Baheth

السلام عليكم ورحمة الله. اهلا بكم في الدرس السادس من دروس دورة تدبر القرآن هنا هنتكلم النهاردة عن المفتاح التالت من مفاتيح التدبر وهو البحث عن العلاقة بين نهاية الاية وجسم الاية - 00:00:11ضَ

او بين نهاية الاية والايات التي تليها وده موضوع بيحتاج الى كثير جدا من التصور والتخيل لازم اتخيل الاية نصحتكم قبل كده بكتابين فادوني انا شخصيا جدا في مسألة التصور والتخيل - 00:00:26ضَ

وهم كتاب التصوير الفني في القرآن وكتاب من مشاهد يوم القيامة للشيخ سيد قطب افتح معي صورة النور ربنا سبحانه وتعالى بيعلمنا في الاية سبعة وعشرين وتمانية وعشرين وتسعة وعشرين اداب الاستئذان في دخول البيوت ودخول الاماكن - 00:00:41ضَ

هنلاقي الاية سبعة وعشرين بتقول ايه يا ايها الذين امنوا لا تدخلوا بيوتا غير بيوتكم ما تخشش بيت مش بيتك حتى تستأنسوا وتسلموا على اهلها. الاستئناس انك تعمل صوت برة يبان منه ان فيه حد ايه برة. بتخبط - 00:01:02ضَ

بتتنحنح تقول دستور يا اخوانا اي حاجة تعمل استئناس الناس تستأنس ان فيه حد واقف برة. مش تبقى واقف كده ايه ساكت وبتسمع اللي بيحصل جوة. لأ وتسلموا على السلام عليكم. ادخل استئزان - 00:01:21ضَ

ذلكم خير لكم لعلكم تذكرون ربنا بيعلمنا ازاي نستأزن وندخل فان لم تجدوا فيها احدا ما فيش حد في البيت فلا تدخلوها ما فيش حاجة اسمها اصل ما لقتش حد فدخلت. لأ انت ما لقتش حد فما تخشش - 00:01:37ضَ

فلا تدخلوها حتى يؤذن لكم. وان قيل لكم ارجعوا فارجعوا. هو ازكى لكم والله بما تعملون عليم. يعني لو حد خرج قال لك احنا اسفين جدا مش هنقدر نستقبلك دلوقتي. لو سمحت ارجع لو سمحت روح - 00:01:55ضَ

بيقول لك ايه شف نهاية الاية بقى. والله بما تعملون عليم ليه ؟ ايه بقى التفكير التدبري ليه ربنا نهى الاية دي ؟ اللي فيها ان حد ممكن يطلع يكبسني كده - 00:02:10ضَ

مش هنقدر نستقبلك روح امشي ارجع يقول لي والله بما تعملون عن يمينه لانه متوقع انا بتخيل بقى لو حد عمل كده مع حد تاني ممكن يبقى فيه ريأكشن يبقى فيه رد فعل ممكن يتخانق معه يشتمه يزق الباب ويخش بالعافية يشوف مين جوة او يرجع ويقعد في عربيته - 00:02:25ضَ

ويجيب كوباية قهوة ويقعد بقى آآ لابس طاقية وفي الضلمة قاعد بالساعتين وبالتلاتة مستني يشوف الباب هيتفتح في الاخر ومين هيخرج عشان كده ما كانوش عايزينه يخش عندهم. مسلا يعني. فازا - 00:02:47ضَ

هتجد ان انت لازم تتخيل الاية عشان تفهم ليه الاية ذيلت بذلك الاية اللي بعدها بقى من اخطر ما يمكن اية انا لا يمكن كنت اتخيل ان فيها اي روحانيات ابدا - 00:03:00ضَ

طول عمري اقراها اية فقهية تماما بتقول لي حكم آآ جواز دخول الاماكن العامة بدون استئزان ليس عليكم جناح ان تدخلوا بيوتا غير مسكونة فيها متاع لكم سوبر ماركت صيدلية مكان آآ عام - 00:03:12ضَ

ما حدش نايم جوة يعني غير مسكونة وفيها متاع لي فيها مصلحة ادخل وخلاص الاية تنتهي ازاي والله يعلم ما تبدون وما تكتمون ليه الاية بقى فكر لأ تفكير تدبري ليه الاية اللي بتكلمني عن - 00:03:34ضَ

دخول الاماكن العامة بدون استئزان ان مسموح لي تقول لي ربنا عارف انت بتكتم ايه وبتبدي ايه قدام الناس. ليه تخيل شف بقى تخيل الاية تخيل واحد واقف على باب سوبر ماركت - 00:03:56ضَ

مش راضي يدخل عمال ينده الناس جوة لو سمحت انده لي مدير السوبر ماركت ايوة هو هنا واقف هناك خالص ده وحاطط اسمه كده على الشرف اللي على صدره كده. اندهوا لي لو سمحت - 00:04:13ضَ

يا عم ادخل لا ما اقدرش ادخل. انا اصلي مسلم. ما اقدرش ادخل من غير ازن. هات لي بس المدير. المدير يجي لك نعم اؤمر اسمح لي ادخل السوبر ماركت - 00:04:25ضَ

هتدخل اصل انا راجل مسلم وما اقدرش ادخل من غير ما لازم استأزن الاول. الراجل اللي بيعمل كده بيعمل ايه ده بيستعبط يعني ايه يعني بيتصنع التقوى بقى الاية اللي هي ظاهرها معناها الظاهري بيقول لك - 00:04:37ضَ

ادخل الاماكن العامة بدون استئزان المعنى الظاهري فيها معنى باطني فيها رسالة الى قلبك. والله يعلم ما تبدون وما تكتمون اياك تتصنع كثير من التقوى حولنا مصطنعة اياك ان تتصنع التقوى - 00:04:57ضَ

اياك تتصنع التواضع تصنع التواضع اكبر نوع من انواع الكبر اكبر نوع من انواع الغرور الاية من اخطر ما يمكن معنا تفسيري التفاسير كلها تقول لك معناها اخش من غيابك العمل بدون استئذان. انما التدبر يقول لك اياك ان تتصنع التقوى - 00:05:17ضَ

ده اللي مش هتلاقيه في كتب التفسير لو فرضنا غلط غلط ايه يعني يعني ايه ايه ايه الضرر في انك تطلع برسالة من اية لقلبك بيقول لك اياك ان تتصنع التقوى - 00:05:40ضَ

اياك تتصنع التواضع ما المشكلة في ذلك يعني انا بقول هزا الكلام لبعض نيويورك ايه انت كده بتجرأ الناس على القرآن؟ لأ انا اجرأ الناس على التدبر ولا اجرأ الناس على التفسير بل ونمنع التفسير بل ونحرم التفسير لمن لا يملك ادوات التفسير - 00:05:52ضَ

من قال في القرآن برأيه فقد اخطأ ولو اصاب في التفسير اللي هيطلع لي حلال وحرام وهيتبني عليه افعال العباد. اما التدبر لن يتبني عليه افعال العباد افتح سورة الحجر الاية تسعة واربعين والاية خمسين - 00:06:09ضَ

ربنا سبحانه وتعالى بيقول نبئ عبادي اني انا الغفور الرحيم وان عذابي هو العذاب الاليم الحقيقة الاية دي انا دايما كنت اقراها وابقى متعجب جدا اول الاية مريح اوي نبئ عبادي - 00:06:28ضَ

نبئ عبادي هنا الخطاب للنبي عليه الصلاة والسلام. يا محمد نبأ عبادي اني انا الغفور الرحيم. حاجة جميلة اوي. احساس رهيب بيجي لي وبعدين وراها على طول اية وان عذابي هو العذاب الاليم - 00:06:50ضَ

كنت اسأل نفسي يا ربي ليه ما بتتركنيش استمتع بالمغفرة والرحمة بتوع الاية تسعة واربعين شوية كده قبل ما تكلمني عن العذاب ليه ما باخديش خمس ست ايات مستمتع بالمغفرة والرحمة شوية وبعد كده تكلمني عن العذاب الاليم - 00:07:09ضَ

ليه ده خلاني افكر كتير جدا اكيد في حكمة من ذلك طيب تصور كده واحد بيشتغل موزف في شركة وعمل خطأ مديره جابه وقال له بص انت طبعا عارف انك غلطت غلطة كبيرة - 00:07:28ضَ

وانا طبقا للوائح الشركة ممكن اخصم منك تلات تيام من مرتبك اتفضل على مكتبك ولكن انا هاغفر لك المرة دي وارحمك من العقاب ده. اتفضل على مكتبك ما فيش خصم - 00:07:50ضَ

ياه المغفرة بتاعة المدير دي ورحمته وعتقه للموزف من العقاب التلات تيام خصم ده حلو اوي مريح اوي لكن تخيل يكون العقوبة كانت اكبر من كده. فالمدير يقول له انت عارف كويس اوي ان الغلطة دي - 00:08:08ضَ

طبقا للوايح الشركة انا ممكن اعاقبك باني ارفدك من الشركة واقطع عيشك واقعدك في بيتكم ولكن انا هغفر لك وهارحمك من من العقاب ده اتفضل رح ارجع على مكتبك هنا المغفرة - 00:08:31ضَ

قيمتها اكبر لان العقاب اللي تم تفاديه اكبر. يبقى قيمة المغفرة والرحمة بحجم او بقيمة العقاب اللي تم تفاديه اسمع بقى لو قال له انت عارف ان الغلطة دي غلطة مش صغيرة. وانا طبقا لوايح الشركة ممكن اكلم البوليس حالا دلوقتي ييجوا ياخدوك على النيابة وتدخل السجن - 00:08:50ضَ

سنين لكني هغفر لك وارحمك من الله ارجع على مكتبك ياه دي اكبر بكتير بقى المغفرة دية لان العقاب اللي تم تفاديه اكبر بكتير جدا. شف بقى ربنا بيقول لك ايه - 00:09:14ضَ

نبئ عبادي اني انا الغفور الرحيم. وان عذابي هو العذاب الاليم. ده لسة ربنا بيتكلم عن مغفرته بانه بيتكلم عن العذاب. لان كل ما كان العذاب اليم كل ما كان قيمة مغفرة ربنا اكبر - 00:09:29ضَ

فلما ربنا يقول لي نبئ عبادي اني انا الغفور الرحيم. واشعر باستمتاع شديد وان عذابي هو العذاب الاليم. بشعر باستمتاع اكتر لاني بفهم قيمة مغفرة ربنا ورحمته من خلال الكلام عن العذاب. ده مش عذاب صغير. عذاب ربنا مش عذاب عادي - 00:09:46ضَ

ازا المغفرة والرحمة قيمتها كبيرة بقيمة بقيمة العذاب اللي تم تفاديه تعالوا ناخد تدريب الاية مية سبعة وخمسين سورة البقرة اولئك عليهم صلوات من ربهم ورحمة واولئك هم المهتدون. ابحث لي عن العلاقة بين جسم الاية اولئك عليهم صلوات من ربهم - 00:10:05ضَ

ورحمة وبين التزيين بتاعها اللي هو اولئك واولئك هم المهتدون طبعا مش واضح لان دي مش جملة قرآنية ارجع لي بقى اية لورا. الذين اذا اصابتهم مصيبة قالوا انا لله وانا اليه راجعون اولئك - 00:10:34ضَ

عليهم صلوات من ربهم ورحمة واولئك هم المهتدون برضه الجملة القرآنية مش مكتملة. ارجع كمان ولنبلونكم بشيء من الخوف والجوع ونقص من الاموال والانفس والثمرات وبشر الصابرين الذين اذا اصابتهم مصيبة قالوا انا لله وانا اليه راجعون اولئك عليهم صلوات من ربهم ورحمة واولئك - 00:10:52ضَ

هم المهتدون. اه مين بقى هم المهتدين واولئك هم المهتدون. انت عارف يعني ربنا يقول لك دول هم المهتدين. هي دي الهداية اللي هم ايه بقى قالوا انا لله وانا اليه راجعون - 00:11:15ضَ

ازا الهداية الحقيقية لمعرفة انت مين انا لله احنا ملك لربنا وانا طريقي ايه وجهتي هي الله وانا اليه راجعون ازا اللي يقول انا لله وانا اليه راجعون بايمان ومعرفة وفهم ان هو ملك لله عبد لله وهو في الطريق - 00:11:30ضَ

عائد الى الله هو ده الهداية الحقيقية وهو ده الانسان المهتدي فهمت بقى ازاي ؟ لما تيجي تطلع العلاقة بين تزييل الاية وجسم الاية لابد انك ترجع للجملة القرآنية كلها - 00:11:55ضَ

ولابد انك تبدأ تشوف ايه علاقة هذا ببقية الجملة القرآنية؟ تدريب اخر سيدنا عيسى بيقول في سورة المائدة مية وتمنتاشر ان تعذبهم فانهم عبادك وان تغفر لهم فانك انت العزيز الحكيم. على فكرة الاية ديت - 00:12:12ضَ

السيدة عائشة روت ان النبي عليه الصلاة والسلام مكث ليلة كاملة يقوم لله يصلي القيام بالاية دي. يقرأها ويبكي. يقرأها ويبكي. يقرأها ويبكي. طب وهو كان بيعيدها ليه عشان كان بيبكي - 00:12:31ضَ

انت لما اية تبكيك لما اية تحرك مشاعرك اعرف ان الاية دي بتشحنك دلوقتي بتشحن قلبك بالايمان ما تسيبهاش يفضل عيدها تاني وتالت ورابع وعاشر وعيدها مع الاية اللي قبلها وعيدها مع الاية اللي بعدها. افضل شفها في سياقها. ان الاية دلوقتي بتشحنك ما احناش مستعجلين خالص - 00:12:49ضَ

ولاد خالتك هم يختموا عشر مرات احنا مش مستعجلين. احنا هنقرأ وهنتدبر وهنسيب القرآن يغيرنا. طيب الاية دي بتقول ايه مية وتمنتاشر في سورة المائدة افتحها ان تعذبهم فانهم عبادك. وان تغفر لهم فانك انتل - 00:13:10ضَ

انا متوقع اسمع انك انت الغفور الرحيم سيدنا عيسى بيقول فانك انت العزيز الحكيم ان تعذبهم فانهم عبادك وان تغفر لهم فانك انت العزيز الحكيم. مش الغفور الرحيم اللي احنا كنا متوقعينها - 00:13:31ضَ

ليه ان تعذبهم فانهم عبادك وان تغفر لهم. فسيدنا عيسى بيتكلم عن قدرة ربنا على توقيع العقوبة فبيقول انك انت العزيز عزيز. يعني قوي لا يقهر. ان اراد توقيع العقوبة - 00:13:49ضَ

ها فهي اذا ستقع لكن قيمة المغفرة بتاعة ربنا بايه في حجم العقوبة اللي تم تفاديها ان تعذبهم فانهم عبادك وان تغفر لهم انك انت العزيز انت تستطيع انك تقهر - 00:14:10ضَ

تستطيع انك تعذب انا ادعوك يا الله يا ربي انك تغفر لهم فالكلام عن عز العزة هنا هو كلام عن قدرة ربنا في العقوبة وكلام عن قيمة مغفرة ربنا الكبيرة - 00:14:32ضَ

انه هو العزيز الذي يستطيع ان القوي الذي الذي يستطيع ان يقهر العزيز الحكيم اعلى شخص في اي دولة في قمة السلطة رئيس جمهورية ملك يعمل عفو ملكي عفو رئاسي لانه اعلى واحد - 00:14:49ضَ

فهو بالتالي يرى كل شيء من فوق. يرى مصلحة المجتمع في انه يغفر او يوقف عقوبة او يخفف عقوبة فهو اكثر الناس حكمة. فازا يقولوا ايه فهنا سيدنا عيسى يقول ايه؟ انك انت العزيز الحكيم. ازا تخفيفك للعقوبة - 00:15:07ضَ

او ازاحتك للعقوبة بالكامل هي بحكمتك لانك تعلم ولا نعلم وليس عن ضعف فهو يدعو الله انه لا يعذب بانه يقول له انت العزيز الذي تستطيع ان توقع العقوبة. وانت الحكيم الذي لا ان رحم وان غفر فلا يكون ذلك - 00:15:27ضَ

عن ضعف وانما عن حكمة فهمت دلوقتي؟ يعني احنا دلوقتي بنشوف حتى اسماء الله الحسنى المختارة في اخر كل اية مناسبتها ايه للاية نفسها تعالوا نشوف علاقة نهاية اية بما بعدها من ايات - 00:15:51ضَ

افتح لي صورة لقمان الاية تمانية والاية تسعة ان الذين امنوا وعملوا الصالحات لهم جنات النعيم خالدين فيها وعد الله حقا وهو العزيز الحكيم وهو العزيز الحكيم. ايه علاقتها باللي فات انا مش شايف اوي. طب تعال نشوف اللي جاي - 00:16:09ضَ

دي صورة لقمان الاية تمانية والاية تسعة وعشرة وحداشر واتناشر هاتهم بقى كده. وشفهم مع بعض تاني هقرا من الاول من اول الاية تمانية. ان الذين امنوا وعملوا الصالحات لهم جنات النعيم. خالدين فيها وعد الله حقا - 00:16:34ضَ

حقا وهو العزيز الحكيم. ليه اختار الاسمين دول اسمع بعدها خلق السماوات بغير عمد ترونها. والقى في الارض رواسي ان تميد بكم وبث فيها من كل داب وانزلنا من السماء ماء فانبتنا به من كل زوج كريم. ده كله كلام عن ايه؟ عن قدرة ربنا - 00:16:52ضَ

هذا يتناسب مع اسم العزيز خلق السماوات بغير عمد ترونها. والقى في الارض رواسي رمى الجبال في الارض. ان تميد بكم عشان تايه؟ تمسك الارض وبث فيها من كل دابة - 00:17:15ضَ

كل انواع الدواب في الارض ها وانزلنا من السماء ماء فانبتنا به من كل زوج كريم. كل انواع اللي طالعة دية. هذا يناسب العزة اسمع بقى هذا خلق الله فاروني ماذا خلق الذين من دونه بل الظالمون في ضلال مبين - 00:17:31ضَ

هذا يناسب اسم العزيز العزة نسمع بعد كده ولقد اتينا لقمان الحكمة يناسب اسم الحكيم. فالعزيز الحكيم جت في نهاية الاية تسعة تمهيدا وربطا بما بعدها من كلام عن قوة الله وعزة الله ومخلوقات الله العظيمة وبتمهيد - 00:17:55ضَ

كلام عن قصة لقمان الحكيم. ولقد اتينا لقمان الحكمة. كان ممكن جدا ربنا ينهي الاية تسعة باسمين تانيين مثلا ان الذين امنوا وعملوا الصالحات لهم جنات النعيم خالدين فيها وعد الله حقا وهو التواب - 00:18:19ضَ

الواحد لكن ما كانش التواب الواحد او الواحد التواب هنا لها علاقة بما يأتي بعد كده. انما العزيز لها علاقة بما اتى من الكلام عن خلق الله ومخلوقات العظيمة والحكيم لها علاقة وتمهيد بقصة لقمان الحكيم - 00:18:36ضَ

تمام؟ طيب مهم جدا بقى نفهم مع بعض ازاي نقسم الصورة الى موضوعات كل صورة تنقسم الى عدة موضوعات. كل موضوع يتكون من عدة جمل قرآنية كل جملة قرآنية ممكن تتكون من جزء من اية او من اية او من عدة ايات. تعالوا ناخد سورة النمل كمثال - 00:18:55ضَ

ونشوف تقسيم الصورة اما نمسك كده سورة النمل قدامنا هنجد ان اول ست ايات من من الاية واحد للاية ستة مقدمة للسورة. مقدمة السورة عن القرآن ودوره في حياة الناس - 00:19:19ضَ

اقراهم هتشوف كده هتلاقي من الاية واحد للاية ستة مقدمة للسورة عن القرآن ودوره في حياة الناس الحكاية تلاقي ان الاية السابعة للاية اربعتاشر جزء من قصة سيدنا موسى من الاية خمستاشر فيها ذكر لسيدنا داوود - 00:19:33ضَ

من الاية ستاشر لاربعة واربعين قصة يعني جزء من قصة سيدنا سليمان الاية خمسة واربعين الاية تلاتة وخمسين قصة سيدنا صالح من اية اربعة وخمسين لتمانية وخمسين جزء من قصة سيدنا لوط - 00:19:50ضَ

ثم الاية تسعة وخمسين سبها لوحدها دلوقتي هنرجع لها. بعد كده الاية ستين لخمسة وستين نعم الله. ستة وستين لخمسة وسبعين تكذيب الكفار البعث والحساب. سبعة وستين لواحد وتمانين دور القرآن في حياة الناس والابلاغ به - 00:20:07ضَ

اتنين وتمانين لتسعين احوال الناس بعد البعث واحد وتسعين لتلاتة وتسعين القرآن ودوره في هداية الناس مرة اخرى زي بداية السورة القرآن ودوره في حياة الناس طيب خلي بالك احنا عندنا من الاية سبعة - 00:20:24ضَ

للاية تمانية وخمسين قصص انبياء موسى داود سليمان صالح لوط احكام الاية ستين لخمسة وستين نعم الله بص على الاية اللي في وسطهم الاية تسعة وخمسين الرابط الرابط ايه بقى - 00:20:41ضَ

هتلاقي الاية تسعة وخمسين بتقول قل الحمد لله وسلام على عباده الذين اصطفى الله خير عما يشركون بعد قصص الانبياء من الاية سبعة للاية تمانية وخمسين اية تسعة وخمسين هتيجي تربط لك بين اللي فات اللي هو قصص الانبياء - 00:21:00ضَ

واللي جاي اللي هو الكلام عن نعم ربنا بتقول لك قل الحمد لله وسلام على عباده الذين اصطفى بنودع الانبياء. عباده الذين اصطفى. بنسلم عليهم وبنبدأ موضوع جديد تجد الاية تسعة وخمسين دخلة بتعمل ربط - 00:21:27ضَ

بباقي الصورة الربط اللي فات بباقي الصورة قل الحمد لله وسلام على عباده الذين اصطفى. الله خير اما يشركون. امن خلق السماوات والارض وانزل لكم من السماء ماء فانبتنا به حدائق ذات بهجة ما كان لكم ان تنبتوا شجرها. اإله مع الله - 00:21:48ضَ

بل هم قوم يعدلون وهكذا. ازا بتربط تعال نشوف الشيء المشترك في الايات كلها بتاعة سورة النمل آآ قصص الانبياء مسلا من سبعة لاربعتاشر جزء من قصة سيدنا موسى بيبدأ سبحان الله في سبع ايام بيقول لك ان سيدنا موسى في بداية - 00:22:10ضَ

النبوة بتاعته كانت ازاي؟ اذ قال موسى لاهله اني انست نارا بداية النبوة. بعد كده لما ربنا بيقول له انه يذهب الى آآ بيوري له الايات وآآ وادخل يدك في جيبك تخرج بيضاء من غير سوء في تسع ايات الى فرعون وقومه انهم كانوا قوما فاسقين. ثم بيحصل قفزة - 00:22:34ضَ

ما بيشرح لكش في الجزء دوا قصة موسى مع فرعون خالص لكن بيسيبك انت تتخيلها وبعدها يقول لك ايه وجحدوا بها واستيقنتها انفسهم ظلما وعلوا فانظر كيف كان عاقبة المفسدين - 00:22:54ضَ

الكلام عن عاقبة المفسدين امسك بعدها قصة سليمان وداوود من الاية خمستاشر الى اتنين وعشرين هتجد فيه ذكر للنملة اللي بتحذر النمل بتقول لهم ادخلوا مساكنكم لا يحطمنكم سليمان وجنوده وهم لا يشعرون - 00:23:10ضَ

يبقى بنتكلم عن عاقبة الاستهتار ووجود النمل في وسط جيش هيتحطموا في عاقبة. الكلام عن العاقبة. هتشوف سيدنا سليمان فقد الجيش بتاعه فما شافش الهدهد. قال ما لي لا ارى الهدهد ام كان من الغائبين. اية عشرين. لاعذبنه عذابا شديدا او - 00:23:31ضَ

لاذبحنه او ليأتيني بسلطان مبين. الكلام عن عاقبة الاستهتار بتاع احد جندي آآ احد جنود الجيش ازا كان مستهتر بالفعل فيجب ان يكون في اعاقة استهتاره دوا او يثبت هو كان غائب ليه ويجب ان يكون السبب بتاعه سبب جيد - 00:23:51ضَ

هنجد بعد كده الكلام عن آآ قصة ملكة سبأ وبتقول في الاية اربعة وتلاتين قالت ان الملوك اذا دخلوا قرية افسدوها وجعلوا اعزة اهلها اذلة. بتتكلم عن عاقبة دخول الملوك - 00:24:09ضَ

الى قرية اني مرسلة اليهم بهدية فناظرة بما يرجع المرسلون. مستنية العاقبة بتاعة رجوع المرسلين. كلام عن العاقبة دايما سواء في الدنيا او في الاخرة هتجد آآ الاية واحد وخمسين بتكلمنا عن قصة سيدنا صالح. وبتقول فانظر كيف كان عاقبة مكرهم. انا دمرناهم وقومهم اجمعين - 00:24:24ضَ

فتلك بيوتهم خاوية بما ظلموا ان في ذلك لاية لقوم يعلمون. كلام ايضا عن العواقب سيدنا لوط وقصة سيدنا لوط وبعدها فانجيناه واهله الا امرأته وقدرناها من الغابرين اه سبعة وخمسين ثم تمانية وخمسين وامطرنا عليهم - 00:24:48ضَ

فساء مطر المنذرين. ايضا كلام عن العواقب بالطريقة دي بقدر اطلع موضوع الصورة. انا شايف ان موضوع الصورة العاقبة عاقبة العمل آآ عاقبة الافعال آآ آآ سواء في الدنيا او في الاخرة - 00:25:06ضَ

وده الموضوع اللي بترسخه الصورة جوانا آآ انا ادعو الناس بعد الدرس ده انها تبدأ تقرأ القرآن وتطبق المفاتيح اللي قلنا عليها حتى الان خاصة المفاتيح اللي احنا وصلنا لها لحد دلوقتي سيبكم من اللي احنا ما خدناهاش لسه. لكن آآ محاولة انك تضع نفسك داخل الاية والجملة القرآنية وتشوف الرسائل المرسلة الى - 00:25:27ضَ

ايه؟ محاولة التخيل الاية محاولة فهم العلاقة بين آآ آآ ذيل الاية وجسم الاية او ذيل اية والايات التي تليها. وجزاكم الله خيرا وبارك الله فيكم ونشوفكم ان شاء الله في الدرس السابع وهيكون عن ملاحظة بناء الاية - 00:25:51ضَ

مع ملاحظة ما هو زمان وما هو مكان في الاية. وجزاكم الله خيرا. ونراكم ان شاء الله في الدرس السابع. سلام عليكم - 00:26:11ضَ