Baheth

قالت المرأة الثامنة زوجي المس مس ارنب والريح ريح زرنب شف كلام جميل ازاي. شف الارنب ونعومة ملمس الارنب. رجل ناعم رقيق زي جلد الارنب. كلامه جميل. تصرفاته جميلة. لما بيحب يفتح الدرج بيخبط عليه. ها - 00:00:00ضَ

بيستأزن يعني من الدرج قبل ما يفتحه. راجل ايه ما حصلش يعني وبعدين الريح ريح زرنب. دايما مهتم بالعطور. ودي برضو عاملة مشكلة في البيوت. ان المرأة وتترك التعطر والتزين وكذلك الرجل. لا شف حديث عائشة رضي الله عنها في صحيح مسلم. آآ لما سألها - 00:00:27ضَ

اه اه شريح الحديث عن ابيه عن عائشة. لما سألها باي شيء كان النبي صلى الله عليه وسلم يدخل البيت يبدأ اذا دخل بيته قالت بالسواك اول حاجة النبي صلى الله عليه وسلم يعملها اذا دخل البيت بالسواك - 00:00:52ضَ

ليه؟ لان الرائحة اذا كانت منفرة بتعمل نوع من النفرة. لا كان النبي صلى الله عليه وسلم اعطر الناس وكانوا يعرفونه اذا مشى في طريق من رائحة الطريق يطلع من البيت ويشم الريحة ويقول كان النبي معدي دلوقتي. لسة ماشي دلوقتي من من هذا الطريق - 00:01:15ضَ

فهذا الرجل لا يصل منه اذى الى المرأة المرأة العاقلة هي التي تهتم بنظافتها الشخصية تهتم بزينتها لان المرأة في الاصل زينة. زينة خلقت زينة فيقبح الا تتزين. وفي سنن النسائي قالت امرأة للنبي صلى الله عليه وسلم يا رسول الله ان المرأة اذا - 00:01:40ضَ

لم تتزين لزوجها صلفت عنده صلفت يعني ايه؟ يعني ثقلت عليه وكره النظر اليها المرأة تجهز تعمل لها جدول كده ما تشتغلش في البيت وزوجها حاضر نخلص كل الشغل وزوجها غايب. وطبعا ده درس للنساء العاملات. لانني وجدت ان اكثر المشاكل - 00:02:12ضَ

في المجتمع في بيوت النساء العاملات مش في بيوت النساء اللي هم في البيوت والمرأة معزورة. هم الاتنين طالعين مع بعض. وهم الاتنين راجعين جايبين سندوتشات مع بعض. طبعا ازا كانوا قايمين متأخرين لا لحقت تطبق اللحاف ولا ترتب السرير ولا المش عارف ايه والبيت سابوه زي ما هو رجعوا الاتنين زي ما هو - 00:02:39ضَ

لا غلط المرأة زي ما انت بترجع صدرك ضيق من الشغل المواطنين والمش عارف ايه وزملاتك والكلام ده. هي كزلك. راجعة صدرها برضو زي خرم الابرة طب انت بقى لما تكون انت زهقان وتعبان والكلام ده مين يهديك - 00:03:04ضَ

مين يقف كده يبقى عنده اخلاق وعنده حلم وعنده الكلام ده. ما يكونش غير مراتك بس اول ما تدخل تقول لك يعني انت زعلان مني شكلك متغير شكلك مش عارف ايه الكلام ده. ولقى الست الناصحة اللي هي عرفت مفاتيح زوجها - 00:03:24ضَ

الراجل يحب المرأة الزكية جدا جدا اللي هو اللي هي تعرف هو عايز ايه من غير ما يتكلم ازا بص للسقف تعرف هو عايز ايه؟ ازا بص في الارض تعرف هو عايز ايه. ممكن ياخد نص نفس كده ويسكت. تقول له انت كنت عايز تقول ايه؟ مسلا - 00:03:41ضَ

الرجل يبقى عنده اعجاب بالمرأة اللي زي دي شوف في صحيح البخاري من حديث اسماء بنت ابي بكر رضي الله عنها بتقول تزوجني الزبير وماله في الارض شيء. فقير. الا ناضح - 00:04:02ضَ

جمل بعير يعني وارض اقطعه النبي صلى الله عليه وسلم على بعد ثلثي فارسخ من المدينة. حوالي ستة كيلو كده ولا بتاع او خمسة كيلو فكانت اسماء تمشي وتصل الى الارض عشان تجيب النوى عشان فرس الزبير. والزبير بن العوام حواري النبي عليه الصلاة والسلام قصر حياته على النبي - 00:04:20ضَ

عليه الصلاة والسلام فكانت اسماء بتقوم بالدور بقى انها تروح تجيب النوى والكلام ده. وانت عارف بق الفرس بقى. شف بقه قد كده. يعني ياكل في لقمة واحدة كيلو نوى - 00:04:42ضَ

وكان زمان النوى انت عارف بقى النوى آآ لو جبته ايه دهون وقعدته تدق النوى بقى ايدك هتبربق قبل ما تكسر النوايا. هي بقى تجيب النواة وتقعد تطحن فيه عشان الفرس ياكل - 00:04:54ضَ

في يوم من الايام وهي راجعة من الارض شايلة النووي على راسها مرت بالنبي عليه الصلاة والسلام راكب الجمل بتاعه ومعه مجموعة من الصحابة. كل واحد راكب الدابة بتاعته قالت فاناخ النبي صلى الله عليه وسلم البعير - 00:05:05ضَ

ودعاني لاركب خلفه قالت فاستحييت ان امشي مع الرجال وذكرت الزبير وغيرته فلما النبي عليه الصلاة والسلام رآها استحيت تركها لما رجعت البيت بقى بتحكي للزبير الموقف النبي صلى الله عليه وسلم دعا لركوبه خلفه كره وذكرت غيرتك - 00:05:23ضَ

دي رعاية لصدر الرجل. انا بكره الحاجة الفلانية ليه تعمل ايه ده بيغير صدري ليه تعمل ايه ؟ برضو وتقول ذكرت الزبير وغيرته الزبير كان اغير الناس او من اغير الناس - 00:05:56ضَ

وكان شديدا حتى قال له عمر ابن الخطاب يوما وقد سمعه يقول انا مؤمن الرضا كافر الغضب الزبير اللي بيقول لعمر انا مؤمن الرضا كافر الغضب قال اظنها لو الت اليك اللي هي الخلافة يعني - 00:06:15ضَ

لظللت يومك بالبطحاء تقاتل على مد من شعير. طالما كافر الغضب واحد زعلك هتحشد الجيش كله. ويكون انت بتقاتل على ايه على مد من شهير فشوف ده نظر المرأة الى ما يزعج الزوج فلا تفعله. كذلك حديث عائشة رضي الله عنها في الصحيحين. آآ - 00:06:36ضَ

اه قالت كان الناس يتحرون بهداياهم ليلة عائشة عشان عارفين النبي صلى الله عليه وسلم يحبها فانت ايه عشان يعني تصل الى قلب النبي صلى الله عليه وسلم تقوم تحط الهدية في المكان اللي هو يحبه - 00:06:58ضَ

حتى يعني صار عند عائشة هدايا كثيرة ولما يلف النبي صلى الله عليه وسلم على بقية البيوت ما فيش حد يودي هدية نساء النبي صلى الله عليه وسلم نفسن عليها هذا - 00:07:11ضَ

وقال والله اننا نريد ان نصيب من الخير مثل عائشة فكلمه الاول ام سلمة دي رواية البخاري اللي هي اولها كان ازواج النبي صلى الله عليه وسلم حزبين حزب فيه عائشة وحفصة وسودة وصفية - 00:07:23ضَ

وجويرية والحزب الاخر ام سلمة وبقية امهات المؤمنين فلما قالوا بقى يعني آآ الهدايا آآ تتوزع والكلام ده قالوا الام سلمة ام سلمة معروفة معروفة بعقلها قالوا لها لما يلف ويجي لك قولي له - 00:07:42ضَ

يعني اه انه ينبه على الصحابة انه اي حد يريد ان يعطي هدية فليعطيها في اي مكان كان النبي من ابياته ما يخصش عائشة فلما جاء في ليلة ام سلمة كلمته فسكت. ما ردش - 00:08:04ضَ

تاني يوم هيه ايه اللي جرى؟ قالت لم يتكلم طيب لما يلف تاني قولي له فالنبي صلى الله عليه وسلم لف وجه عند ام سلمة كلمته. سكت فبرده لف اللفة التالتة وجاء عندها - 00:08:23ضَ

فكلمته فقال لها لا تؤذيني في عائشة فوالله ما نزل الوحي في لحاف امرأة غيرها. قالت يا رسول الله اني اعوذ بالله من اذاك طب ده يؤذيه يبقى ما تعملوش - 00:08:42ضَ

فقالت لهم بقى فارسلنا فاطمة قالت عائشة فجاءت لا تخطئ مشيتها مشية النبي. صلى الله عليه وسلم. تمشي زي بالزبط. نفس حركة ايديها نفس حركة رجليها وكان النبي صلى الله عليه وسلم بقى ايه على السرير وهو وعائشة - 00:09:04ضَ

قال فلما دخلت قال اهلا بابنتي فجلست على طرف السرير بيني وبينه فقالت يا رسول الله ان ازواجك يسألنك العدل في ابنة ابي قحافة اللي عايش فقال لها اي بنيتي اتحبينني؟ - 00:09:25ضَ

قالت اجل قال فاحبي هذه خلاص خدت الجواب وخلاص فارسلنا زينب بنت جحش وكانت اثيرة عند النبي عليه الصلاة والسلام فلما دخلت زينب تكلمت بكلام شديد. حصل نوع من الغيرة - 00:09:47ضَ

فكلمت عائشة بكلام شديد الشاهد من الكلام قالت عائشة فنظرت الى النبي صلى الله عليه وسلم هل يكره ان انتصر هي اتكلمت في حق كلام شديد. طب انا لو رديت عليها هيزعل قبل ما تتكلم نظرت اليه - 00:10:12ضَ

طب ايش عرفها بقى ان النبي صلى الله عليه وسلم اذن لها ان تتكلم خبرة المرأة المرأة الزكية التي اذا تزوجت بحثت عن مفاتيح زوجها مفاتيحه فين مش عارفة تجيب مفتاح وتعمل له طفاشة. خلاص لازم لازم يبقى له حل. لازم يبقى له حل. الست زكية لا تيأس ابدا - 00:10:36ضَ

تعرف مفاتيح شخصية الراجل ده ايه؟ فتقوم لا تستفزه وده يعرف كما قلت بالعشرة. قالت فنظرت اليه. هل يكره ان انتصر قالت فلما علمت انه لا يكره ان انتصر قمت لها فافحمتها - 00:11:00ضَ

فتبسم النبي صلى الله عليه وسلم وقال انها ابنة ابي بكر. لا تغلب يعني. في بقى المرأة المرأة الفاضلة هي التي تعرف مفاتيح زوجها لما يكون زي ما قلت لك اهوت المرأة حتى لو زوجها قال لها روحي اشتغلي - 00:11:21ضَ

لأ تقول له انا افضل اقعد في البيت استقرار البيت انما هو قائم على هذا يبقى يبقى المرأة دي مدحت زوجها بالطف عبارة واخصرها ايضا. يمكن دي المرأة اللي اقل امرأة كلاما هي المرأة دي - 00:11:39ضَ

اقل امرأة كلاما لكن شف مدحها عالي جدا. المس مس ارنب والريح ريح زرنب. دي المرأة الايه؟ الثامنة - 00:11:57ضَ