Baheth

السلام عليكم ورحمة الله وبركاته اعوذ بالله السميع العليم من الشيطان الرجيم. بسم الله الرحمن الرحيم الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد - 00:00:00ضَ

اليوم باذن الله تبارك وتعالى آآ نتكلم آآ حول مرض جديد من الامراض اللي ممكن تصيب الانسان وبالفعل من الامراض المهلكة لهذا الانسان حابب من البداية قبل ما ابدأ درسي معكم - 00:00:28ضَ

اقول لكم على موقف انا اتعرضت له من حوالي شهرين كده الموقف ده كنت انا راجع من القناة وحد من اخواننا حبايبنا اللي قاعدين في القاهرة كلمني انت راجع المنصورة فقلت له اه - 00:00:53ضَ

قال لي خلاص انتظرني بس على الدائري نزلة كده المعادي وانا ان شاء الله اجي لك اه نروح سوا ما فيش اي مشكلة خالص انتظرت على الطريق وانا قاعد بقى مشغول في حاجة كده بزاكر فيها انا والاخ اللي كان معي - 00:01:08ضَ

ومرة واحدة لقيت بقى ايه باب العربية من ورا اتفتح ودخلت بنت حوالي اتناشر تلتاشر سنة وقامت الدخلة قاعدة في قلب العربية. فقلت يا دي المصيبة يلا يا بنتي انت انزلي في ايه يا بنتي انت مش عارف ايه فالمهم حاولت اكلم البنت اتواصل معها - 00:01:29ضَ

انا فوجئت ان البنت عندها ربنا يا رب يعافيكم توحد وتقريبا هربت من اهلها وانتم عارفين طبعا الطفل لما يكون عنده توحد ومش واعي لاي شيء بيحصل حواليه والبنت ما شاء الله لا قوة الا بالله لبسها نضيف جدا - 00:01:46ضَ

يعني لبسها ما شاء الله نضيف جدا وفي ايديها العاب. فيقينا البنت دي كانت مع حد من اهلها وهربت منه فالمهم الاخ اللي معي نزلها من العربية وان ما تدرجتش ان البنت عندها توحد - 00:02:03ضَ

اللي امام هول صدمة كده انا شفتها قدامي فساعتها يعني والله يا اخوانا من المرات اللي الواحد فيها آآ اتفزع بصورة عمري في حياتي ما مريت بموقف زي ده لقيت البنت اللي عندها اتناشر سنة - 00:02:20ضَ

توحد ومش فاهمة ومش وعية للي حواليها اصلا لقيتها مرة واحدة بتقطع الدائري عرضا ترلات وعربيات وكل طاير على الدائري فانا ساعتها يعني البنت بتجري تداركنا الله عز وجل وتداركها برحمته ان الاخ اللي كان معي كان حركته سريعة شوية طلع يجري قام ناطط عليها جابها من تحت الترلة - 00:02:37ضَ

يعني كانت هتموت هتموت وربنا سبحانه وتعالى ابتلانا في اليوم ده بشوية بلاءات كده بس الحمد لله يعني في نهاية اليوم قدرنا نوصل بفضل الله لاهلها وودينا البنت انتم متخيلين معي مشهد بنت عندها اتناشر سنة - 00:03:05ضَ

وبتعدي الدائري اقل عربية ماشية على سرعة مية مية وعشرين وبتعدي الدائري عرضا في مجيد تريلا كبيرة العربيات الكبيرة دي وعربيات تانية انتم متخيلين ممكن البنت دلوقتي يحصل لها ايه - 00:03:25ضَ

لولا ان ربنا عز وجل تداركها برحمته. ان الاخ بس جابها كده من قفاها ورجعها جابها وراه. والله يا اخوانا صرخة العربية النقل بس لوحدها يعني تخلي الواحد اصلا اعصابه خلاص راحت اصلا - 00:03:39ضَ

اسأل الله ان يشفي مرضانا ومرضى المسلمين ده لان البنت في غفلة البنت مش في وعي هي مش في وعيها الان عقلية في التفكير المحدود. يعني اسأل الله عز وجل ان يشفي كل ابنائنا وبناتنا اللي اصيبوا بهذا المرض او يبقى ايه مرض اخر - 00:03:53ضَ

امر صعب امر صعب فعلا لما هي الان فاقدة للعقل وبتعدي الطريق بالصورة دي ممكن كانت تحصل كارثة وهي البنت يا عيني مش في وعيها حال الانسان لما يكون مصاب بمرض الغفلة - 00:04:15ضَ

حاله بالزبط بيكون زي حال البنت دي بس الموضوع المرة دي ما بيبقاش متعلق بعربية ممكن تخبط انسان ولكن الامر بيكون اكبر من كده الامر بيكون متعلق والعياذ بالله. بضياع دين الانسان - 00:04:36ضَ

وهلاقي اخرة الانسان ويمكن انا لو قلت لكم النهاردة ان هذا الزمان الذي نعيشه نحن الان جميعا هو اصلا زمن الغفلة يعني انا مكنش مبالغ ابدا لان فعلا هذا الزمان هو زمن فعلا ان الغفلة سيطرت على كتير جدا من الناس - 00:04:54ضَ

والمرض ده يا اخواننا مرض فعلا يعني وانا بحضر الدرس ببص على مقالة فوجدت ان احد علماءنا بيقول ان الغفلة هي نزيف العمر غفلة الانسان هي نزيف لعمر الانساني حابب من البداية اقول لكم مخاطر المرض زي ما احنا اتعلمنا في الدرس اللي فات - 00:05:14ضَ

نعرف اولا ايه مخاطر المرض ده على الانسان وبعد كده نعرف صوره علشان اقدر اعرف هو انا عندي المرض ده ولا لأ. ونخش بعد كده باذن الله عن الاسباب على الاسباب والعلاج - 00:05:38ضَ

عايز من البداية اقول لكم يعني ايه غفلة الغفلة والنسيان حاجة واحدة بس بينهم فرق بسيط جدا ان النسيان بيكون شيء لا ارادي من الانسان انا طلبت منك بعد الدرس تعمل حاجة معينة على ما تقابلنا الاسبوع اللي اللي بعده. كنا سبحان الله كنت انت نسيت - 00:05:53ضَ

النسيان ما بيكونش عن عمد حاجة غصب عنك ولكن غفلة الانسان هي نسيان ولكن عم تعمد علشان كده ربنا سبحانه وتعالى اتكلم في القرآن كتير عن الغفلة والنسيان مع بعض - 00:06:15ضَ

ووضح لنا ان الارتباط بينهم وبين بعض ارتباط قوي جدا وان ما ينفعش انك كمسلم او كانسان مؤمن قريب من ربنا سبحانه وتعالى يكون المرض ده موجود عندك لو جينا نظرنا لاكتر ناس هتخسر يوم القيامة هنجد ان اكتر ناس خسرت يوم القيامة او هتخسر يوم القيامة هي الناس اللي كانت في غفلة - 00:06:34ضَ

الناس اللي كان عندها نسيان سواء كان النسيان ده عن تعمد يعني غفلة او كان النسيان ده بسبب انشغالها باشياء اخرى الغفلة ربنا سبحانه وتعالى قال ان اكتر الناس يوم القيامة دخلوا النار ما دخلوا النار الا بسبب انهم كان عندهم غفلة عندهم غفلة - 00:06:57ضَ

آآ عن المعاد غفل عن الساعة، غفلة عن لقاء الله. غفلة عن الجنة وغفلة عن النار الناس دي كان عندها غفلة زي الشاب النهاردة اللي ماشي في الدنيا غافل يعني بعض الشباب كانوا بيقولوا يعني قاعدين مع بعض ناس منهم كويسين ناس مش كويسين فالناس الكويسين بيقولوا لهم انتم ازاي تسمعوا الاذان - 00:07:19ضَ

ما تجوش تصلوا. ده احنا بمجرد ما بنسمع الاذان بنتفزع بنقوم نصلي بارد عليهم الناس التانيين فقال لهم احنا اصلا ما بنسمعش الادان احنا اصلا ما بنسمعهوش رغم ان الاتنين قاعدين في مكان واحد - 00:07:43ضَ

واظن هيكون مستوى الصوت للاتنين برضه واحد بس واحد عمل زي سيدنا عمر ابن الخطاب رضي الله عنه. عمر رضي الله عنه لما طعن طعن طعنوه طعنوه يعني ابو القلوع المجوسي ده - 00:08:00ضَ

طعنوا بخنجر ذو وجهين وانا قلت لكم قبل كده يعني ايه ذو وجهين. السكينة لما بنيجي نقطع بها انا باحدها من هنا ابو لؤلؤة الماجوسي لما جه يعمل الخنجر بتاعه جعل السن بتاعه من الجهة دي والسن برضو ايه من الجهة دي علشان لما يضرب به ايه اللي يحصل؟ يدخل بسرعة جوة البطن - 00:08:14ضَ

فطعن عمر رضي الله عنه هذه الطعنة فلما نقل عمر رضي الله عنه الى بيته اغشي عليه من شدة النزيف اللي كان اصاب به عمر لدرجة انه لما جاءوا بالطبيب لعمر فقال اسمه لبنا فلما شرب عمر اللبن رضي الله عنه خرج اللبن من جرحه فقال - 00:08:32ضَ

قال له اوصي امير المؤمنين فانك ميت. خلاص يا امير المؤمنين الموضوع خلاص انتهى. الجرح غائر جدا واوصف انك ميت اغشي على عمر رضي الله عنه وهو في غيبوبة الموت. يعني خلاص دي غيبوبة الموت. اللي الانسان بيفقد فيها بقى كل شيء. كل - 00:08:55ضَ

هو اصلا لا يشعر بالام المرض اللي هو مصاب به. لانه في غيبوبة وقال بعض الناس متى عمر؟ بعضهم قال لا ده دي غيبوبة الموت فقال المسور ابن مخرمة فليرفع واحد منكم الاذان. واحد منكم يا جماعة يرفع الاذان. فما علمت شيئا افزع لامير المؤمنين من الاذان. فقام عمر - 00:09:15ضَ

فقام رجل وقال الله اكبر الله اكبر. فقام عمر فزعا يقول الله اكبر الله اكبر. الصلاة الصلاة الصلاة الصلاة لا حظ في الاسلام لمن ترك الصلاة ده واحد قلبه ما فيش فيه غفلة - 00:09:37ضَ

ده قلبه ذاكر لله. رغم انه في غيبوبة وغيبوبة موت والوقت ده الانسان فاقد تماما. لاغلب الاحاسيس والمشاعر بتاعته. والحواس في الوقت ده تقريبا كلها معطلة. الا ان عمر بمجرد ما سمع الله اكبر قام فزعا رضي الله عنه - 00:09:56ضَ

ما عشان ما حدش يقول استدعاء عمر. شيخنا الشيخ احمد شاكر. اسأل الله ان يرحمه رحمة واسعة من الناس اللي ربنا سبحانه وتعالى شرف الواحد انه يقرأ عليهم قرآنا احمد شاكر دخل في غيبوبة الموت الله يرحمه رحمة واسعة - 00:10:15ضَ

يبقي لاحد اخواني عن زوج بنته. يعني زوج بنته بيحكي له بيقول له الشيخ وهو في غيبوبة الموت قلت اقرأ عليه القرآن من باب للتخفيف عنه. فوانا بقرأ الورد بتاعي نسيت اية. انا وانا بقرأ عليه الورد ايه اللي حصل؟ نسيت اية. الشيخ وهو في الغيبوبة - 00:10:30ضَ

رد علي هذه الاية ده قلب ما فيش فيه غفلة بقلب قريب من الله سبحانه وتعالى. انه في لحظة من هذه اللحظات لا يتذكر الانسان منا الا صالح عمله. الا صالح العمل - 00:10:50ضَ

يمكن اخونا الدكتور محمد محسن كلكم تعرفوه بيحدثني عن جدته. اللي كان ما شاء الله لا قوة الا بالله حاملة لكتاب الله سبحانه وتعالى خاتمة له كل يوم يقول لي كانت تمسك يعني نمسك الاه المصحف كده وتسمع علينا خمس اجزاء كل يوم الساعة اتنين الضهر اه نمسك المصحف وتسمع - 00:11:07ضَ

لنا خمس اجزاء. يقول لي يا شيخ خلاص دخلت في الغيبوبة بتاعة الموت بتموت خلاص. غيبوبة في حالة لا وعي قعدت مسلا عشرة خمستاشر عشرين يوم في غيبوبة. بيقول لي بس العجيب ان كل يوم الساعة اتنين - 00:11:27ضَ

نلاقيها وهي في الغيبوبة بتقرأ الود بتاعها يعني بتقرأ الورد بتاعها. والنهارده مسلا وقفت مسلا عند سورة الاحقاف هتبدأ بقى من الاحقاف للناس. هي خلاص ما بدأتش من اي سورة او من اي اية. لأ - 00:11:42ضَ

بدأت من الاحقاف وانهت بالناس. وعشان تبدأ ختمة جديدة. ده كان حال بعض الناس. اللي قلوبها دايما عامرة بالله سبحانه وتعالى. زي مسلم ابن يسار رضي الله عنه اللي كان وهو بيموت لا يزال يذكر الله سبحانه وتعالى. هذا رجل قلبه كان دايما فيه ذكر لله. كان بيضرب به - 00:11:56ضَ

بذكره لله عز وجل. فمات يوم مات واصابعه تتحرك بذكره لله عز وجل. يعني هو مات اصلا. يعني مات وفاضت الروح لا تزال صوابعه تتحرك بالتسبيح. دي قلوب كانت واعية اوي. دي قلوب كانت مربوطة بالله سبحانه وتعالى اوي. دي قلوب ما شاء الله لا قوة - 00:12:16ضَ

كانت قدر اصحابها ان هم يطلعوا منها الغفلة انما في ناس تانية نسأل الله سبحانه وتعالى السلامة قلوبها مليانة غفلة مسيطرة عليها. فارق كبير جدا بين اتنين صحاب ماشيين مع بعض في جنازة. لواحد صاحبهم - 00:12:36ضَ

اطفح اطفح واحد منهم عمال يسأل نفسه هو مات ازاي؟ ومات على ايه؟ ورايح فين؟ ومصيره ايه؟ وبين واحد تاني في نفس الجنازة ماشي هو واصحابه السيجارة في بوقه ومشغل الاغاني. فارق كبير بين الاتنين دول - 00:12:56ضَ

سيد ابن حضير الصحابي الكريم يقول والله ما تبعت جنازة قط الا وانا اسأل نفسي على اي شيء ماتت؟ والى اي شيء هي صائرة. دي قلوب عايشة. دي قلوب متفكرة. دي قلوب نزهها الله عز وجل من الغفلة. فارق كبير - 00:13:14ضَ

جدا جدا بين عمر بن الخطاب رضي الله عنه الذي يمر عليه يعني رجل او يمر هو على رجل يتلو قول الله عز وجل عذاب ربك لواقع ما له من دافع. فيتذكر الاخرة ويتذكر ما فيها من اوال ويتذكر ما فيها من احوال فيخره عمر مغشيا عليه - 00:13:34ضَ

وبين واحد تاني قاعد في قعدة جه غصب عنه جابوا له شيخ ويذكره بالله باشد ما يتعلق باهوال القيامة وليس هذا الانسان يعني بيأبه لهذا الكلام اصلا. فارق كبير بين الاتنين - 00:13:54ضَ

الكبير والله يا اخوانا بين الاتنين مين اللي قلبه ما شاء الله مليان ذكر لله سبحانه وتعالى؟ وبين القلب اللي مليان غفلة خطورة القلب اللي مليان غفلة ده ان اول واحد بيعاقب يوم القيامة في النار اللي كان قلبه غفلان عن الله - 00:14:10ضَ

اللي كان قلبه وجوارحه وحاله ونفسه وروحه في غفلة عن الله سبحانه وتعالى ايا كانت بقى اسباب غفلته صوابعك كان مشغول بدنيا او كانت اسباب غفلته لمشغول بنساء نسأل الله سبحانه وتعالى السلامة او كانت اسباب غفلته هواية محرمة وهو بيجري - 00:14:29ضَ

يسعى فيها او كانت هوايته لعب وضحك وهزار وبعد عن الله سبحانه وتعالى قال الله سبحانه وتعالى ولقد اذا رأنا لجهنم كثيرا من الجن والانس لهم قلوب لا يفقهون بها - 00:14:48ضَ

ولهم اعين لا يبصرون بها ولهم اذان لا يسمعون بها. اولئك كالانعام بل هم اضل. اولئك هم. ما انت بتطرح على نفسك سؤال طب يا رب مين الناس دي وايه المرض اللي هم وقعوا فيه علشان انا ابعد عنه. ربنا سبحانه وتعالى يختم لنا هذه الاية بقوله اولئك هم الغافلون - 00:15:06ضَ

دي الناس اللي كانت في غفلة زمان عن ربنا سبحانه وتعالى دي الناس اللي كانت في الدنيا قلوبها محجوبة عن الله دي الناس اللي اتعرض عليها طريق الله عز وجل فكانت بعيدة عن هذا الطريق - 00:15:29ضَ

ولله دار الامام ابن الجوزي رحمه الله فيقول اصبح الناس على ثلاثة طرائق كل يوم الصبح الناس بتنقسم لتلات اقسام قسم هائم في رزقه وقسم هائم في معصيته وقسم هائم في طريقه لربه - 00:15:45ضَ

فاما الاول فلا يأتيه من رزقه الا ما قدر الله له واما الثاني فلا يزداد في الدنيا الا ذلا وهوانا واما الثالث فلا يزداد في الدنيا الا سعادة وقربا من ربه عز وجل - 00:16:12ضَ

الناس تلات اصناف بصوا في لحظة الفجر خروج الناس من بيوتها وعددهم مين اللي راح المسجد وبصوا الساعة سبعة ونشرح لاعمالها علشان تعرفوا الفارق من اللي اصبح بيطلب طريق ربنا - 00:16:32ضَ

واللي اصبح بيطلب الرزق اولئك هم الغافلون الناس دي كانت في غفلة عن ربنا عز وجل كانت في غفلة عن طاقتها غفلة عن عبادتها الناس دي كانت ناسية تماما حاجة اسمها يوم القيامة - 00:16:54ضَ

ربنا بيقول كانت النتيجة ان المرض ده لما نزل جوة القلب الناس دي والعياذ بالله سقطت في جهنم نسأل الله سبحانه وتعالى السلامة بالاخطر شيء متعلق بغفلة الانسان ونسيانه لربنا - 00:17:12ضَ

سبحانه وتعالى نسيان الله تبارك وتعالى لهذا الانسان في الدنيا والاخرة واعراض الله عز وجل عن هذا العبد ينسب في الدنيا والاخرة ربنا يطولكم في الدنيا والاخرة بنقول للشاب في يوم من الايام اصبح وليس له هم الا دنيا عمره ما فكر ابدا - 00:17:28ضَ

طاعة لله عز وجل كان عندي لقاء من قيمة تلت اربع تيام مع طلبة الجامعة وقامت بنت بتسأل سؤال صحت يا شيخ احنا احنا اصلا ما عندناش وقت للي انت بتقول عليه ده اصلا - 00:17:54ضَ

احنا عندنا الكلية وبنطلع من الكلية للشغل وبنطلع من الشغل مش عارف ايه والايه. عندي شوية اصلا الكلام ده. هو ده غلط ده عين الضياع في ناس الغفلة لما سيطرت عليها الناس دي اعرضت عن ربنا - 00:18:11ضَ

فهي بعيدة قوي عن ربنا ابن القيم رحمة الله عليه بيقول عشان الناس دي اللي اللي عندها غفلة وان الله تبارك وتعالى اذا اعرض عن جهة اظلم فيها كل شيء - 00:18:30ضَ

واسود فيها كل شيء واحاطت بها الهموم والنحوس من كل مكان شاب كل يوم في غفلة عن ربنا شاب كل يوم في غفلة عن ربنا كان الاول يتعاهده الله عز وجل برعايته - 00:18:49ضَ

ويتعاهده الله عز وجل بحفظه والله سبحانه وتعالى يدفع عنه مشاكل وازمات لا يستطيع الانسان اصلا يعني انه يقف في وجه هذه الازمات بس زمان قبل الغفلة ما تنزل في القلب كان ربنا سبحانه وتعالى حافظ هذا الانسان - 00:19:08ضَ

اما الان فلان ده بقى غافل قوي عن ربنا سبحانه وتعالى وقلبه بعيد معرض عن الله سبحانه وتعالى. قال الله عز وجل نسوا الله. ما هي دي الغفلة ما انا قلت لكم الغفلة والنسيان حاجة واحدة. مع الفارق ان الغفلة بتكون عن عمد - 00:19:25ضَ

في ناس نسيت ربنا سبحانه وتعالى نسوا الله نسيهم تركهم الله عز وجل لانفسهم قراراتهم كلها غلط. اختياراتهم كلها غلط. عمالين يتخبطوا في الدنيا تخبط غير طبيعي تركه الله عز وجل - 00:19:45ضَ

بس اعظم من هذا يا اخواني ترك الله لهذا الغافل يوم القيامة والله يا اخوانا لما باسمع حديث النبي صلى الله عليه وسلم انه لن يدخل الجنة احد بعملك. قالوا ولا انت يا رسول الله؟ قال ولا انت - 00:20:06ضَ

فالا ان يتغمدني الله برحمته ان ربنا يتولاني في الاخرة ان ربنا سبحانه وتعالى يتولاني في الاخرة. ما اقدرش اخد اختياري من قيامة مشكلة الانسان اللي غافل عن ربنا سبحانه وتعالى - 00:20:23ضَ

ونسي ما فرض الله عز وجل عليه. مشكلة هذا الانسان نسأل الله السلامة ترك الله لهذا العبد يوم القيامة. فلا يتولاه الله لخير ولا يوفقه الله يوم القيامة لحسن اختيار. فتلاقي الانسان ده يوم القيامة بيضيع - 00:20:39ضَ

ونحشره يوم القيامة اعمى قال ربي لما حشرتني اعمى وقد كنت بصيرا؟ انا كنت في الدنيا بشوف. قال كذلك اتتك اياتنا فلا نسيتها وكذلك اليوم تنسى انت زمان نسيت ايات ربنا - 00:20:58ضَ

زمان نسيت احكام ربنا. زمان نسيت شرع ربنا. النهاردة تنسى النهاردة تترك يلا الاختياراتك انت بقى وهي دي المشكلة الكبيرة وهي دي الازمة نسيان الله عز وجل لعبده في مقابلة نسيان العبد لربه سبحانه وتعالى - 00:21:20ضَ

الامر التالت من اخطر الامور المتعلقة بمرض الغفلة ان الانسان ده نسأل الله سبحانه وتعالى السلامة لما يرفع الله يد حفظه عنه في الاخرة بتكون النتيجة اليقينية لهذا الانسان خسارة الدنيا والاخرة - 00:21:43ضَ

ما يخشش في مشروع في الدنيا الا وتلاقي خسارة ما يمشيش في زواجة في الدنيا الا وتلاقي خسارة ما يمشيش في اي قرار او في اي امر من مصالح الدنيا يعني تلاقيه بيخسر - 00:22:02ضَ

وتلاقي كل ابواب الخير بتغلق في وجه هذا الانسان. ده ده في الدنيا. طب وفي الاخرة؟ ابواب الجنة تغلق في وجهه. ولا يجد امام امامه ابواب مفتحة الا ابواب النار. نسأل الله السلامة. وهي دي الخسارة الحقيقية - 00:22:16ضَ

قال الله سبحانه وتعالى اولئك الذين اولئك الذين طبع الله على قلوبهم وسمعهم وابصارهم واولئك هم غافلون واولئك هم الغافلون. لا جرم انهم في الاخرة هم الخاسرون وهل هناك خسارة يا اخواني اعظم من خسارة الانسان للاخرة - 00:22:33ضَ

وهل هناك خسارة اشد على الانسان؟ من خسارة الاخرة وهل هناك الم يوازي الم خسارة الاخرة؟ وهل هناك هم او غم يصيب الانسان بسبب خسارة الاخرة خسارة الاخرة ليس بعدها خسارة - 00:22:58ضَ

فما ينفعش الانسان يكون غافل. لانه ما ينفعش يخسر الاخرة. لان خسارة الاخرة خسارة ما بعدها خسارة الامر اللي بعد كده من العقوبات اللي بينالها الانسان الغافل عن الله سبحانه وتعالى - 00:23:16ضَ

الحسنات اللي تصيب هذا الانسان دائما دايما الانسان ده في حسرة عمره ما يفرح ابدا وازا فرح فرحة مؤقتة يعقوبها ندم والم وحسرة دنيا واخرة على فكرة وربنا سبحانه وتعالى ذكر لنا في القرآن حسرة هؤلاء الذين غفلوا عن ربهم - 00:23:33ضَ

وغفلوا عن طاعته قال الله سبحانه وتعالى واقترب الوعد الحق يوم القيامة فاذا هي شاخصة الابصار الذين كفروا يا ويلتنا قد كنا فيه غفلة من هذا احنا كنا في غفلة عن - 00:23:58ضَ

احنا كنا في غفلة عن القيامة كنا في غفلة عن اهوالها عن مشاكلها وربنا بيذكر لك قدر الحسرة. تسمعهم وهم بيقولوا يا ويلتنا. يا ويلنا قد كنا في غفلة من هذا - 00:24:24ضَ

اي حسرة بعد كده النبي صلى الله عليه وسلم يقول لنا وما جلس قوم في مجلس لم يذكروا الله فيه ولم يصلوا فيه على النبي صلى الله عليه وسلم الا كان مجلسهم هذا عليهم حسرة يوم القيامة - 00:24:44ضَ

مش كده وبس ده يا اخواننا عقوبات الدنيا والام الدنيا وعذاب الله عز وجل في الدنيا لا ينزل على عبد الا بسبب غفلته شوفوا مثلا قوم فرعون وازاي ربنا سبحانه وتعالى ارسل لهم الايات - 00:25:03ضَ

قد ايه ربنا سبحانه وتعالى بعت لهم ايات اية وراء تسع ايات كاملة كما ذكر ربنا عز وجل. طوفان الجراد والقمل والضفادع والنمل والدم ايات مفصلات والعصا عصا موسى واليد كل دي ايات - 00:25:23ضَ

ومع ذلك كانوا في كل مرة يروحوا لسيدنا موسى ويطلبوا منه ان ربنا يرفع عنهم الرجز. يرفع عنا العذاب. فيدعي ربنا يدعي موسى ربنا سبحانه وتعالى في رفع الله عنهم العذاب - 00:25:39ضَ

بس يرجعوا بعد ما رفع العذاب يرجعوا للي كانوا عليه من شدة الغفلة اللي سيطرت عليهم فكانت النتيجة انتقم الله منه انتقام ربنا سبحانه وتعالى بيقرن دائما مع غفلة العبد - 00:25:54ضَ

انتقام ربنا سبحانه وتعالى بيقرن دائما مع نسيان العبد علشان كده ربنا سبحانه وتعالى قال في كتابه فلما كشفنا عنهم الرجز الى اجل هم بالغوه اذا هم يمكثون طلبوا من ربنا طلبوا من موسى عليه الصلاة والسلام. قل لربنا يرفع العذاب. لو رفع العذاب احنا هنؤمن معك. ونؤمن بك. رفع ربنا العذاب - 00:26:11ضَ

رجعوا نكثوا العهد ونكثوا الكلام وعادوا لغفلتهم. قال الله سبحانه وتعالى فانتقمنا منهم فانتقمنا منهم اغرقناهم في اليم بانهم كذبوا باياتنا وكانوا عنها مغفلين كان في غفلة عن الايات والله يا اخوانا انا اعجب اعجب من شاب في يوم من الايام يموت بجرعة مخدرات زيادة وصاحبه قبلها باسبوع ميت والعياذ بالله على - 00:26:36ضَ

اعجب انت مش شايف مش شايف الايات ربنا سبحانه وتعالى يهدد دايما الغافل والناسي بانتقام قال الله سبحانه وتعالى ومن اظلم ممن ذكر بايات ربه ثم اعرض عنها ان من المجرمين منتقمون نسيان - 00:27:10ضَ

كان في نسيان يقابل على طول النسيان عندنا بانتقام احنا مش حمل ده احنا مش حمل ده من مشاكل الغفلة يا اخوانا عندها اصل ومفتاح لكل شر مشكلة غفلة الانسان ان الغفلة دي مفتاح لكل شر كما قال الامام المحاسبي رحمه الله والغفلة اصل كل شر. كل شر - 00:27:29ضَ

في هذه الحياة اصله دايما بيبقى جاي من غفلة الانسان قال ومنه يتولد اي من هذه الغفلة ومنها تتولد طول الامل ونسيان الاخرة مشكلة الغفلة دايما انها كما قال ايضا المحاسبي تورث قسوة القلب وقسوة القلب تورث البعد عن الله والبعد عن الله يورث النار - 00:27:54ضَ

غفلة الانسان الغفل اللي ممكن تصيبنا كلنا. انا ماسك التليفون بتاعي كده اهو وقاعد بالليل عمال اشوف اخبار. محمد صلاح جاب جون النهاردة ولا لأ بقى على اليوتيوب يتفتح لي فيديو. افتح الفيديو يتفتح لي فيديو تاني. افتح الفيديو ده يتفتح الفيديو التالت. لحد ما وصلني والعياذ بالله لمحتوى غير غير لا يرضي الله - 00:28:16ضَ

الله عز وجل المحتوى ده اثار الانسان دخل على حاجة غلط في حاجة غلط في حاجة غلط. والعياذ بالله بعد كده ادايق نام راح عليه صلاة الفجر وكان الاصل كله من غفلة هذا الانسان - 00:28:37ضَ

وممكن الانسان يكون غافل عن ايه وده العنصر التاني معنا النهاردة صور الغفلة الصورة الاولى من صور الغفلة هي غفلة الانسان منا عن ايات الله عز وجل التي تدور حوله - 00:28:52ضَ

وربنا اتكلم عنها كتير في القرآن قال الله سبحانه وتعالى وان كثيرا من الناس عن اياتنا لغافلون. في كتير من الناس عن ايات ربنا عز وجل غافلة اي انسان ظالم في يوم من الايام - 00:29:08ضَ

يعني ايه ايات ربنا سبحانه وتعالى اللي يشوف مبارك النهاردة وهو مذلول هذا الذل اللي كان موجود عليه ويرى اثر عقوبة الله عز وجل في وجهه اللي يغفل عن اية زي دي ويفضل يفضل في الناس؟ ده اخرته مش كويسة - 00:29:25ضَ

الانسان اللي في يوم من الايام كان هو وصاحبه على معصية وصاحبه مات وتركه وحده هو لسه على معصية تغافل عن ايات الله سبحانه وتعالى الانسان اللي في يوم من الايام يبقى عامل حادسة وخارج من حادسة موت. واول حاجة يفكر فيها بعد ما ربنا نجاه انه يعصي ربنا - 00:29:44ضَ

ده انسان على ايات الله غافل. الانسان اللي في يوم من الايام كده سبحان الله وهو بيقلب على الفيس يلاقي يعني انتقلت الى الله تعالى فلان الفلاني او فلان الفلاني. وبعد المشهد ده فيه تحتيه مشهد مش كويس. او صورة مش كويسة فينسى هذه الاية التي - 00:30:04ضَ

ارسلها الله له الرسالة اللي جت لك دي ان فلان مات او فلانة ماتت ربنا سبحانه وتعالى بيختبرك بها انت هتقدر تفهم ايه ان انت الموت قريب منك ولا لأ - 00:30:24ضَ

الموت قريب منك ولا لأ صلاة الجنازة ده اية من ايات الله عز وجل مرض الانسان ده اية من ايات الله عز وجل. هلاك الله سبحانه وتعالى لانسان ظالم او لانسان كان بعيد عنه. دي اية من ايات الله - 00:30:37ضَ

ما ينفعش الانسان يعدي الايات دي ولا يأخذ منها عظة وعبرة. قال الله سبحانه وتعالى في شأن هلاك الظالمين من قبلنا. ودي رسالة ربنا بيوجهها لكل رئيس ولكل امير ولكل ملك. لكل مسئول لكل محافز ولكل وزير - 00:30:53ضَ

قال الله سبحانه وتعالى في شأن فرعون فاليوم ننجيك ببدنك لتكون لمن خلفك اية لتكون لمن خلفك اية وان كثيرا من الناس عن اياتنا للغافلون يا نهار ابيض يا نهار ابيض! هذه ايات الله عز وجل - 00:31:10ضَ

هذه ايات الله سبحانه وتعالى رؤية الانسان منا للايات في واحد اول ما بيشوف الاية تلاقيه بيخر لله ساجدا. ان ربنا ما عاقبهوش ويطلب من ربنا العفو والسماح ويطلب من - 00:31:31ضَ

ان يعطيه فرصة ليمهله للتوبة والرجوع اليه وفيه انسان مهما وريته من ايات لا يتأثر في ناس كده مهما ورت من ايات ربنا هو لا يتأثر اصلا يا اخوانا واحنا بنصلي الجنازة فيه ناس بتبقى في الصف الاول منهارة بكاء وفي ناس اصلا ما بتخشش المسجد بتبقى واقفة برة المسجد - 00:31:44ضَ

ايه الكبر ده؟ يعني ايه الكبر ده؟ جنازة جنازة. اللي ميت ده صاحبهم او قريبهم. والله ما بيخشوا المسجد واقف برة المسجد منتظر لما نخلص صلاة على الجنازة ونطلع بعد كده. طب يا اخي ان لم يحركك الموت فماذا يحركك - 00:32:10ضَ

ايه اللي هيحركك ان لم يحركك فقد صاحبك. ايه اللي يحركك ان لم يحركك الموت وما فيه ايه اللي هيحركك واقف برة مستني الجنازة واقف برة مستني الجنازة منتظر ايه من هذا الانسان الغافل - 00:32:31ضَ

فاول اول امر من اول سورة منصور الغفلة هي غفلة الانسان عن ايات الله عز وجل. اللي بتدور حوالينا والله يا اخوانا وانت ماشي على الطريق وتلاقي عربية عاملة حادسة مركونة على الطريق دي اية ربنا بيبعتها لك - 00:32:50ضَ

راجع نفسك راجع نفسك والله يا اخوانا وانت ماشي على الطريق ومرة واحدة عربية تقف قدامك فتفرمل مرة واحدة وتقف كده وتحمد ربنا ان انت ما عملتش الحادثة تحمد ربنا - 00:33:06ضَ

الحمد لله ان ربنا ده ربنا اداني فرصة ان انا انجح بل والله يا اخواني في كل يوم تقوم فيه الصبح وتفتح عينك وانت لسة فيك حياة وفيك نبض احمد ربنا - 00:33:22ضَ

نحمد ربنا ان ربنا بيديك فرصة ان تعود وترجع. اتنين الصورة التانية من صور الغفلة غفلة الانسان منا عن ذكر الاخرة انه ناسي تماما انه ممكن في لحظة من اللحظات انه يموت - 00:33:37ضَ

ناسي تماما انه في لحظة من اللحظات ممكن يقف بين يدي الله ناسي تماما انه ممكن خلاص الطريقين يا جنة يا نار ناسي تماما حاجة اسمها قبر ربنا سبحانه وتعالى بدأ بسورة الانبياء بهذه الاية العظيمة فقال ربنا تبارك وتعالى اقترب للناس حسابهم وهم في - 00:33:51ضَ

غفلة الحساب قرب والنبي صلى الله عليه وسلم يقول في الحديث الحسن اقتربت الساعة اقتربت الساعة ولا يزداد الناس من من الله الا بعدا ولا من الدنيا الا حرصا اقتربت الساعة يا اخوانا - 00:34:11ضَ

يا اخوانا يمكن تسعين في المية من اشراط الساعة ظهرت وكل يوم بتزداد ظهور ولم يبق الا ايات يسيرة نذر يسير من الايات المتعلقة اللي هي هتكون بقى مقدمات وارهاصات للعلامات الكبرى. اقتربت الساعة - 00:34:31ضَ

ساعة اللي ضيع النهاردة المغرب والعشاء علشان الماتش انت مش متوقع انك هتسأل بين ايدين ربنا عن هذا الامر الانسان اللي بيظلم. يعني الانسان اللي في يوم من الايام ظلم زوجته ده او بيظلمها. او هي بتظلمه او في يوم من الايام عامل معصية - 00:34:50ضَ

انت ناسي ان انت هتموت وتقابل ربنا غفلة الانسان عن الاخرة والله يا اخوانا والله الموت اقرب للانسان منا من شراك نعله. من شراك نعله وحنا ياما شفنا الكلام ده - 00:35:09ضَ

انا والله يا اخوانا لا انسى في حياتي ما حييت ما حييت كنا في عمرة وانا خلصت العمرة وراجع بقى على الفندق علشان اغير هدومي والبس والكلام ده. ولقيت اختي من اخواتي اللي معنا في العمرة في حالة زهول. يا شيخ يا شيخ يا شيخ! خير يا بنتي في ايه؟ قالت لي يا شيخ - 00:35:27ضَ

الست اللي في الاوضة اللي جنبي بتموت انا باغسل وانا عارفة كويس جدا ان دي علامة تموت ويطلع لها بسرعة. طلعت جري. جري والله يا اخواننا ولقيت الست خلاص فاضت روحها الى بارئها سبحانه وتعالى - 00:35:46ضَ

ماتت العجيب الست دي كانت مغربية اصلا ولقيت بعد كده جوزها دخل علينا حاجة وسبعين سنة وهي نفس القصة كانت كبيرة في السن شايل عشاء شايل الايه شايل العشاء فطبعا شاف في ايد فزع ما خلاص ماتت - 00:36:03ضَ

بتكلم بقى معه واحدة واحدة بعد ما خلصنا قصة الجنازة والعزا والقصة ايه في ايه قال لي والله يا شيخ قالت لي انا انا عايزة افك عن نفسي شوية فانا حجزت لها من المغرب حجزت لها اسبوعين في شرم الشيخ عندكم في مصر - 00:36:24ضَ

اول ما وصلت هناك شفت سياح وشفت عرية وشفت خمور سابت ده كله قالت له انا مخنوقة في المكان ده. انا مش هاقعد هنا. طب اعمل ايه؟ احنا نطلع نعمل عمرة - 00:36:39ضَ

عمرة ايه وهنجيب التزاكر ازاي ولا نجيب تأشيرات ازاي ؟ قالت له اتصرف اعمل اي حاجة انا مش قاعدة هنا بيقولوا الحمد لله ربنا رزقنا بتأشيرتين عمرة. والله يا شيخ احنا لسة جايين من مصر عندكم جينا عملنا العمرة قلت لها انت اطلعي اطلعي انت بقى - 00:36:51ضَ

خلاص على ما اجيب العشاء ونطلع بقى ايه انا اغير احرامي ونتعشى مع بعض ماتت ماتت ماتت باحرامها. ماتت في مكة. وكانت ليلة جمعة. والحمد لله ربنا اكرمني واقنعت اهلها. واولادها هناك في المغرب ان احنا نصلي - 00:37:08ضَ

عليها في الحرم وصلي عليها صلاة الجمعة يا اخوانا هذه المرأة لولا اللي بينها وبين ربنا عمل صالح كما اخبرني زوجها. الست دي كانت ماتت في مكان كله معصية والفارق بين ده وده هي ساعات. الموت قريب منا كلنا - 00:37:25ضَ

فقبل ما تاخد اي اختيار لاي قول او لاي عمل افتكر دايما انك فيه موت افتكر دايما انك في قيام ساعة. افتكر دايما ان فيه حساب. افتكر لحظة انت هتقف بين ايدين فيها بين ايدين ربنا. فيها سبحانه وتعالى - 00:37:43ضَ

وساعتها ربنا يقررك بما كنت تعمل في الدنيا. فينبئهم بما عملوا. احصاه الله ونسوه غفلة الناس عن الاخرة غفلة الناس عن الاخرة. تلاتة غفلة الانسان منا عن الموت الساعة الحرجة في حياة كل انسان منا - 00:37:59ضَ

وهذه من اشد سور الغفلات ان الانسان منا يغفل عن اللحظة الاخيرة في حياته اسمعوا يا اخواننا مني الكلام ده ومش عايز حد ينسى وعايزك تطلع من الدرس النهاردة بالتلات جمل اللي هقوله لك هقولهم لك النهاردة - 00:38:19ضَ

الامام الغزالي رحمه الله بيقول وما تواتر عمله من العبد في الدنيا يعود ذكره على القلب عند الموت كل اللي انت عملته وعملته كتير في الدنيا بيعود ذكره على العبد عند الموت - 00:38:40ضَ

بالله عليك فلو كانت حياة الانسان على معصية هو حالة من تلاتة اما ان هذا العبد اذا تواتر او اذا عاد على القلب ذكر ما فعله في الدنيا اما ان ييأس هذا العبد ويقنط من رحمة الله عز وجل فيموت على كبيرة هي من اعظم الكبائر عند الله عز وجل - 00:39:00ضَ

واما واما ان يجتمع على الانسان منا في هذه اللحظة الموت وحسرة الفوت مش قادر يتوب مش عارف يتوب اصلا قيل بينه وبين ما يشتهون وده اللي كان الامام الحسن البصري بيقول ايها الناس التوبة التوبة - 00:39:26ضَ

لا يجتمع على الواحد منكم الموت وشدة الفوت وحسرة الفوت انه عايز يتوب مش قادر. وحيل بينه وبين ما يشتهون. قال عمر بن عبدالعزيز حيل بينه وبين التوبة حيل بينه وبين التوبة. ضاع الانسان ده خلاص - 00:39:49ضَ

انما الامر التالت بقى والخطير اوي الناس اللي في غفلة عن لحظة موتها والكلام ده انا شفته بعيني. والله شفته بعيني ان ما تواتر فعله من العبد في الدنيا يعود ذكره على قلبه عند موته - 00:40:08ضَ

فيشتهي العبد في هذه اللحظة المعصية اللي كان عايش عليها فيقوم هذا الانسان وهو يحتضر الى معصية كان يشتهيها فيقوم لفعلها فيموت عليها يقوم لها ويموت عليها نسأل الله سبحانه وتعالى السلامة - 00:40:23ضَ

اما الانسان اللي دايما بقى الموت ده قدام عينيه دايما هو بيجتهد دايما في طاعة الله عز وجل ما بيغفلش فتلاقي دايما ربنا سبحانه وتعالى بيفتح له عند الموت بعمل صالح يموت عليه - 00:40:47ضَ

تلاقي سبحان الله بصوا يا اخوانا عند موت الانسان دا هو اشتهى عمره اشتهى عمرة عايز يعمل عمرة يطلع يعمل عمرة يموت وهو محرم والله يا اخوانا كم من ناس الواحد شافها - 00:41:02ضَ

هناك مثلا في مكة او في عرفات في عرفات والله تلاقيه قاعد كده يذكر الله سبحانه وتعالى والله سبحانه وتعالى يصطفيه في هذا الموطن. ويقبضه الله عز وجل وهو على صعيد عرفات - 00:41:18ضَ

والله يا اخوانا سنة قبل اللي فاتت دهي احنا نازلين من عرفات خلاص الله عز وجل كما بشر النبي صلى الله عليه وسلم قال ربنا تبارك وتعالى اتاني قال النبي صلى الله عليه وسلم اتاني جبرائيل - 00:41:32ضَ

فاخبرني او بشرني ان الله قد غفر لاهل عرفات وضمن عنهم التبعات فواحد من الصحابة يقول يا رسول الله اهذه اه لنا خاصة؟ قال لا هي لكم ولمن جاء من بعدكم. فالناس نازلة من عرفات ثوب ابيض - 00:41:45ضَ

يوم ولدتهم امهاتهم وهي معنا في الاتوبيس والله يا اخواننا قاعدة معنا في الاتوبيس تذكر ربنا وتقرأ قرآن وتصلي على النبي. فرحانة بقى الناس فرحانة بقى. نازلين من على عرفات بفضل الله - 00:42:03ضَ

خرجنا من مزدلفة ورايحين على منى بقى خلاص يوم الحج الاكبر قبل ما ننزل لمنى ماتت ماتت في الاتوبيس هي اشتهت العمل الصالح اسأل الله عز وجل لنا هذه الشهوة - 00:42:15ضَ

شهوة العمل الصالح في اخر لحظة في حياتنا اما الصنف التاني من الخلق اللي بيبقى في غفلة بقى تامة عن الموت والكلام ده. اللي ربنا سبحانه وتعالى حذرنا منه في القرآن. حين قال ربنا تبارك وتعالى وجاءت سكرة الموت بالحق - 00:42:31ضَ

وجاءت سكرة الموت بالحق ذلك ما كنت منه الى ان قال ربنا تبارك وتعالى لقد كنت في انت كنت ناسي اللحظة دي فقد كنت في غفلة من هذا يا اخوانا بالله عليكم بالله عليكم - 00:42:49ضَ

الا العلاقات النسائية مرض العصر وشهوة العصر الا العلاقات النسائية والله مع واحدة مغربية ولا شات مش عارف مع مين ولا كلام مع مين ولا كومنت لمين يا اخوانا بالله عليكم الا ده - 00:43:05ضَ

الا ده لان الشهوة دي نسأل الله العافية والسلامة. الشهوة دي لما بتنزل في قلب حد انت مش حمل ان قلبك يشتهي الذنب ده. وانت بتموت تموت عليه نسأل الله سبحانه وتعالى السلامة. بالله عليكم خدوا بالكم - 00:43:22ضَ

وانا يمكن ذكرت لكم قبل كده قصة البنت والعياذ بالله اللي ماشية غلط ويجي لها نزيف وهي والعياذ بالله في الغلط وفي الحرام وتتنقل في المستشفى وتقعد في المستشفى عشر تيام نزيف وبعد كده غيبوبة وبعد الغيبوبة ماتت - 00:43:39ضَ

وقابلة الله عز وجل وهي جنب وقابلة الله عز وجل واخر عمل في حياتها فاحشة وقابلة الله عز وجل نسأل الله سبحانه وتعالى لي ولكم السلامة على الذنب ده. اوعوا اوعوا الذنوب دي بالذات. صح - 00:43:57ضَ

ليه ؟ لان لحظة الموت القلب انما يشتهي ما كان يصنع في الدنيا رحنا لحد انا مش عايز اقول كلفين يعني آآ يعني هو جد احد اخوانا يعني كلمني وقال لي ابوس ايدك تعالى بيحتضر مش عارفين نلقنه الشهادة - 00:44:14ضَ

ونروح علشان نلقنه الشهادة. والله يا اخوانا والله. الراجل ده كان مرابي. مرابي والله يا اخوانا اقول قول لا اله الا الله يقول لي فلانة خدت كزا جابت كزا وعليها كزا. يا حاج انس بص انت مش كاتب ده في الدفتر؟ اه كاتب كل حاجة. انسى بقى الدفتر - 00:44:31ضَ

ده وخليك بقى معي بالله عليك بالله عليك خليك معي يلا نقول مع بعض كده سبحان الله الحمد لله. عايز اوصله يقول لا اله الا الله. يسكت ما يتكلمش. ولما يتكلم يقول الفلوس فلانة فلان وفلانة وفلان - 00:44:48ضَ

والله يا اخوانا والله ما رأيت في حياتي انسان ارهق ارهقني كهذا الانسان. وفي النهاية عجزت ان انا القنه الشهادة. ويوم مات هو لا يتكلم الا على شهوته اللي عاش عليها - 00:45:02ضَ

احنا مش عايزين نغفل عن اللحزات دي دي لحظات مصيرية في حياة كل انسان منا لحظات مصيرية في حياة كل انسان منك. اوعى تغفل عنها. عينك دايما عليها. من صور الغفلة ايضا - 00:45:16ضَ

غفلة الانسان منا عن طاعته وعبادته وقربه لربه عز وجل اللي ربنا سبحانه وتعالى قال عنها فخلف من بعدهم خلف اضاعوا الصلاة ها اضاعوا الصلاة ضيعوا مواقيتها اختنا وربنا يا رب يحفزك اللي بتحضر معنا وامنا اللي معنا دلوقتي اللي قاعدة في المطبخ - 00:45:30ضَ

واذن لصلاة العصر ولسه ما صلتش وفوجئت ان هي بتحط الاكل. كان المغرب بيدن. والله العظيم حرام عليك والله العظيم حرام عليك ولادك لو ما كلوش في اليوم ده مش هيموتوا - 00:45:50ضَ

ولكن تضييعك للصلاة وغفلتك عن طاعتك وعبادتك دي فيها هلاك الدنيا واخرة احنا مش عايزين كده الاخت اللي لسة ربنا اكرمها وعندها طفلين تلاتة وتقول انا ما عدتش بعرف اصلي ده له طلبات وده له طلبات احنا مش حمل ده - 00:46:03ضَ

سيبك من طلبات عيالك هيعيطوا وخليهم يخبطوا دماغهم في الحيطة. بس وقت الصلاة قومي صلي وقت الصلاة قومي صلي وسيبي ربنا سبحانه وتعالى يدبر لك امر ولادك قال الله سبحانه وتعالى فويل للمصلين الذين هم عنه صلاتهم ساهون. في ناس كده في غفلة عن ربنا سبحانه وتعالى. في ناس كده تقعد مجلس مسلا - 00:46:17ضَ

مجلس ما ذكرش فيه ربنا ما صلتش فيه على النبي صلى الله عليه وسلم. فيه ناس كده سافرت وما ذكرتش ربنا سبحانه وتعالى. فيه ناس كده لما تيجي تنام تفضل تفكر في عشر تلاف حاجة وفي النهاية نامت وما ذكرتش ربنا سبحانه وتعالى. احنا عايزين يا اخواننا يكون عندنا كده استيقاظ عندنا يقظة - 00:46:38ضَ

عندنا يقظة في طاعتنا وعبادتنا ربنا سبحانه وتعالى. في شباب ضاع منها سنين طويلة. بعيد عن ربنا سبحانه وتعالى. لأ احنا مش عايزين يكون عندنا غفلة عن بدر احنا عايزين يا اخواننا - 00:46:58ضَ

يكون الانسان منا هقول الكلام ده ونرفع الاذان ان شاء الله انا عايز كل واحد فيكم يا اخوانا عايز كل واحد فيكم يكون مصدر ذكر لكل اللي حواليه كانوا بيقولوا في ترجمة الحسن البصري كان الحسن رحمه الله اذا دخل الى السوق ضج السوق بالتدبيس - 00:47:10ضَ

علشان شوفوا مين؟ هم شافوه بس ويذكرون في الذهب يذكر الذهبي في ترجمة الامام ابن شوذب رحمه الله قال كان الناس اذا رأوه تذكروا الملائكة وكانوا يقولون عنه لا يحسن ان يعصي ان يعصي الله عز وجل - 00:47:30ضَ

الراجل ده هل شاعر في عص ربنا سبحانه وتعالى خليك يا ابني دايما مصدر كده الهام للناس. الناس بمجرد ما تشوفك تذكر ربنا سبحانه وتعالى والناس كلها ترجح لربنا. فيه ناس كده - 00:47:48ضَ

انا عارف ان انا شديت عليكم شوية فهخرجكم قبل الاذان كنت في لقاء مع بعض في درس مع بعض بعض الشباب كده انا كنت بتكلمه في الجزئية دي. يا ولاد - 00:48:02ضَ

خليكم دايما كده مصدر آآ التذكير للناس بطاعة ربنا سبحانه وتعالى خلي الناس اول ما تشوفك تفتكر ربنا. يعني انت مسلا آآ بتسمع دروس كتير مسلا على اللاب بتاعك. فزمايلك اللي معك في الاوضة في في المدينة الجامعية كل ما يخشوا آآ بيسمع مثلا - 00:48:13ضَ

فلان فخلاص فلان ده كل ما نشوفه احنا بنفتكر ايه اه نذكر ربنا سبحانه وتعالى يدخل في قول النبي صلى الله عليه وسلم يعني ان من احب عباد الله لله الذين اذا رؤوا ذكر الله. فانا عايزكم كده - 00:48:29ضَ

فانا بتكلم مع الشباب فبقول لهم انا عايزكم دايما يا ولاد الناس لما تشوفكم تفتكر ربنا سبحانه وتعالى فقلت لهم ها وانتم بقى الناس لما بتشوفكم بتفتكر ايه ؟ واحد لقيته يعني انا بمجرد ما قلت بس الكلمة دي قام رافع دي من الاخر خالص قال لي انا انا يا شيخ اقول لك. قلت له اتفضل. قال لي - 00:48:44ضَ

انا بفضل الله اول مرة بتشوفني بتفتكر الزبالة ربنا يا رب يصرف عني وعنكم الغفلة ويصرف عني وعنكم هذه الامراض المدمرة المهلكة باذن الله تبارك وتعالى الشيخ عبدالرحمن بقى ييجي يذكرنا بالله بعد الاذان ان شاء الله - 00:49:01ضَ

السلام عليكم ورحمة الله وبركاته بسم الله الرحمن الرحيم. الحمد لله رب العالمين. واصلي واسلم على نبينا محمد وعلى اله واصحابه اجمعين. ثم اما بعد ايها الكرام والاحباب فانا اقسم لكم بالله كما اقسمت لفضيلة الشيخ احمد اني ما جئت الا لاصلاح قلبي - 00:49:21ضَ

وما اردت الا ان نسمع لاخي فضيلة الشيخ احمد يعني افتح مغاليق قلبي. فانا ما جئت الا لنفسي. ففوجئت ان يقدمني واردت ان استر نفسي حتى لا يراني. لكن المشايخ - 00:49:40ضَ

يروا من وراء مكشوف عنهم الله ان يسترنا واياكم في الدنيا والاخرة وانا استفدت غاية الافادة من آآ كلامي الشيخ احمد حفظه الله تعالى. ويذكرنا وهو يضرب على رؤوسنا الغافلة - 00:49:53ضَ

لنستفيق من غفلتنا فالانسان الذي يولد من جديد هو الذي يكتب الله جل وعلا له ان يحيا من غفلته اذكر انني التقيت بالشيخ سعيد الزياني حد يعرفه الشيخ سعيد الزياني - 00:50:12ضَ

وهو نعم. هو عالم من علماء المغرب وانتقل الى قطر واخذ الجنسية منذ سنوات طويلة. وكان رفيق عبدالحليم حافظ كان رفيق عبدالرحيم حافظ. هو يقول لي بنفسي يعني انعقدت معه لقائين في قناة الناس قال لي انا دخلت بيوت كل الملوك والامراء - 00:50:31ضَ

والمغنيين المطربين كان اشهر ممسل واشهر مغني في المغرب وكان يطوف الدنيا مع الامراء بدون تأشيرة اي امير اي ملك يدخله بيته وكان معروفا مشهورا لما التقيت به وانا اسأله في - 00:50:55ضَ

في قناة الناس من حوالي عشر سنين تقريبا كان هو الشيخ توفي من سنتين او تلات سنوات وكان عمره حوالي سبعين سنة فقلت يا شيخ سعيد كم عمرك بطاقة شخصية؟ كم عمرك؟ قال لي عندي سبعتاشر سنة - 00:51:14ضَ

الشيخ عنده حوالي ستين سنة. قال لي سبعتاشر سنة فقلت له طب فهمنا يا شيخ وفهم الناس قال لي انا عندي فعلا سبعتاشر سنة. انا ما ولدت قل الا منذ سبعة عشر عاما. وما كان قبل ذلك كنت غافل كنت ميت - 00:51:30ضَ

وما رد الله جل وعلا الي الحياة الا منذ سبعة عشر عاما. فانا اعد هذه الفترة ما كان قبل ذلك موت. قل سبحان الله جاءت الهداية من الغفلة والافاقة من الغفلة جاءت بفضل الله جل وعلا فين؟ بيقول انا قاعد في المغرب واستضافوني في برنامج تليفزيوني - 00:51:48ضَ

كبير فالمزيع بيقول له يا استاز سعيد طبعا مشهور ومعروف. بيقول له انت سعيد. فهل انت سعيد يعني انت اسمك سعيد؟ طب انت سعيد؟ فاترك ثم التفت وقال للاسف انا منذ ولدت - 00:52:08ضَ

لم اخذ من اسمي الا ثلاثة حروف السين والعين والياء. فانا منذ اكثر من سبع واربعين سنة في سعي ابحث عن الدال المفقودة لاشعر بالسعادة. ده كانت الفلوس تحت رجليه - 00:52:29ضَ

والبنات بتتنطط قدامه. والمتعة كلها شافها. وبيقول انا في سعي ما وجدت الدال. ثم قال للمزيع انا اوعدك اذا وجدت الدال سأخبرك. اين وجدتها؟ بيقول له وعد بيني وبينك. انا لسه الان مش سعيد. لما الاقي الدال المفقودة هتصل - 00:52:50ضَ

اتصل بك واقول لك. بيقول وركبت علي الدنيا واصابني من الهم ما لا يعلمه الا الله. فاتصل بي اخي في بلجيكا اخوه في بلجيكا. قال له تعال احنا هناك عيشة - 00:53:10ضَ

انتم عارفين العيشة؟ بتاعة الشباب تعال هناك عيشة. قلت خلاص اروح. فذهبت الى بلجيكا وانا اقول لكل الشباب لو كنت مهموم مغموم مكلوم محزون. والله الى ان يسعدك البنات ولا الافلام ولا المسرحيات ولا الخروج في الشوارع ولا الجيوش على المقاهي ولا السفر لاوروبا وامريكا ابدا - 00:53:24ضَ

سيزيدك المال شقاوة سيزيدك المال شقاوة كما قال الله جل وعلا في سورة التوبة في ايتين متشابهتين فلا فلا تعجبك اموالهم واولادهم انما يريد الله الله ليعذبهم بها. ممكن الفلوس تعذبه. فراح بلجيكا بيقول وانا مهموم ومحزون ومكروب - 00:53:47ضَ

خدني اخ للمركز الاسلامي في بلجيكا في بروكسل. شف السعادة هتيجي فين؟ بيقول دخلت المركز الاسلامي اول مرة اسمع قرآن بجد. اول مرة مرة اشوف دين بجد وانا هناك في بلجيكا في بروكسل. بيقول سبحان الله! اول ما نزلت دموعي احسست اني ولدت من جديد - 00:54:10ضَ

فوق اسبوعين بفضل الله جل وعلا عادت الي الحياة. اتصلت بالمزيع قلت له على فكرة كما وعدتك وجدت الدال. قال له فين؟ قال له وجدتها في الدين دال الدين ودال الدعوة. والله من فمه. دال الدين ودال الدعوة ردت الي المسلوب من اسمي فانا الان - 00:54:30ضَ

يا سعيد لن تسعد بغفلتك عن الله جل وعلا ولا بعدك عن الله. انما السعادة كما ذكرها الله جل وعلا في القرآن. اقرأ القرآن كله من الفاتحة للناس لن تجد كلمة السعادة وردت في القرآن الا في موطن واحد. في خاتمة سورة هود قال الله جل وعلا فمنهم شقي وسعيد. قال بعدها - 00:54:55ضَ

واما الذين سعدوا ففي الجنة اللي عاوز السعادة يا يبقى في الجنة يا يبقى في طريق الجنة. زي ما انت وانت رايح اوروبا رايح واخد فسحة كده لفرنسا ولا ولا دولة كده مديون اسكندنافية وانت في الطريق مبسوط مع انك لسة ما شفتش زي - 00:55:17ضَ

زي ما انت كده هتورس عشرة مليون من عمك اللي مات مع ولاد عمك في العربية الجيب بتاعه وهو رايح يصيف في شرم الشيخ وانت الغلبان اللي كان عمك بيدي لك - 00:55:37ضَ

زكاة ما له. فلما عمك مات ورست بس لسة ما قبضتش. هتقبض بعد تلات اربع تيام. قاعد بتعمل الورق وبتمضي وبتجيب وانت مبسوط عشان هتورس مع انك لسة ما ورستش. اهو انت هتورس في الجنة. تلك الجنة التي نورث - 00:55:47ضَ

تلك الجنة التي نورث من عبادنا من كان هتورس في الجنة. لغاية لما تورس المفروض تبقى انت سعيد لانك في طريق الجنة والغافل هو الشقي الذي يتحسر عليها كما تفضل الشيخ في الدنيا والاخرة. وانذرهم يوم الحسرة - 00:56:06ضَ

اذ قضي الامر وهم في غفلة هي دي الحسرة بتاعة يوم القيامة واذا اردت اسباب هذه الغفلة بايجاز وعلاجها اذا اردت اسباب الغفلة بايجاز وعلاجها برضو بايجاز. في اية والشيخ بيتكلم انا والله قاعد مع نفسي والله. قاعد اقولها لنفسي - 00:56:26ضَ

الشيخ بيتكلم قاعد اقولها لنفسي. جوة نفسي انصح بها نفسي وقد جمع الله جل وعلا فيها كما قال بعض التفسير. تلت اسباب للغفلة ومن ثم علاجاتها. قال تعالى ان الذين لا يرجون لقاءنا - 00:56:50ضَ

الشيخ اتكلم عنه الاخرة ورضوا بالحياة الدنيا. فرح بالدنيا واطمأن فيها ونسى نسى الموت. ان الذين لا يرجون لقاءنا ورضوا بالحياة الدنيا والذين هم عن اياتنا غافلون. التلاتة الشيخ اتكلم عنهم. بس الاية بتجمع - 00:57:08ضَ

اولئك مأواهم النار بما كانوا يكسبون. دول النار. يبقى العلاج عشان تخرج من الغفل ايه ان الذين يرجون لقاءنا. يبقى ايه؟ ان تتذكر انك ستقف امام الله والله يا اخوانا الكلمة دهين انا بقولها لنفسي - 00:57:29ضَ

واشهر بها لاخواني لاحب لهم واحب لنفسي. انا اما الاقي نفسي كده هابعد هاكسر هافرط اقول لنفسي الكلمة دي. امام الله. انت هتقف قدام ربنا يبقى لما ترجو لقاء الله تقف ترتدع - 00:57:47ضَ

ورضوا بالحياة الدنيا اول ما تلاقي الدنيا احلوت في عينيك. رح المقابر عشان تفتكر ان ده كله هيروح في لحظة ورضوا بالحياة الدنيا. واطمئنوا بها. ما تطمئنش بالدنيا. ما تفرحش بالدنيا. اصل لو فرحت لو حسيت ان الدنيا خلاص اللي انت كان نفسك فيه خدته يبقى قربت قوي - 00:58:04ضَ

اما المؤمن كما قال النبي عليه الصلاة والسلام يموت المؤمن وحاجته في صدره لا يستطيع لها قضاء المؤمن ما اشترعش في الدنيا كان نفسي يعمل حاجات في الدنيا وما عرفش هو ده المؤمن. انما اللي اطمن واستريح وخد كل حاجة هتصيبه بالغفلة - 00:58:24ضَ

انت انت يا طالب ايام الامتحانات دلوقتي بتكون اقرب الى الله في ايام الامتحانات ولا في الاجازة طب انت في الاجازة فاضي هو كده في في الاجازة تطلع بقى المصايف ويطلع الرحلات وتطلع الدنيا. انما في الدراسة المصحف فوق الكتاب - 00:58:48ضَ

وتبدأ بربعين الاول. ما بتضيعش قيام الليل ولا ازكار الصباح والمساء. الفجر في الصف الاول والاستغفار ما انت عاوز ربنا يستجاب دعاءك اللهم قرب ورقة زميلي مني وابعد المراقبين عني واجعلني انقل بتأني. يبقى - 00:59:09ضَ

عشان يستجاب الدعاء يبقى الام اللي كنت عندها كان فيه بزور واحد من كم يوم كده فبقول لامه بكلم امه يعني قالت لي انا بدعي له ليل نهار ربنا يجعل اللجان اللي يدخلها كلها سهلة ويفتحوها كده - 00:59:26ضَ

ده الام بتدعي له يعني. يعني ربنا يجعل لو الاب رجع انت عملت ايه في اللجنة؟ كان شادين قوي ربنا ينتقم منه المراقب يا اخي الام بتدعو فالطالب بيجتهد في الطاعة عشان دعوته يستجاب ان ربنا ييسر له - 00:59:42ضَ

يا اخي الحبيب لا يرجون لقاءنا ورضوا بالحياة الدنيا واطمئنوا بها والذين هم عن اياتنا غافلون ايات الله المقروءة في القرآن وايات الله او ايات الله المرئية في الكون الايات اللي ذكرك الشيخ بها ان ربنا يبعت لك واحد يموت قدامك. المفروض دي حياة بموت - 01:00:01ضَ

دي عظة ربنا جاب لك اية عشان انت تقرب من ربنا. تبقى حياة بموت. واحفظها كده احفظ القاعدة دي. ان لم تتعظ بغيرك سيتعظ غيرك الاية لو انت ما استفدتش بها ان ربنا بعتها لك انت اللي هتكون انت بعد كده اية - 01:00:20ضَ

انت اللي هتكون بعد كده اية. فهذه اسباب ثلاثة وعلاجها منها علاجها منها. اسأل الله تعالى ان يوقظنا من غفلتنا. امين. وان يردنا الى دينه ردا جميلا. انه ولي ذلك والقادر عليه - 01:00:41ضَ

ويعني اشكر لاخي فضيلة الشيخ احمد جلال الذي يعلمنا دائما الادب عمليا. وانا اشهد له بذلك والله جزاه الله خيرا. واسأل الله تعالى ان يرفع قدره وذكره ويتقبل جهده ويجعل له القبول في الارض. ويجعل لكلامه النفع اينما حل. واسأل الله تعالى ان يرفع ذكره في الدنيا والاخرة - 01:00:55ضَ

وكذلك انتم ونحن معكم يا رب العالمين. اسأل الله تعالى ان يجمعنا واياكم في الدنيا على خير وفي الاخرة مع النبي صلى الله عليه وسلم. جزاكم الله خيرا وصلى الله وسلم وبارك - 01:01:15ضَ

على النبي محمد وعلى اله واصحابه اجمعين. والسلام عليكم ورحمة الله الحالة اللي زي كده احب دايما انصح اختنا بل للاسف بيجيب نتائج عكسية انت استضفتي معه وانت عملتي بقوة وعنف وشدة - 01:01:25ضَ

بتكون النتيجة على طول هو جواه في عقله الباطن ينظر لهذه الصورة صورة زوجته اللي عملت معه كده وصورة البنات اللي في الجهة التانية اللي بيتوددوا اليه وبيتحننوا اليه والكلام ده - 01:02:26ضَ

بتكون النتيجة انه ممكن ده كله ويتوجه للحرام بكثرة وبزيادة ونفسه في هذا الوقت بتديله مبرر انت مش لاقي سعادتك في البيت مع زوجتك فشوف هي بتعمل معاك ايه فدور على سعادتك فين - 01:02:43ضَ

انك ما عرفتيش اي حاجة وبينك وبينه كده. بينك وبينه وكن على يقين ان مرض الشهوة لما بينزل في القلب لا يتركه شيء كالايمان حاولي ان انت تقعدي معهم اقرأي مع القرآن. احرصي معه ان احنا نصلي ركعتين بالليل - 01:02:59ضَ

اجتهدي كده ان احنا آآ تذكريه ده فلان حصل معه كزا بس طبعا من بعيد علشان ما يفهمش ان انت عارفة وحاولي بقدر المستطاع زيادة الايمان فازا استطعت ان انت توصلي للمرحلة دي والتحدي ده ان انت تعللي له ايمانه وصدقيني والله - 01:03:28ضَ

يصرف الله عنه السوء. انا لا اعرف شيئا طارد للشهوة من من القلب كالايمان. الشهوة دي يا اخواننا ظلمات بتنزل في القلب هذه الظلمات لا تزول الا بالنور. لو قدرنا ننور في قلبه - 01:03:46ضَ

طاعة وعبادة وقرب. صدقيني والله سيبغضه الله عز وجل فيما يفعل الصدام في كتير من الاوقات بحكم المشاكل اللي بتتعرض على الواحد دايما الصدام ما بيجبش حل ولكن نربي ونعلم ونأدب كانه ابن من ابنائك كده - 01:04:01ضَ

كأنه بصاحبة من صاحباتك رجليها زلت. وانت بتحاولي بقدر المستطاع ان انت تتحنني لها وتتوددي لها. وبتصلحي بحكمة وموعظة حسنة ان احنا نجيب اشرطة ونسمع في البيت تاني زي زمان نجيب بقى اسطوانات ونسمع زي الاول. حاولي بقدر المستطاع ان انت يعني تجملي له وتزيني - 01:04:18ضَ

ما تخلهوش ابدا في حاجة انه ينظر لبرة حاولي دايما تكلميه عن مراقبة الله عز وجل له وعن رؤية الله عز وجل له. وان الله سبحانه وتعالى يراقبه. لو قدرنا نغرس ده في قلب هذا الزوج - 01:04:38ضَ

ان شاء الله بازن الله ربنا سبحانه وتعالى يصرف عنه هذا الامر مع استغاثتك استغاثتك وتوسلك بالله سبحانه وتعالى انه يصرف عن زوجك هذا ايه الذنب طيب آآ المدرس بتاعي مات بالامس. ارجو الدعاء له - 01:04:51ضَ

هو ده اللي احنا بنقول عليه يا اخوانا يعني اسأل الله سبحانه وتعالى ان يغفر له ويرحمه. اللهم اغفر له وارحمه. اللهم اغفر له وارحمه. اللهم عافيه واعف عنه. اللهم اكرم نزله ووسع مدخله - 01:05:10ضَ

يغسل بالماء والثلج والبرد يعني متى يبدأ وقت صلاة الضحى؟ وقت صلاة الضحى وعدد الركعات وقت صلاة الضحى بيبدأ من بعد طلوع الشمس بربع ساعة تقريبا يعني بص على وقت الشروح في النتيجة. الشروق مسلا مسلا الساعة ستة وربع - 01:05:21ضَ

يبقى وقت الضحى بيبدأ كم ستة ونص ومتى ينتهي وقته؟ ينتهي وقته قبيل الظهر بثلث ساعة. اشمعنى تلت ساعة؟ يعني من عندك دي؟ لا هو احنا اصلا اوقات الكراهة عندنا - 01:05:51ضَ

اذا كانت الشمس في وسط السماء ده بداية وقت الكره اللي هو منتصف النهار الى ان تزول. الوقت ده بياخد تلت ساعة تقريبا ما دام مكروه في الصلاة. اللي النبي قال عنه في الحديث واذا قام قائم الظهيرة. لما تكون الشمس في وسط السما كده - 01:06:05ضَ

فوقت الظهر بقى بيد وقت الضحى بيبدأ من بعد الشوق بربع ساعة لحد قبل الضهر بتلت ساعة بالضبط ماشي كده اما بالنسبة لعدد الركعات فارى ان الامر فيها واسع ولقد ثبت ان النبي صلى الله عليه وسلم صلاها ركعتين وحث على ذلك. كان في حديث ابي هريرة اوصاني رسول الله بثلاث ومن بينها ركعتي الضحى - 01:06:21ضَ

وثبت انه صلاها اربع لقول النبي صلى الله عليه وسلم يا ابن قال الله عز وجل في الحديث يا ابن ادم اربع ركعات من اول النهار اكفيك اخره وثبت في حديث انس حسين الشيخ الالباني رحمه الله ان النبي صلى الضحى ستا - 01:06:45ضَ

وثبت في حديث آآ ام هانئ ان النبي صلاها ثمان ركعات يوم الفتح رجل كان لا يصوم ولا يصلي ومات اسأل الله سبحانه وتعالى السلامة. اسأل الله عز وجل ان يتوب علينا وعليه - 01:07:01ضَ

هل يجوز ان تصوم ابنته او ابنه عنه اما الصلاة فباجماع المسلمين فلا يجوز ان يصلى عنه. نقل هذا الاجماع ابن عبدالبر وغيره اما الصيام فاذا كان الصيام فرض النبي يقول من مات وعليه صوم صام عنه وليه - 01:07:20ضَ

الله اعلم ركعتين ركعتين لحديث صلاة الليل في رواية حسين الشيخ الالباني وصلاة الليل والنهار مثنى مثنى. زيادة النهار دي الشيخ الالباني حسنها رحمه الله رحمة وبعض العلماء ضاعفوها يعني - 01:07:38ضَ

بالنسبة للصلوات بالنسبة للاوقات الكراهة بالنسبة للاوقات الكراهة لو انا دخلت المسجد في وقت من اوقات الكراهة هل يجوز لي ان اصلي سنة دخول المسجد عندنا على المذهب ان اوقات الكراهة لا يصح فيها الصلاة المتعلق بها اللي هي التطوع المطلق الذي لا سبب له - 01:08:04ضَ

اما اذا كان الصلاة لها سبب فلا بأس ان يصليها الانسان في وقت الكراهة واستدلوا على ذلك بعدة احاديث منها ان النبي صلى الله عليه وسلم قل انه اقالة عائشة ان النبي صلى بعد العصر ركعتين - 01:08:24ضَ

فلما سئلت عائشة عن هاتين الركعتين لمسألة النبي صلى الله عليه وسلم قال ان وفد عبد القيس لما اتوا لرسول الله صلى الله عليه وسلم بعد الظهر ليسألوه عن امور الدين - 01:08:42ضَ

فشغل النبي صلى الله عليه وسلم عن الركعتين البعدية للظهر فصلاها النبي امتى بعد العصر وقت كراهة. فصلاها النبي لان الصلاة لها ايه؟ لها سبب. ومن الصلوات اللي لها سبب اه سنة دخول المسجد فهذا له سبب - 01:08:53ضَ

حاضر. الايه؟ لا الاستخارة اللي هتدخل في هذا الوقت اه احنا مقيمين هنا بالمدينة وبنسافر لخميس فبنجمع الضهر والعصر علشان العصر بيضيع عشان المواصلات فهل لنا ان احنا نصلي سنة - 01:09:12ضَ

ولا لو حبينا نصلي سنة الظهر والعصر طيب اما اذا كنا هنجمع فمن شروط الجمع الا يكون هناك فصل على المذهب المذهب الحنبلي الا يكون هناك فاصل بين الركعتين بين الصلاتين - 01:09:31ضَ

اللي احنا خدناه طبعا في في درس القصر والجمع. الا يكون هناك فاصل بين الصلاتين طب تقول لي هتعمل ايه في حديث النبي صلى الله عليه وسلم انه جمع بين المغرب والعشاء وسبح بينها؟ ليس المراد بالتسبيح هنا اللي هي النافلة ولكن المراد بالتسبيح الايه - 01:09:46ضَ

ختام الصلاة احيانا بنوصل قبل المغرب بشوية بحيس يكون لنا وقت ان احنا نصلي العصر هل نصليه؟ لأ لا تصليه. يعني ازا انا صليت الضهر والعصر جمعا مثلا في المنصورة وانا مسافر مسلا القاهرة مثلا فاذا صليت الضهر والعصر والماسورة ووصلت القاهرة - 01:10:01ضَ

في وقت العصر لا تصلي العصر. ليس بلازم عليك الا في حالة واحدة وهي اذا دخلت المسجد اذا دخلت المسجد فاذا دخلت المسجد وجب عليك الصلاة مع الامام لان النبي صلى الله عليه وسلم - 01:10:21ضَ

اه صلى ذات يوم فلما آآ انهى صلاته رأى رجلين في اخر المسجد لم يصليا وقال النبي لما لم تصلي اولستما برجلين مسلمين قال بلى يا رسول الله ولكننا صلينا في رحالنا. كنا على سفر وصلينا واحنا جايين في الطريق. فقال اذا صليتما في رحالكما ثم اتيتما المسجد فصليا فصلي - 01:10:36ضَ

مع الايه؟ مع الامام طارق زايد فين طارق زايد طارق في حد بيعمل فيك مقلب زي المرة اللي فاتت يعني هو المرة اللي فاتت حد كلمني على طارق زايد وباعت لي ورقة ما فيش عروسة ليه يا شيخ يا شيخ؟ طارق زايد - 01:10:58ضَ

في الاخر طول عمره مش طارق ازايز وحد بيعمل مقلب في طارق زايد ان شاء الله بكرة باذن الله تبارك وتعالى صيام صيام الخميس باذن الله النهاردة كان يوم عجيب. النهاردة بقى صليت الفجر - 01:11:16ضَ

وجاي بقى ايه ريقي ناشف جدا عطشان جدا جدا والله العزيم يعني وكنت جاي من القاهرة كمان فالواحد بقى ايه دايخ حوالين نفسه كده صلاة الفجر وطالع العطشان في نفسي تقول لي بقى افطر واللي في دماغي ان النهاردة الايه - 01:11:37ضَ

الخميس فانا بقى ايه قلت اطبق الدرس اللي فات على نفسي هتقول ايه ؟ والله يا نفس لا اريد بك الا الخير والله يا نفسي همنعك عن الاكل والشرب انا لا اريد الا بك الى الخير. والله يعني ان شاء الله لابلغن بك الى دار السعادة. ان شاء الله النهاردة الخميس لازم نصوم. ويا نفس احنا هنام شوية وهنقوم على الضهر مش هتبقى عطشانة ولا اي شيء - 01:11:51ضَ

وبعد الجهاد ده اقوم قبل الضهر بشوية فمراتي تقول لي ده النهاردة الاربع. قلت يا نهار ابيض! يعني والمجهود بتاع الصبح ده راح كده! اللهم اه طبعا ما فيش حاجة مع ربنا بتروح سبحانه وتعالى - 01:12:14ضَ

بكرة صيام يعني هل يجوز تعدد النوايا في الصيام؟ آآ مثل نصوم الخميس بكرة ان هو من باب السنة ويوم يبعد عن النار سبعين خريفا. اه يجوز باذن الله لان كل هذه اصلا من فضائل - 01:12:30ضَ

هذا الصيام هل يجوز آآ برضو الجمع بين النوايا في في في النوافل آآ اما النوافل المقيدة بالصلوات سنة الظهر سنة العصر سنة الفجر اه فهذه لا يجمع بعضها على بعض. السنن الرواتب لا يجمع بعضها على بعض. يعني ما نجمعش مسلا ايه؟ انا فاتني لسنة مسلا المغرب البعدية. فقل لي انا هجمعها مع سنة العشاء البعدية - 01:12:44ضَ

الاتنين في ركعتين ده ده ما ينفعش. لان هذه الصلوات مسماة فلا يجوز الجمع بينها في تلات سنن ممكن تجمعهم مع اي سنن اخرى سنة الوضوء سنة الاستخارة سنة دخول المسجد. التلاتة دول ممكن تجمعهم ايه ها - 01:13:12ضَ

مع اي شيء اخر. يعني ممكن انا مسلا ايه انا اتوضيت مسلا وطالع لقيت عم عبدالله بيازن للعشاء فممكن اصلي سنة الوضوء مع سنة العشاء الايه؟ القبلية. ده ماشي يا اخوانا - 01:13:27ضَ

فتلت سنن يجوز جمعها هي سنة الوضوء والاستخارة ودخول المسجد - 01:13:39ضَ