اعوذ بالله من الشيطان الرجيم بسم الله والحمد لله والصلاة والسلام على رسول الله صلى الله عليه وسلم رب اشرح لي صدري ويسر لي امري واحلل لي عقدة من لساني يفقهك قوله - 00:00:01

يقول النبي صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه بينهم الا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده - 00:00:19

ويقول النبي صلى الله عليه وسلم اذا مررتم برياض الجنة تاعو اذا مررتم برياض الجنة فارتعوا قيل وما رياض الجنة يا رسول الله؟ قال حلق الذكر وقال صلى الله عليه وسلم غنيمة مجالس الذكر الجنة - 00:00:40

قال صلى الله عليه وسلم من سلك طريقا يلتمس فيه علما سهل الله له به طريقا الى الجنة بفضل ربنا سبحانه وتعالى ربنا يمن علينا بالمجلس ده اللهم لك الحمد تيسير الطاعة - 00:01:08

دي نعمة من ربنا سبحانه وتعالى يعني الواحد ما بيجيش هنا بشطارته فده فضل من ربنا سبحانه وتعالى ان هو ييسر لك الطاعة فاللهم لك الحمد ان احنا نقعد في مجلس تحفه الملائكة - 00:01:25

تتنزل عليه السكينة الرحمة ربنا سبحانه وتعالى يذكرنا في الملأ الاعلى حديث النبي عليه الصلاة والسلام خرج على اصحابه في المسجد قال ما اجلسكم؟ قالوا جلسنا نذكر الله ونحمده على ما هدانا للاسلام - 00:01:38

قال الله ما اجلسكم الا هذا قالوا يا رسول الله والله ما اجلسنا الا ذاك النبي عليه الصلاة والسلام بيسألهم بيتأكد من صحة النية صدق النية انت قاعد هنا ليه - 00:01:54

قالوا والله ما اجلسنا الا ذاك. احنا قاعدين هنا عشان ايه نتقرب لربنا سبحانه وتعالى نذكر الله ونحمده على ما هدانا الاسلام. قال اما اني لم استحلفكم تهمة لكم يعني سؤالي اياكم لم يكن يعني اتهاما لكم بالكزب يعني - 00:02:09

ولكنه اتاني جبريل فقال ان الله يباهي بكم الملائكة عمل بسيط تيجي تقعد ساعة بفضل ربنا سبحانه وتعالى ان ربنا يباهي بك الملائكة تواب وفضل ونعمة ان انت تيجي تحضر الدرس ده. فاللهم لك الحمد - 00:02:27

احنا المرة اللي فاتت عملنا وقفات سريعة مع صورة الانسان النهاردة هنكمل في سلسلة قصص القرآن آآ مع وقفات مع سورة يوسف عليه السلام درس النهاردة من من الدروس مهمة جدا جدا جدا - 00:02:47

ومحتاج ان الشباب تركز لان الدرس بيمس الواقع بتاعنا بصورة آآ كبيرة جدا وهي اغلب الايات اللي هنتكلم فيها زي روشتة علاج لمسألة الشهوة مسألة العلاقة بين الولد والبنت عليكم السلام ورحمة الله وبركاته - 00:03:07

مسألة الشهوة مسألة العلاقة بين الولد والبنت تالت التعلق حب الحرام آآ سبحان الله يعني احيانا نتكلم مع الشباب بيقول لي اصل انت مش فاهم اصل الدنيا بقت صعبة شهوة صعبة والبنات والجامعة والنادي والشارع يعني - 00:03:29

الموضوع بقى صعب اه وكأن سبحان الله يعني الموضوع ما لوش علاج يعني احيانا بتعامل مع بعض الشباب بسمع بقرأ رسايل بتجيلي اسئلة او بقابل الشباب في دروس يعني فيتكلم معي كأن الموضوع ايه - 00:03:51

مستحيل ان هو يتحل يعني كأن ربنا سبحانه وتعالى خلق شهوة جوة الانسان مستحيل ان هو يسيطر عليها وده لا يعقل يعني النبي عليه الصلاة والسلام قال آآ ان الله لم يخلق داء الا وايه - 00:04:09

الا وله دواء يعني ما فيش فتنة او شهوة الا وربنا سبحانه وتعالى هيديك الاساليب والوسائل ان انت ايه تحصن نفسك من الفتنة دي المشكلة بتبقى في ايه المشكلة بتبقى في الفهم ان انا مش فاهم صح - 00:04:28

يعني مش فاهم اه اه طبيعة النفس مش فاهم طبيعة الميل مش فاهم ازاي ابعد عن الفتنة دي او بتبقى في التطبيق لكن الخلل استحالة يكون منين في المنهج يعني الله سبحانه وتعالى خلق الانسان - 00:04:47

وركب في الانسان في الفترة بين الرجل والمرأة الميل ده الطبيعي. يعني رجل يميل للمرأة والمرأة تميل للرجل دي فطرة ربنا سبحانه وتعالى زرعها جوة الانسان فالمنطقي ان ربنا سبحانه وتعالى في القرآن في المنهج بتاعنا يدي لك الاساليب والطرق اللي انت تمشي عليها علشان ايه - 00:05:04

العلاقة دي تستقيم علشان تقدر تسيطر على الشهوة دي متفقين على الكلام ده فهنا قلنا في البداية خالص بنتفق ان المشكلة يا اما في الفهم يا اما انا كشاب او انا كبنت - 00:05:27

مش فاهمة صح مش فاهمة مراد ربنا سبحانه وتعالى مش فاهم الايات والاحاديث يا اما انا بطبق غلط او ما بطبقش لكن استحالة يكون الايه؟ الخلل فين في المنهج او استحالة تكون الشهوة دي غير قابلة للسيطرة - 00:05:40

ده يعني مستحيل علشان بس ندرأ فتنة ان هو ايه اصل انت مش فاهم اصل الموضوع صعب ازاي اصل هو الموضوع صعب وده فتنة. لكن احيانا احنا بنطبق غلط او ما بنطبقش اصلا - 00:05:57

يقول لك اصل انا صمت وجربت لأ انت اكيد في مشكلة. المشكلة مش في الصيام المشكلة اكيد في تطبيقك انت. المشكلة في فهمك انت اه سورة يوسف بتتكلم يعني محور السورة تلاقي فيها نوع من التقلبات - 00:06:14

يعني ابتلاءات صعبة جدا وآآ تلاقي في الصورة ان سيدنا يوسف مر عليه يعني غالبا جميع انواع البلاء يعني ابتلي ابتلاء اللي هو عارف ابتلاء قهري. انت لازم تصبر عليه زي مسلا مرض او آآ بلاء آآ - 00:06:28

ظلم مسلا في حاجة معينة فده انت ما لكش فيه ايه خيار يعني ابتلاء الاول مع مع اخواته لما رموه في البير وبعدين اتباع عبد والكلام ده كل ده تحس ان في ايه؟ نوع من القهر. هو ما لوش اختيار في البلاء ده - 00:06:48

فده البيان الاول ان بيعدي على الانسان ان هو يتحط في موضع معين فهو مضطر ان هو يصبر ما لوش خيار اصلا تاني البلاء التاني هو بلاء فيه نوع من الخيار - 00:07:05

والبلاء ده اصعب يعني فرق بين اه اه شاب يقول لك انا ايه انا عفيف وهو ما فيش ولا واحدة راضية تكلمه فرق بين ان قدامه الكلام ده متاح وما بيعملش ده - 00:07:18

يعني فرق بين الغني واحد يقول لك ايه انا والله يعني مش عايز اسافر في الاماكن اللي هي فيه كزا ايوة انت مش عايز تسافر عشان انت اصلا مش معك فلوس - 00:07:32

لكن انت لو معك فلوس هيبقى الاختيار صعب. البلاء هيبقى اصعب فالبلاء اللي فيه عطاء يعني انت قدامك مساحة من الاختيار ده اصعب يعني الابتلاء بتاع السراء اشد من ابتلاء الضراء - 00:07:43

ليه؟ لان انت في السراء احيانا ما بتبقاش عارف اصلا ان ده اختبار يعني انت معاك صحة معاك فلوس معاك وقت فاضي فراغ انت اصلا مش واخد بالك انت رابط دايما في زهنك ان البلاء ايه - 00:07:58

لازم تبقى حاجة صعبة لما قالوا دي قصة قارون لولا ان من الله علينا لخسف بنا. هو هنا ربنا من عليهم بايه ان هو منعهم من من اللي عند قارون - 00:08:10

من الدنيا هنا القصة مرت بايه؟ بجميع انواع البنات البلاء التاني اللي هنتكلم عنه هو بلاء كان فيه نوع من الخيار. بلاء صعب جدا قال تعالى ولما بلغ اشده اتيناه حكما وعلما - 00:08:25

وكذلك نجزي المحسنين وراودته التي هو في بيتها عن نفسه وغلقت الابواب وقالت هيت لك قال معاذ الله انه ربي احسن مثواي انه لا يفلح الظالمون ولقد همت به وهم بها لولا ان رأى برهان ربه - 00:08:45

كذلك لنصرف عنه السوء والفحشاء انه من عبادنا المخلصين واستبق الباب وقدت قميصه من دبر والف يا سيدها لدى الباب قالت ما جزاء من اراد باهلك سوءا الا ان يسجن او عذاب اليم. قال هي راودتني عن نفسي وشهد شاهد من - 00:09:09

اهلها الايات بداية المشهد ان انت لازم تبقى فاهم حجم الفتنة اللي سيدنا يوسف كان فيها يعني القرآن ما جابلكش من من البدايات اللي عارف يقول لك الارهاصات بتاعة الفتنة يعني الحاجات المقدمات بتاعها هو جاب لك ايه - 00:09:34

اعلى حاجة لكن مما لا شك فيه ان كان قبل كده ايه كان فيه مراودات قبل دي ، يعني مش دي اللحزة الوحيدة اللي امرأة العزيز حاولت ان هي تراود يوسف عن نفسه عليه السلام. ده كان فيه حاجات قبل كده ايه ؟ محاولات - 00:09:57

فانت محتاج تفهم حجم الفتنة اللي سيدنا يوسف عليه السلام كان فيها ودايما لما الناس بتحكي اه القصة بتركز على ايه؟ على اه اتجاه ان العفة وان سيدنا يوسف ازاي امتنع - 00:10:14

عن الوقوع في الفاحشة ما حدش بيركز عن منزلق التاني اللي واحدة كانت اه اه شريفة اه غنية آآ يعني تعتبر ملكة وعندها كل حاجة وازاي ان هي لما بدأت تتبع خطوات الشيطان بدأت ايه؟ تنحدر - 00:10:29

يعني السورة بتجيب ايه بيجيب الاتجاهين بتجيب اتجاه اللي بياخد سلم وطالع للعفة وبتجيب اتجاه ايه اللي بتقدم تنازلات وبتنزل دايما احنا تركيزنا في الصورة بيبقى على ايه على نص الاولاني سيدنا يوسف ازاي بعد عن الفتنة وما بناخدش بالنا خالص ازاي نموزج للانسان - 00:10:51

وفطرته هي بايه بتتقتل واحدة واحدة الحياة اللي جواها فده امر مهم جدا قال تعالى وراودته التي هو في بيتها عن نفسه وغلقت الابواب وقالت هيت لك اجتمعت على سيدنا يوسف عليه السلام - 00:11:15

يعني كل الاسباب اللي ممكن تكون موجودة في الدنيا علشان يعمل ايه الفاحشة دي شاب قوي شديد الجمال سيدنا يوسف عليه السلام اوتي شطر الحسن يعني المخلوقات كلها البشر والحيوانات والسماوات والارض والجبال والبحار والزهور كل المخلوقات دي كلها خدت نص - 00:11:37

الجمال ويوسف عليه السلام ايه اودي شطر الجمال فدي حاجة في حد زاتها ايه مشكلة لامرأة العزيز ان رجل قوي اعزب لم يتزوج بعد واوتي شطر الجمال يعني شديد الجمال - 00:12:04

ماشي؟ وفي عامل بعض الناس ما بتاخدش بالها منه هو آآ ان هو في فترة طويلة من الخلطة مع مرات العزيز وده كان عامل اساسي في ان الفتنة ايه آآ تزيد - 00:12:24

ان في فرق بين الاختلاط العابر اللي اختلاط سريع في التعاملات العادية بالضوابط الشرعية. فرق بين لما ايه يبقى فيه آآ مدة طويلة للاختلاط يعني كل ما المدة بتزيد والتعامل بيزيد كل ما ايه - 00:12:39

الفتنة تبقى اكتر فيوسف عليه السلام متربي فين؟ متربي في القصر متربي مملوك عند امرأة العزيز. فهو في الرايحة وفي الجاية بيشوفها وفي الرايح وفي الجاية هي بتحاول ان هي ايه آآ تميل قلبه. يقول لك المراودة يعني في نوع من اللطف - 00:12:54

والحيلة ان هي واحدة واحدة بتحاول ان هي ايه اه تراود يوسف عن نفسه انت متخيل ان واحد في نفس القصر مع امرأة وهي غالبا امرأة العزيز يعني واحد العزيز اللي هو عزيز مصر يعتبر زي وزير المالية يعني - 00:13:16

ده من علية القوم من الملأ. فاكيد زوجته يعني شديدة الجمال واكيد هي عندها من الزينة آآ يعني تعتبر ملكة فالفتنة مش عادية يعني واحد يجي يقول لي اصل انت مش فاهم انا بمر بايه لأ يعني انت بس محتاج تشوف الافق التاني اللي في القرآن اللي بيتكلم عنه - 00:13:32

يعني القرآن ما جابلكش اللقطات الايه الحاجات اللي في الكواليس البسيطة. جاب لك اعلى لقطة عشان تتصور ازاي سيدنا يوسف عليه السلام كان في فتنة وكان في بلاء يعني شاب - 00:13:53

اعزب قوي شديد الجمال والمرأة جميلة وفي بيتها وغلقت الابواب. يعني ايه يعني يأمن ان ما فيش حد خلاص ايه؟ يشوف اي حاجة وفي بيتها يعني هو هيتعامل بنوع من الامن لان خلاص يعني ما فيش حد وده بيتها - 00:14:07

وهي اللي طردت الخدم وقفلت وغلقت الابواب يعني نوع من ايه من المبالغة في ما فيش كل الابواب اتقفلت كل الشبابيك اتقفلت وقالت هيت لك. قبل كده لازم تعرف ان سيدنا يوسف - 00:14:25

غريب يعني ايه غريب؟ يعني مش من البلد دي وجرت العادة ان الانسان لما هو مسلا هو ساكن في الزقازيق او ساكن في المنصورة وراح دخل جامعة في القاهرة مسلا. فتلاقيه ايه - 00:14:43

واخد راحته شوية يعني يعني البنت لما تسافر آآ اه وده طبعا في مشكلة سفرها اصلا من غير محرم للجامعة او حاجة زي كده ده فيه اشكال. لكن عامة لما الشاب بيسافر في بلد غير بلده حتى برة مصر فتلاقيه ايه - 00:14:57

يعني اه فريش خالص يعني فدي مشكلة الانسان لما بيحس ان ما حدش عارفه في المكان ده بينطلق وده يعني ادعى كمان لايه؟ للفتنة يعني هو غريب ما دي مش بلده - 00:15:11

وكمان هو مجبر يعني واحد تاني يقول طب انا اعمل ايه؟ اصل هي هتهددني وهي انا انا سيدنا يوسف مستضعف في القصر ومملوك يعتبر عبد في القصر ده مع مكانته طبعا عليه السلام. لكن هو ايه - 00:15:26

اتباع عبد في القصر ده فانت عايزك تتخيل ان واحد اجتمعت عليك كل الزروف دي مش كمان كده بس الاصل الطبيعي ان الرجل هو اللي ايه؟ هو اللي يريد المرأة - 00:15:42

يعني المرأة هي الاصل هي المرغوب فيها وغالبا الراجل يستحي ان هو يراود المرأة عن نفسها علشان ايه ممكن ان هي تطلع عفيفة فايه ما تفضحه تشهر به وتفضحه فهو بيبقى دايما حاطط ايه؟ حواجز - 00:15:56

فتخيل ان الاية اتقلبت بقى المرغوب فيها هي الراغبة وده من شدة جمال سيدنا يوسف عليه السلام. ومن ومن كثرة المخالطة بياع من اكتر الحاجات اللي بتفسد القلب فعلا الاختلاط لما يبقى مدته ايه - 00:16:14

طويلة يعني العمل في الجمعيات الخيرية مع بعض بقى في مشاريع في الجامعة قاعدين بننزل مع بعض كل ما الخلطة بتزيد كل ما تلاقي ايه خدنا على بعض خالص والدنيا بقت جميلة وبنهزر وايه الموضوع بيتطور تلاقي تعلق - 00:16:30

واحدة اتعلقت بواحد او واحد بقى بيحب واحدة خلاص ما عدش قادر يتحكم العاطفة دي فهنا الاختلاط لما ربنا سبحانه وتعالى نهانا عن السورة دي من الاختلاط كان له حكمة - 00:16:47

علشان ده يبقى اطهر القلوب. ان انت كل ما هتقعد شوية يقول لك ايه؟ لما خلاص آآ بقى فيه الفة بينا خلاص بقى يعني الكلفة نزلت ما بقتش بقى باقول لها حضرتك - 00:17:00

بقول لواحد يعني انت لما تتكلم واحدة لازم تتكلف في الكلام في المدرسة يعني لو حصل اي تعامل وكده واحد صاحبي يعني قال لي يعني ايه يعني اقول لها حضرتك ولا ايه - 00:17:10

متصور ان انا ازاي اتكلف في الكلام ما ينفعش. انا عايز اقول لك ان مجرد هي بتنادي عليك باسمك وانت بتنادي عليها باسمها انت خلاص ايه فيه نوع من الاريحية في التعامل. يعني بعد كده هتهزر بعد كده هنسلم على بعض بعد كده هنتصور مع بعض. هيبقى فيه نوع من ايه؟ ان عادي - 00:17:21

قال تعالى وراودته التي هو في بيتها عن نفسه وغلقت الابواب وقالت هيت لك. عليكم السلام ورحمة الله وبركاته اه قيل قالت هيت لك يعني ان تخيل ان المرأة وصلت لدرجة ان هي تزينت وهي اللي بتطلب مني - 00:17:40

فده الطبيعي ان اي اي رجل طبيعي في الموقف ده فتنة صعبة جدا جدا ان المرأة تتزين وغلقت الابواب وهو غريب وشاب واعزب ومركب فيه هو نبي لكن بشر. مركب فيه شهوة زي بقية الرجال - 00:18:06

فلما هي كمان اللي تطلب منه فالموضوع صعب الموضوع صعب. عشان كده كان من احاديث النبي صلى الله عليه وسلم يقول سبعة آآ يظلهم الله في ظله يوم لا ظل الا ظله - 00:18:22

وذكر منهم ايه اه ورجل دعته امرأة ذات منصب وجمال خد بالك آآ اشمعنى منصب وجمال الجمال معروفة لكن اشمعنا منصب ان هي فيه نوع من من السلطة من القهر - 00:18:36

ان المرأة لما تكون عندها السلطة دي وعندها الجمال الامر ايه اصعب الراجل هنا مستضعف يعني هو بيقول ايه وبتقول ولئن لم يفعل ما امره ليسجنن وليكونن من الصاغرين ده انا هزله - 00:18:56

يعني شوف الموضوع وصل لايه من البجاحة ان هي توصل للدرجة دي قال تعالى وراودته التي هو في بيتها عن نفسه وغلقت الابواب وقالت هيت لك قال معاذ الله انه - 00:19:11

ربي احسن مثواي انه لا يفلح الظالمون سيدنا يوسف يا جماعة يعني سبحان الله مؤدب جدا وهيبان دلوقتي في الايات حتى رد سيدنا يوسف في موقف معين كان لازم يدافع عن نفسه اكتر من كده شف الادب في الرد - 00:19:33

هنا كأن سيدنا يوسف بيذكرها بحق جوزها عليها بلطف قال معاذ الله انه ربي الاقرب في الاية ربي هنا معناه ايه؟ سيدي اللي هو ايه جوزها انه ربي احسن مثواي - 00:19:54

او انه ربي يقصد الله سبحانه وتعالى احسن مثواي يعني لما خرجت من البئر واتبعت عبد ما اتبعتش لايه لحد عادي ده انا قعدت في قصر قال تعالى قال معاذ الله - 00:20:13

انه ربي احسن مثواي بيزكرها بايه كأن المعنى ان يعني كسفي على دمك جوزك انه ربي احسن مثواي. انه لا يفلح الظالمون دي قاعدة انه لا يفلح الظالمون يعني اي انسان يظلم نفسه بالوقوع في مثل هذه الفاحشة ده ايه - 00:20:27

ظالم او يظلم نفسه ان هو آآ ييجي على حقوق الناس ما هو من من الحاجات اللي الشباب كتير بيغفل عنها ان هو لما مسلا يصاحب واحدة ولا يلف وراها لحد ما يعني ممكن يقول لك فلانة دي ما فيش حد بيكلمها في الدفعة خالص. اكتر واحدة مؤدبة في الدفعة - 00:20:51

وهو فضل ايه؟ طب بس انا الموضوع ده بتاعي فيفضل يلف وراها ويجري وراها لحد ما خلاص البنت بطبيعتها ان هي ايه لما بتلاقي اهتمام زيادة وهي مش متزنة عاطفيا تلاقي - 00:21:09

الاهتمام ده يشقلبها فتلاقي البنت بعد فترة بدأت ان هي تستجيب للولد ده. بعد فترة تبتدي آآ تنازلات فهنا الشاب ده اللي كان سبب ان البنت اتفتنت ده يوم القيامة ده يعقد له لواء الغادر. غدرة ان هو غدر بابوها واخوها ان هو وصلها لحاجات وغدر بايه - 00:21:25

لا قال رسول الله صلى الله عليه وسلم يعقد لكل غادر لواء عند استه يوم القيامة هذه غدرة فلان لواء كده يطلع كده مرفوع في ارض المحشر على رؤوس الاشهات يتفضح - 00:21:52

هزه غدرة فلان ابن فلان ويجي ابوها ولا اخوها ولا زوجها يقتص منه يعني يقف كده على على القنطرة يقول له تعال انت خنتني في عرضي انت خنتني في بنتي عملت كزا وكزا وكزا تعال هات حسنات - 00:22:09

يخلص الحسنات ما فيش حسنات هات سيئات من عندي خدها عندك شف الامر ازاي شديد ان ازاي ان ولد يعود بنت على طريقة تعامل معين ولا لمسات معينة ولا كلام معين وبعدين ايه يبقى هو حطها على اول الطريق - 00:22:29

خلاص بعد كده الموضوع بقى بالنسبة لها بقت عادي هي محتاجة التعامل ده موضوع خطير جدا ان واحدة ارتبطت بواحد في المدرسة وبعدين خلاص سابوا بعض والجامعة هي خلاص اتعودت ان يبقى في حد في حياتها - 00:22:47

فبقت ايه؟ الموضوع بالنسبة لها متكرر بيتصاحب مرة واتنين وتلاتة تصاحب وتفركش تصاحب وتفركش. فبقيت متعودة على ده. متعودة على كلام معين. متعودة على لمس معين تعالوا على خروجات معينة على اهتمام معين فمش قادرة تبطل. مين السبب في الكلام ده كله من البداية - 00:23:01

اول واحد اول واحد فهنا خطورة ان ان الانسان يكون سبب في فتنة حد تاني قال تعالى وقالت هيت لك قال معاذ الله انه ربي احسن مثواي انه لا يفلح الظالمون - 00:23:17

ولقد همت به وهم بها لولا ان رأى برهان ربه كذلك لنصرف عنه السوء والفحشاء انه من عبادنا المخلصين يقول لك ولقد همت به آآ وهم بها احيانا الاية دي بتعمل لبعض الناس ايه - 00:23:41

نوع من الاشكال شوية يعني ايه هم بها تم بها يفهمنا المعنى ده حديس النبي عليه الصلاة والسلام قال رسول الله صلى الله عليه وسلم من هم بحسنة من هم بحسنة - 00:24:03

فلم يعملها كتبت له حسنة كاملة وان هم بها فعملها كتبت له ايه عشر ومن هم بسيئة فعملها كتبت له سيئة واحدة ومن هم بسيئة فلم يعملها كتبت له ايه - 00:24:19

حسنة في رواية فانما تركها من جراي يعني من ايه؟ من اجلي يعني اذا تحدث عبدي بان يعمل مسلا يعني ايه؟ نفسه ايه اه اه جت خاطرة كده نفسه حدثته ان هو ايه يعمل - 00:24:42

آآ معصية وكان في في اواخر سورة البقرة لما الايات نزلت اهدوا ما في انفسكم او تخفوه اه يحاسبكم به الله فالصحابة راحوا والنبي عليه الصلاة والسلام قالوا يا رسول الله يعني - 00:25:00

آآ نزل الصلاة والصدقة والجهاد والزكاة لكن دي لا طاقة لنا بها. انت عارف ده يعني ايه؟ يعني اي خاطرة تيجي على زهني هتحاسب عليها والانسان احيانا بتجي له خواطر ايه - 00:25:13

شر هو لا يتحكم فيه طبيعة البشر يعني ممكن وانت صايم تجيلك خاطرة ان انت ايه عايز تشرب لكن انت بتدفع الخاطرة دي ايه لان انت بتفتكر لا ده انا صايم فمش هشرب - 00:25:29

صح؟ هل معنى كده ان انت عملت الفعل ده لا ما عملتوش. يعني مجرد ورود الخاطرة ده ما فيهوش اشكال يعني وهم بها ده ما فيهوش ايه مشكلة ده عادي حتى لو كان آآ يوسف عليه السلام نبي. يعني في حق الانبياء الخواطر البشرية لان هو بشر - 00:25:44

هو معصوم لكن دي خاطرة جت. التعامل مع الخاطرة هو ده اللي ايه ان في مشكلة ان تتحول خاطرة لايه لارادة يعني الهم بتاعها غير الهم بتاعه يعني هم امرأة العزيز ان هي كانت ايه آآ هم وفي فعل وتزينت في الثياب بتاعتها وحاولت ان هي آآ تغويه - 00:26:04

ده فيه ايه ده ده هي يعني هم وارادة بتنفز الامر ده. لكن الهم بتاع سيدنا يوسف ايه مختلف ده مجرد الخاطرة جت قال معاذ الله يعني اول لما بس الشيطان القى في نفسه بس الامر ده تذكر ربنا سبحانه وتعالى - 00:26:29

احيانا اوعى تتخيل لحزة ان سيدنا يوسف ايه آآ هم ان هو يفعل الفاحشة دي. طبعا حاشاه عليه السلام فقال فهمتم المعنى ده قال ولقد همت به وهم بها لولا - 00:26:47

اه يبقى لولا دينا معناها ايه؟ ان هو هم بها لا لا وهم بها لولا ان رأى برهان ربه يعني كاد ان يفعل الفعل ده لولا ان هو تذكر ربنا سبحانه وتعالى في الموقف ده. يقول لك - 00:27:06

برهان ربي صراحة المفسرين لها في اقوال عجيبة يعني اقوال عجيبة يعني لا تصح يعني ما فيهاش اي من قبل سيدنا يوسف عليه السلام. لكن الرأي الصحيح في في الاقوال دي رأى برهان ربه انما البرهان ده يكون حاجة ايه - 00:27:19

آآ من الداخل ان هو ما شفش حاجة بقى علامات او حاجة زي كده لا لا لأ ده هو تذكر ربنا سبحانه وتعالى ان انت في اللحزة دي لحظة الفتنة دي تذكر ان ربنا سبحانه وتعالى رقيب - 00:27:35

ان ربنا مطلع عليه تذكر بما عنده من الايمان والعلم ان ربنا سبحانه وتعالى رقيب عليه فترك الفعل ده عارف احيانا تيجي لك خاطرة كده؟ لا لا لا مش هعمل ده. اكيد مش هعمل ده - 00:27:51

بس الخاطرة ايه فطر جت هل انت تملك كبشر ان انت تدفع الخاطرة دي من البداية ما تجيلكش ده احيانا احيانا كان بعض الصحابة هيتكلموا ان هم بتيجي لهم وساوس - 00:28:06

ان هو يعني حتى النبي عليه الصلاة والسلام قال يأتي الشيطان فيقول من خلق كزا من خلق كزا من خلق كزا فيقول من خلق الله فلما تيجي للحالة دي تقول ايه؟ تستعيز بالله من الشيطان الرجيم - 00:28:18

هنا معنى مهم ان الخاطرة لما تيجي هتتعامل معها ازاي اه كان ابن القيم يقول دافع الخطرة الخطرة اللي هي ايه الفكرة الخاطرة اللي جاية لك فان لم تفعل صارت ايه - 00:28:30

همة يعني الخواطر اللي قاعدة تجي لك ان انا عايز اكلم فلانة او عايز اروح في المكان اللي فيه فلانة او عايز ادخل ابص اشوف هي كاتبة ايه. او الخواطر اللي بتجي لك دي - 00:28:45

ادفعه ادفعها بالزكر ادفعها بالطاعة ادفعها ان انت تشغل نفسك ادفع الخواطر دي. لو ما دفعتش الخاطرة الخاطرة هتبتدي ايه؟ تفضل تكبر في دماغك لحد ما تحول لهم وارادة وفعل - 00:28:57

ده معنى كلام ابن القيم هنا قال تعالى ولقد همت به وهم بها لولا ان رأى برهان ربه كذلك لنصرف عنه السوء والفحشاء انه من عبادنا المخلصين قال لي واحد قال لي انا - 00:29:11

انا حاسس ان ايه انا حاسس يعني هو بدأ البداية انا حاسس ان ايه ان الصحوبية ما فيهاش حاجة مش حرام. ليه بقى؟ قلت له ليه قال لي علشان اولا - 00:29:30

اه هو بيكتفي بواحدة بس وهي بتعفه عن بقية البنات قلت له كمل ده شغل عالي يعني ده ليفل بقى عالي قلت له لأ استنى بقى كده اه خلينا ايه اركز معك. قال لي عشان هي بتعفه عن بقية البنات. قلت له ماشي - 00:29:43

قال لي وهو في حدود بينهم قلت له جميل فهو ايه كده بدل ما يبص على بنات كتير هو ايه آآ يبقى واحدة بس قلت له ممتاز يعني انا ايه - 00:29:59

فقلت له ايوة انا عايز افهم ايه الحدود يعني هل هو مسلا ما بيبصش عليها وهو بيكلمها مسلا ما هو ربنا امرنا بغض البصر ان انا هل يعقل ان واحد مصاحب واحدة وما يبصش عليها - 00:30:15

اه قال لي لا قلت له طيب الكلام بقى بينهم يعني بيتكلموا في حدود مسلا ضرورة وكده في ضوابط بينهم في الكلام وهي لا تخضع بالقول يعني قال لي يعني ايه لا تخضع بقوله؟ قلت له يعني ان هي بتدلع في الكلام - 00:30:29

آآ قال لي لا طبيعي ان هي بتتكلم ايه؟ ده هي مجرد الو بس هو خلاص شكرا يعني يعني دي وده غير ان ان في ساعات من الكلام قلت له بص يعني هو الطبيعي يعني جرت العادة - 00:30:42

ان التعامل بين الولد والبنت ما فيش حاجة اسمها حدود فاللي بيقول حدود يا اما هو بيشتغل نفسه يا اما هو مش فاهم حقيقة يعني هو ما فيش حدود هو الموضوع بيتطور انت مش واخد بالك - 00:30:57

هو الموضوع واحدة واحدة بيوصل وفي الاخر هو طريق واحد. يعني هو في الاخر ايه بتوصل للزنا يعني ده دي يعني دي بداية الطريق وده نهاية الطريق. بداية الطريق هتبص - 00:31:08

مش هتغض بصرك نهاية الطريق فيه زنا سواء بقى ايه اختلفنا بقى في في سرعة المشي او في تطور العلاقة بسرعة على حسب ايه؟ واحيانا هو يبقى الولد حاطط حدود فالبنت ايه هي مش - 00:31:20

عايزة الحدود دي ده هو بيكلمها يفكرها بالازكار تقول له الازكار ايه يعني يعني خليك فريش شوية كده عشان انت متخيل ان الوضع يبقى صعب يعني لو انت تأمن على نفسك آآ انت ما تأمنش منها - 00:31:33

فالتعامل بنوع يقول لك انتم اه شهوانيين بتتعاملوا بان اه الرجل علاقة الرجل والمرأة علاقة شهوانية ومش عارف انا ما بفترضش الشهوانية المطلقة وان البني ادمين الرجالة ماشيين حيوانات في الارض زي ما باتكلم ما بافترضش ده. لكن برضه يعني ما - 00:31:48

غفلش عن المصايب اللي في الواقع وتتغافل عن اللي بيحصل واللي احنا شايفينه بعنينا وتفترض الملائكية وان اصل هم زي الاخوات زي آآ واحدة بتقول لي آآ في تعليقي يعني على حاجة كنت عاملها كده - 00:32:09

بتقول لي يعني ايه آآ ما دام ايه المشكلة بيلمسوا بعض؟ يعني هو بيكتب لها على على التيشيرت هو ما المسهاش هو ايه الالم هو اللي لمس وبعدين لو لو لمسوا بعض بهزار يعني آآ - 00:32:25

على فكرة انت آآ متشدد اوي يعني انت ازاي متشدد كده؟ فبقيت انت محتاج تفهم المسلم ان ما ينفعش اللمس ده فيه مشكلة ان بقول لك ما تلمسهاش ده كده تشدد. ده هو ربنا بيقول غض بصرك. يعني - 00:32:41

يا جماعة من من من المسلمات العقلية ان تحريم الادنى يوجب تحريم الايه الاعلى يعني لما انا اقول لك آآ ما تفتحش الباب ما تقومش جاي كاسر الباب وتقول لي اصل انت قلت لي ما تفتحوش. ايوة قلت لك ما تفتحوش معنى كده ان انت ايه - 00:32:56

انت مش مسموح لك الدخول فانت تقول لي اصل انت ما فيش اية جت في القرآن قالت لي كزا كزا لما انا اصاحبها واكلمها على الواتساب انت عايز الاية تجي لك ان ان آآ حرم عليكم الواتساب يعني - 00:33:12

ولا انت عايز ايه بالزبط هو عايز الحكم ينزل متفصل؟ لأ تحريم الادنى بالمنطق يعني يوجب ايه هو قال لك غض بصرك. تقول لي نهزر مع بعض ونتصاحب ونتصور ونعمل ومش عارف ايه وبتاع - 00:33:25

مش عارف كانوا جايبين عاملين البتاعة اللي هي بيلبسوا كورة كده ويقعدوا يخبطوا في بعض. يلا يا بنات تعالوا العبوا معنا تلعبوا معنا فين بقى يعني مش انا بس عايز ابقى فاهم البنات هتلعب اللعبة دي ازاي - 00:33:44

يعني لأ يا محمد ما ترشش علي ومحمد جايب البالونة وراح ايه طبعا هي هدومها كلها اتبلت وماشية مبلولة طب ده ايه يعني انا عايز افهم ده ده آآ هل دي الفرحة يعني دي السعادة يعني؟ مش فاهم - 00:33:57

يعني يا بنتي فلوس اللي انت تدفعيه فيهم دي انت بتحبي الاكل جمعي صحابك واشتروا بيتزا لمدة اسبوع اقعدي كلوا كلوا هي حاجة تنفعك جمع فلوس يا عم وسافر مش هقول لك اعمل حاجة خيرية يا عم ما تعملش حاجة خيرية كل بها اشترك بها في الجيم - 00:34:11

يعني واحد بيقول لي عندهم في المدرسة هم امريكان يعني واحد صاحبي يعني سانوية عامة المدرسة بتوزع عليهم استبيان اه تحبوا نجيب لكم مغني فلاني فلان الفلاني ولا فلان ولا فلان؟ فلان بكذا فلان بكذا فلان بكذا ولو انت عايز فلان هتدفع مش عارف تمن تلاف - 00:34:27

لان فلان ده مش عارف بياخد تلتمية الف ولو انت عايز فلانة تدفع كزا فانا انت متخيل ان المدرسة اللي هي المفروض الاصل المدرسة ايه؟ اسمها ايه؟ التربية والتعليم يعني المفروض ان المدرس ده قدوة - 00:34:47

المدرس ده مسؤول كلكم راع وكلكم مسئول عن رعيته بقى المدرس هو اللي بيوزع على الطلاب مش المدرس اللي بيوزع المدرسين هم اللي بيزبطوا الولاد مع البنات مع بعض يعني ايه واحد يروح يقول له يا مستر والله فلانة دي - 00:35:02

تنفي الموضوع علي يا راجل ده انت قدوة انت قدوة هتسأل والله والله ده هيسأل قدام ربنا سبحانه وتعالى كلكم راع وكلكم مسئول عن رعيته. ازاي انت تبقى مدرس وقدوة ولا اب وام وانت اللي تدفع الشباب لحاجة زي كده - 00:35:17

الله المستعان فهنا المدرسة بتوزع عليهم ايه؟ استبيان عايز فلان ولا فلان ولا فلان ولا حاجة فعلا صعبة عشان الحفلة بتاعة معلش سامعني الحفلة بتاعة البروم بتاعة التخرج وطبعا حفلة البروم اللي هي اصلا جاية منين - 00:35:34

يعني مش جاي من ميت غمر يعني البروم دي جاية من برة من الغرب يعني فتطور الفكرة اصلا يعني احيانا يا جماعة احنا بنتعامل مع الموضوع اه ان هو ايه اصل هي بس على كده بس وخلاص لا لا لا - 00:35:53

انت مش متخيل ان كمان كم سنة الشيطان ازاي بيكسب ارض يعني آآ يعني ايه الشيطان بيكسب ارض؟ يعني في ارض يا جماعة في ارض طاعة بيئات طاعة وبيئات معصية - 00:36:05

الشيطان بيعمل بيئات الشيطان بيعمل بيئات للفساد. يعني شارع الهرم ده اسمه بيئة ايه؟ بيئة للشيطان فالشيطان خد ارض تقدر انت تيجي دلوقتي تقوم شايل البيئة دي محتاج ايه محتاج جهد ومحتاج دعوة ومحتاج توعية ومحتاج - 00:36:18

فالشيطان كل يوم بيحاول ان هو يكسب ارض فتلاقي اهل الايمان ايه؟ يقوم ينكمش. لا مش هينفع نتكلم في الحتة دي علشان هيزعلوا مننا وهيقولوا علينا متشددين. اه طب الحتة دي لا مش هينفع نتكلم في. مش هينفع نتكلم في الافراح - 00:36:34

مش هينفع نتكلم في الاغاني مش هينفع نتكلم في الصحوبية لحد ما تلاقي نفسك انت بدأت ايه طب اتكلم في ايه؟ والله الاخلاق والاسلام جميل وربنا رحيم. طب يا جماعة فين الدين - 00:36:48

طب فين حدود ربنا؟ طب فين الامر بالمعروف والنهي عن المنكر؟ طب فين الكلام ده؟ انت بدأت ايه آآ تنكمش فده اسمه ان الشيطان بيكسب ايه بيكسب بيئة. فلو انت ما اتعودتش ان انت تنكر المنكر وان انت تقف وتقول يا جماعة لا ده غلط - 00:36:59

حتى لو كل الناس بتعمله فده انت بتكسب بتوقف الشيطان اتوقف الشيطان بتكسب ارض للطاعة على الاقل لما ييجي كمان شوية واحد هيقول اه يا جماعة ده في ناس بتقول متشددين بيقولوا ان ده حرام - 00:37:14

دي كويسة يعني لو وصلت لدي تبقى انت ايه انت كده تمام قال تعالى كذلك كذلك لنصرف عنه السوء والفحشاء انه من عبادنا المخلصين وهنقف مع الاية دي يعني في اخر واحنا بنتكلم عن اسباب النجاة - 00:37:30

من الفتنة دي واحنا بناخدها من الايات هنقف مع المعنى ده كتير ان شاء الله قال تعالى واستبق الباب وقدت قميصه من دبر انا عايزك تتخيلي المشهد يعني المرأة وصلت لدرجة ان هي - 00:37:54

ما عدتش شايفة قدامها غير الشهوة دي استبق الباب يعني سيدنا يوسف بيجري منها تخيل يعني هو بيهرب وهي بتجري وراه هو بيفر من الفتنة بيفر للعفة وهي بتجري وراه بتنزل وراه. وده حال البنت - 00:38:13

لما هي كانت في البداية حاطة لنفسها حدود وضوابط ومش عارف ايه وبدأت تتنازل واحدة واحدة لحد ما وصلت في الاخر لدرجة من الهوان والزل نيابة بتزل نفسها عشان حد - 00:38:32

عشان واحد عشان يكلمها عشان يرجع لها علشان مش عارف ايه طب ايه النزلة دي نزلتها ازاي؟ مش مرة واحدة فهنا من البداية الصورة بتجيب لك المشهد ده ان ازاي دي كانت واحدة عزيزة جدا امرأة العزيز - 00:38:44

يعني شف اللقب حتى امرأة العزيز المفروض ان هي تبقى عزيزة وصلت ان هي بتجري وراه وراه المملوك الخادم العبد اللي عندها يوسف عليه السلام قال تعالى واستبق الباب وقدت قميصه من دبر والف يا سيدها لدى الباب - 00:38:59

فوصلوا عند الباب آآ من يعني رحمة ربنا سبحانه وتعالى ان آآ جوزها جه والف يا سيدها لدى الباب تتأمل هنا وتقف وقفة مع عقلية امرأة العزيز وسرعة البديهة اللي عندها - 00:39:21

وان ازاي هي يعني جبروت مجرمة فعلا يعني حاجة غير عادية قالت المفروض اي واحدة في في الموقف ده اتفضحت تعيط تنهار جوزها قفشها يعني موقف صعب قالت ما جزاء من اراد باهلك سوء - 00:39:39

الا واديت له حلين الا ان يسجن او عذاب اليم. يعني شف انت يا اما تسجنه يا اما تعزبه ايه ده ايه ايه الجرأة دي! ايه البجاحة دي الله لما كنا بنتكلم في الحديس وان الكذب يهدي الى الفجور - 00:40:00

الانسان لما يتعود ان هو يكذب يهدي ايه؟ الفجور ان هي وصلت لمرحلة من الفجور قالت ما جزاء من اراد؟ ما لقتش يفعل. هو بس ايه؟ هو حتى يوسف عليه السلام - 00:40:23

لم يريد يعني لم يرد ان هو يفعل الفاحشة دي هنا لو انت مكان يوسف عليه السلام يعني ده فيه تفاصيل كتير لو انت حكيتها الست دي المفروض ان هي - 00:40:35

يعني آآ تدبح ده عملت كزا وغلقت الابواب لأ ده ده آآ تزينت واصلا هي مش اول مرة ده كانت بتراودني قبل كده في القصر وعملت كزا وكزا وكزا يحكي يدافع - 00:40:48

على نفسه لكن شف ادب سيدنا يوسف عليه السلام الرسول صلى الله عليه وسلم قال الكريم ابن الكريم ابن الكريم ابن الكريم. يوسف ابن يعقوب ابن اسحاق ابن ابراهيم عليه السلام - 00:41:01

قال هي راودتني عن نفسي بس حتى ما فصلش ما قالش هي عملت ايه من ادب سيدنا يوسف قال هي راودتني عن نفسي والله انا ما عملتش كده في سورة هود تلاقي دايما الانبياء قال يا قومي ليس بي سفاه - 00:41:16

ولكني رسول من رب العالمين هو بيغلطوا كتير يقول لهم ليس بي سفاهة شوف ادم الانبياء قال هي راودتني عن نفسي تيكت ما قلش هي عملت كزا وكزا وكزا وكزا لا لا. قال هي راودتني عن نفسي وشهد شاهد من اهلها - 00:41:34

وده ادعى يعني رجل قال لك قيل اللي شهد ده طفل في المهد ومش عارف ايه وطبعا الكلام ده ده من اسرائيليات لا يصح يعني اللي شهد هو رجل من اهلها - 00:41:52

وكمان لما يبقى من اهلها يبقى في نوع من ايه لا صحصحوا معي كده لما يبقى من اهلها اصل دي عار في حقهم يعني. فهيبقى عايز ايه يدافع عنها لكن هنا اللي من اهلها ده حط الاول الضوابط اللي هيحكموا عليها - 00:42:05

وشهد شاهد من اهلها ان كان قميصه قد من قبل فصدقت وهو من الايه من الكازبين وان كان قميصه قد من دبر فكذبت وهو من الصادقين. وخد بالك قدمها في حالتين - 00:42:27

يعني فصدقت وكذبت قدمها وهو ما قلش ما اتكلمش عنه الاول هو متحيز حتى في الحكم قال ان كان قميصه قد من قبل يعني لو القميص متقطع من قدام يبقى معنى كده ان هو كان بيحاول ان هو يعتدي عليها وهي ايه؟ قطعت القميص - 00:42:45

وان كان قميصه قد من دبر من وراء فكذبت وهو من الصادقين. فلما رأى قميصه قد من دبر قال ده بقى ايه الراجل بقى ايه جوزها قال انه من كيدكن. ده انتم والله يعني - 00:43:02

ده انت وحشة اوي انك اذا كنا عظيم. يوسف واعرض عن هذا ما تعملش كده تاني وما تتكلمش في الموضوع ده عشان ما نتفضحش وانت بقى واستغفري لذنبك انك كنت من الخاطئين - 00:43:21

وده يعني في المجتمعات اللي فيها نوع من الترف بيبقى دايما يظهر نوع من الدياثة عند الرجال النبي عليه الصلاة والسلام كان يغار كان يغار على اهلي والله سبحانه وتعالى اشد غيرة - 00:43:34

يغار على العبد على قلب العبد الرجل المفروض يبقى عنده نوع من المروءة نوع من ان هو يغير على اهل بيته لكن ان آآ وصل لمرحلة ان بقى عادي ديوث يعني - 00:43:49

يعني يقر الفاحشة في اهل بيته يعني عادي بنتي لابسة لبس ما يرضيش ربنا عادي بنتي بتكلم ولاد عادي بكزا وفعلا يعني في يعني في المجتمعات اللي فيها ترف شوية زيادة. ترف تلاقي الموضوع ده غريب تستغرب - 00:44:06

يعني اه واحد دخل اتنين واحد صاحبه مع مراته وده صاحبه مع مراته. فده ايه الرجالة ما بيسلموش على بعض يعني ما بيسلموش على بعض غير بالايد. ويدخل يسلم على مرات صاحبه يسلم عليها ويبوسها. طب يعني ايه مش فاهم - 00:44:23

احنا كده بقينا اجانب يعني؟ لا ما بقيناش اجانب انت كده مسلم برضو كده عربي برضو زي ما انت وكده انت عامل حاجة شكلها مسخ يعني انت ما عرفتش تبقى زيهم - 00:44:38

ماشي؟ فانت عامل حاجة يعني ايه مسخ في النص كده فهنا ده نوع من الدياثة الله سبحانه وتعالى لا يرضى ده. والديوس لا يدخل الجنة ابتداء يعني قال تعالى قال رسول الله صلى الله عليه وسلم ثلاثة لا يدخلون الجنة - 00:44:50

اه ولا يكلمه الله يوم القيامة ولا يزكيهم ولهم عذاب اليم قال العاق لوالديه وقال مدمن الخمر والديوس مش متذكر الديوث كان في رواية الحديث ده ولا رواية تانية مش متذكر بالظبط يعني. المهم يعني ان هنا الراجل ده طلع راجل يعني آآ مكبر دماغه - 00:45:08

خالص وقال يعني يوسف اعرض عن هذا واستغفري لذنبك انك كنت من الخاطئين كان المفترض ان الموضوع يبقى يفضل سر في ايه في الاصل لكن يشاء ربنا سبحانه وتعالى ان الموضوع ينتشر - 00:45:33

بين البلد كلها وقال نسوة في المدينة امرأة العزيز تراود فتاها عن نفسه الغلام بتاعها ولا العبد امرأته العزيز تراود فتاة عن نفسه قد شغفها حبا يقول لك قد شغفها يعني ايه؟ يعني الحب وصل لشغاف قلبها. يعني وصل يعني تغلغل في قلبها. وصل لباطن قلبها - 00:45:51

قد شغفها حبا انا لنراها في ضلال مبين. ازاي هي بتعمل كده؟ شف بقى الشرفاء بقى يعني اللي هم ايه؟ سيدات المجتمع ماشي قال قد شاوفاها حبا ان لرونها انا لنراها في ضلال مبين. فلما سمعت بمكرهن - 00:46:20

قيل هنا ما كرهنا ليه هم اصلا كانوا عايزين يشوفوا يوسف عليه السلام يعني هم عايزين يشوفوا مين الغلام الفتى الجميل ده اللي شوافها حب فقالوا ايه مكروا المكر ده علشان هي تدعوهم ويشوفوها. ده احد اقوال المفسرين يعني - 00:46:40

قال فلما سمعت بمكرهن ارسلت اليهن واعتدت لهن متكأة وطعام يعني واتت كل واحدة منهن سكينا وقالت اخرج عليهن فلما رأيناه اكبرنه اكبرنا هو قطعن ايديهن. كانوا بيقطعوا الفاكهة كده ولا بيقطعوا ايه ومش عارف. قعدوا يقطعوا ايديهم - 00:47:01

لما شافوا جمال سيدنا يوسف تخيل المشهد ازاي واحدة من كتر ما هي مركزة مع حاجة مش مش قادرة تشيل عنيها بتقطع ايديها مش شايفة هي مش حاسة بالم السكينة - 00:47:25

قطعنا يعني مبالغة في التقطيع وقد طعن ايديهن وقلن حاشا لله ما هذا بشر ان هذا الا ملك كريم فطلعت بقى مرات العزيز شفتوا بقى قالت فذلكن الذي لمتنني فيه - 00:47:37

شفتم بقى ان انا معزورة ولقد راودته عن نفسه فاستعصم يقول لك فاعتصم يقول لك فاستعصم ولئن لم يفعل ما امره ليسجنن وليكونن من الصاغرين طب ما خلاص يعني الموقف عدى وجوزها يعني اه قال لها استغفري ربك ويوسف اعرض هزا. ده لسة مصرة - 00:47:53

ده الموضوع بيزيد معها ما وقفش قال يوسف قال ربي السجن احب الي مما يدعونني اليه الله والا تصرف عني كيدهن اصب اليهن واكن من الجاهلين يقول لك اصب اليهن يعني ايه - 00:48:22

جاية من يقول لك صبي يعني ايه صغير يعني صبي بيبقى له حاجة لامه يعني هو مدلل يعني محتاج ام ففيها نوع من من عدم آآ ان انا مش قادر اسيطر على نفسي. انا محتاج - 00:48:47

يقول لك مسلا ايه آآ وجاءه قومه يهرعون اليه للوط عليه السلام. ومن قبله كانوا يعملون السيئات يقول لك يهرعون يعني ايه؟ يعني يساقون سوق الاثير. الاسير يعني واحد الشهوة بتاعته - 00:49:06

بتدفعه وهو مش قادر يتحكم فيها وجاءه قومه يهرعون اليه ومن قبله كانوا يعملون السيئات. يعني من شوية كانوا بيعملوا نفس الزنب المفروض ان هو ما يبقاش متشوق للذنب كده لكن هو ما عدش قادر يتحكم في نفسه - 00:49:25

في نفسه فهنا يقول لك ايه والا تصرف عني كيدهن كيدهن ده الموضوع هنا تطور ده آآ سيدات المجتمع كلهم بدأوا ايه يقولوا لسيدنا يوسف لأ سيبك منها وخليك ايه تعالى معانا - 00:49:41

او يقنعوه ان هو يعمل لها اللي هي عايزاه يعني انا عايزك تتخيل ان انت مسلا الفتنة بتاعتك اللي في الجامعة اللي فلانة اللي مجنناك اللي مش عارف ايه وانا مش قادر - 00:50:00

تخيل بقى ان يعني اجمل بنات سيدات المجتمع اغنى نساء اكثرهن زينة وجمال بيقول لك ايه؟ لا ده احنا تعال معنا. سيبك منه. تخيل بنات الجامعة الحلوين كلهم عايزين ايه يكلموك. مش يكلموك بس ده زيادة عن كده - 00:50:14

قيل حجم الفتنة قال تعالى والا تصرف عني كيدهن يعني الموضوع بقى ايه زاد اصبوا اليهن يعني اميل واكون كالصبي اليهن اه اصبو اليهن واكن من الجاهلين الانسان اللي ما يحطش - 00:50:35

ضوابط لشهوته ده يكون من الجاهلين اكن من الجاهلين. انا لو عملت الفعل ده ده فعل جهل جاهلية آآ قال فاستجاب له ربه فصرف عنه كيدهن انه هو السميع العليم - 00:50:58

ثم بدا لهم من بعد ما رأوا الايات ليسجننه حتى حين - 00:51:22