باحث

السلام عليكم ورحمة الله وبركاته. الفيديو التالت من من فيديوهات تدبر سورة الكهف. وصلنا في الفيديو التاني لقول الله عز وجل قيمة احب بس افكركم بحاجة صغيرة قلناها قبل كده ان احنا مش هنتناول سورة الكهف بالتفصيل - 00:00:00ضَ

لكن انا بعمل ده في اول عشر ايات قلنا المعنيين المعنى الاول ان دي الايات اللي هتقرع اذان المؤمنين وتنزل على قلوبهم وقبل ذلك اذن النبي صلى الله عليه وسلم وتنزل على قلبك - 00:00:14ضَ

وكذلك اول ما يقرأ اذان الكفار بعد انقطاع وحي خمستاشر يوم. فمهم قوي نركز في الايات دي ونحاول يعني ايه نشوف الايات دي بتقول ايه دي اول حاجة. تاني معنى ان اول عشر ايات لهم خصيصة كده مع الدجال المسيحي الدجال - 00:00:24ضَ

برضو مش هنتعرض لها في الفيديو ده لكن عشان كده احنا بنفصل فيهم شوية وصلنا لقول عز وجل قيمة قال سبحانه وتعالى لينذر بأسا شديدا من لدنه. ويبشر المؤمنين الذين يعملون الصالحات ان لهم اجرا حسنا. ما يكفين فيه ابدا. وينذر الذين - 00:00:42ضَ

وقالوا اتخذ الله ولدا ما لهم به من علم ولا لابائهم كبرت كلمة تخرج من افواههم ان يقولون الا كذبا فلعلك باخع نفسك على اثارهم ان لم يؤمنوا بهذا الحديث اسفا انا جعلنا ما على الارض زينة لها لنبلوهم ايهم احسن عملا وانا لجاعلون ما عليها صعيدا جرود - 00:00:56ضَ

هنحاول نخلص الاية دي الايات دي في الفيديو ده قال سبحانه وتعالى قيما لينذر بأسا شديدا من لدنه ويبشر المؤمنين الذين يعملون الصالحات ان لهم اجرا حسنا ماكفين فيه ابدا وينذر الذين قالوا اتخذ الله ولدا. هنا هتلاقي ربنا سبحانه وتعالى ذكر الانذار مرتين والبشارة مرة - 00:01:14ضَ

لينظر بأسا شديدا من لدنه. ادي مرة وبعدين ويبشر المؤمنين. ادي البشارة وبعدين وينذر الذين قالوا اتخذ الله ولدا. انذار تاني. ليه للانزار مرتين والبشارة مرة اول معنى قاله اهل العلم - 00:01:34ضَ

ان ربنا سبحانه وتعالى حذف في الاية الاولى احد المفعولين اية الانذار وفي الاية التانية حذف المفعول التاني فيدل المفعول اللي مذكور في الاية الاولى على المحذوف في الاية التانية والعكس. ايه ده ايه الكلام ده - 00:01:48ضَ

دلوقتي يا جماعة الاصل ان ربنا سبحانه وتعالى هنقول ايه ربنا بينزر فئة معينة عزاب معين يبقى فيه منزر ومنذر به ويبشر فئة معينة بجزاء معين عشان الجملة تبقى كاملة وواضحة - 00:02:03ضَ

هنلاقي في الاية الاولى قال لينذر بأسا شديدا من لدنه. ده العذاب. طب ينذر مين لأ مش موجود مش معروف في الاية دي مين مين المنذر الاية التانية وينذر الذين قالوا اتخذ الله ولدا. ينذرهم بايه - 00:02:19ضَ

مش مش عارفين من الاية دي لوحدها ما نعرفش. طب جمع لقطتين على بعض بقى. يبقى ينذر الذين قالوا اتخذ الله ولدا عذابا شديدا من لدنه فهمتم دي يبقى الانزار اتزكر مرتين ليه؟ المرة الاولى زكر احد المفعولين المرة التانية زكروا المفعول التاني نجمعهم مع بعض نفهم السورة كاملة. ولذلك بقى في في البشارة هتلاقي الاتنين موجودين - 00:02:35ضَ

قال ويبشر المؤمنين الذين يعملون الصالحات اهو ده المبشر. مبشر بايه؟ ان لهم اجرا حسنا ماكثين فيه ابدا يبقى في الاية دي زكر مين اللي هو بيبشرهم وبيبشرهم بايه ده اول معنى - 00:02:56ضَ

معنى تاني اشار اليه الطبري وده يعني انا آآ اميل اليه ان الانزار الاول غير الانزار التاني اصلا يا جماعة الطبري اشار اليه يعني ما وضحش اوي لكن فيه اشارة اليه - 00:03:11ضَ

الانذار الاول هو الانذار العام الانزار العام لكل الناس. يبقى النبي صلى الله عليه وسلم نزل عليه الوحي اول مرة ما كانش فيه حد مؤمن بقى لسة ؟ فهيبتدي ينزل الناس كلها - 00:03:23ضَ

بعد ما ينزل الناس كلها هيبتدي شوية هيأمنوا فيبشرهم وشوية يفضلوا كافرين فينزرهم تاني يبقى الانزار الاول هو الانزار العام. لينذر بأسا شديدا من لدنه كل الناس وفي الاية التانية تبارك الذي نزل الفرقان على عبده ليكون ايه؟ للعالمين نذيرا. لكل الناس. ينذر الناس كلها - 00:03:35ضَ

فلما امن بعض الناس يبشر الذين آآ ويبشر المؤمنين الذين يعملون الصالحات ان لهم اجرا حسنا وفي شوية فضلوا على الكفر وينذر الذين قالوا اتخذ الله ولدا. يبقى ده انذار عام وده انذار خاص - 00:03:58ضَ

يعني ينفع كده وينفع كده ويعني المعنى يمشي يبقى دي اول حاجة لينذر بئسا لينذر بأسا شديدا من لدنه ويبشر المؤمنين الذين يعملون الصالحات ان لهم اجرا حسنا ماكفين فيه ابدا وينذر الذين قالوا اتخذ الله ولدا - 00:04:13ضَ

اللي هم مين؟ اللي هم كفار العرب. قالوا الملائكة بنات الله. تعالى الله عن ذلك. واللي هم النصارى. قالوا المسيح ابن الله. واللي هم اليهود. قالوا عزير ابن الله فالله عز وجل ينذر كل هؤلاء. الذين قالوا اتخذ الله ولدا ما لهم به من علم ولا لابائهم كبرت كلمة تخرج من افواههم. احنا مش بنقف مع الايات كلها - 00:04:29ضَ

يعني او بالتفصيل مع كل كلمة لكن هنا بقى فيه وقفة مهمة جدا جدا جدا. في قوله عز وجل كبرت كلمة تخرج من افواههم ان يقولون الا كذبا. يا جماعة - 00:04:51ضَ

لما نيجي نوزن الذنوب والمعاصي نوزنها بميزان الشرع نوزنها هي شكلها هي عند ربنا مش عند حضرتك ليه بقى دلوقتي في لوسة واللوشة دي هي جاية من الليبرالية ايه هي بقى اللوسة دي ؟ - 00:05:02ضَ

ان طالما ما مدتش ايدي عليك فانا حر في تفكيري انا افكر زي ما انا عاوز وحرية الفكر وكزا ونلاقي ان وده ابتدى ينتقل للمسلمين اني اللي ما نسكتش عليه لو حد مد ايده عليك. لو حد شتمك - 00:05:21ضَ

انما واحد بيعبر عن فكره آآ هو حر. ودي اقل جرما من ان حد يعتدي عليك طب ده عند ربنا ايه؟ يعني الميزان ده ميزان شرعي يعني ميزان الهي ولى ميزان دماغ حضرتك؟ - 00:05:37ضَ

تاني الهوجة اللي حصلت الفترة اللي فاتت في موضوع الالحاد وبعديها الشذوذ والكلام ده خلاص مش بنتكلم على اللي يفعل الشذوذ. لا. احنا بنتكلم على اللي والله يشوفوا حرية. انا حر - 00:05:54ضَ

آآ اتي امرأة ااتي ذكر انا آآ دي حرية وآآ كل واحد يفكر زي ما هو عايز وطالما الطرف التاني راضي الدنيا زي الفل ده فين ده بقى في ميزان الشرع؟ نرجع تاني للاية اللي معنا عشان نعرف نربط الكلام كله - 00:06:10ضَ

دلوقتي واحد بيقول اتخذ الله ولدا هو حر ده في ناس بتقول ما فيش اله اصلا وانت شايف ان العملية دي بسيطة. انت شايفها كده. لكن ربنا شايفها ايه بقى؟ كبرت كلمة تخرج من افواههم - 00:06:24ضَ

ربنا شايفها حاجة كبيرة جدا يعني كبيرة قد ايه؟ شف الاية التانية ربنا سبحانه وتعالى بيقول ايه افصفاكم ربكم بالبنين واتخذ من الملائكة اناثا انكم لتقولون قولا عظيما القول ده قول عزيم مش قول بسيط - 00:06:39ضَ

الاية التالتة بقى توضح ده لقد جئتم شيئا ادا تكاد السماوات يتفطرن منه وتنشق الارض وتخر الجبال هدا ان دعوا للرحمن ولدا وما ينبغي للرحمن ان يتخذ ولدا. ان كل من في السماوات والارض الا اتي الرحمن عبدا - 00:06:58ضَ

السماوات والارض الحاجات دي كلها ربنا بيقول ايه؟ لقد جئتم شيئا ادا تكاد السماوات يتفطرن منه وتنشق الارض وتخر الجبال هدا ان دعوا للرحمن ولدا فاحنا عاوزين نوزن الكلام بميزان الشرع - 00:07:19ضَ

هو شكله ايه عند ربنا؟ الكلام ده مش عند حضرتك. ولا في دماغك ولا مسألة بقى ان اصلا الافكار اقل جرما من الافعال ده مش في دينا بل بالعكس هتلاقوا الكفر كلمة الكفر اعظم عند الله عز وجل مثلا من من قتل النفس. يعني واحد مسلم قتل نفس - 00:07:34ضَ

ده اعظم عند ربنا. قتل اللي هي القتل بل هو اعلى حاجة اهو. انا لو اقول لك بقى سرق ولا ضرب ولا زلم. لأ قتل. واحد مسلم قتل واحد هذا اعظم عند الله عز وجل ولا ان واحد مسلم ينطق كلمة الكفر او يعتقد الكفر حتى لو ما نطقش بها. او يرى الحرية - 00:07:54ضَ

كل واحد بقى آآ الدنيا حلوة وعند ربنا يوم القيامة آآ ده حسابه عند ربنا. ما فيش حاجة آآ يعني ما قد يدخل الجنة بقى. الملحد ده ممكن يخش الجنة برضو لو مات وهو ملحد - 00:08:13ضَ

مين انهي اعظم عند ربنا سبحانه وتعالى واضح نزن بميزان الشرع مش ميزان الهوى ولا الموازين المستحدسة زي الليبرالية والعلمانية وحرية الفكر وحرية الاعتقاد والكلام ده عشان كلامي ما يخرجش برة سياق واحنا برضه احنا هنا بنفسر او بنتدبر مش يعني مش بنتكلم في مسائل بعينها لكن عشان بس الكلام ما يخرجش برة السياق - 00:08:26ضَ

آآ مش بقول العكس ان ان اي واحد آآ يقول مسلا آآ اتخذ الله ولد تروح تدبحه وتموته مش كده عشان بس ايه الكلام انا يعني في ناس انا فاهم تاخد الكلام في حتت تانية. لكن اللي عاوزين نقوله لما تيجي ترتب - 00:08:51ضَ

الجرم والمعاصي شكلها ايه رتبها بميزان الشرع مش ميزان اي حاجة تانية. النبي صلى الله عليه وسلم لما قال الا ادلكم على اكبر الكبائر او آآ الا انبئكم باكبر الكبائر؟ الاشراك بالله اول حاجة - 00:09:07ضَ

الاشراك بالله تاني حاجة عقوق الوالدين يبقى عقوق الوالدين ده فعل هتشوح هتضرب الاشراك بالله ده ممكن بالكلمة. ممكن باعتقاد بالقلب حتى لو ما نطقتش. لكن ده كان اعظم عند ربنا سبحانه وتعالى. الاشراك بالله - 00:09:21ضَ

فعاوزين نرتب ترتيب اللي ربنا رتبه واضح؟ كبرت كلمة تخرج من افواههم يقولون الا كذبا وبعدين فلعلك باخع نفسك على اثارهم ان لم يؤمنوا بهذا الحديث اسفا. انا جعلنا ما على الارض زينة لها لنبلوهم ايهم احسن عملا. وانا لجاعلون ما عليها صعيدا جرزا. هنقف - 00:09:36ضَ

برضو واقفة مع الايات دي ونختم بها فلعلك باخع نفسك على اثارهم ان لم يؤمنوا بهذا الحديث اسفا. باخ يعني قاتل نفسك او مهلك نفسك يعني فلعلك يا محمد صلى الله عليه وسلم قاتل نفسك - 00:09:57ضَ

على اثارهم ان لم يؤمنوا بهذا الحديث اسفة يعني لعلك قاتلوا نفسك من التأسف عليهم ان لم يؤمنوا بهذا الحديث يعني لانهم ما امنوش فانت هتقتل نفسك عليهم. حسرة عليهم وحزنا عليهم وخوفا واشفاقا - 00:10:10ضَ

فربنا لامه على ده. وهنا الاية دي فيها لوم للنبي عليه الصلاة والسلام وده المعنى اللي عاوزين نقف معه ونركز فيه جدا يا جماعة ولعلك باخع نفسك اسفا على اثرهم ان لم يؤمنوا بهذا الحديث. في تقديم وتأخير في الاية. طب ليه على اثارهم؟ كان ربنا بيشبههم بناس خلاص تولوا ومشيوا. والنبي صلى الله عليه وسلم - 00:10:27ضَ

كان واقف كانه بيدعوهم وهم مشيوا خلاص. على اثارهم مشيوا او على اثارهم يعني بعد موتهم يعني لما الكافر يموت فالنبي كان يحزن حزن شديد جدا انه مات على الكفر - 00:10:45ضَ

ربنا قال له فلعلك باخلع نفسك على اثارهم يعني بعد ان ماتوا وتيقنت انهم من اصحاب الجحيم. فالنبي صلى الله عليه وسلم يقعد يحزن على كده لدرجة انه خلاص واصل لحتة كده انه ايه ان ربنا يقول له لعلك باخع لنفسك قاتل نفسك - 00:10:56ضَ

ايه بقى الدرس الدرس الاول يا جماعة. عشان المعنى ده مش معنى بسيط. هتلاقي ربنا ذكره في القرآن تلتاشر مرة بالفاز متفاوتة فيبقى معنى ربنا بيلح عليه في القرآن على النبي عليه الصلاة والسلام. مرتين بلفظ البخع. هنا فلعلك باخع نفسك على اساليب الا ما اؤنوا بهذا الحديث اسفا. في الاية التانية لعلك باخيع نفسك - 00:11:15ضَ

الا يكونوا مؤمنين يبقى مرتين بلفظ البخل هو قتل النفس وتلات مرات بلفظ الحزن لا تحزن ربنا سبحانه وتعالى ينهى النبي صلى الله عليه وسلم تلات مرات لا تحزن عليهم. تلات مرات في القرآن - 00:11:35ضَ

وست مرات بلفظ يحزن سواء بالنهي الصريح او بالاخبار خلاص فلا يحزنك قولهم. ولا يحزنك قولهم ومن كفر فلا يحزنك كفره. آآ ولا يحزنك الذين يسارعون في الكفر. يا ايها الرسول لا - 00:11:49ضَ

يحزنك الذين يسارعون في الكفر الى اخر الايات ست مرات بلفظ يحزن ومرة فلا تأس على القوم الكافرين وآآ وايه تاني ؟ افمن زين له سوء عمله فرآه حسنا؟ فان الله يضل من يشاء ويهدي من يشاء فلا تذهب نفسك عليهم حسرات. تلتاشر مرة في القرآن - 00:12:07ضَ

تلتاشر مرة نفس المعنى ربنا بيكرره على النبي عليه الصلاة والسلام. يبقى معنى مهم اللي هو ايه اللي خلاص انت اعمل اللي عليك وما تفكرش غير في كده ليه بقى يا جماعة؟ كتير من الدعاة - 00:12:32ضَ

بيشيلوا هم الدين بيصل المرحلة دي ودي مرحلة نفسية خطيرة مرحلة ايه؟ ان الحزن والخوف على الناس يوصلهم انه يأثر في نفسياتهم هم قد يوصلهم ان هم يقعدوا عن العمل والدعوة من كتر ما هم خايفين على الناس - 00:12:45ضَ

يوصلهم الحالة النفسية يوقفهم عن حاجات كتير في حياتهم ربنا نهى النبي نفسه عن ده وكأن النبي كان بيعمل ده ده خلي بالك ده في مرات يعني ربنا ربنا سبحانه وتعالى لما نام النبي صلى الله عليه وسلم اقلام بكلام قوي وشديد. زي مسلا اللي في سورة الانعام. ربنا سبحانه وتعالى بيقول ايه - 00:13:07ضَ

وان كان كبر عليك اعراضهم فان استطعت ان تبتغي نفقا في الارض او سلما في السماء فتأتيهم باية ولو شاء الله لجمعهم على الهدى فلا تكونن من الجاهلين فلا تخيل! بيقول النبي صلى الله عليه وسلم كده فلتكونن من الجاهلين. ده بعد ما قال له ايه ؟ قد نعلم انه ليحزنك الذي يقولون - 00:13:25ضَ

بعديها بكام اية يقول له كده فلا تكونن من الجاهلين ده في سورة الانعام في سورة يونس ولو شاء ربك لامن من في الارض كلهم جميعا. افانت تكره الناس حتى يكونوا مؤمنين - 00:13:45ضَ

وشف هنا هنيجي بقى للكلام ده طيب يبقى انت كداعية كحد محب للدين خايف على الناس جميل خاف لكن اوعى الخوف يوصل للمرحلة دي ولا الحزن يوصل للمرحلة دي. طب ازاي - 00:13:59ضَ

ازاي انتم عارفين في او في حل المشاكل في خطوة كده في الاوائل حتى دايما يقول لك ايه قسم الاكشنز او الافعال اللي هتخرجها عشان تحل المشكلة لافعال داخلة في استطاعتك وافعال خارج استطاعتك لازم لازم - 00:14:13ضَ

ده التقسيم ده وبعدين تفوكس او تركز على الافعال اللي في استطاعتك وتنسى خالص اللي برة استطاعتك ده يا جماعة ده ده يعني ده ده في في البروبليم سولفينج حتى في العلم بيقولوا ده - 00:14:32ضَ

زي ايه هديكم سلوى هنرجع هنا تاني عشان نفهم ربنا سبحانه وتعالى عشان نلاقي ده في القرآن موجود اللي انا بقوله دلوقتي ده بقى هنشوفه في القرآن احنا دلوقتي كنا اهو العالم كله كورونا والعالم اتقفل وبتاع. طيب واحد - 00:14:44ضَ

عنده بيزنس معين فتخيل بقى البيزنس خلاص بينهار. آآ للكورونا فهيبتدي هيفكر في حل المشكلة. هيقعد يقول ايه بقى والله المشكلة دلوقتي ان العالم كله فيه كورونا والدنيا مقفولة. التفكير ده - 00:14:59ضَ

هيموته لو فضل يفكر كده انه بيدور على المشاكل اللي برة يعني هعمل ايه انا دلوقتي ؟ ما العالم كله فيه طب انا اعمل ايه يعني للعالم؟ لكن تخيل كده لو نفس الراجل ده بيفكر يقول ايه - 00:15:16ضَ

انا دلوقتي عندي ممكن ان انا اعمل دليفري للمطعمي. انا والله ممكن اني اشتغل اونلاين. انا دلوقتي وابتدى يفكر في اكشنز ايه بقى في استطاعته انه يعملها ماشي؟ مش ايه بقى؟ آآ لأ اصل هو لازم مطعمي يفتح - 00:15:30ضَ

مش بتاعته. ده قرار حكومة. لا اصل هو لازم الطيران يفتح علشان اسافر اجيب مش مش بتاعته. ده قرار دولي لو فضلت تركز في المشاكل على الحلول اللي خارج خارج ارادتك مش هتعمل حاجة - 00:15:47ضَ

هتقعد اركز فين بقى ايه اللي اقدر اعمله اهو ربنا حل القصة دي بده قصة ان النبي صلى الله عليه وسلم باخع نفسه صلى الله عليه وسلم قاتل نفسه على اساليب اليؤمنوا بهذا الحديث اسفا باخع نفسه - 00:16:03ضَ

الا يكونوا مؤمنين حلها ازاي شف كده في الايات يعني الاية ايه اه ربنا سبحانه وتعالى بيقول ايه؟ لعلك باخع نفسك الا يكونوا مؤمنين النشأ ننزل عليهم من السماء اية فظلت اعناقهم لها خاضعين - 00:16:21ضَ

بس دي مش بتاعتك يبقى ان كلهم يؤمنوا دي مش بتاعتك انما عليك البلاغ وعلينا الحساب انت اللي في ايديك ايه ؟ تبلغ وما تفكرش تاني. مين بقى يؤمن؟ مين ما يؤمنش مش بتاعتك - 00:16:37ضَ

انساها وما تزعلش. طب ليه ما ازعلش؟ لاني انت بدماغك عاوزهم يؤمنوا لكن في حكمة ربنا مش كده حكمة ربنا مش كده. يبقى دول معنيين اهم. اول معنى انك تفكر في اللي في ايدك تعمله وما تفكرش في الجزء اللي براك - 00:16:54ضَ

اللي هوبا اللي هو في الحالة دي جزء بتاع ربنا انت اللي في ايدك ادعو الى الله عز وجل الجزء اللي براك يؤمن ما يؤمنش في ايد ربنا مش في ايدي مش بتاعتي - 00:17:13ضَ

خلاص تاني حاجة تثق في حكمة ربنا اكتر ما تثق في شفقتك ورحمتك وفي عقلك آآ احنا كنا اه بس مش في الفيديوهات دي لكن اتكلمنا قبل كده على مسألة ان في ناس عاوزة اله تفصيل. عياذا بالله - 00:17:23ضَ

عاوزين اله رحمة ومحبة وبس انما ربنا سبحانه وتعالى مش كده. ربنا سبحانه وتعالى زي ما في رحمة في عذاب وزي ما في فضل ففي عدل هذا هو الهنا. اله كامل سبحانه وتعالى - 00:17:39ضَ

اعمل اللي عليك ما تفكرش في الجزء اللي براك اللي اللي مش تحت ايدك ما تفكروش فيه اصلا. يعني كل ما يجي على دماغك انساه. لانه مش في ايديك زي ما بالزبط صاحبنا ده بيقول لك ايه الطيران والمطعم يتفتح - 00:17:57ضَ

لو فضل يفكر كده هييأس ما هو الطيران يفتح امتى؟ مش بتاعته ولا في ايده. المطعم هيفتح امتى؟ مش بتاعته ولا في ايده. ده قرار دولي وده قرار حكومة ينسى ده خالص بقى. احنا دايما بنقول ده للناس في انسى الحلول دي - 00:18:12ضَ

فكر في الحلول اللي تحت ايدك انت برضو فكر في اللي تحت ايدك. انا ادعو الى الله عز وجل يؤمن ما يؤمنش بتاعة ربنا. تاني حاجة تكون واثق من رحمة ربنا سبحانه وتعالى ومن حكمته - 00:18:27ضَ

انه لما هدى فلانا واضل فلانا هدى هذا بحكمة واضل هذا بحكمة فهترتاح نفسيا وتبقى كده ايه مطمئن وهتلاقي بعد كده عشان كده تلاقي الايات دي يعني شف آآ هنعيد تاني. سورة الانعام ايه - 00:18:41ضَ

قال ولو شاء الله لجمعهم على الهدى. هو ربنا مش قادر؟ قادر مش بتاعتك فلا تكونن من الجاهلين اية سورة يونس ولو شاء ربك لامن في الارض كلهم جميعا. على فكرة كلهم غير جميعا. كلهم جميعا عارف يعني ايه؟ يعني كلهم يعني كل الناس جميعا يعني في ان واحد. يعني كله في لحزة واحدة يقول لا اله الا - 00:18:58ضَ

ربنا قادر على ده افانت تكره الناس حتى يكونوا مؤمنين ربنا بيلوم النبي عليه الصلاة والسلام على انه بيفكر في حتة مش بتاعته انت مش بتاعتك تكره الناس اللي يكونوا مؤمنين ولا بتاعتك مين يؤمن ومين ومين ما يؤمنش اصلا - 00:19:18ضَ

الكلام ده لنا احنا يا جماعة درس للدعاة خلاص آآ في الاية اللي في سورة المائدة يا ايها الرسول لا يحزنك الذين يسارعون في الكفر. ربنا يقول ايه؟ ومن يرد الله فتنته فلن تملك له من الله شيئا - 00:19:33ضَ

اولئك الذين لم يرد الله ان يطهر قلوبهم يبقى ده حكمة ربنا فاطمن واسيب اللي لربنا اسيبه لربنا واللي لك اهتم به وانسى النتائج وده احنا قلنا ربنا قاله للنبي صلى الله عليه وسلم بشكل مباشر - 00:19:47ضَ

انما عليك البلاغ وعلينا الحساب آآ انما انت منذر ولكل قوم هاد فايات كتير اللي عاوزين نخرج به فلعلك باخر نفسك اوعى توصل للحالة النفسية دي ايها الداعية ايها المحب لدينه لدين الله عز وجل - 00:20:05ضَ

اوعى توصل للحالة النفسية اللي توقعك الواقعة دي نكمل المرة الجاية والسلام عليكم ورحمة الله - 00:20:22ضَ