الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله اليك يرجع الامر كله. اللهم صل على النبي محمد وعلى ازواجه امهات المؤمنين وعلى ذريته وال بيته انك حميد مجيد. اما بعد - 00:00:00

اخواني واحبابي في الله يعني سبحان الله العظيم اي طالب في اي كلية من الكليات يعني بيدخل امتحان اخر السنة ولا يمكن امتحان السنة دي يبقى زي امتحان السنة اللي فاتت - 00:00:20

يعني تخيلوا لو كل سنة لو كل امتحان اخر سنة هو امتحان السنة اللي قبلها وامتحان السنة اللي قبل قبلها هيبقى فين الامتحان يا جماعة؟ سبحان الله العظيم الامتحان بتاع الصالحين هو نفس الامتحان. نفس ورقة الامتحان. اللي اتسلمت للصالحين في العصور السابقة. هي نفس ورقة الامتحان - 00:00:30

اللي متسلمة لنا دلوقتي الدين واحد يا جماعة. والاسئلة واحدة. نفس الاسئلة اللي اتسألها الصالحين في القرآن على مدى المية واربعتاشر سورة. نفس امتحانات اللي امتحنها اصحاب الانبياء على مدى التاريخ هي نفس الاسئلة اللي بتتوجه لنا دلوقتي. انا عايز اقول لك ايه. انا عايز اقول لك اصبر على - 00:00:50

ما صبر عليه الصالحون. يا جماعة الدين الدين بنظرة كده من برة ونظرة بعيدة. يعني عادي ايه المشكلة؟ وايه اللي يؤيدك في الدين واديك انسان ملتزم وخلاص. انما الدين الجد يا جماعة الدين اللي يوصل للفردوس الاعلى محتاج ناس جادين. عشان كده قال تعالى - 00:01:10

اولئك يؤذون الغرفة بما ايه؟ ها؟ صبروا. يعني ايه صبر؟ يعني ثبات. يعني استمرار. يعني الدين مش الدين مش حريقة واتطفت. الدين مش يومين نشطت فيهم في العبادة وراحوا. الدين احسن من انك انت تعمل حريقة وتقوم - 00:01:30

الدنيا في العبادة كزا يوم وبعد كده تفطر ويروح من حياتك العبادة احسن من ده انك يبقى عندك ورد صغير ولكن مستمر وثابت وهو هو ده اللي احنا عايزين نتكلم عنه النهاردة يا اخواني. الثبات على المجاهدة. الثبات. الواحد سبحان الله العظيم لما بيقرأ سور القرآن وزي سورة الزمر - 00:01:50

بينبهر بعاقبة اللي سبته النهاردة كنت بقرأ في سورة الزمر قول الله سبحانه وتعالى انما ها قل هل يستوي الذين يعلمون والذين ايه؟ لا يعلمون انما ايه؟ ها؟ يتذكر اولو الالباب يتذكر يتذكر على وزن - 00:02:10

تفعل الكلمة نفسها صعبة. الكلمة طالعة من قلبك صعبة وانت بتقراها. انما يتذكر تحس ان واحد واقف يبص للسما او يبص للقرآن مهوش حاسس بحاجة وانت بتقول له ده ده اللي هيوصلك لربنا. فبدأ يتعب وبدأ يجاهد نفسه. وبدأ يقف قدام - 00:02:30

المنازر الطبيعة وقدام ايات القرآن وبدأ يقوم الليل وبدأ يجاهد لحد ما بدأ يفهم ايه العبرة اللي وراء القرآن واللي وراه الكون بدأ يحس بعد شوية بقى بدأ يترقى فربنا يقول لك ايه انزل من السماء ماء فسالت اودية ايه؟ آآ فسلكه ينابيع - 00:02:50

في الارض انزل من السماء ماء. المتر ان الله انزل من السماء ماء فسلكه ينابيع في الارض ثم يخرج به ايه ذرعا مختلفا الوانه ثم يهيج فتراه مصفرا ثم يجعله حطاما. ان في ذلك لايه؟ ها؟ لذكرى - 00:03:10

اه ما عادتش بقى يتذكر لا. لا ذكرى لاولي الالباب. اترقى يا اخواني في الله. دي من ثمار الاستمرار على المجاهد انك انت تلاقي الاخ تلاقيه لسه جاي في الاول وتعبان ومش عارف يعمل ايه. وتايه وعنده شوية احباطات ولكن مستمرة على المجاهدة - 00:03:30

مستمر على العبادة. مستمر في الطريق الى الله. تغيب عنه شهور وبعد كده تشوفه تلاقيه بقى حاجة تانية. تلاقيه ترقى. تغيب عنه فترة تقابله رمضان الجاي تلاقيه حاجة تانية يا جماعة اللي بيستمر على المجاهدة الذي يصبر على ما صبر عليه الصالحون يأخذ خلاف اي حد خالص. بعد كده - 00:03:50

ان في ذلك لذكرى ذكرى بقت ايه؟ يعني ما عدش بيبص في السماء ويقول لك في ايه؟ فتقول له طب جاهد كده عشان تحس بجلال اللي خلقها. طب بص في النجوم طب - 00:04:10

بص في علوها. طب بص في ارتفاعها بغير عمد. طب بص في مليارات المجرات. طب بص طب بص. لأ ده بقى اول ما يشوف ياه يفتكر جلال ربنا اول ما يبص في القرآن ويفتح القرآن يفتكر جلال ربنا. بقى بالنسبة له الكون والقرآن مصادر شحن. ولكن لما يلاقيهم قدامه - 00:04:20

ولما يبص لهم فضل الموضوع يترقى لحد ما وصل لقول الله في سورة الزمر ثم تلين جلودهم وقلوبهم الى ايه ذكر ذكر الله يعني ايه ذكر يا جماعة؟ ذكر ما عادتش حاجة محتاجة حد يفكرك بها. عشان كده يقول لك ذكر الله مش عبادة - 00:04:40

التذكر الله تذكر اللي انا نسيته والعياذ بالله وبفتكره. انما الذكر ده يعني جلال ربنا جوة قلبك. يعني المعاني دي جواك. يعني هذه المعاني لا تنسى. صارت مشاعرك تجاه عظمة الله واتجاه الدار الاخرة. لا تنسى يبقى بدأ الاول - 00:05:00

بيجاهد انما يتذكر ورد المجاهدة. اللي بيقعد يجاهد نفسه فيه. كل يوم في جلسة الضحى. في موعد معركة مع نفسه يشوف وصل فين في الذكر يشوف حاسس بالقرآن ولا لأ يشوف حاسس بالاذكار ولا لأ الموضوع بدأ يترقى بقت ايه بقى طول اليوم يعني ممكن تلاقي - 00:05:20

قلبه عادي. انما اول ما يقعد جلسة الضحى لذكرى بقى اول ما الذكر ييجي تلاقي قلبه طار بقى. لحد ما وصل لمرحلة ما عدش فيه فرق بين جلسة الضحى وبين باقي - 00:05:40

اليوم ذكر بقى خلاص بقى قلبه عايش مع المعاني دي. يا اخواني في الله هذه غدوتي. هذه اخوتي الكلمة اللي احنا عايزين نخرج بيها النهاردة كلمة ابن تيمية لما كان يجلس ورد العبادة اليوم الثابت بتاعه من الفجر حتى منتصف يعني لحد - 00:05:50

مسلا نقول الساعة تسعة الصبح كده ولا حاجة. ثم يقول للامام ابن القيم رحمه الله هذه غدوتي. فان لم اتغدها ايه سقطت قوتي. سقطت قوتي. الواحد بيحسها. لما يكون عندك ورد والورد يروح. تفاجأ انك يا جماعة سقطت - 00:06:10

قوتي ديت ده احنا كلنا واقعين فيها. هذه غدوتي. لما يكون عندك ورد شحن عبادة يومي. انت بتتعرض نفسك والاصلاح قلبك ولتذكر جلال ربك فيه. هذه غدوتك فان لم اتغدها سقطت قوتي. تلاقي الاخ عنده معاصي سر - 00:06:30

ما حدش قادر يقاومها. يقول لك ما عدتش قادر. سقطت قوتي. تلاقي الاخ يقول لك انا عدت بنام كتير. ما عدتش قادر باصحى من النوم مش قادر من النوم. سقطت قوتي. تلاقي الاخ يزبط المنبه. على الساعة واحدة بالليل واتنين بالليل وتلاتة بالليل واربعة بالليل. ويصحى برضو مش قادر يصحى - 00:06:50

الفجر ليه؟ سقطت قوتي. سقطت قوتي. تلاقي الاخ قاعد مع اخوانه ما عادش قادر يستحمل بقى تقل ده. وغلاسة ده. ويقوم يعني سايب اخوانه رغم انه عارف ان ارتباطه بهم سر نجاته ونجاته وسر عز الاسلام في الارض سقطت قوتي ما عدش قادر يصل ارحامه ما عدش - 00:07:10

قادر يبر جيرانه. ما عدش الا اما بيمشي في الشارع ويشوف منكر ما عدش قادر يغير المنكر. واقف في التاكسي والعربية جنبه مشغلة اغاني. والشاب اللي رتب العربية جنبه كدهو بينه وبينه ربعميت مش قادر يبص له ويضحك ويقول له كلام ربنا وحش ولا ايه؟ مش قادر. سقطت قوتي - 00:07:30

اللي هو الاخ ييجي يقول لك مش قادر مش قادر اقوم. مش قادر احافز على تكبيرة الاحرام. مش قادر اقعد جلسة الضحى بلاقي نفسي بقع مش قادر. ده يا جماعة مش اجهاد بدن. ده يا اخواني مش ارهاق جسد. ده يا جماعة سقطت قوتي - 00:07:50

ان هو الشحن اللي بينشحنه راح. هذه غدوتي. فان لم اتغدها سقطت قوتي. هو ده اللي احنا عايزين نتكلم عنه النهاردة النهاردة يا اخوان ده اللي احنا عايزين نتكلم عنه الورد التعبدي في حياتك فين ؟ كلها ايامه هيبدأ السنة الجديدة. سنة كاملة من عمرك - 00:08:10

راحت وسنة كاملة جاية بازن الله سبحانه وتعالى. كلها كلها ايام. وهيبدأ عام جديد خالص. انت هتقف مع نفسك هتدخل السنة اللي فاتت دي. الليالي التي نمتها اكتر من الليالي التي قمتها. الايام التي افطرتها اكتر من الايام التي صمتها. جلسات الضحى التي خلفت عنها اكثر من جلسات الضحى - 00:08:30

التي جلستها. يا جماعة عايزين نقف مع نفسنا. هنفضل كده ولا ايه؟ يبقى احنا الوقتي عايزين نتكلم ما فيش حاجة اسمها ملتزم ما عندوش عبادة سابت. ما عندوش ساعة في اليوم. يحاسب فيها نفسه. يراجع فيها نفسه. يقف فيها مع ايوب ويقف فيها مع مراده. يقف مع نفسه انا فين من القرآن - 00:08:50

انا فين من ربنا؟ انا فين من الجنة؟ اللي الساعة دي مش موجودة في حياته؟ ده بعيد. بعيد يا جماعة قال تعالى عن سيدنا فيونس فلولا انه ايه؟ كان كان من المسبحين ده كان وضع مستمر في حياته. الورد - 00:09:10

العبادة والورد بتاع الصلاة. ده كان ثابت. يا اخواني القضية مش قضية ان عبدت ربنا شهر رمضان وراحت. او عبدت ربنا عشر ذي الحجة وراحت او عبدت ربنا سخنت ليلتين في القيام ولا اسبوع في جلسة الضحى وراحت. القضية قضية الاستمرار. المستمر هو اللي - 00:09:30

بيوصل عشان كده سورة زي سورة الزمر من السور اللي تبهرك بمعنى الاستمرار. من السور اللي تبهرك بثمرة الثبات على المجاهدة. تلاقي سورة الزمر ماشية قاعد يترقى يترقى يترقى وهو بادئ من الاول خالص. لحد ما ينادى من ابواب - 00:09:50

التمانية في اخر سورة الايه؟ في اخر سورة الزمر لحد ما ينادى من ابواب الجنة الثمانية صورة عبث. شف ربنا سبحانه وتعالى يقول لك ايه وما يدريك لعله ايه ها الزكى وما يدريك لعله يزكى مشاكله النفسية بقى وامراضه وعيوبه والمصايب الموجودة دي تبدأ تتطهر - 00:10:10

او يذكر بدأ يعلى بقى. يا الزكة دي بدأ يتخلص من الانا. بدأ يتخلص من نظره الى نفسه. بدأ يتخلص بدأ يتجرد في معاملة الله. بدأ ما يبقاش في حياته غير ربنا. بعد كده او يتذكر بدأ يتصل بالله. لما تخلص من نفسه بدأ يتصل ليه؟ يبقى - 00:10:30

بيترقى اهو وبرضو او تحس الكلمة صعبة. تحس انها مرحلة صعبة. اصبر يا ابني كثيرين كثيرون يتركون مجاهدة النفس واصلاح القلب عشان حصل له مشكلة في البيت. عشان حصل له ازمة مادية. عشان حصل له - 00:10:50

مشكلة معينة اسرت على نفسيته. عشان ضغوط الحياة. عشان احبط لما ما لقاش ثمرة سريعة على قلبه وفي حاله. وما لقاش نفسه بعد اسبوع اتحول فجأة للصوام القوام اللي يناموا من غير منبه يصحى للفجر لقيام الليل وينام قليلا والقلب يهيم - 00:11:10

جلال الله وذكر الله. اما يلاقي نفسه بعد اسبوع مجاهد ما بقاش كده يحبط. يا ابني اصبر على ما صبر عليه الصالحون. كان القاسمي رحمه الله بيقول في قول الله سبحانه وتعالى في قول الله ومثلك مثل كلمة طيبة كايه؟ كشجرة طيبة - 00:11:30

هبة قال لك ايه العلاقة بين المؤمن والنخلة؟ قال لك الطريق الى الله عامل زي النخلة. فيه مرحلتين مرحلة الجريد اللي هو الاخ وهو لسه بيحاول يطلع الجريدة دي تدخل في رجليه. والجريدة دي تعور صدره. والجريدة ديت تجرح له ايديه. والجريدة دي تفتح له راسه. فمرحلة الجريد مرحلة المجاهدة في الطريق الى - 00:11:50

الله اما يصبر عليها اما يصبر وكل ما مرحلة الجريد تطول معناها ان هو هيعلى خالص معناها ان الشجرة اللي طالعها دي شجرة جدا لما تخلص يوصل لمرحلة الرطب بقى. الرطب الجني بقى. مرحلة الشهد. مرحلة انه يتذوق الرطب. مرحلة - 00:12:10

مال الطريق الى الله؟ جمال العبادة. اصبر يا ابني. اصبر على نفسك. لابد من مجاهدة النفس. لازم يا جماعة نواجه نفسنا يا اخوانا احنا في ايام صعبة جدا. في ايام في غاية الصعوبة. الشهوات مهولة ونصاب اللي يطلع يقول ان الشهوات ما قصرتش فيه - 00:12:30

في قلبه ان سعار الشهوات اللي في الزمن اللي احنا فيه ده احنا في ايام الشهوات قاتلة قاتلة ونصاب اللي يطلع يقول ان الشهوات ما الشبهات ما اسرتش في قلبه. احنا في ايام الفتن فيها صعبة. الثبات صعب. كما قال رسول - 00:12:50

رسول الله صلى الله عليه وسلم كان قابض على الجمر. كالقابض كأن الواحد الواحد بيفتكر هذه يعني الكلمة اللي النبي صلى الله عليه وسلم هذه الايام كأنك ماسك اللي عايز يسبت على الدين اللي بحق وحقيقي. ما ليش دعوة بالتزام الهق ده. انا ما ليش دعوة بالالتزام الشكلي. انا ما ليش دعوة بالاخ اللي - 00:13:10

من الدين لحيته وخدت من الالتزام نقابها وخد من الدين جزاك الله خيرا يا اخي. وعايش حياته زي ما هو عايز. انا ما ليش دعوة بهزا النموزج. انا بتكلم في اللي مشغول بالفردوس الاعلى. اللي مشغول بالوصول الى الله. اللي مشغول بتحقيق مراتب سورة الزمر. ومراتب سورة - 00:13:30

حبس اللي مشغول انه يترقى. اللي مشغول انه يوصل. ان القضية دي تحسين مستوى دينه شاغله. فيتبعون احسنه. تحسين مستوى دينه شغلوا في الحياة. ها وما يدريك لعله يزكى يا ربي. ده ده عيوبك النفسية غارزة. يا عم - 00:13:50

تطلع من جواك او يتذكر شف في الاول الدنيا صعبة ازاي. في الاول مرحلة الجديد صعبة ازاي؟ او يذكر يبدأ بقى يتدبر في الكون يبدأ بقى يتصل بالقرآن مش حاسس يا جماعة. طب حاول تاني يقوم الليل بكرة. يا جماعة والله ما حاسس بحاجة. طب قوم الليل تالت وحاول تركز في الايات - 00:14:10

يا جماعة انا حاسس ان انا الايات ما بتدخلش قلبي خالص. طب حاول رابع. يا ابني اصبر على ما صبر عليه الصالحون. يا ابني ورقة اسئلة واحدة. يا حبيبي ورقة اسئلتك يا ورقة اسئلة ابو بكر وعمر. هي ورقة اسئلة اصحاب الانبياء كلهم اصبر اصبر اوعى - 00:14:30

اوعى تقف اوعى تهدى. اوعى اوعى تيأس. اوعى تشغل اوعى تفتن. اوعى تقول السكة دي ما فيش اخرها حاجة. انا ما فيش في امل. اوعى كمل واللي الصالحين اللي كملوا صبروا خدوه هتاخده بازن الله سبحانه وتعالى. ولك خمسين ضعف - 00:14:50

الثواب لانك في زمن صعب. فالنبي عليه الصلاة والسلام قال ان لك خمسين ضعف. ثواب اللي عبد ربنا في الايام السهلة. الايام اللي تدخل الجامع تلاقي الدنيا مليانة. والناس في الشارع مشغلة قرآن والدروس الدينية طالعة من آآ من الفلاشات بتاعة الميكروباصات وتفتح التليفزيون تلاقي كل الناس بتقول لك اتق الله اتق الله - 00:15:10

وتدخل على النت تلاقي الشباب عاملين مشاريع خيرية من اجل اطعام المسلمين في الصومال. انت دلوقتي كل حاجة بتدخل فيها بتبقى عايزك قال ربنا لك خمسين ضعف اللي عاش في حياة صالحة. اللي عاش في حياة سهلة. اخواني في الله او او يتذكر - 00:15:30

بقى يبدأ يتذكر بقى ويبدأ يقرب من ربنا ويبدأ يقرب من القرآن فتنفعه الايه؟ الذكرى ده بدأ يطلع اهو ده بدأت تجيب اهي بتعبير واحد صاحبنا بدأت تندع اهي. بدأت المكنة تطلع قماش. بدأ يحس بدأ يقرا القرآن - 00:15:50

تلاقي فيه معاني بدأ يسجد يلاقي قلبه بيلقط. بدأت تلقط اهي. حتى لو بتفصل تاني بعد شوية بس الحمد لله. احنا فين ده انت كنت بتدخل المفتاح وتدور ما فيش حتى ما فيش حتى النحنحة اللي بتطلع من العربية وهي بتجاهر عشان تلقط. ما فيش ميتة - 00:16:10

وبدأت ايه؟ تنحنح معك. شوية وبدأت تلقط وتفصل. الحمد لله. او يتذكر فتنفعه الذكرى. اما من استغنى انت لو تصدى وما عليك الا يزكى. واما من جاءك يسعى وهو ايه؟ وهو يخشى فانت عنه تلهى. جاءك يسعى وهو - 00:16:30

وصف ربنا للاخ اللي طالب التربية. ده وصف ربنا لطالب الوصول الى الله. جاءك هو اللي جاي وبيدور على دينه. مش الاخ اللي يقول لك انا عايز حد يربيني ده بيكدب على نفسه. اللي عايز بيروح وبينزل وبيوصل. جاءك يسعى جاي بقوة - 00:16:50

مش جاي بيقدم رجل وبيأخر رجل. مش جاي محبط. مش جاي هو اصلا تبص في وشه في الدرس كده وهو قاعد قدامك يجي لك احباط. تحس ان ايه ده يا ابني لو حركنا العمود ده بقى مش هيتحرك. جاي يسعى. جاي كله امل في رحمة ربنا. جاي كله همة على انه يوصل لربنا - 00:17:10

وهو يخشى بالنسبة له انه يموت من غير ما يوصل لربنا دي مصيبة. بالنسبة له ان هو انه يفقد الحماس اللي جواه للوصول الى الله دي مصيبة خايف من النار خايف من القبر خايف من عدم رضا الله عنه. خايف من عدم تزكية قلبه. خايف انه - 00:17:30

على الله بالقلب اللي لسة جوة صدره دهوت دون ان يتزكى. ده فضل بقى يزكى وبعد كده يزكر وبعد كده الذكرى تنفعه لحد ما وصل لكلا انها تذكرة. فمن شاء ذكره في صحف مكرمة اللي هو القرآن مرفوعة - 00:17:50

بايدي ايه؟ سفرة كرام ده هو ده. ده ده مش وصف الملائكة اللي ماسكة القرآن في السما بس العلماء قال لك ده وصف اهل القرآن في الارض كمان. ده وصف اللي متصل بالقرآن ده في الارض كمان. فضل يجاهد لحد ما بقى من - 00:18:10

ترى الكرام البررة. فضل يجاهد. فضل جاءك يسعى وهو يخشى. فضل يحاول. ما احبطش. ما وقفش يا بخته اللي هيكمل. يا بخته اللي هيصبر على ما صبر عليه الصالحون. يا بخته اللي هيواصل. يا بخته اللي هيبقى له ورد العبادة اليومي - 00:18:30

الذي يجاهد فيه نفسه ويراجع فيه نفسه ورد المواجهة اليومي. يواجه نفسه يشوف انا وصلت لفين مع القرآن. انا قلبي عامل ايه مع انا قلبي بيحس بالذكر ولا لأ ؟ انا نفسي انا عايز ربنا ولا عايز علو نفسي؟ انا مخلص ولا مرائي؟ انا صادق ولا منافق - 00:18:50

عزيمتي هتطلع امتى ؟ لما يبقى عندك ساعة في اليوم تجاهد نفسك بالعبادة وتواصل فيها العبادة. انت هتبهر من النقلات اللي هتحصل في حياتك. كل شوية الراجل يا جماعة بدأ شوفوا بدأ ازاي. ووصل لسفره كرام البررة. السفرة دية الشمس اسفرت - 00:19:10

يعني نورت الكرة الارضية. يعني بقى زي الشمس بقى بينور للدنيا كلها. مش هو بس منور! ده هو الدنيا كلها بتستنير بالنور اللي عنده كرام الكريم عكس اللئيم. اللئيم من الالتئام حاجة التئمت بحاجة اللي هو المخلط. اللي معدنهم الصافي. اللي من جوة ما هو الصافي. انما - 00:19:30

الخالص الصافي لربنا سبحانه وتعالى ومن صفى صفي له ومن كدر قدر عليه ده صفى لربنا. ده قلبه بقى بتاع ربنا ده نفسه بقت لربنا بس. ده رغبته بقت الى الله بس. ده صفى فصفي له. كرام بررة. يعني ايه بررة - 00:19:50

الابرار عكس الفجار الفجار من تفجر الماء. لما يحصل انفجار يعني ايه المتفجرات خرجت بلا عائق لما يحصل انفجار للماء الماية خرجت بالعائق. فالفاجر اللي منطلق للمعصية بالعائق. اللي ما فيش جواه زرة خير تمنعه عن المعصية. طب الابرار - 00:20:10

اللي ما فيش جواه زرة شر تدفعه للمعصية. اللي حياته كلها عبادة. عشان كده بر الوالدين ليه مش طاعة الوالدين بر الوالدين معناه ان كل افعالك معهم خير. كل حاجة الحج المبرور اللي ما عملتش فيه حاجة غلط. يبقى البر ده يا جماعة العبادة - 00:20:30

ادم خالصة اللي حياته كلها طاعة. تخيلوا كان ايه وبقى ايه؟ ابشروا يا اخواني. اللي عايز يسلك الى الله اللي عايز يجاهد في الطريق الى الله يبشر ولكن يتعامل صح مع ورد العبادة بتاعه. يتعامل صح مع الورد الثابت بتاعه. اديني - 00:20:50

ادانا اوراق كتير اوي ادانا عروض كتير اوي. عندك جلسة الضحى. ادي ساعة ساعتين اهمت. ممكن تقف مع نفسك فيهم في العبادة. عندك التهجير الساعة ونص ولا الساعة اللي قبل الضهر تقف مع نفسك فيها في العبادة. عندك من العصر للمغرب الساعة ونص الساعتين دول. ده ورد عظيم جدا. ممكن تقف مع نفسك فيه في العبادة. عندك من المغرب - 00:21:10

لو انت زروفك صعبة يعني وعلى يعني بالعافية انا عرفت الساعة دي اتخلصها. ممكن تقف مع نفسك فيها في العبادة. عندك قيام الليل ومش شرط تبقى عنتر ابن شداد وتقول له انا هقوم في التلت الاخير. يا عم قم بعد العشاء. يا عم قم الساعتين اللي قبل ما تنامهم. يا عم قم الساعة اللي قبل ما تنامها. يا اخواني في الله قضية - 00:21:30

الورد التعبدي قل سليم المثمر والمستمر. ودي اهم حاجة ثمرة الدين مش في العنتريات. ثمرة الدين مش في الحرايق. ثمرة الدين مش في الانفجار اسبوع. تبقى هتكسر الدنيا من كده ليل نهار وبعد كده ترجع تنام تاني. ثمرة الدين في الاستمرار. اولئك يجزون الغرفة بما ايه؟ صبروا - 00:21:50

وصبروا اللي استمر على العبادة. اللي استمر على الورد بتاعه. لو انت استمريت على قيام الليل او على جلسة الضحى من الوقت لرمضان الجاي شف في رمضان الجاي هيبقى قلبك شكله ايه. بس يبقى ورد عبادة سليم. عشان كده يعني انا عايز نقف وقفة خطيرة خطيرة مع - 00:22:20

ورد العبادة في سورة صاد وقفة خطيرة يا جماعة كثير مننا بيعبد ربنا عبادة باردة عبادة باردة مش العبادة اللي تغير حياتك. عايزين عارف اذ تصوروا المحراب سيدنا داوود من كتر - 00:22:40

ورد العبادة بتاعه مكان مقدس عنده ما فيش مخلوق يعرف يوصل له. لدرجة ان اللي حب يدخل له اضطر ينط من فوق السور. ده معناها ان الدنيا مقفولة بالضمة وبالمفتاح. وارضع بلى يعني ارضع عبادة. مش الاخ قاعد ورد عبادة والمحمول جنبه. يرن المحمول ايوة يا اخي. اصل انا قاعد - 00:23:00

والله باعبد ربنا في المسجد. يا ابني ازاي يا ابني! ده انت كل ما تيجي تلقط هتفصل نفسك. ده بتاع المخدرات يا اخواني! عندهم كلمة مهمة قوي. حد منكم نزل جولات - 00:23:20

شباب مخدرات قبل كده اه وهو بيشرب المخدرات بقى وايه وعامل دماغ. تيجي تكلمه يقول لك يا عم الشيخ بقول لك ايه ها ما ايه ما تفصلنيش. ما تفصلنيش. انا عامل دماغ. الدماغ هتبوظ. بعد كل اللي عملته ورحت وقضيت وسافرت وعديت من - 00:23:30

وفي الاخر انت هتيجي تفصلني ليه ؟ سبني يا عم الشيخ اما اما افصل لوحدي كده وبعد كده ابقى كلمني في الدين ما تفصلنيش ما تقوليش ان انا وحش يا ابني انت اخطر من انت اخطر منه. ما تسيبش حاجة تفصلك. الاخ حاطط لي المحمول جنبه. آآ انا اصلي بعد العشاء - 00:23:50

مول مفتوح جنبه وعادي جدا جرس الباب لو اي حد اتصل به هيقولوا له اتفضل اهو جوة اهوت عندك. ادخل له ما فيش محازير خالص حياتك انت انت عامل زي اللي عايزه اعبد ربنا في موقف ميكروباص. يا ابني ورد العبادة ده لازم يبقى عندك سياج عليه. ما حدش يعرف يوصل لك فيه - 00:24:10

سيدنا داود اذ تصوروا المحراب. سيدنا داود عارف ان ورد العبادة دا راس حربة اليوم كله. ان لم اتغدها سقطت قوتي لا هي تقدر تخرج تجاهد ولا تقدر تخرج تنكر منكر. ولا هتقدر تخرج. تربي وتعلم وتدعو وتواجه المجتمع. وتدافع عن شريعة ربنا - 00:24:30

وتدعو الشباب الى الله وتصلي السنن وتلبي نداء اول ما الاذان يقول الله اكبر تجري. وتجدد الوضوء وتحافظ على الوضوء وتنام على وضوء وتقول اذكار الصباح والمساء وتقول ازكار النوم. فجأة الكلام ده كله بتلاقي نفسك ما فيش. محمول وفصل شحن. اقعد بقى اضرب فيل الصبح مش هيعمل ولا مكالمة - 00:24:50

ما انتاش قادر فالورد التعبدي ده عايزين نتصور المحراب على الصالحين ونشوف كان العبادة بتاعتهم اسمها ايه؟ انا يا جماعة مش بقول لكم كلام تعجيزي. انا مش مش متخيل انك هتدخل على صالح في ارض العبادة. تلاقيه عامل لك البتاعة بتاعة الملاكمة ديت اللي - 00:25:10

في نوادي الجيم ديت وقاعد ينكد الموضوع مش كده. انما مش بيلعب. مش بيلعب. واحد قاعد مركز شفت انت لما بتقعد تزاكر ساعة كده عشان عندك امتحان تاني يوم بتزاكر بتركيز شكله ايه ؟ اهو ده المقصود انك انت تقرا القرآن بتركيز - 00:25:30

وتحاسب نفسك انا حاسس به ولا لأ ؟ طب مش حاسس زود التركيز اكتر. مش حاسس اتعب اكتر. مش حاسس الموضوع مش آآ مش صراعات الموضوع كله قال جدية. تعالوا يا جماعة نتصور المحراب على الصالحين. لنرى كيف - 00:25:50

كانوا يؤدون الورد اليومي. ورد العبادة اليومي. الذي سمي في القرآن انه اواب واللي النبي عليه الصلاة والسلام سماه ايه؟ طوارئ اني طرأ علي حزبي من القرآن. النبي عليه الصلاة والسلام لما تأخر عن الوفد كان - 00:26:10

درس يومي عن تعزيب مكة كان بيربيهم على هم الدين. اتأخر عليهم مرة بعد العشاء وكان بيدي الدرس وهو واقف من شدة الجو بتاع الدرس. النبي كان يريد نوصل لهم ان الدين ده ما بيقومش بالسهل. ان الدين ده ما بيقومش غير على اكتاف المضحين. فالنبي عليه الصلاة والسلام كان كل يوم يروح للوفد بعد العشاء ويقف يديهم - 00:26:30

الدرس عن التعزيب بتاع مكة. فمرة ابطأ عليهم فقال لهم لما اتاهم عليه الصلاة والسلام حديس حسين ابن حجر آآ رحمه الله اني قرأ علي حزبي من القرآن. اني طرأ طرأ يعني طوارئ. يعني انا لو - 00:26:50

ما عبدتش ربنا هيحصل لي ايه ؟ هاروح مستشفى الطوارئ. يعني الورد ده عدم اداء اكلي بيخليك زي اللي خبطته عربية على الطريق السريع وسايح في دمه. يا تلحقوا عربية الاسعاف توديه على الطوارئ يا اما يموت. ليه؟ الموضوع - 00:27:10

مش للدرجة دي يعني لأ للدرجة دي بس للاصحاب الهمم العالية. للناس اللي عايزة توصل للمقاصد العالية. طب امتى تحس انت بالكلام ده لما تطلع. لما تطلع هتحس بالكلام ده. لما ايمانيتك تطلع لما تتحول من عربية تسعمية سي سي لعربية خمستلاف سي سي هتعرف - 00:27:30

ان الخمسة لتر بتوع البنزين بتوع امبارح دول ما يمشوكش الخمسة متر لقدام. ما عدش ينفع يا ابني. اللي عايز يتصل بالله ويسجد قلبه تحت عرش الله اعبد الله في الارض كما عبدته ملائكة السماء. اللي عايز يبقى مع زوجته وقلبه مع ربنا. اللي عايز يصدق الله في كل عبادة ويخلص - 00:27:50

بسم الله. اللي عايز ربنا يختاره في الدعوة الى الله. ما ينفعش ان هو يلعب. لازم يفهم المقامات العالية دي محتاجة ايه. عشان كده الرسول اني طرأ علي حزبي من القرآن. يبقى ورد العبادة بتاع ورد القرآن. وقد ورد وان كنت يعني يعني يعني لم - 00:28:10

اقف على سند او حد من العلماء ذكر لا سند ان النبي صلى الله عليه وسلم كان يحزب القرآن على اسبوع بيختم كل اسبوع. يعني زي اصحاب النبي زي كسيرنا واصحاب النبي - 00:28:30

يعني كل اسبوع بيختم المصحف فالنبي عليه الصلاة والسلام بيقول لك كان فيه حزب القرآن وسماه حزب حاجة مش لعبة يعني حاجة لو راحت انت انت رحت معها اني طرأ علي طوارئ حزبي من القرآن. فكرهت ان اخرج اليكم قبل ان اتم. مش هقدر - 00:28:40

انما هخرج لكم لو خرجت لكم وانا متين وهخرج لكم منور. لو خرجت لكم من غيره هخرج لكم مطفي. كلمة ربنا سبحانه وتعالى فخرج على قومه من المحراب. على سيدنا زكريا دخل المحراب ادى الورد بتاعه. خرج للناس خرج عالي خرج منور - 00:29:00

لما انت تعبد ربنا وتروح تكلم واحد صاحبك عن ربنا. اللي انت كنت لسه بتسبحه في الخلوة. اللي انت كنت النهاردة لسه بعد الفجر ابكي وانت بتقول سبحانك سبحان الله! اللي انت كنت لسة لما تروح لواحد تقول له اقرأ القرآن وانت لسة باكي في ورد القرآن. هل - 00:29:20

يبقى ده زي اللي ما قراش زي اللي ما عملش. يبقى لما انت بتخرج للدعوة وانت عندك ورد عبادة تخرج منور. لما بتخرج وانت مش متصل بالعبادة بتخرج مطفي. مطفي - 00:29:40

تعالوا نتصور محراب الصالحين. ونشوف الصالحين دول عملوا ايه في الورد بتاعهم. قال تعالى تلات مرات ربنا قال انه اواب. تلات مرات ذكر ورد العبادة ايه الفرق بين الاواب والعابد؟ ها ايه الفرق؟ العابد ده بيقعد جلسة الضحى. ها؟ بيقعد جلسة الضحى. انما لو يوم نام - 00:29:50

وانا نمت النهاردة يلا لو يوم يعني النهاردة يلا انما الاواب ده عارفين حديس التلاتة والصخرة لما الراجل كان انه كان لي ابوان وكنت لا اغبق قبلهما اهلا ولا مالا. حدش يتعشى قبل ما امي وابويا يتعشوا. ما حدش يمد ايده على الاكل قبل ما امي وابويا يشبعوا - 00:30:10

ياكلوا هم الاتنين عارف القرى بتاعة زمان بقى لما كانت الست لازم الراجل ياكل ويشبع الاول وبعد كده العيال تقوم قاعدة على الترابيزة بعده بعده بعد ما هو ياكل ويشرب - 00:30:30

اهو كان بيعمل مع امه وابوه كده. امي وطب وهو بيعمل كده ليه يعني؟ طب ما يعلهم منابهم كبير وخلاص. ده ده ايحاء نفسي لهم بمدى التكريم. ده بيقول انتم اول شيء في حياتي وهتفضلوا لحد ما اموت اول شيء في حياتي. هذا من البر. دي لمحة نفسية مش قضية اكل بس. فكان بيتعبد لله بهذه العبادة - 00:30:40

ففي يوم من الايام لقى بيه طلب الشجر وغاب في الرعي رجع متأخر رجع لقى امه وابوه ناموا ولقى العيال هم اللي صاحيين والعيال هيموتوا الجوع وهو معه اللبن بتاع العشاء ومش راضي يدوق حد من عياله لقمة. ولا حد من خدمه لقمة ولا مراته ولا هو - 00:31:00

وواقف على رجليه ومش عايز يصحيهم ومش عايز خدام من الخدامين اللي عنده لانه كان بيقول لا اغبق قبلهم اهلا ولا مالا مالا يعني خدم كان خدم. مش عايز حد من الخدم اللي عنده يقف مكانه. ومش عايز يقعد لحد ما يصحوا. ومش عايز يصحيهم. ايه ده! هو بيعمل كده ليه؟ عارفين بيعمل كده ليه - 00:31:20

لانه قواه. ما هو ده الفرق بين العبد. بر والدين عادي. طب خلاص ادي لعيالك حتة وبعد كده امك وابوك سيب لهم ضعف هم بياكلوه في الطبيعي. انما الاواب يا جماعة بالنسبة له ضياع الورد او ضياع العادة التي تعود عليها في عبادته لله. دي - 00:31:40

زلزال اهون على نفسه منها. تعالوا اما نشوف بقى نتصور المحراب على تلات صالحين. ونشوف لما ربنا قال عليهم انه اواب ربنا سبحانه وتعالى كانوا بيعملوا ايه في العبادة بتاعتهم؟ عشان نفهم ورد العبادة بتاعنا المفروض يبقى ايه؟ العابد الاول داوود اعبد البشر. قال تعالى - 00:32:00

قال اصبر على ما يقولون. اصبر على التمانية وعشرين قناة التوك شو اللي شغالين ليل نهار ضرب في الدعوة الى الله. هو الكلام ده ده انا دمي بيتحرق هو انت لو بتعبد ربنا ومتصل بالله هتضحك وهتفهم وهتفهم ان ربنا مش هيسيبهم وهتفهم بس ربنا له سنن سبحانه وتعالى بس هتبقى - 00:32:20

مطمن اوي اوي واذكر عبدنا داوود ذا الايد العزيمة المهولة. انه اواب انه اواب ربنا سبحانه وتعالى بيقول لك انه عواب في كتب اللغة بيقول لك تعليل. يعني اذا الايدي الايدي دي جابها منين؟ انه اواب. عايز تعرف العزيمة دي جابها منين - 00:32:40

من ورد العبادة سابت. عايز تبقى زي اي عايز تبقى صاحب عزيمة. عايز تبقى عندك همة في الدعوة وفي العبادة وفي الذكر وفي صلة الرحم. وفي غض البصر وفي تبرع عن معاصي السر في عايز يبقى عندك هذه الهمة؟ الحل اهو ربنا بيديه لك انه اواب. انه اواب ورد للعبادة اليوم. تعال - 00:33:00

نشوف كده سيدنا داود كان بيعبد ربنا ازاي ؟ انا سخرنا الجبال معه. ده واحد سايب الدنيا ورايح على جبل. يعني ايه لوحده انا سخرنا الجبال معه يسبحن ده ضمير مضارع. الله! يعني ده مستمر. ده - 00:33:20

موضوع مستمر ده ما بيفطرش يسبحن بالعشي والاشراق به. مش في العشي والاشراك. لو فيه كان يبقى شوية هنا وشوية هنا انما بي يعني بياخد فترة الضحى دي كلها وفترة العشية كلها ذكر. يعني مش بيقعد نص ساعة - 00:33:40

مش بيقعد ربع ساعة. ده مدة تكفي لكي يتضلع القلب من نور القرآن. ومن نور الذكر بالعجي. والطير محشي سورة تخيل كلمة حشر الطير ديت يعني تحسسك ان المكان ده كان فيه كمية طير شكلها ايه ؟ كل له اواب - 00:34:00

وشددنا ملكه واتيناه الحكمة وفصل الخطاب. ده ورد عبادة يا جماعة. انت ممكن تقعد كده تعبد ربنا في جنب هنا بعد صلاة الفجر تلاقي العصافير كلها جاية حواليك. وتلاقي العمود اللي في ضهرك قاعد يسبح ربنا وانت سامع صوت تسبيحه. يا اخوانا لحظة اتصال القلب بالكون ديت - 00:34:20

يا جماعة لما ربنا يكشف لعبد تسبيح الكون ده حاجة معناها ان قلب العبد ده في الساعة دي شكله ايه! انا عايز اقول لك احنا مش هنعمل زي سيدنا داوود. انما نقرب من هذه المقامات. انما قدوة لنا. انك يا ابني لما تقعد جلسة الضهر - 00:34:40

ركز عش عش عبادة خلاص بقى انت قلت الله اكبر ورميت بايديك في اول قيام الليل رميت الدنيا ورا ايديك زي الشافعي اما بيقول جعلت نصف الارض على ظهر يدي اليمنى ونصف الارض على ظهر يدي اليسرى ثم قلت هكذا الارض باللي فيها اترمت ما عدش في حياتي غيره - 00:35:00

يا رب يبقى انت واحد بتعبد ربنا بصدر خالي. وسمعت يعني من احد اه اه يعني من احد يعني من زرتهم يعني زمان كان بيقول في قول الله وان كنت لم اقرأها في تفسير ولكن سمعتها منه. يعني هو كان يعني يزعم ان هو يعني يعني بيقول - 00:35:20

فهل من مدكر؟ فقال المدكر هو خالص صدر. اللي القرآن بينزل على على صدر خالي. مش مشغول بحاجة وان كان كلام العلماء فيه معنى المدكر يشهد لهذا القول. بس يشهد ايه؟ يعني لزوما مش مش كلام صريح. ان المنتكر - 00:35:40

عشان كده جبريل لما نزل على النبي قبل ما يقول له الخمس ايات ها عسر صدره الاول ليه؟ الصدر ده خالي انت عايز صدرك يتعصر الاول. انت عايز تفضى من جوة الاول. انما تدخل تقوم الليل. ودماغك مع المشكلة الفلانية. واللي حصل. واللي ما حصل - 00:36:00

واللي هيحصل وماذا كان لو لم يكن كيف كان سيكون. يا ابني خلاص شفت دي ليه؟ خلاص بقى سيب اللي فيها سلمها لله يا ابني. تفكر في بشر يا اخي الملأ الاعلى ان ان يذكرك الله عندهم خير من البشر. بتفكر في دنيا. يا اخي الجنة اجمل من الدنيا - 00:36:20

بتفكر في مخلوق يا اخي رضا الله احلى من الحياة واللي فيها. بتفكر في ايه؟ بتفكر في مشكلة. يا اخي ده ربنا يرتب لك حلها من حيس لا تحتسب. يا اخي سب بقى. افضى بقى. خليك خالص صدر بقى. العصرة بتاعة جبريل لصدر النبي ديت - 00:36:40

احنا عايزينها يا جماعة. اعصر صدرك قبل ما تدخل في ورد العبادة. سيدنا داود داخل ورد العبادة لا يوجد في صدره الا الله ما فيش في صدره الا ربنا سبحانه وتعالى. عشان كده سبحت معه الطير وسبحت معه الجبال. يبقى او - 00:37:00

اول ملمح لما تصورنا المحراب لما راقبنا الانبياء في محاربهم لما راقبنا الصالحين في محاربهم اول ملمح لورد العبادة انه مش بيلعب انه ورد في غاية الجدية في غاية التركيز. واحد مركز يعني انت داخل جلسة الضحى لك هدف. مش انا هدف - 00:37:20

تمنعوا جلسة الضحى ده كلام واهم. ده كلام مش هيجيب لك اللي انت عايزه. انما هدفي اني اعدي جلسة الضحى. لأ يا حبيبي جلسة الضحى هذه دي وسيلة وليست غاية. مش الغاية ان انا اسمي قمة الليل. مش الغاية ان انا اسمي قعدت في الجامع من العصر للمغرب - 00:37:40

مش الغاية ان انا بكرت لصلاة الجمعة تلات اربع ساعات قبل الخطبة وقعدت اعبد ربنا. مش دي الغاية. مش دي الغنيمة العظمى. دي وسيلة لغاية الثواب ولغاية اصلاح القلب. بينك وبين الله. يبقى ازا مش معنى ان انا بقى اه مش معنى كده ان انا ما لقتش - 00:38:00

الكلب في ليلة الضحى مش قاعدها لأ ده كلام فارغ. انت تتعب لحد ما تلاقي قلبك. لانك هتلاقي في اخوة وسايبك قيام الليل لاني مش لاقي قلبي في قيام الليل. لا يا - 00:38:20

حبيبي انت مش تسيب العبادة عشان مش لاقي قلبك فيها. انت تجاهد لحد ما تلاقي قلبك فيها. لان هي ديت اللي اتربى بها الصحابة. فانت طريق تاني اصلا. ما تعاملش بقى زي عباد الحال بقى. اللي هو ايه لو ما لقاش قلبه في العبادة يسيبها. لا. انا مش قصدي انك لما ما تلاقيش قلبك تسيبها. انا - 00:38:30

انك لما ما تلاقيش قلبك تجاهد فيها لحد ما تلاقي قلبك. طيب نتصور المحراب على عبد تاني. سيدنا سليمان ووهبنا لداود سليمان نعم العبد. الصحابة لما نزلت نعم العبد زعلوا. نزلت مع سليمان ونزلت مع مع ايوب. طب ايوب صبر صبر - 00:38:50

عمري ما حدش يقدر فينا يصبره. وسليمان شكر شكر واوتي ملك ما حدش مننا يقدر يؤتاه. طب احنا هنجيب نعمة العبد دي منين؟ فيعني قال بعض المفسرون فعزاهم الله بقوله نعم المولى ونعم النصير. يعني ان لم تكن انت نعم العبد فاني انا نعم الرب. بس النبي عليه الصلاة - 00:39:10

سلام قال ان نعم العبد دي انت تاخدها بورد العبادة السابت. عشان كده لما ابن عمر ما كانش بيقوم الليل النبي عليه الصلاة والسلام قال للسيدة حافصة اخته. قال لها تقول له ايه - 00:39:30

نعم العبد ابا عبدالله لو كان يقوم من الليل. لو كان يقوم يقوم مستمر فما ابن عمر القيام بعدها ابدا. نعم العبد ان يبقى لك ورد عبادة ثابت تاخد عند ربنا نعم العبد. وان كنت نعم العبد فسيكون لك - 00:39:40

الرب شف عمل لداوود ايه لما عبد. شف عمل لسليمان ايه لما عبد. ووهبنا لداود سليمان نعم العبد انه اواب. اهو سيدنا سليمان قاعد اهو اذ عرض عليه بالعشي قاعد اهوت في ورد العبادة بتاعته وجت الصافنات الجياد. وجات العشرين الف فرس الباهرة الجميلة. فشغل - 00:40:00

في جلسة تسبيح الاصال عن هذه تسبيح العشي من العصر للمغرب عن العبادة بسبب الخيل. يبقى يا جماعة نعرف بقى يعني ايه ورد عبادة. فقال اني احببت حب الخير عن ذكر ربي. حتى توارت بالحجاب. ردوها علي - 00:40:20

يا فطفق مسحا فطفق مسحا ردوها علي فطفق مسحا. يبقى لما سيدنا سليمان قعد ورد العبادة بتاعه. سمح ان فيه حاجة تشغله عنه؟ لما عشرين الف خلجة شغلته عنه عمل فيها ايه؟ يبقى انت مش قاعد ورد - 00:40:40

الكرة بتاعتك والمحمول مفتوح وجرس الباب متاح. والدنيا كلها مفتوحة حواليك. وقاعد تفتكر مشوار فتروح تعمله؟ ما ينفعش يا اخواني الحمد لله وكفى وصلاة وسلاما على عباده الذين اصطفى. اما بعد يبقى اول ما المح من عبادة من ورد عبادة سيدنا داود انه كان مركز - 00:41:00

جماعة انه كان خالص صدر من كل ما سوى الله. انه داخل جلسة العبادة له هدف من ورائها. انا مش داخل جلسة العبادة هم ان انا ابقى اسمي قعدت جلسة ضحى بيني وبين نفسي. اتكتب لي جلسة لا يا جماعة انا داخل لي هدف عشان اخرج بثمرة باذن الله - 00:41:20

اخد السواب بحق وحقيقي. جلسة العبادة وورد الاوبة بتاع سيدنا آآ سليمان عليه السلام. يعني خدنا منه معنى سيدنا سليمان لم يكن يسمح لشيئا يعطله عن هذا الورد. ما دام دخلت فيه مش خارج. عشان كده اه اه يعني احد احد - 00:41:40

السلف كان يقول الاواب الذي لا يقوم من مجلسه. ما فيش حاجة بعد ما قعدت اقومني. يعني مش آآ تعمل المحمول صامت بقى وبعد كده ايه طب اشوف مين اللي اتصل بي يا ابني اسبت اركز. نفسك هتقعد تلاعبك في الاول سبك منها. الزمها الزمها شوية - 00:42:00

عشان تقدر تجني ثمرة هذا الورد بعد كده المرة الثالثة. قال تعالى واذكر عبدنا ايوب. واذكر عبدنا ايوب اذ نادى ربه اني مسني الشيطان بنصب وعذاب ارقد برجلك هذا مغتسل بارد وشراب - 00:42:20

اتى ووهبنا له اهله ومثلهم معهم رحمة منا وذكرى لاولي الالباب. وخذ بيدك بغثا فاضرب به ولا تحنث انا وجدناه صابرا. يا رب صبر ايوب ده ازاي يا رب؟ تمنتاشر سنة. تمنتاشر سنة وفي النهاية بيقول بس - 00:42:40

من الضر وانت ايه؟ وانت ايه؟ ارحم الراحمين. والضر ده كل عياله ماتوا. كل اولاده ماتوا. ارضه اتحرقت غنمه ماتت. جسمه مرض. المرض ملأ جسده. وبعد تمنتاشر سنة بيقول وانت ارحم الراحمين - 00:43:00

النبي عليه الصلاة والسلام صح عنه انه قال يدخل اهل الجنة الجنة على قلب ايوب. ايه قلب ايوب! ايه القلب ده! يعني ازاي كلمة وانت ارحم الراحمين دي معجزة. يعني واحد بقى له تمنتاشر سنة بيتلون بالالم. وامه ماسكة شريط - 00:43:20

الدواء بتاعه وهو عارف انه في ايديها. وبعد تمنتاشر سنة بيقول لها يا ارحم حد بي في الدنيا اديني عليها جيش. بعد تمنتاشر سنة بيتلوى ومبتلى ورفضه القريب والبعيد. والناس كلها هربت منه - 00:43:40

وولاده ماتوا تمنتاشر سنة وبيتسند على زوجته عشان يروح الخلاء ما يقدرش يمشي لوحده. عليه السلام. وبعدين تمنتاشر سنة بيقول له وانت ارحم الراحمين. انا يا رب اعلم انك ما ادتنيش شريط الدواء لانك تعلم ان مصلحتي في اللي حصل - 00:44:00

ولانك تعلم ان تربيتي في اللي حصل. ولانك بتدخر لي مقام في الجنة بسبب الابتلاء ده. وانك تعلم ان انا الفرج ما كانش هو مصلحة ديني ايه يا جماعة القلوب دي ؟ جاب صبره ده منين ؟ يا صبر ايوب صبر ايوب جابه منين ؟ انا وجدناه - 00:44:20

صابرا نعم العبد ازاي يا رب؟ جاب الصبر ده منين؟ انه اواب. بسبب اوراد العبادة ثابتة في حياته. هذه غدوتي فان لم اتغدها سقطت قوتي. هتلاقي قلبك فسد في هتلاقي سوء الزن جه لقلبك ربنا سايبني ليه ؟ هتلاقي قلبك بدأ يتعلق بالاسباب. هتلاقي قلبك ما عدش مشغول انه يتوضأ ويصلي كل شوية ركعتين - 00:44:40

توسل الى الله انه يفرج الكرب بقى دماغك. هتلاقي نفسك آآ مع ان الاخذ بالاسباب ده من شعب الايمان اصلا. يعني انا مش انما انا قصدي هتوب انكر قلبك لو سبت ورد العبادة السبت. هتنكر عزمك. هتنكر نفسك. هتلاقي اصغر معصية بقت بتوقعك. اقل - 00:45:10

النساء جمالا بقت بتخليك تبص عليها. اقل منازر الفتنة بقت بتشغل عينك. اقل واحقر الدنيا بقت بتشغل قلبك. ليه؟ فان لم اتغدها سقطت قوتي يا جماعة هذا تأصيل لملمح من ملامح الطريق الى الله. يا جماعة عايزين ناخد الدين الحقيقي - 00:45:30

الدين بتاع الصحابة. الدين بتاع ابو بكر وعمر. قال تعالى واصبر نفسك مع الذين يدعون ربهم ايه؟ بالغداة عشاء يريدون وجهه. ربنا قال له لما تيجي تربي نقي اللي سابت على العبادة. ده اصلح واحد ينفع انه يتربى. ده احسن - 00:46:00

لما يتعرض للتربية يبقى مجاهد ربنا يفتح له البلاد بعد كده. يعني العبادة دي سبب فتح ربنا عليك. سبب اصطفاء ربنا لك سبب شد الله لملك داود. داود كان جندي بقى ملك مؤسس مملكة بسبب العبادة. بسبب - 00:46:20

الله عليه بسبب العبادة. لن له الحديد بسبب العبادة. سخر لسليمان الجن بسبب العبادة. اوتي سليمان بسبب العبادة. اوتي ملكا لم يبلغه احد من قبله ولا بعد بسبب العبادة. ان في هذا لبلاغا لقوم عابدين - 00:46:40

هيبلغك العبادة. اللي هيوصلك العبادة. عايزين يبقى فكرنا في الحياة سليم يا اخواني. عايزين ناخد الدين الصح. احنا في سنة جديدة بازن الله سبحانه وتعالى بداية سنة جديدة. السنة الجديدة ديت يعني خلاص ايام. احنا من بعد العيد الكبير خلاص بقى - 00:47:00

نبدأ بقى ايه؟ بتبدأ بقى ايه بتاخد لك ست سبع شهور كده خمول وكمون. اما تيجي المواسم بتاعة العبارة الكبيرة تاني بقى. شعبا ورمضان عشر ذي الحجة يعني سبحان الله العظيم. يا هتحس ان السنة كده ايه؟ سبع شهور وخمس شهور كده. يعني خمس شهور دول بقى انت بتنزل - 00:47:20

اشتغل وبتتحرك ومواسم عبادة وقوموا قوموا الناس. وبعد كده بييجي سبع شهور كده ايه ابن نفسك بقى يا ابني. شف نفسك بقى. شف حالك مع الله عشان لما تيجي تنزل تاني في الدعوة تنزل مش زي ما نزلت قبل كده. تنزل بحق وحقيقي. اخواني في الله من ملامح الطريق الى الله. ورد العبادة - 00:47:40

ثابت المستمر ايوب حافز عليه تمنتاشر سنة. ولولاه سليمان دبح عشرين الف خيل لما عطلته عنه مرة داود خلى صدره من كل ما سوى الله فيه. هي دي العبادة اللي بتثمر. يا ترى بقى كل واحد فينا هياخد ورد ايه - 00:48:00

ها ايه الورد اللي انت هتاخده بقى ؟ عندك خمس عروض ذهبية. الاسلام عرضها عليك. عرض الضحى ده حتى ان في باب في الجنة اسمه باب الضحى. عرض الضحى اجر حجة وعمرة. اتفقنا في عشر ذي الحجة ان جلسة الضحى فيها غنيمتين غنيمة عظمى - 00:48:20

فيما صغرى ايه الغنيمة الصغرى بتاعة جلسة الضحى ايه يا نهار اسود ومنيل ايه يا جدع انت وهو الغنيمة الصغرى بتاعة جلسة الضحى. قل ياه ايه جميل يعني انا انا عايز الايه ايه الغنيمة الصغرى بتاعة جلسة الضحى؟ ايه؟ ايوا الحجة والعمرة. يا سلام - 00:48:40

الحجة والعمرة اللي احنا بنبقى راسنا بتسقط وتقعد تتسند على اللي جنبك عمال شمس تطلع ربع ساعة عشانها. دي الغنيمة الصغرى! امال الغنيمة الكبرى ايه! اللي نزل بهدف تغيير القلب هو ده اللي - 00:49:10

الغنيمة الكبرى. الغريبة الكبرى ان وجهة قلبك اتصلحت. الغنيمة الكبرى اهي انه اواب. الغنيمة الكبرى انك قعدت ورد عالجت فيه قلبك وزكى الله فيه نفسك. وجددت فيه شحن عزمك. لما كنا في عشر ذي الحجة بنقول الغريبة الصغرى كل الحسنات - 00:49:30

بتاعته عشر ذي الحجة. امال الغنيمة الكبرى انك خرجت منها انسان تاني. لك وجهة ولك هدف. فيا اخواني في الله الغنيمة الصغرى لاوراد العبادة اللي هي الثواب بتاع النهاردة. انما انا عايز اعبد العبادة دي لما اموت. انا عايز اكمل يا جماعة. انا عايز اخد سواب الاحسان في العبادة مش سواب ادائها بس. يبقى الغنيمة الكبرى - 00:49:50

لما بيبقى حال قلبك مركز وخاشع في الورد. لما تبقى داخل جلسة الضحى مش اداء الجلسة هو الهدف. الجلسة وسيم من اجل اصلاح القلب ونيل الثواب. ده حتى الثواب ده انت حتى لو فكرت في فكر السواب بس. وهو فكر اصحاب النبي صلى الله عليه وسلم. يعني احنا مش هنتكلم فكرة عامة اصحاب النبي - 00:50:10

فكر الزواج عشان تاخد السواب انت لازم تركز. مش ربنا سبحانه وتعالى قال النبي عليه الصلاة والسلام قال ينصرف احدكم من صلاته. ولم يكتب له الا ايه عشرها تسعها تمنها الله ليه؟ حسب حال قلبك. يعني انت ممكن ما خدتش من صلاة المغرب دي غير عشرها. وممكن تاخد - 00:50:30

صلاة العشاء نصها. ليه؟ حسب حال قلبك. يعني حال القلب نفسه بيأسر في السواب اللي انت بتاخده. وبيأثر في مضاعفة الثواب بين الله للعمل الصالح تاخد عشر حسنات ضعف ولا تاخد سبعين ضعف ولا تاخد سبعمية ضعف. على حسب حال قلبك. جلسة الضحى. الورد التاني العرض - 00:50:50

تاني جلسة التهجير ولو يعلم الناس ما في التهجير ايه؟ اه كانت الناس كلها سابت الدنيا وجرت على المسجد. الساعة اللي قبل الضهر ديت او الساعة ونص قبل الضهر تعبد ربنا فيها في واحد بالنسبة له ده الوقت الفاضي. ما احنا بنقول العروض دي ليه؟ لان كل واحد منكم بقى له وقته وله نظام حياته. فواحد بيصحى - 00:51:10

اشتغل للفجر فده مش هينفع معه جلسة الضحى. يبقى ده مسلا هينفع معه وهكزا بقى. الورد العرض التالت جلسة تسبيح الاصال من العصر للمغرب. وهزه عظيمة زي جلسة الضحى ولكن الاخوة غافلة عنها. الاخوة بس مركزة على جلسة الضحى. ما هماش واخدين بالهم من جلسة تسبيح الاثار. تصلي العصر وتقعد مكانك في - 00:51:30

لحد المغرب صبح ربنا وتذكر ربنا وتقرا القرآن وتقول افكارك. بعد كده العرض الرابع جلسة احياء ما بين العشائين. اللي هو ما بين المغرب والعشاء. صلاة على اثم لا لغو بينهما. شفت دي لا لغو بينهما. مركز. كتاب في عليين. يتحط باسمك عمل مش في موسوعة جينيس - 00:51:50

الارقام القياسية في كتاب عليين للاعمال القياسية من البشر. من صالحي البشر. بعد كده الورد الخامس والعرض الخامس قيام الليل. واللي ما بيقومش اللي هو عايز يقوم الليل ما يبدأش من اخر الليل. يبدأ من اول الليل. يا اما بعد العشاء تسبت لك ساعة او ساعة ونص بعد العشاء. او ما شاء الله مما يفتح عليك. يا اما - 00:52:10

من عشرة لاتناشر مسلا لو انت معاد نومك الساعة اتناشر مسلا. يبقى انت ايه بس عشرة دي يعني عشرة. يعني لما تقول ان الورد مسلا من عشرة لاتناشر او من عشرة لحداشر ها كل واحد بقى على حسب المهم انك تبدأ وتبدأ صح. لو هتعبد ربنا نص ساعة بس صح النص ساعة بعد شهرين تلاتة مش - 00:52:30

نص ساعة بس صح بس تعبد صح بس تمسك المصحف انا مش عايزك تقعد مش عايزك انا عايزك يا ابني تمسك تصلي الليلة بصفحة. بس الصفحة دخلت قلبك صح. بس الربع دخل قلبك انا عايزك تقعد بربع في جلسة الضحى. بس الربع - 00:52:50

معه بقلبك صح. مش كلام وخلاص. مش بتقرا وخلاص. اخواني في الله اختار من هذه الاوراد وعش الورد صح اللي هيختار منكم جلسة الضحى يجري بقى على صلاة الفجر بازن الله سبحانه وتعالى او اللي هيختار منكم قيام الليل قل مسلا من عشرة لاتناشر او من عشرة لحداشر - 00:53:10

ها الساعة عشرة ديت يبقى من الساعة تسعة ايه في المحمول؟ عشان ما فيش حاجة تيجي له اصلا. من الساعة تمانية يقفل محموله. عشان ما فيش حاجة تعطله وخلاص. يبقى - 00:53:30

يوم اوف بقى من الساعة ديت. الساعة عشرة دي مراسم مقدسة في حياته. ويقوم واقف على سجادة الصلاة. ها ويمسك المصحف نبدأ بقى ايه يحدد مسلا الربع اللي هيصلي به النهاردة ويبدأ يعيش معه. او الورد بتاعه يعيش معه بقلبه يركز. مش - 00:53:40

هتمشي على حبل ولا حاجة ولا هتعمل ملاكمة ولا هتشيل متين وخمسين كيلو الموضوع اسهل من كده بس محتاج تركيز انك تدخل بهدف اني هغسل قلبي بالقرآن يا رب. انا ده ده انا هحط قلبي في الغسالة بقى. اني هغسل قلبي بالزكر يا رب. اني هعيش - 00:54:00

انت مش هتخترع اختراعات. ولما تلاقي قلبك مصدي اصبر مرحلة الجريد. طب بعد اسبوع لسة مصدي اصبر. مرحلة الرطب جاية مرحلة الشهد المروق جاية. اصبر اوعى تحبط اوعى تشغل اوعى تبقى يوم متكدر نفسيا فتمشي. اوعى لو راح عليك - 00:54:20

الورد لسبب قهري ما تقضيهوش تقضيه. ده ده حاجة بينك وبين ربنا. الورد ده هيبقى راس حربة حياتك اللي بسببه بازن الله هييجي الخشوع في الصلاة اللي هتلاقي بعده قوة بازن الله انك تلبي النداء اول ما تسمع الاذان. هتلاقي بعده قوة على غض البصر على ترك المعاصي. على الدعوة الى الله على انكار المنكر - 00:54:40

على صحبة الصالحين على طلب العلم. انما هذا الورد مهما حصل ده بيبقى راس حربة بتاعة حياتك. تاني هذه غدوتي فان لم تغدها سقطت قوتي ملمح من ملامح الدين. ملمح من ملامح الالتزام. ملمح من ملامح الطريق الى الله. طريق الى الله. مرسوم - 00:55:00

خطوات الرجلين فيه لازم تعرف ان اللي مش هيعمل كده صعب انه يوصل. الا ان يشاء الله. واللي هيعمل كده وهيثبت عليه زي ما قلنا اولها كان انما يتذكر اولو الالباب يتذكر بعد كده ان في ذلك لذكرى شف حتى اللفظ بدأ يسهل لاولي الالباب بعد كده ثم - 00:55:20

سنين جلودهم وقلوبهم الى ذكر يعني ده بقى خلاص لا ينسى بعد ما كان الدين بالنسبة له صعب. احساس بالقرآن صعب بس بيجاهد بقى لما يفتح مصحف يلاقي قلبه بقى من غير المصحف قلبه عايش مع ربنا ذاك الليل نهار الترقي لعله يزكى يبدأ - 00:55:40

الاول يطلع من قلبك الدنيا البشعة دي تبدأ تنضف. بعد كده او يذكر تبدأ النور يدخل بس بيدخل بقى واحدة واحدة. ها فتنفعه الذكرى. يبدأ القلب يعيش مع معاني العبادة. لحد ما وصل في الاخر بايدي سفرة كرام بررة لحد ما - 00:56:00

بقى شمس منورة في الدنيا. منورة للدنيا كلها. بقى من البررة. بقى من الكرام الخالصين الصافيين لربنا سبحانه وتعالى. هو خد الطريق لربنا الطريق لا يحتاج الى حرائق ولا الى انفجارات ولا الى اخ يسيب الدنيا ويرمي دراسته ويسيب حياته ويقف في وشه - 00:56:20

تابوه ويقول لمراته اني طلقتك مش عارف ثلاثا ويضحي بالدنيا. الدين مش عايز واحد عنتري كده يرجع يلاقي نفسه ما هوش عارف يكمل بالطريقة دي. الدين عايز واحد مستمر سابت ومستمر. عشان كده ربنا قال انما يتذكر ايه؟ اولوا الالباب - 00:56:40

العاقلين الدين عايز واحد عاقل فاهم ان الورد ده عشان كده انما يتذكر ايه الورد بتاع التذكر ده اللي بتجاهد فيه نفسك عشان معاني القرآن تتحفر في قلبك حفر. اللي محافظ على ده يقوله الالباب العاقلين. اللي فاهم انه من غير الورد ده مش هيوصل. واللي في نفس الوقت فاهم - 00:57:00

ان الدين ما هوش حريقة بتيجي تحرق الدنيا في حياتك. ابدا. انما زي ما النبي قال ساعة وايه؟ وساعة. ساعة الورد وبعد كده شف دنيتك بس وانت قلبك منور وشف دعوتك بس وانت قلبك منور. اسأل الله سبحانه وتعالى ان يجعلنا ممن يستمعون القول فيتبعون احسنه. اللهم - 00:57:20

اجعلنا ممن يستمعون القول فيتبعون احسنه. ربنا اتنا في الدنيا حسنة وفي الاخرة حسنة وقنا عذاب النار. اللهم اعنا ذكرك وشكرك وحسن عبادتك. ربي اجعلنا لك صوامين. لك قوامين. لك ذكارين. لك شكار - 00:57:40

رب تقبل توبتنا واغسل حوبتنا واجب دعوتنا وسدد السنتنا واهد قلوبنا واسلل سخائم صدورنا وثبت حجتنا. اللهم اكرمنا ولا تهنا. واعطنا ولا تحرمنا. واثرنا ولا تؤثر علينا. واهدنا ويسر الهدى الينا. وانصرنا - 00:58:00

على من بغى علينا وانصرنا على من طغى علينا وانصرنا على من بغى علينا. اللهم حبب الينا العبادة. اللهم حبب الينا عبادتك. اللهم اجعل القرآن العظيم ربيع قلوبنا. ونور ابصارنا وجلاء احزاننا. وذهاب همومنا. اللهم - 00:58:20

اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. اللهم اجعل عبادتك احب الينا من الماء بارد على الظمأ. اللهم اجعل قيام الليل بين يديك احب الينا من الماء البارد على الظمأ. اللهم اجعل ذكرك احب الينا من الماء البارد على الظمأ - 00:58:40

اللهم طهر قلوبنا. اللهم زك نفوسنا. اللهم اقمنا على مرادك منا. اللهم انر قلوبنا بنورك يا نور السماوات والارض. يا رب رب العالمين يا ارحم الراحمين ارزقنا ارزقنا تلاوة القرآن اناء الليل واناء النهار على الوجه الذي يرضيك عنا على الوجه - 00:59:00

الذي يرضيك عنا على الوجه الذي يرضيك عنا على الوجه الذي يرضيك عنا على الوجه الذي يرضيك عنا ولي ذلك والقادر عليه. سبحانك اللهم وبحمدك اشهد ان لا اله الا انت استغفرك واتوب اليك - 00:59:20

- 00:59:40