باحث

السلام عليكم ورحمة الله وبركاته. اهلا بحضراتكم في المقطع رقم تمنمية تمانية مقاطع حظر التجول الحلقة الخمسون من حلقات تدبر سورة ال عمران ارجو من حضراتكم تجيبوا المصاحف الايات المرة اللي فاتت شفناها بتصحح مفاهيم خاطئة موجودة عند الناس - 00:00:01ضَ

وخاصة عند الكافرين امبارح مسلا تدبرنا قول الله تعالى في الاية مية تمانية وسبعين اعوذ بالله السميع العليم من الشيطان الرجيم ولا يحسبن الذين كفروا انما نملي لهم خير لانفسهم - 00:00:33ضَ

انما نملي لهم ليزدادوا اثما ولهم عذاب مهين. يعني ما حدش يظن ان لما ربنا بيمد للكافر في عمره او بالمال او بالقوة ان ده خير علشانه بالعكس ده استدراج - 00:00:54ضَ

بيستدرجوا وقلنا الكافر مش بالضرورة انه الكافر بالله. ممكن يكون الكافر بالنعمة وده قطاع كبير من المسلمين واقع فيه عطفا على هذه الاية بقى. في مفهوم اخر سيتم تصحيحه النهاردة - 00:01:14ضَ

اقرأ معي الاية مية وتمانين ولا يحسبن الذين يبخلون بما اتاهم الله من فضله هو خيرا لهم بل هو شر لهم سيطوقون ما بخلوا به يوم القيامة ولله ميراث السماوات والارض - 00:01:31ضَ

والله بما تعملون خبير ما حدش يظن انه لما يبخل بشيء ربنا اعطى له وامره بانفاقه انه كده وفر لنفسه وانه عمل خير في نفسه. لأ ده ورط نفسه اقرأ كده معي الاية تاني - 00:01:54ضَ

ولا يحسبن الذين يبخلون بما اتاهم الله من فضله هو خيرا لهم بل هو شر له اولا ايه الفرق بين البخل والشح احنا خدنا يعني في اظن في سورة التوبة واحضرت الانفس الشح - 00:02:19ضَ

ايه الفرق بين الشح والبخل هتلاقوا تفاسير كتير في الموضوع ده. ايه اللي اقنعني فيهم والقرن هو الصح. الشح هو الحالة النفسية اللي بتؤدي لفعل البخل يعني انا معي مسلا مبلغ مليون جنيه - 00:02:38ضَ

بقى لهم سنة. يعني حالة عليهم الحول عليهم سنة فوجبت عليهم الزكاة. زكاة المليون جنيه كم؟ ربع العشر. عشر المليون ميت الف ربعهم خمسة وعشرين الف. يبقى المفروض اطلع مع الزكاة خمسة وعشرين الف جنيه عن المليون جنيه - 00:02:56ضَ

الشح هو الحالة النفسية والعقلية اللي تقول لي انت اتجننت. هتدفع خمسة وعشرين الف جنيه وتديهم الفقراء وتخليني ما ابصش خالص وما اشوفش التسعمية خمسة وسبعين الف جنيه اللي ربنا ابقاهم لي - 00:03:17ضَ

اشوف بس الاتنين ونص في المية وما اشوفش السبعة وتسعين ونص في المية اللي بيعمل كده حالة نفسية اسمها الشح فنتيجة كده ابخل بالخمسة وعشرين الف ما طلعش الخمسة وعشرين او اروح مطلع الفين تلات تلاف جنيه عشان اريح ضميري شوية وخلاص - 00:03:38ضَ

هذا الفعل اللي هو امساك الفلوس امساك فلوس الفقراء وعدم انفاقها ما اسموش شح اسمه بخل انا كده بخلت يبقى الحالة النفسية هي الشح ادت الى فعل هو البخل البخل بقى فعل بالامتناع. يعني ايه؟ يعني فعل سلبي - 00:04:03ضَ

مسلا اللي بيصلي بيفعل فعل اسمه الصلاة او اللي ما بيصليش بيفعل فعل ايضا. اسمه ايه؟ اسمه الامتناع عن الصلاة واحد واحد معه مش صلى عمل حاجة؟ اه عمل عمل انه امتنع. فهو البخل بقى فعل بالامتناع - 00:04:25ضَ

عن الانفاق طيب لو واحد امتنع عن الانفاق في اشياء تافهة ده اسمه بخل لأ يعني مسلا الموضة ان واحدة تشتري شنطة ايد ماركة جديدة غالية جدا ما تستاهلش هي بس بتتمسك وبيدفع فيها المبلغ ده عشان الموضة كده وعشان الشياكة كده - 00:04:46ضَ

والناس تفهم بقى انها بنت ناس اوي وانها غنية اوي وكل الكلام التافه السطحي بتاع تقييم الناس على الاساس ده فلو واحدة امتنعت عن الانفاق في الماركة دي عندا بقى عشان خاطر مش شايف ان ده يعني شايف ان ده اسراف - 00:05:14ضَ

وما اشترتش الشنطة آآ هل تبقى بخيلة؟ لأ ازا ازا مش كل امتناع عن الانفاق بخل يبقى تعريف البخل هو الامتناع عن الانفاق الواجب اما الامتناع عن الانفاق فيما هو غير ذلك او فيما هو اسراف او ما هو غير مهم لا يصنف بخل بالعكس قد يصنف الامتناع عن الانفاق هنا انه - 00:05:33ضَ

اعتدال كمان ولا يحسبن الذين يبخلون بما اتاهم الله من فضله هو خيرا لهم بل هو شر لهم ربنا بيذكرهم ان اللي بخلوا به ده في الحقيقة لا يملكون ليه ؟ قال لك اهو - 00:06:01ضَ

ولا يحسبن الذين يبخلون بما اتاهم الله ده ربنا اللي مديه لك هو مش ملكك اصلا ده ملك ربنا ده ربنا ملكه لك خلاك ملك اضافي بشروط يعني اللي هياخد من ربنا - 00:06:26ضَ

حاجة معينة ربنا بيديها له بس بشروط. طيب لو ما يمتنع بقى عن عن اداء الشروط دية يستحق العقوبة يستحق السلب بعد العطاء او يستحق انه يعاقب انت في الحقيقة لا تملك شيء - 00:06:47ضَ

لا عينك دي عينك. ولا مناخيرك مناخيرك ولا صحتك صحتك ولا فلوسك فلوسك ربنا بيدي لك كل ده عشان يمتحنك ولا يحسبن الذين يبخلون بما اتاهم الله من فضله. دا فضل ربنا عليك. فلوسك مش بتاعتك - 00:07:04ضَ

عارف اللي عنده واحد ما يكون عنده حساب في البنك ويعمل لابنه كارت سحب كارت اضافي على الحساب. ويعمله في حدود مبلغ معين. فالكارت ما يقدرش يسحب الفلوس كلها واحد مسلا عنده مليون جنيه في البنك - 00:07:22ضَ

عمل لابنه كارت سحب يقدر يسحب من المكنة خمس تلاف جنيه بس وقال له بشرط تصرفهم بالطريقة الفلانية ليه ؟ عشان يختبر اول حاجة مدى طاعة ابنه. يشوف ابنه بيطيع الكلام ولا لأ - 00:07:37ضَ

تاني حاجة يشوف مدى الحكمة اللي عند ابنه. الجزء اللي اداه له وقال له اصرفه زي ما انت عايز. في حاجات لازم تصرفها بطريقة معينة. وحاجات تانية هيتفرج عليه ويشوفه - 00:07:54ضَ

ازاي ؟ عشان يشوفوا الولد عنده حكمة ولا مستهتر؟ ففي الحقيقة الخمس تلاف جنيه دول دول جزء من ملك ابوه خلاه مالك اضافي لهم يقدر في اي لحزة يصادرهم وياخدهم منه او ما او يمنعهم عنه - 00:08:04ضَ

المشكلة بقى لما الواد ده يطلع اهبل وينسى انها فلوس ابوه اصلا ويبدأ ينفق الخمس تلاف جنيه دول بطريقة غير اللي ابوه اشترطها عليه ما تزعلش بقى لما ابوه يعاقبه بانه يسحب الفلوس بالكامل او باي عقوبة بقى في اطار العقوبات بقى المعروفة بين الاب والابن - 00:08:22ضَ

ولله المثل الاعلى. احنا ربنا ادانا حق نتصرف في جزء كل واحد فينا ادانا جزء كده من مال ربنا اداه له وقالوا تتصرف فيه بالطريقة الفلانية في سورة النور ربنا بيتكلم عن العبيد المكاتبين - 00:08:42ضَ

يعني اللي داخلين في اتفاق مكتوب مع الملاك بتوعهم مع اسيادهم ان هم كل عبد معه ورقة بتقول له انت تسوى كم خمس تلاف مسلا دولار فالعبد لو قدر يجيب خمس تلاف دولار هيشتري حريته. فربنا بيقول لنا نساعدهم ونتبرع لهم ونديهم من فلوسنا ومن زكاة مالنا كمان - 00:08:58ضَ

عشان يشتروا حريتهم. فربنا قالها ازاي؟ في سورة النور طريقة مميزة جدا واتوهم من مال الله الذي اتاكم. هو المال من ربنا وكل واحد فينا ادى له شوية منه فالفلوس المال مال الله - 00:09:19ضَ

الفقراء لهم حق في المال ده كل سنة اللي هو قدر الزكاة ودي مش صدقة دي ما هياش مش حاجة زيادة. ده الفقراء من حقهم يقاتلوا عليها اصلا والناس تقاتل عليها وسيدنا ابو بكر قاتل عليها - 00:09:37ضَ

واعتبر اللي منعوا الزكاة مرتدين اللي يبخل على الفقراء بزكاة ماله فهو سارق لص يسرق الفقراء اسوأ من اللص اللي بيدخل بيته يسرق مجوهرات الاتنين لصوص. لكن ده بيسرق الفقراء وده بيسرق الاغنياء - 00:09:55ضَ

منهم لص اسوأ من الاخر ما جاع فقير الا بتخمة غني الفقير اللي مش لاقي ياكل وجعان لان فيه غني اكل رغيفه ولا يحسبن الذين يبخلون بما اتاهم الله من فضله - 00:10:20ضَ

هو خيرا لهم بل هو شر لهم. اوعوا يكون اللي بيعمل كده فاكر ان فلوسه بتزيد نتيجة انه بيبخل وما بيطلعش الزكاء. لأ خالص ما بتزدش ولا حاجة اللي يدخل الحرام على الحلال ليكثره سيدخل عليه فيبعثره - 00:10:41ضَ

الفلوس دي ممكن بدل ما ربنا يبارك فيها لانها حلال. الجزء الحرام اللي فيها ده يبقى زي السرطان ياكلها كلها ما تتصرف في اصلاح عربية في حادسة ما كانش مقدر تحصل. آآ عملية جراحية ما كانش على البال ولا على الخاطر طلعت لنا. ايه ايه - 00:11:01ضَ

رغم انف البخيل هينفق هذا المال وبدون ما ياخد عليه سواب وكمان هيتعاقب كمل بقى الاية سيطوقون ما بخلوا به يوم القيامة. ولله ميراث السماوات والارض. والله بما لا تعملون خبير - 00:11:21ضَ

اللي بخلوا به ده هيتحول الى سيئات تحيط بهم يوم القيامة يتحول الى نار تحيط بهم يوم القيامة. سيطوقون هيبقى الطوق حواليهم من نار. هي الفلوس دي هتبقى نار. في سورة التوبة - 00:11:42ضَ

ربنا قال والذين يكنزون الذهب والفضة ولا ينفقونها في سبيل الله فبشرهم بعذاب اليم يوم يحمى عليها في نار جهنم هتتسخن يحمى عليها فتكوى بها جباههم وجنوبهم وظهورهم هذا ما كنزتم لانفسكم - 00:11:59ضَ

فذوقوا ما كنتم تكنزون الناس اللي بتكنز المال دهب زمان كانت دينار دهب والدرهم فضة دلوقتي اليورو واسترليني ودولار ومش بينفقوها في سبيل الله هتتسخن يوم القيامة وتكوى بها وجوههم - 00:12:30ضَ

جباههم هيتكووا في وشهم وظهورهم وجنوبهم ذوقوا اللي كنزتوه لانفسكم ارجع معي بقى لالي عمران مية وتمانين سيطوقون ما بخلوا به يوم القيامة. ولله ميراث السماوات والارض الفلوس اللي انت وفرتها ولم تنفقها هتروح لمين؟ لولادك - 00:12:56ضَ

وبعدهم مين ؟ احفادك كله في الاخر راجع لربنا. ربنا هو الوارث الذي سيرث كل شيء في النهاية ولله ميراث السماوات والارض. كله راجع له. في النهاية مش هيبقى لك الا عملك اللي انت عملته - 00:13:22ضَ

وربنا عارفه كويس جدا. والله بما تعملون خبير مشعلين بقى خبير يعلم العمل ويعلم نيتك في العمل محيط بكل شيء محيط يحيط علما بكل شيء. اقرا بقى مية واحد وتمانين ومية اتنين وتمانين - 00:13:38ضَ

لقد سمع الله قول الذين قالوا ان الله فقير ونحن اغنياء سنكتب ما قالوا وقتلهم الانبياء بغير حق ونقول ذوقوا عذاب الحريق ذلك بما قدمت ايديكم وان الله ليس بظلام للعبيد - 00:14:00ضَ

اللي حصل انه لما نزلت الاية في سورة البقرة الاية متين خمسة واربعين من ذا الذي يقرض الله قرضا حسنا فيضاعفه له اضعافا كثيرة مين اللي يقرض ربنا ويدي ربنا سلفة - 00:14:31ضَ

طرد حسن وربنا هيرجعه له مضاعف اضعاف كثيرة. قال بعض اليهود منهم حيي بن اخطب اللي هو ابو ام المؤمنين صفية بنت حيي كان من اكبر اعداء النبي صلى الله عليه وسلم - 00:14:53ضَ

زعيم بني النظير قال وغيره كمان يعني برضه في واحد تاني رجل اعمال يهودي معروف برضه اسمه في نحاس بن عازوراء الاتنين قعدوا يتريقوا نجدادين ايه ده اللي الاله فيه فقير - 00:15:08ضَ

والناس هي اللي اغنياء لان هو الطبيعي ان الفقير بيستقرض الاغنياء يستقرض يعني يطلب قرض. قلنا الف سين تاء زائد الفعل يعني طلب الفعل قال لك طبيعي ان الفقير يستقرض الاغنياء - 00:15:22ضَ

فيعني ايه تقولوا لنا آآ من ذا الذي يقرض الله قرضا حسنا ايه ده الدين ده اللي هو فيه الاله فقير والناس هي اللي اغنياء ربنا انزل الاية لقد سمع الله قول الذين قالوا - 00:15:39ضَ

ان الله فقير ونحن اغنياء. لقد سمع شف بتحسسك ان في في مصيبة هتحصل للناس دي ربنا سامعكم وانتم بتقولوا الكلمة اتقفشتم اتسجل تسريب لقد سمع الله قول الذين قالوا ان الله فقير ونحن اغنياء - 00:15:58ضَ

سنكتب ما قالوا كله متسجل وقتلهم الانبياء بغير حق ونقول ذوقوا عذاب الحريق يا جماعة ممكن حد يقول ايه مع برضه يا جماعة بصراحة يعني برضه يعني الصيغة بتاعة من ذا الذي يقرض الله قرضا حسنا دي ؟ ما هي يعني بتتكرر كتير برضو يعني يعني ده تعبير - 00:16:25ضَ

يعني يخلي اللي ما بيتريقش يتريق يعني احنا يعني وكأن انت يعني كأن القرآن بيستدعي الاعداء بتوعه عشان يتريقوا عليه. ما هو برضه التعبير غريب اوي اوي اه التعبير غريب وتكرر كتير كمان في القرآن. ربنا ما قالهاش مرة واحدة. ده ربنا قالها ست مرات - 00:16:49ضَ

ست مرات ازا مقصودة ومقصود بها تربية معينة فيه هدف من وراها. اهي الاية في البقرة قريناها اهي من شومان ده الذي يقرض الله قرضا حسنا فيضاعفه له اضعافا كثيرة. وفي المائدة ايضا جه - 00:17:07ضَ

لان اقمتم الصلاة واتيتم الزكاة وامنتم برسلي وعزرتموهم واقرضتم الله قرضا حسنا. لاكفرن عنكم سيئاتكم يدخلنكم جنات تجري من تحتها الانهار الحديد من ذا الذي يقرض الله قرضا حسنا فيضاعفه له اضعافا. فيضاعفه له وله اجر كبير - 00:17:25ضَ

في الحديد برضه تاني ان المصدقين والمصدقات واقرضوا الله قرضا حسنا يضاعف لهم ولهم اجر كريم في سورة التغابن ده كده اربعة لحد دلوقتي ها التغابن ان تقرضوا الله قرضا حسنا يضاعفه لكم ويغفر لكم والله شكور حليم - 00:17:51ضَ

في سورة المزمل اقرأوا ما تيسر منه واقيموا الصلاة واتوا الزكاة واقرضوا الله قرضا حسنا وما تقدموا لانفسكم من خير تجدوه عند الله هو خيرا واعظم اجرا. الله ست مرات القرآن يزكر ان ربنا بيستلف من الناس. ليه - 00:18:16ضَ

ليه واضح ان فيه هدف منها هدف ده فيه تأثير ده هدف تربوي اقول لكم على حاجة لان هو خلي بالك ما فيش كلمة جت في القرآن صدفة ولا كمان كلمة تكررت فيه بالصدفة - 00:18:37ضَ

هذا التكرار تكرار هذا التعبير ان ربنا بيقترض ربنا بيستلف مقصود لازم نفكر فيه تخيل كده ان انت كل ما تشتغل وتنتج وتعمل فلوس الحكومة تيجي تاخد الفلوس منك وتديها لغيرك قدام عينيك - 00:18:52ضَ

اللي مش بيتحرك زيك. ولا بينتج زيك ولا بيشتغل زيك ده شيء يجيب الاحباط اسف لأ خلاص مش شغال ايه اللي يخليني استمر في الحركة وفي العمل وفي الانتاج طالما الفلوس اللي بعملها بتروح - 00:19:09ضَ

لكن لما الحكومة تقول لك الجزء اللي بناخده منك ده قرض ارض مضمون. الحكومة ضامناه هيرجع لك كمان اضعافا مضاعفة. فالالف هناخدها منك ترجعها لك على الاقل عشر تلاف الى سبعمئة ضعف - 00:19:26ضَ

ده هيكون اثره عليك ايه انت هتشوف هذا القرض هو استثمار انت ستستمر في حركة الحياة وتستمر في العمل وتستمر في الانتاج علشان تجيب فلوس اكتر عشان تسلف الحكومة اكتر عشان تقرض انت بتستثمر في اقراض الحكومة. بالتالي لما ربنا يسمي الصدقة قرض - 00:19:48ضَ

ربنا اللي بيقترضه يعني قرض مضمون. مضمون ده يجعلك تعمل اكثر واكثر وتعطي اكثر للفقراء شفت بقى هي مقصودة لكن الناس التافهة اللي منتظرة تعبير زي ده عشان تقعد تسخر من الدين - 00:20:14ضَ

الناس دي هم مش يعني يعني مش مش آآ ربنا سامعني ومش هيفوت يعني زي ما ربنا مش هينسى ائللي بيعمل العمل الخير وبيقرض ربنا القرض الحسن لن ينسى ايضا للي عمل الشر وربنا مسجل لقد سمع الله - 00:20:33ضَ

قول الذين قالوا ان الله فقير ونحن اغنياء سنكتب ما قالوا وقتلهم الانبياء بغير حق. ايه دخل قتل اليهود الانبياء دلوقتي بالموضوع بتاع السخرية بتاعتهم من تعبير اقراض الله ليه ربنا جاب دلوقتي موضوع قتل الانبياء - 00:20:52ضَ

ايه علاقتك قولهم ان الله فقير ونحن اغنياء. ايه الشيء المشترك بين الاتنين قتل الانبياء وآآ انهم قالوا ان الله فقير ونحن الاغنياء الاتنين قول باطل. يعني ايه؟ ربنا بيقول ان هم قتلوا الناس بالباطل. ومش اي ناس دول قتلوا خير الناس. قتلوا الانبياء نفسهم - 00:21:17ضَ

بالباطل يبقى مش هيسخروا من الدين ويقلوا ادبهم على ربنا بالباطل عملوا اكتر من كده ده قتلوا ازهقوا ارواح انبياء بالباطل فربنا هيسجل اللي قالوه وهيسجل معه قتلهم الانبياء بغير حق - 00:21:36ضَ

طبعا ناس وقفت فيها دي يقول لك هو في انبياء هيقتلوا بحق قتل الانبياء اكيد بغير حق. يعني في حد ممكن يقتل بحق عشان بيتحكم عليه في المحكمة بالاعدام. لانه ارتكب جريمة اه عقوبتها الاعدام. لكن النبي - 00:21:55ضَ

اصلا معصوم من الخطأ مش هيرتكب ابدا جريمة وكمان جريمة عقوبتها الاعدام ده مستحيل ففي ناس فهمت ان الهدف من كلمة وقتلهم الانبياء بغير حق انه مبالغة في التأكيد على ان اللي عملوه كان خطأ لما قتلوا الانبياء - 00:22:09ضَ

خطأ قتل اي حد خطأ اصلا مش محتاج انك تقول انه قتلوا الانبياء بغير حق لكن الموضوع له علاقة بالتاريخ اليهودي اليهود امة منظمة ومتدينة بالرغم من انهم حرفوا الدين - 00:22:30ضَ

فهم السبب تحريف الدين انهم عشان متدينين ومش عاوزين يخالفوا دينهم. غيروا دينهم عشان يوافق هو اواهم واللي عايزين يعملوه يعني لو قائد يهودي او زعيم يهودي خالف الشريعة اليهودية هينتقدوا مش هيسكتوا له - 00:22:49ضَ

القادة كانوا بيحرفوا الشريعة اليهودية على مزاجهم عشان المخالفة ما تزهرش مخالفة الانبياء لما قتلوا قتلوا بعد محاكمات امام قضاة حكموا عليهم باحكام شرعية مجلس السان هيدرين ده مجلس بيتكون من سبعين رباي سبعين خام يهودي من اعلى درجة - 00:23:10ضَ

اللي هم القضاة سبعين قاضي بيحكموا على النبي بالاعدام في امام الشعب هم اللي قتلوا دول مش انبياء ده اللي قتلوا دول مجرمين مدعين نبوة. اتحاكموا واتنفذ فيهم احكام الاعدام - 00:23:34ضَ

فربنا بيقول ان دي خرافة وقتلهم الانبياء بغير حق الانبياء دول لم يقتلوا بحق كما اشيع وكما قالوا. ده باطل. هذا قول باطل مش بحق كما يدعون سنكتب ما قالوا وقتلهم الانبياء بغير حق. ونقول ذوقوا عذاب الحريق - 00:23:53ضَ

ربنا هيكتب السخرية بتاعتهم دول وادعائهم على الله اوعى تكون فاكر هيكتب السخرية! يعني هتتكتب بالحروف على ورق! لا طب ما يمكن الكلام ده مش حقيقي ازا كان دلوقتي فيه تسجيلات - 00:24:18ضَ

تسجيلات سنكتب يعني سنسجل ده هيتسجل كله صوت وصورة ما حدش يقدر ينكر هيتعرض الفيديو اسمه فيديو يعني مش بس مش فيديو يعني ممكن يبقى مجسم كمان ربنا سيكتب سيسجل عليهم السخرية بتاعتهم - 00:24:34ضَ

وادعائهم على الله بالباطل انه فقير. ولو على سبيل السخرية كله مكتوب زي بالزبط ما هو كاتب قتلهم الانبياء بالباطل وربنا هيقول لهم ذوقوا النار ذوقوا عذاب الحريق الطعم لا يدرك بالوصف. لو قلت لك اوصف لي طعم السبانخ. هتوصفها ازاي؟ ما ينفعش لازم ادوق السبانخ - 00:24:53ضَ

فالتذوق هو ادراك حقيقة الشيء لا يمكن ادراكه الا بالتجربة بالتالي النار اللي هيدخلوها هيشعروا بحقيقة النار وخلي بالك بقى ما قلكشي آآ ذوقوا عذاب النار قال لك ذوقوا عذاب الحريق. الحريق هو الفعل اللي بتسببه النار - 00:25:22ضَ

زي البخل اللي هو فعل بيسببه الشح ذوقوا عذاب الحريق. النار تحرق يبقى الحريق فعل بتعمله النار وطالما ربنا ذكر عقوبة عقوبة شديدة زي كده نتوقع ايه اللي جاي؟ ها - 00:25:46ضَ

ذلك بما قدمت ايديكم وان الله ليس بظلام للعبيد اتعودنا ربنا دايما يبرئ نفسه من الظلم ولا فيه فرق بين شدة العقوبة وعدالة العقوبة. عقوبة الله شديدة طبعا اكيد لكنها ليست ظالمة - 00:26:06ضَ

وما كان الله ليظلمهم. ربنا ما بيزلمش ابدا لاحز دايما ربنا يبرئ نفسه من الظلم بعد ذكر العقوبات عشان يعطينا شعور ان الظلم ده وصف سيء جدا. ربنا جدا القرآن اكد على ذلك بتكرار ان الله لا يحب الظالمين - 00:26:27ضَ

وتكرار ان الله لا يهدي القوم الظالمين. عشر مرات تأتي ربنا لا يهدي القوم الظالمين. دي كلها رسائل مرسلة لقلبك اخر حاجة بس قبل ما نقفل وان الله ليس بظلام للعبيد. ازن احنا شرحناه قبل كده - 00:26:51ضَ

ما قالش ليس بظالم. قال لك ليس بظلام. يعني دي صيغة مبالغة. الله! في دي ناس مسكتك الله! يعني ربنا ممكن يبقى ظالم بس لكن مش زلام يعني مش هيظلم اوي بس ممكن يزلم حاجة بسيطة - 00:27:08ضَ

معناها كده ربنا يا جماعة دايما لما بيعمل حاجة بيعمل الماكسيمام بيعمل اخر حاجة اقصى حاجة فيها الرحمة رحمة ربنا هي اقصى رحمة ممكنة هو مصدر الرحمة نفسها. ماشي المغفرة هو هو الغفار هو الغفور كل حاجة بيعملها بالماكسيمام بتاعها - 00:27:21ضَ

وربنا لا يظلم ابدا. لكن لو افترضنا انه ظلم وحاشاه مش هيبقى زالم عادي هيبقى يعني وحاشاه ولن يظلم ولا يظلم. لكن قال لك ربنا ليس بظلام. انت متخيل بقى يعني لما لما يظلم مليارات - 00:27:43ضَ

الناس اللي مش هيزلم شعب مية مليون ده هيزلم مليارات الناس على مر السنين. لو اتصف بالظلم ما يبقاش زالم يبقى ظلام تمام وان الله ليس بظلام للعبيد ونتوقف هنا الليلة - 00:28:01ضَ

اللهم انا نسألك حبك وحب من يحبك حب كل عمل يقربنا الى حبك اللهم ما رزقتنا ما نحب اجعله قوة لنا فيما وما زويت عنا مما نحب فاجعله فراغا لنا فيما تحب - 00:28:20ضَ

اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين - 00:28:39ضَ

اللهم احي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك كل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهابه - 00:29:05ضَ

مومن وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون - 00:29:33ضَ

فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل ميت يكيد لنا ولهم واحفظنا واياهم من شرورهم ونجعلك اللهم في نحورهم فانت الوكيل ولا حول ولا - 00:29:55ضَ

لا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة مكة في فلسطين. اللهم سدد رميهم وخيب رمي عدوهم. واقبل شهداءهم. وكن مع اخواننا في - 00:30:15ضَ

تركستان الشرقية وفي كشميرة وفي الشام وفي سريلانكا وفي الهند. وانصر يا رب من نصرهم واخذل يا رب من خذلهم وطهر المسجد الاقصى من الدنس فانهم لا يعجزونك واكتب لنا ختم القرآن فيه - 00:30:37ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا به او حاملا له فالبسه ثوب الصحة والعافية عاجلا غير اجل. ومن لم يصب به فقه شره وابعده عن - 00:30:54ضَ

ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدنا حدث على دعوتك - 00:31:14ضَ

وتعاهدت على نصرة شريعتك. فوثق اللهم رابطتها وادم ودها واهدها سبلها. واملأها الذي لا يخبو واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك - 00:31:32ضَ

انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه. ارجو من الاخوة والاخوات اعملوا شير للفيديو واعملوا يدوسوا لايك للحاجات دي بتخلي اليوتيوب والفيسبوك تقترحها على عدد اكبر من الناس انها تشاهد - 00:31:58ضَ

انشر الخير بازن الله. والسلام عليكم ورحمة الله وبركاته. ونراكم غدا باذن الله هذا الموعد كنا من اهل الدنيا - 00:32:18ضَ