السلام عليكم. بسم الله والحمد لله والصلاة والسلام على رسول الله في صحيح مسلم عن ابي سعيد الخدري رضي الله عنه قال قال رسول الله صلى الله عليه وسلم من رأى منكم منكرا فليغيره بيده - 00:00:00

فان لم يستطع فبلسانه فان لم يستطع فبقلبه وذلك اضعف الايمان عايزة فيه اه يعني حديث مهم جدا وفي بيان عبادة وشعيرة من شعائر الاسلام وهي دعوة الى الله والامر بالمعروف والنهي عن المنكر - 00:00:14

ربنا سبحانه وتعالى بيحب العمل ده نعم العظيم ربنا سبحانه وتعالى بيحبه ودي وظيفة الانبياء دعوة الى الله والامر بالمعروف والنهي عن المنكر فربنا سبحانه وتعالى قال في كتابه كنتم خير امة اخرجت للناس. تأمرون بالمعروف وتنهون عن المنكر وتؤمنون بالله - 00:00:33

وقال الله عز وجل ولتكن منكم امة يدعون الى الخير ويأمرون بالمعروف وينهون عن المنكر واولئك هم المفلحون وقال الله عز وجل في اية جميلة والمؤمنون والمؤمنات بعضهم اولياء بعض يأمرون بالمعروف وينهون عن المنكر ويقيمون الصلاة ويؤتون الزكاة - 00:00:56

ويطيعون الله ورسوله اولئك سيرحمهم الله. ان الله عزيز حكيم فالعبادة دي ثوابها كبير جدا عند ربنا سبحانه وتعالى وعبادة فيها ينتشر الخير في المجتمع ونحمي المجتمع من الشر ومن العقوبة من نزول العقوبة من ربنا سبحانه وتعالى - 00:01:20

فالمسلم دايما عنده اه ايجابية المسلم دايما ما بيقولش انا ما لي خليني في حالي وخلاص ودع الخلق لخالق وكل واحد حر. المسلم دايما بيمتثل قول النبي صلى الله عليه وسلم لا يؤمن احدكم حتى يحب لاخيه ما يحب لنفسه - 00:01:44

فلو انا فعلا مؤمن من من علامات كمال الايمان ان انا اتمنى لاخي المسلم المؤمن الخير وان انا انصح وان انا امر بالمعروف وانهى عن المنكر. ولما اشوف حاجة خير اشجع الناس عليها. ولما اعرف ان حاجة حرام حاجة شر احذر الناس منها - 00:02:05

دي وظيفة الانبياء ووظيفة المؤمنين من بعد الانبياء. عن عبدالله بن مسعود رضي الله عنه قال قال رسول الله صلى الله عليه وسلم ما من نبي بعثه الله الا وكان له من امته حواريون - 00:02:24

ما من نبي بعثه الله في امة قبلي وفي امة من الامم يعني الا وكان له من امته حواريون واصحاب يأخذون بسنته ويقتدون بامره قال ثم انها تخلف من بعدهم خلوف - 00:02:40

يعني يأتي جيل فاسد بعد بعد الجيل الصالح ده اللي بيشيل هم الدين ويأمر بالمعروف وينهى عن المنكر قال ثم انها تخلف من بعدهم خلوف يقولون ما لا يفعلون ويفعلون ما لا يؤمرون - 00:03:00

قال صلى الله عليه وسلم فمن جاهدهم بيده فهو مؤمن ومن جاهدهم بلسانه فهو مؤمن. ومن جاهدهم بقلبه فهو مؤمن. قال وليس وراء ذلك من الايمان حبة خردل يعني دي اقل حاجة. فلذلك انت كده تفهم الحديث. قول النبي صلى الله عليه وسلم من رأى منكم منكرا. اللي يشوف منكر - 00:03:18

هنا رؤية او سمعت شيء اتجسس عشان اعرف لأ انا وصلني منكر معين سمعت عنه او شفته بعيني من رأى منكم منكرا بشرط ان هو يكون منكر يعني فعلا حاجة حرام - 00:03:42

من رأى منكم منكرا فليغيره بيده. في امر ان انا اغير المنكر ده اغيره ايه؟ باليد. اول مرتبة من مراتب انكار المنكر التغيير باليد. والتغيير باليد هنا يكون اول حاجة بشرط - 00:03:57

القدرة والاستطاعة يعني مثلا ده لولي الامر ده مثلا لحد مسئول في مكان راعي مسؤول عن رعيته. ولي امر في البيت ولي امر في شركة ولي امر على على بلد. المهم ان هو قادر واحد في شركة معينة - 00:04:15

وقادر ان هو يغير المنكر باليد. وعنده الاستطاعة عنده القدرة طيب فان لم يستطع يعني لو حد شاف منكر وهو ما عندوش الاستطاعة ما عندوش القدرة ان هو يغير باليد - 00:04:35

يعني لو غير باليد هيترتب عليه مفسدة. اما مفسدة على الشخص او مفسدة. باي باي شكل من اشكال المفاسد فهينتقل المرتبة اللي اقل هو مش قادر يغير باليد في غير باللسان - 00:04:51

قال فان لم يستطع فبلسانه يعني ايه فبلسانه؟ اي فليغيره بلسانه هينزل المرتبة الا اقل شوية اي غير باللسان يعني ايه يغير باللسان؟ يعني ينصح. يزكر الناس يذكر الناس بالتقوى - 00:05:06

يذكر الناس بان ده حرام يقول للناس ربنا سبحانه وتعالى لا يحب هذا الامر ربنا سبحانه وتعالى بيحب كذا فيفكر الناس بكلام ربنا وبكلام النبي عليه الصلاة والسلام تذكير والموعظة - 00:05:25

قال فان لم يستطع فبلسانه طيب لو هو عجز يعني ما عندوش القدرة على التغيير باللسان ان هو مثلا هيترتب على الانكار اذى وهو مش هيتحمل الاذى ده وهنا في مشكلة بالنسبة له مش هيقدر مش قادر ان هو يغير بلسانه - 00:05:39

بسبب ضعف في اه عنده بسبب ظروف معينة محطوط فيها بسبب خوف بسبب اه اذى سيحصل سيتوقع حصوله مسلا او كده فقال فان لم يستطع يعني لو مش قادر يغير المنكر - 00:06:01

باللسان مش قادر يكتب حاجة مش قادر يتكلم مش قادر يدعو مش قادر ينصح فان لم يستطع فبقلبه وذلك اضعف الايمان. اي فلينكر بقلبه. يغيره بقلبه يعني اقل مرتبة زي ما جه في الحديث التاني قال فمن جاهدهم بيده فهو مؤمن - 00:06:18

من جاهدهم بلسانه فهو مؤمن ومن جاهدهم بقلبه فهو مؤمن وليس وراء ذلك من الايمان حبة خردل يعني اقل اقل درجة في الانكار اللي ما ينفعش يبقى حد تحتها هي درجة الانكار بالقلب - 00:06:41

انكار بالقلب يعني ان انا ابقى كاره المنكر ما بقاش راضي به اتمنى ان لو كان عندي القدرة والاستطاعة ان انا اغيرها آآ وده وده علامة آآ تدل على صدق ايمان الانسان. ان هو لما يشوف منكر - 00:06:59

يتضايق يغار على حرمات الله يبقى من جواه كده مش راضي مش فرحان نفسه ان المنكر ده يتشال نفسه ان هو يعمل اي حاجة ان هو ينصح الناس ان هو ياخد بايد الناس - 00:07:18

ان هو يدعو الى الله ان هو يأمر بالمعروف وينهى عن المنكر نفسه ان هو يعمل ده. لكن ما عندوش استطاعة. فيبقى كاره. فعلامة الكره حتى يظهر على وجه الانسان - 00:07:32

ان هو مش راضي مش مش حابب المنكر ده النبي عليه الصلاة والسلام كان اذا رأى شيء منكر كان يظهر على وجهه يعرف في وجهه الغضب لله. واذا رأى شيء من - 00:07:43

كانت حتى في احاديث تلاقي مثلا السيدة عائشة ترى تغير في وجه النبي عليه الصلاة والسلام لما يشوف حاجة مش عجباه حاجة منكر حاجة حرام غير وجهه عليه الصلاة والسلام ومن علامات انكار القلب ان الانسان يترك المكان - 00:07:57

يعني تلاقي واحد يقول لك ايه انا بحضر فرح وقاعد وفي اغاني ورقص وبنات ومش عارف ايه وعري ومغنيين وانا قاعد بس انا مش راضي يعني انا بنكر بقلبي. هنا الكلام ده الكلام ده مش صح - 00:08:14

هنا الكلام ده لا يستقيم. هنا لو فعلا الانسان ده صادق في انكار القلب اللي هو اصلا اقل درجة. اللي هي قال وذلك اضعف الايمان يعني اضعف مرتبة من مراتب الانكار هي الانكار بالقلب - 00:08:30

فانا مش قادر انصح الناس ومش قادر اقول لهم يا جماعة ده حرام ومش قادر اقول لهم آآ ده غلط ما ينفعش تعملوا كده وده مش من الاخلاق ومش من المروءة ومش من الدين ومش من الحياة - 00:08:47

مش قادر اعمل ده طيب انا مش قادر يبقى انكر بقلبي ان انا اتحول عن المنكر لان اما ان انا اغير المنكر او هو هيغير في يعني لو انا اتعودت ودي نقطة مهمة جدا يا شباب. ان لو انا اتعودت ان انا استسلم لوجود المنكر في حياتي - 00:08:57

فانا قاعد في وسط اصحابي فما بنصحش بسمع مثلا شتايم بسمع غيبة بسمع كلام ما بتكلمش طيب آآ بانكر بقلبي شوية ببقى متضايق وبعدين بعد شوية ايه اللي بيحصل؟ لما تتعود ان انت ما تنصحش - 00:09:16

ما تنكرش المنكر ما تذكرش الناس بالله بيبقى بعدها انت في المرتبة اللي هي الاقل لان انا انا والله متضايق من قلبي. طيب وبعدين؟ بيبتدي بعد فترة الانسان يتعود يألف المنكر. انا قاعد وما فيش مشكلة خلاص. فكنت بتضايق في البداية لما بسمع شتيمة ولا اما بسمع غيبة ولا اما بشوف معصية ولا ما بسمع خبر ولا بشوف منظر مثلا في الشارع فيه - 00:09:33

حاجة ما ترضيش ربنا سبحانه وتعالى تحس بايه ان انا متضايق كده واحس بالم في صدري واحس ان انا نفسي اغير المنكر ده. وبعدين لما الانسان بيتعود ان هو يخالط المنكر وما ينكرش لا بقلبه ولا حتى باللسان - 00:09:56

اهي ولا باللسان ولا حتى بالقلب لما يتعود على ده يبتدي يألف المنكر فالمنكر يغير فيه فالحاجات اللي هو كان شايفها حرام وبيضايق لما بيشوفها او بتضايق لما تشوف الحاجات دي حواليها مثلا في الجامعة - 00:10:12

بقى عادي يعني مش حاسس بأزمة فبقيت متعايش مع المنكر. المرحلة دي خطر لان النبي عليه الصلاة والسلام قال فليغيره بيده فان لم يستطع فبلسانه فان لم يستطع فبقلبه وذلك اضعف الايمان - 00:10:27

وفي حديث تاني قال وليس وراء ذلك حبة خردل من ايمان. يعني ما ينفعش اوصل لمرحلة ان انا آآ عادي المنكر بالنسبة لي عادي الاخطر من ده ان الانسان يرضى بالمنكر - 00:10:45

لذلك النبي عليه الصلاة والسلام قال في حديث في السنن في معنى الحديث ان الانسان مثلا سمع مثلا عن منكر معين حفلة فيها رقص وشرب وسكر ومش عارف ايه وهو اختلاط وكلام ما يرضيش ربنا سبحانه وتعالى. وسمع عنها - 00:10:59

هو ما حضرش يعني هو ما حضرش الحفلة دي لكن والله قال لك يا عم آآ سيب الناس تفرفش والناس تتبسط وكان يعني مش متضايق راضي يعني راضي وفرحان وسعيد - 00:11:19

واحد سمع ايه ان في آآ حاجة اسمها شذوذ ومش عارف ايه وناس بتعمل آآ شهر كده بيحتفلوا بالعلاقات حاجة حرام فهو قال لك يا عم حرية وخليهم يتبسطوا. فهو عمل ايه؟ هو مش بس تعايش مع المنكر. لا ده بقى راضي به. مقر بالمنكر ده - 00:11:34

راضي فهنا الخطر ايه؟ ان اللي غاب عن المنكر غاب عن الفاحشة دي فرضيها كان كمن حضرها. كأنه حضر ان هو راضي مقر قلبه حابب يقول لك خلي الناس تفرفش كده وتتبسط وتهيص وعادي يعني الدين يسر برضه - 00:11:56

طيب في واحد تاني هو اتحط في موقف شاف منكر قدامه ما عرفش ينكره. او او سمع حاجة وهو مش قادر. او مسلا كان في كان وحصل موقف حصل منكر قدامه وهو ما قدرش يتحول عنه او يمشي عن المكان ده لكن هو من جواه كاره للحرام اللي حصل ده. وكاره - 00:12:19

او الزلم اللي حصل ده. فهو من جواه كاره. حتى اللي شهد ده ولو كان كاره كان كمن لم يشهدها فده معنى مهم ولزلك حد يجي دلوقتي يقول كل ما تيجي تتكلم مسلا او تنصح الناس تأمر بالمعروف وتنهى عن المنكر يقول لك انت ما لك - 00:12:39

انت شاغل نفسك ليه؟ ما تخلي كل واحد في حاله. انت آآ يعني ربنا رب قلوب. وبعدين آآ انت مش انت لا هتحاسب الناس. ربنا هو اللي يحاسبنا. وانت يعني شاغل نفسك وقاعد تكلم الناس ليه؟ خليك في حالك - 00:13:00

وانت يعني لازم تعمل شيخ على الناس ولازم تنصح الناس وتكلم الناس خد بالك ان الكلام ده ده ده ما ينفعش يكون كلام المؤمنين ده ما ينفعش يكون كلام اه ناس اه على على دين الاسلام. ليه؟ لان ربنا سبحانه وتعالى هو اللي امرنا - 00:13:18

ان احنا ندعو الى الله وان احنا نأمر بالمعروف وننهى عن المنكر. وقال ان ده من اسباب الخير في الامة فالشخص اللي مش عايز عايز الناس كلها اه اه تكتم بقها ومحدش يتكلم ومحدش فنشوف مسلا السكر والعري - 00:13:35

الفجور والفواحش وكده ما تتكلمش ما تفتحش بقك. ليه خلي الناس كل واحد حر انت بتحشر نفسك في حياة الناس ليه؟ فتيجي تقول للبنت اتحجبي. هو انتم ما عندكوش غير البنات - 00:13:52

ما عندكوش غير المرأة طب فييجي تقول له آآ فلان نصلي هو انتم مش خلاص الناس طلعت القمر وانتم لسة بتتكلموا في الصلاة! طب انت عايز ايه دلوقتي يعني انت مش عايز اي حد ينصح ولا يتكلم - 00:14:05

يعني انت ساكت وراضي ومقر بالمنكر ومش عايز كمان اي حد يتكلم ولا ينصح وده يعني ربنا سبحانه وتعالى حكى لنا نموزج زي ده قصة من قصص القرآن في بني اسرائيل. قال تعالى واسألهم عن القرية التي كانت حاضرة البحر. اذ يعدون في السبت اذ تأتيهم حيتانهم يوم سبتهم - 00:14:19

ان شاء الله ويوم لا يسبتون لا تأتيه. كذلك نبلوهم بما كانوا يفسقون. ابتلاء بان الرزق الحلال بقى صعب محتاج تعب السعي للرزق والرزق الحرام بقى سهل. اذ تأتيهم حيتانهم يوم سبتهم شرعا. وهم محرم ان هم يصطادوا في يوم السبت. ويوم لا يسبتون لا تأتيهم - 00:14:41

كذلك نبلوهم بما كانوا يفسقون. بسبب الفسق فالعقاب كان بسبب ان هم فاسقين اصلا قوم فاسقين ربنا سبحانه وتعالى ابتلاهم بالامر ده قال واذ قالت امة منه. يعني في ناس - 00:15:06

بتنصح في ناس بتعتدي في السبت وفي ناس الفئة التالتة اذ قالت امة منهم دول راحوا للناس المصلحين الناس اللي بتأمر بالمعروف وتنهى عن المنكر اذ قالت امة منهم واذ قالت امة منهم لم تعظون قوما الله مهلكهم او معذبهم عذابا شديدا - 00:15:24

راحوا للناس يقولوا لهم انتم بتنصحوا الناس ليه؟ وبتكلموهم ليه؟ ليه ما تعظون قوما الله مهلكهم؟ او معذبهم عذابا شديدا؟ يعني ما تسيبوهم خلاص ربنا يعذبهم وخلاص. شغل نفسك ليه؟ اهل الايمان ردوا عليهم قالوا ايه؟ قالوا معذرة الى ربكم - 00:15:43

احنا بننصح علشان نقدم العزر بين يدي الله ان احنا لما نيجي يوم القيامة نقول له يا رب والله احنا حاولنا نعمل اللي علينا. قالوا معذرة الى ربكم ولعلهم يتقون. لعل ان احنا لما نقول لهم حاجة الكلمة ممكن ربنا سبحانه وتعالى يجعلها سبب تفتح قلوب الناس - 00:16:04

واحد يهتدي بسبب الكلمة دي فانت ليه عايز تمنع الخير عن الناس؟ قال تعالى فلما نسوا ما ذكروا به انجينا الذين ينهون عن السوء واخذنا الذين ظلموا بعذاب بئيس بما كانوا يفسقون - 00:16:25

انجينا الذين ينهون عن السوء فمن اسباب النجاة عشان ربنا ينجيك ان انت تتمسك بالشعيرة دي ان انت تأمر بالمعروف وتنهى عن المنكر ولذلك ترد على الانسان التاني اللي هو عايز آآ يعمل - 00:16:41

زنوب ومعاصي ويفجر في المجتمع ويعمل فواحش في المجتمع زي ما هو عايز ومش عايز حد يقول له انت بتعمل ايه ولا ان ده حرام ولا ان ده ما يرضيش ربنا - 00:16:56

سبحانه وتعالى ومش عايز يسمع كلمة حلال وحرام ولا يسمع اي موعظة ولا تذكير اصلا فالشخص ده تقول له لأ خد بالك انت المعصية بتاعتك مش مش الوبال بتاعها والاثم بتاعها والضرر بتاعها - 00:17:06

مش هيعود على عليك انت بس. ده انت بتؤثر علي بتؤثر على المجتمع كله عشان كده النبي عليه الصلاة والسلام قال قال مثل القائم على حدود الله والواقع فيها كمثل قوم استهموا على سفيه. حديث البخاري - 00:17:23

اه قال رسول الله صلى الله عليه وسلم مثل القائم على حدود الله والواقع فيها كمثل قوم استهموا على سفيه قال فاصاب بعضهم اعلاه وبعضهم اسفلها. يعني عملوا ناس كانوا هيركبوا في سفينة فعملوا قرعة - 00:17:42

استهمه على سفينة فاصاب بعضهم اعلاها في ناس طلع في القرعاة ان هم هياخدوا اعلى السفينة واصاب بعضهم اسفلها اسفل السفينة فكان الذين في اسفلها اذا ارادوا ان يستقوا من الماء مروا على من فوقهم عايزين يشربوا مية فيطلعوا على فوق - 00:18:02

هيجيبوا الماية وهينزلوا وهيبقى فيه هيبقى في بهدلة ويوقعوا ماية وتعب فقالوا لو انا خرقنا في نصيبنا خرقا قال له بدل ما احنا نطلع ونبزل مجهود ونتعب ونضايق الناس اللي فوق. طب ما نعمل ايه - 00:18:28

فتحة كده عندنا في السفينة. لو انا خلقنا في نصيبنا خرقا ولم نؤذي من فوقنا. احنا ما عملناش حاجة برضه ده ده في النصيب بتاعي. في نصيب بنا هذا خطأ - 00:18:46

فقال صلى الله عليه وسلم فان يتركوهم وما ارادوا هلكوا جميعا يعني لو سابه ان هو يعمل اللي هو عايزه وعايز يعمل خرق في السفينة. السفينة كلها هتغرق وقال فان يتركوهم وما ارادوا هلكوا جميعا. قال وان اخذوا على ايديهم - 00:18:58

لو نهوهم قالوا لهم لا ما ينفعش. انت كده هتغرق السفينة كلها ان اخذوا على ايديهم نجوا ونجوا جميعا نجوا ونجوا جميعا. فلذلك الانسان يفهم ان ان ده مؤثر في المجتمع كله - 00:19:19

ان المعصية لما بتنتشر انت بتتضرر انت دينك بيتأثر ولادك بعد كده في المستقبل فاحنا محتاجين ان احنا نرجع تاني ننصح ونأمر بالمعروف وننهى عن المنكر طبعا بالحكمة والموعظة الحسنة والرفق واللين - 00:19:35

وان انت فعلا تتعلم وتستعمل الادلة وتستعمل اسلوب النبي عليه الصلاة والسلام في الانكار وفي النصح وتتعلم ده وتقرأ كتب فيه ازاي النبي عليه الصلاة والسلام كان بينصح الناس وكان بيرتب - 00:19:54

المنكر درجات المنكر ودرجات الناس في الانكار وازاي الحكمة تكون قال تعالى ادع الى سبيل ربك بالحكمة والموعظة الحسنة وجادلهم بالتي هي احسن فده امر لازم الانسان يفهمه يعني مش معنى فكرة انكار المنكر احيانا لما اي حد يسمع كلمة انكار منكر دايما ايه ييجي في في تصور في الزهن ان في - 00:20:09

ادا وفي عنف وفي ضرب وفي لأ الهدف من انكار المنكر ايه الهدف من الدعوة الى الله ايه الهدف من الدعوة الى الله باختصار ان انا انا بحب لك الخير - 00:20:36

وانا نفسي ان الحاجة اللي ربنا علمها لي دي ان انا اخد بايدك وان انت تتعلمها انا شايفك انت بعيد عايزك تشدني. لان انا ممكن ابقى في يوم تاني انا بعيد ومحتاج حد يقول لي كلمة يذكرني. فالذكرى تنفعني - 00:20:50

ولما انا اعمل كده مع الناس تكون سبب لهدايتي. لان الجزاء من جنس العمل زي ما ابن القيم قال ان من اسباب الهداية ان الانسان يدعو الى الله. لان زي ما انا بحاول ارشد الناس وانشر سنة النبي عليه الصلاة والسلام. واعلم الناس ربنا سبحانه وتعالى - 00:21:05

يمن علي بالهداية زي ما انا كنت سبب في هداية الناس ربنا سبحانه وتعالى يمن علي بالهداية. فما تحرمش نفسك من الاجر ده. وسيبك من اي حد حد بيقول لك انت بتتكلم ليه ودعا لخلق الخالق وما لكش دعوة وسيب الناس في حالها ما تسمعش كلامه لا تلتفت - 00:21:26

هذا انسان عليك ان انت تعلم انصح تأمر بالمعروف وتنهى عن المنكر بالحكمة والموعظة الحسنة. مش عارف الدليل. مش عارف ان دي حاجة حرام. ما تتكلمش في حاجة ما اعرفهاش - 00:21:45

قولوا والله مسلا ابعت له مسلا مقطع لحد من العلماء بيبين ان الحاجة دي فعلا حرام مش متأكد من حاجة حاجة فيها خلاف قوي بين اهل العلم لأ لكن حاجة انا شايف ان هي منكر - 00:21:56

واحد مثلا بيشرب واحد بيزني واحد راح يقتل واحد بيظلم انسان عارف ان ده حاجة حرام واحدة لابسة لبس ما يرضيش ربنا شايف منكر قدامي حفلة وفي رقص وفي فجور فمنكر ما فيش حد يختلف عليه. فساعتها يبقى انا هحاول ان انا اغير انصح بالترتيب - 00:22:10

لو لو عندي القدرة والسلطة فالتغيير باليد وده من الرحمة مش قادر يبقى غير باللسان مش قادر اغير باللسان او مش قادر اكتب حاجة اعمل اي حاجة مش قادر انزل اقل درجة في مراتب الانكار - 00:22:29

ما ينفعش مؤمن يبقى تحتها اللي هو عادي يعني متعايش مع المنكر او الاقل منها كمان اللي هو يبقى مقر وراضي. دي مرحلة في غاية الخطورة اه نسأل الله سبحانه وتعالى - 00:22:46

ان يعفو عنا لان والله احنا مقصرين في النصح وفي دعوة الناس وفي الامر بالمعروف والنهي عن المنكر بنشوف حوالينا حاجات كتير ولكن مقصرين. فنسأل الله سبحانه وتعالى ان ربنا سبحانه وتعالى يعفو عنا. ويتجاوز عن تقصيرنا. وان ربنا سبحانه وتعالى يوفق هذه الامة - 00:23:03

لاعادة الشعيرة دي تاني النصح والامر بالمعروف والنهي عن المنكر. نسأل الله سبحانه وتعالى ان يتقبل منا ومنكم صالح الاعمال. اقول قولي هذا واستغفر الله تعالى لي ولكم والحمد لله رب العالمين - 00:23:23