Baheth

السلام عليكم ورحمة الله وبركاته اخواني واحبابي احبابي في الله تخيلوا يا جماعة كده لو واحد غني ملط مليونير او ملط بلياردير وعايز يجوز ابنه. قدامه كم حل عشان يجوز ابنه قدامه مئات الحلول - 00:00:00ضَ

ممكن يبيع حتة ارض ويجوز ابنه. ممكن يسحب رصيد من البنك ويجوز ابنه. ممكن ياخد من الخزنة بتاعة الشركة بتاعته ويجوز ابنه. ممكن يبيع اي حاجة عنده في المخازن بتاعة شركاته يجوز ابنه. عنده ميت حل عشان يجوز ابنه. تخيل دي حلول مخلوق لمخلوق. اومال الحلول الربانية - 00:00:50ضَ

ربنا يحل لك مشكلتك. امال ربنا يملك كم حل عشان يشفي المرض اللي عندك. امال ربنا يملك كم حل عشان يغنيك من الفقر اللي انت فيه؟ امال ربنا يملك كم حل عشان يأدي عنك دينك؟ امال ربنا يملك كم حل عشان يحل المشكلة؟ اللي شاغلاك في حياتك ومعزبة نفسيتك؟ امال ربنا يملك كم حل - 00:01:10ضَ

عشان يسعد لك قلبك. ويسعد لك نفسيتك. الحلول الربانية لزيادة الرزق. قضية الرزق يا جماعة. هنقف النهاردة من اول هذه الحلقة بازن الله سبحانه وتعالى مع مفاتيح الرزق مع الحلول الربانية لزيادة الرزق لزيادة الدخل. ما تقولش هو قضية زيادة الدخل وزيادة الرزق دي قضية دينية - 00:01:30ضَ

قضية زيادة الرزق الكل نفسه فيها. مش بس لاهل الدنيا المؤمن نفسه فيها زي ما العاصي نفسه فيها. عشان كده رسول الله صلى الله عليه وسلم كان بيدعو ربنا بالرزق كان بيقول اللهم اني اسألك علما نافعا ورزقا طيبا. اللهم انا نسألك رزقا طيبا. بل النبي عليه الصلاة والسلام - 00:01:50ضَ

كان بيستعيز بالله من الفقر وكان بيقول واعوذ بك من الكفر والفقر وقرن الفقر بالكفر والعياذ بالله نعوذ بالله منهما النبي عليه الصلاة والسلام كان بيطلب من ربنا الرزق الرزق ده الفلوس الرزق ده زيادة الدخل الرزق ده الرزق ده الرزق ده له انواع كتير اوي يا جماعة ولكن من اهمها الرزق - 00:02:10ضَ

الرزق المادي رزق مستوى الدخل. ناس كتير قوي دلوقتي عشان تجيب فلوس الناس هتتجنن عشان الفلوس. قضية الفلوس وقضية الرزق اكتر قضية اكتئاب نفسي عند الناس. اكتر قضية بتخلي الناس تنتحر. علماء الطب النفسي قالوا انك لو حطيت فلوس في ايد واحد مقفول وحزين نفسيته بتتحسن ونسبة - 00:02:30ضَ

والدوبامين وهرمونات السعادة جوة دمه بتزيد. مجرد ان هو مسك فلوس سبحان الله! واحد سيروتينين بتاعه والدوبامين بيفرزه لما يقرا قرآن وواحد السيرتونين بتاعه والدوبامين بيفرزه لما يمسك فلوس في ايديه او ينزر لواحدة متبرجة او يتفرج على كليب عاري او يتفرج على - 00:02:50ضَ

يعني حاجة كلها منكرات ومع سبحان الله اه كل واحد بقى ربنا شرح صدره لشيء هو ده اللي بيسبب الفرحة والسرور. في قلبه ففي ناس كتير دلوقتي عايزة الفلوس باي طريقة. طب واجيب فلوس ازاي ؟ واحد يقول لك ابقى تيك توكر او واحدة تطلع بقى ترقص باي لبس قدام الشباب على التيك توك عشان - 00:03:10ضَ

فلوس واحد يقول لك لأ انا ابقى يوتيوبر حتى لو طلعت زوجتي في حمام سباحة وفي اي مادة اسفاف وفي اي كلام معصية او اسفاف عشان الناس والشباب يتفرجوا علي ويجيب فلوس. واحد تاني يقول لك طب ما اشتغل بلطجي بقى واشد الشنط بتاعة البنات وهي ماشية في الشارع. واحد رابع يقول لك طب ما ممكن ابقى - 00:03:30ضَ

فن مهرجانات واحد خامس. ويقول لك واحدة تقول طب ما انا ممكن اشارك في كليب عاري واخد الوف مؤلفة. في يوم ولا في يومين معدودين. في ناس كتير بتفكر في المال - 00:03:50ضَ

حلال او حرام المهم عايزين فلوس. طيب الناس بقى اللي عايزة فلوس من الحلال هل ربنا اداها مفاتيح الرزق يا اخوانا لو اب ادى لابنه سلسلة مفاتيح قال له ده مفتاح خزنة وده مفتاح الفلوس اللي لي في المكان الفلاني وده مفتاح الشركة. وانه مفتاح العربية وده مفتاح الجراج وده. فالابن جه لابوه بعد كده بيقول له انا مكتئب انا تائب - 00:04:00ضَ

انا ما عييش فلوس. الاب هيقول له يا ابني حرام عليك ده انا مديك سلسلة المفاتيح بايديك. هو ده ولله المثل الاعلى اللي ربنا عمله معنا يا شباب. ربنا ادانا سلسلة - 00:04:20ضَ

مفاتيح الرزق في ايدينا. ربنا ادانا اسباب لزيادة الرزق. يبقى انت لما دخلك يبقى محدود لما تبقى مخنوق. لما تبقى في ازمة وما انتاش عارف تخرج منها وربنا مديك سلسلة المفاتيح يبقى اللوم على مين ؟ يبقى المشكلة عند مين ؟ يبقى الازمة فين ؟ عايزين نفهم السلسلة اللي هنبدأها النهاردة بازن الله سبحانه وتعالى - 00:04:30ضَ

تتعلق بقضية من اخطر قضايا البشر على وجه الارض. قضية ازاي ازود رزقي؟ ازاي ازود دخلي؟ ازاي يبقى عندي فلوس ازاي ازاي موديل عربيتي يزيد اوي يبقى عندي عربية اصلا من الاساس. ازاي بدل ما انا جعان وبدل ما انا بتمنى ان انا انام بس متعشي. ازاي يبقى ابقى - 00:04:50ضَ

معي فلوس احس ان انا عندي نفس في الدنيا احس ان انا عارف اتحرك. هل ربنا سبحانه وتعالى اعطانا اسباب؟ ايوة ربنا ادانا مفاتيح للرزق وهو اللي احنا هنتكلم عنه بازن الله من اول حلقة النهارده يا شباب بازن الله سبحانه وتعالى والكل محتاج الارزاق بجميع انواع الارزاق. الحل مش جري - 00:05:10ضَ

الوحوش ربنا من ضمن ابواب الرزق قال فامشوا في مناكبها وكلوا من رزقه امشي. امشي ده لما تكون ما انتاش خايف ان اللي انت رايح له يروح منك او حد يخطفه - 00:05:30ضَ

منك ولكن يقين الناس كلها على الباب ده وحده. الناس مش مصدقة باقي الابواب. الناس مش مصدقة عشرات الابواب التانية اللي بتوصل للرزق بل بتوصل لاوسع الرزق كمان. فكل الناس يقينها على الباب بتاعك. فامشوا في مناكبها. فكل الناس متكربشة على الباب ده. فكل الناس متزاحمة ومزدحمة على - 00:05:41ضَ

فالباب ده الدخول منه بطلوع الروح فيقول لك انا بجيب الجنيه بطلوع الروح. طب لو صدقنا ربنا ودخلنا من الابواب التانية كمان. بدون ما نسيب باب السعي لو صدقنا ربنا ودخلنا من كل الابواب يا ترى هيحصل تغيير هيحصل تغيير جبار. تغيير جبار في حياتنا وفي جميع انواع الارزاق في حياتنا. هذا يقين - 00:06:02ضَ

يا اخوانا اللي انا باقوله لكم ده يقين بسبب هزه الابواب. ياما ناس اتحولت لملت مليونيرات. بسبب هزه الابواب ياما ناس ربنا فتح عليها بسبب هزه الابواب ياما ناس رزقت زرية وما كانتش بتخلف. ياما ناس رزقت اموال ياما ناس ادت ديونها وكانت هتتسجن ياما ناس - 00:06:22ضَ

فرجت كربتها. وربنا وسع عليها هزه ابواب يقينية مجرب ومضمون. كل اللي هقوله لكم في هزه السلسلة بازن الله مجرب وما ما انساش ابدا اول يوم اتخرجت فيه خلصت اخر امتحان من امتحانات الجراحة سنة ساتة عندنا بكالوريوس طب كانت باطنة وجراحة. الباطنة امتحناها وبعد - 00:06:42ضَ

كده قعدنا بقى مدة طويلة نمتحن في امتحانات الجراحة. اخر يوم خلصت فيه احساس غريب خارج من الكلية. لحقت صلاة الضهر في المسجد اللي جنب بيتنا. يعني يوم ما يتنساش يا - 00:07:02ضَ

يا جماعة سبحان الله انت خارج انا خلاص انا خلصت الكلية انا معي شهادتي. طب انا عايز اتجوز. طب اشتغل ايه ؟ طب اعمل ايه واحلامك وافكارك وافكار في شاب في الوقت ده انا عايز فلوس بقى عشان مستقبلي. اجيب فلوس منين؟ اعمل ايه؟ دخلت اصلي الضهر في الجامع - 00:07:12ضَ

خرجت من الصلاة فكان معي مبلغ بسيط في جيبي فلقيت اتنين بيشحتوا على باب الجامع منهم واحد متعاطف انا معه اوي يعني قلبي رق له وواقف بعيد كده وواحد تاني انا مش متعاطف معه خالص. يعني ايه ساعات تحس كده انه فلان ده بيمد ايده وخلاص يعني. وهو اللي واقف جنبي. فانا - 00:07:29ضَ

تجيبي مسلا مسلا جنيه وعشرة جنيه. فانا قمت مطلع الجنيه عشان اديه للقريب والموقف ده ما انساهوش ابدا يا جماعة سبحان الله! و جا لي في لحزة حسيت انها اية من ربنا - 00:07:49ضَ

والعشرة جنيه بقى التانية اللي في جيبي دي عشان اديها للي انا بحبه اللي هو بعيد عني. انا بطلع الجنيه عشان اديه للي انا مش متعاطف معه. اللي بعيد حس ان انا هادي فلوس للقريب - 00:07:59ضَ

قام جاي جري عشان يخطف هو الصدقة والتاني ما ياخدهاش. قام جاي خاطف الايه الجنيه. مين اللي خد العشرة جنيه التاني؟ اللي انا ما كنتش عايز ازا دي قلت سبحان الله! هو الموضوع مش بجري الوحوش. الموضوع مش بالخطف - 00:08:09ضَ

الرزق انت بتتعرض لاسباب الرزق ولكن الموضوع مش بالخطف. عديت الموقف وطلعت بيتنا وانا طالع على سلم بيتنا. فكان بييجي آآ آآ يعني ناس بتشيل القمامة من قدام البيوت. فلقيت اتنين عمال قمامة واحد واقف في الدور اللي انا طالع فيه. وواحد بيني وبينه اكتر من كده ابعد عني. فاللي ابعد عني ده اللي انا - 00:08:23ضَ

متعاطف معه جدا. فبرضه نفس الموقف الجنيه والعشرة جنيه فقلت هاطلع الحاجة البسيطة للي جنبي على طول لاني يعني ايه ما حستش ان انا يعني ما حستش ان هو صعب علي - 00:08:43ضَ

وبكده ايا ما كان الاسباب يعني والتاني هو ده بقى اللي تعاطفت معه فقلت لأ ده ايه ده اللي هادي له المبلغ الاكبر. باطلع المبلغ الصغير اديه للقريب والله يا شباب - 00:08:53ضَ

الحركة اللي حصلت قدام الجامع حصلت في على السلم بتاع بيتنا. لقيت البعيد حس ان انا هادي صدقة للقريب. قام جاي يخطفها هو اخونا هو يبقى هو خد الصدقة قام واخد الجنيه. قام واخد الحاجة البسيطة والتاني هو اللي خد المبلغ اللي اكبر منه. قلت سبحان الله! لأ ده ربنا بيوصل لي رسالة - 00:09:03ضَ

في اول يوم بقى في حياتي العملية في اول يوم بقى معي شهادة ممكن اكسب منها فلوس. ربنا بيوصل لي رسالة الموضوع مش بالخطف الرزق مش بالخطف. الرزق مش ان الواحد يجري في صراع محموم. الرزق مش بجري الوحوش. الرزق مش ان الواحد يبقى يكاد يجن. اجيب منين واعمل - 00:09:23ضَ

ايه وخطط وفكر الموضوع يا جماعة السعي مطلوب. وباب من الابواب اللي ربنا فتحها من اجل الوصول للرزق. ومفتاح من ضمن مفاتيح سلسلة مفاتيح الرزق ومفاتيح رزق الله اللي احنا هنتكلم عنها في هزه السلسلة. وهنقف مع قضية السعي ولكن في فرق ما بين السعي وقلبك متوكل على الله وما بين جري - 00:09:41ضَ

الوحوش اللي في النهاية بيحطم النفسية وما بيوصلش لحاجة باحس وانا ببص للارض وللكرة الارضية ان الكرة الارضية دي معرض. معرض لقدرة الله. معرض يذهل كل من رآه بمن هو الله. سبحانه وتعالى - 00:10:01ضَ

كل المخلوقات هي معروضات في هزا المعرض. ربنا بيعرضها قدام المتفرجين. اللي هم المكلفين اللي هم البشر الانس والجن. عشان يعرفوا من هو الله اه وكل مخلوق بيؤدي دوره في انه يبهر اعين المتدبرين بقدرة الله بيتسحب بعدها يموت وييجي اللي بعده. ففي - 00:10:15ضَ

مخلوق بيجي سانية ويموت ومخلوق بييجي دقيقة ويموت ومخلوق بيجي شهر ويموت ومخلوق بيجي عشر سنين ويموت ومخلوق بيجي متين سنة ويموت وكل واحد بيأدي الدور بتاعه عشان في النهاية نبهر بقدرة الله ونبهر بقدرة الله على انه يرزقنا اللي يبص في الارض وفي الارض اياته - 00:10:35ضَ

للموقنين يصدق عشان كده بعد ما ربنا قال وفي الارض اية للموقنين قال وفي انفسكم افلا تبصرون وفي السماء رزقكم وما توعدون رب السماء والارض انه لحق. مثل ما انكم تنطقون. الاية دي وانا بامتحن امتحانات ماجستير امراض الكلى كانت بتفرم قلبي يا جماعة - 00:10:55ضَ

كانت بتقطع قلبي الاية دي وانا بامتحن في آآ في امتحانات بقى الباطنة والكلى والحاجات اللي زي دي. فكنت بزاكر يعني في حاجات طبية في الية النطق النطق ده من اصعب العمليات المعجزة اللي ربنا اداها للانسان. يعني حنجرة القرد واحباله الصوتية زي البني ادم بالزبط. ولكن القرد ما يقدرش ينطق - 00:11:15ضَ

لان القرد ما عندوش مراكز المخ المزهلة بتاعة النطق اللي ربنا اداها للانسان. فالنطق ده عملية صعبة جدا. وعملية معقدة جدا. نص جسمك بيشتغل مع مراكز المخ مع اللسان مع الاحبال الصوتية مع النفس والرئة مع عضلات الصدر مع الحجاب الحاجز مع عضلات سقف الحلق. كل ده - 00:11:36ضَ

ربنا بيقول فورب السماء والارض انه لحق. انا اقدر ارزقكم. انا اقدر ادي ديونكم. انا اقدر افرجها عليكم اسلم انكم تنطقون. النطق صعبة اوي. ومعجزة ولكن ربنا عليك. واحنا بنتكلم الوقتي حد حاسس بازمة وانت قاعدة بتتفرجي تقولي لمامتك كوباية شاي يا ماما حسيت انك تعبانة؟ انت مش حاسة بالمعجزات اللي حصلت في - 00:11:56ضَ

عشرين تلاتين مركز في دماغك عشان تقولي كوباية شاي يا ماما. مش حاسة بالمعجزات اللي حصلت في لسانك كل حرف من كوباية شاي يا ماما اتحرك لسانك تمنتاشر حركة فيها. فتخيلي الجملة دي حصل فيها ايه - 00:12:16ضَ

فربنا بيقول زي ما سهلت النطق وهو صعب انا اقدر اسهل رزقكم. مهما كان صعب مهما كانت القضية صعبة. الله قادر يا جماعة. الله قادر الله سبحانه وتعالى قادر انه يرزقنا ومفاتيح الرزق هنبدأ فيها مع بعض بقى من غير ما نطول في المقدمة ونبدأ مع اول مفتاح واعظم مفتاح من - 00:12:31ضَ

مفاتيح الرزق رقم واحد عدوا معي. انا هاكلمكم في السلسلة دي عن حوالي خمسة وعشرين مفتاح من مفاتيح الرزق بازن الله. مش مطلوب انك تجيب الخمسة وعشرين. نقي لك اربعة خمسة وركز فيهم بقى. ركزي بقى. نشن بقى عشان ربنا يفتحها عليك. المفتاح الاول حسن الظن في الله - 00:12:51ضَ

والثقة في الله يعني ايه يا مولانا؟ هو انت مش من اولها هتبدأ لنا في كلام عملي؟ من اولها هتقول لنا بقى مشاعر قلوب؟ حبيب قلبي ركز ده اعزم مفتاح - 00:13:11ضَ

هينساك انت انساكي انت كل يوم على صباحية ربنا. سبعة مليار بني ادم بيصحوا من النوم رزقنا يا رب. فطرنا يا رب غدانا يا رب عشانا يا رب. غير عشرات الملايين من الاجنة جوة بطون امهاتهم. عايزين رزقنا يا رب مليارات اوراق الشجر. عدد الحشرات على وجه الارض متين ضعف عدد البشر. البشر - 00:13:22ضَ

سبعة مليار يعني الحشرات مية واربعين مليار حشرة على وجه الارض كلهم. رزقنا يا رب الحوت الوجبة الواحدة اللي بياكلها تحت عشرين الف متر في قاع المحيطات. اتنين طن سمك وجمبري. يعني كل محلات السمك والجمبري في القاهرة الكبرى ما تجيبش وجبة - 00:13:43ضَ

واحدة الحوت واحد في قاع من قاعان المحيطات. الجمبري لوحده خمسين الف نوع. وكله كل المخلوقات. كل الجن كل البشر كل كل الدواب بكل الطيور كله بيصحى يقول رزقنا يا رب. رزقنا يا رب اللي ما انساش دودة. دودة اتولدت جوة - 00:14:03ضَ

كائن من الكائنات وعاشت وماتت جوة بطنه. ما انساش رزقها. المخلوق اللي هي جوة بطنه ما يعرفش عنها حاجة اصلا. ينسى رزقك انت ما انساش نملة الوقت في صحرا من الصحاري. بعت لها رزقها ينسى رزقك انت. اللي ما انساش حشرة اتولدت وعاشت. وكبرت - 00:14:23ضَ

كبرت وماتت تحت طين الارض ما طلعتش. ولا شافت نور ولا تعرف حاجة عن الدنيا. وبعت لها رزقها جوة المغارة اللي هي فيها وتحت الطين ينسى رزقك انت. اللي ما انساش رزق فار في مغارة من مغارات جبال الهيمالايا الوقتي واحنا قاعدين بنتكلم - 00:14:43ضَ

تنسى رزقك انت. حسن الظن في الله. اللي ما انساش رزق جنين في بطن امه. اللي ما انساش يطعم ويسقي جنين في بطن امه. اللي ما انساش عصفورة لسة خارجة من البيضة وفاتحة بوقها وبتجأر يا رزاق يا الله! اللي ما نساهاش هينساك انت. هينساك انت قتل الخرص - 00:15:03ضَ

اللي يقول لك آآ آآ كل ما بتخلفوا عيال اكتر كل ما الفقر ييجي اكتر قتل الخراسون. الافاكين اللي بيفتروا على الرزاق اللي على ربنا اه الرزق هيضيق. لما العيال تزيد لو ما فيش غير باب فامشوا في مناكبها. انما الابواب اللي احنا بنتكلم فيها دي ربنا بيرزق عباده فيها - 00:15:23ضَ

بغير حساب سبحانه وتعالى. المفتاح الاولاني. المفتاح الاولاني من مفاتيح الرزق. حسن الظن في الله والثقة في الله. انه لا يمكن هينساك ان ربنا يرتب لك رزقك قبل ما يخلقك بخمسين الف سنة. ربنا رتب كل لقمة هتتحط في بقك قبل ما تتخلق بخمسين الف سنة. ربنا كاتب اسمك - 00:15:43ضَ

على تفاحة بتتزرع دلوقتي في امريكا. كاتب اسمك على ثمرة فجأة بتتزرع دلوقتي في لبنان. كاتب اسمك على قطعة لحمة بتتدبح دلوقتي في استراليا او في البرازيل او في الهند كاتب اسمك ربنا كاتب اسمك على رزقك وما حدش يقدر ياخده منك. ولا حد يقدر يعتدي عليه. الموضوع مش آآ بالدراع - 00:16:03ضَ

ولا ده قدر ربنا كاتبه. وربنا قسم لك رزقك اوعى تقلق واحسن الظن في الله. ان اللي خلقك مش هينساك ابدا. ده المفتاح الاول المفتاح الاول حط في بطنك شادر بطيخ. مش بطيخة صيفي. من كان رزقه على الله فلا يحزن والله كم رأينا من العجائب. والله مرة - 00:16:23ضَ

انا ويعني وبناتي وراكبين العربية واهلي يعني وزوجتي ماشيين بالعربية ما كانش معي ولا جنيه في اللحزة دي. فانا مخرج بنات افسحهم فانا عايز اجيب لهم اي حاجة وسبحان الله الايام كده هو تلك الايام نداولها ساعات يبقى معك فلوس كتير ساعات يبقى ما عكش فلوس كلنا بنمر بالموقف دي وده من لطف ربنا. عشان لما يبقى معكشي - 00:16:43ضَ

انك تقول يا رب ولما يبقى معك تعرف ان اللي اداك ربنا فطب آآ نجيب ايه؟ طب نجيب جيلاتي نجيب ما عييش حاجة اجيب لهم حاجة. ونفسي ان انا ابسطهم قبل ما اروحهم بقى في وسط ايه - 00:17:03ضَ

شاغل الدراسة بتاعتهم وكده ما لقتش حل. غير ان انا ارفع ايدي واقول اللهم ارزقنا. اللهم ارزقنا الله والله يعني انا مش عارف ايدي نزلت ولا ما كانتش نزلت ولقيت التليفون يا جماعة بعدها بسواني. ولي فلوس عند حد وقال لي الفلوس بتاعتك موجودة. تعال خد الفلوس بتاعتك. انا بناتي - 00:17:15ضَ

وكلهم على البيت. كل واحدة فرشت سجادة الصلاة. وقعدت تصلي قيام ليل. من ايه ده! يعني لحد امبارح بيفكروني باللحزة دي. ربنا جميل وربنا طيب وربنا ودود. عامله انت بس حسن الظن في الله. المفتاح التاني - 00:17:35ضَ

المفتاح التاني ده مفتاح عزيم اوي يا جماعة. المفتاح التاني من مفاتيح الرزق مفتاح العبادة. العبادة سجادة الصلاة بتاعتك سجادة الصلاة بتاعتك السبحة بتاعتك سبحة رقمية ولا سبحة يدوية المصحف بتاعك كل ما تفتح المصحف بفتح من الله العبادة يا جماعة. العبادة من اعزم اسباب تنزل الرزق على عباد الله - 00:17:50ضَ

تخيلوا يا اخوانا فيه ناس خايفة ان الحكومة ترفع الدعم عن رغيف العيش. فيه ناس كتير خايفة يقول لك الرغيف ابو شيلن هيبقى بخمسين قرش هنعمل ايه وهنجيب عيش ازاي انا فكرت فكرة كده يا شباب - 00:18:12ضَ

لو ربنا رفع الدعم عن رغيف العيش مش لو الحكومة الحكومة لو رفعت الدعم عن رغيف العيش الرغيف ابو شيرين هيبقى بخمسين قرش لو ربنا هو اللي رفع الدعم عن رغيف العيش - 00:18:25ضَ

انتم متخيلين هيحصل ايه ؟ يا ترى رغيف العيش ده بكام ؟ انت فاكر رغيف العيش تمن الدقيق وتمن القمح والطحن وتمن الخباز ده انت غلبان يا اللي بتفكر بالطريقة دي. ربنا حكى لك قصة رغيف العيش في اول سورة الزاريات. ربنا وراك فيلم قصير سريع. بيقول لك فيه رغيف العيش ده - 00:18:35ضَ

اول سورة الذاريات هو تمنه كم عشان تعرف بس قبل ما تتخيل لو ربنا رفع الدعم عن رغيف العيش. قال الله عز وجل والذاريات ذروة الرياح وهي بتبخر ستاشر مليون طن مية. كل سانية من الاسطح المائية على وجه الارض بيطلعوا. فالحاملات وقرا الماية - 00:18:55ضَ

بقت سحب والسحب مليانة حاملات بقت حاملة للاحمال الثقيلة من الامطار وجرت في البلاد. ونزلت المطر والمطر حبوب وطلع توابل وطلع بهارات وطلع فواكه وطلع خضروات. وطلع نبات وطلع نباتات طبية وطلع اعشاب. طب طلع اكل كتير في - 00:19:15ضَ

الدنيا كله من خزائن الله. فالجاريات يسرا. الاكل اتحصد واتعمل بضايع. واتشحنت البضايع ما بين كل مواني العالم. ليل نهار حركة السفن لا تكف شحن ما وضائع غزائية لكل مواني العالم. فالمقسمات امرا. الملايكة بقى عارفة كل تفاحة جاية من امريكا - 00:19:35ضَ

رزق مين ؟ عارفة كل ثمرة فاكهة جاية من الشمل مصر رزق مين ؟ عارفة كل مادة غزائية كل حباية بتاعة مين ؟ فبتقسم الارزاق. ربنا بيحكي لك في اول سورة الزاريات قصة رغيف العيش - 00:19:55ضَ

بيقول لك انت فاكر رغيف العيش ده! ده الكون كله اتقلب عشانه. رغيف العيش اللي انت فطرت عليه الصبح واللي انت هتفتري عليه بكرة الصبح. الرياح والشمس والسحب وحركة وسنن الماء والبحار في حمل السفن وملايكة وجيوش من الملايكة بتأسي. تدفع تمن الكلام ده. لو ربنا رفع الدعم عن رغيف العيش تقدري تدفعه تمنه. والله - 00:20:11ضَ

ولا انت ولا دولتك ولا الامة بتاعتك من اولها لاخرها ولا الكرة الارضية تقدر تدفع تمن رغيف عيش واحد رغيف عيش واحد ما حدش يقدر يدفع يا جماعة. ربنا سبحانه وتعالى عشان كده اول سورة الزاريات ربنا بدأ بما خلق لاجلك. الرزق رغيف العيش - 00:20:31ضَ

واخر سورة الزاريات نفس السورة ربنا اتكلم عما خلقت لاجله. وما خلقت الجن والانس الا ليعبدون ما اريد منهم من رزق. الصورة الوحيدة اللي زكر فيها اسم الله الرزاق اللي هو الزاريات. ان الله هو الرزاق ذكر مع العبادة. ذكر كأن ربنا بيقول لك انا الرزاق - 00:20:49ضَ

انت ما تقدرش تدفع تمن رزقك. اعبدني هو ده تمن رزقك هو ده فبدأت السورة بما خلق لاجلك الرزق وانتهت السورة بما خلقت لاجله العبادة. فاياك اياك اياك ان تنشغل عما خلقت عما خلقت - 00:21:06ضَ

لاجله بما خلق لاجلك. معنى جبار في سورة الزاريات الصورة الوحيدة في القرآن اللي زكر فيها اسم الله. الرزاق زي سبق كده. سورة واحدة في القرآن اللي زكر فيها اسم الله - 00:21:24ضَ

الفتاح يبقى بالتأكيد فيها مفاتيح فتوح الله سبحانه وتعالى. العبادة العبادة من اعظم ابواب الرزق. ومن اعظم اسباب الرزق. قال الله عز وجل كلما دخل عليها زكريا المحراب وجد عندها - 00:21:34ضَ

رزقا ازاي في المحراب! هو مال المحراب بالرزق! مال سجادة الصلاة بالرزق! مال واحدة قافلة على نفسها وقاعدة تسبح ليل نهار! وتتدبر في الخلق وترتل ايات ربنا وتصلي وتسجد وتدعي مال ده بالرزق. كلما صيغة استمرار كل جلسة ضحى هتقعديها. ربنا هيوسع لك بها رزقك. كل ليلة - 00:21:50ضَ

ليلة قيام هتقومها. ربنا هيوسع لك بها رزقك. كل فتحة مصحف ولو قريت صفحة واحدة. ربنا هيوسع لك بها رزقك كل جلسة استغفار. كل جلسة صلاة على رسول الله صلى الله عليه - 00:22:10ضَ

كل صلة رحم كل بر جار. كل صلاة جماعة. كل رفعة ايد لربنا ربنا هيوسع لك بها رزقك كلما. دخل عليها زكريا المحراب المحراب مكان العبادة وجد وجد حاجة مش موجودة. حاجة مش لقيها في مكان تاني. ربنا بيفتح على العباد بارزاق في الدنيا والدين. والاخرة - 00:22:20ضَ

تعطى لغيرهم. لقى عندها اللي ما لقهوش في عند حد في الدنيا ربنا بيختص العباد. وجد عندها رزقا نكرة للتعظيم. رزق طعام وفاكهة رزق معاني ايمانية مزهلة. قال يا مريم انى لك هذا. ازاي يا مريم؟ ما قالتلوش ازاي؟ قالت له هو من عند الله. قالت له منين؟ اصل ازاي بتاعتي - 00:22:40ضَ

ازاي بتاعتك انا لما رفعت ايدي وقلت يا رب ارزقني. ربنا قدر لي طريق معين. انت لو رفعت ايدك السكة تانية. كل واحد مننا ربنا ما نفدك كلمات الله. ربنا - 00:23:00ضَ

وسائل لا حدود لها انه يرزقنا جميعا. وكل واحد ربنا بيرزقه بالطريقة اللي تزود ايمانه هو. سبحان مدبر الامر. سبحان خالق شبكة الارزاق المذهلة اللي ما حدش يحيط ابدا بحكمة الله سبحانه وتعالى فيها وصدق بالحسنى - 00:23:12ضَ

هو ده الهدف بتاع النقطة دي. بتاع مفتاح العبادة انك تصدق اه لو البنات تصدق. ان قيام الليل بيجوز زي ما الجمال بيجوز. بل اكتر. اه لو الشباب يصدقوا ان - 00:23:28ضَ

قيام الليل بيجيب وظايف زي بالظبط الوسايط ما بتجيب وظايف بل اكتر. وصدق بالحسنى ان ييجي يقينا على عبادة الله سبحانه وتعالى ان ييجي يقينا على العبادة مفتاح العبادة من اعظم مفاتيح الرزق عشان كده الله سبحانه وتعالى يقول افمن هو قائم على كل نفس بما كسبت بما كسبت. يعني ربنا قيوم - 00:23:38ضَ

على رزقك بعملك. على حسب طاعتك او معصيتك. على حسب يا عبادي انما هي اعمالكم اللي بيني وبينك الشغل. هتشتغل هاديك هتشتغلي هاديكي. لما بسمع قول الله سبحانه وتعالى وسع كرسيه السماوات والارض - 00:24:00ضَ

بقول ياه يا رب ده احنا لو عبدناك ليل نهار. هنعبدك ايه في ملكوتك العظيم ده؟ يا رب سبحانك ما سجدنا لك حق السجود لما ببص في شجرة فيها الاف الاوراق من الاشجار. واحس ان كل ورقة من دول قاعدة تسبح لحد ما تسقط. بعد عمر حافل بالتسبيح باقول سبحانك - 00:24:17ضَ

ما سبحناك حق التسبيح يا رب. لما تبص في نقطة مية تحت الميكروسكوب وتشوف الاف الكائنات اللي فيها. اللي كلها بتسبح بحمد الله تقول سبحان ما عبدناك حق عبادتك يا رب. لما تتدبر في تركيب الزرة. النواة بتاعة الزرة حواليها الكترونات. الالكترون - 00:24:36ضَ

بيدور في السانية حوالين نواة الزرة مليار مرة. لما قريت المعلومة دي قف شعر رأسي. انا حسيت ان انا ايه ايه الكلام الرهيب ده يعني لو ده تسبيح الالكترون طوافه حوالين النواة. زي ما احنا بنطوف حوالين الكعبة. يبقى الالكترون مخلوق بيسبح ربنا في السانية مليار مرة. سبحان - 00:24:56ضَ

ما عبدناك حق عبادتك. يا رب لما الواحد بيتدبر في قول الله ما من دابة الا هو اخذ بناصيتها. اوعي فكري ان جوزك لما اتقدم لك كنت انت اجمل واحدة عينيه وقعت عليها. لأ ده ربنا اخز بناصيته لك انت. لك انت ده - 00:25:16ضَ

من الله. اوعى تفتكر لما دخلت الانترفيو في ناشونال جروب اللي انت كان نفسك تشتغل فيها. واختاروك من وسط ميت موزف او مية متقدم لانك انت الازكى والالبق لا لا لا ده لان ربنا اخز بناصية موزف الاتش ار لك انت. ما من دابة الا هو اخذ - 00:25:36ضَ

بناصيتها. كل النواصي في ايده. ربنا يقدر ياخد بقلوب الناس لك. او يقدر يصرف قلوب الناس. عنك لما الواحد بيسمع قول الله. عسى الله ان بهم جميعا. ربنا يقدر يفرجها عليك من كل ناحية. ربنا يقدر يحل لك كل مشاكلك مرة واحدة. مجتمع ربنا يجيب لك يقدر يجيب لك كل - 00:25:56ضَ

احلامك لحد عندك جميع عسى الله ان يأتيني بهم جميعا. المفتاح بتاع العبادة. مفتاح عزيم اوي يا جماعة. اختم اللي بيأسر في قلب الواحد اوي يجمع الله يوم القيامة الاولين والاخرين - 00:26:16ضَ

ثم يأمر بالاغنياء المالط مليونيرات. اصحاب المالطي ناشيونال جروبز. اللي كان عندهم يخوت امراء وملوك الخليج. اغنى ميت ملياردير في العالم ثم سكان الفلل والقصور والكومباوندات المغلقة عليهم. ثم يقول ما شغلكم عن عبادتي - 00:26:32ضَ

ويقولون شغلتنا اموالنا وغنانا يا رب. فيقول وهل كنتم اشد غنا وملكا من سليمان؟ فانه ما شغله غناه عن عبادتي. ثم يأمر الله فقراء سكان العشوائيات وسكان الاكواخ والناس اللي ما كانت بتنام من غير عشاء. فيقول لهم ما شغلكم عن عبادتي؟ فيقولون شغلنا فقرنا يا رب - 00:26:48ضَ

فيقول هل كنتم اشد فقرا من عيسى ابن مريم؟ فانه ما شغله فقره عن عبادتي. ثم يأمر الله بالمرضى فيقول ما شغلكم عن عبادتي فيقولون اللي دخلوا مستشفيات واللي اتحجزوا في العنايات المركزة. واللي ماتوا في المستشفيات فيقولون شغلنا مرضنا يا رب. فيقول وهل كنتم اشد - 00:27:08ضَ

من ايوب فانه ما شغله مرضه عن عبادتي. ثم يأمر الله بالشباب الاقوياء الاصحاء ما شغلكم عن عبادتي. شغلنا شبابنا وجمالنا وقوتنا يا رب وهل كنتم اشد شبابا وجمالا؟ من يوسف فانه ما شغله شبابه عن عبادته. اللهم اعنا على ذكرك - 00:27:28ضَ

وشكرك وحسن عبادتك. ان شاء الله الحلقة الجاية هتبقى الحلقة التانية في سلسلة مفاتيح الرزق. وهنكمل مع بعض خمسة وعشرين مفتاح من مفاتيح الرزق. ركزوا معي شباب كل واحد مننا يختار اربع خمس مفاتيح يغيروا حياته. اللهم اعنا على ذكرك وشكرك وحسن عبادتك. اللهم - 00:27:48ضَ

اعنا على ذكرك وشكرك وحسن عبادتك. اللهم انا نسألك حسن الظن بك. وصدق التوكل عليك اللهم امين سبحانك اللهم وبحمدك اشهد ان لا اله الا انت استغفرك واتوب اليك. جزاكم الله خير - 00:28:08ضَ

اه اه - 00:28:24ضَ