باحث

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له. ومن يضلل فلا هادي له. واشهد ان لا اله الا الله وحده لا شريك له. واشهد ان محمد - 00:00:00ضَ

محمدا عبده ورسوله. اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم. وشر الامور محدثاتها وكل محدثة بدعة. وكل بدعة ضلالة وكل ضلالة - 00:00:30ضَ

في النار. اللهم صل على محمد وعلى ال محمد. كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم. في العالمين انك حميد - 00:00:50ضَ

حميد مجيد. روى الامام ابو داوود والبخاري في الادب المفرد. وقد علقه البخاري في صحيحه واسناد الحديث حسن. من حديث وهو عند الترمذي ايضا وحسنه. من حديث زيد ابن ثابت رضي الله عنه قال قال لي رسول الله صلى الله عليه واله وسلم - 00:01:10ضَ

تعلم كتاب يهود. وفي لفظ تعلم لغة يهود فاني اخشى على كتابنا. قال زيد فحذقته اي لسان اليهود فحذقته اي صرت حاذقا فيه وماهرا به في خمسة عشر يوما. وفي - 00:01:40ضَ

عند في رواية الترمذي ان النبي صلى الله عليه وسلم امره ان يتعلم السريانية ولغة اليهود العبء العبرية. فالحافظ ابن حجر يقول يعني انه لا مانع ان يكون احتاج الى هذه وتلك. الشاهد هل سمعتم في الدنيا - 00:02:20ضَ

رجلا تعلم لغة لغة اجنبية عنه. فصار كاهلها في خمسة عشر يوما انا لا اعلم في حدود يعني علمي الضئيب لا اعلم بل لا اتصور ان تكون رجلا عربيا تتعلم لغة اجنبية وفي في نصف شهر تكون كاهلها - 00:02:49ضَ

ترى ما الذي حفز زيد بن ثابت؟ ان يفعل هذا الفعل ان النبي صلى الله عليه وسلم قال اني اخاف على كتابنا فاذا صادفت هذه الكلمة قلب رجل محب لم ينم - 00:03:18ضَ

انا اقول الان نحن نخشى على سنة نبينا صلى الله عليه وسلم فهل ستصدع هذه الكلمة قلب محب فلا ينام الليل حتى يحصل اصول العلم في حفظ سنة النبي عليه الصلاة والسلام. كما قلت في المرة الماضية - 00:03:44ضَ

مصادرنا الاصلية تتعرض لهجوم كاسح لا سيما مع ضعف المؤسسات الدينية الرسمية وهي ضعيفة من جهة رجالها علميا لان الدرجات العلمية او الدرجات الادارية الوظيفية لا يتسنمها المرء في ديار المسلمين بالعلم - 00:04:14ضَ

انما بقدم السن في المهنة فيبقى هو مسلا آآ ياخد آآ المدير عام الدعوة المفروض مسلا مدير عام الدعوة ده المفروض ده يكون طالب علم لأ ده واخدها لان في درجة وزيفية - 00:04:44ضَ

فارتقى اليها. بقى رئيس المجمع الفقهي مسلا يبقى خدت بدرجة وظيفية بقى وكيل الوزارة بقى الوزير دي كلها درجات وظيفية لم تعد الدرجات العلمية هي التي يرتقي المرء بها فلما تحصل منازرة من المناظرات على اي موضوع علمي وقد وقع هذا لي - 00:05:05ضَ

كان آآ رجل يتسنن منصبا كبيرا جدا. في الدعوة آآ قرأت له مقالا مقابلة صحفي صحفي التقى معه ودار الحوار حول صحيح البخاري فسأله هذا السؤال قال له ان في ناس بيقولوا ان البخاري ليس آآ صحيحا آآ كله - 00:05:35ضَ

بل في احاديس ضعيفة. قال فعلا آآ الناس اختلفوا على قولين في المسألة ديت وآآ انا مع الذين يقولون ان البخاري في احاديس ضعيفة ولانني اعرفه فشددت له الرحل من بلدي الى مكتبه في القاهرة - 00:06:09ضَ

علشان اقول له ايه الكلام ده ؟ انا لا اصدق ان تقول هذا الكلام. يبقى فيه صحفي كداب افترى عليك وكتب كزا وكزا ازا ما كانش واخد ان في واحد كدب عليه يصلح - 00:06:27ضَ

لان دي هذه سوءة تبقى على الدهر فلما الحقيقة دخلت عليه وسلمت عليه وكلمته قلت له والله مجلة كزا نشرت لك آآ حديثا مع صحفي عمل كزا كزا كزا قلت كزا هل هذا صحيح؟ قال لي نعم انا قلت هذا. قلت له طيب. انا رجل متخصص في علم الحديث بقى لي تلاتين سنة - 00:06:41ضَ

واقول ان هذا القول الذي تقوله لم يقل به احد فانا بدي انك انت تعرفني دلوقتي ما هي الاحاديث الضعيفة او بعض الاحاديث الضعيفة في صحيح البخاري عشان نتكلم فيها - 00:07:06ضَ

فقال لي اجيب لك المتخصصين. قلت له لأ انت اللي اتكلمت انا ما ليش علاقة بالمتخصصين. انت الذي تكلمت ونسب الكلام الي. قال لي ما الناس بتضعف البخاري جت علي انا - 00:07:25ضَ

انا حافز كلام والله. بكل اسف يعني قال هذا الكلام. يعني هيصة يعني هيصة ضعف مع جملة اللي بيضعفوا مهيصه مع جملة الوهيصه والكلام ده فلما يكون حاميها حراميها. يعني اللي انا مخليه امين الصندوق هو اللص - 00:07:40ضَ

يبقى خلاص ما اذا كانت الامانة مغنما فانتظر الساعة يديك امانة عينها اعتبرت ان دي غنيمة دخلت جيبك. الحمد لله جات لي وبتاع وهبقى غني والكلام ده. اهي دي مشكلة. الحاجة التانية - 00:07:59ضَ

اللي هي من اسباب ضعف المؤسسات الرسمية. وانها لا تستطيع ان تدافع عن اصول الاسلام وفروعه. بكل اسف يعني السبب التاني الهوجة اللي ماشية في العالم الان باسم حرية الرأي - 00:08:15ضَ

كل ما تيجي تقول له اسكت يقول لي انت بتكمم الافواه هو انت مش عايز الناس تتكلم هو انت ايه ليه الاستبداد والدكتاتورية اللي انتم عايشين فيها طول عمركم مش عايزين حد يتكلم في الدين غيركم والبتاع والكلام ده - 00:08:31ضَ

والمسألة حرية الصحافة في بلاد المسلمين مش حرية دي فوضى يعني واحد مسلا في جريدة كاتب شعار الجريدة تقبل كل فكر وكل مذهب. طب انا عايز اعرف الفوضى عرفها لي بقى - 00:08:43ضَ

ازا كانت الحرية هي تشمل كل فكر وكل مذهب ولا عرف لي الفوضى هو ده افضل تعريف للفوضى ان تقول ما تشتهي وان تقول ما تريد فازا واحد اتكلم كلمتين يطلع كم صحفي كده في الجرايد يشنعوا عليه ويتهموه بالجهل وبالبنط العريض بونط تمانية واربعين عشان اللي ما يشتري يتفرج - 00:09:00ضَ

يفضح الراجل وما يعرفش يدافع عن نفسه فيؤثرون السلام اذا من الذي يحمي المصادر الاصلية؟ انتم الشباب المحتسب الذي يعيش الاسلام قضية حياة اما ان نكون او لا نكون. زيد بن ثابت النبي عليه الصلاة والسلام قال اني اخاف على كتابنا - 00:09:23ضَ

خلاص بقت قضية حياة. حفز القرآن من التحريف انا بقول اهوت السنة بتتعرض تعرضا وحشيا في في هذا الزمان للهجوم من الجهلة وعلم السنة قل اهله. اللي بيموت من علماء السنة ما فيش حد بيشغل مكانه - 00:09:52ضَ

بنغيب فترة طويلة عشرة خمستاشر سنة لحد ما يجي لنا واحد يملى المكان. الشيخ الالباني رحمة الله عليه لما توفي. مين اللي بنى مكانه كان حارسا وكانوا يخافون منه رجل عالم اي بني ادم يطلع بشبهة يدكها دكا - 00:10:17ضَ

ففي ناس كانوا لامين نفسهم لكن مين على بال ما واحد يملى مكان الشيخ الالباني بحجم الشيخ الالباني اشوف شيخ من الف وربعمية وعشرين رحمة الله عليه النهاردة الف ربعمية تسعة وعشرين ها - 00:10:38ضَ

عشر سنين داخلين على عشر سنين ومكان الشيخ شاغر على ما ييجي واحد يملاه يكون في نفس حشمته وقوته وصدعه بالحق والكلام ده نجيب عشر سنين هي والعمر فيه كم عشر سنين؟ في العشر سنين دي كم واحد مبتدع لعب واتكلم والف كتبا والكلام ده - 00:10:53ضَ

المسألة مسألة خطيرة الرجل اذا تعلم علم الحديث علم اصول المرويات كيف نقبل كيف نرد بياخد وقت طويل على ما يستوي فرجالنا قلة فتصور دولة سواحلها الوف الكلوات وحرس الحدود عليها - 00:11:19ضَ

ما بين كل حارس وحارس كيلو. يبقى المتسلل اذا اراد ان يتسلل يعرف يدخل يعرف يدخل على الاقل يكون ما بين الحارس والحارس مرمى البصر. الاتنين يشوفوا بعض بحيس لو واحد تسلل من النص اي واحد من العساكر اللي واقفين دول يوقفوا ما ادخلش من الحدود. لأ حدودنا مفتوحة - 00:11:44ضَ

لنا خصوم في الخارج ولنا جهلاء من الابناء في الداخل يتعاونون مع هؤلاء الخصوم فعشان كده بنقول علم الحديث علم ضروري جدا لا اعلم زمنا اه طلب هذا العلم صار اكيدا ضروريا مثل هذا الزمان - 00:12:09ضَ

لم يعد يكفي ان تقول للحديس صحيح البخاري لانه هيقول لك ببساطة شديدة انت رجل لما بتقول البخاري بتقلد سيبك من التقليد جانبا واسبت لي ان البخاري صحيح اصلا انا ادعي ولكل انسان ان يدعي ما يريد. انا ادعي ان البخاري من اوله لاخره كذب - 00:12:37ضَ

اسبت لي بقى بدون ما تتشنج بدون ما تتنطط بدون ما تصرخ ان الكلام ده كلام العلماء لما يقول البخاري اصح كتاب ان الكلام ده كلام سليم فما عدش ينفع الصراخ بقى. تقعد تتنطط له بقى اي واحد من الجماهير حتى اللي بتشوف يقول لك ما هو ما عندوش حجة. عمال يتنطط ويصرخ ما جابش حاجة مقنعة لحد النهاردة - 00:13:03ضَ

يبقى انا محتاج ان ادرس اصول هذا العلم عشان اقدر اثبت صحة المصادر الاصلية. بل لو قال لك انت اسبت لي ان في واحد كان اسمه البخاري اصلا انتم بتقولوا البخاري. لأ انتم اللي مؤلفين الموضوع ده. لا كان فيه بخاري ولا يحزنون. فاسبت لي انه كان عايش - 00:13:24ضَ

مرة جمعني يعني آآ يعني مجلس بواحد من هؤلاء فانا قلت له اثبت لي انك ابن ابيك وقف لما اقول له هل نسبك الى ابيك صح تعرف تسبته يعني ان ده ابوك لا تؤاخزني يعني ابوك مش واحد تاني هو النهاردة - 00:13:46ضَ

لما يكون ولد مولود ناقص النمو. مش بيدخلوه حضان؟ ويدوا للاب رقم الحضانة. رقم تلاتة اربعة عشرة عشرين الكلام ده هو مش ممكن الممرضة تغلط وتفتح حضان تاني وتديك العين - 00:14:23ضَ

ما هو انت نازل من بطن امه حتة لحماية. لا امه تعرف شكله ولا انت تعرف شكله هو ممكن ممكن عقلا يعني آآ تفتح آآ وتجيب واحد تاني ولا مستحيل؟ مش كده - 00:14:44ضَ

كيف سلم لها؟ ما قلهاش لا ده مش ابني. او اسبتي ان انت فتحت الحضانة الفلانية وما فتحتيش الحضانة العلاني هو النهاردة المرأة الحرة عقلا ممكن تزني المتزوجة ممكن تزني؟ ممكن تدخل على زوجها ولد مش ابنها - 00:15:04ضَ

ممكن فايش عرفك ان انت ابو ابن ابيك احنا لو مشينا في السكة اللي هم ماشيين يقول لك اسبت لي ان كان فيه بخاري. اسبت لي ان كان فيه كزا. ما هو نفس القصة اهو - 00:15:25ضَ

اذا ادخلنا الاحتمالات الواهية واعرضنا على الاقل عن الظنون الراجحة خربت الدنيا كلها فانت بقى عشان تسبت ان الكتاب ده لفلان دون فلان في اصول لاهل العلم هي دي تعتبر اسئلة - 00:15:44ضَ

اسئلة تعجيزية عند العوام. بس سهلة عند اهل العلم اللي مدرسين. يعرف يسبت الكتاب ده صحت نسبته الى هذا العالم ولا لأ اول كتاب ده موضوع على هذا العالم ولا لا - 00:16:08ضَ

زي ما بيثبت ان الحديس ده صحيح ولا لأ ؟ ضعيف ولا لأ ؟ حسن ولا لأ ؟ وعنده الحجة التي يستطيع ان يقيم بها البرهان على كلامه محب تحمل عليه ما يقولش اه - 00:16:20ضَ

ابدا مش في الحديث بس في اي حاجة طلع الولد بيحب بنته وبتاع والكلام ده آآ صلى ورا الامام الامام مسلا آآ قرا بربع ولا حاجة بعد ما خلص ايه يا عم الشيخ - 00:16:33ضَ

يا اخي من صلى بالناس فليخفف انا مش علي انا ازا كان علي انا اقف وراك بس يا اخي ان فيكم الصغير مش عارف ايه والضعيف والبتاع وانت بتكلم عن نيابة عن غيرك ليه؟ هو حد اشتكى - 00:16:47ضَ

ويطلع زهقان وبينفخ وبتاع والكلام ده. ويطلع عشان يقابل البت يقف بالتلات ساعات. تقول له لأ خلاص اصل كده هيقفلوا البوابة. ياه! ده تلات ساعات ده عدوا في ايه اللي وقفك تلات ساعات لا ضهرك بينشر ولا ولا تعبان ولا حاسس باي حاجة ولا الكلام ده - 00:16:58ضَ

محب واحد محب فعشان كده كل عبادة او كل عمل يخلط بالحب ينجح فيه صاحبه فالحب مركب لا يضل راكبه انت عارف حمار ام عمرو؟ كان ام عمرو دي الزاكرة بتاعتها راحت - 00:17:16ضَ

فكانت بقى مسلا يخليها تزور فلان وفلان وما فيش حد فاضي يقف معها فكانوا يركبوها الحمار لان الحمار عارف السكة وهي ما تعرفش السكة يركبوها على الحمار والحمار ياخدها يوديها للجيران ويجيبها من عند الجيران يوديها البيت. انت واخد بالك؟ فالذي يركب الحب يصل - 00:17:40ضَ

اسرع من حمار ام عمرو راكب الحب لا يضل ابدا عشان كده لما انا بقول ان رأس مال المحدث مفرق في عشرات في عشرات الالوف او مئات الالوف والاجزاء الحديثية ما قصدتش على الجيزة - 00:17:58ضَ

يعني ولا اخليك تيأس؟ قصدت اقول لك ان علم الحديث يحتاج الى همة. اللي بيدرس في اصول الفقه يقدر ثلاث اربع خمس ست كتب من المعتمدة ويبقى اصولي ويطبق الفروع يشوف القطة التئم على الاصول ولا لأ والكلام ده - 00:18:16ضَ

لكن علم الحديث كعلم نظري اه تلات اربع خمس كتب هتدرس لنا الحديس وبس وتعرف الحديس الصحيح تعريفه ايه والكلام ده. لكن لما تيجي تشتغل عملي مش هينفع بقى انك انت تجيب لي الحديس من تلات اربع مصادر - 00:18:32ضَ

ويكون الحديس له خمسين ستين اسنادا ما هو ممكن اسناد من اللي غايب عنك ده يضيع لك شغلك ده كله حصل نوع من الاختلاف على الراوي في الاسناد. صح الاسناد قدامي سفيان بن عيينة عن الزهري عن عروة - 00:18:47ضَ

عائشة تدي له تعظيم سلام. سبيكة ده وده معدود من اصح الاسانيد سفيان بن عيينة عن الزهري عن عروة عن عائشة شف ومع ان انا باقول لك سليك الدهب اهو - 00:19:05ضَ

ممكن اضعفه لك طب هتضعفه ازاي اقول لك اصحاب الزهر هفترض وده وده وارد كتير يعني في احاديس سفيان على وجه مش على وجه الخصوص حديس سفيان يعني بالزات لان انا بحب سفيان - 00:19:26ضَ

جدا اهتميت باحاديث سفيان عن الزهري على وجه الخصوصي انا بتكلم في الشاذ وكده يعني اصحاب الزهري زي ما لك الامام مالك صاحب المذهب زي معمر ابن راشد زي محمد ابن الوليد - 00:19:43ضَ

زي عقيل بن خالد زي يونس ابن يزيد زي الليث ابن سعد ها زي محمد بن عبدالرحمن ابن ابي زئب اصحاب الزهري خمس طبقات مش طبقة واحدة قل لي دول رووا الحديس نفس الحديث اللي سفيان رواه موصولا كده. كل دول رووا الحديث عن الزهري - 00:20:04ضَ

عن عروة ان النبي صلى الله عليه وسلم فعل كذا او قال كذا. ايه الفرق ما بين الاسنادين ذكر عائشة في الاسناد الاولاني. ما هو سفيان بن عيين قال ايه؟ قال حدثنا الزهري عن عروة عن عائشة - 00:20:29ضَ

النبي صلى الله عليه وسلم قال كذا اصحاب الزهر اللي انا سميتهم دول رووا نفس الحديث عن الزهر عن عروة ان النبي صلى الله عليه وسلم. طب هو عروة ادرك النبي؟ عليه الصلاة والسلام. لأ ما ادركش النبي. ده تابعي. يبقى سقط من الاسناد ذكر عائشة - 00:20:49ضَ

رضي الله عنها. طب عروة جاب الكلام ده منين؟ اين الحلقات المفقودة؟ ما هو الكلام مش هينط كده يروح لعرو. لازم لابد له من ناقل من الناقل يبقى انت في الحالة دي تقول ايه ؟ لأ - 00:21:07ضَ

اصحاب الزهري مش ممكن دول كلهم يغلطوا الغلط اقرب من الواحد وان كان اماما وابعد عن الجماعة فلا شك ان روايتهم اصح من رواية سفيان يبقى الحديث حينئذ لا يصح الا مرسلا. والمرسل نوع من انواع الحديس الضعيف - 00:21:22ضَ

شف اهو انا قلت لك في الاول شف سفيان عن الزهري عن عروة عن عائشة سبيك الدهب بس ازا ما جلتلوش علة زي اللي انا زكرتها وساعات تلاقي الاسناد ظاهره الصحة - 00:21:41ضَ

نمشي على الاستاد من برة كده تلاقيه زي الفل. زي ما تلاقي واحد كده ايه تخين كده وعضلات والكلام ده ها يشوفوا اتنين جزارين يقول شف ابن حلال مشفي. ها مش مصفي. لا ابن حلال مشافه. اه تشوفه كده تقول - 00:21:56ضَ

ياه ده كمال اجسام وبتاع. يا عم دي مش عضلات ده ورم ده ورم ده وارم من كتر العياء وكتر المرض مش عضلات جاية كده لا استسمن ذا ورم فده وان كان ظاهره العضلات - 00:22:14ضَ

لكن باطنه العلة. مين اللي يعرف ان ده الطبيب لو مختص بالمسألة دي يقول لك الراجل ده عنده كزا وهو ماشي كده اهو ولا حط على بطنه سماعة ولا ولا دبب كده على قلبه ولا مش عارف ايه ولا بطنه ولا بشاكوش ولا احزنه - 00:22:32ضَ

اللي هو من خبرته عرف ان ده مريض والقصة دي يبقى ما يعرفش ان ده مريض وان كان ظاهره السلامة الا واحد متخصص فيجي بقى لو الواحد مش دارس في علم الحديث كويس والكلام ده - 00:22:51ضَ

يمشي على اسناد زي دهوت يقول لك ده اسناد آآ صحيح اسناده صحيح. انما اهل العلم اللي دارسين بقى وعارفين يقول لك اه الصحة لكنه معل بالشزوز. شذ سفيان فوصل الحديث - 00:23:08ضَ

وخالف الجماعة الذين ارسلوه. ارسلوه يعني الصحابي يعني التابعي قال قال رسول الله صلى الله عليه وسلم ولم يسمع فاذا اي اسناد هيغيب عنك ممكن يعمل لك مشكلة او ممكن يحل لك مشكلة - 00:23:26ضَ

طب الحديس ده قد يرد باطراف مختلفة زي مثلا ايه؟ من عمل عملا ليس عليه امرنا فهو رد. يبقى دخل في حرف الايه؟ الميم. فقد بعض الكتب يريدوا حرف الكاف - 00:23:43ضَ

وبعض الكتب يريد بحرف الايه؟ الميم. ماشي هتدور في الحرفين. طبعا الوقت هيطول. تمام؟ ممكن يكون الحديس ده ورد بصيغة اخرى في كتاب اخر. ما من عمل عملا ليس عليه امرنا فهو رد. دي من نون دي ميم الف - 00:23:59ضَ

خلاص؟ ممكن بعض الكتب تورده بلفظ اخر ايهما عامل عملا ليس عليه امرنا فهو رد. يبقى دخل في حرف الايه؟ في حرف الالف وخد بقى دواليك بقى. ممكن انا ايه آآ اجيب لك آآ يعني الفاظ اخرى. كل لفظ يحط الحديث في حرف - 00:24:21ضَ

انت بقى عقلك مش دفتر ما انتاش عارف الحديس ورد بانهي لفظ انت بتخرج حديس قدامك هتقعد بقى تفترض زي ما انا بافترض دلوقتي الحديس ممكن يرد ازاي ؟ ممكن يرد اللفظة الفلانية تدور في الحرف ما تلاقيهوش. اهو وقت راح - 00:24:42ضَ

وهتدور في الحرف ده في الالف كتاب كل حرف هتدور عليه في الالف كتاب. كل ده لابد ان تخرج حديثا واحدا هو ده ضياع العمر بقى. طب انت كطالب حديث عايز توفر الجهد - 00:25:01ضَ

تعمل ايه علشان تتقي المزلق اللي انا باتكلم عنه ده وتوفر وقتك. اقول لك تعملها طبعا دي تحتاج الى جهد جبار منك وعشان ده كله ده حمل محطوط على كتافك - 00:25:19ضَ

ها وده الف كتاب والكتب مش الف كتاب بس باقول لك عشرات الالوف او مئات الالوف من الكتب اللي فيها حدثنا فلان عن فلان عن فلان كتيرة جدا جدا فتقوم تعمل ايه؟ الجماعة اللي قاعدين على القهاوي والجماعة اللي مضيعين وقتهم والبتاع ده استغلوهم - 00:25:35ضَ

تستغلهم ازاي كل الاحاديث التي وردت في اخر الكتاب اللي المحقق هو كتاب كان فهرسة وكتبها تعيد كتابتها في بطاقات مرة اخرى او عن طريق الكمبيوتر دلوقتي تقدر تكتب والبرنامج الترتيب يرتب لك. طبعا دي آآ حاجة طبعا يعني تعتبر آآ يعني نعمة تعتبر نعمة - 00:26:01ضَ

كبيرة جدا جدا اللي حصل دلوقتي بس تاخد كل احاديث حرف الالف لوحدها من الالف كتاب وتخلطها على بعضها بس تدي لكل كتاب رمزا. عشان الدنيا ما تتوهش في بعضها. الكتاب ده مثلا حديث ابي الفضل الزهري - 00:26:27ضَ

زي ما انت عايز. سميه فضل سمي زهري. سميه اي حاجة. ادي له رمز وتكتب الرموز بتاعتك في ورقة خارجية عشان ما تتوهش منك يبقى حديث حرف الالف كلها هتلمها على بعضها - 00:26:46ضَ

وتدي ترتيب وترتب. هتلاقي انما الاعمال بالنيات او كل عمل ليس عليها امرنا لو جاب لفز ايهما يجيب لك موجود في كتاب كزا وكتاب كزا وكتاب كزا وكتاب كزا رقم كزا في صفحة كزا في سانية واحدة - 00:27:01ضَ

يبقى انا ما اقعدش بقى الف في الالف كتاب على الحرف. هو موجود في الموضع ده انا عندي اصبح دلوقتي الالف كتاب عملت لهم آآ مسلا آآ جمهرة فهارس تلات اربع خمس مجلدات - 00:27:18ضَ

لكن ضمنت انه اذا ورد الحديث في حرف اعرف كم كتاب قبل نفس الحديث بنفس الحرف يبقى انا كده وفرت على نفسي عناء النظر في الف كتاب. وهكذا تمشي على التمانية وعشرين حرفا - 00:27:33ضَ

انا كنت زمان والفقر احيانا يكون نعمة. لما كنت اشتري الكتاب ما كانش عندي فلوس. فكنت يا اما بانسخ الكتاب بيدي او افهرسه بيدي. نسخ الكتاب بياخد وقت تنسخ مجلد مجلدين بس الكتاب اللي نسخته حفزته - 00:27:54ضَ

ودي ميزة الفقر. اللي هتكتبه بايدك هتحفزه ينقش على صفحة قلبك بس عايز همة والهمة موجودة شباب وصحة ومحب كمان للعلم وبتاع وما ليش في الدنيا هم الا العلم. ليس - 00:28:23ضَ

ليست هناك لذة في الدنيا الا العلم. لا بادور على فلوس ولا اكل ولا شرب ولا لبس ولا سيارة ولا مسكن ولا اي حاجة حياة قايم نايم ما بحبش غير علم الحديث. عايز علم الحديث بس. فكنت ايه اشتري الكتاب - 00:28:43ضَ

بشق الانفس اقعد احوش له مسلا شهر كامل عشان احوش اتنين جنيه مسلا تلاتة جنيه. اروح اشتري الكتاب فما كانش عندي غيره فكنت افليه. اقراه كلمة كلمة كلمة واطلع الفوايد بتاعته واكتب الفوايد. لما كترت الفلوس شوية - 00:29:00ضَ

بقيت بجيب بالكرتونة. كرتونة بقى قل لي هتفهرس ايه ولا ايه! ده بقت كتب قد كده على الرف فبقيت بهمبك بقى يعني امسك الكتاب افتحه واقعد اخمن كده وانقي شوية حاجات كده اللي انا متصور ان انا محتاج لها. واعمل فهرس كروكي كده يعني اجمالي - 00:29:18ضَ

وبتاع الكلام. زادت المسألة شوية بتجيب بالعشر كراتين وبتاع بالسلامة بقى ضاعت القضية. ازا ما كانش المحقق مفهرس للكتب يبقى خلاص يا نفهرسه يا حسيبه ايه كنزا مغلقا مش عارف اتصرف فيه - 00:29:34ضَ

فكنت اعمل ايه بقى اشوف الشباب اللي قاعد يغني على الطرقات والبتاع والكلام ده يقول لك تعالوا نشتغل شوية يقعد معي اقول له انسخ لي البتاع ده. اعمل لي المش عارف ايه واعمل لي ده كده. فبرضه انتفعت - 00:29:49ضَ

الشباب الصغير اللي هو ايه يقدر ييجي معك يعني الصغير وما يقدرش يقول لك لأ يتكسف يعني. يقول لك لأ. حمل عليه اوعى انت كمان تقول احسن يتضايق منه ايه ما يضايق - 00:30:04ضَ

ما هو هو يطلع مستفيد في الاخر هو يطلع مستفيد وفيه شباب منهم انفتح قلبه للعلم بالعملية دي. ولا خطر على باله في يوم من الايام يتعلم لما دخل بقى في مسألة الفهارس والشغل والبتاع والكلام ده. آآ انتفع - 00:30:16ضَ

حتى انا اوفر وقتي عملت بس ايام ما كنت شباب يعني فهرست خمسميت كتاب. ومخطوط. دول كتبت بيدي هذه اكتر من ستميت الف بطاقة بكشف الكمبيوتر والحدوتة دي البطاقة قد كده ورقة تكتب فيها الحديس وتكتب الكتاب ورمزه والجزء والصفحة - 00:30:31ضَ

فطبعا كم كبير جدا حرف الالف لوحده اه كان داخل على حوالي اتنين وعشرين مجلدة. حرف الالف لوحده. فطبعا ما كتبت بايدي اه الكلام ده بس هلاقي وقت فين رتب - 00:30:58ضَ

فقلت بقى نجيب جماعة من الشباب اللي فالقين دماغي. يا شيخ علم الحديس وعايزين نتعلم علم الحديس وبتاع. طيب نختبركم تعالوا رتبوا معي هذه البطاقات والعلم كله في الفهرسة. طلبة العلم كانوا زمان يقول لك ايه هنقعد نفهرس وبتاع ومش عارف ايه انا عايز ازاكر - 00:31:15ضَ

اقول له يا ابني انا شيخك وانا اضرب مصلحتك. لما اقول لك فهرس يبقى العلم في الفهرسة. زاكر يبقى العلم في المزاكرة قال مش انت هتبقى بينا ومناول بقى. لأ انت جاي تتعلم اقول لك علمني انا صح هنتفع لكن انت هتنتفع اكثر مني. خلاص - 00:31:40ضَ

طيب يا شباب تعالوا عشر شباب. فبقول لكم التجربة دي ليه؟ عشان تعرف ان ان العبد اذا اذا لم يرزق همة لن ينجح مطلقا ودول كانوا من الشباب اللي هم انا كنت متصور ان هم هيبقوا على درجة عالية من العلم - 00:31:59ضَ

فقلت هاختبرهم بالمسألة دي. قلت لهم خلاص. ادي الستميت الف نطاق اهو. وانا ساترك لكم وهاخد انا وانا واهلي وولادي لي شقة تانية قلت له هقعد فيها وهفرغ لكم المسكن ده لمدة خمستاشر يوم. اكل شارب نايم على حسابي - 00:32:22ضَ

مهمتك تنزل تصلي وتطلع وهتلاقي الاكل جاهز عايزين تجيبوا اكل جاهز هاته عايزين نعمل لكم اكل نعمل لكم بس يبقى شغلتكم ترتبوا الفهارس وقسمتهم في الغرف. دي الغرفة حرف الالف ودي حرف البه والته والسه لحد العين. ودي حرف مش عارف ايه اللي هي الميم لحد ليه؟ رتبتهم كده - 00:32:45ضَ

بدأوا يشتغلوا وبعدين بدون ما حد يعلمني اطلاقا قام واحد زهق قام واخد الايه الحرف بتاعه وروح البيت عنده طبعا انا منبه عليهم ممنوع تفتحوا شباك لان الهوا لو جه هيطير البطاقات على بعضها. وممنوع حد من الاولاد الصغار يدخل الشقة. ليه؟ لان احنا لو لخبط اللي وراه على بعضها او - 00:33:11ضَ

بطاقة طارت يبقى راح حديث في مصدر يبقى انا ساحرم من هذا الحديث خلاص وانا طبعا لما كتبت الفهارس لم اكل كتابة الفارس لغيري. لان انا اللي عارف اعتراف الحديس تتكتب ازاي - 00:33:38ضَ

لو اديت لغيري يكتب اطراف الحديس جاي يجتهد يضيع لي الحديس ويكون محطوط في حرف مش بتاعه فانا كتبت بيدي بس قلت لهم انتم ايه كل شغلكم شغل مكن. ترتبوا بس. ده خد الحرف بتاعه وروح البيت - 00:33:55ضَ

طبعا سايبهم يومين تلاتة على ما ابقى اقابلهم والكلام ده ايه عملتم ايه والله يا فلان خد حرف وراح بيت ازاي يروح البيت من غير ما يقول له الكلام راح البيت - 00:34:10ضَ

هناك قال لي انا قاعد وبرتب الاخوات الصغيرين عاكسوه. كل شوية يفتحوا الباب مش عارف ايه قام واخد البطاقات ورايح المكتبة اللي هي بتاعة الطلبة دي علشان المكتبة ما فيهاش حد ومش عارف ايه وبتاع. وواحد تاني قام واخد الحرف بتاعه وتسللوا. خلاص. انا كده جهد - 00:34:20ضَ

راح لان انا ما اعرفش ضيعوا بطاقات ولا لأ ورتبوها ولا لأ راحت منهم ولا لأ ؟ انتهت القصة. كل اللي ادرت الحقه جزء من حرف الميم. كتبته في الفي صفحة - 00:34:40ضَ

انا في الاخر في الاخر ضاعت جهدي ضاع خمسمية كتابا في اكتر من ستميت الف بطاقة كنت كاتبها عشان اوفر الجهد على على نفسي. ما انا خلاص طالما ان انا - 00:34:59ضَ

اشتغل في علم الحديث اشتغل صح ما اقعدش كده والف حوالين نفسي وواخد الكتاب ورايح جاي مش عارف ايه الكلام ده ؟ لأ تشتغل تشتغل صح نزرت نفسك لهذا ابقى اعد العدة علشان تبقى حاجة - 00:35:09ضَ

فانت علشان خاطر توفر الجهد والعمر والوقت والكلام ده لابد ان يكون لك فهارس خاصة لا تعتمد على فارس غيرك. لان غيرك عندما فهرس انما فهرسك بطريقته هو. انما انت ما ينفعش حد يفهرس - 00:35:25ضَ

لكن على اي حال هننتفع بفارس الاخرين لان العمر ضيق والكتب كثيرة جدا ده جزء من شغلك اللي انا باقوله ده جزء من شغلك. آآ عشان تحضر المعلومة بس. قبل ما تخرج تجيب كل طرق الحديس قدامك - 00:35:41ضَ

اما ترتب طرق الحديث ازاي؟ توازن بين الرواة ازاي تعرف ده غلط ازاي وده او ما غلطش؟ دي قصة تانية كبيرة قوي قوي لكن هو علم ممتع وان كان شاقا - 00:36:02ضَ

فالنهاردة انا لما اكون دارس دراسة صحيحة يجي لي اي واحد جاهل داخل على البخاري بقى ما هو داخل البخار مش عارف البخاري ده يطلع ايه. واحد جاهل بتصطاده مع اول نفس - 00:36:19ضَ

وتكعبلوا وتدي له الزامات معينة يتناقض بقى وهو واقف يتناقض هو. يعني اللي يجي يقول لك مسلا الحديث الحديث الفلاني مكذوب. زي الحديس اللي انا قلت لكم عليه. حديث آآ - 00:36:37ضَ

آآ آآ ان تكون اكثر اهل النار والكلام ده. الحديس ده الاسناد بتاعه زي الشمس يوم ايه؟ يرد الحديث وهو ويقبل حديثا اخر بذات الاسناد طب طب انت لما قابلت دورة ضد دول اسناد واحد؟ ما عمدتك في التفريق؟ - 00:36:53ضَ

ازا كان الراوي كداب يبقى ينبغي ان يسقط الاثنين ازا كان ثقة ينبغي ان يقبل الاسنان فاللي برة القصة خالص من السهل اوي اوي عند اي درس ان هو يوقفه - 00:37:16ضَ

لكن الجماعة المبتدعة فطنوا الى شيء ونزلوا من حوالي خمس سنين كتابا في ثلاثة مجلدات انا ظفرت بالجزء واحد فقط من هذا الكتاب آآ اسمه صاحبه مسميه الطوفان الجارف لكتائب البغي والعدوان. مين الباغي؟ ومين المعتدي؟ اهل السنة. جاب الاحاديث - 00:37:30ضَ

الحديث اللي في البخاري ومسلم التي تكلم فيها بعض اهل العلم من السنة. كتاب احاديث المعازف اتكلم فيه ابن حزم. حديث خلق الله التربة يوم السبت. اتكلم فيه البخاري وعلي بن مديني. حديث من عاد لي وليا - 00:38:04ضَ

اتكلم فيه الذهبي. حديث مش عارف ايه. اتكلم فيه فلان. فهو قال اهو. انا لو قلت البخاري هتقولوا لي مبتدع. انا مش هتكلم مش هجيب كلامكم انتم يا اهل سنة - 00:38:24ضَ

في الاحاديث اللي في البخاري ومسلم. جاوبوا لي عليها بقى وجمع مائتين وخمسين حديثا في الصحيحين عالم اتكلم على حديث يجيب لك او مسلا حديث القردة اللي رجمت القرد بتاع عمرو ابن ميمون. موجود في البخاري. ها يقول لك الكلام ده ابن عبدال - 00:38:39ضَ

قال لي ان ده ما لا يمكن حديث عمرو ابن ميمون طريف جدا ولطيف وظريف ما فيش مانع اقوله لكم من باب يعني آآ آآ اعرفكم الحديث آآ قال عمرو بن ميمون وهو احد التابعين الكبار قال رأيت الرجم في - 00:39:05ضَ

ايه الحكاية قال لك ان كان فيه قرد عجوز وهو بيحكي حاجة شافها. قرد عجوز. ومراته قردة شابة لقطاتهم ظريفة وانت عارف القرد بقى اللي انا شفت شكل القرد بقى ها فالقرد الشابة دي نايمة - 00:39:27ضَ

على دراع العجوز ونايم وفارد دراعه كده وهي نايمة على ايه على دراعه فجاء قرد شاب فبصبص لها واصل البصبصة ان يحرك ذيله. لما القط ولا الكلب ولا اي حيوان له دين يلعب ديله يقال بصبص - 00:39:53ضَ

الكلب اي ايه تحرك ذيله فعشان تعرف اللي بيبصبص للنسوان يطلع ايه. ها اه دي حاجة على الهامش بس عشان ايه تبقى الدنيا اه فالمهم بصبص لها حرك ديله فقامت معه - 00:40:14ضَ

والقرد بيشخر العجوز فقامت معه وراحوا قضوا مصالحهم وقامت ايه وقامت راجعة تاني نايمة على دراعه كأن شيئا ايه لم يحدث القرد اول محطة راسها على دراع القرد استيقظ فشمها فصرخ - 00:40:32ضَ

اول ما صرخ ده عمرو ميمون بيحكي الحكاية بيقول فبحثوا عن القرد فجاؤوا به اعرفه قرد اللي عمل العملة دي جاءوا بهذا القرد والقردة وظلوا يرجموهما بالحجارة حتى قتلوهما. فابن عبدالبر بيقول لك - 00:40:53ضَ

لأ الكلام ده مش صحيح لان الرجم القروض غير مكلفة فازاي يبقى فيه رجم عند القروض وهي غير مكلفة انا بقول هذا الاعتراض مش وارد اصلا ابن عمرو ابن ميمون سماه رجما. انت مش عاجبك انه سماه رجل مسميه زي ما انت عايز. لكنه حكى حكاية رآها. فانت حاجة من الاتنين. يا تقول له - 00:41:17ضَ

فصادق فيما رأيت انت كداب خلاص كده ؟ ولا احد يكذب عمرو ابن ميمون اصلا يبقى رأى انت بقى بتقول الرجم في بني ادم وليس في الغير مكلفين هو سماه رجما انت سميه زي ما انت عايز يا اخي. عايز تسميه اي حاجة - 00:41:40ضَ

لكنه لكن الواقعة حدثت واحنا لما نيجي نفسره كادميين لا نفسره الا بالرجو لان احنا عندنا الزاني المحصن الرجل اذا تزوج فزنا فحده الشرعي الذي جاءت به السنة المتواترة ان يحفره - 00:41:58ضَ

وفي الارض حفرة ويدفن نصفه الاسفل في الارض ويرجم بالحجارة في رأسه حتى يموت ده حد الزاني المحصن فالقردة دي متجوزة ها وبعدين القرد التاني زنا بها خلاص يبقى قردة محصنة. هو عمرو فسرها كده. قردة محصنة وزنت. يبقى شاكل هذا او شابه الرجم في بني ادم. فسماه رجل - 00:42:18ضَ

فييجي واحد يقول لك البخاري ما هو عمرو ابن عبدالبر اهو من ائمة السنة. قال لك البخاري في حديث مش مزبوط ومش عارف ايه ممكن العالم يخطئ ممكن العالم وان كان جليلا يخطئ في التعليم - 00:42:47ضَ

ممكن يفتح عليك انت ويغلق عليه هو لان العلم لم يجعله الله عز وجل حكرا على احد من بني ادم بل جعله مشتركا مقسوما في عباده يفتح للمتأخر ما اغلقه على المتقدم وان كان جليلا - 00:42:59ضَ

ويحييه بتال يعترض على ماض وعشان كده تلاقي انا لما لما مسل اجي اتعقب واحد من العلماء الكبار ما تجيش تقول لي هو انت تطلع مين اه انا ما لا اصلح ان اكون غلاما لهذا العالم الذي تعقبته - 00:43:17ضَ

ولا اصلح ان اصب عليه ماء الوضوء لكن الجزئيات في العلم لا تتناهى الجزئيات لا تنتهي. ولم يؤلم ولم يخص الله عز وجل قوما بالصواب دون قوم فهو ازا كنت انا في جزئية فقد فاقني في مائة الف جزئية - 00:43:33ضَ

لكن بقي ايه؟ للمتعقب اشياء فما هو المانع اي واحد يتعقب على البخاري بتاعه يكون هو غلطان انت لما يكون عندك بقى دارس بقى الاسناد ودارس المد وعارف وجوه الكلام ودلالة الالفاز تفرق معك كتير. ودي - 00:43:56ضَ

هي علوم الالات بقى علوم الحديث وعلوم اصول الفقه. هي دي اللي بتخليك تستطيع ان تسبح في هذا البحر الخضم وتدخل معترك الاقران وتخرج مظفرا كمان فيبقى الاصول لا سيما زي ما بنقول علم الحديث علم المرويات - 00:44:12ضَ

اعرف ده صحيح ازاي؟ وده ضعيف ازاي من الاشكالات الاخرى ده غير بقى اتساع مادة آآ علم الحديث جدا جدا تحتاج الى مجهود جبار. واحد واقف ما لوش شغلانة غير العلم - 00:44:31ضَ

ازا دخل حاجة تانية جنب العلم مش هيوصل يبقى نفسه يبقى ما عنده مش عارف ايه ويسكن في حي ايه وياكل ايه ويشرب ايه ويغير السيارة ويعمل مش عارف ايه والكلام ده لا اذا دخلت القصة دي على قلبك - 00:44:46ضَ

انسى القصة بقى. رح زي ما انت عايز العلم لا يعطيك بعضه حتى تعطيه كلك احفظها كده اعملها شعارا اجعلها شعارا وعلقها كده يافطة العلم لا يعطيك بعضه حتى تعطيه كلك - 00:45:01ضَ

في اشكالية اخرى فيما يتعلق بعلم الحديث. وهي دخول الوف الاحاديث الموضوعة المكذوب على النبي عليه الصلاة والسلام والمنكرة والشاذة في كتب العلماء فده صعب عليك المسألة ما فيش حديس تسمعه - 00:45:27ضَ

دلوقتي اللي لازم تسأل عن صحته لاني العلماء الذين صنفوا في الكتب سواء كان في الاحكام الشرعية او في الفقه او في التفسير او في الرقائق او الكلام ده ولم يكونوا محدثين كلما وجدوا حديثا يخدم الموضوع وضعوه في الكتاب. فدخلت عشرات - 00:45:51ضَ

الالوف من الاحاديث الساقطة على اختلاف درجاتها. يا موضوع يا باطل يا منكر يا شاذ يا ضعيف يا مرسل يا اي حاجة من العلل دي دخلت في الكتب. وانت ما عندكش تمييز بتفتح الكتاب تقرا منه تطلع على المنبر تقول او تستشهد به والكلام ده. مع انه - 00:46:14ضَ

حديث يعني ساقط يعني يعني آآ اكيد انتم كتير منكم عارف الحديث القدسي اني انا والانس والجن في نبأ عظيم اعبد. اخلق ويعبد غيري وارزق ويشكر سواي الى العباد نازل وشرهم اليه صاعد. مكزوب - 00:46:34ضَ

كذب واكيد برضه اكيد كلكم بقى حافزين ان النبي صلى الله عليه وسلم لما ذهب الى الطائف قال اللهم اشكو اليك ضعف قوتي وقلة حيلتي وهواني على الناس. لا اصل له. اهو. لا اصل له. ما قالوش النبي. مع عذوبة الفاظه - 00:46:53ضَ

وانت بتقوله قلبك بيرفرف كده وعايز تعيط. من حلاوة الالفاظ جميل جميل فعلا انما اتقبل الصلاة ممن تواضع بها لعظمته ولم يستطل بها على خلقه ولم يبت مصرا على معصيته. مش عارفين الحديث ده - 00:47:13ضَ

كذب عبدي انت تريد وانا اريد ولا يكون الا ما اريد فان سلمت لي فيما اريد كفيتك ما تريد وان لم تسلم لي. فيما اريد اتعبتك فيما تريد ولا يكون - 00:47:29ضَ

الا ما اريد. كذب المؤمن كيس فطن. كذب. من لم تنهه صلاته عن الفحشاء والمنكر فلا صلاة له. منكر. ها صوم رمضان بين السماء والارض لا يرفع الا زكاة الفطر ضعيف. خد بقى خد بقى هديك بالكبشة بقى. من القصة دي. اللي انت - 00:47:41ضَ

حافظها وبتعتقد انها من الاحاديث الصحيحة وهي ليست كذلك علماء الحديث انكروها. واعلوها بعلل فانت لو جيت بقى قلت لك ارم بياضك بقى ووريني بقى انت حافز احاديس ايه! هاطلع لك تلات تربع اللي انت حافزه - 00:48:04ضَ

ضايع. لا لا لا برة خالص لا لا لا. البخاري ده البخاري ده كالمسمار في الساج انت عارف السج خشب الزان لما تدقي فيه مسمار تعرف تطلعه؟ اه البخاري كالمسمار في الساج. يبقى هتقلد في درجة الحديث - 00:48:21ضَ

وتبقى مجتهد في الفقه واصوله. ماشي ما فيش مانع بس ده يلزمك بقى انك انت تكون عارف مراتب العلماء التلاتة في التصحيح والتضعيف عندنا عالم المرتبة الاولى المتشددون المتوسطون المتساهلون. يبقى انت لازم تكون عارف العلماء - 00:48:47ضَ

اللي من الطبقة الاولى طبقة المتشددين. والعلماء اللي من الطبقة التانية طبقة المتوسطين نفس هادي يعني والمتساهل. فالمتساهل لا تعول عليه انما المتشدد ازا قال صحيح عض عليه بالنواجز لان ده ما بيفوتش الهوا - 00:49:08ضَ

فلما يقول صحيح يبقى خلاص اختم وراه المتوسط اللي نفسه هادي اقبل منه ايضا يبقى انا لازم اعرف برضو طبقات العلماء اللي بيصححه يضعفه. كل طبقة فيها مين ومين ومين ومين ومين. عشان ازا قال صححه الترمزي ضعفه المش عارف ايه صححه البخاري ضعفه ابو حاتم. الكلام يبقى عارف - 00:49:27ضَ

اقدر اوازن ما بين الاتنين. ده الكلام ده لو انت ايه ما لكش في علم الحديث وعايز يبقى لك في ايه؟ في اي علوم اخرى انا ارجو ان اكون يعني وضعت بعض الكلمات الكاشفة يعني تحفيز الطالب ويعني اعلامه بشرف المنصب - 00:49:47ضَ

شرف المنصب اجل منصب على وجه الارض منصب العلماء هم الملوك الملوك بغير تيجان - 00:50:05ضَ