Baheth

ضيفي النهاردة في مصر الجديدة الحقيقة اه شخصية اه ثار بشأنها الجدل في الفترة الاخيرة لاسباب عديدة نحن من ذكرها في الوقت الحالي. انما انا تساءلت في برنامج مصر الجديدة. اين اختفى الشيخ حازم صلاح ابو اسماعيل؟ فالنهاردة افاجأ بانه امامي. فبارحب - 00:00:08ضَ

لقبولك الدعوة. انا اللي سعيد جدا ان اخيرا آآ انا عارف ان حضرتك كان لك ظهور اعلامي اعتقد مع الزميل في رحاب الاستاز معتز ليلة سعيدة. الف الف شكر. انا الحقيقة آآ هبدأ آآ - 00:00:28ضَ

في سؤال بطرحه دايما على نفسي آآ بعد الشعبية الكبيرة اللي حضرتك حققتها وبعض المواقف الاخيرة اللي اكيد آآ تعتبرك رقم مهم في في الحياة السياسية في في المجتمع المصري - 00:00:48ضَ

آآ بس ده ما يمنعش انك آآ مريت بازمة ولا زلت تمر بها بعد استبعادك من سباق الرئاسة. موقفك دلوقتي ايه؟ انت بتمارس حياتك مواطن مصري دلوقتي ولا آآ مسألة استبعادك من الرئاسة مخلياك - 00:01:05ضَ

آآ مركز قوي في انك تحاول ترجع للحياة ترد اعتبارك ما عرفش تسميها ايه يعني؟ ربنا يبارك فيك. اولا اشكرك جدا على اللقاء الجميل ده دايما لقاءات حضرتك جميلة الحقيقة. ربنا يخليك شكرا. احنا دلوقتي بنعد آآ انشاء حزب - 00:01:20ضَ

مجود يعني دراسة متعمقة بحيث انه لا يتعرض لنفس الدرجة من الدرجات اللي بتعتني الاحزاب بصفة عامة من ان هي احزاب بتبقى فاترة فترة ما هياش مؤثرة ما هياش فاعلة - 00:01:40ضَ

فاحنا بنحاول دلوقتي ان احنا نعد هذا الموضوع اعداد مجود جدا جدا وهناخد وقت احنا بنقدر انه يكون في حدود تلت شهور آآ لكن ينتهي الى حالة زي ما عملنا في الحملة الانتخابية وكان فيها هذا القدر من البريق او التوفيق - 00:02:00ضَ

بنحاول انه ينشأ حزب يصبح حالة في تاريخ مصر مستقلة وواضحة وقوية ان شاء الله. تمام. الجانب ده الحقيقة هو اللي يمكن شاغلنا بصفة اساسية اكتر من اي حاجة. مم. لكن يضاف الى كده انه الانتخابات اسفرت عن انه في - 00:02:20ضَ

كزا فصيل او كزا فريق واتضح لي بصورة اكتر مما كنت اتوقع كمان انهم الى حد كبير مش فاهمين بعض خالص يعني انا كنت بافاجأ احيانا باسئلة تأكدت ان سببها ان في حد مش فاهم التاني مطلقا - 00:02:40ضَ

مم. فالحقيقة جانب التواصل الثقافي ده هيبقى فرع مهم جدا من العمل. ده اللي انا دلوقتي مشغول به بصفة عامة. يعني بتأسس حزب سياسي. نعم بالزبط. كويس اوي آآ حضرتك يعني ما فيش شك ان مسألة جنسية آآ والدة حضرتك رحمة الله عليها آآ كانت نقول ايه قاسم - 00:02:58ضَ

المشترك والمحرك للاحداس اللي مرت بكم بمصر اه هل الشيخ حازم صلاح ابو اسماعيل معني باجلاء صورته لمن آآ يرى او من قد يتصور ان هو آآ لم يقدم الحقيقة كاملة لما راح رشح نفسه آآ لم آآ يراعي الشروط اللي حاططها لجنة - 00:03:18ضَ

الرئاسة آآ في مسألة آآ آآ ترشيح اي مصري آآ نفسه لهزا المنصب الرفيع. نعم. آآ هل انت اولا انا خليني اجاوب حضرتك اجابة اه يعني اه من منطلق اللقاء اللطيف ده ان شعوري النفسي بان اللقاء يعني محبب الي. الحمد لله. انا شخصيا - 00:03:43ضَ

حازم صلاح ابو اسماعيل اصلا غير معني بهزا ما يهمنيش خالص اه. ولكن انا دلوقتي ورايا او معي ناس جايز يكونوا بمئات الالاف او اكثر. هم. كلهم متعلقين انهم لازم المسألة تبقى ثابتة عندهم. اه. وبالتالي انا معني لهم. ولزلك احنا - 00:04:07ضَ

عندنا قضيتين ولابد ان احنا نوصل فيهم. بس انا عايز اقول لحضرتك ان انا تعاملت في هزا الموضوع تعامل من من افضل ما يكون. اول ما طلعت المسألة شائعة فقط مجرد كلام وشائعة - 00:04:29ضَ

وخفت انه يحصل انه لجنة الانتخابات الرئاسية وخصوصا دي لجنة بتاخد قرارات ما حدش يقدر يتكلم معها ازا خدت اي قرار عملت ما يفعله الرجل الكفء القوي المحدد. وذهبت مباشرة الى القضاء - 00:04:44ضَ

الاول قلت له ايها القضاء انا رايح لجنة الانتخابات الرئاسية واخشى منهم انهم يتهموا او انهم يدعوا ان والدتي قد سبق ان حملت الجنسية الامريكية فلو سمحت اعطني حكما قضائيا يقول - 00:05:01ضَ

ان السيدة فلانة لم يسبق قط انها حملت الجنسية الامريكية ويكون هزا الحكم حجة مش على وزير الداخلية فقط ولا علشان يصدر شهادة فقط وانما على لجنة الانتخابات الرئاسية وعلى وزير الداخلية وعلى وزير الخارجية اللي بيتلقى المكاتبات الاجنبية من امريكا وغيرها - 00:05:17ضَ

وصدر الحكم القضائي بالمعنيين ان السيدة فلانة لم يسبق ابدا ان حملة الجنسية الامريكية وانه ده في مواجهة الجهات التلاتة حجة عليهم. مم هذا الكلام لا يفعله الا شخص يقف على ارض ثابتة واثق من من خطواته فاهم هو بيعمل ايه - 00:05:38ضَ

لما صدر الحكم صدر الساعة اتناشر او حداشر بالليل يوم الاربع ذهبت به يوم الخميس الى اللجنة. وانا قوي وفي يميني حكم قضائي اللي حصل من غير حكم ولا قرار؟ حكم - 00:06:00ضَ

حكم محكمة القضاء الاداري ولزلك انا زعلت من النخبة وزعلت من الجماعة اللي بيدعوا ان هم محافظين على القواعد الدستورية ليه لانه عمدا عند كثيرين وغفلة عند بعضهم كأن البنيان الدستوري لمصر ما اتهزش ما اتضربش في الصميم. انا معي حكم قضائي - 00:06:14ضَ

وصابر عليهم ومع زلك حتى بعض اساتزة القانون حب يتجاوزه والمستندات اللي عرضتها لجنة الانتخابات الرئاسية وعرضتها زي داتا شو عملت لها مؤتمر صحفي هي نفس المستندات اللي عرضت على القاضي. والقاضي كتب ست سبع اسطر من اروع ما يكون في حكمه - 00:06:38ضَ

المستندات دي لا تساوي شيئا ولا ترقى ان تصل الى امام القضاء وهي ساقطة ومهدرة ولا عبرة بها ولا قيمة لها. اصل انا لو حضرتك تصححني لو انا مخطئ اللي فاكره ان الحكم كان بيلزم وزارة الداخلية - 00:06:59ضَ

بانها تقدم آآ ما معناه او ما يثبت ان السيدة والدتك آآ انها آآ يعني انها حاصلة على جنسية اخرى غير الجنسية المصرية لا لا الحكم منطوقه كده انه حكم هي عن الاول خليني اضرب لحضرتك المثل اللي يوضح الموضوع - 00:07:14ضَ

افترض ان في مواطن مصري رايح يحج وزير الداخلية منعه من السفر وقال له انت ما ينفعش تسافر لان عندك مرض معدي طبقا لشهادة وزارة الصحة. هم وممنوع سفر اللي عندهم مرض معدي - 00:07:37ضَ

بيرفع المواطن ده بيرفع قضية على اتنين على وزير الصحة وعلى وزير الداخلية. يقول يا محكمة قولي لي في مواجهة وزير الصحة انه ما يدينيش ما يقولش ان انا عندي مرض معدي وبناء عليه الزمي وزير الداخلية بانه يسمح لي بالسفر. ده اللي - 00:07:51ضَ

بالزبط الحكم قال ثبت لدى المحكمة انه لا يوجد اي شيء يفيد في سجلات الدولة في سجلات وزارة الداخلية في اي مستندات مقدمة لا يوجد اي شيء البتة يفيد ان السيدة فلانة سبق ان حصلت او حملت الجنسية الامريكية - 00:08:08ضَ

وبناء عليه حكمت المحكمة بالزام وزير الداخلية بانه يصدر لي انا شهادة رسمية تفيد مضمونها ان السيدة فلانة لم يسبق ان حملت جنسية اجنبية. بالزبط. حازم فيه ملايين المصريين وملايين الناس في العالم بيحصلوا - 00:08:29ضَ

جنسيات اجنبية دون ان يخطروا وزارات الداخلية في بلادهم. طبعا بس يقوم بقى ايه يتقال يعني يظهر الدليل على كده. اه. عشان انا اعرف. يظهر الدليل هو ايه؟ اللي هو جواز السفر نفترض في هزه الحالة الامريكي. اللي هو الدليل بقى اللي اللجنة الرئاسية هتعتمد عليه ده. اه اه. لان اللجنة الرئاسية معتمدة - 00:08:49ضَ

على ادلة اعتمدت على كلام فارغ كلام فارغ كلام فارغ القضاء نفسه قال التعبير ده. اه. هل ده كلام لا قيمة له. طب ليه حضرتك لم تخطب لك فكرة انك تقاضي - 00:09:09ضَ

الامريكان تقاضي امريكا وتلاقي هنا دعم لك في هزا الموضوع. اه الامريكان كانوا قدموا فعلا مستندات غير دقيقة. اه وهم لم يقدموا هم لم يقدموا وانا قابلت مساعد وزير الخارجية قال لي انا انا ومساعد وزير الخارجية وازعم ان انا تلقيت الاف من المكاتبات - 00:09:22ضَ

الدبلوماسية ما فيش ولا مرة في مكاتبة دبلوماسية بالشكل ده مرت علي مطلقا. ولزلك انا حضرتك بتسألني سؤال رائع انه ليه انت ما فكرتش في مقاضاة هؤلاء الاجابة انه مدة الطعن طبقا لقانون الانتخابات الرئاسية اربعة وعشرين ساعة - 00:09:41ضَ

اه. فكان قدامي اربعة وعشرين ساعة فقط. ما اقدرش انا اعمل اي اجراء الا اني اقدم الطعن الى لجنة الانتخابات الرئاسية. لانها بتستبعدني النهاردة وبيبقى قدامي لازم قبل هو الاصل انه تمانية واربعين ساعة طبعا لكن هم علقوا اعمالهم في اول اليوم اللي هو يوم الجمعة فاختصروا المدة حتى بصرف النظر - 00:10:01ضَ

دلوقتي انا عامل كده. بصرف النزرة الترشح انا متأكد ان حضرتك انت لسة قايل ان اتباعك او يعني آآ مؤيديك آآ آآ طبعا. لان بيتهيأ لي الرأي العام من حقه عليك - 00:10:21ضَ

انه يعني تجلى الحقيقة لكي يقطع الشك باليقين. انا الحقيقة عملت اللي حضرتك بتقوله ده دلوقتي. مم. رفعت دعوة ساعتها يعني بمجرد قضيتين مرفوعين فعلا لغاية دلوقتي القضية الاولى قدام القضاء المستعجل - 00:10:35ضَ

لاثبات حالة ابقى قل له يا محكمة اديني حكم بان اللجنة دي لجنة الانتخابات الرئاسية وصفت المستندات باوصاف مش موجودة فيها وصفت الورق المقدم اليها وصف مش موجود اصلا محض افتراء - 00:10:51ضَ

والقضية التانية خاصة بحالة الجنسية دي في مجلس الدولة والحقيقة ان احنا قابلنا رئيس محكمة رئيس محكمة القضاء المستعجل. الرجل في منتهى اللياقة ممتاز. قال انا مستعد اعقد جلسات استثنائية يوميا لغاية ما اوصل - 00:11:09ضَ

الا اني اديكم الحكم اللي انتم عايزينه بس قل لي لو الحكم ده صدر قبل الانتخابات الرئاسية ما لوش حجية اللي انتم عايزينه ولا حكم آآ على اوراق هو طبعا مش الحكم اللي احنا عايزينه يعني تفصيل يعني الحكم اللي انتم الحكم في القضية يعني انما مش الحكم يعني. اه - 00:11:27ضَ

في القضية. اه. فهل احنا هنطلع الحكم في القضية سريعا ازا كان الحكم له اثر على لجنة الانتخابات الرئاسية. انما دي لجنة قراراتها وبالتالي القضية شغالة وهتمشي في مسارها الطبيعي اللي جايز ياخد اربع خمس ست اشهر انما المهم. اه. ان التوقيت عدى خلاص. فانت تشعر - 00:11:47ضَ

وعلى فكرة ما فيش جديد ده انا حصل لي الكلام ده كزا مرة. اه. تتزور الانتخابات ويصدر قاضي من القضاة اه اه قرار مزور في الانتخابات اعلان فوز حد تاني غيري - 00:12:08ضَ

وبعدين انا اطعن وبعد سنة ولا حاجة يطلع الحكم لصالحي ان انا اللي كنت ناجح وان الانتخابات مزورة بس خلاص مجلس الشعب كان عدى. بس عارف لا جديد يعني. لأ انا انا مقدر جدا ان حضرتك بتقوله آآ انما الحاجة اللي ما فهمتهاش بعض التصريحات اللي صدرت عن حضرتك - 00:12:21ضَ

وقلت فيها ان امريكا خايفة من حازم صلاح ابو اسماعيل ولذلك تآمرت عليه. نعم. وبعتت الاوراق او او يعني آآ كانت سببا وراء استبعادك من السباق يعني حضرتك راسك براسك براس امريكا حضرتك فوق راسي والله العفو يا فندم هل في طب - 00:12:40ضَ

في مصر بلاش حازم صلاح ابو اسماعيل. صحيح. بيشكل نقول فزاعة لامريكا. سيدة العالم والسوبر باور واللي قاعدة بتلعب الدنيا كده والله كلام حضرتك ممتاز جدا وانا هجاوب حضرتك اجابة اقول لك مقدما - 00:13:02ضَ

انها هتعجبك وهتعجب كل واحد من اللي بيسمعونا لان هي منطقية جدا. اه حضرتك بتحكم على اجابتك؟ اه التواضع يعني يقول لك اجابة رائعة تواضع ما فيش بعد كده. شف يا سيدي. اه - 00:13:19ضَ

حازم صلاح ابو اسماعيل لا يساوي شيء بالنسبة لامريكا خلاص يعني ولا حد ولا يمثل مشكلة بالنسبة لها انما اللي يمثل مشكلة حقيقية بالنسبة لامريكا مصر اللي خمسة وتمانين مليون على حدود الاسرائيليين - 00:13:37ضَ

دي ازمة اه. لو لو طريقة ادارة الحياة في مصر الطريقة دي تمثل خطر. بالطريقة دي تمثل نص خطر بالطريقة دي تمثل امان. بالنسبة لامريكا صح ولا لا؟ اه. في خلاف على كده؟ لأ. شيء طبيعي. اما - 00:13:56ضَ

اسرائيل اولوية قصوى لدى الامريكية المتعاقبة. بالزبط. حلو. ازا كان تفجير خطوط الغاز في سيناء عمل لهم مشكلة وهي حاجة صغيرة. اه بالك لو نظام حكم هيعمل لهم مشكلة اكبر من كده. اه. فليس المقصود حازم صلاح ابو اسماعيل لانه مغتر بنفسه وشايف نفسه راسه براس امريكا - 00:14:12ضَ

لا لا لا ما فيش كده الفكرة ان امريكا احنا لو متصورين ان امريكا قاعدة ايديها في المية الباردة ولا تدرس الانتخابات المصرية وما بتحاولش ترتب والاسرائيليين نفس الكلام. اه. ترتب اوضاعها. افرض عمرو موسى كسب. طب لو عبدالمنعم ابو الفتوح كسب؟ اه. طب افرض اللي كسب هو محمد مرسي طب افرض - 00:14:32ضَ

لازم تعمل كده دي دولة عظمى مخابراتها لازم تدرس كده. اه. فانا بعتقد ان ان ما طرحته من جمع قوة الناس مع بعض ان الشعب يصبح لحمة واحدة علماني ولا ليبرالي ولا اسلامي ولا مسيحي ولا مسلم ولا ولا ولا ولا - 00:14:53ضَ

وحجم النجاح اللي حصل احنا كنا وصلنا لتوكيلات بعشرات الالاف من المسيحيين. وصلنا الى الى اعداد من الناس اللي مش ظاهر عليهم اي لا سلفية ولا اخوانية موجودين معنا في الشوارع في كل مكان وصلنا الى ان ما فيش استفتاء واحد ولا استطلاع رأي واحد الا لما بنطلع فيه - 00:15:12ضَ

الاوائل بفرق كبير وصلنا لحالة من الشعبية وقطعا شيء منطقي ان امريكا الدولة العزمى تدرس مش لان حازم صلاح ابو اسماعيل ده حاجة كبيرة ولا صغيرة. ولكن لان هي عايزة ترتب الاوضاع في مصر. بس امريكا عارفة اكتر مني ومنك يا شيخ حازم ان - 00:15:32ضَ

ان مصر ما بعد السورة تغيرت بمعنى ان النظام السياسي في مصر مش هيبقى واقف على فرعون ولا على رئيس جديد هتبقى دولة مؤسسات وفيه ديمقراطية وفيه اليات لاتخاز القرارات - 00:15:51ضَ

بعيد عن هوى الراجل اللي موجود في كرسي الحكم. نسبيا صح. لكن انا اقول لحضرتك انا مسلا واحد من الناس بقول ان مثلا عودة عمرو موسى رئيسا للجمهورية. عندي انا تساوي بالظبط ان حسني مبارك كان رئيس جمهورية. بالظبط - 00:16:05ضَ

يا سلام بالزبط حتى على البني ادم العادي اللي ماشي قدام كمين مرور في الشارع. وعمرو موسى يبقى زي مبارك بالزبط. واحمد شفيق نفسه من ناحية ايه بقى؟ من ناحية - 00:16:22ضَ

من من ناحية لها وجهين الوجه الاولاني اولا انا لا استطيع ان انا اتهم واحد في زمته المالية فما ليش دعوة بالذمة المالية. انا بتكلم سياسيا يعني. اه. اه من ناحية انه الناس هتعاني من انه نزام الحكم في مصر له نفس - 00:16:37ضَ

الترتيبات مع الخارج مع الاسرائيليين والامريكان بحيس ان اللي بيترجم داخليا في الاخر هو انه على قد على قد قدر اللي عايزينه للمصريين يعيشوه هنرجع نرجع مرة تانية مش هتبقى مش هيبقى في تقدم. انت حضرتك عارف ان البرازيل مثلا - 00:16:58ضَ

في عدد قليل من السنين ما تصدقوش وقفزت بقت واحدة من العشرة الاقتصاديات الاولى في العالم. اه. ده مش هيحصل لمصر هتبقى لازم تفضل ماشية في السياق العام. وهيفضل المواطن العادي لازم يفضل خايف. لازم. بس ممكن واحد يدعم عمرو موسى او لو - 00:17:18ضَ

موسى قاعد قدامك دلوقتي هيقول لك آآ مش يقول لك مقارعة الحجة بالحجة. طبعا. هيقول لك انا عندي برنامج رئاسي يا اخي في الملف الاقتصادي اقراه كويس. الملف الاقتصادي بيركز على تحقيق الرفاهية للمواطن المصري. اسرع ما يمكن لان هو ده السبيل لان - 00:17:37ضَ

ارقى بمصر وتقدم بالمواطن المصري واخليه يتعالج صح ويتعلم صح. يعني التركيز على الملف الاقتصادي عنده واضح جدا في برنامجه. صح بس يعني مع حسني مبارك كان كده لأ انا فاهم. يعني البرنامج الرئاسي لحسني مبارك كبرنامج كان حلو اوي. اه. لطيف جدا. بس بس له حتة ان ان الغرب والامريكان هيبقوا - 00:17:55ضَ

بيسيطروا على مقدرات مصر آآ في ظل اي حاكم جاي مش مشكلة عمرو موسى او غيره رغم ان انت ما تقدرش ما تقدرش تتنبأ لانك انت لسه ما جربتش لأ انا جربت - 00:18:17ضَ

انا جربت اه اه شخص او شخصين اولا انا عمري ما اتكلمت عنهم وانا مرشح. اه. يعني ده عشان يبقى واضح منذ ترشحت حتى استبعدت لم اتكلم عن ولا شخص من المتنافسين. والله - 00:18:31ضَ

انا دلوقتي انا واحد من جمهور الناس. اه لأ دول جربوا جربوا. اه. واحد جرب في وزارة الخارجية وشفنا احنا كنا بنبكي بدل الدموع دم. دم في اثناء ما كان وزير خارجية - 00:18:44ضَ

سواء سواء في مشكلة البوسنة والهرسك لما كانوا بيجعلوا الكلاب تعتدي جنسيا على الناس هناك ومصر كنا عايزينها تنطق واو في مشكلة فلسطين اطفال الحجارة اللي كان بيحصل لهم وفي سنة تلاتة وتسعين بعد اوسلو وما الى ذلك - 00:19:01ضَ

لأ احنا حسينا الحاجة الاهم يا استاز معتز ان انا احمد شفيق او عمرو موسى وقاعد في مجلس الوزراء اربع خمس سنين اهو. مم. المجلس الوزراء بيجتمع مرة كل اسبوع - 00:19:20ضَ

باجي كل اسبوع احضر النهاردة اشوف ان في سلب ونهب في الدولة وانا مستمر. بكرة في تعزيب وقتل وانا مستمر بعده في طوارئ وانا مستمر ست تزوير انتخابات ست انتخابات مزورة اتنين شعب وتلاتة شورى واتنين محليات يبقى سبعة. مم. في في زمن وزارته - 00:19:34ضَ

وسايب الشعب يزور واللغة يقول لا انسى الست اللي قتلت بالرصاص كل ده والوزراء مستمرين عادي ما فيش اي مشكلة ايه ده ويرجع النهاردة حد من دول يقول خلوني بقى ابقى انا رئيس على الناس دول ما الناس دول انت كنت وزير عشر سنين ولا خمس سنين ولا اربع سنين وترى - 00:19:55ضَ

والنهب والاثر وترى الاعتقالات وترى الطوارئ وترى التعزيب. وترى وترى وترى ومع زلك وتزوير الانتخابات ولا حاجة مستمر في مجلس الوزراء والبسمات الحلوة اللطيفة. ولم يخرجوا الا لما حسني مبارك. مش خرجهم. لأ اعلاهم زي ما هو محمود رياض - 00:20:16ضَ

وزير خارجية وبقى امين جامعة الدول العربية. عصمت عبدالمجيد وزير خارجية وبقى جامعة الدول العربية. عمرو موسى وزير الخارجية وبقى يعني شيء معتاد. فلما ما حدش يقول حد يرد عليك يقول لك والله ما حدش فيهم آآ مسلا آآ آآ اثبت ضده اي فساد او ما اتاخدش في آآ محكمة او ما صدرش ضده اي - 00:20:36ضَ

في حكم من القضاء المصري بان هو ما هو مش ده اللي بيعتمد عليه. اه. انا مش بقول كده. انا بتكلم على الجانب السياسي. الجانب السياسي. اصله ما ينفعش مش كل واحد لازم ياخد حكم - 00:20:56ضَ

الجنائي ممكن واحد ما ينفعش سياسيا. اه. ولزلك حتى لما بيقولوا عليهم اصل ده اللي هيروح اخر النهار الاقي سولار في محطة البنزين واروح الاقي خضار مش عارف فين اروح الاقي فين ؟ اه. لأ ده لم كلمة رجل دولة دي خدعة كبيرة دي مش صحيحة. دول عمرهم ما يعرفوا الدولة. خالص. اه. يعني عمره ما اشتغل لا في الصحة ولا في - 00:21:06ضَ

دواء ولا في التعليم ولا التموين ولا شئون اجتماعية ولا عارف مواصلات ما فيش ولا حاجة من الدولة يعرفوها خالص ولا اشتغلوا ولا تعبوا في الميزانيات يقولوا وارد قد ايه والمنصرف قد ايه؟ ده بيشتغل برة في الخارجيات. اشتغل مع الاوروبيين موقفك ايه آآ كمواطن مصري؟ اه. لو - 00:21:26ضَ

وهو فعلا جاء به الصندوق الانتخابي في انتخابات نزيهة ونظيفة يعني. لو انتخابات نزيهة ساستديره فورا الشعب واقول له اللي هيبقى ابنه بكرة يتلطش بالقلم على وشه يبقى يستاهل بقى. لانه ازا الشعب وصل انه بعد ثورة - 00:21:46ضَ

اصبح فيها في رمق احتمال نحيا كراما احتمال يبقى الانسان فيها محترم ويعيد مرة اخرى علشان يلاقي لتر سولار وغيره يبقى نستاهل نستدير للشعب تقول له انت تستاهل توعية ايه هيبقى من رئيس مصر - 00:22:07ضَ

انا لا استطيع ان انا اخرق ثوابت ما قدرش تعترف بنتيجة فيعني بتقول هنعمل سورة تانية وهننزل الشوارع وهكزا هو هيحصل كده بس مش انا اه يعني يعني لو لو حصل اه يعني انا باعتقد ان مش هيحصل استقرار حتى اللي بيقولوا عشان الاستقرار لأ ده بالعكس هيبقى الفصيل الثوري - 00:22:30ضَ

والفصيل العادي الاتنين هيفضلوا يخبطوا في بعض الاربع سنين الجايين. شخصيا دلوقتي لازم ناخد فاصل اعلاني اعزرني طبعا طبيعة البرامج. لا لا بس ما ينفعش نتفق على نسبة من الاعلانات دي للضيوف اللي بيجيبوا اعلانات؟ والله مش حاسس ان حضرتك تأمر اللي تأمرني به انا - 00:22:55ضَ

تحت امرك. الله يخليك. آآ بس آآ ناس تقول لك انت بوستراتك غرقت الدنيا ده ناس كسبوا منها كويس جدا كانوا بيطبعوا ويبيعوا لا ده ده صورة الشيخ حازم بتبقى محطوطة على التورتاية وفي الاعياد الميلادية. ما شاء الله فاكر شكوكو زمان كانوا بيعملوا له تماثيل يبيعوها في السوق فانت - 00:23:15ضَ

ربنا يكرمك يا شيخ حازم نفسي اسألك آآ سؤال ما اعرفش انت كنت هتجاوبني عليه واحنا آآ على بعد آآ نقول ايه تمانية واربعين ساعة من الانتخابات من سيرشح الشيخ حازم صلاح ابو اسماعيل. احاول اعرف الاجابة بعد الفاصل. خليكم معنا. اوعوا تروحوا في اي حتة - 00:23:35ضَ

فاضل لنا نص ساعة فقط لا غير ويبدأ الصمت الانتخابي فهل حق آآ ناخد قدر المستطاع اكثر قدر من الاجابات من ضيفي النهاردة في مصر الجديدة الاستاز حازم صلاح ابو اسماعيل اهلا بحضرتك مرة تانية. اهلا وسهلا - 00:23:55ضَ

حضرتك من شوية قلت لي انك ولا عايز عمرو موسى ولا عايز احمد شفيق وقلت لي كل الاسباب بتدفعك لهزا الرأي ازا من ترشح ومن ترى فيه المصلحة لمصر والله يا سيدي انا متحسب جدا لمسألة ممارسة الضغوط. انا عايز اقول لحضرتك - 00:24:15ضَ

طبيعة الامور الدولية حاليا ان الدول بتمارس ضغوط على بعضها فبالتالي لما بيبقى فيه انتخابات في اسرائيل نقول له يا ترى اللي كود ولا العمل ولا كديمة ونخاف من واحد اكتر من واحد. في امريكا مرشح الحزب الجمهوري - 00:24:40ضَ

الديمقراطي ونخاف من واحد احنا هنا في مصر نفس الكلام. انا الحقيقة المواصفات اللي انا واضعها انه اقل الناس خضوعا للضغوط الدولية اللي هتترجم داخليا. يعني فيه ضغوط دولية على مصر هتترجم داخليا الى ضغوط في الغذاء وضغوط في الدواء - 00:24:57ضَ

ضغوط من السلطة العسكرية حتى وضغوط من غيره فانا بحاول اوصل الى شخص اقل انا عشان كده بختار بالاستبعاد لان طبعا انا لما كنت مرشح كنت مرشح لاني مش مقتنع بان الاخرين ينتخبوا فعايز الناس تنتخبني الان ما بقتش موجودة - 00:25:18ضَ

فبدأت اقول طب ده فلان ده مش هينفع فلان مش هينفع فلان مش هينفع فليكن آآ اللي يبقى عندي هو مين واتخز قرار بناء على كده. انا مسلا واحد زي الاستاز خالد علي. خالد علي ده راجل محامي وكلامه - 00:25:35ضَ

اه يعني في انما الحقيقة فوجئت بشيء يحزني جدا ان بعد اللي قطعوا الشعب المصري من شوط هو الوحيد اللي يقول انا عايز اغير المادة اتنين من الدستور واخليها بدل ما الشريعة الاسلامية هي المصدر الرئيسي للتشريع - 00:25:52ضَ

مش يهبط بها درجة واحدة الا انها مجرد مصدر للتشريع لأ ده كمان مصدر من المصادر يعني في مصادر اخرى. يعني ايه في مصادر اخرى احنا المصدر الرئيسي معناها ان في مصادر اخرى ولكن هذا هو الرئيس اللي ما حدش يخالفه - 00:26:09ضَ

حسيت ان هو بيتكلم عن مادة الشريعة الاسلامية مكالمة المقاومة. بس قبل ما يتكلم خالد علي على مادة الشريعة الاسلامية من المفهوم ان حازم صلاح ابو اسماعيل هيختار واحد من بين اللي عندهم مشروع اسلامي. طب ما هو خلاص. والمفروض - 00:26:24ضَ

الدكتور محمد سليم اه طبعا انما انما لو خيرت ما بين محمد مرسي وابو الفتوح اه. ولا انت واحد منهم بس مش باعلن. اه. انما انا مختار بالفعل يعني انا عندي ميل واضح - 00:26:44ضَ

لانه آآ علشان نقطة التفاهمات دي عشان نقطة آآ عدم الخضوع للضغوط عشان نقطة آآ يعني انه كرامة الناس او حريات الناس الحقوق الاساسية ما يحصلش آآ يعني انا اقول لحضرتك انا مش قادر اصدق لغاية هزه اللحزة - 00:27:02ضَ

ان في مثلا ان قانون السلطة القضائية ما صدرش يعني ايه؟ اه. يعني ايه؟ بس. يعني ازاي يفضل النائب العام الذي انتقاه حسني مبارك هو اللي بيعمل القضايا والتحقيقات لحد ما تروح المحاكم يقوم قتلت الثوار بياخدوا براءات بقوا بقوا كده كل شوية فوق براءة براءة براءة براءة. مستنيين - 00:27:21ضَ

لغاية ما يخلصوا كل قطعة الثوار ياخدوا براءات علشان يظل النيابة العامة تحقيقاتها المعيبة هي التي بتؤدي الى ذلك لغاية دلوقتي وافضل انا قاعد مبسوط ازاي طب طب حضرتك آآ يعني يعني اصل الكلام يطول في هزه النقطة جدا - 00:27:45ضَ

اه واه وانا ما اتصورش انا يا شيخ حازم ما اعرفش رأيك ايه انه التشكيك بصفة مستمرة في القضاء المصري ممكن هيساعد على احنا هنبني مصر الجديدة او كده انا ما اتصورش بس قبل النقطة دي انا عايز اعرف معاييرك ايه لما بتختار مرشح. طب بس لأ اصل النقطة اللي حضرتك قلتها دي يعني مهمة جدا الحقيقة. اه اه - 00:28:03ضَ

ما هو احنا علشان ما يبقاش فيه تشكيك. انت عارف ان سيد الخلق عليه الصلاة والسلام. في يوم من الايام لما شافوه واقف مع واحدة ست في الشارع هو شاف ان دي خميرة للتشكيك وهو رسول الله. مم. وما زعلش - 00:28:25ضَ

اللي يحط نفسه في موقع الريب هيتهم في موقع الشكوك فيتهم هو غلطان. فالرسول عليه الصلاة والسلام وقفهم وقال لهم لأ تعالوا هي دي مراتي واحنا واقفين هنا بس بنعمل قدام باب بيته. اه - 00:28:40ضَ

بيزيل شك فانا الا يحب القضاء المصري اني ارفعه لدرجة زي درجة النبوات كده. طبعا هو لا يصل لدرجة النبوات لكن زي درجة النبوات اللي عايزة وكل حاجة تبقى على ميه بيضا زي ما بيقولوا ونقية وزاهرة. احنا بنقول ايه؟ مم. قانون المحكمة الدستورية اللي دلوقتي مع الاسف هو هم اللي متولين لجنة الانتخابات الرئاسية - 00:28:55ضَ

بيقول انه كان حسني مبارك ينزر في القضاة كده على مستوى مصر يعجبه ده هو ده رئيس محكمة دستورية من غير اي شيء هو ده كده. هم. وبعدين يبص تاني يقول اه وده ينفع الامين العام للجنة - 00:29:19ضَ

من غير اي قيود. مم. ابدا. مم. حتى مد التعيين الامين العام للجنة للمحكمة الدستورية تضحك الفقرة الاولى يقول لك رئيس الجمهورية بناء على ترشيح من رئيس المحكمة الدستورية يختار الامين العام. اه. جه بقى في المادة التالتة قال لأ بس افرض رئيس المحكمة الدستورية عصلج مع الريس - 00:29:37ضَ

فراح جاي في المادة التالتة والله العزيم والفقرة بتقول كده حاجة بضحك. يقول ومع زلك. مم. يجوز ان رئيس الجمهورية يختاره مباشرة. ولزلك الامين العام للجنة حاليا اه. ان شاء الله يطلع احسن واحد وكويس وما بتكلمش عنه يعني. مم. ده واحد بكده انه هاد ده - 00:29:57ضَ

من يرضى ان يكون تكون السلطة السياسية ورأس السلطة التنفيزية هو الذي يختار رئيس المحكمة الدستورية ومش بس الرئيس ولا الامين. ده كل قضاة المحكمة الدستورية يختارهم بهذه الصورة. الناس اللي بتتفرج - 00:30:14ضَ

جينا دلوقتي واكيد بيتابعونا كتير لان حبايبك كتير الله ممكن يسألك سؤال بسيط جدا يقول لك دليلك ايه على كل الكلام ده؟ وراجل قانون ممكن يكون كلام مرسل كله ان نص القانون يرجعوا لنص القانون. المادة بتقول كده. خليهم انا بتكلم على حكاية اختيار اللي يعجبه ويبص يقول ده - 00:30:29ضَ

وهاتوا ده واركنوا ده. لأ القانون بيقول ايه؟ القانون بيقول ان رئيس الجمهورية من حقه ان يختار اي مستشار مضى على تعيينه مسلا خمس سنين ولا ما اعرفش كم سنة يختاروا بسلطة مطلقة بمزاجه المطلق. ده ما حضرتك قلت ان هو بيحطهم قدامه - 00:30:49ضَ

كده واحد شكله عجبه شكله يعني شنبه ودقنه لأ شكله يعني مين ده بيعمل ايه سلوكياته ايه معايير الاختيار حتى لو كان مش حسني مبارك هو رئيس الجمهورية. لو كان حازم ابو اسماعيل هو رئيس الجمهورية. والقاضي اختيار رئيس الجمهورية والسلطة السياسية. ده مما يثير الريبة - 00:31:09ضَ

طبعا القاضي لابد ان يكون نتاجا قضائيا. طبعا. عشان اطمئن. اه. انما افرض بكرة مسك عمرو اسمه عبدالمنعم ابو الفتوح الحكم برضه ما اقبلش انه يختار رئيس الجمهورية رئيس محكمة دستورية. طبعا لانه ابسط قواعد الديموقراطية مبدأ الفصل ما بين السلطات كمان. ده ده محكمة السلطة القضائية - 00:31:31ضَ

بتاعة السلطة التنفيزية بتاعة التشريعية ما ينفعش. طب حضرتك لما بتيجي تختار بتختار بمعيار شكله ايه ؟ انا دلوقتي عندي معيار. اه انا طبعا لا شك انه عنصر الشريعة الاسلامية عنصر هو المحور لتفكير الكل ولكن - 00:31:52ضَ

الشريعة الاسلامية بعد ما استبعدت هنا من الانتخابات اصبحت مؤسسة الرئاسة لم تعد الناس او ما فيش مرشح وعد الناس بانه يبزل ضغوط فيها وانما كلام عام. وبالتالي بقت مجلس الشعب هو اللي - 00:32:13ضَ

يوديها لوحده مش اكتر من كده. فانا دلوقتي المقياس اللي عندي هو مقياس واحد. اه مين رئيس الجمهورية اللي هيحافز على حرية القرار لرئيس الجمهورية على استقلالية القرار مش هيخضع للضغوط - 00:32:27ضَ

مش هيشوف انه لازم يعمل تفاهمات مع السلطات الداخلية او المؤثرات الداخلية والخارجية يكون تمنها حقوق الناس وحريتهم الاساسية. من يصدق ان بعد سنة وتلت من قيام ثورة في هتك اعراض في الوحدات والمعتقلين لغاية دلوقتي. لغاية اللحزة دي. مين يقول كده - 00:32:46ضَ

مين يقول ان فيه تعزيب لغاية اللحزة دي ؟ مين يقول انا اصدق بعد سنة وتلت اعدهم في الشارع ما كنتش بروح بيتي ولا ارى اولادي ولا اي شيء. علشان احاول ان البلد ما الثورة ما - 00:33:09ضَ

ان بعد ده كله في تعزيب وفي هتك اعراض لغاية دلوقتي انا عايز بقى رئيس هو ده المقياس الوحيد. اه. قدرته على عدم التفاهمات مع السلطة الضاغطة ومع المؤثرات الضاغطة ما يبقاش تمنها - 00:33:22ضَ

الشباب اللي كانوا ممكن يجد في اشارة مرور والله لا انساه في روكسي. واحد بيقول لي امانة عليك ازا ربنا ولاك تخلي واحد زيي يعيش محترم. بس كل ده كل اللي عايزه منها. الكلمة دي ما تخرجش ولا الرئيس شيخ حازم اللي يلتف حواليه - 00:33:39ضَ

فئات الشعب المصري في منظومة توافقية آآ فيها روح الروح بتاعة المستقبل بقى روح نظرة لقدام ان احنا نكف عن آآ النبش في اوراق الماضي ونبتدي نقول احنا مصر احنا هنبتدي نبني البلد. لا شك ان ده هيبقى من ضمن اوراق - 00:33:58ضَ

القوة الكبيرة عند الرئيس ان الناس يبقوا معه بتوعه مقتنعين بان هو صادق. اه. ده مش هيحصل الا لو كان بيلم الناس كلها تمام آآ في هناخد بس فاصل اعلاني ونرجع نتكلم معلش يا شيخ حازم وحضرتك آآ اتكلمت على وجودك في الشارع لاكتر من سنة ونص - 00:34:18ضَ

ونتساءل على مسألة وجودك في احداس العباسية من عدمه. وكلام كتير اتقال في الموضوع ده ولغط نفسي ان حضرتك برضو تجلي لنا الحقيقة في هزا الملف. يسعدني جدا. وهنكمل في هزا الملف وملفات اخرى - 00:34:39ضَ

والحقيقة الشيخ حازم صلاح ابو اسماعيل جت له الاف الاسئلة على صفحتنا صفحة برنامج مصر الجديد على الفيسبوك مصر الجديدة على تليفزيون الحياة. خليكم معنا اوعوا تروحوا في اي حتة - 00:35:02ضَ

اهلا بيكم مرة تانية برحب بضيفي مرة اخرى في برنامج مصر الجديدة الشيخ حازم صلاح ابو اسماعيل. اهلا بحضرتك مرة تانية. اهلا بقي لنا يعني اكتر من عشر دقايق يمكن اتناشر دقيقة - 00:35:16ضَ

بسرعة كده وقبل فترة الصمت الانتخابي آآ هوجه لحضرتك بعض الاسئلة اللي جت لك على صفحة البرنامج في الفيسبوك بعض من الاف الاسئلة الحقيقة اللي اه يعني حبايبك كتير زي ما انت عارف. هل تنوي الترشح بعد اربع سنوات؟ ده سؤال من عمر قاسم - 00:35:36ضَ

آآ لا احب الترشح مرة اخرى. لا احب. فعلا! انا انا ترشحت على اساس انها حالة اضطرار وضرورة كان ست شهور للفترة الانتقالية فات منهم تلات شهور ونص وفوجئت بان الموضوع بيجهز للعودة للنزام القديم - 00:35:54ضَ

كانت في حالة اضطرار ان انا اتقدم عشان اثبت ان الشعبية الحقيقية ممكن يحوزها من ينتمي لوجدان الناس بطبيعة بيعتهم. تقدمت عشان كده لكن انا من الناس اللي ممكن يعني افضل لأ ما لم تكن هناك ضرورة مرة اخرى - 00:36:16ضَ

تمام هل ترى تقبل نائب رئيس يعني مطلقا لأ لا يمكن اعتقد ابدا ولا نائب رئيس ولا مستشار رئيس ولا مساعد رئيس ولا مطلقا بروح الفريق اؤمن ولكن بروح الفريق مع المتفق معهم. انا اي حد هينتخب كرئيس - 00:36:37ضَ

انا سلفا عارف ان انا مختلف معه اختلافات كبيرة. حتى المرشحين على الخلفية الاسلامية. نعم. برضو. نعم بلا شك. لكن انا الان زي ما قلت لحضرتك باعد حزب سياسي يذهب مثلا في ان شاء الله في الحالة السياسية المصرية - 00:37:00ضَ

وبازن الله تبارك وتعالى يكون له شأن كبير في امور كثيرة ازا وصلنا في دراستنا الحالية ان احنا هنصدره فعلا. احنا في مرحلة دراسة الدراسة دلوقتي. بازن الله. هل ترى ان جماعة الاخوان المسلمين تصلح لقيادة مصر في زل نزام الجماعة واحد اسمه كريم امبابي - 00:37:19ضَ

جماعة الاخوان المسلمين شرف كبير للتاريخ المصري ولكنها تحتاج مراجعة كبيرة جدا حتى تصلح لقيادة البلاد حاليا. اه. ما هو ممكن توضح لي ليه آآ جماعة الاخوان المسلمين نشأت من تمانين سنة والزيادة تلاتة وتمانين سنة تحديدا او دلوقتي بقوا اربعة وتمانين سنة - 00:37:39ضَ

في الاربعة وتمانين سانية جماعة رائعة منهجها رائع رجالها انقياء لكن اربعة وتمانين سنة معظمهم بتتعرض فيها الضرب واضطهاد وظلم حدثت آآ تشوهات في طريقة الاداء شيء تحصل لاي حد ده هم اكثر صمودا من غيرهم هم احسن فصيل من كل الفصايل الموجودة في مصر حاليا - 00:38:06ضَ

بس انا بقول لحضرتك يعني انه تشوهات اللي حصلت كتيرة كتيرة كتيرة لاي حد محتاج وقت عشان يرجع تاني يجيد فمثلا هم في البرلمان اولويات الاجندة التشريعية مؤسفة مؤسفة انا اقعد اشتغل في قضية الكيروسين مع انها مهمة للسولار او في قضية تسبيت العمالة مع انها مهمة بس دي القضايا المعيشية - 00:38:34ضَ

قضايا محور البلد اللي البلد تضيع او ما تضيعش فيها المحور الدستوري بتعمل انك ما ترجعش حالة الظلم مرة تانية ما فيش يناقشوا مسلا قضية زي قضية الزباط بتوع امن الدولة وهل يحصل معهم وهيكلة الداخلية وبعدين خلاص شل في الدرج وانتهى الامر ما ينفعش. هم. فهم محتاجين - 00:39:02ضَ

انما زي ما باقول لحضرتك هم افضل الفصائل على الاطلاق ما فيش حد يقرب منهم حتى. اه. ونمرة اتنين آآ هم آآ آآ شرف تاريخي شرف تاريخي دول ناس حملوا السلاح ضد الانجليز وضد اليهود آآ طالبوا بالدستور ونسبت اليهم اشياء غير صحيحة - 00:39:22ضَ

انما لازم ياخدوا وقت عشان يبقوا يعني يبقوا يعني انا حزين يراجعوا نفسهم في ايه بالزبط؟ يراجعوا نفسهم في جسارة القلب في رباطة الجأش في مواجهتهم للسياسيين في مواجهتهم للسلطة الداخلية في في التمسك بالحقوق - 00:39:44ضَ

في عدم الخضوع لضغوط المجلس الاعلى للقوات المسلحة طول السنة اللي فاتت. مم. بوضوح. مم يراجعوا في انهم يعرفوا يقولوا لأ ما ينفعش اه. ما ينفعش يطلع اعلان دستوري بالشكل الفلاني. ما ينفعش تفرض علي الشيء الفلاني. ما فيش حاجة اسمها خطوط حمراء على الوطن. فيه اشياء طبعا لأ يعني - 00:40:05ضَ

انا الحقيقة ده اللي انا خايف منه للمرحلة الجاية لو استمرت الحالة بنفس ما فيش جسارة ما فيش الوقفة لا مش هبقى سعيد طبعا. تمام هل آآ حازم صلاح ابو اسماعيل - 00:40:26ضَ

المرحلة اللي احنا عايشينها النهاردة والكل بيجري بان الاخوان المسلمين دول هم اللحم والدم بالنسبة لي. يعني عشان تبقى حضرتك عارف دول دول كياني بس انا بقول هذا الكلام ان والدك كان آآ انا بقول هذا الكلام عضو آآ طبعا احنا آآ انا انت اتربيت في ولا نزلت - 00:40:40ضَ

هم اقرب الاحباب لا زال انا لما بتكلم بتكلم عن نفسي الان عن اه. عن عن اه يعني ان انا اعمل ازاي استمسك ازاي مرة تانية وهكزا فانا بتكلم عن كما لو - 00:41:02ضَ

كنت بوجه خطاب لنفسي باوصي نفسي يعني تمام هل حضرتك آآ مش عايز اقول ندمان انما كنت تتمنى انك تبقى آآ جزء من من سباق الرئاسة والشو الاعلامي والمناظرات ودخولك الى حلبة السباق في الاوقات دي تحديدا ولا ولا شايف ان المسألة دي بعيدة عنك وانت نايم بالليل كده على المخدة ما فيش - 00:41:15ضَ

مشكلة جميل جدا اولا اشكرك جدا على السؤال ده اقسم لك بالله ان انا في حالة السعادة على المستوى الشخصي سعادة واستمتاع غير عادية بان ربنا سبحانه وتعالى نجاني. ليه يا شيخ حازم؟ انما انا اللي انا قلق عليه ان انا دخلت زي ما قلت لحضرتك لحالة الضرورة والاضطرار - 00:41:43ضَ

هو ده اللي مقلق بالنسبة للحالة اللي جاية حاسس بقلق ربنا نجاك من ايه انا كنت خايف من الليلة الاولى عندما اصير رئيسا ويبيت واحد جعان لسه او عنده مشكلة. وفي اول ليلة - 00:42:07ضَ

حجم الاوزار قد ايه هو الرئيس لازم ييجي بعصاية سحرية معه يخلي كل الناس كلامك بس ازا كان ازا كان اه اه لسة قلبه حي لسه لم يعني ممكن يبقى على كل حال المسئولية لما تتشال من على الواحد - 00:42:24ضَ

الحقيقة معلش انا كده دي طبيعتي على فكرة. اه. يعني انا دي طبيعة انا حسيت ان ان الحمد لله اللي يسمعك بتقول الكلام ده. يقول لك الله! امال انت قاتلت بشراسة ليه عشان تبقى رئيس! وتنزل - 00:42:45ضَ

الناس لا مؤاخذة في الكلمة يعني. صح صح. العباسية ودخلت شمال في المستشار وفي اللجنة وفي الامريكان وتحدية الجميع قلت انا من حقي ودلوقتي تقول لي انك انت ارتحت شف دي ده كان عشان - 00:43:05ضَ

يعني اقول التعبير اللي الناس يفهموه علشان مصلحة البلد ان انا كنت حاسس ان لازم نطلع نلحق نلحق نزبط الامور قبل ما البلد بزلت اقصى ما استطيع عشان الثورة دي ما ترتدش وتفشل زي الثورات السابقة كلها ما ارتدت الى المظالم - 00:43:24ضَ

فكنت بعمل اقصى ما استطيع علشان اللي كنت بقراه في الكتب من انه الثورات بترجع ترتد للزلم من جديد ما يحصلش وانا عايش لا يمكن عشان مصلحته بس هو في الحقيقة لوجه الله الكريم. يعني عشان برضه الكلام كان هذا لاني اخشى الاثم ان ما ينفعش - 00:43:43ضَ

انما ده على مستوى المصلحة العامة على مستوى انما على المستوى الشخصي المستوى الشخصي الانسان شعوره بالوزر عن الاخرين. آآ حاجة غير عادية. اه. حاجة انا معلش انا كده تتحمل هل تحمل المسئولية ده خلاك ينتبك شعور بالزنب نوعا ما لوقوع قتلى وشهداء - 00:44:03ضَ

ودماء شباب في في رقبة حسين في العباسية. ده زنب في رقبة حسين طنطاوي وسامي عنان. شيخ حازم لمن يتهمك بانك يعني كنت سبب في ان الناس دي راحت هناك. اجاوبه اجابة فاصلة جدا وواضحة ورائعة برضه - 00:44:28ضَ

اصف اجابتي قبل ما اقولها. اقول له ارجع الى بياناتي اليومية المنشورة على الفيسبوك النداءات اليومية التي تقول للناس يا جماعة بلاش كزا ونهدأ ونتجاوز هزه الصفحة واعتبروها انتهت وكل شيء - 00:44:50ضَ

اقول لهم ان كون انكم سمعتم كلام كتير بعكس الحقيقة ارجعوا للحقيقة ده انا لو كنت بطلع بيان يومي بس البيان اللي على الانترنت في سقافتنا يا شيخ حازم حد يقول لك الله! ده انت انت كنت تاخد عربيتك وتروح تتمشى كده في وسطيهم وتاخدهم يلا يا اخوانا نرجع على بيوتنا. ما هو - 00:45:06ضَ

الاجابة على ده يعني اجابتين حياة واضحتين. اولا انا بالفعل عملت مكالمة تليفونية ازيعت على المنصة في ميدان تحرير بالميكروفون والناس سمعوها. اه. وقلت هذا الكلام للمتواجدين في الميدان. وطبعا هم هاجوا علي يعني مش عايزين يمشوا وكده. فهم ما كانوش - 00:45:26ضَ

يعني هم ناس احباب مخلصين وكل شيء ولكن مش بمعنى ان هم ملتزمين باللي انا بقوله او شيء. هم. لكن الحاجة التانية آآ كما ربما يعني يعلم بعض الناس او كتير من الناس. اه. ان انا آآ كان آآ يعني اصبت بشيء من من يعني حالة في - 00:45:46ضَ

غضروفي طارق قعدت سبعتاشر تمنتاشر يوم راقد على ظهري ممنوع من الحركة. اه. فكان من مش ممكن انزل اخد عربيتي وانزل في الوقت ده واروح مم. زي كده. انما مع زلك بالتليفون عملت عدة مداخلات ومنهم المرة اللي بقول لحضرتك انه الناس اتكلموا معي فيها. ومع زلك الناس دول مش - 00:46:06ضَ

الناس دول وجدوا خبط في البنيان الدستوري للبلد باهدار حكم قضائي وعلى فكرة مم. رئيس لجنة الانتخابات الرئاسية وامينها العام الزاهر هم فاهمين ان المادة تمانية وعشرين اللي بتحصل القرارات دي معناها - 00:46:26ضَ

انهم ما يستجيبوش لاحكام القضاء لانهم قالوا كلام يشبه هذا الكلام من من يومين كده. اه. بيقول احنا امبارح في المؤتمر الصحفي بيقول كلام غريب جدا. بيقول اه زملائنا القضاة وبنحترمهم لكن احنا قراراتنا محصنة. ايوة قراراتك محصنة لما تصدر ما حدش يلغيها. انما علشان تصدرها لازم - 00:46:44ضَ

تبقى مش مصادمة لاحكام القضاء. ده شيء طبيعي. بس حضرتك يعني فاللي نزلوا ميدان العباسية ولا ميدان التحرير ولا كده دول ناس بيتكلموا عن خبط شديد في البنيان الدستوري للبلد. اللي هي احكام القضاء وحجيتها. مم. وفي نفس الوقت ضد مادة دستورية بتحصل - 00:47:04ضَ

قرارات آآ في زل استمرار الدستورية دي ضدها دلوقتي انما وقت ما استفتي الشعب عليها انتم كتيارات آآ دينية انتم اول من دفع بالاجابة نعم مش لا شف يعني بيفقد الدينية بعض المصداقية - 00:47:24ضَ

ها انا ذا اعلنها لجماهير مصر بكاملها ان الاستفتاء بنعم كان هو ولا يزال هو الصح. بس خلي بالك احنا استفتينا بنعم اللي هو الدستور اللي انتخابات قبل الدستور على ان تكون في ستة اشهر مش حلني احنا كنا بنقول نعم عشان تجري الانتخابات الرئاسة والبرلمان في ست شهور ويمشي المجلس - 00:47:44ضَ

بعد تمانية واربعين ساعة رايحين ننتخب دستور يا شيخ حازم. اه اسف ننتخب رئيس. انا اسف. جميل من غير رئيس. هننتخب رئيس من غير دستور. اه اي يوم يكون فيه - 00:48:12ضَ

رئيس منتخب افضل من مجلس عسكري ان رأينا منه ما رأينا وغير منتخب حتى لو كانت السلطات فيها شيء من الالتباس. صدقني. صحيح. لانه لانه السلطات المعطاة دلوقتي دلوقتي اه. للمجلس العسكري دلوقتي - 00:48:26ضَ

يا استاز معتز هل تعلم ان ميزانية الخمسة وتمانين مليون بني ادم من ميزانية اللي احنا ماشيين عليها دلوقتي موقعة من شخص واحد هو حسين طنطاوي وهو ليس منتخبا. السنة اللي فاتت دي كلها والحساب الختامي بتاع السنة اللي قبلها - 00:48:48ضَ

اللي بيقول فيه استقامة ونزاهة وشرف ولا فيه سرقة ولا الدنيا ماشية كويس موقعة منه وهو غير منتخب مجرد ان يوجد رئيس حتى لو لسه مش مجود اه اه هذا افضل مليون مرة من استمرار الحكم العسكري لا شك لكن اه - 00:49:05ضَ

انا كنت طرحت جملة مهمة تصريح مهم منك ده يا شيخ ايمن. طبعا ده احنا جينا وقت المجلس العسكري ده معه سلطات البرلمان زائد سلطات الرئيس زائد كل السلطات اذا وجود رئيس مصري ويعلن رسميا ان شاء الله في يوم واحد وعشرين يونيو ده خطوة فارقة ومفصلية يحتاجها المجتمع المصري - 00:49:24ضَ

ورحيل المجلس العسكري الى ثكناته. ده جديد لا شك ولكن بس انا اقترحت اقتراح الحقيقة كنت اراه ممتاز جدا اه. انه يصدر اعلان دستوري بيقول ان مجلس الشعب يستطيع ان هو يضع - 00:49:44ضَ

الاعلان الدستوري التكميلي الخاص لان جريمة ده ده شيء مشين ان المجلس العسكري يطلع اعلان دستوري تكميلي. ومشين ان الاحزاب تروح تحضر وتتفق على الكلام ده اه. مجلس الشعب كان يقدر يحط - 00:50:02ضَ

تجويد لسلطات الرئيس مؤقت ويطرحه الاستفتاء على كل حال آآ بدأ الصمت الانتخابي دخلنا في الجد. اه الخمس دقايق دول هيعملوا لنا مرشح وفي ناس بتقول الحمد لله انه بدأ الصمت الانتخابي - 00:50:15ضَ

آآ خلينا نرتاح زي ما بيقولوا. وايا كانت النتيجة انا آآ بشكرك جدا على قبولك الدعوة. وبتمنى لك التوفيق في اي شيء تختاره وربنا معك. الله يخليك. وتحياتي لاسرة حضرتك. انا شاكر جدا جدا. بشكرك على تشريفك. ودايما بخلص لقائي معكم. وانا شاعر بحالة من السعادة. الف الف - 00:50:34ضَ

شكر لك شكرا لك وشكرا لمتابعتكم هزا الحوار. وان شاء الله بعد آآ تمانية واربعين ساعة من دلوقتي يتوجه ملايين المصريين لاختيار رئيسهم الجديد اول رئيس مدني منتخب بعد ثورة خمسة وعشرين يناير التي اطاحت بالرئيس - 00:50:54ضَ

السابق وبالنظام. شكرا على المتابعة ونلتقي بكرة ان شاء الله الى اللقاء - 00:51:15ضَ