الحمد لله وكفى وصلاة وسلاما على عباده الذين اصطفى. اللهم اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين - 00:00:00

الملأ الاعلى الى يوم الدين. وحشتونا يا اخواني في الله. وحشتنا الصحبة الصالحة. وحشنا الاجتماع على طاعة الله. ربنا يحفزكم ويبارك فيكم يا رب. وانا عارف ان معظم بقى يا شباب لسة ما اتجوزش فربنا يجوزكم يا رب بازن الله جوازات سوبر كده تسعد قلوبكم كده وتبهج نفوسكم بازن الله سبحانه وتعالى. آآ آآ - 00:00:20

يعني اه اه الوقتي احنا يعني استكمالا بقى لموضوع افتح لي قلبك. افتحي قلبك لموضوع المشاكل اللي بتوصل لنا منكم يعني النهاردة عايزين نعلق بسرعة كده لان النهاردة ايه آآ آآ يعني لو يعني نفسي ان انا في مشكلتين كده شدني شوية ونفسي ان انا اتكلم عنهم النهارده - 00:00:40

ربنا يعينا يا رب المشكلة الاولانية السلام عليكم وعليكم السلام ورحمة الله وبركاته. اختنا الكريمة سؤالي آآ في بوست افتحي افتح قلبك لي ماشي كويس جدا. الاخت طبعا مغيرة اسم افتح قلبك ليه لو اسمه افتحي قلبك او افتحي قلبك. آآ بس افتح قلبك لي حلو برضو. يعني ممكن - 00:01:00

العنوان. المهم الاخوة والاخوات ما يزعلوش. اخت آآ يعني في يعني اخت متدينة جدا وكانت بتنصحنا. يبقى هي بتحكي عن واحدة صاحبتها متدينة وكانت بتنصحنا يعني ازا شغالة في الدعوة الى الله. يعني اخت منطلقة بفضل ومنة الله في العبادة وفي ايه الدعوة الى الله في الصلاح والاصلاح - 00:01:20

قطور فترة عمرها لا تختلط بالرجال. عمرها ما اختلطت بالرجال ابدا. الى ان ايوة حتى ازا عارفين في سورة ال عمران آآ آآ آآ يعني حتى ازا فشلتم وتنازعتم حتى ازا دايما حتى ازا ديت بما بعدها مشكلة لازم المشكلة تحصل. الى ان عملت اكونت على الفيسبوك - 00:01:40

اه ومن هنا بدأت المشكلة عملت اكونت اتعرفت على شاب طبعا هي الاخت بتكلم يعني ايه اه بتقول اتعملت اكونت على الفيسبوك اتعرفت على شاب خد رقمها كل قابلها يعني طبعا هو الكلام يعني ايه الموضوع ما بيبقاش كده يعني مكالمة بريئة فلقاء بريء - 00:02:00

مصيبة بريئة. الموضوع ما بيبقاش كده يا جماعة. انا شامم ريحة صحبة سوء زهرت في حياة هزه الفتاة. وشامم ريحة نازلة في الدين نتيجة ضغط الواقع بنت اتخرجت واشتغلت ولسه ما اتجوزتش. فممكن يكون الدافع بتاع التعرف على الشاب مشي ان هي مش ان هي يعني شهوة ممكن يكون ان هي - 00:02:20

بتدور على فرصة زواج زي ما البنات بيقولوا لبعض وبيضحكوا على بعض. فتحي دماغك يا بنتي. يا بنتي ما تقفليهاش. يا بنتي مشي حالك. يا بنتي مشي امورك. يا بنتي كده - 00:02:40

ما فيش حد هيتقدم لك. يا بنتي هتفضلي مقفلة الدنيا عليك كده ولا حد هيتقدم لك ولا حد هيتجوزك. كل ده يا اخواني طلع كلام فارغ. وكل ده ثبت بالاف - 00:02:50

ناس مؤلفة من التجارب ان كلام وهمي. وان الشاب ساعة ما بيجي يتجوز ما بيفكرش في البنت اللي سهل انه يتكلم معها. اللي سهل انه عليها. اللي لما اتعرف عليها ضحكت لانها لازم تبقى تريجانتيه ولازم تبقى بنت فري ولازم تبقى بنت متحررة ولازم تبقى بنت استايل. ولازم تبين له - 00:03:00

لو اتجوزها هيعيش معها حياة جميلة مرحة. منطلقة يا جماعة هزا الكلام وهم. هزا الكلام للاخوات وهم. الشباب خلاص فهموا ان كل البنات يعني آآ آآ بتفهم كويس جدا في الحب وفي العواطف وفي الحياة الاجتماعية والشاب اللي اتعرف على بنت بسهولة وخرج معها بسهولة يعني شوفوا بتقول ايه - 00:03:20

اتعرفت على شاب خد رقمها كلمها قابلها سابها. يا نهار ابيض! فيعني سبحان الله زي قصة التاني في التلاتة والصخرة لما بيقول اللهم انه كانت لي ابنة عم احبها. شوفوا اللهم يعني دا واحد بيكلم ربنا بيقول بحبها يا رب استغفر الله العظيم. شوفوا يا جماعة - 00:03:40

يعني ده ده واحد مقفول عليه صخرة هيموت. هيموت وما فيش وما فيش لا نت ولا فيه موبايل ولا فيه الطريقة الاتصال طاقة وفي كهف جوة جبل او غار جوة جبل. فبيقول اللهم انه كانت لي ابنة عم احبها. انا كنت بحبها كما كاشد ما يحب الرجال النساء - 00:04:00

انا يا رب يعني اكتر حد حب واحدة انا كنت بحبها حب رهيب يا رب. يعني شوفوا بيعترف امام الله سبحانه وتعالى بهذا الحب الرهيب. احبها. فراودتها عن نفسها طب انت بتحبها يعني المفروض انك انت تتجوزها روضتها عن نفسها ليه؟ يعني سبحان الله العزيم هو بتحس ان هي هي حاجة عند الراجل كده او عند - 00:04:20

الانسان اللي مش ملتزم ان هو عايز يعرف الانسانة دي غالية ولا رخيصة. الانسانة دي فعلا يعني تصونه. الانسانة دي تحفزه. الانسانة دي تحافز عليه. واللي ممكن تزوج فتاة وكان لها ماضي هو عارفه آآ يعني للاسف سبت بالتجربة ان بيفضل طول عمره شاكك فيها. للاسف الشديد البنت يا جماعة يعني - 00:04:40

اتكلم مع الشباب ممكن بدافع حسن نية كبير. وان كان العمل سيء ومعصية لله سبحانه وتعالى. انما هي يعني عشان يعرفوني عشان اتجوز عشان دي الصحوبية وهي مش عارفة انها بتدفع فاتورة غالية جدا طول حياتها. فراودتها عن نفسها فامتنعت فاصابتها سنة جا لها شدة فجاءت اليه. مزنوقة بقى ولفت - 00:05:00

على كل اللي بابا وما حدش راضي يسلفها. فجاءت اليه. فطلبت مني اه ان هو يديها فلوس فطلبت منها ان آآ يعني تمكني من نفسها او ان يعني ايه آآ طلب منها الزنا وآآ وافقت آآ ولكن في حجرة الزنا وقبل ان يتم الزنا قالت - 00:05:20

له اتق الله انتفض الايمان في قلبها. وانتفض الخوف من الله في قلبها. وافتكرت ان الاخرة اهم من الدنيا ومهما كان احتياج الدنيا. فاحتياجها الحسنة يوم القيامة هيبقى اخطر فقالت اتق الله ولا تفض الخاتم الا بحق يعني البنت دي كانت بكر. لا تفض الخاتم يعني البنت دي كانت بكر الا بحق وحق اللي هو الجواز. يعني - 00:05:40

عليك جواز بعد ايه يا بنتي بيتعرضي عليك جواز بعد ايه؟ مين اللي هيتجوزك؟ اللي انت بسهولة اديتي له رقمك وبسهولة اتكلمت معه وبسهولة آآ لما اضافة على الفيسبوك ولا انت عملت له اضافة وبسهولة اتكلم معك في كل موضوع وبسهولة اتكلمتوا مع بعض مكالمات ليلية ونهرية وبسهولة خرج معك وبسهولة انت - 00:06:00

يا بنتي دي مش نفسية الراجل اصلا. انت كده رخصي نفسك فقالت اتقي الله ولا تفض الخاتم الا بحقه. فاتقى الله ولكن اعرض عنها تماما ولم يتزوجها ليه ؟ لان خلاص اللي تمنها مية وعشرين دينار زي الحديس ما بيقول ان هو اعطاها مية وعشرين دينار دهب اللي تمنها مية وعشرين دينار - 00:06:20

آآ اربط عمري معها ليه؟ واربط نفسي معها ليه؟ واربط مستقبلي معها ليه؟ واخليها ام لولادي اللي هم اغلى حاجة عندي في الدنيا ليه؟ اللي تمنها مية وعشرين دينار يبقى تمنها مية وعشرين دينار. مش يبقى تمنها ان انا اربط حياتي بها واربط اسمي باسمها. يا بنتي افهمي يا بنات فوقوا. ربنا لما بيأمرك - 00:06:40

بحاجة والله العزيم دي مصلحتك. ربنا لما بيأمرك بحاجة دي مصلحتك يا بنتي في الدنيا قبل الاخرة. اول ما البنات تبرجت او البنت اتبرجت اللبس الضيق الشباب بقى اللي يعني ما لوش خبرات في الحياة انبهر فاتقدم لها ميت عريس. وخمسمية عريس. فكل البنات حسبوا ان اللي بيجيب الجواز التبرج. وهم مش فاهم - 00:07:00

ان ده بس كانت البنت الاولانية يعني. قام البنات معزمها متبرجات فكانت النتيجة يعني كلهم للاسف الشديد يعني انتم عارفين الواقع الاليم اللي البنات بتحيا فيه الان بواقع اليم اليم ربنا يفرج كرب بناتنا جميعا ويرزقهن جميعا الازواج الصالحين الطيبين المباركين يا رب - 00:07:20

كانت طول عمرها لا تختلط بالرجال. يعني قضية الانسان اللي كان مجتهد وكان ملتزم ولكن نزل نزلت ليه؟ بتنزلوا ليه يا شباب؟ ليه يا ابني بعد ما بتقوم الليل بتسيب - 00:07:40

ليه يا بنتي بعد ما بتشتغلي في الدعوة بتسيبي ؟ ليه يا ابني بعد ما قعدت جلسة الضحى بتسيب ؟ ليه يا بنتي بعد ما بدأت تسمعي دروس وتحفظي القرآن بتسيبي ليه ؟ - 00:07:50

يا ابني يا جماعة ليه ما حدش بيقدر يكمل؟ يا اخواننا ليه ما حدش بيقدر يواصل زي ما النبي عليه الصلاة والسلام قال لاصحابه قبل ما يموت بايام قال لهم اصبروا اصبروا يعني استمروا اسبتوا حتى تلقوني على الحوض. اصبروا اصبروا يا شباب اصبروا يا شباب - 00:08:00

بكرة تتجوزوا يعني بكرة تتجوزوا ان شاء الله بازن الله وربنا سبحانه وتعالى هيكرمكم كرم عزيم بازن الله سبحانه وتعالى على قد الصبر اللي انتم بس خلوا صبركم في زات الله. خلوا صبركم في سبيل الله. عشان ربنا يفرجها عليكم. عشان ربنا يفتحها عليكم. احتسبوا عند الله الصبر على هزه الشهوات. يا بنتي ليه - 00:08:20

ليه ما حدش بيكمل يا جماعة؟ ليه يا اخوانا كل درس نت كل ما الواحد ييجي يدي درس نت فترة يلاقي الناس اللي داخلة غير الناس اللي شوف الدرس اللي من سنة غير الناس اللي كانوا في الدرس اللي من سنتين ليه يا جماعة ما حدش بيواصل؟ انا نفسي اشوف الاخوة امنية عمري - 00:08:40

ان يعدي خمس سنين وكله زي ما هو اوعي اوعي حضورك الدروس الدينية يبقى في يوم من الايام زكريات اوعى علاقتك بربنا تبقى في يوم من الايام ذكريات اوعي خوفك من ربنا وخوفك على الذنوب وحزنك على صلاة الفجر لو راحت منك تبقى في يوم من الايام ذكريات. اوعى الصحبة الصالحة - 00:09:00

والله تبقى في يوم من الايام ذكريات. اوعوا طلب العلم والدعوة الى الله تبقى في يوم من الايام ذكريات. يا جماعة هان عليكم ازاي؟ هان عليك دمعة نزلت من عينك وانت بين ايدين ربنا هان عليك لحظة رفعت ايدك وقلت يا رب ربنا استجاب لك ازاي يا جماعة؟ فيه واحد الملك يفتح له بقصر بتاعه ويدخله - 00:09:20

ويكرمه وبعد كده يقول لي انا زهقت من الحياة ديت انا لازم اخرج واشوف حياتي ولله المثل الاعلى. السبات يا اخواننا السبات يا اخواني. الثبات والاستمرار على دين ربنا سبحانه وتعالى وربنا سبحانه وتعالى بيقول احسب الناس ان يتركوا ان يقولوا امنا وهم لا يفتنون مش وهم لم يفتنوا. وهم لا - 00:09:40

التنون ده مضارع يعني وهم لم يفتنوا يعني ايه امتحان وبعد كده عديت وبقيت مؤمن. انما لا يفتنون يعني هتفضلي تفتني طول حياتك. هتفضل تفتن طول حياتك اللي داخلة على الفيسبوك داخلة على الفيسبوك. انت عارفة انك داخلة غابة. مليانة وحوش ومليانة حيات ومليانة عقارب. واللي داخل - 00:10:00

المفقود واللي خارج مولود. انتم عارفين النت وعارفين ان اليوتيوب بتدخل على فيديو للشيخ محمد حسان تلاقي على الشريط اللي على اليمين صور اباحية. انت داخل نت في نص مليون موقع اباحي. انت داخلة فيسبوك وانت عارفة ان الفيسبوك ده قهوة كبيرة جدا - 00:10:20

قهوة كبيرة جدا وشباب قاعدين مع بنات وولاد قاعدين مع انتم عارفين يا جماعة النت مخاطره ايه. بتدخلوا النت من غير ضوابط ليه؟ بتدخلوا النت من غير محاذير ليه؟ فيه رائد فضاء يطلع القمر من غير بدلة فضاء من غير ازاي يا جماعة كده بنهلك نفسنا؟ عشان كده انا بقترح عليكم ان شاء الله - 00:10:40

واخوانا في ادارة موقع الطريق الى الله معنا. انا بقترح عليكم ان احنا نعمل مشروع جميل قوي حماية لان القصة بتاعة اختنا الكريمة دهيت يا رب ربنا سألنا يا رب سالمة وربنا يكرمها ويزوجها احسن الشباب يا رب. ويتوب عليها وعلينا. لان القصة دي قصة مئات الالوف من الشباب والبنات. مئات - 00:11:00

الوف عايزين نعمل مشروع يا جماعة اسمه ميثاق شرف للدخول على شبكة الانترنت. ميثاق شرف للملتزمين والملتزمات. ميثاق شرف للشباب والفتيات المتدينين اللي خايفين من ربنا على شبكة الانترنت. ميساق شرف النت ده هيبقى ايه؟ ميثاق شرف النت ده انا واحد مسلا هقول لك مسلا انا اقترح حاجات انا اعمل على صفحة الطريق الى الله على الفيسبوك - 00:11:20

هنعمل آآ مكان كل واحد بقى يحط الضوابط اللي هو شاف انه وقع فيها بسبب عدم وجودها او بيقترح انها تبقى موجودة. يعني انا مسلا اقول لك ميساق شرف اعاهد - 00:11:46

ان انا لا اكلم حد من الجنس التاني على النت. لو ولد مش هاكلم بنت ولو بنت مش هاكلم ولد. ولو جا لي طلب اضافة من جنس تاني مش هاقبل به. خالص - 00:11:56

اعاهد الله ان لو جا لي حاجة فجأة نطت في وشي كده على شاشة الكمبيوتر وانقلب على النت. ان لم اكن موقن انها مش حاجة اباحية لن افتحها. ابدا اعاهد الله ان انا هعمل بلوك للمواقع الاباحية. اعاهد الله - 00:12:06

ان انا مش هنصر مش هنشر اي سورة فيها متبرجات. او فيها حاجة حرام. اعاهد الله. دا ميساق شرف في الحلال والحرام. فيه ميساق شرف اخلاقي برضو وحد الله ان انا مش هشتم في شيخ من شيوخي. انما آآ ان انا مش هجادل. مش هقعد اضيع وقتي على النت دي نقطة خطيرة. انما مش هقعد - 00:12:21

اعاهد الله ان انا مش هدخل النت غير وانا محدد هدفي. وانت محددة هدفك. لان النت ده يا جماعة انتم يعني فيه شباب بيقضي طيلة عمره على النت. يبقى انت كل عمرك - 00:12:41

ده ضايع بتغير نية انوي هدف وانت داخل. انا داخل ادعو الى الله. انا داخل استفيد في نقطة كزا. لازم تحدد نية. بحيس انك تلاقي الوقت اللي انت قضيته ده في عمرك في - 00:12:51

رقم اربعة اعاهد الله على ان انا اكون انسان جاد في في في التعامل مع شبكة النت. اعاهد الله ان انا ما ابقاش انسان بتاع شتيمة. ما اقولش الفاظ وحشة. ما اقعدش اجادل واشتم واشتم في - 00:13:01

دول ودول يشتموا في وارد على اللي شتموا الشيخ الفلاني يا جماعة اعرض عن الجاهلين. ما ضيعش عمري الجاهلين دول لو ما رديناش عليهم يبقى ازا يا جماعة مشروع ميثاق شرف. للملتزمين والملتزمات على شبكة النت. مشروع ميثاق الشرف ده يعني اتمنى من ادارة موقع الطريق الى الله ان هي ان شاء الله - 00:13:11

تفتح لنا حاجة بعد صفحة الفيسبوك. كل واحد يدخل يحط ما يرى ان هو ضوابط مهمة. ميساق شرف ديني واخلاقي على شبكة النت عشان ننجو عشان ننجو اعاهد الله ان انا مش هدخل على موقع اباحي ابدا هزا عهد. ونشوف بقى مين اللي هيمضي على العهد ده. الميساق ده بازن الله انا هاخده بازن الله - 00:13:31

وهبدأ بازن الله يعني لوحدي او مع اخواني الدعاة حسب ما يتأسر بها الزروف. آآ بازن الله سبحانه وتعالى وان كنت اتمنى طبعا ان نبقى مشتركين فريق ننقح الضوابط ديت نختار منها نفلترها نحولها لميساق ننزله على النت ونشوف كم واحد بقى هيعاهد ربنا وكام واحدة هتعاهد ربنا يبقى احنا كده - 00:13:51

عاملين حاجة جميلة. يبقى احنا كده بنبني كده بنطهر. كده بنوضح للبنت اللي داخلة جديدة او الشاب اللي داخل جديد ميساق شرف حقيقي للي داخل الى ان عملت اتعرفت على الشاب خد رقمها بسهولة كده. سبحان الله دينا بنفرط فيه بسهولة كده. بقول لكم انا شامم ريحة صحبة سوء. شامم ريحة واحدة - 00:14:11

دي اتعرفت عليها افسدت لها دينها قبل ما تتعرف على الشاب ده. ربنا سبحانه وتعالى بيقول واصبر نفسك مع الذين يدعون ربهم. مجموعة لازم نتعرف على مجموعة صالحة مع الذين يدعون ربهم ومع تعيشوا مع بعض بالغداة والعشي يريدون وجهه ولا تعد عيناك عنهم. ها ولا تطع - 00:14:31

من اغفلنا قلبه؟ يعني ربنا لما قال لك الصحبة الصالحة قال لك اتعرفي على ناس كتير مع الذين يدعون ربهم. انما لما احزرك من صحبة السوء كلمك بالمفرد ولا قطع من اغفلنا قلبه. صاحب سوء واحد يضيعك. يضيعك. اختنا الفاضلة ديت انا مشخص ان غالبا ضغط طلب الزواج. ضغط الخوف من انها تكبر وما تتجوزش - 00:14:51

يا بنتي ما عند الله لا ينال الا بطاعة الله. لو كنت بدل ما تتعرفي على شاب وتدي له رقمك. وقفت قبل الفجر بساعة وقفتي اول الليل ساعة تصلي وتدعي وتقول يا رب انا عايزة زوج صالح تختاره لي. والله العظيم هتتجوزي - 00:15:11

كزا صوت والله العزيم يا جماعة. يا اخوانا جربوا تتجوزوا بالدعاء. جربوا تسترزقوا بالدعاء. جربوا تصلحوا بالدعاء جربوا يا جماعة الدعاء شوفوا. شوفوا معجزات الدعاء شكلها ايه. واخد رقمها وحدسها يعني ايه وبدأ يكلمها - 00:15:31

وقابلها بجوار عملها. ولكن رآها زملاء العمل. ولكن رآها يعني ربنا كشف ستره عن فضيحة من الاخر لان هي انسانة ملتزمة وطبعا بنت في سن زواج مهم جدا عندها سمعتها والمفروض ان احنا بنعامل ربنا مش بنعامل - 00:15:53

ناس فمهم جدا عندها ان هي لا تسقط من نزر الله سبحانه وتعالى. رآها زملاء العمل. ربنا قدر ان زمايلها في الشغل معديين البنت المحترمة الكل بيتكلم عن احتراما اللي كتير بيقولوا اه والله الواحد نفسه يتجوز واحدة محترمة زي ديت. اه اللي كتير بيشاور نفسه انه يتقدم لها فعلا فجأة مجموعة رايحة تعمل اي - 00:16:13

حاجة في الكافيه ولا في المكان اللي قعدت معه الشاب ده فيها لقوا آآ يعني اختنا الفاضلة ربنا يعفو عنها يا رب قاعدة في المكان مع شاب من الشباب طبعا آآ بالنسبة لها انهيار. يعني بالنسبة لها شيء رهيب. يعني يعني بصوا يا جماعة - 00:16:33

آآ ستر ربنا على العاصي رحمة من رحمات ربنا. وكشف الستر رحمة من رحمات ربنا. لان ممكن دي لو كان شكوشي في الستر عنها كانت ممكن ما فاقتش غير بعد ما تقع في الزنا. ممكن لو ما كانش كشف الستر عنها ما كانش فاقت غير بعد بقى سكة ضياع. والعياذ بالله - 00:16:53

وبعد ما تكون وقعت في الجريمة التي يهتز لها عرش الرحمن والعياذ بالله. يعني الكشف الستر احيانا رحمة. عشان العبد يفوق. فيه ناس ما بتفوقش غير كده يا جماعة غير ان اللي بيبقى بينه وبين ربنا معاملة زمان وكان متقي لله بيبقى غالي عند ربنا. فربنا سبحانه وتعالى يعني ايه بيقول له انا مش هسيبك. انا مش هسيبك - 00:17:13

لو مش هتفوقي غير بكشف الستر هكشف الستر. وانا قادر ان انا استرك بعد كده. وانا قادر ان اخليكي في نظر الناس كلها اعف انسانة بعد كده. وانا قادر ان انا ارفعك في كل حاجة بس انت مش هتفوقي غير كده. نفسية دي مش هتفوق غير كده. ربنا بيعامل كل انسان على حسب نفسيته يا جماعة - 00:17:33

في شباب ما بيفوقشي غير لما بيبتلى فعلا. غير لما بياخد فعلا يعني خبطة يعني ابتلاء حقيقية. سبحان الله العظيم. ولكن طواها زملاء العمل تحمد ربنا انه رأى زملاء العمل. ازاي؟ صلحي بينك وبين ربنا وربنا هيحول لك الابتلاء دا لنعمة. وتركها الولد - 00:17:53

وهي الان تحس ان الجميع يتحدس عليها. وزملائها وانها كانت تصطنع الدين والادب يعني هي حاسة انها طلعت قدام الناس ايه بتترسم وهي مش مؤدبة ولا حاجة ولا تستطيع ان تسامح نفسها - 00:18:13

آآ مش قادرة وضميرها مأنبها على اللي هي عملته حرام. وخاصة انها اصبحت لا تطيق العمل او رؤية زملائها. واصبحت آآ آآ آآ منطوية واصبحت ايه؟ آآ اصبحت منطوية. يعني سبحان الله العظيم يا جماعة آآ يعني طبعا هي آآ في بنات - 00:18:33

كتير يعني وممكن تتشاف مع شباب ومش هاممها يعني. يعني اختنا دي ما شاء الله لا قوة الا بالله. واضح انها اخت مؤدبة قوي يعني. يعني يعني ده يا ريت يا بنت البنات كلهم - 00:18:53

كده يعني يعني استغفر الله العظيم واتوب اليه طبعا نتمنى لبناتنا العفاف الكامل يعني. بس ده ده صاحبتك دي نموزج جميل قوي يعني. ان هي لما يعني اتشافت مع شاب آآ انطوت وقفلت والدنيا اسودت في وشها ولمت نفسها يا ربي يا جماعة ده البنات ما شاء الله كتبوا لها - 00:19:03

واحد بيروح بيته. لو روح بيته الصح ده بالليل. البنات ماشية مع الولاد في الشوارع. انا انا هتجنن واعرف دول منين. دول دول مين مين ابوها؟ مين اخو البنت دي؟ مين اللي - 00:19:23

انت سايبها في الشارع وشكلهم يعني يعني ايه يا جماعة ده! سبحان الله العظيم! انا باقول لاختنا الفاضلة ما تحبطش! ما تيأسش! تملأ قلبها امل في الله سبحانه وتعالى تملىء قلبها امل في رحمة ربنا وفي كرم ربنا وفي معية ربنا سبحانه وتعالى وخصوصا يا جماعة ان احنا ان شاء الله بكرة يوم عاشوراء بازن الله احنا عاملين يوم تربوي - 00:19:33

قوي مع الشيخ احمد جلال الدكتور عبدالرحمن الصاوي والدكتور غريب رمضان في مسجد الصديق في المنصورة مسجد الصديق مسجد الشيخ حماد جلال على المشاية يعني اللي عايز او اللي عايزة ييجوا - 00:19:53

ان شاء الله يشاركونا في اليوم التربوي ده ويفطروا معنا آآ اهلا اهلا وسهلا ربنا يحفظهم ويبارك فيكم احنا عاملين اليوم ده عشان كنتم اصلا ونتمنى ان اي حد يجي - 00:20:03

بازن الله يشترك معنا في اليوم ده حتى لو هييجي من مكان تاني. آآ آآ عاشوراء ده يوم الامل في الله يا جماعة. عاشوراء ده اليوم اللي ربنا شق فيه البحر لحزة - 00:20:13

مر لسيدنا موسى وجيش فرعون بكل الرتب الرتب بتاعته والنجوم والسيوف بتاعته بقت طعام لسمك البحر الاحمر في يوم عاشوراء لانهم تمردوا على الله. تمردوا على دين الله سبحانه وتعالى. فيعني يوم عاشوراء ده يوم كلا ان معي ربي سيهدين - 00:20:23

يوم كله امل فانا عايز نملى قلوبنا بالامل ان ربنا رحمن رحيم. ربنا هيتوب علينا. ربنا قادر انه يصلح احوالنا. آآ يوم عاشوراء يا جماعة سبحان الله العظيم. يعني نشوفه سيدنا موسى ربنا بيوصف يوم عاشورا في سورة الشعراء بيقول فلما تراءى الجمعان الجمع جيش فرعون وجيش موسى تراءى يعني الجيشين بقوا شايفين بعض يعني - 00:20:43

المسافة بقت في غاية القرب. في غاية القرب. فلما ترأى الجمعان وجيش فرعون هاجم بالاسلحة والسيوف بتاعته. فلما تراءى الجمعان فلما فورا اول ما طرأ الجمعان قال اصحاب موسى انا لمدركون ضعنا خلاص كل حاجة ضاعت. قال كلا كلا هزا لا يكون ابدا. الصمود - 00:21:03

ان واحد بس يسبت صف كامل. ان صف كامل يقع وانت ممكن تبقى سبب سبات الصف ده. قال كلا هذا لا يكون ابدا. سبحان الله! لما فرعون قال للسحرة هقتلكم قبلها لسة بسطور في سورة الشعراء قالوا لا ضير. انا الى ربنا منقلبون. لا ضير تقتلنا - 00:21:23

فاحنا مش مهم الدنيا دي ما لهاش قيمة المهم الجنة. لا ضير. انما موسى لما قالوا له انا لمدركون ما قالش لا ضير. قال كلا لا يمكن هيحصل لا يمكن هيأزونا. ليه ان معي ربي يبقى ازا لما السحرة آآ ايمانهم او ظنهم بالله وقف عند لا ضير فرعون قتلهم. وبقوا من - 00:21:43

اعزم الشهداء عند الله سبحانه وتعالى. ولكن لما موسى حسن ظنه بالله علي لحد كلا ربنا نجاه. وهو ده الحديث القدسي انا اعند ظن عبدي بي انا عند ظن عبدي بي. ده الحديس القدسي بتاع انا عند ظن عبدي بي انك لما بيبقى ظنك ان ربنا مش هيسيبني. ربنا مش هيسيبنا - 00:22:03

يا اخواني ابشروا ربنا مش هيتخلى عنا. ربنا مش هيسيب الظالمين يفسدوا. ربنا مش هيضيع دم اخواتنا. وتعب اخواتنا وجهاد اخواتنا ربنا مش هيسيب الظالمين يتحكموا في التيار الاسلامي تاني. ربنا مش هيسيب الشباب في المشاكل والهموم والالام. والكدر والغموم - 00:22:23

توتر اللي هم عايشين فيه ربنا مش هيسيبني وانا في طريقه. ربنا مش هيسيبني وانا معه. ربنا مش هيسيبني وانا مقبل عليه. يبقى لما هيبقى في ظن في الله في ناس يا جماعة من الشباب منكم ظنوا ان لا ضير. يعني خلاص بقى الدنيا وحشة بس يلا لا ضاير. المهم الاخرة ربنا ينجينا - 00:22:43

وفي ناس بيقولوا كلا ربنا مش هيسيبنا والله العظيم ما هيسيبنا والله ربنا ما هيتخلى عنا اهو اللي قاله كلا دول ربنا مش هيسيبهم فحسني ظنك بالله. حسن ظنك بفرج الله. قال كلا الكلمة اللي من سنين لما ربنا قال له اذهب الى فرعون. قال له ربي - 00:23:03

ان يقتلون واخاف ان يكذبون في اول سورة الشعراء برضه. قال كلا فاذهبا باياتنا ان معكم. المستمعون كلا لا يمكن هيوصلوا لك يا موسى هزا لا يكون ابدا. طول ما انا معك مش هيوصلوا لك. سنين عدت سيدنا موسى وقع في الموقف ده والبحر قدامه. والسيوف وراه قالوا له ان - 00:23:23

لمدركون قال كلا نفس الكلمة اللي ربنا قالها له من سنين ياه! ده انت بتسمعي شريط عن التوكل من يومين دولي حصة بالتوكل ساعات وبعدها بيومين تمتحن امتحان في التوكل ما تنجحيش. ده انت بتسمع كلمات نورانية من الدعاة والدروس - 00:23:43

وانت بتقرا القرآن كلام الملك سبحانه وتعالى. وبعد يومين التأسر الايماني بيروح. ازاي نور كلمة كلا دخل قلب موسى؟ وقعد سنين تين ولما وقع في الازمة قال كلا. الثبات على الايمان يا جماعة. الثبات على الصلة بالله يا جماعة. الثبات على - 00:24:03

شاعر الايمانية يا اخواني. يا جماعة هو ده علو الهمة. قال كلا ان معي ربي سيهدين. يوم عاشوراء هو يوم ان معي حبي يوم عاشورا هو اليوم اللي فرعون دخل وراء موسى وقع عليه جبلين قطموا له وسطه. جبلين لما الماية بقت عاملة زي الجبلين يمين وشمال - 00:24:23

كل فرق كالطود العظيم كالجبل وقعوا على فرعون. فرعون شاف الرتب والنجوم والسيوف والنسور بتاعة الجيش بتاعه. وهي ياه سمك البحر الاحمر بياكلها قبل ما يموت بحسرته وقهرته. وهو قاعد يقول قال حتى اذا ادركه الغرق قال امنت - 00:24:43

انه لا اله الا الذي امنت به بنو. اسرائيل مش عارف يقول الله اه مش عارف ينطق كلمة الله على لسانه وهو بيموت. شوفوا قاعد يقول ايه! فلما ادركه الغرق قال امنت انه لا اله - 00:25:03

الا الا ايه بقى! الا الذي امنت به بنو اسرائيل مش عارف يقول الله! عاش متمرد على الله فمات شر موت. جبريل بيقول النبي عليه الصلاة والسلام فلو رأيتني يا محمد وانا اضع الطين في فمه خشية ان تدركه الرحمة. سبحان الله العظيم. ربنا يعافينا ويحفزنا من - 00:25:23

حال اهل النار ده ده كل ده حصل يوم عاشوراء يوم الامل. يوم ان معي ربي. جددوا الامل في قلوبكم يا شباب. بكرة يوم الامل. بكرة يوم عاشوراء. اليوم اللي - 00:25:43

ربنا نجى في موسى من فرعون وهو برضو المفسرين قالوا اليوم اللي ربنا نصر فيه موسى على السبعين الف ساحر. على السبعين الف ساحر آآ يعني لدرجة ان ابن كثير بيقول هزم فرعون يومها هزيمة لم يهزم مسلها احد قط. وفي في مسند الامام احمد انه اليوم الذي رست - 00:25:53

فيه سفينة نوح على الجودي. الله! ايه الكلام الكبير اوي ده! ايه الكلام العزيم ده! ايه اللي ايه وفي التفاسير انه اليوم الذي كشف الله العذاب فيه عن ام يونس. يوم امل يوم فرج. فرج عشان كده ذهب بعض العلماء ان كلمة عاشوراء مش جاية من رقم - 00:26:13

يعني مش جاي ان هو يوم عشرة محرم. اومال جاية من ايه ؟ قال لك جاية من العشر. قال لك ايه العشر ده او العشر؟ قال لك ايه ده ؟ قال لك انك تجيب الابل كانوا زمان - 00:26:33

يجيبوا الابل ويعطشوها تمان تيام من غير ما تشرب نقطة مية. تمان تيام يشربوها مية وبعد كده يقوموا قاعدين تمن تيام من غير ما تشنطة ماية. فتعطش عطش مهول وفي اليوم التاسع يقوموا طالقينها على الماية. تروح تشرب يعني الفرج اللي بعد الظمأ الرهيب - 00:26:44

ممكن يا جماعة ممكن عاشوراء ده يحصل فيه حاجة ربنا يفرجها بها علينا ممكن يا جماعة ربنا سبحانه وتعالى ممكن الله قادر. والله سبحانه وتعالى بقدرته ورانا ايات كتير قوي في اليوم ده. نسأل الله انه يورينا ايات في الظالمين. في الظالمين - 00:27:04

اسأل الله ان ربنا يورينا في هذا اليوم وفي غيره ايات في الظالمين اللي ظلمونا وظلموا الاسلام في مصر وحاربوا الاسلام في مصر. آآ اختنا الفاضلة الطيبة توبي لربنا قومي بقى بلاش احباط سيبك من الدلع ده دلع انا اذنبت انا ضعت انا وحشة لا لا لا لا كل دي حيل نفسية عشان - 00:27:24

تنامي في الخط وتركني قومي يا اختي قومي بقى قومي قومي انت وصاحبتك وروحي قومي صاحبتك. وقوموا كده وتوبوا الى الله وجددوا التوبة مع الله ما حصلش اي حاجة ان الحسنات يذهبن السيئات. ان الحسنات يذهبن السيئات. ده اللي كلام ربنا. هتكدبوا كلام ربنا. قوموا املوا قلوبكم بالامل. عايزين نعلق على مشكلة - 00:27:44

سريعا آآ نحن نحبكم في الله وانا حبيب قلبي بحبك في الله. آآ بندعو لكم بالتوفيق والسداد دوما يا رب التوفيق والسداد يا رب يا سلام يا سلام ده خير ما صعد من الارض الى السماء الاخلاص. وخير ما نزل من السماء الى الارض التوفيق. نسأل الله ان يرزقنا التوفيق والهدى والسداد يا رب - 00:28:04

ايوة يا عم دعواتك الجميلة دي. آآ انا طالب في كلية الطب سنة اولى اه ايه يا ابني اللي دخلك يا ابني؟ يا ابني انت ما شفتش اللي حصل في اللي قبلك؟ ربنا اخرجنا منها فان عدنا فانا الظالمون. انا يا جماعة نص الدفعة بتاعتنا اللي خرج بمرض - 00:28:24

في الكلى واللي خرج بمرض في القلب. واللي نفسيته ضربت واللي دماغه يعني كل واحد خرج يا عيني اتخبط له خبطة بسبب الكلية دي. يا ابني سنة اولى يا ابني انت هتجيب لي احباط يا ابني! انت لسة هتعيش اللي احنا عشناه! يلا يا حبيبي! يلا يا عم قفشة! ده كلية طب جميلة! وسهلة! والامتحانات سهلة - 00:28:40

اه وليالي الامتحانات بسيطة. ويعني الدكاترة طيبة. وكل ما هتزاكر هتلاقي امتحانات يعني في مستوى الطالب المتوسط وهتدخل الشفوي سواء انت ابن دكتور او مش ابن دكتور هتلاقي ناس طيبة وهتتخرج بعد كده تدخل - 00:29:00

سنة امتياز يرموك في في قسم الاستقبال تقعد تموت في العيانين ويقول لك معلش اترمى في البحر عشان تتعلم تعوم وبعد ما هتزاكر فسيولوجي وفارماكولوجي وهيستولوجي وبايو وبطنة وجراحة ونسا وولادة - 00:29:20

بعد ما ازاكر كل ده حبيب قلبي يا يا يا حبيبنا الغالي هتتخرج من كلية طب ما تعرفش تكتب روشتة برد. هتكتشف ان كل اللي علمته ده ما لوش اي علاقة بانك انت تقدر تكشف على العيانين فهتجري تدور على شهادة طبية مصرية وتكتشف بعد - 00:29:40

متوه ما بين الماجستيريهات المصرية ان الشهادات المصرية ما عدش لها لازمة فلازم يا اما تطلع على امريكا تاخد آآ يو اس ان ال اي بورد يا اما تطلع على - 00:30:00

انجلترا تاخد زمالة يا اما لسة عايز تكمل في كلية طب يا حبيبي انت لسة في سنة اولى انا بنصحك انت حر المهم حبيبنا بيقول ربنا يحفزك يا حبيب قلبي انا بهزر معكم يا شباب ده كلها جميلة والله. يلا الحمد لله انا عشان امال هتدخل الجنة بايه يا ابني ما انت لازم حاجة تصبر عليها عشان تدخل الجنة - 00:30:10

انا طالب في كلية طب سنة اولى هو لو ما كانش قال سنة اولى ديت الواحد كان قلبه ما تعبوش. انما سنة اولى دي فعلا صعب ان علي يا ابني والله. ربنا يصبرك. وقد كنت - 00:30:30

منذ قبل سنة ونصف يعني هو في تانية سانوي. او في تالتة سانوي شابا عاديا غريقا في بحر المعاصي والملذات يد المصيبة السودة. تانية سانوي غريقا في بحر المعاصي والملزات. يا اخوانا احنا دخلنا الجامعة احنا مش عارفين حاجة. احنا يا جماعة انتم جيل متطور جدا يا شباب الله يكون في عونكم والله - 00:30:40

تانية سانوي بيقول لي غريقا في بحر المعاصي هم بحر! يا ابني والله يا ابني احنا كنا في تالتة سانوي دي اقول لك ايه! يعني لو يعني يلا الحمد لله ربنا يهدينا ويهديكم - 00:31:00

غريقا في بحر المعاصي والملزات كباقي الشباب. ده كله كده. ربنا يهدينا ويسترها علينا. ربنا يهديكم يا شباب. ربنا يهدينا يا رب ربنا ينقز شبابنا وبناتنا يا رب. ولكن الحمد لله الحمد لله ربنا من علي بالهداية. ولكن هناك مشكلة انه من سنتين قبل ما التزم كان فيه حاجة تعليمية - 00:31:10

يعني مشروع تعليمي آآ آآ يعني وكان هناك فتاة ربما اعجبتني وتعلق قلبي بها. يا جماعة سبب الزنا سبب زواج الالكتروني سبب جواز التم سبب جواز الدم سبب الجواز العرفي سبب البلاوي المنيلة اللي ملت المجتمع بتاعنا للاسف الشديد سبب - 00:31:30

الهود كولز سبب كل ده الاختلاط. الاختلاط احنا ايامنا كان فيه حاجات وحشة وكان فيه قناة على الدش وحشة وكان فيه آآ حاجات من الكلام ده وكان فيه صور وحشة ولكن - 00:31:50

ما كانش فيه اختلاط. فالشاب لما يخبط راسه في الحيطة يقع في العادة السرية. هيعمل ايه؟ الاختلاط للاسف حصل يا اما في الدروس الخصوصية يا اما في المدارس المختلطة اعدادي وسانوي وجامعة - 00:32:03

يعني كل الاختلاط حصل في المؤسسة التعليمية. يعني اللي ضيع البلد خرج من اختلاط المؤسسات التعليمية. فلما حصل الاختلاط حصل الزنا وحصل كل المصايب عشان كده انا باقول لكم الاختلاط ده كنت عامل درس مجرد علاقة بريئة عشان الاختلاط. يعني قعدت سنتين في مسجد السلام، ما اديتش درس عن الزنا - 00:32:19

ما ادتش درس عن الجواز العرفي. ما ادتش درس عن العادة السرية. ما ادتش درس عن كل معاصي الشهوة دي كلها. الا يمكن يوسف وامرأة العزيز شوية يعني الى حد ما. انما اتكلمت درس مجرد علاقة بريئة عن الاختلاط. ليه؟ لان قلت للشباب ان الزنا ده حنفية بتنزل مية مش نضيفة. والجواز العرفي - 00:32:39

بتنزل مية مش نضيفة. والعلاقات الحب اللاف استوريز حنفية بتنزل مش نضيفة. انا الوقتي هقعد اغير حنفيات والحنفية تضرب تاني واغيرها. يا ابن الخزان هو اللي بايز الماية مش نضيفة من الخزان. ايه الخزان؟ الاختلاط. لو الاختلاط وقف الاختلاط المحرم ده وقف خلاص انت قضيت - 00:32:59

على كل معاصي الشهوة الموجودة في المجتمع. هيبقى اقصى معصية شهوة عندك في المجتمع العادة السرية. ليه؟ لان خلاص ما فيش اختلاط. فالكوبري ده لازم يتكسر. لانه عمل المصايب هو اللي محطم قلوب الشباب الوقتي. محطمها تحطيما سبحان الله العظيم. ففي المشروع التعليمي عرف البنت عجبته آآ - 00:33:19

ما اتكلمتش معها بحرف ماشي يا سيدي. من احب فصبر فكتم فمات. وانقضى اليومان. ورجعت لبلدي وانا بادور عليها. بدأ قلبه يتعلق بها يعني طبيعي جدا يا جماعة. يا جماعة ده عادي جدا يعني شاب قلبه اتعلق ببنت بالنزر ده. كتير جدا يعني نص اللي قاعدين بيسمعوني دلوقتي كده. ولكن لم اجدها ولم ارها - 00:33:39

طه بعد زلك يا حبيب قلبي والله صعبان عليا بجد بس مش نفسي انك انت تلاقيها بس صعبان عليا عزاب قلوب الشباب يعني عيني حطين المسمار على دماغهم وقاعدين يدقوا بالشاكوش ويصرخوا. وهم السبب. يا ابني انت حبيبي والله العزيم كل لزة في نزرة حرام - 00:33:59

على موقع ولا على تليفزيون ولا البنت هتدفع تمنها لا يزال بنيانهم الذي بنوا ريبة في قلوبهم الا ان تقطع قبوم مشكلة ان المعصية القلب شربها زي ما الاسفنجة شربت حبر. فانت عايز تعصر قلبك بقى - 00:34:19

تطلع منه ولكن لم اجدها ولم اراها بعد زلك. ده انت حبيبي ممكن تكتب شعر. ده انت نواة شعر. وبعد ان تاب الله علي نسيتها ولم اعد حتى افكر بها. ولكن تفاجأت هذه السنة ان هذه الفتاة - 00:34:39

الى لي في سنة اولى كلية طب نفس الجامعة. يا نهار ابيض! يعني انت تقعد ست سنين كده! وش الوش وروضته التي هو في بيته فيها التي هو في بيتها بقى اللي هو وش الوش التي هو في سكشنها بقى وفروندها وفي آآ وفي نفس كليتها وهتفضل في الهم ده كده سبحان الله - 00:34:59

زميلته في نفس الدفعة. يعني هي كان لازم تطلع متفوقة هي كمان. فانا مضطر لاراها كل يوم. يعني تحس ان قلبه يا عيني بيتعصر فانا اصبر نفسي على غض بصري. وهكذا لكن ربما يحول شيء في صدري تجاه هزه الفتاة. مع العلم - 00:35:19

اني حتى الان لم اتكلم معها باي وسيلة اتصال. اعمل ايه؟ اعمل ايه ماذا افعل؟ آآ آآ اول حاجة انا عايز اقول لكم يا اخواني في الله انك انت لا يمكن هتفضل كده ست سنين يا حبيب قلبي - 00:35:39

انك هتفضل كده انت وخدوا بالكم يا جماعة احذروا احزروا احزروا من احلام اليقظة. الشاب متعلق بالبنت شافها انا بقول لكم ان بص الشباب اللي قاعدين بيسمعونا دلوقتي كده ونص البنات كده - 00:35:56

انا مش بكلمك على على ده واقع. الاختلاط رهيب وعروض مفتوحة من الشباب والبنات. وما فيش شاب يا عيني غاضت بصره وفي حاله عينه هتقع على بنت الشيطان هيجي له في احلام اليقظة هيعملها له - 00:36:09

هيعملها له سندريلا خلاص وهي عيني هتقع على شاب الشيطان هيجي لها هيعملها لها هيعمله لها يا جاكي شان خلاص احزروا من احزروا من روي او ري بزرة الشهوة في القلب. ارويها ازاي احلام - 00:36:24

احذروا من احلام اليقظة. الشاب يعجب بفتاة. يقعد تلات ساعات يفكر فيها. قاعد مسهم بقى وايه وبيحلم بها انت قاعد تروي تعلقك بها. انت تعلقك بها لسة مش كبير. انما احلام اليقظة ضخمتها. هتفضل سنة اتنين تلاتة لحد ما البنت ديت في الاخر هتحس انك هتدبح - 00:36:43

نفسك لو البنت ديت ما اتجوزتهاش. يبقى لازم تاخدوا بالكم يا جماعة قاوم نفسك. يا ابني اصل انت هتفضل في العزاب ده ست سنين. لازم قرار طب القرار ايه؟ اسيبها؟ القرار حاجة من اتنين. تعرف تتقدم لها؟ تعرف تروح تخبط على بابها وتطلبها من ابوها - 00:37:03

تعرف فيه شباب لو قال كده لابواب واهر من الشباك. وفيه شباب مش ممكن زروفه الاقتصادية او المفاهيم الاجتماعية عنده في البيت لا يمكن. وفيه شباب ممكن يا جماعة ممكن لو يعني ايه - 00:37:22

لو هو فعلا يعني ايه حاول مع اهله واقنع والدته ووالدته كلمت والده. ممكن وهم عندهم مسلا وضع مادي مسلا ابوه حاطط له شقة في البيت بتاعهم او كده. يعني - 00:37:32

ممكن يعني الموضوع انا مش بقول كلام خرافي بتنفع احيان قليلة جدا ولكن بتنفع. لما بيكون ايه الشاب وضعه المادي اصلا مستقبلا مستقر من دلوقتي. آآ بتنفع ويكون تعرف تتقدم لها تتقدم لها؟ ما تعرفش تتقدم لها البنت دي لازم تدبحها من قلبك. والا هتفضل ست سنين معذب - 00:37:42

هتفضل ست سنين معزب. البنت دي لازم تدبحها من قلبك. لازم تاخد قرار. دين من غير قرارات ما ينفعش. سيدنا سليمان قال علي الخيل اللي شغلتني عن ربنا فطفق مسحا دبحها وفي اقوال انه وسمها علامة انها نظرها للجهاد في سبيل الله ونظرها للجهاد - 00:38:02

في سبيل الله وخرجها من ملكيته. ايا ما كان طفق مسحا مسحها من حياته. لازم تاخد قرار. ينفع تتقدم لها؟ القرار ما بيتاخدش كده انت بتتوضى وبتصلي ركعتين وبتستخير ربنا وبتصلي قيام ليلة وبتستخير ربنا يا رب انا ما اعرفش هي خير ولا شر. يا رب لو خير يسرها لو شر اصرفه - 00:38:22

وتبدأ تتكلم وتبدأ ما نفعش خلاص لازم تاخد قرار. تفق مسحا لو مش قادر انك تتعامل بواقعية. انت عارف انت عامل زي ايه دلوقتي يا حبيب قلبي انت دلوقتي جوة قلبك حريقة - 00:38:42

حريقة بحق وحقيقي. والحريقة كل ما تفكر في البنت هتزيد. وكل ما هتشوفها وما انتش غاضت بصرك هتزيد. حريقة. طب اعمل ايه؟ وخد بالك من نقطة خطيرة جدا ان انشغال القلب بزنب حتى لو ما وقعتش فيه بيضيع الايمان. يعني انت بتقول انا لحد دلوقتي ما اتكلمتش معها. اوعى تفتكر ان عدم كلامك معها بس قلبك مشغول بها - 00:38:54

معناه ان قلبك نجى. يا جماعة انشغال القلب بالفتنة وبالذنب وبالمعصية وتفكير القلب فيه. حتى وان لم تقع هيضيع ايمانك زي الشيخ يعقوب لما كان يقول لنا زمان يا ابني هتقعد تقول في الازمة احلق ما احلقش احلق دقني ما احلقش دقني. حتى لو ما حلقتش دقنك ايمانك بينزل. ليه؟ لانك انت عشت - 00:39:14

التردد في حاجة ايمانية انما الصح فا فورا فطفق مسحا. امسح اي حاجة من حياتك. تبقى واقفة بينك وبين ربنا. طيب اقاوم ازاي ما هو انا مش بقول لك ان انت حبيب قلبي آآ يعني البطل بقى اللي هتاخد قرار تقاوم ازاي؟ تقاوم انك تشغل طاقة قلبك وتفرغ طاقة - 00:39:34

نفسك في الدين وفي الالتزام. يا جماعة خليكم واقعيين. احنا في ايام صعبة. شهوات رهيبة. هيفضل قلبك يتخطف مع دي قلبك يتخطف مع ده هتتعزبوا عزاب رهيب نفسيا. وفي الاخر ما حدش بيتجوز حد يا جماعة. وفي الاخر لما بتكبر بتكتشف ان البنت دي ما كانتش حلوة اصلا - 00:39:54

يعني ما كانتش حلوة اصلا شكلا يعني مش قصدي يعني مش قصدي. قصدي دي ما كانتش اختيارك. يعني ممكن شاب مسلا ما شافش قبل كده يشوف واحدة كاشفة شعرها يتقال ان هي وهي اصلا يعني - 00:40:14

ممكن كثير جدا من المحجبات اجمل منها ميت مرة. بس هو مش فاهم هو ما عندوش خبرة في الحياة. هو ما عندوش فانت لما بتفهم الخبرة وبتفهم بعقلانية مقاييس اختيار زوجة بتكتشف - 00:40:24

ما كتش تنفعك. انما هي كانت عاطفة ممكن توديك في داهية كمان. يبقى يا جماعة الواقعية ان لازم طاقتكم دي تتفرغ في الالتزام وفي الاقبال على الله وفي انشغالك انك تتربى وانشغالك انك تسمع دروس وانشغالك بالصحبة الصالحة وانشغالك بطلب العلم وانشغالك لان - 00:40:34

القصة دي لازم تخرج يا حبيب قلبي. الطاقة الرهيبة اللي جواك ديت خلي الطاقة دي تخرج في القرب من الله سبحانه وتعالى. انطلق لقدام في خط سير انشط في العبادة - 00:40:54

والدعوة الى الله. شف الاسر الملتزمة اللي عندك في الكلية اشترك فيها. شف الجمعيات الخيرية الفاعلة في الجامعة اللي عندك اشترك فيها. اشترك في الانشطة الخيرية صاحب ناس ملتزمة اعمل انشطة بناءة مفيدة هتلاقي آآ نفسك بتطلع لقدام بدل ما تفضل قاعد زي العربية اللي غرزت في الوحل - 00:41:04

مهما تعمل العربية غرزة. لأ اخرج اخرج بسرعة. بقول لك اخرج بسرعة. اخرجي بسرعة. يا جماعة نص الجامعة كده نص الشباب الملتزم والبنات الملتزمة في الجامعة. انا مش عايز اقول اكتر من كده بكتير جدا كمان يعني. بكتير جدا. مسألة تعلق قلب شاب ملتزم ببنت في - 00:41:24

جامعة ممكن تكون ملتزمة او مش ملتزمة. ها وتعلق قلب بنت برضو بشم والعكس كتير جدا جدا جدا ودي مصيبة الاختلاط. ودي مصيبة وغالبا آآ آآ يعني الفتنة الرهيبة ديت اللي في زمن الشهوات انا طبعا بقدر معاناتك جدا بقدر الالام اللي جوة قلبك جدا بقدر آآ - 00:41:44

آآ يعني ايه فتنة تعلق قلب شاب مش متجوز مضغوط في مجتمع صعب ببنت ويتخيل بقى ان هي دي بقى ايه آآ ماما وبابا بقى وآآ ودي بقى اللي هتبقى ودي بقى اللي صفاتها وهي ممكن واقعها ما لوش دعوة خالص باللي انت بتفكر فيه. انما وقعها كده وقعها مش كده تعامل تعامل واقعي عشان ما تضيعش - 00:42:04

في دينك ما تضعش انت عارف البنت اللي دخلت معك كلية طب ليه؟ انت عارف دخلت معك ليه ربنا لو هي خير يجعلها من نصيبك يا رب. ولو مش خير ربنا يختار لها الخير ويختار لك الخير يا رب. انت عارف ليه؟ فيه حاجة اسمها كشف العيوب - 00:42:24

بامتحان القلوب. ان انت ده درس انا انصحكم انكم تسمعوه كلكم. ادخلوا كده على دروس الشيخ يعقوب على النت واكتبوا محمد حسين حسين يعقوب او محمد يعقوب كشف العيوب بامتحان القلوب. ها؟ دور على الدرس ده وهاتوه. الدرس ده خطير يا جماعة واحنا طلبة - 00:42:40

الشيخ يعقوب لما اداه كان بيقول لك ان احيانا بيبقى فيه مرض في قلبك. فربنا يريد انك تفصل انت يا ابني مع ربنا ولا انت خلاص المرض ده استفحل فربنا يجيب لك الفتنة اللي جوة قلبك قدام عينك عشان يا تختار ربنا وتبقى نضفت من جوة يا تختارها وخلاص يبقى انت اللي اخترت - 00:43:00

زي التاني في التلاتة والصخرة. اللي انا حكت لكم قصتكوا اه قصته مع البنت اه مع قصة اختنا الفاضلة اللي كانت قبل قصة الشاب دهوت الدكتور الصغنن ده اهو اللي هي ايه كانت لابنة عمه احبها كاشد ما يحب الرجال النساء. روتها عن نفسها امتنعت اصابتها سنة جاءتني - 00:43:20

الله! يعني هي مش عايزة تقع في الزنا! وهو نفسه انه يقع في الزنا معها. وربنا عاصمه لحد دلوقتي فجأة جت له على صينية بتقول له انا مزنوقة وهي عارفة هو عايز ايه. يعني يقينا لفت على الدنيا كلها والابواب اتقفلت في وشها وما لقتش غير ده. وجاية مستسلمة ما عايزة فلوس يبقى يعني تمكنيني من نفسك - 00:43:40

اصحاب هي فاهمة وجاية وهي راضخة. فربنا جاب له الفتنة قدام عينه. عشان يا اما يجاهد نفسه ويخلص منها خالص ويخلص لله بقى ويبقى والي من اولياء الله الصخرة تتكشف لما يقع فيها لما يرفع ايده ويقول يا رب يا اما خلاص الانسان ده وحش اترمى فدي قدام عينك ده امتحان لقلبك - 00:44:00

يا اما هتستفحل في قلبك وتفسد لك قلبك. ها يا اما انك انت هتبقى سبب طهارة قلبك. لو وقفت وجاهدت. ليلة قيام ليلتين قيام وقل يا رب. يا رب طهر لي قلبي. يا رب انا - 00:44:20

مش عايز قلبي يتعلق بغيرك. يا رب انا مش عايز اتفتن. يا رب انا مش قادر. يا رب انا شاب صغير. وانت تعلم ان الشهوة جواي. وانت تعلم ان انا قلبي ضعيف - 00:44:37

وانت تعلم ان انا بتفتن. يا رب يا رب اعذني. يا رب اغثني. اجري يا ابني. اجري على باب ربنا. اجري يا بنتي على باب ربنا يا جماعة الفتن دي لما بتستفحل بتبقى مصيبة. نصيحتي الاخيرة لك. اوعى تسيب الباب موارب. اوعى مع فتنة خطيرة - 00:44:47

فتنة تعلق قلب شاب بفتاة. لو ما وقعتش هتخسر قلبك. ومش هيخلو قلبك لربك. ولو وقعت هتخسر كتير اوي تزعل من نفسك قوي. ولو رجعت لربنا بعدها ترجع وانت مكسور. لان الملف بتاعك عاد فيه حاجة وحشة - 00:45:07

ربنا يغفرها ويبدلها حسنات ماشي ان شاء الله. ولكن تضمن من انك هترجع. اوعى تسيب الباب موارب مع الفتنة الخطيرة دي. كل واحد من اللي بيسمعوني الوقتي عنده مشكلة زي دي. ممكن بنت عندها مشكلة مع شاب. شاب عنده مشكلة مع بنت. شاب عنده مشكلة مع معصية معينة. بنت عندها مشكلة مع شهوة معينة - 00:45:25

او معصية معينة. يا جماعة افتكروا الكلام اللي انا قلته الليلة كويس جدا. فطفق مسحا لو ما انتاش عارف تجيب دي في الحلال اضفق مسحا. في الحلال خلاص طبعا ده حل مسالي. ها مش عارف طفق مسحا امسح الموضوع ده من حياتك. اوعى تسيب الباب موارب. لو سبت الباب موارب وقعدت تفكر فيها من غير ما تقع في المعصية - 00:45:45

ايمانك هينزل نزول رهيب في قلبك. فرغ طاقتك كلها في الدين والهمة في الدين والالتزام والاعمال الخيرية اطلع لقدام وابني حياتك يا ابني. لان مهما كان اي طالب جامعة عنده وقت كتير جدا فاضي. ولو طالب حتى آآ في كلية طب ولو طالب في بكالوريوس طب عندك وقت - 00:46:05

كتير جدا فاضي كده كده. فانت وظف وقتك في طاعة ربنا سبحانه وتعالى. آآ يعني ربنا يحفظكم يا شباب ربنا يبارك فيكم آآ لازم تاخدوا قرارات بقى يا جماعة. لازم كل واحد مننا ياخد قرار. مش هنفضل كده. مش هنفضل راكنين. مش هنفضل مستنيين. مش هنفضل ضعفاء في دينا. قرار يا - 00:46:25

شباب فطفق مسحا ملتزم ما بياخدش قرار مش هيقدر يكمل. اهل الكهف واذا اعتزلتموهم وما يعبدون الى الله الا الله فاؤوا الى الكهف خدوا القرار. طب هنروح الكهف منين؟ طب احنا ما اتجوزناش. ده احنا هنعيش من غير زواج طول حياتنا. طب اهلنا طب امنا! طب ابونا! طب المجتمع! طب الفلوس! طب - 00:46:45

خلاص اؤوا الى الكهف. دينكم في خطر. لازم تاخدوا قرار يا شباب انتم دينكم في خطر خدوا قرار يا شباب. عشان دينكم ما يبقاش في يوم من الايام ذكريات. عشان التزامكم ما يبقاش في يوم من الايام زكريات. انا سعيد جدا جدا جدا باللقاء اللي بينا دهوت بتاع افتح لي قلبك. سعيد به جدا - 00:47:05

اتمنى انه يشاركني في افتاح لقلبك الشيخ امين الانصاري. يعني انا برضو يعني شيخ امين الانصاري رجع من الحج وهو ده استاز في المجال دهو. شيخ امين الانصاري من شيوخي طبعا وانتم عارفين كده يعني. آآ اشوفكم كلكم رجالة. كلكم ماليين الدنيا خير. نفسي نفسي تكبروا بقى يا شباب - 00:47:25

نفسي توصلوا بقى يا شباب؟ نفسي بقى يعني نفرح بكم كده بقى. هنفضل على طول بقى نطبطب لحد امتى ؟ يلا يا بنتي قومي بقى. يلا يا ابني قلبنا حرام عليك. قاعدين نزق وندادي. ومعلش يا حبيب قلبي. ومعلش يا بنتي. وان شاء الله بكرة يا جماعة قوموا بقى اتنفضم - 00:47:45

الوقت خش دش مية باردة وانفض راسك كده وقل خلاص تبت الى الله. وركعتين توبة وانطلق في العبادة وفي الدعوة الى الله سبحانه وتعالى. قوموا يا شباب قوموا ادخلوا في المنتدى بتاع الطريق الى الله اشتركوا في الاقسام بتاعته مع الاخوة والاخوات بفضل ومنة الله سبحانه وتعالى. ادخلوا يا جماعة اعملوا لنفسكم حياة دينية انجزوا - 00:48:05

انتجوا اثمروا عندكم فرق عمل كتير جدا على الطريق الى الله منتج ومكسجة وحاجات انا مش فاهم بالظبط يعني كلها دلالات اهي بالظبط. انما في فرق عمل كتير ادخلي يا بنت - 00:48:25

انت وظفي طاقتك ادخل يا ابني وظف طاقتك. ادخلوا اعملوا حاجة. ابنوا يا جماعة اعملوا حاجة. اعملوا شيء في الدعوة الى الله. اشتغلوا في الدعوة في كل مكان دروس ربوا نفسكم احفظوا القرآن. هل فيه محفز قرآن بيجي على الغرفة الصوتية - 00:48:35

في محافز قرآن نجع الغرفة الصوتية طب ليه ازاي ما يبقى ازاي هو فيه تربية من غير حفظ القرآن في واحد هيتربى اخ او اخت من غير حفظ القرآن. شوفوا المواقع اللي لها تحفيظ قرآن وبرضه يعني ده آآ طلب تالت من موقع الطريق الى الله. احنا طلبنا في - 00:48:51

اول ميساق شرف آآ آآ شبكة النت ان شاء الله بازن الله. اللي هنبنيه كلنا مع بعض ونفرح كده يوم ما يتعمل بقى ونعمل حفلة كده ان شاء الله. آآ الحاجة التانية اللي طلبتها من - 00:49:08

الشيخ امين الانصاري ينضم يعني فريق بقى ايه التواصل مع الشباب بازن الله سبحانه وتعالى. الحاجة التالتة اللي طالبها من الموقع ان هم اه آآ يا حفزوا الشباب القرآن. ايوة. احفزوا الشباب والبنات القرآن. ربنا يبارك فيكم. ربنا يحفزكم. ربنا - 00:49:18

ان يجعلكم اسعد الناس في الدنيا والاخرة. ربنا يرضى عنكم. ربنا يستعملكم لنصر دينه. ربنا يبارك لنا فيكم. ربنا يبارك للاسلام فيكم ربنا يستخدمكم لنصر الدين وفي الارض. ربنا لا يسئنا فيكم يا شباب. ربنا سبحانه وتعالى يفرح عنينا وقلبنا كده واحنا شايفينكم كله - 00:49:40

انكم بتشتغلوا في الدعوة الى الله وفي نصرة دين ربنا. وقبل ما اختم الطلب الرابع اللي احنا طالبينه من موقع الطريق الى الله. معسكر شبابي للشباب اللي نعمل معسكر شبابي يعني انا لو فضلت معكم نعمل معسكر - 00:50:00

للشباب اللي على النت يعني معسكر يبقى كده ايه آآ معسكر يبقى يبس على شبكة النت كده ربنا يحفزكم ويبارك فيكم. من اجمل الاوقات الاوقات اللي بنقضيها مع بعض عشان - 00:50:20

كده بشتاق اوي ان احنا نتقابل مع بعض في الواقع وعلى الارض. آآ آآ يعني ما يبقاش اللقاء بينا على النت بس. آآ ان شاء الله بازن الله نلتقي مع بعض - 00:50:30

دائما آآ اسأل الله سبحانه وتعالى ان اللهم استعملنا ولا تستبدلنا. اللهم استعملنا ولا تستبدلنا. اللهم استعملنا لنصرة دينك في الارض رب اجعلنا لك صوامين لك قوامين لك ذكارين لك شكارين. رب تقبل توبتنا واغسل حوبتنا واجب دعوة - 00:50:40

وثبت حجتنا وسدد السنتنا. واسلل سخائم صدورنا واهد قلوبنا يا رب. اللهم اكرمنا ولا تهنا واعطنا ولا تحرمنا واثرنا ولا تؤثر علينا واهدنا ويسر الهدى الينا. وانصرنا على من بغى علينا وانصرنا على ما - 00:51:00

ان بغى علينا اللهم احفظ لنا اخواننا واخواتنا. اللهم اهد شبابنا وفتياتنا. اللهم انزل هدايتك على اهل مصر يا رب. يا رب رب انت القادر يا رب انت الذي تقدر يا رب انت الذي تملك القلوب. يا رب يا رب بعد الشباب عن دينك وعن طاعتك - 00:51:20

اللهم ردهم الى طاعتك ردا جميلا. اللهم طهر مصر من المواقع الاباحية ومن الزنا والخنا. ومن التبرج والسفور. اللهم اهد فتياتنا اللهم اهد رجال ونساء مصر اللهم اهد امة حبيبك محمد صلى الله عليه وسلم. اللهم استعملنا ولا تستبدلنا. اللهم استعملنا - 00:51:40

ولا تستبدلنا. اللهم استعملنا ولا تستبدلنا. اللهم لا تتولى عنا. اللهم لا تتولى عنا. سبحانك اللهم وبحمدك اشهد ان لا اله الا انت ايه؟ خطبة الجمعة. خطبة الجمعة بكرة؟ هو بكرة الجمعة - 00:52:00

بكرة الخميس. بكرة ان شاء الله يوم تربوي في مسجد الصديق. يوم الجمعة ان شاء الله خطبة الجمعة بقى عند آآ الاستاز عمر الحنبلي في مسجد الشيخ ابو بكر الحنبلي في مدحت - 00:52:16

في بيت حديد ان شاء الله بازن الله الجمعية الشرعية في ميت حديد ويوم الجمعة ان شاء الله الدرس الاسبوعي من المغرب للعشاء في الجمعية الشرعية. بازن الله سبحانه وتعالى ويوم السبت - 00:52:26

الاسبوعي لحبيب قلبنا وشيخنا الدكتور عبدالرحمن الصاوي في الجمعية الشرعية من المغرب للعشا. ويوم الاربع الدرس الاسبوعي لتفاحة الدعوة الاسلامية في المنصورة الشيخ احمد جلال في مسجد الصديق من المغرب للعشاء - 00:52:36

عايزين ايه بقى ؟ نعمل لكم ايه يعني؟ خلاص عايزين اكتر من كده ايه ؟ خلاص يعني ربنا حبيب قلبي يبارك فيكم ويحفزكم. سبحانك اللهم وبحمدك اشهد ان لا اله الا انت - 00:52:51

استغفرك واتوب اليك وادعوا لنا جميعا يا جماعة. ما تنسوناش في دعائكم. جزاكم الله خيرا - 00:53:01