Baheth

السلام عليكم ورحمة الله وبركاته. اعوذ بالله السميع العليم من الشيطان الرجيم. بسم الله الرحمن الرحيم. الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد. هذه الليلة الخامسة من ليالي - 00:00:00ضَ

لهذا الشهر الكريم وبهذا يكون السدس الاول من رمضان قد انتهى. اسأل الله سبحانه وتعالى ان يكون قد اعتق رقابنا في هذه الليالي الماضية اسأله سبحانه وتعالى المغفرة ورفعة الدرجات في الايام القادمة باذن الله عز وجل. اه بعد - 00:00:30ضَ

بس امبارح اه جالي احد اه طلبة العلم اه ممن يطلبون علم القراءات على يد الشيخ عبدالعزيز ناغي حفظه الله. الشيخ عبدالعزيز الناغي هو احد طلبة الشيخ الزيات. وهو من كبار العلماء في علم القراءات - 00:00:50ضَ

اه فذكر لي موقف عجيب جدا. الشيخ عبدالعزيز الناغي اه كان في السعودية قعد هناك حوالي خمسة وعشرين سنة. وكان بيؤم الناس في مسجد الملك عبدالله ابن عبدالعزيز. الملك السعودي اللي توفي منذ - 00:01:10ضَ

شهرين تقريبا او تلات شهور. وهذا الرجل لا يصلي وراءه الا الامراء والوزراء. اسأل الله ان يحفظه وان يبارك في علمه وفي عمره الموقف ان الشيخ عبدالعزيز ناغي بعد ما قضى هذه الحياة في السعودية وجه هنا مصر آآ بيبني بقى بيت لنفسه عشان يقعد فيه هو واسرته - 00:01:30ضَ

واولاده شيخ كبير في السن وهو بيبني طبعا عارفين اي انسان بيبني طبعا هدومه عليها اسمنت وصبة ومش عارف ايه فالشيخ تعب جدا من الوقفة مع العمال والكلام ده. فالشيخ قعد في الجانب الاخر على الرصيف المقابل للبيت بتاعه. الشيخ متواضع جدا - 00:01:50ضَ

خد العصاية بتاعته وريح عليها شوية. فعدت امرأة فقيرة مسكينة فبصت للشيخ قالت له والله انا ما عييش الا جنيه واحد. انا كنت هروح به بس انت شكلك كده اولى بالجنيه ده. وقامت فاتحة ايدي - 00:02:10ضَ

شيخ وهو متحط فيها الجنيه وقامت مطبقة ايد الشيخ وقامت ماشية. فالشيخ طبعا يعني ايه آآ آآ اتصدم من من الموقف. طب يا حاجة اصبري يا حاجة. آآ جاب السواق بتاعه وقال له وصلها للمكان اللي هي عايزة تنزل فيه. وصلها - 00:02:30ضَ

رجع السواق فالشيخ بيسأله ايه حالها قال والله ده شكلها ست فقيرة جدا يعني معدمة تماما. وقاعدة في عشة على البحر بحر في حتة جنب المنصورة هنا في قرية جنب المنصورة. الشيخ بالليل خد السواق بتاعه وطلع على الست دي في المكان بتاعها وكان واخد - 00:02:50ضَ

الشنطة بتاعته اكل وشرب وهدوم وشوية حاجات كده. لان فعلا الموقف اللي الست الست باينة عليه الفقر جدا. امرأة فعلا معدمة معدمة. ومع ذلك بتقول للشيخ آآ والله انا ما كانش معي الا جنيه مروحة به. انت اولى به وطبقته في ايد الشيخ كده وقفلت. انت اولى به - 00:03:10ضَ

ولكن والله انا احسبها ان هي في الوقت ده كانت صادقة. احسبها فعلا كانت صادقة. الشيخ راح شاف الحالة فلاقى ان المرأة دي بتعول تلات بنات ايتام ولها بنت رابعة توفيت معها تلات بنات كمان - 00:03:30ضَ

سابتهم لهذه المرأة. والمرأة دي شغالة في السوق بتبيع شوية خضار وحاجات من كده. وبتكفل ست بنات يتامى. فالشيخ راقي جدا للحال يعني وهو واقف قدام الحالة وبيشوف الوضع والكلام ده. اتصل عليه امير سعودي. اتصل عليه عايز يعمل عمل خيري - 00:03:50ضَ

فقال له والله الوضع كزا كزا كزا وانا كنت ناوي ابني للست دي بيت كده تقعد فيه اشتري لها حتة ارض وابني لها بيت اقفله لها تقعد فيه. قال ما يبقاش دور واحد يبقى اربع تدوار له ولبناتها. بجنيه. والله العظيم - 00:04:10ضَ

انا ما قادر ادوق طعم من نوم من امبارح. والله بصدق فعلا انا مش قادر ادوق طعم النوم من امبارح من ساعة ما الاخ ذكر لي الموقف وانا عمال اقول في قلبي ونفسي هذه نظرة البشر للبشر. يعني دي نظرة الشيخ اللي امرأة - 00:04:30ضَ

احسبها ان شاء الله كانت صادقة. لما طلعت من جيبها الجنيه وحطته في ايد الشيخ ومشت. ما كانت تطلب ما تعرفش ان ده راجل غني ولا ده راجل فقير ولا هي كل اللي شايفاه انه راجل رقيق الحياة المسكين. هذه نظرة البشر دي نظرة شيخ او نظرة امير سعودي - 00:04:50ضَ

كحاله لهذه المرأة اللي الكل يحسبها في الوقت ده صادقة. فكانت النتيجة من الله عز وجل عليه بيت ومن الله عز وجل عليها بالنفقة ومن الله عليه بالمال ومن الله عليها بسعة في الرزق من بعد هذا الموقف. الشاهد اللي انا عايز اوصله لكم هذه نظرة انسان لانسان - 00:05:10ضَ

فما بالكم اذا اطلع الله عز وجل على قلوبنا في لحظة صدق واحدة؟ فرأينا فيها فعلا كان عندنا صدق او اخلاص كما كان عند هذه المرأة من صدق او اخلاص لما طلعت الجنيدة كيف سيكون الحال؟ حاتم الطائي كان بيضرب به المثل في - 00:05:30ضَ

الجود رحمة الله عليه رحمة واسعة. حاتم عفوا حاتم الاصم. حاتم الاصم عنده مبلغ قليل من المال. عايز يطلع يحس عايز يطلع يحج. المال ولا يتصرف على الاولاد المال للحج ولا يتصرف على الاولاد. فسبحان الله قرر خلاص - 00:05:50ضَ

كل العيلة قالت لأ الفلوس دي تتصرف على البيت الا بنت واحدة قالت لأ المال ده ابونا يطلع به نحج احنا مش عارفين ممكن يموت ممكن يحصل له حاجة يطلع يحج سبحان الله طلع حج والبنت بتقول الله يتولانا. ربنا عز وجل يتولانا بعد ذلك. عد الامير عطش امير البلد - 00:06:10ضَ

عطش فلما عطش بيدور يمين شمال ما فيش بيوت الا البيت ده خبط على البيت عايزين شوية ماية فطلعت بنت حاتم الطائي ولا تعرف مين الراجل ده. طلعت المال الماية اللي كانت عندها مسقعاها. جميل؟ وقامت عاطياها لهذا الامير. فالامير لما شرب - 00:06:30ضَ

على وقت عطش استعذب الماء طعمه حلو. زي بالظبط كده انت لما بتشرب شوية مية وانت صايم اول ما بتفطر يختلف تماما عن شربك لمية دلوقت لهم طعم. فاستعذب الامير شربة الماء دي فقال حق على كل من يرى له عندي له - 00:06:50ضَ

علي له او علي عنده السمع والطاعة ان يخرج ما في جيبه ويعطيه لاهل هذا البيت. طبعا امير خارج وزراء وحاشية وجنود ووزراء كل طلع اللي كان في جيبه اموال تغنيهم سنوات طويلة. فدخلت البنت وبكت وقالت لامها يا اماه الم - 00:07:10ضَ

لك ان الله سيتولانا. ثم بكت البنت وقالت هذه نظرة الامير. فما بالكم بنظرة الملك سبحانه وتعالى؟ ما لكم بنظرة نظرة الملك لما فعلا ليست العبرة عند الله انت طلعت فلوس قد ايه. كتير او قليل. ولكن العبرة عند الله عز وجل انك لما - 00:07:30ضَ

طلع صدقة تكون فعلا لا ترجو من ورائها الا وجه الله. قبل ما تطلعها والله من جيبك تقول يا رب انت تعلم انني في حاجة او ان انت تعلم ان عندي اموال ولا اخرجها الا ابتغاء وجهك. كل اما يكون للعبد حال قلبي وهو بيطلع الصدقة بتاعته تفرق كتير جدا - 00:07:50ضَ

عند الله عز وجل الله سبحانه وتعالى ذكر لنا في سورة الانسان قال ويطعمون الطعام على حبه مسكينا ويتيما واسيرة انما نطعمكم لوجه الله. بس. سبب نزول هذه الاية كما يذكر بعض اهل العلم انها - 00:08:10ضَ

نزلت في علي ابن ابي طالب رضي الله عنه وليس عنده الا ثلاثة ارغفة بس. وكان هذا قوته وقوت اولاده وقوت زوجه زوجته السيدة فاطمة رضي الله عنها مر الاسير خبط ادي له رغيف مر اليتيم خبط ادي له رغيف مر المسكين خبط ادي له رغيف وهم في - 00:08:30ضَ

حاجة اليه وده معنى قول الله ويطعمون الطعام على حبه. هو محتاجه على حبه في اشد الحاجة اليه. ومع ذلك اخرج هذا هذا الطعام اللي هو بالنسبة لنا ايه تلات ترغفة؟ ايه تلات ارغفة؟ ده ما كملوش حتى جنيه. ما كملوش جنيه. بس شف ربنا سبحانه وتعالى - 00:08:50ضَ

كيف قابل مش هقول التلات ارغفة. ولكن كيف قابل الله عز وجل ما كان في قلب علي الان ان ابنه قدامه جعان. ان اولاده قدامه جعانين وزوجته جعانة وهو جعان. ويخرج ما في جيبه من اجل الله سبحانه وتعالى. لا يرجو جزاء ولا يرجو شكورا. انا - 00:09:10ضَ

اخاف من ربنا يوما عبوسا قمطريرا كانت النتيجة ها؟ فوقاهم الله شر ذلك اليوم. ولقاهم نظرة وسرور وجزاهم بما صنعوا ايه؟ بتلات ارغفة. بتلات ترغفة. وجزاهم بما صنعوا جنة وحريرا - 00:09:30ضَ

اه بما صبروا. الموضوع مش موضوع تلات ارغفة. ولكن الموضوع هو ما كان في قلبك. عايزين اتعلم النهاردة ان ربنا لا يجازي العبد بما قدم قد ايه. ربنا لا يجازيك. انت قرأت قد ايه من القرآن. ولكن قرأت اية واحدة هزت - 00:09:50ضَ

كيانك ووجدانك هي دي المنجية. هي دي المنجية. المرأة البغي من بغايا بني اسرائيل لما سقت الكلب. على فكرة مهما كانت ذنوبها ومهما كانت معصيها. الموضوع مش موضوع ان هي تسقي الكلب. ما هو ياما ناس سقت ناس. مش سقت حيوانات. وما غفر الله لها - 00:10:10ضَ

لكن كانت القضية ما كان في قلبها ما يقوم في قلبك عند اداء الصدقة. ربنا عز وجل لما تكلم عن النار وقال وسيجنن الاتقى الذي يؤتي ما له يتزكى. ربنا بيقول لنا ان فيه واحد ربنا هينجيه من النار يوم القيامة. جماهير - 00:10:30ضَ

طبعا على ان هذه الاية في ابي بكر رضي الله عنه الذي يؤتي ما له يتزكى ما اعطى هذا المال للناس من اجل نعمة بينه وبين ان بعضهم البعض وما اتاهم اتى هذا المال علشان منفعة تعود اليه من بعد ذلك لا والله ولكن ما قام في قلب الصديق - 00:10:50ضَ

الا ابتغاء وجه ربه الاعلى. ولسوف يرضى. سوف يرضيه الله في الدنيا والاخرة. خد بالك معي ان كل منا في اعماله ما يرجو من وراء الاعمال الا رضا الله. انا اعرف ان كلكم كلكم عندكم اعمال بالنهار. وجايين تعبانين - 00:11:10ضَ

وفطورته تعبتوا اكتر وجايين تصلوا بجزء انت بتطلب ايه رضا الله. صدقني والله لما تصلي ركعتين لله سبحانه وتعالى. ويقوم في قلبك هذا الحال. انك يا رب تعلم ان انا تعبان ومجهد. وتعلم ان انا فعلا محتاج - 00:11:30ضَ

ساعة انام ولكن يا رب انا جيت اصلي الركعتين دول اللي يقوم في قلبك ده ممكن يساوي الصلوات عبادة. روى البيهقي في شعب الايمان ان ابن مسعود رضي الله عنه قال والاثر لابن مسعود صحيح الاسناد. ان ابن مسعود رضي الله عنه قال اخبرنا ان رجلا من - 00:11:50ضَ

بني اسرائيل عبد الله ستين سنة. قعد يعبد ربنا ستين سنة عبادة. ثم انه نزلت الى جواره في راعية غنم واحدة بترعى الغنم فجاءت تطلب الماء فنزل فاعطاها الماء فاغوته فزنا بها سبعة ايام. عبادة ستين - 00:12:10ضَ

سنة ونزل والعياذ بالله زل قدمه لما عرض نفسه للفتنة ظل يزني بها سبعة ايام. ثم انه انكسر قلبه وتاب انكسر قلبه وتاب. فنزل الى خربة. خرابة فيها شوية فقراء مساكين. وكان يأتي رجل - 00:12:30ضَ

لهذا لهؤلاء الذين يجلسون في هذه الخربة هم سبعة يدي لكل واحد منهم رغيف فهم النهاردة سبعة ولا تمانية النهاردة تمانية فادى لده وادى لده وادى لده وادى لده وادى لصاحبنا اللى هو من بني اسرائيل ده ففيه واحد فقير الان - 00:12:50ضَ

كان هيعدي عليه يوم ما ياكلش. فانكسر قلبه اكتر. رغم انه جعان وفي قمة الجوع وفي قمة الحاجة. فاعطى هذا الرغيف لهذا الفقير ثم تركهم وخرج. سابهم ومشى فمات في الطريق. قال ابن مسعود فاختصمت في - 00:13:07ضَ

فيه الملائكة بين الرحمة والعذاب اما ملائكة الرحمة اما ملائكة الرحمة تقول ان هو خلاص ده الراجل ده جاي تايب. وملائكة العزاب يقول ده قعد سبع تيام والعياذ بالله في الفاحشة. فامر الله عز وجل - 00:13:27ضَ

قبل ان يزنوا اعماله. فوضعت عبادة ستين سنة في كفة. ووضعت سبع ايام زنا في كفة فطاشت ستين السنة عبادة عشان نعرف بس قدر الفاحشة. ستين سنة بيعبد ربنا طاشت طارت. طارت قصاد سبع تيام - 00:13:43ضَ

كانوا في الفاحشة والعياذ بالله. ثم ان الله عز وجل قال قيسوا ما في قلبه اوزنوا ما في قلبه يوم ان اخرج الرغيف. فلما وضع الرغيف اللي هو فعلا كان محتاجه وهيموت لو ما كلهوش وهو على فكرة لو ما كلش مات - 00:14:03ضَ

ود للفقير حقه فوضعوا الرغيف في كفة فطاشت السبع تيام بتاعة الزنا والعياز بالله. ليس المقام الان انه قعد ستين سنة يعبد اول مقام انه قعد سبع سنوات او المقام انه طلع رغيف. ولكن المقام الحقيقي ما قام في قلبه وهو بيطلع الرغيف. لذا ربنا عز وجل - 00:14:22ضَ

اللي بيقول لنا ايه؟ فلا اقتحم العقبة يوم القيامة. شف للتعظيم والتهويل وما ادراك ما العقبة؟ بص معي مراقبة ها او اطعام في يوم ذي يعني ايه ذي مسغبة كانت زي مزغبة اي عام مجاعة. عام المجاعة. انا هادي اكل لحد. عامل مجاعة اللي يعوزه البيت يحرم على الناس - 00:14:42ضَ

عامل مجاعة الكل بيبقى حريص فيه انه يحوش ويدكن. هو مش عارف بكرة فيه ايه. فهو في عام المجاعة قال لأ. ده انا هاطلع ابذل من اجل الله سبحانه. فنجا يوم القيامة من عقبة الاخرة. فنجا يوم القيامة من عقبة الاخرة. ليه؟ ما قام في - 00:15:12ضَ

قلبك احنا لو قدرنا نعيش مع المعنى ده في حياتنا كلها. صدقوني الدنيا كلها تفرق. ليس المقام عند الله سبحانه وتعالى الملك انك عبدت قد ايه او اطعت قد ايه كما او بعدد السنوات. ولكن ما قام في قلبك وانت بتعمل العبادة - 00:15:32ضَ

النبي لما قال ثلاثة يحبهم الله. وحب الله لهم اشد منهم رجل قوم كانوا في سفر. ناس كانوا مسافرين وهم مسافرين خلاص جم في اخر الليل بقى عايزين يناموا ويريحوا. فنزلوا فناموا جميعا الا واحد منهم. طول السفر تعبان المفروض ينام. الا واحد منهم قام - 00:15:52ضَ

يصلي لله عز وجل. ده رغم انه صلى ركعتين الا ان ربنا يحبه وحب الله لا اشد. ليه؟ اصل الكل نايم. وده مقام نوم مش مقام صلاة. الراجل تعبان. ولكن قام يصلي. ليه؟ يرجو ما عندي ويخاف مما عندي. هو ده. هو ده - 00:16:12ضَ

اذا اطلع الله على قلوبنا وانت في يوم من الايام بتطلع صدقة وفي يوم من الايام بتصلي. في يوم من الايام والله وما يدريك لعل العمل البسيط ده يكون هو المنجي لك - 00:16:32ضَ

في الدنيا والاخرة احنا محتاجين محتاجين مع طاعتنا وعبادتنا يقوم في قلوبنا هذا المقام. يا رب ده لك بس. يا رب انا عملت ده علشان بحبك. بس يا رب انت تعلم ان انا قاعد في الشغل طول النهار. ولما فطرت تعبت والطريق للمسجد زحمة - 00:16:42ضَ

وما بلاقيش مواصلات وما بلاقيش ركنة. بس جيت ووقفت لك بس وانا في عرض نوم ساعة والله لعلها هي المنجية. والله لعلها هي المنجية. ده المعنى اللي انا عايز اوصله النهاردة. ان - 00:17:12ضَ

لنظرة الشيخ للمرأة فرقت كتير. ونظرة الله سبحانه وتعالى لنا ونظرة الله تبارك وتعالى انا هتفرق كتير. الفايدة التانية اوعى في يوم من الايام تستقل عمل صالح وان كان بسيط - 00:17:32ضَ

الجنيه ده ممكن انت شايفه جنيه عادي. ولكن عند ربنا ممكن يكون له وزن تاني خالص له قيمة عند ربنا تانية خالص. اوعى تستقل عمل صالح في يوم من الايام انت ممكن تعمله. عشان كده - 00:17:52ضَ

اختتم معكم بهذا الحديث. السيدة عائشة رضي الله عنها جاءتها امرأة معها يتيمتين. تسألها طعاما السيدة عائشة دخلت تدور في البيت من اوله لاخره وبيت النبي ما فيش حاجة عليه الصلاة والسلام. تلات تمرات بس. فادت للبنتين كل واحدة تمرة - 00:18:12ضَ

ودت للام تمرة. ودت للام تمرة. فكانت النتيجة ان البنت كانت دي تمرتها ودي كانت تمرتها. واول ما خلصوا التمرتين قامت كل واحدة من البتن باصة لمين ؟ باصة للتمرة اللي مع الام. الام لسة هتاكل فبصت للبنت دي والبنت دي قامت الام واخدة بالامر - 00:18:32ضَ

فطر الجبلي على فكرة خدت التمرة قسمتها نصين ادت لي دي نص وادت لي دي نص. فالسيدة عائشة تعجبت جدا. دخل النبي صلى الله عليه وسلم فبتقول له يا رسول الله - 00:18:52ضَ

احدث كذا وكذا وكذا وهي متعجبة. قال يا عائشة وما العجب؟ انت بتتعجبي من ايه؟ ان العجب ان الله قد احبها وفي رواية غفر لها. وفي رواية جعلها من اهل الجنة لما صنعت بنص تمرة. لدي ونص تمرة لدي وده - 00:19:02ضَ

امر فطري جبل جوانا. فما بالكم لو في يوم من الايام بعيد عن ان دي بنتي او ده ابني وطلعت الفقير او طلعت المسكين الحال هيكون ايه؟ والنبي لما قال فاتقوا النار ولو بشق تمرة علشان يقول لنا اوعى تحتقر صدقة وان كانت نص تمرة اللي - 00:19:22ضَ

اصلا ما نعرفش تقديرها دلوقتي قد ايه. نص تمرة ممكن دقيق النار يوم القيامة. اسأل الله سبحانه وتعالى ان يعلمنا واياكم ما ينفعنا. وينفعنا بما علمنا ويجعلني واياكم صلى الله على نبينا محمد وعلى اله وصحبه وسلم - 00:19:42ضَ