بسم الله الرحمن الرحيم السلام عليكم ورحمة الله وبركاته. بسم الله والحمد لله والصلاة والسلام على رسول الله. وعلى اله وصحبه ومن والاه ثم اما بعد. اولا انا سعيد جدا باني - 00:00:00

جزء من هزه الاكاديمية الرائعة اكاديمية حراس العقيدة. اسأل الله عز وجل ان يبارك في الدكتور امير عبدالله واني اكون عند حسن ظنه بما انه يعني اختارني وكلفني بهذا الموضوع. المفروض ان انا هشرح لكم اكتر من مادة لكن المادة اللي احنا هنشرحها نبدأ بها يعني هي - 00:00:15

عقيدة الثالوث المسيحية. انا حابب ان انتم تعذروني في اول محاضرة لان انا ما قدرتش استعد للموضوع كويس لكن ان شاء الله من يوم الخميس القادم والدنيا تمشي افضل من كده بكتير. لكن طبعا بما اني يعني المفروض اتكلمت عن عقيدة السالوس دي كتير جدا جدا قبل كده ان شاء الله - 00:00:35

المحاضرة هتكون سارية وجيدة يعني ان شاء الله بازن الله. اول حاجة نبدأ بها هو التعريف بالثالوث. لما نيجي نعرف عقيدة الثالوث او ايه هو الثالوث نقدر نقول باختصار انه الثالوث هو المقابل للعقيدة في الله عند المسلمين. فيه كتاب عقيدة مشهور جدا اسمه - 00:00:55

العقيدة في الله جزء من سلسلة في العقيدة الاسلامية. نقدر نقول ان الثالوث هو العقيدة في الله عند النصارى او عند المسيحيين. كلمة السالوس كلمة خدت وقتها في التاريخ المسيحي على بال ما طلع احد قبائل الكنيسة الاوائل ووصف عقيدته في الله بانه - 00:01:15

سالوس والموضوع ده طبعا هنبقى نتكلم فيه بالتفصيل فيما بعد لازم نبقى واخدين بالنا يعني ان موضوع عقيدة السالوس ده موضوع كبير جدا وطويل وربنا يقدرنا ونقدر نهضمه كله في خمستاشر محاضرة. كلمة الثالوث المفروض انها كلمة بتعبر عن تلاتة - 00:01:35

عددا مع محاولة الحفاظ على الوحدانية او اننا بنتكلم عن شيء واحد او حاجة واحدة. يعني ايه الكلام ده هي طبعا كديانة خرجت من رحم اليهودية. واليهودية كديانة تأثرت بمؤثرات كثيرة جدا جدا. سواء قوايفها المختلفة - 00:01:55

او الفلسفة اليونانية اللي هي كانت عايشة في بيئتها والحضارة اليونانية والرومانية وكلام كتير كده هنبقى نتكلم عنه ان شاء الله بالتفصيل فبما ان المسيحية خرجت من رحم اليهودية فالمفروض انها ملتزمة في الاساس بالتوحيد او الايمان باله واحد. ونقطة مهمة - 00:02:15

جدا وهنأكد عليه اكتر من مرة كتير ان مفهوم التوحيد اللي موجود عند المسلمين مفهوم لم يبقى لم يظل محفوظا الا عند المسلمين. وبعد بعثة النبي محمد صلى الله عليه وسلم وبعد ما النبي محمد صلى الله عليه وسلم نشر مرة اخرى بين - 00:02:35

وفي البلاد مفهوم التوحيد من جديد والحديث القدسي المشهور ان الله عز وجل اطلع على اهل الارض فمقتهم عربهم وعجمهم الا بقايا من اهل الكتاب اللي وفيما معناه الدنيا كانت سودا والناس كانوا منحرفين بشدة عن عقيدة التوحيد الا بقايا من اهل الكتاب. لذلك الله عز وجل بعث محمد - 00:02:55

صلى الله عليه وسلم علشان يعني شمس التوحيد تسطع وتشرق من جديد. بسبب ان الاسلام متمسك بشدة بالتوحيد الديانات الاخرى ظلت تدعي في وجه الاسلام ان احنا كمان موحدين. لكن في فرق كبير ما بين التوحيد - 00:03:15

ومجرد الايمان باله واحد او ادعاء. الايمان باله واحد او عبادة اله واحد الحقيقة المسيحية تدعي الايمان باله واحد لكن صعب جدا عليها انها تدعي عبادة اله واحد الموضوع ده برضو هنفصل فيه فيما بعد. المهم ان كلمة الثالوث بتعبر عن ثلاثة. لكن بما ان المسيحية خرجت من رحم اليهودية فهي - 00:03:35

ما زالت متمسكة بالايمان باله واحد فاصبح الثالوث المفروض انه كلمة للتعبير عن ان فيه ثلاثة ومع ذلك ما زلنا نتكلم عن واحد فكرة الوحدانية في ثلاثة وثلاثة في الوحدانية. ده تصور رئيسي جدا وجوهري عند المسيحيين. فهي الفكرة ان لما المسيحي بيقول - 00:04:01

سالوس هو بيتكلم عن حاجة واحدة لكن الكلمة نفسها تشير الى ثلاث. دي كلمة الثالوث فيبقى السالوس هو الايمان المسيحي بالله. والثالوس بيعبر في الاساس عن ثلاثة لكن في محاولة الاحتفاظ بان انا بتكلم عن شيء واحد او ان الموضوع ما زال - 00:04:27

قال في سياق او في اطار الايمان باله واحد حابب اعطي لمحة بسيطة عن تاريخ عقيدة الثالوث وازاي اليهود ابتداء تأثروا الحضارات والفلسفات المحيطة بهم وفيما بعد المسيحية خرجت من رحم اليهودية وبعدين فيما بعد ازاي العقائد المسيحية تطورت لغاية ما وصلوا لعقيدة الثلوث عند ابيه عصر المجامع. لكن ملمح مهم - 00:04:51

جدا جدا لازم نفهمه. ولازم نبقى واخدين بالنا منه كويس قوي هو ان عقيدة الثالوث حقيقة تطورت مع الوقت. وفيه ملمح يمكن انا ما خدتش بالي منه كويس قبل كده. لكن المسيحيين ما بيدعوش ان عقائدهم بتتطور وبتتغير مع الوقت - 00:05:20

مسيحيين التقليديين العاديين بيؤمنوا ان عقائدهم المسيحية تم تأسيسها من القرن الاول المسيحي على المسيح عليه السلام وتلامذته وهذه العقائد تم تناقلها جيلا بعد جيل والمفروض ان هم عندهم التصور السلفي اللي هم بيسموه التقليد. ان هذه العقائد هم تقلدوها. كانك آآ حد بيلبسك قلادة معينة - 00:05:40

وبعدين انت ابنك بتسلمه هذه القلادة. ابنك لما يكبر بيسلم ابنه وجيلا بعد جيل هذه القلادة بيتم وتسليمها من واحد لاخر. هم المسيحيين التقليديين بيدعوا ده. ما فيش حاجة اسمها تطور عقيدة السالوس. الملمح اللي انا - 00:06:10

ما كنتش واخد بالي منه كويس قبل كده. هو ان فيه اعتراف عند النصارى ان على الاقل طرق الكلام عن عقيدة الثالوث تطورت واختلفت او على الاقل ان ما كانتش تطورت على الاقل في اساليب مختلفة لشرح عقيدة السالوس. طبعا هم ما بيحبوش ان الموضوع - 00:06:30

الى درجة ان هناك خلاف حقيقي حول عقيدة الثالوث. لكن دايما خد بالك من طرق الدراسة المختلفة دي. ان انت تشوف المسيحي التقليدي بيؤمن بايه ؟ والمسألة من الناحية التاريخية مشيت ازاي ؟ وتشوف المدارس المسيحية المختلفة - 00:06:51

والطوايف المسيحية المختلفة واباء الكنيسة اللي عاشوا في اماكن جغرافية مختلفة تعاملوا مع المسألة دي ازاي وشرحوها ازاي؟ الايمان التقليدي والمسيح التقليدي اقصد به عوامل مسيحيين اللي انت ممكن تقابلهم اللي عايشين دلوقتي يعني. ده اللي انا باقصده - 00:07:11

فيبقى النقطة اللي انا حابب اؤكد عليها مرة تانية ان الواقع ان عقيدة السالوس تطورت مع الوقت. لكن المسيحيين ما ما بيعترفوش بده. او اغلب المسيحيين او المسيحيين التقليديين ما بيعترفوش بده. وما بيقولوش ان عقائدهم بتتطور مع الوقت. وان عقائدهم تم تأسيسها من القرن الاول الميلادي. وتم - 00:07:29

تم نقلها جيلا بعد جيل. في بعض المسيحيين ممكن يعترفوا بان اسلوب شرح الثالوث اختلف لكن العقيدة نفسها واحدة. من من بداية القرن الاول لغاية دلوقت. المفروض ان احنا نتكلم في محاضرة مستقلة عن الخلفية التاريخية للديانة المسيحية - 00:07:49

ازاي ان المسيحية نشأت من رحم اليهودية؟ وان اليهودية نفسها ايام المسيح عليه السلام كان فيها طوايف كثيرة مختلفة. وان الطوايف الكثيرة المختلفة دي اثرت قطعا ولا شك على المسيحية التي خرجت من رحم اليهودية. وان الطوايف اليهودية المختلفة. اليهودية نفسها - 00:08:06

تأثرت بالحضارة اليونانية القديمة اللي نشرها الاسكندر الاكبر في حوض البحر الابيض المتوسط في القرن الثالث قبل الميلاد. وايضا الحضارة الرومانية اللي اليهودية كانت وقت بعثة المسيح عليه السلام عايشة فيها. فوقت بعثة المسيح عليه السلام فلسطين كانت تحت - 00:08:26

الاحتلال الروماني فيبقى المسيحية تأثرت باليهودية وطوائفها وتأثرت بالحضارة الرومانية وتأثرت بالحضارة اليونانية. كويس قوي. لو جينا اتكلم عن المسيحية في القرن الاول ميلادي وسألنا المسيحيين ما هو ايمانكم بالله؟ طبعا على حسب الطايفة المسيحية اللي انت هتتكلم معها هتبقى فيه اجابات مختلفة. لكن اليهود - 00:08:46

والنصارى كانوا بيتكلموا عن الله الاب وكانوا بيتكلموا عن كلمة الله وكانوا عن روح الله. يعني لو احنا جينا نشوف الكتب المقدسة اليهودية قبل المسيحية هنلاقي ان اليهود كانوا بيتكلموا عن الله - 00:09:11

وكانوا بيسموا الله انه الاب. وان الله له ابناء. وطبعا زي ما القرآن الكريم يقول وقالت اليهود والنصارى نحن ابناء الله واحباؤه. وقالت اليهود عزير ابن الله. وقالت النصارى المسيح ابن الله. ذلك قولهم بافواههم يضاهئون قول الذين - 00:09:31

من قبل قاتلهم الله ان يؤفكون. قبل المسيحية اليهود كانوا بيسموا الله انه الاب او الله ابونا وهم ابناء الله والملايكة ابناء الله وحاجات كتير ابناء الله. كويس ؟ يبقى فيه من ايام اليهودية كلام عن الله - 00:09:51

الاب الله ابونا وابناء الله. ماشي. وايضا كان فيه كلام عن كلمة الله. وان الله عز وجل كذب كلمته ونصوص كثيرة في اليهودية بتتكلم عن الموضوع ده. وايضا نجد في الكتاب المقدس اليهودي كلام عن روح الله. وان الله - 00:10:11

وروح الله او وروحه كده. المسيحية ورثت من اليهودية هذه المفاهيم. مفاهيم الله يتقال عنه الاب او ابونا ومفاهيم ابناء الله ومفاهيم كلمة الله ومفاهيم اوحى الله او الروح القدس. يبقى المفاهيم دي كانت موجودة قبل المسيحية والمسيحية بما انها من رحم اليهودية خدت منها المفاهيم دي. المفاهيم - 00:10:31

دي تطورت مع الزمن. ومن اكبر المؤثرات التي ادت الى تطور هذه المفاهيم زي ما قلت الحضارة اليونانية والحضارة المفاهيم الوثنية والفلسفات اليونانية الوثنية التي تتكلم عن كلمة الله وعن اللوجوس. لوجوس - 00:11:01

كلمة يونانية معناها كلمة. المهم علشان ما تتوهش مني عشان هنربط الكلام ده مع بعض دلوقت. المسيحية كانت بتقول برضه زي اليهود الاب والله ابونا وكانت بتقول زي اليهود ابناء الله وان فلان ده ابن الله وكانت بتقول زي اليهود روح الله - 00:11:21

الروح القدس وكانت بتقول زي اليهود كلمة الله. النصارى او المسيحيين لما بيدعوا ان عقيدة الثالوث موجودة منذ القرن الاول ميلادي موجودة في كتب العهد الجديد. موجودة في الكتب المقدسة المسيحية. بيدعوا ده على اساس ايه؟ ان العهد الجديد بيتكلم عن - 00:11:41

الله الاب وبيتكلم عن ان المسيح ابن الله وان العهد الجديد بيتكلم عن كلمة الله وان العهد الجديد بيتكلم عن الروح القدس او روح من خلال العهد الجديد بنقدر نفهم ان فيه تلات اشخاص رئيسية لهم دور محوري - 00:12:01

واساسي فيما يخص المسيحية وعقائدها. التلاتة دول مين ؟ الاب الله الاب والمسيح عليه السلام اللي اتقال عنه انه ابن الله وكلمة الله وبعدين الروح القدس او روح الله. دول التلاتة الرئيسيين - 00:12:21

يبقى لو احنا جينا نقول السالوس تعبير عن ثلاثة. مين التلاتة دول؟ الله الاب اللي هو نفسه اله العهد القديم. اللي هو يهوى المفروض اله يهود اللي هم بيقولوا انه الاب او ابوهم. وهم ابناؤه. ده اول واحد. تاني واحد المسيح عليه السلام. اللي بيقولوا عنه - 00:12:41

انه ابن الله وبيقولوا عنه انه كلمة الله. والتالت هو الروح القدس. او روح الله. ونقطة لازم تاخد بالك منها من البداية ان النصارى او المسيحيين بيفرقوا ما بين جبريل عليه السلام الملاك والروح القدس. ده طبعا - 00:13:04

دلوقتي حاليا لكن اثناء تطور عقيدة الثالوث تاريخيا كان فيه خلافات وسجلات ما بين المسيحيين هل الروح القدس ملاك؟ هل الروح القدس قوة الهية؟ الروح القدس ده ايه بالزبط؟ لكن حاليا بعد ما العقيدة عقيدة السالوس المسيحية تطورت - 00:13:24

الروح القدس او روح الله كائن الهي او دل. الشخص التالت او ده الاقنوم التالت زي ما بيسموا هندخل فيما بعد بالتفصيل في الكلمات والمصطلحات اللي بيستخدموها في شرح التلوت. لكن المهم دلوقتي انك تعرف ان لما المسيحي بيتكلم عن روح الله او الروح القدس - 00:13:44

ما بيتكلمش عن سيدنا جبريل او الملاك جبرائيل. بيتكلم عن واحد من تلاتة اللي هم الثالوث اللي هو بيؤمن ان السالوس ده هو الله. كويس لغاية دلوقتي بدأنا نلاحز ان في تلاتة الثالوس ده عبارة عن تلاتة التلاتة دول هم الاب والابن والروح القدس ده - 00:14:04

مصطلح مشهور جدا المسيحي بيستخدمه باسم الاب والابن والروح القدس. مين الاب والابن والروح القدس ده؟ شلهم وحط مكانه كلمة السالوس. او ممكن الاب والكلمة والروح القدس مين الاب والكلمة والروح القدس؟ شلهم وحط مكانه كلمة السالوس. يبقى الله الاب هو - 00:14:26

غالبا بيقولوا الله الاب. الاب الاب خلاص. ماشي. ده الاسم اللي بنعرف به اول واحد في الثالوث. طيب وبعدين تاني واحد ده اللي هو المسيح عليه السلام. طب هم ما بيقولوش الاب والمسيح عادة لأ بيقولوا الاب والابن يبقى لقب الابن - 00:14:46

من القاب المسيح عليه السلام اللي هو تاني واحد في الثالوس. واحيانا بدل ما بيقولوا الابن بيقولوا الكلمة. يبقى الكلمة ايضا اسم تعريفي لتاني واحد في الثالوس. يبقى تاني واحد في الثالوث ده هو المسيح عليه السلام اللي هو عند المسلمين عيسى ابن مريم عند المسيح - 00:15:06

بيسموه يسوع الناصري. فيسوع الناصري هو المسيح عيسى ابن مريم بيطلقوا عليه لقب الابن ابن ولقب الكلمة. فيبقى عندك الاب والابن او الاب والكلمة. والتالت غالبا بيتقال عنه الروح القدس. او روح الله - 00:15:26

وروح الله القدوس او يعني اخلط بقى ما بين روح الله وروح القدس لكن غالبا بنسمع المسيحيين بيتكلموا عن الاب والابن والروح القدس او الاب والكلمة والروح القدس كويس قوي. النقطة اللي انا عايز ارجع لها وابلورها واكد عليها ان اه بالفعل العهد الجديد بيتكلم عن الله الاب. وبيتكلم عن - 00:15:46

المسيح يسوع المسيح. وبيقول ان يسوع المسيح هو الابن. ويمكن ها يعني لو تنزلنا ممكن نقبل ان يسوع المسيح اتقال انه كلمة الله رغم ان دي محتاجة يعني شوية كلام كده. وبرضه العهد الجديد بيتكلم عن الروح القدس. لكن النقطة المهمة هنا ان مش معنى - 00:16:07

ان العهد الجديد بيتكلم عن الاب والابن والروح القدس. او بيتكلم عن الاب والكلمة والروح القدس. ان ده معناه انه علم بعقيدة السالوس. ايه ده! يعني ايه ؟ احنا قلنا ان اسم السالوس ده للتعبير عن تلاتة. كويس. بس في نفس الوقت احنا عايزين - 00:16:27

حافز على الايمان باله واحد. كويس. فعقيدة الثلوث عند النصارى دايما. فيها نحيا تعددية احيا وحدانية. وتلاقي النصارى بيعبروا عن ده بقى باشكال مختلفة. الوحدة في الثالوث او التسليس والتوحيد او ايا كان - 00:16:47

مصطلحات كده بيستخدموها للاشارة الى ان في جانب من الوحدة. وفي ايضا جانب من التعددية. كويس. ايه بقى جانب في الوحدة دي النصارى بيقولوا ان الاب والابن والروح القدس اله واحد - 00:17:07

يعني ايه اله واحد؟ يعني الاله الذي نعبده هو اله واحد لكن فيه جانب من التعددية انه اب وابن القدس. لكن التلاتة دول اله واحد. او التلاتة دول هم الله الواحد. من النقطة دي لازم لازم تبتدي تفهم ان - 00:17:24

فيه صعوبة. صعوبة في الفهم. صعوبة في الاستيعاب. صعوبة في الادراك. صعوبة في التصور. والصعوبة هي الحتة دي جانب التوحيد مع التثليث. جانب الوحدة مع التعدد. بتزبطوها ازاي دي؟ ازاي بتقولوا اب وابن رح قدس؟ وبعدين - 00:17:44

اله واحد وانت لسة ذاكر تلاتة. ازاي دول اله واحد؟ ده مكمن الصعوبة. والموضوع ده هنتكلم عنه كتير جدا فيما بعد. لكن المهم مرة تانية زي ما قلت العهد الجديد بيتكلم عن الاب والابن والروح القدس. او بيتكلم عن الاب والمسيح والروح القدس. كويس قوي. ده جانب التعددية في تلاتة العهد الجديد - 00:18:04

بيتكلم عنهم ولهم دور محوري ماشي. فين بقى جانب الوحدة في العهد الجديد؟ ايه بقى جانب الوحدة دي؟ اه هم بقى المسيحيين لما بييجوا يتكلموا عن السالوس. زي ما قلت بيقولوا ان الاب والابن والروح القدس اله واحد. يقصدوا ايه باله واحد؟ قال لك انه - 00:18:24

التلات التلاتة دول الاب والابن يروح القدس في علاقات ما بينهم. هذه العلاقات بتجعل اللي ما بينهم نوع من الوحدة. فيبقى المحصلة النهائية ان هم التلاتة مستحقين للعبادة. زي ما قلت احنا هنتكلم - 00:18:44

عن مصطلحات شرح الثالوث. وهندخل في تفاصيل ان المسيحيين لما بيتكلموا عن الثالوث بيقولوا ان الاب والابن والروح القدس دول ثلاث اقانين. يعني ايه اقانيم؟ اللي مفردها اقنوم. يعني الاب اقنوم والابن اقنوم والروح القدس اقنوم ايه - 00:19:04

ايه ده انت دي انهي لغة دي ولا انت بتتكلم عن ايه بالزبط ؟ وبعدين التلات اقانيم دول واحد في الجوهر. وهم يعني ايه جوهر ويعني ايه واحد في الجوهر؟ وبعدين هم ليه واحد في الجوهر؟ اصل الابن - 00:19:23

مولود من الاب والروح القدس منبثق من الاب. ففي علاقات ما بين الاقاليم الابن مولود والروح القدس ايه ده كله ده طبعا انت لو ما عندكش اي خلفية عن عقيدة السالوس المسيحية لازم يجي لك انطباع. ان دي عقيدة معقدة. عقيدة فيها تفاصيل - 00:19:39

مجموع هذه التفاصيل تؤدي الى عقيدة الثالوث. فالنقطة اللي انا عايز اوصلها هنا ان مجرد الكلام عن الاب والابن والروح القدس او الاب والكلمة والروح القدس مش عقيدة السالوس. لازم تذكر لي التفاصيل. ولازم تبين لي - 00:19:59

العلاقات ما بين التلاتة التي تؤدي الى هذه الوحدة المزعومة اللي انت بتقول ان التلاتة دول اله واحد وبالتالي هم التلاتة مستحقين للعبادة. فالعهد الجديد بيتكلم عن الاب والام الروح القدس. لكن هناك جدل تاريخي - 00:20:19

طويل ومستمر. جدل تاريخي طويل ومستمر. حول ايه؟ حول التفاصيل. هل العهد الجديد بيعلم التفاصيل المتعلقة بالثالوث التي تؤدي الى انهم اله واحد؟ ده جدل تاريخي طويل ومستمر. ان شاء - 00:20:39

والله المفروض نصل الى يقين ان بالفعل هذه المفاهيم والتفاصيل المتعلقة بعقيدة الثالوث التي تؤدي في النهاية الى انك تؤمن ان التلاتة دول اله واحد او ان التلاتة بالفعل مستحقين للعبادة التفاصيل دي مش - 00:20:59

موجودة في العهد الجديد. والتفاصيل دي بالفعل تطورت تاريخيا. وان مسيحيين القرن الاول اعتقادهم اتغير واتطور في اعتقاد مسيحيين القرن التاني مختلف عن القرن الاول مختلف عن القرن التالت والموضوع اتطور واتغير - 00:21:19

لغاية ما وصلوا لهرم عقيدة الثالوث. واهم تفصيلة او نقطة في عقيدة الثالوث ما كانتش موجودة قبل كده وبقت موجودة في في مرحلة زمنية بنسميها عصر المجامع. النقطة او التفصيلة دي هي المساواة - 00:21:39

التامة بين الاقاليم او افراد الثالوث ان الاب والابن والروح القدس الاب هو اول واحد في الثالوث الابن هو تاني واحد في الثالوث الروح القدس هو تالت واحد في السالوس - 00:21:59

لا تدول في مساواة تامة ما بينهم. بمعنى ان ما فيش واحد افضل من التاني. ما فيش واحد اعظم من التاني. ما فيش واحد له مجد وكرامة وقدرة اكتر من التاني. كلهم متساويين. كلهم زي بعض. وفي ضوء - 00:22:14

التصور الاسلامي لعقيدة التوحيد لما بنيجي نتكلم عن ان فيه توحيد اسماء وصفات وفيه توحيد الوهية وتوحيد ربوبية لما النصارى بيتكلموا عن الثالوث الملمح ده مهم. بيقولوا ان التلاتة الاب والابن والروح القدس لهم نفس - 00:22:34

الصفات الالهية لهم كل الصفات الالهية ولهم نفس الصفات الالهية. وبالتالي التلاتة حقين لنفس الاسماء والالقاب الالهية. وبما ان التلاتة لهم نفس الصفات الالهية فهم كمان لهم نفس الافعال الالهية. يعني ما هي الافعال الالهية؟ الخلق مثلا كل واحد فيهم يقدر يخلق. عادي جدا - 00:22:54

يرزق ويخلق ويشرع التلاتة لهم نفس الافعال الالهية. ما فيش حد بيتميز عن التاني بفعل الهي. وفي النهاية بناء على كده فهم التلاتة مستحقين للعبادة. مستحقين للعبادة. شف لما المسلم بيقول - 00:23:24

يعني ايه لا اله الا الله؟ يعني لا معبود بحق الا الله. لا اله معناه المعبود الذي يستحق العبادة لانه متصف بصفات الالوهية ويفعل الافعال الالهية وبناء ولذلك هو له الاسماء والالقاب الالهية لذلك هو مستحق العبادة. النصارى بقى بيقولوا لا اله الا الثالوث - 00:23:44

الاب والابن وروح القدس التلاتة مستحقين للعبادة. يبقى لغاية دلوقتي المفروض نكون فهمنا ان المسيحية خرجت من رحم اليهودية. اليهودية تأثرت بطوائفها المختلفة اليهودية تأثرت بالحضارة اليونانية والحضارة الرومانية وهندخل في التفاصيل ده فيما بعد. اليهود كان عندهم مفاهيم الله الاب وابناء الله - 00:24:13

وكلمة الله وروح وروح القدس او روح الله. المسيحيين ورثوا هذه المفاهيم. فالعهد الجديد بيتكلم بالفعل عن الاب والابن والروح القدس وعن الاب وكلمة الله وروح القدس او الاب والمسيح والروح القدس اللي هم التلاتة بتوع الثالوس. لكن الثالوث ليس مجرد ثلاثة. في - 00:24:35

تفاصيل في هذه العقيدة. هذه التفاصيل مؤداها وقمة هرمها المساواة التامة ما بين فيبقى في النهاية التلاتة مستحقين للعبادة. التفاصيل دي موجودة في العهد الجديد لأ مش موجودة. وهناك جدل تاريخي - 00:24:55

طويل ومستمر. حول هذه التفاصيل. هل هي موجودة في العهد الجديد ولا لأ؟ وانا قلت ان الموضوع تطور لغاية ما وصلنا الى مرحلة اسمها عصر المجامع. لما بنيجي نقسم التاريخ المسيحي بشكل عام لان النقطة دي مهمة وهنتكلم عنها كتير. لازم تبقى مدركة. لما بنيجي نتكلم - 00:25:15

التاريخ المسيحي بنتكلم اولا عن المسيحية في زمن المسيح عليه السلام. وبعدين بنتكلم عن المسيحية بعد رفع المسيح عليه السلام للسما وقت ما كان فيه تلاميذ المسيح وواحد جوهري ومحوري ورئيسي والكثيرين بيقولوا - 00:25:35

ان هو ده مؤسس المسيحية الحقيقي شاول الطرسوسي او بولس بولس رسول المسيحية. بولس الرسول هم بيسموه كده هيبقى المسيحية زمن المسيح وبعدين المسيحية بعد رفع المسيح في زمن تلاميذ المسيح وبولس وبعد كده - 00:25:55

بعد ما كل التلاميذ ماتوا في بقى مرحلة الاباء الرسوليين. اللي هم الناس اللي اتعلموا على ايد الرسل. رسل وتلاميز المسيح مصطلحات دي هنبقى نتكلم عنها يعني هنبقى نشرحها في التفصيل بعدين. لكن تقدر تقول باختصار ان المسيح هو نفس جيل - 00:26:16

او مقام النبي محمد صلى الله عليه وسلم. تلاميز ورسل المسيح اللي هم الحواريين اللي هم في مقام الصحابة. والمفروض ان بولس ده عند النصارى في مقام الصحابة. في مقام تلاميذ المسيح. في مقام الحواريين. كل دول ماتوا. فبقى فيه جيل اسمه - 00:26:36

اباء الرسوليين. يعني اباء الكنيسة الذين تتلمذوا وتعلموا على ايد الرسل. الرسل والتلاميذ. اللي هم الحواريين اللي هم الصحابة يعني التابعين. وبعدين فيه بقى اجيال تابعي تابعين. اباء الكنيسة في القرن الثاني وآباء الكنيسة في القرن الثالث. ثم - 00:26:56

من اول سنة تلتمية خمسة وعشرين ميلادية. تاريخ محوري وجوهري في تاريخ المسيحية. مجمع نقية المسكون الاول وده بداية اللي احنا بنسميه عصر المجامع. المجامع المسكونية. بنتكلم تحديدا عن المجامع في القرن الرابع الميلادي - 00:27:16

القرن الخامس الميلادي القرن السادس الميلادي لغاية بعثة النبي محمد صلى الله عليه وسلم. لما قلنا ان السالوس تطور ووصل القاء الهرم او القمة في موضوع المساواة. الكلام ده كان في عصر المجامع. يعني من القرن الرابع الميلادي. من القرن الرابع - 00:27:36

الاباء اتبلور عندهم مفهوم المساواة التامة ما بين الاقاليم. او ما بين افراد السالوس. وبالتالي النقطة اللي انت المفروض تكون فاهمها ومدركها انه ايام بعثة النبي محمد صلى الله عليه وسلم. النصارى كان عندهم عقيدة الثالوث - 00:27:56

ده قبل النبي بقرنين كان عندهم عقيدة السالوس كما استقر في عصر المجامع. ايام بعثة النبي محمد صلى الله عليه العقائد المسيحية الرئيسية الاساسية كانت خلاص اتبلورت وبقت واضحة. لذلك الكثير من العلماء لما بيتكلموا - 00:28:16

عن الاباء واباء الكنيسة اغلبهم بيتوقف لحد القرن السادس الميلادي اللي هو لغاية قبل بعثة النبي محمد صلى سلم على طول. لان تأثير الاسلام على المسيحية وعلى المسيحيين او على النصرانية والنصارى كان شديد جدا جدا - 00:28:36

وهم بيعتقدوا يعني ان المسيحية الصافية قبل بعثة النبي لغاية القرن السادس. دول الاباء اللي احنا نقدر نرجع لهم بقى فنعرف العقيدة المسيحية الصافية الحلوة الجميلة. نقطة تانية مهمة لازم تكون عارفها هي ان عقيدة الثلوث المسيحية تعتبر - 00:28:56

اعيدت هرم العقائد المسيحية. يعني ايه الكلام ده؟ عقيدة الثلوث المسيحية. تعتبر قاعدة هرم العقار المسيحية يعني ايه؟ يعني كل العقائد المسيحية الاخرى مبنية عليها. ولازم لازم تفرق ما بين العقائد اتطورت امتى وهل عقيدة الثالوس هي اول العقائد اللي - 00:29:16

طورت وهل عقيدة الثالوث هي غاية العقائد المسيحية او هدف العقائد المسيحية لأ في فرق ركز معي هنيجي نقول ان السالوس قاعدة هرم العقائد المسيحية ده معناه ان السالوس مبني عليه العقائد الاخرى. من اجل الوصول - 00:29:40

قمة هرم العقائد المسيحية اللي هو ايه؟ عقيدة الصلب والفداء او عقيدة الخلاص. لو جينا نشوف بقى طيب ايه هي عقيدة مسيحية كانت موجودة من القرن الاول الميلادي. هنلاقيها عقيدة الصلب والفداء او عقيدة الكفارة او عقيدة الخلاص اللي اسسها - 00:30:00

بولس المسيح عليه السلام لم يؤسس لعقيدة الصلب والفداء. بولس هو اللي اسس لعقيدة الصلب والفداء. لكن بولس ده من القرن الاول الميلادي ده معاصر لتلاميز المسيح. فيبقى الموضوع مبكر جدا. عقيدة الخلاص او عقيدة الصلب والفداء دي معتمدة بشكل رئيسي - 00:30:20

على المسيح. يبقى عندك القمة الصلب والفداء. ان المسيح اتصلب ومات وامن الاموات علشان يكفر عن خطايانا عشان ندخل الجنة. طيب يبقى الصلب والفداء مؤسسة على المسيح. طب المسيح ما هو عقيدة المسيحي في المسيح - 00:30:40

ستجد ان عقيدة المسيحيين في المسيح عليه السلام تطورت مع الوقت. لغاية ما وصل بهم الامر ان المسيح اوي لله الاب. والروح القدس كمان مساوي لله الاب. اللي هي عقيدة الثالوث. يبقى في النهاية عقيدة الثالوث كقاعدة - 00:30:59

هي العقيدة التي تحتوي كفرع منها على عقيدة الوهية المسيح عقيدة الوهية المسيح فرع من عقيدة السالوس وعقيدة الوهية الروح القدس فرع من عقيدة الثلوث. يبقى عقيدة الثلوث هي اللي فيها عقيدة الوهية - 00:31:19

المسيح هي اللي فيها عقيدة التجسد. ان المسيح هو الله الذي نزل من السماء. ودخل رحم مريم وخلق لنفسه منها جسدا واتولد منها وعاش على الارض كانسان علشان يتصلب ويموت ويقوم من الاموات. يبقى في عندك عقيدة الثالوث - 00:31:40

على عقيدة الوهية المسيح او الوهية الابن. فوقيها عقيدة التجسد اللي هي اول خطوة لتنفيذ عقيدة والفداء ان الابن ده او كلمة الله اللي هو المسيح الاله هينزل ويعيش على الارض كانسان. ليه هيعيش على الارض كانسان عشان - 00:32:00

حقق الصلب والفداء عشان يتصلب ويموت ويؤم الاموات. يبقى هيحقق راس الهرم الصلب والفداء. علشان كده بما ان عقيدة الثالوث هو قاعدة هرم. العقائد المسيحية الثالوث مبني عليها التجسد والوهية المسيح. مبني عليها الصلب والفداء. اباء عصر - 00:32:20

المجامع ودي نقطة مهمة. ما كانوش بيرضوا يناقشوا اي عقيدة اخرى لو انت بتنكر تفاصيل الاهم في عقيدة السالوس. يعني ايه الكلام ده ؟ كان فيه بعض الطوايف المسيحية لا تؤمن بكل التفاصيل المتعلقة بعقيدة السالوس. ايه هي - 00:32:40

اهم التفاصيل المتعلقة بعقيدة السالوس. اولا الله الاب ان الاب هو الاله الحقيقي المستحق للعبادة. دي عقيدة مشتركة عند النصارى وعند اليهود كويس. طيب الله الاب ده لوحده؟ لأ مش لوحده. ده له ابن. ابن مولود منه. برضه كده الاتنين دول - 00:33:00

لوحدهم لأ برضه. ده فيه الروح القدس. روح الله الابن ده مولود. الروح القدس ده بيسموه منبثق. وهنبقى نشرح بالتفصيل ايه ايه موضوع الولادة وولادة الابن من الاب؟ وايه موضوع انبثاق الروح القدس من الاب والخلافات اللي ما بين الطوائف المسيحية - 00:33:25

حول مفاهيم ولادة الابن من الاب ومفاهيم انبثاق الروح القدس من الاب. المهم ان انت تبقى فاهمه دلوقتي ان الله الاب هو الاله حقيقي المستحق للعبادة. الابن مستحق للعبادة لانه مولود من الاب. والروح القدس مستحقة - 00:33:45

للعبادة لانه منبثق من الاب. او من الاب والابن ايا كان. دي تفاصيل خلافية ما بينهم. المهم هنا ان الاب هو واصل الموضوع لا يوجد اي خلاف ان الاب هو الاله الحقيقي المستحق للعبادة. مين الاب ده؟ الاب حسب اعتقاد - 00:34:05

المسلمين هو الله هو الاله الحقيقي المستحق للعبادة. هو خالق السماوات والارض. ما يرى وما لا يرى. هو اله موسى وابراهيم واسماعيل واسحاق ويعقوب. هو الاله الذي شق البحر واخرج موسى وبني اسرائيل - 00:34:25

من ارض العبودية ونجاهم من فرعون. هو ده الله الاب. لا يوجد خلاف طوال التاريخ من اول اليهود لغاية كل الطوايف النصرانية على الوهية الاب. الاب هو الاله الحقيقي المستحق للعبادة. ما فيش اي خلاف على كده. الخلاف حول التفاصيل - 00:34:45

الاخرى الابن وعلاقته بالاب والروح القدس وعلاقته بالاب. النصارى بيدعوا ان علاقة الابن او علاقة المسيح او علاقة الكلمة بالاب علاقة تجعله مستحقا للعبادة. والعلاقة دي هي انه مولود من الاب وايضا النصارى بيدعوا ان الروح القدس علاقته بالاب. علاقة تجعله الها حقيقيا مستحقا للعبادة. مع - 00:35:05

الاب والابن والعلاقة دي هي الانبثاق. يبقى التفاصيل الخاصة بعلاقة الابن بالاب هي هي الولادة والتفاصيل المتعلقة بعلاقة الروح القدس بالاب هي الانبثاق. طوال التاريخ المسيحي وحتى في ايام عصر - 00:35:35

المجامع لغاية بعثة النبي محمد صلى الله عليه وسلم. كان فيه دايما دايما والى اليوم طوايف بتنكر التفاصيل المتعلقة بعقيدة الثلوث. سواء تفاصيل الروح القدس وانه منبثق من الاب او - 00:35:55

تفاصيل الابن وانه مولود من الاب. وزي ما قلنا قبل كده هذه التفاصيل ليست موجودة في العهد الجديد. ليست موجودة في الكتب المسيحية وهذه المفاهيم تطورت مع الوقت لغاية ما وصلوا لهرم لقمة هرم عقيدة الثالوث اللي - 00:36:15

هو المساواة زي ما قلت. يبقى لغاية دلوقتي المفروض نكون فهمنا انه السالوس يعني عقيدة المسيحيين في الله. المفاهيم دي فيها جزور في اليهودية وتطورت في المسيحية مع الوقت لغاية ما وصلنا لعصر المجامع التي وضعت تفاصيل كثيرة وتبلور عندها - 00:36:35

مفاهيم اساسية متعلقة بهذه المفاهيم. وان عقيدة الثلوث ليست عقيدة بسيطة لكنها عقيدة تحتوي على تفاصيل. والنقطة المهمة اللي كنت بقول عليها ان هذه التفاصيل هي اساس كل العقائد الاخرى. اباء عصر المجامع كانوا بيرفضوا - 00:36:58

ان هم يناقشوا اي عقائد اخرى لو انت مخالفهم في تفاصيل عقيدة الثانوس على سبيل المثال الخلاف المشهور جدا اللي هنتكلم عن تفاصيله فيما بعد ما بين اريوس وافناسيوس والاريوسية واريوس - 00:37:18

اسم مشهور اليوس ده. عمرنا ما شفنا ان كان في حوار ما بين اباء الكنيسة وما بين اريوس في تفاصيل متعلقة بالصلب والفداء وهل انت بتؤمن ان المسيح اتصلب ولا ما اتصلبش ولا لأ ؟ ليه ؟ لان اريوس كان عنده مشاكل فيما يخص الوهية المسيح - 00:37:35

وعلاقته بالاب؟ وهل هو اله حقيقي مستحق العبادة ولا لأ ؟ دي عقيدة جوهرية من التفاصيل الرئيسية في عقيدة الثالوث ما دام عندك مشكلة فيها ما ينفعش نتكلم في اي عقايد اخرى مبنية عليها. لذلك من المهم جدا - 00:37:55

انت تبقى فاهم انك لما تنتقد عقيدة الثالوث وتهدم القاعدة يبقى انت نظريا ولازم المسيحي يقبل بالكلام ده. انت هدمت المسيحية بالكامل. لان ما بني على باطل فهو باطل. قاعدة عقلية متفق عليها عند جميع - 00:38:15

العقلاء ما بني على باطل فهو باطل. انت باني على عقيدة السالوس. الوهية المسيح والتجسد. وباني على عقيدة الوهية المسيح التجسد الصلب والفداء. انا هدمت عقيدة الثالوث. يبقى اتهدم التجسد والوهية المسيح. يبقى اتهدم الصلب والفداء. وبالتالي مهم - 00:38:35

جدا جدا ان المسلم يتقن نقد عقيدة الثالوث. ما دام انت هتدخل في مجال الحوار الاسلامي المسيحي. لازم تتقن نقض عقيدة السالوس. وعلشان كده بازن الله عز وجل حندرس تفاصيل كثيرة جدا جدا عن عقيدة السالوس. وزي ما قلنا الخلفية - 00:38:55

التي اثرت على المسيحية ثم تطور المفاهيم المسيحية وهنتكلم ايضا عن موقف اليهودية من عقيدة الثالوث وهنتكلم عن موقف الاسلام من عقيدة السالوس وايضا سنفند ادعاء النصارى ان هم بيدعوا ان القرآن الكريم او ان الاسلام في - 00:39:15

فيه عقيدة الثالوث هنتكلم عن تفاصيل كثيرة جدا جدا وآآ يعني انا ساكتفي بهذا القدر في هذه المحاضرة واتمنى ان المعلومات اللي احنا بدأنا بها انك يعني يبقى عندك كده تصور عن ايه هو الثالوث والاب والابن والروح القدس وعلاقة الكلمات دي - 00:39:35

يهودية والدنيا ماشية ازاي والمفاهيم الرئيسية المتعلقة بالسالوس اتمنى ان الدنيا دي كلها تكون واضحة باذن الله عز وجل في المحاضرات القادمة هنبتدي نمسك بقى نقطة نقطة وموضوع موضوع ونتكلم عنه بالتفاصيل وبالترتيب علشان آآ - 00:39:55

الاخر تكون قادر على انك تنقض الثالوث باكثر من طريقة وباكسر من وجه. ويبقى عندك تصور شامل وكامل عن الموضوع بكل تفاصيله. جزاك الله خير يا شيخ وبارك الله فيكم. تقبل الله منكم. تقريبا ما فيش اسئلة. معظم الكلام كان واضح جدا. كان هناك فقط سؤال واحد لو تسمح لنا - 00:40:14

حضرتك ذكرت بانه الاباء الرسوليين كانوا هم تلامذة رسل المسيح. ايوة. لا هذا صحيح؟ جزاك الله خير. هم هم المسيحيين بيسموا تلاميذ المسيح بيسموهم الرسل. لان المسيح عليه السلام في بحسب الاناجيل عندهم ارسل تلاميذه الى مدن بني - 00:40:34

اسرائيل علشان يدعو في يعني يدعو اهل هذه المدن ويبشروهم ويكرزوا بينهم وهكذا. فبقى فيه يعني جزء من تلاميز اسمهم الرسل. ولذلك في كتاب او سفر من اسفار النصارى اسمه اعمال الرسل - 00:40:54

رصوا لدور رصوا للمسيح. التلاميذ اللي المسيح ارسلهم. اباء الكنيسة اللي تلمذوا على ايد الرسل. او هكذا يدعوا على الاقل بقى اسمهم الاباء الرسوليين. يعني كان لهم علاقة برسل وتلاميذ المسلمين. بس كده. تمام بارك الله فيكم. طيب اه ما هو عمل - 00:41:12

الروح القدس بالنسبة للثالث. يعني ما هي فائدة الروح القدس بالنسبة للثالث اصلا؟ يعني احنا قلنا ان الثالوث فيه مصطلحات بتشرحها هم بيقولوا عن الاب والام والروح القدس والمفرد اقنون فيبقى الاب ده اقنوم والابن ده اقنوم والروح القدس ده اقنوم. اقاليم السالوس المسيحيين يعني - 00:41:32

بيقولوا الاقنوم الاول او الاب ده له عمل والابن ده له عمل والروح القدس ده له عمل. فتفاصيل عمل الروح القدس وعمل الاقاليم واشتراكهم في العمل والكلام ده كله احنا هنتكلم عن الموضوع ده بالتفصيل لكن اختصارا لو جيت يعني تسأل واحد من عامة - 00:41:52

مسيحيين ما هو عمل الاقنوم الاول اللي هو الاب؟ هيقول لك ان ده خالق السماوات والارض. الخالق. الله الاب ده هو الخالق. طب والابن الاقلوم التاني ايه عملوا العمل الرئيسي والاساسي الصلب والفداء انه نزل من السما وعاش على الارض كانسان واتصلب ومات وام الاموات. طب الروح القدس ده ايه - 00:42:12

في عمله هيقول لك ان روح القدس ده هو المسئول عن الوحي والنبوة وهو المسئول عن التقديس انه بيحل في الناس ويقدسهم وبيطهرهم وهو المسئول عن اللي هم بيسموه مواهب الروح القدس واسرار الكنيسة. اللي هو اي - 00:42:32

عمل الهي يستطيع المسيحي او الكاهن المسيحي انه يعمله. زي آآ المعمودية وزي اسرار الكنيسة السبعة او مواهب الروح القدس زي الحاجات اللي مذكورة في اعمال الرسل مثلا التكلم بالسنة. ان انت عمرك ما اتعلمت مسلا الالماني الروح القدس - 00:42:52

يحل عليك يعطيك موهبة التكلم بالسنة فجأة تلاقي نفسك قادر تتكلم بالالماني والاسباني وكل اللغات. فيبقى الروح هو المسئول عن الوحي والنبوة وكتابة الاسفار المقدسة الكلام ده كله وايضا وازاي انا نسيت ده يعني الروح القدس مسؤولة عن الاحياء - 00:43:12

بشكل عام احنا احياء له بسبب رح القدس. والحياة بسبب رح القدس. وايضا اه زي ما قلت الحلول والتقديس والمواهب والاسرار ده عمل الروح القدس. يبقى هم النصارى بيقسموا الاعمال الالهية على اقاديم السالوس الاب والابن والروح القدس - 00:43:33

احسن الله اليكم. طب يا شيخ السؤال الاخير ان شاء الله نختم على ذلك. اه الا ينقب الثالوث وتساوي الاقاليم ان الابن والروح القدس يحتاجا للان حتى يوجدهما. هو طبعا يعني نقد الثالوث ويعني كويس ان في حد ادرك النقطة دي - 00:43:54

انك تنقض المساواة. لو انت نقضت المساواة بين الاقاليم او نقضت المساواة ما بين الاب والابن او نقابة المساواة وما بين الروح القدس والايه؟ والابن او الروح القدس والاب نقضت المساواة يبقى انت نقضت عقيدة السالوس. ففكرة بقى كيف تنقد المسابقة - 00:44:10

يعني ده موضوع كبير جدا وهنتكلم عنه بالتفصيل. لكن النقطة الجوهرية انه بالفعل صحيح ان الاباء قالوا ان الاب ليس محتاجا في وجوده الى اخر. وان الابن مولود من الاب فلو ما كانش فيه اب ما كانش هيبقى فيه ابن - 00:44:30

لا عقلا ومنطقا ان المولود معتمد على الوالد في وجوده. وايضا الروح القدس ده منبثق يعني فيه علاقة ما بين روح القدس والاب اللي هو ما معناه ان الروح القدس اله مستحق للعبادة علشان علاقته بالاب. فلو الاب ده ما كانش موجود الوهية الروح القدس بتروح. يبقى - 00:44:50

كأن فيه نوع من انواع الاعتمادية والاحتياج. لذلك لما كنت بحاور احد النصارى قال لي اوصف ربنا صفة واحدة تحدد بها وحدانية الله وتبقى صفة فارقة بين الله وما سواه وما دونه. صفة - 00:45:10

الصمدية الكمال المطلق الكامل كمال مطلق الذي لا يحتاج والكل يحتاج اليه. الاب يحتاج الى من؟ في موضوع الوهية في موضوع وجوده لا يحتاج الى اخر. الابن واضح احتياجه للاب الروح القدس. واضح احتياجه للاب. ودي اشكالية قوية جدا - 00:45:30

جدا عند عند النصارى. وهنبقى نعرض اقوالهم ومحاولاتهم المتهافتة في الرد على الكلام ده مهازل. اقل ما يقال انها هم مدركين كويس اوي ان الموضوع ده مشكلة كبيرة. والمشكلة دي طوال التاريخ المسيحي هرطقات او طوايف مسيحية مختلفة - 00:45:50

كانوا بينقضوا عقيدة الثالوث من النقطة دي. وكثير من الاباء حاولوا ان هم يحلوا الموضوع ولما تراجع اجاباتهم وحلولهم تجد انها فاشلة تماما هناك مثلا سؤال يقول آآ ما هي حقيقة التكالم بالالسنة؟ ادعاء ادعاء مسيحي وغالبا ده مجرد تخريف - 00:46:10

ان احنا لما بنراجع فيديوهات بعض النصارى المعاصرين اللي بيدعوا ان هم بيتكلموا بالسنة بيقولوا كلام غير مفهوم ما بيتكلموش بلغة مفهومة. آآ ده اي كلام مش بلغة مفهومة. وده مش معنى التكلم بالسنة. هو شيء تم ادعاء وجوده ان المسيحيين - 00:46:30

تكلموا بالسنة طب فين بقى موهبة التكلم بألسنة دلوقتي عمرك ما تلاقي ابدا ان مسيحي اصبح قادرا على التكلم بلغة هو عمره ما اتعلمها قبل كده. فواضح ادعاء باطل يعني. تمام. بارك الله فيك. طيب اه ما هي الروح القدس بالنسبة لليهود؟ اليهود المفروض بيؤمنوا بالروح القدس زي ما المسلمين بيؤمنوا بالروح القدس - 00:46:50

يعني اقصد ان المسلمين كمان عندهم في القرآن وفي السنة مصطلح الروح القدس وروح الله. لكن قطعا ولا شك. اهم حاجة بس نأكد عليه دلوقتي ان اليهود ما بيؤمنوش بعقيدة الثالوث وبينكروها تماما وعقيدتهم في رح الله او او الروح القدس حتى لو كانت عقيدة - 00:47:13

مش واضح معالمها الا انها ليست كالعقيدة المسيحية ان ده واحد من التلاتة الذين نعبدهم ونؤمن مستحقين للعبادة. اليهود بيرفضوا ده تماما. سواء بقى اليهود بيؤمنوا ان الروح القدس او روح الله صفة من صفات الله او ان ده ملاك - 00:47:33

من ملائكة الله ايا كان تفسيرهم فهم بيرفضوا عقيدة الثالوث واليهود نظرتهم للنصارى ان هم وثنيين وانحرفوا عن اهم وصية من من الوصايا الالهية الرب الى هنا رب واحد. وبدل ما بيعبدوا واحد بيعبدوا تلاتة. نفس نظرة المسلمين يعني - 00:47:53

من النصارى انحرفوا للوثنية وتعدد الالهة. جزاكم الله خيرا. وهل يؤمن اليهود بالتوحيد؟ هو انا زي ما قلت فيه فرق كبير جدا ما بين التوحيد حسب التصور الاسلامي ومجرد الايمان باله واحد او ان انت تفضل تردد انا مؤمن باله واحد. التوحيد - 00:48:13

تطور اسلامي يحتوي على تفاصيل كثيرة جدا. زي ما بعض العلماء بيقسموه توحيد علمي وتوحيد عملي او حتى توحيد الوهية وتوحيد وتوحيد اسماء وصفات. المهم في النهاية ان مجرد الايمان باله واحد لا يؤدي الى اني اقول انك موحد او - 00:48:33

انت على عقيدة التوحيد. عقيدة التوحيد تستلزم منك اكتر من كده بكتير. في يعني ناس كثر بيدعوا الايمان باله واحد لكن ممكن تجد انه بيلجأ للموتى او آآ ايا كان يعني امور خارقة للتوحيد زي ما كان كفار قريش ممكن - 00:48:53

بيتفقوا مع المسلمين في اوجه معينة متعلقة بعقيدة التوحيد لكن بيخالفوا في في توحيد الالوهية وهكذا فلأ اليهود مشركين كفار عندهم مشاكل كثيرة جدا في تصورهم عن الله. كذلك النصارى مشركين كفار عندهم - 00:49:13

مشاكل كثيرة جدا في تصورهم عن الله. لكن طبعا كفر النصارى ابشع واشنع واظهر ان هم بيؤمنوا بعقيدة الثالوث واليهود طبعا بيرفضوا ده. ففيه مصطلح تاني هنبقى نتكلم عنه بالتفصيل اسمه مونو سيز. الايمان بالوهية واحدة - 00:49:33

المصطلح ده احيانا بيساء ترجمته الى التوحيد. لكن لأ الموضوع ده هنتكلم عنه بالتفصيل ان المسلمين بيتحطوا تحت خانة واليهود تحت خانة مونوسيزن والنصارى تحت خانة مونوسيزم. لكن هل ده معناه ان احنا التلاتة بحسب المعايير - 00:49:53

اسلامية موحدين على عقيدة التوحيد؟ لأ. المسلمين بس في كل اديان الارض هم اللي موحدين توحيد حقيقي بكل اركانه وتفاصيله. مش مجرد الايمان باله واحد الله اليكم. طيب ما هو القول النقدي في مسألة تتلمذ الاباء الرسوليين على الرسل بعيدا عن النظرية النقدية او عن النظرة التقليدية. الموضوع ده فيه تفاصيل كتير - 00:50:13

ومش هنقدر نتكلم فيها دلوقتي ويمكن ده حتى قد يكون يعني موضوع مادة مستقلة نبقى ندرسها فيما بعد لكن الفكرة هي انت لما بتثبت تطور عقيدة معينة ده دليل على ان ما فيش موضوع التلمذة ده. لما انت تثبت ان كتابات العهد - 00:50:39

الجديد اللي بتمثل كتابات الرسل. وبعدين كتابات الاباء الرسوليين. وبعدين كتابات اباء قصر المجامع. هناك تفاوت في العقائد وتفاوت في التصورات الايمانية ده دليل على ان ما فيش تقليد وان واضح ان الاباء الرسوليين ما اتعلموش على ايد - 00:51:00

المسيح. وان الاباء عصر المجامع ما اتعلموش على ايد الاباء الرسوليين وهكذا. فاثبات تطور العقيدة المسيحية دليل على نقد التقليد اللي جيل بعد جيل تسلموا العقائد دي وسلموها للي بعدهم وهكذا - 00:51:20

- 00:51:44