السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد - 00:00:01

فما زلنا مع الافراح ومع شهر الفرح شهر الفرح بالقرآن وشهر الفرح بمضامين القرآن اليوم قرأ الامام صورة هي من اواخر ما نزل على النبي صلى الله عليه وسلم سورة المائدة - 00:00:20

والقرآن مأدبة الله. كما قال لنا ابن مسعود والمأدبة على قدر الادب على قدر المضيف. يعني انت لو رايح في حد عامل لك مأدبة عامل لك وليمة فعلى قدره تكون الوليمة - 00:00:42

مأدبة القرآن بتدخل انت فيها بقى تاخد مشاعر تاخد مفاهيم تاخد افكار تاخد تحليق تاخد كل حاجة. المهم ستجد ان روحك بترتحل وهتشعر بمشاعر الفرح وشفنا الاية لليهودي بيقول لعمر الاية دي لو نزلت علينا احنا كنا عملنا عيد. كنا خلينا كل سنة نجدد بسبب نزول اية - 00:00:58

من الايات دي ان احنا كل سنة لازم نفرح ونخليها هي ايه مصدر الفرح اليوم اكملت لكم دينكم يا الله سورة المائدة دي يا جماعة فعلا بتخلي كده القرآن كأنه مائدة وانت ايه تطوف حولها - 00:01:26

وجاء عن عمر انه كان يرغب آآ الناس ان يعلموا الرجال سورة المائدة فعلا تحس ان الصورة دي عاوزة رجالة عشان كده هتلاقي قال رجلان هتلاقي دايما في رجالة في العهود في مفاهيم كتيرة محتاجة رجولة وجدية وحزم - 00:01:45

لكن سبحان الله الصورة تخليك لازم تطلع حابب ربنا ولازم تطلع فرحان وآآ بتقول من كل قلبك وروحك بتهتف بالكلام ده تقول سبحان من تكلم بهذه الصورة بتقول انا فعلا حبيت اللي تكلم بالصورة دي. قد ايه ان السورة ديت - 00:02:05

بتغزيك وتنميك وترقيك الصورة دي بتفتح شهيتك للتوبة شوفوا الايات اللي ربنا سبحانه وتعالى ذكر فيها وعرى فيها اهل الباطل فقال لقد كفر الذين قالوا ان الله هو المسيح ابن مريم - 00:02:32

ثم قال لقد كفر الذين قالوا ان الله ثالث ثلاثة شوفوا الكلام ده كفروا بالله وسبه وشتمه وادعوا للمنقصة لله سبحانه وتعالى وفي الاخر بيقول ايه؟ افلا يتوبون الى الله ويستغفرونه - 00:02:53

والله غفور والله غفور رحيم. انت بتقرأ الاية ديت عرفت فعلا الصورة دي صورة الطمع سورة بتطمعك زي ما اطمعت الناس اللي قالوا ونطمع ان يدخلنا ربنا مع القوم الصالحين. احنا عندنا الطمع ده - 00:03:09

الطمع ده حلال. طمع الخليل تطمع ان يغفر لي طمع جميل هو ده الطمع بتاع سحرت فرعون لما امنوا فده الطمع الجميل الحلال اللي لازم تكون انت عندك ايه؟ رغبة فيه - 00:03:28

فلما بتقرأ الايات دي وبتسمعها من الامام خاصة لو ربنا رزقك امام او ائمة يعني ينقلونك ما بين ان تستشعر احيانا ان هذا كلام ذي الجلال سم تستشعر ان هذا كلام ذي الجمال - 00:03:44

دي متعة فلما بتسمع الوحي وبتسمع القرآن بتطمع تقول يا رب انت تكلم الذين ادعوا لك الولد وادعوا لك الصاحبة وكفروا بالله وكفروا برسول الله بتقول لهم افلا يتوبون الى الله - 00:04:04

يا رب انا مش كده يا رب انا مش كده خالص انا راجل مؤمن بك وانا راجل اهتف بالتوحيد والحمد لله انا لست ممن ابتعد عن مولاه واشرك بالله سبحانه وتعالى - 00:04:28

لما هتعيش المعنى دوت وتستحضره هتقول يا رب فيه ناس قالوا واقسموا بالله جهد ايمانهم لا يبعث الله من يموت. وانا اقسم بالله جهد ايماني انك تبعث من يموت فيا رب - 00:04:47

لا تجعلني مسلهم انت بتقول تلاقي ان الاية بتفتح نفسك وسبحان الله كل يوم في كل يوم في ليالي رمضان بلاش نقول ليالي رمضان خلينا نقول ليالي الفرح كل ليلة من ليالي فليفرحوا - 00:05:10

بتحس فعلا يعني ايه اشتياق محمد للوحي صلى الله عليه وسلم احنا شفنا النهاردة فيه ناس قد ايه في سورة المائدة كانوا يشتاقوا للوحي وعندهم شغف رهيب. الله سبحانه وتعالى بيقول عنهم. واذا سمعوا ما انزل الى الرسول ترى اعينهم - 00:05:29

تفيض من الدمع لا اله الا الله في ناس كده ربنا سبحانه وتعالى بيقول عنهم كده لو شفتهم ولما الوحي ينزل عليهم وينزل على قلوبهم عارف الحنفية لما بتتفتح بتعمل ايه؟ تفيض - 00:05:50

عارف الكوباية لما تملى العصير وتزيد عن حدها تفيض تبدأ ايه؟ تقع. الميه تقع. صح؟ العصير يبدأ يزيد فهما عندهم مشاعر جواهم لدرجة المشاعر دي لم يعد القلب يحتوي كل هذا فلابد ان يفيض هذه - 00:06:09

المشاعر تخرج برة فتبدأ ايه تطلع ممبارها تطلع الدموع تفيض من الدمع طيب ليه؟ ليه الدمع ده؟ الدمع ده جاي ليه بقى؟ مما عرفوه من الحق مما عرفوا من الحق وبدأوا يطمعوا بقى - 00:06:27

بدأوا يطمعوا يقولوا ربنا امنا فاكتبنا مع الشاهدين وما لنا لا نؤمن بالله وما جاءنا من الحق ونطمع ونطمع ان يدخلنا ربنا مع القوم الصالحين ابن عاشور له كلمة عالية قوي - 00:06:46

بيقول ايه بموضوع اه تفيض من الدمع يقول فاضت اعينهم من انفعال البهجة الله اكبر. باقول لك حصل حاجة جوة فمن الفرح انفجرت فرح اوي اوي اوي فاضت اعينهم من انفعال البهجة - 00:07:05

كان النبي صلى الله عليه وسلم بيشتاق لنزول الوحي ويتألم كلما تأخر نزول جبريل بالقرآن كيف لا يشتاق لانثى فقال لجبريل لو تأتينا اكثر مما تأتينا يا سبحان الله! تحس انك بتقول عاوز تقول للامام كده. باقول لك ايه موضوع الساعة تسعة ونص ده مش هينفع - 00:07:31

مش هينفع كده نزود شوية عاوزين يا اخي ما انا روحي بتقول اديني تاني زدني انسا زدني حبا زدني فرحا زدني تألقا تألقه هي الروح بقى قاعدة تقول له ما ما لأ انت هتعمل ايه انت هتركع - 00:07:53

لأ فسبحان الله فالنبي صلى الله عليه وسلم يقول لجبريل لو تأتينا اكثر مما تأتينا توحشا لفراقه وليطمئن قلبه بنزوله فانزل الله على لسان جبريل وما نتنزل الا بامر ربك - 00:08:10

ليس لنا من الامر شيء ان امرنا بيد الله سبحانه وتعالى العمق ده يخليك دايما انك آآ تبقى عندك نفس الافراح دي فشوفوا سبحان الله لو تأتينا اكثر مما تأتينا - 00:08:31

تحس ان الجملة دي مليانة افراح اندست في حنايا رسول الله صلى الله عليه وسلم عشان كده لما الوحي اتأخر عنه المشركين بقى فرحوا بقى وقالوا بس الوحي انقطع الوحي انقطع وبدأت كلماتهم الجارحة - 00:08:51

تزعج قلب المحب فجاءت ايات تخبر عن استمرار الوحي وبقاء الصلاة. ما ودعك ربك وما قلى الامام القرطبي دي كلمة جميلة قوي في الاية دي. قال ما ابغضك ربك منذ احبك - 00:09:10

عطاء ما فيهوش بؤس وللاخرة خير لك من الاولى سبحان الله! فعشان كده الواحد لازم يفتش هو النبي صلى الله عليه وسلم كمية الافراح ديت اللي عنده دي كانت بسبب ايه؟ الارتباط بالوحي - 00:09:29

اليوم عاوز اكلمكم على معنى جميل المعنى ده يعني سبحان الله يفرحك فرحة في من سورة المائدة برضو تحس بقد ايه هو يقلقك ويفرحك في نفس الوقت ربنا سبحانه وتعالى بيقول - 00:09:48

يا ايها الذين امنوا ده نداء للجميع بيقول لهم ايه؟ من يرتد منكم عن دينه فسوف يأتي الله بقوم يحبهم ويحبونه امسك قلبك بقى وسيب المسجد اللي بتصلي فيه وخلي روحك كده ايه تبقى كالكوكب الدري. زي ما هيجي معنا في سورة النور - 00:10:10

والله الاية ديت اه لوحدها ممكن تفرحك طول الشهر ليه بقى ان العلاقة علاقة حب كأن الله سبحانه وتعالى بيقول للمؤمنين اللي هيمشي هنجيب ناس الناس دول من هم الناس دي - 00:10:34

احنا حابينهم عشان كده كلما وجدت نفسك الطاعة قل اللهم لك الحمد ليس العجيب ان يحبونه فهو المستحق للحب من كل وجه. ولكن الحب العجاب او العجب العجاب يعني ان هو يحبك - 00:10:56

هو الذي خلقك وهداك ووفقك واجتباك ثم يحبك كان احد السلف يقول كنت اظن ان العبد هو الذي يحب الله اولا. حتى يحبه الله. حتى قرأت فسوف يأتي الله بقوم يحبهم - 00:11:16

فعلمت ان الذي يحب اولا هو الله كنت اظن ان العبد هو الذي يتوب اولا حتى يتوب الله عليه الله عليه حتى قرأت ثم تاب الله عليهم ليتوبوا. فعلمت ان الله هو الذي يلهمك التوبة - 00:11:31

كنت اظن ان العبد هو الذي يرضى عن الله اولا ثم يرضى الله عنه حتى قرأت رضي الله عنهم ورضوا عنه. فعلمت ان الله هو الذي يرضى عن العبد اولا - 00:11:48

اللهم ارزقنا حبك وتب علينا وارضى عنا واعنا سبحان الله من الحاجات الجميلة قوي اللي دايما ينشغلوا زي ربنا يعني ازاي اعرف ان ربنا بيحبني وعاوز احب ربنا ومش عارف ايه - 00:12:04

في في يوم من الايام تلميز بيسأل شيخه بيقول له كيف اعلم؟ اعلم ان الله يحبني او كنت ممن يحبهم الله قال يا بني لو لم يكن يحبك لما جعل حبه همك - 00:12:21

فمن ضمن المؤشرات والمبشرات ان جعل همك مشغول بايه هو بيحبني ولا لأ النهاردة عاوز اكلمكم اه عاوز اكلمكم النهاردة عن معنى تم اختطافه المعنى ده مهم جدا نفهمه صح - 00:12:39

لان المعنى ده تم التشويش عليه وآآ اتسرق فعاوزين نسترده استرداد حقيقي وانه يدخل عقولنا وقلوبنا دخول من خلال الوحي لا من خلال سقافة مهيمنة اما تيجي تقول للبنات وتقول للولاد - 00:13:01

يعني حب ما معنى كلمة الحب فتلاقيه عنده مفهوم عن الحب حياة الاعلام والسينما والجامعة مش الحياة القرآنية احنا عاوزين نعرف المصطلح ده ما معناه في زهنك وهل المعنى ده متوافق مع القرآن او متوافق مع الاعلام الشارع - 00:13:22

هل متوافق مع قال للوحي ولا متوافق مع السقافة الغالبة المهيمنة عشان كده اما تيجي تقول لواحدة عرفي لي الحب او تقول لواحدة عرف لي الحب. بيعرفوا على طريقة المخرجين - 00:13:49

قرية الممسلين اول ما يتبادر لزهنه العلاقة مع الايه؟ الطرف التاني. هو ده الحب تعالوا نشوف النهاردة سريعا القرآن كيف تكلم عن الحب عشان بعد كده آآ الكلام ده ما يتمش اختطافه منك - 00:14:04

القرآن يا جماعة عرض الحب بطريقة مختلفة تماما من بنى للمسلمين في منظومة مختلفة تماما عشان كده مهم قوي ان يكون تصوراتك او تصرفاتك نابعة من تصوراتك. والتصورات دي لازم تراجعها. هل التصور الداخلي اللي عندك راجع من الوحي - 00:14:23

ولا راجع منين؟ ايه مصدر المعرفة عندك لان السلوك مرآة الفكر فكرك اللي جواك ده هو انت مفلتره هل الفكر ده وحي ولا الفكر ده نزريات وعرف وبتاع في شاب النهاردة كنت اتكلم معه - 00:14:45

وامزح معه فوالدته اه ارملة. فبيقول لي انا عمري ما اسمح لامي تتزوج ده لو حصل ومش عارف ايه وكده فانا بقول له ما شاء الله عليك بس ممكن تقول لي الشعور ده فين في الوحي - 00:15:06

او فين في السيرة او السنة؟ فسكت كده شوية قال لي آآ فقلت له يا ابن الحلال مش مهم انك قرارك يكون ايه. اهم حاجة يكون قرارك ده نابع من ايه - 00:15:22

النقطة دي مهمة قوي بغض النزر بقى ايه الطرف التاني يعمل ايه بس يخلي دايما حياتك كده تعالوا نشوف الوحي بيقول لنا ايه الوحي لما اتكلم عن الحب تتفاجئ بالاتي - 00:15:36

ان المصطلح ده اكثر ما جاء كان متعلق بالله ان الله يحب ان الله لا يحب واخد بالك الاعجب بقى ان كلمة لا يحب المنسوبة الى الله اكثر من كلمة يحب - 00:15:50

قال تعالى وكلوا واشربوا ولا تسرفوا انه لا يحب المسرفين انه لا يحب الكافرين. ان الله لا يحب كل مختال فخور. ان الله لا يحب المفسدين ان الله لا يحب كل خوان كفور. ان الله لا يحب كل مختال فخور - 00:16:13

لا يحب الظالمين لا يحب المعتادين واخدين بالكم فيبقى اول حاجة ان القرآن بيربيها عندي انك تنتبه للصفات التي لا يحبها الله في حياتك وهل هي داخلة في تفاصيل حياتك ولا لأ - 00:16:34

بصوا يا جماعة اللي عنده حب فاهم كويس اوي وتبص بقى في الناحية التانية الحب اللي ايه اللي ربنا نسبه له. واحسنوا ان الله يحب المحسنين. ان الله يحب التوابين ويحب - 00:16:53

متطهرين. فالمطلوب منك انك تسجل الحب المنسوب الى الله وتشوف هتفاجئ ان اكبر الصفات المنسوبة لله في الحب صفة المحسنين ما يقرب من ست مرة والمتقين تلات مرات. المقسطين كزلك. فتسأل نفسك - 00:17:07

هل انا صفة الاحسان اللي ربنا كررها دي ان هو بيحبها؟ اول حاجة انا عارف يعني ايه الاحسان سم انا فين من الصفة دي وابدأ اشوف بقى المحسنين انهم كانوا قبل ذلك محسنين قصفتهم ايه دول؟ وابدأ اشوف الصفات بتاعتهم. هل انا منهم ولا لأ - 00:17:24

لكن مفهوم الحب عندك يكون مفهوم رومانسي انا قلقان عليك انك تلقى الله ويبقى ديت مفهمك عن الايه عن هذه الاشياء تكون مش من الوحي فاذا كان الله لا يحب كل الناس فهل انت تحب كل الناس - 00:17:46

لان بعض الناس كده ايه عنده ايه؟ التشويش ده. في حد في يوم من الايام بيقول لي ايه آآ المفترض احنا نحب كل الناس حتى العصاة حتى كزا حتى كزا - 00:18:05

في اعلامي الكل بيكرهه. فانا بقول له ايه طب انت بتحب الاعلام الفلاني فساكت كده يعني عاوز يقول لي لأ بس الراجل ده برة المشهد اه هي لو عندك مزبوطة شرعا؟ هتقول لي اه باحبه. طب بتحب الزالم فلان اللي مبهدل الدنيا ده - 00:18:15

والزلمة والناس اللي في كل حتة دول تحب السجان اللي سجن اخوك وزلمه وحبسه ومش عارف ايه تحبه هيقول لي لأ يبقى الموضوع عندك محتاج انك تراجعه بلاش يا جماعة يكون يعني المفاهيم دي - 00:18:33

الله سبحانه وتعالى يبغض الفاحش البذيء. انت تيجي تقول لي انا بحبه ده خطر المسلم العاصي يحب من وجه ويبغض من وجه يحد من وجه ويبغض من وجه في فرق بين الحب والرحمة - 00:18:50

نحن لا نحب كل الناس. ازا كان الله لا يحب كل الناس الجماعة اللي عندهم الله محبة وكله بيحب وكله بالحب الكلام ده. اولا ده مش واقع سم ده مش دينا - 00:19:06

اولا ده مش واقع سم لا ده مش دينا الله لا يحب كل الناس. فازاي انت تحب كل الناس يعني انت بتحب الزالمين والكافرين والقاتلين يقول لك لأ انا لأ انا لا احب صفات هؤلاء وانما احب اشخاصهم - 00:19:20

طيب هنقول له مين اللي قام بالصفات دي ازا يعني انت ما بتحبش الفراعنة ما بتحبش يعني جهل ابو لهب وجهل ابو جهل امال ابو جهل ده ايه بقى في فرق بين الحب والرحمة. الحب - 00:19:35

حاجة والرحمة حاجة. يعني مسلا انت شفت قطة في الشارع او كلب في الشارع في عز البرد والمطر شديد قوي والبرق شديد قوي. فانت عملت ايه؟ رحمت هذا الكلب و - 00:19:53

جبت له اكل وشرب وحطيته في مكان بعيد عن الايه عن هذه الامطار وهذه الاجواء. صح؟ فدي اسمها ايه؟ رحمة. مش اسمه حب انت بقى تحب القطة ديت ولا تحب الكائن ده - 00:20:09

الحب يكون في في القلب مكانة للذوات اللي هو من دليل الحب انك اذا رأيته استأذن استأنست به. لو ابتعد عنك تستوحشه عشان كده بنقول ان في فرق انك بتحب الخير للناس كلها ده كلام صح. اللي هي الرحمة - 00:20:24

لعلك باخر نفسك فانت ممكن تحب من وجه وتبغض من وجه. النقطة دي مهمة جدا لان فيه بعض الناس بيستعملها. العجيب بالمناسبة برضو. بالمناسبة يا جماعة اصحاب المدرسة دول اصحاب المدرسة دول - 00:20:42

اما ييجي على حد من مسلا المنتقبات ما يحبهمش تيجي تقول له يا سيدي لما تبغض سلوك المنتقبات لكن حب المنتقبات يقول لك لأ الملتحين بيبغضهم باسمائهم واخد بالكم؟ آآ السلف الصالح يبغضهم باسمائهم - 00:20:58

يا ابني ما ترسى على حل هي ترسى على حد انت فين؟ عشان هو عارف ان دي كلها مناهج ارضية واهواء ازا عشان ما اضيعش وقت يبقى اول حاجة اما تيجي تتبع الحب في الكتاب هتلاقي ان الحب منسوب لله سبحانه وتعالى فده تصور مهم - 00:21:16

التصور التاني ان ان هتلاقيه في القرآن هتلاقي طبيعة حب المؤمن لله. في حب الله من الواجبات الشرعية. شوفوا الاية اللي احنا قلناها من شوية من يرتد منكم عن دينه فسوف يأتي الله بقوم يحبهم ويحبونه - 00:21:34

الاية دي يا جماعة هيجت هيجت اي واحد يبعد عن الله سبحانه وتعالى. ليه كان الاية دي بتقول ايه ان المحب لا يرتد ابدا عن محبوبه ولا يبدل المحب لا يرتد ابدا عن محبوبه - 00:21:52

ولا ايه؟ ولا يبدل فالحب الحقيقي هو الذي لا يرتد صاحبه عن محبوبه ولذا القرآن يعاقب هؤلاء بان ينبهم انهم ما احبوا الله انتم لو حبيتوه ما كنتش ارتديت عن دينه - 00:22:15

واصل لكم المعنى ده لو كنتم فعلا حبيتوه ما كنتش سبت دينه ولذلك سبحان الله في اية برضو في المائدة معنيين معنا في المائدة برضو. يقول الله سبحانه وتعالى لما اراد ان يهيج المؤمنين في ترك الخمرة وانتم عارفين ان الخمرة دي عندهم زي ايه؟ زي - 00:22:34

اي شرب الماية كان العرب عندهم الخمرة ديت بديل الماء طب احنا عشان نسيبهم يخلوهم يسيبوا الماية يسيبوا الماية ديت اللي هي الخمرة يعني اللي زي الماية. يقول لهم ايه - 00:22:53

يقول لهم ان الخمرة ديت كزا وكزا شف ربنا سبحانه وتعالى يقول لهم ايه انما يريد الشيطان ان يوقع بينكم العداوة والبغضاء في الخمر في الخمر والميسر ويصدكم ركزوا يا جماعة - 00:23:06

ويصدكم عن ذكر الله وعن الصلاة. فهل انتم منتهون كأن الاية بتقول لهم ايه عارف الخمرة دي هتعمل معك ايه هتبعدك انك تقف بين يديه الخمرة دي هتبعدك انك تزكرني ويكون لسانك رطبا بزكر - 00:23:20

الخمرة دي هتبعدك عن من تحب. انا مش هقول لك حاجة تانية براحتك بس لو انت هتكمل ويصدكم عن ذكر الله وعن الصلاة. ده يكفي انك تنتهي واخدين بالكم؟ مش اللي هيروح هنعمل له وهنسوي له وهنعزبه وهنعمل له جابهم بالحب - 00:23:40

من خلال الحب اتوا فهنا سبحان الله ربنا سبحانه وتعالى بيقول لكل واحد بيفكر يسيب طريق ربنا خلي بالك انت لو كنت بتحب ما كنتش تركت. وبالمناسبة بقى هنجيب ناس - 00:24:03

هؤلاء اهل المحبة وفي صفات لهؤلاء اللي ربنا بيحبهم. صفاتهم ايه؟ واحد. ازلة على المؤمنين يا جماعة اللي بيحب ربنا بيحب المؤمنين ده قوي اللي ما فيهوش هزار انا بحب ربنا ولا احب المؤمنين ده ده انسان آآ - 00:24:17

يعني بيقول المتناقضات عشان كده يا جماعة اللي دايما اللي عنده اللي اللي بيحب الله ركزوا في الكلام ده. اللي بيحب ربنا بيتكلم كتير عن الحب في الله اللي بيحب ربنا بيتكلم كتير عن الحب بالله - 00:24:37

طيب لو ما تكلمش عن الحب في الله وهو او اتكلم وهو لا يمارس حب الله في حياته. هو بيتكلم على حب المشاكلة وحب الاستئناس وليس الحب في الله الحب في الله انك لما عرفت الله واحببته - 00:24:54

صرت تنزر لكل انسان ليه علاقة مع ربنا انه مستحق للاكرام والتقدير عشان كده من اجلال الله اجلال حملة كتاب الله عشان كده اوعى يكون ولاءك للمشاكلة والمؤانسة اكثر من ولائك لله - 00:25:11

يبقى اول صفة ازلة لكن اذلة دول اذلة من للمؤمنين واعز على مين بقى؟ زليل لاخوه ماشي؟ صح؟ لأ دليل على المؤمنين. اذلة على المؤمنين اعزة على الكافرين. طب لو ازل لو زليل لاخيه يبقى - 00:25:28

فيها قدر من الاهانة لكن على ده فيها تمكن عالي قوي. واعز على الكافرين لان الله لا يحبهم. فكيف اكون زليلا لشخص لا يحبه الله ازاي انا اكون زليل لكده - 00:25:48

يجاهدون في سبيل الله. لان يا جماعة الحب الحب بيتمسل ببزل الجهد. انا بحب ربنا؟ اه لازم هتبزل ولا يخافون لومة لائم. ليه؟ لانك كل اما هتبزل هتلاقي حد يلومك - 00:26:03

اقول لكم على حاجة يا جماعة هو لو في واحد شتم والدك عافاك الله من كل سوء واتهم والدتك بامور صعبة خالص. هترد عليه هترد عليه. طب لو رديت عليه وانتقدك الناس هيفرق معك - 00:26:20

هيفرق معك مش هيفرق معك ليه؟ هتقول ولا يهمني انتقادهم لانه لو اهمك لك انت مكانة مكانتهم مكانة الناس دي اعز عليك من مكانة والدك فكذلك ولله المسل الاعلى من يرى المنكر ولا يغيره - 00:26:36

فده مكانته بين الخلق اهم عنده من مكانة الله بين الايه؟ الخلق هو مش مشغول هو مش فارق معه عادي يوم ما يشتمه ابويا وامي هرد لكن امور خاصة بالله لا. الحب بقى يخليك لا يخافون في الله لومة لائم - 00:26:57

يبقى ده التصور التاني يعني الحب. التصور التالت في الحب ان ربنا بيقول لك في الحب لأ ده احنا ده انت مش مطلوب منك انك تحب ربنا بس. لا لا لا لأ - 00:27:17

ده ان مطلوب منك ان يكون حب ربنا احب اليك من كل شيء من المحبوبات اللي ايه؟ التمانية المشهورة. قل ان كان اباؤكم. بتحب باباك؟ اه. طيب. الطبيعي في حب فطر. صح؟ للاب - 00:27:27

الابن وابناؤكم واخوانكم وازواجكم وعشيرتكم واموال اقترفتموها يعني جبتوها بصعوبة غالية وتجارة تخشون كسادها خايف لتخسرها ترضونها سكنت والدنيا وزبطت وجبت القصر مش عارف في مدينة ايه وبتاع كل ده اه الطبيعي انك تحبه - 00:27:41

بس الخطر ان يكون التمن بس التمن حاجات دي احب اليكم من الله ورسوله وجهاد في سبيله لو ده بيحصل استنى بقى التلات اربع حاجات فتربصوا حتى يأتي الله بامره - 00:27:58

والله لا يهدي القوم الفاسقين يا ربي ربنا بيقول اللي هيبقى عنده الحب حب ربنا اقل من الدرجات التمانية دي ده من الفسق عشان كده اما يجي حد يقول لك الحب قل له والذين امنوا اشد حبا لله. اشد حبا لله - 00:28:12

فالقرآن بيقول لك خلي بالك تلات تهديدات لو الحب قل تربصوا انتظروا عقوبة ربنا والله لا يهدي فانتم في ضلال. وقوم فاسقين فمن يتصل بهذه الصفات هو من اهل الفسق - 00:28:36

احب خلي بالكم المعنى ده مهم جدا حتى الجهاد يكون احب؟ اه رغم ان الجهاد كره صح؟ ربنا قال كده. لكن بسبب حبهم لله هزبوا الطبيعة بتاعتهم والطبائع بتاعتهم هزبوها زي اللي هز بالهلع والجزع بالصلاة هزبوا - 00:28:49

هوب فصاروا يعشقون هذه العبادة يا الله عرفتم بقى ان التحكم بالحب ممكن من خلال الوحي. القضية او التصور اللي بعد كده في الوحي ان الواحد بيكلمنا عن الحب اذا كان الله احب من كل شيء فسيصير كل شيء له علاقة بالله احب من كل شيء. يعني ايه الكلام ده؟ يعني يوسف - 00:29:07

عنده ربنا احب له من كل حاجة. فعنده ان السجن اللي يقربه في علاقته بالله احب اليه مما يدعى اليه. رب السجن احب الي مما يدعونني اليه فصار بيفضل السجن مع رضا الله اكثر من حب الشهوات - 00:29:31

التانيين استحبوا الحياة الدنيا على الاخرة التصور اللي بعد كده ان ربنا بيقول ايه؟ زين للناس حب الشهوات فهنا في حب للشهوات وفي فرق يا جماعة بين حب الشهوات وحب الزوات - 00:29:48

حب الشهوات وحب الزوات. زين للناس حب الشهوات من. ماشي؟ حب الشهوات من وزكر النساء ما فيش واحد يا جماعة ييجي يقول لك انا باحب البنت دي واحد بيقول لك انا باحبها. وهو فعلا ده هو يقصد الحب ليه؟ اللي معه شهود - 00:30:07

يا جماعة هو بيحب زاته لا يحب البنت. يقصد ايه انت تحب الشهوة منها القرآن قال لنا كده فليس هناك احد من الناس لا يحب الشهوة من النساء لكن المؤمن بينفزها في مراد الله. والفاسق بينفزها في مراد غيره - 00:30:24

عشان كده اي تقرب اي واحد بيقرب قرب متعمد من الانسى فهدفه حب الشهوة اما عن الطريقة المحرمة او على الطريقة الايه؟ المباحة وده مش معناه ان العلاقة مع النساء - 00:30:41

فقط حب الشهوة لكن المهم جدا ادراك ان حب الشهوات من النساء في اي علاقة بين ذكر وانثى ده الاصل ان هي موجودة يزيد عليها بقى الرحمة والمودة ما فيش مشكلة. بس الملف ده لازم تكون مدرك ان هو موجود - 00:30:56

عشان كده لا يوجد علاقة بين ذكر وانثى خالية من الشهوة على فكرة الكلام ده انا مختلفة مع حضرتك فيه. انا مسلا على سبيل المسال يا حاجة الله يعزك. لا تقولي لي على سبيل المسال ولا على سبيل الحال. لان انا - 00:31:13

واحد انا موبايلي ما بيقفش وكل الاستشاريين اللي الناس يعني مهتمين بالباب ده الموبايل بتاعهم ما بيقفش من ناحية ايه؟ كل يوم فيه عشرين مشكلة بتيجي. كون ان حضرتك لسة يومك ما جاش فحضرتك ايه ربنا يعافيك. بس عاوز اقول لحضرتك انت واقفة في الطابور وايه - 00:31:28

هتخشي بعد كده في الايه؟ في الاتصال. وبعدين لو ربنا نجاكي الوحي يا جماعة الوحي الوحي كلي مش نازل لواحد مش نازل لحضرتك. مش نازل للاخت فلانة اللي ساكنة في المنصورة او الفيوم. لأه الوحي يشمل البشرية كلها. كون ان - 00:31:46

حضرتك فلت الاعتبارات الخاصة لا يقاس عليها فالاستسناء يؤكد القاعدة لا ينفيها الباب ده مهم جدا ان احنا ندركه هناك فرق بين حب النساء وحب الشهوة من النساء حب النساء كحب الزوج لزوجته في حب معنوي وفي حب شهوان - 00:32:04

اما الحب اللي يقول لك الحب يعمي ويصوم والحب من اول نزرة والكلام ده لأ سيبك من الكلام ده لان الحب الحقيقي بيجي من خلال ايه؟ تمام العلاقة وتمام العلاقة الصحية - 00:32:25

واخدين بالكم؟ عشان كده العرب تقول ان الجماع يفسد الحب لانه احبها لشهوتها. فلما قضى وتره فهذا الحب المبني على الصورة والشهوة حين يتزوجوا بيطلقوا اما يتطلقوا حسيا او معنويا - 00:32:40

لان ما عندوش الحب المعنوي عشان كده دايما اقول في وان شاء الله يبقى لنا درس في البلد ده ازاي تختاري شريك عمرك او العكس انت ازاي تختار شريك وطبعا الشريك هنا بمفهوم - 00:32:59

المودة والرحمة شريك الرسالة وشريك الرحمة وشريك العشرة بالمعروف لازم تبقى مدرك كويس قوي. اما تيجي تختار القرار ما تاخدهوش على النهاردة. بص قدامك بعد عشر سنين ده يصلح ان يكون اب لاولادك - 00:33:12

ولا لا؟ دي تصلح تكون ام لاولادك ولا لا؟ تقول لي اه ان شاء الله تصلح. خلي بالك دي خانة باباها ومامتها وكلمتك من وراهم وقابلتك اكثر من مرة وانت عارف كده وبعتت لك - 00:33:28

بعض الصور دي تصلح يروح يهرش بقى ايوة كده خلي بالك لازم تبقى مدرك دي ما تصلحش. وده لا يصلح للي جرأك على والدك ووالدتك وخلاكي تكسري كل الحدود ده لا يصلح - 00:33:38

هاتوا لي لأ يا عم الشيخ وان شاء الله هيصلح انا قلت لك واللي خلاص. على فكرة انا اعرف حد صلح الله يعينك ازا عشان الوقت بما ان ان احنا عدينا نص ساعة لازم اقفل دلوقتي. خلاص - 00:33:56

المهم يعني ان شاء الله ممكن نبقى نتكلم تاني في الحب في القرآن اكسر من هزا ونروح بقى لسيدنا سليمان ونتكلم على الحب اللي علاقات بين الناس والف بين قلوبهم ويا ليت - 00:34:11

تاني لم اتخذ فلانا خليلا. الشاهد اما نيجي نتكلم عن الحب يا جماعة لازم يكون تصورنا تصور نابع من القرآن ما يبقاش نابع من حاجات تانية ، لان القرآن ذكر لنا الحب النفسي زوينا لناس حب الشواذ. زكر لنا الحب الحقيقي القلبي، وجعل بينكم مودة. وقال لنا الحب - 00:34:21

نفسي ده حب كازب متصنع لان حب الشهوة هو حب للذات وليس للغير فانا بحب فتاة في الجامعة لأ انت بتحب نفسك وشهوتك ولزلك اول ما بيحصل اي لخبطة وبتاع كله فالقرآن ربانا ان ان الحب - 00:34:41

ده يا جماعة لازم يكون تصورك عنه ان القرآن لما عرض الحب اكثر ايات عن الحب هي حب الله لعبادة. وحب عباده لله او لوازم هزا الحب وان القرآن قسم لنا الحب - 00:34:59

ان في قسم يحبه الله وفي قسم يبغضه الله ربنا يتوب علينا من الاطالة في ليالي رمضان ويرزقنا اطالة الافراح. جزاكم الله خيرا. واسأل الله سبحانه وتعالى ان يسددنا واياكم. واتمنى ان تكون اللقاءات ديت فعلا مفيدة يعني. يعني ده من الاشياء - 00:35:13

لا تسلك صدري ان يكون في افادة بتعود عليكم بتفرق معكم بعد كده نفسية آآ استسمار رمضان. جزاكم الله خيرا واسأل الله ان يرزقنا واياكم حسن العمل وحسن الخلق كس الختام وحب الرحمن - 00:35:33