باحث

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهدي الله تعالى فلا مضل له ومن يضلل فلا هادي له اشهد ان لا اله الا الله وحده لا شريك له - 00:00:00ضَ

واشهد ان محمدا عبده ورسوله اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة - 00:00:28ضَ

وكل ضلالة في النار اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم - 00:00:51ضَ

العالمين انك حميد مجيد فعود حميد ان شاء الله تبارك وتعالى الى صحيح الامام ابي عبدالله محمد ابن اسماعيل البخاري رحمه الله تعالى ونشرح منه كتاب الرقاق والذي توقفنا عنه تقريبا منذ نحو ثمانية اشهر - 00:01:11ضَ

واسأل الله تبارك وتعالى الا يعني يحدث توقف عن هذا الكتاب الجليل بعد ذلك وكنت اصطلحت على تسمية شرحي لهذا الكتاب بفك الوثاق بشرح كتاب الرقاق ونظرا لطول هذه المدة - 00:01:36ضَ

فلابد لي ان الخص ما ذكرته اجمالا ليس على الاحاديث ليس ليس عن الاحاديث التي شرحتها ولكن عن الكتاب بصورة مجملة وعن طريقتي في شرحه لانني ارجو ان يدون المشاهدون معي - 00:01:58ضَ

النقاط السبعة والمحاور السبعة التي اتكلم آآ من خلالها عن كل حديث في هذا الكتاب الجليل وكتاب الرقاق كما هو واضح من اسمه اه انه يتعلق بترقيق القلب لان القلب - 00:02:19ضَ

هو ملك البدن ولان المرء يوم القيامة انما يوزن بقلبه لا يوزن ببدنه والقلب هو مجمع الارادات وقد اولاه اولته النصوص عناية بالغة ليه؟ لان هذا القلب هو الصيد الثمين - 00:02:42ضَ

لكل شيطان رجيم لا يصوب الشيطان سهما الى ابن ادم الا وهو يريد قلبه لان نجاة المرء يوم القيامة تكون بسلامة هذا القلب كما قال الله عز وجل عندما ذكر ادعية لابراهيم عليه السلام - 00:03:06ضَ

الا من اتى الله بقلب سليم ولا تخزني يوم يبعثون يوم لا ينفع مال ولا بنون الا من اتى الله بقلب سليم وآآ يعني هذا القلب ايضا مذكور في ايات كثيرة من اهمها واظهرها - 00:03:28ضَ

قول الله عز وجل ان في ذلك لذكرى لمن كان له قلب او القى السمع وهو شهيد فنلاحظ هنا ذكرى السمع مع القلب والالقاء القاء السمع ده معناه الاستسلام يعني اذا جاءتك من الله عز وجل موعظة - 00:03:49ضَ

فلا تجعل شيئا يقاومها بل الق سمعك. القي سمعك يعني اعط سمعك كله كجارحة والسمع دائما يوضع دائما يجيء في القرآن قبل البصر لاجل هذا تنازع العلماء ايهما افضل؟ السمع ام البصر - 00:04:20ضَ

فنصب العلماء لكل جارحة مزية فمن اهم آآ مميزات السمع انك تسمع به كلام الله تسمع به كلام الله عز وجل. وهذا مما يفضل به السمع على البصر. الانسان الاصم - 00:04:43ضَ

لا يستفيد بالكلام لا يستفيد لا بسماع القرآن ولا يستفيد بسماع احاديث النبي عليه الصلاة والسلام والسمع احد المنافذ الخمسة الى القلب القلب ده له منافذ خمسة بعدد الحواس. الخمسة - 00:05:07ضَ

الابصار والسمع والشم والذوق واللمس كل حاسة من هذه الحواس لها طريق الى القلب فالسمع طريق الى القلب ذلك اي ما مضى او مما يذكره الله عز وجل لنا من العبر ومن الاحكام ومن سير الماضين - 00:05:27ضَ

ان في ذلك لذكرى لمن كان له قلب او القى السمع وهو شهيد عشان كده القلب اه اه لما بيغلق او لما بيذكر في القرآن الكريم يذكر بالختم والطبع والقفل - 00:05:53ضَ

يذكر بالختم. ختم الله على قلوبهم وعلى سمعهم وكذلك يطبع الله على قلوب الكافرين افل يتدبرون القرآن ام على قلوب اقفالها فالبني ادم اللي على قلبه قفل فهو مطبوع عليه مختوم عليه - 00:06:16ضَ

ولاجل ان هذا القلب هو مجمع الارادات كلها كان هذا الكتاب وقد صنف العلماء كتبا مستقلة قبل الامام البخاري وبعد الامام البخاري فمن اشهر الذين آآ صنفوا في كتب الرقائق - 00:06:46ضَ

ويسمونها برضه بكتب الزهد الامام المبارك عبدالله بن المبارك وهو شيخ شيخ البخاري وكذلك وكيع ابن الجراح شيخ شيخ البخاري وكذلك ابو حاتم الرازي وهذا من اقران البخاري ويعد البخاري من جملة شيوخ ابي حاتم - 00:07:09ضَ

الرازي اسد بن موسى وهذا الشيخ شيخ البخاري. برضه عندنا هناد ابن السري وده من مشايخ البخاري وعندنا ابو داوود السجستاني ده من اقران البخاري. وطبعا لا انسى ان اذكر الزهد الامام احمد - 00:07:37ضَ

ابن حنبل احد مشايخ الامام البخاري وجاء بعدهم يعني كثيرون زي المسل البيهقي في كتاب الزهد الكبير كانوا يعنون في هذه الكتب بذكر كل شيء يرقق القلب اما من الاحاديث - 00:08:00ضَ

المرفوعة عن النبي عليه الصلاة والسلام او من اخبار الصحابة والتابعين وتابعيهم حتى يصل الحال الى شيوخهم يزكرون اخبار شيوخهم ايضا ويذكرون من اقوالهم. وانا الحقيقة انصح كل من يريد - 00:08:21ضَ

ان يرقق قلبه ان يشتري كتابا من هذه الكتب احنا معرض الكتاب قائم. معرض الكتاب الدولي في القاهرة اه قائم الان اه على طول اذهب الى المعرض اسأل عن الكتاب من هذه الكتب - 00:08:41ضَ

كلام السلف كلام قليل كثير الفائدة لما تقرأ فيه لا تجد اي عقد مطلقا لا مثلا يستخدمون حوشي الالفاظ ولا غريبها انما كلامهم زي الماية. كلام السلف زي المية انما جاء بعد ذلك من عقد المسائل - 00:08:57ضَ

بل وحصل نوع من الشقشقة والتشقيق في مسائل الورع حتى ان المرء احيانا يخشى على نفسه النفاق وليس بمنافق عشان كده انا بقول لك كل ما تطلع للسلف القدامى من الصحابة والتابعين وتابعيهم - 00:09:19ضَ

كل ما تجد الكلام مفهوما ليس معقدا يعني مسلا اه ازن اه احد المشايخ الفضلاء يعني كان فاضلا وكان رجلا زاهدا له كلمة قال حمدت الله مرة فانا استغفر الله من هذا الحمد منذ ثلاثين سنة - 00:09:40ضَ

طب دي مشكلة انا قلت الحمد لله. استغفر الله انني حمدت الله يظل ثلاثين سنة يقول استغفر الله من الحمد استغفر الله من الحمد عالم الفاضل احيانا قد يكون قد يقول كلاما - 00:10:07ضَ

غير مفهوم او كلام تحتاج الى مذكرة تفسيرية لتوضح هذا الكلام اه طب ايه بقى القصة بتاعته حتى يستغفر الله من هذا الحمد ثلاثين سنة قال كان لي حانوت في السوق. حانوت اللي هو دكان - 00:10:25ضَ

هب حريق في السوق اكل المحلات كلها الا المحل الخاص به ويمكن محل كمان ولا حاجة اول ما قالوا له السوق اتحرق ما عدا المحل بتاعك قال الحمد لله وبعدين راجع لنا بسؤال طب انا بقول الحمد لله ليه - 00:10:45ضَ

يعني يعني انا كده مبسوط في المحلات اللي اتحرقت ولا ايه ولا انا مش متألم لجاري الذي احترق محله؟ فحس كده بغضاضة وكأنما شعر ان الله انجاه واهلك الاخرين الحمد لله اللي طلعت منه دي كانه يعني مش مراعي مشاعر الذين خسروا واحترقت محالهم في هذا الحريق - 00:11:03ضَ

فيوم لما قال الحمد لله قام بيستغفر الله بقى انه حمد الله الكلام ده كلام غير صحيح حتى وان صدر من فاضل ليه؟ لان احنا عندنا آآ عندنا احاديث ان نبي الله عليه الصلاة والسلام شرع لنا ان نحمد الله عز وجل اذا رأينا مبتلى - 00:11:26ضَ

ما هو ده ما هو ده ده مدعاة لذلك اذا اصيب الناس بمصيبة وانت نجوت منها فضريبة هذه النجاة ان تحمد الله عز وجل. والحمد ابلغ من الشكر يعني لما تقول - 00:11:48ضَ

الشكر لله غير الحمد ليه؟ لان الحمد شكر وثناء بخلاف الشكر الشكر لا يشتمل على الثناء انما الحمد يشتمل على الثناء والشكر معا والله عز وجل اهل للحمد وعلمنا كيف نحمده - 00:12:06ضَ

فقال الحمد لله رب العالمين. في الفاتحة انت وانت بتقرأ في كتب العلماء وربما تجد في كتب الزهد المتأخرة زي البيهقي وغيره تجد بعض هذه العبارات هذه العبارات تحتاج الى تنقية. لابد ان يكون المرء عالما بالسنة - 00:12:30ضَ

كلام النبي عليه الصلاة والسلام لانه مفصل ومبين لكلام الله تبارك وتعالى الكتب دي لها ابلغ الاثر عليك. وجرب لا اقول لك اذهب الى الكتب المطولة اللي تحتاج الى تدبر وقراءة. لأ كلام السلف زي الشفرة كده. عبارة عن جملة جملتين تلاتة اربعة - 00:12:52ضَ

تقرأ مسلا بلال ابن سعد يقول لك آآ لا تنظر الى صغر الذنب ولكن انظر الى من عصيت ده كلام يهزك على طول اول ما تسمعه مش هندخل بقى في قصة هل في صغيرة ولا كبيرة ولا بلال ابن سعد يقصد ان ما فيش صغائر القصة مش كده خالص - 00:13:17ضَ

ولن ندخل في هذا البحث انا بقول لك خد كلام السلف على طول آآ كتب الزهد دي كلها القصد منها اقامة هذا القلب وتنقيته حتى يظل فارغا لذكر الله تبارك وتعالى - 00:13:35ضَ

كل ما تصيبك ملمة تصيبك مصيبة الكلام ده اجري على هذه الكتب انا معلش اكررها تاني اي كتاب من هذه الكتب هتصيبها هتبقى ممتازة. وانا هرتبها لك على حسب قوتها وجلالتها - 00:13:54ضَ

عشان تنفعك يعني. هتاخد كابس زهد لعبدالله بن مبارك الزهد لاحمد دول اوسع كتابين الكتب كلها الوكيع معقول بس اخر وكيع شوية. هات كتاب الزهد الهناد عن نادر بن السري الشيخ البخاري - 00:14:12ضَ

دول اوسع تلات كتب آآ وفي الغالب هتلاقي زهد وكيع في زود يا هماد. ليه ؟ لان هناد تلميز وكيع كثيرا ما يقول حدثنا وكيع. فتلاقيه واخد كتاب وكيع مش كبير قوي. لكن التحقيق بتاع الكتاب هو اللي طول الكتاب وخلاه تلات مجلدات - 00:14:32ضَ

لكن المادة بتاعة وكيع نفسها صغيرة بسيطة يعني وكتاب الزهد لابي اه داود السجستاني رائع ايضا يعني في كلام جميل آآ بعد كده الزهد الكبير للبيهقي اما كتب الزهد الاخرى التي سميتها لك فدي عبارة عن ايه اجزاء يعني صغيرة انا شرفت بتحقيق واحد من هذه الكتب وهو زهد اسد بن موسى - 00:14:53ضَ

اسد السنة كان يلقب باسد السنة وهم مشايخ الامام احمد آآ كل هذا الدين كتب مستقلة الائمة الذين صنفوا في الزهد آآ مش ككتب مستقلة انما كتاب من جملة آآ كتاب - 00:15:17ضَ

يعني مسلا زي صحيح البخاري عندنا البخاري صحيح البخاري كتب الوحي كتاب الايمان كتاب العلم كتاب الطهارة كتاب الصلاة كتاب الزكاة الزكاة الجنائز الحج الى اخره. من ضمن هذه الكتب كتاب الرقق - 00:15:40ضَ

او الرقائق. بعضهم يسميه الرقائق وهتلاقي مثلا في سنن النسائي الكبرى كتاب اسمه كتاب الرقاق هتلاقي في سنن الدارمي برضو ايه كتاب اسمه كتاب الرقاق. هتلاقي في سنن الترمذي وفي سنن ابن ماجة - 00:15:56ضَ

الاتنين دول هتلاقي كتاب من هذه الكتب اسمه كتاب الزهد فالزهد والرقائق الاتنين بمعنى واحد يعني القصد منه كما قلت لكم ايه؟ ترقيق القلب آآ المادة التي آآ يقوى بها القلب - 00:16:17ضَ

اشياء كثيرة بخلاف المادة التي يقوى تقوى بها الجوارح الجوارح تاكل تاكل كويس وتشرب كويس تربرب تتخن عضلات القلب مش كده القلب كل ما يوضع في المشاكل والمحن يقوى عشان كده القلب اللي محطوط في العواصف - 00:16:38ضَ

من اقوى القلوب طبعا لان مادة حياته الايمان اصلها لكن البلاء ده من اهم الاسباب لقوة القلب عشان كده اهل الطرف كلهم قلوبهم ضعيفة تعبانين ما استحملش اي بلاء واحد يبتلى ببلاء يسير على استعداد يترك آآ الاحكام الشرعية ويترك الواجبات فضلا عن المستحبات والكلام ده حتى لا يقع في هذا - 00:17:02ضَ

البلاء. وليته نجا ليته نجا لا يمكن لانسان ان يخرج من الدنيا سالما زي الحديس اللي احنا ان شاء الله اول ما نقف عليه اللي هو حديث بقى البلاء والامل والاعراض والكلام اللي هنبتدي بها ان شاء الله في صحيح - 00:17:29ضَ

كل انسان لابد ان يبتلى ببلاء ما بشكل ما فانت ان ابتلي لان تبتلى في الله اشرف لك ليه لان هذا الطريق القويم مستقيم الذي نصبه الله عز وجل لعباده - 00:17:49ضَ

وجعل الانبياء ادلاء عليه وامرنا ان نسأل الله عز وجل ان عليه فنقول اهدنا الصراط المستقيم هذا الطريق اللاحب الطويل اذا نظرت خلفك يشرفك ان تكون من ابناء هذا الطريق. من الذي سبقك - 00:18:12ضَ

فيه الانبياء انبياء الله عز وجل صلوات الله وسلامه عليهم اتباعهم من اهل الايمان هذا يشرفك ان تكون واحدا ممن يبتلى في الله ان هذا البلاء يحط خطيئة ويرفع درجة - 00:18:38ضَ

بخلاف بلاء اهل الدنيا يمكن ان يعذب به وما يأتي اشد الان تبتلى في الله عز وجل هذا هذا من شرف الغاية التي يعني آآ يصبر المرء اذا ابتلي في الله عز وجل يصبر اذا نظر الى - 00:18:56ضَ

مرضاة ربه والى الثواب الذي يحصله من وراء ذلك اه لن اتكلم عن صحيح البخاري كاصح الكتاب احنا اشبهنا يعني وهذا الموضوع كلاما ولكن انا انبه على شيء حدث اول امس - 00:19:14ضَ

طبعا على قناة الناس طلع واحد من اياهم. الجماعة اللي هم ايه؟ آآ آآ من يعني آآ اخواني هذا الاحمق الذي بال في ماء زمزم قديما تخيل بقى ماء زمزم قبل ما تبقى حنفيات والكلام ده كت بير كانت بئرا آآ - 00:19:33ضَ

جه واحد احمق في زمان الحج وانت عارف زمان الحج بقى كل الناس بقى عايزة تطلع مية من البير والكلام ده فكشف عن عورته وبال في ماء زمزم طبعا آآ عينك ما تشوف الا النور بقى كسروه - 00:19:53ضَ

بس واحد سأله يعني لما فعلت هذه الفعلة الشنعاء؟ قال اردت ان اذكر ولو باللعنات واحد عايز يذكر ان شاء الله حتى يتشتم هنا سلف لكثير من هؤلاء الذين يتصدون - 00:20:07ضَ

لهذه الجبال الرواسي زي البخاري وغيره وابن اللبون اذا ما لز في قرن لم يستطع سورة البزن القناعيسي. كما قال جرير بن عطية البازل الكامل وكان البخاري يقال له البازل - 00:20:21ضَ

ليه؟ لانه كان كاملا في العلم. ادوات العلم كانت معه على وجهها ابن اللابون اللي لسة بيرضع البهيمة اللي لسة بترضع دي ابن اللابون اذا ما لذ في قرن لم يستطع صولة البذل القناعي - 00:20:39ضَ

يعني لما يكون عربية كارو بيشدها حصان وجحش صغير طب الجحش الصغير اللي قد كده والحصان ده قد كده خطوة الحصان تخلي الجحش يجري وماله الحصان ماشي على مهله خالص لان خطوته واسعة. انما الجحش الصغير ده لان رجليه صغيرة برضه كده فعمال يجري على اخره علشان ايه؟ عشان يفضل ماشي في نفس مستوى - 00:20:59ضَ

ابن اللابون لما يتحط مع البازل بعربية واحدة علشان الاتنين يجروا ما يعرفش يجري في ايه ما يعرفش يجري في نفس المستوى بتاعه فكانوا كان كان يلقبون الامام البخاري بالباز. واحد جه على القناة الحقيقة الاخ اللي استضاف هذا - 00:21:24ضَ

الرجل ما كانش يعرف هو مين وانا لما يعني آآ ظهر هذا المخلوق على القناة واتكلم في البخاري واحاديث البخاري وقعد بقى يخبط والكلام ده انا وصلتني رسائل يستصرخونني ازاي انا البخاري ومش البخاري فانا لم اتصور القصة فاتصلت باخونا باخينا آآ سعيد توفيق ربنا يبارك فيه فقال لي انا رديت فورا - 00:21:45ضَ

وحتى ضيف هو المقدم البرنامج قابلني انا قال لي انا برضو رديت والكلام ده فاحنا عايزين نقول امثال هؤلاء يظنون انه على علم لكن بيضرب دماغه في الصخر معروف ان بابه اللي هتتفتح - 00:22:12ضَ

انا باقول باقول لكل الجماعة اللي هم عمالين يحوموا حوالين البخاري او مسلم او السنة عموما. بس البخاري ومسلم عنوان عنوان ليه؟ لان العلماء تواضعوا على ان اصح كتاب او اصح كتابين بعد كتاب الله عز وجل هو البخاري ومسلم. هم بقى يقول لك البخاري ومسلم - 00:22:30ضَ

ازكاء العلماء انتقدوا طب ده العلماء هم الذين دلوك على هذا الانتقاد لولا ان العلماء دلوك ما استطعت ان تعرف يمينك من شمالك وما قال مخلوق قط في هذه الامة - 00:22:49ضَ

لا من السابقين ولا من اهل التخصص ممن جاء بعدهم ان كل حرف في صحيح البخاري كالقرآن. مين اللي قال كده ده البخاري قال كده ولا الذين عاصروا البخاري قالوا هذا. ولا الذين جاءوا بعد البخاري قالوا هذا. اذا هذه دعوة ادعاها انسان ويرد زي دونك شوت كده - 00:23:05ضَ

عمال يقاتل طواحين الهواء خليه يجي يقول لك البخاري كيف يكون اصح كتاب؟ وفي الحديث الفلاني والحديس العلاني وقد تكلم الدارقطني ابو علي الغساني وابن عمار الشهيد في فيما يتعلق بمسلم الكلام - 00:23:28ضَ

يا ابني احنا اللي عارفين الكلام ده. واحنا اللي دليناك على هذا الكلام ما جبتش حاجة من كيسك ولا هو من ذكائك لكن عندما نقول اصح كتاب بعد كتاب الله لا يمنع ان يكون هناك احاديث العلماء لهم فيها اخذ ورد - 00:23:41ضَ

ومش معناها انها ضعيفة برضو لكن ده اجتهاد هو النبي عليه الصلاة والسلام مش نهى عن لبس الاحمر اه نهى عن اللبس الاحمر للرجال يقول جابر بن سمرة رأيت على النبي صلى الله عليه وسلم حلة حمراء - 00:23:56ضَ

ما رأيت احدا قط اجمل منه فيها طب ازاي يبقى النبي صلى الله عليه وسلم ينهى عن حلة حمراء وجبري ابن سمرة يقول لا يلبس حلة حمراء. ايوة الغالب عليها الحمار - 00:24:17ضَ

الاحمرار يعني. يعني الغترة مسلا اللي بيلبسوها اخوانا في الخليج والكلام ده. الغترة الحمرا اللي هي منقطة. لما بتدخل تشتري غترة. بتقول له اديني غترة بيضة على حمرا ولا بتقول له اديني غترة بيضا ولا بتقول له اديني غترة حمرا - 00:24:32ضَ

غترة حمرا. مع ان هي نقطة حمرا ونقطة بيضا. يعني عدد النقاط البيض زي عدد النقاط الحمر لكن الاحمر لان هو اللي ظاهر وهو الغالب قيل حمراء الغترة برضه اللي منقطة باسود - 00:24:49ضَ

يقول له اديني الغترة السوداء دي معي نقطة بيضا ونقطة سودا لما يكون اللون هو الغالب يوم ينسب اليه انا لما اجي اقول صحيح البخاري اصح كتاب بعد كتاب الله - 00:25:09ضَ

فيه للعلماء اخذ ورد في احاديث بس ما ينفعش الجهلة يتكلموا وانا النهاردة لما اجي اتكلم في قناة فضائية يسمعني فيها الملايين على اختلاف طبقاتهم. ما اعرفش اناقش القضية دي على قناة فضائية - 00:25:28ضَ

ليه؟ ليه؟ لان تعليل العلماء غامض وكثير من الناس لا يفهم كثير من الناس لا يفهم بل يفهم بالعكس كمان وانا يمكن قلت لكم قبل كده كمسال يعني وانا بتكلم في الاطار ده - 00:25:43ضَ

ان اللي هي النتايج بتاعة السنوات اللي بتتحط نتيجة محطوطة في مسجد وواحد عامل ايد كده ايه راسم ايد على النتيجة يعني وكتب امة محمد لن تركع فجاي بيقول لي آآ ازاي تحطه في المسجد - 00:25:59ضَ

اللافتة تصد عن الصلاة ازاي يا ابني قال لي تعال خدني من ايدي وازا بهذا الايزاء امة محمد لن تركع. لن تركع يعني ايه هو فهمها لن تصلي ده صد عن سبيل الله. يا ابني طب القبضة اللي محطوطة دي لن تركع يعني ايه؟ يعني دي لن تزل - 00:26:18ضَ

لن تزل ده المقصود الكلام. فلما يكون فيه بني ادم في الدنيا يفهم القصة كده. انا اجي اناقش القضايا اللي العلماء يناقشونها في الغرف المغلقة حماية لقلوب هؤلاء الدهماء الذين لا يفهمون شيئا وابن مسعود يقول كان في مقدمة مسلم ما انت بمحدث قوما حديثا لا - 00:26:37ضَ

تبلغه عقولهم الا كان للعظيم فتنة وروى البخاري في صحيحه في كتاب العلم عن علي ابن ابي طالب رضي الله عنه قال حدثوا الناس بما يعرفون اتحبون ان يكذب الله ورسوله؟ لكل مقام مقال ولكل علم رجال - 00:27:00ضَ

انا لما اجي اتكلم مع واحد من زي دول اخده في غرفة مغلقة واتكلم واجيبه لمس كتاف لا يستطيع ان يقيم حجة. ليه؟ احنا عارفين مداخل الاحاديس وعارفين مخارجها كذلك - 00:27:19ضَ

الاحاديث اللي الامام البخاري اوردها واعترض عليه غيره. طب ما البخاري مجتهد مطلق فالذي اعترض عليه مبتهج مطلق فيه عندنا قاعدة بتقول قول المجتهد ليس بحجة على مجتهد اخر طب ما عندنا الائمة الاربعة مسلا في الفقه - 00:27:33ضَ

ابو حنيفة ومالك والشافعي واحمد طب ما هم متخالفين في احكام فقهية واحد يقول بالوجوب والتاني يقول باستحباب بل احيانا قد يقول امام بالمشروعية ويقول امام بالكراهة ودليلهم احيانا قد يكون واحدا - 00:27:49ضَ

ايه اللي خلاهم يختلفوا في هذا الفهم الادوات اللي بيستخدموها الادوات اللي بيستخدموها في الفهم عشان كده بنقول اي انسان يدخل البحر المحيط بدون طوق نجاة. ولا يحسن السباحة لابد ان يغرق - 00:28:08ضَ

لازم تيجي موجة كده تاخده وتريح الناس منه لكن كل حاجة لها ادوات. اشمعنى الطب له ادوات؟ والهندسة لها ادوات. والميكانيكا لها ادوات. كل حاجة في الدنيا لها ادوات الا الدين الحيطة بتاعته واطية قد كده - 00:28:24ضَ

اي بني ادم عايز يتكلم في الدين يتكلم في الدين ده دي دي فوضى ادي فوضى ونحن نعوذ بالله من كثرة المجددينات الذين ظهروا في هذه الامة في غياب هيئة كبار العلماء - 00:28:40ضَ

فيه هيئة لكبار العلماء لها صلاحيات واسعة ما جرؤ الجهلة ان يتكلموا وكله داخل تحت حرية الفكر ما الفكر ده مقلوب الكفر ما انت الكلمة فكر لما تقلبها تبقى كفر - 00:28:58ضَ

فصار الكفر فكرا الان وكل ما تيجي توقف واحد يقول لك ده حجر على الافكار زي على قناة فضائية امبارح جايبين واحد مخرف برضه من اللي ما عرفش كيف خرجوا من مستشفى العباسية - 00:29:14ضَ

وينبغي ان يحجر عليه. اللي يقول لك التدخين في رمضان لا يفطر والقبلة. لما تبوس لك البنت قبلتين كده عشان تفرق شهوتك لا بأس فدافع عن نفسه امبارح انا سمعته - 00:29:27ضَ

على الهاتف. انت عارف بيقول ايه بقول ما هو ابن عباس وجماعته من الصحابة قالوا ان القبلة من اللمم يعني ايه من اللمم؟ يعني ازا كنت انت خلاص يعني خلاص خد لك بوسة - 00:29:41ضَ

خلاص من اللمم. وبعدين قل استغفر الله العظيم فيوم يبيح المسألة دي يقول لك الشباب لا عارف يتجوز ولا عارف مش عارف ايه ولا عارف يعمل ايه ولا هيلاقي فلوس ولا الكلام ده يعمل ايه بقى - 00:29:55ضَ

يقبل ولا يزني؟ لا يا ابني رح قبل يقوم يرخص له في ذلك كيف نرخص له في الشر هذا ليس من صلاحية المفتي ان يحل ما حرم الله سبحانه وتعالى - 00:30:07ضَ

كل ما ييجي يقول لك كزا يقول لك لا انا ارفض لانه من حجر على الفكر دول بقى اللي طلعوا لنا بقى من الجحور في غياب هيئة كبار العلماء كل يوم يخترع قولا كل يوم يهدمون اصلا من الاصول والكلام ده بدعوى حرية الفكر. المجددينات دول - 00:30:22ضَ

اللي انا افضل ان اسميهم المجددينات برضو آآ تبعا الذي اطلق هذا المصطلح وهو الاستاز كامل كيلاني رحمه الله اللي هو كان متخصص في كتابة ادب الاطفال ونقل عنه هذه العبارة شيخ مصر الاشهر - 00:30:41ضَ

السيد الفاضل الشيخ احمد شاكر ابو الاشبال رحمة الله عليه ويعني آآ اخر اعيان المحدثين في الديار المصرية التي لن تخلو ان شاء الله من خير ممن يخلفونه في هذا العلم الجليل - 00:31:00ضَ

آآ كامل كيلاني لما لقى الدنيا زايطة كده وكل واحد بيتكلم على مزاجه واطلق على هؤلاء اسم المجددينات فقال له سامعه ما المجددينات؟ لا هو جمع مذكر سالم ولا جمع مؤنث سالب - 00:31:17ضَ

يا اما تقول مجددون يا مجددات لكن مجددينات ايه ايه فقال له هذا جمع مخنث سالم جمع مخنث سالم فاقسم له سامعه ان اللغة العربية في امس الحاجة الى هذا الجمع خصوصا في هذه الايام - 00:31:40ضَ

فاللي يطلع عشان يتكلم عشان كده انا بقول هناك شيء قبيح ظهر في هذه الامة بعد ظهور الفضائيات. النهاردة الفضائيات كان زمان الليزر التليفزيون ده يبقى يعني عايز واسطة وبتاع ويقول لك زهر في التليفزيون - 00:32:09ضَ

لا ده النهاردة التليفزيون قال على استعداد اجيب لك اي تلاتة اربعة من الشارع واعمل لك برنامج في اي قناة فضائية وكثير من القنوات الفضائية تعاني من الفقر المدقع وتعاني من الفراغ لعدم وجود الكفاءات - 00:32:23ضَ

اصبحوا النهاردة بيجيبوا لنا شباب لا بيعرف ده لو شاب عندي انا وانا اديته امتحان هدي له صفر بيطلع النهاردة يتكلم في قناة فضائية وياخد له برنامج وبتاع والكلام ده وعادي جدا - 00:32:39ضَ

ومن الممكن انا بقول لك في قناة قنوات فضائية تعاني من الافلاس حتى ان في بعض القنوات طلعت لنا منتقبات كمان والمنتقبة دي ان شاء الله هتطلع تقول ايه ما الذي قصر فيه الرجال عشان واحدة منتقبة تطلع تشوح لي بايديها على الشاشة - 00:32:54ضَ

هتعلم المنتقبة دي هتعلم ان الرجالة هتعلم الملايين ايه وانا لما قلت النساء الجاهلات والكلام ده بعض النساء زعلوا مني وقالوا ازاي تقول نساء جاهلات؟ والله العظيم جاهلات وانا مش عايز آآ يعني - 00:33:13ضَ

وبعض النساء كلموني فعلا وزعلانين وبعضهم بعت لي رسائل. وانا طولت نفسي معهم عشان ابين انهم جاهلات. واعترفن انهن جاهلات. في نهاية المكالمة هو العلم ده حاجة بسيطة ولا ايه - 00:33:29ضَ

علم الشرع اصعب العلوم تحصيلا. حاجة مش بسيطة لما نتكلم في اصول الحديث ونتكلم في اصول الفقه انت تستحي ان تتكلم لا سيما اذا تكلمت عن الله ورسوله حاجة مش بسيطة - 00:33:45ضَ

فلا تكتب بكفك غير شيء يسرك في القيامة ان تراه مش اي بني ادم لا راجل ولا ست يروح يفك الخط ويعرف يقرا لي تلت كلمات يسوغ له ان يتكلم - 00:34:03ضَ

لولا اننا في زمان الهوان والانبطاح ما كانش لا انا ولا غيري اتكلمنا لاننا لم نصل بعد الى الاهلية التي تؤهلنا ان نتكلم في دين الله كما ينبغي شوف الامام احمد زمان - 00:34:15ضَ

الامام احمد بن حنبل ده كان كان يحفظ الف الف الف الف حديث. مش حديس مرفوع لان الاحاديث المرفوعة الى النبي عليه الصلاة والسلام لا تكاد تصل الى عشرين الفا - 00:34:32ضَ

احاديث صحيحة الثابتة لا تكاد تصل الى عشرين الفا. طب الف الف يعني مليون يعني طب الف الف حديس يعني قال لك كله كلام روي باسناد اسمه حديس سواء كان مرفوعا - 00:34:49ضَ

او موقوفا على الصحابة. او مقطوعا على التابعين او على اتباع التابعين او على اي انسان كل كلام يقال فيه حدثنا فلان اسمه حديث اشوف بقى فتاوى الصحابة والتابعين وتابعيهم وكلام الصحابة والتابعين ده كلام ما لوش اخر - 00:35:05ضَ

امة بكاملها تتكلم الف الف دي حاجة بسيطة يعني فكان احمد رحمة الله عليه يحفظ الف الف يعني لا يدخل له اسناد في اسناد. ولا متن في مت ولا يلخبط ولا يهرش. يقول يا ترى اسناده استنى استنى استنى اما افتكر الاسناد. ولا استنى اما افتكر مات ما كانش - 00:35:24ضَ

الكلام قيل لاحمد رجل يحفظ المائة الف يجوز له ان يفتي قال لا قال معه مائة الف يجوز له ان يفتي قال لا قال معه ثلاثمائة يجوز له ان يفتي قال ارجو - 00:35:43ضَ

يعني معه تلتميت الف اسناد ما بين حديس مرفوع ما بين حديث موقوف فتاوى للصحابة التابعين تابعين معه تلتميت الف احمد يقول يعني همشيه زي بعض يفتي معه تلتميت الف - 00:36:12ضَ

لولا اننا في زمان نتفاضل فيه بالجهل. كان اسلافنا قديما يتفاضلون بالعلم. فيقال فلان اعلم من فلان ثم استدار الزمان كهيئته يوم خلق الله السماوات والارض وراحت معالم العلم كل ما ننزل نقرب من مشارف الساعة كل ما يقل العلم - 00:36:29ضَ

واصبحنا نتفاضل بالجهل فيقال فلان اخف جهلا من فلان هذا لولا الحاجة الحاجة دعت والذي عدم الماء يتيمم بالتراب. احنا التراب نحن التراب نحن البدل الحاجة ان نخرج لما رأينا ان السنة لا لا منارة لها ولا اعلم لها. خرج هذا الجيل - 00:36:56ضَ

وخرج الجيل الذي قبله. انا لا اقصد طبعا هذا الجيل آآ يعني اثني عليه بالفضل واترك الاجيال السابقة. لأ. خرج العلماء من كل جيل وقبيل علشان يرفعوا منار السنة. لكن احنا ازا حطينا المسألة على المحك ممكن اقول لك انت لا يجوز لك ان تتكلم - 00:37:25ضَ

انا عايز افهم يعني المرأة اللي بتطلع على قناة فضائية وتقول آآ سيبوني انا اعلم النساء. هو انتم بتعلموا النساء ولا بتعلموا الرجال والنساء ولا انتم بتشترطوا اللي يقعد قدامكم من الرجال يديكم قفاه - 00:37:43ضَ

ولا فيه قنوات خاصة المرأة ما ينفعش آآ بتطلع فيها الرجالة ما يشوفوهاش بيقول لك كامنا عائشة كانت بتعلم الرجال. هي عائشة طلعت على منبر النبي عليه الصلاة والسلام. ثم وعظت - 00:37:57ضَ

اه لو طلعت عائشة على المنبر تخاطب الرجال والنساء كان ممكن يبقى فيه وجه يعني ممكن مع ان طبعا انا آآ يعني ممكن آآ اتكلم في الدليل وآآ اقف لدلالة الدليل والكلام ده. بس على الاقل كان ممكن - 00:38:10ضَ

طب ما ايه الفرق؟ طب ما نيجي نجيب المنتقبة دي ونقعدها في مسجد الرجال. تقعد على المنبر ما هي منتقبة وفكرة اهل الصالون ما فيش حد شايفها خلاص تعمل اللي هي عايزاه. تيجي تقعد في مسجد الرجال على المنبر وتقعد تكلم الرجال والنساء. كمان. يبقوا النساء ورا والرجال قدام واتكلموا - 00:38:25ضَ

جهل طافح جهل طافح والانكى والامر تقول لك احنا عايزين آآ هنتكلم في التجويد تجويد ايه يا منتقبة؟ هو التجويد ده مش لازم يتعرف بظهور الفم ولا هتجودي ازاي مش فاهم؟ - 00:38:42ضَ

مش لازم لما تيجي تجودي اللي بيتعلموا منك ينظروا الى الشفتين وينظروا الى اللسان وينظروا الى سقف الحنك. عشان تقول لي الحاء بتيجي منين؟ والخاء بتيجي منين والقاب بتيجي منين؟ حروف الاستعلاء والحروف الرخوة والكلام ده. ده هتبقي انت كده سد لي وشك وعمالة تعلمي تجويد - 00:39:00ضَ

ايه الفضايح اللي حاصلة دي ما هي دي قنوات مفلسة كلها. عايزة تشد الناس علشان يتفرجوا. اللي ماشيين يتفرج ما هي فضيحة لما تشوف واحدة منتقبة على شاشة عمالة تعمل كده. وعمالة تشوح كده وعمالة تعمل كده. والله ده بقت نسخة - 00:39:20ضَ

عادي يقول لك الحق شفت العفريت اللي على الشاشة الحق شفت البعبع اللي على الشاشة وانا عارف ان في ناس تكلموا وقالوا هذا الكلام. البعبع والعفريت والكلام خلصتوا يعني النساء في المساجد - 00:39:36ضَ

وقعدتوا وخلصتوا اللي عندكم عشان تطلعوا القناة الفضائية تتكلموا ما هو ده نوع من الزخم اهو فازا كان بقى يعني بيطلع النساء المنتقبات ولا غير المنتقبات على قنوات فضائية عشان يتكلموا خلاص الشباب والرجال ويطلعوا فمن السهل جدا جدا انك انت يبقى لك برنامج يومي - 00:39:51ضَ

في القناة الفضائية وتقول اللي انت عايزه فدي فوضى ولا عمر لها كزلك بعض دور النشر بمناسبة معرض الكتاب اللي جاي يكتب عبارة قبيحة جدا لا تعفيه من المسؤولية امام الله. سبحانه وتعالى - 00:40:10ضَ

على تاني صفحة من بعد عنوان الكتاب مش عارف بيكتب يقول ايه بيقول الاراء التي تنشر في هذه الكتب على مسئولية اصحابها وليست مسؤولية الدار يا حلاوة اجيب واحد بو سليمة الكزاب يألف لي كتاب. ينكر فيه النبوة. ويشتم رب العالمين. ويشتم الصحابة والتابعين. وبعدين اقول دي مسئوليته. الدار مش مسئولة - 00:40:25ضَ

ازاي الدور مش مسئول؟ ده انت اللي نشرت الكتاب يبقى مش مسئول ازاي والنبي صلى الله عليه وسلم يقول الدال على الخير كفاعله وكذلك الدال على الخير كفاعله وعندنا من سن في الاسلام سنة سيئة. فعليه وزرها وهجر من عمل الله بها الى يوم القيامة. وعندنا فوق كل ذلك كتاب الله سبحانه وتعالى. قال الله عز وجل - 00:40:55ضَ

وقد نزل عليكم في الكتاب ان اذا سمعتم ايات الله يكفر بها ويستهزأ بها فلا تقعدوا معهم حتى يخوضوا في حديث غيره انكم اذا مثلهم ان الله جامع المنافقين والكافرين في جهنم جميعا - 00:41:18ضَ

فجعل الذي يجلس ويستمع الكفر دون ان يدفعه مثل الذي تكلم بالكفر انكم اذا مثلهم فلما تجي لي دار من الدور متصورة يعني انها ستنجو من القانون تنجم القانون اصله عامل الاقتصادي ليه - 00:41:35ضَ

عشان ما فيش حد يقاضيه. ما هو لو واحد نشر مسلا كتابا لواحد زي مسيلمة الكذاب والجماعة دول كتروا في في الزمان ده ممكن انا ارفع عليه قضية يقوم ييجي يقول انا كاتب اهو. كاتب الاراء اللي في الكتاب دي على مسئولية صاحبه. انا متبرأ منها. لكن هذه تبرئك امام الله - 00:41:55ضَ

سبحانه وتعالى يوم القيامة لا والله لن تنجو منها عشان كده احنا بنقول اي واحد صاحب قناة مسؤول عن كل كلمة تقال في القناة ولا يعذر ان يجلس على كرسي القناة رجل يخالف الكتاب والسنة - 00:42:16ضَ

يا ايها الناس ان لكم معالم فانتهوا الى معالمكم انت راجل بيتكلم في الدين فاتح قناة دينية لازم يبقى لك مرجعية المرجعية دي بيقول له والله فلان الفلاني هيتكلم ايه رأيك في افكاره - 00:42:38ضَ

والله افكار كزا وكزا وكزا والراجل ده عليه ملاحيز بشرط يكون المتكلم اللي انت بترجعه لانسانا منصفا يتقي الله ما يكونش عنده لا حقد ولا غيرة ولا على الاخرين ان مش عايز الكل يزهر وهو عمال يفطس في ده او في تصفيات اه شخصية ما بينهم الاتنين لأ رجل يظن - 00:42:58ضَ

انه يتقي الله وفي نفس الوقت عارف اللي بيتكلموا على الساحة من اهل ان يتكلم ومن ليس اهلا ان يتكلم. واوعى يكون فاكر ان عشان بيقدم واحد ولا اتنين كويسين - 00:43:16ضَ

ويحط جنبيه كسير وعواير وثالث ما فيه خير انه سينجو يوم القيامة لانه ما من عامل يعمل بكلام يقال في قناة فضائية الا وصاحبها مسؤول امام الله عز وجل انا ببين ثقل المسئولية. مش عشان عندك شوية ملايين تقدر تفتح لي قناة تقوم تفتح لي قناة وتجيب لي بقى كسير وعوير - 00:43:29ضَ

لأ عشان كده احنا بنقول يا اخواننا لا تأخذوا دينكم الا ممن تعلمون انه من اهل العلم ويدلكم على الله عز وجل والقلب له حاسة لا يكاد احد يصفها بقلم - 00:43:51ضَ

قلب القلب النقي القلب الجيد مع سلامة القصد والرغبة في الوصول الى الله سبحانه وتعالى يوفق الله عز وجل الانسان في علم احيانا بقلبه ان هذا من الصادقين او ان هذا من الكاذبين - 00:44:13ضَ

يعني المسألة كالرق فانظر من الذي سيسترقك؟ شيطان له اعوان كثيرون جدا. يملأون طباق الارض قال تعالى وان الشياطين ليوحون الى اوليائهم ليجادلوكم وان اطعتموهم انكم لمشركون الاية دي نزلت في ايه - 00:44:28ضَ

يا ايها المشركون قالوا للمسلمين اتقتلون ما اتأكلون ما تقتلون ولا تأكلون ما قتل الله ازاي يعني عندنا في اول سورة المائدة حرمت عليكم الميتة والدم ولحم الخنزير والمنخنقة والموقوذة والمتردية والنطيحة - 00:44:55ضَ

وما اكل السبع السبع خلينا بقى في المنخنقة والمتردية والنطيحة والموقوتة المنخنقة خنقتها. جاموسة خنقتها ماتت خنقت ما ينفعش تاكلها موقوزة ضربها على راسها. الة حد ولا بتاع ماتت نطيحة واحدة بقرتين نطحوا بعض - 00:45:20ضَ

واحدة ماتت ها المتردية وقعت من مكان عالي طب ما هو ربنا عز وجل هو الذي يقدر على المتردية دي تقع من فوق وقدر على دي تموت عشان دي هتنطحها - 00:45:48ضَ

من الذي قتلها الله عز وجل طيب انت بقى تقوم جاي تتدبحها لي يبقى انت اللي قتلت تأكل ما قتلت انت ولا تأكل ما قتل الله جماعة كده من اللي هم - 00:46:03ضَ

ما لهمش في اي حاجة يقول لك والله كلام معقول ميتة ودي ميتة قديمة مش ميتة دي ماتت ودي ماتت دي ماتت باي حاجة زي دي وماتت بالذبح ودي اللي ربنا قدر قتلها. ودي اللي قتلتها فعلا ازاي ما تاكلهاش - 00:46:22ضَ

فانزل الله عز وجل هذه الاية وان الشياطين ليوحون الى اوليائهم ليجادلوكم وان اطعتموهم انكم لمشركون. هتلاقي كتير هتلاقي من هذه الاقوال كتير. اذا ما كانش الانسان عنده من الة العلم - 00:46:41ضَ

ما يستطيع ان يعرف به الصواب من الخطأ كل انسان سيكون في ميزان سيئاته اذا افتى وليس له اهلية او تكلم وليس له اهلية مسألة خطيرة جدا عشان كده يعني الذي جرني الى هذا هذه نفثة مصدر - 00:47:01ضَ

وانات مقرور وزفرات مهموم والنات مكلوم من هذا الوضع الجاري الذي لا درة عمر موجودة في هذا العصر حتى يمكن ان يقف كل جاهل عند حده اه الامام البخاري احد الاعلام والجبال الرواسي - 00:47:23ضَ

صنف كتابه على اوثق الضوابط العلمية الشرح اللي انا سلكته في هذا الكتاب قلت انني ساتكلم عن كل حديث في سبعة محاور سبعة محاور انا اذكر بهذه المحاور مرة ثانية عشان تكتبها ورايا - 00:47:48ضَ

عشان بقى ايه كل ما ناخد محور تقوم ايه تكون برضو تعرف ان احنا تكلمنا فيه والكلام آآ على هذه المحاور السبعة في كل حديث برضو هيطول الايه؟ هيطول المسألة لا يعنيني الا ان تتعلم - 00:48:10ضَ

لا يعنيني الا ان تتعلم وان تكون على بصيرة من دينك وطريقتي في الكلام احيانا بطلع وارجع لكن خروجي دائما يكون في صالح الفكرة يعني مش مش مسلا بكون بتكلم في فكرة وبعدين اطلع لفكرة لا علاقة لها بما اقول وبعدين لما ارجع انت نفسك تحس ان ما فيش علاقة ما بينما خرجت - 00:48:25ضَ

اليه ورجعت مرة اخرى لا ممكن اكون بتكلم في فكرة اطلع لفكرة اخرى خالص لكن فيها لب المعنى وارجع مرة اخرى. وهذه من محاسن الطرق في الشرح. استفدتها قديما في اول طلبي للعلم من طريقة شيخ الاسلام ابن تيمية - 00:48:46ضَ

رحمه الله تعالى في كتاباته آآ المحاور السبعة اللي انا عايزكم تكتبوها ورايا آآ اللي انا هاتبنى الشرح من خلالها اول حاجة ننظر في الترجمة ننظر في اركانها وشرط صحتها - 00:49:05ضَ

الترجمة لها تلات اركان الترجمة لها ثلاثة اركان والكلام ده مش مختص بالبخاري بس الكلام ده مختص بكتب علمائنا السالفين الذين صنفوا كتبهم بالاسناد او مش بالاسناد حدفوا الاسانيد وجمعوا الادلة - 00:49:37ضَ

ممكن يقول لك عن ابي هريرة رضي الله عنه ويبوب عليه زي ملتقى الاخبار بتاع ابن تيمية جد شيخ الاسلام ابن تيمية اللي ابن الشوكاني شرح في نيل الاوتار او زي مثلا بلوغ المرام - 00:50:03ضَ

اللي الحافظ ابن حجر العسقلاني صنفه في ادلة الاحكام وشرحه الصنعاني في سبل السلام وهكذا يعني دي كلها عبارة عن كتب ادلة. فكتب الادلة اما ان تكون مسندة واما ان تكون محذوفة - 00:50:18ضَ

الاسانيد الكتب دي كلها يبوب على على الاحاديث على الادلة يقال باب كذا فلابد اي من صحة من ذكر اركان الترجمة او معرفة اركان الترجمة وذكر صحتها شرط صحة الترجمة. لان فيه ترجمة بتبقى فاسدة - 00:50:32ضَ

ترجمة الى ايه؟ فاسدة يعني لا علاقة لها بالنصوص اللي تحتها الترجمة اركان الترجمة تلاتة زي ما قلنا الترجمة نفسها والمترجم بكسر الجيم ده الركن التاني والمترجم له ده الركن التالت - 00:50:55ضَ

خلاص يبقى عندنا تلات ايه عندنا ثلاثة اركان الترجمة الترجمة اصلها الاعراب والاظهار او تعبير تعبير آآ تعبير بلغة عن لغة. المقصود بها الافهام برضو يعني ترجمة من اي لغة اجنبية للغة العربية - 00:51:27ضَ

او من اللغة العربية اللغة الناجية اسمها ترجمة لو انت كلمتني بالانجليزي الفرنساوي الطلياني الاسباني الالماني الكلام ده مش هفهمك اقول لك ايه اعرب اعرب يعني اظهر ما تقول تقوم انت لما تترجم انا افهمك اقول له اه انا فهمتك كده - 00:51:49ضَ

يبقى المقصود من الترجمة الافهام والاعراب الترجمة هي الجملة التي يكتبها او يضعها المترجم لتعرب عن معنا ما يريد المترجم بكسر الجيم اللي هو الامام. صاحب الكتاب المترجم اللي هو البخاري - 00:52:08ضَ

اسم المترجم الترجمة اللي هي العنوان اللي بيحطه على الحديس زي باب مسلا اول باب من ابواب البخاري اللي هو حديث اللي اورد فيه حديث ابن عباس باب في الصحة والفراغ - 00:52:38ضَ

ولا عائشة الا عيش الاخرة ده اسمه الترجمة معنى معين البخاري عايز يسوق له ادلة يبقى انا اصبح عندي ركن هنا البخاري والعنوان اللي حطه طب النصوص اللي تحت العنوان ده - 00:53:03ضَ

النصوص دي اسمها المترجم له خلاص المترجم له هو جماعة النصوص التي تذكر تحت الترجمة والنصوص التي توضع تحت الترجمة تلات اقسام اما ان يكون قرآنا او ان يكون حديثا مرفوعا - 00:53:20ضَ

او ان يكون كلاما عن الصحابة والتابعين ايه الادلة الادلة دي دي بتبقى تحت ايه؟ تحت المترجم تحت المترجم له دي اركان الترجمة تلاتة الترجمة نفسها المترجم المترجم له طيب - 00:53:45ضَ

شرط صحة الترجمة ايه ان يكون بينها وبين النصوص التي تحتها علاقة يكون في نوع من الاتساق لو ما فيش علاقة ما بينهم الاتنين يقول لك ترجمته غير صحيحة الترجمة - 00:54:13ضَ

غير صحيح مسلا لو هنترجم باي حاجة آآ تخليني خليني ادخل الامثلة دي تحت انواع الايه؟ مطابقة الترجمة للنص ووصف الترجمة يعني الترجمة اما ان تكون خفية او جلية واما ان تكون مطابقة او غير مطابقة. دي دغدغة تحت شرط صحة الترجمة - 00:54:34ضَ

اما ان تكون خفيا كان مسلا اقول ايه زي الامام البخاري ما قال باب من ادرك ركعة من ادرك سجدة من صلاة العصر قبل ان تغرب الشمس فقد ادرك خلاص - 00:55:12ضَ

جاب تحتها حديث ابن عمر وابي موسى الاشعري انما بقاؤكم فيما سلف قبلكم من الامم كما بين صلاة العصر الى ان تغرب الشمس اوتي اهل التوراة التوراة فعملوا الى نصف النهار - 00:55:41ضَ

ثم قالوا لا حاجة لنا في اجرك ثم اوتي اهل الانجيل الانجيل عملوا الى المغرب او الى عصر اليهود عملوا من الصبح للضهر والنصارى عملوا من العصر للمغرب ثم قالوا لا حاجة لنا في اجرك - 00:55:59ضَ

ثم اوتينا القرآن فعملنا الى غروب الشمس فاستوفينا اجر الفريقين جميعا اليهود والنصارى اعترضوا قالوا ربنا كنا اكثر عملا منهم وهم اعظم اجرا منا قال هل ظلمتكم من اجوركم شيئا؟ - 00:56:23ضَ

قالوا لا قال فذلك فضلي اوتيه من اشاء ايه علاقة الحديس ده بباب من ادرك سجدة من صلاة العصر قبل ان تغرب الشمس الترجمة خفية ولا لا اه خفيف طبعا البخاري قبل حديث ابي موسى الاشعري وابن عمر اورد الحديث الصريح في هذا حديث ابي هريرة من ادرك سجدة من العصر قبل ان تغرب الشمس وقد ادرك - 00:56:43ضَ

ادرى سجدة من الصبح قبل ان تشرق الشمس قد ادركت. ده طبعا واضح ايه؟ ان الترجمة مباشرة اهي من ادرك سجدة هل يصح انه ادرك ام لا؟ حديث ابي هريرة بيقول له فقد ادرك - 00:57:13ضَ

خلاص طب ماشي حداق واضح في حديث ابي هريرة انها ترجمة جلية. مش عايزة تفكير كتير طب اللي تحتيها بقى حديث ابن عمر وابي موسى اللي انا قلت لكم من شوية اوتي اهل التوراة التوراة والانجيل الانجيل ونحن اوتينا القرآن - 00:57:25ضَ

ايه علاقتها بقى بمن ادرك سجدة؟ باب من ادرك سجدة اهي دي الخفية بقى اللي عايزة بني ادم يفكر قال لك طيب آآ انت هتصلي هتدرك من العصر من وقت العصر ادان المغرب هيدن بعد دقيقتين - 00:57:41ضَ

على ما قلت الله اكبر وركعت ادن المغرب يبقى انت ادركت من العصر في وقت العصر كم ركعة ادركت ركعة واحدة طب والتلاتة الباقيين من العصر؟ صليتهم امتى قال لك صليتم في وقت المغرب - 00:58:04ضَ

يعني صليتهم في غير وقتهم المفترض لو احنا هنجزأ بقى المسألة دي تاخد اجر على ركعة واحدة بس وتؤاخذ على تلات ركعات اوقعتهم في غير الوقت هو ده العدل هو ده العدل - 00:58:28ضَ

لكن اذا ادركت ركعة واحدة من صلاة العصر في وقت العصر قبل ان يؤذن للمغرب فقد وهبك الله عز وجل الثلاث الركعات الاخريات تفضلا منه وتكرما مع ان العدل ما تاخدش حاجة - 00:58:46ضَ

يعذب يبقى البخاري لما اورد الحديث اوتي اهل التوراة التوراة فعملوا حتى انتصف النهار ثم عجزوا اوتي اهل الانجيل الانجيل وبعدين عملوا الى صلاة العصر ثم عجزوا قال ثم اوتينا القرآن - 00:59:09ضَ

اقل وقت فربنا عز وجل لما اعطانا اجر الفريقين جميعا ازاي قال لهم انا زلمتكم ما ظلمتناش قال فضلي ما اعطيه من اشاء فاراد ان يقول بهذا بايراد الحديثين ان الله عز وجل - 00:59:30ضَ

عامل هذه الامة بالفضل لا بالعدل لانه لو عامل بالعدل لاهلك انما عامل بالفضل هو عايز يقول ديت يعني بعد ما اداك الحكم الشرعي اعطاك المنة التي من الله عز وجل عليك بها - 00:59:50ضَ

وقد اوقعت اكثر الفرض في غير وقته دي ترجمة ترجمة واحدة باب واحد لم لي الترجمة الخفية والترجمة الايه والترجمة الجلية الترجمة ممكن تبقى آآ كاملة امك تبقى ناقصة كاملة بمعنى ايه - 01:00:11ضَ

لو قلت مثلا باب لكل امرئ ما نوى ثم اوردت فيه حديث عمر ابن الخطاب رضي الله عنه المشهور اللي اتفق عليه الائمة الستة واتفق جماهير المسلمين على صحته ليس بينهم مخالف. فيها حديث انما الاعمال بالنيات - 01:00:35ضَ

وانما لكل امرئ ما نوى ده واضح لكل امرئ ما نوى. او زي الباب اللي البخاري عمله في كتاب الرقاق باب كن في الدنيا كأنك غريب او عابر سبيل ثم اورد تحتها حديث ابن عمر - 01:00:54ضَ

ان النبي صلى الله عليه وسلم اخذ بمنكبه وقال له كن في الدنيا كأنك غريب او عابر سبيل الترجمة هي نفس الحديس كاملة ولا مش كاملة؟ يبقى دي اسمها ترجمة كاملة. ايه شملت معنى كل المترجم له النصوص اللي جاية تحته - 01:01:14ضَ

لكن ممكن الترجمة تبقى ناقصة بمعنى ايه بمعنى يورد نصا او اكثر ولا يريد منه الا جزئية صغيرة واحدة زي مثلا ايه زي اه تبويب الامام البخاري لحديث اعذر الله عز وجل الى عبد - 01:01:35ضَ

بلغه ستين سنة اظن في هذا الباب اورد آآ حديث لا يزال قلب الرجل شابا في حب اثنتين طبعا اورد الحديث اعذر الله الى رجل بلغه ستين سنة ده مباشر - 01:02:11ضَ

طب الحديس اللي بعديه لا يزال كبير قلبه شابا في حب اثنتين اهي دي مش كاملة عايزة شيء من التريس عايزة شيء من التفكير حط دي تحت دي لو اورد مثلا حديث انما الاعمال بالنيات وبوب عليه - 01:02:33ضَ

باب مسلا مسلا يعني انا بفترض ده من عندي باب من لم يعطي امرأته مهرا وبعدين جاب انما الاعمال بالنيات وانما لكل امرئ ما نوى طب ايه من لم يعطي امرأته مهرا؟ ايه علاقته بالباب؟ قال لك ما هو ممكن يكون ناوي ياكل مهرها - 01:02:56ضَ

اهي دي داخلة في النية برضو ها هيقوم يبوب حاجة زي كده الترجمة عشان ننظر الى هل الترجمة الصحيحة ام لا ننظر الى انواعها خفية ولا جلية الخفية بتبان والجالية - 01:03:19ضَ

بتبان. طب هي آآ يعني آآ كاملة يعني كاملة ولا جزئية كل ده هنقوم نوضحه في يعني ايه اسناء الشرح اركان الترجمة كلها بنقولها. وشرط صحة الترجمة بنقوله. كل هذا انما هو من باب اظهار علم الامام البخاري. الذي استعصى - 01:03:35ضَ

على اذهان المجددينات. وقانا الله شر المجددينات الحاجة التانية ان احنا بنشوف هل البخاري لما وضع الابواب كانت الابواب دي لها علاقة بالابواب السابقة ولى بالابواب اللاحقة ولا الباب ده ما لوش علاقة لا باللي قبليه ولا اللي بعديه - 01:03:57ضَ

عشان برضو نعرف البخاري كيف صنف كتابه انا بقول لكم من خلال كتاب الرقاق البخاري اعتنى بكتابه هذا غاية العناية ولك ان تعلم انه مع ما اوتي من قوة الفهم - 01:04:22ضَ

والزكاء الذي لم يعارض فيه مخلوق. لا من شيوخه ولا من اقرانه ولا من تلاميذه. فضلا عن الذين جاءوا بعد ذلك الى زماننا هذا هذا ظل يصنف في هذا الكتاب سبعة عشر عاما - 01:04:38ضَ

سبعتاشر سنة يألف في الكتاب ده لقدح زناد فكره بل انه عمل مشكلة للشراح الذين جاءوا بعد ذلك ساعات كان يكتب باب وبعدين ما احطش تحتيه حديث او يكتب باب - 01:04:55ضَ

ويجيب تحته حديس بس ما قل لناش باب ايه كان المفترض يترجم والباب كذا وكذا لأ ده ويكتب باب وما يترجمش العلماء نظروا في القصة دي. مش البخاري اللي يعمل الحدوتة دي - 01:05:19ضَ

فالرجل الفاضل هو الذي يعتذر عنه مش الراجل الاحمق ولا قليل العقل ما هو احنا بنقول في الامسال ايه ؟ العيب من اهل العيب مش عيب لكن لو طلع العيب - 01:05:33ضَ

من اهل الاصول يقوم يقول لك الراجل ده عمره ما عمل كده ايه يا ترى اللي خلاه يعمل كده اكيد في سبب ها اكيد في سبب لان العيبة ما تطلعش منه - 01:05:49ضَ

والناس تستغرب وترضى بكفي بكفي. ازاي الراجل الفاضل ده يقول الكلمة الشائنة دي انما واحد عمال يشتم ليل نهار يقول لك الجواب بين العنوان. ما احنا عارفين انه هيجيب ايه ليه؟ بضاعته ايه غير كده - 01:06:05ضَ

فلما البخاري المعروف بهذا الذكاء والمعروف بدقة الاستنباط ونفوذ البصيرة في النصوص يقوم يعمل يكتب باب وما يحطش حديس او يعمل باب ويحط حديس بس ما يقولهاش باب ايه العلماء قال لك - 01:06:18ضَ

ممكن يكون كتب باب وناوي عمال يفكر هيكتب عجلاته المنية او انه قرأ الكتاب على الطلبة والباب فارغ من العنوان عشان كده وجدنا رواية البخاري احيانا تتفاوت في بعض الاحاديث وبعض التبويبات - 01:06:36ضَ

طب هو مثلا الفرابري مسلا ولا الذين اخزوا عنه اه اخترعوا التبويب والتاني نسيه لأ البخاري كان بيألف ويقرا يألف ويقرا يألف ويقرا فممكن يزود زي موطأ مالك كده هو موطأ مالك عدد احاديس موطأ مالك في كل الروايات واحد - 01:06:57ضَ

لأ روى عن مالك الموطأ امم تلاقي موطأ يحيى ابن يحيى الليثي غير موطأ محمد بن حسن الشيباني غير موطأ القعنبي غير معطى عبدالرحمن ابن القاسم ها في اختلاف حتى الدارا قطن له كتاب اسمه اختلاف المواطئات - 01:07:19ضَ

ليه كان الامام مالك كل سنة او كل مدة يسقط من كتابه احاديث انت عارف مالك كان يقرأ على الناس لربما جاء رجل من العراق ومالك يقرأ الموطأ ثم بدا لمالك بعد ذلك انه يحذف الحديس ده - 01:07:44ضَ

والحديس ده كمان وده كمان فجاء رجل اخر بالاندلس وهو بيسمع سامع التنقيح بتاع الموطأ ما فيهوش الاحاديث اللي كانت مع مين؟ مع العراقي الذي اخذها جه واحد من اه مسلا المدينة اه عفوا من مكة - 01:08:06ضَ

او من مصر او من بلاد المغرب او من الشام كل مرة يعدي المالك يحط حديث يسقط حديث فتجد ان في اختلاف في الايه اختلاف في الروايات ده سببه ايه - 01:08:29ضَ

ان ما كانش بيعمل الكتاب ويقعد الكلام ده ويقعد يسيبه عنده في الدرج ولا حاجة لأ البخاري كما قلت لكم لنفوذ بسيط ممكن ايه لكن الاصل عند البخاري هو رعاية ترتيب الابواب - 01:08:45ضَ

وانا ضربت مسلا في كتاب الرقاق بس ساعيده من باب تنشيط الذاكرة البخاري اول باب في كتاب الرقاق قال باب الصحة والباب في الصحة والفراغ. والا عيش الى عيش الا عيش الاخرة - 01:09:03ضَ

اورد في حديث ابن عباس نعمتان مغبون فيهما كثير من الناس الصحة والفراغ واورد في حديث انس اللهم لا عيش الا عيش الاخرة واورد في حديث سهل بن سعد الساعدي - 01:09:21ضَ

انهم كانوا يحفرون الخندق والنبي صلى الله عليه وسلم كان بيشيل الطرب معهم وبتاع فكانوا هم ايه هم بيرتجزوا كده في اسناء الشغل عشان يخففوا يعني الشغل عن انفسهم. فكان يقول اللهم لا عيش الا عيش الاخرة - 01:09:35ضَ

خلاص ده اول باب بدأ الامام البخاري به علشان يبين لك رأس المال الاول ما فيش حد هيتاجر هو مفلس لازم يكون عنده رأس مال عشان يجيب بضاعة ويبيع ويجي له ربح - 01:09:49ضَ

رأس ما لك ما هو؟ العمر الصحة الفراغ والصحة ده رأس رأس ما لك جامع المبددين الصحة بتاعتهم عشان يجروا ورا الممسلين والمغنيين والبتاع ويروح يستنشق الهواء في باريس ويروح المش عارف يعمل ايه في ايه والكلام ده او - 01:10:07ضَ

تيجي واحدة مغنية عشرين الف بني ادم تحت سفح الهرم ولا المش عارف ايه ولا اهو ده مضيع صحته مضيع الفراغ بتاعه ده بيبدد رأس ماله يوم القيامة سيسأل عن عمره فيما افناه - 01:10:27ضَ

فقال لك نبتدي برأس المال ما فيش تجارة الا برأس مال عمرك تجارة يا ايها الذين امنوا هل ادلكم على تجارة تنجيكم من عذاب اليم تؤمنون بالله ورسوله يبقى انت عمرك صفقة - 01:10:46ضَ

البخاري بدأ به عشان ايه عشان نشتغل طيب الصحابة دول مش كان عندهم تجارات وكان عندهم زراعة والكلام ده اه بس اول ما بدأوا بقى مع النبي عليه الصلاة والسلام رحلة الجهاد - 01:11:02ضَ

تركوا الزراعات وتركوا التجارات وكل يوم في غزوة وكل يوم في سرية اه كده يبقى حياتنا ضاعت حياتنا ضاعت ما فيش حياة اراد ان يقول له حياتك الحقيقية في الاخرة - 01:11:21ضَ

العيش الذي تعيشه انت في الدنيا ده ليس بعيش على الحقيقة ليه؟ لان كله كمد وكبد وقرف يعني رغيف الخبز ده الخبز ده اللي انت بتقوم تعمل اقسمه نصين وتاكله في سندوتشين - 01:11:43ضَ

انت عارف عشان وصلك ايه اللي حصل بذرنا البذر في الارض الفلاح حط البدر في الارض وقعد يروي وشيل العفش والمش عارف ايه اي نباتات انت مش عايزها تشيلها عشان ما تاخدش من الكيماوي ولا السماد ولا البتاع وفضل يتعاهده ويرش - 01:12:00ضَ

مبيدات ويعمل مش عارف ايه والكلام ده ويرعرع فيه لحد ما كبر استوت السنبلة حصدوا خد وداه الجرن ولا بالفراكة دلوقتي في في الغيط ولا البتاع مكنة ها وبعدين فصل العصف - 01:12:21ضَ

ها يعني اللي هو التبن القش والبتاع ده عن الايه؟ عن الثمرة خدنا الغلة ديت اللي هو القمح يعني خدناه عبيناها في شولة نقلناه للبيت عايزين ناكل جبناه غسلناه. نشرناه في الشمس. ودانا مكنة الطحين. اطحن رجعناه دقيق. حطينا عليه مية وخميرة وملح والكلام - 01:12:37ضَ

وسمنة والكلام ده وعملناه عجين وسبناه يخمر وبططناه وحطناه في الفرن وكلناه ده رغيف خبز رغيف الجنة كما ورد في آآ يعني اثار عن النبي عليه الصلاة والسلام وعن الصحابة - 01:13:02ضَ

ولا حكم المرفوع يعني ما فيش حاجة اسمها عايز اكل في حاجة اسمها تتمنى ان تأكل فتجد الذي تتمناه امامك حتى الثياب الثياب اللي انت بتلبسها. واحد اعرابي سأل النبي صلى الله عليه وسلم يا رسول الله - 01:13:22ضَ

ثيابنا الجنة تتشقق عنها ثمار الجنة ام ننسجها بايدينا الصحابة ضحكوا فقال مما تضحكون؟ من جاهل يسأل عالما كيف قلت يا اعرابي قام عاد عليه السؤال انا عايز البس دلوقتي قميص جميل - 01:13:43ضَ

ومتفصل علي بالضبط ولونه مسلا لون معين وتفصيلته تفصيلة معينة والكلام دوت هل يا ترى الجلابية القميص بتاعي ما الجلابية دي كلمة دارجة بس مش هي الصحيحة واحد يقول لك لابس جلابية. لأ الجلباب ده بتاع النساء - 01:14:05ضَ

ها؟ يقول لك فلان يلبس قميصا يلبس جلبابا وتقيا. لأ مش جلباب الجلباب ده بتاع النساء. ها يدنين عليهن من جلابيبهن. انما اللي الرجال بيسوسوا اسمه القميص فالقميص اللي انا هلبسه ده - 01:14:21ضَ

مقاسه بالضبط لونه اللي انت نفسك فيه. هل الاقي مسلا نفسي في آآ في قميص تقوم السمرة مفتوحة كده الاقيه ملفوف هو مغدي لبسه ولا هقعد بقى انسج ومش عارف ايه الكلام ده - 01:14:35ضَ

الصحابة لما ضحكوا الكلام ده النبي صلى الله عليه وسلم قال له انت بتقول ايه اسأل السؤال قال نعم يا اعرابي تشقق عنها ثمار الجنة يعني السؤال اصله زل هو انت فاكر نفسك لما بتروح المطعم وتقول له هات لي كزا وهات لي كزا وهات لي كزا وهات لي كزا - 01:14:48ضَ

هو انت فاكر ده عز يعني ولا انت عشان دخلت مطعم فخيم كده وبتاع وجيبك مليان فلوس وهتاكل افخم الاكلات. هو انت فاكر ده عز يعني لا ما هوش عز. ده نوع من انواع الزل - 01:15:10ضَ

عشان بدون الراجل ده مش هتعرف تاكل خلي ما فيش مطاعم في البلد انت ما تعرفش تعمل حاجة لا تعرف تعمل كوباية شاي ولا تعرف تأكل نفسك ولا كلام محتاج واحد يخدمك - 01:15:23ضَ

اهو ده نوع من انواع الزل الجنة بقى ما فيهاش زل ما فيهاش حاجة لحد اللي نفسك فيه يجي لك لكن كل شيء في الدنيا انما يأتي بذل سبب الذل ايه - 01:15:38ضَ

السؤال اراد الامام البخاري بعدما بين رأس المال العمر والصحة والكلام ده والصحابة كل يوم في غزوة ما تزنش ان عمرك راح ولا تقول ياه من غزوة لغزوة لغزوة لغزوة نفسي اشم نفسي - 01:15:52ضَ

نفسي اقعد كده مستريح بدل ما اعرق مرقي. ونروح ونبات في التل ونبات على البتاع نلتحف السماء ونفترش الغبراء وممكن ما ترجعش لاهلك. تموت قال لك ليس هذا هو العيش - 01:16:12ضَ

فلا تبكي على ما فاتك. لان ما فاتك شيء اصلا الدليل على كده ايه اللهم لا عيش الا عيش الاخرة فاغفر للانصار والمهاجرين يبقى البخاري لما رتب الترتيبة دي كان له قصد في هذا - 01:16:30ضَ

طيب احنا بقى اهو كله كلام نزري انت بتقول الجنة وما فيها وبتاع بس عيشني النهاردة وموتني بكرة عايز يبقى لي تصور كده. الجنة اللي انا سبت الدنيا عشانها دي كلها - 01:16:53ضَ

ايه هي يعني؟ والله ما انا عايشة الا عيش الاخرة. قام عقد الباب اللي بعديه الباب اللي بعديه وباب موضع صوت احدكم في الجنة مثل الدنيا في الاخرة مثل الدنيا في الاخرة - 01:17:08ضَ

ما انت عايز تعرف جاب فيه حديس سهل بن سعد الساعدي موضع صوت احدكم في الجنة خير من الدنيا وما فيها. وانا قلت لكم قبل كده. موضع الصوت قد كدهو - 01:17:25ضَ

صوت قد كدهو طول متر في عرض اتنين سنتي يعني ما تعرفش حتى تحط رجلك. لو عايز تقف على رجل واحدة ما تعرفش تحط رجلك والدنيا دي كلها معك بتاعتك يعني - 01:17:39ضَ

انت ملك الدنيا كلها كل العالمين من جملة خدمك اللي بيلمع لك الجزمة واللي مش عارف بيهوي عليك واللي مش عارف بيعمل لك ايه وبيخلي لك ايه لا مرضت يوما من الايام ولا احتجت يوم من الايام ولا - 01:17:56ضَ

واللي نفسك فيه هتاخده موضع هذا الصوت في الجنة خير من هذه الدنيا كلها طب ايه رأيك اخر واحد هيدخل الجنة عنده قد الدنيا عشر مرات يعني عشر مرات قدر الدنيا في الجنة مش قد سور - 01:18:12ضَ

يبقى حقيرة ولا لأ طبعا حقيرة فانا بستغرب بستغرب فرعون هذا المفلس لما حب يفتخر وينفش ريشه قال اليس لي ملك مصر تطلع ايه مصر ده بقى بالنسبة للعالم المساحة - 01:18:40ضَ

ولا حاجة ولا اي حاجة. دبوس ابرة سن قلم في الكرة الارضية قال النبي صلى الله عليه وسلم ان الدنيا لا تساوي عند الله جناح بعوضة فتخيل العالم ده كله - 01:19:07ضَ

كجناح البعوضة مصر بقى تطلع ايه من جناح البعوضة ايها الاحمق حتى مش سن الم ولا سن دبوس؟ ولا حاجة تزكر شوفها بقى بالميكروسكوب بقى وتكبر ميت الف مرة عشان تشوف سن الم - 01:19:31ضَ

بشوف عمال يفتخر بايه عمال لي افتخر بايه ؟ اليس لي ملك مصر؟ اللي ما تطلعش حاجة اصلا في دنيا الله الامام البخاري رحمة الله عليه اداك التصور بقى باب بيودي لاخوه لاخيه - 01:19:52ضَ

آآ لا عيش الا عيش الاخرة طب قل لنا الايه الاخرة الدنيا اللي انت بتقول لنا سيبوها دي اشعرنا بحقارتها وبين لنا عظمة ما تركناه من اجل ما تركناه من اجلها - 01:20:09ضَ

جاي بقى الى موضع صوت احدكم اه حصل بقى عندي تصور التصور ده انا عايز احافز عليه طالما انه يقين طالما حديس صحيحة قالها النبي عليه الصلاة والسلام يبقى ده يقين - 01:20:23ضَ

قام عقد الباب التالت قال لك طيب ما الدنيا دي اللي انت بتقول لي طلقها وتعال دي امي على لبانها فطمت ومن العسير على الوليد ان يترك سدي امه فمعلش ساعدني - 01:20:37ضَ

اعمل ايه في الورطة اللي انا وقعت فيها ديت امي وعايز ارضع نعمة المرضعة وبئست الفاطمة. كما قال النبي صلى الله عليه وسلم في وصف الدنيا واللي بياخد المال والكلام ده - 01:20:58ضَ

من غير حلة قال لك عشان تسلك انا معقد لك الباب التالت باب كن في الدنيا كأنك غريب او عابر سبيل لو عاوز تنجو منها تبقى غريب اسألك الغريب قد يأنس في دار الغربة - 01:21:12ضَ

ياما ناس في القاهرة مسلا عندنا هنا جايين من بلاد بعيدة جدا. نسيوا اهلهم ونسوا البلاد ويمكن بعضهم ما راحش البلد خالص من يوم ما طلع منها امال عايش ازاي ده الغريب ده ؟ قال لك ما انا بقى لي جيران جدد وبقى لي اصدقاء جدد. وبقى لي آآ مجتمع جديد وبتاع - 01:21:34ضَ

ازا الغريب قد يأنس في دار الغربة. اه ما دا مش مطلوب مش مطلوب تأنس. مطلوب تفضل مستوحش كده كل ما تسمع صوت تبص حواليك زي المستوحي زي ما يكون هربان من حاجة. قال لك يبقى ما فيش غير عابر السبيل - 01:21:53ضَ

لو عايز تطلع من الدنيا بسلام كن عابر سبيل عابر سبيل بقى يقعد يكوش فيها. ويقعد يبني فيها ويقعد مش عارف يعمل ايه فيها لا لا يفعلها عابر سبيل ابدا. انما عابر السبيل ده شكله ايه؟ قال لك واحد شايل الخيمة بتاعته - 01:22:06ضَ

مسافر عابر سبيل ماشي بالنهار قليل الليل يقوم ضارب الخيمة بتاعته ونايم يطلع عليه النهار يقول لامم الخيمة وماشي ده ممكن يعني لما يضرب الخيمة على الارض كده ممكن يقول ايه اما نبني بقى واعمل ديكور واعمل سقف واجيب بقى مش عارف ايه واجيب الكلام ده عابر الصدر ممكن - 01:22:21ضَ

يعمل كده وهيهد الخيمة بعد كم ساعة عشان كده قال لك ايه ؟ عشان تطلع من الورطة دي كن عابر سبيل. ما تكونش غريب لا تكن غريبا كن عابر سبيل - 01:22:42ضَ

طيب الباب اللي بعديه قال لك باب في الامل وطوله. قال لك هنقول لك بقى المهلكات طالما انك انت عايز توصل للاخرة وخلاص اتفقنا مع بعض اهو انك انت هتكون غريب - 01:22:53ضَ

وهتكون عابر سبيل خلي بالك ان السكة الى الله عز وجل طويلة وفيها مشاكل اول هذه المشكلات طول الامل انعقد الباب اللي بعديه. شف البخاري عامل ازاي مية مية زي السلسبيل كده - 01:23:07ضَ

ها يا ريت المجددينات دول يتعلموا شوية وبعدين ما يحطش نفسه قدام البخاري هو هيروح في مزبلة التاريخ. والبخاري لحد النهاردة لا بيننا وبينه نسب. ولا بين آآ وبينه لا مال ولا الكلام ده. ونترضى - 01:23:26ضَ

علي ان نترحم عليه. اكثر من ابائنا وامهاتنا صنف كتابه على اوثق ما انت رائد. سواء من جهة متانة الحديث او من جهة سلاسة المعاني ولنا ان شاء الله تبارك وتعالى. آآ لقاء اخر ان عشنا وجمعنا الله بكم - 01:23:43ضَ

مرة اخرى حتى نكمل المحاور السبعة التي آآ جعلتها آآ يعني علامة على شرحي لهذا الكتاب ثم ندلف بازن الله تبارك وتعالى الى باب في الامل بطولة. اسأل الله تبارك وتعالى ان ينفعنا واياكم بما علمنا وان يعلمنا ما جهلنا. وان يجعل ما قلته لكم زادا الى حسن المصير اليه - 01:24:01ضَ

وعتادا الى يمن القدوم عليه انه بكل جميل كفيل. وهو حسبنا ونعم الوكيل السلام عليكم ورحمة الله وبركاته - 01:24:25ضَ