحجاب اي حاجة بقى - 00:23:05ضَ

عرفنا ان دي حرام وعرفنا ان دي واجبة عرف ان دي فرض. بعد كده يقول مش مقتنع عندي مشكلة معك. طب مش مقتنع بايه؟ مش مقتنع بربنا؟ مش مقتنع ان ربنا - 00:23:25ضَ

مش مقتنع ان ربنا عليم. آآ شايف ان انت رأيك احسن من كلام ربنا مسلا؟ شايف ان حكمك في الموضوع دوت افضل؟ ما هي في مشكلة كده يا جماعة فيه مشكلة كده يبقى احنا لازم يعني نأسر عند نفسنا اصل. ايه هو الاصل؟ ان اخواني والله طالما ربنا فرض فرض او حرم - 00:23:35ضَ

خلاص انا دوري دوري مش ان انا اقيم اقيم حكم ربنا. واقول عاجبني او مش عاجبني اقول صح او غلط. اقول مقنع وغير مقنع. انما انا دوري كعبد ان انا اسلم. والتسليم ده مش ناتج عن ايه؟ ان انا ايه اسلم كده وخلاص بقى واللي حصل حصل لأ. ده انا مسلم - 00:23:55ضَ

انا فرحان لان دوت كلام جاي لي من عند العليم الحكيم الخبير. فاستسلامي له هو العقل. استسلامي له هو احترامي لعقلي واستسلامي له هو يعني يعني افتخار بان الامر ده جاي لي من مين؟ من الله من العليم الحكيم. يا جماعة - 00:24:15ضَ

انت لو رحت لكزا دكتور مسلا في مشكلة عندك مسلا كان في دكتور لسة متخرج كتب لك دواء. وبعد كده رحت لاحسن دكتور في العالم كتب لك دواء. هتلاقي نفسك بدون تفكير بتاخد الدكتور الدواء اللي اداه لك احسن دكتور في العالم - 00:24:35ضَ

لانك انت بتقول مش ممكن الراجل ده يكون غلطان ده خبرته خمسين سنة ده موصوف ان هو احسن دكتور في العالم. وانت مش هتقبل اي كلام تاني اصلا. وهتبقى وانت رايح - 00:24:55ضَ

نجيب الدواء كده فخور. ان بص انا الدكتور فلان هو اللي كاتب لي الدواء دوت. ممكن انت مش فاهم الدواء ولا فاهم اسم الدواء ولا فاهم هو الدواء بيعمل ايه. بس انت هتاخده وانت مقتنع - 00:25:05ضَ

تماما ان انت بتعمل صح. لان جالك من عليم بالطب. وازا كان هزا حال بشر مع بشر. فازاي احنا نتعامل مع ربنا كده؟ ازاي اقول يا رب انت امرت او نهيت - 00:25:15ضَ

او فرضت او حرمت بس انا مش مقتنع. كيف يعني؟ اخترعت بطبيب لانه ماهر. اقتنعت بمهندس لانه ماهر. كيف لا تقتنع رب العالمين الذي خلق كل هؤلاء جميعا. الا يعلم من خلق؟ وهو اللطيف الخبير. وبالتالي لما بيحصل كده احنا بنعيب على اللي بيتكلم بالطريقة ديت - 00:25:25ضَ

لا يعني زي مقتنع لو انت مش مقتنع انه فرض يسبت لك انه فرض. بس بعد كده اقتنعت انه فرض مش مقتنع به برضو يعني طب ازاي؟ ثم ان الحجاب مقنع يعني بغض النظر بقى - 00:25:45ضَ

هو جاي من ربنا ده ده مفترض كفاية. يعني نسأل هل هل لازم برضه اصل نأصله للحياة بقى؟ هل لازم ان ربنا لما يأمرنا بامر لازم قل لنا الحكمة والا مش هنقبل الكلام ولا ممكن ما يناش الحكمة وعادي يبقى بالنسبة لنا ان ده امر مقبول وان انا هنفزه رغم ان انا ما اعرفش الحكمة ويكفيني - 00:25:55ضَ

الله عليم حكيم. اكيد في حكمة بس انا مش واخد بالي منها. طيب انا المفترض الاصل عندي ان الامر يأتيه من الله لا يلزم ان هو يقول لي على الحكمة. لانه يكفيني انه عليم حكيم - 00:26:15ضَ

فما بالكم بقى وان هو كمان قال لنا حكم في الحجاب. حكمة قال تعالى ذلك قال تعالى ذلكم اطهر اطهر لقلوبكم وقلوبهن. يبقى القلب يطهر بالحجاب سواء قلبي انا كرجل او قلب المرأة اللي لابسة الحجاب. الامر التاني قوله تعالى ذلك ادنى ان يعرفن - 00:26:25ضَ

فلا يؤذين. دي حكمة تانية. ان المرأة اللي بتلبس الحجاب لا تتعرض للايزاء وتحرش ومعاكسات. كما يحصل للمرأة التي التي لا ترتدي الحجاب اذا الحجاب يعود على المرأة بطهارة القلب وسلامة البدن. ولا شك ان دي حكم مقنعة مقنعة جدا. فما تجيش واحدة تقول بقى اصل انا مش ايه؟ مش مقتنعة - 00:26:45ضَ

في واحدة تقول لك شبهة تانية تقول لك المهم ان المهم ان انا باحب ربنا. انا انت مش متخيل ان انا باحب ربنا قد ايه. والمهم ان احنا نحب ربنا - 00:27:05ضَ

وهتعيش بقى في حتة الايه حتة صوفية كده تقول لك ايه المهم اللي قلبك يحب ربنا وخلاص. فنقول ان الحب له امارات. ما ينفعش انك انت تبقى بتحبني وبتعصيني ما ينفعش انك انت بتحبني وما تسمعش كلامي. هقول لك لا انت ما بتحبنيش. طالما ما بتسمعش كلامي. آآ آآ تعصي الاله وانت تزعم حبه تعصي الاله - 00:27:15ضَ

وانت تزعم حبه ذلك لعمرو في القياس شنيع. لو كان حبك لو كان حبك صادقا لاطعته. ان المحب لمن يحب مطيع. ان المحب لمن يحب مطيع. فاذا كنت انت انت تحبين الله سبحانه وتعالى فعلامة ذلك - 00:27:35ضَ

ان تطيعين الله وتطيعين الرسول. قل ان كنتم تحبون الله فاتبعوني. يحببكم الله ويغفر لكم ذنوبكم. والله غفور رحيم. طيب شبهة تانية ان واحدة تقول والله الحجاب آآ جميل بس انا ايه يعني هتحجب - 00:27:55ضَ

لما اتجوز اتحجب امتى؟ لما اتجوز. فدي برضو عندنا معها كزا مشكلة. اولا هي شايفة في اعرض فيه اشكال بين الحجاب وبين الزواج. وان الحجاب هيعطل موضوع الزواج وان التبرج هيسرع موضوع الزواج. طيب هنقول كزا حاجة. اولا وبالمرة بقى - 00:28:15ضَ

كل الشغل بقى بالمرة. يعني لان فيه واحدة ممكن تقول لك لأ لما اشتغل اضمن شغلي الاول. بالمرة بقى لان هو نفس الباب. باب الرزق دايما اي حد عنده مشكلة بين طاعة وبين رزق الرد عليه بيكون سهل جدا. اولا نقول من الذي امر بالطاعة؟ الله - 00:28:45ضَ

مين اللي امر بالحجاب؟ الله. طيب من الذي يرزق الله؟ اذا الامر هو الرازق الذي نطلب منه الرزق هو الذي نعصيه. يعني نطلب الرزق من ربنا نقول يا رب انا مش هلبس الحجاب علشان - 00:29:05ضَ

علشان ترزقني زوج. يا رب انا مش هلبس الحجاب وهعصيك علشان تكرمني بشغلانة. كيف هذا يعني؟ يعني هل هل الرزاق غير اللي امر بالحجاب فانا فانا مش هلتزم بالحجاب عشان الرزاق التاني الاخر هزا يرضى عني ويرزقني ام انهم واحد الاتنين - 00:29:25ضَ

واحد القمر هو اللي بيرزق. كان له الخلق والامر. اللي امر هو هو اللي هيجيب لك الزوج. فبالتالي منين الفلسفة دي جت انا اعصيك لكي ترزقني اعصيك لكي ياتيني زوج اعصيك لكي عشان اروح اشتغل فاز. العكس - 00:29:45ضَ

المفروض اللي بيطلب الرزق من الله سواء الزوج سواء العمل سواء الرزق الطيب الحلال يطيع مش يعصي. فمنين اجمع انا ما بين المعصية رجاء ما عند الله من الرزق. فحتى لو جا لك الزوج لو جا لك الشغل غالبا لن يكون هناك توفيق. ولن يكون هناك بركة - 00:30:05ضَ

انه انما جاء بالمعصية. وقد قال النبي عليه الصلاة والسلام ان روح القدس يعني جبريل نفث في روعي نفث في روعي ان نفسا لن تموت. نفسا لن تموت. حتى تستكمل اجلها. حتى تستكمل اجلها - 00:30:25ضَ

استوعب رزقه. كل الرزق هييجي. رزقك جاي جاي وما حدش هيموت ناقص حاجة. حتى تستكمل اجلها وتستوعب رزقها. طب انا عرفت الموضوع كده قال فاتقوا الله واجملوا في الطلب. يعني ايه اجملوا في الطلب؟ يعني اطلبوا الطلب الجميل. اطلبوا الرزق الحلال. اطلبوا بالحلال. طالما - 00:30:45ضَ

كده كده رزقي هو هو. طب اطلبه بالحرام ليه؟ ما هو مش هيزيد ولا هيقل. يعني اخده بحرام واخش النار. وهو هو في الاخر على ايه؟ فاتقوا الله شوف الطلب واعلموا ان ما عند الله واعلموا ان ما عند الله لا ينال الا بطاعته. لا ينال الا - 00:31:05ضَ

عاطفي ما عند الله يعني من البركة. ما هو كده كده رزق واحد. بس فيه رزق معه بركة ورزق ما عهوش بركة. الرزق اللي ما عهوش بركة ولا يجيب الحرام. ما فيهوش - 00:31:25ضَ

توفيق الدنيا بتقف بعد كده والرزق اللي معه بركة هو ما جاء بالحلال. وبالتالي آآ المعصية لن تأتي بخير جاءت بعريس فلن تأتي برجل طيب صالح. يعني الذي جاءك وانت متبرجة الان عادة سيكون رجل بينظر الى النساء - 00:31:35ضَ

اكيد كونوا ابلي اكلمك وامشي معك. وعلى الوضع دوت فهو رجل لا يتقي الله بشكل كبير. يعني احنا مش هنقول وحش اوي. بس مش هيكون عنده ديانا كافية ان هو يغض بصره بعد كده. هو نفس الرجل دوت لانه اتجوزك على الوضع دوت بعد الزواج هتلاقيه بيبص للنساء عادي لان هو شافك - 00:31:55ضَ

عليك فهيبص لغيرك بقى لان هو اصلا واحد بيطلق بصره. ساعتها انت هتتضايقي هتضايقي ان انا ماشية مع واحد كده وهتتخانقي معه بتبصي ليه هو بص لك هو جابك ازاي؟ تمام؟ والعكس العكس بقى هو نفسه لما خدك لابسة كده هتيجي تلبسي نفس اللبس ده بعد الزواج - 00:32:15ضَ

بيقول لك كل الرجالة بيبصوا لك. كل الرجالة مش عارف ايه. لأ ما تلبسيش كده. تقولي له ما انت ما انا ما انت واخدني كده وتحصل تبدأ المشاكل. ولو فكرت بقى تتحجبي - 00:32:35ضَ

الموضوع بقى اللي في دماغك تقول هتحجب بعد الجواز. تيجي تتحجبي ممكن هو نفسه يمنعك. يقول لك انا مش عايز يتحجبي. انا واخدك كده انا عاجباني كده. او لو اتحجبت - 00:32:45ضَ

ممكن بقى تقلي في نزره بقى لان هو كان شايفك في شكل معين فاتحجبت فبالنسبة له انت كده قلت فيبتدي يبص برة لأ هو ياخدني كده من الاول. لو انا عاجباك كده يبقى خلاص عاجباك كده. انا بتحجب برة بيتي - 00:32:55ضَ

طبعا جوة البيت تاخدي راحتك على الاخر طبعا لكن انا بتكلم جوة برة البيت انا بتحجب. تمام؟ فلزلك يعني مش عارف. بل اه مم انا ان من سعادة الانسان ان هو ياخد واحدة مش بتتبرج خارج البيت. ليه؟ لان في العادة البنت اللي هي آآ ما بتطلعش - 00:33:09ضَ

عاش آآ حبها للزينة برة البيت بتطلعه بالزيادة جوة البيت. لو ما بتطلعش الحاجة ديت برة البيت بتمنع نفسها منه بتبقى عايزة تعملها فبتعملها فين؟ بتعملها بزيادة جوة البيت. فمين اللي بيستمتع بكده؟ بيستمتع بكده؟ الزوج في الاخر. والعكس اللي بتطلع الحاجة دي برة البيت ممكن - 00:33:29ضَ

فيها جوة البيت بعد كده. تزهد فيها جوة البيت بعد كده. فيبقى هو يشوفها برة مية مية. تيجي جوة زاهدة في ان هي تتزين له ونحو ذلك فيحصل المشاكل والبلايا ودي من يعني من ملامح عدم البركة في موضوع الزواج. انت اتحجبي عشان ربنا يرزقك زوج صالح. اتحجبي عشان ياخدك - 00:33:49ضَ

كده ويحترمك كده ويحبك كده ويرضى بك كده. اتحجبي عشان هيشوفك في البيت بقى لما تبقوا لوحدكم اجمل بكتير فهتكبري في نزره مش هتقلي. مش هيبقى شافك اجمل حاجة وجوة البت اللي فتنزلي لأ هو هيشوفك ولسه ما شافش الاجمل هيشوفه في البيت وبالتالي هتكبري وتبقي احلى في نزره وده - 00:34:09ضَ

ادعى لدوام لدوام العشرة طيب آآ في واحدة مسلا من الشبهات سرعة بقى هنقولوا كام شبهة كده ايه في خمس دقايق بقى عن ان الوقت بقى قليل. واحدة مسلا تقول لك - 00:34:29ضَ

انا مش قد النقاب. بسرعة بقى مش قد النقاب او مش قد الحجاب يعني بغض النزر بقى اتكلم في النقابة ولا الحجاب مسلا انا مش قده يعني ايه مش قده؟ على اعتبار ايه؟ اعتبار في حاجة مشكلة عندي - 00:34:44ضَ

اللي هي ايه؟ افتراض المثالية. يعني ايه افتراض المثالية؟ يعني احنا افترضنا ان انا لا عشان البس حجاب واسع او خمار او البس نقاب. يبقى انا المفروض اكون ملاك ما غلطش - 00:34:57ضَ

فانا لما اكون ملاك هلبس اللبس دوت لان اللبس ده لازم اللي تلبسه تكون من الملايكة. ده تصور خاطئ. احنا نقول الحجاب اللحية آآ تمام؟ آآ كل ده في النهاية آآ هي طاعة ما بنعملها. كوني انا بعمل الطاعة دي وعندي لسه اخطاء - 00:35:07ضَ

ما في مشكلة. ما لي انا بجاهد نفسي ان انا اتحسن واكون احسن وافضل. مش شرط ان انا اكون كامل عشان التحي مش شرط ان انت تكوني كاملة عشان تلبسي نقاب او - 00:35:27ضَ

او او حجاب واسع او خمار او كده ممكن واحد يكون عنده لسه معاصي معينة ويعمل الحاجة ديت يعني مش مشكلة. وبنحاول ان احنا نكون احسن. وما لناش دعوة بنظرة الناس لنا - 00:35:37ضَ

هي الناس اللي عملت فينا كده هي الناس بتشوفنا طالما انا ملتحي يبقى انت لازم تكون آآ معصوم. طالما انت منتقمة لازم تكوني معصومة. ما ليش دعوة انا بنزرة الناس. انا نزرتي لنفسي انا عارف نفسي - 00:35:47ضَ

في الاخر كل بني ادم خطاء انا بغلط. وما فيش تعارض عندي بان انا اكون ملتحي منتقبة وان انا اكون باغلط. وطالما انا بجتهد وباحاول ان انا كل يوم اكون احسن. فده مش - 00:35:57ضَ

هيمنعني اني اخد الخطوة ومش هستنى اكون مثالي علشان آآ البس او اخد الخطوة ديت. واحدة تانية تقول لك طب ما اغلب البنات مش محجبات. هنقول لها رد بسيط اغلب العالم كفار ايه رأيك ها احنا بنمشي مع الاغلب وخلاص خلاص يلا كلنا نكفر طالما كل العالم اغلب العالم كفاره والقلة هما الكفار اكتر - 00:36:07ضَ

المسلمين احنا مش بنعرف الحق بالاكثرية. بل ربنا سبحانه وتعالى قال وان تطع اكثر من في الارض يضلوك. وان تطع اكثر من في الارض يضلوك عن سبيل الله وعادة القلة هي اللي بتكون على الحق. وقد قال القائل اسلك طريق الصالحين ولا يضرك - 00:36:27ضَ

قلة السالكين ودع عنك طرق الضلال. ولا يغرنك كثرة الهالكين. ما يغركش ان ناس كتير بتهلك يبقى صح. لأ ممكن يبقوا غلط ويكون القلة هم الايه؟ هم الحق والصح. واحدة بقى بتقول والله انا مشكلتي ان انا خايف يا صحابي يالسوا علي ويسخروا مني - 00:36:47ضَ

بالعكس تجربة بتقول ان اللي بتعمل الخطوة دي اللي بيسنوا عليها ويسبتوها ويساعدوها اكتر بكتير من اللي بيقطموها ويسخروا منها. ثم ان احنا ما ما احنا مش عايزين رضا الناس رضا الناس غاية لا تدرك. معلش اللي بتلبس حجاب بتلاقي اللي بيألسوا عليها. اللي بتتبرج بتلاقي اللي بيلسوا عليها. اللي بتلبس نقاب بتلاقي اللي بيحبها واللي بيكرهها. اللي - 00:37:07ضَ

ما تلبسش خالص هتلاقي اللي بيحبها وبيكرها. مش هنرضي الناس ابدا. احنا نعرف نرضي ربنا بس. الناس لا يمكن ان نرضيهم ابدا. وبالتالي انا لا افكر في زلك. ولكن عندي - 00:37:27ضَ

في قاعدة جليلة جاءت في الحديث ان من ارضى الناس بسخط الله سخط الله عليه واسخط عليه الناس. واما من ارضى الله من ارضى الله اسف من ارضى الله بسخط الناس رضي الله عنه وارضى عنه الناس. ولكن من ارضى الناس بسخط الله - 00:37:37ضَ

سخط الله عليه واسخط عليه دي واسخط عليه الناس. فانا ارضي ربنا. والله هتلاقي اللي انت متخيلاه ما حصلش. بالعكس الناس احترموك واحترموا قرارك واثنوا عليك وشكروا فيك. ويمكن تلاقي بنات كتير تقلدك. بعد كده وتعتبرك قدوة. وكان في بنات كتير بتفكر زيك وكانت مستنية واحدة زيك. تاخد - 00:37:57ضَ

القرار عشان تقلدك ويبقى كل ده في ميزان حسناتك. اخر حاجة ممكن واحدة تقول لك ايه؟ انا اصل انا الحجاب هيخليني مش جميلة لازم نعترف يا بنات ان اكيد يعني اللي يضحك على واحدة يقول لها الحجاب هيخليكي اجمل لأ احنا مش هنضحك على البنات. اكيد الحجامة هيخليكي مش اجمل يعني. اكيد التبرج - 00:38:17ضَ

اجمل فيه عشان ما نضحكش على بعض. فضلا بقى ان احنا نتكلم في نقاب. يعني النقاب يعني ما فيش بقى خالص. مش هنشوف حاجة خالص. فاحنا مش بالعكس ده احنا - 00:38:37ضَ

احنا بنقول احنا وعدنا البنات ان البسي الحجاب عشان تكوني اجمل. اجمل في عين مين؟ هو اصلا من اهداف الحجاب ان احنا ان الجمال ده يتستر. ان الجمال يتستر عن اعين الشباب وعن اعين غير المحارم. علشان ده يحميكي اطهر لقلبك - 00:38:47ضَ

واقل في الازى فلو كنت اجمل هيزداد المشكلة. تزداد الفتنة ويزداد الازى. فاكيد الحجاب مش هيخليكي جميلة قدام غير المحارم ومبهرة وفاتنة وملفتة للنزر وهو ده مش مقصود الحجاب بل الحجاب بيعمل عكس كده لكن عندنا حاجتين الحاجة الاولانية - 00:39:07ضَ

ما زلت ستكونين جميلة جدا في نزر من يهمنا ان ينظروا اليك. مين؟ زوجك النساء لما تبقي معهم لوحديهم. المحارم لما هيبقوا لوحديهم من غير ما يكون فيه غير محارم. كل دول هتكون قدامهم جميلة زي ما انت عادي. واحنا لبست الحجاب قدام الزوج ولا بنلبسه قدام نساء ولا بنلبسه قدام محارم - 00:39:27ضَ

كل دول اللي هم لهم ان ينظروا اليك عيشي حياتك وتجملي امامهم كما تشائين. فدي ما فيش مشكلة كل رغبتك في ان تكوني جميلة هتطلع لمن يستحق ان يرى هزا الجمال او يناسبه ان يرى هزا الجمال او ما فيش ضرر عليه وعليك انه يرى هزا الجمال. اما ما عدا المحارم هو دي مشكلتنا. ومطلوب - 00:39:47ضَ

ان انت ما تكونيش فاتنة مبهرة ملفتة للنزر امام هؤلاء. تمام؟ دي مسألة. الحاجة التانية ان وان كنا نقول ان اكيد هتبقي خارج دائرة المسموح لهم بالنظر اليك اللي هم الزوج والنساء والمحارم هتبقي مش بنفس جمال التبرج. لكن اقول لك حاجة. الحجاب - 00:40:07ضَ

له جمال جمال لا يفهمه الا اهل الخير واهل العفة. مش الجمال الحسي اللي انت فاهماه. له جمال حتى نقاب رغم ان هو ممكن يكون اسود ممكن يكون مش باين من المرأة حاجة لكن والله له جمال. جمال معنوي لا يفهمه الا اهل الخير واهل العفة. يرون - 00:40:27ضَ

المرأة فيرونها جميلة. حتى لو كان مش شايف منها حاجة. هذا جمال اه ناتج عن حب الانسان للطاعة. لما يرى الانسان يرى جمالا معرفش افسرهولك لكن مش الجمال اللي هيخليني اعاكس واحلق ولا الجمال اللي هيخليني احاول اكلمها ولا الجمال اللي هيخليها تتحرك - 00:40:47ضَ

تشويها بالعكس ده الجمال ده فيه جمال مع مهابة. وجلال وهيبة كده للمرأة المحجبة. فده مش هيفهمه الا اهل الخير. واما اهل الشر مش هيشوفوكي جميلة خالص. وهيقولوا لك ان جمالك قالوا عيالك كنت احلى من غير حجاب. اصلا دول احنا هم دول اللي احنا مش عايزينهم. وما يهمناش رأيهم. وما يهمناش في حاجة - 00:41:07ضَ

ودول اللي احنا عايزين نبعد عنهم في الفترة ديت عشان نقدر نسبت ونكمل. ازا يعني مش عارف اقول لكم ايه بس انا حاولت النهاردة اجمع كده ايه مجموعة من المشاكل اللي بتدور في اذان البنات حوالين مسألة الحجاب عشان يعني اخلص النقطة دي وانتقل لنقطة تانية في اللايف اللي جاي ان شاء الله احتمال - 00:41:27ضَ

اللايف الجاي نتكلم بقى عن مواصفات الحجاب الشرعي. عن ايه؟ مواصفات الحجاب الشرعي. احتمال الله تعالى اعلم حسب الزروف. لكن عموما آآ انا قلت المتاح يعني حسب الوقت النهاردة. وارجو من الله سبحانه وتعالى ان يكون الكلام ده ينفع البنات. يا ريت كل واحدة سمعت اقتنعت تاخد بقى قرار. يعني يعني تاخد قرار. ايه اللي مش - 00:41:47ضَ

اللي محجبة واحد جايب نص نص تحسنه اللي مترددة في خطوة النقاب تنتقل اليها فورا بلا تردد بلا تردد خلاص. كل حاجة جاوبنا عليها اللي عندها لسة شبهات ممكن تطرحها يمكن نعمل بها لايف تاني. آآ اللي بتقترح موضوع متعلق بالحجاب تقوله. اللي عايز ياخد اجر يوصل الكلام دوت لمن - 00:42:07ضَ

المهم الامر فنسأل الله سبحانه وتعالى يا رب ان يكون الكلام ده نافع لكل بنت ويكون صدقة جارية لي ولكل من نشره وان شاء الله هنتقابل الاتنين الجاي في نفس الميعاد في - 00:42:27ضَ

موضوع جديد ممكن يكون وصفات الحجاب الشرعي ممكن ما يكونش هو الله تعالى اعلم لكن ارجو من الله ان احنا نكون لمينا اغلب المشاكل واغلب الشبهات حوالين الموضوع دوت ويا رب تكونوا استفدتم وانتفعتوا. اللي عنده شوهات تانية يقولها يمكن نجمعها في لايف مستقل. ربنا يبارك فيكم ويحبكم. انا سعيد جدا بلقائكم الطيب - 00:42:37ضَ

سبحانك اللهم ربنا وبحمدك اشهد ان لا اله الا انت استغفرك واتوب اليك. السلام عليكم ورحمة الله - 00:42:57ضَ