باحث

بسم الله والحمد لله والصلاة والسلام على رسول الله وعلى اله وصحبه ومن والاه واشهد ان لا اله الا الله وحده لا شريك له واشهد ان محمدا عبده ورسوله. اللهم صل على سيدنا محمد النبي. وازواجه امهات المؤمنين وذريته وال بيته. كما صليت على ال ابراهيم - 00:00:00ضَ

انك حميد مجيد آآ اما بعد نشرع في كتاب الصيام آآ من كتاب هداية الراغب شرح عمدة الطالب قال كتاب الصيام وقال هو لغة مجرد الامساك. طبعا كعادتنا هيبقى آآ هذا الدرس درس تفاعلي - 00:00:16ضَ

هتتكلموا فيه وتكتبوا اكتر ما انا هتكلم كمان ده برضو للناس اللي حاضرة جديد يعني ومش عارفة طريقة الدرس طبعا اللي حاضر جديد فهيبقى فيه حاجات في الاول بالنسبة له غريبة شوية - 00:00:39ضَ

لكن واحدة واحدة اصبر كده وان شاء الله ايه تحصلها مع مع الوقت يعني طيب قال كتاب الصيام وهو لغة مجرد الامساك. يقال للساكت صائم لامساكه عن الكلام. ده كده كلام مين يا جماعة - 00:00:53ضَ

الكلام اللي احنا بنقراه دلوقتي ده يلا نوصل بس الاذهان الكلام اللي بنقراه دلوقتي هو لغة مجرد الامساك يقال للساكت صائم لامساكه عن الكلام ده كلام مين؟ عثمان النجدي. احسنت - 00:01:08ضَ

ممتاز يا مروان ممتاز يا احمد يبقى ده كلام عثمان النجدي خلاص؟ يبقى الصيام في اللغة مجرد الامساك. خلاص يعني من امسك عن اي شيء يقال له صائم آآ ومنه قوله تعالى اني نذرت للرحمن صوما ها فلن اكلم اليوم انسيا. يبقى الصوم هنا - 00:01:20ضَ

ليس هو الصوم المعروف اللي هو الامساك عن الطعام والشراب. لأ انما الصوم هنا الامساك عن الكلام. اني نذرت للرحمن صوما فلن اكلم اليوم انسية طيب قال وشرعا امساك بنية - 00:01:38ضَ

عن اشياء مخصوصة في زمن معين من شخص مخصوص ايه هو الصوم شرعا بقى؟ امساك بنية عن اشياء مخصوصة اللي هي مفسدات الصوم وتأتي معنا ان شاء الله في زمن معين اللي هو من الفجر الثاني الى غروب الشمس من شخص مخصوص - 00:01:53ضَ

اللي هو المسلم العاقل غير الحائض والنفساء يبقى هو ده الصوم خلاص آآ وفرض في السنة الثانية من الهجرة في شعبان فصام صلى الله عليه وسلم تسع رمضانات اجماعا طيب - 00:02:12ضَ

آآ قال يجب صوم رمضان برؤية هلاله. ده كلام مين بقى يجب صوم رمضان برؤية هلاله. ده كلام الامام البهوتي. احسنت عبدالعظيم طيب يجب معلش بقى ايه تعبان فاعذروني الدرس هيبقى خفيفة ان شاء الله النهاردة. يجب صوم رمضان برؤية هلاله. طيب خليكم معي كده - 00:02:33ضَ

امين جزاكم الله خيرا صوم رمضان يا جماعة باي شيء يثبت يثبت الشهر هنشوف انه هيثبت بحاجة من تلاتة وان شئت فقل من اربعة اول حاجة هيقولها يجب برؤية الهلال - 00:03:09ضَ

ركزوا ها يجب رؤية الهلال يبقى من رأى الهلال وجب صوم رمضان عليه بالرؤية تاني من رأى الهلال وجب صوم رمضان عليه برؤيته للهلال خلاص حتى لو كان الرأي ده فاسق اه حتى لو كان الرأي ده فاسق - 00:03:29ضَ

يجب عليه هو هو نفسه انه يصوم لانه شاف الهلال بعينه خلاص طيب خلونا بس نحكي كده حكاية علشان نفهم اللي جاي كله ان شاء الله بصوا يا جماعة ليلة تلاتين شعبان ان شاء الله - 00:03:53ضَ

نتراءى الهلال وكلمة نثراء الهلال دي هنيجي لها كمان شوية خلاص ليلة تلاتين شعبان ده اللي واحنا صابحين تاني يوم يوم كم مين يقول اه مستني واحد رمضان جميل حد له رأي تاني - 00:04:09ضَ

ولا تلاتين شعبان على حسب الهلال اه احنا مش عارفين احنا مش عارفين بكرة واحد رمضان ولا ولا تلهين شعبان. لكن على كل حال تاني يوم اللي احنا صابحينه ده. يا تلاتين شعبان يا واحد رمضان. فلما نقول ليلة تلاتين شعبان يعني اليوم اللي جاي هو - 00:04:36ضَ

كل تلاتين شعبان او واحد رمضان. مش اللي فات ماشي يا جماعة؟ يعني تسعة وعشرين شعبان بالليل بقى خلاص عشان احنا بس عندنا ملخبطين في الحتة دي شوية الليلة بتسبق اليوم يا جماعة. الليلة تسبق اليوم - 00:04:51ضَ

الليلة تسبق اليوم فلما نيجي نقول مسلا آآ احنا النهاردة كم جماد جماد ساني حد يعرف بسرعة النهاردة كم جمال النهاردة تسعة احسنتم تسع جماد ثاني احسنتم طيب تسع اجابات ساني. يبقى النهاردة بالليل اهو. الليلة دي اهي. ليلة كم - 00:05:08ضَ

ليلة عشرة احسنتم لا يا عبد العظيم ليلة عشرة مش ليلة تسعة. الليلة تسبق اليوم. الليلة تسبق اليوم يبقى بكرة عشرة جماد ساني يبقى النهاردة ليلة عشرة. خلاص كده ؟ طيب - 00:05:33ضَ

ليلة تلاتين شعبان بقى اللي هو بكرة يا تلاتين شعبان يا واحد رمضان لسة مش عارفين هنبتدي نتراءى الهلال خلاص تراي الهلال ده هنيجي له كمان شوية. فكروني عشان لو ما قلتوش - 00:05:47ضَ

ماشي؟ طيب على كل حال لا يخلو من احوال ركزوا بقى لا يخلو من الاحوال اما ان احنا نبص على الهلال فيرى الهلال او لا يرى الهلال. يبقى دي القسمة العقلية ولا في في احتمال تالت؟ ما فيش احتمال تالت - 00:05:59ضَ

اما نطلع نبص على الهلال فنشوف الهلال او نطلع نبص على الهلال فما نشوفش الهلال صح لو هنعمل شجرة كده يبقى ايه آآ يبقى يمين مسلا آآ رؤية الهلال وشمال لم يرى الهلال. طيب - 00:06:17ضَ

اذا رؤي الهلال خلاص خير وبركة يبقى تاني يوم كم بصينا شفنا الهلال. يبقى بكرة واحد رمضان احسنتم وده المسألة اللي بيقولها دلوقتي يجب صوم صوم رمضان برؤية هلاله طيب - 00:06:31ضَ

بصينا فما لقيناش الهلال ما شفناش الهلال هذا لا يخلو من حالتين اما نكون ما شفناش الهلال مع صحو او مع غيم وقطر يبقى الفرع الشمال اللي احنا قلنا لو فيه فرعين فرع يمين - 00:06:52ضَ

رؤيا الهلال فرع شمال لم يرى الهلال. نقدر ننزل من الفرع الشمال ده اللي هو لم يرى الهلال بفرعين. فرع يمين مع صحو واكتبوا كده مع صحون يا جماعة التشجير اللي بنعمله ده - 00:07:11ضَ

هيسهل لكم الدنيا. اللي ما بيكتبش ورايا هو حر خلاص يعني. انما اللي عاوز يضبط العلم يكتب اللي انا بقوله ده يبقى هنعمل فرعين في الاول خالص فرع رؤيا الهلال يمين - 00:07:25ضَ

اكتب تحتيه يبقى غدا واحد رمضان خلاص طيب يبقى يصام فرع شمال لم يرى الهلال لم يرى الهلال ده هننزل منه فرعين الفرع اليمين هتكتبه مع صحو والفرع الشمالي اكتبه مع غيم او قتر او نحوه - 00:07:41ضَ

خلاص هنيجي للكلام ده دلوقتي بقى يعني الفرع الشمال ده كله هنجيله كمان شوية يلا بقى نرجع نقرا تاني. خلاص كتبتوا ده او تصورتوه في اذهانكم نرجع نقرا تاني بقى - 00:08:03ضَ

قال يجب صوم رمضان برؤية هلاله طيب هنا اول اول مسألة قبل ما ندخل في مسألة الفقه هنا قال يجب صوم رمضان من المسائل اللي بيذكرها الفقهاء ان المستحب قول شهر رمضان - 00:08:15ضَ

فيقال يجب صوم شهر رمضان هكذا خلاص هذا مستحب ان يقال شهر هي اه لفظ القرآن شهر رمضان الذي انزل فيه القرآن وهل يكره ان يقال رمضان من غير شهر - 00:08:45ضَ

ما استقر عليه المذهب اخرا انه لا يكره ذلك. يبقى المسألة فيها خلاف؟ اه فيها خلاف يبقى المستحب ان يقال شهر رمضان. وهل يكره ان يقال رمضان من غير شهر - 00:09:07ضَ

خلاف بين العلماء وما استقر عليه المذهب اخرا انه لا يكره ان يقال رمضان من غير نهار. ولعل الامام البهوتي رحمه الله ذكر رمضان هنا من غير لفظة شهر تنبيها على هذا المعنى انه لا يكره - 00:09:20ضَ

قول رمضان من غير شهر شوفتوا بقى دقة العلما يا جماعة يبقى يجب صوم رمضان ليه ما قالش شهر رمضان؟ لما هو المستحب ان يقال شهر رمضان. والبهوتي ده ده يعني انتهى اليه المذهب في زمانه. عشان بس ما يجيش حد يقول ايه؟ ما - 00:09:39ضَ

البوتي مش عارف ما هو دي الموضة اللي طالع فيها الشباب اليومين دول ها البوتي مش عارف انت اللي عارف بقى صح؟ انت اللي عارف مزهب الحنبلبوتي مش عارف المزهب وانت اللي عارفه - 00:09:54ضَ

لأ هو البهوتي لما عمل كده عمل كده علشان امسالنا احنا الجهلة اللي زينا انا وانتم يعني الناس المساكين اللي زينا بينبههم يقول لهم لا يكرهوا ان يقال رمضان من غير شهر. وها انا ذا اقول لكم يجب صوم رمضان - 00:10:05ضَ

من غير قول شهر فهمتوا؟ طيب يبقى احنا لما نيجي نقول نتكلم عن رمضان الاولى ان يقال شهر رمضان هذا مستحب قلت رمضان لا يكره ذلك وهذا آآ ورد في احاديث - 00:10:23ضَ

الاحاديث وكلنا حافظين الاحاديث. يعني حديث المباني الخمسة اه اه شهادة ان لا اله الا الله وان محمد رسول الله واقام الصلاة وايتاء الزكاة وايه؟ وصوم شهر رمضان كده. الحديس كده - 00:10:40ضَ

ولا صوم رمضان مش حافظين المباني ما عناش مسلمين هنا ولا ايه اه وايه؟ وصوم رمضان ما فيش شهر اهو. خلاص والحديس التاني اللي كتير بنسمعه قبل شهر رمضان من من صام ايه؟ من صام شهر رمضان ولا من صام رمضان - 00:10:55ضَ

ايمانا واحتسابا غفر له ما تقدم من ذنبه ومن قام ايه؟ اه كل ده من من صام رمضان ايمانا واحتسابا غفر له. ومن قام رمضان ايمانا واحتسابا غفر له من غير كلمة شهر - 00:11:17ضَ

خلاص؟ طب لماذا كرهوا او كره من كره؟ قول رمضان من غير شهر لورد حديث لكن ضعف ضعف بعض اهل العلم وبعضهم ذهب الى وضعه الى ان هذا الحديث حديث الموضوع ان النبي صلى الله عليه وسلم نهى ان يقال رمضان وقال هو اسم من اسماء الله - 00:11:27ضَ

خلاص طيب على كل حال يبقى المسألة سريعا يستحب ان يقال شهر رمضان ولا يكره ان يقال رمضان من غير شهر طيب يجب صوم رمضان برؤية هلاله يبقى دي اول حاجة حاجة من تلاتة وان شئت فقل من اربعة - 00:11:45ضَ

خلاص هنوجب بها الصوم وهنقول لكم ليه تلاتة وليه اربعة هتيجي معنا الكلام ده وهي اول شيء ان يرى الهلال وقبل ان ان ان نتكلم في هذه المسألة وهي رؤية الهلال - 00:12:05ضَ

فنقول يستحب تراء الهلال دي مسألة يا جماعة كادت ان تندثر في تلك الازمان الهلال سنة مستحب اللي هو ايه ترائي الهلال ان الناس تخرج تبص على الهلال نتراءى الهلال. الناس - 00:12:22ضَ

احنا اللي بيحصل دلوقتي ايه؟ ان كلنا بنبقى قاعدين في البيت زمان يعني من حوالي عشرة خمستاشر سنة كنا بنقعد نتلف حوالين التليفزيون ولا الراديو لغاية ما ايه يتقال في الازاعة ولا في التليفزيون ان بكرة رمضان. او دلوقتي بقى في وسائل التواصل واللي بيجي لك على الواتساب على الفيسبوك وغيره - 00:12:38ضَ

ده اللي بيحصل انما في هنا سنة غائبة وهي طرائي الهلال وهي سنة نص عليها الفقهاء يستحب تراء الهلال خلاص؟ طبعا احنا معظم الناس يجهلون اصلا آآ مطالع الهلال يعني يعني ايه يا آآ هننزل نعمل ايه يعني ولا نبص فين ولا ناحية ايه ولا ما حدش يعرف - 00:12:56ضَ

صح وهذا ايضا من شؤم الابتعاد عن اه الشرع لدرجة ان احنا وصلنا ان معظم المسلمين ولا حول ولا قوة الا بالله ما يعرفوش يعني ايه اصلا يترأوا الهلال. ما يعرفوش لو قلت لك دلوقتي يلا نتراءى الهلال تقول طب يعني هبص فين يعني - 00:13:19ضَ

الناحية دي ولا الناحية دي ولا اعمل ايه؟ يعني ولو شفت ايه يبقى هو الهلال اصلا ان الهلال في في يعني في بادئ الامر الهلال ما هواش حاجة زاهرة كده - 00:13:35ضَ

والا ما كانش يبقى فيه اشكال الخلاص كله بيشوف الهلال وكله هيصوم والدنيا سهلة لأ هي الدنيا مش بالسهولة دي. في اول الشهر انه ميلاد الهلال واضح؟ فدي سنة على كل حال - 00:13:45ضَ

فاذا رؤي الهلال فيقال ما ورد. طبعا ورد اكثر من ذكر يقال اذا رؤيا الهلال فمن ذلك الله اكبر اللهم اهله علينا بالامن والايمان والسلامة والاسلام والتوفيق لما تحب وترضى - 00:13:58ضَ

ربي وربك الله. احفظوا بقى الذكر ده وقولوه الله اكبر اللهم اهله علينا بالامن والايمان والسلامة والاسلام والتوفيق لما تحب وترضى ربي وربك الله طيب آآ قال يجب صوم رمضان برؤية هلالها - 00:14:14ضَ

آآ قال لقوله تعالى فمن شهد منكم الشهر فليصمه وقوله صلى الله عليه وسلم لرؤيته وافطروا لرؤيته قال والمستحب قول شهر رمضان آآ الى اخره بقى واحنا قلناها. طيب. ولا يكره قول رمضان - 00:14:42ضَ

فان لم يرى مع صحو ليلة الثلاثين افطروا كلام مين ده صحصحوا يلا كلام مين ده؟ البهوتي احسنتم منصور البوتي ماشي. مروان كاتب لي ايه يهدي الله يبقى باختصار يعني آآ البوتي مسلا - 00:15:02ضَ

ولع عشان نفهم بس اختصارات فضيلتك. فضيلة الشيخ مروان طبعا العلما الكبار زي مروان ابن خالد حفظه الله يعملوا الحركة دي يرمزوا للايه؟ لكل واحد بحرف وعلى الطلاب امسالنا ان احنا نفهم - 00:15:27ضَ

نجتهد ان احنا نفهم وهم عاوزين يقولوا مين ماشي يا فضيلة الشيخ مروان احنا يعني ايه هنعتبر ان الياء بعد كده من حضرتك البهوتي ماشي طيب آآ قال فان لم يرى مع صحو ليلة الثلاثين او فان لم يرى مع صحو ليلة الثلاثين افطروا. كده او كده مش مهم - 00:15:49ضَ

طيب فان لم ير يبقى طلع تاني يا جماعة ارجعوا للشجرة اللي احنا قلناها من شوية ارجعوا للشجرة بصينا شفنا الهلال. مبروك بكرة واحد رمضان. سهلة دي طيب بصينا ما شفناش الهلال - 00:16:16ضَ

لا يخلو من حالتين ان السما صافية وجميلة وحلوة ما فيش لا غيم ولا قطر ولا سحب ولا حاجة تحول دون مطلع الهلال جبال شاهقة دفاع ناطحات سحاب في الحتة اللي انت فيها. ما فيش حاجة - 00:16:32ضَ

السما جميلة وصافية وكل حاجة ده كان فرع تاني من الشجرة لو تفتكروا خلاص؟ ده اللي هو مع صحه او ان بصينا ما شفناش الهلال ولكن في السما السما ملبشة. زي ما بنقول احنا - 00:16:46ضَ

السماء ملبشة خلاص دول التلات صور اللي متخيلين المتصورين طيب هنا بيقول لك بقى فان لم يرى يعني الهلال مع صحو السماء من نحو غيم ليلة الثلاثين. نعمل ايه بقى - 00:17:00ضَ

افطروا يبقى بنبص في السما السما صافية لكن ما شفناش هلال نعمل ايه؟ نفطر يبقى بكرة ايه؟ بكرة كم بصينا مع صحو السما ما شفناش هلال يبقى بكرة تلاتين شعبان. نفطر - 00:17:17ضَ

خلاص طيب وكره الصوم يبقى هنفطر والصوم هذا اليوم مكروه خلاص ليه؟ لانه يوم الشك المنهي عنه يبقى ده يوم الشك خلاص يبقى ايه يوم الشك عند الحنابلة ما استقر عليه المذهب؟ ركزوا في الحتة دي الله يكرمكم - 00:17:38ضَ

ركزوا قوي في الحتة دي ايه اللي هيسميه الحنابلة يوم الشك؟ لان احنا عندنا حديس في في مسألة مهمة يا جماعة. عندنا حديث ان النبي صلى الله عليه وسلم نهى عن صيام يوم الشك - 00:17:58ضَ

خلاص كده ناهي عن صيام يوم الشك هنقول سمعنا واطعنا خلاص وكلام النبي على العين والرأس فلن نصوم يوم الشك لكن بقى ايه هو يوم الشك اختلف العلماء فيه فالمذهب عندنا هيقول اليوم الشك ده اللي هو ايه - 00:18:13ضَ

اللي هو ان انك بصيت فما شفتش الهلال مع صحو السماء ده يوم الشك الله! فين الشك هنا يا جماعة؟ فين الشك هنا لان السؤال ده ممكن يتبادر للذهن دلوقتي - 00:18:32ضَ

فين الشك هنا؟ السما صحو فكأنك عاوز تقول يقينا ان بكرة تلاتين شعبان ليه ده هنسميه يوم شك السؤال ده تبادر لزهن حد فيكم ولا ما تبادرش؟ لو ما تبادرش هنعديه - 00:18:47ضَ

مش هنجاوب تبادر نجاوب اه حصل. يبقى كأن هنا واحد بيقول ايه ليه هتسموا يا حنابلة اليوم ده يوم الشك؟ ده السما صح وجميلة وزي الفل. وما شفناش الهلال يبقى خلاص اكيد بكرة تلاتين شعبان. فين الشك هنا؟ قالوا لأ - 00:19:02ضَ

الشك واقع واقع ازاي قالوا ان حضرتك وجهتك لم تروا الهلال لكن من اخبرك ان الهلال لم يرى في اي حتة في العالم المفهومة دي يعني انت طلعت بصيت وترأيت الهلال انت واهل بلدك بتبصوا ما شفتوش الهلال - 00:19:20ضَ

والسما صاحوا لكن قد يحدث ان يرى الهلال في مكان تاني واحنا عندنا انه اذا رؤي الهلال وجب الصوم على جميع الناس وجب الصوم على جميع الناس خلاص فيبقى الشك واقع يبقى احنا صحيح ما شفناش لكن قد يكون - 00:19:43ضَ

بكرة واحد رمضان يبقى ده يوم شك. خلاص؟ على كل حال نهى صلى الله عليه وسلم عن عن صيام يوم الشك يوم الشك ده اللي هو بصينا فما شفناش الهلال - 00:20:05ضَ

السما صاحوا. يبقى ما نصومش نفطر ويكره الصوم طيب وان حال دونه غيم او قطر او نحوه وجب صومه يلا نقرا بقى الحتة دي تاني. وده الفرع التالت في الشجرة اللي احنا عملناها من شوية - 00:20:19ضَ

التشجير اللي حصل من شوية وان حال دونه غيم او قطر او نحوه وجب صومه بنية رمضان احتياطا ده كلام مين ده كلام البهوتي. مش عثمان ده كلام البهوتي ماشي - 00:20:41ضَ

صاحب المتن هو الامام البهوتي وانا دلوقتي قرأت المتن ما قرأتش الشرح ماشي طيب نقرا تاني كلام البهوتي كده وان حال دونه غيم او قطر او نحوه وجب صومه بنية رمضان احتياطا - 00:21:07ضَ

اكتبه كده جنب المسألة دي وهي من المفردات المسألة دي من مفردات المذهب خلاص يا جماعة وآآ يلا بحس عليكم بقى ان انتم تنتصروا تنتصروا للمزهب. طبعا هو هنا عثمان ما توصاش يعني ما استناش انك تروح تنتصر. هو انتصر لوحده - 00:21:27ضَ

ماشي خليني اقول لكم فايدة تانية في المسألة دي هقولها بسرعة وهعدي عليها المسألة دي من المفردات مش هقول يعني ايه من المفردات انتم عارفين يعني ايه من المفردات خلاص - 00:21:52ضَ

الناس اللي متابعة معنا عارفة يعني ايه من المفردات ولا نقولها عشان الناس الجديدة حرام حرام نقولها ماشي حد يكتب لنا ايه هي المفردات دي. ماشي انفرد به المذهب عن مين بقى - 00:22:12ضَ

عن المذاهب التلاتة التانية. يعني لما نقول ان دي من مفردات الحنابلة يعني ايه يا جماعة؟ يعني طبعا لما نيجي نقول من فضل الحنابلة يعني مشهور المزهب هو ده خلاص هو ده المزهب - 00:22:30ضَ

انفرد به لان هتلاقي في المذهب نفسه اقوال تانية انفرد به عن المذاهب التلاتة يعني المسألة دي ما قالش بها لا مالك ولا ابو حنيفة ولا الشافعي وانما هي عندنا عند الحنابلة - 00:22:45ضَ

اللي هو ايه ؟ مسألة ايه ؟ عشان ما نتوهش بس ان لو تراينا الهلال فلم نرى الهلال مع غيم او نحو الغيم نصوم وجوبا بنيات رمضان ماشي وهنتكلم فيها دلوقتي. طيب - 00:22:59ضَ

يبقى دي المسألة الاولى. المسألة التانية خدوها على جنب كده دي ان هذه المسألة مما خالف فيها الاقناع المنتهى مما خالف فيها الاقناع اكتبوا الكلام ده لغاية ما ربنا يفتح عليكم وبعدين تعرفوا ايه الاقناع وايه المنتهى وكده. بس اكتبوا نصيحة يعني - 00:23:18ضَ

الكلام اللي بنقوله دلوقتي ده بعد كده هيبقى بالنسبة لكم طبعا بالنسبة له دلوقتي انتم ولا يعني مش فاهم يعني ما يخالف الاقناع المنتهى يعني آآ ولا يهمنا احنا جدعان وما يهمناش - 00:23:39ضَ

بس اكتبوها يعني بعد كده ان شاء الله ربنا يفتح عليه وهيبتدي يزاكر العلم يبقى حنبلي هيعرف ان الكلام ده مهم المسألة دي خالف فيها الاقناع المنتهى ايه الاقناع وايه المنتهى - 00:23:51ضَ

كتب ايه الكتب دي ؟ بحث بقى. تقولوا لي ايه كتاب الاقناع؟ على فكرة انتم الاقناع ده جبتوه قبل كده. ومش فاكر جبته لمنتهى ولا لأ ؟ يعني مش فاكر. اديتكم البحس ده قبل كده ولا لأ - 00:24:03ضَ

لكن على كل حال دول كتابين مهمين جدا جدا جدا عندنا وعندنا مسألة اذا خالف الاقناع المنتهى. المذهب بيبقى ايه بقى فيهم لأ لأ لأ انت رحت فين ؟ ارجع ارجع للحنابلة تاني - 00:24:14ضَ

انت خرجت كده خالص يقول لي اقنعني ابي شجاع ده انت رحت في حتة تانية خالص دلوقتي ماشي انت كده ابو شجاع ده ايه حنبلي ده ارجع ارجع ما انت كده هتوه - 00:24:29ضَ

خليك معنا دلوقتي وبعدين نشوف بقى ماشي ماشي. حمد لله على السلامة. طيب يا سيدي آآ يبقى الاقناع والمنتهى دول كتابين كبار عندنا وعندنا مسألة كبيرة كده دايما بنناقشها لو الاقناع خالي في المنتهى المزهب بيبقى مع مين فيهم - 00:24:44ضَ

مش هقول اي حاجة عن الكلام ده دلوقتي انتم هتبحسوا فيه يبقى البحس تجيبوه للاقناع ده ايه هو يجيبوا لي الكتاب ومين مصنف الكتاب وايه منهج الكتاب والمنتهى ايه هو؟ وايه منهج الكتاب؟ ومين مصنف الكتاب - 00:25:09ضَ

وسؤال على جمب كده اذا خالف الاقناع المنتهى خلاص انتم بس لو عملتوا سيرش بالجملة دي هيجي لكم كلام كتير طيب نرجع تاني بقى يلا نرجع للفقه تاني بيقول فان لم يرى مع صحو ليلة الثلاثين - 00:25:27ضَ

افطروا ثم قال وان حال دونه غيم او قطر او نحوه وجب صومه بنية رمضان احتياطا. ياللا بقى. نتصور المسألة نتصور بقى المسألة يلا ارجعوا معنا بقى هنا يلا يلا - 00:25:49ضَ

المسألة ايه هي بكرة يا تلاتين شعبان يا واحد رمضان تراين الهلال فلم نرى الهلال لان السما ملبشة مغيمة فيها سحب كتير فبكرة نعمل ايه بكرة نعمل ايه دلوقتي ؟ ياللا مين يقول؟ - 00:26:07ضَ

بكرة هتعملوا ايه نصوم وجوبا احتياطا بنية رمضان ده المذهب خلاص حضرتك هتسمع غير كده على العين والرأس خلاف بين العلماء. ما فيش مشكلة خالص لكن احنا هنا جايين نفك كلمات الكتاب ونفهم المذهب - 00:26:30ضَ

طيب ليه؟ ليه يا حنابلة قلتم كده وتعبتونا ما المذاهب التلاتة قالوا لا مش هيعملوا كده. طب اشمعنى انتم يعني ماشي راح قال لك ايه بقى مروان بيسأل نفس السؤال. بيقول لي يعني ايه الفرق يا شيخ بين الصحو والغيم دلوقتي - 00:26:49ضَ

يعني ليه في الصحو؟ قلنا مش هنصوم وفي الغيم قلنا هنصوم هنقول لورود النص الله ايه ده معقول فيه نص وبقية المذاهب يعني ما عملوش سيبكم من المذاهب ما عملوش وعملوا دي قصة ثانية. انما في نص؟ اه طبعا في نص ولا الحنابلة هيعملوا كده يعني من غير دليل؟ اكيد لا. طب تعالوا - 00:27:12ضَ

نقرا كده بقى كلام عثمان في الحتة دي ماشي لان طبعا لما نقول هذا من مفردات المذهب يقوم يجي على طول كده في زهنك او يعني كأن يقع في قلبك ان انه قول ضعيف يعني. والمسألة ما تبقاش كده يا جماعة - 00:27:30ضَ

خلاص طيب بيقول بقى وهذا قول عثمان بيعلق بقى بيقول وهذا قول عمر وابنه. يعني عبدالله بن عمر وركزوا مع ابنه دي بقى لان له قصة معنا في المسألة دي. عبدالله بن عمر بالزات قال - 00:27:45ضَ

وهذا قول عمر وابنه وعمرو بن العاص وابي هريرة وانس ومعاوية وعائشة واسماء ابنتي ابي بكر الصديق رضي الله عنهم يبقى القول ده اللي هو من مفردات المذهب اياك ان تظن انه قول كده يعني ايه - 00:28:06ضَ

وآآ يعني اخترعه الحنابلة لأ شف قول مين من الصحابة كل دول ليه بقى لقوله صلى الله عليه وسلم انما الشهر تسعة وعشرون يوما فلا تصوموا حتى تروا الهلال ولا تفطروا حتى تروه - 00:28:27ضَ

فان غم عليكم فاقدروا لها فاقدروا له وهنا كلمة فاقدروا لها هي دي اللي عملت الايه؟ القصة اللي هنحكيها دي كلها قال نافع كان عبدالله بن عمر ركزوا بقى يا جماعة - 00:28:44ضَ

الحديس اللي فات ده من راويه راويه عبدالله بن عمر خلاص هو تحت مش قايل مين الراوي راوي الحديث عبدالله بن عمر الحديس اللي احنا قلناه من شوية ده راويه عبدالله بن عمر - 00:28:57ضَ

شوفوا بقى نافع مولى عبد الله ابن عمر بيقول كان عبد الله ابن عمر اذا مضى من الشهر تسعة وعشرون يوما يبعث من ينظر له الهلال ركزوا يا جماعة عبدالله بن عمر كان اذا مضى من الشهر تسعة وعشرون يوما. يعني بكرة صابحين يا تلاتين شعبان يا واحد رمضان - 00:29:12ضَ

يبعث من ينظر له الهلال فان رؤيا فذاك خلاص. خير وبركة بكرة واحد رمضان وان لم يرى ولم يحل دون منظره سحاب ولا قطر اصبح مفطرا يعني مع صحو السماء - 00:29:29ضَ

ده اللي هو الفرع التاني في الشجرة لو تفتكروا وان حال دون منظره سحاب او قطر اصبح صائما وهنا هذا فعله عبدالله بن عمر رضي الله عنه وعن ابيه وهو راوي الحديث قالوا - 00:29:44ضَ

فهو اعلم بمراد النبي صلى الله عليه وسلم في هذا الحديث فهمتم يا جماعة عشان كده عبدالله بن عمر هنا مهم طبعا كل الصحابة مهمين لكن لعبدالله بن عمر خصوصية - 00:30:11ضَ

امين جزاكم الله خير طيب ومعنا اقدروا له ضيقوا هنا بيقول ايه؟ فان غم عليكم دي مش دي مسألتنا اللي متوهانا دلوقتي ان هو غم علينا في غي وقطر في السماء - 00:30:37ضَ

مش عارفين نعمل ايه دلوقتي فالنبي صلى الله عليه وسلم بينصحنا بيقول فاقدروا له يعني ايه فاقد الولاة؟ طبعا في خلاف بين العلما لكن خلينا على المزهب دلوقتي قال لك - 00:30:54ضَ

تقدير الله يعني ضيقه ضيقة جت في القرآن هذا الجذر قدر هذا الجزر جه في القرآن بمعنى التضييق ها ولا ما جاش مين شاطر احسنت مروان ان لن نقدر عليه - 00:31:03ضَ

وايه تاني ؟ جت في حتة تانية ومن قدر عليه رزقه احسنت. روان او هي ضبطها روان ماشي احنا عارفينها روان دايما ماشي. ومن قدر عليه رزقه يعني من ضيق عليه رزقه - 00:31:26ضَ

من ضيق عليه رزقه فلينفق مما اتاه الله ماشي يبسط الرزق لمن يشاء ويقدر يبسط ويقدر اهو شوفوا شوفوا يا جماعة اه ظن ان لن نقدر عليه ان لن نضيق عليه اللي هو مين - 00:31:44ضَ

سيدنا مين؟ سيدنا يونس ماشي يا جماعة طيب يبقى الكلمة دي تأتي في في اللغة بمعنى التضييق مع مقدره له ضيقه بان يجعل شعبان تسعة وعشرين اما تيجي تضيق على شعبان هتخليه تسعة وعشرين ولا تلاتين - 00:32:01ضَ

وتخليه تسعة وعشرين وده معنى التضييق يبقى ضيقت على شعبان فاقدروا له يعني ضيقوا وقد فسره ابن عمر بفعله وهو راويه واعلم بمعناه فيجب الرجوع الى تفسيره فهمتم بقى يا جماعة - 00:32:25ضَ

طيب يبقى نرجع تاني. اظن كده الدنيا نورت. الدنيا نورت. خصوصا مع التشجير اللي عملناه فالكلام يعني واضح. طيب هيجي بقى يتولد من زلك مسألة او يتفرع عن زلك مسألة - 00:32:46ضَ

وهي طيب واحد صام خلاص احنا بنبص لقينا السما فيها غيم وقطر والكلام اللي احنا بنقوله ده تصبحنا صايمين وبعدين ظهر انه كان من ايه؟ من رمضان ازاي ظهر ان واحد قال لك لأ ده انا شفته. يعني تاني يوم بالنهار واحنا صايمين واحد جه قال لي ده انا شفت امبارح بالليل الهلال - 00:33:08ضَ

مسلا فعرفنا انه اصلا كان اليوم اللي احنا صايمينه ده من رمضان يجزئ ولا لا يجزئ قال لك يجزئ قال ويجزئ ان ظهر منه خالص خلاص يا جماعة ويجزئ ان ظهر منه - 00:33:31ضَ

آآ طيب هنا عندنا مسألة مهمة جدا وخطيرة لأ ما يقضوش خلاص. اللي صام ما يقضيش يعني واحد صام لانه هو بياخذ بمذهب الحنابلة فالسماء كانت فيها غاي وقطر فما عرفناش نشوف الهلال فقال خلاص بكرة انا صايم - 00:33:47ضَ

بنيات رمضان احتياطا وسام وبعدين عرفنا انه كان فعلا رمضان عرفنا انه كان فعلا رمضان يجزئك؟ اه يجزئك. يعني ما ايه ده ما تقضيش اليوم ده لا ما تقضهوش. ما تقضيش اليوم ده خلاص - 00:34:20ضَ

ماشي طيب قال وتصلى عثمان بقى بيكمل وتصلى التراويح تلك الليلة يعني حضرتك بنبص في السما فلينا الغيم والقطر فقلنا هنصوم بكرة ونصلي التراويح الليلة دي حتى لو هتصليها لوحدك - 00:34:37ضَ

لان المساجد مش هتصليها انت اقف صلي التراويح لوحدك. ليه لان الثواب قد رتب على ان تصلى التراويح الشهر كله من قام رمضان يعني كل رمضان ايمانا واحتسابا غفر له ما تقدم من ذنبه - 00:34:55ضَ

وتصلى التراويح ايضا احتياطا خلاص في هذه الليلة طيب آآ مسألة بقى هنا مهمة وخطيرة جدا. وهتاخدنا لمسألة كبيرة واقعة الان وهي ان هم قالوا اه الحنبلة قالوا انه اذا صام هذا اليوم - 00:35:11ضَ

بلا مستند شرعي لم يجزئه ولو بان منه تاني بنبص في السما فلقينا السما فيها غيم وقطر وكده فراح واحد قال انا هصوم بكرة ركزوا يا جماعة ليه لان الحساب الفلكي بيقول ان بكرة واحد رمضان - 00:35:37ضَ

ماشي عفوا سيبكم من ان احنا بصينا فلقينا غي. سيبكم من المسألة دي خالص احنا يعني احنا بنبدأ مسألة جديدة دلوقتي واحد قال انا بصوم على الحساب الفلكي فالنتيجة بتقول بكرة واحد رمضان انا هصوم بكرة - 00:36:11ضَ

خلاص عصام فبان من رمضان لم يجزئه ذلك اليوم خلاص ليه؟ لانه صام لغير مستند شرعي. يا جماعة الحساب ليس مستندا شرعيا وهذا قول الجمهور ان لم يكن اجماعا الحساب الفلكي - 00:36:26ضَ

والنجوم لا يعد مستندا شرعيا عندنا في سبوت الشهر في سبوت دخول الشهر خلاص ركزوا في المسألة دي فواحد صام للحساب الفلكي نقول له حضرتك هتقضي اليوم ده تاني خلي بالكم ما صامش لا الرؤية. طب خليكم بقى معي. انا مضطر دلوقتي اقول ايه هي الحاجات اللي بيثبت بها الشهر؟ اكتبوا ورايا - 00:36:47ضَ

اكتبوا ورايا دلوقتي عشان مهمة جدا. عشان نرجع تاني للمسألة بتاعتنا هنقول يجب الصوم بواحدة من تلاتة. اول حاجة رؤية الهلال خلاص ودي جت معنا خلصناها تاني حاجة بخبر العدل - 00:37:18ضَ

بخبر العدل. اكتبوا بعدين نبقى نشوف بعدين المعنى ايه تالت حاجة باكمال شعبان ثلاثين يوما خلاص يبقى دول التلات حاجات ماشي؟ وفاكرين قلت لكم تلاتة او اربعة وفاكرين لما قلت كده وعدتها كزا مرة. الرابعة لو عاوز تزود يعني رابعة - 00:37:39ضَ

يبقى هي المسألة بتاعتنا اللي هي ايه بتاعة اللي تفردنا بها دي اللي هي مع الغيم والقطر ما هو احنا هنا لا لا شفنا هلال ولا اخبر عدل ولا كملنا شعبان تلاتين. ومع زلك هنقول ايه نصوم وجوبا برضو - 00:38:03ضَ

صح فدي المسألة الرابعة بتاعتنا. لو عاوزين تثبتوها رابعة يعني ماشي؟ تاني نرجع تاني. يبقى هيسبت الشهر او او نوجب الصوم وهو على حسب. لو قلنا نوجب الصوم يبقى هنقول الاربعة دول خلاص - 00:38:18ضَ

يبقى اول حاجة برؤية الهلال. تاني حاجة بخبر العدل انه رأى الهلال تالت حاجة باكمال شعبان تلاتين يعني باكمال شعبان تلاتين يا جماعة يعني خلاص شعبان بقى تلاتين يوم يبقى بكرة هنصوم - 00:38:35ضَ

مش هنطلع مش هنطلع نبص على الهلال تاني. لأ مش هنطلع نبص المفهومة دي يا جماعة؟ يعني انا طلعنا بصينا يوم تسعة وعشرين بالليل اللي هو ليلة تلاتين ما شفناش الهلال مع الصحو. بكرة احنا خلاص مفطرين ليه ؟ لان بكرة تلاتين شعبان - 00:38:49ضَ

طيب بكرة نطلع تاني نبص لأ مش هنطلع نبص تاني على هلال ولا حاجة مش احنا كملنا شعبان تلاتين يوم يبقى اللي بعديه واحد رمضان احنا ما عندناش حاجة اسمها واحد وتلاتين شعبان - 00:39:05ضَ

خلاص فيبقى اللي بعديه واحد رمضان على طول طيب يبقى دول التلات حاجات. هم دول التلات حاجات الشرعية يبقى دول هم اي واحدة منهم مستند شرعي يصام به اي حاجة برة الحاجات اللي قلناها دي ما هياش مستند شرعي - 00:39:14ضَ

ولو بحساب او نجوم ولو كثرت اصابتهما ايه رأيكم بقى؟ ده كلام الفقهاء الالفاظ اللي بيقولوها دي الفاظ الفقهاء يا جماعة ولو كثرت اصابتهما يعني لو لو الحساب الفلكي اصابته كثيرة جدا اكثر بكثير من خطأه ايضا ليس ليس مستندا شرعيا - 00:39:32ضَ

طيب واحد صام بالحساب الفلكي صيامك لهذا اليوم لا يجزئك مفهوم ننتبه لهذه المسألة. طيب اه طيب نكمل بصوا يا جماعة المسائل آآ اللي لو فيه خطأ في رؤية هلال شعبان دي مسائل نادرة الوقوع وده ما هياش موضوع الدرس بتاعنا هنا. لكن - 00:39:55ضَ

تقع بتقع وانا عارف انها بتقع طبعا وحصلت قبل كده يعني. مش مرة ولا اتنين دي بتحصل يعني لكن لها مخارج شرعية طبعا لها مخارج شرعية طيب ويجزئ ان ظهر منه خلاص خلصناه - 00:40:28ضَ

قال واذا رؤي في بلد لزم الصوم جميع الناس صحصحوا كده ده كلام مين اللي بقراه دلوقتي البهوتي. لأ بقى لسه الناس بتغلط المتن بتاع البهوتي. والشرح بتاع عثمان النجدي - 00:40:44ضَ

ماشي فاحنا دلوقتي بنقرا المتن المتن اللي هو بين الاقواس يا جماعة انا بعيد معلش كلام تاني ممكن يبقى ايه علشان ناس جديدة معانا النهاردة طيب واذا رؤي في بلد - 00:41:03ضَ

لزم الصوم جميع الناس يبقى وده برضه المذهب مزهب الحنابلة كده انه اذا رؤية هل في اي بلد لازم يصوموا جميع الناس. فيبقى حضرتك عندنا مسألتين هنا. اول مسألة انك ما تكتفيش برؤية بلدك - 00:41:26ضَ

ايا كان البلد اللي انت فيها ايه لأ لازم نحاول تصل لرؤية البلدان اللي موجودة الناس اللي بتطلع تشوفها لازم لانه اذا رؤي في بلد لزم الصوم جميعا الناس فيها خلاف طبعا فيها خلاف عشان ما حدش يقعد يقول لي آآ بيقولوا وقالوا وانا سمعت كل ما تسعين في المية تسعة وتسعين في المية من آآ احكام الفقه فيها خلاف. فما مش عاوزين حد - 00:41:45ضَ

يقول ايه اصل انا سمعت حد بيقول غير كده كل الوسائل دي فيها خلاف خلاص؟ طيب اذا رؤي في بلد لزم الصوم جميع الناس دي اول مسألة. المسألة التانية ودي مهمة جدا يا جماعة وركزوا فيها - 00:42:12ضَ

انك لما تيجي تعمل الحاجات دي بلاش تعمل بلبلة في الناس بلاش تعمل بلبلة في الناس مش انا صايم وتبقى انت ماشي وسط الناس اصل اصل النهاردة رمضان انتم مش عارفين انه مش عارف ما تعملش بلبلة. صم وانت ساكت - 00:42:24ضَ

خلاص فمن غير ما تحدث بلبلة آآ وتعمل مشاكل. وهذا نص عليه بعض الفقهاء كابن مفلح وغيره خلاص اه انه في بعض المسائل لما ذكر يعني بعض المسائل يعني انه - 00:42:41ضَ

انك ممكن تفطر في المهم يعني قال انه انه ما يعرفش الناس فقال اه اه حتى لا تلحقه التهمة او حاجة زي كده يعني ففي يعني ايه الناس ما تتهمكش في دينك وتقول ده بقى ده فاسق ده بيفطر واحنا صايمين ده ولا يعني فانت لو هتعمل ده - 00:42:58ضَ

اعملوا من غير شوشرة لا حد عاوز يعرف حضرتك صايم ولا حد عاوز يعرف ان حضرتك مفطر ماشي؟ طيب اذا رؤي في بلد لزم الصوم جميعا ناس ليه؟ لقوله صلى الله عليه وسلم صوموا لرؤيته وافطروا لرؤيته - 00:43:17ضَ

وهو خطاب للامة كافة. النبي صلى الله عليه وسلم بيخاطب الامة كلها طيب قال ويصام برؤية عدل ولو عبدا او انثى عاوز اشوف اسماء جديدة بقى من اللي لسه حاضرين اول يوم النهاردة - 00:43:36ضَ

ما حدش يرد بقى. ما حدش يرد. من الناس القديمة اللي متعودة على الاسماء بتاعتها الناس الجديدة ويصاموا برؤية عدل ولو عبدا او انثى. ده كلام مين يا جداد عاوز حد جديد يبقى اسمه اول مرة يحضر النهاردة واسمه يبقى بالنسبة لي جديد - 00:43:59ضَ

كلام البهوتي احسنت بركات احسنت عبدالله جميل ممتاز ممتاز البهوتي جميل الناس اللي جاية جديد هتكسح الناس القديمة ما شاء الله. ماشي خلي بالكم الناس القديمة فراودة برضو يعني انا بهزر - 00:44:19ضَ

ماشي طيب ويصام برؤية عدل ولو عبدا او انثى بصوا يا جماعة الشهور كلها شهور السنة كلها لا تسبت الا برؤية عدلين ولازم يكونوا زكرين زكرين ولازم يشهدا يعني يبقى في لفظ الشهادة - 00:44:38ضَ

ماشي؟ يشهد انه رأى الهلال الا رمضان هنكتفي فيه برؤية عدل واحد ومش هنشترط فيه الذكورية. حتى لو انثى وهنكتفي بخبره حتى لو لم يشهد يعني ما قالش اشهد ان كذا لا. انا شفت الهلال بس كده - 00:45:06ضَ

ماشي؟ ليه؟ احتياطا للعبادة احتياطا للعبادة ماشي؟ فهنكتشف فيه برؤية عدل واحد. ده الشهر الوحيد اللي هنكتفي برؤية عدل واحد طيب يبقى دي تاني مسألة. يبقى تاني حاجة اهو جت معنا اهي - 00:45:27ضَ

اللي بها هنصوم هي رؤية العدل انا انا انا مش فاهم مش احنا قلنا آآ فوق ان ان برؤية الهلال يصام الشهر وبعدين رجعنا قلنا بخبر العدل هو ايه الفرق بين الاتنين - 00:45:42ضَ

ايه الفرق بين الاتنين؟ تعالوا انا اقول لكم ايه الفرق بين الاتنين؟ ركزوا معي بقى في الحتة دي بصوا يا جماعة دلوقتي هقول لكم مسائل كده شوية مسائل ونثير فيها الاذهان - 00:46:05ضَ

واحد رأى الهلال واحد رأى الهلال طيب فجه راح للحاكم او من انابه الحاكم. زي دلوقتي السعودية مسلا ما اعرفش انا دلوقتي بتعمل كده ولا لأ بس لغاية سنوات قليلة كانت بتعمل كده - 00:46:18ضَ

بيبقى فيه محاكم شرعية مفتوحة طول الليل. اللي اللي يشوف الهلال يروح يشهد في المحكمة ان هو شاف الهلال اي حد خلاص وبعدين بس يثبتوا عدالته. ويسألوه كم سؤال كده ان هو فاهم يعني ايه مطلع هلال ويعني ايه مش عارف ايه. ويعلنوا الايه؟ الرؤية - 00:46:33ضَ

خلاص طيب فواحد شاف الهلال راح رايح للمحكمة او للحاكم وقال انا شفت الهلال فرد الحاكم قوله ركزوا بقى. ليه رد قوله اما انه عند الحاكم الحاكم ما قدرش يسبت عدالة هزا الشخص - 00:46:53ضَ

وهنتكلم في العدالة دي بعدين. ما اعتقدش هنلحق نتكلم فيها النهاردة لكن على كل حال الحاكم ما قدرش يسبت عدالة الشخص ده فقال له لأ مش هناخد بقولك ايه رأيكم - 00:47:12ضَ

الشخص ده يصوم بكرة ولا ما يصومش يصوم خلاص ليه؟ لانه رأى الهلال. هو رأى الهلال طب يلا بقى نغمق المسألة الزيادة شوية الشخص ده فاسق مش بس مستور الحال مش عارفين نسبت عدالته لأ ده فاسق - 00:47:23ضَ

ده واحد مدمن خمر ورأى الهلال الشخص ده يصوم ولا ما يصومش؟ الشخص نفسه يا جماعة الشخص نفسه يصوم ليه؟ لان احنا لو كنا ردينا قوله ردينا قوله لانه فاسق - 00:47:45ضَ

لكن هو متأكد انه شاف الهلال ولا مش متأكد؟ هو متأكد انه شاف الهلال خلاص فيبقى عشان كده قلنا اول حاجة يصام بها رؤية الهلال يبقى حضرتك شفت الهلال هتصوم - 00:48:04ضَ

انتهينا. حضرتك بقى اللي هو انا وانت دلوقتي. انا باكلمك انت يا اللي بتسمعني شفت الهلال بعينيك هتصوم خلاص محكمة بقى حاكم ما فيش حد اروح له انت شفت الهلال بعينيك هتصوم - 00:48:22ضَ

خلاص؟ طيب مسألة تانية بقى اخبار العدل دي مسألة تانية. غير رؤية الهلال. رؤية ان انت اللي شفته بعينيك المسألة التانية اخبار العدل يعني واحد عدل اخبر طيب اخبر ده - 00:48:36ضَ

يعني اخبرك مش لازم يكون اخبر الحاكم. مش لازم ولا المحكمة الشرعية مش لازم واحد عدل مين هو العدل بسرعة كده احنا يعني يعني ما بعرفش اعدي حاجة. العدل مين هو - 00:48:52ضَ

العدل اللي هو باختصار كده يا جماعة اللي هو عنده صلاح في دينه ياه يستعملوا المروءة خلاص هو لازم يجمع الحاجتين دول. عنده صلاح في دينه يعني ايه صلاح فينو قالوا انه يبقى بيصلي الفرائض بالرواتب - 00:49:06ضَ

فلو واظب على ترك الرواتب سقطت عدالته بس ما تصليش السنن دول اه وبعدين وبعدين ما يكونش يأتي الكبائر ولا بيصر على الصغائر كده بقى ده راجل صالح في دينه - 00:49:29ضَ

ما نقدرش نقول طبعا ما يكونش بيعة الصغائر. يبقى ما فيش حد عدل في الدنيا كلها لا. يبقى العدل مين هو اللي هو صالح في دينه ومستعمل للايه المروءة خلاص - 00:49:47ضَ

ايه المروءة دي بقى اللي بيستعملها اللي هو انه بيأتي ما يزينه ويترك ما يشينه اللي هو ايه يعني اللي هو كل زمان بحسبه بقى مش هينفع نقعد نعد ايه الحاجات اللي يعملها خلاص؟ طيب نرجع تاني بقى يا جماعة عشان بس ايه ده ده بسرعة كده مين هو العدل يعني - 00:50:04ضَ

حضرتك في واحد عدل وتعرفه راجل متدين وصالح وكل حاجة وقال لك انا شفت الهلال حضرتك بقى تصوم ولا ما تصومش طيب فاكرين صاحبنا الفاسق اللي من شوية اللي هو مدمن خمر ده - 00:50:23ضَ

جه قال لك انا شفت الهلال تصوم ولا ما تصومش ما تصومش ليه؟ لان ده اخباره فاسق ده مش واحد عدل تصوم على قوله طب حضرتك بقى شفت الهلال تصوم ولا ما تصومش ولا على حسب لو انت فاسق ولا انا طبعا يعني انا بفترض ان كل اللي معنا - 00:50:43ضَ

آآ ما فيهمش في حد فاسق هنا يا جماعة يرفع ايده الفاسق يعني لو حد رافع ايده على سبيل التهمة اتهام النفس يعني برده تبقى حاجة حلوة يعني الواحد يشوف نفسه اسوأ الناس يعني - 00:51:07ضَ

لكن كلمة فاسق طبعا كبيرة يعني ما حدش يرفع ايده طبعا عليها اما اقول بقى حد مسلا شايف نفسه مسلا آآ اي كلام يرفع ايده يبقى كله يرفع ايده ماشي - 00:51:29ضَ

لو حد مسلا شايف نفسه محتاج ياخد على دماغه عشان يفوق يرفع ايده كله كله بما فيكم انا يعني انا كمان محتاج الكلام ده ماشي يلا نرجع تاني. فهمنا يا جماعة المسائل احنا عمالين اهو ايه نتصور المسائل عشان نفهم الكلام - 00:51:45ضَ

قال ويصام برؤية عدل ولو عبدا او انثى ولا يختص بحاكم. اهو ولا يختص بحاكم. عشان كده قلت لك لو جا لك العدل واخبرك انا شفت الهلال مسائل بسيطة يا جماعة - 00:52:06ضَ

مسائل بسيطة وسهلة صوم. لكن ما تعملش قلبان خلاص طيب شف تحت بيقول ايه بقى يا عثمان فيلزم الصوم من سمع عدلا يخبره برؤيته ده اللي كنت لسه بقوله لكم اهو خلاص - 00:52:24ضَ

قال يعني ولا يقبل في شوال الناس الجديدة ما حدش يرد من الناس القديمة ولا يقبل في شوال وسائر سور الى اخره. ده كلام مين؟ ايها الحاضرون الجدد عثمان احسنت - 00:52:44ضَ

وحد يعرف يقول لي بقى اسمه عثمان الايه انا قلتها كده في النص. من الجداد برضو لأ مش البهوتي ده عثمان انا قلت في النص الناجدي احسنت عبدالله ده لو كنت جديد بقى يعني انا مش عارف انت جديد ولا مش عثمان الناجي دي خلاص - 00:53:00ضَ

عندنا متن كب البهوتي بيشرحوا واحد اسمه عثمان النجدي طيب قال ولا يقبل في شوال وسائري الشهور الا ذكران بلفظ الشهادة ولو صاموا ثمانية وعشرين يوما ثم رأوه قضوا يوما فقط - 00:53:17ضَ

طيب وان صاموا برؤية واحد آآ او لغيم ثلاثين يوما ولم يرى الهلال لم يفطروا نقف هنا ولا نكمل انا شايف نقف علشان آآ انتم تعبتوا اكيد انا اللي تعبت الصراحة - 00:53:35ضَ

نقف هنا يبقى احنا واقفين على قوله وان صاموا برؤية واحد نكمل الاتنين اللي جايين ان شاء الله حد عنده اي سؤال ولا يعني لو كان حد عنده كان كتب - 00:54:01ضَ

ماشي سبحانك اللهم وبحمدك نشهد ان لا اله الا انت نستغفرك ونتوب اليك. السلام عليكم ورحمة الله وبركاته - 00:54:14ضَ