السلام عليكم ورحمة الله وبركاته. الحمد لله وكفى. وصلاة وسلاما على عباده الذين اصطفى. اللهم لك الحمد كله ولك كله وبيدك الخير كل الخير كله. واليك يرجع الامر كله. لبيك يا ربنا وسعديك. والخير كله - 00:00:00

في يديك والشر ليس اليك. انا بك واليك تباركت وتعاليت. استغفرك واتوب اليك. اللهم صل على حبيب قلوبنا وطبيب قلوبنا وشفيعنا يوم العرض عليك. محمد صلى الله عليه وسلم. اللهم صل على محمد - 00:00:32

وعلى ال محمد كما صليت على ابراهيم وعلى ال ابراهيم انك حميد مجيد. اللهم بارك على محمد وعلى ال محمد كما باركت على ابراهيم وعلى ال ابراهيم انك حميد مجيد. ثم اما بعد. وقف رسول الله صلى الله عليه وسلم قبل غزوة بدر - 00:00:52

وقف رسول الله صلى الله عليه وسلم في فرصة مهولة للفردوس الاعلى. وقف ينادي في المسلمين جميعا قوموا الى جنة عرضها السماوات والارض عرضها السماوات والارض يعني عرضها اكبر من مليارات المجرات الكونية ده ايه؟ تخيل نصيبك فيها ممكن يبقى قد ايه؟ اخواني ورمضان - 00:01:12

رب يقترب وباقي عليه اسابيع. قليلة بناديكم وبنادي كل واحد. الدنيا طحنته او معاصي السر اذلته. او عايز ينطلق الى الله. قم قوموا الى جنة عرضها السماوات والارض. ارم التمرات اللي في ايدك. ارم التمرات لان اعظم لحظة في حياتك كلها خلاص - 00:01:32

اقتربت استعدي لها. اللحزة اللي هيتفتح فيها ابواب الجنة التمانية. اخواني اللحزة دي كل واحد منكم كل واحدة منكم هيبقى واحد من اتنين يا اما ساعة ما تتفتح ابواب الجنة التمانية هتبقى انت لسة مكانك بعيد. زنوبك بعداك وشهواتك بعداك. بعيد - 00:01:52

اول ما الابواب تتفتح ورمضان يبدأ هتطلع تجري وتجري. مرة زنب يوقعك ومرة شهوة توقعك. وتطلع تجري على ما تقرب من ابواب الجنة يكون رمضان خلص خلاص. يا دوبك شميت ريحة الجنة. يا اما واحد تاني هيبدأ من الوقت يا اخواني. هيبدأ من الوقت ينطلق الى ابواب الجنة - 00:02:12

عشان لما ييجي رمضان يبدأ يبقى واقف على ابواب الجنة. اول ما تتفتح ابواب الجنة يدخل الجنة. يعيش تلاتين يوم في الجنة. رمضان في الجنة. يبقى احلى رمضان مر عليك. ومر عليك في حياتك. عشان كده درس الليلة نصيحة غالية اوي. اوي ياما رمضانات ضاعت مني ومنكم. بسبب - 00:02:32

ان احنا ما فهمناش يعني ايه الاستعداد لرمضان. درس الليلة يا اخواني فرصة لاستنقاز رمضان الجاي. ممكن يكون اخر رمضان في حياتك. لما تستعد له صح وتعيشه صح تبقى قابلت ربنا باعظم عمل ممكن تعمله في حياتك. اخواني في الله درس الليلة ولو ارادوا رمضان لاعدوا له عدة - 00:02:52

ماذا قبل رمضان؟ درس الليلة معنا عناصر عشان يبقى النصيحة مركزة بازن الله سبحانه وتعالى. اول عنصر لما كل هزا الاستعداد الرهيب لما كل هذا الاستعداد الفاجر؟ رمضان واهل الباطل العنصر التاني. رمضان ليس عصا سحرية. انتبه معي - 00:03:12

انتبهي معي. رمضان ليس عصا سحرية. رقم تلاتة صفقة العمر. رقم اربعة. ولو ارادوا رمضان لاعدوا له بعد رمضان تكرم الامة او تهان. رقم ستة واخيرا ماذا قبل رمضان؟ البرنامج العملي المعسكرات العملية - 00:03:32

البرنامج العملي اللي قبل رمضان. رمضان واهل الباطل. لما كل هزا الاستعداد؟ كلمة معلومة افزعتني. معلومة افزعت قلبي. ان اهل الفن استعدوا لرمضان في القنوات الفضائية المصرية بمية وتمانية مسلسل. مية وتمانية مسلسل في تلاتين حلقة بتلات تلاف متين - 00:03:52

اربعين حلقة يعني حوالي اربع تلاف حلقة يا جماعة. اربع تلاف حلقة عار علينا. ان اهل الباطل عملوا كل ده استعداد لرمضان؟ واحنا عملنا ايه؟ واستعدينا ازاي ؟ عار علينا ان المصايف بتستعد لرمضان والقهاوي بتستعد لرمضان والقنوات بتستعد لرمضان واحنا لسة بنناقش تستعد - 00:04:12

رمضان ولا لأ؟ يا جماعة ازا كانوا هم عملوا اربع تلاف حلقة عشان رمضان. احنا عملنا ايه؟ اربع تلاف حلقة. كل حلقة كل حلقة مش داعية بيتكلم ساعة ده الف مشهد ومشهد. كل مشهد وراه مونتاج ومكياج ومكساج ووراه حوار وسيناريو وحوار واخراج - 00:04:32

وموسيقى تصويرية وكل مشهد وراه فريق عمل جيش كامل. جيش كامل من الممسلين والمخرجين والمصورين. كل واحد فيهم مرتبه ومرتبات الممسلين بقت ارقام فلكية. تقرأ دواء سبعة مليون. دي ستة مليون. ده خمسة مليون. دي ستة مليون. تخيلوا ده افراد من جيش كامل - 00:04:52

كل ده بينفق عشان ايه كل ده بينفق ليه؟ القنوات الخليجية على ايه؟ على على ايد وساق. في الاستعداد لرمضان ومسلسلات رمضان. القنوات المصرية ما بتنامش. القنوات العلمانية ما تنامش عشان مسلسلات رمضان. ليه وتلاقي مسلسل يقول لك معاوية بن ابي سفيان مسلسل تاني مقتل الحسين. مسلسل تالت سقوط - 00:05:12

فاشمعنى النقط دي ؟ اشمعنى النقط دي اللي عايزين يسمموا بها دماغ الناس؟ وقلب الناس في رمضان. عايز اقول ايه ؟ عايز اقول ان استعداد اهل الباطل ده بيبين لك - 00:05:35

استعدادا للباطل ده كله ليه؟ ليه؟ اربع تلاف حلقة يعني عشر اضعاف مجهود السنة كلها من اوله لاخره ليه؟ رمضان ده يا جماعة الشهر الوحيد اللي بترجع فيه امة تاني. الناس بتبقى حريصة انها تأكل بعض. وتزور بعض وتصل بعض وتعبد ربنا مع بعض. الامة بتحيا من جديد في رمضان. المنزرة - 00:05:45

اللي بيعيدوا الامل لسة في الامة تاني منزر الحج ومنزر رمضان والعبادة في رمضان. عشان كده عايزين يموتوا المعاني دي فينا. رمضان ده الشهر اللي لو الامة مرضتم الام هترجع امة من جديد. رمضان ده الشهر اللي انت لو عشته مرة واحدة صح هتبقى انسان تاني انسان من جديد. رمضان ده المفصل بتاع - 00:06:05

حياتك كلها. رمضان ده اخطر معركة في حياتك. لو انتصرت فيها كل المعارك بعد كده هتبقى سهلة. معركتك مع نفسك. معركتك مع الشيطان. معركتك هبعصيك. رمضان ده اخطر معركة في حياتك. ولو فزت فيها هيبقى اعظم نصر في حياتك. ليه؟ مرعوبين من رمضان ليه؟ مرعوبين كل ده ليه - 00:06:25

حقن التخدير في رمضان بتبقى بشكل جنوني للدرجة دي ليه؟ عارفين ليه؟ انا عايزكم دلوقتي تفتكروا معي كلام ربنا عن رمضان في القرآن بس مش عايزك تقراه زي ما بتسمعه كل سنة. شهر رمضان الذي انزل فيه القرآن. لا لا لا لا الكلام ده بيشجعنا احنا على الطاعة وعلى العبادة. انا عايزك تتخيل - 00:06:45

ابليس لما هيسمع الاية ديت عايزك تتخيل اهل الباطل لما يسمعوا الاية دي هيسمعها ازاي ؟ عشان تعرف ان هم لهم حق يترعبوا ويتفزعوا وما يناموش الليل كمان. شهر رمضان - 00:07:06

الذي انزل فيه القرآن. شهر يعني رمضان ده شهر. رمضان ده مش خطبة. الامة هتسمعها وتدخل من الودن دي وتطلع من دي. ده شهر كامل. يعني فرصة مهولة التغيير يعني رمضان ده الامة ممكن كلها تتغير فيه وتخرج امة من جديد. وده اللي راعبهم وده اللي مرعوبين منه. وده اللي ما يقدروش يستحملوه. شهر رمضان - 00:07:18

رمضان من الرمضاء اللي بتحرق شهر بيحرق الشهوات في القلوب. ولما الشهوات في قلوب المسلمين تتحرق هنسوقهم بايه؟ هنحتنكهم بايه هتضيعهم بايه ؟ الذي انزل فيه القرآن انزل فيه القرآن. القرآن كان ده البداية. شهر رمضان ده البداية. بداية كل مشهد حارق قلوبهم لغاية - 00:07:38

دلوقتي بداية بداية التربية. بداية القصة كلها. بداية الحضارة اللي كانت اعظم حضارة في التاريخ بداية الخلافة اللي هدت نص الباطل في الارض في خمسة وعشرين سنة. بداية بداية خيبر بداية الغزوات. بداية الفتوحات والقادسية واليرموك ونهاوند - 00:07:58

بداية مصعب وسلمان وعمار. ده البداية. رمضان ده بداية الحاجات اللي لغاية دلوقتي. بينفقوا المليارات ويبذلوا جهد الليل والنهار عشان يموتوها في الامة. رمضان جاي تاني. البداية دي جاية تاني. الامة دي ممكن تنطلق من رمضان وتطلع منه تاني. رمضان ده فرصة ان الامة دي - 00:08:15

نبدأ من جديد عرفتم ليه انه مرعوبين من رمضان؟ عرفتم ليه هيموتوا من رمضان؟ عرفتم ليه عاملين اربعتلاف حلقة عشان الناس ما تلحقش بص حواليها في رمضان الذي انزل فيه القرآن هدى للناس هدى للناس يعني ايه؟ يعني رمضان ده هيرجع الامة على الطريق تاني. هيعرفك الطريق تاني. هيحطك على الطريق - 00:08:35

تاني وبينات من الهدى والفرقان. الفرقان يعني هينور لنا الطريق تاني. هينور قلوبنا هيعرف الامة مين عدوها ومين حبيبها هيعرف الامة ايه الحق وايه الباطل. فمن شهد منكم الشهر فليصمه. شهد يعني رمضان ده مشاهد. مشاهد بتتحفر في القلب حفر. يعني القلوب - 00:08:58

هتتغير. يعني التغيير الحقيقي داخل القلوب هيحصل. وهم يموتوا لو القلوب اتغيرت. فمن شهد منكم الشهر فليصمه. الصوم اصلا جاي من معنى الامتناع. يعني الام هتقدر تقول للمعاصي لأ. يعني الام هتقدر تقول للشهوات لأ. يعني الشباب هيقدر يقول للمخدرات لأ. يعني - 00:09:18

بنات هتقدر تقول للتبرج لها. ولما الام تقول للمعاصي لأ هنسوقها بايه؟ الا ان الامة تقدر تقول للمعاصي لأ. فمن فمن شهد منكم الشهر فليصمه. ومن كان مريضا او على سفر فعدة من ايام اخر. يريد الله بكم اليسر ولا يريد بكم العسر بكم - 00:09:38

لو الباقي هنا باقي الملابسة يعني ربنا يريد ان اليسر يلابس كل حاجة في حياتكم. يبقى الجواز سهل. يبقى الشغل سهل. يبقى الرزق سهل يبقى لقاء ربنا والموت سهل. سهل يعني بدون نزع روح شديدة من الاجساد. يبقى الدين سهل. يبقى الالتزام سهل. الوقت يا جماعة ولا يريد بكم - 00:09:58

دلوقتي كل حاجة العسر ملابس للامة. الجواز صعب. كل حاجة صعبة. الرزق صعب. الشغل صعب. الالتزام ان شاب يلتزم طلوع الروح اللي ملتزم يتربى ويبقى داعية دا صعب جدا. ان واحد يعرف دينه كل حاجة بقت صعبة حتى الدعوة على الدعاء. الدعوة على الدعاء بقت صعبة لانهم - 00:10:18

بيتعاملوا مع ناس نفرة عن دين ربنا مش عايز يقرب من دين ربنا الا من رحم الله. يبقى لما ربنا يقول ان رمضان ده وش الخير. رمضان ده بداية اليوم - 00:10:38

استر على الامة. رمضان ده بداية ان كل حاجة تبقى صحفي الامة يترعبوا ولا لأ. يريد الله بكم اليسر ولا يريد بكم العسر ولتكملوا العدة ولتكبروا الله على ما هداكم - 00:10:48

الله. تكبروا الله دي كلمة معركة. ده كلمة نصر في معركة. يعني رمضان لما ييجي وتلاقي نفسك بتصلي وبتقوم وعايش مع ايات ربنا. رمضان لما بعد تلاتين يوم تحس انك انت واذ ابتلى ابراهيم ربه بكلمات فاتمهن - 00:11:02

تحس انك اتميت المهام اللي ربنا كلفك بها فيه. ساعتها قل الله اكبر يعني ايه انت ما انتاش عارف انت ما انتاش عارف ابليس طلعت روحه قد ايه عشان رمضان ده الامة ما تعرفش تنتفع به. انت ما انتاش عارف مردة الشياطين من ساعة ما اتفكت سلسلتهم - 00:11:19

من حداشر شهر ما بيناموش ازاي ؟ عشان الشهر اللي احنا جايين عليه داهو. انت ما انتاش عارف دي بالنسبة لهم معركة قد ايه ؟ ولتكبروا الله على دي كلمة معركة. رمضان ده اخطر معركة في حياة الامة - 00:11:34

رمضان ده المحور بتاع حياة الامة لو رمضان جه صح احنا انتصرنا على ابليس وعلى اهل الباطل ولتكبروا الله على ما هداكم. ولعلكم تشكرون. دي الكلمة اللي ابليس قالها لربنا. ولا تجدوا اكثرهم شاكرين. هنسيهم عملت لهم - 00:11:49

ايه ؟ واذا سألك عبادي عني فاني قريب. يعني الام هترجع تتواصل بربنا تاني. هترجع توصل بحبل الله المتين تاني يعني ايه يا جماعة؟ هم عايزين يعملوا قطيعة بين الامة وربها. هو ابليس كان بيوسوس لادم في الجنة ليه؟ ليه؟ عشان يخرجه طب ما هو عارف انه خارج خارج - 00:12:07

وربنا قال قدامه اني جاعل في الارض في الارض خليفة. ابليس كان بيوسوس لادم ليه؟ عشان لما ادم ينزل الارض ينزل وهو فيه قطيعة بينه وبين ربه يبقى يعرف ان هو يواجه ادم منه لادم. ما يبقاش ادم في حماية من الله سبحانه وتعالى. يبقى لما ربنا يقول لنا - 00:12:27

رمضان هييجي يوصلكم بربنا تاني. هييجي يخليكم في معية ربنا تاني. هييجي يخليكم في حصن من الله تاني. ابليس يترعب ولا لأ هل الباطل يتفزع ولا لأ؟ يعملوا اربع تلاف واربعين الف حلقة ولا لأ؟ عرفتوا ليه؟ لما كل هزا الاستعداد الفاجر؟ عرفتم ليه هيموتوا من - 00:12:44

عرفتم ليه ؟ يا جماعة الكلام ده ما ييأسناش ابدا. ربنا قال لموسى القى عصاك ارمي بس قومي ارمي عصاك. قم ارمي الق عصاك. قم اشتغل. قم اعمل اللي تقدر عليه. وكل الجهد ده هيتنسف. كنت مع احد احد اخواني - 00:13:04

ماشيين في الشارع من الشوارع لقينا محل من محلات المحمول عاملة حفلة دي جي كبيرة والدنيا مليانة مليانة معازف. فرحنا نكلمهم نكلمهم نوعظهم في الله. بكلم الشاب بتاع الدي جي - 00:13:20

لقيته بدأ يتأثر جدا. اخ شاب من المحل خرج يعني بدأ يتأثر برضه قال له طب اقفل وشغل قرآن. دخلنا المحل لازم تشربوا حاجة ساقعة. دخلنا المحل لقينا يعني ناس معينة في المحل. يعني بفضل الله ممكن ربنا اتاها من المال. بدأنا نتكلم معهم في الدعوة الى الله. واحد منهم يعني الاخ اللي كان معي يعني ايه - 00:13:33

يعني له نشاط في في الاعمال الخيرية فعنده تلتميت يتيم. قال لهم انا عندي تلتميت يتيم. واحد اتبرع لهم بتلتمية شنطة وبتلتمية تيشيرت خرجنا من المحل لقينا جايبين عربية وقاعدين يحملوا اجهزة الدي جي عليها وبيربطوها. قلت لهم ايه خلاص مشم. قلت سبحان الله! كلمة يا جماعة! في دقيقة - 00:13:53

يا اخواني في دقيقة كل الموقف بتاع المعصية ده اتقلب لطاعة ربنا سبحانه وتعالى. يا جماعة القوا عصاكم. بس انتقم بس انت اتكلمي بس انت تتكلمي المية وتمانية مسلسل دول هيتنسفوا نسف لو قمنا فعلا لله سبحانه وتعالى من الحاجات الغريبة جدا السنة دي - 00:14:13

ان رمضان جاي في عز المصايف. فيه ناس كتير جدا حاجزة مصايب في رمضان. يا ترى يا ترى يا ترى هتبيع جنة الريان عشان مصرف من المصايف يا ترى هتهرب من حر الدنيا لحر جهنم؟ يا ترى يا جماعة نختار المصايف ومعازيفها وتبرجها؟ واختلاطها ولا هنختار الله! يا ترى - 00:14:33

رمضان السنة دي على البلاجات ولا في المساجد يا ترى يا جماعة يا ترى المصايف هتبعدنا عن رمضان؟ يا ترى المصايف هتخلينا نخسر اخطر معركة في حياتنا؟ يا ترى يا جماعة هنضيع السنة دي بسبب - 00:14:52

سبب ان رمضان جه في عز الصيف الكل بيستعد لرمضان. القهاوي نفسها وانت ما بتستعدش لرمضان. الكل بيستعد واحنا اللي ما بنستعدش لرمضان. الامة وصلت لفين ولفرحك بالذنب اذا ظفرت به - 00:15:05

اعظم عند الله من الذنب. المعنى الرهيب بتاع فرح الامة بالذنب النهاردة. الشاب يقعد يقلب على مواقع النت القذرة. يفضل يضرب القسم ما يجيش. يضربه تاني ما يجيش. اول ما الاسم فجأة الموقف - 00:15:22

هيفتح ويبص تلاقيه يفرح لا فرحك بالذنب اذا ظفرت به اعظم عند الله من الذنب فرحته في اللحظة دي اشد عند الله. من كل اللي هيعمله طول الليل من الموبقات - 00:15:36

كفارة حكمت ذنب البنت لما تنزل تدور على هدوم كاسية الرسول قال كاسيات عاريات عاريات يا رسول الله دول لابسين يا رسول الله عاريات. يا رسول الله دي لابسة بنطلون عاري - 00:15:51

عارية هي والعارية السواء. لا فارق. اول ما تلاقي لبس قزر تفتن به الشباب تفرح لفرحك بالذنب اذا ظفرت به اعظم عند الله من الذنب الامة دلوقتي بقت بتفرح بالذنوب. رمضان جاي عشان نندم على الذنوب. عشان قلوبنا تصحى. عشان نفوق. قوموا قوموا الى جنة عرضها - 00:16:01

السماوات والارض لما كل هزا الاستعداد الفاجر؟ اظن بدأنا نفهم يا جماعة. بدأنا نفهم وهم بيستعدوا كل ده ليه ؟ لو السانوية العامة امتحاناتها جاية في عز الصيف والمصايف ما حدش هيروحها. طب لما رمضان جاي هنروح ولا لأ - 00:16:25

ثانيا رمضان ليس عصا سحرية ده اهم نقطة في درس الليلة. رمضان مش عصاية سحرية. اول ما هيبدأ رمضان الدموع اللي ما نزلش منها ولا دمعة طول السنة. هتنهمر عينك والقلب اللي ما كانش بيحس بايات القرآن طول السنة هيبدأ يلين ويبكي اول ما تسمعي ايات ربنا في التراويح. رمضان مش عصاية سحرية - 00:16:40

الفتور اللي كان مسيطر على قلوبنا طول السنة هيتحول لاشتعال ايماني اول ما رمضان يدخل لأ يا جماعة. يا جماعة زي بعض الاخوة يظن انه اول ما يروح العمرة اول عمرة - 00:17:05

حياته ويشوف الكعبة هينهار وهيبكي وهيتزلزل. اول ما يروح يبص يلاقي نفسه مش حاسس مش حاسس ليه؟ هي الكعبة تخلي الواحد يتزلزل. بس باي اي قلب ذهبت الى بيت الله باي قلب ستدخل رمضان. ما تفتكريش انك هتدخلي رمضان بزنوب حداشر شهر - 00:17:15

ما تفتكرش انك هتدخل رمضان بغفلة حداشر شهر. وفطور عن الصيام وقلة في القيام. واول ما تدخل تحصد الثواب حصد. زي اللاعب اللي مستني بطولة وقاعد مطمن وما بيستعدش ولا بيتدرب ولا بيتمرن. ومعتقد انه هيدخل هيحصد النياشين والاوسمة حصد - 00:17:33

ويحصد الكؤوس حصد. يا جماعة ما تفتكروش ان انا لما اقول لك اخر ختمة ختمتها. انت ختمة ايه! ده رمضان اللي فات. وكام يوم صمته السنة دي كم يوم انا - 00:17:52

مش فاكر بس ما يجوش عشر تيام. مثلا هتدخل رمضان تلاقي رمضان قلبك اتغير والدنيا اتغيرت. يا جماعة اسمعوا هذه الكلمة الخطيرة اللي تعد في محور الدرس بتاع الليلة. واللي هتفسر لكم ده رجب لسه ما خلصش - 00:18:02

هو بيكلمنا ازاي! ده احنا لسة وصايمين تلتاشر واربعتاشر وخمستاشر رجب! هو ازاي بيكلمنا في آآ في رمضان من الوقت! الكلمة دي هي اللي هتفاهم هتفهمنا كلنا سر الدرس ده ايه؟ قال احد السلف - 00:18:17

رجب شهر البذر انك تبذري بقى بذور الايمان في قلبك وشعبان شهر السقيا ان احنا نروي بذور الايمان دي بالعبادات. ورمضان شهر الحصاد يعني ايه؟ يعني كل اللي هتزرعيه في رجب وشعبان هو اللي هتحصديه في رمضان. يعني ايه؟ يعني اللي انت عايز تحصده في رمضان لازم - 00:18:31

رجب وشعبان يعني يا جماعة لازم نقوم الليل من الوقت نعيش مشاكل القيام. يدخل قيام رمضان نبقى خلاص مستعدين. نعيش مشاكل الصيام من وقتي يجي صيام رمضان خلاص مستعدين. يا جماعة رمضان من الشهر المجاهدة. رمضان ده شهر حصد حصد المهول للحسنات الرهيبة. يا اخواني رمضان مش شهر انك تواجه شهواتك - 00:18:55

وفتنك ومشاكلك. لا لا لا ده كل ده في رجب وشعبان. تدخل رمضان بقلب نضيف. بقلب وقف لله تعالى. بقلب يحصد سواب حظ رمضان زي شحنة عشر تلاف فولت. عشر تلاف فولت - 00:19:17

لما تدخل في جسم واحد ميت مش هتعمل له حاجة ده ميت اصلا. انما لما تدخل في جسم واحد حي هتقومه هتنفضه نفض. هو ده رمضان لو الواحد ميت وايمانه ميت وما بيعملش حاجة قبله. رمضان هيعمل له ايه؟ كل سنة بيضيع علينا رمضان بنفس بنفس السبب. ندخل رمضان. يروح مننا - 00:19:32

رمضان في الفتور والذنوب والمعاصي والاحباط كل سنة رمضان بيروح مننا يا جماعة بنفس السبب. كان زمان الواحد رمضان بيروح منه بنفس السبب اول ما الواحد اتعلم بفضل الله. يعني ايه يستعد لرمضان من قبلها؟ رمضان بقى قفزة في حياة الواحد - 00:19:52

رمضان بقى نقلة كل رمضان بقى نقلة في حياتك عايزة يبقى رمضان نقلة في حياتك. عايز رمضان يبقى نقلة في حياتك لازم نستعد لرمضان. نستعد من البداية. لما تيجي تسيب الزنوب اللي انت بتعملها زنوب سر او - 00:20:09

في رمضان هتعوقك في رمضان وتكدر عليك رمضان وبعد رمضان ترجع لها تاني. انما لما تسيبها من الوقتي هييجي رمضان يبقى الضربة القادمة على هزه الزنوب من حياتك رمضان يا جماعة شهر الجنة. شهر ان احنا نستعد من الوقت ونجري وننطلق نقف على باب الجنة. اول ما ابواب الجنة التمانية تتفتح ندخل يا جماعة. نعيش - 00:20:23

تلاتين يوم في الجنة نعيش في جنة رمضان ساعتها هنخرج من رمضان عمرنا ما نسيب الصيام ولا القيام ابدا ثالثا صفقة العمر صفقة العمر اخيرا قلبك هيطهر تاني اخيرا هتلاقي اعوان على الطاعة تاني - 00:20:45

اخيرا هتلاقي فرصة تقربي من ربنا فيها تاني ما تضيعهاش بقى ما تضيعهاش. رمضان طوق نجاة. طوق نجاة لكل واحد بينزل في التزامه. طوق نجاة لكل اخت بتنتكس. طوق نجاة لكل واحد الدنيا طحنه - 00:21:05

اه طوق نجاة لكل واحد بيقع في معاصي السر طوق نجاة لكل واحد عايز يلتزم ويقبل على الله. طوق نجاة لكل واحد عايز ينطق يتنقل في اطلب ربنا انقل بقى زي النقلة بتاعة العربية. كل مرة هنفضل على الاول في كل رمضان. ننقل بقى يا جماعة ننقل وننطلق بقى لقدام ونطلع بقى. في علاقتنا - 00:21:18

يعني الوقتي رمضان لو فرق معك درجة واحدة في الجنة درجة واحدة الفارق ما بين كل درجة والتانية في الجنة زي الفارق ما بين السما والارض يعني رمضان هينقلك نقلة زي الفرق بين السما والارض - 00:21:38

انت بعد رمضان عن قبل رمضان زي الفرق بين السما والارض. يا جماعة اللي ما يجتهدش في رمضان عامل زي واحد. عنده فندق في وش الحرم المكي وقفله في موسم الحج - 00:21:52

يبقى هيكسب امتى ؟ يا جماعة يا جماعة ده ده شغلنا كله ده دي معركتنا كلها. عشان كده عشان كده عايزين عايزين نعرف رمضان الناس فيه اتنين. يا واحد رمضان بالنسبة له اسانسير راكبه تلاتين يوم قاعد يطلع يطلع في درجات الايمان. يا - 00:22:05

واحد قاعد يا عيني يعافر يطلع سلمة بسلمة. رمضان يا واحد بيجري ينطلق ما يمكن ما يلحقش ابواب الجنة قبل ما تغلق تاني. يا واحد على باب الجنة يدخل على - 00:22:23

رمضان واحد اول ما بيسمع ايات القرآن في التراويح قلبه يلقط ويبكي. وواحد تاني قاعد كل شوية في صلاة التراويح ما هوش حاسس. يقوم على يساره تلات مرات. ما فيش فايدة تفل كمان ثلاثا. ما فيش فايدة تافهة اللي على شماله يا عيني يتبهدل - 00:22:33

من كتر ثلاثا فسلاسة فساسا. وهو اصلا التفل في السنة بدون رزاز كمان. يعني كمان مش عارف يتفل عن السنة. اخواني في الله. رمضان ده صفقة العمر رمضان ده عامل زي كلية الشرطة كده لما يجيبوا الطلبة بتوعها في الاول اول يوم في الكلية يحطوا له من اجل الاكل ييجوا ياكلوا دقيقة ويقولوا خلاص ممنوع - 00:22:52

يمد ايده هيموت من الجوع. ده احنا كنا بنقعد نص ساعة في بيوتنا خلاص. النوم معك. الصحيان بمعاد ما لناش دعوة حتى لو انت سهران. بعد تلاتين يوم يبقوا اتعودوا خلاص - 00:23:12

هو بالزبط رمضان كده. هتتعود على حياة جديدة هتخرج انسان جديد. رمضان شهر لتكوين سروة حسنات مهولة. شهر لانقاذ الامة شهر عاداتك وطباعك والامة كلها. شهر الانقاذ كل واحد بدأ يحود. شهر للتخلص من المعاصي اللي انت مش قادر تتخلص منها. رمضان يا جماعة - 00:23:22

زي السانوية العامة. السانوية العامة اللي بيزاكر كويس ويجيب مجموع كبير يدخل الكلية اللي هو عايزها. رمضان لو انت جبت فيه مجموع كبير ادخل بقى بعد كده في ربنا سبحانه وتعالى شف رمضان يا جماعة عامل زي تلاتين امتحان. تلاتين يوم كل يوم امتحان. كل امتحان ورقة اسئلة. اول سؤال - 00:23:42

جلسة الضحى النهاردة. تاني سؤال حال قلبك في الصيام. تالت سؤال تراويحك رابع سؤال ورد قرآنك. خامس سؤال تهجدك. سادس سؤال الجماعة سمع سؤال صنائع المعروف. كل يوم مجموعة من الاسئلة انت داخل تلاتين امتحان. انت داخلة تلاتين امتحان. على حسب تقديرك - 00:24:02

تلاتين امتحان دول هيبقى مقامك عند الله. سبحانه وتعالى. رمضان مش شهر لعب. رمضان ربنا بيأيدك فيه. ما تخذلش نفسك. ده الملايكة اللي بتنزل ليلة القدر بس اكثر من عدد حصل الكرة الارضية. كما صح عن رسول الله صلى الله عليه وسلم. كل دول نازلين يأيدوك. كل دول نازلين يعينوك. كل دول - 00:24:22

عايزين يسبتوك. كل دول نازلين من اجل ان ربنا يسبتك على طريق الطاعة في رمضان. اوعي تخذلي نفسك. رمضان يا جماعة الانسان مخلوق من طين لازم زي الصلصال. رمضان شهر التشكيل بقى. ان احنا نرجع تاني بقى. ناس اطهار. ازا جاء نصر الله والفتح دي في رمضان - 00:24:42

عايزين رمضان ده يبقى نصر وفتح في حياتنا. انا مش باكلمكم الوقتي عن رمضان انا باكلمكم الوقتي عن الاستعداد لرمضان. ما حدش يقول لي انت بتكلمني عن رمضان من رجب. ليه مش رمضان - 00:25:02

انا بكلمكم على ان لو ما استعدتوش لرمضان انتم عاملين زي بالزبط الفلاح اللي ما زرعش في وقت الزرع. جه وقت الحصاد بص للناس وهي بتحصد مسال وحزن وقلبه وجعه بدأ يحصد ويزرع على ما نبتت. كان وقت الحصاد راح - 00:25:14

كانت راحت خلاص. انا مش عايزك تحزني. مش عايزك تحزني لما تشوفي الناس بتبكي في رمضان وانت قلبك حجر مش عايزك تحزن لما تشوف اصحابك بيختموا القرآن في رمضان. وانت واقف مش حاسس. مش عايزك تحزني لما تشوفي النساء بيدخلوا جنة الريان يوم القيامة - 00:25:32

رمضان وانت واقفة ممنوع تدخلي لانك ما اجتهدتيش زيهم. مش عايزك تحزن. عايزين يا جماعة نفوز بجنة الريان السنة دي باذن الله. وده استعداد وده العنصر الجاي. ولو ارادوا رمضان لاعدوا له عدة - 00:25:49

رمضان يا جماعة عايز استعداد. رمضان عايز استعداد حقيقي. الفرق الكروية لما بتيجي تستعد لبطولة مهمة يقول لك هنعمل ايه؟ معسكر. يعني ايه معسكر؟ ده معسكر كلمة جيش يعني ايه جيش يعني جهاد؟ يعني في الكورة فهموا ان الجهاد الحقيقي مش المباراة لأ. الاستعداد للمباراة. الجهاد الحقيقي ان احنا نستعد يا اخواني ان احنا - 00:26:06

نستعد يبقى الجهاز الحقيقي مش رمضان. ده رجب وشعبان. رمضان ده حصاد الاستعداد زي ما المباراة حصاد الاستعداد. يا ترى بتوع كاس العالم بيستعدوا له قد ايه يا ترى بتوع الامتحانات بيستعدوا له قد ايه ؟ يا ترى يا جماعة الاستعداد قد ايه لازم نستعد لعملية عقلية - 00:26:26

هتكسب ايه لو استعديت؟ وهتخسري ايه لو ما استعدتيش ؟ هتكسب ايه ؟ الصحابة كانوا بيدخلوا اي رمضان؟ اي رمضان كانوا مش بيصلوا يصوموا زينا بس. ده كانوا بيجاهدوا قتله في بدر وفي وفي فتح مكة الله! طب ليه؟ لان هم داخلين جاهزين. في اعلى درجة لياقة. فمهما كانت التكاليف هيبقى - 00:26:45

احسن رمضان في حياتهم. يا جماعة اللي هيستعد لرمضان من الوقت لو مات قبل رمضان كل يوم بيموت حوالي ربع ومليون واحد على وجه الارض يعني قبل رمضان الجاي ما ييجي هيكون مات على وجه الارض على الاقل عشرة مليون بني ادم. ليه ما تعتبرش نفسك منهم؟ ليه ما تخافيش انك انت تبقي منهم؟ ليه - 00:27:05

لو انت استعديت لرمضان من الوقتي ومت قبل رمضان تبقى مت مرابط. يبقى بازن الله لك ثواب رمضان حتى لو كنت ما ادركتهوش يا جماعة يا جماعة ورمضان متوقف على جهدك قبل رمضان. وبعد رمضان ليه كل مرة بعد رمضان نخرج مش متغيرين؟ لان رمضان ما غيركش - 00:27:23

طب ليه ؟ لان قبل رمضان ما استعدتش لرمضان لازم نستعد يا جماعة عشان نتغير تغيير حقيقي. عشان نوصل لربنا وصول حقيقي. هتخسر ايه لو ما استعدتش رمضان؟ اول حاجة صدمات البداية - 00:27:42

عارف صدمات البداية؟ عارفة صدمات البداية؟ اول ما تدخل رمضان تمسك المصحف تلاقي قلبك حجر مش طايق مسدود مش قادر تكمل صفحتين على بعض عايز تقفل المصحف. تقف في صلاة التراويح تلاقي تسعين في المية من الصلاة. رايح عليك مش قادر تقف على رجليك اصلا. تيجي - 00:27:56

تفطر تلاقي نفسك هتموت على الاكل تقعد تاكل تاكل تاكل. تلاقي نفسك نمت بعد الاكل ما انتاش قادر. ما انتاش قادر ليه صدمات صدمة اول رمضان لما تلاقي جدار الغفلة اللي حوالين قلبك مهما جاهدت ما بيتشقش وما بيدوبشي. صدمة اول رمضان لما تيجي تجتهد في عبادات النهار - 00:28:14

تلاقي الليل ضاع عليك وما عرفتش تعمل فيه حاجة. تيجي تجتهد وتسهر طول الليل تصلي تلاقي النهارده عليك. وضاع منك حتى صلوات فرائض له. ليه؟ لان انت ما انتش مستعد انت داخل من غير لياقة خالص. ويجي الاخ يبكي ويقول يا جماعة انا باقف في التراويح اللي على يميني بيعيط واللي على شمالي بيبكي - 00:28:32

انا مش حاسس بحاجة. ما هو طبيعي طبيعي ازاي! هو ده الطبيعي وفي النهاية يجري المصلين يدوروا على اي واحد صوته حلو حتى لو ما لوش اي علاقة بفقه الصلاة. زي الحديس الصحيح بتاع رسول الله صلى الله عليه وسلم - 00:28:51

بادروا بالاعمال ستا. النقطة السادسة كانت ايه يا رسول الله؟ ونشوا يعني نشأ يعني شباب صغير. ونشوا يتخذون القرآن مزامير يقدمون احدهم ليغنيهم يقدموا واحد صوته حلو كأنه بيغني لهم وخلاص عشان ما يناموش - 00:29:06

يقدمون احدهم ليغنيهم ويقدمون احدهم ليغنيهم وان كان اقلهم فقها. ولو كان ما عندوش اي فقه خمسة وتسعين في المية من ائمة التراويح النهاردة بيقروا من المصحف بيهرب المصحف وده على قول الجمهور لا يجوز اصلا. على قول الجمهور يا جماعة ان المشهد ده يعني انا عايز اقول لكم الوقتي - 00:29:24

عايز اقول لكم ازا كان ازا كان ما بنستعدش لرمضان هيبقى فيه صدمات في البداية. غير صدمات اخر رمضان بقى في صدمات اخر رمضان لما تبدأ بقى تلات اربع تيام يروحوا في معاصي وتلات اربع تيام في فتور وفي نص رمضان تبقى زي الناس العادية خلاص ما عدتش قادر تواصل - 00:29:46

على ما يبدأ اخر رمضان ييجي. على ما تبدأ الدموع تنزل. على ما يبدأ القلب يرق. على ما يبدأ الايمان يزيد. على ما يبدأ الوش ينور. على ما يبدأ يتحرك على ما تبدأ تتوصل بالله - 00:30:03

شوال بيستقبلوه وتلاقي رمضان خلص بدون اي تغيير حقيقي تقف تبكي لن انسى ما حيت ايام زمان اول ما الواحد التزم لما كان يستقبل رمضان بالدموع. بالدموع ليه؟ عامل ايه يا رب؟ عامل زي الطالب اللي نام صاحي على نفسه قدام الامتحان خلاص. يا رب - 00:30:16

وانا لاستعديت ولا عارف هعمل ايه في رمضان. ولن انسى ما حييت اخر رمضان. ايام زمان لما كان الواحد يودع رمضان بالدموع. حاسس ان خلاص اللي كان فيه اتشال هيخرج للدنيا وفتنها تاني. طب يا رب انا ما اتغيرتش تغيير حقيقي. يا جماعة الاستعداد لرمضان هو مفتاح - 00:30:35

باذن الله. سبحانه وتعالى. رمضان عامل زي القطر مش هيستناك. هيجي وهيقف ويعدي على طول. اللي مش جاهز مش هيستناه. يا جماعة اللي طلب اللي بيزاكر ايام الامتحانات ممكن ينجح بس عمره ما هيتفوق - 00:30:55

عمرك ما هتطلعي من الاوائل. عمرك ما هتبقى من المحسنين لو ما استعدتش من قبلها بفترة كافية. يا اخواني كل سنة بنرضى من مائدة رمضان بلقمة بفتات. تقرا احاديس العبادة في رمضان يبهر قلبك. تقرا احاديس صنائع المعروف في رمضان يبهر قلبك. تقري احاديس الاعتكاف في رمضان يبهر قلبك - 00:31:10

تقرا احاديس الدعوة الى الله في رمضان يبهر قلبك. تقرا احاديس ختمات القرآن في رمضان يبهر قلبك. طب انت استعديت لايه من كل ده؟ كل سنة بترضى من فتات من مائدة رمضان ليه ؟ يا جماعة لا يلدغ المؤمن من جحر مرتين - 00:31:30

احنا اتلدخنا كم مرة بتضييع صفقات رمضان بسبب عدم الاستعداد له؟ استعدوا اللي مش هيستعد لرمضان هيندم هيندم ندم كل يوم بل كل طاعة بل كل صلاة هيندم انه ما استعدش لرمضان - 00:31:46

بعد هذا بعد رمضان تكرم الام او تهان يعني ايه بعد رمضان؟ تكرم الام او تهان الواحد لاحز ان كثير من الناس دايما يتكلم يقول لك في رمضان حصل كزا. وفي رمضان حصل كزا وفي رمضان انتصرنا في كزا. عايزين نعرف رمضان ما نبصش لرمضان بالاول - 00:32:03

نبص لشوال ليه ؟ اصل شوال ده بقى الامة خارجة من رمضان. نبص شوال ده هو اللي هيبين لنا فعلا الامة بتخرج من رمضان متغايرة قد ايه شوال ده اللي هيبين لنا فعلا الامة بتخرج من رمضان جاهزة للمهام العظمى قد ايه. شوال ده اللي هيبين لنا فعلا ربنا بيفتح على الامة بعد رمضان قد ايه - 00:32:19

في شوال. شوال شهر المعجزات. شوال شهر غزوة حنين. اللي الحصى حارب معنا فيها. لما النبي القى الحصى على عيون الكفار الحصى دخل في عيون الكفار وساب عيون المؤمنين. الحصى بقى قنابل ذكية بتحارب معنا. رمضان شوال شوال شهر المعجزات - 00:32:39

شوال شهر الفتوحات معركة القادسية اللي العراق ومن مشرق الارض اتفتح قدامنا بعدها. كانت في شوال شهر التضحيات شهر شوال ده اللي حصل في غزوة احد اللي مصعب انه عمير اتقطع قدام النبي عشان النبي ما بيتمسش وانه سايبة بنت كعبها اتفتح ورا النبي عليه الصلاة والسلام. عشان النبي ما - 00:32:59

والصحابة اتقطعوا حوالين النبي واتمزقوا عشان رسول الله صلى الله عليه وسلم لا يصيبه اذى وفيهم عين تطرف شوال يا جماعة شوفوا الامة خرجت من رمضان قوية قد ايه. بتضحي قد ايه ؟ مستعدية تشتغل قد ايه ؟ موصولة باللهو وبفتوحات الله قد ايه ؟ شوال شهر - 00:33:24

البطولات بعد اربعة وعشرين ساعة من غزوة احد يأمر رسول الله صلى الله عليه وسلم الجيش اللي حارب امبارح في احد يوم السبت احد يوم الحد حمراء الاسد الوقتي عشان نحارب المشركين - 00:33:44

يا رسول الله ده احنا كلنا متقطعين. كلنا متقطعين. طلحة بن عبيد الله شهيد يمشي على وجه الارض. من كتر ما هو متقطع كلنا مصابين وكلهم قاموا بطولات خارجين من رمضان يا جماعة. خارجين من رمضان. شوال - 00:33:56

شوال شهر البطولات. شوال شهر التضحيات. شوال شهر الثبات. غزوة الخندق. غزوة الاحزاب كانت في شوال. عشرين يوم بيحفروا في الخندق بعد كده تلاتين يوم ما حدش منهم يأمن انه يروح يقضي حاجته. بينهم وبين المشركين بينهم وبين عشر تلاف مشرك. اشد حصار على المدينة اربعة متر - 00:34:11

لو اي مشرك رب سهم هيجيبه في مسلم تخيلوا يا جماعة الجو ده وسبت المؤمنين في شوال. بعد رمضان شوال شهر تعظيم حرمات الله غزوة بني قينقاع. اللي واحد يهودي حاول يراود مسلمة عن كشفها. واقام رسول الله صلى الله عليه وسلم غزوة من اجل هذا الموقف شهر - 00:34:31

تعظيم الحرمات. الامة خارجة من رمضان. الايمان في قلوبها مشتعل. فتوحات ربنا اعظم ما تكون. النصر اعظم ما يكون. عشان كده شوال هو اللي بيعرفك ايه هو رمضان؟ اخيرا ماذا قبل رمضان؟ - 00:34:51

ماذا قبل رمضان عايزين نعرف بقى يا جماعة الوقتي الكلام العملي بقى عايزين نتكلم الوقتي في البرنامج العملي عايزين نتكلم دلوقتي هنعمل ايه قبل رمضان؟ مسلا بقى اربعين يوم على رمضان. باقي خمسين يوم على رمضان. باقي تلاتين يوم على رمضان. عايزين نتكلم يا جماعة هنعمل ايه؟ ده ربنا قال - 00:35:06

على رمضان اياما معدودات اياما معدودات يا جماعة زي المباراة تسعين دقيقة يقول لك دقائق معدودات. لما ييجي الحكم يحسب الوقت الضايع يحسبه بالسانية. بالسانية. رمضان ده المفروض دقائق رمضان غالية. فما بالك بايامه! ما بالك بلياليه! كل ليلة راحت منك في رمضان! يعني درجات في الجنة راحت - 00:35:23

يعني فرص للمغفرة والعتق من النار راحت. يعني فرص للرحمة والترقي في في الدرجات راحت. يعني رمضان ده فرص لا تعوض ربنا قال وعلى كل ضامر يأتينا من كل فج عميق. لما ارادوا ان هم يسافروا من اماكن بعيدة للكعبة. جوعوا الخيل ودمروها. عشان يقدروا يمشوا بها مسافات - 00:35:43

لما تكون هتمشي مسافة طويلة لازم تستعد رمضان تلاتين يوم متواصل لازم نستعد يا جماعة. لازم نستعد. ربنا بيقول ولتكبروا الله على ما هداكم. رغم الاربع تلاف حلقة بتوع المسلسلات فيه ناس مش هتبص ورا بصة. رغم المصايف المفتوحة على مصراعيها في رمضان. في ناس هتختار ربنا سبحانه وتعالى. رغم المعركة اللي بين الحق والباطل - 00:36:06

فيه ناس هتصلي وهتبكي وهتعبد ربنا في رمضان. عشان كده يا جماعة هو القضية قضية ايه؟ لما لما الكمبيوتر يبقى ما عندوش تعريف مسلا لحاجة جهاز من الاجهزة اللي انت بتستخدمها معه. بتنزل له ويندوز وتعريفات جديدة. احنا عايزين ننزل ويندوز على - 00:36:29

عايزين ننزل تعريف عن رمضان للامة. الوقت الواحد بيروح الكعبة يلاقي ناس واخدة فرصة العمرة دي فرصة العمر. هيموت عشان العمرة دي تغيره. وتلاقي في ناس تانية فاكرة نفسها رايحة حديقة عامة. رايحة تشم هوا جنب الكعبة. قاعد فاكر نفسه رايح سياحة دينية شوبينج في المولات بتاعة الحرم - 00:36:46

اللي زيي ده لما هتقول له استعداد استعداد ايه! هو مش عارف يعني ايه عمرة اصلا هو مش قادر يتخيل معنى كلمة عمر اكتر من السبع تشواط اللي في الاول وخلاص. اهو بالزبط كده اللي مش عارف يعني ايه رمضان هقول له استعد يستعد ليه؟ انت بتكلمني من - 00:37:07

في رمضان ليه؟ هو مش قادر يتخيل رمضان ده ايه؟ مش قادر يتخيل خطورة رمضان ايه؟ مشكلتنا ان احنا اتزرع فينا من واحنا صغيرين عن رمضان اهو جه يا ولاد - 00:37:21

رمضان بقى ويقعدوا يجيبوا بقى ايه آآ الحاجات اللي هتيجي في رمضان مسلسلات والافلام اتزرع من من واحنا صغيرين غصب عننا بقى في ان رمضان ده كده جو البهجة دي. مش واخدين بالنا ان رمضان ده شهر حصاد رهيب - 00:37:34

حصاد شهر شغل شهر انطلاق الى الله سبحانه وتعالى. عشان كده يا جماعة ولو ارادوا رمضان لاعدوا له عدة عاملين برنامج لرمضان. وعملنا ورقة لرمضان باذن الله سبحانه وتعالى. عملنا ورقة مش عن رمضان لا لا لا - 00:37:50

ركزوا معي. عملنا ورقة عن قبل رمضان. عن الفترة اللي قبل رمضان. عن الفترة اللي باقية الوقتي من رجب وشعبان. عملنا ورقة اسمها معسكرات ما قبل رمضان. طب ليه معسكرات؟ عشان تعرف انها زي الكرة للاسف الشديد. لازم استعداد. ولازم الاستعداد من بدري ولازم - 00:38:06

استعداد الاستعداد بتاع اللعيبة والمعسكرات مش معناها ان اللعيب بينزل ساعة يسخن ويروح بيته. ده بياخدوا اللعيبة يسفروه لبلد تانية ودولة تانية. عشان ما يشوفوش حد ولا حد ويقعدوا يتدربوا ليل نهار. اهو ده يا جماعة اللي لازم يحصل الوقتي معسكرات ما قبل رمضان. ماذا قبل رمضان؟ ولو ارادوا رمضان لا - 00:38:26

له عدة عدة يا جماعة فيها قراءة تانية لاعدوا له عدة طب ايه الفرق بين عدة وعدة؟ عدة يعني انا ما ينفعش ادخل معركة بمطوة لازم سيف. المعركة يستخدم بها سيف او ار بي جي مش هدخل بمسدس - 00:38:46

الصوت بالزبط كده انت داخل رمضان. رمضان ده له استعداد كيفي عالي جدا لازم تجهز قلبك. طب امال ايه ولو ارادوا الخروج لاعدوا له عدة ده قال لك يعني بالعدد بقى. يعني انت مسافر سفر ميت يوم ما تاخدش خمس ارغفة عيش. لازم تاخد على قد العدد. انت داخل تلاتين امتحان. محتاج تزاكر - 00:39:01

بتجهز قد ايه ؟ محتاج قد ايه يا جماعة كل حاجة لها استعداد غير التانية. حسب خطورتها وحسب اهميتها. وحسب سمارتها في حياتك. رمضان محتاج استعداد قد ايه يا اللي عايزين الفردوس الاعلى؟ رمضان محتاج استعداد قد ايه؟ اللي عايزين جنة الريان. رمضان محتاج استعداد قد ايه يا اللي عايزين تفوزوا برمضان - 00:39:22

رمضان محتاج استعداد قد ايه اللي عايزين تفتح لكم ابواب الجنة التمانية. رمضان محتاج استعداد قد ايه يا اللي عايزين تخرجوا منه كيوم ولدتكم امهاتكم. رمضان استعداد قد ايه يا امة محمد؟ رمضان محتاج استعداد زي اي ماتش كورة زي كاس العالم رمضان محتاج استعداد قد ايه زي اي امتحان نعامله - 00:39:42

من عمل الدنيا ونستعد له. البرنامج اللي هاقوله لكم الوقت ده كل واحد منه يجيب منه على قد ما يقدر طب انت بتقوله بدري ليه ؟ مش بدري ولا حاجة. يا جماعة ده يا دوبك. لان احنا دلوقتي لما هنيجي نطبق اللي احنا عايزين نطبقه في رمضان - 00:40:02

كل حاجة فيها مشاكل القيام فيه مشاكل والصيام فيه مشاكل. فاحنا الوقتي بناخد المشاكل كلها عشان ندخل رمضان متعودين. ندخل رمضان نحصد السواب حصد نرفع في الدرجات رفع بازن الله. نبكي من اول ليلة نعتق من اول ليلة. نفوز من اول ساعة. عشان كده كل اللي انت عايز - 00:40:17

تحصدوا في رمضان لازم تزرعوا في رجب وشعبان. الورقة دي يا اخوان ان شاء الله بازن الله هتلاقوها على موقع الله موقع الطريق الى الله على جوجل بس بالعربي حتى الطريق الى الله هتلاقوا الموقع جا لكم على طول. هتلاقوا الورقة بازن الله بالتصميم بتاعها محطوطة على الموقع وان شاء الله هتترجم انجليزي - 00:40:37

فرنساوي والماني واسباني وايطالي بازن الله سبحانه وتعالى لغات كتير. بحيس ان اللي اللي بيسمعنا من اي دولة في العالم اوله صديق في اي دولة في العالم التصميم ده ويبعته لصديقه عشان ينشره على المسلمين والمسلمين يقوموا من دلوقتي. ويبقى فعلا رمضان ده طعنة في قلب ابليس - 00:40:57

ويبقى فعلا رمضان ده طعنة في عنق اهل الباطل. التصميم بتاع الورقة ان شاء الله هتلاقوه على الموقع بازن الله بعد الحلقة. تدخلوا تدخلوا تسحبوه وبازن الله سبحانه وتعالى بقى تصوروه وتطبعوه وتنشروه وكله يستعد ان شاء الله. ايه هي المعسكرات دي - 00:41:17

اول معسكر معسكر الصيام الصيام ده الصيام ده هو رمضان اصلا. يعني الجنة اللي عرضها السماوات والارض دي تمنها للصيام الريان. رغم ان الصيام ده عمل من في الاعمال الصالحة في الاسلام - 00:41:35

عليك لو زي ما الرسول عليه الصلاة والسلام قال لابي امامة عليك بالصوم فانه ايه؟ لا عدل له. لا عدل له يعني ما لوش عدل في النجاة من النار يوم القيامة. لا - 00:41:48

له في النجاة من عذاب القبر. لا عدل له في تطهير القلب من الشهوات. لا عدل له في القرب من الله. لا عدل له في النجاة من السقوط من على الصراط. لا عدل - 00:42:00

خوف ثقل الاعمال الصالحة على الميزان. في رواية تانية عليك بالصوم فانه يا رسول الله مرني بعمل. قال له عليك بالصوم فانه لا عدل له. قال له يا رسول الله مرني بعمل طب كمان حاجة قال له عليك بالصوم فانه لا عدل له. قال له يا رسول الله مرني بعمل عايز حاجة كمان. قال له عليك بالصوم فانه لا - 00:42:10

انت بتتكلم في ايه؟ الصيام يا جماعة ليه؟ نهار رمضان دايما بيضيع بسبب الصيام مش قادرين دايخين. مش عارفين نقرا قرآن. وليل رمضان بيضاع بسبب الفطار تقلانين دايخين بعد الفطار. يبقى اتعود دلوقتي عود فسيولوجية جسمك دلوقتي على الصيام والفطار عشان يبقى الموضوع سهل. يبقى - 00:42:30

اول معسكر معسكر الصيام نبدأ نصوم ان شاء الله بازن الله. نصوم على قد ما نقدر بقى هو شعبان اهوت. شعبان اهوت خلاص بينا وبينه ايام. نصوم شعبان كله. نصوم يا جماعة الايام الجاية على قد ما نقدر يا اخواني - 00:42:50

طيب المعسكر التاني معسكر الجهاد مش لعبة. معسكر القيام قال تعالى ومن الليل فتهجد به على وزن تفاعل تكلف. يعني هات اخرك اضغط على نفسك اضغط الوجود اللي هو النوم. مضى عهد النوم. كفاية نوم بقى. قوموا وكفاية نوم بقى قوموا. ابواب الجنة التمانية هتتفتح. قوموا. قوموا اتعودوا - 00:43:02

الصيام من الوقت قال تعالى يا ايها المزمل قم الليل الا قليلا السيدة عائشة بتقول الصحابة لما الاية دي نزلت زلوا يقوموا الليل سنة لغاية ما رجليهم بقت عاملة زي سوق النخيل. تخيل واحد رجليه بقت عاملة زي - 00:43:27

نخلة من التورم. يا جماعة القيام. اتعودوا من دلوقتي على طول الصلاة بقى. اتعودوا زي ما ربنا بيقول للنبي عليه الصلاة والسلام في اول سورة النمل. وانك لتلقى القرآن انا من لدن حكيم عليم. تلقى التلقي ده قمة الشوق. قمة اللهفة. انا عايزك تتلهفي على رمضان. شوفوا اللي رايح مصيف. يقول لك انا طول السنة - 00:43:43

في امتحانات ودراسة وعيال وشغل وطحن شهر بقى استريح اهو بالزبط كده انا عايزك تتلهفي على رمضان انا عايزك تتلهي انا طول السنة شهوات وفتن ومعاصي وذنوب وغفلة. اخيرا بقى رمضان يا جماعة عارفين دهب ياقوت مرجان احمدك يا رب - 00:44:03

مين يا جماعة اللي يقول رحمة مغفرة. عتق من النار احمدك يا رب احنا عايزين ايه اكتر من كده ؟ كل احلام المؤمن اتجمعت في شهر واحد كل احلام المؤمن اتجمعت في قطار واحد هييجي يعدي من علينا وعايزين نفوز به ونركب في هذا القطار يا اخواني - 00:44:23

المعسكر الاولاني معسكر الصيام. المعسكر التاني بازن الله معسكر القيام. اتعودوا بقى على القيام. يا عم ما اناش قادر. انا راجل مشغول. انا تعبان. انا مطحون دنيا خلاص على ركعتين في الليل. اتعودي على نص ساعة. ليه؟ عشان لما ييجي رمضان يبقى فيه اساس تعلي عليه - 00:44:41

انما اما ييجي رمضان هتعلي على هوا هوا مفيش قيام اصلا وهنعلي على هوا يبقى المعسكر التاني معسكر القيام المعسكر التالت في ورقة معسكرات ما قبل رمضان في ورقة ولو ارادوا رمضان لا يعدوا له عدة. المعسكر التالت معسكر التوبة والاستغفار. هي التوبة والاستغفار عايزة معسكر دلوقتي معسكر - 00:44:58

يا اخي في الله رمضان ده فتح خاف احسن تحرم منه بذنوبك يا بنتي رمضان ده ولاية من الله. خاف احسن تحرمي منها بذنوبك. اقرأ اخر سورة البقرة. واعف عنا - 00:45:17

واغفر لنا وارحمنا. اعف عن زنوبنا يا رب. اغفر ذنوبنا يا رب. ارحمنا من معاصينا يا رب. ها بعد كده انت مولانا ينطق ما نقدرش ننطق ونقول انت مولانا قبل ما نقول اعف عنا واغفر لنا وارحمنا - 00:45:31

قبل ما الزنوب كلها تروح لان الزنوب دي حاجبة عننا ولاية الله. هيتولاك ازاي في رمضان وانت بالقلب ده؟ هتدخل ازاي في رمضان وانت صحيفتك فيها كل الذنوب دي هتدخل ازاي في رمضان وانت قلبك مليان كل الامراض دي. يا جماعة لازم الكلام ده يطهر عشان يفتح علينا. في رمضان - 00:45:47

لازم نتخلص من الاورام الخبيسة قبل رمضان. لازم نتخلص من المعاصي الخبيسة قبل رمضان. اما نسيبها من الوقت رمضان هيبقى ضربة قاضية على المعاصي اللي اللي ماسكة في حياتنا على الشهوات اللي في قلوبنا عشان يبقى رمضان ضربة قاضية لازم التوبة والاستغفار قبله. ولا انسى ابدا يعني رؤية رأيتها زمان - 00:46:06

ايام الكلية رأيتها قبل رمضان بيوم يومين يعني لا ازكر قد ايه بالزبط قبل رمضان. قبل رمضان على طول. حلمت ان انا ساجد سجدت في مسجد قام واحد ساجد جنبي وقرأ سيد الاستغفار - 00:46:26

فلما استيقزت يعني ايه ظنيت والله اعلم تأويلا للرؤيا ان كأن يعني ربنا بيوجهني ان رمضان ده فتح كبير قوي عايز تفوز به استغفر على قد ما تقدر قابله تب على قد ما تقدر قابله عشان تفوز بالفتح ده. ان شاء الله. نستغفر ربنا يغفر لنا ويتوب علينا يا رب. المعسكر الرابع معسكر الدعاء يعني ايه - 00:46:39

اصل رمضان ده فتح بقى مش بالدراع. يعني كلمة يا رب يا جماعة. يعني انا عايزك يبقى لك لازمة لازمة مش لك لازمة في الحياة. لأ انت لك لازمة على لسانك تلزمها - 00:47:00

وانت داخل بيتك خارجة من بيتك هتركب مواصلة اللهم بلغنا رمضان واجعلنا فيه من الفائزين او اي دعاء اللهم افتح علينا في رمضان. لعل توافق ساعة اجابة تفوز فوز عظيم. عظيم من الله سبحانه وتعالى. الله - 00:47:10

اللهم بلغنا رمضان واجعلنا فيه من الفائزين يا رب العالمين. اللهم امين المعسكر اللي بعد كده معسكر التشويق الى رمضان. معسكر المشتاقين الى رمضان معسكر اهل الشوق يعني ايه ؟ شوق نفسك بقى. هيج اشواق قلبك لرمضان ازاي ؟ - 00:47:27

ابدأ هات الكتب اللي على رمضان واقراها من دلوقتي. هات كتاب المشتاقون الى رمضان للشيخ محمد يعقوب. واقراه. هات كتاب من الطارق انا رمضان للشيخ خالد ابو شادي. الدكتور خالد ابو شادي - 00:47:46

واقري الكلام ده هيلهب القلوب له التهابا. هات من دلوقتي شرايط الاستعداد عن رمضان. احنا عاملين حملة ولو اعدوا ولو ارادوا رمضان لاعدوا له على موقع وايتو الله الطريق الى الله ان شاء الله. هتلاقي يعني الشرايط دي موجودة هات بقى واسمع شوق نفسك. هتلاقي قلبك هيلتهب من كل - 00:47:56

الشوق لرمضان. لما تعرف رمضان قد ايه فرصة عمرك. وقد ايه هو اعظم صفقة في حياتك. المعسكر اللي بعد كده معسكر الصيام معسكر القيام معسكر التوبة والاستغفار معسكر الدعاء ها معسكر المشتاقين الى رمضان او معسكر الشكر الى رمضان. معسكر التفسير - 00:48:16

يعني ايه معسكر التفسير؟ انت تعرف انك لو بدأت من الوقتي تجيب تفسير زي الساعة دي. او التفسير الميسر او مختصر ابن الكسير بتاع الشيخ مصطفى العدوي. يعني الربع في حوالي تلات اربع ورقات او صفحات - 00:48:34

ربع واحد قرآن تقرا تفسيره كل يوم وتصلي به قيام الليل قبل رمضان هتكون مخلص خمس اجزاء من كتاب الله. فهموهم ان شاء الله. طب لو قرأت كل يوم ربعين؟ قبل رمضان عشر اجزاء ان شاء الله. طب - 00:48:47

لو كل يوم حزب قبل رمضان عشرين جزء ان شاء الله. يا جماعة مش المهم نخلص تفسير القرآن. المهم ان احنا نعيش هتدخل رمضان بقلب تاني. عمرك ما ظنيت ان دا قلبك - 00:49:00

ابدا بالزات لو ربع القرآن ده بقى صليت به في قيام الليل بس اعملها مع خمس ايات. اسمعوا النصيحة يا جماعة. في تجارب عمر يا اخواني. دي تجارب عمر والله - 00:49:10

الكلام اللي بنقوله ده مش كلام كده ده كلام! ده تجارب حياة. تجارب لما الواحد شاف ثمارها الرهيبة اراد ان هو باذن الله سبحانه وتعالى يبقى يخل كل لمين ؟ معسكر التفسير المعسكر اللي بعد كده معسكر الصلاة - 00:49:20

ازا صلحت صلح العمل كله. عايز حاجة واحدة لو صلحتها قبل رمضان. رمضان يتصلح الصلاة الصلاة عارفين كده في دورة تلاتة وعشرين حلقة للشيخ مشاريخ الراز. الحلقة ربع ساعة. كل حلقة بيصلح حاجة معينة في الصلاة. هنجيبها بازن الله - 00:49:35

يعني حطيناه على على الموقع بازن الله سبحانه وتعالى دورة اسرار الصلاة ومعاني الصلاة ابدأ من النهاردة بقى صلح صلاتك. لما عشر تيام الايام دي في خشوع في صلاتك احسن ما العشر تيام دول يروحوا في رمضان خسارة رمضان. دقائق رمضان غالية فما بالك بايام ومن الوقتي صلح الصلاة بتاعتك عشان يدخل رمضان - 00:49:51

انت صلاتك صالحة يصلح كل حاجة في حياتك. المعسكر اللي بعد كده معسكر اصلاح القلوب بقى لازم تدخل رمضان بقلب وقف لله تعالى لربنا وبس جهز قلبك من الوقت بقى. ابدأ هات كتاب من كتب اصلاح القلوب. زي كتاب مسلا اصول الوصول الى الله للشيخ يعقوب. فيه كتب تانية اصغر واكبر فيه كلام. شرايط كتير عن اصلاح القلوب - 00:50:15

ابدأ بقى جهز قلبك. ابدأ من الوقت ازهد في الاكل والشرب. ابدأ من الوقت بقى جهز قلبك لرمضان. اني لاجد ريح رمضان. عايزين بقى نشتاق يا جماعة عايزين بقى يطلع ناس مشتاقة للتراويح مشتاقة للتهجد. مشتاقة لجلسات الضحى مشتاقة للصيام. مشتاقة للقعدة من العصر للمغرب والدعاء - 00:50:37

والقرآن في المسجد قبل الفطار. مشتاق لتوزيع التمر في الشوارع والمواقف. مشتاق لتوزيع الفطار على الطرق السريعة. مشتاق لرمضان عايزين الاشواق تزيد بقى. معسكر القلوب. معسكر القلوب. المعسكر آآ آآ المعسكرات دي يا جماعة. لما نبدأ نعملها دلوقتي بقى في شعبان وفي الايام الباقية - 00:50:57

الرسول عليه الصلاة والسلام قال على شعبان ذلك شهر يغفل عنه الناس يعني ايه اشمعنى قيام الليل اللي ربنا بيتنزل فيه؟ في التلت الاخير. ويقول هل من سائل؟ هل من تائب؟ هل من مستشف؟ ليه؟ لان الكل نايم - 00:51:17

فاللي يقوم في الوقت ده بقى ما حصلش اشمعنى الرسول عليه الصلاة والسلام قال ثلاثة يحبهم الله منهم رجل كان في سرية دخلوا يحاربوا الكفار الكفار هزموا المسلمين اللي جري هو تقدم بصدره حتى يفتح له او يقتل - 00:51:31

معنى ده لان والكل بيجي همه نفسه هو همه ربه والكل مشغول بنفسه هو مشغول بدينه. والكل بيتراجع هو بيتقدم. والكل بينزل هو بيصعد وبيطلع. انك انت لو الكل غافل في الايام دي تقوم وتستعد وتجهز. استعداد حقيقي. شغل حقيقي. معسكر حقيقي. ذلك شهر يغفل عنه - 00:51:48

الناس اخيرا اخواني في الله الورقة دي باذن الله سبحانه وتعالى. الورقة ديت سميناها ولو ارادوا رمضان لاعدوا له عدة. سميناها معسكرات ما قبل رمضان. سميناه يعني بدأنا فيها بالمية وتمانية مسلسل - 00:52:12

بتوع رمضان وهنعمل ايه ؟ وهنعمل ايه في المسلسلات ديت ؟ الورقة دي موجودة على موقع الطريق الى الله. الورقة دي لازم يا اخواني بازن الله سبحانه وتعالى نكون ايجابيين. انشر - 00:52:25

يا جماعة انجح درس في الدنيا بيسمعه مليون؟ لسة مليار وتلتمية تسعة وتسعين مليون مسلم ما يعرفوش عنه حاجة. انشروا الحق يا جماعة. هاتوا ورقة زي دي انا قلت الدرس. انشر انت بقى هات الورقة داهيت. الورقة دي مش مكتوب عليها اسم حد طبعا يعني. ده حاجة لله. الورقة دي هاتها واسحبها من على الموقع بالتصميم بتاعها اطبحها - 00:52:35

وانشرها ووزعها. اتبعيها وانشريها ووزعيها الموضوع في غاية البساطة. صورها. لو ما انتاش عارف تتبعها. صورها ووزعها واديها للناس يا جماعة عايزين ننشر الخير. عايزين الخير يعم في امة محمد. بتترجم بازن الله سبحانه وتعالى. وهينزل الترجمة. يعني ممكن تكون يا نزلت يا اما - 00:52:55

في خلال ان شاء الله بازن الله يوم يومين بلغات مختلفة من لغات العالم ننشرها يا جماعة. ننشر الخير. ناخد سواب يا جماعة. ننشر الدين نقوم ايجابيين بقى. نقوم نبقى ايجابيين. انا لسة قايل لكم الحلقة اللي فاتت. ان الارض المقدسة فتحت على ايد يوشع مش على ايد موسى - 00:53:15

رغم ان موسى قائد اعظم من يوشع. بس يوشع كان معه جيش رجالة. انما موسى عليه الصلاة والسلام كان الجيش بتاعه بيقول له انا ها هنا قاعدون يبقى لما الدعاء يدعو الناس والناس يقولوا ان ها هنا قاعدون كلمونا نفتح الدش وبس مش اكتر. يبقى ساعتها الدين مش هينتشر والدين مش هينتصر. لازم يبقى - 00:53:33

ناس رجالة. عشان ان شاء الله نفتح العالم كله. اخيرا يا جماعة عايزين نتوتر بقى قبل رمضان شوية. زي ما الناس بتتوتر قبل الامتحانات وقبل وقبل البطولات عايزين نتوتر بقى. قوموا - 00:53:53

قوموا الى جنة عرضها السماوات والارض قوموا الى ابواب الجنة التمانية اللي هتتفتح بعد اسابيع. قوموا يا جماعة قوموا يلا يا جماعة. قوموا انشروا الخير. قوموا طبقوا. قوموا طبقوا المعسكرات - 00:54:06

قوموا يا اخواني باذن الله سبحانه وتعالى. قوموا الى الصيام والقيام. اللي هم اخطر كلمتين في الاستعداد كله باذن الله سبحانه وتعالى. يعني احنا كده بازن الله يعني هزا الدرس انا يعني بعتبره مش درس والله يا اخواني. هزا الدرس انا بعتبره كفاح - 00:54:20

والله باعتبره جهاد لان رمضان ده الشهر اللي انت لو اتغيرت فيه خلاص كل حاجة اتغيرت رمضان ده الشهر اللي انت لو عشتيه صح كل حاجة اتغيرت عشان كده يللا اشهدوا عزمكم. وياللا قوموا بقى ويلا ما فيش نوم لحد رمضان بازن الله سبحانه وتعالى. يعني يا دوبك قبل رمضان بيوم ولا يومين نريح كده شوية - 00:54:37

نعبد ربنا ايه بهدوء كده عشان بقى ايه ندخل في رمضان ان شاء الله ننطلق نحصد الثواب حظ بازن الله. اللهم بلغنا رمضان اللهم بلغنا رمضان. اللهم اجعلنا فيه من الفائزين. اللهم بلغنا ليلة القدر. واجعلنا فيها من الفائزين. اللهم يا ربنا افض - 00:54:54

من رحمتك وبركاتك وفضلك في رمضان. اللهم اجعله شهر فتح على امة حبيبك. على شبابها وفتياتها ورجالها ونساءها واطفالها. اللهم اجعل شهر رمضان هذا شهر فتح على الامة. اللهم اجعله شهر توبة للامة كلها. اللهم اجعله شهر هداية - 00:55:14

للامة كلها. اللهم اغثنا من الفتن ما ظهر منها وما بطن. اللهم انا نشتاق الى رمضان والى فضلك في رمضان. والى هداي والى هدايتك في رمضان. اللهم فاغثنا برمضان. اللهم فاغث الامة برمضان. اللهم اجعل الامة كلها في رمضان من - 00:55:34

الفائزين واجعلوا شهر فتح على المجاهدين في كل مكان برحمتك يا ارحم الراحمين اقول قولي هذا واستغفر الله لي ولكم. سبحانك اللهم وبحمدك اشهد ان لا اله الا انت استغفرك واتوب اليك وجزاكم الله خير - 00:55:54

- 00:56:15