Baheth

ان الحمد لله تعالى نحمده ونستعين به ونستغفره. ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له. ومن يضلل فلا هادي له. واشهد ان لا اله الا الله وحده - 00:00:00ضَ

وحده لا شريك له واشهد ان محمدا عبده ورسوله. اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم. وشر الامور محدثاتها وكل محدثة بدعة. وكل بدعة ضلالة وكل ضلالة في النار - 00:00:26ضَ

اللهم صلي على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم في العالمين - 00:00:56ضَ

انك حميد مجيد. اخرج الامام مسلم رحمه الله في صحيحه من حديث ابي هريرة رضي الله عنه قال كنا مع رسول الله صلى الله عليه واله وسلم وفي القوم ابو بكر وعمر - 00:01:16ضَ

فقام النبي صلى الله عليه وسلم من بين اظهرنا واقتطع دوننا فخشينا ان يصاب باذى. فانطلقوا جميعا يبحثون عنه عليه الصلاة والسلام قال فجئت حائطا والحائط هو البستان المسور اشتاق عليه السور. قال فالتمست بابا فلم اجد. قال - 00:01:36ضَ

ورأيت ربيعا والربيع هو الجدول. ربيع لواء قناة الماء اللي هي بتكون في اسفل الجدار اللي هي داخلة على البستان. فاراد ان يدخل من هذه الفتحة من فتحة القناة قال - 00:02:16ضَ

فعجزت فحفرت كما يحفر الثعلب او فاحتفزت جمع جمع اطرافه على نفسه كده كما يحتفز السعلب ودخلت فاذا النبي صلى الله عليه وسلم داخل البستان ومسند ظهره الى الحائط فلما رآني قال ابو هريرة - 00:02:36ضَ

قلت نعم يا رسول الله. قال ما جاء بك؟ قلت يا رسول الله قمت بين ظهورنا واقتطعت دوننا وخشينا ان تصاب باذى. فانطلق الناس وفيهم ابو بكر وعمر. اي يبحثون عنك - 00:03:06ضَ

قال يا ابا هريرة خذ نعلي هاتين. فاول من القاه خلف هذا الحائط يشهد ان لا اله الا الله موقنا بها قلبه فبشره بالجنة فاخذ ابو هريرة النعلين وكان اول من لقيه خلف الحائط هو عمر ابن الخطاب - 00:03:26ضَ

فبشره بالجنة. فضربه عمر. قال فضربني ضربة خررت لستي اي وقع على ظهره قال فرجعت الى النبي صلى الله عليه وسلم واجهشت بكاء اجهشت بكاء يعني على وشك البكاء قال وركبني عمر اي كان في اثري - 00:03:57ضَ

فلما رآني رسول الله صلى الله عليه وسلم اي على هذه الهيئة. وقد اجهش بكاء. قال ما لك يا ابا هريرة قلت يا رسول الله هذا عمر بشرته بالجنة فضربني ضربة خررت لستي - 00:04:29ضَ

فقال عمر مبادرا يا رسول الله اانت قلت لي هذا ان يقول هذا قال نعم. فقال له عمر يا رسول الله خل الناس يعملوا اي انهم لو وصلتهم هذه البشارة وان من قال لا اله الا الله دخل الجنة وكل الناس يقولها سيكفون عن العمل - 00:04:48ضَ

خلاص لا اله الا الله يبقى كده ايه؟ قالها دخل الجنة فخشي عمر ان يكتفي الناس بالقول دون الفعل. هذا حديث جليل وفيه فوائد كثيرة ساجتز منها بفائدة واحدة او ثنتين - 00:05:18ضَ

الفائدة الاولى وهي القاعدة. التي يبنى عليها كل شيء في دين الاسلام. الا وهي المحبة ما الذي جعل الصحابة يعز ويسود؟ وفي كل معاركهم كانوا دون عدوهم لم يكن المسلمون في يوم من الايام ولا في معركة من المعارك يساوون عدوهم لا عددا ولا عدة - 00:05:38ضَ

ومع ذلك غلبوا في كل معاركهم حتى في غزوة احد كان ابن عباس يقول ما نصر الله عز وجل وهذا حديث في مسند الامام احمد بسند قوي قال ما نصر الله عز وجل رسوله في - 00:06:19ضَ

موضع كما نصره في احد فانكر عليه المنكرون. ازاي ؟ طب ده احد معروف ان هو الرماة تركوا الجبل وآآ خالد بن الوليد. التف على على جيش المسلمين وقتل من المسلمين سبعون. وكسرت رباعية النبي عليه الصلاة والسلام انذاك. وقال كيف يفلح قوم - 00:06:36ضَ

رأس نبيهم فنزل قوله تعالى ليس لك من الامر شيء او يتوب عليهم اي يعذبهم فانهم ظالمون اقالة بيني وبينكم كتاب الله ثم تلا قوله تعالى ولقد صدقكم الله وعده اذ تحسونهم باذنه. والحث هو القتل - 00:06:59ضَ

اي اذ تقتلونهم باذنه. ففي كل المعارك انتصر المسلمون. ليه كانوا يحبون هذا الدين محبة تخللت شغاف قلوبهم. وكانوا يزودون عن النبي صلى الله عليه وسلم زود الابطال يعني مثلا لما اشيع ان النبي صلى الله عليه وسلم طلق نساءه - 00:07:25ضَ

عمر بن الخطاب طبعا بنته حفصة هي زوج النبي عليه الصلاة والسلام. والخبر اللي وصل ان النبي صلى الله عليه وسلم طلق النساء جميعا يقول عمر بن الخطاب والحديث في الصحيحين - 00:08:02ضَ

كنا نتحدث ان غسان تنعل الخيل لغزونا. ملك غسان كان في الشمال الروم. وكان عمال يهدد الايه المسلمين فالمسلمون على اهبة الاستعداد. فجأة يلا الحرب تقوم الحرب حتى ده في تجارة او في زراعة والكلام ده بس هو في التجارة او في الزراعة عارف ان في قتال ممكن يشب في اي لحزة - 00:08:23ضَ

وعمر بن الخطاب كان عمل اتفاقية مع جار له من الانصار قال له ايه ايه رأيك آآ انك انت تفرغ نفسك يوم وتقعد جنب النبي عليه الصلاة والسلام طول النهار. ازا اية نزلت تحفظها وتيجي تقولها لي - 00:08:55ضَ

اذا قال حديثا تيجي تقوله لي. ازا اتنين اتخاصموا ولا حاجة والنبي صلى الله عليه وسلم حكم بحكم تيجي تقوله لي وننزل شغل تاني يوم اعمل زيك. اجي انا مكانك - 00:09:14ضَ

واتفرغ وانت تنزل شغلك واتفقوا على هذا ففي النوبة اللي هي الانصاري كان المفروض يجلس آآ مع النبي صلى الله عليه وسلم طول النهار وعمر بن الخطاب في التجارة او الزرعة بتاعته. جاية من التجارة او الزراعة تعبان فدخل ايه؟ دخل ينام - 00:09:30ضَ

بعد ما صلوا العشاء بمدة اذا بطارق يطرق الباب بشدة. فا قام عمر يجر ثوبه فزعا. ليه؟ لان مش العادة الواحد يدق الباب بهذه الشدة يعني كأن واحد ملهوف او كأن فيه مصيبة او كده يعني - 00:09:54ضَ

اول ما عمر الخطاب بيفتح الباب لقى مين؟ جاره الانصاري. قال ما لك؟ اجاء غسان يعني الجيش بتاع الروم دخل علينا ولا ايه قال له لا بل ما هو اهون من ذلك واعظم - 00:10:14ضَ

طلق النبي نساءه اكن لما النبي صلى الله عليه وسلم يطلق النساء ده اعظم من ان الروم يدخلوا عليهم ويغزوا المدينة وياخدوها كمان فقال عمر قد كنت اعلم ان ذلك يوشك ان يكون - 00:10:36ضَ

اصل نساء النبي صلى الله عليه وسلم قبل كده عملوا قصة. انهم طلبوا النفقة من النبي عليه الصلاة والسلام عايزين دهب وعايزين الكلام ده. فابو بكر وعمر اقرب اثنان للنبي صلى الله عليه وسلم عرفوا بالحكاية - 00:10:56ضَ

فدخلوا اذا على النبي صلى الله عليه وسلم في البيت والنساء حوله وهو ايه مطأطئ رأسه في الارض ما لك يا رسول الله؟ قال هن حولي يطلبون النفقة فقام ابو بكر الى عائشة وقام عمرو الى حفصة. كل واحد راح لبنته يضربها يعني - 00:11:14ضَ

وقال تسألنه النفقة وليس عنده فكان فيه يعني موقف متقدم. فلما قال له طلق النبي نساءه فعمر ابن الخطاب الكلام ده كان متأخر فانتظر حتى آآ جاء وقت صلاة الفجر واخذ عليه ثيابه وانطلق الى المسجد - 00:11:41ضَ

اول ما دخل المسجد لقى رأى الاتي جماعة من الصحابة حول المسجد يبكون والنبي عليه الصلاة والسلام معتزل في مشربه. مشربة يعني غرفة كده لها باب زي كده. وهو في الغرفة وعلى الغرفة رباح - 00:12:09ضَ

هو ايه اللي هو غلام النبي صلى الله عليه وسلم بيحرس الباب عشان ما فيش حد يدخل يعني طيب السؤال يعني طب ده اللي جالس جنب المنبر لماذا يبكي؟ ده لو ابنته طلقت ما بكى - 00:12:30ضَ

لو بنت طلقت ما بكى. لماذا يبكي هؤلاء يبكون لتكدر خاطر النبي عليه الصلاة والسلام. مجرد ان هو زعلان غضبان ما يعرفوش يعيشوا الا اذا رأوه كما تعودوا ان يروه يعني كان علي بن ابي طالب يقول اذا اذا احمر البأس كنا نلوذ بالنبي عليه الصلاة والسلام - 00:12:46ضَ

طول ما هو موجود ما كنش فيه مشكلة عند حد اطلاقا عشان تعرف الصحابة دول كيف كانت منزلتهم يعني خلينا احنا كده. النبي صلى الله عليه وسلم موجود معنا. اذا - 00:13:13ضَ

المت اية ملمة تعتبر محلولة طالما النبي موجود اية ملم يعني شوف اه الصحيحين من حديث جابر ابن عبد الله الانصاري. والصحابة بيحفروا الخندق غابوا تلات تيام لا ياكلون اكل خفيف جدا لا يعد اكلا يعني. فكان من عادتهم اذا الواحد منهم جاع كان يربط الايه؟ الحجر على بطنه - 00:13:28ضَ

بحيس ان هو يسنده انت عارف ساعات الواحد لما يكون ضهري بيوجعه يقوم يعمل ايه؟ سمادة كده. ممكن يحطوا له آآ خشب ممكن يحطوا له حديد. ممكن يحطوا له فايبر. اي حاجة - 00:14:02ضَ

يقوم لما يمشي يبقى ايه يبقى ماسك ضهره. فكان الصحابة لما الواحد منهم يجوع ومش قادر يقوم يصلب طوله كده وهيمشي محني لأ يقوم رابط الحجر على ايه على بطنه عشان يقدر يدي له ايه ؟ قوة - 00:14:16ضَ

فكان الصحابة بعضهم يربط الحجر على بطنه اما النبي صلى الله عليه وسلم فكان رابط تلت حجارة على بطنه وهم عمالين يحفروا في الخندق قابلتهم صخرة كبيرة كده بيكسروها بالفوس ما بتتكسرش - 00:14:32ضَ

مين اللي يحل المشكلة دي ؟ النبي عليه الصلاة والسلام قال جابر فجئت النبي صلى الله عليه وسلم فقلت يا رسول الله كدية عظيمة حجر كبير يعني لا تعمل فيه المعاون. نكسر فيها النفوس ما بتكسرش. قال فقام النبي صلى الله عليه وسلم معي - 00:14:49ضَ

اعرف في وجهه الجوع فامسك به الفأس وقال بسم الله فضربها فكانت اهين ها كثيبا اهلي اتحولت لرملة يعني. اول ما ضربها الضربة دي هو بقى لما شاف النبي صلى الله عليه وسلم في وجهه الجوع قلبه وجعه مع ان هو جعان هو كمان - 00:15:12ضَ

بس قلبه وجعه قال يا رسول الله ائذن لي ان اتي البيت فاذن له فذهب الى امرأته قال ماذا في البيت؟ عندك اكل ايه يعني قالت لي ما عنديش حاجة - 00:15:39ضَ

هو صاع من شعير الصاع من شعير انت عارف اربعة امداد يعني اربع ايه المد زي كف الايدين كده. اربعة امداد هو ده اللي عندها من الشعير. وآآ ما كانوش - 00:15:55ضَ

والكلام الفينو والدقيق ده كانوا بيشوفوه خالص. النبي صلى الله عليه وسلم ما ياكلوش في حياته. ولا رآه بعينه كما قالت عائشة رضي الله عنها قالت مات النبي صلى الله عليه وسلم ولم يأكل خبزا مرققا قط - 00:16:10ضَ

مرققة انت عارف الرقاق؟ احنا بنسميها الرقاق؟ اهو ده الخبز المرقق ما كلوش ولا شافوا بعينه. ولا رأى منخلا بعينيه. منخل انت عارف اللي بيحلل الدقيق والكلام ده ما شافهوش اطلاقا. كان اكلهم ايه - 00:16:28ضَ

من الشعير ييجي يدق الشعير ويعملوا فطائر كده ولا بتعملوا قرص كده وبتاع وياكلوه ما عنديش غير صاع من شعير وعناق عناق زي جدي كده صغير يعني قال لها طيب اخبزي دوق بقى الشعير وقام دابح الايه - 00:16:43ضَ

ده بحجتي اللي عنده ما هو ما عندوش غير كده على اساس ان ايه ؟ قال لها يعني آآ جهزي حالك كده. وانا هاجي انا والنبي صلى الله عليه وسلم واتنين تلاتة. قالت له لا تفضحني - 00:17:06ضَ

برسول الله صلى الله عليه وسلم ومن معه تجيب لي تلاتين اربعين واحد ولا بتاع الحكاية كلها خمس انفار ياكلوا بس فما تروحش تقول له كده قدام الناس ان انا عازمك على الغدا لأ واشوشه - 00:17:20ضَ

ها تيجي في ودنه كده وتقول له ايه انا عندي بس آآ يعني شوية شعير بساط كده وجدي صغير كده على قدنا احنا الاتنين فتعال انت وبعض اصحابك ففعلا جابر قام رايح هناك ووشوشه بقى. في اذن النبي صلى الله عليه وسلم وقال له الكلمتين دول. قال جابر واذا النبي صلى الله عليه وسلم - 00:17:35ضَ

يصيح في اهل الخندق يا اهل الخندق هلموا قد صنع لكم جابر طعام قال فادركني من الحياء ما لا يعلمه الا الله. هياكلوا ايه دول ؟ ده الخندق كانوا الف رجل - 00:17:58ضَ

الف رجل بالتمام والكمال فعرق حيروحوا ياكلوا ايه يروحوا قد كده هو وشوية فطائر ولا شوية قرص قال فدرك من الحياء ما يعلمه الا الله على طول النبي صلى الله عليه وسلم قال لهم تعالوا جم ايه كلهم. امرأة جابر ايه طبعا جابر النبي صلى الله عليه وسلم قال له ايه؟ اذهب اليها الى امرأتك - 00:18:16ضَ

فمرها لا تخبز حتى اجيب ولا تضع اللحم على البورما في البورمة على النار يعني حتى اجيب جه بقى النبي صلى الله عليه وسلم الف واحد. الست سمعت دب دب دب دب. بتبص لقت ايه؟ الف واحد. هتأكلهم منين دي - 00:18:44ضَ

قالت لجابر ايه؟ بك وبك. يعني ييجي ويتحط عليك يعني بالبلد الكلمة اللي احنا بنقولها. ايه اللي انت عملته ده! هو انت مش عارف ان احنا عندنا هي جدي صغير وبتاع الكلام ده - 00:19:06ضَ

هل اخبرت النبي صلى الله عليه وسلم بما عندنا من الطعام؟ قال لها ايوة قالت قال فسكنت اول ما قالت له اول ما قال لها ان النبي صلى الله عليه وسلم عارف سكنت بقى - 00:19:20ضَ

وهدي قلبها النبي صلى الله عليه وسلم جاء اين العجين؟ جابوا العجينة ليخبزوه. فبصق فيه وبارك اين اللحن؟ جيء بالبرمة. فبصق فيها وبارك. اخبزه. جاء نساء من الانصار يخبزوا بقى بيساعدوا ما الف واحد - 00:19:34ضَ

يقول جابر فاقسم بالله انهم تحولوا وتركوه وكانوا الف رجل وان العجين ليخبز كما ما هو وان اللحم على البرمة كما هو الف رجل يأكلوا من صاع من شعير وجد يأكله الف رجل والعجين زي ما هو. هو الصاع زي ما هو. والبورمة زي ما هي - 00:20:00ضَ

فهو يعني الملفت للنظر قول جابر رضي الله عنه لامرأته قال لها هل عندك شيء لقد رأيت الان شيئا ما لي عليه صبر رأيت الجوع بوجه النبي صلى الله عليه وسلم. مع ان هو جائع هو كمان - 00:20:36ضَ

لكنه كان اغلى عندهم من انفسهم وما يعملش القصة دي العجيبة الا الحب بس. انت بتحب شغلك ستتفوق فيه. وستبدع. تتزق انت مش هتعمل حاجة كل شيء مع الحب ليس فيه كلفة. وليس فيه ثقل. وهي دي مشكلة المسلمين الان. مشكلة المسلمين عموم - 00:20:57ضَ

يعني ونحن منهم ان ان قولنا اكثر بكثير جدا من واقع حبنا اباؤنا وامهاتنا لم يعلموننا حب النبي عليه الصلاة والسلام. حتى اللحزة اللي احنا فيها دي تلاقي الولد ده بيصلي ولا بيعمل حاجة ولا اي حاجة. اهم حاجة رحت الدرس - 00:21:30ضَ

وياخد الموبايل بتاع الاستاز ويعرف الواد راح ولا ما راحش لان فيه اولاد بياخد الفلوس يروح يصرفها ياكل بها سندوتشات وما يروحش عند المدرس فيوم الاب ايه؟ يقول لك لأ انا مش هشتغل طاحونة وانت تاخد لي الفلوس وتلعب بها لأ. فعلى طول خط ساخن مع الاستاز الولد طب بيفهم وما نفهمش - 00:21:54ضَ

طب انت بتسأله ؟ طب كزا ، طب الحكاية طب الرواية وبعدين بعد الحدوتة ده يطلع ياخد الورقة ويقعد على الرصيف. حصيلة الصيف واسعة دلوقتي وكل يوم بتتسع وبياخد ورقة ما لهاش قيمة. والغش في المدارس رسمي - 00:22:13ضَ

بس مش مكتوب طبعا ما فيش حد يقدر يكتب لايحة كده ويوزعها على المدارس والغش واجب. لأ هو واجب من واقع الحال من واقع الحال. اصله هيسقطه ليه ما فيش فرص عمل عشان يعمل تنافس ما بينهم الاتنين والاحق بالوظيفة ياخدها يقوم يزاكر ويتعب ويسف التراب زي ما احنا كنا بنعمل زمان في المدارس - 00:22:30ضَ

فهو يسقطه ليه؟ هو معروف ان هيطلع ما لوش شغل. طب ما تمشيه بدل ما ياخد كرسي زيادة ويعمل لي مشكلة طب ما يمشي ها ادي له الشهادة وخلص فتبص تلاقي المسألة تدنت. طب الاباء حارقين نفسهم دلوقتي وبيصرفوا الوف مؤلفة على الولد دول ليه - 00:22:52ضَ

عشان يطلع ياخد شهادة وفي الاخر هو عارف انه مش هيشتغل. وهيقعد عاطل الا انه يسافر برة بقى ويتغرب والكلام دهوت وبتاع ويشتغل في المطاعم ويغسل الصحف والكلام ده والواد ده معه مسلا بكالوريوس علوم ولا معه ملف الليسانس اداب ولا ليسانس تربية ويغسل صحون هناك وبتاع والكلام ده - 00:23:14ضَ

لكن مسألة ان يراقبه بقى في المحبة مسألة انه يتكلموا في المحبة مسألة انه يتكلموا في محبة الدين والفداء الدين والكلام ده دي مسألة بكل اسف اصبحت الان نادرة جدا. الصحابة ما قالوش كده. الصحابة كان كل حياتهم - 00:23:34ضَ

مع النبي عليه الصلاة والسلام انزل الله عز وجل اية الرجال قاعدين في مجلس النبي صلى الله عليه وسلم والنساء في البيت. فيرجع الرجال الى النساء ينقلبون يقرأون عليه ايات الله - 00:23:52ضَ

في بعض النساء لما كانوا موجودات مع النبي صلى الله عليه وسلم في مجلس لما نزل الامر بالحجاب بستر الوجه والكلام كانوا رايحين المجلس كده ما فيش امر يعني يا دوكي لافين لفة كده وخلاص - 00:24:07ضَ

اول ما نزل الامر بالحجاب قطعن مروطهن وهم قاعدين في المسجد قطعنا مروتهن واحتجبن بهن طب ما كانت ممكن تقول لسه الامر القرآني نازل بس على ما اوصل البيت بس اجيب حاجة البسها - 00:24:25ضَ

لأ والقرآن نزل قبل ما تتحرك من مكانها قطعت البتاعة دي ولفت على آآ راسها واعتجرنا الاعتجار تلبس حاجة زي العمامة كده يعني. كان فيه مبادرة كان هناك مبادرة يشوف مسلا - 00:24:43ضَ

من امثلة العجيبة على المحبة. وتعرف ان كل حاجة بتخف على المحب. في صحيح مسلم آآ من حديث ابي ايوب ابي ايوب الانصاري رضي الله عنه لما النبي صلى الله عليه وسلم نزل هاجر بقى من مكة للمدينة - 00:25:03ضَ

فنظر في دار ابي ايوب الانصاري. دار ابي ايوب الانصاري كانت تتألف من طابقين. الدور الارضي وكان فيه دور فوق. ابو ايوب قال للنبي صلى الله عليه وسلم اصعد كنا زمان نسميه مقعد. زمان الاوضة اللي فوق كده نعملها فوق الدار هي اسمها ايه؟ مقعد. قال له اصعد الى فوق - 00:25:25ضَ

فقال له النبي صلى الله عليه وسلم السفل ارفق بنا يغشاني اصحابي. يعني انا لما اكون في الدور التاني اي حد هيطي يطلع لي هيجرح البيت من تحت. فما فيش داعي خليك انت وحريبك فوق. واصحابي لما ييجوا هييجوا الدور الارضي فبالتالي مش هيكون في ايه خدش لايه - 00:25:57ضَ

لحرمات البيوت يعني ادي معنى السفل اي اسفل الدار يعني ارفق بنا ليه؟ يغشاني اصحابي. بيجوا لي اصحابي داخلين خارجين علي وكده خلاص النبي صلى الله عليه وسلم في الدور الارضي وابو ايوب ايه؟ في الدور التاني. يقول وفي ليلة - 00:26:17ضَ

وبينما انا امشي اذ فزعت. وقلت اانا اعلو سقيفة تحتها رسول الله! الله! ده انا رجلي تبقى فوق راسه الله! ازاي الكلام! ازاي ما خدتش بالي من موضوع زي ده - 00:26:40ضَ

قال فان جمعت انا وامرأتي في ركن. في ركن كده وحرموا على نفسهم يمشوا طول الليل فوق البيت لما خطر على باله ان النبي تحت وانا فوق ورجلي على السقف اللي راسه تحتها - 00:27:04ضَ

في رواية الطبراني بيقول لك وانكسر لنا حب الحب الوزير يعني. فجففته بلحافي انا وامرأتي والله ما لنا غيره. خشية ان ينزل قطر من الماء على رأس النبي عليه الصلاة والسلام. قال وكنت لا اكل المهم آآ بالليلة دي عدى وهم من - 00:27:21ضَ

ومنكمشين في ركن كده. قال فلما اصبحت نزلت فقلت للنبي صلى الله عليه وسلم والله يا رسول الله لا اعلو سقيفة انت تحتها قط. اصعد الى فوق. فصعد النبي صلى الله عليه وسلم فوق وابو ايوب ايه؟ خلاه في اسفل البيت - 00:27:46ضَ

قال وكنا لا نأكل ولا نشرب الا بعدما يأكل هو ويشرب سنتحرى مواضع فمه واصابعه. اكل من الحتة دي اكل منها شرب من القلة مسلا ولا حاجة يبقى لسة مبلولة يبقى شرف الحيتان اشرب من نفس الايه ؟ من نفس المكان. ها نتحرى مواضع فمه - 00:28:06ضَ

ومواضع اصابعه قال فارسلت اليه ذات يوم ثوما او بصلا فلم يأكل منه ففزعت. انا عايزك بس ايه يعني كلمة ففزعت دي تحطها في مكانها الصحيح. الصحابي لما يقول لك انا - 00:28:30ضَ

فزعت بقلبه وقع في ركبه مش زينا احنا لما يقول لك فزعت ويقول لك كمان ايه انا فزعت جدا جدا جدا جدا جدا وهو ولا فزع ولا حاجة ليه؟ لان جدا الجدانات دي كلها ما لهاش اي محل من الاعراب. انما الصحابي لما كان يقول جه فزعت يبقى ايه؟ يبقى خلاص قلبه وقع على طول - 00:28:49ضَ

لما يقول لك وبينما انا امشي اذ فزعت وقلت انا امشي يبقى فعلا قلبه واقع في رجليه بعت له توم وبصل النبي ما كلش منهم عليه الصلاة والسلام آآ فزع قال بوعي في رجليه برضو - 00:29:12ضَ

يكون عمل حاجة غلط ولا حاجة ينزل فيه وحي ولا تنزل فيه اية تبقى عليه معرتها الى يوم القيامة فكانوا بيخافوا من المسألة دي قال ففزعت وصعدت اليه وقلت يا رسول الله انني ارسلت اليك سوما او بصل نعم - 00:29:27ضَ

احرام هو قال له لا ولكني اناجي من لا تناجي. اللي هو جبريل عليه السلام. لما ييجي جبريل عليه السلام يدنو منه ويعلمه القرآن وتطلع منه ريحة البصل هيأزي جبريل - 00:29:51ضَ

عيد جلي لان الملائكة تتأذى مما تأذى منه بنو ادم فقال له هي دي بقى ايه؟ الجملة اللي انا عايز اوصل لها. فقال له لا جرم اكره الذي تكره. حتى برغم انه حلال. هو سأله سؤال احرام هو - 00:30:10ضَ

البصل حرام؟ قال له لأ مش حرام. بس انا باكرهه ، قال له خلاص انا هاكرهه انا كمان مع انه حلال اهو لا جرم اكره الذي تكره. ودي طبيعة المحب - 00:30:36ضَ

ليستحيل ان تجد محبا حقيقيا يؤذي حبيبك. ابدا ما يعرفش حتى لو حب يمسل قلبه ما يطاوعوش لو حب يعمل اي حركة كده تزعل ما يعرفش يعملها. يعملها ازاي هي دي طبيعة المحب - 00:30:49ضَ

انه لا يؤذي حبيبه قط وينفعل لمراضي حبيبه انا حبيبي بيحب كده يبقى انا باحبه. حتى وان كنت ما احبوش وهذا من جملة الوفاء ان ان الواحد لا يؤذي صاحبه. جبريل شف النبي صلى الله عليه وسلم يقول انا اناجي من لا تناجي. جبريل عليه السلام - 00:31:09ضَ

ولم يحقق الصحبة من بني ادم. حاشا الانبياء على وجهها الا ابو بكر الصديق هو اللي جاب الصحبة على وجهها مية في المية. مش عمر. عمر ينزل تحت ابي بكر. في المرتبة التانية. لكن ابو بكر ده حاجة مختلفة - 00:31:36ضَ

ليه؟ لان النبي صلى الله عليه وسلم كان اوفى لابي بكر من ابي بكر له يعني شف مرة آآ كما في الصحيحين من حديث ابي سعيد الخدري النبي صلى الله عليه وسلم صعد على المنبر وقال ان عبدا خيره الله بين زهرة الحياة الدنيا وبين ما عنده فاختار ما - 00:31:56ضَ

فبكى ابو بكر وقال نفديك بابائنا وامهاتنا يا رسول الله قال ابو سعيد فتعجبنا منه لماذا يبكي؟ الله هو النبي قال ايه ؟ ده بيقول بس خبر كده ان فيه عبد من عباد الله ربنا خيره - 00:32:20ضَ

ما بين الدنيا والاخرة الاخرة معناها ايه ؟ معناها يموت يعني. يعني خيره بين الحياة وايه ؟ والموت ايه اللي فيها يعني؟ قال ابو سعيد فكان ابو بكر اعلمنا برسول الله وكان رسول الله هو المخير - 00:32:40ضَ

فشوف لما الشفافية تصل الى درجة ان النبي صلى الله عليه وسلم لما عمم في الخطاب علم ابو بكر ان هذا مختص به عليه الصلاة والسلام والنبي صلى الله عليه وسلم حسم القضية وقال فاختار ما عنده - 00:33:03ضَ

اختار الموت يعيشوا ازاي من غيره يعني؟ فهو النبي شف الحديس الجميل ده هو قال النبي صلى الله عليه وسلم في ايه بقى لما شاف ابو بكر بيبكي قال ان امن الناس علي في صحبته وذات يده ابو بكر - 00:33:19ضَ

وله علي يد انا ما اعرفش اكافئه به يكافئه الله عز وجل بها ده مين العبد ده اللي ده النبي عليه الصلاة والسلام له فضل على الدنيا بحاله ما فيش حد ممكن يبقى له فضل على النبي ابدا. هو النبي صلى الله عليه وسلم بيقول كلكم على بعضكم ما فيش حد له جميل علي. الا ابو بكر بس - 00:33:42ضَ

هو ده اللي له كبير علي. انا ما اعرفش اديه لا استطيع ان اؤديه يكافئه الله عز وجل بها. فبكى ابو بكر زيادة على البكاء بتاعه. وقال يا رسول الله وهل انا ومالي الا - 00:34:06ضَ

دي الوفاء ده اصل قاعدة الوفاء الحب. مش ممكن حد يبقى وفي الا ازا كان محبا الندب ما بيحبش بيكره عشان كده بيبقى ندل يعد فيخلف ويؤتمن فيخون ويحدث فيكذب - 00:34:20ضَ

فهم اتعلموا كده الوفاء من النبي عليه الصلاة والسلام. فكان المردود عليهم كان مردودا قويا. يعني اشوف مسل في الصحيحين من حديث ابي هريرة رضي الله عنه بينما النبي صلى الله عليه وسلم جالس في اصحابه وابو بكر وعمر والصحابة الكرام موجودين. اذ قص النبي صلى الله عليه وسلم عليهم رؤية - 00:34:45ضَ

قال بينما انا نائم البارحة ورؤي الانبياء حق كما قال النبي صلى الله عليه وسلم اذ دخلت الجنة فرأيت قصرا وعليه جارية تتوضأ فقلت لمن هذا القصر؟ قالوا لعمر ومن هذه اللي بتتوضى ديت يعني - 00:35:06ضَ

قالوا هذه زوجة عمر قال فذكرت غيرتك يا عمر فوليت مدبرا ادى ضهره على طول لما ايه لما لما عمر بيغار فهل رأيتم احدا يراعي اصحابه حتى في المنام يعني الوفاة بتاعه كمان حتى في المنام وهو نايم دخلت الجنة - 00:35:33ضَ

حتى في المنام يقوم عمر بن الخطاب يبكي ويقول يا رسول الله اعليك اغار انا ممكن اغير منك ده انت الذي تحفظ الحرمات الواحد ممكن يغير على مراته من واحد تاني بيبص لها عايز يخطفها ولا يلهفها ولا مش عارف ايه هي حاجة ولا الكلام ده. ولا يخببها عليه بس انت - 00:35:59ضَ

يعني انا عليك اغار يا رسول الله القصة دي كلها اصل قاعدتها الحب وبالحب يعني ايه قال الله عز وجل قل يا ايها الذين تدعون المحبة ما كل واحد بيقول انا بحب النبي - 00:36:19ضَ

حد يقول لي انا بكره النبي يكفر على طول. لو قال بكره النبي. يقول انا بحب النبي يقوم عامل حاجة يا بيه تخالف النبي برضه وهو ايه وهو شغال انا بحبك يا ندى - 00:36:47ضَ

وجيب الطبل والزمر والبتاع ويحبك يا نابل في عيدي في مولد النبي والكلام والمزامير والرايات ها والموالد وبتاع وييجي في الفرقة قرا ولا فرقة جعفر ويقعدوا يطبلوا مزيكا طول الليل. طب المزيكا يا ابنائي حرامة عليكم. تقول له بحبك يا نبي وتعمل له كده! قال له ده يطلع ايه ده ان شاء - 00:36:59ضَ

الله كلام فارغ ربنا سبحانه وتعالى حسم القضية في الاية دي. قل يا ايها الذين تدعون المحاب ان كنتم تحبون الله فاتبعوني. ادي حكم انت بتدعي محبة النبي صلى الله عليه وسلم؟ يبقى تتبع - 00:37:19ضَ

لا اتصور ان تخالفه في شيء لسه بعض اخوانا الافاضل بيسألني آآ دلوقتي بيقول لي يعني ما عادش الناس بيسلموا على بعض في الجوامع بعد الصلاة لي حرما اللي الناس اتعودوا ايه ؟ اتعودوا يقول لك حرما، يقول لك جمعا - 00:37:41ضَ

ها يتوضا يقول لك زمزم بيلاحز هو ان ما عدش حد ايه ما عدوش يسلم على الراجل في الجوامع. فانا قلت له ايه ؟ قلت له ان دي بدعة انك انت بعد ما تخلص صلاة تقوم تقول له تقول حرما اهي دي بدعة - 00:37:59ضَ

طب انت بتقول حرما ليه ؟ قال لك يا اخي بندعيه لبعض كده ان نصليها في الحرم. يروحوا هم الاتنين وهم في الحرم يقول لك حرما. الله وانت عايز تروح فين بقى بعد حارة من دي بقى ما انت في المسجد الحرام اهو. عايز تروح فين - 00:38:22ضَ

ها بقت عادة عند الناس صارت عند الناس عادة. لأ اصل البدعة ايه اصل واحد يقول لك يا اخي ايه الضرر اللي فيها يعني؟ هو انا اللي مؤمن حرما وما هو ده دعاء اهو ايه الاشكال اللي فيها يعني - 00:38:37ضَ

ما نقول لك طيب طب ما تعرف لي ما هي البدع الاول عشان نعرف ازا كان فيها اشكال ولا لأ ها البدعة شيء كان له مقتضى في زمان النبي صلى الله عليه وسلم - 00:38:54ضَ

وكان مقدورا له ان يفعله ولم يفعله معلش التعريف ده انا هفصصه كده وابينه لانه جميل وحلو شيء كان له مقتضى. له مقتضى يعني ايه؟ يعني له داعي دي اول حاجة. حاجة كان لها داعي زي مسلا دلوقتي ايه؟ يقول لك آآ عايزين نعمل ميكروفون. ليه؟ الجامع - 00:39:10ضَ

وفي ناس بيصلوا في الشارع والكلام دهوت فاصبح وجود الميكروفونات له مقتضى ولا ما لوش؟ له مقتضى لان الناس اللي برة في الشارع يسمعوا ازاي؟ ها يبقى المقتضى هو الداعي لوجود الشيء. تمام؟ وكان مقدورا له ان يفعله - 00:39:38ضَ

ها كان يقدر يعمله وما عملوش طب انت بتعمل ايه بقى لما هم قاعدين جنب بعض كده كان في مقتضى يسلموا على بعض ويقولوا حرما مسلا او يسلم عليه اه كان له مقتضى وهي الدعاء مش لما بيقول له حرما - 00:39:58ضَ

معناها نصليها في الحرم ان شاء الله؟ مش ده دعاء؟ يبقى ازا كان له مقتضى اللي هو الدعاء يعني. طيب. كان مقدورا لهم ان كل واحد يسلم على التاني ولا صعب اوي - 00:40:21ضَ

كان مقدورا عملوها؟ لأ ما عملوهاش. طب نعملها ازاي احنا بقى ما نقدرش نعملها. لان الامام ما لكا رحمه الله قال في في الحاجات اللي بتحصل زي دي ما لم يكن يومئذ دينا فلا يكون اليوم دينا - 00:40:31ضَ

احنا مش هنخترع اللي ما كانش دين ايام النبي ما يبقاش دين ايامين ما لم يكن يومئذ دينا فلا يكون اليوم دينا. النهاردة مسلا بعد الادان التاني بعد الأيام الأولاني انا بشوف كتير من الناس بيقوموا يصلوا ركعتين - 00:40:51ضَ

اهي دي لا اصل لها لا اصل لها. ما فيش حاجة اسمها سنة الجمعة القبلية الجمعة السنة بتاعتها بعدية. معروفة اربع ركعات. اللي عايز يصلي الجمعة من كان مصليا منكم بعد الجمعة فليصلي اربعا. كلام النبي عليه الصلاة - 00:41:11ضَ

سلام لكن اول ما تدخل المسجد بتصلي ركعتين تحية المسجد وتقعد ما تقومش تاني يدن الادان تقوم تاني بدعة فواحد يقول لك يا اخي طب ابن مسعود كان بيصلي قبل الجمعة تمن ركعات - 00:41:28ضَ

اقول لك ما فيش مانع من اول ما تدخل تفضل تصلي لحد ما الخطيب يطلع. لكن تصلي وتقعد ويدن الاذان تقوم تصلي تاني هي دي البدعة بقى ما فيش مانع تصلي من ساعة ما تدخل الجامع. افضل صل لحد ما الامام يقول السلام عليكم ورحمة الله - 00:41:48ضَ

افضل صل براحتك لكن تصلي ركعتين وتقوم قاعد ولما يدن الاذان تصلي ركعتين كمان الكلام ده لا يجوز. بدعة ما كانش الكلام ده على ايام النبي صلى الله عليه وسلم. اذا البدعة - 00:42:06ضَ

في تشريع ما لم يأذن به الله ورسوله يبقى انت كانك بتعبد ربنا بشرع خالص بعيد خالص عن شرع النبي. ما هو اهو ده معنى البدعة هذا هو معنى الايه؟ معنى البدعة. ما هو احنا عشان واحد جه واحد يقول لي ايه؟ البدعة يا اخي ايه دليل التحريم يا اخي - 00:42:19ضَ

اقول لك لأ الدليل المطالب بالدليل اللي بيعمل الحاجة. انت قمت تصلي فانت المطالب بالدليل ها الفاعل هو المطالب بالايه؟ مطالب بدليل مطالب باثبات لماذا تفعل هذا والنبي صلى الله عليه وسلم كان يقول الا ان كل محدثة بدعة - 00:42:40ضَ

وكل بدعة ضلالة وكل ضلالة في النار وكان يقول اياكم ومحدثات الامور وكان يقول كل عمل ليس عليه امرنا فهو رد. مردود على صاحبه عشان كده الاتباع بقى قل ان كنتم تحبون الله فاتبعوني - 00:43:04ضَ

يحببكم الله. اهي دي الثمرة العظيمة جدا اللي احنا هناخدها. يبقى الاتباع يجيب الحب. الاتباع الاول الحب هو ثمرة الايه؟ ثمرة الاتباع. لا اتصور ابدا حبا يخالف. حتى لو كان هذا الفعل على هوى نفسه - 00:43:29ضَ

انت بتحب تعمل كده. بس الرسول صلى الله عليه وسلم يا اخي قال لك لأ. يعني انا دلوقتي عايز ارفع رجلي سؤال حد قال لك ارفع رجلك ده تشبيه يعني حاجة مسل يعني - 00:43:55ضَ

حد قال لفريق عايز تعمل اي عبادة من العبادات. مأذون لك اولا ولا لأ؟ مأذون. من اللي ازن لك؟ وفي دليل الاذن ده احنا بنعمل الكلام ده في حياتنا العادية. تروح تقول لواحد انا عايز ابيع الارض الفلانية. يقول لي معك توكيل - 00:44:12ضَ

دليل يعني انك انت حر التصرف في مال فلان. ايوة معي توكيل اتفضل. لو في اي خدش ها الختم مش باين اعرق كوباية وقام خاتم بهم ولا مش عارف اي حاجة يقول لك لأ - 00:44:34ضَ

اي خدش يقول لك لابد من دليل اثبات انك انت لك مطلق التصرف في مال فلان او حياة فلان او الكلام ده ما هي العبادة كده شف الفرق بين العبادة وبين المباحات. الاصل في العبادات احفزوا القاعدة دي زي قل هو الله احد كده - 00:44:46ضَ

لانها هتنجينا من كثير من المخالفات الاصل في العبادات المنع حتى يرد دليل بالاذن. والاصل في الاشياء الاباحة حتى يرد دليل بالمنع يبقى انا عندي عبادة وعندي شيء. طيب شيء زي ايه؟ قال لك البيوع - 00:45:07ضَ

البيوع الاصل فيها الحلم ها المطاعم والمشارب الاصل فيها الحل حتى يرد دليل يقول لك الاكلة دي بالزات لأ الشوربة دي بالزات لأ ولزلك تلاقي المباحات من المطاعم والمشارب اكتر مليون مرة من المحرمات - 00:45:40ضَ

هو ايه المحرم علينا في الاكل؟ انما حرم عليكم الميتة والدم ولحم الخنزير وما اهل به لغير الله والمنخنقة والموقودة والمتردية والنطيحة وما اكل السد وما ذبح على النصب. ها؟ كل دي محرمات. وهيحرم عليك انك انت ايه؟ تشرب الخمر - 00:46:08ضَ

لو حبيت تعد اجناس المحرمات علينا من اجناس المباحات مش هتطلع فيه نسبة مئوية فالاصل في كل طعام انه حلال الا ان يرد دليل بانه حرام جبت كيلو لحمة من عند الجزار. حطيته في البيت نسيته - 00:46:28ضَ

عفن وصار جيفة تاكله اهو ما تاكلوش. ليه طرأ عليه وصف مانع طلع عليه وصف ايه؟ مانع يبقى الاصل في المباحات في الاصل في الاشياء زي المطاعم والمشارق والبيوع البيوع اللي كنا نبيع ونشتري. الاصل فيها الحلال الا انواع معينة من بيوع تتعدى على اصابع اليدين - 00:46:54ضَ

اما كل انواع الحاجات في الدنيا بتتباع وتشتري اجناسها لا يمكن تعرف تعد اللي بيتباع ويتشاري ايه بتعرفش عدة البقال مسلا او بتاع الخردوات او مش عارف ايه لو حب يعد الايه اللي في البقالة لو عنده حاجة ضخمة ولا بتاع ما يعرفش يعني ايه يجيبها بصعوبة يعني. فما بالك بما في الارض جميعا - 00:47:25ضَ

ده الاشياء لكن العبادات بقى قال لك الاصل فيها المنع. ليه؟ قال لك لان لا تدري ما الذي يحبه الله ويرضاه. جايز تعمل حاجة انت تتصور انك تتقرب بها الى الله ويكون ربنا بيكرهك - 00:47:46ضَ

وانت ايش عرفك ربنا بيحب ديت ؟ الا عن طريق رسول يرسله اليك يقول لك ربنا عز وجل بيحب كزا وبيكره كزا يبقى انا لا استطيع ان اتقرب الى الله من بمزاجي كده. تطق في دماغي ان انا اعمل حاجة معينة اتقرب بها الى الله تقوم ايه - 00:48:07ضَ

اقوم اعملها نعيش زي الاعرابي اللي هو لما كانوا راكبين سفينة كلهم وكده وهبت ريح العاصف وهتغرق السفينة بتاع اسفين قال يا جماعة كل واحد بقى يندر لله كده ربنا نجانا يطلع حاجة لله. ها صدقة يطلع بتاع الكلام دوت - 00:48:25ضَ

بقى ان الناس اللي راكبين في السماء كلهم آآ كل واحد معه قرشين وبتاع الا واحد اعرابي ما كنش معه ولا مليم. ها جيبه نضيف تماما قال اللهم انه ليس عندي شيء اقدمه. لكن امرأتي طالق لوجهك ثلاثا. طب وايه هتقرب - 00:48:45ضَ

الست هو ده هو ده قربة الى الله؟ ها لأ فاحنا ممكن نفعل اشياء نتصور اننا نتقرب اليها الى الله وهي مش قربة اصلا فيوم اللي يعرفك ان ربنا بيحب دي وبيكره دي مين - 00:49:05ضَ

هو الرسول عليه الصلاة والسلام عشان كده قام قال ايه؟ فاتبعوني اهو. يحببكم الله فالاصل في العبادات المنع. ما اقدرش ارفع رجلي في العبادات الا ازا كان مأزون لي ارفعه - 00:49:22ضَ

طب احطها فين ؟ قال لك اوعى تحطها على الارض لحد ما يقول لك حطها في المكان الفلاني. ها جايز تحطها هنا يكون غلط يقول لك حطها هنا. او حطها هنا - 00:49:36ضَ

يبقى العبادات الانسان متكتف فيها ما يعرفش يتصرف ما يعرفش كان فيه مرة واحد اعرفه كان بيصلي معنا مسجد زراعة زمان كان بعد ما يصلي الضهر لازم يسجد سجدة لمدة ييجي خمس دقايق كده - 00:49:50ضَ

فانا لاحزت المسألة دي مرتين تلاتة فكلمته قلت له انت بعد كل ضهر تسجد ايه؟ السجدة الطويلة دي. ليه؟ قال هو هو مش ربنا قال فاسجد واقترب والنبي عليه الصلاة والسلام قال ان ايه؟ اقرب ان اقرب ما يكون العبد من ربه وهو ايه؟ وهو ساجد. فانا لما ادعو وانا ساجد دعائي يستجاب - 00:50:10ضَ

اقرب الى الاجابة قلت له ماشي كلام جميل بس النبي صلى الله عليه وسلم كان اذا دعا سجد عملها خالص دي ابدا ما عملهاش الا في الصلاة. وهو يصلي. وهو بيصلي وهو ساجد يدعو كما يشاء. لكن هو دلوقتي مش في صلاة يسجد ليه - 00:50:40ضَ

ما هو ادعية النبي صلى الله عليه وسلم كلها كثيرة ولا نعلم في خبر من الاخبار انه سجد اذا اراد ان يدعو. يبقى انت مخترع بقى فهذا لا يجوز لك. قال معلش - 00:51:02ضَ

كل واحد ادرى بنفسه دي بقى بتوصلني هتوصلك لفين يا ابني؟ ده ده ربنا عز وجل بيقول فاتبعوني يحببكم الله. انت عايز توصل لفين بقى ؟ انت طبعا مش ماشي في السكة الصح. انت ماشي في السكة الغلط. عايز توصل لفين بقى - 00:51:16ضَ

فده مزاج ها حاجة طقت في دماغه وشاف ان هو كده مبسوط بها والكلام ده فيبادر يعملها. اقول لك لأ نرجع للقاعدة بتاعتنا الاصل في العبادات المنع حتى يرد دليل بالاذن - 00:51:39ضَ

اي عبادة انت ممنوع تعملها لحد ما يأمرك سيدك يقول انا ارضى عن هذه ولا ارضى عن هذه تتخذ تتقي مساخطه سبحانه وتعالى وتبادر الى مراضيه وكمان الحب ده بيخلي خطوتك سريعة جدا. حتى لو كنت عند الناس بطيئا - 00:51:58ضَ

ودي من العجايب احدى العجايب شف الشاعر الراجز بيقول ايه من لي بمثل سيرك المدلل ها من لي بمثل سيرك المدلل تمشي هوينا وتجيء الاول ازاي يعني بيقول له انت بتعمل حاجة غريبة. ماشي على مهلك وبتطلع الاول. اما قل لي ازاي يعني - 00:52:25ضَ

طب ده اللي ماشيين معك بيجروا وسابقينك قال لك القصة مش قصة ان انا اصلي آآ سبعين ركعة. القصة ان انا هاصلي ركعتين بس بس احسن من السبعين بتوعك عمار ابن ياسر رضي الله عنه صلى صلاة خفيفة كما في السنن وغيرها. فلما صلى صلاة خفيفة كده ومشي فواحد قال له ايه - 00:53:02ضَ

قال له يا ابا اليقظان كنية عمار. لقد صليت صلاة خفيفة قال نعم ولكني دعوت فيها بدعوات ها وذكر له دعاء علمه النبي صلى الله عليه وسلم اياه. فقال له اه صحيح خفيفة صحيح. بس انا دعيت فيها دعاء تقيل - 00:53:25ضَ

فهو لما يبقى ماشي على مهله ها ويطلع الاول تيجي ازاي ديت؟ محب فالحب يولد الاخلاص على طول. وشف موسى عليه السلام لما ذهب الى ميقات ربه مع السبعين من بني اسرائيل - 00:53:46ضَ

ما استحملش الخطوة بتاعتهم. ماشيين على مهلهم وموسى عليه السلام عايز يصل الى ميقات ربه مشتاق ها فسبقهم فربنا بيقول له ايه؟ وما اعجلك عن قومك يا موسى! ايه اللي خلاك تيجي بدري كده وتسبقه وتيجي؟ قال هم اولئك على اثري وعجلت اليك - 00:54:04ضَ

يا رب لترضى طبيعة المحب لما يشوف حبيبه عايز الحتة دي تبص تلاقي اول واحد في الطابور. شكر يكون تاني واحد ولا تالت واحد ولا رابع واحد ولا الكلام ده ها؟ فاكرين زمان في - 00:54:27ضَ

الستينيات لما كان طوابير الجمعية مشهور طوابير الجمعية وواحدة اسمها الدلالة. الدلالة دي بقى اللي انت ايه متخصصة في معرفة تقف امتى في طابور وتجيب امتى وترتب الاوضاع وتجيب لك السمك الروسي وتجيب لك الفراخ المجمدة والكلام ده في الجمعيات ايام الستينيات يمكن كتير من اخواننا يعني مولودين بعد - 00:54:39ضَ

الزمن الغابر ده ها او الاغبر فتبص تلاقي من الفجر العالم تصلي الفجر وتقف على باب الجمعية. طب الجمعية بتفتح الساعة كم؟ تسعة يعني يفضل من الساعة خمسة للساعة تسعة اربع ساعات علشان فرخة - 00:54:59ضَ

هو عايزها عشان اكل عياله. عنده حاجة نعمل حاجة زي كده. حتى اشتهرت نكتة زمان بسبب الطوابير والكلام. بيقول لك كان هو واحد رايح الشغل وبعدين لقى الجزمة بتلق في رجله. فبيبص لقى ايه ما ربطش الرباط كويس. فقام واقف في مكانه يعني ما يعرفش واقف فين - 00:55:19ضَ

وقف في مكانه وعمال يعمل الرواتشي بقى وبتاع يتأنق فيه بقى وانت عارف زمان كان الجزمة مزاج واللبس بمزاج وكان حاجة مزاج دلوقتي اقلب يعني ها المهم على ما شنط الجزمة والرباط والبتاع مش عارف ايه بيقف كده بيبص لقى وراه يجي عشرة ها وبيبص لقى نفسه قدام - 00:55:36ضَ

قدام جمعية ومش قدام جمعية فوقف كده وقال ايه؟ طب ايه اللي يخليني امشي؟ طب ده انا الاول في الطابور. ها؟ جايز يكونوا بيوزعوا حاجة ولا بتاع. وقام واقف ها كانت نكتة ايه بتتداول ايام زمان على قصة طابور الجمعية ومش عارف ايه طب ده راجل محتاج حاجة معينة اهوت قام واقف لها اربع ساعات. اربع ساعات - 00:56:01ضَ

ويجي في الصلاة لو الامام طول شوية عمال ينفث استغفر الله العظيم. ومرة واحد يعني ضيع علي صلاتي وباصلي جنبه كل شوية ينفخ اللي ينفخ يعني خلاص هو بينفخ انا مش واخد بالي بينفخ من ايه؟ لحد ما بدأ يتكلم يكلم نفسه بقى. استغفر الله العزيم استغفر الله العزيم استغفر الله - 00:56:24ضَ

ابن ستين في سبعين خلص بقى. ها واول ما خلص صلاة خلصنا صلاة قام طالع في الايه؟ في الامام الغلبان المسكين ده يا اخي من ام بالناس فليخفف مش عارف ايه الكلام لو علي اقف معك للصبح لكن في ناس مرضى وناس غلابة في الجامع الله! هو حد آآ قال لك - 00:56:46ضَ

اتكلم باسم هؤلاء الناس ها هو اللي عمال ينفخ ويعمل وبتاع والكلام ده عشان مش قادر يقف في البتاع ويقوم يقف على طابور الجمعية اربع ساعات مش هيجيب فرخة هو ده علامة المحب. فانا عايز اقول لكم يا اخوانا ازا كنتم ازا كنا بقى عايزين ننتصر بقى ونطلع من الزل والعار اللي احنا فيه النهاردة واحنا - 00:57:06ضَ

فكل يوم اللقمة بقت مرة. لما بتشوف فضائيات بتشوف بيعملوا ايه في دلوقتي اليهود في البلدة القديمة وبيعملوه وخلاص هيمسحوها والكلام ده. انت نفسك ما بتعرفش تاكل. اللقمة مرة لكن عاجز مكبل مش قادر تعمل حاجة - 00:57:25ضَ

وهنفضل في الهزيمة دي لحد امتى ؟ ما تعمل حاجة يا اخي. اعمل حاجة في مقدورك. في مقدورك لم عيالك واقعد كلم عيالك عن هموم الامة وعن حتى لو ما بتعملش يا اخي بها. حتى لو انت عاجز انك تفعل الكلام ده. لم عيالك واتكلم عن قضايا الامة. اتكلم عن هذا الدين المتين - 00:57:42ضَ

ان الذي انزله الله سبحانه وتعالى وجعله وجعل النبي صلى الله عليه وسلم خاتمة الرسل والقرآن خاتمة الكتب. وهو الدين الذي ارتضاه الله عز وجل للانبياء جميعا. من بلاد ابن ادم عليه السلام لحد - 00:58:00ضَ

تقوم الساعة وهو الاسلام وتعلم ولادك الحب بذرة الحب. النبي صلى الله عليه وسلم يا ابني امر بكزا اعملها. بس ما تقولش وانت مخالف بقى. يعني مسلا ما تبعتوش يجيب علبة سجاير - 00:58:12ضَ

ها والتدخين حرام. ما تبقاش يجيب المعسل والجوزة حرام. ها؟ وهذه الاشياء ما تقوليش يا ابني عيب النبي صلى الله عليه وسلم يا ابني نهى عن الدهب للرجال وانت لابس ديل دهب! برضه عشان يبقى كلامي له مصداقية. فنحن اذا علمنا اولادنا - 00:58:25ضَ

من من الصغر معنى الحب كل العبادات تخف. الجهاد نفسه بيخف شف سعد بن انس بن النضر رايح في الجهاد والجهاد معروف ان القتل آآ يعني آآ ومن ظن ممن لا يلاقي الحروب بالا يصاب - 00:58:45ضَ

فقد ظن عجزه. يعني اللي بيروح الحرب بيعمل حسابه انه مش هيرجع يوم انس ابن النضر في غزوة احد لقي سعد ابن معاذ يقول له وها يا سعد اني لاشم ريح الجنة دون احد - 00:59:02ضَ

انا اشم ريحة الجنة فقاتل حتى قتل. اخته الربيع ما عرفتوش. ما عرفتش تميز مين الشخص ده؟ الا ببنانه باطراف اصابعه وشه ضايع وجدوا فيه ثمانين طعنة ورمية برمح وضربة بسيف - 00:59:17ضَ

فده راجل رايح عشان يموت نفسه يموت ليه ؟ عشان عارف ان الجنة بعدها وواحد قال للنبي صلى الله عليه وسلم وكان معه تمرة كده شوية تمرات في جيبه عمال ياكل فيهم على ما القتال يشب يعني. فقال يا رسول الله - 00:59:42ضَ

آآ ما لي عند ربي ان قتلت في سبيلي. قال لك الجنة فقال انها لحياة طويلة حتى اكل هذه التمرات. عغمس تمرات ده انا لسة هاكلهم تقاتل حتى قتل ايه اللي يخليه يدخل وهو يعلم انه سيقتل؟ ايه اللي خلاه يقدم على هذا؟ المحبة - 01:00:00ضَ

المحبة دي ناتجها تصديق الوعد والوعيد. وهذا له يعني آآ كلام اخر. طويل. اسأل الله تبارك وتعالى ان ينفعنا واياكم بما علمنا وان يعلمنا ما جهلنا. اقول قولي هذا واستغفر الله العظيم - 01:00:24ضَ