Baheth

والصلاة والسلام على رسول الله صلى الله عليه واله وصحبه ومن والاه وبعد اتكلمنا امبارح عن ازاي كان النبي صلى الله عليه وسلم جاعل للدعاء نصيب كبير جدا من يومه صلى الله عليه وسلم. وحاولنا مع بعض امبارح كده - 00:00:00ضَ

فلنتتبع المواطن اللي كان النبي صلى الله عليه وسلم بيدعو فيها فاحنا فوجئنا في درس امبارح ان النبي صلى الله عليه وسلم ما كانش بيعدي عليه ساعة من الساعات الا ولو في - 00:00:20ضَ

في هذه الساعة دعوة يدعو بها النبي صلى الله عليه وسلم. واتكلمنا امبارح عن قد ايه الدعاء ده ربنا سبحانه وتعالى ممكن يغير به كتير جدا من امور حياتك. بل المستحيل الله سبحانه وتعالى يغيره بالدعاء. وتكلمنا عن - 00:00:30ضَ

الدعاء في رفع البلاء عن العبد. سواء البلاء اللي نزل او البلاء اللي ممكن ينزل. نسأل الله سبحانه وتعالى لنا ولكم العافية. واتكلمنا النهاردة ازاي ندعي ربنا سبحانه وتعالى. وازاي يكون دعائي مستجاب؟ قبل ما اتكلم مع حضرتك عن ازاي يكون دعائنا مستجاب؟ عايز من البداية - 00:00:50ضَ

ما تركزش في كلمات. بعضنا بيسمع شيخ بيدعو فبيجيب بقى ما شاء الله بقى وزن وقافية وكلمات جميلة وادعية حلوة كده انا ما بعرفش اعمل ده. يا جماعة تسعين في المية من اسباب استجابة الدعاء في قلبك. مش في لسانك - 00:01:10ضَ

تسعين في المية من اسباب استجابة الدعاء في قلبك مش في لسانك. وده اللي النبي صلى الله عليه وسلم كان دايما بيلفت انظارنا ايه اليه فكان صلى الله عليه وسلم يقول ادعوا الله وانتم موقنون بالاجابة واليقين ده عمل - 00:01:30ضَ

وانت بتدعي ربنا ادعي ربنا سبحانه وتعالى بيقين وخلي عندك حسن ظن في الله ثم يقول صلى الله عليه وسلم في تكملة الحديث ادعوا الله وانتم موقنون بالاجابة واعلموا ان الله لا يستجيب دعاء من قلب ايه - 00:01:50ضَ

غافل الهي. فالنبي في الحديث ده بيقول لنا ايه مفاتيح الدعاء اللي مستجاب؟ فاول حاجة فيها قلبك وهنتكلم على حضور القلب في الدعاء وعلى قدر ما بيكون قلبي حاضر وانا بدعي على قدر ما بإذن الله يكون الدعاء - 00:02:10ضَ

ان شاء الله ده مستجاب عند الله سبحانه وتعالى. اول حاجة تعملها بقلبك هو احسان الظن في الله. قبل ما تدعي يكون عندك احساس ان الله ما وفقك لترفع يديك بالدعاء الا لانه اراد ان يستجيب لك. تحسن الظن بالله سبحانه وتعالى - 00:02:30ضَ

لو النبي يقول قال الله انا عند ظن عبدي بي. دي اعمال قلبية بحتة. تدعي ربنا سبحانه وتعالى وانت قلبك كله يقين الناس اللي وقعت في ذنب وعندها مشكلة ونفسها ربنا يتوب عليها فعمالة تدعي يا رب اغفر لي. والله العظيم ما وفقك - 00:02:50ضَ

انك ترفع ايديك علشان تقول ربي اغفر لي الا لانه يريد ان يغفر لك. فانت بتدعي ربنا اول حاجة علشان الدعاء يبقى مستجاب الاب هو اليقين واحسان الظن بالله سبحانه وتعالى. الامر التاني برضو في القلب ان قلبك ما يبقاش مشغول. ما ينفعش - 00:03:10ضَ

انت عمال تتفرج على ماتش من الماتشات وتقول يا رب قلبك لا يمكن يكون دعائي اللي هيطلع في الوقت ده مستجاب لان قلبك مش معك. قلبك مع الكورة قلبك مع الجون قلبك مع الهجمة المرتدة. قلبك مش معك. فلا يمكن في الوقت ده ممكن ربنا يستجيب. لان النبي قالها لنا ان الله - 00:03:30ضَ

الا يستجيب الدعاء اللي بالقلب ايه؟ غافل لاهي. علشان كده لما تحب تدعي ادعي في مكان قلبك يكون حاضر فيه ليه النبي قال ان دعوة المضطر مستجابة. امن يجيب المضطر اذا دعاه ويكشف السوء. ليه دعوة المضطر مستجابة - 00:03:50ضَ

لانه قلبه حاضر اوي. تخيل في يوم من الايام واحد بيعمل شوية تحاليل والتحاليل يعني الموقف ده يعني يعني حصل مع حد يعني آآ التحليلين اتلغبطوا فراح يجيب التحاليل بتاعته - 00:04:10ضَ

الدكتور بيقول له ده انت عندك سرطان في الدم. انتم متخيلين ان الصدمة دي انت عندك سرطان في الدماغ. ده ده انا ده انا جاي بسأل على املاح شوية املاح على الكلى - 00:04:30ضَ

تقول الصلوات في الدم؟ ده السرطان الدم اكيد بيزهر على الشكل انا مش شايف في شكلك يا ابني حاجة. طب تعال نعيد التحليل مرة تانية اديني بس عشر دقايق ناخد عينة الدم ونعمل التحليل مرة تانية خد عينة الدم وصاحبنا بقى في العشر دقايق انتم عارفين قلبه دلوقتي عامل ايه - 00:04:46ضَ

متخيلين قلبه في الوقت ده وضعه شكله عامل ازاي ؟ يا رب يا رب يا رب. فهنا تبقى دعوة المضطر مستجابة بدليل ان قلبه معك فانت لو عايز بالفعل دعائك يستجاب تعالى بيت ربنا علشان ما فيش حاجة تشغلك. خش اوضتك واقفل على - 00:05:06ضَ

نفسك علشان ما فيش حاجة تشغلك. كل الملهيات والمشغلات عنك اقفل عليها. خلي قلبك مشغول بالوقت ده بس بالدعاء بس والنبي يقول لنا لا يستجيب الدعاء من قلب غافل ايه؟ والقلب على قدر ما هو حاضر ليه دعوة المريض مستجابة؟ ليه - 00:05:26ضَ

ليه دعوة المريض مستجابة. ليه دعوة الصائم عند فطره مستجابة لانه قلبه معه. لان قلبه معه لك دعوة في جوف الليل مستجابة. لان الدعوة في جوف الليل ما فيش حاجة شغلاني ده انا قايم بالليل قلبي صافي بيني وبين ربنا عز وجل فانا مركز في الدعاء - 00:05:46ضَ

علشان كده ربنا ما بيكلمنا على قصة سيدنا زكريا عليه الصلاة والسلام. ليه دعاء مستجاب؟ فقال اذ نادى ربه نداء اني نداء خفية؟ العلماء بيقولوا كان النداء في جوف الليل الاخير. الناس كلها نايمة ما فيش صوت ما فيش هيصة ما فيش صوت عربيات من حوالينا - 00:06:06ضَ

استغلوا الوقت اللي يكون بالفعل قلبنا حاضر معنا فيه. تلاتة برضو متعلقة بالقلب الذل والافتقار بين ايدين ربنا عز وجل. في دعائك تذلل قوي لله فسبحانه وتعالى اظهر اوي فقرك لله سبحانه وتعالى. بين له انك محتاج له فعلا - 00:06:26ضَ

بين لله سبحانه وتعالى وقل له انا من غيرك ما اساويش. قل له نفسي وشيطاني واصحابي وقعوني في الغلط وما ليش الا انت اظهر ذلك وفقرك. والعلماء بيقولوا انك على قدر ما بتظهر فقرك يصلك ربك. قال الله عز - 00:06:56ضَ

انما الصدقات لمن؟ للفقراء. احنا هنفهمها انما الصدقات الفلوس للفقراء. قال لك لا لها معنى تاني خالص. انما الصدقات يتصدق الله باجابة الدعاء على من؟ كان فقيرا له في دعائه. علشان كده يروى عن بعض ال بيت النبي - 00:07:16ضَ

وعدم الدعاء جعفر الصادق انه كان يتذلل الى الله سبحانه وتعالى ويظهر ضعفه ومسكنه فيقول انا الفقير الذي ربيته فلك الحمد. وانا المسكين الذي ربيته فلك الحمد انا ايوة انا الفقير والمسكين. وما تنسوش ان على قدر ما انا اظهر فقري ومسكنتي بين ايدين ربنا. على قدر ما يكون الدعاء - 00:07:36ضَ

وما تنسوش ان طول ما انا بتذلل لله على قدر ما ربنا هيعطيك. قال الله ولقد نصركم الله قدر وانتم اذلة. اذ تستغيثون ربكم فاستجاب لكم. والاستغاثة بتكون بفقر ومسكنة. شف اظهر - 00:08:06ضَ

زي ما سيدنا زكريا عمل قعد يقول لربنا ايه؟ اني وهن العظم مني واشتعل الرأس شيبا ولم اكن بدعائك ربي شقيا. عمال ينظر فقره بين ايدين ربنا سبحانه وتعالى. يظهر فقره بين ايدين ربنا سبحانه وتعالى - 00:08:26ضَ

انت كمان وانت بتدعي ربنا سبحانه وتعالى ما تدعيش كده دعاء المستغني. ما يبقاش دعاء الدعاء كده ايه كده لا اظهر فقرك ومسكنتك وذلك وضعفك بين ايدين ربنا سبحانه وتعالى. لو اصبنا في يوم من الايام مرض قل له يا من - 00:08:46ضَ

بيده ملكوت كل شيء. قل له يا من له كل شيء. قل له يا من له الملك وله الحمد يا رب انا الضعيف يا رب انا المريض قل له انا المسكين انا اللي في حالي - 00:09:06ضَ

اليك تظهر ضعفك بين ايديك يرى ذلك منك. والله العظيم يكون عطاء ربنا لك كبير المثل الاعلى ما تنسوش المثل اللي جاي ده. اتنين من ولادك. ولد منهم جاي يقول لك والله انا عارف يعني - 00:09:26ضَ

عندي مشكلة في الجامعة والكتب وانا عارف ان ده يعني يا ابني عايز ايه؟ والله معلش يا وجدي انا انا بس محتاج متين جنيه اجيب بس كتب والله. وربنا يا رب يخليك لنا. انت بترده - 00:09:46ضَ

بالله عليك ترده؟ طب لو جالك واحد تاني قال لك انا ما ليش دعوة انا عايز متين جنيه دلوقتي. اقبض دماغك في اتخن حيطة ولله المثل الاعلى ولله المثل الاعلى ولله المثل الاعلى. الله يحب اذا رآك وانت رافع يديك - 00:10:06ضَ

انك تكون منكسر. حصل الانكسار القلبي ده تكون النتيجة ان الاجابة بتاعة الدعاء قريبة جدا. قريبة جدا العلماء بيقولوا لنا مثل جميل قوي يا اما ما ننساهوش. بيقولوا يا اخوانا ايه الدعاء اللي بسرعة يوصل لربنا في السما - 00:10:26ضَ

قال لك مثل الدعاء كمثل الوتر في القوس. فين زمان القوس اللي كانوا بيضربوا به السهام؟ قوة القوس ده موجودة فين؟ في الوتر بتاعه. الوتر بتاعه لو مشدود لو قوي تشده كده يطلع السهم فين؟ بعيد وبقوة - 00:10:46ضَ

طب ولو القطر لو الوتر ده رخم تكون النتيجة؟ ده انت مهما شديت فيه يدوبك هتلاقيه وقع قدامك. الدعاء علشان يوصل الى السماء محتاج للقلب القوي ده. اللي يظهر ضعفه ويظهر مسكنه ويظهر يقينه - 00:11:06ضَ

في الله سبحانه وتعالى ويحسن الظن بربنا ويكون منكسر بين ايدين ربنا سبحانه وتعالى. ساعتها الله سبحانه وتعالى يستجيب الدعاء تمام كده ؟ نعمل ايه كمان ؟ هاقول لكم على حاجة واحدة بس ونكمل ان شاء الله في الدرس الجاي باذن الله تبارك وتعالى. ايه الحاجة اللي جاية بقى - 00:11:26ضَ

عشان انا بالفعل لو عملتها ربنا سبحانه وتعالى يستجيب لي دعائي. اتكلم مع ربنا. اتكلم معه ازاي يا احمد؟ انت نفسك في ايه ؟ والله العظيم يا ابني انا داخل على عملية - 00:11:46ضَ

والدنيا دلوقتي ماديا معي واقعة شوية. ونفسي ربنا سبحانه وتعالى بقى يعني يوسع علي كده رزق. والله اعمل العملية بس ويبقى كفاية البيت موجودة. خلاص كلامك دلوقتي مع ربنا يا رب انت الرزاق - 00:12:06ضَ

يا رب ترزق الكافر اتضيع من وحدك. يا رب يا من بيدك خزائن كل شيء افتح علي من خزائن الرزق يا رب لا تحوجني لاحد. يا رب سميت نفسك الكريم فامن - 00:12:26ضَ

الي من كرمك يا منان يا منان يا رب ما من بيت الا وفيه من منتك وفضلك يا رب انزل على فمن منك وفضلك. اتكلم مع ربنا. اتكلم مع ربنا باسمائه وصفاته. قل له يا من يرزق الطير ارزقني يا رب - 00:12:46ضَ

قل له اتكلم معه. اقول ايه؟ قل اللي في قلبك. قل اللي في قلبك. اتكلم مع ربنا ودل بيقولوا عليه هو احسان الثناء على الله عز وجل باسمائه وصفاته. عندك ايه المشكلة؟ ذنب وقعت في ذنب كبير ونفسك - 00:13:06ضَ

ربنا يتوب عليك يا رب كده هو كلمه وقل له يا رب انت الغفور. غفرت يا رب القاتل المئة نفس يا رب انا ما قتلت يا رب وعدت الكفار لو امنوا بك ان تغفر لهم يا رب انا عبد موحد اغفر لي. قل له يا رب نفسي طغت علي ذنوب - 00:13:26ضَ

علي قل له يا رب انا ضعيف قدام نفسي ضعيف قدام شيطاني. وانت الغفور اغفر لي وارحمني. اتكلم مع الله. الدعاء بقدر ما انا بجتهد فيه في مسألة الثناء على الله. والكلام مع الله باسمائه الحسنى وصفاته العلى على قدر ما - 00:13:46ضَ

الدعاء مستجاب وهختم معكم بحديث ونكمل الدرس الجاي. الحديث فيه النبي صلى الله عليه وسلم بيقول لنا انه في يوم من الايام واحد بيقول اللهم اني اسألك بانك انت الله الاحد الصمد. الذي لم يلد ولم يولد. ولم يكن له كفوا احد - 00:14:06ضَ

رب اغفر لي. فقال النبي لقد دعا الله باسمه الاعظم الذي اذا سئل به اعطى واذا دعي به هو طلب ايه؟ طلب المغفرة. بس بعد ما اتكلم مع ربنا باسمائه وصفاته. فكانت النتيجة دعاؤه على طول. ادعوا - 00:14:26ضَ

يستجب لك. احنا خدنا النهاردة اربع حاجات متعلقة بالقلب وحاجة متعلقة بحسن الثناء على الله عز وجل باسمائه وصفاته. نكمل الدرس الجاي ان شاء الله ازاي يكون دعائنا دايما مستجاب. هذا وصلى الله على نبينا محمد وعلى اله وصحبه وسلم. مرة تانية بقى طب قل - 00:14:46ضَ

واحد وانا جاي قال لي اسأل الشيخ عمل جمعية عشان يطلع انا هطلع الاول. اه. ما فيش الا هي على قد ماشي. انا هتعمل لي عمرة. تقبل ولا ما تقبلش؟ وسؤال تاني. الظلم وحش - 00:15:06ضَ

طيب. طيب. حاضر. كما رأي طيب السؤال الاولاني هو دلوقتي عامل جمعية الجمعية آآ هو بيتشكل هو وزوجته. انا اللي هطلع العمرة تقول له لأ انا اللي هطلع! لأ يا بنتي انا اللي هطلع اتشاكلوا مع بعض. في النهاية كالعادة مين اللي هيمشي - 00:15:26ضَ

الحكومة مشط كلمتها فطلعت تعمل عمرة. فهل يا ترى آآ في ثواب للزوج؟ اه في ثواب للزوج ان شاء الله ولو هي وهي كمان بعد ما تخلص عمراتها تعمل له عمرة يبقى خد ثواب ان هو طلعها للعمرة وخد ثواب الايه؟ العمرة وان شاء الله يعمل جمعية تانية ويطلع يعمل ايه؟ عمرة - 00:15:46ضَ

ده السؤال الاول. السؤال التاني بيقول لو انا قاعد اتفرج على الماتش وعمال اقول سبحان الله واللهم صل على سيدنا محمد. اقول له ايه؟ ما جعل الله لرجل من قلبين في جوف. طيب بتخفف الاضرار يعني شوية ؟ ماشي يا عم متولي. هذا وصلى الله على نبينا محمد واله - 00:16:06ضَ