بسم الله الرحمن الرحيم. الحمد لله رب العالمين والصلاة والسلام على اشرف الانبياء والمرسلين نبينا محمد وعلى اله وصحبه ومن اتبع هداه الى يوم الدين قال الامام الترمذي رحمه الله باب ما جاء في كلام رسول الله صلى الله عليه وسلم في السمر - 00:00:00

قال السمر قال ابن الاثير ثمروا الحديث بالليل واصل السمر لون ضوء القمر لانهم كانوا يتحدثون فيه قال عن عروة عن عائشة رضي الله عنها انها قالت جلست احدى عشرة امرأة فتعاهدن وتعاقدن الا يكتمن من اخبار ازواجهن شيئا - 00:00:22

قالت الاولى زوجي لحم جمل غث على رأس جبل وعر لا سهل فيرتقى ولا سمين فينتقل قالت الثانية زوجي لا اثير خبره اني اخاف الا ازره ان اذكره اذكر عجره وبجره - 00:00:50

قالت الثالثة زوجي العشنق ان انطق اطلق وان اسكت اعلق قالت الرابعة زوجي كليلة هامة لا حر ولا قر ولا مخافة ولا سآمة قالت الخامسة زوجي ان دخل فهد وان خرج اسد ولا يسأل عما عهد - 00:01:11

وقالت السادسة زوجي ان اكل لف وان شرب اشتف وان اضطجع التف لا يورج الكف ليعلم البث قالت السابعة زوجي غييا او عيا يا طبق كل داء له داء تشتكي او فلكي او جمع كلا لك - 00:01:33

قالت الثامنة زوجي المس ارنب والريح ريح زرنب قالت التاسعة زوجي رفيع العماد طويل النجاد عظيم الرماد قريب البيت من الناد قالت العاشرة زوجي مالك وما مالك مالك خير من زلك - 00:01:57

له ابل كثيرات المباره قليلات المسارح اذا سمعنا صوت المزهر ايقنا انهن هوالك قالت الحادية عشر زوجي ابو زرع فما ابو زرع اناس من حلي اذنيه وملأ من شحم عضديه - 00:02:18

وبجحني فبجحت الي نفسي وجدني في اهل غنيمة بشق فجعلني في اهل صهيل واطيت ودائس ومنق فعنده اقول فلا اقبح واركض فاتصبح واشرب فاتقمح ام ابي زرع فما ام ابي زرع - 00:02:39

عقولها رداح وبيتها فساح ابن ابي زرع فما ابن ابي زرع مضجعه كمسل شطبة ويشبعه ذراع الجفرة بنت ابي زرع فما بنت ابي زرع طوع ابيها وطوع امها وملء كسائها وغيظ جارتها - 00:03:02

جارية ابي زرع فما جارية ابي زرع لا تبثوا حديثنا تبثيسا ولا تنقص ميرتنا تنقيثا. ولا تملأ بيتنا تعشيش قالت ام زرع خرج ابو زرع والاوطاب تمخض فلقي امرأة معها ولدان لها كالفهيدين - 00:03:23

يلعبان من تحت خصرها برمانتين فطلقني ونكحها فنكحت بعده رجلا سري ركب شرية واخذ خطي واراح علي نعما سرية. واعطاني من كل رائحة زوجا. وقال كلي ام زرع وميري اهلك - 00:03:47

قالت فلو جمعت كل شيء اعطانيه ما بلغ اصغر انية ابي زرع قالت عائشة قال لي رسول الله صلى الله عليه وسلم كنت لك كابي زرع لام زرع طبعا ايه - 00:04:12

حديس مفهوم محتاج شرح خش على الحديس اللي بعده ماشي يا شباب واضح ناس مصدومة ولا ايه طيب ماشي انا انا بس بهزر معكم يعني انا امازحكم في كلام مش مفهوم هو الحديس كله مش مفهوم - 00:04:31

طيب صلوا على النبي هو الامام الترمزي جاب الحديس ده في اي باب يا شباب قال باب ما جاء في كلام رسول الله صلى الله عليه وسلم في السمر وقال السمر هو الحديث بالليل - 00:05:16

فجاب ايه قصة عائشة رضي الله عنها بتحكي للنبي عليه الصلاة والسلام الحديث الطويل ده يعني في وقت الليل في ليلة عائشة رضي الله عنها. عائشة رضي الله عنها قصت على النبي عليه الصلاة والسلام هذه - 00:05:31

آآ القصة هذا الحديث فهو ايه جاب ان ده من شمائل النبي صلى الله عليه وسلم ان في حسن عشرة النبي صلى الله عليه وسلم ان هو قاعد بيسمع القصة دي كلها. يعني ايه - 00:05:48

ان ان حداشر واحدة كل واحدة بتحكي عن عن زوجها اللي بتمدح واللي بتزم واللي بيلزمنا اكتر يعني فالنبي عليه الصلاة والسلام ايه يعني بيسمع ومستمع لعائشة رضي الله عنها ومركز مع الكلام - 00:06:02

وفي الاخر يقول لها كلام في غاية الرقة. في غاية اللطف فقال هذا الحديث مما ورد في سمر النبي صلى الله عليه وسلم يعني من السنة ان الانسان يسمر مع اهله مع زوجته - 00:06:21

ان هي مسلا يكون عندها نفسها تحكي نفسها تتكلم فان اه يعني لابد ان ان الزوج يتعلم الهدي ده من النبي صلى الله عليه وسلم. رغم ان النبي عليه الصلاة والسلام كان مشغول جدا - 00:06:38

يعني لو هو قال لي الراجل مسلا يقول اصل انا عندي مشاغل اصل انا عندي شغل اصل انا يعني اه دماغي في الحاجات اللي هي المهمة اكيد انت مش هتبقى مشغول اكتر من النبي عليه الصلاة والسلام - 00:06:53

واكيد دماغك مش هيبقى فيها الهموم اللي عند النبي عليه الصلاة والسلام هم نشر الدعوة وهو هو الحاكم وهو القاضي والجهاد جهاد المشركين ونشر الدين وتربية الصحابة واقامة المدينة فيعني الهموم اللي عندك اكيد مش زي الهموم اللي عند النبي عليه الصلاة والسلام - 00:07:06

ده غير حال النبي عليه الصلاة والسلام في العبادة وفي الزكر وفي الدعاء يعني اكيد احنا مش بنصلي زي النبي عليه الصلاة والسلام الصلاة في القيام الطويلة والذكر والاستغفار والدعاء - 00:07:30

فازا كان النبي عليه الصلاة والسلام اللي مشغول وعنده اه تسع نساء في الوقت اللي عائشة بتحكي فيه الحديس ده. النبي عليه الصلاة والسلام اه يعني عنده تسع نسوة ودي ليلة عائشة - 00:07:44

وكل واحدة من زوجات النبي عليه الصلاة والسلام عندها مشاعر وعندها هموم. والنبي عليه الصلاة والسلام بيحتويها عاطفيا ويسمع كلامها في قصص بتاعتها والحكايات بتاعتها ويتكلم معها فتخيل الهم ده - 00:07:59

تخيل اه اه المشاغل اللي عند النبي عليه الصلاة والسلام ما جاش مسلا السيدة عائشة جاية تحكي فقال لها ايه؟ قال لها انا انا مشغول وايه يعني مش عايز اسمع الكلام ده دلوقتي يعني عندي حاجات مهمة - 00:08:17

والحديث في اه من البداية كده في فصاحت عائشة رضي الله عنها وعلمها ان هي حفزت الكلام ده وحكيته للنبي عليه الصلاة والسلام وفي العرب كانوا اهل فصاحة. شف الالفاظ يعني لما هنشرح دلوقتي معاني الكلمات - 00:08:35

يبان لك ان ان قد ايه العرب كانت اللغة بتاعتهم يعني قوية جدا وان احنا بعيد عن لغة العرب طيب قال هذا الحديث مما ورد في سمر النبي صلى الله عليه وسلم مع بعض زوجاته - 00:08:55

مؤانسة ولطفا وهذا من حسن العشرة وطيب النفس ومراغمة الشيطان فان حديث الملح والطرف والحكايات مما تستجم به النفوس ويروح به عن القلوب وتحدث به المؤانسة وهذا كله من المقاصد الشرعية. يعني لو تلاحظوا - 00:09:09

ان احنا قلنا في في حديث قبل كده ان النبي عليه الصلاة والسلام كان يجلس مع اصحابه وكانوا يتكلمون يتحدثون عن امور الجاهلية وربما تبسم ربما آآ هم يضحكون اصحاب النبي وربما تبسم - 00:09:34

تبسم معهم فكانوا بيتكلموا في امور الجاهلية فالامور اللي فيها ملاطفة وفيها مؤانسة يعني النبي عليه الصلاة والسلام كان يجلس ما دام ما دام ما فيش كلام فيه معصية او كلام فاحش او كده فكان النبي عليه الصلاة والسلام يستمع يؤانس - 00:09:52

اه الصحابة ان هم هم حابين ان هم يتكلموا في الحاجات دي. ويتزكروا امور الجاهلية فكان النبي عليه الصلاة والسلام آآ يسمع كلامهم ويبتسم. كذلك الزوجة هي عايزة تحكي حاجة - 00:10:09

ما دام ما بتتكلمش في حاجة حرام ما بتغتبش مسلا حد او ان هي بتازم مسلا في انسان او كده. لا في الحاجات اللي زي دي النبي عليه الصلاة والسلام كان لا لا يسمع لا يقبل - 00:10:23

بل كان ينكر عليه الصلاة والسلام يعني لو زوجته هتغلط مسلا زي مسلا في حديث عائشة رضي الله عنها لما قالت للنبي صلى الله عليه وسلم حسبك من صفية كذا - 00:10:35

واشارت كده يعني ان هي قصيرة يعني اثارت بيديها ان يعني ايه؟ بتقول يعني يكفيك من عيوب صفية ان هي قصيرة فقال لقد قلت كلمة لو مزجت بماء البحر لمزجته - 00:10:48

انت قلت كلمة الاشارة اللي انت اشارتي بها دي على على صفية رضي الله عنها انتقاصا لقد قلت كلمة لو مزجت بماء البحر لو الكلمة دي اتحولت لسائل لمائع كده وحطيتها في ماء البحر - 00:11:04

لمزجتها هتغير لون وطعم ورائحة البحر النقطة دي الكلمة دي فما كنش النبي عليه الصلاة والسلام يسكت على آآ شيء من الامور المحرمة او يقبل ان زوجته تتكلم بهذه الامور - 00:11:23

لكن في الباب ده في باب ان هي ايه بتحكي قصة بتحكي كان وكان من خبر هؤلاء النسوة من نساء اهل الجاهلية بعض اهل العلم قالوا ان ده قصة من يعني قصة من الجاهلية - 00:11:42

ان انهن اجتمعن وتعاهدن الا يكتمن من اخبار ازواجهن شيئا. يعني زي من النوادر كده من القصص المشهورة اه عن النساء في الجاهلية وقد قيل ان هؤلاء النسوة كن من احدى قبائل اليمن - 00:11:59

فاجتمعنا وتعاهدنا على الصدق في الحديث عن ازواجهن فقوله او لعائشة يعني فتعاهدنا وتعاقدنا اي الزمنا انفسهن عهدا وعقدا على الصدق من ضمائرهن عقدا يعني يعني عملوا ايه اجتماع كده - 00:12:16

وايه عملوا زي اتفاق يعني عقد كده ان ما فيش واحدة هتكزب. كل واحدة هتقول الصدق طيب هيتكلموا عن ايه ايه مادة الحديث هيتكلموا عن عن الرجال كل واحدة قررت ان هي تقعد تتكلم عن زوجها - 00:12:37

عن بقى ايه الاخلاق بتاعته والطباع والمواصفات وده في غالب مجالس النساء يعني غالب مجالس النساء بتكون بيكون مادة الحديث هو الرجل يعني ايه كل واحدة بتتكلم عن جوزها بقى - 00:12:56

تقعد تقطع في فروته شوية فقال فتعاهدنا وتعاقدنا ان لا يكتمنا وفي رواية ان يتصادقن بينهن ولا يكتمن وفي اخرى ان ينعتن ازواجهن ويصدقن. كل واحدة تصف تصف زوجها وتصدق - 00:13:11

وفي اخرى فتبايعنا على ذلك خلاص اتفقوا فقالت الاولى زوجي لحم جمل غث حتى هو كاتب في الهامش تحت رواه البخاري ومسلم ورواه النسائي في الكبرى وفيه اجتمعن احدى عشرة امرأة في الجاهلية - 00:13:32

عشان ما حدش يقول مسلا هو ده مش مجلس غيبة لا مش مجلس غيبة ماشي ده مش مجلس غيبة لكن اللي احنا بنتكلم اللي انا قلته من شوية اللي هو ان البنت تقعد مسلا مع صاحباتها وتقعد كل واحدة تحكي عن عن زوجها - 00:13:53

فتزمه آآ يعني تزكره بصفات لو هو سمع الكلام ده يكرهه ده طبعا غيبة وان شاء الله في الحلقة اللي جاية حلقة وعي اللي جاية اتكلمنا عن الغيبة هتنزل يوم الخميس - 00:14:14

فاتكلمنا عن الموضوع ده بالتفصيل يعني الشاهد قال قالت الاولى زوجي لحم جمل غث يعني الاولانية بتوصف جوزها فقالت ايه؟ زوجي لحم جمل غث اي كلحم الجمل في الرداء زي اللحمة الجملي الرديئة كده - 00:14:26

مش لحمة ضاني يعني مش لحمة حلوة كده وطرية كده لأ لحمة جملي لا كلحم الضأن والمقصود منه المبالغة في قلة نفعه والرغبة عنه يعني عايز تقول ان هو ما فيش فيه مصلحة يعني ما فيش فيه نفع - 00:14:49

وان هي لا ترغب فيه زي ما الانسان كده بيزهد في اللحمة اللحمة الجملي اللحمة الجملي الرديئة ولا يرغب فيها هي بتقول ان هو ان هي ايه لا ترغب في زوجها لرداءته - 00:15:05

قال الحافظ والغث الهزيل الذي يستغث من هزاله اي يستترك ويستكره طيب يعني هل هو لحم جملي كده رديئة هزيلة وخلاص قالت لا ده ده عامل زي كأن كده ايه كيلو لحمة جملي - 00:15:21

رديئة على رأس جبل الوعر وجيت انت حطيتها على قمة جبل والجبل ده صعب جدا ان انت اه اه تصعد عليه. جبل وعر في وعورة فهي وصفت ايه زوجها ان هو لحمة جملي رديئة - 00:15:42

على رأس جبل والجبل ده مش سهل ان انت تطلعه. جبل ايه؟ وعر لا سهل فيرتقى ولا سمين فينتقل يعني لا هو الجبل سهل فتطلع عليه كده بسهولة عشان تجيب اللحمة - 00:16:04

الجمل اللي هي الرديئة دي على على مضاضة ولا سمين ولا اللحمة سمينة يعني هي لحم غاث لا هي سمينة فالانسان يبقى ايه لحمة ضاني مسلا حتة حلوة كده وطرية مسلا حتة موزة كده فعايز يطلع يبزل مجهود عشان يجيبها - 00:16:21

ولا سمين فينتقل المقصود المبالغة في تكبره وسوء خلقه فلا يوصل اليه الا بغاية المشقة ولا ينفع زوجته في عشرة ولا غيرها مع كونه مكروها رديئا يعني هي بتقول ان هو متكبر جدا زي الجبل كده - 00:16:40

مبالغة في تكبره وسوء خلقه فلا يوصل اليه الا بغاية المشقة. يعني علشان تصالحه ولا علشان ترضيه كأنها بتطلع جبل علشان هو مسلا زعلان من حاجة عشان ترضيه وتصالحه كأنها طلعت جبل - 00:17:06

سهل ولا ينفع زوجته في عشرة. عشرته ما فيش منها مصلحة ولا نفع ولا غيرها. مع كونه مكروها رديئا في نفسه يعني هو طباعه واخلاقه سيئة قال ومعنى لا ينتقل اي لا ينقله الناس الى بيوتهم ليأكلوه - 00:17:23

بعد مقاساة التعب ومشقة الوصول. يعني بعد ما انت تتعب وتطلع على الجبل عشان تجيب هتلاقي لحمة رديئة فتقول مش عايزها خلاص هي بتوصف جوزها كده يعني بل يرغبون عنه لرداءته - 00:17:48

فوصفته بالبخل والرداءة والكبر على اهله وسوء الخلق طبعا احنا بنقول ان ده مش غيبة ليه؟ لان الاخلاق المذمومة دي في النوادر وفي القصص الانسان بيتعلم منها ان المرأة اه هنا بتزم زوجها - 00:18:03

فالمفروض ان احنا واحنا بنسمع الصفات دي ان احنا نتعلم منها دي صفات مذمومة يعني هو مش مش قصة كده وخلاص بنحكيها لا فهي المرأة ذمت ذمت زوجها لان هو بخيل - 00:18:24

ولان هو متكبر ولان هو اخلاقه سيئة اه ممكن يكون في نوع من المبالغة يعني احيانا بيبقى ايه برضو المرأة او الرجل يعني في وقت الخلاف بيبقى في حالة من نوع من المبالغة كده - 00:18:41

فتيجي مسلا الست بتحكي مسلا عن عن عن زوجها او الراجل بيتكلم مسلا عن عن مراته مسلا في وقت المشكلة في وقت الخلاف فتلاقي هو بيتكلم عن شيطانة. يعني دي يعني ما فيش فيها ميزة - 00:18:59

قعد يقول ده فيها كزا وكزا وكزا فتقعد تسمع كده او هي مسلا بتتكلم عن جوزها وبيعمل وبيعمل وبيعمل هو الراجل ده يعني يعني مستحيل انه يعني ما فيش فيه ميزة خالص - 00:19:15

يعني هو انت عايشة مع شيطان في نوع احيانا بيبقى في نوع من الايه اه نوع من من المبالغة يا جماعة ما تشغلوش بالكم هي هي دي غيبة ولا يعني هو بس يعني خلينا بس نتكلم عن حاجة. ما دام النبي عليه الصلاة والسلام جلس المجلس ده - 00:19:28

يبقى ده مش مجلس غيبة ماشي يعني احنا مش اتقى من النبي ولا اورع من النبي عليه الصلاة والسلام. ما دام عائشة رضي الله عنها حكت الكلام ده قدام النبي عليه الصلاة والسلام والنبي عليه الصلاة والسلام اقرها عليه يبقى ده مش حرام مش مجلس غيبة - 00:19:53

مش مجلس غيبة ليه انا بقى اللي عندي مشكلة انا اللي مش فاهم مفهوم يا جماعة؟ هل مسلا علشان دي قصة من امور الجاهلية ودي مسلا ناس اصلا يعني مش موجودة اصلا دلوقتي ناس ماتت - 00:20:10

في حاجة من النوادر او آآ الناس دي النبي عليه الصلاة والسلام ما يعرفهاش او مسلا ده خاص بالنبي عليه الصلاة والسلام لان لان ده فيه تعليم للامة ان هم يتركوا هذه الصفات المذمومة - 00:20:24

ماشي؟ فيا ريت الناس تسمع ركز في الكلام اللي احنا بنقوله ما تشغلش بالك هو ده مجلس غيبة ولا مش غيبة؟ اكيد لو مجلس غيبة النبي مش هيقعدوا يعني خلاص؟ ريح نفسك يعني - 00:20:39

وهو في الاخر في اخر الحديس هيزكر من الفوائد هيتكلم عن المعنى ده ماشي يا شباب المهم ركزوا يعني فقال قال الحافظ اودعت كلامها تشبيه شيئين بشيئين شبهت زوجها باللحم الغث - 00:20:50

وشبهت سوء خلقه بالجبل الوعر ثم فسرت ما اجملت فكأنها قالت ما الجبل سهل فلا يشق ارتقاءه لاخذ اللحم ولو كان هزيلا ثم قالت ولا اللحم سمين فيتحمل المشقة في صعود الجبل لاجل تحصيله - 00:21:11

يعني ولا هو مسلا اخلاقه حلوة وطيب وكده فاستحمل الكم طبع الصعبين دول وخلاص ما فيش مشكلة لأ هو ما فيش فيه حاجة حلوة قال النووي رحمه الله المعنى انه قليل الخير. من اوجه - 00:21:31

يعني مش من وجه واحد لأ منها كونه كلحم الجمل لا كلحم الضأن ومنها انه مع ذلك غث مهزول رديء ومنها انه صعب التناول لا يوصل اليه الا بمشقة فدي ايه المرأة الاولى - 00:21:46

ممكن يكون ده مبالغة ممكن يكون مبالغة وممكن يكون صح لكن المعنى ان احنا نستفيده ايه؟ ان الخلق ده مذموم في الرجل والمرأة ان انت تبقى سيء الخلق مع مع زوجتك - 00:22:05

وان انت تبقى طباعك سيئة وطبعك حاد وعلشان آآ علشان تصالحك ولا عشان ترضيك كانها يعني بتطلع جبل خليك سهل ونفس الكلام الخلق ده يعني برضه في المرأة ان هي دلوقتي ايه اتقمصت زعلانة - 00:22:18

ان زوجها زعلها مسلا ولا عمل حاجة فخلاص علشان يصالحها لازم بقى يعني ايه الموضوع مش هيعدي كده بسهولة لازم تفضل بقى ايه مقموصة اسبوع وشهر وقالبة وشها ومنكدة عليه - 00:22:35

خلاص يا ستي ما تكبريش الموضوع يعني خلاص يعني يعني ما الراجل قال لك معلش انا اسف حقك علي وباس دماغك خلاص يعني يعني خليكي سهلة مش لازم ان انا ايه اقعد على كل مشكلة اعمل اعمل قصة واعمل فيلم ومش سهل ان انت تعتزر لي ومش سهل ان انت تصالحني - 00:22:50

يعني خلي الموضوع سهل يعني. لان ده العلاقات اللي زيي بتبقى مرهقة يعني علشان اه علشان انا كل مرة هغلط وعلشان اعتزر لك واصالحك انا محتاج ان انا بقى ايه ابزل مجهود يا عم ما خلاص ما انا هزهق - 00:23:08

يعني اخر لما انزل اقول لك خلاص يا عم ازعل يعني اعمل لك ايه طيب فيبقى الانسان سهل في ان هو يفتح للناس باب الاعتذار يعني فلان غلط لا هو ما ينفعش ان هو يغلط في لأ مين قال لك ان هو ما ينفعش ان هو يغلط؟ ما هو بني ادم يعني طبيعي ان هو يغلط يعني - 00:23:23

يعني زوجك اكيد هيغلط وزوجتك اكيد هتغلط يعني. هو بني ادم. يعني هو عنده نقص فلما يغلط خلاص بقى لقى انا اعلق له بقى المشنقة ولازم بقى ايه ان هو جاي يعتزر - 00:23:42

فانا مش هقبل العزر بسهولة كده لأ لازم الاول اقعد اأنب فيه واعاتب فيه انا مش مش بعاتبه عتاب كده محب مسلا علشان انا خلاص يعني بقول له مسلا ما تعملش كده تاني عشان ده ضايقني وكده. واحنا عايزين العلاقة تبقى كويسة. لا ده انا هقعد اسلخ فيه - 00:23:55

لحد لما كرهه في اليوم اللي هو جه يعتزر لي فيه فده من الاخلاق المذمومة فلو الخلق ده موجود فينا نتخلص منه يعني قبل لما تتجوزي كده ان شاء الله او حتى لو انت متجوزة يعني - 00:24:12

آآ سواء راجل بيسمع الكلام ده او امرأة تخلص من الخلق ده خليك سهل النبي عليه الصلاة والسلام قال ان ما من احد احب اليه العذر من الله سبحانه وتعالى - 00:24:25

ماشي ان ربنا سبحانه وتعالى يقبل المعاذير ويغفر الذنوب ويعفو عن السيئات من باب اولى ان الانسان يتصف بهذه الصفات يعني ماشي او حد هنا زكر لنا الحديس وان كان في ضعف يعني - 00:24:41

الا وخيرهم بطيء الغضب سريع الفيء وشرهم سريع الغضب بطيء الفيل. خيرهم بطيء الغضب يعني يعني حليم ما بيغضبش بسرعة ترييع الفئ يعني بيرجع بيتصالح بسرعة ده احسن احسن نوع من من الناس في التعامل - 00:24:58

ان هو ما بيتعصبش بسرعة يعني صعب ان انت اه ان هو يغضب وان هو اه علشان يغضب محتاج يعني انت ايه؟ تتعب شوية وايه هو سريع الفريق؟ يعني حتى لو لو اه لو زعل بيتصالح بسرعة بيرجع بسرعة - 00:25:17

وشر الناس سريع الغضب بطيء الفيء يغضب بسرعة ويقاطع ويعمل مشكلة وعلشان يرجع بقى يتصالح يقعد سنين قال واما قالت عائشة واما الثانية فقالت زوجي لا اثير خبره اي لا اظهره ولا انثره. تقول لهم انا ايه - 00:25:35

انا مش عايز اتكلم انا لو اتكلمت يعني لو حكيت لكم انا اني اخاف الا ازر لو بدأت كلام لو لو بدأت كلام عن المشاكل اللي عنده مش هسكت لو فتحت في الكلام عن عن عن عيوبه - 00:26:04

اني اخاف الا ازر اي اخاف الا اترك من خبره شيئا لو فتحت هفضل اتكلم هقول كل العيوب فاكتفت بالاشارة الى معايبه خشية ان يطول الخطب بإيراد جميعه يعني هي عايزة تقول ايه؟ هو يعني كله عيوب - 00:26:23

فالمعنى ان خبره طويل ان شرعت في تفصيله لا اقدر على اتمامه لكثرته يعني المنيل كله عيوب لو قعدت اتكلم عن عيوب هفضل قاعدة لحد الصبح بس قالت لهم ايه؟ قالت يعني لو انا هقول يعني لو هتكلم ان ازكره - 00:26:43

اذكر عجره وبجره العذر تعقد العصب والعروق في الجسد. العروق اللي مسلا اللي في الرقبة لما تبقى كده ايه بارزة كده وطالعة دي اسمها ايه؟ العجر حتى تصير ناتئة بارزة - 00:27:04

والبزر هي العروق بس اللي بتكون مسلا ايه في البطن في السرة فهي عايزة تقول ايه عايزة تقول ان هو له عيوب ظاهرة الناس كلها ايه شايفينها وفيه عيوب تانية باطنة - 00:27:23

فانا لو اتكلمت هقول الظاهر واللي مستخبي فقالت ان اذكره اذكر عجره وبجره وارادت بذلك عيوبه الظاهرة واسراره الكامنة وقيل ولعله كان مستور الظاهر رضيء الباطن. يعني هو قدام الناس - 00:27:38

يعني حاجة راجل يعني ايه اخلاق وجنتل وكريم والناس بتحبه واجتماعي واول لما يدخل من باب البيت تلاقي وشه كشر وتلاقي يعني ما حدش عارف يتكلم معه واهله خايفين منه. ومراته مش طايقة تتكلم معه - 00:27:59

ففي ناس كده هو له شخصية اجتماعية اه في وسط الشغل في وسط زمايله في وسط مكان العمل. يا شخص حبوب وظريف والناس بتحبه لكن اول لما يدخل البيت اه تلاقي شخصية تانية خالص واخلاق تانية خالص - 00:28:19

ولزلك النبي عليه الصلاة والسلام قال خيركم خيركم لاهله يعني عايز تشوف الراجل ده فعلا اخلاقه فعلا عاملة ازاي شف اسأل زوجته شف هي هي اللي تشهد الراجل ده طباعه عاملة ازاي واخلاقه عاملة ازاي. لان هو مش هيتجمل - 00:28:35

فقالت ولعله قيل ولعله كان مستور الظاهر رضيء الباطن قال ابو سعيد الضرير عنت ان زوجها كثير المعايب متعقد النفس عن المكاره قالت السالسة ونختم بها يعني زوجي العشنق زوجي العشنق - 00:28:53

وهو العشنق يعني الطويل طب يعني هو الطول ده يعني في حد ذاته مش صفة ذنب فهي عايزة تقول ان هو طويل ايه طويل بس كده شكل بس ما فيش منه منفعة - 00:29:19

وهو الطويل فهي تذم زوجها وتعني انه طويل ليس عنده اكثر من طوله بلا منفعة يعني ما فيش منه اي مصلحة غير ان هو طويل بس فهو منظر بلا مخبر - 00:29:32

يعني مش طول كده وعرض وهيبة ورأيه وشخصية لا هو هو بس طويل بس عشانك ان انطق اطلق وان اسكت اعلق. يعني هي بتتعامل معه ازاي؟ لو اتكلمت لو اتكلمت - 00:29:47

وقالت اشتكت وقالت عيوبه هيطلقها ولو سكتت واستحملت هتعيش كالمعلقة فتذرها كالمعلقة فبتقول اي ان ذكرت ما فيه طلقني وان سكت تركني معلقا لا ايما ولا ذات بعل يعني يعني هتعيش معه حياة صعبة لا هي عارفة تشتكي - 00:30:07

ولا عارفة تقول له انت عندك عيوب خايفة منه ولو ولو سكتت هتعيش معه حياة صعبة كأنها مش متجوزة لا هي لا هي مطلقة ولا هي صاحبة بعل لها زوج يعني - 00:30:34

ومنه قوله تعالى فلا تميلوا كل الميل فتذروها كالمعلقة كأنها ايه لا هي متجوزة هي مش عارفة. هي عايشة كده وخلاص فهي بتقول ان هو ايه؟ هو وزوجها طويل عشان نقضها. طويل وما فيش منه مصلحة. ومش عارفة لا عارفة لا عارفة تاخد معه حق ولا باطل ولا تتفاهم معه - 00:30:49

وبعض العلماء قالوا ان الطول ده لعشنق ده كأن فيه انقطاع بين العقل وبين القلب ان هو يعني ايه مش مش فاهمها ومش حاسس بها يعني ماشي آآ خلاص احنا ممكن ممكن نقف عند الرابعة قالت الرابعة زوجي كليل تهامة علشان ايه هو - 00:31:12

ناخد راحتنا يعني ايه الكلام فالشاهد الشاهد من الايه التلات اوصاف ان اول تلاتة صفات مدح ولا ذنب؟ اول تلاتة ذنب يعني كده ايه؟ تلاتة صفر الاولى قالت ان هو اخلاقه بخيل - 00:31:35

واخلاقه صعبة وعامل زي اللحمة الجملي الرديئة كده اللي فوق قمة الجبل والتانية قالت ان هو مليان عيوب عيوب ظاهرة وعيوب باطنة والتالتة قالت ان هو ايه آآ طويل كده طويل آآ بلا فائدة - 00:31:53

وان انا مش عارفة اتفاهم معه. يعني مش عارفة اقول له المشكلة يعني انا متضايقة ومش عارف اتكلم ان انطق اطلق هو خلقه ضيق لو اتكلمت في مشكلة هيقوم مطلقني على طول - 00:32:12

وان اسكت خلاص هعيش على مضض كده وهستحمل وهسكت هعيش حياة يعني في انفصال عاطفي ما فيش مشاعر هعيش زي المعلقة كده لا لا كأني متجوزة ولا كأني مطلقة فطبعا كل الصفات دي صفات ذم - 00:32:25

والمفروض الانسان العاقل وده بركة ان الانسان يكون له تعلق بالسنة يعني ده يعني يا جماعة سيبك من دعك من لغات الحب الخمسة والكلام الكلام الفاضي ده احنا سنة النبي عليه الصلاة والسلام فيها فيها البركة وفيها النور - 00:32:44

الزواج عبادة فما ان هي عبادة ويترتب عليها ثواب وعقاب وجنة ونار وعدل وظلم واحسان فلابد ان يكون فيها بيان في السنة علشان احنا نتعلم ازاي ان احنا نتعامل انت عايز تتربى - 00:33:01

وعايزة تتربي ازاي ان انت تكوني زوجة اه ما يبقاش مصدر التلقي بتاعك اه فلانة ولا فلانة اللي هي البلوجر اللي هي قاعدة تقول لك لا ومين قال لك ان هو ان انت تعملي كزا - 00:33:17

اتعلمي اتعلمي كلام ربنا وكلام النبي عليه الصلاة والسلام شوفي الهدي شوفي السنة وكذلك الرجل ولو البيوت لو بيوت المسلمين اتعلمت الكلام ده مش هتلاقي المشاكل اللي احنا بنشوفها دلوقتي - 00:33:32

لان اغلب المشاكل واغلب من سوء رداءة اخلاق الرجل او البخل او عدم النخوة والمروءة عدم القيام بحق القوامة هو مش مش هو مش عارف يحتوي المرأة فهي بتتمرد عليه وهي بتظهر منها الصفات السيئة او هو بيبخل عليها آآ ويحوجهها ان هي عايزة ان هي تشتغل - 00:33:47

وعايزة ان هي خايفة هي خايفة ان هو هو بخيل وما بيصرفش عليها ما بيلبيش احتياجاتها. احتياجاتها دي اللي هي يا جماعة مش بنتكلم على على التحسينات اللي هي عايزة تجيب كل سنة تغير موبايل ولا تشتري شنطة آآ ال في ولا - 00:34:13

يعني هي مش بتكلم عن ده بتكلم عن الاحتياجات العادية اللي هي هي العرف اللي هي بنت طبيعية جدا ومش مش عينها فارغة ولا هي طماعة ولا هي لا هي لها احتياجات هو بخيل - 00:34:28

فهي تحس ان هي ما بيدهاش مصروف ولا ولا في ايديها فلوس وتحس ان هي يعني مش قادرة حاسة بالعجز فتحس ان هي عايزة تشتغل علشان ابقى قوية وعشان يبقى معي فلوس - 00:34:45

فيزهر من هنا الخلل يزهر منها الخلل في البيوت ان انت بتشتغل انا بشتغل انت بتجيب فلوس انا بجيب فلوس فانت كده ما يبقاش لك ما لكش كلمة علي انا انا بصرف على نفسي واحيانا بصرف على نفسي وبصرف على العيال وهو الفلوس اللي بيجيبها بيصرفها على على الملزات الشخصية بتاعته على خروجاته - 00:34:59

على سفره وعلى اصحابه وعلى البلايستيشن وعلى القهوة وعلى السجاير فلما لما البيوت تختل الموازين فيها يحصل مشاكل فاحنا بنقرأ الكلام ده ونتعلمه علشان علشان البيت يقوم على ميزان الشرع والوحي - 00:35:21

عشان البيوت تنور ماشي يا رجالة ماشي يا شباب؟ طيب ان شاء الله هنكمل بكرة بازن الله من اول بقى ايه اول واحدة هتمدح زوجها هي اللي جاية دي. زوجي كليل تهامة لا حر ولا قر ولا مخافة ولا سآمة - 00:35:37

طيب هذا وصلى الله على نبينا محمد وعلى اله وصحبه والحمد لله رب العالمين - 00:35:56