باحث

السلام عليكم ورحمة الله وبركاته. في الدرس الرابع من آآ سلسلة القهام اوقات الطاعة والاوقات الفاضلة اتكلمنا في التلات دروس اللي فاتوا عن قواعد من قواعد السير الى الله عز وجل - 00:00:04ضَ

آآ كان اول درس اتكلمنا عن مسألة الاختيار. وان اه الامر مبنية على قبول هذا الاختيار القدري والاختيار الشرعي. الدرس التاني آآ اتكلمنا مش فاكر دلوقتي عن ايه الصراحة مش فاكر الدرس التاني. الدرس التالت اللي فات اتكلمنا عن تلات قواعد مهمة - 00:00:21ضَ

كانت اول قاعدة لن ينجي احدا من عمله. القاعدة التانية مسألة القصد في العبادة التوسط والمسألة الثالثة تنام الاوقات الفاضلة زي طرفي النهار والليل آآ استعينوا بالغدوة والروحة وشيء من النهاردة - 00:00:44ضَ

هنتكلم عن درس او عن قاعدة مهمة جدا جدا جدا ولو آآ آآ يعني لو كنا قلنا ان المفروض نبدأ بها الدروس دي آآ لم نبعد يعني لاهمية هذه القاعدة الحقيقة - 00:01:03ضَ

وهي حديث النبي عليه الصلاة والسلام الذي رواه عمر حديس معروف وكل الناس عارفاه انما الاعمال بالنيات وانما لكل امرئ ما نوى. فمن كانت هجرته الى الله ورسوله فهجرته الى الله ورسوله - 00:01:19ضَ

ومن كانت هجرته لدنيا يصيبها وامرأة ينكحها فهجرته الى ما هاجر اليه الحديث ده متفق عليه وهو حديث اصل من اصول هذا الدين يا جماعة ايه القاعدة اللي عاوزين نتكلم عليها؟ الحقيقة الحديث ده فيه قاعدتين - 00:01:31ضَ

انما الاعمال بالنيات دي قاعدة وانما لكل امرئ ما نوى دي قاعدة تانية اه الحديث ده الامام احمد قال عنه انه ثلث الدين يعني قال مدار الدين على ثلاثة احاديث. خلى ده حديث منهم - 00:01:45ضَ

هو حديس مهم جدا جدا جدا آآ والعلماء يعني لهم كلام كتير في اهمية هذا الحديس واهمية هذا المعنى معنى النية عشان ما نبتديش بمقدمة طويلة يعني. اه خلونا ندخل في الموضوع على طول. النية يا جماعة - 00:02:02ضَ

اه ان هي باختصار الاول قبل ما نتكلم ايه النية ومين اللي بيتكلم عنها؟ النية باختصار. هي الارادة. القصد انبعاث القلب. يعني انت بتعمل حاجة ليه التقليد؟ ليه بتعمل الحاجة دي؟ هي دي النية - 00:02:18ضَ

خلاص اه انا لما همد ايدي اخد حاجة فانا لي نية. مد ايدي دعوات اخدها عشان كده. انبعاث القلب القصد الارادة. كل دي النية. طيب النية بقى في الدين اه يعني ايه - 00:02:31ضَ

لو كم حاجة او مين بيتكلم عنها النية في الدين يا جماعة بيتكلم عنها نوعين من العلماء اول نوع من العلما اللي بيتكلموا عن النية الفقهاء والفقهاء لما يتكلموا عن النية يقصدوا نية معينة - 00:02:45ضَ

تاني نوع من العلماء اللي بيتكلموا عن النية اللي بيتكلموا في الاخلاق والتربية والتزكية والسلوك الحتة دي يعني ودول لما يقولوا نية يقصدوا بها حاجة طيب الفقهاء لو قالوا نية يقصدوا ايه؟ يقصدوا حاجة من اتنين. يبقى لو هنعمل شجرة كده نحط كلمة نية ينزل فرعين - 00:03:01ضَ

الفرع ده علماء الفقه الفرع ده علماء الاداب والسلوك والتربية والتزكية نروح بقى للفرع ده هاته كده الفرع اللي قدامنا ده اللي هو علماء الفقه. لو اتكلموا عن عن النية هتلاقيهم بيتكلموا في حاجة من اتنين. مش هتخرج عنهم - 00:03:22ضَ

الحاجة الاولى النية اللي بتفرق العبادة عن العادة. الحاجة التانية النية اللي بتفرق العبادات بعضها عن بعض ايه الكلام ده ؟ تعالوا نمسك الفرعين دول في دقيقة لان مش ده موضوعنا النهارده خالص - 00:03:38ضَ

اول فرع علماء الفقه هيتكلموا عنه ان هي اللي بتفرق العبادة عن العادة. يعني ايه يعني حضرتك دخلت تاخد دش الدش ده ممكن يكون الجو حر فدخلت اتبرد او عرقان فبتنظف - 00:03:50ضَ

دي عادة واحد حران فدخل تحت الدش واحد عرقان فدخل تحت الدش ولا الدش ده انا بغتسل من جنابة او بعد حيض يا عبادة الصورة واحدة يعني اللي دخل تحت الدش ده واللي دخل تحت الدش ده الاتنين بيعملوا نفس الافعال - 00:04:06ضَ

اللي يشوفهم يلاقيهم بيعملوا نفس الحاجة لكن ده عادة وده عبادة. الفرق ايه؟ النية. الارادة القصد انبعاث القلب خلاص؟ طيب الفرع التاني اللي ممكن علماء الفقه يتكلموا فيه عن النية. النية اللي بتفرق العبادات بعضها عن بعض - 00:04:25ضَ

يعني ايه ؟ يعني واحد وقف يصلي ركعتين خلاص دي عبادة دي ما ينفعش تبقى عادة. لكن الركعتين دول ثم سنة الفجر القبلية؟ ولا هم صلاة الفجر اصلا ولا هم تحية مسجد ولا هم صلاة استخارة؟ ولا هم مطلق نفل ركعتين كده لله وخلاص؟ السورة واحدة كل دول صورتهم واحدة - 00:04:41ضَ

ايه الفرق بينهم؟ النية. انبعاث القلب الارادة القصد خلاص الفرع ده بقى زقه تاني كده وهات الفرع اللي كان هنا قدامنا اللي هو علماء الاداب والسلوك والاخلاق والتربية وده اللي يهمنا دلوقتي - 00:05:05ضَ

لما يجوا علماء السلوك والتربية والاخلاق يتكلموا عن النية. هيتكلموا عن النية من تلات اوجه. يعني ممكن تنزلهم بقى تلات فروع كده خلاص الفرع الاول علماء السلوك والتربية يتكلموا عن عن النية فيه. هو مسألة - 00:05:18ضَ

ارادة وجه الله سبحانه وتعالى اه ارادة وجه الله عز وجل. اللي هو مسألة الاخلاص والرياء يعني انا وانا بعمل الحاجة دي انا مخلص لله ولا مرائي؟ هنتكلم بقى هنبتدي نفصل الحاجة دي باول فرع - 00:05:36ضَ

الفرع التاني اللي ممكن برضو علماء السلوك والاداب والتربية والتزكيات تلاقيهم بيتكلموا عنه هو آآ ارادة الخير في المباحات الخير في المباحات. يعني افعال مباحة. نوم اكل شرب حاجات مباحة يعني ايه مباح الاول بسرعة؟ المباح يا جماعة اللي هو لا فيه ثواب ولا عقاب - 00:05:53ضَ

يعني حاجة لو عملتها آآ لها اصاب ولا اعاقب. ولو سبتها لا اصاب ولا اعاقب. واحد بياكل آآ ماشي. ما كلش ماشي برضو واحد نام ماشي ما نامش ماشي برضو حاجة مباحة - 00:06:17ضَ

هتلاقي علماء التربية والتزكية والاداب والسلوك والحاجات دي يتكلموا في الحتة دي. ان ازاي المباحات دي ما تعديش كده؟ لازم تحطوا فيها نوايا هنتكلم عنها بردو المبحث التالت يبقى اول مبحث تحت علماء التربية والسلوك بيتكلموا عنه - 00:06:28ضَ

الاخلاص والرياء ارادة الخير في المباحات المبحث الثالث هو تعدد النوايا في العمل الواحد يعني ايه؟ يعني العبادة تخش بقى في العبادة دي كانت مباحات. اصلا مباحات بس هنبتدي نحط لها نوايا - 00:06:44ضَ

انما الفرع التالت ده لا هي عبادة لكن عبادة ممكن اعملها بنية واحدة ممكن اعملها بنيتين ممكن اعملها بتلات نوايا. فتلاقيهم بيتكلموا في الحتة دي. انك ازاي عبادة ممكن تعملها بتلات نوايا - 00:07:01ضَ

وانت يا مسكين تعملها بنية واحدة؟ لأ. حاول تنوي التلاتة. لأ مش فاهم دي مثلا آآ واحد داخل المسجد عشان يصلي المسجد دخوله عبادة اصلا طيب وهو داخل هو داخل للصلاة. ادي نية - 00:07:14ضَ

وهو داخل ممكن واحد تاني بص كله داخل مع بعضه. انما واحد تاني اللي داخل هو داخل ناوي الصلاة وناوي الاعتكاف فترة وجوده في المسجد شوف اضافنية تانية لنية الدخول المجرد للصلاة - 00:07:31ضَ

وهكذا ومش عاوز بقى ادي امسلة لغاية ما نيجي لها. طيب المبحث ده مبحث شريف جدا. اللي هو المباحث اللي بيتكلم عنها علماء السلوك والتربية والاداب والاخلاق والتزكية كلام عالي جدا ومهم جدا جدا جدا. وده ركن الشهادة يا جماعة - 00:07:45ضَ

الشهادة بتخش فيها في دين بها في دين الله عز وجل اشهد ان لا اله الا الله واشهد ان محمدا رسول الله لا اله الا الله دي ايه هي الاخلاص هي التوحيد - 00:08:05ضَ

توحيد الارادة انك تريد الله عز وجل لا غيرك لا اله الا الله لا معبود بحق الا الله وهتلاقوا سبحان الله اي عمل يا جماعة عشان يقبل اي عبادة عشان تقبل قالوا لازم لها شرطين - 00:08:17ضَ

شرط باطن وشرط ظاهر الشرط الباطن لقبولها هو الاخلاص. والشرط الظاهر لاتباع اتباع النبي عليه الصلاة والسلام هتلاقوا بقى الشهادة هم دول. لا اله الا الله لا معبود بحق الى الله فانت تريد الله عز وجل اخلاص - 00:08:30ضَ

محمد رسول الله لا متبوع بحق الا رسول الله فانت تتبع في عبادتك رسول الله صلى الله عليه وسلم يبقى دول شرطين بتوع قبول اي عبادة هتعملها. طيب نرجع للاخلاص - 00:08:44ضَ

الكلام في الاخلاص والرياء كلام مرعب جدا انما الاعمال بالنيات وانما لكل امرئ ما نوى ليه كلام مرعب ده اول فرع اخلاص ورياء لان يا جماعة الفرق بين جنة ونار شعرة - 00:08:59ضَ

والشعرة دي هي الاخلاص تعالوا نبدأ بحديث كده يعني نصدمكم به عشان تفهموا الخطورة قال صلى الله عليه وسلم يوما لاصحابه اول من تسعر بهم النار ثلاثة يلا بقى عدوا معي كده. اول ناس هتخش النار مين ؟ فرعون - 00:09:22ضَ

وابو جهل مسلا اه مين تاني اي حد ابو لهب مسلا اول ما تصاحب بهم النار ايه رأيكم؟ لأ مش دول ايه ايه مش دول؟ ده فرعون الا لربكم الاعلى اول من تصاع بهم النار سلاسة يعني مينا يتحط قبل ده - 00:09:42ضَ

النبي عليه الصلاة والسلام قال اول من تصاعر بهم النار ثلاثة تعالوا في رواية قارئ يعني القرآن ومنفق ومجاهد يا الله اول تلاتة هيترموا في النار. عالم او قارئ القرآن منفق - 00:10:02ضَ

بينفق امواله على الفقراء والمساكين والارامل ومجاهد رجل اخذ سلاحه ليحارب الكفار وهنكتشف انه كمان قتل في المعركة بيد الكفار يعني الناس اللي هتشوفها تقول ده شهيد دول اول تلاتة هيترموا في النار. ايه ده ليه - 00:10:22ضَ

تعالوا كده نشوف الحديث قال صلى الله عليه وسلم يؤتى بالعالم او قارئ القرآن ويعرفه الله عز وجل نعمه عليه فيعرفه. يعني يقول له ربنا انا آآ يعني يسرت لك سبل العلم يقول له اه يا رب. يسرت لي سبل العلاج - 00:10:44ضَ

وجعلتك بتحفظ اه يا رب جعلتني باحفظ وآآ صرفت آآ الناس اليك ليتعلموا. اه يا رب صرفت الناس الي. يقول له ربنا يقول له النعم بتاعته والتاني قل له اه ده كله انا موافق ومقر به - 00:10:59ضَ

فربنا يقول له فما عملت؟ طب عملت ايه بالحاجات دي؟ قال يا رب تعلمت فيك العلم وعلمته فيقول الله كذبت وتقول الملائكة كذبت وتعالوا نقف هنا بقى سنة ربنا هيعرفه نعمه يعرفه. عملت ايه؟ يقول يا رب تعلمت فيك العلم وعلمته - 00:11:14ضَ

هسألكم سؤال هو الراجل ده تعلم طب سؤال تاني هو الراجل ده علم اه ما هو عالم لو قارئ للقرآن هيقول اي ربي آآ تعلمت فيك القرآن وعلمته طب الراجل ده كزب! ما هو علم وعلم اهو - 00:11:36ضَ

لأ ما تفكرش هو كذب. ربنا اللي قال له كذبت يبقى هو كذب في ايه! ما هو علم معلم هو يا جماعة كزب حرف واحد دخله النار الحرف ده لو كان صادق فيه كان زمانه في رتبة الانبياء - 00:11:57ضَ

ان الانبياء لم يورثوا دينارا ولا درهما ولكن ورثوا الايه العلم فمن اخذ العلم اخذ بحظ وافر متخيلين ايه الحرف ده؟ حرف الكاف قال ايه ؟ ربي تعلمت فيك العلم وعلمته - 00:12:19ضَ

حرف الكاف هو ما غلطش غير في ده. ما تكدبش غير في ده وده اللي وداه النار مش بس كده ده اللي خلاه اول من تسعر بهم النار الامر مرعب يا جماعة. الامر مرعب خطير - 00:12:41ضَ

يقول الله كذبت وتقول الملائكة كذبت ويقول الله ما تعلمت الا ليقال عالم وقد قيل انت اتعلمت عشان يتقال عليك عالم. عشان يشار اليك بالبنان. علشان تبقى مشهور قراءة القرآن عشان يتعمل لك شرائط وتنزل وآآ والناس تيجي تصلي وراك بالالاف وقد قيل حصل ياللا روحوا روحوا على النار - 00:13:00ضَ

وكذلك يؤتى بالمنفق يعرف الله نعمه فيعرفها اديتك فلوسها. طب عملت ايه؟ قل اه يا رب ما تركت وجها تحب ان ينفق لك فيه الا انفقت. يقول الله كذبت وتقول الملائكة كذبت نفسك. لما يقول الله ما انفقت الا ليقال جواد. وقد قيل اذهبوا - 00:13:22ضَ

الى النار المجاهد يعرف الله نعمه فيعرف ها عملت ايه؟ عملت ايه؟ يقول اي رب جاهدت فيك حتى قتلت. يقول الله كذبت وتقول الملائكة كذبت. ويقول الله ما قاتلت الا ليقال شجاع. وقد قيل اذهبوا به - 00:13:38ضَ

النار شفتوا خطورة الموضوع يا جماعة خطورة الاخلاص والرياء انت بتعبد ليه تقصد بعبادتك مين امر في منتهى الخطورة الحديس التاني ربنا سبحانه وتعالى بيقول انا الشركاء عن الشرك عارفين كده يا جماعة لما اتنين شركا - 00:13:55ضَ

عايزين يكونوا شركاء مع بعض فيجوا بقى آآ بيتحاسبوا بالمليم. فتخيلوا كده فيه شريك مكبر دماغه من الاتنين دول آآ شريكه قل له الفلوس دي بتاعه يقول له يا عم خدها - 00:14:19ضَ

طب ده دي يأخذ مش عائز منك حاجة. الله عز وجل ولله المثل الاعلى يقول انا اغنى الشركاء عن الشرك. اصلا انا شرك ايه؟ من عمل عملا اشرك فيه معي - 00:14:32ضَ

تركته وشركه نروح للشريك ده انت عبدت علشان ربنا وغيره ربنا غني عن الشراكة اصلا نروح بقى لشريطي شف هيديك ايه يوم القيامة هذا كلام الرب سبحانه وتعالى الامر في غاية الخطورة. مسألة الاخلاص والرياء في غاية الخطورة يا جماعة. ولذلك - 00:14:42ضَ

انت مأمور اصلا في الدنيا دي كلها ايه ؟ وما امروا الا ليعبدوا الله مخلصين له الدين تخيل كده حضرتك لم تخلق في هذه الدنيا الا لحاجة واحدة سيبك من التهريج اللي احنا بنعمله ده. وسيبك من الدنيا اللي واخدانا دي - 00:15:06ضَ

ربنا لم يخلقها الا لمعنى واحد انك تعبد والعبادة بمعناها الواسع الشامل العبادة مش معناها انك بس تظل في صومعتك وكذا بس ده مش موضوعنا دلوقتي خالص انما المعنى يا جماعة انك ما تخلفش غير عشان كده. وما امروا انا ما امرتهمش بحاجة تانية. ربنا بيقول لك كده - 00:15:25ضَ

وما امروا الا ليعبدوا الله مخلصين له الدين. الاية التانية ابلغ من دي وما خلقت الجن والانس الا ليعبدون. انتم عارفين النفل باستثناء ده وما ده نفي. خلقت الجن والانس الا استثناء. ده من اعلى درجات الايه - 00:15:45ضَ

الحصر والقصر وكده يعني قاعدة في اللغة يعني انا ما خلقتش الجن والانس الا لحاجة واحدة. اهي يا رب العبادة طب العبادة دي يعني اي عبادة ولا فيها شروط معينة؟ الاية التانية بقى اللي احنا قلناها - 00:16:03ضَ

وما امروا الا ليعبدوا الله مخلصين له الدين مأمور بهذا انك تخلص وانك تدفع الرياء عن نفسك ايه هو الرياء ده؟ اللي هو هل تريد غير الله عز وجل بما - 00:16:17ضَ

اه اه ينبغي عليك ان تريد به الله عز وجل. اللي هي العبادة بتصلي واحد بيصلي علشان ابوه وامه ما يزعقلوش هو شركة خلاص روح بقى لابوك يوم القيامة كده قل له يا بابا هات ثواب العبادة دي - 00:16:30ضَ

واحد آآ بيحفظ قرآن عشان آآ اما يقف يصلي بالناس يبقى صوته جميل وحلو والناس تقول له والله يا عم الشيخ اذهبوا به الى النار عياذا بالله وهكذا في كل عبادة يا جماعة. واحد بينفق - 00:16:47ضَ

طب ده يخلينا نعمل ايه؟ نقف مع نفسنا وقفة في كل عبادة بنعملها. هو انا بعمل ده ليه هو انا عاوز مين ؟ هو انا غرضي ربنا ولا غرضي حاجة تانية ؟ - 00:17:02ضَ

زي ما انتم شايفين كده الموضوع رعب رعب طيب ياه ازاي نعالج القصة دي؟ واحد مرائي لو واحد يعني يجد من نفسه هذا العلاج بحاجتين. اول حاجة علاج علمي. تاني حاجة علاج عملي - 00:17:13ضَ

ايه العلاج العلمي؟ علاج علمي يعني آآ حاجة هتكلم بها نفسك كده تقعد تكلم نفسك علمي علمي يعني ما هواش حاجة هتعملها علاج عملي يعني حاجة هنقول لك خلي بالك وانت بتطيع ربنا - 00:17:36ضَ

لو انت بتطيع بتؤدي الطاعة خلي بالك اعمل واحد اتنين تلاتة اربعة آآ العلاج العلمي باختصار انك تقعد قبل ما نقول العلاج طيب هو ايه اللي بيخلينا نراعي؟ يعني انتم عارفين لما نيجي نعالج مرض لازم نعرف - 00:17:47ضَ

سبب المرض ايه اصلا؟ خلي بالك خلي بالكم هو الرياء عرض مش مرض. امال ايه المرض؟ المرض هو السبب اللي خلاك تراعي اصلا طيب اسأل نفسك كده هو انا ليه براوي - 00:18:03ضَ

يعني انا بصلي ليه ما تبقاش لله يعني؟ طب انا بانفق ليه ما تبقاش لله انا بطيع ابي وامي ليه ما يبقاش لله؟ انا وهكذا في العبادات كلها. ايه اللي بيدخل يعني ايه اللي بيخليني افكر في الناس وافكر في - 00:18:18ضَ

بقى له حالة من تلاتة والتلاتة النبي جمعهم في حديس واحد عليه الصلاة والسلام الو تلت حاجات اللي بتخلي واحد يراعي في العبادات. الحاجة الاولى حب المدح. واحد انك بتحب الناس تمدحك وتثني عليك. الحاجة التانية - 00:18:32ضَ

مخافة الذنب هي دي غير دي اه وهنعرفها دلوقتي الحاجة التالتة الطمع فيما في ايدي الناس يبقى واحد بيحب يمدح ويثنى عليه الحاجة التانية واحد هو مش فارقة معه يوم ده احنا ما بنمدحش بس خايف يتهزأ - 00:18:51ضَ

خايف يعني واحد مسلا اه يدخل خناقة عشان ما يتقالش عليه جبان. هو مش عايز يتقال عليه شجاع اللي هي الاولى هو بس مجرد ان ما يتقالش علي جبان انا هدخل اتخانق مسلا انا بديكم مسال عشان تفهموا - 00:19:10ضَ

يبقى حب المدح يخليك تراعي مخافة الذنب خليك تراعي الطمع فيما في ايدي الناس عاوز فلوس من واحد عاوز منصب فيخليك تراعي خلاص التلاتة دول النبي جم في حديث واحد - 00:19:24ضَ

الصحابة وكأن الصحابة برضو يا جماعة عندهم يعني فقه نفس وازاي يختاروا تلات حاجات كل واحدة بنوع. قالوا يا رسول الله الصلاة والسلام. ارأيت الرجل يقاتل شجاعة والرجل يقاتل رياء - 00:19:42ضَ

والرجل يقاتل ليرى مكانه اه عفوا الرجل يقاتل شجاعته والرجل يقاتل حمية والرجل يقاتل ليرم مكانه. اي ذلك في سبيل الله؟ قال من قاتل لتكون كلمة الله هي العليا فهو في سبيل الله - 00:19:59ضَ

اول حاجة طبعا الاخلاص واضح اللي هو في اخر الحديث. من قاتل لتكون كلمة الله هي العليا. من قتل من لله هو في سبيل الله. طيب انما التلاتة دول بقى تعالوا نتدبرهم كده. الراجل يقاتل شجاعة حمية يرى مكانه - 00:20:17ضَ

شجاعة يعني حب المدح. هو عاوز يبان انه شجاع يحب انه يحمد بهذا محمية مخافة الذنب يتقال قبيلة فلان آآ اتهزمت. فيروح يقاتل يرى مكانه الطمع فيما في ايدي الناس - 00:20:33ضَ

طيب اه اقطع ده بقى ازاي؟ ادي المرة ده عرفنا العرض هو الرياء المرض هو حاجة من تلاتة حب المدح مخافة الذنب الطمع فيما في ايدي الناس نعالج ازاي؟ تعالج علمي الاول - 00:20:53ضَ

طب علمي ازاي؟ اول اتنين اللي هو حب المدح ومخافة الذنب. كلم نفسك بقى اقعد كده كلم نفسك قل لنفسك كده ما ينفعك ان حمدك كل الناس وانت عند الله مذموم - 00:21:09ضَ

هينفعك بايه الناس كلها بتشكر فيك وربنا يلعنك استفدت ايه بقى ايتها النفس لا ينفعك وما يضرك من ذمة كل الناس وانت عند الله محمودة جماعة احنا مديين الناس اكبر من حجمهم بكتير والله - 00:21:27ضَ

بكتير عامل ربنا سبحانه وتعالى ايه الناس كلها حمدتك ينفعوك بايه في الاخرة بالله عليك؟ تمثل نفسك كده وده برضه ده علاج علمي انك تزكر نفسك باهوال الاخرة وقلاقل الاخرة - 00:21:54ضَ

وازاي مش ان مش ان الناس البعيدة الفولورز بتوعك ولا ولا الالتراس بتاعك هو اللي هيفر منك ده اقرب قريب ولا هيعرفك يوم يفر المرء من اخيه وامه وابيه وصاحبته وبنيه لكل امرئ منهم يومئذ شأن يغنيه - 00:22:12ضَ

بالله عليك اوعى تفكر في الايات دي شايفين التدريج يوم يفر المرء من اخيه الاصناف اللي جاية دي هتلاقوها متدرجة يعني ايه متدرجة يعني وكأني ربنا سبحانه وتعالى بياخدك من ايه - 00:22:39ضَ

يعني ياخده كده في هول متصاعد اول ما يعني كانه اول ما يبدأ تفر من اخيك حتى لو لك شوية تعلق باللي جايين بس ده اول واحد هتستغنى عنه طبعا سألنا عنه ده بعد ايه الناس تيأس ومش في دماغك. ده احنا بنتكلم بقى في الدايرة القريبة - 00:22:58ضَ

هتلاقي كده ايه الناس دي آآ التخلي عنها يكون ايه؟ بالترتيب اللي محطوط في الاية يوم يفر المرء من اخيه وامه وابيه الابوين بعد كده وصاحبته الزوجة وبنيه اكبر تعلق للرجل او للمرأة بالابن - 00:23:15ضَ

ده كله هتفر منه. لكل امرء منهم يومئذ شأن يغنيه. اه بس الصالحين مش كده يعني الصالحين كده هيفتكروا. الصالحين مين اللي هيفتكروا؟ النبي عليه الصلاة والسلام النبي مش هيفتكر حد - 00:23:36ضَ

عائشة لما تسأله تذكرون اهليكم يوم القيامة تفتكرنا قال والذي نفسي بيده اما في ثلاثة مواطن فلا يذكر احد احدا والنبي يا جماعة عليه الصلاة والسلام مش هيفتكر حد والشمسية كان عائشة - 00:23:50ضَ

احب نسائه الى قلبه اما في ثلاثة مواطن فلا يذكر احد احدا. في تلات مواطن في الاخرة ما حدش هيفتكر حد متخيلين يا جماعة تطاول الصحف حتى يعلم بيمينه يأخذ كتابه او بشماله - 00:24:12ضَ

وعند نصب الصراط حتى يعلم آآ يمر او يسقط وآآ انت الميزان حتى يعلم اه تثقل اه او ترجح كفته او او تخف تلات مواطن ما فيش بني ادم هيزكر التاني حتى النبي مش هيزكر من يحب - 00:24:34ضَ

عليه الصلاة والسلام فكر نفسك بقى بالمعاني الناس اللي انت بتراعي عشانها وعشان تشوفك هتنفعك بها طب مدحوك في الدنيا ويا عم مت وانت اشهر واحد في الكوكب في السبع قارات - 00:24:54ضَ

طب انت هتعيش مشهور كده قد ايه يعني؟ ولا حاجة ميت سنة هتعيش ميت سنة هتعيش آآ هتعيش يا عم ميت سنة. ميت سنة تموت بعد ميتين سنة حط اي رقم. انت عارف اللي انت بتقوله ده ده ولا حاجة. ده نقطة في بحر - 00:25:21ضَ

في الاخرة خلود كم لبثتم في الارض على سنين؟ قالوا لبثنا يوما او بعض يوما فاسأل العادين. قال ان لبثتم الا قليلا انت عايش قد ايه افرأيت ان متعناهم سنين. ثم جاءهم ما كانوا يوعدون. ما اغنى عنهم ما كانوا يمتعون - 00:25:47ضَ

فكر نفسك بالمعاني فكر نفسك انك لو حامد لو لو حمدك كل الناس وانت عند الله مذموم لن ينفعك شيء ولو ذمت كل الناس وانت عند الله محمود لن ينفعك شيئا. لن يضرك شيئا - 00:26:07ضَ

تلاقي الناس صغرت في عينيك اوي وتلاقي الدنيا صغرت في عينيك اوي ده معنى تاني بص هنجيبه دلوقتي ده علاج علمي بس للتالتة بقى يبقى احنا قلنا اول حاجة تبعث الرياء حب الحمد. تاني حاجة مخافة الذنب. هنعالجهم ازاي؟ فكر نفسك بالمعاني دي ده العلاج العلمي - 00:26:22ضَ

طب علاج علمي بقى للتالتة اللي هو الطمع في مفائد الناس فلوس منصب جاه كلها شهوات تفكر نفسك بايه؟ تتكلم كده مع نفسك تقول لها ايه؟ لو لقيت ان دي اللي بتدعوك للرياء. عاوز الناس تشوفك - 00:26:39ضَ

عشان تحصل فلوس او جاه او منزلة في قلوب الناس انت فاكر ان ان كل هذا انما هو عطاء الله سبحانه وتعالى ولو كان رزقك لاتاك ولو لم يكن رزقك والله - 00:26:54ضَ

لو تحايلت عليه بكل طريق لن يأتيك منه درهم واحد ولد مين لو ده رزقك ومكتوب لك هيجي لك حتى لو هربت منه ولو مش رزقك لو عملت البدع لو اتشقلبت - 00:27:14ضَ

مش هتحصل منه جنيه. مش هتحصل المنصب اللي انت رايحه ده لو ما هواش رزقك كلم نفسك كلها كده انت بتراعي ليه انت ايه يا عم عاوز تبقى امام والناس كلها تسمع صوتك وبتاع عشان يجي حد يديك في الاخر فلوس ولا يعينك مش عارف ايه ولا يعمل لك آآ فيديوز على يوتيوب ولا يا عم انت - 00:27:34ضَ

عاوز انت ده كله ليه يا عم انت ايه الهري اللي انت عايشه ده هو ده علاج علمي فكر نفسك بالميعاد دي ان ربنا سبحانه وتعالى هو بيدي خزائن السماوات والارض بل بيده قلوب العباد اصلا - 00:27:53ضَ

حتى لو تطلب المنزلة عند الناس قلوب العباد دي بين اصبعين بين اصبعين من اصابع الرحمن يقلبها كيف شاء تعال اه لو في وقت في الاخر للاسئلة ان شاء الله هرد عليها يعني انا في اسئلة بتيجي لي على الشات. فان شاء الله لو في وقت في الاخر هبص عليها وارد حاضر - 00:28:07ضَ

دي كلها معاني علمية يا جماعة اه طب عملي بقى طب انا خلاص هكلم نفسي بالحاجات دي العملي اعمل ايه باختصار انك على قد ما تقدر حاول تخفي عبادتك طبعا في عبادات ما ينفعش تخفى - 00:28:26ضَ

واحد هيحج هيحج فين بقى؟ هيحج في الصالون مسلا لازم هيروح يرى مكانه كده انما على قد ما تقدر ايه خياباتك عن الناس هتصلي حاول تصلي في حتة ما حدش يشوفك فيها الا طبعا لو صلاة جماعة - 00:28:47ضَ

فينبغي ايه؟ على الرجال ان هم يصلوا. جماعة هتصوم ما حدش يعرف انك صايم انتم عارفين يعني ايه في ناس كده اصلا يعني هو اي حاجة كمان لازم يعرف البشر - 00:29:03ضَ

فين الراجل اللي بيحكوا عنه واقف بيصلي وبعدين يعني الاتنين شافوه فبيقعد بيقول للتاني ما شاء الله صلاته جميلة فراح قاطع صلاته قال له لأ وصايم كمان. يعني هو ايه - 00:29:18ضَ

يعني مش هاين عليه حتى شوفوا عيسى عليه السلام جاء في الاثر ان عيسى عليه السلام قال اذا كان يوم صوم احدكم فليدهن وليلبس احسن ثيابي حتى يرى فلا آآ حتى حتى تزهق حتى تذهب عنه غبرة الصيام - 00:29:29ضَ

يعني اما تصبح صايم كده اصبح فرفوش ده معنى الكلام. ما ما تمشيش بقى موطي راسك ومبين اه شفايفك بيضاء ومستني حد يقول لك ماء ما يقول لكش ما لك او يقول لك ماء تقول له اصلي صايم - 00:29:52ضَ

يا عم انت صلي لله سبحانه وتعالى اخفي عبادتك وكان بعض السلف يعمل كده يعني يعني يا جماعة والله العظيم السلف وارضى عنهم حاجات تضرب كف على كتفي يعني رجل يفضل عشرين سنة يصوم. لا يعلم احد بصيامه - 00:30:06ضَ

وبعدين يفشي سره بقى وهو على فراش الموت. ده موطن رجاء. ممكن اه. اصل ده موطن ما فيش حد بقى عاوز حاجة من الناس. ده واحد بيرضي نفسه عشان يموت وهو حسن الظن بالله - 00:30:24ضَ

سبحانه وتعالى عشرين سنة ما حدش يعرف انه صايم ولا مراته كان اذا خرج من بيته اخذ رغيفين اخد الرغيفين اللي بيفطر فيهم. هو راجل تاجر شغال في السوق يطلع الصبح اخذ رغيفين فيتصدق بهما في الطريق. وكأن كان بيرجع البيت بعد المغرب - 00:30:35ضَ

ويظن اهل السوق انه افطر في بيته. ويظن اهل بيته انه افطر في السوق احنا فين يا جماعة من ده كله المعنى ده هنتكلم عليه بالتفصيل وهندي امثلة كتير قوي ان شاء الله هنتكلم عن شعبان - 00:30:54ضَ

هيبقى في درس خاص كده بشعبان هنتكلم فيه عن معنى اخفاء العبادة وهنجيب امثلة كتير وهنعيد حتى المسل ده هنعيده ان شاء الله واحد تاني كان اشتهر بالصيام. عابد واشتهر انه على طول صايم. كان يدخل المسجد - 00:31:08ضَ

الصبح في صلاة الضهر في صلاة العصر اروح ماسك كوز الماية كده وحاطه عليه على بقه ما اشربش منه حاجة يخفي عبادته ايه رأيكم وطبعا هنتكلم عن انه لازم يكون لك خبيئة بينك وبين الله لكن ده معنى تاني هنتكلم عنه بعدين. المعنى دلوقتي احنا بنعالج الرياء - 00:31:22ضَ

طب نعالج الرياء ازاي؟ عرفنا اسبابه حب المدح ومخافة الذم والطمع فيما فيما في ايدي الناس. ها طب نعالج ازاي بقى نعالج ازاي انك تكلم نفسك العلاج العلمي مش هينفعك الناس بحاجة مش هيضروكي بحاجة - 00:31:43ضَ

وكل حاجة انت بتفكري فيها تحصليها هي بيد الله عز وجل الرزاق العلاج العلمي العلاج العملي اخف عبادتك على قد ما تقدر الحقيقة هنا اسر عجيب قوي لابراهيم ابن ادهم. رحمه الله - 00:31:59ضَ

وانا بتعمد ان انا اقرأ في كتب اهل العلم عشان حتى لغة يعني ما ننساش لغة العلما يا جماعة. للاسف يعني في زمان الفيسبوك بقى والناس كلها يعني هو انا ده كان هدفي الحقيقة ان انا اخلي الدرس على زوم - 00:32:17ضَ

على الفيسبوك والسوشيال ميديا والحاجات دي بحس ان احنا قاعدين في الشارع الصراحة عارفين الشارع اللي هو ما ينفعش تركز فيه في حاجة يعني حتى وانت فاتح لايف على الفيسبوك فعمال عشان تبص شارع قاعدين في شارع - 00:32:30ضَ

فانا خرجت وقلت ايه الجيل اللي يجي لي بقى يعني ان شاء الله اتنين تلاتة يدخلوا. ابرك يعني بنعزل ولزلك انا الحقيقة يعني لي رجاء نحاول وقت الدرس حتى لو انت بتحضر درس لان ده تحدي من - 00:32:43ضَ

تحديات دروس الاونلاين يعني. حاول تفرغ نفسك في هذا الوقت وتبقى قاعد جلسة مختلفة يعني يعني انت متعود تبقى مرحرح وماسك الموبايل بتسكرول لا لا لا خالص يعني مش تقفل الزوم مسلا وسمعه في الباك جراند وبرضه شغال زي. لأ - 00:33:00ضَ

يا جماعة احنا دروس اصلي مش دروس علم. احنا دروسنا دروس تزكية ودروس التزكية دي يا جماعة يعني كلمة واحدة ممكن تغير لك حياتك كلها الكلمة دي هتيجي امتى ؟ الله اعلم - 00:33:18ضَ

بس لازم اما تيجي تلاقي قلبك مفتوح لها مش هتيجي خلي بالك انت ممكن يكون كلام كتير اوي لو كنت انت مركز كان زمانه جه وخبط واثر وآآ وعمل مفعول - 00:33:31ضَ

لانك فاتح في وبرضه قاعد على الفيسبوك او فاتح في الباب على الواتساب فالكلام هيخش امتى وفين وازاي فلو سمحتم الدروس دي بالزات لأ خليك مركز معها. يا جماعة انا يعني يعني - 00:33:43ضَ

انا هقول لكم سليم موضوع الكلمة اللي بتغير دي فضيل ابن عياط ده كان اسمه عابد الحرمين كانوا بيقولوا ان كان اسمه قبلها لص المشرقين متخيلين كان حرامي يعني كان شيخ منصب - 00:33:58ضَ

بيقولوا ازاي الفضيل بيقولوا داخل يسرق بيت راجل البيت كان مكون من طابقين فهو كأنه طالع على الطابق اللي فوق الراجل قاعد تحت في البيت بيقرا قرآن بالليل ومر على قول الله عز وجل الم يأن للذين امنوا ان تخشع قلوبهم لذكر الله - 00:34:17ضَ

الفضيل داخل يسرق فوقف الفضيل وقال ان يا رب وانقطع للعبادة رضي الله عنه بشر الحافي الاهتمام من ائمة الزهد والتصوف بشر الحافي يتسمى باسم حافي عشان كان بيمشي حافي - 00:34:39ضَ

طب ليه كان بيمشي حافي لما سألوه قال هذه حال صالحا يربي عليها بيقول الحالة اللي انا ان انا حافي دي وانا ربنا صالحني على الحال دي ما غيرهاش. طب ليه ربنا صالحه ازاي وهو حافي - 00:35:06ضَ

قصته عجيبة جدا بشر يا جماعة كان قاعد في بيته ومعه اصحاب بيشربوا وعندهم مغنية بتغني لهم متخيلين قاعدين بيسكروا وعندهم مغنية واقفة بتغني جوة البيت طبعا صوت وهيصة وزمبليطة راجل معدي برة سمع صوت فخبط على الباب - 00:35:20ضَ

ففتحت الجارية تشرق الجمعة اصحابه في سهرته فتحت الجارية فقال لها الرجل صاحب الدار حر ام عبد. انتم زمان كان في عبيد والجارية دي كانت امة هو بيقول لها صاحب الدار حر ام عبد - 00:35:44ضَ

ولد حر طبعا تقصد حر يعني ما هواش عبد يعني صاحب الدار حر ده هو سيدها يعني. قالت حرة. فقال الرجل صدقت لو كان عبدا لراعى اداب العبودية اللهم يسر معنى تاني حر ولا عبد لله؟ - 00:36:00ضَ

قالت حر. قال صدقت. لو كان عبدا لراعى اداب العبودية ومشي خرج سأل الجارية مين اللي كان على الباب فقالت له واحد سألني كذا وقلت له كذا وقال لي كذا. قال لها اين ذهب؟ شاورت له. فجري ورا الراجل - 00:36:18ضَ

طلع وراه حافي واوقفه وقال اعد علي مقالتك فقال له الرجل لو كنت حرا لراعيت لو كنت عبدا لراعيت اداب العبودية فنزل بشر ومر وجهه في التراب وقال عبد عبد - 00:36:36ضَ

وتاب الى الله عز وجل انت ما تعرفش الكلمة اللي هتغير حياتك ولام الاخدود عارفين قصة اصحاب الاخدود والغلام الصغير انا مش هحكيها للي مش عارفها يعني بس حاولوا تتعرفوا عليها. عشان مش هينفع احكيها دلوقتي. لكن يا جماعة الغلام ده - 00:36:55ضَ

كان دولة دولة دولة يعني ايه؟ يعني ملك بساحر بهلمة بجيش دولة بتعد انه يبقى خليفة لساحر الملك دولة بمؤسساتها بامكانياتها بتعد الغلام ده انه يبقى خليفة لساحر الملك. يعني ايه خليفة لساحر الملك؟ عارف زي دلوقتي الاعلام يعني زي ايه؟ وزير اعلام - 00:37:14ضَ

يزيل للناس آآ الاباطيل والكذا وكذا دولة بتعد هذا ايه اللي يحصل له يسمع راهب قاعد في اوضة وهو معدي كده سمعه بيقول كلام ربنا تغيرت حاله ويبقى والي من اولياء الله الصالحين والقصة هو معروفة لو مش معروفة حاولوا تسمعوها - 00:37:40ضَ

ايه الكلمة اللي هتغيرك ؟ هتيجي امتى ؟ مش عارف لكن اللي عليك ان لما الكلمة تيجي بقيت مستنيه بلاش الاجهزة اللي في ايدينا دي يعني مسؤولة وهي اما لك واما عليك - 00:38:05ضَ

التليفون اللي في ايدك ده كم كلمة مرت كانت ممكن تؤثر في قلبك وتغير حياتك لكن لقيتك قاعد بتسكرون على الفيسبوك لقيتك قاعد بتشات على الواتساب يا جماعة ساعة ساعة لله سبحانه وتعالى سواء الدرس ده او غيره ما اتكلمش على الدرس ده - 00:38:26ضَ

انا ده هدف رئيسي اني اطلع اصلا من حتة الفيسبوك وانا يعني لعلي قريبا اصلا اقفل الفيسبوك ده انا قفلته وفتحته لما ناس برضه قالت ان فيه مصالح شرعية وكده ويمكن تعطل - 00:38:45ضَ

لكن يعني آآ ابعدوا بقى ابعدوا انفصلوا ويمكن الجيل الكبير اللي يعني في سني او اكبر كمان يعني عشنا المعاني دي ودوقنا لذتها. الشباب الاصغرين في ما عاشوش الحاجات دي اصلا - 00:38:57ضَ

فكرة ان انت وانت قاعد في درس في المسجد بتنفصل عن الدنيا اللي هو فعلا الحديس يا جماعة اللي هو نكون عند رسول الله فيحدسنا بالجنة والنار فكانها رأي العين - 00:39:10ضَ

مش عاوزين دنيا دنية ايه وقرف ايه! يمكن الاجيال الجديدة ما حستش ده خالص. حتى لما بيجي يسمع درس انا بشوف ده بشوف في ولادي وبشوف اما ييجي يسمع حتى درس اهو قاعد ونايم وعلى الكنبة - 00:39:21ضَ

رجله ومش عارف ايه وعشان والدرس بقى على اليوتيوب دلوقتي ايه يضرب السرعة في اتنين عشان انا مش فاضي اسمع ساعة وساعتين لأ اضرب السرعة في اتنين يا باشا الحقوا الحقوا - 00:39:31ضَ

اللي ما الحقوش ان شاء الله ما لحقته التعامل ده ما ينفعش مع ربنا ليه اصل يا جماعة ربنا ده ملك ملك يا جماعة ملك الملوك سبحانه وتعالى تخيل انت حضرتك داخل على ملك من ملوك الدنيا رئيس دولة وزير رئيسك في العمل اللي هو يعني - 00:39:41ضَ

وبعدين داخل بقى عليه عاوز منه حاجة فبتكلمه وانت بتهرش في راسك وبتدي له قفاك وفاتح الموبايل بسكرول هيعمل فيك ايه ده فتخيل ان انت بتعمل ده مع ربنا سبحانه وتعالى - 00:40:03ضَ

دروس العلم مواطن تنزل الرحمات هم القوم لا يشقى بهم جليسهم انت قاعد انت قاعد انت قاعد قعدة مستغني اصلا. اللي هو ايه كأني احنا اهو بنتكلم عن النية انت قاعد عند اللي هو ايه؟ انا متفضل ان اني قاعد النص ساعة. لا هو ربنا اول حاجة هيقولها ايه؟ مش عاوزك - 00:40:20ضَ

دي اول يعني ما ما تفتكرش ان يعني هتقرض هيعرض وفي داهية بقى ويوم القيامة بقى نبقى نشوف اه انت لازم ربنا يرى منك الانكسار ويرى منك الافتقار. وانك لما قعدت القعدة دي فانت قاعدها لانك محتاج. وعارف انك محتاج - 00:40:43ضَ

وعارف انه لو لم يتداركها الله عز وجل برحمته ضعت وهلكت فانت فلازم يا جماعة انت وانا. يعني مش بتكلم عليكم انتم بس واحنا بنتعرض للرحمات نتعرض تعرض المحتاج المفتقر اللي فعلا شايف نفسه - 00:41:07ضَ

انا لو ما اترحمتش هاروح في داهية مش المستغني المتفضل اللي هو يا عم احمد ربنا ان انا قاعد بسمعه لأ ما تسمعش وقلت لكم الاية قبل كده اية مرهبة - 00:41:22ضَ

ولو ارادوا الخروج لاعدوا له عدة ولكن كره الله انبعاثهم اصابات وقيل اقعدوا مع القاعدين ما تسمعش الدرس ما تحفظش قرآن ما تصومش ما تصليش لأ يعني اه يعني ايه الكلمة هتيجي امتى ما نعرفش. ففوقه كده - 00:41:38ضَ

ابراهيم ابن ادهم رحم الله قعدت لما باجي اقرا هاقرا على بعضه فنركز بقى. يقول ابراهيم بن ادهم تعلمت المعرفة من راهب يقال له سمعان. راهب من رهبان النصارى ابراهيم الادهم ايمان برضو من ائمة الزهد. بيقول عرفت معرفة ربنا سبحانه وتعالى من راهب. هو اللي علمني. ازاي؟ قال دخلت على صومعته - 00:42:00ضَ

الحتة اللي بيعمل فيها ربنا فقلت له منذ كم انت في صومعتك هذه؟ بقى لك قد ايه بتقعد ربنا في صومعة؟ قال منذ سبعين سنة قلت ما طعامك؟ تاكل ايه؟ قال كل ليلة حمصة - 00:42:25ضَ

ده شيء حقير جدا يعني لا يغني ياه قلت فما الذي يهيج من قلبك حتى تكفيك هذه الحمصة هو انت بتفكر في ايه عشان تعيش حياتك كلها كل يوم تاكل حاجة بسيطة اوي يعني. يعني ايه اللي بتفكر فيه بيساعدك على كده - 00:42:38ضَ

قال ترى الدير الذي بحذائك فيه دير مكان زي كنيسة صغيرة ولا دير دير بعيد شوية عن صومعة الروح. قال له شايف الدير اللي هناك ده؟ قلت نعم قال انهم يأتوني في كل سنة يوما واحدا - 00:43:01ضَ

ويزينون صومعتي ويطوفون حولها يعظموني بذلك ان انا الراهب اللي ما بياكلش الزاهد فكلما تثاقلت نفسي عن العبادة ذكرتها عز تلك الساعة كل ما اجي طول السنة نفسي تثقل علي افكرها اقول لها عز الايه الساعة دي - 00:43:14ضَ

فانا شوفوا بص الراهب اللي عارف ان هو على ضلال قال فانا احتمل جهد سنة لعز ساعة واحتمل يا حنيفي. يعني يا مسلم جهد ساعة لعز الابد الراهب يا جماعة عارف انه على ضلال. فبيقول لابراهيم ابن ادهم انت مسلم - 00:43:40ضَ

احتمل ذل ساعة اللي هي الدنيا لعز الابد فوقر في قلب المعرفة. الامام بيقول فوقعت في قلبي وخلاص وقال ازيدك طب ايه رأيك بقى هقول لك حاجة زيادة الراهب قلت نعم - 00:43:59ضَ

ولا انزل عن الصومعة ونزلت فابلى الي ركوة فيها عشرين حمصة راح مدلدل لي الصومعة كأنها كانت فوق في مكان عالي على شجرة او حاجة. قال له انزل من الصومعة - 00:44:13ضَ

راح منزل له علبة كده بحبل فيها عشرين حمصة من اللي بياكلهم هنا ثم قال لي ادخل الدير. رح الدير وادخله وقد رأوا ما ادليت اليك هم شايفين بيراقبونا. رح بقى ادخل الدير وما لكش دعوة باللي هيحصل - 00:44:24ضَ

قال فلما دخلت الدير اجتمعت النصارى وقالوا يا حنيفي ما الذي ادلى اليك الراهب قلت شيئا من قوته نزل لي اكل من الاكل بياكله قالوا وما تصنع به؟ نحن احق به. ساوم به - 00:44:42ضَ

يعني اعمل مزاد علي هناخد منك الاكل ده قل الرقم اللي انت عاوزه فقلت عشرون دينارا. الدينار يا جماعة اربعة وربع جرام دهب دينار الواحد شوفوا قد ايه بقى ماشي يعني انت بتتكلم مسلا في ايه آآ اربعة في عشرين تمانين تمانين وربع العشرين آآ خمسة يعني ايه خمسة وتمانين جرام دهب - 00:44:57ضَ

اضرب بقى في الفلوس بتاعة دلوقتي عشان الاكل ده فاعطوني عشرين دينارا ما ما ناقشهوش ما فاصلوش. ادوا له عشرين دينار فرجعت الى الراهب وقال انت غلطان. لو ساومتهم عشرين الفا لاعطوك - 00:45:23ضَ

لو قلت لهم عشرين الف دينار. كانوا هيدوك العشرين الف دينار يا حنيفي هذا عز من لا يعبده انظر كيف يكون عز من يعبده بيقول له ده عز اللي ما بيعبدوش هو عارف ان هو ما بيعبدش ربنا. بيقول له ده عز اللي ما بيعبدش ربنا. فانظر كيف عز من يعبده - 00:45:42ضَ

يا حنيفي اقبل على عبادة ربك هو ده كان اول معهد معنى الاخلاص والرياء وهو اللي هو تحت تلات معاني معنى اخلاص ورياء بيتكلموا عنه علماء السلوك والاداب والتربية. المعنى التاني - 00:46:04ضَ

آآ هنتكلم بقى عن المعنيين دول مرة في مرة جاية ممكن تبقى الجاية وممكن مرة غيرها يعني. اللي هم المعنيين ما تنسوهمش بس اللي هو انك ازاي تدخل نوايا في المباحات - 00:46:23ضَ

وازاي تتعدد نواياك في العمل الواحد؟ وليه؟ ليه نعمل ده فده يبقى في مرة جاية ان شاء الله ياه في سؤال آآ حد عامل جروب للدين آآ على صفحة يعني عامل صفحة فيسبوك جروب دين يعني. ده هل ده مضيعة للوقت - 00:46:34ضَ

بالرغم انه بينفع الغير بامور دينية وانا عملت لوجه الله تعالى يعني السؤال ده سؤال عام. ما ما اقدرش اقول هو ده مضيع الوقت ولا لأ. لكن كل حاجة يا جماعة خلونا نجاوب سؤال نجاوب السؤال ده بجواب عام برضو - 00:46:55ضَ

انظر الى حال قلبك كذلك انظر الى آآ يعني ايه مبيعات اي فعل بتفعله يعني ايه بقى الكلام ده؟ عشان ما يبقاش بننزر انا عملت حاجة. عملت جروب على الفيسبوك - 00:47:14ضَ

وهو اصله جروب دين وانا بعامله لله والكلام ده. كلام جميل لكن آآ بقيت كل ما انزل بوست مسلا على الجروب. انا قلبي متعلق بعدد اللايكات اللي بتيجي. او بالكومنتس اللي بتسني - 00:47:37ضَ

فاعرف ان انت عندك مشكلة انت كده شايف الخلق انتم عارفين يا جماعة العلماء لما جم يتكلموا عن حاجات الاخلاص والرياء وكده قال لك انه يستوي عندك آآ الناس والبهائم - 00:47:53ضَ

يعني لا تبالي. رآك انسان او رأتك بهيمة وانت بتعمل العمل انتم متخيلين مش فاهمة ليه؟ لان انا اصلا آآ ما بعملش العمل ده لحد ما بعمله لله سبحانه وتعالى. طيب يبقى دي اول حاجة تنظر فيها - 00:48:09ضَ

اه الحاجة التانية طيب انا الجروب ده لأ انا قلبي الصراحة مش متعلق لا بلايكات ولا كومنتس ولا ولا الحاجات دي خالص لكن وجودي على الفيس اصلا مضيعة للوقت في واحد كده يعني ايه يعني ببقى داخل بنية - 00:48:29ضَ

الاقي نفسي قعدت ساعة الباسبور داون على الفيسبوك وبشوف اخبارناش اي تلاتة لازمة وبضيع عمري ودول بقى المعاني التانية عشان كده انا اجلتهم يا جماعة مش عاوز اكروتهم في خمس دقايق. لان الاتنين دول هيبقوا تحت معنى كبير قوي انا انا نفسي يبقى في درس لوحده اللي هو - 00:48:50ضَ

الوقت وقتنا اقراص مالك ده انت بتضيعه في ايه فاعزروني يعني الجواب دلوقتي مضغوط قوي لغاية ما هيبقى فيه درس مخصوص للحتة دي والحتة دي انا رأيي من اهم الحتة اللي هنتكلم عنها دلوقتي مع آآ اجتياح السوشيال ميديا حياتنا - 00:49:07ضَ

فبضيع بضيع عمري عليه والكلمة دي انا حاسس انا عارف ان هي مش هتحسوها قوي لغاية ما ناخد الدرس بس خضوع كده دلوقتي وساعتها برضو نقول لا وجودك في الجروب ده خطر - 00:49:27ضَ

آآ معنى تالت ان ممكن يقع اشياء من التجاوزات بقى زي اختلاط معين زي كذا زي كذا. فدي يعني سؤال عام والجواب عليه مش هينفع يعني انا ما اعرفش حال قلب السائل في ايه؟ آآ شكل الجروب ده ايه؟ آآ مؤهلاته في الدعوة الى الله ايه؟ الحاجات دي كلها يعني ايه - 00:49:39ضَ

آآ هل حضرتك تعرف السلة تسمى الرباط المقدس لمحمد الشريف الدين لأ معرفوش واحد اسمه محمد خيري الشعال ما اعرفوش برضو اه كيف هنال الرحمة والمغفرة عن طريق الرسول؟ آآ طالما مش مش هيفتكر حد - 00:49:59ضَ

لأ الرسول عليه الصلاة والسلام هيشفع وله عدة شفاعات. صلى الله عليه وسلم ومش بس الرسول اللي هيشرب في اصناف من من امتها تشفع وثبت هذا في احاديث منها الشهيد. يشفع في سبعين من اهله الى غير ذلك - 00:50:24ضَ

الرسول هيشفع وله عدة شفاعات منها الشفاعة العظمى. اللي هو المقام المحمود اللي بنسأل الله عز وجل في كل صلاة انه آآ يبعثه اياه يبعثه المقام محمود اللي هو ايه؟ اللي هو اللي الناس كلها تبقى ايه بتروح لكل نبي اقول نفسي نفسي - 00:50:40ضَ

ان تقويم الساعة بس يعني ايه هم واقفين في عرصات القيامة عاوزين بس الناس تتحاسب ويتقدم لها النبي صلى الله عليه وسلم ويسجد بين يدي الله عز وجل ويفتح الله عز عز وجل عليه بمحامد لم يفتح على احد قبله بها الى اخر - 00:51:00ضَ

الى اخر الكلام ده لكن في تلات مواقف ما حدش هيفتكر حد. حتى النبي اه حتى النبي. اللي هم التلاتة اللي احنا قلناهم التلاتة دول من شدة هولهم خلاص يعني آآ يعني ايه زاغت الافئدة بقى خلاص وبلغت القلوب الحناجر وخلاص ما فيش حد فاكر حد - 00:51:15ضَ

الصراط بينصب الكتب بتتطاير الميزان بينصب يا جماعة فكروا فالتلاتة دول لأ ما يعني وقتها كله هينسى كله آآ نصيحة حضرتك اسمع لحد ما اعرفوش ولا الافضل لأ. قطعا الافضل لأ - 00:51:34ضَ

خصوصا مع انتشار آآ آآ المحتوى الديني للي نعرفه ان هذا العلم دين فانظروا عمن تأخذون دينكم. انا في فيديو عملته اللي هو باسم اه ازاي اعرف مشكلتي واتكلمت عن المعنى ده ان انت لما تيجي تقعد بين يدي شيخ لابد انك تبقى عارف مين الشيخ ده وايه منهجه كذا لان ان هذا الامر دين فانظروا عما تأخذون دينكم - 00:51:53ضَ

لأ واحد ما نعرفوش الافضل ما نسمعلوش الا لما نعرف منهجه ايه خصوصا زي ما قلت لك مع انتشار ايه؟ الناس اللي نعرفها يعني الحمد لله الخير كثير طيب اه كده ما فيش اسئلة تاني - 00:52:17ضَ

اه هم دول بيتكلموا عن الارتباط والزواج وما تتجوزش اصلا تعرف تتجوز ليه ماشي طيب آآ اقول قولي هذا واستغفر الله العظيم لي ولكم سبحانك اللهم وبحمدك نشهد ان لا اله الا انت - 00:52:33ضَ

نستغفرك ونتوب اليك - 00:52:51ضَ