باحث

ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له. ومن يضلل فلا هادي له واشهد ان لا اله الا الله وحده لا شريك له. واشهد ان محمدا عبده ورسوله - 00:00:00ضَ

اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار - 00:00:28ضَ

اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد. كما باركت على ابراهيم وعلى ال ابراهيم - 00:00:47ضَ

العالمين انك حميد مجيد روى الامام ابو داود والبخاري في الادب المفرد وقد علقه البخاري في صحيحه واسناد الحديث حسن من حديث وهو عند الترمذي ايضا وحسنه من حديث زيد ابن ثابت رضي الله عنه - 00:01:04ضَ

قال قال لي رسول الله صلى الله عليه واله وسلم تعلم كتاب يهود وفي لفظ تعلم لغة يهود فاني اخشى على كتابنا قال زيد فحذقته اي لسان اليهود فحذقته اي صرت حاذقا فيه وماهرا - 00:01:31ضَ

به في خمسة عشر يوما وفي رواية عند رواية الترمذي ان النبي صلى الله عليه وسلم امره ان يتعلم السريانية ولغة اليهود العبد العبرية الحافظ ابن حجر يقول يعني انه لا مانع ان يكون احتاج الى هذه وتلك - 00:02:07ضَ

الشاهد هل سمعتم في الدنيا رجلا تعلم لغة لغة اجنبية عنه فصار كاهلها في خمسة عشر يوما انا لا اعلم في حدود يعني علمي الضئيب لا اعلم بل لا اتصور - 00:02:39ضَ

ان تكون رجلا عربيا تتعلم لغة اجنبية وفي في نصف شهر تكون كاهلها ترى ما الذي حفز زيد بن ثابت ان يفعل هذا الفعل ان النبي صلى الله عليه وسلم قال اني اخاف على كتابنا - 00:03:03ضَ

فاذا صادفت هذه الكلمة قلب رجل محب لم ينم انا اقول الان نحن نخشى على سنة نبينا صلى الله عليه وسلم فهل ستصدع هذه الكلمة قلب محب فلا ينام الليل حتى يحصل اصول العلم في حفظ سنة النبي عليه الصلاة والسلام - 00:03:32ضَ

كما قلت في المرة الماضية مصادرنا الاصلية تتعرض لهجوم كاسح لا سيما مع ضعف المؤسسات الدينية الرسمية وهي ضعيفة من جهة رجالها علميا ان الدرجات العلمية او الدرجات الادارية الوظيفية - 00:04:07ضَ

لا يتسنمها المرء في ديار المسلمين بالعلم. انما بقدم السن في المهنة فيبقى هو مثلا آآ ياخد آآ المدير عام الدعوة المفروض مثلا مدير عام الدعوة ده المفروض ده يكون طالب علم - 00:04:35ضَ

لأ ده واخدها لان في درجة وزيفية فارتقى اليها بقى رئيس المجمع الفقهي مسلا يبقى خدت بدرجة وظيفية بقى وكيل الوزارة بقى الوزير دي كلها درجات وظيفية لم تعد الدرجات العلمية هي التي يرتقي المرء بها - 00:04:57ضَ

فلما تحصل مناظرة من المناظرات على اي موضوع علمي وقد وقع هذا لي كان آآ رجل يتسنن منصبا كبيرا جدا في الدعوة آآ قرأت له مقالا مقابلة صحفي صحفي التقى معه ودار الحوار حول صحيح البخاري - 00:05:21ضَ

فسأله هذا السؤال قال له ان في ناس بيقولوا ان البخاري ليس آآ صحيحا آآ كله بل في احاديس ضعيفة. قال فعلا آآ ناس اختلفوا على قولين في المسألة ديت وآآ انا مع الذين يقولون ان البخاري في احاديس ضعيفة - 00:05:53ضَ

ولانني اعرفه فشددت له الرحل من بلدي الى مكتبه في القاهرة علشان اقول له ايه الكلام ده؟ انا لا اصدق ان تقول هذا الكلام. يبقى فيه صحفي كداب افترى عليك وكتب كزا وكزا ازا ما كانش واخد باله - 00:06:16ضَ

ان في واحد كدب عليه يصلح ان هذه سوءة تبقى على الدهر لما الحقيقة دخلت عليه وسلمت عليه وكلمته قلت له والله هي مجلة كزا نشرت لك آآ حديثا مع صحفي عمل كزا كزا كزا وقلت كزا. هل هزا صحيح - 00:06:34ضَ

قال لي نعم انا قلت هذا قلت له طيب انا رجل متخصص في علم الحديث بقى لي تلاتين سنة واقول ان هذا القول الذي تقوله لم يقل به احد فانا بدي انك انت تعرفني دلوقتي - 00:06:55ضَ

ما هي الاحاديث الضعيفة؟ او بعض الاحاديث الضعيفة في صحيح البخاري عشان نتكلم فيها فقال لي اجيب لك المتخصصين. قلت له لأ انت اللي اتكلمت انا ما ليش علاقة بالمتخصصين. انت الذي تكلمت ونسوا الكلام الي - 00:07:12ضَ

قال لي ما الناس بتضعف البخاري جت علي انا انا حافز كلام والله بكل اسف يعني قال هذا الكلام يعني هيصة يعني هيصة ضعف مع جملة اللي بيضعفوا نهيصه مع جملة اللي بيهيصه والكلام ده - 00:07:31ضَ

فلما يكون حاميها حراميه. يعني اللي انا مخليه امين الصندوق هو اللص يبقى خلاص فاذا كانت الامانة مغنما فانتظر الساعة يديك امانة عينها اعتبرت ان دي غنيمة دخلت جيبك. الحمد لله جت لي وبتاع وهبقى غني والكلام ده - 00:07:47ضَ

فدي مشكلة الحاجة التانية اللي هي من اسباب ضعف المؤسسات الرسمية وانها لا تستطيع ان تدافع عن اصول الاسلام وفروعه بكل اسف يعني السبب التاني الهوجة اللي ماشية في العالم الان - 00:08:07ضَ

باسم حرية الرأي كل ما تيجي تقول له اسكت يقول لي انت بتكمم الافواه هو انت مش عايز الناس تتكلم هو انت ايه ليه الاستبداد والدكتاتورية اللي انتم عايشين فيها طول عمركم مش عايزين حد يتكلم في الدين غيركم والبتاع والكلام ده - 00:08:24ضَ

والمسألة حرية الصحافة في بلاد المسلمين مش حرية دي فوضى يعني واحد مسلا في جريدة كاتب شعار الجريدة تقبل كل فكر وكل مذهب. طب انا عايز اعرف الفوضى عرفها لي بقى - 00:08:40ضَ

ازا كانت الحرية هي تشمل كل فكر وكل مذهب ولا عرف لي الفوضى. هو ده افضل تعريف للفوضى ان تقول ما تشتهي وان تقول ما تريد فازا واحد اتكلم كلمتين يطلع كم صحفي كده في الجرايد يشنعوا عليه ويتهموه بالجهل وبالبنط العريض تمانية واربعين عشان اللي ما يشتري يتفرج - 00:08:56ضَ

يفضح الراجل وما يعرفش يدافع عن نفسه فيؤثرون السلام اذا من الذي يحمي المصادر الاصلية انتم الشباب المحتسب الذي يعيش الاسلام قضية حياة اما ان نكون او لا نكون زيد ابن ثابت - 00:09:18ضَ

النبي عليه الصلاة والسلام قال اني اخاف على كتابنا خلاص بقت قضية حياة حفز القرآن من التحريف انا بقول اهوت السنة بتتعرض تعرضا وحشيا في في هذا الزمان للهجوم من الجهلة - 00:09:43ضَ

وعلم السنة قل اهله اللي بيموت من علماء السنة ما فيش حد بيشغل مكانه بنغيب فترة طويلة عشرة خمستاشر سنة لحد ما يجي لنا واحد يملى المكان. الشيخ الالباني رحمة الله عليه لما توفي. مين اللي بنى مكانه - 00:10:04ضَ

كان حارسا وكانوا يخافون منه رجل عالم اي بني ادم يطلع بشبهة يدكها دكا ففي ناس كانوا لامين نفسهم لكن مين على بال ما واحد يملى مكان الشيخ الالباني بحجم الشيخ الالباني - 00:10:24ضَ

اشوف شيخ من الف ربعمية وعشرين رحمة الله عليه النهاردة الف ربعمية تسعة وعشرين ها عشر سنين اهو. داخلين على عشر سنين ومكان الشيخ شاغر على ما ييجي واحد يملاه يكون في نفس حشمته وقوته وصدعه بالحق والكلام ده - 00:10:43ضَ

يجيب عشر سنين هي والعمر فيه كم عشر سنين؟ العشر سنين دي كام واحد مبتدع لعب واتكلم والف كتبا والكلام ده المسألة مسألة خطيرة الرجل اذا تعلم علم الحديث علم اصول المرويات كيف نقبل كيف نرد - 00:11:02ضَ

بياخد وقت طويل على ما يستوي رجالنا قلة اتصور دولة سواحلها الوف الكلوات وحرس الحدود عليها ما بين كل حارس وحارس كيلو يبقى المتسلل اذا اراد ان يتسلل يعرف يدخل - 00:11:24ضَ

يعرف يدخل على الاقل يكون ما بين الحارس والحارس مرمى البصر الاتنين يشوفوا بعض بحيس لو واحد تسلل من النص اي واحد من العساكر اللي واقفين دول يوقفوا ما يدخلش من الحدود. لأ حدودنا مفتوحة - 00:11:46ضَ

لنا خصوم في الخارج ولنا جهلاء من الابناء في الداخل يتعاونون مع هؤلاء الخصوم عشان كده بنقول علم الحديث علم ضروري جدا لا اعلم زمنا طلب هذا العلم صار اكيدا ضروريا مثل هذا الزمان - 00:12:06ضَ

لم يعد يكفي ان تقول للحديس صحيح البخاري لانه هيقول لك ببساطة شديدة انت رجل لما بتقول البخاري بتقلد سيبك من التقليد جانبا واسبت لي ان البخاري صحيح اصلا انا ادعي ولكل انسان ان يدعي ما يريد. انا ادعي ان البخاري من اوله لاخره كذب - 00:12:33ضَ

اسبت لي بقى بدون ما تتشنج بدون ما تتنطط بدون ما تصرخ ان الكلام ده كلام العلماء لما اقول البخاري اصح كتابا الكلام ده كلام سليم فما عدش ينفع الصراخ بقى تقعد تتنطط له بقى اي واحد من الجماهير حتى اللي بتشوف يقول لك ما هو ما عندوش حجة عمال يتنطط ويصرخ ما جابش حاجة مقنعة لحد النهاردة - 00:12:59ضَ

يبقى انا محتاج ان ادرس اصول هذا العلم عشان اقدر اثبت صحة المصادر الاصلية. بل لو قال لك انت اسبت لي ان في واحد كان اسمه البخاري اصلا انتم بتقولوا البخاري. لأ انتم اللي مؤلفين الموضوع ده. لا كان فيه بخاري ولا يحزنون - 00:13:20ضَ

اسبت لي انه كان عايش مرة جمعني يعني آآ يعني مجلس بواحد من هؤلاء انا قلت له اثبت لي انك ابن ابيك وقف لما اقول له هل نسبك الى ابيك صح - 00:13:40ضَ

تعرف تسبته يعني ان ده ابوك لا تؤاخذني يعني ابوك مش واحد تاني هو النهاردة لما يكون ولد مولود ناقص نمو مش بيدخلوه حضان ويدوا للاب رقم الحضانة. رقم تلاتة اربعة عشرة عشرين الكلام ده - 00:14:09ضَ

هو مش ممكن الممرضة تغلط وتفتح حضان تاني وتديك العين ما هو انت نازل من بطن امه حتة لحماية. لا امه تعرف شكله ولا انت تعرف شكله هو ممكن ممكن عقلا يعني - 00:14:35ضَ

آآ تفتح آآ وتجيب واحد تاني ولا مستحيل مش كده كيف سلم لها؟ وما قلهاش لا ده مش ابني. او اسبتي ان انت فتحت الحضانة الفلانية وما فتحتيش الحضانة العلاني - 00:14:53ضَ

هو النهاردة المرأة الحرة عقلا ممكن تزني المتزوجة. ممكن تزني ممكن تدخل على زوجها وولد مش ابنها ممكن ايش عرفك ان انت ابو ابن ابيك احنا لو مشينا في السكة اللي هم ماشيين يقول لك اسبت لي ان كان فيه بخاري - 00:15:08ضَ

اسبت لي ان كان فيه كزا اهو نفس القصة اهو ازا ادخلنا الاحتمالات الواهية واعرضنا على الاقل عن الظنون الراجحة خربت الدنيا كلها فانت بقى عشان تسبت ان الكتاب ده لفلان دون فلان فيه اصول لاهل العلم - 00:15:37ضَ

هي دي تعتبر اسئلة اسئلة تعجيزية عند العوام. بس سهلة عند اهل العلم اللي مدرسين يعرف يسبت الكتاب ده صحت نسبته الى هذا العالم ولا لأ اول كتاب موضوع على هذا العالم ولا لأ - 00:16:01ضَ

زي ما بيثبت ان الحديس ده صحيح ولا لأ ؟ ضعيف ولا لأ ؟ حسن ولا لأ ؟ وعنده الحجة التي يستطيع ان يقيم بها البرهان على كلامه دراسة بقى علم الحديث يحتاج الى رجال - 00:16:16ضَ

واشكال علم الحديث عن سائر العلوم ان رأس مال المحدث مفرق في عشرات الالوف او مئات الالوف من الكتب والاجزاء الحديثية كتب السحاح والمسانيد والسنن والمشيخات والتواريخ والمعاجم دي الكتب دي كلها - 00:16:33ضَ

بالاسانيد انت تريد ان تحقق حديثا ما. تعرف درجة الحديث لا تستطيع ان تعرف درجة الحديث الا اذا جمعت اسانيد هذا الحديث من كل الكتب المتاحة طب انت هتطلعها ازاي - 00:17:02ضَ

وقد انتهى زمان الحفظ ما عادش حد حافز زي زمان. زمان الامة امة حفظ معروفة الامام احمد كان يحفظ الف الف مليون حديث طبعا الحديث عند العلماء المتقدمين لا يعنون به حديثا النبي صلى الله عليه وسلم. لا - 00:17:21ضَ

كل كلام يروى بسند اسمه حديث حتى لو نكتة حتى لو خبر من الاخبار لو آآ ترجمة لعالم العلماء كلمة قالها عالم العلماء كانوا دايما على طول بيقولوا بالاسناد. يعني لما جم للفضيل ابن عياض - 00:17:44ضَ

يعني وقالوا له يا ابا علي حدثنا قال انتم مفتونون وهل عملتم بكل ما علمتم حتى تسألوا المزيد حدثني الاعمش قال اذا اخذت اللقمة فرميت بها خلف ظهرك فمتى تشبع - 00:18:05ضَ

المفروض الطريق الطبيعي تاخد اللقمة تحطها في بوقك هتقوم تشبع لكن كل ما يخلو ما رماه ورا ضهره وبعدين يقول لك انا جعان ما لك حق تجوع. فهو عايز يقول له ازا كنت بتسمع الحديث تقوم راميه ورا ضهرك وعايز التاني - 00:18:33ضَ

فاذا متى تعمل؟ لما تموت ده اسمه ايه؟ اسمه حديث لكلمة الاعمش اهو يبقى الفضيل ابن عياض لو حافز مسلا تلاتين الف حديث ده معدود يعد حديثا من جملة الايه؟ الاحاديث لان بعض الناس يقول لك ازاي من الف الف يعني - 00:18:48ضَ

حديث للنبي صلى الله عليه وسلم ومن راحوا فيه والجهلة يقعدوا يشككوا بقى. فاكرين الحديث؟ ده ايه؟ لأ اهو حديث النبي عليه الصلاة والسلام. لأ آآ العلماء في مدارس في في بلاد الاسلام في الكوفة والبصرة والحجاز والكلام ده. مختلفين حتى في تسمية الكلام - 00:19:08ضَ

اسمه ايه فحبوا يميزوا كلام النبي عليه الصلاة والسلام عن كلام الصحابة عن كلام التابعين عن كلام آآ اتباع التابعين عن كلام اي عالم بعد كده هيقول لك ايه لو قلت حديث يشمل الكل - 00:19:27ضَ

فانا مش عارف حديث النبي ولا لأ. فخلينا نقول اصطلاحات. يقول لك نسمع حديث النبي صلى الله عليه وسلم اثرا واحد تاني يلاقي يقول الا انا ساسميه حديثا وكلام التابعين انا هسميه اثرا - 00:19:39ضَ

لا يبقى كلام الصحابة نسميه خبرا آآ اختلافات يعني. لا مشاحة في الاصطلاح. مش مشكلة انك انت ايه تسمي اللي انت عايزه. لكن الف الف معناها ايه ؟ كل كلام يروى بسند - 00:19:51ضَ

ندم يقال عنه حديث فاول اشكال بالنسبة لنا الحديث وانا ما اوردته حتى اعجزكم لكن انما اوردته لاقول لكم الذي يعمل في علم الحديث لابد ان يكون صاحب همة عالية لا تعرف المستحيل ولا الكلل والملل - 00:20:05ضَ

ليل نهار بيشتغل وطبعا لا يعينه على الشغل الا الحب المحب لا يكل اول ما يقول اه نقول له اه هذه علة في الحب محب تحمل عليه ما يقولش اه - 00:20:28ضَ

ابدا مش في الحديث بس في اي حاجة طلع الولد بيحب بنته وبتاع والكلام ده اه صلى ورا الامام الامام مسلا آآ قرأ بربع ولا حاجة بعد ما خلص ايه يا عم الشيخ يا اخي ما نصلي بالناس فليخفف - 00:20:51ضَ

انا مش علي انا ازا كان علي انا اقف وراك بس يا اخي ان فيكم الصغير مش عارف ايه والضعيف والبتاع وانت بتتكلم عن نيابة عن غيرك ليه؟ هو حد اشتكى - 00:21:08ضَ

ويطلع زهقانه بينفخ وبتاع والكلام ده. ويطلع عشان يقابل البت يقف بالتلات ساعات تقول له لأ خلاص اصل كده هيقفلوا البوابة. ياه! ده تلات ساعات ده عدوا في سانية ايه اللي وقفك تلات ساعات لا ضهرك بينشر ولا ولا تعبان ولا حاسس باي حاجة ولا الكلام ده - 00:21:16ضَ

محب واحد محب عشان كده كل عبادة او كل عمل يخلط بالحب ينجح فيه صاحبه الحب مركب لا يضل راكبه انت عارف حمار ام عمرو؟ كان ام عمرو دي الزاكرة بتاعتها راحت - 00:21:35ضَ

فكانت بقى ايه مسلا يخليها تزور فلان وفلان وما فيش حد فاضي يقف معها فكانوا يركبوها الحمار لان الحمار عارف السكة وهي ما تعرفش السكة يركبوها على الحمار والحمار ياخدها يوديها للجيران ويجيبها من عند الجيران يوديها البيت - 00:21:58ضَ

اخبرك فالذي يركب الحب يصل اسرع من حمار ام عمرك راكب الحب لا يضل ابدا عشان كده لما انا بقول ان رأس مال المحدث مفرق في عشرات في عشرات الالوف او مئات الالوف الاجزاء الحديثية ما قصدتش اعجزك يعني ولا اخليك تيأس؟ قصدت اقول لك ان علم الحديث يحتاج الى همة - 00:22:13ضَ

اللي بيدرس اصول الفقه يقدر تلات اربع خمس ست كتب من المعتمدة ويبقى اصولي ويطبق الفروع يشوف في الاوضة التقم على الاصول ولا لأ والكلام ده لكن علم الحديث كعلم نظري اه تلات اربع خمس كتب - 00:22:38ضَ

هتدرس لنا الحديس وبس وتعرف الحديس الصحيح تعريفه ايه والكلام ده. لكن لما تيجي تشتغل عملي مش هينفع بقى انك انت تجيب لي الحديس من تلات اربع مصادر ويكون الحديث له خمسين ستين اسنادا - 00:22:55ضَ

ما هو ممكن اسناد من اللي غايب عنك ده يضيع لك شغلك ده كله حصل نوع من الاختلاف على الراوي في الاسناد صح الاسناد قدامي. سفيان بن عيينة عن الزهري - 00:23:09ضَ

عن عروة عن عائشة اسناد تدي له تعظيم سلام سبيكة ده وده معدود من اصح الاسانيد سفيان بن عيينة عن الزهري عن عروة عن عائشة شف ومع ان انا باقول لك سيك الدهب اهو - 00:23:22ضَ

ممكن اضعفه لك طب هتضاعفه ازاي اقول لك اصحاب الزهر هفترض وده وده وارد كتير يعني في احاديس سفيان على وجه مش على وجه الخصوص حديس سفيان يعني بالزات لان انا بحب سفيان - 00:23:45ضَ

جدا وآآ اهتميت باحاديث سفيان عن الزهري على وجه الخصوص يعني واتكلم في رحلة الشاذ وكده يعني اصحاب الزهري زي ما لك الامام مالك صاحب المذهب زي معمر ابن راشد - 00:24:01ضَ

زي محمد ابن الوليد زي عقيل بن خالد زي يونس ابن يزيد زي الليف ابن سعد ها زي محمد بن عبدالرحمن ابن ابي زئب الزوهري خمس طبقات مش طبقة كل دول - 00:24:20ضَ

رووا الحديث نفس الحديث اللي سفيان رواه موصولا كده كل دول رووا الحديث عن الزهري عن عروة ان النبي صلى الله عليه وسلم فعل كذا او قال كذا ايه الفرق ما بين الاسنادين - 00:24:41ضَ

قال لك ذكر عائشة في الاسناد الاولاني ابو سفيان بن عيسى قال ايه قال حدثنا الزهري عن عروة عن عائشة ان النبي صلى الله عليه وسلم قال كذا اصحاب الزهر اللي انا سميتهم دول - 00:24:57ضَ

نفس الحديث عن الزهر عن عروة ان النبي صلى الله عليه وسلم. طب هو عروة ادرك النبي عليه الصلاة والسلام لا ما ادراكش النبي. ده تابعي. يبقى سقط من الاسناد ذكر عائشة رضي الله عنها. طب عروة جاب الكلام ده منين؟ اين الحلقة المفقودة - 00:25:13ضَ

ما هو الكلام مش هينط كده يروح لعرو لازم لابد له من ناقل من الناقل يبقى انت في الحالة دي تقول ايه ؟ لأ اصحاب الزهري مش ممكن دول كلهم يغلطوا. الغلط اقرب من الواحد وان كان اماما - 00:25:30ضَ

وابعد عن الجماعة فلا شك ان روايتهم اصح من رواية سفيان يبقى الحديث حينئذ لا يصح الا مرسلا. والمرسل نوع من انواع الحيز ضعيف الراجل بيشوفه اهو انا قلت لك في الاول شف سفيان عن الزهري عن عروة عن عائشة سبيك الدهب - 00:25:48ضَ

بس ازا ما جلتلوش علة زي اللي انا زكرتها وساعات تلاقي الاسناد ظاهره الصحة نمشي على الاستاد من برة كده تلاقيه زي الفل زي ما تلاقي واحد كده ايه تخين كده وعضلات والكلام ده - 00:26:06ضَ

ها يشوفوا اتنين جزارين يقول شف ابن حلال مشفي. ها. مش مصفي. لا ابن حلال مشافى. اه تشوفه كده تقول يا ده كمال اجسام وبتاع. يا عم دي مش عضلات ده ورم - 00:26:22ضَ

دوارب دوارب من كتر العياء وكتر المرض مش عضلات جاية كده لا استسمن ذا ورم فده وان كان ظاهره العضلات لكن باطنه العلة. مين اللي يعرف ان ده الطبيب لو مختص بالمسألة دي يقول لك الراجل ده عنده كزا. وهو ماشي كده اهو - 00:26:37ضَ

يا ابوي لاحظت على بطنه سماعة وانا ولا دبب كده على قلبه ولا مش عارف ايه ولا بطنه ولا في شاكوش ولا احزنه هو من خبرته عرف ان ده مريض والقصة دي - 00:27:00ضَ

يبقى ما يعرفش ان ده مريض وان كان ظاهره السلامة الا واحد متخصص فييجي بقى لو الواحد مش دارس في علم الحديس كويس والكلام ده يمشي على اسناد زي دهوت يقول لك ده اسناد آآ صحيح اسناد صحيح - 00:27:14ضَ

انما اهل العلم اللي دارسين بقى وعارفين يقول لك اه ظاهره الصحة لكنه معل بالشزوز شذ سفيان فوصل الحديث وخالف الجماعة الذين ارسلوه. ارسلوه يعني الصحابي يعني التابعي قال قال رسول الله صلى الله عليه وسلم ولم يسمع - 00:27:32ضَ

فازا اي اسناد هيغيب عنك ممكن يعمل لك مشكلة او ممكن يحل لك مشكلة يبقى انت عشان بقى تحقق الحديث لازم تدوخ على الاسانيد الاول طب احنا قلنا ان احنا لا حافظين اسانيد وانتهى زمان الحفز والحدوتة ديت. طب نعمل ايه - 00:27:53ضَ

خلاص يبقى في الحالة اللي زي دي يا تعمل فهارس للكتب بنفسك يا تجيب كتب مفهرسة طيب امتى هنفترض عندك الف كتاب مسند كل كتاب من الخلف كده تلاقي المحقق يرتب لك الحروف الاحاديث عن حروف الهجاء - 00:28:14ضَ

الاحاديس الواردة في الكتاب ده. الحديث اللي موجود على حرف الالف يجيبها ورا بعضها. حرف البه يجيبها ورا بعضها. حرف الته يجيبها ورا بعضها لحد ايه؟ تمانية وعشرين حرف خلاص - 00:28:39ضَ

انت بقى عايز تحقق حديس من الاحاديث وعندك ايه؟ الف كتاب علشان تطمن الحديس ده موجود في انهي كتب هتلف الالف كتاب. تمسك كتاب كتاب وتبص في الايه الفهرس من ورا. يا ترى موجود ولا لأ - 00:28:51ضَ

حديث هنفترض حديث من الاحاديث. اللي احنا عايزين نخرجها مسلا. كل عمل ليس عليه امرنا فهو رد يبقى الحديس ده بادئ بحرف ايه؟ الكاف. اول ما تفتح الفهرس هتيجي تجيب حرف الايه؟ الكاف - 00:29:08ضَ

طيب هفترض ان الحديس ده لم يرد الا بهزا اللفز هتلف على الف كتاب ولا لأ ؟ ياخد منك وقت قد ايه كتير طب الحديس ده قد يرد باطراف مختلفة - 00:29:27ضَ

زي مثلا ايه؟ من عمل عملا ليس عليه امرنا فهو رد. يبقى دخل في حرف الايه؟ الميم. فقد بعض الكتب يريدوا حرف وبعض الكتب يريد الحرف الايه؟ الميم. ماشي هتدور في الحرفين. طبعا الوقت هيطول - 00:29:43ضَ

تمام؟ ممكن يكون الحديس ده ورد بصيغة اخرى في كتاب اخر. ما من عامل عملا ليس عليه امرنا فهو رد دي من ميم نون دي ميم الف خلاص؟ ممكن بعض الكتب تورده بلفظ اخر ايهما عامل عملا - 00:30:02ضَ

ليس عليه امرنا فهو رد. يبقى دخل في حرف الايه؟ في حرف الالف وخد بقى دواليك بقى. ممكن انا ايه آآ اجيب لك آآ يعني الفاظ اخرى. كل لفظ يحط الحديث في حرف - 00:30:24ضَ

انت بقى عقلك مش دفتر ما انتاش عارف الحديس ورد بانهي لفظ انت بتخرج حديس قدامك هتقعد بقى تفترض زي ما انا بافترض دلوقتي الحديث ممكن يرد ازاي؟ ممكن يرد اللفظة الفلانية تدور في الحرف ما تلاقيهوش. اهو وقت راح - 00:30:38ضَ

وهتدور في الحرف ده في الالف كتاب كل حرف هتدور عليه في الالف كتاب كل ده لاجل ان تخرج حديثا واحدا هو ده ضياع العمر بقى. طب انت كطالب حديث - 00:30:55ضَ

عايز توفر الجهد تعمل ايه علشان تتقي المزلق اللي انا بتكلم عنه ده وتوفر وقتك اقول لك تعمل ايه طبعا دي تحتاج الى جهد جبار منك ما عشان ده كله ده حمل محطوط على اكتافك - 00:31:12ضَ

ها وده الف كتاب والكتب مش الف كتاب بس باقول لك عشرات الالوف او مئات الالوف من الكتب اللي فيها حدثنا فلان عن فلان عن فلان كتيرة جدا جدا هتقوم تعمل ايه - 00:31:30ضَ

الجماعة اللي قاعدين على القهاوي والجماعة اللي مضيعين وقتهم والبتاع ده. استغللوهم تستغلهم ازاي كل الاحاديث التي وردت في اخر الكتاب اللي المحقق ده كتاب كان فهرسة وكتبها تعيد كتابتها في بطاقات مرة اخرى - 00:31:49ضَ

او عن طريق الكمبيوتر دلوقتي تقدر تكتب والبرنامج الترتيب يرتب لك. طبعا دي آآ حاجة طبعا يعني تعتبر آآ يعني نعمة تعتبر نعمة كبيرة جدا جدا اللي حصل دلوقتي بس تاخد كل احاديث حرف الالف لوحدها من الالف كتاب - 00:32:11ضَ

وتخلطها على بعضها بس تدي لكل كتاب رمزا عشان الدنيا ما تتوهش في بعضها. الكتاب ده مثلا حديث ابي الفضل الزهري. سميه زي ما انت عايز. سميه فضل زهري سميه اي حاجة ادي له رمز - 00:32:29ضَ

وتكتب الرموز بتاعتك في ورقة خارجية عشان ما تتوهش منك يبقى حديث حرف الالف كلها هتلمها على بعضها وتدي ترتيب وترتب هتلاقي انما الاعمال بالنيات او كل عمل ليس عليها امرنا لو جاب لفظ ايهما يجيب لك موجود في كتاب كزا وكتاب كزا وكتاب كزا وكتاب كزا رقم كزا - 00:32:46ضَ

اجازة في صفحة كزا في سانية واحدة يبقى انا ما اقعدش بقى الف في الالف كتاب على الحرف. هو موجود في الموضع ده. انا عندي اصبح دلوقتي الالف كتاب عملت لهم آآ مثلا آآ جمهرة - 00:33:10ضَ

فهرس تلات اربع خمس مجلدات لكن ضمنت انه اذا ورد الحديث في حرف اعرف كم كتاب قبل نفس الحديث بنفس الحرف يبقى انا كده وفرت على نفسي عناء النظر في الف كتاب - 00:33:24ضَ

وهكذا تمشي على التمانية وعشرين حرف انا كنت زمان والفقر احيانا يكون نعمة لما كنت اشتري الكتاب ما كانش عندي فلوس ازا كنت اما بانسخ الكتاب بيدي او افهرسوا بيدي - 00:33:44ضَ

نسخ الكتاب بياخد وقت تنسخ مجلد مجلدين بس الكتاب اللي نسخته حفزته ودي ميزة الفقر اللي هتكتبه بايدك هتحفزه ينقش على صفحة قلبك بس عايز همة والهمة موجودة شباب وصحة ومحب كمان للعلم وبتاع وما ليش في الدنيا هم الا العلم - 00:34:10ضَ

ليست هناك لذة في الدنيا الا العلم. لا بدور على فلوس ولا اكل ولا شرب ولا لبس ولا زي سيارة ولا مسكن ولا اي حاجة حياة قايم نايم ما بحبش غير علم الحديث. عايز علم الحديث بس - 00:34:37ضَ

فكنت ايه اشتري الكتاب بشق الانفس اقعد احوش له مسلا شهر كامل عشان احوش اتنين جنيه مسلا تلاتة جنيه. اروح اشتري الكتاب فما كانش عندي غيره فكنت افليه. اقراه كلمة كلمة واطلع الفوايد بتاعته واكتب الفوايد - 00:34:52ضَ

لما كترت الفلوس شوية بقيت بدي اجيب بالكرتونة كرتونة بقى قل لي هتفهرس ايه ولا ايه! ده بقت كتب قد كده على الرف فبقيت بهمبك بقى يعني امسك الكلاب افتحه واقعد اخمن كده وانقي شوية حاجات كده اللي انا متصور ان انا محتاج لها - 00:35:10ضَ

واعمل فيه كده يعني اجمالي وبتاع والكلام ده. زادت المسألة شوية بتجيب بالعشر كراتين وبتاع بالسلامة بقى ضاعت القضية. ازا ما كانش المحقق مفهرس لي الكتب يبقى خلاص يا نفهرسه يا حسيبه ايه كنزا مغلقا مش عارف اتصرف ايه - 00:35:27ضَ

فكنت اعمل ايه بقى اشوف الشباب اللي قاعد يغني على الطرقات والبتاع والكلام ده تعالوا نشتغل شوية يقعد معي اقول له انسخ لي البتاع ده. اعمل لي المش عارف ايه بتاع واعمل لي ده بقى. فبرضه انتفعت - 00:35:44ضَ

الشباب الصغير اللي هو ايه يقدر ييجي معك يعني الصغير وما يقدرش يقول لك لأ اتكسف يعني يقول لك لأ. حمل عليه. اوعى انت كمان تقول احسن يتضايق منه. ايه ما يضايق - 00:35:59ضَ

ما هو هيطلع مستفيد في الاخر هو يطلع مستفيد وفيه شباب منهم انفتح قلبه للعلم بالعملية دي. ولا خطر على باله في يوم من الايام يتعلم لما دخل بقى في مسألة الفهارس والشغل والبتاع والكلام ده - 00:36:11ضَ

اه انتفع حتى انا اوفر وقتي عمل بس ايام ما كنت شباب يعني خمسميت كتاب ومخطوط دول كتبت بيدي هذه اكتر من ستميت الف بطاقة كشف الكمبيوتر والحدوتة دي بطاقة قد كده ورقة - 00:36:25ضَ

اكتفاء الحديس وتكتب الكتاب رمزه والجزء والصفحة طبعا كم كبير جدا حرف الالف لوحده آآ كان داخل على حوالي اتنين وعشرين مجلدة حرف الالف لوحده فطبعا ما كتبت بايدي اه الكلام ده بس هلاقي وقت فين ارتب - 00:36:49ضَ

فقلت بقى نجيب جماعة من الشباب اللي فالقين دماغي. يا شيخ علم الحديس وعايزين نتعلم علم الحديس وبتاع طيب نختبركم تعالوا رتبوا معي هذه البطاقات والعلم كله في الفهرسة طلبة العلم كانوا زمان يقول لك ايه نقعد نفهرس وبتاع ومش عارف ايه انا عايز ازاكر. اقول له يا ابني انا شيخك - 00:37:10ضَ

وانا اضرب مصلحتك. لما اقول لك فهرس يبقى العلم في الفهرسة. زاكر يبقى العلم في المزاكرة ماشي نتا هتبقى بينا ومناول بقى لا انت جاي تتعلم اقول لك علمني انا صح هنتفع لكن انت هتنتفع اكثر مني - 00:37:38ضَ

خلاص طيب يا شباب تعالوا عشر شباب بقول لكم التجربة دي ليه؟ عشان تعرف ان ان العبد اذا لم يرزق همة لن ينجح مطلقا ودول كانوا من الشباب اللي هم انا كنت متصور ان هم هيبقوا على درجة عالية من العلم - 00:37:53ضَ

قلت هختبرهم بالمسألة دي قلت لهم خلاص ادي ستميت الف نطاق اهو وانا ساترك لكم مسكني وهاخد انا وانا واهلي وولادي آآ لي شقة تانية قلت له هقعد فيها وهفرغ لكم المسكن ده لمدة خمستاشر يوم - 00:38:18ضَ

اكل شارب نايم على حسابي مهمتك تنزل تصلي وتطلع وهتلاقي الاكل جاهز. عايزين تجيبوا اكل جاهز هاتوا. عايزين نعمل لكم اكل نعمل لكم. بس يبقى شغلتكم ترتبوا الفهارس وقسمتهم في الغرف. دي الغرفة حرف الالف ودي حرف البه والته والسين لحد العين. ودي حرف مش عارف ايه الميم لحد الايه؟ رتبتهم كده - 00:38:38ضَ

بدأوا يشتغلوا وبعدين بدون ما حد يعلمني اطلاقا قام واحد زهق قام واخد الايه الحرف بتاعه وروح البيت عنده. طبعا انا منبه عليهم ممنوع تفتحوا شباك لان الهوا لو جه هيطير البطاقات على بعضها - 00:39:06ضَ

وممنوع حد من الاولاد الصغار يدخل الشقة. ليه؟ لان احنا لو لخبط اللي وراه على بعضها او بطاقة طارت يبقى راح حديث في مصدر يبقى انا ساحرم من هذا الحديث - 00:39:27ضَ

خلاص وانا طبعا لما كتبت الفهارس لم اكل كتابة الفارس لغيري. لان انا اللي عارف اطراف الحديس تتكتب ازاي لو اديت لغيري يكتب اطراف الحديس جاي يجتهد يضيع لي الحديس. ويكون محطوط في حرف مش بتاعه - 00:39:41ضَ

انا كتبت بيدي بس قلت لهم انتم ايه كل شغلكم شغل مكنة. ترتبوا بس ده خد الحرف بتاعه وروح البيت طبعا سايبهم يومين تلاتة على ما بقابلهم والكلام ده ايه عملتوا ايه؟ والله فلان خدت حرف وراحت جه ازاي يروح البيت من غير ما يقول له الكلام؟ راح البيت هناك - 00:39:56ضَ

قال لي انا قاعد وبرتب الاخوات الصغيرين عاكسوه. كل شوية يفتحوا الباب مش عارف ايه. قام واخد البطاقات ورايح المكتبة اللي هي بتاعة الطلبة دي علشان المكتبة ما فيهاش حد ومش عارف ايه والكلام ده - 00:40:16ضَ

وواحد تاني قام واخد الحرف بتاعه وتسللوا. خلاص انا كده جهدي راح لان انا ما اعرفش ضيعوا بطاقات ولا لأ ورتبوها ولا لأ راحت منهم ولا لا؟ انتهت القصة كل اللي قدرت الحقه - 00:40:30ضَ

جزء من حرف الميم كتبته في الفي صفحة انا في الاخر في الاخر ضاعت جهدي ضاع خمسمية كتابا اكتر من ستميت الف بطاقة كنت كاتبها عشان اوفر الجهد على على نفسي. ما انا خلاص طالما ان انا هشتغل - 00:40:48ضَ

في علم الحديث اشتغل صح كده والف حوالين نفسي وواخد الكتاب ورايح جاي مش عارف ايه الكلام ده لأ تشتغل تشتغل صح نزرت نفسك لهذا ابقى عد العدة علشان تبقى حاجة - 00:41:04ضَ

فانت علشان خاطر توفر الجهد والعمر والوقت والكلام ده لابد ان يكون لك فارس خاصة لا تعتمد على فارس غيرك. لان غيرك عندما فهرس انما فهرس بطريقته هو. انما انت ما ينفعش حد يفهرس لك - 00:41:22ضَ

لكن على اي حال هننتفع بفارس الاخرين لان العمر ضيق والكتب كثيرة جدا ده جزء من شغلك اللي انا باقوله ده جزء من شغلك آآ عشان تحضر المعلومة بس قبل ما اتخرج تجيب كل طرق الحديس قدامك - 00:41:37ضَ

اما ترتب طرق الحديث ازاي توازن بين الرواة ازاي تعرف ده غلط ازاي وده او ما غلطش؟ دي قصة تانية كبيرة قوي قوي لكن هو علم ممتع وان كان شاقا - 00:41:57ضَ

النهاردة انا لما اكون دارس دراسة صحيحة يجي لي اي واحد جاهل داخل على البخاري بقى. ما هو دا البخار اللي مش عارف البخاري دا يطلع ايه. واحد جاهل بتصطاده مع اول نفس - 00:42:15ضَ

واتكعبلوا وتدي له الزامات معينة يتناقض بقى وهو واقف يتناقض هو. يعني اللي يجي يقول لك مسلا الحديث الحديث الفلاني مكذوب. زي الحديس اللي انا قلت لكم عليه. حديث آآ - 00:42:32ضَ

آآ اه انما تكون اكثر اهل النار والكلام ده. الحديس ده الاسناد بتاعه زي الشمس يقوم يرد الحديث وهو ويقبل حديثا اخر بذات الاسناد طب طب انت لما قابلت دورة ضد دول اسناده واحد؟ ما عمدتك في التفريق؟ - 00:42:48ضَ

ازا كان الراوي كداب يبقى ينبغي ان يسقط الاثنين ازا كان ثقة ينبغي ان يقبل الاسلام اللي برة القصة خالص من السهل اوي اوي عند اي درس ان هو يوقفه - 00:43:11ضَ

لكن الجماعة المبتدعة الى شيء ونزلوا من حوالي خمس سنين كتابا في ثلاثة مجلدات انا ظفرت بالجزء واحد فقط من هذا الكتاب آآ اسمه صاحبه مسميه الطوفان الجارف لكتائب البغي والعدوان - 00:43:26ضَ

مين الباغي ومين المعتدي اهل السنة جاب الاحاديث اللي في البخاري ومسلم التي تكلم فيها بعض اهل العلم من السنة حديث المعازف بيتكلم فيه ابن حزم حديث خلق الله التربة يوم السبت اتكلم فيه البخاري وعلي ابن مدينة - 00:43:54ضَ

حديث من عاد لي وليا اتكلم فيه الذهبي. حديث مش عارف ايه اتكلم فيه فلان. فهو قال اهو انا لو قلت البخاري هتقولوا لي مبتدأ انا مش هاتكلم مش هانطق اهو. هاجيب كلامكم انتم - 00:44:17ضَ

يا اهل سنة في الاحاديث اللي في البخاري ومسلم جاوبوا لي عليها بقى وجمع مائتين وخمسين حديثا في الصحيحين عالم اتكلم على حديث يجيب لك او مسلا حديث القردة اللي رجمت القرد بتاع عمرو ابن ميمون موجود في البخاري - 00:44:33ضَ

ها يقول لك الكلام ده ابن عبدالبر قال لي ان ده ما لا يمكن حديث عمرو ابن ميمون طريف جدا ولطيف وظريف ما فيش مانع اقوله لكم من باب يعني آآ - 00:44:58ضَ

آآ اعرفكم الحديث آآ قال عمرو بن ميمون وهو احد التابعين الكبار قال رأيت الرجم في الجاهلية ايه الحكاية قال لك ان كان في قرد عجوز وهو بيحكي حاجة شافها - 00:45:12ضَ

قرد عجوز ومراته قردة شابة لقطاته وزريفة وانت عارف القرد بقى اللي انا شفته شكل القرد بقى ها فالقرد الشابة دي نايمة على دراع العجوز وهو نايم وفارد دراعه كده وهي نايمة على ايه على دراعه - 00:45:33ضَ

فجاء قرد شاب فبصبص لها واصل البصبصة ان يحرك ذيله لما القط ولا الكلب ولا اي حيوان له دين يلعب ديله يقال بصبص الكلب اي ايه تحرك ذيله فعشان تعرف اللي بيبصبص للنسوان يطلع ايه. ها؟ اه دي حاجة على الهامش بس عشان ايه تبقى الدنيا اه - 00:45:54ضَ

فالمهم بصبص لها حرك ديله فقامت معه والقرد بيشخر العجوز فقامت معه وراحوا قضوا مصالحهم. وقامت ايه؟ وقامت راجعة تاني نايمة على دراعه كأن شيئا ايه لم يحدث القرد اول محطة راسها على دراع القرد استيقظ - 00:46:23ضَ

فشمها فصرخ اول ما صرخ ده عمرو ميمون بيحكي الحكاية بيقول فبحثوا عن القرد فجاؤوا به اعرفه اللي عمل العملة دي اعرفه جاءوا بهذا القرد والقردة وظلوا يرجموهما بالحجارة حتى قتلوهما - 00:46:45ضَ

اه ابن عبدالبر بيقول لك لأ الكلام ده مش صحيح لان الرجل القروض غير مكلفة فازاي يبقى فيه رجم عند القرود وهي غير مكلفة انا بقول هذا الاعتراض مش وارد اصلا - 00:47:08ضَ

ابن عمرو ابن ميمون سماه رجما انت مش عاجبك انه سماه رجما سميه زي ما انت عايز. لكنه حكى حكاية رآها. فانت حاجة من اتنين. يا تقول له صادق فيما رأيت انت كداب - 00:47:25ضَ

خلاص كده ؟ ولا احد يكذب عمرو ابن ميمون اصلا يبقى رائع. انت بقى بتقول الرجم في بني ادم وليس في الغير مكلفين. هو سماه رجما. انت سميه زي ما انت عايز يا اخي. عايز تسميه اي حاجة - 00:47:39ضَ

لكنه لكن الواقعة حدثت واحنا لما نيجي نفسره كادميين لا نفسره الا بالرجل لان احنا عندنا الزاني المحصن الرجل اذا تزوج فزنا فحده الشرعي الذي جاءت به السنة المتواترة ان يحفره - 00:47:53ضَ

والارض حفرة ويدفن نصفه الاسفل في الارض ويرجم بالحجارة في رأسه حتى يموت ده حد الزاني المحصن فالقردة دي متجوزة ها وبعدين القرد التاني زنا بها خلاص يبقى قردة محصنة هو عمرو فسرها كده. قردة محصنة وزنت يبقى شاكل هذا او شابه الرجل في بني ادم فسماه رجل - 00:48:13ضَ

هييجي واحد يقول لك البخاري ما هو ابن عبدالبر اهو من ائمة السنة. قال لك البخاري في حديث مش مزبوط ومش عارف ايه ممكن العالم يخطئ ممكن العالم وان كان جليلا يخطئ في التعليم - 00:48:42ضَ

ممكن يفتح عليك انت ويغلق عليه هو لان العلم لم يجعله الله عز وجل حكرا على احد من بني ادم بل جعله مشتركا مقسوما في عباده. يفتح للمتأخر ما اغلقه عن على المتقدم وان كان جليلا - 00:48:54ضَ

ويحييه بتال يعترض على ماض وعشان كده تلاقي انا لما لما مسلا اجي اتعقب واحد من العلماء الكبار ما تجيش تقول لي هو انت تطلع مين اه انا ما لا اصلح ان اكون غلاما لهذا العالم الذي تعقبته - 00:49:12ضَ

ولا اصلح ان اصب عليه ماء الوضوء لكن الجزئيات في العلم لا تتناهى الجزئيات لا تنتهي ولم يؤلم ولم يخص الله عز وجل قوما بالصواب دون قوم فهو ازا كنت انا تعقبته في جزئية فقد ساقني في مائة الف جزئية - 00:49:28ضَ

لكن بقي ايه؟ للمتعقب اشياء فما هو المانع اي واحد يتعقب على البخاري ان هيكون هو غلطان انت لما يكون عندك بقى دارس بقى الاسناد ودارس المد وعارف وجوه الكلام - 00:49:51ضَ

ودلالة الالفاز تفرق معك كتير. ودي هي علوم الالات بقى. علوم الحديث وعلوم اصول الفقه. هي دي اللي بتخليك تستطيع ان في هذا البحر الخضم وتدخل معترك الاقران وتخرج مظفرا كمان - 00:50:04ضَ

ايه بقى الدراسة بقى الاصول لا سيما زي علم الحديث علم المرويات اعرف ده صحيح ازاي وده ضعيف ازاي من الاشكالات الاخرى ده غير بقى اتساع مادة آآ علم الحديث جدا جدا تحتاج الى مجهود جبار. واحد واقف ما لوش شغلانة غير العلم - 00:50:21ضَ

ازا دخل حاجة تانية جنب العلم مش هيوصل يبقى نفسه يبقى ما عنده مش عارف ايه ويسكن في حي ايه وياكل ايه ويشرب ايه ويغير السيارة ويعمل مش عارف ايه والكلام ده لا - 00:50:42ضَ

ازا دخلت القصة دي على قلبك انسى القصة بقى. رح زي ما انت عايز العلم لا يعطيك بعضه حتى تعطيه كلك احفظها كده اعملها شعارا اجعلها شعارا وعلقها كده يافطة - 00:50:54ضَ

العلم لا يعطيك بعضه حتى تعطيه كلك في اشكالية اخرى فيما يتعلق بعلم الحديث وهي دخول الوف الاحاديث الموضوعة المكذوب على النبي عليه الصلاة والسلام والمنكرة والشاذة في كتب العلماء - 00:51:15ضَ

فده صعب عليك المسألة ما فيش حديس تسمعه دلوقتي اللي لازم تسأل عن صحته لاني العلماء الذين صنفوا في الكتب سواء كان في الاحكام الشرعية او في الفقه او في التفسير او في الرقائق او الكلام ده - 00:51:42ضَ

لم يكونوا محدثين كلما وجدوا حديثا يخدم الموضوع وضعوه في الكتاب فدخلت عشرات الالوف من الاحاديث الساقطة على اختلاف درجاتها يا موضوع يا باطل يا منكر يا شد يا ضعيف يا - 00:52:00ضَ

مرسل لاي حاجة من العلل دي دخلت في الكتب. وانت ما عندكش تمييز بتفتح الكتاب تقرا منه تطلع على المنبر تقول او والكلام ده. مع انه حديث بايظ حديس يعني ساقط يعني - 00:52:18ضَ

يعني آآ اكيد انتم كتير منكم عارف الحديث القدسي اني انا والانس والجن في نبأ عظيم اعبد اخلق ويعبد غيري وارزق ويشكر سواي الى العباد نازل وسرهم اليه صاعد. مكذوب - 00:52:34ضَ

واكيد برضه اكيد كلكم بقى حافزين ان النبي صلى الله عليه وسلم لما ذهب الى الطائف قال اللهم اشكو اليك ضعف قوتي وقلة حيلتي وهواني على الناس لا اصل له - 00:52:48ضَ

اهو لا اصل له. ما قالوش النبي مع عذوبة الفاظه. وانت بتقوله قلبك بيرفرف كده وعايز تعيط من حلاوة الالفاظ جميل جميل فعلا انما اتقبل الصلاة ممن تواضع بها لعظمته ولم يستطل بها على خلقه ولم يبت مصرها على معصيته. مش عارفين الحديث ده؟ كذب - 00:53:02ضَ

عبدي انت تريد وانا اريد ولا يكون الا ما اريد فان سلمت لي فيما اريد كفيتك ما تريد وان لم تسلم لي. فيما اريد اتعبتك فيما تريد ولا يكون الا ما اريد. كذب - 00:53:26ضَ

المؤمن كيس فطن. كذب من لم تنهاه صلاته عن الفحشاء والمنكر فلا صلاة له منكر ها صوم رمضان معلق بين السماء والارض لا يرفع الا زكاة الفطر. ضعيف خد بقى خد بقى هديك بالكبشة بقى. مين القصة دي ؟ اللي انت حافظها وبتعتقد انها من الاحاديس الصحيحة وهي ليست كذلك - 00:53:40ضَ

علماء الحديث انكروها واعلوها بعلل فانت لو جيت بقى قلت لك ارم بياضك بقى ووريني بقى انت حافز احاديس ايه! هاطلع لك تلات تربع اللي انت حافزه ضايع لا لا لا لا برة خالص لا لا لا - 00:54:05ضَ

يا ريت البخاري ده البخاري ده كالمسماري في الساج خشب الزان لما تدقي فيه مسمار تعرف تطلعه البخاري كالمسمار في الساج عشان كده اللي ييجي يقرب من البخاري بنخرق له عينيه - 00:54:22ضَ

مش بالعافية لا برضو بالعلم والادب والكلام ده. ازا كان رجلا منصفا وبيحترم نفسه والكلام ده هيرجع. يقول انا غلطان ناخد ليه؟ لان البخاري ده عشان كده قلت لكم العلم ما ما عدش حد ينفع يدافع يبقى الجهجهوني كده ويطلع يصرخ على البخاري اصح وكده ابدا بعد كتاب الله. يا عم - 00:54:43ضَ

هيطق لك عرق. قل لي البخاري يصحح الكتاب ازاي؟ انا معترض على القصة ديت. نقعد مع بعض ونتكلم نتكلم على اصول انت ما هو الاصل الذي اعتمدت عليه في نفي ذلك؟ اضيعها له اصل اصلا. برضو بالعلم - 00:55:04ضَ

عشان كده انا بقول لكم يعني مسألة حراسة اصول الاسلام هذه منوطة بالشباب شباب الامة المحب اللي هو كل حياته هذا الدين انا مش عايز الا ان اكون جنديا. ان يستعملني الله عز وجل في حفظ دينه - 00:55:19ضَ

ما من احد ياتي ويستفيد بالكتاب الذي دافعت عنه واظهرت يعني آآ شرط صاحب الكتاب والكلام ده الا وهو في ميزانك ارجع واقول ان الاحاديث اللي هي غير الثابتة على اختلاف القابها. القابها اي اسماء - 00:55:39ضَ

ازا كان باطل او موضوع زي ما قلت لكم ده مدسوسة فيه عشرات الكتب او مئات الكتب. يعني كتاب احياء علوم الدين. كتاب ابي حامد الغزالي اللي تقريبا كثير من الخطباء بيعتبر الكتاب ده هو منجم او البئر اللي بيغرف منه - 00:56:00ضَ

الكتاب ده ازا كان فيه خمس تلاف حديث حديثا يعني فعلى الاقل تلت تلاف ونص ضايعين الف ونص بس اللي ممكن تدخل في عداد الاحاديث الثابتة بس لن اه لان ابا حامد الغزالي كما قال هو عن نفسه انا مزج البضاعة في علم الحديث - 00:56:21ضَ

مفلس مسدل ضراعي مفلس ما كانش يعرف الكوع من الكلسوع ولا الالف في قوس الضر. في علم الحديث خالص. فاي حديث كان يقابله يخدم الموضوع كان بيخدمه ويسوقه في في افضل عبارة واعذبها والكلام ده. ييجي تقرا وراء الايه؟ ورا ابي حامد غزال وتاخد الاحاديث بتاعته والكلام دوت مشكلة كبيرة - 00:56:47ضَ

فيبقى آآ انا يعني جعلت هذا الكلام كلاما عاما من باب التحفيز لانما ليس هناك وقت عشان ادرس لك اصول الحديث علم الحديث ازاي انك انت تدرس معي كتابا ويكون ان شاء الله يعني - 00:57:11ضَ

اه اه ان قدر الله عز وجل وما كانش فيه موانع وكده نأتي شهرا هنا ننهي فيه كتابا. نخلص الكتاب من اوله لاخره وانا على يقين وعلى ثقة ان العوام الذين ليس من همهم علم الحديث لما هيسمعوا اصول الحديث وقوانين علم الرواية - 00:57:27ضَ

بيحصل عندي نوع من الشغف البالغ وبيدرس. وانا كان لي تجربة هنا في الكويت في محافظة حوالي من حوالي سنتين لما كنت باتكلم بعد المحاضرة آآ في علم الحديث ما كان يقوم احد من المسجد مطلقا - 00:57:47ضَ

حتى ان كثير من العوام حملوني المسئولية. واحد جه قال لي انا انا ساسألك بين يدي الله عن هذا العلم. طب وانا يا ابني اعمل لك ايه؟ انت هتلبسني تهمة - 00:58:02ضَ

لنا من البلد ولا انا مقصر معك في حاجة تلبسني وتقول لي هحملك المسئولية. ان هذا العلم والبتاع والكلام ده. لكن كانت تجربة ناجحة جدا يعني آآ آآ تدريس علم الحديث وفي ناس من العوام الذين اعرفهم انا اشتروا بقى آآ كتب الحديث وتروح البيت عنده تلاقي الكتب الستة ويروح الكتب - 00:58:12ضَ

انت والكلام ده على الاقل لما اولاده يكبروا في السن والكلام ده يطلع يلاقي عند ابيه مكتبة يعني ابوه يورثه مكتبة لان المكتبة دي هي الاسلام. الكتب دي والعلوم دي هي الاسلام. بدل ما ورست له حاجة تانية اورس له الكتاب - 00:58:32ضَ

علم الحديث على وجه الخصوص وعلوم الالات الاخرى على وجه العموم تحتاج الى تحديد الهدف تحتاج الى همة عالية تحتاج الى صدق انتماء التلات اصول دول او التلات آآ مراحل دول لابد ان تكون آآ موجودة عند اي طالب علم - 00:58:50ضَ

وضوح الهدف تبقى عايز تبقى ايه ما تعومش. لان العمر قصير وانت يا دوبك انتبهت وانت سنك تلاتين سنة ولا بتاع كل خمسة وعشرين سنة ولا يعني فبرضو فات كتير من من عمرك يبقى اللي جاي ما تضيعوش بقى في انك انت عايز وتبقى زي ابن تيمية مسلا اذا تكلم في الفقه - 00:59:15ضَ

قالوا لا يفقه الا الفقه. اذا تكلم في اللغة قالوا لا يعرف الا اللغة. اذا تكلم في الحديث يقول لك ده هو فنه الوحيد. لا العالم الموسوعي انتهى زمانه قصة العالم الموسوعي - 00:59:33ضَ

ليه؟ لان آآ لاسباب كثيرة مش مش هنخوض فيها. فانت يبقى ايه حدد عايز تبقى آآ مشتغل بالحديث علم الحديث. اتحصل طبعا العلم الضروري فيما يتعلق بالاعتقاد. فيما يتعلق بتصحيح العبادة. فيما يتعلق بتصحيح القلب. وبعدين يبقى علم الحديث - 00:59:46ضَ

هو التخصص يبقى بمعنى معنى الكلام. يبقى لك مشاركة في علوم الاسلام ومتخصص في ايه متخصص في علم واحد. عجبك الفقه؟ خلاص هتاخد اصول الفقه وتدرس كتابا من كتب الفروع الفقهية. بس - 01:00:03ضَ

لابد ان تعلم انه لا يجوز الاحتجاج بحديث ضعيف في حكم شرعي طب انا مش متخصص في الحديث انا بحب الفقه وما ليش طاقة للحديث وازا كان القصة كده ودا اجماع من اهل العلم انه لا يجوز الاحتجاج وحديث ضعيف في الاحكام الشرعية لا الحلال والحرام. طب اعمل ايه - 01:00:24ضَ

اقول لك على الاقل لا تأخذ حديثا الا بتصحيح عالم معتمد في علم الحديث يبقى هتقلد في درجة الحديث وتبقى مجتهد في الفقه واصوله. ماشي ما فيش مانع بس ده يلزمك بقى انك انت تكون عارف مراتب العلماء التلاتة في تصحيح التضعيف - 01:00:46ضَ

عندنا عالم المرتبة الاولى المتشددون المتوسطون المتساهلون يبقى انت لازم تكون عارف العلماء اللي من الطبقة الاولى. طبقة المتشددين. والعلماء اللي من الطبقة التانية طبقة المتوسطين نفس وهادي يعني فالمتساهل لا تعول عليه - 01:01:09ضَ

انما المتشدد ازا قال صحيح عض عليه بالنواجز لان ده ما بيفوتش الهوا فلما يقول صحيح يبقى خلاص اختبارات المتوسط اللي نفسه هادي اقبل منه ايضا يبقى انا لازم اعرف برضو طبقات العلماء اللي بيصححوا يضعفوا كل طبقة فيها مين ومين ومين ومين ومين عشان ازا قال صححه الترمزي ضعفه المش عارف ايه - 01:01:32ضَ

رواه البخاري ضعفه ابو حاتم بالكلام يبقى عارف اقدر اوازن ما بين الاتنين. ده الكلام ده لو انت ايه ما لكش في علم الحديث وعايز يبقى لك في ايه؟ في اي علوم - 01:01:55ضَ

اخرى انا ارجو ان اكون يعني وضعت بعض الكلمات الكاشفة يعني تحفيز الطالب ويعني اعلامه بشرف المنصب شرف المنصب. اجل منصب على وجه الارض منصب العلماء هم الملوك الملوك بغير تيجان - 01:02:05ضَ

الناس بتحبهم من من قلبهم. غير صاحب السلطان ممكن ابقى مطاطي راسي وقلبي بيلعنه لكن العالم لأ ليه؟ لان العالم انما يخاطب القلب ويقيم الحجة على القلب فلا يزال القلب مقهورا بحجة العالم - 01:02:28ضَ

عشان كده قلت لهم دي اشرف منصب على وجه الارض منصب اتباع الرسل الذين يبلغون رسالات الله اه واختم بقول علي ابن ابي طالب قال كفى بالجهل عارا كفى بالعلم شرفا - 01:02:52ضَ

كفى آآ كفى بالجهل كفى بالعلم شرفا ان يدعيه من ليس باهله وكفى بالجهل عارا ان يتبرأ منه من هو فيه لو انت قابلت ابو جهل بره وقلت له يا جاهل لاحمر انفه من الغيظ - 01:03:12ضَ

الرمي بالجهل شيء فظيع ما يقبله احد حتى لو كان جاهلا لو كان على رسم جاهل يعني وكفى بالعلم شرفا ان يدعيه من ليس باهله والله تبارك وتعالى اسأل ان يجعلني واياكم ممن يستمعون القول فيتبعون احسنه. اقول قولي هذا واستغفر الله العظيم لي - 01:03:29ضَ

- 01:03:50ضَ