نورا بالكتاب الاعظم فلتسعدي يا نفس ولتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب السلام عليكم ورحمة الله وبركاته. اخواني واخواتي في الله مع شعارات الجزء التالت من كلام الله عز وجل سبحانه وتعالى - 00:00:00

اكتر كلام هيبني مستقبلنا وهيغير اهدافنا وطموحاتنا وكل حاجة في حياتنا. النهاردة يا جماعة على فكرة انا ناوي اقف بازن الله مع اطول اية في كتاب الله. احتمال الشعارات اطول اية في كتاب الله اللي هي اية المداينة. اية المداينة احتمال تاخد الحلقة كلها. الله اعلم. يعني انت هتتكلم عن اية المداينة. هتتكلم عن اطول اية في كتاب الله. ده احنا - 00:00:56

اقرأوا في سورة البقرة. ما احناش عارفين اصلا الاية دي بتتكلم عن ايه. يا ايها الذين امنوا اذا تداينتم بدين الى اجل مسمى فاكتبوه. ما انساش ابدا مرة خدت احد اخواني خطبة جمعة كنت هاديها. فاديت عن الترابط الموضوعي في سورة البقرة. فخرج من الخطبة بعدها بيقول لي انت تعرف انا انا ما باقراش سورة البقرة في اي ختمة - 00:01:16

انا اما بخلص القرآن بقوم بادئ من اول ال عمران لاني مش فاهم فيها حاجة. انا بعد الخطبة دي بازن الله هابدأ اقرأ سورة البقرة لاني بدأت افهم هي بتتكلم عن - 00:01:36

يا جماعة فيه مسلمين للاسف اميون لا يعلمون الكتابة الا اماني. مش عارف هو بيقرأ ايه. تعالوا اما نشوف اطول اية في كتاب الله. وعلى فكرة اسمها التاني ارجى اية في كتاب الله. وعلى فكرة برضه اخر اية في كتاب الله على بعض اقوال المفسرين. آآ طب اطول اية في كتاب الله عن الديون ليه يا رب - 00:01:46

يا جماعة الديون دي متحكمة في الحياة. انتم مش قادرين تتخيلوا البنوك اللي هي كل شغلها بتستلف وتسلف. البنوك دلوقتي متحكمة في الدنيا. الفلوس هي العمود الفقري اموالكم التي جعل الله لكم قياما. تخيلوا العمود الفقري للحياة اللي ربنا سماه قياما يعني عمود فقري. البنوك هي اللي متحكمة فيه - 00:02:06

دلوقتي الحياة كلها بقت ديون. الدكتور اللي عايز يفتح عيادة سلفني يا بنك وانا افتح عيادة. اللي عايز يتجوز سلفني اي حد يسلفني يا جماعة اتجوز. الفقير يا جماعة بيحتاج كل شهر يستلف اربع خمس مرات. لو مراته بتولد عايز يستلف. لو ولاده دخلوا المدرسة عايز يستلف. لو حصل مرض مفاجئ نسأل الله العفو والعافية - 00:02:26

عايز يستلف في دخلة المدارس ومصاريف المدارس عايز يستلف. هو وممكن تقول له طب انت هتعمل ايه وهترد ازاي انا مش عارف انا عايز افك زنقة وخلاص. الطالب اللي في كلية طب خاصة دلوقتي عايز منحة من البنك عايز يستلف. عايز قرض من البنك عايز يستلف عشان يصرف على نفسه. اللي عايز عربية عايز يستلف اللي عايز شقة عايز يستلف - 00:02:46

يا اخوانا انتم مش متخيلين القرض ده متوغل في الحياة قد ايه. فلما اطول اية في الكتاب اللي هي تيجي عن الديون فعلا الديون قضية خطيرة. قام طالع حاجة بقى اسمها البنوك. بص - 00:03:06

يا اخوانا الوقت الغني عنده مشكلة والفقير عنده مشكلة. انا هحل مشكلة الغني والفقير. هتعمل ايه حضرتك؟ انت يا فقير عايز ايه؟ انا عايز حد يسلفني على طول. انا كل حاجة في - 00:03:16

حياتي عايز حد يديني ويشوف يا عم الائتمانات بتاعتك وشف فقه الاستفاق بتاعك. طب وانت يا غني عايز ايه ؟ انا عايز اكسب من غير انا عايز فلوسي وانا باشا ومش قلقان من اي حاجة تزيد. طب ايه رأيك يا غني؟ سلفني فلوسك وهتعمل ايه ؟ وهديها لك بالربا. زيادة - 00:03:26

وانت ضامن تمام الضمان. وايه رأيك يا فقير انا او طبقة متوسطة انا هسلفك كل اللي انت عايز تعمله. عايز عربية عايز شقة عايز تفرش عيادتك عايز تسافر بعسة تدرس برة انا هاسلفك كل اللي انت عايزه وانت تسد لي. فبقى وزيفة البنك انه يستلف بالربا من الغني - 00:03:46

متسلف بالربا للفقير وبقى مسيطر على اقتصاد العالم بهزه الطريقة. قضية الديون مش قضية بسيطة يا جماعة. سواء على مستوى سلف الشعوب السلف آآ آآ الشعب من بعض آآ او سواء على مستوى سلف الدول من بعضها. الدول دلوقتي كلها سلفة من بعضها. التجار كلهم سالفين بالاجل من بعضهم. اصحاب المشاريع كلهم سالفين - 00:04:06

الحياة البنوك كلها وزيفتها تستلف من ده وتسلف ده. يعني في قضية الديون مش قضية بسيطة. تعالوا اما نشوف بقى القضية الخطيرة دي اللي ربنا اداها اطول في كتاب الله بتتكلم عن ايه ؟ يا ايها الذين امنوا اذا تداينتم بدين هو ازا تداينتم بايه ؟ يا رب طب ما تداينتم يعني بدين يعني ايه كلمة دين - 00:04:26

يعني في مفسرين كتير وقفوا قدام الكلمة دي ازا تداينتم خلاص ليه دين؟ لأ يا جماعة فيه حاجة اسمها الديون العرفية. الدين اللي هو سلفني الف جنيه واردهم لك ده دين بيتكتب - 00:04:46

بورقة. انما اوعوا تنسوا يا امة محمد الديون العرفية كأن ربنا بينبهنا. النقوط سلف ودين. المجاملات الاجتماعية سلف ودين فلازم يبقوا فاهمين ان فيه ديون مش رسمية اسمها الديون العرفية ودي علماء الشريعة قالوا عليها ديون. اللي بيديك نقوض ده دين بس مش ده اللي الايات بتتكلم عنه. طب يا ايها الذين امنوا - 00:04:56

في الاول ليه ؟ لان يا اخوانا هو اية الربا آآ اية المداينة اللي هي بتاعة الفلوس اللي في الاخر والصفحة اللي قبلها على طول الذين يأكلون الربا. هو ليه ربنا اتكلم - 00:05:16

في اخر سورة البقرة عن الربا والمداينة. لان الفلوس هي اخر حاجة النفس البشرية مستعدة انها تسمع كلام ربنا فيها وتمشي ورا الحلال والحرام فيها. فبعد ما ربنا اتكلم عن الصيام وعن العبادة وعن رمضان. طول وعن - 00:05:26

الحج والعمرة طول سورة البقرة في الاخر بقى تعالوا بقى. اسمعوا كلام ربنا في الفلوس. طب ليه ربنا اتكلم عن الربا جنب المداينة؟ لان الاتنين ديون بس الربا حرام خد واديني بالربا. انما الدين اللي هو القرض الحسن ده الدين الحلال. فربنا جاب الاتنين جنب بعض. طب ليه ربنا اول الاية بدأها - 00:05:44

امر بالتقوى واخر الاية بالتقوى. اول الاية وليتق الله ربه. اخر الاية واتقوا الله. ليه البداية تقوى ان هي تقوى؟ لان اللي بيستلف فيه ناس يا جماعة هو مش بيستلف وهو نصاب. وناس كتير جدا. ليه؟ هو مش عارف هيسد منين. بيستلف ويخلع وما يردش على التليفون. فاتق الله قبل ما تستلم - 00:06:04

تبقى عارف انت هترد ازاي. طب والغني فيه واحد اتحول من واحد غني عشان يكسب بدون مخاطرة الى مصاص دماء. الفقير اللي عايز انا اسلفه. بس مقابل انا هاخد بالزيادة فبقى مصاص دماء ما عندوش حاجة اسمها قرض حسن. طب افرض انا عايز اكسب يا عم مش قرض حسن. فيه اتناشر صيغة تمويل في الشريعة الاسلامية - 00:06:24

اتناشر صيغة تمويل حلال. ايه المشكلة يا جماعة؟ انا هاديكم مسل واحد بس عشان تعرفوا ان الشريعة الاسلامية واسعة. عشان بس ما تقولوش ايه ؟ يعني هو الحل ان الغني يسالي في الفقير بس ؟ عادي جدا - 00:06:44

كلية خاصة كلية طب خاصة. المقعد فيها بمية وعشرين الف جنيه في السنة. هييجي واحد غني شركة او بنك بنك اسلامي هيشتري من الكلية دي عشرين مقعد اشتري منكم العشرين مقعد بكم؟ المفروض بكم مية اتنين مليون ونص تبيعوهم لي بمليون ونص طبعا الجامعة هتفرح ايه المشكلة - 00:06:54

خد مليون ونص وانت اديها بالتقسيط بالمية وعشرين الف اللي انت عايزهم. وعلى تقسيط سنتين. يعني الطالب مستفيد. اخر استفادة. اه دي صيغة من العلماء علماء المنضبطين يعني في يعني اللي قالوا ان دي صلة حلال. يا جماعة فيه بدائل في الشرع. المشكلة اما الغني يبقى بصاص دماء - 00:07:14

اسلفك وهمص دمك. ولما الفقير يبقى عايز يستلف وخلاص عشان كده اول الاية تقوى واخرها تقوى ليه؟ حرام يا جماعة الرأسمالية عميا. الرأس المالية دلوقتي عايزة فلوس وخلاص ما فيش حاجة اسمها رحمة. ما فيش حاجة اسمها مبادئ. امريكا بترمي كل سنة. ملايين الاطنان من المزروعات في المحيط الاطلنطي. عشان سعر - 00:07:34

بتاعها ما ينزلش عشان تفضل محافظة على سعر السلع اللي بتصدرها. ما فيش رحمة. رأسمالية عميا. لأ احنا دينا مش اعمى. احنا دينا اكسب وكسب الدنيا كلها واعمل كل حاجة وخلي الغني يلاقي القرض وخلي الفقير يسلف. وخلي الفقير يتاجر ويكسب ولكن ما فيش حاجة اسمها الاستغلال - 00:07:54

ومص دماء الناس. عشان كده يا ايها الذين امنوا اذا تداينتم بدين الى اجل مسمى. اه من الحاجات المزهلة في الاية ان كل حاجة في الشريعة ايه ده! المجتمع بتاعنا دلوقتي بقى مليان لف ودوران - 00:08:15

ما فيش حاجة متحددة. شف ربنا بيتكلم صفحة كاملة. عشان واحد هيستلف من واحد تلات تلاف جنيه. الى اجل مسمى هتستلف قد ايه؟ ها؟ واكتبوه تسع مرات في هي كلمة الكتابة ولازم يبقى فيه اتنين شهود سبع مرات في الاية كلمة الشهادة. وخدوا بالكم وليكتب كاتب بالعدل لازم اللي يكتب يبقى كاتب متخصص زي المحامي - 00:08:29

كده حد فاهمه هو بيعمل ايه اللي بيكتب العقود اللي بين الناس. ليه؟ لان سهلة جدا. انت واحد بيستلف من واحد. قال له آآ عشر تلاف جنيه ادي يا عم واحد واربعة اصفار. التاني خد الورقة وقام ضايف صفر بعدها بقت ميت الف جنيه. ودى الفقير في داهية. الفرق بقى العكس بقى فقيرنا - 00:08:49

قام رايح وقام سالف منه المية الف جنيه وقال له امضي فين ؟ امض هنا. ام ماضي وقام ماشي. قال لها طب انت بصمت. طب انت كتبت بطاقتك؟ طب انت حطيت - 00:09:09

استفاقات ائتمانية ما فيش الكلام ده. الغني لما ييجي يشتكيه يا عم انا اعرفك منين انا شفتك اصلا. ولا اعرفك. فاذا لازم كاتب احترافي. طب هو الايات ليه الاية ليه جابت الدقة بالمنزر ده ؟ لان المجتمع الوقتي بقى قائم على اللف والدوران. تلاقي مهندس الديكور يتفق مع شاب هيتجوز انه يخلص له شقته - 00:09:19

هو متفق مع عشرة عشرين واحد غيره. ويسلمه شقته بعد المعاد بست شهور. لان لا الشريعة ما فيش فيها الكلام ده. هتسلمني امتى؟ هتسلمني ازاي؟ طريقة بضاعة ايه! مواصفات البضاعة ايه! اللي اللي بيطبق الشريعة دلوقتي يا جماعة! الغرب في العقود بتاعتهم! انما احنا بتركب التاكسي! ما انتاش عارف هياخد منك كم ولا هو مش عارف انت - 00:09:39

ادي له كم؟ اللي اقوى بقى يبقى يكسب في الموضوع. صنايعي جاي لك ينقش لك شقتك. وهو متفق مع عشرة غيرك. لا في ميعاد محدد للتسليم. ولا فيه الا في - 00:09:59

العريس بيتقدم لبنت الراجل بيلف ويدور على الراجل. الزوج والزوجة ما فيش لغة حوار وصراحة بينهم وبين بعض. الدنيا بتدور على بعضها مدير الشغل بيدور على الموظفين. الموظفين بيلفوا ويدوروا عليه. بقى المجتمع يا جماعة مجتمع لف ودوران. ما فيش تحديد. ما فيش صراحة. الكتمان هو اللي - 00:10:09

اسود للاسف الشديد فتلاقي بقى في الشريعة الاسلامية الى اجل مسمى. كل حاجة تبقى مكتوبة ما فيش حاجة اسمها حد يتكسف من حد. دي شريعة ده دين عشان كده ربنا بيقول ولا تسأموا ان تكتبوه. اوعى تزهق لو انت بتتعامل بالديون كتير كل حاجة تتكتب. ذلك اقوم للشهادة. وادنى - 00:10:29

الا ترتابوا هو ده اللي هيخلي المجتمع يمشي من غير عداوات بينا وبين بعض بعد كده. دي آآ آآ يعني حاجات في اية المداينة آآ اللي قبلها على طول اية - 00:10:49

الربا ربنا بيقول آآ لا يقومون الا كما يقوم الذي يتخبطه الشيطان من المس. يعني اللي اشتغل بالربا اللي سلف بالربا واللي استلف بالربا يوم القيامة بيصحى من القبر مجنون. فقد عقلك الذي بيصحى في تخبط. بيصحى زي المصروع بالظبط بيصحى فقد عقله - 00:10:59

طب وهو اللي بعس على شيء معناه انه مات عليه. يبقى الراجل ده بتاع الربا وهو بيموت برضه تخبطه الشيطان. النبي عليه الصلاة والسلام كان بيقول اعوذ بك اي بالله - 00:11:19

ان يتخبطني الشيطان عند الموت. يعني ايه يتخبطني من الشيطان؟ ييجي يشكك في دينك. يموتك كافر والعياز بالله. او يموتك شاكك في دينك. متخبط اتقوا ربنا ولا ما فيش ربنا. هو انا لما اموت ادخل القبر الاقي حاجة ولا مش الاقي حاجة؟ هو الاسلام صح ولا مش صح؟ هو القرآن بجد ولا مش بجد؟ الشيطان ييجي يجنن الواحد عند الموت اللي - 00:11:29

كل الربا الشيطان بيتحكم فيه ويتخبطوا عند الموت. طب اللي بياكل الربا لما بيدخل القبر؟ النبي عليه الصلاة والسلام صحيح البخاري. لما شاف الرؤيا واحد بيسبت في نهر من دم وواحد قاعد يرمي له حجارة في بقه ياكل حجارة هيموت من الجوع. اكل الربا ده بيعزب بالجوع الى يوم القيامة ليه؟ لانه جوع الفول - 00:11:49

لانه مص دم الفقراء ما هو بيصبح في نهر من الدم ليه؟ لانه كان مصاص دماء. لانه في الدنيا كان بيمص دم الفقراء. اللي فقر العالم هو الربا اللي دمر العالم هو الربا عشان كده من الاشارات الاعجازية في نهاية الاية بتاعة المداينة واشهدوا اذا تبايعتم. طب يا رب انت بتتكلم عن الديون ايه اللي - 00:12:09

للمبايعات كأنها اشارة هنا. انتم ليه تستلفوا بالربا وتسلفوا بالربا! ما تشغلوا فلوسكم ما تشتغل ما تشغل فلوسك ما تشتغل. يا جماعة المجتمع مش هيكسب. لما كل واحد يقوم رامي فلوسه لحد يسلفها له بالربا ولا والمجتمع مش هيكسب كده - 00:12:29

المجتمع هيكسب لما الاغنيا يشغلوا فلوسهم. لما الغني ده يعمل مصنع. لما الغني ده يعمل مزرعة. لما الغني ده يعمل مشروع تجاري. لما الغني ده يفتح شركة استيراد وتصدير. هنبقى - 00:12:46

هو مجتمع على وجه الارض انما الوقتي طول ما هو الربا حل قدام الناس مين اللي هيقدر ان هو آآ يتقدم عشان كده في النهاية ربنا بيقول ويعلمكم الله. دي ولله المثل الاعلى ده - 00:12:56

الكلمة دي فيها حنان اب يعني آآ انا وانا بقرأ الكلمة دي افتكرت اللي انا بعمله مع ابني. وانا قاعد اجيب خبرة عمر الواحد في كل العمر اللي فات اديها له. قاعدة ادي له الحاجات اللي انا شايف انها طريق النجاح والسعادة في الحياة. فربنا ولله المثل الاعلى بيقول ويعلمكم الله. انا باعلمكم اللي هيعيشكم ناجحين. انا - 00:13:08

اللي هيعيشكم سعداء اتعلموا لان دي خبرات هتدفعوا عمركم ومش هتقدروا توصلوا لها. انما ده علم من عند الله سبحانه وتعالى. طب نقف مع شعار جميل بقى يعني شعار واحد بقى في الدقيقة الباقية من الحلقة - 00:13:29

ال عمران اذ يلقون اقلامهم ايهم يكفل مريم. الشعار ده انا باحبه اوي يا جماعة. آآ آآ عمران اللي على اسمه السورة مات وبئ مراته حنة حامل. اتولدت مريم يتيمة من وهي في بطن آآ امها. اتولدت منزورة لبيت المقدس. منزورة للمسجد - 00:13:44

اقصى كل العلماء اللي منهم سيدنا زكريا عليه الصلاة والسلام كلهم يعني نفوسهم تتمنى ان هم اللي يكفلوا مريم. فبدأوا كل واحد علي بيقول لك لأ انا اللي هكفلها. فبدأوا يتنافسوا مع بعض. فكل واحد قال لك خلاص كل واحد يقدم قربان لربنا عشان ربنا يقبله هو اللي يكفل مريم. فلم يجد اي حد منهم - 00:14:02

قربان يتقرب به الى الله حتى يختاره الله لكفالة مريم الا الالم بتاعه الالم يا طلبة العلم. الالم يا اللي بتزاكروا في الكليات. الالم يا طلبة العلوم الشرعية. والعلوم الدنيوية النافعة لامة الاسلام - 00:14:22

الالم كان قربان العلماء الى الله عشان يكفله. مريم قيمة العلم. شفتم الاسلام عندنا قيمة العلم؟ بقت شكلها ايه؟ يعني ما كل واحد جاب مليون جنيه قربان. مش كل واحد قال بيتي قربان. دا كل واحد المه بقى هو قربان. ايهم يكفل مريم؟ المفسرين قالوا طب هم بيتشاكلوا - 00:14:41

على انهم يكفلوا مريم ليه ؟ اختلفوا على قولين. القول الاولاني قالوا لان دي بنت شيخهم. بنت عمران كبيرهم. يبقى يا جماعة اولاد المشايخنا. اولاد علمائنا ولاد دعاتنا الى الله. لازم نعرف ان لهم حق في رقبتنا حتى لو اهاليهم ماتوا. لان اهاليهم فنوا عمرهم عشان نفع الامة. وعشان هداية - 00:15:01

امة يبقى في رقبتنا ولاد العلماء والمشايخ. المعنى التاني الجبار اللي العلماء قالوه في التفاسير. قال لك لان مريم منظورة للمسجد الاقصى. لان ناس تفرغ عمرها للدين ولنصرة الدين. فكانوا بيتنافسوا مين اللي يكفل حد متفرغ للدين. حد متفرغ لدعوة الله - 00:15:21

حد متفرغ لنصرة دين ربنا يبقى اي حد مننا لما يلاقي حد شغال في الدعوة وبيدي وقت وعمره للدعوة يبقى كلنا في هذا الامر بنتنافس لانه شرف. الله لا يعطيه لاي احد آآ يعني كان نفسي ان انا اكمل معكم شعارات في هذه الليلة - 00:15:41

ولكن اية المداينة وقفنا مع كلمتين تلاتة شعرين تلاتة بس فيها مع الاية الجميلة اوي اللي بحبها اذ يلقون اقلامهم ايهم يكفل مريم يعني نفسنا ربنا يعلمنا بعد رمضان لازم تدخلي معهد علمي. شف اكاديمية زات شف المعاهد التربوية. عندنا عاملين لكم معهد اذن خير وعاملين لكم معهد السيرة النبوية - 00:16:00

عاملين لكم معايير كتير ومعهد المحطات السبعة لتحفيظ القرآن. يا جماعة يا اخوانا لازم تتعلموا. يا اخوانا اللي مش هيتعلم علم شرعي ما لوش مستقبل في الدين. واللي مش هيتعلم - 00:16:20

علمه دنيوي ما لوش مستقبل في الدنيا. يا اخوانا لازم نعرف لازم العلم يرجع تاني له قيمة في هذه الامة عشان نوصل لحاجة بحق وحقيقي. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا. سبحانك اللهم وبحمدك اشهد ان لا اله الا انت - 00:16:30

استغفرك واتوب اليك انا نورا بالكتاب الاعظم فلتسعدي يا نفس والتتنعمين سيري الى المولى الكريم الاكرمين. في نور ايات الكتاب الاقومي. يا نستنون بالكتاب - 00:16:50