ان الحمد لله تعالى نحمده ونستعين به ونستهديه ونستغفره ونعوذ بالله تعالى من شرور انفسنا وسيئات اعمالنا. من يهد الله فلا مضل له ومن يضلل فلا هادي له. واشهد اشهد ان لا اله الا الله وحده لا شريك له واشهد ان محمدا عبده ورسوله وبعده فان اصدق الحديث كتاب الله تعالى وخير الهدي هدي محمد صلى الله عليه - 00:00:00

عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار ثم اما بعد. آآ في كتاب فقه الخلاف الى قول المصنف حفظه الله آآ امسلة على الخلاف السائغ في الامور العلمية الفقهية. قال وهي اكثر - 00:00:27

من ان تحصى لكننا نشير الى بعض المسائل التي تعم بها البلوى. مما قد يسبب شقاقا ونزاعا بين ابناء الصحوة. هو اختيار الشيخ للمسائل ديت اختيار بناء على صبر الواقع من خلال آآ رؤية الواقع والتعاون في الساحات الدعوية المختلفة المساجد والجامعات - 00:00:47

آآ المحاضرات والندوات وغيرها. والمؤلفات كان يقع آآ آآ نوع من الجدل والشقاق بسبب هزه المسائل التي ذكرها الشيخ وبقصده هنا ان ينبه على ان يا اخوة هزه المسائل مسائل خلاف سائغ يعني يسع فيها - 00:01:07

بخلاف ولا ينبني عليها الشقاق والتفرق وغير زلك. فبيقول على سبيل المسال آآ الاختلاف في كسير من امور الوضوء والصلاة واحد كوجوب المضمضة والاستنشاق او استحبابهما. ووجوب الترتيب في الوضوء. او استحباب - 00:01:27

يعني هل المضمضة والاستنشاق واجبة ولا مستحبة؟ هي مشروعة بالاتفاق. مسألة واجبة ولا مستحبة؟ اللي هيقول بانها مستحبة ده خلي بالك كلام الجمهور التاني بقى يقول له لا مستحب ده اللي مش هيتمضمض وضوءه باطل وصلاته باطلة. طيب ماشي هو ده قول بس انا باخد من كلام الجمهور - 00:01:47

معارك بقى وكلام فيه فظاظة وغلظة ناس يقول لك ايه لا وفيه حديس آآ ازا توضأت فمضمض. طب والحديس ده آآ مين اللي قال به؟ ده صححه الشيخ الالباني. طب - 00:02:07

وعفو غيره ندخل في المتاهة بتاعة بقى لأ ده صححو فلان لأ ده تعفو للقصة دي هو بيقول لأ المسألة سهلة وهنشوف دلوقتي ده مش معناه ان كل واحد ياخد اللي على مزاجه بس - 00:02:17

عايز اقول لك هو بيضرب امسلة للمسائل السهلة اللي ما يصحش انها تاخد من الناس لا وقت ولا جهد ولا حدة ولا شقاق. بيقول واه وجوب الترتيب في الوضوء او استحبابه. يعني هل يجب ترتيب الوضوء؟ وترتيب الاعضاء في الوضوء؟ ولا الترتيب اللي ورد في القرآن ده مستحب - 00:02:27

ورد في حديس حمران المولى عثمان ده مستحب. على قولين ايضا. ووضع اليد اليمنى على اليسرى على الصدر بعد الركوع او ارسالهما الواحد لما يرفع بعد ركوع سمع الله لمن حمده يقبض اليد اليمنى على اليسرى على الصدر كده زي هيئة القيام لقراءة الفاتحة - 00:02:47

ولا يرسل؟ دي من المسائل اللي برضو وقع فيها نزاع بين آآ ابناء الصحوة وطلبة العلم فيها وكذلك النزول على الركبتين او على اليدين الى السجود. وقراءة الفاتحة خلف الامام خاصة في الجهرية - 00:03:07

هل قراءة الامام له قراءة؟ ولا يلزمه انه يقرأ الفاتحة؟ وجوبا وكذلك مسألة الاعتداد في ركعة بالركوع ولا يشترط قراءة الفاتحة؟ في صلاة المسبوقة يعني واحد دخل وهم راكعين. يحسبها ركعة ولا لا - 00:03:27

واخد بال حضرتك؟ جلسة الاستراحة وتركها. هل جلسة الاستراحة؟ هل جلسة الاستراحة دي بيعملها الانسان للحاجة كأن يكون حمل اللحم او اصابه زمان او مرض او اسن او ذلك يتقدم في - 00:03:47

السن حمل اللحم يعني بقى بديل يعني. عنده زمان يعني عنده بقى خشونة في ركبته عنده حاجة يعملها لحاجة من كده ولا هي جلسة الاستراحة دي من هيئات الصلاة اصلا - 00:04:07

مطلقا بغض النزر عن حاجة خلاف بين العلماء. وتلاقي بعض الناس بيعمل فيها مشكلة كبيرة جدا بسبب حكاية انك تجلس جلسة الاستراحة في السعودية وانا يا عم عملت حاجة واخد بالك؟ وبرضو مسألة بطلان الصلاة في المساجد التي بنيت على القبور او كراهتها كراهة تحريم - 00:04:17

مع الاجزاء. خلي بالك في اه اتفاق على تحريم بناء المساجد على القبور. اصل فيه اتفاق على تحريم بناء القبر وتعليته وتشييده. وفي الاتفاق على التحريم على انك تتخز ايه - 00:04:37

مسجد على القبر. الاحاديس في زلك ايه صريحة. وقع الخلاف بين العلماء بقى خلاص هو فيه مسجد حاليا وفيه منه قبر. وواحد دخل يصلي فيه. الحل ايه ايه يعمل ايه الراجل اللي بيصلي ده بقى؟ هل صلاته صحيحة؟ مع الكراهة؟ ولا صلاته صحيحة - 00:04:57

مع الاسم ولا صلاته باطلة؟ مع الاسم طبعا. هو بيقول هنا الخلاف ما بين هي صلاة طوب باطلة ولا آآ مكروهة كراهة تحريم؟ وهو طبعا الشيخ ما زكرش القول التالت ده. والمسألة دي فيها تفصيل. ابن تيمية زكر التفصيل ده بيقول - 00:05:17

واحد داخل يصلي التبرك بالقبر او اعتقاد ان هزه البقعة افضل من غيرها او التوسل او غير زلك لأ تبطل صلاته. يعتقد دي فيها فضيلة او بيتبرك بهزا المكان افضل صلاته. طيب لو داخل آآ يصلي في المسجد اللي فيه قبر اتفاقا كده اتفاقا يعني بدون آآ - 00:05:37

اه قصد اخر غير الصلاة بس وعايز يصلي بس مش عايز حاجة تانية. لكن قريب منه كان في طريق وهو ماشي اه دعوه لفرح كده. يصلي بقى ولا ما يصليش - 00:05:57

هو الشيخ بيقول هنا دي كره بكرهها كراهة تحريم. والحقيقة ان في كتير من الفقهاء متأخرين المزاهب المختلفة بيقولوا على على الكلام ده بالايه؟ بانها مكروهة مطلقة خمس قرية التحرير. والكلام ده قاله الشيخ الالباني في اه كتاب وتحذير الساجد في اتخاز القبور من اتخاز القبور مساجد - 00:06:07

وقال ان المسألة يعني لو حد عنده فيها مزيد علمي يفيدنا فيها. وهي فعلا مسألة من مسائل الفروع. يعني بعد القراءة في الاقوال المختلفة هي مسألة من مسائل اه اه الفروع. مسألة - 00:06:27

من مسائل الفروع وحتى لو كان الدليل فيها قوي جدا يعني يصعب ان انت تلغي وتقول ما فيهاش خلاف. يصعب جدا لما تقرأ انت في المسألة تقول ان ما فيهاش خلاف - 00:06:37

طيب اا بيقول طبعا كل ده لو كان القبر جه في المسجد اما اختلفوا بقى الخلاف اضعف اكتر لو كان القبر في حجرة منفصلة خارج المسجد. بس داخل الاطار بتاع وقال بقى لو - 00:06:47

القبر بعيدة. يعني اسمه قبر فلان اللي جنب المسجد لكن فيه بينهم شارع او سوق او طريق او غير زلك لا خلاص المسألة دي ايه؟ لجائز الصلاة فيها بلا نزاع - 00:07:07

والمسألة دي زي ما قلت لحضراتكم كده من المسائل اللي محتاجة الناس توسع صدرها فيها وتتفاهم فيها كويس المسألة علميا واضحة فين. لكن آآ الدليل فيها دل قوي النبي صلى الله عليه وسلم هو ايه اللي بيخلي الشيخ هنا يقول او كراهيتها كراهية تحريم على الاجزاء زي كلام ابن تيمية زي ما بيقول يعني حسن الزن بالائمة - 00:07:17

ان ما يقولوش على الادلة اللي بتقول لعن الله اليهود والنصارى اتخذوا قبور انبيائهم مساجد الا فلا تتخذوا القبور مساجد اني انهاكم عن زلك ونقول ان هي مكروهة بس. قطعا كلام العلماء هنا يحمل عليه. انما كره كراهية ايه؟ تحريم. الكلام ده بالنسبة لي انا كلام قوي - 00:07:37

بس انا مش هينفع الغي اني اقول ان عمة او كتير من المتأخرين في المزاهب بيقولوا لأ هي مكروهة كرهت التنزيه مش كراهة التحرير. ده مش في حتى متأخري المزاهب ده المحدس العصري الشيخ الالباني رحمه الله لما اتكلم في تحزير الساجد زكر هزا الكلام. زكر هزا الكلام وعزاه للجمهور كمان. خلاص يا اخوانا - 00:07:57

وان كان اللي اعمل به واللي آآ الظاهر والله اعلم. وده ترجيح الشيخ ايضا وده كلام ابن تيمية ان هي يحرم الصلاة فيها بدون آآ اه قصد التبرك ولكن تجزئ يحرم الصلاة فيها بدون قصد التبرك ولكن تجزئ يعني ما يقولوش عيد الصلاة تاني - 00:08:17

طيب بيقولوا اتفاقا اللي هو معدي وقال لك انا كسلت اروح في مكان تاني اه يحرم عليه هو يعمل حاجة حرام لان النبي قال له الا فلا تتخزوا قبور من ساجد. اني انهاكم عن زلك. وقال لعن الله اليهود والنصارى. اتخزوا قبور انبيائهم مساجد. يحزر ما صنعوا. كلام واضح اهو - 00:08:37

المسألة ديت مسألة مهمة للاخوة تاخد بالها منها. بس هنا مقام طرح المسألة علميا. لكن انا بقول لك هو كلام ابن تيمية قوي جدا بصراحة فعلا زاهر الادلة الادلة في الصحيحين يا اخوانا. زواهر الادلة كده ما يمكنكش فعلا ان انت ايه تتجاهلها. طيب - 00:08:57

آآ بيقول ووجوب قضاء الفوائت المتروكة بدون عذر. اللي اللي ترك صلاة صلاة فريضة بدون عزر يعني بدون سفر بدون عزر يعني بدون نسيان او بدون ايه؟ نوم او غيره دول - 00:09:17

شرعي قد ترك الصلاة يقضيها ولا لا يقضيها؟ عامة العلماء عامة العلماء من المزاهب المختلفة على وجوب قضاء الفوائت خلف في زلك اا داود الظاهري ابن حزم وتبنى هزا القول ابن تيمية وابن عسيمين وابن تيمية ابن عثيمين بيقول - 00:09:37

الاصل لا يشرع عليه قضائها اصلا. يعني لو قضاها مش هتجزبه هو يكسر من النوافل. لا يشرع له قضاء لا يشرع عليه ايه؟ خلاص. قال هي مؤقتة بوقت ورخص لمن كان له عذر ان يقضيها في غير هزا الوقت. فمن لا عذر له ايه الدليل على انه يقضيها؟ بس برضو بنقول - 00:09:57

ان جماهير العلماء علاء وجوب قضاء الايه؟ الفوائت. المتروكة بدون عزر. يقول وصلاة النفل الذي له سبب في اوقات الكراهة كتحية المسجد غير ذلك كسير. ومنها الاختلاف في مسألة اختلاف المطالع في رؤية الهلال. وهل لكل بلد رؤيتهم ام - 00:10:17

الزموا جميع البلاد رؤية بلد واحد. بيقولوا هنا جميع البلاد اللي بتشترك في جزء من الليل. والا فابن عبدالبر نقل الاجماع ان لو فيه واحد في المشرق زي الصين وفي واحد في الاندلس مش هيجب على ده انه يصوم بصيام ده واخد بالك ازاي فهو لازم يكونوا بيشتركوا مع بعض في ايه في جزء من الليل - 00:10:37

فهل لكل بلد رؤيتهم ام يلزم جميع البلاد رؤية بلد واحد؟ برضه المسألة دي من مسائل الخلاف السائغ ودي اللي كان بيحصل فيها بقى ايه؟ مشاكل كتير جدا بين الناس - 00:10:57

واللي يندب للانسان فيها او اللي يلزمه ان هو مهما ترجح لديه من قول لا ينبغي ان يحدس فتنة بسبب هزا القول. يعني لو انت بتاخد باتحاد المطالع والسعودية فيها بكرة رمضان وانت آآ مصر ما فيهاش بكرة رمضان. تعمل ايه؟ خلاص صوم. بس مش لازم تطلع تعمل اعلان واليوم الكلام ده كله كان قبل الفيس - 00:11:07

اطلع قبل قصة الفيسبوك بقى دلوقتي هيطلع بقى يكتب بقى ايه وصيام رمضان ويحسسنا كلنا ان هو عمل ما حدش عمله. او العكس كانت تبان اكتر فين بقى؟ في العيد - 00:11:27

اللي الناس بتبقى معتكفة والناس تبقى في المزاج وتلاقي اخوة عاملين لوحدهم صلاة عيد لوحدهم كده. في مكان لوحدهم ساحة لوحدهم والناس كلها صايمة. ودول يصلوا العيد لوحدهم في مع نفسهم في الشارع كده. والعسكر تطلع تضربها وكان موال ما يعلم بيه الا ربنا. حصل الكلام ده كله حصل. نتيجة قلة الفقه في التعامل مع هزه الايه؟ الاشياء - 00:11:37

مع ان الاقرب من جهة الدلالة الاقرب نسبي يعني. ان هي لكل بلد رؤيته. لان هو بيقول لك صوموا لرؤيته وافطروا رؤيته. هو انت لما تيجي تفطر تفطر على ادان السعودية ولا ادان مصر - 00:11:57

يعني انت بتفطر انت انت رابط نفسك في الفطار والصيام بايه؟ وده حديس آآ قريب اللي هو في صحيح مسلم اسمع وغيره بقى ما علينا يعني لكن المسألة في النهاية مسألة فاسعة. المسألة فيها سعة ودي من المسائل اللي حكم الحاكم فيها يرفع الخلاف. يعني لو جه مفتي - 00:12:07

او جه اه شيخ الازهر او ايا كان الحاكم الشرعي في اللي هو له سلطة دينية يعني. وقال احنا هناخد القول الفلاني كزا احنا نتبعه في المسألة دي ومنها الاختلاف في وقوع الطلاق المعلق او عدم وقوعه ووجوب كفارة اليمين. الطلاق المعلق يقول لها ان خرجت فانت طالق - 00:12:27

ان خرجت فانت طالق. ده علق الطلاق على الخروج. جمهور العلماء عليه ان الطلاق ده يقع. لو فعلت ايه؟ الامر ده. خلف في ابن تيمية مش لوحده طبعا وفيه يعني اقوال في كل مذهب لكن المشهور بالمزاهب وعامة العلماء على ان الطلاق ده يقع. ازا وقع الشرط. آآ - 00:12:47

زي ما بيقول لا هو ده يمين ازا نوى به امتى بقى؟ مش في كل مش اي طلاق معلق على فكرة. يعني هقول لمراته انت طالق ازا خرجت ازا اشرقت الشمس او ازا - 00:13:07

ضربت الشمس ده مش ده الطلاق المعلق اللي ايه ده هو بيقول له علقه ازا اراد به حض نفسه او حض غيره او منع نفسه او منع غيره او التهديد. يبقى ده ساعتها - 00:13:17

لقيتها ايه هياخد على قول ابن تيمية قول موجود في المزاهب المختلفة لكن خافت القول ده خافت عمت المزاهق عمت تبقى علماء في المذاهب على القول الاخر اللي هو ان يقع الطلاق. لان كلام ابن تيمية قوي. وده اللي بتاخد به بقى لجنة الفتوى في مصر. ابن تيمية احلو دلوقتي. بياخدوا فتوى ايه - 00:13:27

والقضاء المصري نفسه بياخد الكلام ده. والسعودية نفس القصة طبعا بياخدوا الكلام ده. كلام ابن تيمية في مسألة الطلاق المعلق دي وحقيقة كلامه قوي برضو كلام المذهبية في المسألة ديت مع انه خلاف قول الجمهور بس كلامه قوي. بس ده بنقول اهوت ايه؟ لازم اما الاقي حد ما حدش يفتي بقى من دماغه بقى. المسألة دي محتاجة - 00:13:47

ان يبقى معروف نية الزوج ايه نية الزوج وهو بيقول الطلاق ده ان خرجت تبقي طالق كان نيته ايه؟ يهدد ولا عقد العزم فعلا كده على فكرة يجي لك اخوة يقول لك انا كنت بقول وعاقد العزم ان هي لو طلعت بطالة. يبقى جاي مريح نفسه ومريحنا معه. يا ابني هي طالق اتوكل على الله - 00:14:07

اه هو جاي اه عايز خلاص كده. وطبعا ده باب كبير بقى من ابواب الوسوسة. فيه ناس اتدمرت نفسيا بسبب الحاجات دي. واحنا بنقول بقى برضه حتة جانبية كده ايه - 00:14:27

يعني الطلاق ده مش لعبة الطلاق ده ربنا شرعه لحل عند استحالة العشرة عشان من محاسن الشريعة الاسلامية ان يجعل لك مخرج هي هي مش تأبيدة واحد دخل في الزواج واستحالة العشرة هو فيه تلات حاجات. المودة والرحمة والسكن. دول تقوم في الاية بتاعة سورة الروم يبقى في - 00:14:37

كم لتسكنوا اليه؟ وفيه مودة وفيه رحمة دول تلات حاجات اهم. لو التلاتة اختفوا من البيت خلاص يبقى ايه الطلاق مخرج ورحمة من ربنا سبحانه وتعالى في وقت زي كده. يبقى - 00:14:57

ساعتها بنقول الطلاق ده مش لعبة عشان الطلاق ده الطلاق له احكام يطلق المرأة طلقة واحدة في طهر لم يمسها فيه. ولا تخرج من بيتها فترة العدة. لا تخرجهن من بيوتهن ولا يخرجن الا الى تاب فاحشة مبينة. ويعطيها حقها كامل. يبقى ده الطلاق الشرعي اللي ربنا امر به - 00:15:07

او اللي ربنا سبحانه وتعالى اباحه وشرعه لعباده. اما غير كده بقى يتنرفز عشان ما حطتلوش العشاء ويقول لها انت طالق. اتنرفز عشان مش عارف ايه الواد جاي متأخر من الدرس يقول لها انت طالق. كلام فاضي كله - 00:15:27

وطبعا بيكون طلقها وساعات اطلقها في آآ طهره وجمعها فيه وساعات يطردها من البيت. كل ده امر غير جائز وكل ده اسمه الطلاق البدعي. نرجع لكلامنا ان وقوع الطلاق المعلق ولا عدم وقوعه يبقى كفارة يمين ابن تيمية بيقول مش في كل انواع الطلاق المعلق الطلاق المعلق اللي يقصد منه حضه نفسي او غيره او منع نفسي او غيره او التهديد - 00:15:37

ده هيكون حكم حكم اليمين. يبقى كفارته كفارة يمين. ولا يقع به الطلاق. ابن حزم بيقول لا هو ما هوش يمين اصلا ولا هو طلاق ولا اي حاجة ولا يلزمه كفارة كمان. خلاص؟ مسألة تانية برضه كذلك تلقي الثلاث بلفظ واحد. هل يقع ثلاثا ام واحدة - 00:15:57

تقول لها انت طالق ثلاثا. ده جمهور العلماء بيقولوا ايه؟ انها تطلق بالتلاتة خلاص والمسألة دي برضو خالف فيها ابن تيمية وغيره وكلام ابن تيمية قوي. لأ ان هي طالق ثلاثا يبقى - 00:16:17

المقصود بها ايه؟ تقع واحدة. وفاها بقى اسر عمر والحديس ابن عباس وغيره المسألة فيها كلام كتير. لكن نبقى عارفين بس ان الجمهور على خلاف الكلام ده. والطلاق مش لعب يا اخوانا - 00:16:37

يعني كده الواحد لما يقعد يدخل في المدايق ديت حتى لو حد افتدي انت بتخلي بالك فتوى على خلاف قول الجمهور ديت يعني حاجة بيبقى الواحد قلبه تعبان منها فانت ليه تحط نفسك في المضايق دي كلها - 00:16:47

طيب ومنها الخلاف في وجوب ستر المرأة وجهها عن الرجال الاجانب او استحبابه فقط يبقى مسألة الايه؟ ستر الوجه؟ ولا واجب ولا مستحب؟ اللي هو النقاب والقفازين. ومسألة واحدة يعني قابل قفازين. بس هتواجه الكفين ولا استحبابهم؟ طيب ومسألة الجلباب واجب الجلباب ولا مستحب - 00:16:57

الجلباب اللي هو ايه؟ اللي هتلبسه فوق كل لبسها. واخد بالك؟ ده واجب ولا مستحب؟ المسألة دي برضو مسألة فيها خلاف بين اهل العلم ان كان الاجماع العملي للمسلمين ان فعل الحرائر واهل المروءات ان تستر المرأة الحرة وجهها. بغض النزر عن - 00:17:27

عن البحس هو واجب ولا مستحب؟ كانوا يعدوا ده ان ليس من المروءة ما فيش واحدة بتطلع ماشية في الشارع بوشها. بغض النزر عن الحكم. انت عارف بالزبط زي ايه؟ احنا بنقول عورة الرجل من السرة للركبة. بس - 00:17:47

تلاقي واحد ماشي في الشارع كده لوحده كده لابس ايه لابس بنطاكور من غير حاجة كده وماشي لوحده في الشارع كده. لان انا يا جماعة ماشي مغطي عورتي من الصورة ما بحسوش فيها كده. ده مخالف للمروءة. ده مخالف - 00:17:57

للمروءة. وطبعا دي من المسائل بقى اللي صار فيها نزاع كبير جدا. اللي هي وجوب ستر الوجه ولا استحبابه. عشان الشيخ الالباني رحمه الله كان يقول بالاستحباب اه علماء المملكة الشيخ ابن باز وابن عثيمين وغيرهم كانوا يقولوا بالوجوب. وكان بقى للاسف بعض الناس ردت على الشيخ الالباني رد فظيع جدا يعني قالوا بقى داعية السفور - 00:18:07

الشيخ القبيل ما كانش داعي للسفور. الشيخ الالباني عالم عن علماء الحديس وترجح لديه قول في المسألة وهو متأهل لان يتكلم فيها. واتكلم بقى عن الحديس وان كان الشيخ الالباني يعني ايه؟ احتج بحديث اسماء والحديث فيه علل كثيرة لكن في النهاية المسألة مسألة ايه؟ مسألة خلاف سائغ ودي مهمة جدا نبقى عارفينها - 00:18:27

طيب اما القول بانه بدعة زي اللي كان بقى طالع هنا في مصر وقال ان الايه تحزير الاصحاب او تزكير الاصحاب بتحريم النقاب. لأ ده قوله بقى غير سائغ لان في اجماع على مشروعية النقاب. وانه طاعة - 00:18:47

وان المرأة مأجورة عليه. والخلاف هل هو مشروع وجوبا ولا استحبابا؟ واخد بالك ولذلك الشيخ الحويني ربنا يحفزه لما كان يتسأل. الشيخ الحريبي بياخد بكلام الالباني رحمه الله. ياخد النقاب مستحب. فما كان حد يسأله في المحاضرات العامة - 00:19:07

وبيقول ايه؟ حكم النقاب بيقول مشروع بلا شك. ومشروعية النقاب لم يختلف عليها احد. هو طبعا عمة اللي قاعد بيسمع مش ايه؟ مش سألته مرة صراحة كده سنة ستة وتسعين. قلت له لابسة خمار حرام عليها؟ قال لي لأ. كنت - 00:19:27

اه كانت مسألة نزلت به انا شخصيا فقلت له لابسة خمار حرام عليها؟ قال لي لا ما تلبسهاش حرام عليك. لكن بقى اللي في الفتاوى العامة طب ما هو في ناس عندها النقاب ده ممكن يكون - 00:19:47

جايب ورا منه خير كبير جدا بالزات لما بيصير شعار للغربة وبيصير كزا ويصير كزا فلو واحدة نزعت النقاب لا يمكن يقع فيها تساهل في حاجات كتير. او ما ينفعش تحل ما حرم الله او تحرم ما احل - 00:19:57

ولكن في نفس الوقت في حاجة اسمها سياسة العلم وكيف تفتي؟ ده بس عشان نبقى فاهمين المسألة دي. اللي هيقول بقى ان النقاب مش مشروع ده يبقى كلامه ايه؟ اه ده خلافه غير سائغ. ده خلافه غير سائغ. ومنها الخلاف في التصوير الشمسي الفوتوغرافي. هل هو داخل - 00:20:07

في المنهي عنه ام لا؟ انت عندك الشيخ ابن محمد ابن ابراهيم والشيخ ابن عثيمين بيقولوا بجواز التصوير الفوتوغرافي. ما لم يكن بقى فيك عورة مكشوفة ولم يكن فيه تعظيم اللي هو ايه الضابط لكن الصورة الفوتوغرافية مش داخلة في الاحاديس بتاعة اشد الناس عذابا يوم القيامة المصورون. الشيخ ابن باز رحمه الله والشيخ الالباني - 00:20:27

رحمه الله كان يقول بانها ايه؟ التصوير الفوتوغرافية محرمة. مأخز المسألة ايه؟ ان انت عندك ادلة بتقول بتحريم تصوير التماسيل انك تعمل التمثال ده حرام ما فيهاش كده التمثال ده فيه الروح يعني. الاحاديث متضافرة كذلك في الصحيح والسنن وغيرها بتحريم رسم - 00:20:47

اه الصور ذوات الايه؟ الارواح. وكذلك الادلة بتبيح استعمال المرآة فانت عندك بقى الصورة الفوتوغرافية ديت بيتنازعها حاجتين اللي هيقول هي حبس الظل هيقول لك ايه الفرق بينها وبين المراية - 00:21:07

الصورة اللي بتيجي في المراية. اللي هيقول لأ ده هي بتنقل الصورة على ورقة هقول لك ايه الفرق بينها وبين الرسم فهمت انت المأخز هنا؟ فالمسألة دي من مسائل الايه؟ الخلاف السائغ. الشيخ ياسر هنا بيرجح او من زمان بيرجح مسألة الايه؟ بيرجح كلام - 00:21:27

سيدنا محمد ابن ابراهيم رحمه الله ابن عثيمين رحمه الله. خلينا كلام ابن عثيمين ده موجود في آآ القول المفيد ايه؟ اه صحيح مطبوع متأخر عن القول المفيد من زمان خالص القول المفيد في شرح كتاب التوحيد. كان بقى ايام الانتخابات يقول لك شف بقى السلفيين - 00:21:45

راجعوا في كلامهم كانوا بيقولوا الصور حرام والناس اللي ما عندهاش مبدأ والناس اللي ما لهاش كلمة يا جماعة مسألة خلافية من زمان. وما حدش قال انها خلافية. طب وانت سألت وما حدش قال لك - 00:22:03

انت سألت سؤال لك لوحدك فتوى طيب الشيخ او العالم اللي انت بتسأله افتاك بميادين هو لله عز وجل به. وفعلا الالباني رحمه الله كان له شغل شهرة فضية وابن بازه يعني شهرة لا تضاهى في العالم الاسلامي كله. وابن باز رحمه الله بمنصب الرئاسة العامة للافتاء وكان رحمه الله - 00:22:15

امام الدنيا سنوات طويلة بردو والكتب اللي بتطبع والفتاوى وازكار وازكار الاتحاد الاخير وغيرها كانت مالية الدنيا. ففي هزا ايخرج المسألة عن كونها من اول ما طلعت وهي مسألة ايه ؟ خلافية وخلاف ساهر. خلي بالك بقى الالباني رحمه الله ابن باز وكل اللي بيقوله بتحريم الصور الفوتوغرافية وانها حكمها - 00:22:35

الصور المرسومة بيقولوا ان صورة البطاقة والكارنيه جائزة. والرخصة والحاجات دي كلها. وقال لك ما حرم سدا للزريعة ابيح للمصلحة الراجعة والطبيعي التانين هيقولوا بانها ايه بانها جايزة الفريقين هيتفقوا على تحريم السور اللي فيها كشف عورات او اللي هتعظم تلاقي بقى صور كبيرة تعظم - 00:22:55

وتعالى خلاص كده يبقى ده برضو قضية الخلاف في التصوير الشرعي خلي بالك الكتاب ده معمول سنة كام؟ الكلام ده مكتوب سنة كام؟ سنة تلاتة وتسعين. تلاتة وتسعين اربعة وتسعين - 00:23:15

اللي يعني مسلا من كام سنة دلوقتي؟ من اربعة وعشرين سنة. اه من اربعة وعشرين. من اربعة وعشرين سنة. يعني ربع قرن ومنها الخلاف في اكل اللحوم المستوردة من دول اوروبا وامريكا. هل يجوز اكلها ام يحرم؟ المسألة دي مسألة منها على ايه - 00:23:25

ان عامة الناس في دول اوروبا وامريكا نصارى. فبعض العلماء قال لك خلاص احنا ربنا قال وطعام والذين اوتوا الكتاب حل لكم وطعامكم حل له. يبقى لاي زبائح هتيجي لنا من عند اهل الكتاب سواء عرفنا هم عملوا ايه او ما عرفناش احنا بالنسبة - 00:23:45

الامر ده ايه؟ جائز. القول التاني بيقول لك لأ. اولا الاصل في اللحوم التحريم. الحديس اللي في الصحيح فان وجدت كلبك وكلب غيرك فلا تأكل فانك لا تدري آآ اكلبك قتله ام لا. فجعل علة انك لا تدري مانع من انك ايه؟ تأكل في الصيد. الكلب المعلب اللي انت سميت عليه - 00:24:05

طلقتو رحت لقيتو جاب صيد ولقيت معاه كلب تاني ولقيت الصيد واقع في الارض انت منتش عارف الكلب بتاع مين اللي اكل ايه اللي وقع الصوت ده اللي جابه انت بقى تعمل ايه؟ قال لك ما تاكلش. وقال لك ان ضربت الصيد بسهم. حديس عن ابن حاتم - 00:24:31

اه ثم غاب عنك فان وجدته قد غرق فلا تأكل فانك لا تدري السهم قتله قام ايه ام الماء؟ فجعل عدم الدراية في حد زاتها ايه؟ مانع انك يبقى قالوا كده العلماء الاصل في اللحوم الايه - 00:24:51

التحقيق الا انك تعرف. اضف بقى حاجة تانية كمان ان عامة دول اوروبا وامريكا لأ مش نصارى مش اهل كتاب. لا دينيين وعلمانيين وملحدين وكده. طب اضف الى زلك ان الاصل عندهم مش الزبح - 00:25:07

الشرع مش الزكاة الشرعية اصل عندهم الصعقة او الضرب بالمطارق او غير زلك. الخنق بالغاز وبعدين لما نقول طب ربنا قال طعام الزين اوتوا الكتاب حل لكم. طعامهم اللي اباحهم له في الايه؟ اباحه لهم في الايه؟ في في كتابهم. والا فالخنزير من طعام الزين اوتوا الكتاب عليك له؟ طب - 00:25:20

اللي هم خنقوه واحنا عارفين ان هم خنقوه قدام عينينا كده وقدموه لنا ناكله يبقى طب كزلك بقى هيلحق بها ازا سموا غير الله عز وجل عليه قالوا باسم الصليب او بسم المسيح. انت عارف مين بقى اللي يؤكل زبائحهم؟ مش هتتخيل. اليهود. اليهود. اللي هو الكوشير - 00:25:40

كوشير ده اللي هو الطعام اللي ايه؟ اللي على الديانة اليهودية. ده ختم بتاع عشان كده اللي بيبقى مسافر برة بيدور في المحلات الكبيرة يعني ومركزات كبيرة على الايه على الطعام اللي يعلنوه عندهم طقوس الدبح دي متشددين فيها جدا. وما زالوا ياخدوا فيها بكلام التوراة. وطريقة الزبح وغيرها. طيب - 00:25:58

المهم المسألة ديت وقع فيها الخلاف ووقع فيها الخلاف. وزي ما قلت لحضراتكم ده اللي انا بقوله ده اللي هو ايه؟ ترجيح الشيخ ياسر ربنا يحفزه. وبصراحة ده اللي تطمئن اليه النفس يعني - 00:26:18

في مسألة ايه؟ اللحوم المستوردة. خلاف سائغ. الخلاف السائغ انهون في ايه؟ انت ما تعرفش. فلو انت ما تعرفش لكن لو عرفت ان هو غير اه اه ان هي مصعوقة او ان هي ان هي او ان هي غير مسمى عليها او الحاجات دي كلها لأ هيبقى مخالف للدليل يعني - 00:26:30

اه. والمنع. الا ازا عرفت؟ طب دلوقتي بقى لو واحد جاب لك كرتونة مكتوب عليها زحت على الشريعة الاسلامية لأ هي مجهولة برضو مين مين اللي قال ان الناس واحنا بس دلوقتي بفضل الله عز وجل ان ناس كتير اتطورت بقى في المسألة ديت بقى في شركات وبتبعت ناس ويقول لك الشركة الفلانية اللي رئيسها فلان - 00:26:50

طبيب بيطري فلان يعني ايه بيبقى ناس معروفة العين مش مجهولة العين والايه؟ والحال. بيقولوا هزا النوع من الخلاف مسائله من ان تحصى في الفروع. تنبيه هام جدا جدا جدا. ليس معنى ان الخلاف في المسألة - 00:27:10

خلاف سائغ انه يجوز لكل واحد ان ينتقي بالتشهي ايا من القولين دون اجتهاد. فهذا سبيل الى الزندقة والانحلال الشريعة اصلا كما يقول الشاطبي ايه فكرة الشريعة؟ ايه التكليف فيقول الشريعة موضوعة لاخراج المكلف عن هواه - 00:27:30

باتباع مولاه تكليف موضوع عشان كده اصلا ان انت تطلع عن الهوى الهوا ده الميل ميل لنفسه ميل القلب الشريعة موضوعة انك تطلع عن الهوى باتباع المولى سبحانه وتعالى. تطلع الهوا ازاي بقى - 00:27:54

هتطلع الهوا ازاي؟ ان يتحط لك قواعد ويتحط لك احكام واوامر وناوية تلتزمها. فما ينفعش واحد يكون امتساله للاوامر بالايه بالهوا سواء مجتهد او مقلد على فكرة يعني فكرة التخليص من الهوا ده مقصد اساسي في الامر بتاع الشريعة عشان كده لابد من مراعاة جانب التعبد سواء في الاجتهاد او في التقليد. ده امر مهم جدا تحرير القصد - 00:28:10

والنية. يبقى يكون قصد المجتهد البحس عن حكم الله. ويكون قصد المقلد البحس عن حكم الله. بس المجتهد بيعرف يوصل لحكم ربنا بنفسه. والمقلد بغيره. بغيره تمام كده ؟ هنضرب لها مسال عشان تبقى واضحة لنا المرض والصحة الزهاب للاطباء. مما لا شك فيه ان كل - 00:28:33

واحد حريص على صحة نفسه لعقلاءه الاسوياء يعني. حريص على صحة نفسه او صحة من يلزمه رعايته. طيب واحد عنده ابنه تعب او والده تعب اصابه مرض لو هو دكتور طبيب متخصص في المسألة هيعمل ايه؟ هيكشف على الحالة اللي قدامه ويفحصها كويس جدا ويشخصها ويطلع لها الايه - 00:28:55

اكتب لها العلاج. طب لو هو مش دكتور؟ مش متخصص او دكتور مش متخصص في الباب ده. خلي بالك دي مهمة كمان. كلمة دكتور مش متخصص في البلد دي مهمة. يعني عادي ممكن يكون واحد دكتور بس مش هيعرف يكشف على دي - 00:29:17

طب انا لو دكتور مش مخصص في الباب ده يعمل ايه؟ هيبحس عن الدكتور المتخصص؟ طب البلد فيها وليكن مسلا ده حاجة في الصدر عدوى معينة في الصدر وارتفاع حرارة وكحة والحالة صعبة بتدهور. يعمل ايه؟ انا عندي في البلد عشرين تلاتين دكتور صدر - 00:29:27

اول حاجة هتحرك الشخص ده انه مش هيجامل حد على حساب صحة ابنه. صح؟ فازا تحركه انه يبحس فعلا عن تشخيص صح وعلاج صح مش ده اللي بيحركه؟ خلي بالك ممكن يقع في ايدين دكتور ما يعرفش حاجة ولا مش وارد؟ وارد يقع في ايديه الدكتور ماهر بس غلط. والده - 00:29:46

مش وارد كل ده ما ينفيش ان عنده قصد في الاول اسمه ايه انه عايز يحافز على الصحة عايز يحافز على يجيب العلاج التشخيص الصح والعلاج الصح. طيب الراجل ده هل يذم لو - 00:30:06

اختار اي واحد من اصحاب الشهادات المتخصصين في المجال ده وراح له؟ لا ما يزمش. انا رحت لدكتور صدر اسم كويس رنان اسم موجود غير سابق معرفة ورحت قطعت كشف وقعدت عنده في العيادة وكشفنا على الحالة وخدت العلاج بتاعه. اللي انا عملته ده يسعني - 00:30:21

ايوة يا سعد طيب ركز معايا بقى طب لو الحالة اتدهورت او بعد كده الحالة ديت حصل فيها تعارض في اراء الاطباء دكتور قال لك لازم تتحجز في مستشفى ولازم نبنجها بالطريقة الفلانية ودي نمونيا كبر لك الموضوع خالص. واحد قال لك لأ ده - 00:30:37

حضور برد عادي بس هيطول شوية ده له لاين في ده الطريقة في العلاج وده له طريقة في الايه في العلاج والاتنين اساتزة الاتنين دكاترة متخصصين اختلفوا عليك هنرجع نستصحب الاصل تاني ما حدش بيجامل بنفسه ما حدش بيجامل بعياله ما حدش بيجامل بصحته - 00:30:55

هو قصده ايه ان يوصل للتشخيص الصح ولعلاج الايه؟ الصح. طب هو مش دكتور. ايه اللي يلزمه في الحالة ديت؟ اللي هو يقع في نفسه انه اقرب للطب واولى وانه اقرب لصحة العيان ده بنعرفها ازاي بقى باستفاضة بالشهرة بزهر القرائن - 00:31:12

بطريقة النقاش معه هيعرف ولا مش هيعرف؟ هيقع في نفسه شيء. ان فلان ارجح من فلان يبقى اللي هيعمله اللي هيمليه عليه الضمير وسعتها تاني يعمل ايه بقى انه يروح لفلان اللي عرجح عنده ده. الصورة دي واضحة لحضراتكم كويس ولا مش واضحة؟ شل بقى الدكتور - 00:31:33

وحط العالم المجتهد. وشيل المريض وحط المستفتي. اللي بتنزل به الفتوى يبقى هنا هيطلع لنا ان ما فيش حاجة اسمها انك في واحد بس اللي تروح له في كل فتوى مش شرط. لكن في كل فتوى تنزل بك لازم تروح لواحد - 00:31:48

تأهل للفتوى. متأهل للفتوى التأهل للفتوى فيه صفتين الصفة الاولى العلم الصفة التانية العدالة العلم والايه والعدالة يبقى لو انت رحت لواحد علم عالم وعدل تبرأ ذمتك امام الله ذمتك امام الله سبحانه وتعالى باستفتائه؟ اه تبر ذمتك. طيب انت كمكلف او مستفتي من عوام المسلمين؟ تعارض عندك - 00:32:05

اقوال العلماء الشقق ديت اللي طالعة جديد ناس قالت تاخد الشيخ فلان قال تاخد الشيخ العيال قال ما تاخدش بتعمل ايه تبحس عن من يخلصك بين يدي الله. مش تبحس عن اللي يجيب لك اللي على هواك - 00:32:37

انت بينك وبين ربنا كده مين الاقرب والاقدر على انه يفتيك في المسألة ديت؟ لا الشيخ فلان ده الفقه بابه فعلا وبعدين مش بس سبابه في الفقه ده هو متمرس في الواقع كده تحس ابنه بلده وفاهم الدنيا رايحة فين وجاية منين. والشيخ فلان ده ممتاز بس بيصنف كتب وقاعد في مكتبة اكتر. انا ميال ان التاني ده هو - 00:32:52

هيبقى فاهم المسألة اكتر مع ان هما الاتنين ايه تبرأ الزمة بفتواهم فاهميننا دي يا اخويا ولا مش فاهمينها بس انت اختلف عليك المفتين دلوقتي تعمل ايه انت بقى ربنا كلفك بايه في الحالة اللي زي ديت ؟ كلفك بانك تتبع الشرع ولا تتبع الهوى. انك تتخلص من هواك. فتبحس عن الاقرب عندك للشرع - 00:33:12

مين الاقرب قدام ربنا؟ الاقرب انه يوصلك لحكم ربنا؟ فلان تروح له. واللي يقول لك عليه تلتزم طب خد احسن من كده واحد راح يسأل دكتور متأهل في مرض معين جاوبه اجابة عجيبة مع ان انا راجل عمي ومش دكتور انا مش انا مش مقتنع باللي الدكتور ده قاله - 00:33:32

هروح اخد دوا مستحيل هعمل ايه اشوف دكتور تاني نفس القصة بالزبط العلماء يقولوا كده لو العمي راح يسأل مفتي مع انه عالم متأهل وجاوبوا اجابة عجيبة. على فكرة ممكن يجاوبوا اجابة عجيبة لانه ما فهمش المسألة. او اتسرع - 00:33:54

او اه زهنه مشغول فجاوبه على حاجة تانية وارد ولا مش وارد فلو وقع في نفسك ان ده مش حكم ربنا تعمل ايه؟ ما ينفعش تقابله به. تدور على اللي يفتيك في حكم ربنا سبحانه وتعالى. كده - 00:34:13

وصلنا يا اخوانا كده ولا ما وصلناش؟ فمش معنى ان المسألة فيها خلاف صاغ ان كل واحد في نفوخه حاجة يعمل ايه؟ يختار حاجة من الحاجات دي. عشان كده نعرف بقى الجريمة والجناية اللي بيعملها - 00:34:28

سعد الدين الهلالي في برنامج ايه آآ اسمه يسألونك ولا اسمه ايه؟ وان افتوا وان افتوك. ده جزء من حديس اسناده في مقال. وان افتاك الناس وافتوك على فكرة بالمناسبة الحديس ده الحديس ده العلماء بيجيبوه في باب الورع. يعني لو واحد افتاك بان الحاجة دي حلال ونفسك فيها انها مش حلال - 00:34:38

ما تسمعش فتواه وخد بالورع. هو عجز الله المستعان خلاص بيقول آآ فليس معنى ان الخلاف في المسألة سائغ انه يجوز لكل واحد ان ينتقي بالتشهي ايا من القولين دون اجتهاد فهذا سبيل الى الزندقة والانحلال. الخروج - 00:35:01

الشريعة بقى كلها وقد اجمع العلماء انه لا يجوز تتبع رخص العلماء فضلا عن الزلات والسقطات ايه الفرق بين الرخص وبين الزلات والسقطات؟ الرخص ان هو يبقى الكلام سائغ وله وجه - 00:35:27

بس العالم ده بيفتي فيه بالوجه الاخف تمام كده؟ كأن مسلا نقول بيع التورق جائز ولا محرم؟ الاخف ان يكون ايه ؟ جائز. جائز. وهو فعلا المسألة مسألة خلاف ايه - 00:35:44

خلاف سائغ في المسألة دي. فدي معنى كلمة رخصة ادي عكيمة رخص المزاهب. طيب معنى كلمة بقى بعض المزاهب ايه؟ يعني المالكية. يقول لك ان مس المرأة لا ينقض الوضوء. الشافعي يقول لك مس المرأة - 00:35:59

ينقض الوضوء. الاخف ايه؟ ان هو لا ينقض. بس مسألة سائغة فعلا. ادي معنى كلمة رخص المزاهب. طيب زلات المزاهب بقى اللي ما ليش وجه اصلا بس قال بها عالم معتبر او قال بها مزهب من المزاهب وتبناها المزهب. فقال لك بقى ان لا يجوز تتبع رخص العلماء - 00:36:13

رخصة العباءة اللي هو قول سائغ بس خفيف انك تدور عليه مش تدور على حكم ربنا بتدور على الاخف دايما لا ما ينفعش. فضلا عن ايه عن الزلات والسقطات. ايه الزلات والسقطات؟ زي اللي بينسبوها - 00:36:34

ليه الشافعية بجواز نكاح الرجل ابنته من الايه؟ من الزنا. سقفة عظيمة جدا. وهي ازاي طيب يعني وقع على امرأة فحملت سفاحا فانجبت بنتا خبرت البنت دي قال لا يقول لك دي يا بحلل ما يتزوجها. لان الحرام لا ايه - 00:36:47

ليحرم طبعا الكلام ده كلام خلاف عامة العلماء على على خلاف هزا الكلام طب في سقط ينفع واحد ياخد بيها مينفعش واحد ياخد بيها طب كلام الحنفية في في النبيز - 00:37:07

ان النبيز المسكر كثيره من غير العنب لأ مش حرام قليله مش مش حرام كله مش حرام قليله الزي لا يسكر مع ان ده مخالف لايه؟ الحديس كل مسك الخمر وكل خمر حرام. طب انا بقى دي اسمها سقف او زلة - 00:37:21

وتفضل بقى تاخد انت بالحاجات دي كلها بقى. فممكن واحد بقى يتتبع الزلات يقوم يجتمع فيه ايه؟ الشر كله. عشان كده بيقولوا بقى ايه الواجب على الانسان قدام المسائل الخلاف السائغ زي الواجب على الانسان قدام المرض. الاولاني العالم المجتهد - 00:37:44

اللي هو الدكتور الاستاز الدكتور البروفيسير هيعمل ايه؟ يلزمه البحث والاجتهاد بنفسه وجمع الادلة والنظر في الراجح منها. فما ترجح عنده قال به وعمل به وافتى وما احراه في المسائل التي تعم بها الولوة ان يشير الى الخلاف فيها مع بيان ما يراه صوابا. ولو مسألة فيها خلاف بين - 00:38:02

اداب الفتوى ان العالم ايه؟ يزكرها. طيب طالب العلم المميز. طالب العلم ده عامل زي طبيب الامتياز كده. او طبيب التكليف. هو خد كلية طب ودخل الامتياز دلوقتي بس لسه ما هوش ايه - 00:38:22

مش متخصص مش متخصص ما ينفعش يفتح عيادة بس هو بقاله سبع تمن سنين عمال ياخد في كلام الفسيولوجي والبسولوجي والفرم فعارف المصطلحات وعارف الامراض وعارف داير في الليلة كلها وقعد مع اطباء - 00:38:36

كتير فيعرف لغاتهم يعرف كلامهم. فده يعمل ايه بقى ازا اختلف عليه الاطباء؟ يرجح من كلامهم. معي كده؟ يبقى طالب العلم عنده اقوال العلماء المختلفين المالكية قالوا كزا في الوضوء والشافعية قالوا كزا. هو يشوف وما اختلفتم فيه من شيء فحكمه - 00:38:50

الى الله. والاجتهاد يتجزأ. لازم يكون عنده ادوات اجتهاد في المسألة دي. فطالب العلم في بعض المسائل هيلحق فيها بالمجتهد ازا كان معه ادوات الاجتهاد فيها. وفي بعض سايل هيبقى فيها ايه؟ عمي مقلد. هيقلد وخلاص ما عندوش ادوات الاجتهاد فيها. يبقى طالب علم مميز القادر على الترجيح - 00:39:07

عليه ان يعمل بما ظهر له دليل من اقوال العلماء. طيب والعامي المقلد العاجز عن معرفة الراجح بنفسه. عليه ان يستفتي الاوثق والاعلم من اهل العلم عنده هنقوله يستفتي المتأهل للفتوى من اهل العلم اللي هو فيه علم وعدالة. وعند تعارض الاقوال العلماء يستفتي الايه؟ يلزمه ان - 00:39:25

يأخز بقول الاوسق في نفسه. طب عليه بقى لو واحد دلوقتي قال لك انا راجل عمي بسيط جدا. قال لك بعد اللي حصل ده والاسلاميين وكل واحد في حتة انا شايف ان مفتي الديار المصرية الدكتور شوقي ده راجل - 00:39:46

بالنسبة لي عالم وقال لي ان الشهادات بتاعة قناة السويس ديت شهادات مباحة ما فيهاش حرام. ونزل فتوى رسمية بكده. وخد بالكلام ده فعلا الراجل ده حرام عليه. امتى يكون حرام عليه؟ لو ظهر له الدليل لا مش شرط ظهر له دليل. لو عرف لو حاكى في نفسه - 00:40:00

ان كان ده غلط. وان ده مش حكم ربنا. هو هو مش متخصص بس هو لا في نفسه شيء من الامر ده. يبقى امتى يباح ليلو او يرفع عنه الاسم لو انتفى عنه اتباع الهوى لو انتفى عنه اتباع الهوى لو اتفقنا اتباع الهوى خلاص - 00:40:20

اللي انا اسمه على من افتاه لو كانت الفتوى غير سائغة. وانا عارف ان المسألة فيها خلاف مسلا في الشرجمة برضو اللي يسأل؟ لا اصل هو عمي مقلد هو بيقول لك معلش يعني. انت - 00:40:40

انت يا اللي بتتكلم انت مؤهلاتك ايه؟ طب الراجل ده استاز دكتور في الفقه المالكي. ومفتي الديار ودي شغلته ومعه وطلع فتوى ومتكلم كلام يعني نسبيا ممكن يبقى كلام علمي. علمي في المسألة. لكن امتى الكلام بيقول لك لأ انا مش مرتاح لكلام الراجل ده - 00:40:50

انا انا كراجل عام مخالفة اهو انا مش شايف فرق بين اللي في قناة السويس وبين البنك. ما هم كده كده هياخدوا مني الفلوس وكده كده هيدوني عليها ايه؟ ارباح. ايه الفرق بيني وبين شهادات البنك - 00:41:10

واخد بالك في حق نفسه فيها حاجة مش عارف يرتاح. زي بالزبط ما يكون رايح لاستاز دكتور ودافع الشيء الفلاني ويقول لك يا عم الراجل بيقول كلام صعب. انا مش مقتنع بكلام الراجل ده. انا مش عامل - 00:41:20

اعمل ايه اللي انا بقول عليها دي خالص هيعمل ايه بقى اللي يلزمه انه يروح يسأل واحد تاني يبقى لازم هنا القصد والنية والباعس مهم جدا جدا في المسألة اللي زي دي بس فيه - 00:41:30

بس مسقفين انا اعرفه ناس مسقفين عليه طبيب مهندس هو مش متخصص في الشرع في العلوم الشرعية. بس ايه؟ هو كشخص مسقف يعني ليه عنده ادوات المعرفة يعرف يوصل للي هو عايزه. يقول لك انا عندي مسجل عنده الايميل بتاع لجنة الفتى واي نازلة بتنزله دي يتدين لله فعلا بكده. انه يبعت لجنة الفتوى ايميل بالايه - 00:41:40

بالسؤال بتاعه والرد اللي يجي له يعمل به. انت تقول له بقى لأ ما تاخدش طب ما هو شايف الناس اللي زي الدكتور وجدي غنيم والدكتور محمد عبدالمقصود وغيره اللي كان في وقت من الاوقات نجوم في الفضائيات حاليا بيكفروا الناس كلها وعايزين البلد تتخرب على دماغ اللي فيها وبيقولوا كلام - 00:42:00

صعب جدا. هو من حقه يوصل عنده قناة ان دول مش بتوع حلم ولا لأ. صح ولا لأ يا اخوانا ما هي دي؟ ما هو برضو اعزر الناس. طب هو شايف ليل ونهار قنوات - 00:42:20

اللي هي زي الشرق ومكملين وغيرها عمالة تفري لحم علماء المسلمين ودعاة المسلمين فريا ليل مع نهار المنافقين علماء ايه هو يتولد عنده شعور بايه؟ اه فانت ما تلزموش بكده. تخيل لو في دكتور شاطر جدا في - 00:42:30

عندنا هنا وبعدين حصل مشكلة مع واحد والراجل ده ما اتقاش ربنا فيه وطلع يقول ده زالم ده ده قتل الحالة الفلانية وبقى سوء سمعته في الدنيا كلها. وانت ابنك - 00:42:50

تعبان. هتروح تغامر بابنك وتديه له؟ يعني كم واحد بقى عاقل هيقعد معه ويسمع منه ويتبين المسألة؟ كم واحد؟ فعلا كتير من الناس هيبقى جواه غير قادر على انه يتجاوز المسألة دي. طيب حلول الكلام ده يا اخواننا مش عشان نسوغ للناس الغلط اللي بيعملوه بس انا بقول لكم عشان نبقى عارفين - 00:43:00

ازاي نتعامل مع المسائل؟ وبرضو عشان الاخ هو بيعرض الكلام في اي مسألة من المسائل؟ بنتكلم من مسائل الخلاف الايه ؟ السائغ. هيجي بقى معي كلام في مسائل الخلاف سائغ وهيبقى فيها تفصيل اكتر من كده شوية يعني في الحتة التانية دي طيب بيقول اه والعم المقلد العاجز عن معرفة الراجحي - 00:43:20

بنفسه عليه ان يستفتي الاوسق والاعلم من اهل العلم عنده ويسأله عن الراجح فيعمل به في نفسه. ويجوز نقله لغيره من غير الزام لهم به ومن غير انكار على من خالفه باي من درجات الانكار. يعني الاخ او الشاب اللي لسه بيتدين هو ده عمي. واي واحد لم يطلب العلم - 00:43:40

حتى لو كبير في السن عمي احنا عندنا غلط ان احنا بنقول ان الملتحي والعوام. يقول لك احنا ايه؟ الاخوة والملتحين او المنتجات والعوام. لأ القسمة كده غلط. طلبة العلم والعوام. العلماء والعوام - 00:44:01

طالب العلم ده على فكرة ممكن يكون حليق العالم ده ممكن يكون حليق مع واحد استاز دكتور في الفقه المقارن في جامعة الازهر هل ده هقول عليه عمي؟ خايف اقول عليه عمي - 00:44:17

وواحد تاني راجل ملتحي ولحيته كبيرة جدا وعظيمة جدا لكن ما درستش اي حاجة في الفقه ولا في الاصول ولا غيره. هقول عليه ايه؟ اقول عليه عالم ما ينفعش. يبقى - 00:44:27

اذا عايزة تنضبط فبيقول بقى الانسان العامي بقى المقلد ده ما ينفعش يخوض معارك طاحنة بسبب فتاوى سائغة زي كده وفيها خلاف سائغ وهو لغاية ما هنالك ان هو يكون بيعمل بالقول ده فين؟ في خاصة نفسك. اومال ايه اللي يلزمه؟ يقول والله انا انا سمعت قول العالم - 00:44:37

الفلاني في المسألة الفلانية وميعملش حرب بقى الناس خدت بيه خدت مخدتش مخدتش عشان كده بيقول ايه ولا اه من غير انكار على من خالفوا باي من درجات الايه؟ الانكار. بس فيه هنا نقطة مهمة بقى. هنيجي مسلا على مسألة اسمها مسألة الايه؟ النقاب. احنا قلنا اهو النقاب - 00:44:57

مش كده طيب لو فيه آآ فتاة عايزة تنتقب فتاة في الجامعة وابوها منعها من النقاب. وهي استفتت قالوا لها النقاب واجب هيلزمها تعمل ايه؟ تلبس النقاب. يقول لك بس هتعمل مشاكل مع ابوك. والله صحتها ابوها لا يجب طاعته الان. انما - 00:45:16

لما بيعطي لواحد منصب الطاعة زي الزوج مع زوجته. وزي الاب مع ابنه وزي الحاكم مع الرعية بيعطيه له بشرط العلم والعدل. ما فيش حاجة اسمها طاعة كده اللي من باب التحكم بس كده وخلاص. واخد بالك؟ فهو لو - 00:45:36

بعلم وعدل تسمع كلامه. طب ما بيأمروش بعلم وعدل. خلاص ما تسمعش كلامه. وصل المعنى هنا يا اخوانا ولا ما وصلش؟ واحد بيطلب العلم. ابوه بيقول لا ما تنزلش تطلب ايه؟ ما تروحش المسجد. طب اسمع كلامي ولا ما يسمعش كلامه؟ لا ما يسمعش كلامه. امر هنا امر غير مش من حقه اقول كده اصلا - 00:45:52

هو ينفع اب يقول لابنه ما تصليش السنة؟ يقول لابنه ما تصومش ما ما تصليش قيام. فالمسألة دي يا اخواننا ما تنفعش. يعني المسألة ديت محتاجة ايه؟ محتاجة تدبر كده. عشان كده سيدنا عمر - 00:46:12

ابن تيمية لما واحد سأله قال له آآ ابي يأمرني بطلاق امرأتي. قال له لو كان ابوك مسل عمر طلقه. لو ابوك عنده علم وعدل زي ما عمر كان عنده علم وعدل وامر ابنه بطلاق مراته. لان اللي عنده علم وعدل مش هيأمر ابنه بطلاق مراته الا بسبب. مشروع يبقى بينه وبين ربنا - 00:46:22

ليه نية صالحة فيه وليه ايه مساك شرعي فيه. قال له لو ابوك زي عمر طلقها. طب مش زي عمر؟ لا بطلقهاش. واضح يا اخوانا المعدة دول ولا ما وضعش ؟ تتحل لك الاشكالية بتاعة بقى الطاعة وبر الوالدين والقصة دي كلها. ماشي؟ بيقول اما - 00:46:42

يفعله كسير من اهل زماننا في مسائل الخلاف السائغ او غير السائغ باخز ما يشتهي بل ما بل يفعله كثير من المنتسبين الى العلم ويفتي البعض جواز التلفيق بين المذاهب لا بحسب الادلة والاجتهاد. بل بمجرد موافقته ما يظنونه مصلحة او تيسيرا على الناس. او ان الرسول - 00:46:57

صلى الله عليه وسلم المخير بين امرين الا اختار ايسرهما فهذا من الجهل العظيم المخالف للاجماع القديم كما نقله ابو عمر ابن عبدالبر طيب احنا نقف هنا لان موضوع التلفيق ده موضوع مهم. وعايزين نقف معه وقفة كويسة فمش هينفع نخلصه كده. موضوع التوفيق التلفيق ده موضوع مهم - 00:47:17

فنأجله المرة الجاية ان شاء الله. سبحانك اللهم وبحمدك اشهد ان لا اله الا انت استغفرك واتوب اليك - 00:47:37