باحث

السلام عليكم ورحمة الله وبركاته اهلا بحضراتكم في المقطع رقم ربعمية تلاتة وخمسين من مقاطع حفر التجول والحلقة الحادية عشرة من حلقات تدبر سورة فصلت. والحلقة الاخيرة من حلقات سورة فصلت - 00:00:00ضَ

ارجو من حضراتكم تجيبوا المصاحف واقرا معي الاية اتنين وخمسين من سورة تفصلت اعوذ بالله السميع العليم من الشيطان الرجيم اتنين وخمسين اقرا معي قل ارأيتم ان كان من عند الله ثم كفرتم به - 00:00:23ضَ

من اضل ممن هو في شقاق بعيد عاد الخطاب مرة اخرى للكفار من خلال النبي عليه الصلاة والسلام خلونا نفتكر الصورة اصلا بتتكلم عن ايه الصورة بتتكلم عن القرآن الكريم وصفاته كمنبع للهداية لا مثيل له - 00:00:45ضَ

هات اول الصورة معي. معلش خلينا نسترجع تاني الحتة دي. عايزين نشوف الصورة بتتكلم عن القرآن الكريم ازاي معي من اول الصورة حا ميم تنزيل من الرحمن الرحيم كتاب فصلت اياته قرآنا عربيا لقوم يعلمون. بشيرا ونذيرا. كل دي صفات للقرآن - 00:01:04ضَ

ذكرتها الصورة وذكر التعامل الكفار معه. ازاي تعامله معه؟ اقرا معي الاية خمسة. وقالوا قلوبنا في اكنة مما تدعونا اليه وفي اذاننا وقر ومن بيننا وبينك حجاب. فاعمل اننا عاملون - 00:01:29ضَ

هم قرروا يضعوا عوائق بين قلوبهم وعقولهم وبين القرآن بل وامروا الناس الا يستمعوا للقرآن. وانهم يلغوا فيه. يعني يغلوشوا عليه. يشوشروا عليه. عشان ما يهتديش به الناس. اقرا ستة وعشرين - 00:01:49ضَ

بسرعة معي ستة وعشرين. وقال الذين كفروا لا تسمعوا لهذا القرآن والغوا فيه لعلكم تغلبون فامر النبي انه يدعوهم ويحذرهم. شف معي بقى الاوامر اللي جت للنبي صلى الله عليه وسلم يكلمهم ازاي - 00:02:05ضَ

هات لي الاية ستة قل انما انا بشر مثلكم يوحى الي انما الهكم اله واحد فاستقيموا اليه واستغفروه باللطف تارة انا انسان زيكم مش طالب انكم تعبدوني انا ولا عندي اجندة شخصية ولا عاوز زعامة - 00:02:24ضَ

فاستقيموا اليه واستغفروا. استقيموا الى الله. واستغفروا الله عشان يغفر لكم وبالشدة تارة اقرا اخر ستة وهات لي سبعة معها. وويل للمشركين الذين لا يؤتون الزكاة وهم بالاخرة وهم كافرون - 00:02:46ضَ

وبالترغيب تارة هات لي الاية تمانية ان الذين امنوا وعملوا الصالحات لهم اجر غير ممنون. يعني ها يا مشركين مش عايزين تبقوا زيهم ان الذين امنوا وعملوا الصالحات لهم اجر غير ممنون غير مقطوع - 00:03:07ضَ

خلي بالك كلها اوامر من الله للنبي صلى الله عليه وسلم. قل قل قل وكلمهم بالمنطق تارة. ومنطق القوة اللي هم بيفهموه. اقرا الاية تسعة. قل ائنكم لتكفرون بالذي خلق الارض في يوم - 00:03:24ضَ

وتجعلون له اندادا. ذلك رب العالمين. وجعل فيها رواسي من فوقها وبارك فيها. وقدر فيها اقواتها في اربعة ايام سواء للسائلين ثم استوى الى السماء وهي دخان. فقال لها وللارض ائتيا طوعا او كرها. قالتا اتينا طائعين فقضاهن - 00:03:39ضَ

فسبع سموات في يومين. واوحى في كل سماء امرها. كل ده استعراض لقوة الله. لعلهم يؤمنون طب لو ده كله ما فيش نتيجة استخدم التهديد. اقرا الاية اتناشر. فان اعرضوا فقل انذرتكم صاعقة مثل صاعقة عهد وثمود - 00:04:04ضَ

بعد كده كلمهم عن حال عاد وحال ثمود وازاي قوتهم لم تنفعهم وكلمهم عن احوال اهل النار واحوال اهل الجنة. ثم ارجع تاني يا محمد وكلمهم عن القرآن تاني. اقرا معي - 00:04:25ضَ

واحد واربعين واتنين واربعين ان الذين كفروا بالذكر وصف هنا القرآن بالذكر لما جاءهم وانه لكتاب عزيز. كتاب يغلب ولا يغلب الجدال في الجدالات اقرأ معي آآ كمل معي اتنين واربعين. لا يأتيه الباطل من بين يديه ولا من خلفه. تنزيل من حكيم - 00:04:42ضَ

حميد اوصاف اخرى للقرآن وقل لهم يا محمد مزايا الاهتداء بالقرآن ومخاطر التلاعب به والكفر به قل هو للذين امنوا هدى وشفاء والذين لا يؤمنون في اذانهم وقر وهو عليهم عمى. هو نفس القرآن. ممكن يعميهم - 00:05:10ضَ

وشرحنا ازاي القرآن ممكن يضل بنفس القوة اللي بيهدي بها وان المسألة تعود لاسلوب الناس في التعامل مع القرآن. من سيقترب بادب المتعلم ليطلب العلم والحكمة سيجدها في القرآن ومن يقترب كمتكبر يريد السخرية والاستهزاء فسيضله القرآن بنفسه - 00:05:36ضَ

ثم امر اخر للنبي بقل بقى اللي هو احنا النهاردة ده اخر قل في السورة اللي النبي عليه الصلاة والسلام هات معي الاية اتنين وخمسين بقى في الاية اتنين وخمسين هنبدأ بها النهاردة - 00:05:58ضَ

وهنشعر فيها بنبرة لطف مع الكفار بقى دلوقتي في نبرة عظة بس بلطف بقى يعني ايه آآ آآ الشعرة دي ارخيها دلوقتي. اقرا اتنين وخمسين في شعرة اسمها شعرة معاوية. سيدنا معاوية كان يقول بيني وبين الناس شعرة. ان شدوها ارخيت. وان ارخوها شددتها. يعني التعامل مع الناس بزكاء - 00:06:09ضَ

اتنين وخمسين قل ارأيتم ان كان من عند الله ثم كفرتم به من اضل ممن هو في شقاق بعيد؟ ربنا بيقول للنبي عليه الصلاة والسلام يقول لهم يا جماعة لو طلع فعلا الكتاب ده من عند الله - 00:06:33ضَ

وانتم كفرتم به ده معناه ان في مشكلة كبيرة يعني ما تستسهلوش الكفر لان عاقبته وخيمة ارأيتم هنا معناها فكروا وردوا علي فكروا وردوا علي. هل يجوز ان المسلم يقول - 00:06:49ضَ

يعني هي دي نقطة بقى. هل يجوز ان احنا كمسلمين نقول طب لو طلع القرآن فعلا من عند ربنا ما احنا متأكدين ان احنا متأكدين القرآن من عند ربنا. اقرا معي اتنين وخمسين. قل ارأيتم ان كان ده اسلوب شرط بيفيد ان اللي بعده مشكوك - 00:07:06ضَ

قل ارأيتم ان كان من عند الله المفروض المسلم لا يشك في ان القرآن من عند الله لكن ده اسمه من باب المجاراة. انت بتجاري الخصم بتاعك فبتتنزل في الجدال بتاعك وتقول له تعال يا سيدي نفترض جدلا - 00:07:23ضَ

انه من عند الله وانت مؤمن تمام الايمان ان هو من عند الله. لكن بتقول بتتنزل في الحوار معه معي اتنين وخمسين. قل ارأيتم ان كان من عند الله ثم كفرتم به - 00:07:40ضَ

ثم تفيد لحاجة اسمها الاستبعاد يعني اللي جاي بعدها امر مستبعد يعني لو هو من عند الله يبقى مستبعد تكفروا به. ما ينفعش تكفروا به. ما يصحش تكفروا به. ما كانش المفهوم ده يحصل. قل ارأيتم ان كان من عند الله - 00:07:55ضَ

ثم كفرتم به هنقول لهم يا محمد فكروا وردوا علي. لو كان القرآن نزل من عند الله فعلا وكفرتم به ينفع تكفروا به؟ مش يبقى الكفر به ضلال شديد ما قالش يبقى تبقوا كفار لأ - 00:08:10ضَ

عشان ما يستفزهمش الاية فيها نبرة عزة بلطف. قل ارأيتم ان كان من عند الله ثم كفرتم به ما قالهمش انتم بقى لهم. من اضلوا ممن هو في شقاق بعيد - 00:08:24ضَ

شقاق يعني انسان عمل شاق بينه وبين الاسلام شقاق يعني عمل عمل شاق بينه وبين حاجة وبيعاديها هو في حد اضل من اللي يعادي ربنا لو كان من عند الله وحد بيعادي القرآن بقى بيعادي الله بيعادي ربنا - 00:08:36ضَ

يعني في حد اضل من اللي يعمل كده ؟ في صيغة سؤال مش صيغة اتهام طيب دلوقتي بقى هل سيظل النبي صلى الله عليه وسلم يتلقى الاوامر من الله؟ قل قل قل كده بدون ما يعرف ايه اللي هيحصل شوية في المستقبل. يعني ربنا مش هيدي له كده - 00:08:52ضَ

حنت عن ايه اللي جاي يعني هو يصح ان انت يكون عندك موزف كل شوية تعطيه اوامر يعمل خطوة وبعد ما يخلص الخطوة تديه امر بالخطوة اللي بعدها وبعد ما يخلصها تديه امر بالخطوة اللي بعدها. مش يعني مسلا ايه مش المفروض ان انت - 00:09:09ضَ

لو بتحترم هزا الموزف تقول له الحم السلكين دول هتلاقي الموتور بيشتغل بعدها. يعني تقول له ايه اللي هيحصل نتيجة اللي هو بيعمله. مش كده في يعني احترام برضه للموزف المطيع المجتهد بتاعك - 00:09:26ضَ

آآ ده بالاضافة الى ان اصلا الانسان الناجح لما يبدأ مشروع لازم يكون عينه على النهاية يكون متوقع النهايات. عارف اهدافه ايه عشان يوصل لها. كان في زمان في الجيل بتاعنا ده من تلاتين سنة كده كتاب مشهور قوي اسمه العادات السبع لاكثر الناس - 00:09:43ضَ

انتاجية او فعالية حاجة كده بتاع ستيفن كوفي اسمه مش عارف دي سفن هابيتس اوف ديموست بروداكتوف بيبول حاجة كده الكتاب ده الحقيقة هو كتاب كويس كان من ضمن العادات السبعة دول - 00:10:01ضَ

ابدأ وعينك على النهاية تبدأ مشروع وانت عينك على الغاية على الهدف بتاعك ايه هنا ربنا سبحانه وتعالى بيقول للرسول عليه الصلاة والسلام وبيكشف له شيء من المستقبل اقرا معي تلاتة وخمسين - 00:10:17ضَ

سنريهم اياتنا في الافاق وفي انفسهم حتى يتبين لهم انه الحق اولم يكفي بربك انه على كل شيء شهيد يعني ايه بقى دي فيها اشارة للنبي عليه الصلاة والسلام واحنا في السنة حداشر - 00:10:35ضَ

من بعد بداية الدعوة يعني من بعد نزول القرآن او السنة اتناشر السنة الثانية عشرة يعني سنة واحدة قبل الهجرة يعني احنا في قلب وقت الاضطهاد في مكة. والاستضعاف الشديد - 00:10:59ضَ

وعلى وشك الهجرة وبداية عهد اخر من الصراع المسلح ضد القبائل العربية كلها اشارة صغيرة كده ان اللي كل اللي انت عمال تحاول معهم دول يا محمد هيسلموا في يوم من الايام - 00:11:15ضَ

سيدخل العرب في دين الله افواجا في يوم من الايام حتة كده ربنا كشفها من الغيب للنبي عليه الصلاة والسلام وللصحابة في القرآن سنريهم اياتنا في الافاق وفي انفسهم حتى يتبين لهم انه الحق - 00:11:31ضَ

يعني الحق سيتبين للمشركين دول في يوم من الايام ده بيعطي النبي عليه الصلاة والسلام وللصحابة روح حماسية هيكملوا الدعوة وهم مطيعين لله كده كده. يعني النبي اصلا مطيع كده كده لربنا. سواء يعلم او لا يعلم - 00:11:50ضَ

ايه اللي هيحصل؟ لكن كده يؤدي الرسالة على خير وجه. لانه هو يستحق ان ربنا يكشف له شيء من الغيب عشان يخبره به عشان يشتغل ونفسيته في حالة عالية. عارف ايه اللي هيحصل ان شاء الله - 00:12:05ضَ

الامر التاني هناك ايات الاية بتقول ان هناك ايات في الافاق وفي النفس الانسانية ايات دالة على قدرة الله الاية دي روعتها انها بتاخد عقلك لابعد مدى الافاقة جمع افق الافق هو خط الالتقاء - 00:12:21ضَ

بين الارض وبين السماء؟ يعني اقصى نقطة يستطيع البصر انه يصل اليها البصر لا يصل لابعد من الافق وفي انفسهم يعني داخل الانسان داخل داخلك انت. داخل نفسك البصر لا يستطيع انه يدخل ويشوف جواك. جوة نفسك او جوة جسمك. من شدة القرب - 00:12:48ضَ

الاية اخدتك لاقصى نقطة وابعد نقطة لا يستطيع بصرك الوصول اليها ولاقرب نقطة منك لا يستطيع بصرك الوصول اليها شيء رائع الحقيقة وقالت لك ايه بقى الاية؟ ان ربنا هيخليك تشوف اياته - 00:13:14ضَ

الدالة على قدرته في الاماكن البعيدة اللي انت ما تقدرش توصل اليها بعينك. وفي الاماكن القريبة منك اللي برضه توصل دي بعينك وبالفعل آيات ربنا فعلا واضحة في الطبيعة وفي الفضاء وفي داخل الانسان جسما ونفسا - 00:13:35ضَ

لما تعرف ان فيه فلتر اسمه طبقة الاوزون. محيطة بكوكب الارض هي اللي بتعمل عملية الفلترة للاشعة الضارة بتاعة الشمس في نوعين من الالترا فايلوت اللي هي الاشعة اللي فوق البنفسجية - 00:13:53ضَ

دي دار بعضها اشعة ضارة جدا. تسبب سرطان الجلد وهناك اشعة اخرى هي اللي بتنتج الفيتامين دال اللي في اجسامنا اللي بنحتاجه عشان العزام بتاعتنا تكون قوية. من غير فيتامين دال دا - 00:14:10ضَ

اللسان يجيله هشاشة في العظام اللزام ممكن يتفتت من غير فيتامين دال الاشعة فوق البنفسجية اللي بيفلترها وبيمنع وصول الاشعة الضارة اللي فيها وبيسمح بمرور الاشعة المفيدة اللي فيها طبقة اسمها طبقة الاوزون. الطبقة دي سمكها - 00:14:30ضَ

تلاتة ملي. تلاتة ملي يعني زي مسلا ايه ما تجيب كده آآ آآ عملتين عملتين فضيتين كده يعني خمسة ساغ كده وتحطهم فوق بعض هو ده التلاتة ملي طبقة على ارتفاع خمسين كيلو من سطح الارض محيطة بالارض - 00:14:49ضَ

سمكها تلاتة ملي لو زاد السمك عن كده هتمنع الاشعة المفيدة وهنتفتفت لو قال للسمك عن كده مش هتمنع الاشعة الضارة وهنحترق جسمنا فعلا جلدنا هيحترق يبقى احنا رأينا اية من ايات الله في الافاق ولا لأ - 00:15:11ضَ

ده غير بتداعيات كتيرة والمجرات طيب وفي النفس عينك بتشوف ازاي الضوء بيقع على الجسم فتمعاكس صورة الجسم اللي انت بتشوفه زي الكاميرا على قرنية العين بس الصورة بتنعكس مقلوبة - 00:15:30ضَ

وبتذهب في شكل نبضات زي الكهربا الى مكان في المخ في اه في في قفا الانسان هنا قفا الراس كدهو اسمه مركز الابصار في مركز الابصار ده بيتم استعدال الصورة - 00:15:48ضَ

في مركز الابصار انت بتشوف في مركز الابصار مش في عينك عينك شايفة الصورة مقلوبة لكن انتاش شايف دلوقتي في مركز الابصار كل الصور الملونة ثلاثية الابعاد المضيئة المنيرة الجميلة اللي انت شايفها في حياتك في هذا الجزء الصغير داخل الراس داخل مخك - 00:16:07ضَ

ومع انه جزء مظلم جدا لم يرى الضوء ابدا ولا مرة الا بقى لو انتم كنت عملت عملية في المخ وفتحوا لك الجمجمة فالضوء دخل مرة. لكن الطبيعي ان الضوء لم يدخل في المكان ده ابدا - 00:16:28ضَ

هذا المكان المظلم انت بترى فيه كل الاشياء المضيئة المنيرة الملونة الجميلة. بوضوح. ده ازا كنت انت ممن انعم الله عليهم بنعمة البصر. ولم يختبرك ويبتليك زي اخوانا المكفوفين. هم معنا على فكرة احنا على فكرة في مجموعة كبيرة جدا من اخواننا المكفوفين والمكفوفات اللي بيتابعوا معنا التدبر. ربنا يا رب يبارك - 00:16:41ضَ

اقرا معي الاية وشف بتاخدك ازاي بعيد اوي ابعد نقطة وتقوم مرجعاك في نفس اللحزة تاني بل بتدخل جواك. اقرا تلاتة وخمسين. سنريهم اياتنا في افاقي وفي انفسهم حتى يتبين لهم انه الحق - 00:17:01ضَ

تخيل نفسية النبي عليه الصلاة والسلام والصحابة وهم بيسمعوا هذه البشرى ان الكفار اللي بيضطهدوهم دول وكمان سنتين هيبدأوا سلسلة معارك بقى ضدهم بدر واحد والاحزاب الناس دول كلهم هيدخلوا الاسلام - 00:17:23ضَ

ياه ده حلم ده معقول معقول ده ممكن يحصل وبتيجي الاية تؤكد وتقول ايه للصحابة بقى الا يكفيكم ان الله بنفسه هو الذي يشهد على ذلك فيصبح هذا الكلام اللي انتم شايفينه حلم جميل صعب يتحقق بعيد المنال يصبح يقين - 00:17:40ضَ

لان ربنا اللي قال كده. كمل اخر تلاتة وخمسين. او لم يكف بربك انه على كل شيء شهيد مش كفاية الا يكفيك ان ربنا بنفسه اللي قال لك كده هيحصل. ده مش حلم. ده دي حقيقة وهتحدث - 00:18:04ضَ

اقرا اربعة وخمسين. الا انهم في مرية من لقاء ربهم الا انه بكل شيء محيط. حاجة في منتهى الروعة ان ربنا ياخد النبي عليه الصلاة والسلام. والصحابة ويحلق بهم في احلام وردية جميلة - 00:18:21ضَ

ويكشف لهم شيء من المستقبل ان كل اعدائكم دول هيبقوا هم جنود الاسلام في يوم من الايام. وبعدين يقوم مفوقهم مفوق النبي والصحابة من هذا الحلم الوردي الجميل ويرجعهم للواقع مرة واحدة. الاية اربعة وخمسين بترجع للواقع - 00:18:39ضَ

يعني الحلم ده عشان يتحقق محتاج شغل نرجع بقى لارض الواقع الة اسمها الة الاستفتاحية. الهدف منها الايقاظ والتنبيه الا انهم في مرية من لقاء ربهم الا انه بكل شيء محيط - 00:18:56ضَ

الوضع حاليا الناس اللي قلت لكم عليهم ان هم هيشوفوا الحق في يوم من الايام في الافاق وفي انفسهم الوضع حاليا هم انهم في شك شديد وفي مسألة يعني عندهم شك في مسألة لقاء ربهم. الا انهم في مرية من لقائه. نشتغل بقى دعوة بكل ما نستطيع من قوة. عشان نحقق - 00:19:13ضَ

الحلم عشان نحقق اللي انا قلت لكم عليه ونضع ثقتنا في ربنا لانه بكل شيء محيط. هو يحيط علما بكل شيء. فالمحيط بكل شيء لن يعجزه انه يعيد خلقهم مرة اخرى هم بيشكوا في ايه - 00:19:35ضَ

في مسألة البعث الا انهم في مرية من لقاء ربهم الا انه بكل شيء محيط المحيط بكل شيء علما لن يعجزه انه يرجع شوية عضم تاني. ابدا التفاسير هتقرأ ان هذه الاية فيها فذلكة - 00:19:52ضَ

او فذلكتان كمان وانا شرحت لكم قبل كده كلمة فزلكة معناها ايه؟ فذلكة معناها الخلاصة. مش معناها اللي احنا بنقوله اللي هو فلان ده بيتفزلك. لا. يعني بيقول اي كلام - 00:20:10ضَ

لأ الفزلكة جاية مشتقة من كلمة فذلك فكلمة فذلكة يعني خلاصة الصورة في الاية دي. خلاصة السورة هو ان الكفار في حالة من الشك واللجاجة يعني اللي بيجادلوا الا انهم في مرية من لقاء ربهم. الفلكلة التانية هي ان ربنا محيط علما بكل جدالاتهم. ورد عليها - 00:20:23ضَ

في الصورة بما يفهمهم الا انه بكل شيء محيط انتم شايفين اخر الايتين دول عملوا فينا ايه؟ عملوا ايه في القارئ وهو بيقراهم خدونا لا بعد نقطة يعني لا يستطيع البصر ان يصل اليها - 00:20:49ضَ

ورجعوا بنا في نفس اللحزة لاقرب نقطة برضه لا يستطيع البصر ان يصل اليها. سنريهم اياتنا في الافاق وفي انفسهم. ثم اخذت الايات وحلقت بنا في حلم وردي جميل. وان اعداء الاسلام دول كلهم من المشركين العرب هيسلموا - 00:21:05ضَ

حتى يتبين لهم انه الحق. ثم رجعت بنا في نفس اللحظة لارض الواقع عشان نكمل شغلنا. الا انهم في مرية من لقاء ربهم حاجة رائعة انا مش فاهم بجد ازاي انسان ممكن - 00:21:23ضَ

يقرأ الكلام ده ويشعر به ثم يكفر الحمد لله كده احنا انتهينا من آآ تدبر سورة فصلت. بكرة ان شاء الله نبدأ سورة الشورى ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك - 00:21:38ضَ

اللهم ما رزقتنا ما نحب. فاجعله قوة لنا فيما تحب. وما زويت عنا مما نحب. فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ - 00:21:59ضَ

اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا. اللهم - 00:22:19ضَ

واجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:22:42ضَ

اللهم فاطر السماوات والارض علم الغيب والشهادة. انت تحكم بين عبادك فيما كانوا فيه يختلفون. فبحق كل حرف فيك كتلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم. ونجعلك اللهم - 00:23:03ضَ

في نحورهم انت الوكيل ولا حول ولا قوة الا بك. اللهم بحق كل حرف في كتابك تلوناه او تدبرناه سيد بنصرك المرابطين في الارض المباركة فلسطين وانصرهم وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك - 00:23:23ضَ

اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا او من مشايخنا او من علمائنا مريض به او حاملا له فالبسه ثوب الصحة والعافية - 00:23:44ضَ

عاجلا غير اجل. ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على - 00:23:59ضَ

وتعاهدت على نصرة شريعتك فوثق اللهم رابطتها. وادم مدها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك عليك واحيها يا ربنا بمعرفتك. وامتها على الشهادة في سبيلك. انك نعم المولى ونعم النصير. والسلام عليكم ورحمة الله وبركاته - 00:24:19ضَ

وبركاته. ونراكم غدا باذن الله مع سورة الشورى في نفس هذا الموعد ان كنا من اهل الدنيا - 00:24:43ضَ