باحث

بكل تواضع لي كيحرم التصويرة ديال غلط اذا كان تصويره عادة من العادات فالحكم عليه بالسلب او بالايجاب بالتحريم بالإباحة خصو العلة والأصل في العادات الإذن حتى يرد المنع يعني لي جاب لينا بأنه حرام نقولو ارا الدليل ديالك - 00:00:00ضَ

تحريم اولا الآية ولا الحديث ثانيا كيفاش فهمت هاد التحريم من هاد الدليل؟ ثالثا ما العلة في هذا التحريم؟ اذن العلة لا لابد وان تكون مؤثرة مناسبة ملائمة للحكم الشرعي. مفهومة من النص دلالة او استنباطا وموجودة في الفرع - 00:00:20ضَ

حقيقة وتحقيقا باش يمكنا نزلو الحكم على الواقع ديالنا ورب حاملي فقه ليس بفقيه رب حامل فقه الى من هو افقه منه فحامل الفقه حامل نص الفقه النص ديال الفقه حافظ الاية ولا حافظ الحديث والفقيه من يدرك المعنى ويمكنه تنزيله في الواقع - 00:00:40ضَ

كتسمى النازلة. قبل ان نستهل درسنا هذه الليلة اتحدث بحول الله عز وجل في موضوع فقهي يتعلق بفتوى كثيرا ما تطرح وقد طرحت علي مرارا واجبت عنها بما يسر الله عز وجل. ونظرا لانها كثيرة الوقوع عند الناس باعتبارها نازلة عمت بها البلوى - 00:01:00ضَ

ويقول الفقهاء يعني كل الناس معنيون بها فلا بد من الجواب عنها في هذا السياق ضمن شريط مسجل لمن اراد ان يحتفل به بعد وقد كنت اجيب بصيغة فردية لاحد الناس - 00:01:25ضَ

ثم بعد ذلك اجيب عن سؤال اخر بحول الله عز وجل يتعلق بفهم اية. اما السؤال الاول او بالاحرى النازلة وهي حكم التصاوير يسير من الناس يسأل هذا السؤال لان الاحاديث وردت فعلا بلعن المصورين وتحريم - 00:01:40ضَ

تصاوير احاديث كثيرة وصحيحة وكثير من الناس يفهموا من هذه الاحاديث التحريم باطلاق ولا يفرق بين سورة وصورة فهل فعلا هذا هو السؤال هل فعلا كل التصاوير من كل الاجناس وكل الانواع محرمة ام - 00:02:00ضَ

ان هناك منها ما هو محرم ومنها ما ليس بمحرم. اذا كان الجواب بنعم يعني ان جميع التصاوير من كل الاجناس محرمة فلابد في مثل هذه النازلة من تبيان علة الحكم. وسابين هذا بحول الله يعني معنى هذا الكلام. اذا لم تكن جميعها محرمة - 00:02:20ضَ

بل منها ما هو محرم ومنها ما ليس كذلك. فما هو الضابط او ما الضابط بالاحرى؟ ما الضابط الذي نفرق به بين المحرمين وغير المحرم وما العلة التي حرم بها ما حرم وجاز بناء على غيابها لان الحكم يدور مع العلة وجودا - 00:02:40ضَ

فاذا وجدت العلة وجد الحكم واذا انعدمت العلة انعدم الحكم. ما هي او ما العلة التي ان غابت غاب حكم التحريم ولم يقع اولا الاحاديث قلت كثيرة فعلا. والذين يعتمدون الحديث وينبغي بل يجب على المسلم ان يعتمد الحديث. لان السنة النبوية - 00:03:00ضَ

هي الباب الوحيد الاصلي والاساس لفهم القرآن الكريم الذي هو كتاب الله المنزل من رب العالمين على محمد عليه الصلاة والسلام لابد فعلا من اعتماد الحديث فكثير او كأن هناك بدعة بدأت تظهر وهي عدم الاكتراث بالحديث - 00:03:22ضَ

النبوي وعدم الاهتمام به في اوساط بعض المثقفين وربما بدأ يتطرق هذا الى بعض العامة خاصة وان العالم قد فتح الان عبر بوابات الاعلام الكثيرة على بدع وضلالات كثيرة. السنة النبوية اصل من انكره جملة وتفصيلا كفر - 00:03:42ضَ

هذا حكم شرعي منذ القديم قال به العلماء بالاجماع من انكر السنة جملة وتفصيلا كفر اللي قال السنة ما نخدموش بها اطلاقا على انها ما صالحاش سنة نبوية يعني بصفة عامة هذا يعتبر كافرا. اما من انكر حديثا واحدا ولو كان صحيحا فقد فسقه العلماء ولم يكفره. وفرق بين الفاسق - 00:04:02ضَ

ان الكافر يخرج عن الملة. اما الفاسق فيبقى مسلما ولكنه ضلالات. اذا لابد من اعتماد الاحاديث. هذا بعدا مبدأ نقروه لابد منه. وثبت عن النبي عليه الصلاة والسلام باسانيد متعددة وبصيغ مختلفة انا نلخص الاحاديث بحول الله انه عليه الصلاة والسلام لعن الواشمة - 00:04:22ضَ

المستوشمة والنامصة والمتنمصة والمتفلجات للحسن ولعن المصورين حنا عندنا الغرض بالمصورين لعن مصورين وفي صيغة من صيغ لعن المصورين من حيث هم يضاهئون خلق الله وفي صيغة يضاهون ان خلق الله وايضا قال عليه الصلاة والسلام ان الله يبعث يوم القيامة المصورين وصورهم ويقول لهم احيوا - 00:04:42ضَ

ما خلقتم او كما قال عليه الصلاة والسلام. وهذا المعنى كثير. يعني هاد المعنى ديال تحريم التصاوير وبيان خطورة فعل تصوير الكثير في الأحاديث النبوية وللمناسبة فقط ماشي لأن الموضوع ديالنا هذا ذكرت بعض الأحكام او بعض الملاعن او ملعونين - 00:05:12ضَ

في سياق الحديث الأول ولابد من شرحه لأنه متعلق بالنساء وكثيرا ما يغيب هذا عنهن حتى ولو كن بينات ملتزمات بدينهم. اما الواشيمة الواشمة هي لي كدير الوشمة في وجهها. في جبهتها او في ذقنها او في خديها - 00:05:32ضَ

او في اي مكان وكذلك الانسان الذكر الانسان رجل شاب يدير الوشمة في دراعو كيما نشوفوهم عند بعض الشباب المنحرفين ولا فصدرو ولا فدارو فهذا ملعون بالحديث لكن بشرط تكون - 00:05:52ضَ

هاد الوشمة من النوع المحفور ماشي مصبوغ لأن معروف ان في القديم الوشمة كانت كتحفر كتحفر عند الرجل والمرأة الرجل كيحفر غالبا يديه والمرأة غالبا كتحفر فوجها فهداك الحفير لي كيكون بالة حادة بيبرا ولا بأي شيء وكيدارلو بعض المواد لي كتصبغو باش يولي خضر - 00:06:06ضَ

هذا حرام فعلا لانه تغيير لخلق الله وهذا بالاجماع مافيهش الخلاف فلا يجوز لمسلم ذكرا كان او انثى ان وجهه او يده او صدره رجلا كان او امرأة. هذا ما فيه كلام. اما اذا كان بالنسبة للنساء الرجال في جميع الاحوال لا يجوز. بالنسبة - 00:06:26ضَ

النساء اذا كانت هاد الوشمة ماشي بالحفير كانت بالصباغة فهي تدخل في التقييم التقييم باللغة الفرنساوية اللي كتستعمل في الدارجة باش نكون واضح ويفهموا علي النسا هو الماكياج التقييم. فهاد التقييم لعب فيه ان كانت المرأة تصنعه في منزلها ولا تخرج - 00:06:46ضَ

ولا تخرجوا به فلا يجوز لها ان تخرج به لأنه ضرب من التبرج الذي نهى الله عنه فلذلك يمكن لها دير الوشمة بالألوان بالصباغة ماشي بالحفير. على اساس ملي ترشق لها كتعاود تغسلها وتمسحها. وتمشي بحال هاديك الوشمة. فهذا لا اشكال فيه لأنه نوع من التقييم - 00:07:06ضَ

بحال الكحل لي دار في العين او السواك او شيء من هذا القبيل هذا لا لا اشكال فيه لم؟ لأن العلة السبب علاش تحرمت الوشمة تغير خلق اله كتخلي في المرأة واحد العلامة ثابتة مكتقلعش كأنها تولدت بها هذا تغيير الطبيعة والخليقة لي خلقها - 00:07:26ضَ

الله عليها وهادي العلة وهادا السبب ديال التحريم ومازال نرجع للمعنى ديال العلة شكون هو؟ فسواء كانت واشمة او مستوشمة يعني كيمكن تكون هي طلبت المعلمة دير ليها الوشمة مستوشمة الألف والسين والتاء للطلب طلبت ان يوشم له او كانت هي معلمة كتوشمش من العيالات ما واشماش لراسها - 00:07:46ضَ

مكتوشوش لراسها ممكن ولكن الا وشمات لوحدا خرا راها ملعونة لعن الواشمة والمستوشمة التي فعل لها ذلك والتي فعلته للاخرى كلاهما وكلتاهما ملعونة بلعن رسول الله صلى الله عليه وسلم اياها نطلبو الله السلامة والعافية ماديريه ماتخليه اللي يدير لك - 00:08:06ضَ

اطلاقا لا يجوز اما النمص النامصة والمتنمصة وهذا اللي كتير فعلا هادي مصيبة الان النمص هو نتف الاهداف والاحجاب او الحواجب بالتعبير الفصيح والافصح. نتف الحواجب معروف ان من اساليب التزيين السيئة والله يشهد انها - 00:08:26ضَ

را واحد الغلط واقع للنساء. كينتفو الحجبين ديالهم. هذا حرام. هذا هو النمص. النمص هو نتف الشعر في الحاجب كيكون ربي تعالى خلق واحد الفتاة عندها الحجبين اما متوسطين او بشكل كبير شوية كتبدا هي تنقص منهم بالمنقاش تنقص - 00:08:46ضَ

هذا حرام بالنص الحديثي الصحيح ونوع من التغيير لخلق الله لأن كيبدل الطبيعة ديال المرأة وانصح الفتيات الصغيرات بشكل خاص باش ميبداوش هاد المصيبة. لأنه علم بالتجربة ان بزاف ديال الفتيات بداو هاد المصيبة الكحلة ديال النتف ديال الحجبين - 00:09:06ضَ

واحد الوقت تابع لهم الله تعالى وندموا. ملي بغاو يبداو يخليو الحجبين ديالهم يكبروا كما هما العادة. نبت لها الحاجب مضوبل. لأن ربي عطاها غي واحد في العين. بما انها كتنتف - 00:09:26ضَ

نبتو ليها جوج واحد فوق واحد عقوبة لها فكتبقا بين امرين اما تبدا تنتفطول حياتها فهي ملعونة طول حياتها واما تخليها عندو ها جوج هي ربعة جوج فالجيه نسأل الله العافية فلذلك ليس من المصلحة بل لكل الناس عندهم الذوق السليم الفطري اللي عطاه ربي - 00:09:36ضَ

انسان والله ان الجمال الحق هو في الطبيعة التي خلقها الله عز وجل كما خلقه كما خلقه. هذا ذوق نصراني السيد عوج فعلا زوق فاسد سبحان الله العظيم بعدما انه يؤدي الى شوهة في الوجه والنسا يعرفو كتر مني وكتر من - 00:09:56ضَ

انه لي كتنتف الحجبين ديالها مع المدة كيتنفخو عينيها. وبمنظر شائع حنا خدامين في الإدارة. كنشوفو الكاتبات ونشوفو الأستاذات ونشوفو المعلمات مع الأسف ونشوفو النساء عينيهم منفوخين بسبب النتف الدائم للعين بواحد الشكل سيء ومشوه كتقلب على الجمال كتولي - 00:10:16ضَ

وليس عبثا ان حرم رسول الله صلى الله عليه وسلم ذلك النامصة والمتنمصة متنمصة لي طلباتو قالت للمعلمة الكوافورة يتصاوب لها داكشي والمصيبة بعض الأحيان ولا في كثير من الأحيان دابا الكوافور ما بقاش غير كوافورة هادي ادهى من الأخرى ذنب فقدا ظلمات بعضها فوق بعض - 00:10:36ضَ

والمتنمصة اما تطلب هي اللي كطلب داكشي والنامصة اللي كتفعلو المعلمة اللي كتصوبو المتفلجات للحسن هوما هادوك النساء اللي كيمشيو لعند الدكتور ديال الاسنان يبدا يحك ليهم بداك المبرد ديال السنين بين السن والسن باش يديرو الفلجة يعني داك الفراغ اللي كيكون بين السن والسن كتسمى الفلجة حتى بالدارجة - 00:10:56ضَ

المتفلجات للحسن لأن بعضهن يعتقد بأن الجمال ملي كيكون السنين مفروقين على بعضهم والله عز وجل على لسان رسوله الكريم عليه الصلاة والسلام عن ذلك نهي تحريم لأنه الصيغة ديال اللعن لعن الله لا يدل الا على التحريم ماشي لا تفعل هادي اللي يمكن تحتامل الكراهة - 00:11:16ضَ

تحريمنا ان اللعن لا يحتمل الا التحريم. لا يكون الانسان ملعونا الا اذا اغضب الله عز وجل. ولذلك من اغضاب الله ان يسعى الانسان رجلا كان امرأة الى تغيير خلق الله بالوشم او النمص او التفلج - 00:11:36ضَ

نعم يجوز شيء اخر ماداخلش فهادشي وذلك حينما يكون الرجل او المرأة ذا او ذات عاهة كيكون بعض الأحيان رجل او امرأة عندو عاهة. عاهة واحد يعني مرض. واحد الحاجة ماشي طبيعية. اما شي زيادة في - 00:11:52ضَ

الوجه ديالو ماشي من الطبيعة ديال اله عز وجل يعني ليس من سنة الله في الخلق ان تكون في الصورة بحال مثلا يكون نابت لشي واحد لا قدر الله رجل كان اخ - 00:12:12ضَ

امرأة الشعر فلخد ديالو بواحد الشكل يعطي صورة ماشي طبيعية فليس من الطبيعي وليس من العادي ان يكون شعر في خد المرأة بحال هذا يمكن لها تزولو ان سبت ان الإزالة ديالو لا تؤدي الى مرض يكون يعني بعملية جراحية للتزيين مثل هذا لا حرج فيه ولكن - 00:12:22ضَ

الحاجة اللي طبيعية خلقها الله طبيعية وتكلعها هذا لا يجوز. وكذلك الشعر الموجود بين الحاجبين. تا هداك مخصوش يزول كاين اللي الحجبين ديالو هذا دربون من الجمال ايضا. كاين لي يدوق ان الحجبين يكونوا مفروقين كاين لي ما يدوقش - 00:12:42ضَ

كيدوق ان الحجبين يكونوا ملاقيين ماشي عيب. فهذا ليس عيبا ولا مرضا. راه معروف لي حاجة لي كتسمى عيبة. والحاجة لي مكتسماش عايبة. بحالا قدر الله واحد الإنسان عندو ستة - 00:13:00ضَ

ماشي طبيعي فهذا يجوز له انه في الصغر ديالو وفي الكبر ديالو يمشي يدير عملية يقلع هداك الاسبوع السادس فهو هذا يعني عن مرض واقع فالخليقة ديالو ملي كان جنين فكرش مو. ما كيكونش عادي. ويقاس عليه كل شيء يعتبر عاهة عاهة. وكاين بزاف - 00:13:10ضَ

بزاف ديال العاهات الله ينجينا وينجيكم كيتزاد بهم الانسان خليقة ما فيها باس يمشي للطبيب يحيد لو هاديك العاهة اما حاجة طبيعية يمشي الانسان يدير عملية جراحية علاش؟ لان وهاكا هذا لا يجوز - 00:13:30ضَ

لا يجوز باطلاق هذه موضات يخترعها الشياطين دياول الكرة الارضية. شياطين العالم لليهود والنصارى ندخل الى موضوع الفتوى وهو تحريم التصاوير. الآن نرجع للعلة. اولا الدليل وحده غير كاف في اصدار الفتوى. واحد الغلط شائع عند واحد العدد ديال - 00:13:42ضَ

لما كيقولك الحكم الشرعي كيقولك ها الدليل ولا تعطيه الحكم الشرعي يقولك عطيني الدليل نعم مزيان الدليل ولكن هادي رقم واحد خاصك رقم تنين الدليل وحده ليس بكاف بل هناك شيء اخر بالاجماع عند العلماء ماشي زعما هدا كلامي انا بوحدي ولا كلام عالي من العلماء لا بالاجماع وهو - 00:14:01ضَ

دلالة الدليل ما معنى دلالة الدليل؟ يعني كيف فهمت هذا المعنى من تلك الآية؟ تقول لي هادي حرام وتحط ليا الآية ولا تحط الحديث؟ طيب تا انا نقول لك واجبة - 00:14:21ضَ

ونحط الحديث ولا نحط الآية شكون اللي غالط فينا؟ انت قلت حرام انا قلت لك واجب لمن نتحاكموا؟ نتحاكموا للدلالة اشمن طريق؟ واشمن منهج؟ واشمن شكل من الأشكال باش فهمنا هاد المعنى من هاد الآية وفهمنا من هاد المعنى من هاد الحديث وهو ما يسمى بدلالة الدين اذن ها النقطة اللولة نقرروها باش نفضيو من هاد الموضوع ديال التصاوير - 00:14:31ضَ

لأنه يثير فتنة بزاف ديال الهرج فيه. لابد من الدليل ومن دلالته. الأمر الثاني لابد من العلة وهنا ندخلو فموضوع ديال العلة الفقهاء يقولون في قاعدتهم المشهورة الاصل في العبادات المنع حتى يرد الاذن - 00:14:51ضَ

الاصل في العادات الاذن حتى يرد المنع. من معاني هذه القاعدة ان الامور ديال العبادات المحضة. ما خصناش نقلبو فيها على العلة العلة هي السبب علاش هادي واجبة وعلاش هادي حرام؟ هدا معنى العلة يعني بتبسيط الآن انا نبسط والا راه كاين الكلام يعني فيه تعقيدات علمية اكثر - 00:15:11ضَ

لي عندو الغرض بالبحث يعاود يتاصل بيا من بعد بحول الله عز وجل نتكلم باللسان العام باش نحاول نفهم الأكبر شريحة من الناس اذن قلنا السبب علاش هذا واجب وهذا علاش حرام السبب كيتسمى العلة عند العلماء قالوا الأمور ديال العبادات مفيهاش العلة مخصكش تقلب عليها - 00:15:31ضَ

لأن عمرك ما توصل ليها وما غتفهمهاش. بحالاش ؟ علاش المغرب فيها تلاتة د الركعات وما فيهاشاي ربعة. شكون لي فهمها بعقلو تا واحد ولم يذكر النص لا كتاب الله ولا سنة - 00:15:49ضَ

رسول الله صلى الله عليه وسلم. السبب علاش ؟ علاش كنصليو الركعتين اللولة بالجهر؟ وما كنصليوهاش بالسر. بحال العصر مثلا. وعلاش العصر ما نصليو بالجر تا هو. ولا نقول اودي علاش المغرب مانصليوشاي دوك الركعتين اللولين؟ بالسر ونصليو الركعة اللخرية هي بالجهر علاش كانطوفو على الكعبة سبعة؟ علاش مانديروشاي تسعود؟ مثلا علاش كانقراو - 00:15:59ضَ

الحجر الأسود هداك نبوسوه والحجر ديال الجمار نرجموه هادي حجرة وهاديك حجرة وحدة كنبوسوها وواحدة كنضربوها هادي امور لا تفهم بالعقل لانها عبادات محضة. عبادات محضة ما يمكنش دير فيها القياس العقلي ولا التعليم. علاش المغرب في رمضان؟ كنفطرو في المغرب على ما نفطرو حتى - 00:16:19ضَ

تال العشا علاش كنقطعو الماكلة مع الفجر؟ علاه منقطعوها حتى لشروق الشمس؟ الى بغيت دير العقل بعض الأحيان يبان لك بأنه بالعقل اسيدي ارا نجبدو الماكلة حتى تقرب تشرق الشمس - 00:16:39ضَ

مع الشمس نعتابرو الشمس هي البدية دالنهار او نقطعو الماكلة تما ونجبدو الصيام حتى للعشا لأن المغرب راه باقي الضو ديال الشفق مثلا فإذا هذه امور لا قياس فيها ولا تعليل فيها - 00:16:49ضَ

مايمكنش تقولي اش هو السبب ديال هاد الحكم علاش واجبة هاكدا وعلاش حرام هاكدا ماعندو سبب عندو سبب عند الله تعالى ولكن غيب لا يتصوره العقل يتصور بالسين دابا ما يطلعشاي للسور ديالو السور ديالو عالي الغيب السور ديالو عالي لانه لا يعلم الغيبة الا الله عز وجل اما الامور الاخرى - 00:17:04ضَ

من الفقه المتعلقة بالمعاملات او ما يسمى بالعادات داخلة فيها المعاملات وغيرها العادات كاين العبادات والعادات كل تقريبا مقسمة بهاد التقسيم. فإذا اتفقنا على امور العبادات ما تخدمش العقل. قبط الآية وقبط الحديد طبق وسكت. قال لك النبي صلى الله عليه وسلم كان كيركع هاكا اركع هاكا. ما تزيدش - 00:17:24ضَ

الهضرة لا تناقش كان كيسجد على سبعة اعراب اسجد حتى انت على سبعة اراب اللي دارها ديرها اتباع تبغي تفهم ما تقدرش ما يمكنش مستحيل تفهم اذن هادي امور العبادات امور العادات ما معنى امور العادات؟ كتعلق بالحياة الدنيوية ديال الإنسان هادي امور العادات تا هي فيها الحلال والحرام فيها الشرع لأن الشرع تكلم - 00:17:44ضَ

على احكام الدنيا وعلى احكام الآخرة. احكام الآخرة المتعلقة بالصلاة والصيام والحج وكثير من فقه الزكاة او نصوص الزكاة لأنه الزكاة فكتير من الحدود ديالها تعبدية فيها جانب مفهوم معقول ولكن فيها جانب كبير تعبدي علاش؟ ربع العشر ف المال علاش - 00:18:04ضَ

يكون تا هو نصف العشر علاش الجمال حتى تبلغ خمسة عاد دير فيها الزكا علاش ما نديروها حتى لعشرة علاش الغنم حتى توصل اربعين وعلاش البقر كيوصل ثلاثين يعني هاد الأمور ما يمكنش العقل يضبطها ولا يبت فيها. فيها نصوص الإنسان كيتبع النصوص امور تعبدية. والزكاة فيها جانب تعبدي وجانب - 00:18:24ضَ

غي بعقلي كاين امور اخرى فعلا ربط بمصالح وربط بعلل يعني الآن ماشي هو المجال ديالو ماعندناش فيه تفصيل الآن ما عندنا غرض به الآن اذن امور ديال العادات اللي كتعلق بالعوايد ديال بنادم فالدنيا خصو من بعد ما يجيب الدليل من كتاب الله وسنة رسول الله عليه الصلاة والسلام ها واحد - 00:18:44ضَ

جيب الدلالة ها المعنى وها الطريق منين فهمت انا هاد المعنى ها المقاييس اللغوية الدلالية الاصولية اللي عطاتني هاد المعنى هاد تنين يقلب على السبب علاش هذا واجب؟ والسبب علاش هذا حرام؟ عاد يحكم. الى ما كانت عندو هاد الأمور السكوت في حقه اولى. ومع الأسف عدد من الناس - 00:19:04ضَ

يكون عمرو ما قرا من العلم شيء. كتجي واحد الفرصة كيطلع على حديد في البخاري ولا في مسلم ولا في الترمذي ولا النسائي. ويمشي يصدر الفتوى لعباد الله. هذا منكر - 00:19:24ضَ

كبير الفتوى صنعة الفقه صنعة صنعة خص بنادم يفني عليها عمرو عمر النجار ما يصاوب طبلة فالنهار اللول اللي دخل للنجارة لابد يضرب ويتجرح ويخسر الطبلة الاولى والثانية واحد المدة عاد كيتعلم يعني خصك تكتسب خبرة فكذلك العلم في كل صنوفه وفنونه خصو - 00:19:34ضَ

وقت وهذا مشكل الآن في الساحة الدينية ديالنا لأنه بزاف ديال الناس يحفظوا بعض الأحاديث صافي يولي يفتي اذن لنعد الى ما نحن فيه اللباس من امور ديال العادات ماشي من امور العبادات العبادات المحضة مكنعبدوش الله عز وجل باللباس بالمعنى - 00:19:54ضَ

ديال العبادة المحضة كنعبدوه باللباس بالمعنى العام للعبادة ولكن العبادات المحضة هي التي نزلت فيها نصوص تقيدها على انها قربان نتقرب بها الى الله عز وجل خصوص بحال الصلاة بحال الصيام بحال الصدقة هادي امور عبادات محضة - 00:20:10ضَ

اللباس من العادات علاش من العادات؟ باش نفهمو بأنه من العادات. كنفهمو بأنه من العادات لأنه اللباس عند المسلم وعند الكافر. تا الكافر كيلبس النصراني كيلبس ليهودي كيلبس المجوسي كيلبس اللي ما عندو دين فخطرة كيلبس عادة بشرية بنادم بالفطرة اللي دار اله فيه كيلبس الأكل والشرب - 00:20:30ضَ

عادة لأنه المسلم كياكل ويشرب والكافر كياكل ويشرب بينما الصلاة عبادة الصلاة بالشكل ديالها الإسلامي خاصة بالمسلمين الصيام بالشكل ديالو الإسلامي خاص بالمسلمين ماشي عادة عبادة الزواج عادة البشر يتزوج بشكل عام عندو الدين ولا ماعندو دين - 00:20:50ضَ

حيوان كيتزوج عادة فطرية فالبشر فالانسان التصوير ايضا ضرب من دروب العادة لأنه سلوك بشري عام من زمان من قبل الميلاد ديال سيدنا عيسى عليه السلام لأنه اشكال التصوير قديمة تماسيل من العادات القديمة ديال البشر بأشكال مختلفة حتى ان شرع من قبلنا اللي هو - 00:21:10ضَ

والديانة لي كان كيدين بها سليمان كان عندهم التماثيل الجائزة فكانت الشياطين تصنع له التماثيل بينما في الدين ديالنا نهي يعني التماثيل ماعمر التصوير بصفة عامة كيفما كان الأشكال ديالو كيما بغيتي تخيلو فبالك مكان كيتعتابر عبادة فالدين ديالنا ليس من العبادات بل هو من العادات - 00:21:34ضَ

وهذا بسيط يعني بشكل بسيط الإنسان يفصلو لأنه العبادات المحضة محسوبة ماشي شي حاجة كثيرة محسوبة معروفة العبادات المحضة تصويرو عادة من العادات يمكن تكون عادة سيئة ويمكن تكون مشي سيئة هادي حاجة خرا مزال متكلماتش فهادشي ماشي زعما راه عادة اذن راه مزيان لا - 00:21:55ضَ

هو عادة عادة بشرية وليس عبادة لأن العبادات منصوص عليها بالقواعد ديالها اذن اذا كان التصوير عادة من العادات فالحكم عليه بالسلب او بالايجاب بالتحريم او بالاباحة خصو العلة لأنه قلنا والأصل في العادات الإذن حتى يرد المنع يعني لي جاب لينا بأنه حرام نقولو ارا الدليل ديال التحريم - 00:22:13ضَ

اولا الآية ولا الحديث ثانيا كيفاش فهمت هاد التحريم من هاد الدليل؟ ثالثا ما العلة في هذا التحريم الأكل والشرب كما انه علة قلت العلماء اجمعوا على ان علة تحريم الخمر كونه مسكرا - 00:22:39ضَ

الخمر علاش حرام لأنه كيسكر كيغيب العقل هادي العلة لي يكون مكيسكرشاي ميحرموش الله تعالى فعلة تحريم الخمر الإسكار وهذه علة مجمع عليها استنباطا وفهما من نصوص كثيرة من الحديث النبوي خاصة ولذلك ملي كنلقاو العلة كنقدرو نديرو القياس الى ملقيناش العلة - 00:22:58ضَ

ممنوع دير القياس فلما فهمنا بأن الخمر دابا انا كنبسط فالعلة باش تفهمو مزيان الكلام ديال التصوير لما كنفهمو بأن سبب تحريم الخمر هو كونو كيسكر اي حاجة يجيبها لنا شي واحد ما سميتهاشاي الخمر وكتسكر غادي نقولو لو اودي هادي حرام نقولك اودي ماشي حرام - 00:23:18ضَ

ولكن كيسكر فإذا الخمر تحرم لأنه كيسكر وهادي كتسكر واخا مسميتهاشاي الخمر خصها تكون حرام يكون فانيد كاينة كيفما بغا يكون بنادم شربو ولا شمو ولا كيما دار لو باش يغيب على عقلو هو وشارب الخمر سواء لاستواء - 00:23:34ضَ

الجامعة بينهما فحاكمنا بالتحريم على الفرع قياسا على الاصل للعلة الجامعة بينهما وهي الاسكار. هكذا كيخدمو الفقهاء من زمان لأن الشراب الشراب اي شراب وخا تشرب الما عادة من العادات البشرية فخصنا فيه العلة - 00:23:54ضَ

السبب علاش حرام يكون اودي قضية تعبدية محضة معندناش الحق نطرحو هاد السؤال. قلنا اذن مهنة التصوير وفعل التصوير عادة بشرية قوم نوح تصوروا ودارو تماثيل يعوق يغوص ونسر صنام. او المصريين القدام الفراعنة كانوا كيصورو في الحيوط ديالهم. باقي الرسوم ديالهم الى الآن. بلا اصنام ولكن بأشكال - 00:24:12ضَ

محفورة وعندهم اصنام ايضا لملوكهم. اذن الآن غادي نقلبو على العلة في تحريم التصوير. عاد نتكلمو على التحريم النصوص كاينة. قرينا بعض النصوص. ولا يجوز اننا نطبق النصوص بدون فهم علتها. علاش؟ النبي صلى الله عليه وسلم لعن المصورين. خصنا - 00:24:36ضَ

خصنا نفهمو علاش الى مفهمناش علاش غادي نغلطو خارج الحكم الشرعي النبي صلى الله عليه وسلم واحد الخطرة باش نأكدو هاد القضية هادي را بزاف ديال الناس مكيقبلوهاش من العامة ماشي من العلماء اما العلماء هادي عندهم بالإجماع - 00:24:55ضَ

ابو موسى الاشعري رضي الله عنه وجابر بن عبدالله صيفطهم النبي صلى الله عليه وسلم لليمن باش يعلموا الناس ويفقهوا الناس. في الحديث ديال يسرا ولا تعسرا دوزو واحد المدة وجاو قالوا ليه يا رسول الله صلى الله عليه وسلم ان فيها شرابين يشربان راه هاد اليمن عندهم واحد جوج - 00:25:08ضَ

الأنواع ديال الأشربة كيشربوها احدهما يقال له الموز والآخر يقال له البتع ما عندهمش هما من غير الخمر الخمر شيء عندهم واحد جوج شرابات خرين كيشربوهم واحد كيقولو لو الموز وواحد البتع. واش نشربو هادشي ولا ما نشربوهش؟ فما نشرب. النبي صلى الله عليه وسلم ما عرف ولا المز لا البتاع - 00:25:28ضَ

عليه الصلاة والسلام كيعرف الخمر اش قال لو؟ قال لهم اشربا ولا تسكرا انا ما عرفتش هادشي نتوما نشربو الى كان داكشي كيسكر شربوه راه المشكلة في الخمر من حيث انه كيسكر مشروبا وهلاك سكورا اي شراب طاهر شربوه اذا كان شراب مسكر لا يكون بتع ولا يكون كيما بغا يكون راه - 00:25:48ضَ

فكل مسكر خمر وكل خمر حرام. مشروبا ولا تسكر اذن الأمور ماشي نزلت الآية في تحريم الخمر وتطبق على كل شيء لا انما تطبق على كل شيء مسكر واخا ماكانش شراب يكون غبر - 00:26:08ضَ

راه مسكر اذن هو حرام بقياسه على الخمر. ويلا واحد جاب لينا عصير العنب. وخا هداك العنب للي كيتحرث خصيصا للخمر. ولكن غير مشكل شربوه ما كاين باس لأنه ليس بخمر ولا هو بمسك عصير العنب - 00:26:24ضَ

اذا العلة لابد وان تكون مؤثرة مناسبة ملائمة للحكم الشرعي مفهومة من النص دلالة استنباطا وموجودة في الفرع حقيقة وتحقيقا باش يمكنا نزلو الحكم على الواقع ديالنا انرجعو الان للتصوير والتصاوير ثبت فعلا ان - 00:26:40ضَ

النبي صلى الله عليه وسلم نهى عن التصوير ولعن المصورين والاحاديث كثيرة وصحيحة لا جدال في صحتها. طيب ما العلة؟ علاش؟ ما السبب سبب مصرح به وهذا كيسميوه علماء اصول الفقه العلة المؤثرة يعني العلة لما كينص عليها القرآن ولا السنة ما كيبقاش فيها الجدال كتكون علة - 00:27:00ضَ

مؤشرة يعني قوية اقوى مراتب التعليم كيسميوه علة مؤسرة كقوله عز وجل في القرآن ويسألونك عن المحيض قل هو واذى تعتزل النساء في المغرب. فعللت تحريم جماع المرأة ايام الحيض بكون دم الحيض دما مؤذيا ماشي دم - 00:27:20ضَ

دم مرضي مؤذي. ولذلك صح ان يقاس عليه دم النفاس. وقد فعل الفقهاء ذلك. لانه دم مرضي لما كيجي يعني دم فاسد شي مرضي فالحقيقة التعبير ماشي دقيق ديال مرضي دم فاسد اما ملي كيكون الدم المسمى بالاستحاضة - 00:27:40ضَ

هو عبارة عن نزيف عرق كما قال النبي عليه الصلاة والسلام نزيف فهذا لا اشكال فيه لانه حاجة ماشي كتعلق بالدم المخصوص الذي ذكره الله عز وجل وعلله بكونه اذى هادي علة كيسميوها الفقهاء علة مؤثرة منصوص عليها بالنص قل هو اذى هذه الاحاديث التي ذكرت - 00:28:00ضَ

تحريم التصوير ولعن المصورين منصوص فيها على العلة ما تحتاجش تجبدها بعقلك كاينة بالنص فبعضها ذكرها وبعضها لم يذكرها والعبرة بجمع النصوص ماشي الفهامة ديال الحديث انك تقبط نص من واحد الجيه وتخلي نصوص اخرى لابد من جمع الأدلة - 00:28:20ضَ

جميعا. ومن الصيغ الثابتة عن النبي عليه الصلاة والسلام تعليله حكم التحريم بأن المصورين هادي العبارة ديال الحديث يضاهي خلق الله. يضاهئون. كيتعاندو مع اله. المعاندة. كيدير بحال الله عز وجل. الله خلق بنادم. تا نتا كتمشي وتبدا تخلق شي حاجة - 00:28:40ضَ

تخلق جمل ولا بنادم تا نتا اخر ولا كدا بالطين ولا بالبرونز ولا بالدهب ولا بالميكة والبلاستيك وتبدا تصنعو هادي مضاهاة كتحدى الخلق المصدر يعني المصدر خلق يخلق خلقا كتحدى الصناعة الالهية صنع الله الذي اتقن كل شيء سبحانه وتعالى - 00:29:00ضَ

كدير بحالو حرام عليك دير بحالو لأنه عز وجل خلق ولا ينبغي لأحد ان يخلق مثل خلقه ولا يمكن له ماشي حتى انه يقدر دير بحالو ما غاديش تقدر فالله عز وجل حرم عليك ان تصنع مثل ما صنع الرب عز وجل وحرم على العباد ان - 00:29:18ضَ

حتى مجرد المحاولة افمن يخلق كمن لا يخلق فالله عز وجل يخلق هو وحده خالق كل شيء والخلق شيء عجيب جدا وغريب جدا وهذا هو السر باش حرام تخلق حتى انت شي حاجة لأنك كدخل في واحد الغيب لي - 00:29:38ضَ

بالعقل ديالك تفهمو حينما خلق اله ادم عليه السلام قال له كن فيكون خلقه من تراب طين وصنعوا سبحانه وتعالى في صورة تمثال واقف طين بجسده. ما شاء الله ان يكون كما في الحديث يعني مدة هو وقف طين تمثال - 00:29:57ضَ

وتصور كيفاش الطين تصور بعقلك وتخيل بخيالك باش تقدر حتى مجرد التخيل كيجي صعيب كيف ان الطين الطين كيتخلق حول شعيرات دموية. خلايا عصبية. ماء في الأعين. شعر على الرأس. جمال وهيئة عجيبة ثم - 00:30:17ضَ

ينفخ فيه او نفخ فيه من روحه عز وجل وتحرك ادم ونطق. غريب انت لما تبغي تعاند مع ربي تعاند فشي حاجة اللي ماشي شغلك او ما تقدرش عليها المضاهاة المعاندة المعاندة الخاسرة مية فالمية من البداية او هاد المعاندة فيها واحد الحكمة - 00:30:37ضَ

وهي انك ما راضيش بكون الله هو الخالق الأوحد للكون. باغي تشوف واش يمكن تا نتا دير بحالو من هنا كان التحريم قاطعا في كل ما من شأنه ان يدل على فعل المعاندة والعناد والمضاهاة - 00:30:57ضَ

ولذلك الله عز وجل لما بغاو يعاندوه تا هو محنهم سبحانه وتعالى يوم القيامة. يبعثو المصورين وصورهم. اي واحد كان كيقوم بالتصوير في الدنيا كيبعتو الله تعالى ويجيب لو قاع داك العرارم ديال التصاور اللي تصور وديك التماسيل اللي صنع وحطهالو قدامو قولو يالاه نتا خلقتها ايوا كمل الشغل - 00:31:15ضَ

نفخ فيها الروح يبدا الإنسان والعياذ بالله يتعذب بذلك محن معاه نفخ فيها الروح احيوا ما خلقتم المعاملة بنقيض المقصود بما انك بغيت تعاند مع الله تعالى الله تعالى يعاندك. سبحانه وتعالى ومكروا ومكر الله سبحانه وتعالى. والله عز وجل في نهاية - 00:31:35ضَ

يغلب وهو القاهر فوق عباده سبحانه وتعالى. طيب اذا ثبت ان علة التحريم للتصاوير هي مضاهاة نطرحو سؤال اخر واش المضاهاة علة واحدة وحيدة ولا معاها شي حاجة خرا بزاف ديال حتى المعلمين في الفقه كتغيب عليهم - 00:31:55ضَ

ليس دائما طبعا ولكن في بعض الأحيان لأن العلة ماشي دايما كتكون وحدة يمكن تكون وحدة يمكن تكون العلة متعددة ما يسمى بالعلة المشتركة او جزء العلة. ليس كل الأحكام معلنا بعلة واحدة. قد يكون الحكم الواحد معلنا بعلة واحدة - 00:32:15ضَ

او بعلتين او اكثر فقلب تمشي تكون علة خرى نتا مسقت ليها لخبار او دور الحكم مع علة المضاهاة او تبيح كلشي او تكون محرمة انت مسقت لها الخبار. قبل ما نفصل هادي نعطيكم مثال اخر. غير باش يبان الكلام ديالي مزيان - 00:32:33ضَ

زمان كتير من الفقها كانوا كيقولو اودي العدة ديال المرأة المطلقة والمرأة المتوفى عنها معروف المرأة المطلقة العدة ديالها ثلاثة طرق يعني تقريبا تلت شهور حوالي تلت شهور معروف يعني تلاتة دالحيضات ولا تلاتة دالأثار والمطلقات ويتربصن بأنفسهن ثلاثة قرون - 00:32:49ضَ

اما المرأة المتوفى عنها في الأجل ديالها اربعة اشهر وعشرة. قالوا الفقهاء يا ودي العلة بعض الفقهاء باش نكونو دقاق في الكلام ديالنا. قالوا العلة يعني السبب علاش؟ لأن هاد الأمور من العادات هذا فقه المعاملات والمناكحات من العادات فخدامين فيه بالتعليم قالوا يا ودي العلة ديال العدة لا بالنسبة - 00:33:09ضَ

مطلقة ولا بالنسبة المتوفى عنها هي براءة الرحم من الحمل. زعما باش نتأكدو بأن هاد المرا ما حاملاش عاد يمكن لها تتزوج راجل اخر باش استدلوا استدلوا بقول الله عز وجل وولاة الاحمال اجالهن ان يضعن حملهن يعني المرا لي حاملة - 00:33:29ضَ

سالا العدة ديالها اذا كانت مطلقة ملي توضع التلات ديالها ذكرا كان او انثى ما تجلسش هي دير ثلاثة قروء يكفي انها السيمانة الاولى ديال ما بعد الطلاق او شهر او شي من هاد القبيل اجلهن ان يضعن حملهن ها الغاية ديالو فهمو هوما - 00:33:49ضَ

بأنه العلة العلة هي براءة الرحم من الحمل زعما بأن المرا ماحاملاش ايوا نطرحوا واحد المشكل الآن ارأيت ان استطعت الطب المعاصر زعما جا الطبيب الآن بالخبرة ديالو وبالأجهزة ديال التحليلات المخبرية والراديوات المتطورة جدا - 00:34:09ضَ

وطلع لينا المرا بأنها ما حاملاش من بعد شهر او من بعد السيمانة ديال الطلاق ديالها وعطيك تقرير علمي مية فالمية بأن هاد الرحم بريء من الحمل واش نحسبو لها ثلاثة القرون ولا لا؟ الى خدمنا بالعلة ديال براءة الرحم خصنا نقولو الخدمة الفقهية الأصولية الحكم يدور مع العلة وجودا وعدما فإذا وجدت العلة وجد - 00:34:29ضَ

واذا انعدمت العلة وانعدم الحكم نقول اودي هادي ماتحسبش هاي ثلاثة قرون علاش؟ لأنها ماشي حاملة ها الدليل قطعي بأن ماشي حاملة الطبيب عشرات ديال الأطباء كيشهدوا الأدلة العلمية لأن المرا ماحاملاش ولكن كيبقى مشكل الله عز وجل بنص القرآن دليل قطعي الثبوت والدلالة وعام هل يجوز تخصيص - 00:34:49ضَ

مثل هذا ام لا يخصص الا بدليل منصوص والمطلقات يتربصن بانفسهن ثلاثة قرون ولذلك الحكمة ان بنادم ما يتسرعش يقول لعلة وحدة. بل في هذه الاية علة سانية. الى غابت هادي كتحضر هادي. وهاد العلة الثانية علة - 00:35:09ضَ

معنوية تكريم للمرأة باش تعرفو التشريع الإسلامي شحال رفيع وعالي لهاد البانضية لي باغين يحولو مدونة الأحوال الشخصية ويعوجوها. هادو تابعين النصارى تابعين شي المسلمين. النصارى واليهود. حاشا واش تابعين الدين ديال الاسلام - 00:35:29ضَ

الله عز وجل جعل للمرأة المطلقة ثلاثة قرون اكراما له حتى تختلف وتتمايز عن المرأة المومس المرأة المميت هي المرأة الفاسدة اعز الله ذكركم. لأن المرأة العاهرة الفاسدة يعني الزانية. رجل داخل ورجل خارج ما عندهاش ثلاثة قرون - 00:35:45ضَ

بينما المرأة المسلمة خصها لما يطلقها الرجل دير تلت شهور العلة اللولة براءة الرحم تنين باش متشبهش بالمرأة الزانية كيعطيها الإسلام فترة ديال التأمل وفترة ديال التدبر والتذكر نعم كيمكن الزوج الأول يرجع حنا نديرو كاع احتمال اخر وهو ان هاد الزوج - 00:36:08ضَ

طلاقا باتا فخطرة ولا هادي التطليقة الثالثة ديالو خصها تجلس تلت شهور للعلة الأولى او الجزء العلة وهي براءة الرحم من الحمل او تنين حتى تخالف المرأة الموميس المرأة المسلمة كريمة عند الله. كيرفع درجتها - 00:36:28ضَ

كيعطيها تلت شهور او ثلاثة قروء فيها واحد النوع ديال التشريف ليها او تكريم هذا معنوي يدرك بالوجدان وبالذوق هذا الجمال ديال الاسلام الجمال ديال الاسلام ان الله جميل ويحب الجمال. ليس في الوجوه وحسب بل في الاحكام وفي الحياة العامة - 00:36:46ضَ

اذا ماشي دايما كيكون الحكم الشرعي مرتبط بعلة وحدة ايلا مشينا ربطنا الحكم الشرعي في العدة بعلة البراءة حنا نوحلو معاها الأدلة العلمية المعاصرة يقول لك اسيدي هاد المرا ما حاملة غادي غير تعدبوها بتلت شهور. ها هي جالسة تسنى الخوا. كنقولو لو اودي ماشي علة بوحدها هداك غير طرف دالعلة جزء العلة اما جزء العلة - 00:37:05ضَ

هو تكريم لا يجوز ان نتعدى حد الله في الحد والعد. اذن في التصوير قلنا لقينا واحد العلة وهي المضاهاة ها واحد باقي لنا واحد وحدة اخرى فعلا العلة الثانية وهي الشركية والوثنية لأن التصوير صورة بجميع الأشكال ديالها بجميع اشكالها - 00:37:25ضَ

احتملوا ان تعبد من دون الله. من غير ان داك اللي صنعها داك اللي صنعها بعدا راه واحل وحل فالعلة ديال المضاهاة كيتعاند مع ربي. ولكن ملي يبيعها ولا يحطها - 00:37:45ضَ

كيمشي كيمكن يجي شي واحد ضاربو الله ويبدا يعبدها ها العلة الثانية وهي الوثنية او الشركية فهما علتان متكاملتان بهما حرم النبي عليه الصلاة والسلام التصوير ولعن المصورين ايوا دابا عاد نطبقو - 00:37:55ضَ

الحكم على الواقع اللي كيسميه علماء اصول الفقه تحقيق المناط تحقيق المناط يعني ماشي عاود كملنا مازال ارا نزلوه على الصور اللي عندنا ارو لنا الصور كاينة الصورة بهاد الشكل وبهاد الشكل وبهاد الشكل. ونطبقو عليهم هاد الحكم. هادي حرام لأن فيها العلة ما فيهاش العلة - 00:38:13ضَ

هدا كيتسمى تحقيق المرض المرض هو العلة كنحققوه يعني كنديرولو الاختبار فالواقع واش هادي لايق ليها ولا ما لايقش ليها؟ مع الاسف عاود هدا قسم كبير من الفقه بزاف ديال الناس ما سايقين لو خبار ليس من حفظ اية او استظهر حديثا راه كمل الفقه شوفو الحديث ديال النبي صلى الله عليه وسلم ورب حامد - 00:38:30ضَ

في فقه ليس بفقيه. راه هذا هو المعنى ديالها. رب حامل فقه ليس بفقيه. ما معنى حامل فقه؟ يعني حافظ النص. ولكن ما فاهم والو ليس وفي الحديث الاخر الصحيح ايضا رب حاملي فقه الى من هو افقه منه فحامل الفقه حامل نص الفقه نص - 00:38:50ضَ

ديال الفقه حافظ الآية ولا حافظ الحديث؟ والفقيه من يدرك المعنى ويمكنه تنزيله في الواقع؟ لي كتسمى النازلة فإذا نقوم الآن بتحقيق المناط عندنا جوج ديال العلة علة الشركية وعلة المضاهاة نزلوهم فالواقع ارانا التصاور اللي كاينين اولا التماثيل وهي الصور - 00:39:10ضَ

المجسمة اللي عندها الضو هادي حرام بالاجماع لان فيها علة المضاهاة باينة بنادم كيصنع تمثال راه كيدير بحال داكشي اللي كيدير ربي عز وجل يتزاحم مع الله عز وجل سبحانه وتعالى. تنزه وتعالى عما يصفونه وعما يفعلون. فما كاينش خلاف بين المسلمين في ان الصور المجسمة - 00:39:28ضَ

حرام تماسيل بجميع انواعها مصنوعة بلا حجر ولا بالبرونز ولا بالدهب ولا بالميكة كيما كانت حرام هنا استثناء اللعاب ديال الأطفال المونيكات هذا جواز استثناء من الاصل هذا جائز حلال وفي حديث عائشة رضي الله عنها النبي صلى الله عليه وسلم دخل على عائشة واحد المرة مزال متزوجش بها باقي - 00:39:48ضَ

فيها بنيتة صغيرة طفلة كتلعب بواحد الطينة طينة تصنع منها عود حصان صاوب واحد الحصان دارتلو الرجلين دارتلو الظهر دارتلو الراس ديالو صاوباتو شوية دارتلو الجناح قاليها النبي صلى الله عليه وسلم ما هذا؟ قالتلو حصان بقا يضحك معاها قالها حصان له جناحان كاين شي عود عندو جناح فأقرها على ذلك - 00:40:08ضَ

ما قلناش خسريه ولا حرام لا خليها تلعب لأنها طفلة تلعب راها كتلعب ثم هاديك ما عندهاش نهائيا النية ديال المضاهاة. ها واحد اثنين انها من بعد ما كتلعب بديك الطينة كتخبزها. والطفل تشري لو مونيكة وخا - 00:40:28ضَ

فيها ميترو يلعب بها تلتيام ربعيام واحد المرة طير لها الراس خور لها العين زاوط لها الرجلين انتهى امرها اي شيء صنع للاعبين فهو جائز بهاد الغرض بهاد الشكل وبهاد المواصفات صنع للاعبين ولكن واحد كيدير تمثال نعام اسيدي ويمشي يشريه لاخر بالتمن ويحطو فوق الفيترينا يعني يديرو فالماريو ديالو ولا يديرو - 00:40:44ضَ

قدامو ويزين بيه وليس بزينة. الصالون ديالو فهذا حرام قطعا وباجماع المسلمين. ما فيهش الخلاف. اولا لان الصانع صنع على سبيل المضاهاة هذا لي كيتسميوه فن ماشي فن لأنو الإنسان كينبهر باش كينبهر كيقولو بالإبداع ديال داك الفنان ها المشكل هي هادي المضاهاة - 00:41:04ضَ

كان ينبغي ان تنبهر بخلق الله اولا واخرا. ما تقول يا عجب على خدمة فهاد التمثال. هذا هو العلة. المضاهاة عليها قام التحرير منها الإسلام حرم هاد الصنعة ما هاد صنع التمسال ما تبيعو ما تشريه ما تعلقو ما تاخدو ما تكريه ما تنقلو بطوموبيلتك - 00:41:24ضَ

ولا بالكاميو ديالك كل فلوس جاو من جيهتو حرام صناعة وبيعا وشراء ونقلا وكراء اي شيء دخل فيه في الخدمة ديالو وفي التجارة ديالو راه بعض النجارة كيصاوبو وجوه ديال بنادم ينقشو ويبيعو حرام عليه حرام عليه يصنعو ينقشو تمنو حرام ولي شراه حرام ولي علقو حرام لي دخل - 00:41:44ضَ

حرام بعد منو تمثال هذا بالإجماع ولا خلاف فيه لأن في علة المضاهاة ثم هو مظن للشركية علة المضاهاة كاينة مية فالمية ما فيهاش النقاش مية فالمية باليقين لأنه ملي صنعوا راه صنعوا بالمضاهاة هداك الإبداع ديالو كيتسمى را هو المضاهاة كيسميوه الإبداع باللغة ديال الأدباء - 00:42:05ضَ

مظن للشركية. ما معنى مظنة للشركية؟ محتمل يتعبد من دون الله. شحال من واحد كيقول لك ايوا ما بقاتش عبادة فهاد الزمان لا باقية. ما غاديش نقول لكم اودي لهند ولا لا خلينا من داكشي هداكشي راه باقي على هاد الزمان القديم بشكل متخلف - 00:42:24ضَ

كاينة العبادة ديال الأصنام عندنا حنا في المجتمع ديالنا الإسلامي. لما كتعلقها في الصالون ديالك هاديك عبادة خفية. نوع من التقديس الخبيث في اللاشعور نتا مسايقلو الخبر لأنو علاش علقتها؟ اعجبت بها - 00:42:42ضَ

عندك واحد الجمالية فيك. هذا درب من العبادة الخفية يكون ما قدستها وقدرتها لك وحطيتها في الأرض زطمت عليها علقتها اذن عطيتها قيمة ما خصكش تعطيها قيمة فذلك مما لا يتقوم لا - 00:42:57ضَ

تقوم ما صالحشاي باش يدار لو الثمن وما صالحشاي باش تعطيه قيمة ثم بعد ذلك ننهي الكلام عما يتعلق بالتماثيل ها هما دازو التماثيل وهذا تقريبا ما فيه شاي خلاف نهائيا بين العلماء. لأن التماثيل حرام. كيمكن الى عندك تمثال - 00:43:13ضَ

وهنا باغي نتكلم على التجار لي كيبيعو الثوب فاسد والقفاطن كيما هنا تخرج لبرا تلقاهم دايرين مونيكة فيها ميترو ونص جوج ميترو شي خطرة تشوفها تخلع يسحاب لك راه مرض بصح - 00:43:30ضَ

هذا لا يجوز الا بشرط. كاين واحد الشرط وما كاين باس. هاد الشرط فيه جوج د الحاجات الأول يقطع لها الراس. في الحديث الصحيح الصورة الرأس اذا قطع الرأس فلا صورة. طير لها الراس وخلي ديك الكسدة داك القلدة يخليها. ويلبس لها الفيشة ويلبس لها اللي بغا - 00:43:43ضَ

ها الشرط اللول الشرط الثاني يخفي عورته راه حرام عليهم كيديرو صور ديال نساء متبرجات بواحد الشكل مؤسف يثيروا الشهوة ديال الشعب الشباب وديال الشابات منكر فأصلا مخصوش يتصنع هداك الشكل المثير يدير واحد التمثال عادي مفيهشاي عورة بارزة - 00:44:01ضَ

ويقطع لو الراس يعني من الأصل ما يديرلوش الراس واللي واحد شراه براسو دابا واحل فيه ما كاين باس يجيب واحد المنشار ويقطعلو الراس ويلبسو الكسوة ويبيع الصورة الرأس تحديث النبي صلى الله عليه وسلم صحيح. فإذا قطع الرأس فلا صورة. وفي حديث سيدنا جبريل يعني جبريل عليه السلام واحد المرة نزل عند النبي صلى الله عليه وسلم وما دخلش للدار - 00:44:21ضَ

وعاود جاه النهار لاخر قالو راه ما منعني ان ادخل عندك الليلة الا عطاه تلاتة د الاشياء كان عندك واحد الكلب فالدار والملائكة ما دخلش للدار اللي فيها الكلب اكتمثال في الباب وعندك تصاوير في الداخل. قال لو فمر بالتمثال فليقطع رأسه. عطي الأمر باش داك التمثال يطيروا ليه الراس. وكان النبي صلى الله عليه وسلم - 00:44:41ضَ

فينما داز على تمثال كيقطعلو الراس ويلا داز على صليب كيعوجهو يعكفه اذن هذا خلاصة ما يتعلق بالتماثيل ها هو انتهى. ندخلو الآن في التصاوير لي ماشي تماثيل. ماشي قلادي ماشي اجساد ما عندهاش الظل. هادي فيها جوج د الأنواع - 00:45:01ضَ

صور مرسومة باليد وصور مرسومة بالالة يعني الالة المصورة كاميرا اما كاميرا ثابتة ولا كاميرا متحركة يعني التصويرة لي كتخرج فالقاغط ولا لي دير فالفيديو التلفزيون هادو كلو كيتسمى كاميرا كلو كيتسمى بالآلة التصوير بالالة خليه هو التاني ارا لنا التصويت - 00:45:17ضَ

باليد هاد التصوير باليد يلحق بالأول لأن حتى هو منصوص عليه ما فيه ما تزيد ولا تنقص علاش؟ لأن فيه المضاهاة كما هداك دار التمثال تا هداك راه كيخدم المجهودات ديالو وكيتعاند مع ربي. ولي علقو راه فيه حتى هو هداك المعنى ديال التقديس. شي واحد كيجيب زريبية فيها عجل - 00:45:37ضَ

ولى غزال ويعلقها متعلقهاش حطها فلرض جلس عليها هنها متعلقشاي الزربية لي فيها الصورة ديال الحيوان او ديال الإنسان وهذا ايضا الراجح فيه انه حرام لانه النبي صلى الله عليه وسلم فاش قال قالو جبريل راه عندك تمثال على برا فباب الدار قطعلو الراس - 00:45:57ضَ

او عندو فالدار التصاوير اشنو هما التصاور لي كانوا عندو فالدار؟ كان عندو واحد ليزار خامية حجاب معلقة عائشة رضي الله عنها والنبي صلى الله عليه وسلم كان كيصلي وكيسجد - 00:46:15ضَ

واركعو وهو شاف هاديك الحجاب او داك ليزار لي معلق فيه تصاوير مرسومين قالها النبي صلى الله عليه وسلم هاد التصاوير ديالك كادت تفتنني في الصلاة بغات خسر ليا الصلا ديالي - 00:46:25ضَ

فحديت لي فيه جبريل انه امر النبي صلى الله عليه وسلم قالو مر بتلك التصاوير فلتقطع او كما قال عليه الصلاة والسلام فقطعتها عيشة وردتها وسائل. دوك التصاور داك الثوب رداتو وسايد. فملي وسايد صافي مبقاش فيه المشكل. ولاو كيتكي عليه وينعس عليه ولى كيتهان مبقاش معلق - 00:46:37ضَ

وهذا دليل على ان التصويرة لما تكون باليد يعني الإبداع ديال الفنان التشكيلي ما يديرشاي اللي كيسميوه هم الهيئة ديال السلطة ديال بنادم ولا ديال حيوان ارسم الطبيعة ارسم الأشجار ارسم النبات ارسم الشروق ارسم الغروب ارسم البحار ارسم الألوان ذات الدلالة التشكيلية - 00:46:57ضَ

كيما يقولو الوان جميلة ما كاين باس ولكن ما يديرش الحاجة اللي فيها الروح ولا فيها النفس من حيوان او انسان لأنه فيه مضاهاة هادي دازت بقات لنا الكاميرا التصويرة بالآلة من البداية نعطي الحكم عاد نجيب التعليل ديالو ماشي حرام باش نكونو واضحين ماشي حرام ليس بحرام - 00:47:17ضَ

على عكس من يحرم ذلك ومن يحرمه كثيرا علاش؟ كثيرا ماشي كثير في الحقيقة كثير يعني من اهل الحفاظ للحديث دون الفقه واقول بكل تواضع اللي كيحرم التصويرة ديال غالط والعلم بدليله تكلمنا على العلة وقلنا جوج علة المضاهاة وعلة - 00:47:36ضَ

ارانا بعدا علة المضاهاة هي اللولة لأن هي المشكلة الكبيرة عاد نجيو للوثنية علة المضاهاة ما كايناش نهائيا فالتصويرة المزورة بالآلة الالة السابتة او المتحركة يعني الكاميرا ديال الفيديو ولا الكاميرا ديال الورقة ما كايناش علة المضاهاة علاش ما كايناش؟ لأن علميا وهدا هو تحقيق - 00:47:56ضَ

الخبرة بالواقع لي بغا يحكم في الفقه خصو تكون عندو خبرة في النازلة ديالو بالواقع ديالها هادي خصو الانسان الفقيه يسول الناس المختصين فهاد ويخدم عقلو مكاينش مضاهاة لأن قلت علميا الذي يقع في الكاميرا بجميع الأشكال ديالها لي كيوقع ماشي تصوير عكس - 00:48:16ضَ

الصورة كيعكس الصورة ماشي كيصور ما كاينش الإبداع ديالو هو الذاتي منحت ما حفر مرسوم بيدو يعني القدرات ديالو الذاتية صفر منعدمة كاين خدمة ديال الآلة وشنو دارت الآلة؟ دارت الخدمة دلمري والكاميرا لعلمكم راه مري مرآة - 00:48:36ضَ

بطريقة خرا الصورة ها هي كتقلبها وتعكسها من الداخل وتبعها في الورقة. كليشي لا اقل ولا اكثر. ثم بعد ذلك ملي كتخرج التصويرة ملي نجيب لك التصويرة ديالك. واش نقول لك شوف هادي كتشبه لك - 00:48:56ضَ

لا كنقولك هادي هي نتا. صم ها واحد تنين. واش كنقولو اودي هادي ابداع فلان؟ لا كنقولو هذا خلق الله. هاديك السورة خليقة دربي انت اللي خلقتها هادوك العينين وداك النيف وداك الوجه واش انت خلقتها ابدا هاديك مية فالمية سورة من خلق الله وبالعقل وبالمنطق هنا - 00:49:08ضَ

التعليم لي حرم التصويرة بهاد الشكل خاصو يحرم الشوفة فالمري ولا غادي يكون متناقض مع راساتو الشوفة في المرية هي التصويرة بالكاميرا الكاميرا شنو كدير بحالا وقفت قدام المري شفت وجهك فلمري مشيت جات الآلة ولصقت التصويرة فلمريم - 00:49:28ضَ

تمشي صافي النظر الى المرأة حرام ابدا المؤمن مرآة اخيه في الحديث والنبي صلى الله عليه وسلم كان يشوف في المرآة عليه الصلاة والسلام وتولي واحل الى حرمت هاديك. ما تشربش في الما لأن الطول في الما تشوف وجهك - 00:49:46ضَ

الحكم يدور مع العلة وجودا وعدما. فإذا وجدت العلة وجد الحكم واذا انعدمت العلة انعدم الحكم. فإذن العلة منتفية ما كايناش هنا العلة د المضاهاة. ولكن المشكل منين جا ؟ المشكل من الناس اللي ترجموا عمليات عكس السورة. قالوا اللي كيصور سماوه المصور - 00:50:00ضَ

هذا غلط ليس بمصور ولكنه عاكس. مع الأسف السمية عوجت الفهامة ديال بزاف ديال الناس عاكس لأن المصور هو الله عز وجل. اسم من اسماء الله الحسنى. لا يجوز ان يتصف به احد من خلقه. المصور هو الله الواحد القهار. اما الانسان انما يعكس الصورة كما تعكسها المرآة - 00:50:20ضَ

ولذلك هنا دخل فيه الفيديو ودخل فيه كلشي ويلا مشينا يربكنا هادشي تعرف الخطر اللي وقع ماتمشيش دوز الراديو عند الطبيب لأنه نفس الأمر من الناحية العلمية تصوير فوتوغرافي دقيق مديرش فالسكانير حرام التلفزيون حرام كدا او را كيحرموه فعلا بهاد المنطق ديال انه صورة او هادا مشكل ما فهموش فقط - 00:50:40ضَ

الصورة الالية مفهموهاش هذا لي وقع يكون فهموها ميحرموهاش وفي بعض الأحيان كتلقاهم مشايخ علماء كبار ولكن يعني معندهمش خبرة بهادشي جديد لا اقل ولا اكثر وتبعوهم عدد ديال الشباب غير سمعو - 00:51:00ضَ

حرام قالوا حتى هوما حرام بدون علم ولا تشبت ولا اذن العلة ديال المضاهاة منتفية تلتمية فالمية بقات علة الشركية علة الشركية محتملة ولذلك ضابطها باش تزول متعلقشاي الصورة مكاين باش دير تصاور ديرهوم فدفتر ديرهوم حداك ديرهوم فلمكتب ديالك متعلقهاش فواحد المستوى عالي عليك - 00:51:13ضَ

قضي الأمر الذي فيه اقول قولي هذا والسلام عليكم ورحمة الله وبركاته - 00:51:37ضَ