باحث

السلام عليكم ورحمة الله وبركاته اهلا بحضراتكم في المقطع رقم سانية واحدة بسم الله اهلا بحضراتكم في المقطع رقم اربعة وسبعين. من مقاطع حظر التجول والمقطع رقم ستاشر من مقاطع - 00:00:02ضَ

تدبر سورة طه يا جماعة احنا بقى لنا اربعة وسبعين يوم. بنتدبر القرآن كل يوم بفضل الله تعالى. الحمد لله. احب افكر حضراتكم بالمصاحف ادي اول حاجة كل واحد يكون معه مصحف ما عكش مصحف بسرعة قم هات مصحف اه ابقى اتعيل يجيب لك مصحف. بس لازم يكون معك مصحف النهاردة بالزات - 00:00:30ضَ

زي كل يوم هو كل مرة لازم الامر التاني بكرة بازن الله هنخلص تدبر سورة طه. وهنبدأ من بعد بكرة تدبر سورة الكهف والرسول صلى الله عليه وسلم خير لك ان يبقى عندك كل الجمال الحمرا اللي في الدنيا - 00:00:52ضَ

هو الواحد بيعمل ايه بالجمال الحمرا ؟ الجمال الحمرا وقتها كانت هي اشيك وسيلة مواصلات. يعني مسلا ايه لامبورجيني حمرا ان انت ربنا يهدي بك بني ادم واحد خير لك من ان يكون عندك كل اللامبورجينيز الحمرا اللي في الدنيا - 00:01:10ضَ

الناس هتقبل على الدروس دي بسبب انها تدبر سورة الكهف. فانت لما تيجي بقى تكلم اصحابك وتحط على الواتساب وتقول لهم يا جماعة من بعد بكرة هنبدأ سورة الكهف ما تفوتوهاش - 00:01:27ضَ

تعالوا نبدأ من الاول الناس هتيجي بازن الله انا متوقع الزيادة في المتابعين في سورة الكهف. بس المهم احنا اليومين دول ننشر وسط الناس ان هم ييجوا ويبدأوا معنا من اولها - 00:01:37ضَ

طيب وفرصة ان انا ايه آآ يعني نقول لهم برضه على مفاتح التدبر يبدأوا يتفرجوا عليها اليومين دول على ما آآ على ما تبدأ سورة الكهف بعد بكرة. طيب قلت لكم تناموا الضهر النهاردة حطيت لكم على التويتر وعلى الفيسبوك. لان الدرس النهاردة محتاج تركيز. مش طويل لكن محتاج تركيز - 00:01:48ضَ

امبارح احنا تدبرنا قصة عصيان ادم وتوبته بسرعة في الاية مية واحد وعشرين ومية اتنين وعشرين. اقرا معي كده اخر تلات كلمات في الاية مية واحد وعشرين ونزق نكمل مية اتنين وعشرين. واعوذ بالله السميع العليم من الشيطان الرجيم. مية واحد وعشرين طه. وعصى ادم ربه فغوى - 00:02:08ضَ

ثم اجتباه ربه فتاب عليه وهدى وتدبرناها امبارح لكن عاوزكم تتعاملوا مع ادم على ان هو ممثلكم في القرآن الكريم ادم بيمثلنا كلنا ذكور واناث في سورة الاعراف آآ الاية حداشر ولقد خلقناكم كلنا - 00:02:28ضَ

ثم فورناكم كلنا ثم قلنا للملائكة اسجدوا لادم فسجدوا. ادم بيمثلنا. المسألة خطيرة جدا. ادم تعامل معه دايما على ان هو انت او هو انت كمان على هذا الاساس نتعامل مع قصة ادم. طبعا كل قصة في القرآن مهمة - 00:02:51ضَ

وقصص القرآن مهم لانه بناخد منه دروس وعبر الا قصة ادم قصته هي اهم قصة في القرآن لانها مش بناخد منها دروس وعبر. ده هي بتضع حجر الاساس لحياتنا قصة ادم في القرآن هي قصتي وقصة كل واحد في حضراتكم - 00:03:14ضَ

لكن ده احنا هنتدبر القصة دي بعدين ان شاء الله لما لما نيجي لها بعدين في في سورة البقرة ان شاء الله. لكن اللي يهمنا هنا في سورة طه مسألة النزول الى الارض - 00:03:37ضَ

اقرأ بقى معي هنبدأ النهاردة من الاية مية تلاتة وعشرين قال اهبطا منها جميعا. بعضكم لبعض عدو. فاما يأتينكم مني هدى فمن اتبع هداي فلا يضل ولا يشقى ربنا اهبط ادم وزوجته حواء والشيطان الى الارض. وقال لهم بعضكم لبعض عدو. يعني ذرية ادم وحواء - 00:03:50ضَ

اللي هم بني ادم هيبقوا اعداء للشياطين ذرية الشيطان ذرية ابليس الشياطين انس وجن السؤال هو مش ادم وحواء تابه واخدنا امبارح صيغة التوبة اللي ربنا اعطاها لهم عشان يستخدموها. قال ربنا ظلمنا انفسنا وان لم تغفر لنا - 00:04:19ضَ

ارحمنا لا نكونن من الخاسرين. وقلنا ان التوبة فيها نقد للذات واعتراف بالذنب. ثم طلب المغفرة وفي الاية مية اتنين وعشرين في سورة طه. بص معي اللي احنا لسة قارينها من شوية. ثم اجتباه ربه فتاب عليه وهدى. خلاص - 00:04:44ضَ

تابعة ليه؟ بيتعاقب ليه بيخرج من الجنة ليه ده سؤال مهم جدا ادم وحواء تابوا بيتعاقبوا ليه وبينزلوا على الارض ليه؟ وبيخرجوا من الجنة ليه السؤال ده من اروع الاسئلة الوجودية بتاعتنا - 00:05:02ضَ

اولا ادم مش بيتعاقب العقوبة هي الطرد من الجنة هو ادم وحواء مطرودين من الجنة لا امال ايه هل ادم ممنوع دخوله الجنة؟ لأ مين قال كده ادم وحواء رايحين مشوار وراجعين تاني الجنة - 00:05:20ضَ

يعني ايه ادم وزرية ادم هيدخلوا الجنة تاني لكن في مهمة في بلد اسمها الارض رايحين يؤدوا هزه المهمة. ويرجعوا جنة بعد ما يعرفوا قيمة الجنة الا ان سلعة الله غالية. الا ان سلعة الله غالية غالية. الا ان سلعة الله الجنة. ده حديس صحيح - 00:05:39ضَ

ادم يا جماعة اصلا مخلوق للارض مخلوق علشان يعمر الارض ربنا سبحانه وتعالى بيقول في سورة البقرة الاية تلاتين واذ قال ربك للملائكة اني جاعل في الارض خليفة فربنا خلقه للارض واخبر الملائكة انه خلقه للارض - 00:06:04ضَ

رايح يعمر الارض في صورة هود اللي احنا لسة واخدينها الاية واحد وستين والى ثمود اخاهم صالحا. قال يا قومي اعبدوا الله ما لكم من اله غيره. ايه بقى هو انشأكم من الارض واستعمركم فيها - 00:06:27ضَ

فانت مهمتك انك تعمر الارض فالانسان مخلوق للارض بيعيش فيها بقى سبعين سنة تمانين سنة تسعين سنة ميت سنة بييجي بعد كده على الجنة او على النار بقى في الاخرة ويستقر - 00:06:45ضَ

خلاص؟ فالاستقرار في الاخرة مش في الدنيا. الدنيا دي حاجة مؤقتة. لكن هو مخلوق عشان ييجي يعمر الارض ثم يعود الى الجنة. لو كانت عقوبة وربنا لم التوبة كانوا طردوا من الجنة. لكن هم مش مطرودين من الجنة - 00:06:59ضَ

هم راحوا مشوار وراجعين تاني الله سبحانه وتعالى يا جماعة له اسماء وله صفات هو متصف بها بنا او بدوننا هو متصف بها لكنه يحب ان تظهر اثار هذه الاسماء علينا - 00:07:13ضَ

هديك مسال مثلا نقول بقى ناخد اسم مسلا طارق اهو صاحبي اللي اسمه ده. اول واحد دخل النهاردة حبيبي طارق كمال طارق كمال راجل كريم لكن علشان التباعد الاجتماعي اللي احنا فيه دلوقتي ومحاولات احتواء فيروس كورونا - 00:07:31ضَ

ما فيش ضيوف دخلوا بيت طارق بقى لهم اربع شهور هذا لا يقلل من كرم طارق. طارق راجل كريم. جا له ضيوف او ما جالوش. هو متصل بالكرم. فده لا يؤثر فيه - 00:07:52ضَ

لكن عشان طارق راجل كريم يحب ان يرى اثار كرمه في حب ان يأتي الى بيته ضيوف ولله المثل الاعلى. الله غفور. والله رحيم لذلك قال النبي صلى الله عليه وسلم لو لم تذنبوا - 00:08:05ضَ

لذهب الله بكم وجاء بقوم يذنبون فيستغفرون فيغفر لهم. الله يحب ان يغفر. الله اللهم انك عفو تحب العفو فاعف عني عشان ربنا عفو يحب ان ان يعفو عن عن يعفو. يحب ان يغفر يحب ان يرحم - 00:08:25ضَ

تمام؟ فنزول ادم وحواء على الارض وتكاثر بني ادم يجعل اثار اسماء الله وصفاته تظهر على ارض الواقع. لكن الله نفسه لا يتأثر الله نفسه ومتصف بها. بنا او بدوننا - 00:08:48ضَ

تمام مسلا ان الله يحب التوابين ويحب المتطهرين. ان الله يحب الذين يقاتلون في سبيله صفا. دي كلها صفات لله متصف بها بها بدون وجودنا. لكن اثارها بتظهر بوجودنا نخطئ ونتوب فيتوب علينا. نخطئ ونستغفر فيغفر لنا - 00:09:06ضَ

ويحبنا. ما هو قال ان الله يحب التوابين. ونجاهد في سبيل الله فيحبون ان الله يحب الذين يقاتلون في سبيله صفا فهمتم؟ طيب ادم وحواء لم يأتوا الارض كعقوبة. ولكن كعاقبة - 00:09:31ضَ

ربنا خلقهم للارض اصلا. ولكن بحكمة ربنا جعل نزولهم على الارض عاقبة للمعصية. حتى يعلم الانسان ان لكل فعل عواقب وان هذه هي سنة الله في الحياة. كل شيء بتعمله له عواقب - 00:09:48ضَ

دي سنة اللفح. حتى لو مش بتتعاقب عليه. لكن العواقب لازم تحصل لازم تحصل الكلام ده مهم جدا ليه؟ لان فيه فلسفة الاسلام انتم ليه ما قلت لكم تناموا الضهر النهاردة وتبقوا فايقين الليلة - 00:10:09ضَ

طيب هو ليه ربنا خلى ادم وحواء يتقابلوا في الجنة طب ليه ما تقابلوش في الارض مسلا حبيت اشرح الموضوع ده من عشرين سنة في مسجد في امريكا. فجبت ولد - 00:10:26ضَ

انا عارف ولا دين انا عارفهم وعارف اهلهم كويس ولد منهم اديته الميكروفون وقلت له قل للناس انت ايه سؤال آآ انا صومالي ايام صوماليم والولد التاني قال لي انا ميكسيكان. مكسيكي - 00:10:46ضَ

انا عارف اهاليهم جبت ابو الولد ده وقلت له ابنك مولود فين ؟ قال لي هنا في واشنطن ديسي هو انت ابنك مولود فين ؟ قال لي فلوس انجلوس برضه في امريكا - 00:11:09ضَ

جبت الولدين تاني! انت يا ابني ليه قلت انك صومالي! وانت ليه قلت ان انت مكسيكي كل واحد فيهم قال لي لانها بلد ابويا وامي فكل واحد فينا بينسب نفسه - 00:11:23ضَ

للبلد اللي منها ابوه وامه ما انا اقول لك انا بورسعيدي لكن انا اصلا مولود في القاهرة اقول فلاح بس انا مولود في القاهرة. بس لان ابويا وامي من الفلاحين او من الصعيد او ايا كان بنسب نفسي لابويا وامي - 00:11:37ضَ

اما يبقى ابونا وامنا من الجنة يبقى الرسالة الداخلية اللي جوانا هي ايه ان دي مش بلدنا كوكب الارض ده مش بلدنا احنا بلدنا هناك جايين هنا دلوقتي بكوكب الارض لانه ادي مهمة ثم نعود الى بلدنا. موطننا الاصلي - 00:11:54ضَ

خلاص؟ طيب نرجع للاية مية تلاتة وعشرين قال اهبطا منها جميعا. بعضكم لبعض عدو فاما يأتينكم مني هدى فمن اتبع هداه فلا يضل ولا يشقى. نزامكم في الارض ان انتم بني ادم والشياطين هتبقوا اعداء لبعض - 00:12:18ضَ

وسيأتيكم مني هدى رسل كتب وهداية العقل. هدى برضو من عند ربنا بمجرد ان انت تعمل عقلك وتصل لوجود الخالق وتصل لصفات اساسية من صفات الخالق هذا كله ممكن بالعقل فقط - 00:12:42ضَ

والكتب والرسل لاعطائك مزيد من تفاصيل العلاقة بينك وبين الله وتفاصيل الدين فاللي هيتبع هداية الله ولا يكذب الرسل ولا يكذب الكتب. ولا يخالف المبادئ العقلية الاساسية فلا يضل ولا يشقى. طبقا للاية مية تلاتة وعشرين فمن اتبع هداي فلا يضل ولا يشقى - 00:13:01ضَ

يعني ايه؟ يعني لا يضل في الدنيا ولا يشقى في الاخرة لكن الدنيا فيها شقى وفيها تعب وفيها معاناة لا مفر منها النبي صلى الله عليه وسلم كان يدعو الله اللهم ارزقني من اليقين ما تهون به علي مصائب الدنيا. ولم يدعو الله اللهم ارزقني - 00:13:30ضَ

بدون مصائب ان ما فيش دنيا بدون مصايب. دي تبقى جنة ما تبقاش دنيا تمام دي طبيعة الدنيا لا يضل في الدنيا. ولا يشقى في الاخرة. اذا من يتبع هدى الله - 00:13:50ضَ

ان يضل في الدنيا ولن يشقى في الاخرة وهيرجع الجنة بقى طيب اللي هيتبع هدى الله لن يضل في الدنيا ولن يشقى في الاخرة. طب واللي مش هيتبع هدى الله هيحصل له ايه - 00:14:06ضَ

قبل ما تفتح بقك وتسأل السؤال مية اربعة وعشرين جاية بتقراك. ومن اعرض عن ذكري فان له معيشة ضنك ونحشر يوم القيامة اعمى. اللي يعرض عن ذكر الله فان له معيشة ضنكا في الدنيا. هيعيش عيشة ضنك - 00:14:18ضَ

طبعا في ناس هتعترض عيشة ضنك ايه! ما فيه كفار وناس معرضة تماما عن عبادة الله. وعن ذكر الله وشايفينهم بيحتفلوا وبيرقصوا ومبسوطين مبسوطين جدا تعال اتفرج هنا الجماعة بيعملوا بقى البرايت ده بتاع الشواز في الشارع وبيرقصوا وبيتنططوا وفرحانين وبتاع - 00:14:40ضَ

مبسوطين بك؟ مبسوطين جدا فبيطلعوا من الحفلة يرموا نفسهم على قضبان القطر او يرموا نفسهم من البلكونات. مبسوطين جدا مين اللي فاكر ان الناس دي مبسوطين جدا بجد سازج اتفرجوا على حلقة اسمها مليونيرات ولكن - 00:15:04ضَ

كانت في ذكرى وعبرة الموسم التالت. السنة اللي فاتت مش السنة دي اللي قبلها وهحطها لكم ان شاء الله في الرابط. هاحط لكم الرابط بتاعها في الفيسبوك وفي اليوتيوب يا جماعة يا بتوع اليوتيوب الجمال انتم. خلاص - 00:15:26ضَ

في الحلقة دي انا جبت اتنين من مليونيرات بريطانيا مش مليونير يعني عنده مليون. لأ. مليونير يعني بيكسب مليون في الشهر. مش بنهزر احنا ده واحد عنده خمسة وتلاتين سنة شاب وسيم جدا - 00:15:41ضَ

صحته كويسة جدا متزوج زوجة جميلة عنده طفلين جمال كل وقصر رهيب واتنين كسر. برضه مليونير انجليزي شاب وصاحب صديق للامير تشاونز. وبطل آآ انجلترا في ركوب الخيل. حاجة يعني فزيعة جدا - 00:16:01ضَ

وانا جايب قصتهم ضرب نفسه بالنار قبل حفلة الكريسماس اللي عاملها عنده واصحابه في الطريق يعني اصحابه في الطريق وراح ضرب نفسه بالنار عشان ييجوا يلاقوه ميت كان عامل حفلة وجايب اكبر طباخ في انجلترا. في القصر بتاعه وراح ضارب نفسه بالنار. والتاني آآ بتاع ده آآ آآ بول كاسل - 00:16:20ضَ

اه رمى نفسه قدام على قضبان القطر والقطر داخل محطة بون ستريت اللي في لندن ليه يعني؟ طب ليه ما رماش نفسه من البلكونة؟ هو اللي رمي نفسه من البلكونة ممكن يقع يتكسر ويعيش مشلول طول عمره عشان ما يبقاش هو عايز يتأكد ان ما فيش فرصة انه يعيش - 00:16:45ضَ

ليه كده اليك كان ناقصهم عشان يعيشوا سعداء للمال ناقص ولا الشباب ناقص ولا الصحة ناقصة ده ده يعني كل واحد مننا نفس يعني نفسه بس يفهم الناس دي بتعمل كده ليه - 00:17:04ضَ

ايه بقى السعادة سعداء مش سعداء. مش سعداء. مش مبسوطين زي ما انتم فاهمين. ليه؟ تعالوا نفهم بقى الانسان عبارة عن ايه كل واحد فينا كده اسمه نفس. نفس. كل نفس عبارة عن من الروح والجسد - 00:17:22ضَ

اتحاد بين الجزء المحسوس الجسد والجزء الغير مرئي والغير محسوس من الانسان اللي هو الروح يخرج فيها المشاعر والقلب وكل ده ايه فيهم اهم؟ جسمي اهم ولا روحي اهم؟ انا لو اتقطعت ايدي كده دلوقتي. هافضل فاضل سليمان وممكن جدا اطلع افضل دا ادي درس التدبر اليوم - 00:17:42ضَ

لو رجلي اتقطعت برضو هفضل اقطع عدة تدبر اليوم زي ايام سواعد الايخاء ولا خسيت زي دلوقتي هفضل فاضل سليمان. جسمي يفضل يتغير وانا فاضل سليمان. لكن روحي لو طلعت - 00:18:08ضَ

دلوقتي هتفضلوا باصين هتحفروا حفرة وتحطوني فيها وتردموا علي ليه ؟ ما انا مش فاضي سليمان امال ده ايه ده! لأ ده جسة سليمان. فاضل سليمان طلع خلاص خرج ازا الروح اهم حاجة. الروح اهم من الجسد - 00:18:22ضَ

طب مشكلتنا ايه؟ مشكلتنا ان احنا طول الوقت بنهتم باللي مش مهم. بنهتم بالجسد. بنطفح فيه ونأكل فيه ونشرب فيه وننيم فيه صرح فيه وندلع فيه. ولما يمرض نداويه الاهتمام كله بالجسد. لكن الروح تحتاج غزاء ما نديش. تحتاج دواء ما نديش. تجتاح راحة ما نريحهاش - 00:18:44ضَ

فلما بنهمل الروح الجسد بيقوى ما احنا مهتمين به. فالجسد عمال يقوى وله طلبات. الطلبات اسمها الشهوات. والروح عمالة تضعف فالجسد بيسيطر على النفس. النفس كأنها سيارة. عربية ماشية. الجسد بيسوق بشهواته بيسوء - 00:19:08ضَ

والروح ضعيفة يبقى اسمها نفس قمارة بالسوء عربية طالعة بسرعة جدا وما فيش فيها فرامل وغالبا هتلبس في شجرة نفس امارة بالسوء لان الروح ضعيفة والجسد هو اللي سايق بشهواته - 00:19:32ضَ

لو الجسد قوي بس الروح كمان قوية يعني لو غذينا الروح واديناها الادوية المطلوبة وريحناها الراحة المطلوبة الروح كمان هتقوى وتقوم مدية الجسد كتف وتقوم واخدة الدركسيون وتسوق هي النفس - 00:19:48ضَ

بقى اسمها نفس لوامة الجسد ييجي يطلب فيها شهوة من الشهوات فالروح تلومه لأ ده مش دلوقتي. ده بعدين ده لما تتجوز اه لان احنا مش هنعصى ربنا. اه مم طب انا عايز اشتري ده لأ مش دلوقتي ده اما تشتغل وتجيب فلوس لكن مش هنسرق - 00:20:15ضَ

فالروح لما تسيطر هي بتبقى اسمها نفس لوامة. طيب لو الروح قويت جدا جدا جدا وسيطرت تماما واصبح الجسد بشهواته منقاد ومستسلم تماما للروح القوية. بقى اسمها نفس مطمئنة تمام؟ اللهم اجعل نفوسنا جميعا مطمئنة. طيب ما هو غذاء الروح ودواء الروح وراحة الروح - 00:20:41ضَ

روح مين نفخها فينا ربنا سبحانه وتعالى ولنفخ الروح فينا بالتالي هي طريقة التواصل الوحيدة بالله سبحانه وتعالى ربنا لا بنشوفه ولا بنسمعه ولا نقدر نلمسه ما نقدرش نتعامل مع الله سبحانه وتعالى - 00:21:10ضَ

آآ بالحواس الخمسة بنتواصل مع الله ازاي بالوسائل الروحية بالذكر بالدعاء بالمناجاة بالصلاة بخشوع بتدبر القرآن هو ده اللي هو ايه بقى؟ اتعامل مع الله طريق الروح هو ده غذاء الروح - 00:21:28ضَ

ودواء الروح هو ذكر الله انك تتواصل مع الله. لكن لو انت قطعت علاقتك بربنا. قطعت التواصل مع ربنا يبقى انت عملت انت لاجنج لنفسك انت شديت الفيشة ما بقاش فيك طاقة. وبقى الجسد سايق وهيلبس في الحيطة او هيلبس في شجرة وما فيش فرامل - 00:21:50ضَ

فالحل هنا هو ده المليونرات بقى اللي احنا بنشوفهم دول مش ناقصهم حاجة. وبنستغرب لما بينتحروا هم في الحقيقة ينقصهم اهم حاجة في الدنيا وهو ذكر الله. ارجع معي تاني بقى للاية مية اربعة وعشرين - 00:22:11ضَ

ومن اعرض عن ذكري فان له معيشة ضنكا انتم يعني يعني ايه ضنكا؟ ضنك ضنك غني وبيرقص وبيشرب. لكن عايش عيشة ضنك لان روحه مش مستريحة بتبلبل ونحشره ده العيشة باكدة في الدنيا. ونحشره يوم القيامة اعمى. هييجي يوم القيامة اعمى. انتم متخيلين يوم طويل طوله خمسين الف - 00:22:26ضَ

الف سنة والشمس قريبة من الرؤوس والناس بتغرق في عرقها وبتموج بعضها في بعض من الزحام والحر وكمان يبقى الواحد مش شايف طب ده الضرير في الدنيا بيجد حد يساعده - 00:22:58ضَ

ياخد بايده لكن في الاخرة يوم يفر المرء من اخيه وامه وابيه وصاحبته وبنيه لكل امرئ منهم يومئذ من شأنه يغنيه. فلما يبقى كله وقع لو بيبقى فيه حد جاي اعمى يومها - 00:23:12ضَ

ابنه مش هياخد بايده. امه مش هتاخد بايده. ابوه مش هياخد بايده ما فيش حد هيساعد حد انا اسف لو حد لا قدر الله مننا حشر اعمى هتبقى مصيبة سودا - 00:23:27ضَ

اقرا معي بقى مية خمسة وعشرين طب هو اتحشر اعمى فبيسأل. قال ربي لما حشرتني اعمى وقد كنت بصيرا. هو مش الانسان بيحشر على ما مات عليه؟ طب انا في الدنيا - 00:23:46ضَ

كنت باشوف ليه حشرتني يا اعمى الرد في مية ستة وعشرين. قال كذلك اتتك اياتنا فنسيتها وكذلك اليوم تنسى. لا. ان عميت نفسك في الدنيا عن ايات الله انا ارسلت لك نور وهو ايات الله - 00:23:58ضَ

ايات القرآن الذكر لتهديك في الدنيا وانت نسيتها يعني اهملتها. يعني انت عميت نفسك ليه؟ انت عميت نفسك ودلوقتي بقى مش انت اهملتها؟ وكذلك اليوم تنسى. ستهمل. خليك اقعد نادي كده يا رب انا عايز اشوف انت مهمل. بتبقى مهمل - 00:24:22ضَ

ربنا يجيرنا واياكم من هذا والله معي؟ مية سبعة وعشرين خلاص اخر اية بقى النهاردة وكذلك نجزي من اسرف ولم يؤمن بايات ربه ولعذاب الاخرة اشد وابقى ده هيكون جزاء اللي يسرف في اموره ويتجاوز الحد ويكفر بايات الله. وكذلك نجزي من اسرف ولم يؤمن باياته - 00:24:45ضَ

ده عقابه في الاخرة صح؟ اه اسمع باقي الاية ولعذاب الاخرة اشد وابقى. ايه ده امال احنا كنا بنتكلم في ايه؟ بنتكلم في عذاب الاخرة ازا كان كل ده هو عزاب الاخرة ليه ربنا بعدها يقول لنا ولعذاب الاخرة اشد وابقى. امال احنا بنتكلم في ايه - 00:25:12ضَ

بص بقى وركز معي في بلاغة القرآن وجمال القرآن من وسائل التدبر انك تفكر في الوقفات لان القرآن ما فيش فيه فصلة ولا فيش فيه نقطة في اخر السطر. ولا فيه علامة استفهام - 00:25:30ضَ

انت يجب عليك انك تفكر وتكمل تكمل قراءة امتى وتقف امتى علشان تكون معنى. حاجة في منتهى مش قلت لكم قبل كده من وسائل التدبر تبص على آآ الضمائر. مين بيكلم مين - 00:25:49ضَ

وتبص على الازمنة انت في اي زمن دلوقتي وزي القرآن بيجيبك فلاش فورد وفلاش باكورد من وسائل التدبر الجميلة جدا انك تفكر في الوقفات. بص بقى هنقرا مع بعض دلوقتي الايات اللي تدبرناها النهاردة مية تلاتة وعشرين ومية اربعة وعشرين ومية خمسة وعشرين ومية وعشرين ومية سبعة وعشرين. ونشوف هنقسمهم ازاي عشان - 00:26:04ضَ

نقرا مع بعض مية تلاتة وعشرين مع بعض قال اهبطا منها جميعا. بعضكم لبعض عدو. فاما يأتينكم مني هدى فمن اتبع هداي فلا يضل ولا يشقى. ومن اعرض عن ذكري فان له معيشة ضنكا. ده في الدنيا. ونحشره يوم القيامة اعمى. قال - 00:26:25ضَ

لما حشرتني اعمى وقد كنت بصيرا؟ قال كذلك اتتك اياتنا فنسيتها، وكذلك اليوم تنسى. وكذلك نجزي من اسرف ولم يؤمن بايات ربه بس خلاص. خلص الموضوع على كده امال ايه بقى ولا عذاب الاخرة اشد وابقى. دي معطوفة على ومن اعرض عن ذكري فان له - 00:26:50ضَ

معيشة ضنكا اللي في الاية مية اربعة وعشرين يعني ترتيبها في المعنى كده وانت بتقرا مية اربعة وعشرين ومن اعرض عن ذكري فان له معيشة ضنكا ولا عذاب الاخرة اشد وابقى - 00:27:13ضَ

ازاي عذاب الاخرة اشد وابقى ايحشر يوم القيامة اعمى وهكزا. ويقول بقى ربي لما حشرتني اعمى. لكن والعذاب الاخرة اشد وابقى معطوفة على من اعرض عن ذكري فان له معيشة ضنك يبقى معيشة ضنكا في الدنيا والاخرة عذاب اشد. ثم ربنا عمل تقديم - 00:27:30ضَ

اه لمسألة الحشر اه اعمى في الاخرة وقدمها باننا نحشره يوم القيامة اعمى. قال ربي لما حشرتني اعمى وقد كنت وهكذا فهمتم موقع والعذاب الاخرة آآ آآ اشد وابقى. طيب. درس النهاردة ده مهم جدا وما تخافش لو انت ما كنتش قادر تركز فيه كله - 00:27:53ضَ

انصح انك تشاهده مرة اخرى درس النهاردة مهم جدا في فلسفة الاسلام في اشياء كتيرة جدا خلاص تتفرج على الدرس ده تاني النهاردة او بكرة مش مشكلة ايوة براحتك لكن الدرس ده محتاجين نتفرج عليه تاني. خلاص - 00:28:15ضَ

آآ بكرة بازن الله هيكون اخر صورة طه ونبدأ من بعد بكرة بازن الله سورة الكهف احشدوا الناس لسورة الكهف. الناس هتحضر عشان سورة الكهف وعايزين يفهموها هتبقى فرصة ان شاء الله ان الناس تقبل على الخير على ايديكم. وجزاكم الله خيرا. واسأل الله العلي العظيم ان يجعل هذا التدبر في ميزان حسناتي وحسناتكم. اللهم - 00:28:33ضَ

انك تعلم ان هذه القلوب قد اجتمعت على كتابك واجتمعت على محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها - 00:28:55ضَ

واملأها بنورك الذي لا يخبو واشرح صدورها بفيض الايمان بك وجميل التوكل عليك واحياها بمعرفتك. وامتها يا ربنا على الشهادة في سبيلك انك نعم المولى ونعم النصير. والسلام عليكم ورحمة الله - 00:29:13ضَ

ونراكم بازن الله غدا ان كنا من اهل الدنيا - 00:29:30ضَ