ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا انه من يهده الله فلا مضل له. ومن يضلل فلن تجد له هاديا مرشدا - 00:00:01

يا ايها الذين امنوا اتقوا الله حق تقاته. ولا تموتن الا وانتم مسلمون. يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء - 00:00:21

واتقوا الله الذي تساءلون به والارحام ان الله كان عليكم رقيبا. يا ايها الذين امنوا اتقوا الله وقولوا قولا سديدا. يصلح لكم اعمالكم. ويغفر لكم ذنوبكم. ومن يطع الله ورسوله فقد فاز فوزا عظيما. اللهم صل على الحبيب محمد وعلى ازواجه امهات المؤمنين وعلى ذريتي - 00:00:41

لبيته انك حميد مجيد. اما بعد اخواني واحبابي في الله ففي هذه اللحظة التي نتكلم فيها الان يقف العالم كله في في ازمة رهيبة. الصين ضربت بامطار لم تسقط على الصين من الف سنة. اتناشر مدينة في الصين اتدمرت. الناس - 00:01:11

جوة مترو الانفاق في الصين غرقوا في اماكنهم. غرقوا في المكان منزر السيارات والبشر في الطيارات امطار والاعاصير زي بالزبط النمل كده وهو في الماية زي لعب الاطفال وهي في الماية سبحان الله العظيم الله يبتلي - 00:01:31

العالم بكوارث تفاجأ ان الدول الصناعية الكبرى تفاجئ ان الاقتصاديات العظمى في العالم بتقف بالظبط زي الاطفال لا حول لهم ولا قوة حتى تذهل ان الدول الرهيبة دي اللي طلعت الفضاء واللي فجرت الذرة واللي عملت الاختراعات كل ما الانسان بيظن انه كبر - 00:01:51

كل ما الانسان بيظن انه كبر طبيا وعرف واكتشف الادوية ربنا يبتليه بحتة فيروس زي فيروس كورونا اصاب ميتين مليون بني ادم على وجه الارض الى الان ولسه انجلترا مستنية ضربة تالتة. في الايام الجاية فيروس كورونا دلتا البلاس المتحور. كثير من الدول نسأل الله العفو - 00:02:11

والعافية. تنتظر ضربة بي في الشهور القادمة. فيروس انفلونزا الطيور رجعت الهند تاني. فيروس زيكا فيروس غريب ونادر ارجع تاني وبدأ يوجد في الارض وبدأ الناس تموت به. جدر القرود في امريكا ايه جدر القرود ده! احنا بنسمع كلام غريب وقاعدين يتعقبوا حالات في سبعة وعشرين - 00:02:31

الولاية عشان يسيطروا على مرض جدر القرود. اوبئة غريبة بتزهر في كل مكان في العالم. اوبئة عجيبة. كأن الله يذكر الناس مهما كبرت الله اكبر. الله يذكر الناس من هو الكبير. من هو الكبير؟ الصين السدود بتتدمر فيها - 00:02:51

السدود مدن بتدمر فيها. من غلي يعني شفت بعيني سد بيتحطم كانه لعبة اطفال. تركيا الفيضانات فيها خلت الناس والسيارات كأنها لعب اطفال المانيا بدأوا الوقت يقولوا وداعا المانيا بيقولوا النيل امطار اللي نزلت على المانيا والكارثة التي فيها - 00:03:11

المانيا الان لم تحدس منز الحرب العالمية التانية الحرب العالمية التانية اللي ابيدت فيها المانيا اللي ادكت فيها المانيا بالارض يقول لك ده واحدة بتتكلم بتقول بلدي ما عادتش موجودة المدينة بتاعتها اختفت اصلا. اختفت في هذا الاعصار وفي هذا الفيضان. يقول لك دي اسوأ كارثة جت - 00:03:31

على المانيا بعد الحرب العالمية التانية كندا مئات الناس ماتوا الايام اللي فاتت بسبب الحر الشديد. امريكا حرائق الغابات غير اللي موجودة امريكا هي الدولة رقم واحد في العالم قبل الهند اللي يدها رقم اتنين في فيروس كورونا غير حرائق الغابات غير - 00:03:51

الفيضانات كندا مئات القتلى بسبب الحر الشديد. الهند طبعا سبحان الله العظيم! في الفيضانات اللي هي فيها! هو فيه ايه يا جماعة جماعة هو هو ايه الرسالة ايه الرسالة الربانية في اللي بيحصل دي ؟ الله الكبير يذكر الناس. كل ما الانسان بيستعلي. الصين تقول لك جبنا اسرع قطار في - 00:04:11

في العالم. الدولة دي تقول لك احنا خلاص طالعين الفضاء وهنعمل رحلات ترفيهية. كل ما الانسان بيحس انه كبر طبيا كبر اقتصاديا. جيوش الدول العظمى كبرت تسليميا ربنا بيذكر الدنيا كلها من هو الكبير. وربنا بيذكر المسلمين ان الله اكبر من كل اقتصاديات - 00:04:31

العالم. الله اكبر من كل جيوش العالم. الله اكبر من كل مؤامرات وكيد العالم زي سد النهضة. دول كتير في الخفاء. بتزق في اسيوبيا لان زي ما تشرشر قال وهو ورئيس وزراء بريطانيا. زي زمان طبعا الكلام ده من سبعين سنة. ده هو بقى قال الكلام ده قبلها بعشرات - 00:04:51

لما كان عنده سبعتاشر سنة قال ان مصر شجرة وجذور الشجرة دي هي منابع النيل. ولو اردنا قتل الشجرة دي تنحل هو السيطرة على منابع النيل. فدي مش قصة اثيوبيا ولا قصة ده مؤامرة كبيرة جدا. مؤامرة عشان قتل مصر لانهم يعلمون ان مصر - 00:05:11

فيها قوة الاسلام. وان دين الله لو قام في مصر لقام في العالم كله. فدي مؤامرة على هذه البلد. نسأل الله ان يحفظ مصر ويحفظ السودان ويحفظ مسلمين في العالم اجمع. الله كبير. الله كبير سبحانه وتعالى. هنتكلم عن اسم من اسماء الله. بيقول لك اوعى تتكسر لجبروت زالم. اوعى - 00:05:31

كسر لقوة في العالم عشان جيشها ولا اقتصادها ولا امكانياتها ولا مؤامراتها ومكرها وتخطيطها وجنود في التخطيط والمكر اوعى تتكسر هنتكلم عن اسم بيقول لك اتكسر بقى للكبير. اتكسر لربنا سبحانه وتعالى. قال الله عز وجل وما قدروا الله - 00:05:51

الله حق قدره والارض جميعا قبضته يوم القيامة. والسماوات مطويات بيمينه. انت متخيل ربنا سبحانه وتعالى قدره قد ايه ؟ متخيل عظمة قوة الله. قال الله عز وجل ثم استوى الى السماء وهي دخان. فقال لها - 00:06:11

الارض ائتيا طوعا او كرها. قالتا اتينا طائعين. في اثر من الاثار ان جبريل سأل الله ماذا لو لم تأتي السماوات والارض طائعين فقال الله ازا لسلطت عليهما دويبة من دوابي. دويب مخلوق صغير كده - 00:06:31

من مخلوقات العظم من السماوات والارض. اذا لسلطت عليهما دويبة من دوابي. فاهلكتهما. ربنا متخيل الكون الرهيب ده الشمس اللي قد الارض مليون وتلتميت الف مرة. والنجم اللي قد الشمس تلات تلاف مرة. والمية وستين مليار سنة ضوئية اللي في النجوم بتاعة السماء الدنيا - 00:06:51

ربعميت مليار مجرة. وكل مجرة فيها الربعميت مليار نجم. كل السماوات دي يحملها الله يوم القيامة على يحملها الله يوم القيامة على اصبع قوة الله ايه ؟ الاسم ده بيقول لك اتكسر لربنا. الاسم ده من اسماء الله - 00:07:11

حسنا وكل اسماء الله الحسنى. بيقول لك اوعى تتكسر لهم. اوعى تتكسر لمشكلة. اوعى تتكسر لكرب. اللي قتل مراته في العيد عشان ما عهوش عداية ولا عارف يصرف على البيت. ولو عارف الاسم ده من اسماء ربنا. لو عرف ان ربنا كبير بحق وحقيقي. مش هيعمل كده مش هيوصل للسواد ده - 00:07:31

مش هيوصل لليأس ده اللي طلق مراته. بسبب ان هم الاتنين فتحوا محل كورونا جت. بدأوا يستلفوا بالربا من المصادر اللي بالربا عشان يبدأ بقى يبقى عليهم ييجي حوالي مليون جنيه. اتطلق هو ومراته وبيتهم خرب وكل واحد قاعد دلوقتي قافل على نفسه مستني السجن او الموت - 00:07:51

نسأل الله العفو والعافية الاسم ده بيقول لك اوعى تتكسر قدام هم او قدام مشكلة او قدام كرب او قدام ظلم ظالم او اوعى تتكسر اللي طلق مراته في العيد لان هو ما عهوش فلوس. يصرف بها على البيت. اللي انتحر بسبب المطالب المادية منه في الفترة اللي فاتت دي. الاسم ده - 00:08:11

يقول لك ما تتكسرش قدام كرب. انت لك رب كبير اوي. انت لك لما تلاقي المشكلة اللي قدامك اكبر من امكانياتك. واكبر من تفكيرك. لما تلاقي الدنيا ودت لما تلاقي الواقع باكبر منك افتكر الله الكبير سبحانه وتعالى. افتكر رب العرش العظيم سبحانه وتعالى. هنتكلم عن اسم الله - 00:08:34

الكبير اسم الله الكبير يعني ايه ؟ لما تعرف ان ربنا كبير ده يغير في حياتك ايه ؟ اي حد صغير بيدور على حد كبير عشان ينتمي ليه ؟ اي حد تلاقي دايما الدول الصغيرة تحاول تعمل احلاف مع الدول الكبيرة ما هتعمل ايه ؟ اومال كل مهدد وحاسس بالخطر الدائم. بالزات في عالم بلا اخلاق - 00:08:54

ولا مبادئ زي العالم اللي احنا عايشين فيه. طب اروح فين ؟ فاسم الله الكبير بيعرفك مين اللي انت تنتمي اليه. مين اللي انت تتحامى فيه. مين اللي انت توليه - 00:09:14

مين اللي انت تستعز به في هزه الحياة؟ لان اي حد صغير محتاج حد كبير يحميه وخصوصا لما تبقى المخاطر فعلا اكبر منه. والمشقة اكبر منه والكوارث الطبيعية اكبر منه. ومكر اعداءه به زي سد النهضة وغيره اكبر منه. ساعتها محتاج انه يعرف بقى - 00:09:24

هو لازم ينتمي للكبير سبحانه وتعالى. الكبير ما فيش حد اكبر منه. يا جماعة اي مخلوق كبير لما بيبعد عشان كده دايما ربنا الكبير ما جاش غير مع العلي او المتعالي وهو العلي الكبير. وهو الكبير الكبير المتعال. ليه بيجي دايما الكبير مع العلو؟ لان ربنا - 00:09:44

ما فيش حاجة تنزله من قدره ابدا. سبحانه وتعالى اي مخلوق كبير لما بيعلى بيصغر الشمس الشمس قد الارض مليون وتلتميت الف مرة. الشمس دلوقتي لما بعدت عننا بايدك كده تغطي الشمس. وتخبيها عنك. اي مخلوق الا اما بتركب طيارة - 00:10:04

انت رايح مطار القاهرة وتلاقي الابراج والكومباوندات والقصور بتاعة الكمباوندات والعربيات والتريلات اول ما تركب الطيارة وتعلى تلاقي كل اللي تحت بقى قد النمل. تلاقي كل حاجة صغرت. فالكل صغير. ما فيش كبير غير ربنا سبحانه وتعالى. ربنا الوحيد اللي فيه علوه - 00:10:24

انما ما سوى الله كل ما بيعلى الكل. كل ما بيصغر الكبير لما تعرف الكبير اكبر ميزة هتستفيدها ايه؟ ان كل همومك تصغر. انت همومك جواك صغيرة لانك مش عارف الكبير. انت همومك بتصغر جوة صدرك. على قد ما انت عارف معنى اسم الله الكريم - 00:10:44

ومتصل بالكبير. عشان كده اسم الله الكبير بينسف الهم اللي عندك. بينسف الغم بينسف المشاكل. بينسف احساسك بالهموم المشاكل والغموم لان ربنا كبير. يعني ايه ربنا كبير؟ يعني مهما كان الواقع اكبر مني ومهما كان احلامي اكبر مني. ومهما كان المشاكل اكبر من امكانياتي - 00:11:04

ومهما كان الدخل اللي مطلوب مني اكبر من من فعلا الدخل الحقيقي اللي بيدخل لي. ومهما كان الواقع اكبر مني ربنا اكبر من كل ده. ربنا اكبر منه. زي بالزبط كده لما جت طيارات انجلترا تضرب ارض الحجاز. ايام بقى زمان بقى في القرن العشرين - 00:11:24

ايام الحرب العالمية التانية فجت تضرب ارض الحجاز فبيقولوا ده طيارات واختراعات وما حدش فينا. فواحد من اهل الايمان قال لهم هو الطيارات دي هي اللي فوق ربنا ولا ربنا اللي فوقها؟ قالوا له لأ ربنا اللي فوقها خلاص ربنا كبير. ربنا اكبر من اي شيء سبحانه وتعالى. فانت لما تعرف معنى اسم - 00:11:44

الله الكبير حياتك بتتغير فعلا. حياتك بتتغير وقلبك ونفسيتك بتتغير فعلا. يا جماعة من الكلمات المشهورة يقول لك ده ده الموضوع ما لوش كبير يعني ما لوش كبير. يقول لك البحر ما لوش كبير. مهما كنت سباح ماهر. سباحين عظماء ماتوا وهم نازلين في البحر في رايحين يصيفوا - 00:12:04

سباحين عبروا الماتش. وهم رايحين يصيفوا في راس البر غرقوا. قدام الناس كده. البحر ما لوش كبير. يقول لك السواقة ما لهاش كبير. انا شاطر في السواقة يا ابني بعد المية وعشرين ما فيش كبير للسواقة. امهر سواقين وماتوا بعربيات اتقلبت بهم. فالسواقة ما لهاش كبير. يقول لك التجارة ما لهاش كبير. تاجر - 00:12:24

الرهيب حوت ديناصور وتلاقيه يخسر يعني نص سروته في قرار صغير هو مش عارف ازاي ده انا ده انا عبقري، ده انا شاطر، ده انا ده انا يعني عملت صفقاتي الكل باصص لي مزهول فيها. التجارة ما لهاش كبير. يبقى كل مخلوق مهما كان - 00:12:44

في اللي اكبر منه وفي المواقف اللي اكبر منه. لكن الله اكبر من الجيم. عشان كده الله سبحانه وتعالى يقول لخلق السماوات والارض اكبر ايه زي الله اكبر لا اكبر من ربنا مش اكبر من ربنا اكبر. اكبر من كل شيء. اكبر من خلق الناس. يبقى اي مخلوق - 00:13:04

بالمقارنة بمخلوق تاني ، ولكن الكبر المطلق هو لله. هو لله سبحانه وتعالى. انك انت تعرف ربنا. عشان كده يا جماعة كلمة البداية في ديننا كلها هي الله اكبر. كلمة الاسم اللي بنبدأ به دينا هو اسم الله الكبير. ربنا في اول سورة نزلت في القرآن - 00:13:24

بقى بعدها محمد اسمه محمد عليه الصلاة والسلام. قم فانزل. قم وربك فكبر. يعني ايه وربك فكبر؟ يعني طريق الدعوة عايز نفوس كبيرة. عايز نفوس مش عايزة دنيا من ورا الكلمة بتاعتها. كأن ربنا بيقول للنبي هيقابلك اعداء كبار. اعرف ان ربنا اكبر منهم - 00:13:44

يقابلك فيه حاجات بتحبها كبيرة في قلبك وحياتك ونفسيتك هتسيبها. عشان تتفرغ للدعوة. ربنا اكبر منها واللي عند ربنا اكبر منها مشاكل كبيرة. ربنا اكبر منها. عندك اهداف كبيرة. والواقع ضد الاهداف دي. وبعيد جدا عنها ربنا اكبر من كل شيء. اللي - 00:14:04

اعرف اسم الله الكبير ما عندوش مشكلة. فالدعوة عايزة نفسيات كبيرة لانها هتقدم تضحيات كبيرة. وهتقدم وهتسيب حاجات بتحبها وكانت كبيرة عندها جواها فربنا في الاول قال له وربك فكبر. زي بالزبط الادان. اول كلمة في ايه؟ اشهد ان لا اله الا الله. لأ الله اكبر - 00:14:24

اول كلمة اربع مرات الله اكبر. كأن دي كلمة الصاعقة الكهربائية اللي بتفوق الناس من الغفلة. ده اول الاذان. اول كلمة في الصلاة الله الله اكبر. الله اكبر. بداية الصلاة. انك بتفتكر الكبير. بداية الادان بتفتكر الكبير. اللي بيسيبك محلك - 00:14:44

وولادك والحاجة اللي انت بتابعها ومزاكرتك وكليتك ومحاضرتك الكبير. اسم الله الكبير بيغير حياتك بيعيد ترتيب اولويات حياتك زي ما ربنا قال خافضة رافعة. بيصغر حاجات كانت كبيرة عندك وبيكبر حاجات كانت صغيرة عندك. بداية الاسلام كله - 00:15:04

وربك وربك فكبر. انك انت تعرف اسم الله الكبير. هي دي بداية الدين يا جماعة. عشان كده مين اللي بيوصل في الدين اللي عارف وربك فكبر دي. اللي ما عندوش وربك فكبر دي ما بيوصلش. بيفضل تايه. حوالين هو الوقتي كثير من الملتزمين. وكثير من اهل الايمان - 00:15:24

في المجتمع هو ليه مش عارف يوصل للدين لان ما عندوش وربك فكبر بالقدر الكافي. لانه فعلا اللي بيكبر ربنا هو اللي بيوصل. هو اللي بيبقى عنده سهل انه يعمل اي حاجة - 00:15:44

عشان ربنا اللي مين اللي وصله اللي كبر ربنا على الزوج زي ام سليم كده. لما زوجها الكافر اول ما حس ان الخمرة هتتحرم هرب من ادينا على الشام اي واحدة هتجري ورا جوزها سابته وفضلت جنب النبي عليه الصلاة والسلام. اهو ده تبع وربك فكبر. اللي كبر ربنا على الاولاد هو ده اللي وصل - 00:15:54

سيدنا ابراهيم لما حط السكينة على رقبة ابنه زي ماشطة بنت فرعون. لما ولادها اترموا في الزيت المغلي قدام عينيها. اهي دي وربك فكبر الكلام العملي. انما الله اكبر الله اكبر الله - 00:16:14

الله اكبر لا اله الا الله وفي النهاية هو كل حاجة عنده اكبر من ربنا. فحقيقة كل حاجة في الحياة عمليا اكبر من ربنا وربك فكبر عمليا انك اول ما تسمع الاذان تسيب اللي في ايدك. وربك فكبر عمليا انك تتكسر لامر الله ولحكم الله وشرع الله ما هو الكبير - 00:16:27

كبير القبيلة في البدو لما يمشي كله لازم يقف. لما يتكلم يقول لك كلمته ما تنزلش الارض ابدا. كلمته ما تتردش. يقول لك كبير اوي او الكبير اوي آآ الكبير في في البدو وفي القبائل وفي القرى ده اللي لما يقول كلمة الامر والنهي معه. كلمته ما - 00:16:47

ما تردش ما حدش يكسرك كبير كبير ربنا كبير في صدرك بحق وحقيقي. اللي وصلوا هم اللي كبروا ربنا. اللي كبره ربنا على الزوج اللي كبره ربنا على الاولاد. اللي كبره ربنا على الاب والام. زي مصعب ابن عمير امه مش راضية تاكل. قال لها يا امي لو ان لك مائة نفس. كلها خرجت نفس - 00:17:07

بعد نفس على ان اترك هزا الدين ما تركته ريح قلبك. انا ربنا اكبر عندي منك. باحبك وباموت فيك. بس ربنا اكبر. زي سعد ابن خيثمة في غزوة بدر ابوه خيثمة النبي كان بياخد راجل واحد من كل بيت فابوه بيقول له اثرني. قال له لو كان غير الجنة لاثرتك به. الا الجنة. عارف يقول لك انا في الفلوس ما اعرفش - 00:17:27

ابويا لأ الصحابة مش كده الصحابة في الجنة ما اعرفش حد. وربك فكبر. اللي كبر ربنا فوق المال زي ابو بكر الصديق. لما طلع كل ما له اربع مرات وربنا - 00:17:47

انزل فيه لوحده سورة كاملة اسمها سورة الليل ولسوف يرضى. ما هو ربنا بيراد. اللي كبر ربنا فوق الوجاهة والمركز زي سيدنا حمزة ابن عبد المطلب عكس بقى ايه عكس ابو طالب اللي خاف على شكله ومركزه وواجهته فهو خالد في جهنم والعياذ بالله. فيه دحضاح من النار بين اصبعين من اصابع رجله - 00:17:57

في جمرة تغلي منها دماغه. يظن انه اشد اهل النار عذابا وهو اقل اهل النار عذابا والعياذ بالله. نستجير بالله من النار. نسأل الله الفردوس الاعلى بغير حساب ولا سابقة عذاب. فاللي مش زي ام مصعب. لما ابنها جاي يهاجر قالت له كلمة خطيرة. لولا ان يزري الناس - 00:18:17

لهجرت معك او لاسلمت معك. الناس هتوديه كبرت الناس. كبروا الواقع. كبروا الاعراف الغلط. كبروا المجتمع. انما اللي ربنا حمزة ابن عبد المطلب بقى سيد الشهداء. سعد بن معاذ كبر الله لما راح بعد هجرة النبي عليه الصلاة والسلام للمدينة يطوف حوالين الكعبة ابو جهل قبله. قال له انتم - 00:18:37

هم الذين اويتم الصبا. قال له والله لنمنعن عنكم التجارة الى الشام. ما تتكلمش كده. ما تتكلمش معي كده. سيدنا محمد عندنا واحنا حاميينه. هو ده وربنا اكبر من ابو جهل. وربنا اكبر من الظالمين. اول ما اسلم مراته داخل بيته مراته جاية بتضحك معه. قال لها انت علي حرام ما لم تسلمي. ربنا - 00:18:57

اكبر عنده من مراته وولاده. قاوموا جايين يتكلموا وقال لهم انتم علي حرام ما لم تسلموا. ربنا اكبر عنده من الكرسي بتاع المركز والسلطة والالتفات حواليه واللايكات ربنا اكبر عنده من كل ده. ربنا اكبر عنده من كل هذا. ولما جت غزوة بدر بيقول - 00:19:17

النبي امضي فانا لا نقول لك امض انت وازهب انت وربك فقاتلا انا اونا قاعدون ولكن اذهب انت وربك فقاتلا. انا معكما مقاتلون شيئا رسول الله صلح بال من شئت واقطع حبال من شئت وسالم من شئت وعادي من شئت والله لو سرت بنا الى - 00:19:37

برق الغماد والله لو استعرضت بنا عرض هذا البحر لخضناه وراءك. ربنا اكبر عنده من حياته من نفسه. مين اللي وصل؟ اللي كبر ربنا فوق حتى الالم زي عروة بن الزبير اشرب خمرة عشان هنقطع رجليك. لأ ما اقدرش ليه ؟ الله اكبر. متوغلة جوة - 00:19:57

هو سراديب نفسيته. ما يقدرش انه يكسر امر من امر ربنا. يا عم ده انت عندك رخصة هنا ما اقدرش. ما اقدرش. اه اقطعوا رجليه وانا باصلي. ما اقدرش ان انا اكسر - 00:20:17

الله اكبر دي جوة قلبه. ربنا كبير فعلا جوة قلبه. اللي اللي وصله لربنا اللي ربنا اكبر منه. اكبر من نفسهم هم نفسهم. زي عبدالله بن حزافة السامي لما اترمى الاسير اللي معه قدام ملك الروم في الزيت المغلي. بكى. ملك الروم بيقول له ما يبكيك! وقعت ولا ايه! اتكسرت اما شفت - 00:20:27

صاحبك لحمه داب وعزمه طفى ولا ايه ؟ قال له ابكي لان لاني وذلك الرجل كنا نتنافس في طاعة الله. وقد مات موتة لا اسبقه بعدها ابدا ابدا. ده ربنا اغلى عنده من نفسه زي عباد ابن بشر واقف يحرس الجيش. يضرب بالسهام ويتقطع لحمه وينزف الدم وهو مكمل. ربنا اغلى عنده من نفسه - 00:20:47

اتصاله بالله اغلى عنده من نفسه هم دول اللي وصلوا يا جماعة يبقى اسم الله الكبير بيعمل فيك ايه ؟ اسم الله الكبير بيخلي التضحية سهلة اوي عليك ليه لان هدفك اكبر من اي حاجة انت بتسيبها. فانت ما بتترددش اصلا. ما بتترددش ما عندكش مشكلة في الاختيارات. اذا خيرت بين الله - 00:21:07

اخترت الله. اذا خيرت بين الله وخطيبا جميلة حسيبة نسيبا. بهية يا بيضاء عيناه كل حاجة فيها ولكن لا تصرفك عن الله اخترت الله. اذا خيرت بين الله واي في مال يعرض عليك يفتنك عن الله. او وظيفة تشغلك عن بيت الايمان. اخترت الله. انت انت بتختار انت ما عندكش مشكلة. لانك وربك فكبر. وربك - 00:21:27

فكبر اسم الله الكبير. اسم بيزبط البوصلة بتاعة قلبك. وبيزبط البوصلة بتاعة حياتك. عايز اقول ايه ؟ مهما كانت مشاكلك الله اكبر. مهما كانت همومك الله اكبر مهما كانت طموحاتك الله اكبر مهما كانت التهديدات اللي ضدك زي سد نهضة ولا مؤامرات على دول الاسلام ولا الله اكبر الناس - 00:21:57

صغيرة. الناس متين مليون بني ادم لحد دلوقتي ابتلوا بكورونا. متين مليون. بيقول لك لسة الموجات جاية وتحورات لمضة. لأ تحورات لأ بقى الدلتا بلس لأ تحورات جديدة سنتين العالم كله بمعامله ودكاترته وعلماؤه بيحاربوا فيروس مش عارفين يحاربوه مش عارفين - 00:22:17

يستقصوه اية من ربنا سبحانه وتعالى عشان يقولوا لك الدول الصناعية الكبرى. الدول مين الكبير؟ الكبير هو ربنا. سبحانه وتعالى. فكل شوية ربنا بيبعت للناس رسايل عشان يزكره مين هو الكبير ساعات بتبقى الرسايل بحشرة زي النمل. ساعات بتبقى الرسايل بحشرة زي البعوضة. ساعات بتبقى الرسايل بشوية هوا. زي الوقت كده اوروبا ومنغولية - 00:22:37

وبلجيكا وسويسرا وانجلترا. ساعات بتبقى شوية حر زي كندا وامريكا الوقتي. ساعات بتبقى شوية مطر زي الصين والمانيا. ساعات شوية جنود ربك فكبر ربنا اكبر من الباطل وجنوده وجيوشه واقتصاده ومكره بل ربنا اكبر من جنود الله نفسهم. ازا كان دي كلها - 00:22:57

جنود الجنود صغيرين. رتب صغيرة اوي في الجيوش الربانية. فما بالك بقوة الله سبحانه وتعالى وما بالك بقدرة الله فالانسان صغير اوي. التطعيمات بيقول لك احنا عايزين الناس تتطعم مش عشان يتقضى على كورونا. عشان يتقلل التأسيرات بتاعته. انما هو لسة مش قادر يتخيل الوقت انه يعرف يقضي عليه بجد - 00:23:17

الانسان الدول صغيرة. تخيلوا يعني ده يغير لك آآ بيهددونا بايه في اسيوبيا. يقول لك السد آآ آآ هنملى المال التاني تمنتاشر مليار متر مكعب. طب انتم ملتوا في الاول قد ايه خمسة مليار. طب في الملي التاني ربنا سبحانه وتعالى القى الخوف في قلوبهم. او سرفهم او فشلوا - 00:23:37

فما له مليار واحد. فبقى الوقت عندهم ستة مليار. فالستة مليار هم كانوا عايزين تمنتاشر مليار تمنتاشر مليار دول لو حصلت يحصل ايه ؟ يقول لك انت اللي هتيجي تحمي السد بنفسك ليه ؟ لانه - 00:23:57

لو اتكسر ما عدش فيه دول اصلا. في المصب بقى كل ده هيموت اصلا. شوية ماية! شوية ماية! ربنا كبير! ربنا يحفظ مصر ويحفظ السودان ويحفظ المسلمين ويرد كيد اعداء الاسلام في نحورهم يا رب. شوية مية شوية مية. الدول الصناعية الكبرى السبعة. قدام الزواهر الطبيعية - 00:24:07

بنلاعب اطفال. تفاجأ ان الناس اللي صدرها مفرود والناس اللي ما تكلمش غير بالمليارات والناس اللي بتبيع ادوية للعالم مخترع عندها بمليارات ومليارات اتفاجأ ان هم واقفين مش عارفين يعملوا حاجة. ولا عارفين يقدموا ولا عارفين يأخروا. حتى الملوك صغيرين. الكل صغير. ما فيش كبير غير ربنا - 00:24:27

لما كسرى بعت للنبي عليه الصلاة والسلام حاكم اليمن اتنين تبع حاكم اليمن عشان يقبضوا على النبي عليه الصلاة والسلام يودوه لكسرى. هو مش فاهم. فالنبي بيتهم عنده في المدينة جايين مطلوب القبض عليك. في - 00:24:47

عليك من كسرى هو كده يعني اه تعال معنا بقى. ما هو مين اللي يقدر يقف قدام كسرى؟ مين اللي يقدر يتكلم اصلا؟ فالنبي عليه الصلاة والسلام صحي الصبح بقى فقال له - 00:25:01

ان ربي قد قتل ربكما. الكسرة اللي بعدكم تقتل اصل ابنه عمل عليه انقلاب وقتله. ان ربي قد قتل ربكما انتم انتم مش عارفين يعني ايه انا مسنود على الكبير. انتم مش عارفين اللي مسنود على الكبير. لما تقول اللهم فاتحك يا كبير. ما هو يعني ايه الكبير! ما هو الكبير ده لما بيدي مش بيدي اي حاجة. الكبير - 00:25:11

ده لما يعني الكبير من معاني اسم الله الكبير. ودي نقطة مهمة جدا. الكبير في ايه؟ اول حاجة الكبير في اغاثته وعطاؤه. يعني ايه الكبير في اغاثته قعدت تروح لواحد كده تقول له يا اخي انا مزنوق يا اخي مأزوم يا اخي والدنيا صعبة وما عييش فلوس والعيد داخل يقول لك لا حول ولا قوة الا بالله. خد التلتميت ربعميت جنيه - 00:25:31

دول اسند نفسك بهم. يا ابني يا ابني دول هروح اجيب بهم ايه دول؟ في المشاكل اللي عندي. هو دي امكانيات يا عم اعمل لك ايه؟ الكبير هو الاكبر من مشاكلك. عشان كده لما بتفرج فجأة الناس بتقول ايه ؟ ياه! ده فعلا ربنا كبير. اصل كانت اكبر من امكانيات - 00:25:51

الازمة وكانت اكبر من امكانيات كل اللي حواليه. ما حدش كان يقدر يحلها. ربنا حلها. كم مرة قلت ياه! ده انت فعلا يا رب ده ربنا كبير. كم مرة؟ كم مرة كنت هتسقط في الامتحانات؟ هتسقط هتسقط مش هزار. هتسقط اللجنة داخلة كده وانت بتقول انا لو دخلت دلوقتي ساقط - 00:26:11

قائد تلات تربع امتحاناتك طبعا. وتدخل تفاجئ ان ربنا كبير. كم مرة كت مديون والدنيا سودا ؟ كم مرة كنت هتتسجن ؟ كنت هتروح فيه مصيبة كت هتتفضح كت هتترفد. كان بيتك هيخرب - 00:26:31

كنت هتدخل مستشفى امراض نفسية كان عملت تحليل وقالوا لك ده سرطان ولا ده ونفسيتك كم مرة وبعد يوم يومين كده تقول ياه! ده ربنا كبير. ربنا كبير! يعني ايه ربنا كبير؟ انا داخل على العيد! ما فيش فلوس، عباية، شكلي، - 00:26:49

حبايبي اولاد جيراني لا يا شعبي هاعمل ايه ؟ واما ربنا يفرجها بقى تقول فعلا ده ربنا كبير اوي. كم مرة قلتها؟ افتكر افتكر كم مرة قلت ربنا كبير عشان ما تنساش. عشان المشكلة اللي عندك دلوقتي ما تنسكش ربنا عمل لك ايه. ما تبقاش آآ يكفرن العشير. ما تكفرش نعمة ربنا - 00:27:09

لانك انت دلوقتي في ازمة. افتكر ربنا وقف معك قد ايه. سبحانه وتعالى الكبير. فلما واحد فالكبير في عطائه. عشان كده ربنا يقول عن الجنة ايه واذا رأيت فما رأيت نعيما وملكا كبيرا. يعني ايه سم على بعض الاقوال؟ واذا رأيت ثم يعني بص يمين. بص شمال. بص - 00:27:29

قدام. بص ورا. بص فوق بص ده. نعيما وملكا كبيرا. طب وهنا نعيما وملكا كبيرا. طب وهنا؟ نعيما وملكا كبيرا. طب وهنا نعيما وملكا كبيرا. بتتكلم في ايه! ده ده يعني اثر من الاثار. اثر من الاثار يعني. ان احد الملائكة سأل الله ان يحصي الجنة - 00:27:49

انا عايز يا رب اعرف الجنة دي قد ايه. فاذن الله لها. فزل يطير فيها سنوات وسنوات. حتى وجد بعض اهل الجنة من الحور قالوا له ما تفعل؟ يا عبدالله، قال احصي الجنة. فقالوا انك منذ بدأت الى الان لم تحصي ربع ملك ابي بكر في الجنة. جنة - 00:28:09

مين يا عم اللي انت بتعصيها وانت ربنا الكبير شجرة واحدة في الجنة حجمها ايه ؟ ميت سنة اللي راكب خيل من خيول الجنة ما يعرفش يقطعها. مية انا يعني نص قطرها بس. شجرة واحدة. الخيمة واحدة من خيم الجنة. حجمها قد ايه - 00:28:29

قد ايه وفيها اصناف نعيمة قد ايه ربنا الكبير. لما بيدي دنيا واخرة عشان كده لما تقول افرجها علي يا يا كبير. اللهم فتحك يا كبير الكبير بقى بيدي على قده. ما فيش واحد كبير هيطلع جيبه جيبه ويديك عشرة جنيه. اعرف تكسب من ربنا ازاي؟ ادع ربنا وانت - 00:28:49

عارف هو مين ؟ لانك بتاخد منه على قد حسن ظنك فيه. فشوف بقى انت ايه اللي في صدرك تجاه الكبير وتعالى الكبير الكبير في اغاثته. ربنا كبير. دايما وعطائي. رقم اتنين الكبير. وده معنى جبار بقى يا جماعة. الكبير في - 00:29:09

في هيباته وقدره. زي كبير القبيلة كده. حد يقدر ينطق؟ لو عدى كله يقف. الله! يعني الكبير ده لو اتكلم هو اللي بيأمر وينهى كلمته ما تتكسرش. كلمته ما تنزلش الارض ابدا - 00:29:31

كبير اوي الكل بيسمع كلامه. ساعة المشاكل هو اللي بيتحاكم اليه. تخيلوا لو المسلمين كبروا ربنا كده يا جماعة. لو كبروا الله هزا التكبير طب يعني يعني طب يعني ما في اسم الله العلي هو ايه الفرق بين الكبير والعلي؟ وفيه اسم الله السيد. ايه الفرق؟ لأ السيد - 00:29:45

واسم الله العظيم. واسم الله المجيد. واسم الله العزيز. واسم الله الاعلى. واسم الله المتكبر. وهو الفرق بين ايه؟ بين الله كبير والله اكبر هو ايه الفرق بين ده يا بابا؟ قصة كبيرة اسم الله الكبير ده بيفتح قدامك مدارج رهيبة انك تعرف ربنا هو انت عايش ليه غير عشان تعرفه ان لله تسعة - 00:30:05

تسعين اسما من احصاها دخل الجنة جنة الدنيا قبل جنة الاخرة. ده تسعة وتسعين مضاد للاكتئاب. تسعة وتسعين مضاد للتوتر. تسعة وتسعين من مفاتيح خزائن السماوات والارض تسعة وتسعين باب للفرج. مستشفى الاسماء الحسنى اعزم مستشفى امراض نفسية على وجه الارض. لازم تعرف اسماء الله. لازم تدخل على جوجل - 00:30:25

تكتب اسماء الله الحسنى وتشوف بقى عالم بقى من الناس اللي ربنا فتح على قلوبها واتكلمت عن الله. الكبير في هيبته وقدره ده المعنى التاني. بعد الكبير في اغاثته وعطائه. الكبير في هيبته وقدره. ايه الفرق بين السيد والكبير؟ آآ ربنا بيقول والفايا سيدها لدى الباب. يبقى جوزها ده سيدها. السيد اللي له سيادة - 00:30:49

اللي بيحكم اللي في ايده السلطة اللي في ايده السلطة الباشا دهو كانت لسة بتجري ورا شاب عشان يزني معها يبقى هو سيدة وقدام بتسكت ولكن جواها ما لوش سلطة عليها. هي السلطة من برة بس. عشان كده مع جوزها ربنا قال سيدة مع سيدنا يوسف فلما رأيناه - 00:31:09

اكبرناه. يبقى الكبير هو اللي له هيبة جوة القلوب يبقى السيادة غير الكبر. الله السيد ربنا اللي بيحكم. ربنا اللي انت بقى مبسوط انت زعلان ما لناش دعوة. ها انت بقى جواك فيه سلطة - 00:31:29

شريعة ربنا على صدرك ولا ما لناش دعوة. ربنا سيد. انما الكبير اللي له هيبة. له هيبة جوة القلوب. عشان كده فاطمة اه بنت عبدالملك زوجة عمر ابن عزيزي لما مات عمر فوزير المالية اللي هو اللي ماسك الخزانة كان عمر ابن عبدالعزيز خد الدهب بتاعها كله وحطه في الخزانة. اه يعني قال ده ده مال المسلمين الخليفة - 00:31:44

فابوها والخليفة اخوها جابوه لها لا لا دي رجعوا للغاية. فاللي وزير المالية رجع لها قال لها خدي الدهب بتاعك بقى بعد ما مات عمر. قالت له لا ما كنت لاطيع - 00:32:06

لاطيعه حيا واعصيه ميتا. اهو ده الكبير بقى. هو ده. انما السيد انا اول ما اخرج عن سلطته اكسر على طول اول ما يغيب عني على طول. اول ما اجهزته الرقابية تبعد عني اكسر على طول. واعصي على طول. انما الكبير كبير. حتى وانا مش شايفه. حتى وانا برة مجال - 00:32:16

فاسم الله الكبير اسم فيه هيبة. لله سبحانه وتعالى. ايه الفرق بين الكبير والعلي؟ عشان كده دايما الاسمين دول يختلطوا ببعض وهو العلي الكبير. العلي علي في علو المقام العلي اللي بايده مقدرات حياتك. اللي بايده مقدرات حياتك. دا العلي اللي - 00:32:36

يقدر يعمل فيك اي حاجة. انما الكبير اللي كلمته ما تنزلش الارض يعني ايه ؟ حينما تكلم الله ما الذي يحدث؟ الله سبحانه وتعالى يقول حتى ازا فز قلوبهم الملايكة لما ربنا بيتكلم بالوحي سواء بالامر الشرعي يعني بيوحي قرآن او بالامر القدري يعني ربنا بيوحي للملايكة - 00:32:56

زودوا رزق داء ده يروق ده يموت ده يتولد. الملايكة بيحصل لها ايه؟ ربنا بيقول حتى اذا فزع عن قلوبهم فزع اي زال الفزع. الملائكة اتفزع. هو ايه؟ يعني ايه الفزع؟ الفزع غير الرعب. الرعب ان انا قاعد ده فيه كورونا. طب لو جا لي هعمل ايه؟ فانت قاعد مرعوب. الفزع فجأة - 00:33:16

اسد دخل عليك من برة. يبقى الرعب المفاجئ. حتى ازا فزع اول ما ربنا بيوحي بيتفزعوا. ازا فزع عن قلوبهم قالوا ماذا قال ربكم؟ هو ربنا امر بايه ان يوم القيامة يقوم؟ ولا ربنا امر بعذاب علينا؟ ولا ربنا امر بايه؟ قالوا الحق وهو العليم - 00:33:36

كبير الكبير لما بيتكلم بيحصل ايه في السماوات قال رسول الله صلى الله عليه وسلم اذا قضى الله الامر في السماء ضربت الملائكة باجنحته خضعانا لامر الله. وفي قراءة خضعانا لامر الله. الملايكة تقعد تضرب كده ملايكة المطر مستنية الامر - 00:33:56

ملايكة الجبال مستنية الاوردر. ملايكة الاحياء والاماتة. ملايكة الارزاق. ملايكة الاجال. الكل اقتربت الملائكة باجنحتها خضعانا لامر الله كسلسلة على صفوان. العلماء قالوا يعني ايه سلسلة يا صفوان؟ الملايكة قوتها كانك جبت حديد بتضرب به حجارة - 00:34:16

صوت مرعب صوت بيتعب الانسان نفسيا لما يسمعه. قوة خلق جنود الله اللي مكسورة للكبير. والبعض قال لأ. ده الرعب اللي بييجي في قلوبها لما ربنا بيأمرها بامر هو نفس الرعب اللي يصيب انسان لو سمع سلسلة نازلة تكسر في جبل اصم - 00:34:36

نفس الرعب ده هو نفس الرعب ده. كسلسلة على صفوان. انت متخيل الملائكة الرسول عليه الصلاة والسلام يقول اذا تكلم الله بالوحي اخذت السماوات رعدا. او رجفة شديدة. السماوات تتزلزل. فاذا سمعت الملائكة ذلك - 00:34:55

صعقت الملائكة الاحاديس دي كلها صحيحة. وخروا سجدا. حديس البخاري ومسلم. وخروا سجدا. السماوات تتزلزل. الملايكة وتنزل سجدة فيكون اول من يفيق ويرفع رأسه جبريل. يوحي الله الى جبريل بالامر ده لما بينزل بقى قال الله وقال رسول الله. لما بينزل - 00:35:15

الاوامر والنوايا الشرعية. فينزل جبريل في السماوات فيسأله كل ملائكة سماء ماذا قال ربنا يا جبريل؟ هو يوم القيامة قام ولا ايه تقول الحق وهو العلي الكبير. فتقول ملائكة السماوات كلها الحق وهو العلي الكبير. ده ده حصل لما ربنا - 00:35:35

لكل المؤمنين يغضوا من ابصارهم. اللي انت قاعد قدام السوشيال ميديا مكسرها. السما اتزلزلت فيها دي. ده ربنا آآ ده ده حصل لما ربنا قال وليضربن بخمورهن على جيوبهن. اللي في بيتك مع بنتك ما انتاش عارف تطبقها. ده ده حصل لما ربنا قال - 00:35:55

زاروا ما بقي من الربا ان كنتم مؤمنين. فان لم تفعلوا فاذنوا بحرب من الله. ده ده حصل. شوفوا احنا بنتعامل مع الامر الشرعي ازاي. وشوف والملايكة اذا تكلم الله. النبي لما كان بيوحى اليه كان يربد وجهه. يربد يعني ايه احمر اوي ويتنفخ ويتغير ملامحه. كأن الدم محبوس - 00:36:15

عايز يتفجر برة يرتد وجهه. كأن الدم محبوس في الوش من كتر الثقل. كلمة قال الله على صدر رسول الله تكاد يتفطرن من فوقهن. والملائكة يسبحون. ده ده امتى ؟ لما بينزل قال الله. لما بينزل الوحي. الملايكة السماوات هتتشقق وهتقع. لو انزلنا - 00:36:35

هذا القرآن على جبل لرأيته خاشعا متصدعا. ده لما الكبير بيتكلم لما الكبير بيتكلم عنك بيحصل ايه؟ لما ربنا قال للرجالة اللي الرجال سن قوامون على النساء انت الراجل وانت اللي تأدب وانت اللي تربي وانت اللي تعلم وانت اللي تصرف. وانت انت زي مدير المدرسة بالزبط في البيت بتاعك - 00:36:55

قائد السفينة وانت المسئول عن كل حاجة فيها. فبعد كده ربنا بيقول فان اطعنكم فلا تبغوا عليهن سبيلا. ان الله كان عليا. كبير علي في ايده مقدرات حياتك. عشان ما ينتقمش منك لو اتجبرت عليها ولا تعدله. ما تطلعش عضلاتك على ست غلبانة. ما تطلعش - 00:37:15

صلاتك على واحدة غلبانة ضعيفة في خلقتها اصلا. وتعمل نفسك سبع رجالة عليها. اه ان الله كان عليه كبيرة كبيرة. لما ربنا يقول كلمة تتنفز اوعى تزلم يبقى اوعى تزلم ربنا بيزكر الرجل وهو الذي له السيادة في المنزل. ان هناك من فوقه في السيادة. فاياك ان تظلمها - 00:37:35

انتقم الديان منك فكما تدين تدان. هتعامل مراتك ازاي ربنا يعاملك زي ما بتعامل مراتك. ربنا يعاملك زي ما بتعامل ولادك. ربنا يعاملك زي ما بتعامل الفقرا اسم الله الديان ان الله كان عليا كبيرا. اقول قولي هذا واستغفر الله لي ولكم. الحمد لله وكفى وصلاة وسلاما على عباده الذين اصطفى. اللهم لك الحمد - 00:37:55

كله ولك الملك كله وبيدك الخير كله واليك يرجع الامر كله. لبيك يا ربنا وسعديك والخير كل الخير في يديك. والشر ليس اليك. انا بك واليك تباركت وتعاليت استغفرك واتوب اليك. امال ايه الفرق بين ربنا كبير والله اكبر؟ هو الوقت الكبير ربنا - 00:38:15

ما سماش نفسه الاكبر. ليه ؟ لان اكبر يعني فيه اكبر واللي تحته برضه كبير بس ربنا اكبر ربنا سمى نفسه الكبير. يعني كل ما تسواه صغير. اومال ليه بقى - 00:38:35

في الاذان الله اكبر. ليه؟ ما كانتش ليه الله الكبير؟ لان هو لما الادان بيدن انت بتبقى هتعمل ايه؟ الدكتور في المستشفى بتاعته بيعالج العيانين. المهندس بيبني العمارة. الطالب بيزاكر وبيطلب العلم. الطالب العلم الشرعي بيزاكر علوم القرآن والسنة. المرأة - 00:38:45

تباعا لزوجها الاولاد بينموا شخصيتهم ومهاراتهم ومزاكرتهم عشان يؤهلوا للحياة. الحياة بتشتغل. فربنا ما اعتبرش ان الدنيا حقيرة وصغيرة لأ الدنيا كل اللي المسلمين بيعملوه ده مهم. هو انت هتحج ازاي ؟ لو ما فيش طيارات واختراعات وفلوس. هو انت هتطلع زكا ازاي لو ما فيش فلوس؟ فكانك - 00:39:05

الرسالة ان الدنيا بتاعتكم يا مسلمين مش صغيرة لأ ده كبيرة. ولكن الله اكبر منها. فلما ربنا ينادي ربنا اكبر من الدنيا. فربنا ما حطمش قيمة دنيتك في حياتك. عشان كده ربنا بيقول للنبي وما تكونوا في شأن شأن يعني امر عظيم. يبقى المسلمين امورهم كلها عظيمة. المسلم ما ينفعش يفضل - 00:39:28

عدلي قدام البلايستيشن ده سفه. ما ينفعش يقعد بقى لعيب للمباريات والتعليق على المباريات ده سفه. سفهاء. سفهاء. ده ده ما ينفعش يفضل قاعد لي على السوشيال ميديا هري في هري ده سفه. لا خير في كثير من نجواهم. معظم كلام الناس ما فيش فيه اي خير. كلام ضايع - 00:39:48

الا من امر بصدقة او معروف الا اللي اشتغل في دعوة ربنا. سبحانه وتعالى فكلمة الله اكبر ليه ؟ لان ربنا ما قالكش ان الدنيا صغيرة. لو كان ربنا قال الله الكبير يبقى كل اللي فيكم ده صغير. انموه اصلا. انما ربنا قال الله اكبر. لأ ما تفعلونه - 00:40:08

كبير. لان الدين لا يقام الا بالدنيا. الدين محتاج الدنيا عشان يتقام. ولكن الان الله اكبر من كل شيء. وده نفس المعنى في الصلاة. فايه الفرق بين الفرق بين الكبير والمجيد المجيد الامجاد هي الافعال التي لا يطمس عظمتها الزمن. يعني ممكن واحد اخترع اختراع. آآ مسلا - 00:40:23

واحد عمل عملية اخترع العربية زمان. شكلها يدحك. الوقت اما تشوف العربيات الجديدة تقول يا عم انا لقيت عربيات تعبانة بتاعة زمان. فاللي جاي طمس قيمة اللي فات انما المجد انك تعمل افعال لو بعد خمس تلاف سنة الكل يفضل فاتح بوقه كده عملتها ازاي دي - 00:40:43

ده المجد فده المجيد صاحب الافعال العظيمة. العظيم اللي كل من سواه حقير. كل من سواه اللي هو الفارق بين المخلوق والخالق. العزيز بقى حد يعرف يقرب من حد معه جواز السفر الامريكي؟ حد يعرف يقرب من حد تبع الدولة او منتسب للدولة العزيز اللي - 00:41:03

جناب عزيز. حدش يقرب من اوليائه. حد الشعار اللي هيقرب من اولياء انا اللي انتقم منه. وانا اللي هارد عليه. فكل المتكبر بقى عارفين الاستعراض العسكري اللي الصين عملته لما انجلترا ما رضتش تسيب تايوان بعد ما كانت مأجراها منها ميت سنة. عارفين لما باكستان عملت تفجير نووي لما - 00:41:23

هندة حاولت تحاربها وتعمل وعملت تفجير ان انا كمان الاستعراضات العسكرية دي مش سفه. ده انا بقول لكل الناس انا كبير. فالمتكلم كبر الانسان دايما عايز ينتمي للاقوى. انا اعرف الاقوى منين ؟ فربنا لما بيعمل كده في الدول الصناعية الكبرى وفي العالم كلنا من ربنا - 00:41:43

ربنا هو يوم كلنا ننتمي لله. خلاص بقى انا مش هاتخدع في شوية لعب الاطفال اللي ايه اللي الغرب بيضحكوا علينا بها دي. يبقى ده نعمة منك. لما دكتور يقول لي تعال اما اعالجك. يا عم انت مين ؟ ده انا معي دكتوراة وزملائة امريكية. آآ وزملا بريطانية وبورد امريكي. ومعي آآ - 00:42:03

اه دراسات وبدي في مؤتمرات في ايوة انا خلاص عرفت قيمتك بقى. فربنا لما بيعرفنا قدره ده ده مش صفة مزمومة ده انقاز لنا. عشان اعرف ان احنا ما نتخدعش باللي لابسين اقنعة واقنعة مزيفة وبيهمونا ان هم اقوياء وهم لا اقوياء ولا حاجة. الله - 00:42:23

اه يبقى الكبير في اغاثته وعطائه. اتنين الكبير في هيبته وقدره. تلاتة الكبير في خلقه. الكبير في خلقه. كل مجرة حواليها فراغ عشرة مليون مساحتها عشان تقدر تتوب في الكون. ربنا كبير اوي يا جماعة. اربعة الكبير في صفاته. الكبير في ده صفة واحدة من - 00:42:43

صفات ربنا اعزم من الفردوس الاعلى والجنة كلها. احل عليكم رضواني. رضا الله اعظم من الفردوس الاعلى والجنة كلها. صفات ربنا دي اعزم شيء في الوجود الكبير في صفاته. واخيرا رقم خمسة الكبير في تقديره للامور. يعني انت لما تروح لواحد مسلا فقعد يقول كلام - 00:43:03

خايف يا عم ده انا كنت بحساب كبير. اه ولا تروح لواحد بقى تلاقيه قاعد قدام البلاي ستيشن ولا قدام ماتش يا عم انا باحساسك كبير يعني انت لسة صغير ولسه بتاع اهتمامات ورا. الكبير - 00:43:23

دايما اهتماماته كبيرة. عشان كده الرسول عليه الصلاة والسلام يقول ان الله يحب معالي الامور. ويكره سفسفها. اللي قاعد يضيع اوقات قدام شوية كلام فاضي وشوية آآ آآ ايوة يا عم العب رياضة بالقدر اللي يقوي جسمك وتتقوى به على العبادة. ايوة يا عم رفه عن نفسك وتفسح والعب - 00:43:33

يا عم واتفرج على جزء بالقدر اللي يرفه عن نفسيتك. انما انا قلت راس وانا مجنون كورة وانا لا لا لا ده انت واكره سفسفها بقى فاسم الله الكبير بيكبرك. بيخليك تنضج. بيخليك تهتم بالحاجات العالية. بيخليك تفهم قيمة كل شيء في الحياة. اسم من - 00:43:53

الاسماء الجميلة قوي اسم بينسف الهم من جواك. لان دواء الله اكبر من اي داء. وغنى الله اكبر من اي فقر الله اكبر من اي ذل وحلول الله اكبر من اي مشاكل. وما عند الله اكبر من اي دنيا فانية زائلة. اسم الله - 00:44:13

الكبير بيعرفك ان لو مشاكلك كبيرة الله اكبر. ولو همومك كبيرة الله اكبر. ولو اعدائك كبيرة الله اكبر. ولو طموحاتك كبيرة الله اكبر. والكل صغير. كل الدنيا صغيرة. كل المخلوقات صغيرة. امام الله الكبير. سبحانه وتعالى. اسم - 00:44:33

جوة قلبك وبيجري فطرتك وبينضف نفسيتك وبيرصص زوايا قلبك وبيعدل البوصلة والوجهة بتاعة حياتك وبيخليك انسان نفسيتك كبيرة في الحياة. بتضحي باي حاجة عشان ما تخسرش الكبير. لان اللي الكبير هيعمله لك ما فيش اي حد صغير هيقدر يعمله لك - 00:44:53

اوعى سبب معزم مشاكل الناس. ان انا كنت مستني ان فلان يقف معي. ومستني ان فلان يسندني. ومستني ان فلان يقول لي الكلمة الحلوة. ها زي ما احنا احنا مستنيين كده ما تتوقعش الحلو من البشر. لا تتوقع الخير والبر والاحسان الا من الله الكبير. اللهم اغثنا يا كبير - 00:45:13

اللهم فرجك الواسع العظيم يا كبير. اللهم اللهم فرجك يا كبير. اللهم اهد قلوبنا. وسدد اللهم مصرف القلوب صرف قلوبنا على طاعتك. اللهم انا نسألك الهدى والسداد. اللهم انا نسألك الهدى والتقى والعفاف - 00:45:33

والغنى. اللهم انا نسألك من الخير كله. عاجله واجله. ما علمنا منه وما لم نعلم. ونعوذ بك من الشر كله. عاجله في واجله ما علمنا منه وما لم نعلم. اللهم انا نسألك من فضلك ورحمتك. فانه لا يملكها الا انت. اللهم اكفنا بحلالك عن حرامك - 00:45:53

واغننا بفضلك عمن سواك. اللهم انا نسألك العفو والعافية. نسألك العفو والعافية. نسألك العفو والعافية اللهم انا نسألك علما نافعا ورزقا طيبا وعملا متقبلا. اللهم وسع ارزاقنا واد عنا ديوننا - 00:46:13

اللهم انا نعوذ بك من زوال نعمتك وتحول عافيتك وفجاءة نقمتك وجميع سخطك. اللهم زدنا ولا تنقصنا اكرمنا ولا تهنا واعطنا ولا تحرمنا. واثرنا ولا تؤثر علينا. وارضنا وارض عنا. وارضنا - 00:46:33

برحمتك يا ارحم الراحمين. سبحانك اللهم وبحمدك. اشهد ان لا اله الا انت استغفرك واتوب اليك - 00:46:53