باحث

بسم الله الحمد لله والصلاة والسلام على رسول الله. وعلى اله وصحبه ومن والاه. واشهد ان لا اله الا الله وحده لا شريك له. واشهد ان محمدا عبده ورسوله اللهم صلي على سيدنا محمد النبي وازواجه امهات المؤمنين وذريته وال بيته. كما صليت على ال ابراهيم انك حميد مجيد. اما بعد. هنبدأ دورة جديدة ان شاء الله. نشرح - 00:00:00ضَ

فيها حديث ام زرع آآ يعني الاول نزل بقى الحديس بطوله هو حديس صعب شوية الفاظه صعبة فهنرجع له بقى نمسكه واحدة واحدة ان شاء الله آآ ونفهم الفاظه مع بعض - 00:00:21ضَ

الحديث في الصحيح صحيح البخاري من حديث عائشة رضي الله عنها قالت جلس احدى عشرة امرأة فتعاهدن وتعاقدن الا يكتمن من اخبار ازواجهن شيئا. قالت الاولى زوجي لحم جمل غص على رأس جبل. نحن نلتزم بالفاظ الصحيح. في سرد الحديث وبعدين ان شاء الله واحنا بنشرح الحديث نأتي بغير بغيرها من الالفاظ التي وردت - 00:00:37ضَ

خارج صحيح البخاري. خلاص؟ قالت الاولى زوجي لحم جمل غص على رأس جبل. لا سهل فيرتقى ولا سمين فينتقل قالت الثانية زوجي لا ابث خبره. اني اخاف الا اذره ان اذكره اذكر اجره وبجره. قالت - 00:01:02ضَ

زوجي آآ قالت الثالثة زوجي العشنق ان انطق اطلق وان اسكت معلق قالت الرابعة زوجي كليل تهامة لا حر ولا قر ولا مخافة ولا ساء ولا سآمة قالت الخامسة زوجي اذا دخل فهد - 00:01:23ضَ

وان خرج اسد. ولا يسأل عما عهد قالت السادسة زوجي ان اكل لف وان شرب استف وان اضطجع التف. ولا يولج الكف ليعلم البث. قالت السابعة زوجي غيايا او عيا ياء طبق. كل داء له داء - 00:01:47ضَ

شدك او فلكي او جمع كلا لك قالت الثامنة زوجي المس ارنب والريح ريح زرنب قالت التاسعة زوجي رفيع العماد طويل النجاد كثير الرماد او عظيم الرماد قريب البيت من الناد. قالت العاشرة زوجي مالك وما مالك - 00:02:10ضَ

مالك خير من ذلك له ابل كثيرات المبارك قليلات المسارح. واذا سمعنا صوت المزهر ايقنا انهن هوالك قالت الحادية عشرة زوجي ابو زرع فما ابو زرع من حلي اذني وملأ من شحم عضدي - 00:02:34ضَ

وبجحني فبجحت الي نفسي. وجدني في اهل غنيمة بشق فجعلني في اهل صهيل واطيط ودائس ومنق فعنده اقول فلا اقبح وارقد فاتصبح واشرب فاتقنح ام ابي زرع فما ام ابي زرع؟ عكومها رداح وبيتها فساح. ابن ابي زرع فما ابن ابي زرع - 00:02:56ضَ

مضجعه كمسل شطبة ويشبعه ذراع الجفرة بنت ابي زرع فما بنت ابي زرع طوع ابيها وطوع امها وملء كسائها وغيظ جارتها جارية ابي زرع فما جارية ابي زرع؟ لا تبث حديثنا تبثيسا ولا تنقص ميرتنا تنقيصا ولا - 00:03:25ضَ

املأوا بيتنا تعشيشا قالت خرج ابو زرع والاوطاب تمخض فلقي امرأة معها ولدان لها كالفهيدين يلعبان من تحت خصرها برمانتين فطلقني ونكحها فنكحت بعده رجلا سريا ركب سرية واخذ خطيا واراح علي نعما سرية واعطاني من كل رائحة زوجا - 00:03:49ضَ

وقال كلي ام زرع وميري اهلك. قالت فلو جمعت كل شيء اعطانيه ما بلغ اصغر آنية ابي زرع قالت عائشة رضي الله عنها قال رسول الله صلى الله عليه وسلم كنت لك كابي زرع لام زرع - 00:04:16ضَ

حد يسمع بقى. طيب الحديث طبعا هو حديث عائشة اصلا كانت الفاظها جزلة يعني والحديث واضح جدا ان الفاظه ايه؟ آآ يعني فيها حاجات بسيطة يعني صعبة الباقي طبعا كله فاهمه. نشرح واحدة واحدة كده مع بعض ان شاء الله - 00:04:34ضَ

طبعا هذا الحديث حديث عظيم الكلام فيما يبدو هيبقى موجه بالاساس للازواج او الشباب يعني الرجال لكن لن يخلو او لن ينعدم فائدة توجه للنساء وهنحاول نخرج من من ما سيق الحديث من اجله لعموم التواصل بين الناس - 00:04:53ضَ

يعني واحدة واحدة مع بعض بقى قبل ما ندخل في الحديث عاوزين نطوف حول الحديس كعادتنا بقى ماشي؟ في اول الفوائد اللي هنبتدي بها هو ان مين اللي بيتكلم في الحديث؟ السيدة عائشة رضي الله عنها. والمستمع هو النبي صلى الله عليه وسلم. وهذه اول الفوائد - 00:05:12ضَ

اول الفوائد يا شباب آآ ان يكون في حوار في بيوتنا ان يكون هناك حوار في البيوت الرجل مع امرأته الوالد مع ابنه الام مع البنت الام مع الابن في حوار في لغة حوار في البيوت - 00:05:30ضَ

دلوقتي يا جماعة السيدة عائشة رضي الله عنها على صغر سنها وبتكلم النبي عليه الصلاة والسلام وهو نبي الزمان صلى الله عليه وسلم. والمشغول بقى باعباء. اولا اعباء الامة. عنده دعوة الى الله - 00:05:50ضَ

وعنده ايذاء بيقع عليه. وعنده منافقين والكلام ده كان في المدينة. عنده منافقين بيكيدوا به ويهود حوالين المدينة طب عاوزين ييجوا يستأصلوه وقصة كبيرة مش كده؟ وبعدين عنده بقى صحابة بيربيهم وعنده بيت ولا اتنين؟ يعني هو عنده زوجة ولا اتنين - 00:06:05ضَ

كم تسعة مشاكل ضخمة جدا في حياة النبي عليه الصلاة والسلام. وبعدين عنده بقى علاق عند عنده علاقته بربه سبحانه وتعالى يعني ده كله كوم ما هو مأمور في القرآن بايه؟ فاذا فرغت ارتاح بقى ونام - 00:06:26ضَ

لأ ربنا قال له فاذا فرغت خلصت بقى كل ده انت رايح فين؟ فاذا فرغت فانصب مش كده؟ يعني فاذا فرغت من مشاغل الدنيا على احد التأويلات او آآ احد التأويلات في في الاية فاذا فرغت من مشاغل الدنيا فانصب - 00:06:45ضَ

في اعمال الاخرة خلاص فده كله ورا النبي عليه الصلاة والسلام فتأتي له هذه الجارية الحديثة السن زوجه عائشة رضي الله عنها وتقعد تحكي له حدوتة كبيرة. حدوتة كبيرة بعد ما خلصناها كده - 00:07:01ضَ

ممكن حد دلوقتي يقول وحاشاها ده هذا الكلام مش اسقاط على عائشة رضي الله عنها لكن اسقاط على واقعنا احنا يجي الراجل يقول ايه ده كلام فارغ هو انا فاضي بالكلام ده - 00:07:23ضَ

عائشة رضي الله عنها قعدت بتحكي للنبي حكاية صلى الله عليه وسلم. تقول له جلس حداشر واحدة وعده ايه؟ كل واحدة تجيب في سيرة جوزها فالنبي عليه الصلاة والسلام يسكت خالص. ويستمع لعائشة رضي الله عنها - 00:07:35ضَ

وبعد ما تخلص عائشة الكلام نكتشف حاجة اعجب من انه بيقعد بيستمع انه مركز ما هو ممكن دلوقتي فالراجل ايه داخل من برة الست ايه مسكته من على الباب يعني هو يعني - 00:07:52ضَ

اصلي حصل وقع فجميل وبعد ما تخلص بقى تقول له ها ايه رأيك؟ طبعا ده الفخ بقى مش مركز في حاجة هو يعني هو مديها ودنه او مش مديها يعني هو يعني هي بتتكلم جنبه. فتقول له ايه رأيك؟ هو يقول لها بس اخر حتة بس عديها لي تاني بس عشان آآ يلقط - 00:08:06ضَ

اي حاجة ويقولها لأ ده هو مركز النبي عليه الصلاة والسلام في كل حرف ومش بس مركز حاجة بقى اعجب من الاتنين انه هو بيستمع ومركز فهم رسالة المرأة يعني هو مركز هو الاول سمع اول حاجة ودي في عصرنا عجيبة لوحدها ان يعني ايه راجل بيسمع لمراته دي عجيبة وبعد ما سمع - 00:08:26ضَ

اكتشفنا انه مركز ومش بس مركز ده ده فهم من الحدوتة الكبيرة قوي دي هي اصلا عائشة عائزة يعني ايه الرسالة اللي بتوصلها لي؟ ايه دليل اللي انا بقوله ده - 00:08:52ضَ

رد النبي عليه الصلاة والسلام في الاخر. رواية الصحيح انه عائشة بعد ما خلصت الحكاية الطويلة دي قوي طبعا الحكاية اللي هي مش مفهومة لنا لكن الخلاصة ان ابو زرع اخر واحد ده كان آآ احسن واحد في الايه؟ في الحداشر يعني خلاص - 00:09:04ضَ

لكن هو فيه مشكلة انه طلق آآ مراته دي مشكلة. هو احسن واحد لها طلقها وهي اتجوزت بعده واللي بعده ده طلع واحد زي الفل برضه يعني ما فيهوش مشاكل خالص - 00:09:18ضَ

لكن بتقارن بتقول لا يعني بعد كل اللي عمله لي التاني ده ما بلغ اصغر انية ابي زرع. يعني ابو زرع برضو في حتة لوحده كده كان معها يعني فالنبي عليه الصلاة والسلام يعمل ايه - 00:09:32ضَ

يرد رد في جملة واحدة نفهم منها كل اللي انا حكيته ده بقى. انه سمع وانه كان مركز وانه فهم مراته عاوزة تقول له ايه لو عائزة تستخرج منه ايه؟ قال لها رواية الصحيح كنت لك كابي زرع لام زرع خارج الصحيح غير اني لا اطلقك - 00:09:44ضَ

لما اقول خرج صح يا جماعة مش مش يعني مش ضعيف مش معناها انها زيادة ضعيفة. لكن هذه الزيادة ليست في البخاري. بس عشان انا يعني التزمت لفظ صحيح البخاري فقط يعني - 00:10:05ضَ

فهو قال لها ايه كنت لك كابي زرع لام زرع. غير اني لا اطلقك اطمني دي اول مسألة مسألة ان احنا محتاجين لهذا الحوار في بيوتنا. محتاجين لهذا الحوار عموما يا جماعة. عموما في حياتنا - 00:10:20ضَ

نحتاج لاداب الحوار نعرف ازاي نتحاور. خلونا يعني ندي شوية امسلة وندخل شوية في مسألة الحوار. مسألة التواصل لان دي مسألة كبيرة وعاملة ازمات الحقيقة في البيوت. وفي غير البيوت. يعني حتى الاصدقاء مع بعضهم - 00:10:37ضَ

او الصديقات مع بعضها او كذا بيحصل مشاكل كتير من لا شيء مجرد احنا مش فاهمين يعني ايه حوار مش فاهمين يعني ايه تواصل انا وانا بتكلم قلت جملة تبدو - 00:10:53ضَ

آآ سهلة صعبة جدا لما قلت ان النبي عليه الصلاة والسلام فيهم رسالة عائشة رضي الله عنه الجملة البسيطة دي اللي هي تبدو بسيطة. الجملة دي معقدة جدا جدا تعالوا نفهم كده واحدة واحدة يا جماعة. التواصل اي عملية تواصل في الدنيا بتحصل ازاي. علشان نفهم اللطشة بتيجي منين. لطشة ايه بقى؟ اللي هو انا كل ما بتكلم مع معها - 00:11:08ضَ

لازم يحصل خناق انا بس افتح بقي هي بقى انا بس افتح بقي الدنيا تولع هو ده بيحصل ليه او عموما في حياتنا يعني انت مع صاحبك او بتحب وكل حاجة لكن وتيجي تقولها مش فاهمني انا بكلمه وهو مش فاهمني - 00:11:35ضَ

الكلى اللي بنسمعها كتير دلوقتي يا جماعة اي عملية تواصل بتم في الدنيا في الدنيا لها مكونات اساسية كده مش هندخل احنا ايه مش جايين ندي يعني كورس عن التواصل لكن هنمسك بس مكونين منهم اتنين اتنين بس - 00:11:54ضَ

فاي عملية تواصل في الدنيا هي بتم بين واحد. وعاوز يوصل رسالة وواحد بيستقبل الرسالة الرسالة دي ممكن تبقى كلمة يعني آآ يا فلان قم افتح الباب مسلا. دي رسالة انا عاوز اوصلها لواحد وواحد بيستقبلها مني. فدولا هم ايه؟ عنصرين اهم في عملية التواصل - 00:12:08ضَ

وفي قناة انا بختارها انا بختارها اللي هو المرسل ده مرسل رسالة بختارها عشان ارسل الرسالة فيها. قناة معينة بختارها. القناة دي ممكن تبقى ايه كلام زي ما هو قم افتح الباب - 00:12:24ضَ

اه اتكلمت دي قناة ماشي؟ ممكن اختار قناة تانية اني اعمل ايه؟ ابعت له رسالة على الواتساب دي قناة اخرى يعني بدل ما اكلمه في التليفون انا انا اخترت قناة اخرى الكلام ده مهم جدا يا جماعة وهنرجع له لان كان ده هيحل مشاكل كبيرة. هختار قناة اخرى ان انا ابعت له رسالة على الواتس - 00:12:36ضَ

ممكن تبقى القناة اشارة مش كلام خالص ماشي؟ يعني عاوز اوقف واحد فاقول له اعمل له كده. قم معناها قومي ما اقولش قم. اعمل له اشارة. المهم باختار قناة من خلالها باوصل الرسالة اللي انا عايز اوصلها - 00:12:54ضَ

الاخطر عنصرين ودول اللي انا عايز اتكلم عليهم يعني مش النهاردة يعني الدرس مش فيهم لكن عشان بس نفهم اللطشة بتيجي منين لما اجي اوصل رسالة انا بعمل حاجة اسمها تشفير للرسالة - 00:13:08ضَ

وبعدين بتوصل للراجل بيعمل حاجة اسمها فك التشفير. ده في اي تواصل انت عرفته ما عرفتوش ده ده بيحصل. ده كده ايه احنا مخلوقين كده. انا بشفر الرسالة عشان ابعتها له - 00:13:21ضَ

توصل له الرسالة هو يفك التشفير. هنا الازمة بتحصل اختياري للشكل اللي هشفر به رسالتي وهو فك التشفير ازاي ففهم الرسالة ازاي بتحصل ازمة كبيرة جدا ماشي كده يعني ناخد المسال الحديس اللي معنا ده. السيدة عائشة رضي الله عنها عاوزة توصل رسالة للنبي عليه الصلاة والسلام. ايه الرسالة - 00:13:33ضَ

ان انا بحبك وشايفة كل اللي بتعمله من اجلي لكن خايفة اني اطلق هي دي الرسالة بتاعة عائشة باختصار من كل الايه؟ الكلام الكتير اللي اتحكى ده دي رسالة عائشة للنبي عليه الصلاة والسلام. اختارت توصلها بشكل. شفرت رسالتها بشكل خلي بالكم يا عائشة معلش كده ما قالتش الكلام كده يعني ما ما قالتلوش يا يا رسول الله - 00:13:58ضَ

انا خايف اطلق انا شايفة كل حاجة بتعملها لي بس انا خايفة ما قالتش كده شفرت رسالتها في شكل معين خلاص؟ هو الحكاية الطويلة دي اللي احنا قعدنا نايه نحكيها دي - 00:14:22ضَ

تخيلوا بقى هذا المثال اسقطوه الان عشان ايه ما نبقاش بنتكلم على النبي عليه الصلاة والسلام بس اسقطوه الان. ممكن المرأة تكون عاوزة تعمل ده اختار الطريق عشان تشفر رسالتها وترسلها للرجل - 00:14:36ضَ

الراجل بقى فهم الرسالة ازاي بقى ها انت بتضيعي لي وقتي انت ما اصلك مش حاسة بي. انت بدخل عميان مش شايفه ما هو الكلام ده كله يا جماعة انا ليه بقول الكلام ده؟ لان النبي عليه الصلاة والسلام - 00:14:48ضَ

آآ يعني لو واحد هنا بيدعي ان هو كان اكثر شغلا منه خلاص هو يعني آآ هو حر يعني. فيقدر بقى يقول الكلمتين دول. لو واحد لم يدعي هذا انه اكثر - 00:15:02ضَ

شغلا من النبي عليه الصلاة والسلام. لأ النبي عليه الصلاة والسلام ما كانش عنده لحظة فاضية. صلى الله عليه وسلم. ومع ذلك يجلس ويستمع ويفهم يفك تشفير الرسالة صح فاختار الطريقة للتشفير - 00:15:12ضَ

ماشي؟ طبعا انا يعني هحاول اركز جدا ان كل ما اجي اتكلم في حتة آآ اتكلم عن الطرفين خلاص فلما اجي بقول هنا ان المرأة آآ بطبيعتها هي بطبيعة المرأة. ده مهم جدا ان احنا نفهم الفرق بين الرجل والمرأة - 00:15:31ضَ

ان العلاقة الزواج بيكون بين رجل وامرأة بديهية دي. فلو انت ما انتاش فاهم طبائع نفسك كرجل قبل ان تكون طبائع شخصية. خلوا بالكم يا جماعة. فيه طبائع بيشترك فيها المعزم من الجنس ده جنس الرجالة او - 00:15:47ضَ

الستات وبعدين طبائع تختلف باختلاف البيئات بقى ولسه ده كله ما دخلناش في السنت الشخصي فاهمين يا جماعة؟ مثال مثال من السنة عشان نفهم ده لما النبي عليه الصلاة والسلام - 00:16:01ضَ

اه غضب يوما من نسائه واعتزلهن فسيدنا عمر دخل على النبي عليه الصلاة والسلام قال كلام في منتهى العمق قال له يا رسول الله. صلوا على النبي يا جماعة. صلوا على النبي. ما تبداش يوم الجمعة في ساعة الاجابة. عشان نكسر من الصلاة على النبي عليه الصلاة والسلام. قال له يا رب - 00:16:17ضَ

رسول الله لو رأيتنا ونحن قوم نغلب نسائنا لو رأيتنا دي يقصد مين المهاجرين لو رأيتنا ونحن قوم نغلب نسائنا. يعني الست عندنا في قريش ما لهاش كلمة الراجل يقول يمين يبقى يمين شمال يبقى شمال. انتهت. دي دلوقتي طبيعة ايه - 00:16:36ضَ

بيئة فقدمنا على الانصار فاذا هم قوم تغلبهم نساؤهم خلي بالكوا يا جماعة احنا مش بنقول مين صح ومين غلط هنا ده اختلاف طبائع. يعني الانصار بيئة عادي جدا الراجل يسمع لمراته وينزل على رأيها عادي ما هياش حاجة كبيرة عند الانصار يعني - 00:17:03ضَ

فطفق نساؤنا يأخذن من نساء الانصار ابتدى بقى تلاقح الايه؟ الثقافات يحصل. الست جاية من قريش ما عندهاش سقافة ان الراجل يناقش ما عندهاش السقافة دي ما اتربتش كده البيئة بتاعتها مش كده - 00:17:27ضَ

جم المدينة لقوا لأ ده الراجل بيتكلم فيراجع يعني الست تقول له كذا احسن ماشي فدي طبائع فاخذ نساؤنا يأخذن من نساء الانصار وابتدى عمر بقى يحكي عن موقف حصل مع مراته قصة بقى كبيرة. المهم يا جماعة احنا دلوقتي بنتكلم في ايه؟ يبقى في طبائع هي بتعم النساء. مثال انا انا طبعا انا بحاول اربط - 00:17:49ضَ

الكلام بالشرع يعني نأتي بادلة من الشرع آآ تعضد ما نقوله والكلام اللي انا بقوله ده هو كلام يعني العلم الحديث والطب ان آآ مثال قول النبي عليه الصلاة والسلام يا معشر النساء تصدقن - 00:18:19ضَ

فاني رأيتكن اكثر اهل النار. فقامت امرأة الى اخر الحديث يعني فقال لانكن تكثرن اللعن وتكفرن قالت نكفر بالله قال تكفرن العشير ولو احسن الرجل اليكن الدهر كله ثم رأيتن منه شيئا لقلتن ما رأين معك خيرا قط. فيبقى دي سمة في المرأة. هل لما نقول سمة في المرأة يعني كل الستات لازم يبقى كده - 00:18:36ضَ

مش لازم بس الغالب كده ان هم يكفرن العشير. ده غالب النساء. يعني ايه يعني مع اول ازمة تبتدي تقول كلام يزعل ده بالاختصار يعني ماشي؟ تبتدي تقول كلام يزعل. طيب لما انا افهم - 00:18:56ضَ

ان دي طبيعة في المرأة اما افهم ان دي طبيعة في المرأة. كرجل. يبقى انا اول ما افهم ده ما واجبي بقى اني ما اخدش على الكلام ده قوي وقت الايه - 00:19:14ضَ

ما انا ما خلاص انا فهمت طبيعة في المرأة. طب ولما المرأة تفهم ان دي طبيعة فيها يبقى تجتهد على قدر الامكان انها تغالب تلك الطبيعة او احفظوا بقى اللفظ ده اللي هو ايه لفظ آآ حديث يعني. تدير - 00:19:25ضَ

تلك الايه؟ الطبيعة اللي فيها يعني ازاي اتعامل مع خلاص انا عرفت دي طبيعة في النساء وانا خلاص الله غالب من النساء. طب ادير الطبيعة دي ازاي ماشي ده كله ان شاء الله هيجي له كلام يعني بالتفصيل - 00:19:40ضَ

عندنا ازمة كبيرة جدا في تشهير الرسالة وفي فك الشفرة ازمة كبيرة جدا في الاتنين في الناحيتين لما تيجي تشفر رسالة ازاي اجهد ذهنك؟ ازاي هوصل رسالتي عائشة رضوان الله شفرت الرسالة في حدوتة كبيرة - 00:19:56ضَ

هي في الاخر عاوزة تقول ايه؟ احبك وارى ما تفعله من اجلي واخاف فراقك دي الرسالة تخلص في جملتين من طبيعة بقى المرأة ده اللي بدأ فتحنا في الحتة التانية. ان هي بتحب الكلام - 00:20:15ضَ

دي طبيعة في المرأة تحب تتكلم كتير خلاص فعائشة عشان رضي الله عنها تشفر رسالتها اللي هم يخلصوا في جملتين كان واحد كاتب على الفيسبوك بيقول ايه؟ يعني احنا الرجالة يعني هو بيكلم الناس يعني الله - 00:20:32ضَ

اما تيجي تكلمينا كلمينا يا دوغري. يلعب احمد بالكرة خلصت. هي احنا احنا الرجالة هو فين الرجالة كده يعني ايه يلعبوا احمد بالكرة خلصت يعني احمد بيلعب كورة. انتهت عند الراجل - 00:20:46ضَ

الست ما ما بتعرفش تعمل ده ما بتعرفش تعمل ده واخبر الله عز وجل عنها كده ان هي لا تستطيع الابانة عما في نفسها بصورة واضحة كده اوي صح قلنا لكم الاية في المرة اللي فاتت ايه وهو في الخصام - 00:20:59ضَ

غير مبين مش كده او من ينشأ في الحلية الله عز وجل اتكلم عن النساء وهو في الخصام غير مبين ما تعرفش تعبر عنا في داخلها. فتحتاج تتكلم كتير اوي - 00:21:17ضَ

عشان توصل رسالة صغيرة هنا اختيار في التشفير اللي بنقوله بقى يبقى المرأة ممكن تبقى واعية لده خلاص عرفت ان ايه ان زوجي مسلا ما عندوش طاقة دلوقتي لهذا طب انا هقعد احكي حدوتة كبيرة يبقى اختار الوقت اللي هحكي فيه الحدوتة مسلا - 00:21:28ضَ

طالما انا اخترت ده او اعمل ايه بقى اختار طريقة تانية يعني اسفر الرسالة بشكل اخر خلي بالكم اني اشفي الرسالة بشكل اخر دي مسألة واني اختار قناة مختلفة دي مسألة - 00:21:47ضَ

يعني ايه المرأة الزكية لازم يبقى عندها هذا الذكاء خصوصا مع طول العشرة مع الزوج وكذلك الرجل يعني بس هو عشان المرأة هنا اللي بتتكلم في المسال اللي معنا. يعني ايه - 00:22:02ضَ

مسلا هي خلاص فهمت ان ان جوزها لما بتيجي تكلمه هو هو ربنا خالقه كده دماغه مترتبة على انه لازم يقعد يحسب حسابات كتير جدا عشان ياخد قرار قراراته مش سريعة - 00:22:14ضَ

خلي بالكم ده غالب الرجال برضو كده غالب الرجال كده يعني ده نمط هو الغالب على الرجال على كل حال خلاص المرأة فهمت ده. خليها زكية بقى ما تواجهش في وقت مزنوق. يعني ايه ؟ حالا - 00:22:29ضَ

لازم تقول لي طب ليه يعني ليه زنقاف ده لا ممكن ده اللي احنا عاوزين بقى يعني ايه ننبه الناس عليه ممكن بذكاء نختار قناة تانية خالص اصلا غير الحوار - 00:22:44ضَ

انها تبعت له رسالة فكده هي بتعمل ايه بتختار قناة اخرى ابعت له رسالة علشان لما يبص على الرسالة هو يبقى فاهم انه ايه مش مضطر يرد دلوقتي يعني ما هواش حوار وجه الوجه - 00:22:59ضَ

فلازم ارد لا خلاص هو شاف الرسالة خلاص بقى سيبي شهر اتنين ستة يعني مش لازم ما تبقوش زنانين. يعني ايه آآ يعني ايه امرأة في اللغة الفارسية حد راح الحرم قبل كده؟ اه تلاقوا ايه؟ مكتوب ايه؟ ودخان - 00:23:13ضَ

ايه ؟ انا ما قلتش حاجة. ماشي. آآ فخلاص يعني يبقى تختار قناة تانية. اول رجل كذلك يختار قناة اخرى يرسل فيها الرسالة اللي هو عاوزها ويجهد زهنه في تشفير الرسالة برضه - 00:23:37ضَ

يعني انا لما اشفر رسالة هشفرها هقولها ازاي ممكن يبقى في وقت الصراحة مطلوبة جدا ليه؟ لان التنويه عن شيء مش هيتفهم. وانا محتاج رسالتي تتفهم طب انا ما بعرفش اعمل ده خلاص يبقى انت عندك مهارة ناقصة رح اتعلمها. لازم تعرف ازاي تختار القناة المناسبة وازاي تختار التشفير المناسب لرسالتك - 00:23:59ضَ

ماشي يا جماعة هديكم مثال من سيرات النبي عليه الصلاة والسلام. علشان نفهم القصة دي النبي عليه الصلاة والسلام ويمكن انا قلت المسال ده هنا قبل كده. لما كان قاعد وسط اصحابه. الصحابة معه - 00:24:26ضَ

وبعدين زينب رضي الله عنها وبعدين زينب دي مش آآ صفية عفوا. صفية رضي الله عنها. وكانت بتطبخ كويس كان نفسها حلو في الاكيان. والنبي عليه الصلاة والسلام كان في بيت عائشة - 00:24:44ضَ

فصفية رضي الله عنها ترسل اليها طعاما في بيت عائشة طبعا هنا في ايه حاجة برضو يعني ايه يعني الدنيا مش سالكة برضو اوي فعائشة رضي الله عنها فتحت الباب طب ليه يعني تبعت له اكل وهو في البيت عندي - 00:24:59ضَ

انتبهوا يا جماعة للمشهد ده اصل هو المشهد متشابك شوية معقد آآ يعني كبير قوم نجرد المسألة كبير قوم ومعه اصحابه وبعدين المرأة بقى زوجته وهو ايه عربي قبل انه يكون بقى كبير هو عربي يعني يعني في صفات الايه؟ اللي في العرب النخوة والرجولة وما يحبش وهكذا - 00:25:16ضَ

وبعدين النبي عليه الصلاة والسلام قرشي ولا انصاري طب استحضروا بقى حديث عمر لسه قايلينه من شوية عائشة تمسك البتاع ده الطاجن ده ولا الطبق وتروح كاسراه قدام الصحابة فهنا موقف موقف كبير مش بسيط يعني انت لو فكرت فيه لو حصل لك انت - 00:25:39ضَ

ده موقف ما يعديش يعني ممكن يحصل فيه طلاق النبي عليه الصلاة والسلام ازاي يستقبل هنا عائشة رضي الله عنها لما لما كسرت الطبق هي دي رسالة هي دي رسالة والنبي فهمها عليه الصلاة والسلام. يا جماعة يا جماعة الموضوع ده مش بسيط. انك تفهم رسالة اللي قدامك - 00:26:01ضَ

المرأة ممكن تيجي تقول لك طلقني وهي بتقول لك ما تطلقنيش يعني هي طلقني دي يعني ما تطلقنيش انا ما اقدرش استغنى عنك مين يفهم ده فالنبي عليه الصلاة والسلام مسكت عائشة الطبق وكسرته - 00:26:24ضَ

فيعمل ايه؟ انما طبعا هو الموقف ده يدرس من كزا وجه يعني لكن اللي يعنينا هنا في فكرة انها شفرت رسالة انا ما بقولش ان التشفير هنا هو انسب تشفير لأ خالص - 00:26:41ضَ

يعني المرأة اخطأت طبعا اخطأت لكن فك التشفير كان ازاي ان النبي عليه الصلاة والسلام يفهم الفعل على وجهه. قال غارت امكم غارت امكم. فهم الرسالة النبي عليه الصلاة والسلام - 00:26:53ضَ

هنا الرسالة دي بقى ممكن تتفهم بميت شكل مش كده انت مش محترماني اصل انت لو اتربيت ما كنتيش عملت كده وانت شايفة اصحابي قاعدين جوة ما اصل انت لو شايفاني راجل بصي - 00:27:14ضَ

وهو في الاخر وهي بتكسر الطبق هي فعلا ما كتش شايفاه انت مش في الايه يعني انت مش في الحساب خالص اللي بتحكيه ده خالص خالص هو شعور غلب على الفكر - 00:27:26ضَ

فنتج عنه الفعل ده فقط نقطة ومن اول السطر. كل اللي انت فهمته غير مراد وبعدين بقى شف انت بتعمل ايه؟ بتشيلها الليلة بتحاسبها على ايه على ايه حد يقول على فكك - 00:27:40ضَ

لتشفير الرسالة انت بتحسبها على فعلك انتم فاهمين يا جماعة دي؟ خلوا بالكم هرجع تاني اقول ممكن بعد كده نقول ايه؟ بس ما كانش ينبغي تعملي كذا كفعل اه. ده ما فيهوش يعني احنا مش بنصحح - 00:28:00ضَ

فعل لكن هو الفعل انت اللي عظمه جواك مش الفعل مش كده يعني اما اجي اقول لك هو انت غضبت ليه هتقول لي عشان الطبق اتكسر لأ يعني مش مش ان الطبق اتكسر هو اللي شيطك - 00:28:13ضَ

هو اللي صيتك في الوقت ده ايه؟ ان هي قلت مني قدام الناس. بدليل لو شلنا عنصر واحد من المشهد ده كله غضبك مش هقول مش هتغضب. بس غضبك هيقل اوي - 00:28:32ضَ

ان معك اصحابك مسلا لو شلنا العنصر ده من القصة وحصل لك نفس اللي حصل. هتغضب مش هقول مش هتغضب. لكن نفس غضبك ان صحابك قاعدين جوة وشايفين سامعين مراتك بتزعق - 00:28:42ضَ

طب ليه ده حصل؟ ليه؟ لانك فكيت الرسالة غلط النبي عليه الصلاة والسلام حل الموضوع ببساطة شديدة ماشي؟ يرحمك الله. اه تبسم صلى الله عليه وسلم وقال غارت امكم يبقى هنا فك التشفير صح بيحل لنا اشكالات كبيرة جدا - 00:28:56ضَ

وكزلك اختيار التشفير الصح اختيار التشفير الصح. يعني ايه اختيار التشفير الصح؟ يعني انا خلاص عرفت ان زوجتي ما هي ما لهاش في الكلام الايه الدوغري هي ايه مسلا يعني - 00:29:20ضَ

فخلاص انا هحكي لها حدوتة وهو على فكرة في ناس كتير كده في ناس هي تحكي لها حدوتة ابرك من آآ وعشان كده دي مهارة حتى بيعلموها للناس اللي بتحاضر. ازاي تعرف تحكي حدوتة - 00:29:36ضَ

ازاي توصل معلومات في شكل حدوتة خلاص محتاجين نشتغل على ده محتاجين. ليه؟ لان ده هيفيدك جدا في التواصل في حياتك في حياتك عموما. مش بس مع زوجتك او مع زوجك. عموما - 00:29:52ضَ

ماشي اقول لكم مثال كده يعني ايه يعني حصل طبيب اسنان صديقي وكان شغال عنده عيادة في آآ في في مكان يعني فيه بدو فجاء له راجل بدوي فتح فتح بقه فلقى ضرس مسوس خربان خالص. فهو بيقول له ضرسي واجعني وبتاع. فالراجل راح شاور له على الدرس. فقال له هو ده الدرس اللي واجعك - 00:30:05ضَ

عمل له كده فهاد صاحبي بيحكي لي بيقول لي قعدت ابص عاوز بقى اشوف ضرسه اللي واجعه ايه فبيقول ما فيش غير ده. فمش يعني ما فيش حاجة تانية اروح مش هقول له على نفس الدرس قال له انت متأكد مش ده الوجع - 00:30:32ضَ

بيقول لي افتش يمين ما فيش. وكل اللي بقوله دوت يعمل لي كده. اتاري دي عند البدو يعني اه الحركة دي عند البدو معناها اه هو ده الدرس اللي واجعني - 00:30:46ضَ

طبعا احنا عندنا لأ انتم فاهمين يا جماعة هنا الاشكال جاي منين من ان هو ارسل لك رسالة بشفرة ماشي المشكلة حصلت ان في فك الشفرة ليه ما بيحصل فك شفرة غلط دي بقى دي قصة تانية ده ده يعني عنصر تاني في التواصل بيسموه الايه بيسموه ايه - 00:30:58ضَ

هو اسمها بس مش عارف بالعربي بقى ايه. لأ مش آآ اسمها آآ الايه المشتتات مسلا مش عارف يعني بعدين. المهم يعني ليه بنفك التشفير غلط؟ دي قصة تانية اللي عاوزين اللي عاوزين نفهمه هنا يا جماعة - 00:31:20ضَ

في حديس ام زرع عائشة ارسلت رسالة مشفرة والنبي عليه الصلاة والسلام نجح في فك الشفرة فدار حوار صحي وخلصت الحدوتة وخلص الحديث. وادينا قاعدين دلوقتي بنتعلم من هذا الحديث ومن فعل النبي صلى الله عليه وسلم. فدي اول مسألة عاوزين نخرج بها. ان الحوار الصحي - 00:31:36ضَ

في واحد بيستمع خلونا نعدل كلمة يستمع دي للفز الايه الحديث اللي الناس بتقوله انه انه ايه اه استماع ايه؟ الصحي مية. هو للاسف يعني في حاجات بتبقى ايه يعني ما هي ما بتجيش غير اه بالعربي ايه بقى فعال - 00:32:03ضَ

ايوة يعني انك تستمع استماع فعال ماشي استماع فعال. يعني ايه استماع فعال بقى يعني صاحبنا اللي من شوية ده قعدت تحكي له واحدة انت رأيك ايه؟ طلع ايه الباشا في حتة تانية - 00:32:20ضَ

هو مش مستمع استماع فعال يعني ايه انك بتبدي او اول حاجة اول حاجة في انك الاستماع الفعال انك تبدي ايه؟ اهتماما انا مهتم باللي انت بتقوله ده الاصطناعي الفعال. وبعدين تفهم الرسالة صح - 00:32:34ضَ

يعني ايه تفهم الرسالة صح هديكم مسال يا شباب لو اتنين رجالة قاعدين بيتكلموا في مشكلة ماشي؟ انا باسألكم ردوا علي يعني اجي دكتور يقول لك انا عندي مشكلة انا طلعت فلقيت العربية العجلة نايمة انت هتفهم من اللي انا بقوله ده. ان انا بقول لك ده ليه - 00:32:53ضَ

صح كده؟ يعني ايه تسعين؟ يعني يعني تديني ايه حل مش كده؟ دماغ الراجل فعلا كده. هو السيستم بتاع دماغ الراجل كده لما نيجي نتكلم في مشكلة فانا بحكي لك المشكلة علشان عاوز حل للمشكلة. سهلة دي؟ طبعا انتم مش يعني انتم كأني بقول بداهية. وهي فعلا بداهية للرجال - 00:33:10ضَ

الست مش كده الاصل في النساء الاصل ان المرأة لما بتحكي مش بتبقى عاوزة حل للمشكلة خالص في اكثر الاوقات المرأة بتحكي علشان عاوزة اهتمام عاوزة دعم نفسي يعني يعني ايه ده انا النهاردة كنت مع صاحبتي وبعدين - 00:33:32ضَ

قالت لي وبصت لي وعملت لي بلوك بعد ما مشيت. هي مش عاوز تسمع ايه طب ما انت ممكن لو رحت لها بهدية هي مش عايزة خالص. ولا عاوزة تسمع ده خالص ولا ولا محتاجة ده منك. الاصل كده ممكن تبقى محتاجة - 00:33:54ضَ

لكن الاصل فيها ان هي مش عاوزاه هي عاوزة تحكي بس عاوزة تفضفض عشان تلاقي نوع اهتمام نوع احتواء وخلاص وخلصنا على كده والباب اتقفل وهتقوم مرتاحة يعني انت ممكن ايه لو يعني انا لو عكست بقى الموضوع يعني انا بقول لك العربية والعجلة نايمة وبتاع فرحت انت ايه اتأسرت قوي كده وقلت لي ياد انا معلش وربنا يكرم - 00:34:09ضَ

ايه معلش وربنا يعني انا هيبقى معلش ايه وربنا يكرمك يعني انا بحكيلك ليه يعني حل اديني حل لا المرأة مش كده. يعني تقول لك العجلة نامت معلش وان شاء الله المرة الجاية مش هتنام وهتاخد بالها. اتبسطت كده والموضوع خلص واه - 00:34:29ضَ

زقططت ده دايما لأ مش دايما مش بقول ان ده دائما بيحصل لكن ده اختلاف موجود بين الرجال والنساء ده ربنا خالقنا كده ويا جماعة في فروق ربنا اللي قال كده وليس - 00:34:48ضَ

الذكر كالانثى فهو فيه فروق حتى في المخ يعني الطب يعني. الطب يقول ان حتى المخ تشريحيا. مخ الرجل غير غير مخ المرأة تشريحيا حتى يعني القصر عند المرأة اسمك مش عارف يقول لك الفص اليمين والفص الشمال فيه هنا ايه وهنا. قصص كده يعني الاطباء هم ادرى بها يعني - 00:35:00ضَ

لكن حتى تشريحيا المخ مختلف. مخ الرجل عن مخ المرأة وده لطبيعة التكامل. ركزوا يا شباب وركزوا يا بنات بالزات بقى في الحتة دي لطبيعة التكامل احنا ليه دايما اه شايفين ان هو الموضوع ايه - 00:35:20ضَ

يعني الاختلاف هو اختلاف تضاد. الموضوع مش كده. هو ممكن يكون الاختلاف اختلاف تنوع علشان نتكامل علشان نتكامل لان الحياة مش هتمشي غير بدودة ما تمشيش بايه بنوع واحد. من التفكير او نمط واحد من التفكير. او نمط واحد من العاطفة. فاحنا جايين نتكامل - 00:35:37ضَ

مش جايين ايه عارفين او النسوية او انتم عارفين مشكلتهم فين آآ المشكلة الاساسية عارفين فين؟ هو المشكلة الاساسية ان ربنا سبحانه وتعالى خلقنا وخاطبنا رجال ونساء ان يكون هو سبحانه وتعالى - 00:35:58ضَ

ان يكون هو وجهتنا يعني وانت في الدنيا كده انت قدامك ربنا سبحانه وتعالى النسوية خلت وجهتها الرجل ده اصل المشكلة على فكرة هو هم دايما يعملوا ايه؟ يقولوا لا يعني ده احنا بنقول ان احنا جدعان قوي. هو الموضوع مش كده. هو الموضوع - 00:36:19ضَ

اللي جواهم ان هم خلوا خلوا وجهاتهم الرجل وبقى اي حاجة بيعملها الراجل وهم ما يعملوهاش هدفهم في الدوري ان هم ازاي يعرفوا يعملوها ده يعني التحليل البسيط لهذه المسألة. خلوا بالكم يا جماعة كثير جدا من افعالنا - 00:36:43ضَ

بتعكس نفسية مغايرة للي بيحصل زي ما بقول لك كده هي تقول لك ايه انا الراجل مش من اهتماماتي اصلا. لأ ده هو اللي شاغلها هو خلته وجهاتها اصلا فعلى طول شايفاه قدامها - 00:37:02ضَ

وبتجري انها تبقى زيه هو ربنا ما طلبش منك كده ربنا ما طلبش كده ولا ده معناه ان هو ازيد منك في الحتة دي في حاجة لأ بالعكس يعني احنا هنيجي يوم القيامة يا جماعة - 00:37:17ضَ

ما فيش نساء هتسبق الرجال في في درجات الجنان يعني. يعني يعني الجنة مسلا الفردوس الاعلى محجوز للرجالة ولا يبقى في رجالة في الدرجة التانية والدرجة التالتة وفي نساء في الفردوس - 00:37:31ضَ

هنلاقي ده ولا مش هنلاقي ده يا جماعة يعني هو ده المنظار اللي احنا بنسابق فيه اصلا مضمار القرب من الله سبحانه وتعالى. هنيجي يوم القيامة هنكتشف ان في نساء اقرب الى الله من رجال - 00:37:45ضَ

هو ده هو ده فوزك. ايتها المرأة مكسبك الحقيقي هو ده مش انك تشبهي الرجل خالص ولا ربنا طلب منك ده اصلا ان على قدر ما هتشبه الرجل على قدر ما هتكوني مستقلة استقلال الرجل على قدر ما هتكوني بتفكري زي الراجل تبقي كسبانة فين ده؟ فين - 00:37:57ضَ

فين؟ مش موجود فالنبي عليه الصلاة والسلام جلس واستمع لعائشة رضي الله عنها وفك الشفرة صح محتاجين ده بقى في بيوتنا مع النساء مع حتى مع الاطفال. احنا احنا هنا ادينا درس قبل كده - 00:38:20ضَ

درس كامل في سورة يوسف كان بعنوان ايه ولد يحكي واب يستمع. فاكرين الدرس ده كان على المشهد اللي بتبتدي به الصورة المشهد عجيب جدا يوسف طفل صغير في بعض الروايات سبع سنين - 00:38:37ضَ

جاي لابوه يعقوب نبي الزمان. برضه اللي هو عليه من الاعباء ما عليه علاقته بربنا اولا يعقوب عليه السلام مشغول بايه؟ علاقته بربنا علاقته باهله الدعوة الكفار المحاربين كل ده وبعدين عنده كم عيل - 00:38:58ضَ

اتناشر عيل مش كده يوسف وحداشر اللي عنده عيلين دلوقتي ماشي بيكلم نفسه عنده اتناشر عيل والعلاقة بين الاتناشر عيل مش علاقة آآ لا فيها توتر مش كده لان في عشرة من ام - 00:39:19ضَ

واتنين من امه والعلاقة بينهم فيها توتر وده بان في احداس القصة فالدماغ عاملة ازاي ومشغولة ازاي يجي له بقى ايه اصغر واحد في العيال انا شفت امبارح حلم اه لو واحد فينا طب يا حبيبي روح احكي لماما مسلا مش كده - 00:39:36ضَ

اشرب يا حبيبي كده وكل حاجة وادخل كمل نومك ما جراش حاجة يعقوب ما عملش كده ولد يحكي واب يستمع من حق الولد عليك ان تفعل ذلك يا ابتي اني ارى قعد واستمع - 00:39:57ضَ

طب هو سمع وبقى مشغول دماغه مشغولة في الدعوة وفي الذكر وفي ولا تاني استمع وهو ايه؟ مهتم لما يقال بدليل انه فهم الرؤية واول الرؤية في داخل نفسه. وابتدى يدي نصايح للولد يتعامل بها مع الايه؟ الواقع - 00:40:14ضَ

ايه الجديد اللي هيحصل يا جماعة كتير من ابنائنا وشبابنا اللي قاعدين ابنائنا سواء صغيرين او الشباب عندهم مشاكل كبيرة. ومحتاجين اللي يسمعها ولو ما كانش الاب هو اللي هيسمع هيروح يدور على حد برة يسمع - 00:40:35ضَ

وهيقع بقى فريسة لمين يسمع؟ الله اعلم غير كده الولد ابنك ده اللي بيجي يحكي حدوتة حصلت له في المدرسة هو عاوز ممكن ممكن يا جماعة اللي انا بقوله ده ده يعني آآ ده من واقع خبرات حياة يعني مشاكل بتيجي - 00:40:54ضَ

بنلاقيها كده. او بنسمعها من اطباء نفسيين. ان الولد حصل له مشكلة في المدرسة وخايف يقولها. عارف هيجي يعمل ايه؟ هيحكي لك حدوتة علشان في حاجة حصلت له هو مش عارف يقولها مباشرة - 00:41:11ضَ

فييجي يحكي لك حدوتة. وقد تكون الحدوتة من نسج خياله اصلا وحضرتك اللي عليك تعمل ايه بقى؟ قل الكلمة نفك الشفرة تفهم ان الولد فيه مشكلة حصلت معه خايف يحكيها - 00:41:25ضَ

ولو فشلت انك تفك الشفرة الولد ده ممكن يضيع ويبقى عنده عقدة يكبر بها طب هتعمل ده ازاي وانت الولد بيحكي وانت ماسك التليفون بتشات تيسكرول على الفيسبوك انا بتكلم بقى على حياتنا دلوقتي هو ده الشكل ده النمط السائد في حياته. يعني الاب المحترم - 00:41:41ضَ

اللي قرر يدي لابنه ولا بنته وقت هو في الغالب قاعد بسكرول على الفيسبوك هو انت اتكلم يعني ايه هبهب كده زي ما بيقولوا. وانا ايه يعني انا قاعد اهو. مش انت مش عاوز الجسة؟ الجسة قدامك اهي - 00:42:01ضَ

او حتى مع زوجتك فده مهم ازاي يعقوب عليه السلام اهو مع ابنه يعمل ده برضو يقعد يستمع للولد بتركيز وبعدين يعمل ايه بقى ؟ يعمل ايه ؟ يغرز قيم في الولد. فين يا جماعة ده دلوقتي ؟ - 00:42:18ضَ

خلي بالك احنا احنا الاصل اللي بنتكلم على الازواج والزوجات صح حتى زوجتك محتاجة منك ده هو انت قيم عليها بايه هو انت قايم عليها بايه؟ يعني الرجال يقومون على النساء. ما هو انت انت في وقت من الاوقات هي محتاجة تقويم فعلا - 00:42:41ضَ

محتاجة تقويم منك ماشي؟ والنبي عليه الصلاة والسلام بين ذلك. صلوا على النبي. ان المرأة محتاجة منك تقويم. وان هي آآ خلقت من ضلع وان اعوج الضلع اعلاه. فان انت ذهبت تقيمه فان انت ذهبت تقيمه كسرته - 00:42:55ضَ

وان تركتها ظلت على عوج. بعض العلماء فهموا ان هو طبعا الناس بتسمع الحديث بتقول ايه؟ يبقى سبها. يعني يعني سبها على العوج. لا بعض العلماء فهموا انك لا تعمل ده ولا ده - 00:43:17ضَ

انتم فاهمين عايز اقول ايه ان انت ذهبت تقيمه كسرته. يعني لو اتعاملت معه بغشومية هتكسر الضلع لان الضلع ناشف هو خلاص معووج ناشف خلاص هسيبه وان انت تركته ظل على عوج - 00:43:31ضَ

هيفضل معوج نفس العوج بتاعه ده فقال صلى الله عليه وسلم فاقبلوهن على عوج. بعض العلماء قالوا سبها على العوج اللي فيه واقبل انت العوج. بعض العلماء قالوا لأ. هو المعنى - 00:43:51ضَ

لا تكسروا ولا تسيبوا على العوج. لكن وانت بتقاوم اوعى تفتكر ان التقويم هيوصل لمية في المية تقويم في الاخر هتضطر تقبل نوع عوج مش معناه سيب العوج زي ما هو لأ - 00:44:02ضَ

قوم باسلوب يحسن لتقويم مثلها وابقى واعي في الاخر ان التقويم مش هيحصل مية في المية تقويم مش هيحصل فهتضطر في الاخر بقى للنصيحة النبوية فاقبلوهن على عوج. النصيحة الاخرى في رواية اخرى في الصحيح. فدارها تعش بها - 00:44:19ضَ

جميلها ولطيفها وكده هتعيشه فدارها تعش بها ماشي فالراجل بيسمع لمراته محتاج محتاجة تقوم ازاي بقى والطريقة دي بعدين مش ده درس النهاردة؟ احنا كل درسنا النهاردة ازاي نخلق لغة حوار - 00:44:42ضَ

وازاي نتغلب على مشاكل الحوار في البيوت فهنا يعقوب يسمع يوسف عليهما السلام. وبعدين يبتدي يدي له نصايح وازاي النصايح دي بتكون شخصية الولد ده في الصورة كل ده في الصورة - 00:45:03ضَ

قال يا بني لا تقصص رؤياك على اول حاجة عملها يعقوب في الولد ايه ما قالوش وكذلك يا جاثبيك ربك ما عملش كده صح؟ ابتدى يدي حاجات مهمة قبل ايه - 00:45:21ضَ

ما يقول له تأويل الرؤية صح يا جماعة الولد قال له اني رأيت احد عشر كوكبا والشمس والقمر رأيتهم لي ساجدين. قال يا بني وكذلك يجاث بك ربك قال كده - 00:45:33ضَ

قال يا بني لا تقصص رؤياك على اخوتك فيكيدوا لك كيدا. ان الشيطان للانسان عدو مبين. وكذلك يجتبيك ربك يبقى ادى له نصيحة في الاول قبل ما يقول له قبل ما يقول له الرؤية - 00:45:45ضَ

اول درس يعمله يعقوب يوسف يتعلمه ولا ما يتعلموش؟ يدخل السجن. ويجي له الاتنين بيقولوا له نبئنا بتأويله انا نراك من المحسنين قال اما احدكما فيسقي ربه خمرا. عمل كده يوسف - 00:45:56ضَ

هو اللي قعد يتكلم في حاجات تانية خالص قبل ما يقول لهم الرؤية يكلمهم في ايه؟ في التوحيد. اللي هو اهم حاجة مش كده اول درس خده من ابوه ازاي يكون شخصيته ونلاقيه بعد كده بيعمله فين - 00:46:12ضَ

في السجن لما كبر وبعدين قال يا بني لا تقصص رؤياك على اخوتك فيكيد طبعا احنا الكلام ده كله قلناه قبل كده بنقف على رؤوس اقلام والا بقى اللي عاوز شرح ده بالتفصيل يرجع لدرس ولد يحكي واب يستمع - 00:46:28ضَ

وكذلك آآ قال ايه يا بني لا تحصص رؤياك على اخوتك فيكيدوا لك كيدا. لو كان سابو ولد صغير هم ليه كيدوني انا عملت لهم ايه ولاد اللزين دول يقوم يعمل ايه؟ يحول تفكيره كله لمين؟ للشيطان - 00:46:43ضَ

مش كده ان لو ده حصل ان الشيطان للانسان عدو مبين. ما تزعلش من اخواتك ده كيد شيطان يوسف يتعلم الدرس تمر القصة كلها ويجي يوسف يحكي اللي حصل يلخصه في جملة - 00:46:58ضَ

وجاء بكم من البدو من بعد ان نزغ الشيطان ويقدم نفسه مش بين اخوتي وبيني كمان من بعد ان نزغ الشيطان بيني وبين اخوتي حوار راقي اللي هو ايه انتم انتم يا جماعة فاهمين نفسية اخواتهم واقفين في الموقف ده اصلا عاملة ازاي - 00:47:18ضَ

وازاي يذيب كل ده بكلمة دي مسألة تانية بقى في فن التواصل ازاي يذيب كل اللي هم بيسموه ايه دلوقتي ها الايس بريكينج مش كده انت فيه بينك وبين حدود كتير انا هدوبها في ايه - 00:47:38ضَ

ودي مهارة تانية الناس المفروض تتعلمها. يوسف عليه السلام بكلمة واحدة دوب اللي ايه كل حرج ممكن يبقى في نفسية اخواته لكن مش ده اللي يعني ايه دلوقتي اللي يعني ايه دلوقتي ايه؟ فكرة ان ازاي يعقوب ربى ولد صغير في موقف ازاي التربية دي تلاقيها ممتدة معنا - 00:47:54ضَ

زهرة في القصة حتى لما يعقوب يختم الموقف باسمين من اسماء الله الحسنى. من اسماء الله الحسنى. قال ايه ها الآية ايه؟ آآ ان الشيطان للإنسان عدو مبين وكذلك ربك ويعلمك من تأويل الأحاديث ويتم نعمته عليك وعلى آل يعقوب كما اتم على من قبل ها - 00:48:13ضَ

آآ ايه؟ ابراهيم ابو اسحاق ان ايه؟ علي ان ايه الاية؟ ختام الاية. ان ربك عليم حكيم. مش كده؟ عليم حكيم اسمي نوم وتمر احداث القصة ويجي اخر موقف بتختم به قصة يوسف. فيقول ايه؟ ان ربي لطيف لما يشاء. انه هو - 00:48:35ضَ

العليم الحكيم الاسمين اللي خدهم من ابوه في القعدة اللي في اول القصة فكل حاجة بتغرسها في ابنك بتطلع معه وبتكبر معه. الموقف بيكبر مش وقت التربية دي واحنا بنتكلم في حوار عشان بس ما نخرجش برة ايه احنا مركزين يا جماعة ان احنا بنخلق حوار - 00:48:56ضَ

والا فالتفاصيل كتير قوي في القصص دي ربنا سبحانه وتعالى يورينا نوع تاني ايضا من الحوار بين اب وابنه وبرضه الاتنين انبياء ابراهيم واسماعيل ادينا الدرس ده هنا ولا ما اديناهوش - 00:49:19ضَ

ولا مش فاكرين شاطرين كالعادة. ماشي. ابراهيم واسماعيل برضه حوار عجيب جدا جدا شوفوا يا جماعة لغة الحوار. لغة الحوار بين الاب والابن ابراهيم عليه السلام ييجي لابنه الذبيح ويقول له ايه كما قال صلى الله علينا في سورة الصافات - 00:49:37ضَ

يقول له ايه بقى؟ يقول له يا بني اني ارى في المنام اني اذبحك فانظر ماذا ترى. فانظر ماذا تري؟ قراءتين تعالوا احنا برضو نتكلم عن الحوار مش مش تفاصيل القصة ولا فوائد القصة - 00:49:56ضَ

كتير من الاباء دلوقتي هو شخصيته مسيطرة هو هو كده مسيطر. عارفين يعني يوصل يدخل في اي ادق وده راجل متعب الراجل اللي كده راجل متعب. وهنيجي له في واحدة من اللي اتكلموا في الحداشر اللي اتكلموا دول - 00:50:09ضَ

فالراجل اللي هو ما بيتغافلش ده وداخل في تفاصيل التفاصيل متعب ماشي؟ عارفين كده اللي هو ايه؟ اللي جاب القطة ووزنها كلت اللحمة قل لها فين اللحمة؟ قالت له القطة كلت - 00:50:27ضَ

راح جايب القطة حاططها على الميزان لقى القطة كيلو. طب اللحمة كيلو فقال لها طب لو دي لو هي كلت اللحمة فين القطة؟ فهو يعني مش مسلا كلت اللحمة خلاص وحصل خير والف هنا للقطة لأ - 00:50:42ضَ

راح جايب القطة وازنها فقال لها فين القطة بقى؟ ادي اللحمة. فين القطة؟ فده راجل متعب اللي هو ايه ندخل في تفاصيل التفاصيل فتلاقي الراجل ده دايما ايه دايما تلاقي الراجل اللي صفته كده - 00:50:56ضَ

اللي حواليه كلهم آآ شخصيات مضطربة ما يعرفوش ياخدوا قرارات. هم ما تعودوش ياخدوا قرارات. خلي بالك انا بقول بقى رسالة للرجال من الظلم للمرأة ان تجعلها تذوب فيك. مش تحبك يعني تذوب فيك. لأ. تذوب فيك يعني تذوب في شخصيتك - 00:51:14ضَ

ده ظلم للمرأة. وشوية وهتكتشف انه ظلم لك انت كمان انا هنا بكلم الرجالة على فكرة الكويسة اللي هي طباعها كويسة مش المسيطر ولا المهيمن هنجيله كمان شوية ده ممكن واحد من كتر ما هو رجل فعلا فعلا رجل. المرأة شخصيتها تذوب في شخصيته - 00:51:35ضَ

لا انت منتبه هنا انه لأ انك تخرج شوية علشان المرأة يبقى لها شخصيتها انت مش باقي لها. مش بلدي دي ممكن تموت ممكن يجي لك سفر ممكن الاقدار تفرق بينكم باي شكل - 00:51:55ضَ

وفجأة تلاقي نفسها واقفة في ايه في وسط الطريق هي متعودة كل حاجة بتجري عليك وتلاقيك وتلاقيك نعم السند. انا مش بقول انك وحش. تلاقيك نعمة السند لأ هنا بقى انت لازم تنتبه انك تعمل ايه عارف كده ابنك وانت بتعلمه السباحة - 00:52:10ضَ

بتعمل ايه ؟ شوية بتسيب ايديك لو لو فضل كل ما يجي لك تحضنه مش هيتعلم سباحة. مش كده؟ لأ بتسيبه ينزل ويكحكح شوية ويشرب شوية ميه وبتاع. وتبقى عارف امتى هتخش تلحق - 00:52:26ضَ

ده ظلم للمرأة يعني دي مش حاجة كويسة هي بتبان في الاول كده لكن امتى يبان بقى اللي انت عملته فيها لما تبتدي زي ما اقول لكم كده ايه الحياة تفرق بينكم باي شكل من الاشكال او انت تتعب - 00:52:40ضَ

وعاوز بقى اللي يشيل معك مش هتلاقي حد يشيل معك. طب هو ذنبها ذنبك زنبك انت اللي ما انتبهتش انك تديها مساحة تتصرف فيها وتغلط وتبقى عارفة انها لو غلطت - 00:52:55ضَ

هيقابل ده بايه؟ بتقدير مش مهم. المرة الجاية ان شاء الله تتعمل صح. ما هي ما كانتش بتعمل حاجة واضح؟ نرجع بقى للشخص ده تاني اللي هو بيكون شخصيات حواليه مش عارفين ياخدوا قرارات في حياتهم. تعالوا نرجع لابراهيم واسماعيل. عشان ما نروحوش برة القصة. ابراهيم يا جماعة عليه السلام جا له امر - 00:53:08ضَ

من الله سبحانه وتعالى اذبح ولدك في رؤية مش مهم ليه رؤية دلوقتي؟ المهم امر من الله. امر امر من الله وعرف انه امر من الله وحي ما ينفعش ما يتعملش - 00:53:27ضَ

خلاص زيه زي كتير من المتدينين دلوقتي انا اسف بقى يعني يعني الاب باقي متدين في عمل ايه يدخل خط لزق كده لازم تقوم تعمل وانت اصل انت مش عارف ايه. شف ابراهيم عمل ايه يا جماعة؟ حاجة عجيبة جدا - 00:53:40ضَ

ابراهيم جه لاسماعيل قال له يا بني اني ارى في المنام اني اذبحك فانظر ماذا ترى ايه ده ايه اللي ابراهيم يعمله دلوقتي يا جماعة ابراهيم بيربي شخصية شوفوا الكلمة اللي جاية دي - 00:53:57ضَ

هتدبح بعد شوية يعني يعني شخصية مش هتعيش. هو ابراهيم ما كنش هيعرف ما كانش عارف ايه اللي هيحصل اني ارى في المنام اني اذبحك براحتك بقى شف يعني ايه رأيك نعمل ايه - 00:54:18ضَ

اه دي شخصية سوية. دي شخصية من وهي صغيرة اتربت تاخد قرار عندنا شباب بيوصل لعشرين وخمسة وعشرين وما بيعرفش ياخد قرار في حياته اصل كل القرارات الكبيرة ابوه اللي بياخدها - 00:54:32ضَ

يعني مين الاب اللي دلوقتي هيعزل مسلا في عمل ايه؟ يلا يا ولاد تعالوا نروح نشوف الشقة اللي احنا هنروحها. وياخد ولاده معه ويدخل الشقة ايه رأيكم؟ فهتلاقي بقى آآ حاجات بقى ظريفة يعني ايه؟ آآ ابنك آآ لا اصل لون الحيطة دي مش حلوة. لا يا حبيبي ما هو الحيطة بتدهن. انت بتكون شخصية ما هو خده بقى من - 00:54:51ضَ

من الاول مش كده ولا ايه؟ ما الحيطان دي حاجة بسيطة لا تدهن ما تقلقش ومش عارف. ابنك التاني ها ايه رأيكم؟ لا زي الفل عجبانا لأ غلط. كان لازم نستخير - 00:55:11ضَ

قبل ما نقول زي الفل وعجبانا نستخير الاول مسلا او لأ انتم في حاجة فاتتكم هو المسجد فين؟ في البيت ده. يعني احنا ما احنا هننزل نصلي خمس مرات هتصدقوا غلطنا قبل ما نطلع الشقة كان لازم الاول قبل ما نطلع - 00:55:21ضَ

وده اللي انا بقوله للشباب على فكرة المقبل على الزواج اي شبة بيجي اول نصيحة في اختيار السكن قبل ما تطلع العمارة فين المسجد لانك شوية وانت نفسك ممكن تكسل عن صلاة المسجد. وشوية وهتقابلك مشكلة اخرى - 00:55:37ضَ

ولادك انا في الشغل وابني عنده تمن سنين تسع سنين. انا قلقان اصل المسجد بيني وبينه طريق. طب انت ليه من الاول اشتريت الشقة دي ليه ما انت عارف انك بعد شوية هتربي ابنك انه ينزل يصلي في المسجد - 00:55:54ضَ

وهكذا يعني فده اللي ابراهيم عمله حوار داير بين اب وابن حوار مش خد هنا نام هدبحك طب يا يابا ده امر من ربنا انت انت كمان هنكفر بقى اللي بيحصل بقى - 00:56:10ضَ

ابراهيم ما يعرفش كده اني ارى في المنام اني اذبحك فانظر ماذا ترى ايه رأيك وقطعا قطعا يا شباب لو اسماعيل قال لابراهيم لأ ما تدبحش كان هيقول لأ خلاص ما قال لأ - 00:56:29ضَ

ولا كان هيبتدي يربي؟ شوفوا الاية القراءة التانية عجيبة جدا جدا اني ارى في المنام اني اذبحك فانظر ماذا تري الله منك فانظر ماذا تري هنا ابراهيم بيستخرج الطاعة من اسماعيل - 00:56:44ضَ

اني ارى في المنام اني اذبحك. فانظر ماذا تريد ربنا هيشوف منك ايه قال يا ابت افعل ما تؤمر ستجدني ان شاء الله من الصابرين. حوار يا جماعة هو ربنا لما قص علينا الحوارات دي في القرآن - 00:57:06ضَ

يعني مسلا قصة يوسف يا شباب كفوائد بقى من القصة من نفس القصة كانت تمشي من غير الايه الحوار اللي في المهم يعني ايه يعني كانت ممكن تيجي ايه آآ ان يوسف رأى رؤيا وخلاص - 00:57:21ضَ

لأ ربنا قص علينا حوار ضرب بين الاب والابن. ليه؟ عشان نيجي احنا دلوقتي عادي نقراه كده بنحب سورة يوسف اوي طب بتحبي ايه في سورة يوسف؟ هو ايه القصة عجباك كده في لأ فيه تفاصيل لازم تقف معها - 00:57:36ضَ

والله عز وجل لم يتكلم بهذا الكلام عبثا حاشاه سبحانه وتعالى فمحتاجين لخلق هذه اللغة من الحوار. واحنا بنخلق بقى لغة الحوار متفهمين دماغات بعض يعني حضرتك ما شاء الله دكتوراه في الزرة. مراتك ست بيت زي الفل يعني فهي ايه تكلمها في البشاميل - 00:57:52ضَ

تكلمها في يعني هتيجي تكلمها مين اللي من السلف كان محدس شاكر مين ؟ وبعدين كان عنده جارية خادمة ياخد مجلس التحديس هو لسة بقى يعني بيتلقى الحديس يروح راجع البيت يصحيها من عز النوم. يقول لها حدثنا فلان. قال حدثنا فلان. فتقول له ما لي ولهذا يا سيدي. طب سبني انام. انا ما لي انا محدثها - 00:58:18ضَ

يقول ايه ؟ اعلم آآ ان لا حاجة لك بهذا ولكن لاثبتها. انا بس عاوز ايه ؟ اقعدي كده قدامي بس هقول الكلمتين عشان ده لي انا يعني ماشي؟ فده عامله ماشي مع جارية بس مش هم راضين يقول لك لا اعملوا معي بلاش جارية خليك معي. يعني - 00:58:44ضَ

فالمهم يا جماعة هنا فيه حتة برضو يعني كويس ان انا يعني هي جت في بالي دلوقتي هقولها لكم من النجاح انك توصل لحتة لحتة انك تخلي اللي قدامك هو محور الايه؟ الحديس - 00:59:03ضَ

وهذا لا يحسنه الا اقل القليل يعني ايه؟ يعني انا قاعد بتكلم مع مراتي اخلي محور حديسنا هي باهتماماتها لو قدرت او العكس او العكس المرأة قاعدة تتكلم مع الرجل تخلي محور الحديس هو باهتماماته - 00:59:17ضَ

لان غالب اللي بيتكلم بيبقى عاوز يتكلم عن اهتماماته هو اوجعه هو مشاعره هو احاسيسه هو مع تكرار ده حوارك بيبقى ممل بيبقى ممل خلاص شوفوا يا جماعة كده ايه مش عارف بقى استاذ ساعات بتنط كلمة كده في دماغي ما ترجمتها بتبقى ما بتجيش على طول يعني. المهم يعني ايه يعني ايه هيحصل كده - 00:59:37ضَ

ماشي؟ آآ النبي عليه الصلاة والسلام وبعدين ايه عنده صداع فيقول ايه وا رأساه وقاعد مع عائشة فتقول بل انا والله وا رأساه هنا الاول النبي عليه الصلاة والسلام الحوار داير في اهتمامات مين - 01:00:06ضَ

كمامات وهو اهو بيتكلم عن نفسه راحت عائشة واخدة الحديث عند مين عندها هنا ممكن الراجل يزعل بقى مش كده يعني انا جاي باقول لك تعبان. تقول لي وانا كمان تعبانة! يعني انت يعني ما فيش البعيدة ما عندهاش دم! ما تقولي لي كلمة كويسة - 01:00:26ضَ

هو ده الحوار اللي حصل يا جماعة. انا يعني انا بقول يعني بس ده اللي بيحصل في بيوتنا مش ده اللي بيحصل ويتقمص ويخش او العكس فهنا النبي عليه الصلاة والسلام بيتكلم بكلام جعل نفسه محور الحديث - 01:00:45ضَ

ردت عائشة رضي الله عنها بكلام اخذت محور الحديث تجاهها. بقت هي المحور النبي كمل فين عليه الصلاة والسلام مع انه تعبان خليها هي المحور خلاص ورأساه قالت بل انا والله وا رأساه - 01:01:00ضَ

قال وما يضيرك ان انت مت قبلي فغسلتك وكفنتك وصليت عليك. يعني لو حصل هو طبعا ده كان في مرض الموت خلاص فبيقول لها ده انت لو حصل ان انت مت قبلي - 01:01:18ضَ

انا اللي هصلي عليك ماشي؟ هو ايه مش بيفول عليه عشان يقول لك ده لأ هو هو في الاخر يا جماعة الحتة اللي عايزين نخرج بها بس عشان ما نسرحش. لما كان بيتكلم وهو محور الحديث فهي خدت - 01:01:28ضَ

بقت هي محور الحديث راح معها وخلاها محور الحديث فاهمين ده محتاجين نعرف نعمل ده ان ازاي لما اللي قدامي احس ان هو محتاج يكون شوية محور الحديس اعمل ده. والعكس بقى يا شباب ويا بنات مش دايما انا - 01:01:41ضَ

المحور مش كل ما اقابله آآ بتكلم عن مغامراتي وحكاياتي واليوم وحصل ازاي ما ينفعش ما ينفعش لان كده الحوار ده ما هو خلاص بعد شوية هيقف هو هيبطل يتكلم - 01:02:00ضَ

او هي يعني آآ على حسب مين اللي بيعمل ده ابن ناس تعرف تاخد قرارات اني ارى في المنام اني اذبحك فانظر ماذا ترى انما فكرة ان انا متدخل في كل صغيرة وكبيرة حتى ما يخص المرأة خصائص المرأة - 01:02:14ضَ

يعني المطبخ هيبقى طب المطبخ ده بتاعها ما تسيبها هي تقول المطبخ يبقى ازاي يعني انت لأ البوتجاز هيبقى في الحتة دي ومش هيبقى غير في الحتة دي. يا عم طب وانت هي مريحها كده - 01:02:33ضَ

وتفضل عايشة بالعقدة دي طول عمرها وانت يمكن ايه تمر سنين ما تدخلش المطبخ. ولو نقلت البوتجاز رجعته المكان اللي هي عاوزاه مش هتعرف انت ما بتدخلش اصلا المطبخ يعني محتاجين ده - 01:02:48ضَ

ايه بقى اهم اهم عائق لده انا مش هتكلم عن كل العوائق لكن هو العائق الاهم والاشهر الان الجهاز الخبيس ايه اللي في ايدينا ده؟ ده اهم عائق انا ليه بقول الكلام ده يا جماعة؟ لان كله طبعا دلوقتي الحياة وردية انا هرجع - 01:03:04ضَ

وهقعد وهعمل حوار الف به حوار هتعمل ايه ؟ هتروح قافل تليفونك وقافلة تليفونها هتقعدوا قدام بعض مش عارفين تقولوا حاجة خرس على فكرة دي الصورة الاقل آآ مشاكل ده المشكلة هتزهر لما تبتدوا تتكلموا بقى - 01:03:23ضَ

مش متعودين مش متعودين يا جماعة الواقع الافتراضي ده فيه مشكلة كبيرة جدا هو واقع ايه؟ اسمه واقع ايه؟ افتراضي انت اللي خالقه لنفسك يعني عارفين الفقاعة اللي انت عاملها على نفسك في الفيسبوك دي مسلا - 01:03:43ضَ

الفقاعة دي مش العالم دي مش العالم دي عالمك انت انت اللي خالق العالم ده مش خالقه يعني خالقه يعني انت اللي ايه مكونه بهذا المكون طب ايه المشكلة؟ لأ دي مشكلة كبيرة جدا - 01:04:01ضَ

عارفين ليه ركزوا في اوله بقى دلوقتي الفقاعة اللي انت عملتها لنفسك دي انت بكليك بتدخل فيها اللي انت عاوزه وبتلك بتحجب عنك اللي بيضايقك يعني فلان ده آآ اخباره ولا طريقته ولا بتاع مش عجباني بلوك - 01:04:15ضَ

شفتم السهولة طيب فلان المشهور ده ده انا بحبه وبحب سفرياته وبحب الاكلات اللي باستدعاء واحد فولو دخلته جوة الفقاعة بتاعتك. هل عالمنا اللي احنا بنحياه بهذه البساطة ولا عندك في العالم الحقيقي تحديات لازم تعرف تواجهها - 01:04:37ضَ

يعني انت مراتك ينفع تعمل لها بلوك على الفيسبوك ينفع مين هنا عامل لمراته بلوك انه مش هتعرف تعمل لها بلوك في حياتك. مش هتعرف تعمل ده طب برضو ايه المشكلة يعني؟ فين المشكلة؟ المشكلة ان انت خلقت لنفسك واقع افتراضي مريح لك - 01:04:59ضَ

مريح ما فيهوش تحديات ما فيهوش منغصات واول ما بتلاقي منغص على طول بتعرف تشيل المنغص ده من الحياة الافتراضية ايه اللي يخليك تخرج برة الفقاعة؟ قل لي انت كده - 01:05:21ضَ

عرفتم ليه احنا بنجري على الفقاعة دي لان الفقاعة دي من اختراعنا احنا فبنجري على اه اه الايه ها الايه؟ ايوة الركن بتاع الراحة بتاعك بتجري ليه؟ انت بتعقدها ازاي؟ خلاص خليها ركن الراحة بتاعك اللي هو ايه؟ اللي هو انت اصلا من الاول مبسوط به وخلقه لنفسك او انت - 01:05:36ضَ

في اول الف به عشان تعرف تتواصل مع بشر انك تقفل البتاع ده وانت بتقفله بقى انت شايف المشاكل اللي هتحصل لأ ده في تحديات انا كنت مأجلها مش معنى اني مأجلها انها مش موجودة - 01:06:07ضَ

انت هتكتشف انك مش عارف تتواصل مع ابنك وبنتك هتكتشف كده فجأة هتكتشف ان ده جيل وانت جيل يعني ممكن تكون اخر مرة قعدت فهمت دماغ ابنك او بنتك من خمس ست سنين. تفهم دماغه مش بتدي له اوامر - 01:06:24ضَ

لأ بتفهم هو بيفكر ازاي اهتماماته ايه هتكتشف ده طب ده هيعمل ايه؟ شئنا ام ابينا هيعمل صدمات عشان بس يبقى الصورة واضحة انت بالخيار قدامك الحل السهل اول ما تلاقي ده - 01:06:42ضَ

هتروح ساحب تليفونك من على الترابيزة ورازع باب الاوضة وداخل الفقاعة بتاعتك. انت بالخيار او هتبقى راجل وانت هتبقي ست قد المسئولية وهنقعد مع بعض ونقول يا جماعة احنا عارفين هيقابلنا صدمات. وعارفين ان احنا بقى لنا كتير ما بيحصلش تواصل فعال بيننا - 01:07:01ضَ

واحدة واحدة نستعين بالله عز وجل. وآآ نقحم نفسنا في ده بقى واحد مع مراته وواحد مع ابنه وواحدة مع بنتها نقحم نفسنا في ده ونقفل بقى تليفوناتنا دي خالص. آآ دي اكتفيشن بقى للفيسبوك ولا اعملوا شوفوا انتم هتعملوا ايه. ويبقى في مساحة من التواصل - 01:07:21ضَ

اللي هيبقى فيه لطش. وفيه زعيق وعارفين ده هيحصل بس هنستحمل بعض عشان نوصل في الاخر لايه؟ للحياة الصحية. هي دي الحياة الصحية يا جماعة. الحياة الصحية اللي فيها شوية مشاكل كده - 01:07:40ضَ

هي دي الحياة الصحية ما فيش حياة ابدا تخلو من المشاكل ازاي اتعامل مع المشاكل؟ ده دورك انت بقى خلاص دي كانت اول فايدة. احنا لسه ما دخلناش في الحديس. فائدة التواصل - 01:07:55ضَ

آآ هو المفروض النهاردة ناخد فايدة تانية يعني اللي هو وبقى عشان آآ بس برضو هتطول معنا خلينا نقف هنا يلا بسرعة بقى تلاتة حد يرفع ايده حاجة استفدتها هتطلع تشتغل بها. لمست قلبك ولو كلمة ولو برة الموضوع خالص - 01:08:08ضَ

حد يفيدنا افيدونا. اتفضل ها اشمعنى المرأة يعني انت شفت دماغه بقى؟ الشيخ اسامة كان بيقول لنا ايه بيفسر لنا يعني القرآن فبيقول ايه؟ آآ وفرش مرفوعة فرش مرفوعة خلاص ماشي - 01:08:26ضَ

انا انشأناهن انشاء فجعلناهن ابكارا هو ايه ايه دول هو فين زكر الحور العين فشوفوا زي ما كان بيحكي لنا وفرش مرفوعة اول ما سمعتم فرص فكرتم في ايه اهو دول بقى انا انشأناهن انشاء فجعلناهن ابكارا - 01:08:55ضَ

فهمتم حاجة؟ ماشي مش شفيق طبعا. هو بيقول ايه؟ بيقول الشفرة يعني يعني ايه ان ممكن يبقى اللي قدامك بيعمل فعل نعمم بقى يعني سواء بقى امرأة رجل اي حد - 01:09:17ضَ

بيعمل حاجة هو مش قصده يحرجك. يا جماعة هدي مسال تاني عشان بلاش مرأة ولا حاجة. كتير جدا بنشوف ده ابنك الصغير اللي عنده خمس سنين ونلاقي الراجل ماسكه رنه علقة عيل عنده ليه اصله دم في الارض ورفص واحرجني وسط كنا في - 01:09:31ضَ

كنا مش عارف في البتاع وايه وسط اصحابي وراح مرفص في الارض عرني حرك ايه ده عيل تلات سنين اربع عرك ايه هو يعني هو بقى خلاص يعني ايه هو متسلط عليك يعرك هو لا لا في دماغه يعرك ولا انت اللي فكيت الشفرة - 01:09:47ضَ

هو لما قعد رزع وعيط واللي عمل على نفسه حاجة في في ناس بتوصل لكده يا جماعة بتلاقي الاب ضربه يا عم ده تلات سنين ولا اربع سنين هو ما يقصدش يعمل ده خالص ولا يقصد اللي جه في دماغك. انت فكيت الشفرة غلط - 01:10:02ضَ

ماشي ماشي اتفضل عاوزين وجوه جديدة. حد فيه وجه جديد؟ انت جديد انت جديد؟ ما فيش حد جديد خالص؟ كله قديم عاوزين وجه جديد حد يقول حاجة حسها وناوي يشتغل عليها اتفضل - 01:10:19ضَ

اه يعني تبدي اهتماما للي قدامك عشان تخرج منه بفوايد. جميل اخر واحدة اتفضل. ها ايه ده؟ ايه ده؟ ايه الفايدة؟ ما انا عارف ان فايدة ما انا بسأل عاوزين فائدة قلها بقى - 01:10:38ضَ

للناس اللي احنا عايزينها احنا مسلا عايزين حد مهتمين به ده درس مش فائدة. انت كده يعني اه هات الكاميرا كده بقى وادينا بسرعة من مهارات من مهارات التواصل هقول لكم مهارة ماشي؟ ما تقولوهاش بقى بالعربية هي سواء تبقى يعني يعني تعرف - 01:10:57ضَ

ما اعرفش بقى ترجمتها. بس هو انك آآ حاجة في ساعة تعرف تقولها في ايه؟ في كلمتين. فخليك بقى يلا. عاوز في آآ عشر سواني تمن ثواني قل طيب او - 01:11:24ضَ

تمام. هو كده خلص مين فهم بقى كلامه؟ عشان نشوف ولا مش توزة بوينت؟ قل هو يعني الواقع اللي اختاروه ده هو مش مش حياتك انت. يعني ده عالم انت اخترعته كمان في نفس عاوز تقول كده - 01:11:54ضَ

ان الواقع الافتراضي ده مش حقيقة الشخص. بيبقى هو هو نفسه عارض الشخصية اللي هو عاوز يظهر فيها بشكل قوي جدا واحنا موجودين. ماشي جميل. حد عايز يقول حاجة تانية ولا خلاص - 01:12:13ضَ

مين عاوزين ما فيش؟ عاوز تقول حاجة ولا متردد؟ قل طيب كتموها مسك. هم جميل جدا والله لو لو خرجنا بالمهارة دي بس من الدرس جميل ان ان حاول توصل انك مش كل حاجة انا انا انا عاوز احكي عن مشاكلي عاوز - 01:12:26ضَ

اهتم بيا لأ خلي اللي قدامك برضو له نصيب من الحوار اخر واحدة ماشي. ختامه مسكين. هم. قل طب يلا بسرعة ماشي يلا في عشر سواني استفدنا ايه جميل جدا والله يعني والله بجد انا مبسوط دي تبقى اخر رسالة يعني. شاب اهو زي الفل اهو اسمك ايه بقى؟ سيف - 01:12:44ضَ

سيف اهو ما عندوش سوشيال ميديا وعايش معنا اهو لسه في الكوكب ما انقرضش. اقول قولي هذا واستغفر الله العظيم لي ولكم. سبحانك اللهم وبحمدك نشهد ان لا اله الا انت نستغفرك ونتوب اليك - 01:13:18ضَ