باحث

ان شاء الله الامل القادم بقدر الله يعني سيأتي قدره للناس ينشئ الملحمة فيتجمع لها من اعد نفسه الاخلاص والرضا ان شاء الله بسم الله الرحمن الرحيم. الحمد لله رب العالمين حمدا كثيرا طيبا مباركا فيه كما ينبغي لجلال وجهه - 00:00:00ضَ

في وعظيم سلطانه احمده ولا ولا احصي ثناء عليه بانه وان تعدوا نعمة الله لا تحصوها ان الله لغفور رحيم. واشهد ان لا اله الا الله وحده لا شريك له - 00:00:23ضَ

واشهد ان سيدنا محمدا عبد الله ورسوله صلى الله عليه وسلم اشهد انه ادى امانات دينه وبلغ رسالات ربه وجاهد في سبيل الله حق جهاده حتى اتاه اليقين. اللهم صل وسلم وبارك عليه وعلى اله وصحبه - 00:00:39ضَ

ومن دعا بدعوته واستن بسنته واهتدى بهداه الى يوم الدين ايها الاحبة الكرام السلام عليكم ورحمة الله وبركاته. سبحان الله الاوقات لا تترك لنا فرصة لكي نسير في طريقنا الذي نتحدث فيه - 00:01:00ضَ

ودائما ما تأتي المحن كثيرة امتنا امة اعتادت الان ومنذ زمن ان ترى في كل صباح ردما من المشكلات ومن الازمات مات ومن المحن يطرأ عليها ولا شك انني سوف افرد وقتا - 00:01:23ضَ

كافيا ان شاء الله للحديث حول مسألة الجدار الفولاذي الذي يراد له ان يحيط بغزة المرابطة الصامدة. كذلك لا شك انني سوف افرد وقتا في تلك المسألة الهامة التي وقعت في صعيد مصر في قنا - 00:01:48ضَ

من مسألة فتنة التي نشأت آآ يسمونها فتنة طائفية آآ حادث قتل حدث لا شك ايضا انني يعني مسائل سوف افرد لها وقتا ولابد ان نتناولها. ليه لابد ان نتناولها - 00:02:11ضَ

هل هي امور مستقرة فيكفي انها مستقرة. يعني مش معقول كلما وقع شيء نأخذ وقتا طويلا في التعليق عليه وفي التعرض له. لكن الحقيقة لان المحطات التلفزيونية والمنابر الاعلامية والكتابات الصحفية - 00:02:32ضَ

نتحدث وكثرة الكلام مثل السحر. عندنا مثل شعبي في مصر يقول ان الزنة على الودان امر من السحر فتستخدم هذه المنابر الاعلامية في تلويث افكار الناس والناس يفتكروا ان الكلام اللي بيتقال صحيح - 00:02:52ضَ

ويظنون ان هذا هو المطروح اسلاميا. وان هذا هو المطروح واقعيا. فلو ان دعاة الاسلام او الذين يتحدثون في الفكر الاسلامي آآ يعني اهملوا التعرض لهذا. ومضوا فوقه بمجرد اشارات عابرات - 00:03:14ضَ

ستكون مصيبة اننا سنترك القيادة الفكرية قيادة التشكيل الفهم لهؤلاء الذين اما انهم الفكرة الاسلامية العداء واما انهم عملاء واما انهم على اقل تقدير يعني اسرى صنيعة للتكوين الغربي للافكار. يعني اتعملت لهم مدارس - 00:03:35ضَ

جامعتهم وبعثتهم قراءتهم وصحفهم فاصبحوا مجرد آآ تابعين فكريا الناحية الغربية او آآ التسلط العالمي سواء غربي او شرقي حتى في ايام ما كانت الشيوعية لها سطوة على العالم لكن انا قبل ان - 00:04:01ضَ

ادخل في هذه الموضوعات كذلك اعرف انني وعدت بانني للرسائل التي جاءتني عن مسألة محن الارامل وآآ وما من ظلم المجتمع وحصاره انني وعدت ان اتناول هذا ووعدت ايضا ان اتناول الكلام حول مسألة آآ الفتاوى التي تتعلق بعودة - 00:04:24ضَ

يعني المشتغلين بالافلام والمسلسلات وغيره الى التمثيل مرة اخرى بعد هداية وتقى. وايضا آآ الحقيقة امور اخرى ربما مسألة ايضا الابراج التي ثارت بمناسبة رأس السنة وارسلوا لي رسائل ان فيه بعض الاسماء لم اكن اتوقع مطلقا انها واقعة في مثل - 00:04:46ضَ

هذا فيعني لا اذا محن كثيرة ومسائل كثيرة ولابد من تنظيمها ولابد ان يصبر علينا الذين يعني تنهمر رسائلهم بهذا الشأن. لكن النقطة التي اريد ان المح اليها قبل ان ادخل في موضوعنا الليلة وقبل ان آآ افرد - 00:05:06ضَ

المساحة رحيبة لضيفي الكريم اعزه الله واكرمه اود ان اقف امام المحنة التي ايضا الحقيقة تؤلم القلب وتدميه. اللي هي محنة البنات المنتقبات الاخوات الفاضلات المحنة الرهيبة الحقيقة ولا شك ان نكون المؤسسة الدينية الرسمية - 00:05:26ضَ

التي سياساتها حطت من شأن الازهر وازرت به وجعلته في مكانة وهو كيان ماجد كبير عزيز رفيع القدر ولكنها سياسات الصغار التي حطت منه اصبحوا هم سبب في هذه المحنة. لدرجة ان تنشر الصحف انه الاخت الفاضلة المنتقبة تضطر لوضع الكمامة - 00:05:53ضَ

لو انها يعني آآ آآ تحذر من انفلونزا الخنازير او الطيور او اي انفلونزا من انفلونزا اللي ماشية ومع ذلك يقولون لها لابد ان تخلعي الكمامة ولا يجوز لك انت بالذات ان تتقي انفلونزا الخنازير - 00:06:19ضَ

لانهم يرون انها حيلة للتصميم على العفة. وينشر هذا الكلام في الصحف مصورا. وانا والله يا اخواني اقول واعجب كل العجب يعني انا سمعت قصة الحقيقة من اعظم ما سمعت ومن عجيب الامر اني لم اكن سمعت بها من قبل. انه في تاريخنا الاسلامي - 00:06:39ضَ

عرضت على قاض شهير من قضاة الشريعة الاسلامية في التاريخ الاسلامي قضية ان آآ يعني امرأة امرأة مطلقة رفعت قضية على زوجها او على مطلقها يعني اتنين في قمة النزاع - 00:07:02ضَ

فلما رفعت الدعوة وذهبت امام القاضي وذهب المطلق اللي هو كان زوجا لها خلاص واصبحوا آآ خصمين الان امام القاضي القاضي قال يعني سار في القضية شيء جعله لابد ان يستوثق من ان هذه هي فلانة. فقال لها لابد ان تخلعي النقاب حتى نتأكد انك فلانة - 00:07:23ضَ

لم يمضي الوقت اللي يجعلها فيه تتخذ موقف تقول ايوة او لأ وانما انبرى مطلقها الذي هو اليوم خصم لها وكان ممكن يتشفى فيها انبرى وقال لا اذا كان مطالبتها بما تطالبه ثمنه انها تضطر الى كشف وجهها - 00:07:47ضَ

فاني اقبل طلباتها واقر بها. مع انها ليست حقا عليه. انما قال لأ لا اعرض امرأة كانت عرضا لي في يوم من الايام لا اعرضها ان تضطر ان تكشف وجهها على الملأ وهي اختارت لنفسها ان تكون مستورة - 00:08:11ضَ

انا يعني هي التي لا تغطي وجهها هي حرة. شرعا آآ آآ عند الفقهاء انتم تعرفون لو اتكلمنا عن الحكم الفقهي من قبل انها انما هي اختارت هذا فاذا به يأبى ويرفض ويقر يدفع مبالغ المطلوبة منه والتي كان - 00:08:31ضَ

يجتهد كل الاجتهاد في ان يدفعها عن نفسه يقبلها من اجل الا يكشف وجه امرأة كانت عرضا له مع انها صارت الان خصما له فاذا بالمرأة تتحرك عاطفتها وهي تشعر ان الرجل شريف - 00:08:49ضَ

كلمة شريف دي اصبحت كلمة غالية جدا ان الرجل الشريف غالي فقالت وانا قد اسقطت حقي. خلاص انا مش عايز اللي انا بطالب به يا سلام! فقال القاضي تعليقه الذي ذهب مثلا - 00:09:11ضَ

في التاريخ وفق ما ترويه هذه القصة. قال هذا والله امر يكتب في المكرمات مكرمات من اجل حفظ امرأة ولزلك انا اسأل شيخ الازهر الذي اوقع هذه المحنة ووزير الاوقاف الذي اوقع هذه المحنة ومفتي البلد الذي - 00:09:31ضَ

هذه المحنة اسألهم سؤالا محددا هل النبي بصرف النظر عن الحكم الفقهي هل النبي صلى الله عليه وسلم رأى امرأة تستر وجهها ولا لأ وفقا للصحيح المسلم المجمع على انه احاديس صحيحة رأى اكثر من امرأة من الصحابيات منتقبة - 00:09:54ضَ

السؤال ماذا كان موقف النبي؟ اعتبروا النقاب فريضة اعتبروه فضيلة ماذا كان موقفه؟ هل اشترط عليها واوقف سادسا على باب الجامعة يمنعها من ان تمتحن حتى تخلع نقابها هل فعل هذا؟ هل شرف امة المسلمين اقتضى هذا؟ هل سمح بهذا - 00:10:19ضَ

والسؤال الثاني هل صحابة النبي الاصحاب الكرام الصحابة ابو بكر وعمر وعثمان وعلي وصحابة النبي عليه الصلاة والسلام هل رأوا امرأة منتقبة ولا لم يروا هل جاءتهم امرأة منتقبة؟ نعم ثبت في الصحيح الذي يعترف به هؤلاء الذين ازرت سياساتهم بقدرنا الديني والاسلامي في - 00:10:42ضَ

في عالم المسلمين جاء هذا الكلام فعلا على النبي عن الصحابة احاديس صحيحة انهم رأوا هل قالوا لها ماذا تفعلين هل جاء عن المرأة انها تقول اني اني معتزة بالحياء الذي انا فيه انا امرأة وضيئة جميلة - 00:11:12ضَ

افرض الشرع لا يفرض علي النقاب لكنني اشعر انني وضيئة جميلة لافتة فاستحي ان يراني المستقذرون من اصحاب الاخلاق الفاسدة كما يراني الصالحون وان يراني الناس فانا ساترة لوجهي وجاءت تسأل عن ابنها الذي افتقدته في المعركة يعني قتل ربما - 00:11:34ضَ

فلما قالوا لها انت جاية تقولي ما تعرفيش ابني فين وانت منتقبة؟ ايه وجه الغرض؟ الغرابة؟ انها ما بتسألهمش عن اسمه فلان الفلاني بتقول ابني طب وانا ايش عرفني انت مين يا ستي ازا كنت منتقبة - 00:12:02ضَ

فهي فهمت انه يقصد انها كيف تأتي وهي منتقبة. بيقول لها يعني جيتي تسألين عن ابنك وانت منتقبة؟ فقالت حتى لو رزقتم يعني حتى لو اصبت مصيبة آآ محنة ان ارزق في ولدي فلن ارزق في حيائي - 00:12:16ضَ

هل الصحابي قال لها ما فيش كلام فارغ من ده لازم تقلعي عشان تدخلي اندية القوات المسلحة ولا عشان تدخلي الجيش تسألي عن ابنك المفقود يعني الحقيقة المسألة يا اخواني مسألة شرف - 00:12:38ضَ

ومحنة الجامعات في بلادنا محنة كبيرة. واذا كانت بلاد الغرب في معظمها تسمح للمنتقبة انها في المطار يبقوا العساكر اللي بتوع الجوازات مجوس ولا عبدة بوذا ولا صنم ولا نصارى ولا يهود - 00:12:52ضَ

لكن تقول لهم انا منتقبة يجيبوا لها موظفة تتأكد من شخصيتها وفي الامتحانات والجامعات يسمح لها وفي السير في الطرقات يسمح لها. شيء رائع شيء رائع طبعا غير ما جد من هذا من هذا العدوان الغربي الحديث اللي تكلمنا فيه لكن هذا هو الاصل انما هنا نيجي - 00:13:10ضَ

رئيس الجامعة اللي بيجيب ناس يضربوا الطلبة ويجيب طلبة يجهزوا باليد للضرب يتحول يرقى يخش يبقى عضو في مكتب سياسي واللي يخش يبقى في آآ وزارة وغيره يعني مسألة فمحنة اخواتنا ومحنة - 00:13:33ضَ

فيهن ووالله يعني وبرغم ما قلته عن حكم الشرع في النقاب وانه الراجح فيه وغير الراجح والمختلف فيه والمتفق عليه انما مع ذلك اقول ان انزال المحنة بامرأة على الباب يقف الرجال لها ويقولون لها اكشفي وجهك. فتضطر لنزع وجهها مهما كانت الاسباب لنزع ما على وجهها - 00:13:53ضَ

من ثوب مهما كانت الاسباب والرجال الذين يزعمون الشرف ينظرون هذا ومحنة تأتي بها الرسائل المنهمرة منهمرة رسائل زي ما يكونوا لدرجة ان انا قلت ايه ده! انما هذا هو الوضع في الجامعات وهذا الوضع فانا يعني هذه محنة بالعكس - 00:14:20ضَ

انا اقول ان ان علينا ان نتصدى لها حتى يتصدوا هم يا فضيلة الامام الاكبر ويا فضيلة الوزير ويا فضيلة المفتي وفضيلة وفضيلة حتى تتصدى اولا لثياب العار التي يعني الفاضحة - 00:14:40ضَ

المزرية قولوا كلمة حتى نقول والله دول ناس ملتزمين. انما تسيرون طبقا للبوصلة المرسومة الموجهة لكم وخرس كامل عن التعرض لهذه الفتن فوالله يعني لولا ان الله ان الانسان لا يريد ان يدعو على عليهم - 00:14:59ضَ

الا بان يهديهم الله عز وجل. قال الانسان اللهم اشدد قبضتك عليهم. ولكن يعني لعل الله يحدث بعد ذلك امرا اللهم انر بصائرنا وبصائرهم واهدنا واهدهم واجمعنا على الهدى. اللهم اهد القلوب ماذا بقي في العمر - 00:15:21ضَ

ما هو الذي يرتجى فوق ذلك والله الانسان لو انه يعني لقي الله الان بكلمة حق ستكون غالية بعد ان حصل المكانة. فاسأل الله عز وجل يا ذا الجلال والاكرام ان يلطف بنا في قضائه وقدره واصبرن يا اخواتي فاني اتذكر ابنة آآ لامام - 00:15:41ضَ

من شهيد كانت في المدرسة في في الستينيات وكانوا في طابور الصباح في كل يوم يستدعونها من وسط الطابور لانها تضع ايشارب على رأسها. فيمسكوا الايشارب بيرموه ويزعقوا لها وتدخل الى الفصل ولم تكن هناك محجبات على مدار العاصمة القاهرة كلها - 00:16:04ضَ

انما اليوم بصبري فتاة في المرحلة الثانوية من اربعين سنة انظروا الى اي شيء ان الامر وهذا ما يخشونه ان ان يزداد انتشار التدين في بلادنا اصبرن واصمدن وصممن واحتجزن واعملوا كل - 00:16:30ضَ

لستن وحدكن لا لا لا وانما على على الرجال الذين تجري في عروقهم دماء نخوة ودماء شرف ان اعرف ان عليهم دورا في غوث المرأة التي يا اخي يا سبحان الله ده وفيه واحد كافر - 00:16:50ضَ

واحد كافر وجد امرأة فصان عرضها واخذها كما هي بثيابها وحجابها وفضلها يسير امامها ولا يلتفت سبعميت ميل حتى اوصلها الى اهلها وهو كافر لا يرضى ان ان ان آآ ان - 00:17:08ضَ

قداسة شرف انما امة آآ حكامها او او اصحاب الادارة والسلطان فيها يتمالئون على اهدار الشرف ويظنون وبعد ذلك يعني امال مين بقى خلاص السويسرية والالمانية والنمساوية والامريكية هي اللي اصبحت من نستقبلها - 00:17:28ضَ

ونجلها ونقول هذه وزيرة كذا وهذه اليونسكو وهذه خلاص هو هذا النموذج واصبحت استدارتنا الى الى من اختارت هي حرة يا اخي تختار. والمجتمع لا يضار لانه لو اضير لانها مجهولة الشخصية هناك وسائل لمعرفة شخصيتها. مسألة مش مش مستحيلة والا نقول لها لابد ان تكشفي - 00:17:48ضَ

انما اذا تعين اذا تعين اسأل الله عز وجل ان يلطف بنا في قضائه وقدره آآ اعتذر واخذت وقتا طويلا. ولقاؤنا اليوم لقاء مهم جدا فان معنا رجلا جليلا اه الحقيقة انا يعني سعيد جدا بلقائي اليوم بالذات. نحن تناولنا الحديث عن علم الحديث عن علم - 00:18:13ضَ

فقه عن علم التفسير عن علم اصول الفقه عن ولكن هناك بعد علمي اخر عن كتاب الكون الذي نعيش فيه عن النظر في اسرار الخلق التأملات في حفظ الله لهذا الخلق - 00:18:42ضَ

هذا الكلام لا يصلح له عالم في في القرآن والحديث مباشرة وفقط وانما الذي يصلح له العالم في هذه المخلوقات يعني عالم في علم الفلك. عالم في علم الجيولوجيا. عالم في علم البدن - 00:19:03ضَ

جسد الطب هؤلاء هم الذين يرون ايات القدرة في تطبيقاتها في البشر. ودائما ما اقول ان سورة المؤمنون بدأت قد افلح المؤمنون الذين هم في صلاتهم خاشعون ثم بدأت تقول ولقد خلقنا فوقكم سبع طرائف - 00:19:21ضَ

وما كنا عن الخلق غافلين وتقول وجعلنا ويقول الله تعالى فيها عن خلق الانسان بعد ان او قبل ان يطوف في الخلق الكون قال لقد خلقنا الانسان من سلالة من طين ثم ثم ثم مراحل الخلق - 00:19:41ضَ

فالسورة بدأت بالكلام عن مؤمنين يفعلون الزكاة ويقيمون الصلاة ويعرضون عن اللغو ثم انتقلت الى خفايا البدن البشري ثم انتقلت الى طرائق الكون وسميت سورة المؤمنون. يعني سورة المؤمنين طبعا - 00:20:01ضَ

سورة المؤمنون لان الايمان اجتماع هذه العناصر. لذلك رأيت انه لابد ان كنا صادقين في مسألة تصفحنا للعلوم التي تؤدي للايمان تمام ان يكون معي اليوم رجل يجمع بين امرين كبيرين. الامر الاول - 00:20:19ضَ

انه استاذ في كلية طب القصر العيني جامعة القاهرة لمادة المخ والاعصاب شغلته هذه الشبكة من الاعصاب هذه هذه هذا الكيان اللي اسمه المخ المخ والاعصاب فهو تخصص دقيق في هذا الجانب وقضى عمرا في الولايات المتحدة الامريكية في الدراسة العلمية و يذهب - 00:20:41ضَ

الى المؤتمرات العالمية بصفة دورية اجراء العمليات الجراحية في شأن المخ والاعصاب مسألة يومية وفي نفس الوقت عنده جانب ثان وهو انه انسان يذوق يعني على المستوى الشخصي يذوق رحمات الله عز وجل - 00:21:06ضَ

ويحب ان يتأمل في هذه الرحمات. لذلك رأيت اليوم ان آآ اوسع رحباء هذا اللقاء. بان نستمع الى رجل يجمع بين الذوق والاحساس معاني الايمانية وبين هذا الامر وآآ ان آآ ولزلك يشرفني ان اتصاحب اليوم هذه الصحبة - 00:21:24ضَ

الصالحة ان شاء الله مع الاستاذ الدكتور خالد بسيم استاذ جراحة المخ والاعصاب بكلية طب القصر العيني ومرحبا بحضرتك ربنا يعزك ويحفزك يا رب العالمين. يا دكتور خالد ان ربنا سبحانه وتعالى من علي كزا مرة باني احج - 00:21:48ضَ

انما اروع مرة حججت فيها كانت في آآ صحبتك. وانا متذكر ان انا اعتبرتك ساعتها من ايات الله سبحانه وتعالى لان انا كنت اصبت بحاجة كده محتاجة دكتور مخ واعصاب. فرحت لدكتور مخ واعصاب قبل ما اسافر قلت اروح بس اعرف اسافر ولا لأ - 00:22:08ضَ

ربنا رزقني بدكتور مخ واعصاب معي في الرقبة بل كان اكثر من آآ فيعني آآ رأيت اجتهادكم وجزاكم الله خيرا سعيد جدا انه يعني اليوم بعد هذه التجربة الشخصية وعلى المستوى الشخصي انه يبقى المسألة على آآ آآ - 00:22:29ضَ

يعني مسمع ومرأة من اخواننا جميعا احنا يا اخواني بنتكلم النهاردة عن حفظ الله سبحانه وتعالى للبشر وروائع الخلق فالاستاز الدكتور خالد بسيم اهلا وسهلا. اتفضل. اهلا بيك شيخ حازم - 00:22:49ضَ

انا سعيد جدا بلقاء السادة المشاهدين. وآآ يعني انا هقول بعض اللي هي الملاحزات اللي الواحد بدأ يعني يفكر فيها من خلال ممارستي للطب ويعني انا اعتقد ان هو درس الطب ده - 00:23:10ضَ

هو اتيح له انه يرى اه يعني اسار صنع الله في الانسان. ويمكن هو يشوف حاجات للناس العادية ما تشوفهاش هي تعتبر شهادة النهاردة دي شهادة في حق ربنا سبحانه وتعالى بحكم العلم اللي هو اوكله الينا - 00:23:24ضَ

يمكن النهاردة انا عايز الفت نزر السادة المشاهدين لنعمة يمكن ما حدش بيتكلم عنها كتير. هي نعمة الحفز ان في نعم كتير قوي الناس تقعد تتكلم عنها الرزق والصحة والحاجات دي لكن الحفز من النعم الخفية - 00:23:39ضَ

وآآ الحفظ ده شيء مهم جدا. يعني اي خطوة في حياتنا محتاجة حفظ يعني مسلا انت لو عندك اولاد لازم تحفزهم ما توديهمش مكان مش كويس نوديهم مدارس كويسة تهتم بصحتهم تهتم بلبسهم. لو مسلا آآ اشتريت سيارة جديدة برضو محتاج تحفزها. تشوف لها مكان في الجراج تحط لها غطا - 00:23:52ضَ

اشتريت اكل لازم تحفزه والا يبوظ بسرعة. فلازم تحطه في التلاجة فالحفز ده شيء اساسي آآ في حياتنا. فما بالك بقى بالحافز السماوات والارض والكائنات اللي فيها والحاجات اللي فيها - 00:24:12ضَ

عشان كده الحقيقة الاية لطيفة جدا لما بتقول ولا يؤوده حفظهما يعني كان ممكن ربنا سبحانه وتعالى يقول وهو حافزهما. وخلاص على كده لكن هو ربنا سبحانه وتعالى اختار الكلمة بدقة. قال ولا يؤوده حفظهما. اي ان حفز الحاجات دي كان متوقع انه يكون صعب جدا جدا لدرجة ان ممكن نتصور ان هو - 00:24:24ضَ

طب ربنا في الحفظ لكن كل ما اكتشفنا اساليب الحفز نحس انها صعبة جدا لدرجة ان البشر نفسهم يقولوا مين يحفظ ده كله فيبقى الاجابة لا يؤده حفظ الله. صحيح. مم. المفاجأة بقى - 00:24:44ضَ

احنا لما نفكر هنكتشف ان ربنا سبحانه وتعالى خلق هزا الكون وهو على درجة عالية جدا جدا جدا من الخطورة وده شيء مقصود ومتعمد فاحنا حاليا كلنا عايشين في خطورة غير عادية - 00:24:58ضَ

واللي بس مخلينا عايشين كده هو الحفز بتاع ربنا سبحانه وتعالى والاخطار دي بعضها اختار يعني داخلية من جوانا وبعضها اخطار خارجية يعني مسلا احنا لو فكرنا انه ربنا سبحانه وتعالى لو كانت الهدف ان هو - 00:25:11ضَ

يختبرنا في الدنيا ما كناش محتاجين كل التعقيد ده في بنى السماوات والارض كنا هنحتاج ارض مسطحة والناس تعيش فيها وتموت وخلاص ربنا يختبرنا وخلاص. لكن هزا الكون الضخم الاشياء اللي بتجري بسرعة جدا - 00:25:25ضَ

وكل شوية شهاب يطلع وحاجة تطلع ومع زلك احنا عايشين في امان ده الاخطار اللي انا بتكلم عليها نفس المبدأ ده بينطبق على جسمنا يعني احنا عايشين ومحاطين بكمية ضخمة جدا جدا من الاخطار وكل ما الانسان بيعرف اكتر وبيكبر في السن اكتر بيبتدي يكتشف هزه الاخطار ويبدأ يخاف - 00:25:39ضَ

وطبعا كل ما الواحد آآ وهو صغير بيبقى حاسس ان هو اقوى واحد في الدنيا وما فيش اي مشكلة ولا حاجة. لما يبدأ يكبر بقى يبص يلاقي مسلا جاره جت له جلطة في المخ - 00:25:58ضَ

تاني جت له جلطة في القلب وتالت خبطه عربية ميكروباص فبنبدأ ندرك تدريجيا الاخطار. وعلشان كده كتير قوي من الناس عند سن الاربعين بيجي لهم امراض القلق والاكتئاب والحاجات دي. لانه - 00:26:08ضَ

مع ادراكهم للمشاكل بيبدأ بقى ياخد باله من اللعبة الموضوع مش بسيط. الموضوع بيحوم حواليه. صحيح. فبيلاقي الخطورة اكتر بكتير جدا مما تخيل لدرجة ان في ناس طبعا بيجي لها قلق واكتئاب. وده كتير قوي في السن اللي هو بتاع الاربعينات ده - 00:26:18ضَ

فاحنا هنتكلم الاول عن ايه الاخطار اللي هي ممكن تحيط بنا؟ ويستمر يا دكتور خالد يعني اه يعني الاربعينات ويفضل ولا السن ده بالزات بتزيد ايه الخطورة القلق؟ والله انا بشوف الحقيقة في السن ده يعني معزمهم يعني في ناس طبعا بيجي لهم قلق واكتئاب مرضي ده بيبدأ بدري شوية في اوائل العشرينات او في اوائل - 00:26:33ضَ

تمنتاشر تسعتاشر. لكن كتير قوي بشوفهم مسلا من رجال الاعمال والمحامين واللي واللي بيبتدوا يجي لهم مشاكل نفسية. على سن الاربعين. مم. لان بيبتدي بقى يكون دخل في مشاريع ضخمة جدا وبتبدأ المشاكل تزهر واحدة ورا التانية فده بيستهلك جهازه العصبي - 00:26:54ضَ

وهو بيعتمد بقى الخفة او مش هيخف على مدى معالجته الامور. لو فضل ماشي بنفس الطريق. وقلقان وبالزات اللي ما عندهمش توكل على الله كل حاجة على اعصابهم. طبعا بيتعبوا في الاخر. بيحتاجوا ادوية وعلاج - 00:27:09ضَ

وبتاع. مم احنا النهاردة هنتكلم على الاخطار اللي بتحيط بالانسان بعد ما نتكلم بقى عن اخطار وتفيد بالانسان ونتفق سوا على ان احنا عايشين في خطر هنوصل بقى للخلاصة اللي عايزين نوصل لها في اخر الحلقة. ليه ربنا خلقنا عايشين في خطر كده - 00:27:19ضَ

يعني ليه ليه كل التعقيد ده كنا ممكن نبقى الامور سهلة وبسيطة ما فيش كل الاخطار دي وبالتالي ما فيش كل الحفز طبعا ليه هزا التصميم وهزا النمط؟ فتعالوا الاول نشوف الاخطار - 00:27:35ضَ

اه اولا اه من الاخطار اللي عندنا البكتيريا فزي ما احنا عارفين البكتيريا دي موجودة على الجلد بتاعنا البكتيريا اللي على الجلد دي عايشة على الجلد تخدمه. لكن لو هي قدرت تدخل جوة جسم الانسان تعمل له مشاكل ضخمة جدا - 00:27:47ضَ

وكزلك البكتريا اللي جوة المصارين بتاعة الانسان. كميات ضخمة جدا من البكتيريا. يعني يقدر ان هو في السنتي الواحد فيه حوالي عشرة مليون بكتيريا البكتريا دي لما الواحد بعد عمر طويل بيموت هي اللي بتاكله - 00:28:05ضَ

ان انت بتاخد الراجل وتدفنه. ايه اللي بيحوله بعد كده لغازات؟ هي البكتيريا انت شايل معك ادوات الحاجات اللي هتاكلك بعد كده وهي بتعرف ازاي ان صاحبها مات؟ لما الحركة تقف - 00:28:19ضَ

والحرارة تنزل وهما قاعدين مستنيين قاعدين ياكلوا ويشربوا وكل حاجة لكن ما يعوروش الانسان. ده حفز من ربنا لكن لما الانسان يموت يبدأوا ينشطوا ويبدأوا ياكلوا الانسان ويخلصوا عليه. ومع زلك هو ممكن ينشطوا من غير ما الواحد يموت. ازاي؟ يعني ممكن مسلا لو حصل انسداد في دورة الامعاء زي المصران الاعور - 00:28:31ضَ

هم الحركة تقف. يفتكروا الراجل مات يبدأوا ياكلوا المصران. اه. او المناعة تضعف. فتبدأ البكتيريا تتغلب على جهاز الانسان وتبدأ تاكله. وهو صاحي يحصل مشاكل لا حصر لها واول بكتير اللي في الزور فاحنا جوانا عوامل خطيرة جدا على الجلد وجوة - 00:28:51ضَ

ربنا سبحانه وتعالى آآ هو اللي خلق هزا الخطر وخلق انزمة تحمينا منه هو ده الحفظ واحنا قاعدين انا وانت دلوقتي يا شيخ حازم مهددين ان احنا نتاكل اللي حيفهم عننا ربنا سبحانه وتعالى. غير كده كنا اتكلنا واحنا قاعدين دلوقتي - 00:29:09ضَ

طيب ايه البكتيريا؟ تعال بقى نشوف المشكلة التانية الخلايا السرطانية هو بما ان سنة الحياة هي ان الحاجة في النازل دايما فربنا سبحانه وتعالى عمل الخلق ده عجيب جدا انه دائم التجدد - 00:29:26ضَ

يعني الخلايا اللي بقابلك بها النهاردة جزء كبير جدا منها ما كانش موجود امبارح خلايا جديدة والا كنا قدمنا كنا بقى شكلنا وحش والجلد بتاعنا ده كان اتوسخ. فانت من غير ما تدرى. الجلد ده بيتوسخ ويقع ويطلع جلد جديد على طول. باستمرار. خلايا جديدة شادة تشتغل - 00:29:39ضَ

ان انت عمرك بيحصل مع لما لما الناس بيكبروا بيكرمشوا برضه معلش بس هو في تجدد باستمرار لجميع الخلايا طبعا بنتكلم في الترليونات الخلايا. مم. اعداد مهولة جدا هو ده اللي بيخليك الصبح تلاقي وشك نضيف حلو كده لان في خلايا جديدة بتطلع باستمرار ودايما الواحد نضيف كده وحلو لانه بيتجدد بردو تخيل انت خلايا الكبد لو عاشت مية سنة يحصل ايه - 00:29:54ضَ

هتبقى مترهلة مش هتقدر. دايما في تجدد. ما عدا طبعا المخ لان بخل توصيلات كهربا ما ينفعش اجدد الام. لو جددت الخلية الام السلك بتاعها يتقطع فالخلايا بتاعة المخ بالزات - 00:30:17ضَ

تفضل تتولد بها وتموت بها تعيش ميت سنة ومية وعشرة سنة تفضل شغالة ولا تقف معلقة على حجمها الصغير ده. اما بقية الخلايا في تجدد مستمر اللي بيحصل ان الخلايا دي - 00:30:30ضَ

بعضها بيطلع الصنعة بتاعته مش كويسة ودي سنة ربنا هو اللي قاصد كده ربنا سبحانه وتعالى متعمد ان يحصل كده. كان ممكن تطلع كل الخلايا ايه ون لكن ده ما يحصلش - 00:30:44ضَ

ليه؟ عشان نخلق الخطر اللي قلنا عليه. فكل ما شوية خلايا جديدة بتطلع بعضها بيطلع فيه عيب اللعيب ده ممكن يؤدي الى السرطان اللي احنا عارفينه وبنسمع عنه طب ايه الحل؟ ده خطر اهو. يعني انا دلوقتي انا وانت واحنا قاعدين يا شيخ حازم بتتكون جوانا خلايا سرطانية - 00:30:55ضَ

على طول ياه! اه ده شيء معروف. طيب ايه اللي بيحصل بقى في جهاز المناعة بتاع الانسان معه كود للخلية الصحيحة وطول النهار يلف على الجسم كل خلية يجي يروح واقف عليها ماسكها. حاطط الكود بتاعها يقرا الكود - 00:31:14ضَ

لا كود مطابق للكود اللي هو واخده من المصنع يسيبها لا كود بقى مخالف هو معه بقى جوة الخلية دي اكياس حارقة. مية مية حارقة زي السودة الكاوية. يروح فاتح الخلية دالق فيها الماية الحارقة يروح مفجرها. سبحان الله! وتنتهي القصة - 00:31:30ضَ

لولا بقى النزام ده كنا دلوقتي على بال ما نطلع من الحلقة دي كل واحد فينا خد له تلت اربع سرطانات في القعدة يا لطيف! فده خطر كبير جدا فكل الناس انا مش عايز اخوف الناس بس دي الحقيقة احنا غافلين عن الكلام ده - 00:31:45ضَ

مين بقى اللي مانع انه عنصر الحفز ده بدونه يعني ده احنا في قعدة زي دي لو بتقول حضرتك عدة انواع من السرطانات انه لولا ما فيش اه. صحيح. هو فعلا احنا محفوزين بصفة دايمة. واحنا بس مش واخدين بالنا - 00:31:58ضَ

فربنا سبحانه وتعالى هنقول ليه بقى كل القصة الضخمة دي. فربنا سبحانه وتعالى حافزني. ارجع بقى مسلا الفيروسات الفيروسات دي كائنات دقيقة جدا يعني يعني لو قلنا البكتيريا مسلا واحد على الف من ملي الفيروسات واحد على مليون من ملي دقيقة جدا. ومع زلك لو دخلت جوة الانسان تموته - 00:32:14ضَ

في بعض الاحيان الفيروسات على دقة حجمها دي ما تقدرش تعدي الجلد من كتر ما الجلد ده معمول بدقة شديدة لان في خطر الفيروس فربنا سبحانه وتعالى خلى الجلد ما يفوتش الفيروس الرفيع ده - 00:32:35ضَ

لكن الفيروسات عادة بتدخل لكن مش في كائنات اخرى بتخترق الجلد ما فيش. جلد مصمت ما حدش يعرف يعدي منه. سبحان الله! اه. وعشان كده كنت بقول لحضرتك ان احنا - 00:32:47ضَ

نعرف قيمة الجلد ده لما المريض بيتحرق لو المريض بيتحرق بيحصل مشكلتين اساسيتين. اولا بيبدأ يفقد حرارة. لان الجلد من اهم وزايفه انه يعزل الحاجة التانية انه بيستباح تماما من الميكروبات والفيروسات - 00:32:57ضَ

لو احنا ما اديناهوش الرعاية الكافية لو عيان فقد اكتر من عشرة او عشرين في المية من جلده بيموت سواء من فقدان الحرارة او ان هو الميكروبات بتعتبره بقى ايه صيدا - 00:33:11ضَ

كل اللي كان فوق وضعيف وغلبان بيخش ياكل ياكلوا العيان على طول ياكلوه آآ طبعا ده حفز الجلد ده حفز ما يتقطعش يمنع خروج الحرارة ودخول. صحيح. الميكروبات. والفيروسات الفيروسات ادق في الحجم. مم. جدا. مم. فيعني منع البكتريا ماشي لكن الفيروس كمان جلد مصمم بزلك - 00:33:21ضَ

وفي نفس الوقت يطلع حاجات يطلع عرق يطلع كريم عشان ينعم الجلد لكن ما فيش بكتيريا تعرف تعدي من الانبوبة بتاعة الكريم. سبحان الله! وما فيش فيروس يعرف يعدي من الانبوبة بتاعة الكريم. او العرق. كان ممكن يخش. لا الانبوبة دي اتجاه واحد ما دخلش - 00:33:44ضَ

فانا بس بقول على الفيروسات لان انا مريت بحادسة قريبة انه احنا كلنا بيجي لنا دور برد وبيجي دور برد فتكلمني اقول لك لأ ما تخافش اقعد ريح واشرب ليمون وبتاع بس حقيقة الموضوع اخطر من كده كتير - 00:33:59ضَ

الفيروس لما بيخش للزور بيعمل اللي يقدر عليه لغاية ما يخش الدم اول ما يخش الدم الحرارة ترتفع يبدأ هو ينتشر بقى في الجسم فيروح الاماكن الضعيفة زي العضلات او الحاجات دي تعمل شوية اوجاع في العضلات وتكسير وبتاع - 00:34:14ضَ

لكن الفيروس ما يقدرش يخش المخ لان المخ عليه الشرايين بتاعته الشرايين الدقيقة او الاوعية الدقيقة بتاعته ما تسمحش بدخول حتى الفيروس الرفيع ده لو الفيروس دخل وعرف يعديه وده النادر - 00:34:28ضَ

بيستبيح المخ بيخلص عليه وكان لسه برضو فيه حالة قريب برضو آآ واحدة ست كده حامل اربعة وعشرين سنة وجالها دور برد عادي وعلى حظها الفيروس بتاعها قدر يعدي ويخش جوة المخ - 00:34:45ضَ

لما انا شفت الاشعة بعدها باسبوع طبعا البنت حالة اتدهورت خالص ايديها ورجليها طار وبتاع. المهم اه لما شفت الاشعة لقيت الفيروس تقريبا واكل تلات ارباع المخ طبعا هي ماتت بعدها على طول - 00:34:57ضَ

فكل واحد فينا فكر كام مرة جاله انفلونزا وعدى على خير وبياخدها ببساطة لكن ده حفز. ده لولا ان ربنا سبحانه وتعالى ماسك الفيروس مكتفه وحافز لك مخك. كان دور الفيروس الانفلونزا العادي ده اللي بيجي لنا ده اللي بناخد له فلوريست وكلام فاضي كان موتنا - 00:35:10ضَ

فهنا الحفز كل دي من النعم اللي احنا خافين عنها. سبحان الله يا ربي اه يعني الحقيقة الامسلة كتير جدا مسلا بالحفز بتاع الانسان التغليف بتاعه طبعا تغليف الحاجة ده مهم جدا - 00:35:27ضَ

ويعني طبعا كل ما يعني كل ما الشركات اللي هي الصناعية دي بتتطور بتطور في التغليف واحنا شفنا اللبن التغليف الجديد بتاعه الكرتون ده خلاه يقعد فترات طويلة. تغليف غير الجلد بقى. اه. بالزبط. الجلد ده الطبقة الخارجية. اه. في تحتيه بقى احنا عندنا اجهزة حساسة جدا ومعقدة وغالية - 00:35:43ضَ

ربنا سبحانه وتعالى بيحميها الحماية بتاعتها بتعتمد على هل الجهاز ده حجمه سابت ولا متغير وعلى مدى اهمية الجهاز فناخدهم واحد واحد. مسلا المخ المخ ده طبعا جهاز حساس جدا ودقيق جدا - 00:36:01ضَ

وحجمه ما بيتغيرش كتير. وبالتالي التغليف بتاعه عبارة عن علبة مصمطة. اللي هي الجمجمة مم. لان لو واحد خد خبطة على مخه نفسه هيموت مش هيستحمل فعشان كده الغلاف بتاعه مصمت تماما - 00:36:17ضَ

لو جينا بقى لمنطقة الصدر هتبص تلاقي في القلب والرئتين دي اجهزة حساسة برضه وخطيرة. ما فيش حاجة تدخل من جمجمة الرأس دي يا دكتور احمد. لأ الجمجمة دي علبة مصمطة. مم. هي لها خروم دقيقة من تحت تخرج الاعصاب السلوك بتاع التوصيل. مم. لكن هي نفسها - 00:36:33ضَ

موس محترم من فوق التوصيلات كلها من تحت. مم. لكن لو كان في فتحات من فوق لواحد خد ضربة كان العصب اتقطع فهي من فوق علبة مصمطة وتخينة مم وطبعا كل ما الواحد بيكبر في السن بتبقى اتخن وتخين - 00:36:49ضَ

آآ ومع زلك برضو يعني احنا مسلا عندنا مرض بتبقى جمجمة تلات اضعاف حجمها ده بيسموه مرض اللي هو العضم اللي هو الرخامي. مم. بيحصل خلل في العضم يفضل بقى الخلية تحط عضم تحط عضم العضم يتخن قد كده - 00:37:03ضَ

ده لو حاولنا نفتح الجمجمة ما نعرفش لو جبنا الشنيور الحديد ده ونحطه على العضم الشموري اتاكل العظم يفضل زي ما هو راخر ما بيقدرش نعمله مع الجراحات ده لو حاولت تخبط طوبة ما يحصلوش حاجة - 00:37:17ضَ

لانه محمي تخيل بقى لو احنا كنا كده هو ربنا سبحانه وتعالى لازم يخلق وسيلة نموت بها برضه والا هنبقى خالدين زيه فالجمجمة هي على درجة من التخن تحميك من درجة معينة من من الاصابات - 00:37:32ضَ

لكن طبعا لو طوبة جامدة هتموتك لو رصاصة تخيل بقى لو كان العضم تخين كده ما كانش حد مات خالص. الناس كلها تفضل صاحية بقى. كانت تبقى مشكلة نيجي بقى لمنطقة الصدر - 00:37:46ضَ

الصدر بقى يعني في طبعا اعضاء غالية جدا اللي هي القلب والرئتين بمنتهى الغلو طبعا اقل يعني آآ آآ دقة من المخ لكن عيبها انها بتكبر وبتصغر انا عايز احميها وفي نفس الوقت عايز اديها مساحة تتحرك - 00:37:59ضَ

الحل ان انا اعمل شوية عضم وشوية عضلة. فضلع وحتة لحمة. ضلع وحتة لحمة فبحيث انها تسمح بالتمدد وبتدي حماية وبالتالي آآ المنطقة دي محمية لما نيجي بقى لمنطقة البطن - 00:38:13ضَ

طبعا الناس كلها بتحب تاكل. ممكن تاكل اكلة ضخمة جدا. او ساعات يحصل غازات. تخيل بقى لو كان فيه ضلوع في بطنك بطنك اتنفخت كنت هتموت على طول. فعشان كده ما فيش اي عضم خالص في منطقة البطن. عبارة عن عضلات تسمح بالتمدد بما يتوافق مع الوزيفة - 00:38:26ضَ

العضلات دي بقى في بعض الناس لو لعب رياضة وبقى قوي العضلات بتوفر حماية كبيرة جدا بس طبعا مش زي العضم يعني احنا بنشوف كده وسائل الحفز اللي ربنا عملها لنا - 00:38:42ضَ

سواء في المخ او في جسمه كده طبعا من اغرب حاجة في الحفز اللي هو العضو بتاع الانسان بتاع الزكر ده حساس جدا ومع زلك بتلعب برة خالص فهنا بقى سؤال طب ليه كده ايه الخلل اللي حصل في الموضوع؟ يعني اشمعنى الجزء الحساس ده طلع برة - 00:38:53ضَ

مم. فطبعا الرد ان هو الخلايا دي بالزات مصممة انها تطلع من خلية خلية نصفية. يعني اي خلية بتتوارد بتطلع خلية زيها بالزبط اما خلايا العضو ده بتطلع خلية نصفية عشان تروح تتحد مع البويضة تعمل - 00:39:10ضَ

الجنين فالانقسام بالنوع ده بالزات محتاج حرارة درجتين اقل من حرارة الجسم وبدون زلك لا يمكن يحصل. عشان كده التصميم الهندسي الجبار ان ربنا سبحانه وتعالى خلق البويضات بتاعة الزكر دي خارج الجسم عشان تبرد. وتعرف تعمل الوزيفة بتاعتها - 00:39:25ضَ

آآ يبقى طبعا اه احنا اتكلمنا على شوية وسائل من الحفز. اخر حاجة بقى في الحفظ كنت باتكلم عنها الشيخ حازم اللي هو المرض اللي احنا كلنا بنعاني منه او بنشوفه كتير اللي هو الصرع - 00:39:44ضَ

وده نسبته بتوصل احيانا في بعض الاحصائيات لخمسة في المية من السكان بنسبة مرتفعة. صحيح. اه يعني من اتنين لخمسة او كده. فدلوقتي ايه بقى الصرع ده؟ الناس كلها بتسأل ليه الصرع؟ واشمعنى ابني جا له الصرع؟ واشمعنى - 00:39:55ضَ

هو السؤال الاجابة بسيطة. احنا عندنا كم خلايا في المخ كنا زمان بنعتقد ان هم عشرة مليار وبعدين الناس قالوا عشرين مليار. الارقام الاخيرة بتقول حوالي مية مليار يعني ميت الف مليون خلية - 00:40:07ضَ

اه طبعا كل خلية لها توصيلاتها الكهربية المتعددة المتشابكة. لكن هم على بعض كده حوالي مية مليار الخلايا دي كلها عبارة عن خلايا كهربائية زي البطارية اللي عندك في البيت - 00:40:20ضَ

سالب وموجب القوة بتاعة الفولت بتاعتها سبعين ملي فولت انا افكركم ان البطارية اللي بتشتريها واحد ونص فولت فاحنا سبعين ملي فولت كل خلايا مخك سبعين ملي فولت المخ الامريكاني سبعين مليون. جورج بوش سبعين ملي فولت. كلنا سبعين ملي فولت. بس ده يعني اه ممكن هو خمسة وسبعين. فالمهم - 00:40:31ضَ

كل الخلايا مزبوطة على يعني الفرق بين مخ ومخ مخ ذكي ومخ غبي مخ متقدم وطق متخلف مش حجم الكهربا اللي في كل خلية والله ده سؤال رهيب جدا هل الزكاء له علاقة بالتكوين الشكلي لمخه كده وعملوا دراسات على اينشتاين وبتاع بس ما وصلوش يعني الحقائق سابتة - 00:40:55ضَ

ايه السبب يعني ايه العلاقة؟ واشمعنى اي انسان ما يعرفوش بقية الازكياء؟ اه صح ما حدش بيبلغهم. فدلوقتي ايه اللي يتطلب ان انا يجي لي صرع كل المطلوب ان خلية من من الميت الف مليون خلية - 00:41:13ضَ

كهربتها تنزل من سبعين ملي فولت لخمسين ملي فولت ساعتها بقى يحصل الصرع اللي احنا كلنا يعني شفناه انا طبعا بشوفه كتير. وفيه ان طبعا ان اسر ربنا ابتلاها به وكده طبعا هي فاهمة انا بتكلم على ايه - 00:41:31ضَ

مرض مزعج جدا له تبعات خطيرة آآ احيانا يكفي انك ما تعرفش تسوق عربيتك انت مش عارف هتيجي لك النوبة امتى؟ هتسوق ازاي او مسلا البنات لما ييجوا داخلين على جواز بتبقى مشكلة كبيرة - 00:41:42ضَ

هل نقول للعريس ولا ما نقولوش؟ هنخف ولا مش هنخف؟ طب هناخد ادوية ولا مش هناخد؟ وفي الحمل نعمل ايه؟ يعني موال كبير جدا بيغير حياة الشخص خالص في وجود الصرع ده - 00:41:55ضَ

كل المشاكل دي كلها بتنتج من خلية من الميت الف مليون خلية نزلت من سبعين لخمسين. يا لطيف يا رب طيب هل يعني دي مسألة ليس لها طريقة لاعادة آآ الكهرباء للنسبة السوية - 00:42:04ضَ

ما هي بقى احنا بنعمله ان احنا بندي علاج مم العلاج ده الهدف منه انه يضعف الخلايا خالص ويقلل الكهرباء بتاعتها. بحيس يخليها اقل استثارة. ما تردش على الخلية لما تيجي تحاول تقومها. مم مم. لكن - 00:42:23ضَ

ربنا سبحانه وتعالى بالزات في الحتة دي نزرا لان عملها بطريقة معقدة جدا جدا جدا بهزه الصورة وبالتالي حط لنا مفتاح بيتشين وزي اللي عندك في البيت اول ما يحس ان الخلية بدأت تتجنن وتطلع كهرباء زيادة يروح معه بودرة هو. رغوة زي بتاعة المطافي - 00:42:36ضَ

يروح راميها على الخلية الهايجة دي يروح طافيها فاحنا كلنا عندنا مفاتيح دي. الخلية دي بيسموها الخلية بتبقى لها يعني دراعات كتيرة جدا ومحاوطة خلايا المخ واتحلل الكهربا بتاعتها وبتعرف وقت ما تلاقي الخلية منهم ناوية تعمل مشكلة تروح دالقها. لولا كده يا شيخ حازم كنت انا وانت دلوقتي والاخوة اللي بيصوروا دول كانوا كده قعدنا نخبط ونرزع طول النهار - 00:42:53ضَ

يا سلام! لان طبعا من المنطقي ان يبقى عندك مية الف مليون خلية شغالين ما طبعا لازم واحدة منهم هتنزل كل سانية واحدة هتنزل يعني انت لو واحدة بس كل سانية نزلت ده يعني ولا احنا مش تبقى هنفضل نتنطط على الكرسي. مم. فاللي بيحصل ان ربنا عامل النزام ده كمان ده نوع بقى - 00:43:15ضَ

يعني عامل نظام معقد جدا ومتشابك جدا وحط بقى خلايا موسي دي عشان تحفز الانسان. ما عملوش بابحاث يا دكتور خالد على عقل القروض هل هو المسألة انه خلاياه مسلا خمسين ملي فولت بدل سبعين ملي فولت عشان كده اه طيب ده مهم لانه - 00:43:33ضَ

قد يكون هذا هو الفارق بين انسان وحيوان آآ في انما ده نشوء يعني. ممكن شف لحضرتك ما اعرفش يعني بس هو بالنسبة للانسان هو سبعين ده الرقم اللي هو السابت - 00:43:53ضَ

الخلية المصري دي هو ده الحفز بتاعنا بقى لولاها كنا اتبهدلنا واللي بيجي له صرع ده بيبقى اصلا عنده ربنا سبحانه وتعالى خالقه الخلايا الموسي بتاعته دي ضعيفة ما بتعرفش تفصل التيار كويس وقت وقت الشدة. فعشان كده بيحصل له اللي هو الصرع اللي احنا عارفينه - 00:44:03ضَ

احنا تقريبا خلصنا الكلام كله هنا بقى السؤال المهم جدا هو ليه بقى ربنا سبحانه وتعالى آآ خلقنا في هزا العالم الخطير وليه خلق الخطورة؟ مع ان هو مش محتاجها. يعني كان ممكن قوي يخلقنا بدون خطورة - 00:44:23ضَ

العالم حلو كده وهي ارض واحدة ما فيش غيرها. ولا فيه نيازك ولا كواكب. مم. ولا فيه كان ممكن بلاش التعقيد قوي في المخ ده يعمل حاجة ابسط شوية وده يعني. مم. هو مطلق القدرة يعمل اللي هو عايزه - 00:44:37ضَ

بلاش البكتيريا بلاش يخلق بكتيريا. بلاش. مم. صحيح هي بتفيدنا في بعض الحاجات بس خطيرة. الفيروسات بلاش منها اسمح لي حضرتك انا الحقيقة هم. عندي رهبة في بروزة هذا المعنى جدا. يعني انت حضرتك فعلا بتقول - 00:44:47ضَ

انه الله عز وجل لطيف لما يشاء اللي هو عايزه يعمله. اللي هو يعني يقدره يفعله لماذا اه لم تكن الحياة فعلا سهلة مبسطة بدون هذه المخاطر والمسألة خلاص بتخلق بطريقة معينة وما فيش - 00:45:02ضَ

وليه يبقى الخطورة موجودة آآ ويبقى في كل وسائل الحفظ دي يعني ما المسألة آآ نعم فالحقيقة لو الواحد قعد يفكر يعني هيكتشف اللي انا بقوله ان احنا عايشين في خطر داهم بس من شدة الحفز مش حاسين بالخطر - 00:45:22ضَ

اما العلماء بقى واللي مر بتجربة يبتدي ينتبه للخطر. ويشوف بقى الموضوع مش هزار قوي زي ما كان متخيل ليه ربنا سبحانه وتعالى خلق هزا النمط؟ يعني انا اعتقد تحليلي اللي هو فيه تلات اسباب ممكن يفسروا الحكمة الالهية طبعا هو آآ ربنا سبحانه وتعالى هو اللي ادرى بها - 00:45:39ضَ

اولا الانسان بطبعه ما بيصحصحش غير لما يبقى فيه خطر ما بينتبهش. غير كده بيركن للداعة والراحة والنوم بدليل مسلا سمكة السلمون وسمكة القرش نعرف ايه عن سمكة السلمون؟ قليل جدا. اما سمكة القرش قرينا ودخلنا افلام وشفنا لقيناها عضت واحد - 00:45:55ضَ

فاصبحت مصدر خطر. ده عضت دي كلمة لطيفة فدايما احنا الانسان ما بينتبهش غير لو فيه خطر. انا اعتقد لو ما كانش الخطر ده بالكمية دي تكون ما كناش يعني انتبهنا قوي للحقائق الموجودة في الكون - 00:46:14ضَ

سانيا الخطورة بتنفع الانسان للبحث لتجنب الخطورة مسلا لولا المخاطر الموجودة في الامراض والبكتيريا ما كناش عملنا الدراسات دي كلها وما كناش اكتشفنا العزمة بتاعة ربنا سبحانه وتعالى في الحفز - 00:46:27ضَ

فهي الحقيقة السبب التالت بقى الخطورة دي بتخلينا نلجأ لله. لما يعني حضرتك تقصد ان الخطورة هدفها اشعار البشر بانه محتاج يدور على يعني. بالزبط. اه. هو دلوقتي يعني انا هقول لك مسل بسيط لو انا رحت لمحامي - 00:46:40ضَ

وقلت له انا عندي قضية بسيطة فهو طبعا آآ قصدي عندي قضية يقول لي دي بسيطة. فغالبا مش هاروح له. يعني اسيب المبلغ وامشي وخلاص لكن لو قايل لي لا دي قضية خطيرة جدا - 00:47:02ضَ

وانت ممكن تتحبس فيها لو انا حسيت بخطورة بقى غالبا هتابع مع محامي. وهحاول ابقى قريب منه. ولو قدرت انام في المكتب بتاعه يبقى احسن عشان اؤمن نفسي. فهو انا اعتقد ان هو ربنا سبحانه وتعالى اراد ان هو - 00:47:12ضَ

يخلينا نهرب له خلق لنا اخطار كتير جدا وهو واقف فاتح ايديه كده مستنينا هو بيزقنا بالاخطار اللي هو خلقها دي آآ وهو على اساس ان احنا ندور على حاجة تحمينا من الاخطار الضخمة الموجودة. وما فيش حد يقدر يحمينا من اللي انا قلته ده - 00:47:24ضَ

يا دكاترة ولا سياسيين ولا رجال اعلام ولا رجال فن ما فيش غير ربنا سبحانه وتعالى. اللي يقدر آآ يأمنا من الاخطار دي كلها انا اعتقد هو ده السبب اه في خلق العالم بهزه الخطورة - 00:47:40ضَ

سبحان الله! يعني الحقيقة النقطة اللي حضرتك اشرت اليها دي انه ان ربنا سبحانه وتعالى مم يعني غير حتى ما نعرفه من مسألة انه كلف الانسان بعمارة الكون وبالتفتيش في اسراره وما الى ذلك. انما حضرتك بتطرح الحقيقة بعد يعتبر بعد ايماني آآ - 00:47:52ضَ

كبير ان هو هذا الاحساس بالخطر هو اللي بيولد عند الانسان يعني شعوره او احساسه او ادراكه او اكتشافه انه محتاج الى الله سبحانه وتعالى ليحفظ. وانه بدون هذا ربما لا يكون آآ - 00:48:12ضَ

لكن لكن يعني ربما لو الحياة منسابة وليست فيها هذه المخاطر يعني اللي بيجعل الام تخاف على ابنها لها من انه يخرج برة البيت ان في سيارات بتجري. انما لو كان الطريق فرعي داخل قرية ربما لا تخشى ان هو يخرج - 00:48:28ضَ

فربما مسألة الحماية لكن آآ حضرتك كنت اشرت الى انه فيه مؤشر جايز بيبقى داخل الانسان يذكره بالله سبحانه وتعالى. هو احنا اتفقنا ان الاخطار دي كلها يعني الهدف منها يعني في نزري انا ان ربنا سبحانه وتعالى لما بيشعرنا بالخطر بندور على ملجأ فما نلاقيش غيره - 00:48:47ضَ

وده من رحمته يعني ممكن ما كانش خلق الاخطار كنا رتعنا في الارض زي المواشي وكلنا وشربنا وانبسطنا واتجوزنا وخلاص وبعدنا عنه وبعدين هو الهدف في وجودنا في الدنيا. آآ اعتقد ان هو يعني في برضو حاجة تانية - 00:49:07ضَ

هو انه ربنا سبحانه وتعالى حبا لنا وحبا فينا. عمل زي ما نقول او حساس الحساس ده بيستشعر الحاجات الخطيرة الناقصة في الانسان وينبه الانسان عن طريق الاحساس فمسلا الواحد لما بيعطش - 00:49:21ضَ

اما الماية بتقل بيعطش ده حساس موجود في جزع المخ. لما يجوع آآ الاكل يقل بيجوع. ده احساس في جزع المخ برضو وانا كنت بقول للشيخ حازم الحساس ده احنا من النعم بردو ان احنا ما بناخدش بالنا منها - 00:49:36ضَ

يمكن احنا في الشغل بتاعنا ساعات الحساس ده بيبوظ اسناء الجراحة او بسبب ورم او كده لو باظ عادة الشخص الحساس بتاع الماية بتاعه باظ بيموت لو يعني برعاية طبية معقدة جدا عشان نقدر نخليه يعدي - 00:49:48ضَ

بمجرد فقدان الاحساس بالعطش ده يموت. لان انت هتفضل تفقد مية وما تعرفش فده حساس في منتهى الدقة اللي انا بفكر فيه ان ربنا سبحانه وتعالى اكيد ازا كنا محتاجين مية وشرب فاحنا محتاجينه هو. والا هيبقى ان هي مش كويسة - 00:50:02ضَ

فهل من المنطقي ان ربنا سبحانه وتعالى يكون وضع حساس فينا لما علاقتنا به تضعف او نبعد عنه يبدأ الحساس ده يقرفنا شوية في عيشتنا عشان نبدأ ندور على اللي ناقص - 00:50:18ضَ

ده احتمال هل ده يفسر الضيق اللي الناس بتعاني منه مسلا في حياتها ممكن هل ده بيفسر اه حالات الاكتئاب والقلق؟ او على الاقل بعض حالات الاكتئاب والقلق اللي بتيجي للناس. ممكن. هل ده يفسر الناس اللي هي مسلا اسلمت ولما تسألها اسلمت ليه؟ يقول لك - 00:50:28ضَ

آآ الراحة النفسية او البيسوف مايند ممكن هل ده يفسر ليه الناس مسلا اللي هم بعاد عن ربنا يبقى قرفان ومتضايق فيضطر يروح يعمل حاجة يحاول يلهي بها الحساس يشتري مسلا موبايل جديد عربية جديدة بيت جديد - 00:50:43ضَ

ومع زلك اللي بيعمله ده ممكن يلهيه فترة بسيطة ويرجع الحساس تاني يقرفه. مم هل ده مسلا يفسر ليه الناس بتروح تشرب خمرة؟ يعني مسلا اللفز القرآني عن التلهي فعلا. اه. دقيق مع اللي حضرتك بتذكره. بالزبط. يعني مسلا انا - 00:50:57ضَ

اشوف الممسلين سواء في مصر او برة مصر. بستغرب اوي الناس دي خدت شهرة وخدت نجاح كبير جدا وعندهم اصدقاء كتير. وابص الاقي عدد كبير منهم بالزات برة يعني بيتجهوا للخمور - 00:51:13ضَ

المخدرات ليه مع ان هو عنده وسائل السعادة كلها موجودة. انا اعتقد هو في دخله الحساس بيقعد بقى يزن على دماغه يزن على دماغه يعني في حاجة ناقصة في حاجة ناقصة. فيضطر بقى الطريقة الوحيدة وواضح ان هو حساس يعني مش مش سهل يعني بسيط. جامد فبيضطر بقى يشرب خمور - 00:51:23ضَ

الخمرة طبعا بتطفي المخ بالحساسات بتاعته مم. لغاية ما يفوق بعد شوية الخمرة مش هتنفع يضطر ياخد بقى مخدرات. المخدرات طبعا جبارة بتطفي المخ خالص كنت بشرح للشيخ حازم ان الخمرة حالة السكر تعتبر حالة تسمم - 00:51:41ضَ

حالة تسمم للمخ دي عبارة عن سن بيخش يعطل وزايف المخ فالسكر هو حل التسمم مؤقت. فانا اعتقد الحساس ده ربنا عمله رحمة لنا. نحس ان احنا متضايقين فما بكنش للدنيا. وبعدين مسلا انت لما تشوف بتاع الاكتئاب ده - 00:51:55ضَ

تلاقيه فجأة زهق في الدنيا. يعني عنده اولاد عنده بيت عنده زوجة عنده عربيات. فجأة ما فيش حاجة مالية عينه خالص واتضايق ومش طايق نفسه حتى الاية لطيفة قوي اللي ربنا بيقول عليها الناس اللي هم في الغزوة لما تخلفوا عن الغزوة - 00:52:09ضَ

ربنا قال لفظ عجيب جدا قال حتى اذا ضاقت عليهم انفسهم. مم. نفسه ما بقتش ساعة انا عايز مش قادر انا اعتقد هو ده كان لان هو طبعا نتيجة مخالفة الرسول عليه الصلاة والسلام حصل نوع من البعد عن ربنا - 00:52:25ضَ

فده خلاه اورث في نفسه حالة من شبيهة بالاكتئاب فالله اعلم هل الحساس ده هو السبب في بعض حالات الاكتئاب؟ طبعا في حالات اكتئاب مرضي محتاجة علاج ضروري وكده. لكن في حالات تانية آآ بالزات بعد سن الاربعين انا اعتقد الحساس ده بيشتغل بعد الاربعين - 00:52:39ضَ

الواحد الاول بيبقى ملهي اوي في الدنيا وبيجري ورا حاجات كتير. لكن بعد كده بينضج ويبدأ من رحمة ربنا الحساس ده يشتغل في بعض الناس مش في كل الناس. في واحد تلاقيه سعيد بحياته كده ما عندوش اي - 00:52:53ضَ

كده وخلاص. لكن فيه ناس تانية حساسة شوية. مرهفة بيبدأ الحساس بتاعهم ده لو ما ترواش بزكر الله والقرب من ربنا يبدأ بقى هو الحساس ده غالبا شغال طول العمر ولكن الفكرة ان الانسان - 00:53:03ضَ

كان فعلا في البدايات بتكون مسؤولياته قليلة والانعم اللي عنده كثيرة. فدي تعتبر وسائل تنهي كتير بتخليه مش واخد باله احيانا ولزلك يعني اللي تنفتح عليه الدنيا بيبقى عنده من وسائل له ما يلهيه - 00:53:16ضَ

انما ربما كل ما ينتبه ولذلك ربما يكون مسألة الاكتئاب والانتحار يعني ما يطرأ على حياة الناس من هموم برغم النعم الكثيرة سببها انه فعلا فيه حاجة بتقول له انت كده مش طبيعي مش متناسق مع نفسك مش متسق انت في شيء انت محتاج له - 00:53:34ضَ

ومش موجود لكن ربما لما بيجد انه ما ينبهه يعني احيانا آآ كلمة آآ آآ كلا ان الانسان ان رآه استغنى. طيب. يعني كلما زاد الاستغناء وشعور الانسان بانه غير محتاج لا يشعر بهذه - 00:53:55ضَ

نتيجة التلاهي انما لما يبتدي يعني انا اعرف شخص اصيب في امواله اصابات كبيرة جدا وما كانش مهتم لانه بيشتغل يقول احنا اللي بنجيب الفلوس مش الفلوس اللي بتجيبنا وكلام مما يقوله الناس وهو الكلام يعني - 00:54:17ضَ

آآ يناسب جهدهم مثلا او شيء من هذا القبيل وان كان من الناحية العقائدية محتاج ضبط. آآ انما اول ما اصابه شيء اقعده في الفراش مسلا اسبوعين. هم. حصل له اكتئاب شديد وضيق شديد. اه. لانه حس انه الالة اللي هو معتمد عليها في توليد فيما يتصور - 00:54:35ضَ

يعني في توليد الفلوس وتوليد الانواع هي اللي تعطلت. هو كان قبل كده بيصاب بما تولد. انما دلوقتي اصيب في المولد نفسه فبقت المشكلة فربما يكون نقدة الانسان اللي بيشعر فيها يعني انا الحقيقة ادركت ما تقصده حضرتك ان الله سبحانه وتعالى جعل المخاطر تحيط بالانسان من كل جانب حتى يشعر - 00:54:55ضَ

وبانه متلهف متلفت يبحث عن الحماية والحفظ وانه الملهيات اللي في الدنيا بتلهيه عن هذا هي دي اللي القرآن حذره منها الا يتلهى والا ينصرف عن الانتباه اليها لكن اول ما بينتبه اليها يشعر بالاحتياج الى الله سبحانه وتعالى. فيجد لو دخل غرفة العمليات يجد وسائل الحفظ ناطقة لو - 00:55:20ضَ

اه شايف المرصد اللي بيرصد به يجد وسائل الحفز يعني ناطقة. فالحقيقة مسألة اه الشعور بالاحتياج الى الله سبحانه وتعالى ربنا يبارك فيك يا رب العالمين. يعني الحقيقة لو احسنا تذوق هذه المعاني ننتقل نقلة كبيرة جدا. واسمحوا لي يا اخواني ان يعني - 00:55:44ضَ

في يمكن انتفاع مما قيل ان انا اقول انه انه اذا ربنا سبحانه وتعالى جعل نظرنا يتجه الى السماء ويقول وجعلنا السماء سقفا محفوظا وبعدين يقول ان احنا وهم عن اياتها عن اياته معرضون. ومش واخدين بالهم من ايات الحفظ - 00:56:06ضَ

الحفظ كذلك يقول ولا يؤوده حفظهما بعد ان خلق السماوات والارض وخلق الثقلين وخلق الكائنات كلها قال ان حفظ هذه الكائنات مسألة وكلمة الله حفيظ سبحانه وتعالى على كل شيء حفيظا - 00:56:31ضَ

ومسألة انه الانسان لما يعني يقول ايه؟ آآ ان الله يرسل عليكم حفظة حفظ يعني ان الله عز وجل جعل الملائكة حتى انتم عارفين الايات اللي هي آآ وردت في سورة الرعد اللي هي بدءا من قول الله - 00:56:53ضَ

تعالى الله يعلم ما تحمل كل انثى وما تغيض الارحام وما تزداد وكل شيء عنده بمقدار. عالم الغيب والشهادة الكبير سواء منكم من اسر القول ومن جهر به ومن هو مستخف بالليل وسارب بالنهار ثم يقول له معقبات من بين - 00:57:14ضَ

يديه من امام ومن خلفه يحفظونه من امر الله. هي له معقبات من امر الله يحفظونه هذه المعقبات الله ولذلك انا لاحظت فيما قاله اسرنا الفاضل الدكتور خالد انه في آآ خلايا - 00:57:34ضَ

معها آآ معها آآ اسطوانة مطافي وخلايا اخرى معها جهاز زي الايزو زي اللي بيكشف عن المواصفات فهذه الخلايا موجودة يعني بيقول لك ان المخ فيه خلايا تعمل وخلايا تراقب. صحيح. هذه الخلايا - 00:57:53ضَ

الله تعالى عندما يقول معقبات من امر الله يحفظونه له معقبات يحفظونه من امر الله. العوام يقولوا العين عليها حارس. حارس ليه علشان لو ربنا سبحانه وتعالى لو جاءتك من المصائب سلمكم الله جميعا ما جاءت فان الحراس دول شغلتهم ما فيش حاجة تصيبهم - 00:58:16ضَ

ربنا مش عايزة الشيء هيمنعه. ربنا معلش التبسط باللغة العامية ربنا لا يريدها يعني. لانه لفظ عايزها دي مش مزبوطة لانه من العوز وهذا لا يليق بالله سبحانه وتعالى فدي مسألة بس تجري من باب سبق اللسان انما هو لفظ غير دقيق طبعا - 00:58:40ضَ

غير صحيح لا يجوز استخدامه. فاللي انا عايز اقوله انه انه ان الله عز وجل يرسل هذا الحرس امنع المصائب ان تضر بالانسان الا اذا جاء اوان الله خلى بينها وبين العبد خلاص دي حاجة مطلوب انها - 00:58:58ضَ

تصيبك ولذلك الحديث الرائع اللي هي واعلم ان الامة لو اجتمعت على ان يضروك لن يضروك الا بشيء قد كتبه الله عليك هيبقى ده سبب انما غير كده هناك حفظة تمنع هذا الانسان يقول لك ده محفوظ ولذلك يا اخواني انا يعني وان كنت - 00:59:19ضَ

انما هو تداخل الحقيقة في موطنه. انه في حديث بسيط جدا جدا خمس كلمات فقط لو قالها الانسان في اليوم يحفظ بسم الله على نفسي واهلي. بس بابا بسم الله معروفة بسم الله على نفسي واهلي - 00:59:42ضَ

بسم الله على نفسي واهلي. لو قالها فهو محفوظ ولذلك الله عز وجل عندما آآ يعني سن لنا الدعاء اللي هو متعنا باسماعنا وابصارنا وقوتنا ما احييتنا قال واجعله الوارث منا - 01:00:14ضَ

يعني لما نموت تبقى ادوات قوية لا تزال. ما تستهلكش معنا. يعني انا عمري انتهى ولكن هذه الادوات تظل قوية لا تستهلك وعلى فكرة يا دكتور خالد احنا هنبقى طالبين ان حضرتك تشرفنا - 01:00:35ضَ

مرة تانية قريب ضروري علشان مسألة آآ آآ موضوع موت جذع المخ من الناحية الطبية فضروري لان انا انتبهت الان الى هذا. فلكن يعني الحفظ حفظ الله عز وجل مسألة انه لو ان انسان قال مسلا بسم الله الذي لا يضر مع اسمه شيء في الارض ولا في السماء وهو السميع العليم - 01:00:51ضَ

لا يصيب لا يضره شيء. طب لا يضره شيء دي بالتفاصيل اللي تفضل بها الدكتور خالد. ده معناها ان خلايا البدن كلها كل خلية ده بيقول لك انه اتنين مليار ولا كم عشرين ميت مليار ميت مليار خلية لو خلية واحدة منهم - 01:01:16ضَ

الفولت بتاعها نقص من سبعين ملي فولت الى الى خمسين ملي فولت خلية واحدة الانسان يصيبه درجة من درجات المرض الذي ذكرها المسألة مسألة يعني مسألة محتاجة اللجوء الى حفظ الله - 01:01:36ضَ

النقطة التي ايضا احب ان اقف امامها وقفة مهمة واستغفر الله من ذلك لانه انا نفسي كنت اشعر بهذا في الحقيقة اللي هي مسألة الناس اللي بيسلموا ادخل في الاسلام - 01:01:55ضَ

بيقول كلام والله انا كنت بشعر ساعات يعني كما لو كنت اريد ان اقول له قل لي كلام افهمه. احنا بقينا ماديين برضه شوية. يعني عايز انا لقد اقتنعت بالاسلام لان الاية رقم كذا تقول كذا ووجدت كذا. انما الراجل - 01:02:15ضَ

في معظمهم وانتم عندكم البرامج اللي بتتكلم عمن دخلوا في الاسلام تلاقي بيقول لك علشان السلام الداخلي فالهدوء الداخلي عشان الراحة النفسية ايه يا عمي قل لي حاجة افهمها قل لي حاجة بالمادة. لأ هي دي الحقيقة. ان الانسان اتسق مع نفسه - 01:02:32ضَ

ولذلك قال تعالى ومن يرغب عن ملة ابراهيم الا من سفه نفسه كلمة سفه نفسه قد تؤدي فعلا الى انتحار الى اكتئاب الى حريق. الجماعة الاوروبيين بيتغلبوا على هذا ان كل - 01:02:52ضَ

في سنة ولا كل ست شهور تلاقيه غير طقم القاعدة اللي هو قاعد عليها يجيب التليفزيون هنا وينقل الكنبة هنا يغير الوان البيت يعمل علشان التلهية هو مش متناسق مع نفسه. لذلك نحن - 01:03:09ضَ

حاجة ان نشعر ان حفظ الله للانسان يتطلب ان يتذوق الانسان جمال الذكر ذكر الله انه بسم الله على نفسي واهلي. وبسم الله الذي لا يضر مع اسمه شيء. وبسم الله آآ مسألة كبيرة - 01:03:25ضَ

انت تتكلم عن الله الحفيظ الذي لا يؤوده لا يعضله ولا يتعبه ولا يشق عليه حفظ السماوات والارض ايها الاخوة الوقت طبعا انقضى وآآ الحقيقة آآ تسمحوا لي بنقاط محددة - 01:03:44ضَ

اولا ان شاء الله وانا مضطر ان احنا غدا باذن الله تعالى سنتناول الحديث عن الاحداث التي تمر يعني مسألة احداث الصعيد والنصارى والمسلمين والحوادث التي حدثت وما يتعلق بمظاهرات الاقباط المهجر وما الى ذلك - 01:04:05ضَ

ما يتعلق الجدار وما الفتاوى التي صدرت آآ ان شاء الله نتناولها ولعلي ايضا آآ ان شاء الله اجتهد في ان نجد لقاء في يوم الخميس او الجمعة بس هيكون حداشر مساء برضه لانه الحقيقة الاحداث كثيرة مش هنقدر نؤديها - 01:04:25ضَ

فيها كلها الا ازا فتحنا شوية وقت. آآ النقطة ايضا التي اريد ان اقف امامها الاسبوع القادم في مثل هذا اليوم سيكون شهر المحرم انتهى خلص احنا النهاردة تقريبا يوم خمسة وعشرين ربما او - 01:04:45ضَ

يعني اربعة وعشرين محرم يعني خلاص لم يبق الا ايام قليلة وتلك ايام الله فالله لا اقصد الايام التي اشارت اليها الاية وذكرهم بايام الله هذه مسألة اخرى. انما تلك نفحات الله ورحماته - 01:05:05ضَ

المحرم شهر الله شهر الله المحرم وهو اخر الاشهر الحرم سنبقى بعدها شهر صفر وربيع وربيع وجماد وجماد بعيدين عن الايام التي ورد فيها آآ خصوصية من لذلك اذا علمنا ان افضل الصيام واحبه الى الله بعد شهر رمضان شهر الله المحرم - 01:05:22ضَ

ونعلم انه لم يبقى الا شوط قليل. كيف تطيب انفسنا بان نفلته المسألة التي لا بد ان نقف امامها ان افلات العمر افلات الحياة انه ييجي الاحتضار يجي الموت والانسان ينظر وراءه فيجد عمرا كاملا قد مر - 01:05:53ضَ

مسألة بتيجي من من التهاون او الاستهانة بمرور اسبوع او ايام باقية في فضل الله. اذا علمتم ان الله يحب هذه الايام فاسعوا الى هذه الايام. المسألة التالية انني فعلا آآ يعني على وعدي مع اخواني لولا بس الاحداث - 01:06:13ضَ

التي جدت انه الامور الملتهبة يعني الرسالة التي تلقيتها ايضا في هذا الاسبوع ممن كان يعمل تحت عنوان زي العبقري الفلكي وما الى ذلك كان مسألة آآ الابراج وانه هل فلان اللي من برج الجدي يتجوز فلانة اللي من برج الجوزاء ولا فلان اللي من برج العقرب يتزوج فلان اللي من برج الحوت - 01:06:33ضَ

يعني الحقيقة تلقيت ان شاء الله انا عارف ان بدء السنة الجديدة واللي هيخليني اتناول هذا هو اسماء الذين فوجئت وفتحت فعلا فوجدت انه فعلا يقولون بهذا وهذا يعني لابد من ضبطه. لانه ليس منكرا بنسبة مية في المية وليس آآ شرعيا - 01:06:56ضَ

اصلا فالمسألة لابد من ضبطها على حال كهذا. ايضا ان شاء الله ما يتعلق بمسألة آآ يعني العادات والتقاليد وما الى ذلك وايضا الذين يرتدون للعمل في الى في التمثيل ان شاء الله هذه الامور - 01:07:16ضَ

تناولها باذن الله تبارك وتعالى. لكن اسمحوا لنا ان يكون لقاؤنا سواء غدا او ازا استطعنا يوم الخميس او الجمعة يعني على حداشر مساء او شيء يكون متأخر شوية معلش تسهروا انما باذن الله تعالى نصفيان المسألة محنة فزيعة وها قد رأيتم غزة - 01:07:36ضَ

الصهاينة بيهددوا بضربها وخلاص اصبح بقى ضهرهم للجدار الفولاذي فدول يضربوا ودول يضربوا ودول يقولوا هنعمل جدار اخر مسألة لابد من وقفة امامها فيها ايضاح وفيها اه تعميق. فان شاء الله بمشيئة الرحمن غدا سنضطر اضطرارا الى - 01:07:56ضَ

مرة اخرى يعني مسيرة ما نتحدث فيه للتوقف امام هذه الاشياء. يا دكتور خالد انا يعني جزاك الله خيرا فتحت اه اه يعني يا مبيع للايمان جعلت الانسان يشعر انه يعني محتاج الى حفظ الله عز وجل. انا بشكر حضرتك جدا - 01:08:16ضَ

نشكر الاستاز الدكتور خالد بسيم استاز جراحة المخ والاعصاب في آآ جامعة القاهرة كلية الطب. وآآ وما فتحه لنا من وكما قلت لكم ان الله عز وجل ابى ان يأتي الايمان من الكتاب الشرعي فقط ابى الا ان ياتي ايضا من كتاب - 01:08:36ضَ

الكون والتدبر فيه وفي انفسكم افلا تبصرون ولقد خلقنا فوقكم سبع طرائق آآ خلق الانسان فنحن الله عز وجل على فضله وكرمه ونلقاكم على خير يا رب العالمين في الاسبوع القادم ان شاء الله. شكر الله لكم والسلام عليكم ورحمة - 01:08:56ضَ

الله وبركاته - 01:09:16ضَ