Baheth

الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد آآ ما زلنا بفضل الله تعالى نتناول هذه السلسلة الطيبة وهي سلسلة الطريق الى الله ان شئت سبحانه - 00:00:00ضَ

وتعالى وآآ كنا قلنا اننا سنبدأ هذا الامر بالبيان عن آآ الاسباب التي قد تمنع الانسان من سلوك الطريق الى الله سبحانه وتعالى وكان المحاضرة الاخيرة تكلمنا فيه عن اليأس والاحباط. وهذه الحالة التي اذا دبت في انسان خلاص يعني ما عاد يهمه شيء ولا يريد التزام ولا شيء - 00:00:20ضَ

لكن بين ايدينا اليوم عائق مختلف وهذا العائق يعني مبني على الهوى. شيء آآ يكون الواحد يعمله ويمنعه من الالتزام لانه يعلم ان من مقتضيات الالتزام انه يمتنع عن هذا الشيء الذي يحبه. وهذا الشيء باختصار هو سماع الاغاني والموسيقى - 00:00:40ضَ

هذا شيء يعني صار بلية. ابتلى بها الكبير والصغير. ويعني حتى بعض الطيبين يسمعون هذه الاشياء. تجدها الان في البيوت وفي الموصل بات في الطرقات وانت في بيتك تسمع الغناء. لو انت ما عندكش اصلا اي غناء هتسمع برضو الغناء هيجي لك من الشارع. هيجي لك من جهرك - 00:01:02ضَ

ركب مواصلة هتلاقيه هتخش الحكومة هتلاقيه هتخش شغلك هتلاقيه هتقعد جنب اي حد هتلاقيه شيء بقى رهيب. وبالتالي تغلغل في المجتمع وفي الشباب بطريقة غير عادية. فصار الشاب ازا اهم بالالتزام علم ان من مقتضيات الالتزام انه لازم هيبطل الايه؟ هيبطل اغانيه. فيؤخر بقى - 00:01:22ضَ

القرار دوت لغاية ما ربنا يسهل بقى. وده اصلا يعني كما سيأتي اكبر دليل على اقتناعه بان الغناء ايه؟ حرام. هو عارف ان انا طالما التزمت لازم ابطل ايه لازم ابطل غناء ما فيش حد قرر يلتزم وما فكرش في القصة ديت. لان الفطرة السليمة تعلم ان هذا الذي يحصل في الاغاني وفي الموسيقى - 00:01:42ضَ

بغض النظر عن الادلة التي سنوردها لكن هو بفطرته عارف ان انا ابقى ملتزم يبقى لازم اعمل ايه؟ لازم ابطل اسمع اغاني. هو ليه جت في دماغه كده؟ يعني ما حدش قال له - 00:02:02ضَ

هو دلوقتي احنا بنقول له تعال صلي وبتاع فهو لسه متردد ان هو يسلك الطريق سلوكا جادا حقيقيا لان هو هو ما قلناش بس هو عارف ما بينه وبين نفسه ان هو ايه ان هو بيسمع - 00:02:12ضَ

اغاني. فهو عارف ان انا عشان ابقى بقى معكم ولو اكمل للاخر ابقى ملتزم بجد لازم هبطل اغاني. احنا قبل ما نقول له فشيء فطري سبحان الله قبل ما نتكلم في الدليل - 00:02:22ضَ

قبل ما يجادل وقبل ما يقول لك فلان قال وفلان عاد. هو اصلا فطريا كده عارف ان انا التزم يبقى لازم هبطل غناء. لكن خليني قبل ما ابدأ في القصة ديت واناقشها - 00:02:32ضَ

ان انا آآ يعني آآ اجيب شهادتين آآ اتنين من المشاهير. الاول هو آآ المغني المشهور تامر حسني. في لقاء مشهور في اه على القنوات اه استضافوا تامر حسني. والمزيعة بتسأله في ضمن حوار يعني. فبتقول له يعني هو مقطع - 00:02:43ضَ

مشهور على النت كده. قالت له ايه اللي بيحتل تفكير تامر حسني اربعة وعشرين ساعة؟ ايه الحاجة اللي تامر حسني؟ بيفكر فيها اربعة وعشرين ساعة. وما بيتغيبش عن تفكيره ابدا - 00:03:03ضَ

فلا لازم اقول وبصراحة قالت له قوله بصراحة مش عايزين دبلوماسية خالص. قل اللي في قلبك. قل بصراحة قال لها طيب هقول لك بشرط. قالت له ايه الشرط خلنا نعدي الموضوع - 00:03:15ضَ

وما تكلمنيش فيه كتير. وما تسألنيش فيه كتير. انا هقول لك والموضوع يعدي. هو مش عايز اكتر من كده. هو موضوع فيه. بس هو مش هيقدر حد يناقشه اكتر من كده - 00:03:30ضَ

ده مش هيستحمل. قالت له اتفقنا. قال لها انا اللي شاغلني اربعة وعشرين ساعة ان انا بتمنى ما يجيليش الموت وانا مغني بتمنى ما متش وانا مطرب المزيعة بتقول له تموت وانت مطرب ليه ؟ بعد الشر عليك - 00:03:40ضَ

قال لها فعلا بعد الشر علينا كلنا انا الموضوع ده بتمناه انا عايز اغني شوية وخلاص. وابطل. انا دايما خايف ان يجيني الموت وانا بغني الغنا ده ما ينفعش يكون اخر الاحلام. احنا ما اتخلقناش عشان كده - 00:03:59ضَ

احنا جينا الدنيا مش عشان يبقى اخر احلامنا ان احنا نغني قالت له طب انت عايز تعمل ايه؟ قال لها عايز اعمل حاجات كتير قوي. قالت له زي ايه؟ قال لها احنا اتفقنا ما تكلمنيش. كتير في الموضوع دوت وسكت. ده - 00:04:21ضَ

تقول ايه؟ اول واحد ده واحد يعني لن تصل الى مستواه لا في السماع ولا في الموسيقى ولا في العزف ولا في الغناء. ولا ينبئك مثل ايه؟ مثل خبير. هذا - 00:04:37ضَ

رجل قد خبر الموسيقى والغناء ودي نهاية تجربته ان هو خايف جدا ان يموت وهو مغني. فترة ده بقى لا معه معه كل الفتاوى اللي بتقول له حلال. بس هو ما زال - 00:04:47ضَ

اعتقد في داخله يقين ان اكيد اللي انا بعمله دوت حرام. التاني الاعجب منه بقى سعد الصغير. العنب العنب بقى والقصة دي بقى فاهم انت؟ سعد الصغير ايه اقوى بكتير من من تامر في الموضوع دوت. تامر امين المزيع بيقابله. فهو بيتكلم كان سعد طالع من من حادسة او او مرض شديد يعني - 00:04:57ضَ

كان في مستشفى مدة طويلة واتعافى بفضل الله. المهم ان هو بيقول لتامر امين بيقول له انا عايز انا باكل عيش بس بالغنا ده لغاية ما ربنا يسهل لي قال له يسهل لك يعني ايه - 00:05:17ضَ

انا باكل عيش بس بالغنا ده ايه؟ لغاية ما ربنا يسهل لي. قال له يعني ايه يسهل لك قال له انا نفسي اشتغل شغلانة ما فيهاش شبهات قالوا ده سعد صغير جديد. بسمعه - 00:05:32ضَ

قال له بص انا كنت بموت في المستشفى. وشفت الموت. ولو سألتني دلوقتي الشغلانة اللي انت بتشتغلها دي يا سعد حرام هقول لك اه حرام بمنتهى الصراحة فتامر قال له يعني انت مقتنع ان اللي انت بتعمله حرام؟ قال له ايوة انا مقتنع تماما ان اللي بعمله حرام ونفسي ابطله. ونفسي ابطله - 00:05:47ضَ

فقال له يا تامر قال له يا سعد هل المرض اللي جا لك دوت كان عقوبة من ربنا يعني؟ انت شايف ان دي عقوبة من ربنا علشان انت بتعمل كده - 00:06:12ضَ

قال له بص هي عموما موعزة من ربنا انا نفسي ربنا ياخد بايديا ويشيلني من الحتة دي. لان انا تعبت قوي في الحتة دي ده واحد تاني بيقول لك نهاية الافراح بقى اللي انت شايفها والضحك والسهرات والهزار هو شخص تعبان جدا. وحزين - 00:06:21ضَ

ومكتئب واقصى احلامه ان ازاي حد يطلعني من الموضوع دوت؟ ادي اتنين اشهر اتنين في الغناء في الان في الوطن العربي عربي ودي شهادات عزيمة كافية ممكن اقفل الدرس واروح واقول لك خلاص قامت الحجة عليك بمدمني الغناء - 00:06:43ضَ

لكن لاحز ان الاتنين هي عندهم لحزة صفاء يعني يعني هم ما تكلموش من فراغ هو في العادي الانسان في عز في عنفوان الايه المعصية مش بيفكر في حلال وحرام لكن عند الصفاء - 00:07:02ضَ

لعل تامر حسني ده بيقعد مع لوحده كتير وبيقعد يفكر في حاله بيفكر في المصير وسعد مر بتجربة مرض شديد خلته يعيد تفكير في كل حتة حاجة وطالعة فعلا وسأل بقى الشيوخ في الفترة دي وكده وعرف ان اللي هو بيعمله حرام - 00:07:15ضَ

حتى اسوأ الناس بيأتي عليه اوقات تزول عنه الغشاوة يعني هو طول ما هو بيواصل المعصية تلو المعصية هو عايش في غشاوة كبيرة. غشاء بيمنعه من رؤية الحق. يبقى الحق قدامه مش شايفه. يبقى الباطل قدامه مزين - 00:07:32ضَ

لكن بدأتي على كل واحد فينا لحظة لحظة كده بيعرف فيها الحق او بيكون هو عارف مجرد بس ان الغشاوة دي ايه بتزول وبيشوف الباطل على حقيقته العفنة لكن طول ما هو في السكر مش بيشوف حاجة. لازم يحصل له لحزة الايه؟ الافاقة. لزلك السؤال دايما هو ليه الناس بتجادل قوي في الغنا كده يعني؟ ليه - 00:07:49ضَ

لما تيجي تكلم حد في موضوع يجادل وينافح ويحارب ومش عايز يقتنع مش عايز مش مسلا بيقولك اقنعني وحينصف لأ هوا مش عايز يقتنع مش قادر بطل هو بيحب الاغاني دي جدا ومقتنع بها جدا وشايف ان الحياة ما تنفعش الا كده. ايه هو السبب؟ السبب الرئيسي هو الشيطان - 00:08:11ضَ

الذي يزين الباطل ويجعله في صورة الحق. دايما الانسان بيستغرب من ناس بيعمل له حاجات غلط هم يعني اي عاقل يقول ده غلط وهم بيجادلوا زي المتبرجة وزي بيغني وزي اللي بترقص كمان وزي الملحد حتى بيدافع عن الحاده والكافر - 00:08:31ضَ

الامور دي في كل معصية بتلاقي لها ناسها كده بينافحوا عنها بيدافعوا عن العلمانية بيدافعوا عن عن الكفر. تقول لي ازاي يعني؟ شيء يعني في حاجات ماشي ممكن فيها لكن المواضيع دي يعني واضحة الفساد. ازاي واحد عقله سليم يدافع عن حاجة زي دي؟ الاجابة في كتاب رب العالمين. قال سبحانه وتعالى - 00:08:53ضَ

حالة وكذلك جعلنا لكل نبي عدوا شياطين الانس والجن. يوحي بعضهم الى بعض زخرف القول غرورا ولو شاء ربك ما فعلوه فذرهم وما يفترون. ولتصغى اليه افئدة الذين لا يؤمنون بالاخرة - 00:09:13ضَ

ليرضوه وليقترفوا ما هم مقترفون. اذا مربط الفرس في كلمة زخرف. زخرف القول غرور لان هيدي دي شغلانة شياطين الانس والجن. يزخرفوا لك الباطل ويزينوه ويجملوه يحاول يقنعك ان الغنا ده غزاء للروح وده بيريح - 00:09:36ضَ

فترة بيوصوا به ده يعني ده المرضى النفسيين حتى الدكاترة بيقولوا له تسمع اغاني وايه المشكلة الواحد يفرح يا اخي وايه التشدد ده يعني يودينا يحرم علينا كل حاجة ويقعد يزين لك طب ما المغنيين عايشين احسن عيشة وبيضحكوا وبيهزروا. وانت حصل لك ايه لما غنيت؟ ما انت بتصلي برضه زخرف القول ايه؟ غرورا. هي - 00:09:56ضَ

مشكلة كل معصية التزيين. اي معصية لو في صورتها الحقيقية هي قبيحة جدا. لكن حط معها بقى شياطين الانس والجن تبقى جميلة جدا. كذلك زي لكل امة عملهم. قال تعالى كذلك زين للمسرفين ما كانوا يعملون. قال تعالى وزين لهم الشيطان - 00:10:16ضَ

ما كانوا يعملون. فمن يرى المعصية من بعيد يراها جميلة لكن لا يعرف الحقيقة الا من اقترب منها جدا ولمسها جدا ثم افاق بيجد الايه؟ بيجد الواقع الاليم. انها عفنة. زي اللي بيحب الدنيا وزي اللي بيحب الزنا وزي اللي بيحب العادة السرية. هو مشوش. شايف الحاجات - 00:10:36ضَ

دي كلها جميلة. لكن في لحزة صفا او ازا فعلا عاين الحاجة دي وجربها على حقيقتها واقترب منها جدا يعلم مدى العفن الذي فيها فليس بغريب انك تجد من ينافح عن الموسيقى والغناء ويتهمك كمان بالايه؟ بالتشدد. النبي عليه الصلاة والسلام قال حفت النار بالايمان - 00:10:58ضَ

يا جماعة بالشهوات وحفت الجنة بالمكاره. طب ازاي الشهوات وازاي مكاره؟ الشهوات والمكاره بعد ما الشيطان هيعمل شغله بقى هخلي لك الغنا ده حاجة جميلة جدا شهوة نفسك تسمع اغاني. وهيخلي لك مصاحبة البنات حياة جميلة نفسك تصاحب بنات. نفسك انك انت - 00:11:18ضَ

آآ تزني نفسك تعمل عادة سرية هي الشهوات. هي النار ده طريقها. حفت النار بالمكاره. صل قيام ليل بقى وانزل صل الفجر في السقعة والحر من النوم وغض بصرك واتعب وتحرى الحلال وسب شغلانتين تلاتة لغاية ما تلاقي شغلانة هي اشياء فعلا تكرهها النفوس وصعب عليها فضلا عن الجهاد بالنفس - 00:11:40ضَ

لكن ايه اللي بيخلي المؤمنين يكون سهل عليهم الطريق وايه اللي بيخلي الغير مؤمن صعب عليه قوي الطريق؟ هي حدود الرؤية يعني ايه حدود الرؤية؟ ماذا يرى العاصي من هذه الامور؟ يراها يراها هي فقط بشكلها الحالي. يرى ان دي شهوة فافعلها - 00:12:00ضَ

ويرى ان دي تعب فمش عايز التزم السكة دي متعبة اوي. اما المؤمن باليوم الاخر فلا يرى هزه الاشياء. انما يرى ما وراءها يرى العاقبة يرى ما ستؤول اليه الامور. لذلك ربنا سبحانه وتعالى قال ولتصغى اليه افئدة ايه - 00:12:23ضَ

الذين لا يؤمنون بالاخرة. اشمعنى؟ اشمعنى دول اللي بيصغوا دائما؟ لان الذي لا يؤمن بالاخرة هو الذي لا يرى عواقب الامور اما المؤمن فما بيشوفش صلاة الفجر دي تعب وبنزل وبتعب هو شايف بشر المشائين في الظلم بالنور التام يوم القيامة - 00:12:43ضَ

وشايف بقى ايه اهل صلاة الفجر دول عند الله عاملين ازاي وشايف الجنة والحور الدنيا دي كلها فبيقوم شايف قيام الليل ده مهر الحور العين وشايف الصدقة دي تطفئ غضب الرب ما بيبصش للمكاره. مش شايفها مكاره. هو مش شايف ان هو تعبان بيطلع فلوس. ده فرحان جدا. مش شايف ان هو تعبان في قيام الليل. انت مش حاسس - 00:13:05ضَ

ده هو اسعد خلق الله وشايف الزنا؟ اه شهوة بس اخرتها ضلمة. وشايف العادة السرية ماشي حلوة. بس بعدين. وشايف الغنا جميل. طب لو متنا عليه. لزلك الموت من اليوم الاخر كلما اشتد ايمانه باليوم الاخر كلما سهلت عليه المكاره وبعد عن الايه؟ عن قضية الايه؟ الشهوات. لذلك لو جينا سألنا واحد قلنا له انت بتسمع اغاني ليه - 00:13:25ضَ

بيقول لك اصل الاغاني بتفرح تسعد الواحد كده. الواحد بيبقى متضايق يسمع اغاني كده يفرح. يا اخي ده دي الاغاني دي غزاء الروح. غزاء الروح والدين يعني يحبنا نفرح. هو ده يعني الدين يقول لنا ما تفرحوش! ما لا الاغاني ايه المشكلة اللي فيها - 00:13:48ضَ

يقول نعم قد تسعدك وقد تشعر معها بالفرح ولكنه ليس فرحا حقيقيا. هذا الفرح اشبه الفرح من يشرب الخمر ومن يشرب المخدرات. شوفوا تحس ان انت كئيب وهو فرحان جدا. انت ما بتضحكش عادي انت قاعد عادي كده - 00:14:05ضَ

وهو بيضحك جدا. فاللي يشوف من بعيد يقول هو ده السعيد وده الايه؟ ده الحزين. لكن هو في الحقيقة من السعيد ومن الحزين؟ هو سعيد سعادة في الظاهر فقط سعادة زائفة مزيفة. مزينة. واما هذا الطائع الذي ترك هذه الامور فهو السعيد على الحقيقة لان السعادة في الحقيقة هي سعادة الايه؟ القلب. لذلك - 00:14:23ضَ

يقولون عن الغناء هو خمر الشيطان. خمر الشيطان. يبقى هو سعادة لكن غير حقيقية مزيفة. تعرف ازاي السعادة الحقيقية تعرفها لما تبعد عنها. هل لما بتبعد عنها بيبقى اثرها؟ الجميل ولا بيبقى المها - 00:14:43ضَ

في العادة كل المعاصي يبقى لها الالم بعد الزنا. حد بيفضل فرحان؟ بعد العادة السرية مبسوط بنفسك قوي؟ طب بعد صلاة الفجر فرحان جدا بعد الاعتكاف المتعب ده فرحان جدا بعد العمرة زعلان من نفسك لان انا فرحان جدا. طب لما افتكرت البت اللي كنت عارفها والبت اللي مشيت معها لسة فرحان لغاية دلوقتي. لا والله متضايقة - 00:15:01ضَ

نفسي حاجة يلا بقى ربنا يتوب علينا ويسامحنا. ازا كل طب ساعتها كانت البت دي فرحة عالية قوي. وكنت ساعتها حاسس ان هي دي السعادة. لكن كانت سعادة مزيفة. السعادة التي لا تبقى في القلب ليست بسعادة. انما هي سعادة اه خارجية مش داخلية. يعني هي حاجة كده من الخارج - 00:15:23ضَ

زي المخدر وزي الايه؟ زي المسكر. حاجة بتجي لك من برة بتنعشك شوية كده. اول ما تزول يزول معها الايه؟ الاثر بتاعها. لكن السعادة بالله الزكر بالقرآن بالصلاة. هذه السعادة في وقتها تبقى سعيد جدا. وبعدها برضو سعيد جدا ويمكن اسعد من الوقت اللي انت عملته ايه؟ عملته فيها - 00:15:43ضَ

فلا تغتر بحالة النشوة والانتعاش اللي بتأتي لمن يسمع الايه؟ الغناء او الذي يدمن الغناء هذه ليست سعادة حقيقية. ودليل ذلك ان تتعارض مع السعادة الحقيقية. كلنا متفقين ان القرآن من اسباب السعادة. طيب لو قلنا ان الاغاني سبب من اسباب السعادة والفرح - 00:16:03ضَ

القرآن سبب من اسباب السعادة. والفرح يبقى لازم الاتنين يساعدوا ايه؟ يساعدوا بعض. يعني انا لما باصلي بيصب معي في القرآن ولما بقرا قرآن بتصب معي في الصلاة لما بصوم بيصب معي في الزكر ولما بازكر ربنا بيصب معي في الصدقة. دي عملية ايه؟ دي سكة واحدة. يبقى انا لو المفترض لو كان القرآن حقيقي سبيل سعادة - 00:16:23ضَ

القرآن سبيل سعادة كان المفروض الاتنين يجتمعوا في القلب. ويتعاونوا. يبقى دوت بيدعوني لده وده ايه؟ وده بيدعوني لدوت. لكن اذا نظرنا نظرة حقيقية تجد ان ده بيصد عن دوت يقينا. لا تجد احد فعلا احب القرآن الا - 00:16:43ضَ

مع نفسه لا حرام ولا حلال ولا بتاع. ولابد ان هو بيسيب الايه ؟ يسيب الغناء. لازم. ما تعرفش ايه اللي بقى هو حتى لو حلال ومقتنع انه حلال بيقول لك ما خلاص ما بقاش لي نفس - 00:16:59ضَ

اغاني. خلاص القرآن اغناني عن زلك. العكس مدمن الغناء تجده قلما يسمع القرآن او يشق عليه انه يسمع قرآن كتير. هات كده شاب مسلا بيقلب في اللش بالليل قلب من القناة ديت سماع الاغنية قلب القناة دي سماع اغنية قلب القناة سماع اغنية قلب لها قناة القرآن بيعمل ايه؟ بيقلب على طول - 00:17:09ضَ

كأنه بيتمنى ان هي ما كتش جت ان هو عارف ان دي بتفكره بحاجة. طب ما افترض يسمع اغنية. طب نسمع شوية قرآن. طب نكمل اغنية؟ طب نكمل قرآن؟ ما هي سكة واحدة. لا. هي مش سكة واحدة. مش سكتين - 00:17:29ضَ

وفيهم تعارض ما يجتمعوش ابدا. فبالتالي يبقى ديت مش ممكن تقنعني ان دي سبب السعادة. لان انت بتقول ان القرآن سبب السعادة برضو. وهم ما تستمعوش. هات كده زي اي واحد بيشغل اغاني احسن احوالهم بيشغلها الصبح مسلا. هيشغل القرآن قد ايه؟ ربع ساعة. عشر دقايق نص ساعة. وبعد كده ما يستحملش - 00:17:44ضَ

تقول له يا عم الحاج ما تكمل القرآن يقول لك لا حلو قوي كده. انا بس بنستفتح بس. لكن هنقعد طول اليوم قرآن ولا ايه؟ طول اليوم دي اللي هي عند الربع ساعة. يعني الربع ساعة دي بالنسبة له - 00:18:04ضَ

عدت عليه كأنها ايه يوم الربع ساعة دي عدت عليه كانها يوم. والاربعة وعشرين ساعة التانيين عدوا كانهم يوم برضو. يبقى التانية تقيلة اوي عليه. تقيلة اوي. يعني ربع ساعة نعدينا - 00:18:14ضَ

هو يعني عديها يعني. ده عشان بس ربنا يكرمنا عشان ناكل عيش. ولولا ان هو عايز ياكل عيش فكانت تشغله. وبعد كده بيتبرك به بس بس هو عن نفسه مش عايز يشغله - 00:18:26ضَ

اصلا هات لي كده واحد مدمن سماع غناء يقدر يسمع قرآن ساعتين وتلاتة. يقدر يقوم ليلة ساعتين وتلاتة. انا اشك في ذلك شكا كبيرا. بل ده لو سمع القرآن اصلا - 00:18:36ضَ

يتضايق يقول لك هو فيه ايه هو فيه حاجة النهاردة ولا فيه جنازة؟ فيه حد زعلان؟ هو فيه ميتم؟ هو ايه المشكلة؟ واخد بالك انا قبل كده اه كان في سواق كده بتكلم معه بنتناقش يعني. فقلت له بص انا هقول لك اسألك سؤال - 00:18:48ضَ

وغير بقى حلال وحرام والقصة ديت. انا اسألك بالله الاغاني دي لما تسمعها بتحس ان هي بتقربك من ربنا ولا بتبعدك عن ربنا؟ قال لي الصراحة تبعدني عن ربنا واضح. قلت له بتحس انك بتاخد حسنات ولا سيئات؟ قال لي الصراحة باخد سيئات - 00:19:02ضَ

صريح واضح واخد بالك؟ قلت له خلاص انت ايه انت كده جبت من الاخر يعني مش محتاج ان انا اتكلم معك ايه ؟ اتكلم معك كتير. فلذلك اما القرآن الغناء - 00:19:20ضَ

لا يجتمعان. اما الغناء فيصد عن القرآن صدا كبيرا. اجيب لك ادلة من القرآن على كده وهتستغرب من الادلة ديت. قول الله تعالى افمن الحديث تعجبون. اللي هو الايه؟ القرآن. وتضحكون ولا - 00:19:31ضَ

تبكون وانتم سامدون. يعني ايه سامدون؟ سامدون يعني تغنون وهذه لغة اليمن اسمد يعني يغني قال ابن عباس انها لغة يمانية تعني الغناء وانتم سامدون يعني تغنون. هو كان المشركين لما النبي يقرأ القرآن كانوا بيعملوا ايه؟ كان يطبلوا - 00:19:48ضَ

ويغنوا ويزمروا ده غير ده هم عارفين ان ده بيطرد دوت. وقال الذين كفروا لا تسمعوا لهذا القرآن والغوا فيه لعلكم تغلبون يبقى القرآن ازا الغناء الغناء بيصد عن القرآن طول عمره. طول عمرهم عارفين كده. لما نعوز الناس ما تستعاش قرآن نعمل ايه؟ نطبل لهم طب لو القرآن لو الغنا بغزاء للروح - 00:20:10ضَ

فكان شغال مع غنا وبعد كده النبي راح مكمل قرآن وبعد كده المشركين يغنوا لنا شوية. وادينا بنقرب لربنا يلا بنا. وكل غزاء روح ما تشتغلش نفسك. وانتم سامدون شف ربنا ربطها بانك انتم لا تبكون وانتم سامدون. يبقى ازا الزي يسمع الغناء لو افترضنا ان هو استحمل يسمع قرآن - 00:20:32ضَ

فليس قضية ان هو يستحمل طب ما هو ممكن يعصي على نفسه يقول لك طب والله يا شيخ ايه رأيك بقى انا بسمع بسمع قرآن بحبه قوي. واقعد اسمع فيه بالساعتين تلاتة. طب اين البكاء؟ اتحداك - 00:20:53ضَ

ان التدبر اين الفهم؟ اتحداك حتى لو استحملت تسمع قرآن انك انت تستطيع انك تتدبر وتفهم وتبكي. او ما انت ممكن تعمل موضوع التحدي مرة مرتين لكن تعرف تعمل كل يوم. فيه ناس الذين لا يسمعون القرآن يقرأون لا يسمعون الغناء. يقرأون في اليوم بالتلات ساعات قرآن كل يوم ده الورد العادي بتاعه - 00:21:03ضَ

تلات ساعات بيراجع خمس اجزاء. ده العادي بتاعه وده فيه ناس بتراجع بالعشر اجزاء. انا مش عايز اكلمك عن دول. تمام؟ دليل تاني قول الله تعالى من الناس من يشتري لهو الحديث ليضل عن سبيل الله بغير علم ويتخذها هزوا اولئك لهم عذاب مهم - 00:21:23ضَ

قال ابن مسعود قال له الحديث هو الغناء. والله الذي لا اله الا هو والله الذي لا اله الا هو. والله الذي لا اله الا هو لهو الحديث هو الغناء - 00:21:43ضَ

تمام كده؟ كمل بقى الاية. واذا تتلى عليه اياتنا. ولى مستكبرا كأن لم يسمعها. كأن في اذنيه فبشره بعذاب اليم. شف الربط بقى بين الغناء والموسيقى وبين البعد عن القرآن والتولي - 00:21:55ضَ

عن القرآن عشان تعرف ان الاتنين دول لا يجتمعان ابدا. لزلك ابن القيم في اغاسة الله فان بيقول كلام جميل جدا دول اتخذوا دينهم لهوا ولعبا مزامير الشيطان احب اليهم من استماع القرآن. لو سمع احدهم القرآن من اوله الى اخره لما حرك - 00:22:15ضَ

ما تتحركش يقعد كده بارد. ولا ازعج له قاطنا ولا اثار فيه وجدا ولا قدح فيه من لواعج الشر اوق الى الله زندا حتى اذا تلي عليه قرآن الشيطان وولج مزمور سمعه تفجرت ينابيع الوجد من قلبه - 00:22:39ضَ

على عينه فجرت. يبكي وعلى اقدامه فرقاصات وعلى يديه فصفقت. وعلى سائر اعضائه فاهتزت ضربت وعلى انفاسه فتصاعدت وعلى زفراته فتزايدت. وعلى نيران اشواقه فاشتعلت. فيا ايها الفاتن مفتون والبائع حظه من الله بنصيبه من الشيطان صفقة خاسر مغبون. هلا كانت هذه الاشجان عند سماع - 00:22:59ضَ

القرآن وهذه الاذواق والمواجيد عند قراءة القرآن المجيد. وهذه الاحوال السنيات عند تلاوة السور والايات ولكن لكل امرئ ما يصبو الى ما يناسب ويميل على ما يشاكله. كلام عالي جدا من ابن القيم في كتابه - 00:23:29ضَ

الماتع اغاثة اللهفان من مكائد الشيطان تسمع اغاني ليه يا عم الحاج واحد تاني يقول لك اصل انا معلش شيخ بمر كده بحالة عاطفية كده بس. حالة عاطفية بس شوية كده انت عارف شيخ الموضوع ده بايه؟ بيعلي معنا يعني - 00:23:49ضَ

تمام؟ اه. حالة عاطفية وكده وعايش شوية والاغاني دي اصلا الحالة العاطفية دي هي سببها الاغاني. انا عايز اعرف الشاب دلوقتي اللي بيسمع بيجد الاغاني حب وغرام وعشق وفسق شوف مسلسل برضه بتدور حوالين الايه؟ الحب والعشق. شف الفيلم يلاقي الحب والعشق. قصص اللي بتتباع حب وعشق. ده هيعمل ايه في الشارع؟ هيحب على - 00:24:06ضَ

يعني هيعمل ايه؟ ايوة اول واحد هيقابلها يحبها. هي السقافة الدنيا كلها كده وحسن الحياة كلها ايه؟ لازم نحب. فكل الاغاني بتقول له حب وكل المستويات بتقول له حب وكل - 00:24:31ضَ

افلام بتقول له حب اصلا الحالة العاطفية دي هي سببها سببها انك انت بتسمع الغناء واتفرج على الفلوس. هات واحد كده ما بيشوفش الحاجات دي. تلاقي الموضوع ده مش بيشغله قوي يعني. يعني مش شايف ان انا يقول لك ايه انا - 00:24:41ضَ

ايه ده ما بتحبش واحدة؟ انت قاعد كده مسنجل كده مع نفسك كده ازاي ما لكش كده اقعد فاضي كده كأن يعني انسان غريب جدا اللي هو الايه ده اللي مش مش مجنط ومشبط ومأنكج وبتاع. تمام؟ خش صاحبنا ده بقى ايه في الحالة العاطفية يقول لك طب ما نكمل بقى ما هي الحالة العاطفية دي هي الاغاني - 00:24:53ضَ

اجابتها. وبعد كده لازم الاغاني تدعمها. هي اللي جابتها وهي اللي جابت له المصيبة دي. طبعا حب حرام. ما فيش حد بيعمل كده. مع مراتك بقى ايه دايما دموع دموع دموع. هي - 00:25:13ضَ

اغنية تانية بقى فاهم ازاي؟ لكن اه لكن الفرح ممنوع. اما بقى قبل كده خدني لحنانة خدني الدنيا ايه الدنيا مختلفة فصاحبنا يا عيني بقى يبدأ بقى ايه يعيش حياته يبتدي يسمع اغاني بقى خدني لحنانك بقى ومشينا في طريق مظلم وياللا بنا على المنتزه - 00:25:23ضَ

وبتلوموني ليه بقى والدنيا ايه والدنيا تحلو معي قهواك مش عارف الدنيا بقت تبقى جميلة. بعد كده تتلسع منها كم لسعة يخش على حبك ايه؟ حبك نار الدنيا ايه؟ تعلي معه شوية يروح هو سايبها تروح هي مغنية له بقى ايه يعني غرامك ودعني. وبعد كده يتصالحوا يرجع لها ما بلاش نتكلم في الماضي. فالعملية ايه - 00:25:43ضَ

هو دايما هيلاقي له حاجة. دايما هيلاقي له حاجة. مش هيغلب يعني. هيجيب من هنا هيجيب من هنا. كل الشريط هتلاقي فيه كل حاجة الحمد لله. حب وحزن وفراقي عايز بحس اي حد يلاقي هتلاقي نفسك في الشريط معنا - 00:26:03ضَ

مم. ابن مسعود يقول الغناء بريد الزنا بريد الزنا. وقال بعضهم لو ان المرأة تحمل من شيء غير ماء الرجل لحملت من الغناء. لو ينفع المرأة تحمل من الغناء حملت اه ما هو تلاقيه الواحد واقف في البلكونة قدامه غارته يروح مشغل لها اغنية. بعت رسالة هو كده فاهم ازاي - 00:26:17ضَ

وبعد كده تشغل لها واحدة تانية وبعد كده تبص له تبص لها وبعد كده الاغنية بقى مع البص وبتاع تعمل تأسير وحب وغرام ويمكن يصل الى الايه؟ الى الزنا. الاغرب - 00:26:41ضَ

من كده اللي بيعيش حالة يروح سامع اغنية اجنبي. هو مش فاهم اي حاجة من اللي بتتقال ده الغريب يعني انا سمعت واحد بيسمع اغنية الاغنية واحد بيشتم نفسه بيشتم نفسه بيقول عن نفسه ان هو لوطي وان هو بيتعمل فيه مش عارف ايه. هي الاغنية بتقول كده. وهو قاعد يقول ايه انت فين بيتقال ايه يا عم الحاج - 00:26:51ضَ

ده اصلا المغني ده شاز. معروف. انت عارف بيقول ايه؟ هو قاعد يقول ولا فاهم اي حاجة. دي يلا هو بيقول رتم واصلة مش عارف يتجمع الكلام لكن اللي بيفهم شوية هيعرف ان الكلام ده كلام رهيب جدا. كلام لا يحتمل. هو كده هم الناس دي عادي ما عندهمش مشكلة يعني. بس انت ما ينفعش ما تبقاش فاهم بيتقال ايه حتى يعني - 00:27:12ضَ

اه واخد بالك؟ هم. طب يا عم الحاج انت بتسمع اغاني ليه؟ قال لك النجوم والناس دي مغنيين. اي نجوم؟ اي نجوم؟ انما نجوم هم النجوم عند الله النجوم عند الله - 00:27:32ضَ

النجوم هم الصحابة الكرام. قال النبي عليه الصلاة والسلام ان مثل اصحابك مثل النجوم في السماء. فازا زهبت النجوم زهبت الايه زهبت السماء كما قال عليه الصلاة والسلام. النجم الحقيقي هو انتم. انتم الان تذكرون باسمائكم عند الله. من ذكرني في ملأ - 00:27:47ضَ

ذكرت في ملأ خير منه. هو ده انت النجم الحقيقي الذي تذكر عند الله في ملأ ام هؤلاء فلا يذكرون الا باللعن بنات تلعنهم الملائكة وتلعنهم الارض التي يمشون عليها. فاي نجوم؟ ان ان كتاب الابرار لفي عليين. هو ده - 00:28:07ضَ

عليه نجم. تسمع غني ليه يا عم الحاج بص يا عم الشيخ انا حر بص دي بقى بالزات ما تزعلنيش منك انت لم تخلق بارادتك ولن تموت بارادتك ودقت قلبك مش بارادتك. انفاسك مش بارادتك - 00:28:27ضَ

لونك مش بارادتك. ابوك وامك مش بارادتك. جنسيتك مش بارادتك اين الحرية؟ انت لم تختر لنفسك شيئا كل حاجة يعني قدرها ربنا سبحانه وتعالى عليك من اللون والجنسية والنوع والكلام ده. يعني انت عبد عبد انت عبد - 00:28:47ضَ

هذا الامر ما ينفعش ان انت تجادل فيه. ممكن بقى تخش لي في شبهة تانية بس بلاش موضوع انا حر دي الله يكرمك. تخش لي مسلا تقول لي ايه؟ لا اصل الغنا حلال اه ماشي - 00:29:06ضَ

يلا بنا تعال بقى اه حلوة دي. ايه منين بقى يا حلال؟ قال لك ما انا سمعت شيخ كده في التليفزيون قال لك انا قبل ما انام بسمع ام كلثوم - 00:29:16ضَ

يبقى حلال. آآ الدليل دليل يا عم الشيخ انا انا انا الدليل انا قبل ما انام بسمع ام كلسوم. ايه رأيك في الدليل ده؟ بيبقى فيه القرآن والسنة والاجماع والقياس والاستصحاب وقول الصحابي - 00:29:26ضَ

والشيخ هو بيسمع يا ام كلثوم خلاص الموضوع حلق ايه المشكلة؟ مم طب ايه التاني؟ قال لك يا شيخ اصل الراجل قال لنا آآ حسن وحسن وقبيح وقبيح تمام ما هو بيجاوب على سؤال تاني اصلا - 00:29:45ضَ

هو اللي بيسأله ده بيسأله على طلع البدر علينا عشان يقول له حسن وحسن وقبيح وقبيح بيسألوا بيسألوا على على ما فيش صاحب يتصاحب والعنب العنب والكلام ده. ما هي دي ما بلاش بقى الشغل ده. ده واحد سأل الشيخ سؤال صريح صريح بقى - 00:30:00ضَ

اللي هو عايز يقول له يعني قل لي حرام الله يكرمك. بيقول له ايه رأيك في الغنا اللي فيه قبلات وفيه عرايا وعارف اللي هو بيقول له قل حرام ارحمنا. وفي قال له يعني ارى ان هذه الامور ستتحسن بازن الله - 00:30:16ضَ

يا عم ارحمنا. مش كده يعني. قل حرام بقى يعني. الراجل بيقول لك قبلات يعني بيسودها لك خالص. يعني عشان ما تقوليش بقى حسن يعني ما انت لازم السائل يفهم المسئول يبقى عارف السائل بيسأل في ايه يعني. ما انا مش بسألك على على الا صلاتي ومشاري بن راشد العفاسي اكيد - 00:30:36ضَ

ما انت لأ يعني فاهم ازاي؟ جاوب على على ايه؟ على قدر الايه؟ السائل. فهل يستدل بالله عليك؟ واحد يجي يستدل يقول لك ايه المشكلة؟ طب ما النبي عليه الصلاة - 00:30:56ضَ

سلام. اه غنوا له طلع البدر علينا ومش عارف ايه. وهو قال الله لولا الله ما اهتدينا ولا تصدقنا ولا صلاة. هل يستدل بذلك على ومشينا في طريق مظلم وهل رأى الحب سكارى - 00:31:06ضَ

لا يستويان ده نقرة ودي نقرة تانية خالص. اه الاناشيد لو خلت من الموسيقى وكانت كلام طيب زي اللي احنا بنسمعه دوت. لا بأس فيها لا بأس بها على الاطلاق. مش هو ده اللي بنتكلم فيه. احنا بنتكلم في اللي انت فاهمه. اللي انت عارفه واللي انت بتسمعه في التوكتوك وفي المشروع وفي التليفزيون وفي الافلام وفي المسلسلات - 00:31:20ضَ

الموسيقى عموما والغناء الفاحش. لان الموسيقى كلها حرام الا الدف للنساء. واما الغناء هو ده بقى اللي ممكن تقول حسن وحسن وقبيح وايه؟ قبيح وقبيحة. طيب حلو احنا وصلنا معك لعم الشيخ اللي قال لك الموضوع ده حلال. يعني عايزين اصلا الشيخ يقول لنا ايه دليله - 00:31:40ضَ

لانك لن تجد عنده دليلا واحدا. وانا اتحداك كلها شبهات. او كلام عام كده مرسل بالحب كده. لكن دليل قوي حاسم في المسألة لن تجد. وانا اتحدى ان يأتي احد بدليل واحد على حل المعازف او فضلا عن الايه؟ عن الغناء الفاحش دوت المحرم - 00:31:58ضَ

طيب قبل ما نتكلم في ادلة تحريم الموسيقى والغناء اللي هي الفاحش دوت سيأتيك باقوى دليل اقوى دليل ما هو اقوى دليل على هذا الامر؟ انت انت اقوى دليل. قال النبي عليه الصلاة والسلام والاثم - 00:32:19ضَ

ما حاكى في صدرك وكرهت ان يطلع عليه الناس هات بقى فتاوى زي ما انت عايز. وجادل زي ما انت عايز. واضحك على نفسك زي ما انت عايز. لكن بيني وبينك - 00:32:36ضَ

ان تفعل الاتي ياللا قل معي اللهم احشرني مع المغنيين. ها قل امين. يلا ما حدش بيقول امين ليه اللهم اختم لي بسماع الغناء ها قل امين. ما فيش حد يقول امين ليه يا اخوانا؟ اللهم اختم لي بسماع القرآن. الله ينور. كلكم قلتم امين اهو اشمعنى - 00:32:52ضَ

لو القرآن حلال والغنا حلال ما قلتوش امين ليه يعرف الاولانية؟ مم انت انت مفتي نفسك مش قال لك استفتي في قلبك كل قلوبكم رغم اختلافها كلها اتفقت على ان ما ينفعش اقول امين في ايه؟ ما ينفعش اقول امين كده. ما انا جيت لواحد قلت له كده تقول اللهم احشرني مع المغنيين - 00:33:17ضَ

الله يكرمك يا شيخ ايش ناقصة؟ انا ناقصين احنا ماشيين مزقوقين جنب الحيط ناقصة مغنيين. اه انا ممكن ادعي لنفسي باي دعاء. ده انا ممكن اقول اللهم توفني وانا الاعب اولادي حتى. ايه المشكلة؟ انا مش خايف من حاجة. ده عمل اه مباح - 00:33:37ضَ

بس على الاقل مش حرام. مش خاتمة سوء. لكن ما اقدرش اقول اللهم توفني وانا اسمع الغناء. ما تقدرش ولا يقدر واحد يقولها. اتخن واحد يجادلك ما يقدرش يقول الدعوة ديت - 00:33:53ضَ

ولا يقدر يقول اللهم احصولني مع المغنيين مش ممكن لو كنت شايفهم صح ما تقولش الدعوة ديت ابدا فضلا ان الموضوع انت شايف سوء خاتمة مرتبط بالامر دوت اللي بيسمع القرآن بيموت ازاي وبيسمع الغناء بيموت ازاي - 00:34:03ضَ

فانت مفتي نفسك. محمد ابن القاسم تلميز الامام مالك واحد جا له بردو ايه مجادل كده. قال له الغنا حلال ولا حرام يا عم الشيخ قال له تعال. قال له اذا جاء يوم القيامة وجاء الحق والباطل. ايكون الغناء مع الحق؟ ام مع الباطل - 00:34:23ضَ

فقال رجل يكون مع الباطل قال رأيت لو جيء بالجنة والنار. اين يكون الباطل في الجنة ام في النار قال الباطل يكون في النار قال قد افتيت نفسك فاذهب. شكرا. ما تسألنيش تاني - 00:34:46ضَ

تقدر تجيب لنا جيتار وتقعد تزف جوة المسجد؟ لا يا شيخ الله يكرمك حرام. حرام ناس جوة المسجد. طب برة المسجد تفرق ايه انت ما تستحملهاش تستعزم الايه؟ تستعزم الامر دوت. فاقوى دليل انت استفت قلبك. ما هو الناس بيقول لك استفتي قلبك لا استفتي قلبك باب - 00:35:02ضَ

بكل المعايير اللي انا قلتها دي هتطلع انك انت عندك يقين ان الاغاني ايه؟ ان الموسيقى دي حرام. طيب الغناء يقضي على وقار الرجل الوقور. وهذا ايضا دليل اخر انا مش جه لسه ما جتش الادلة الحقيقية. بس انت شف احوال الناس. شف احوال الناس. ماذا يصنع الرجل وقل اذا سمع الغناء؟ تلاقيه اتحول - 00:35:22ضَ

تلاقي راجل محترم كده عادي محترم يصلي معك وشيبة وبتاع روح فرح بت وكده تلاقي مرة واحدة ما تقوم يا حاج ايه يا حاج تفضل كده بتك يا حاج قم يا حاج قال لها والله والله يكرمكم اصل انا ما ليش في يا عم الحاج تعال - 00:35:52ضَ

بس احنا اقف كده بس يا عيني الحاج نزل وقلع البدلة وهز له والحاجة نزلت والمعازيم نزلوا والدنيا قلبت. الراجل يا عيني عمره ما اتشاف كده في حياته. ايه اللي خلاه كده؟ الدنيا سخنت معه. وزهب عقار الايه؟ ما زهب وقال له المسكين. بقى راجل محترم - 00:36:10ضَ

كده وبيرقص. والست الحاجة المحترمة اللي حجت بيت ربنا. نزلت رقصت يا عيني. ماذا يصنع القرآن بالناس بقى؟ الا بذكر الله تطمئن القلوب. تشعر لو انت سخن تهدا. لو انت غاضب تهدى. لو انت تعبان تستريح - 00:36:30ضَ

كيف يكون الغناء حلال؟ ثم ان الغناء يدعو الى شيء والقرآن يدعو الى شيء اخر. فكيف يكون الغناء حلال؟ القرآن قال تعالى ونهى النفس عن الهوى والغناء اهواك واتمنى لو انساك. القرآن يدعو الى العفة - 00:36:50ضَ

والى اختيار العفة رغم كل شيء. قال ربي السجن احب الي مما يدعونني اليه والغناء علشانك انت انكوي بالنار. وانقح جتتي شوية قال لها كده اه نجيب قال لي ليلى كده - 00:37:13ضَ

بقول لكم ايه انا كله اغاني قديمة الله يكرمكم عشان ايه ما حدش يقول لك الشيخ ده سميع وبتاع. كله على قديمه بس هي حاجات معفنة كده مش عايزة تطلع من ايه؟ من الدماغ - 00:37:33ضَ

قال لها مش عارف اخش جهنم واصرخ واقول يا لهوتي عادي يعني. ويوسف عليه السلام يقول للسجن احب الي؟ طب ده ازاي الاتنين حلال ازاي الغنا بهزه الصورة يكون حلال هذه مصيبة. طيب تعال بقى ايه تعال لي في الادلة. انا قلت لك قبل كده ادلة. من شوية ومن الناس من يشتري - 00:37:43ضَ

لا والحديس. ادي دليل من القرآن. تمام؟ وقوله تعالى وانتم سامدون. وقلنا برضو ان ده زم في القرآن للغناء. ودي لغة يمنية كما قال ابن عباس قول ابن مسعود فمن الناس من الحديس قال والله هو الغناء ده مش قول ابن مسعود بس ده قول ابن مسعود وابن عباس وعكرمة ومجاهد - 00:38:03ضَ

البخاري وسعيد بن جبير رضي الله عن الجميع. بل الحسن زاد في زلك. قال هي الغناء والمعازف وقال البغوي بيفسر الجملة بقى. يعني ايه يشتري لهو الحديث ليضل؟ يعني هي الجملة معناها ايه؟ يشتري لهو الحديث ليضل. قال يستبدل - 00:38:23ضَ

للغناء والمعازف والمزامير على القرآن صريحة. الراجل جابها لك صريحة. غناء قرآن معازف بدل الايه؟ بدل القرآن. هو ده يشتري لهو الحديث ليضل عن سبيل الله. دليل تالت من القرآن - 00:38:42ضَ

قول الله تعالى واستفزز من استطعت منهم بصوتك واجلب عليهم بخيلك ورجلك. التفسير ده له تفسير عام وتفسير خاص. التفسير العام اللي يشمل كل التفسيرات ان صوت الشيطان هو كل - 00:38:57ضَ

كل من يدعو الى معصية الله. كل داعية وكل شيء يدعوك الى معصية الله هو ده الصوت. الشيطان. انت ما بتسمعش صوت الشيطان. ايه صوته؟ هو صوته هو كل صوت - 00:39:14ضَ

يدعو الى الفواحش والى الفجور وغير ذلك. لكن مجاهد رحمه الله قال صوته الغناء وقال الضحاك صوته المزمار الناس دي كان على ايامهم غنى برضو يقول لك ده بالعكس ده هم خلي بالك بيتكلموا في ايه يقول لي لو واحد بيتكلم في الطبل والمزمار حاجات اصلا دلوقتي بالنسبة لك ايه يعني آآ - 00:39:24ضَ

ده اللي بيعمل كده ده من الاولياء يعني. ما فيش بقى الالات بتاعة دلوقتي يعني يعني بالنسبة لهم الطابل المزمار ده كان يبوز الدنيا. خلي الناس تتهز وترقص وتقوم وتقعد - 00:39:46ضَ

ويفسد الناس امال بقى لو لو شافت درامز والجيتار وشاف شاف البيانو الحديس والحاجات الاليكتريك والمش عارف ايه ده هيعمل في نفسه ايه والحاجات اللي بالكمبيوتر وكده اللي تخلي واحد ده مجرد ما اغنية اشتغلت تلاقي تحس ان انت عايز تقوم تنفجر مش ترقص. من شدة الايقاع الرهيب. اللي هو يعني ايه شيء - 00:39:56ضَ

شيء فاجر للغاية. لكن عشان بس مش واحد يقول لك ايه اصل آآ الاغاني لو كانت بتايه بتهيجك كده والمشاعر ومش عارف تبقى حرام لا السلف بيتكلموا في الطبل والمزمار. هو في ايه اقل من كده - 00:40:16ضَ

هم كان عندهم معاملة ازاي يعني؟ هي كانت حاجات كلها بسيطة جدا. يعني الحان بسيطة. مش بقى مش مش زي المهرجانات اكيد يعني. كان عندهم الحان بسيطة وهم كانوا بيتكلموا في دي - 00:40:30ضَ

وما شافوش اصلا اللي انت بتتكلم فيه ده يا عم الشيخ. ما شافوهوش. ما شافوش الالحان الرهيبة ديت. اللي يعني بتخلي الراجل المحترم يوم يرقص هو بيتكلموا في مزمار وليه والطبل. من السنة حديس في البخاري - 00:40:43ضَ

وهو قول النبي عليه الصلاة والسلام لا يكونن من امتي اقوام يستحلون الحر يعني الزنا والحرير يعني للرجال والخمر والمعازف. لا يكونن من امتي اقوام يستحلون الحرى والحرير والخمر والمعازف. هذا الحديث - 00:40:59ضَ

في البخاري ابن حزم رحمه الله سبب قوله ان الاغاني الموسيقى حلال انه ضعف هزا الحديس. واخطأ رحمه الله في زلك لان هذا حديس صحيح بلا خلاف. هي مشكلة ابن حزم كلها كانت في ان هو ضعف الحديس دوت. ودي الزلة اللي وقع فيها - 00:41:20ضَ

لذلك قالوا ستار عند العلماء قالوا من الحزم الا تأخز بقول ابن حزم في المعازف لان ابن حزم ضعف حديس البخاري والحديث صححه كل الائمة ابن حجر وابن الصلاح والنووي وغير من الائمة صححوا الايه؟ صححوا هزا الحديس. ابن القيم ابن كثير ابن حبان هذا - 00:41:40ضَ

حديس لا خلاف فيه. لا خلاف فيه في تصحيحه. البخاري اورده يعني اللي يفهم في المصطلح اورده ايه؟ اورده يقولوا ايه وهو من معلقات البخاري يعني ايه معلقات البخاري؟ يعني البخاري ما وصلوش. في راوي اسمه هشام ابن عمار. فهو في السند قال لم يقل حدسني هشام. قال - 00:42:03ضَ

قال هشام هو ما قالش ما قالش حدسني قال قال هشام والبخاري ردوا على كده قالوا ان البخاري لقي هشام. فطالما لقيه فعنده قال زي حدسني. يبقى هو اكيد قبله. ثم ان البخاري وان اورده معلق - 00:42:23ضَ

ففي غير وصلوا يعني هو صاحب طرق تانية. المهم يعني خلاصة الكلام عشان ده كلام صعب شوية. لان الحديس ده ما فيش خلاف فيه في ان هو حديس صحيح. يستحل - 00:42:39ضَ

يعني ايه يستحلون يعني هي حرام وهم بيتعاملوا معها كانها ايه؟ حلال خد بالك مش يستحلون يعني هم بيعتقدوا ان هي حلال والا فلو هم اعتقدوا ان هي حلال هم عارفين ان هي حرام يبقوا ايه؟ وكفار. والنبي قال ليكونن من امتي. لكن يستحلون ان هي الناس هتبقى جاهلة يعني. هيفتكروها حلال - 00:42:51ضَ

هو مش مش عارفين ان هي حرام وبيحلوها. هم مش عارفين ان هي ايه؟ حرام. حياة الناس زمان ما فيش علم. لدرجة الناس تفتكر ان الحاجات دي ايه حلال الحر اللي هو الزنا. ومنه الزواج العرفي - 00:43:11ضَ

الناس الان تقع في زنا تحت مسمى الزواج العرفي ويحلونه مش كده؟ وهو هو في الحقيقة زنا لكن لانه في شبهة مش بياخد حكم الايه؟ الزنا او بقى في ناس دلوقتي فعلا بقى صريحة بتقول الزنا الزنا حلال - 00:43:27ضَ

جات المخرجة المشهورة ديت طلعت في التليفزيون تقول لك ايه المشكلة؟ ايه المشكلة ان احنا نبيع الزنا؟ وايه المشكلة اني اخليه بتراخيص؟ ايه المشكلة يعني؟ هذه المخرجة الفاجرة المعروفة يبقى ده في ناس بتحله بطريقة شبهة زي الزواج العرفي - 00:43:42ضَ

او بيحلوه صريحة زي المجرمين دولا الحرير للرجال. والان كثير من الرجال لا يعلمون ان الحرير محرم عليهم. والخمر تحت مسمى بقى ده مشروب روحي. تحت مسمى مية. اي حاجة شف كده ليلة العيد ليلة عيد الاضحى والفطر المبارك. شف عد كده على درينكز كده وشف الناس واقفة عليه قد ايه - 00:43:58ضَ

مئات طوابير طوابير الراجل قال لي انا كنت في مكان كده في بيطاش ولا هنوفيل قال لي قال لي انا نفرش مصلى العيد والناس الطوابير على محلها بيقول لهم ده بيبيع ايه؟ قالوا بيبيع خمرة - 00:44:20ضَ

واقفين ليلة العيد ليلى اعظم يوم عند الله. اعظم يوم عند الله يوم النحر كان بعض السلف يقول كان اللصوص لا يسرقون ليلة العيد ولا يوم العيد تعظيما لهذا اليوم. خاف اوي يسرق في اليوم ده بالزات. لان عارف ان ده اعظم يوم عند ايه؟ عند ربنا. وهو اكثر يوم يفجر فيه - 00:44:36ضَ

المسلمين خلال العام سينمات خمرة حشيش شرب بنات زنا في ليلة اعظم يوم عند الله. هذه الامة جاء فيها الان ناس يستحقون نون الخمر او يستحل يقول لك دي نسبة صغيرة يا شيخ دي بيرة مش خمرة. دي كده نسبتها صغيرة. حلاء صغير كبير برضه حرام ما تفرقش. والمعازف دي بقى اوضح واحدة - 00:45:02ضَ

ان الناس دلوقتي ما تجد قليل جدا يعرف المعازف حرام. والناس بتتعامل معه كأنها حلال خلاص. يعني اللي بيقول حرام ده نيشان غريب بالنسبة لهم يعني. واخد بالك هذا الحديث واضح في التحريم. نلاحظ الربط بين الاربعة دول - 00:45:23ضَ

البعض المرتبطين ببعض المعازف مع الخمرة مع الزنا مع لبس الحرام والزينة. الحاجات دي كلها تركيبة واحدة. وكلهم بيجيبوا بعض فالمعازف هتجيبك للزنا وهتجيبك للخمر. عمرك شفت واحد بيشرب خمر ما بيسمعش اغاني - 00:45:38ضَ

عمرك شفت واحد بيزني ما ما بيسمعش اغاني. الحاجات دي هي دي باكيدج كده مع بعضها لازم تتاخد. الحديس الساني قول النبي عليه الصلاة والسلام وهذا حديس الالباني حديس حسن قال صوتان ملعونان - 00:45:53ضَ

ملعونان مزمار عند نعمة. الناس تفرح تروح مزمرة ورن عند مصيبة يعني صويت صريخ. وفي رواية صوت عند نعمة لهو ولعب ومزامير شيطان. يبقى مزمار النبي كان مزمار بس زمارة عايز يمسك زمارة كده فرحان يقعد يزمر. هذا حرام. امال لو شاف لو بقى اللي ليل دي جي والفرق والكلام ده يحصل فيه ايه؟ مم - 00:46:07ضَ

اما اقوال العلماء فحدس ولا حرج. طبعا فيه ادلة تانية بس الوقت لا يسافر. انا هنقل لك اقوال المزاهب. قال مالك عن الغناء. سألوهم عن الغناء طبعا خد بالك لما الائمة اللي بتسأل عن الغناء بيسألوا الغناء معين - 00:46:32ضَ

يعني يعني ما تقوليش بقى الاناشيد الاسلامية انا ما بتكلمش في الايه؟ القصة دي اللي هو الكلام حسن. انا عندي حاجتين عندي موسيقى وعندي ايه؟ غناء. الموسيقى كلها حرام. ما عدا الدف - 00:46:45ضَ

مساء. هندوب في النساء خاصة في المواسم الاعياد والافراح. لان دل عليه الدليل. دخل النبي عليه الصلاة والسلام على جاريتين يضربون بالدف. فيعني حديس يطول يعني شرحه لكن النبي صلى الله عليه وسلم ما انكرش ايه؟ ما انكرش عليها. الخلاصة يعني ان ان دل الحديس على استسناء الدف للليل النساء. الدف الدف مش - 00:46:55ضَ

الدف اللي هو جلد مضروب على ايه؟ على حتة خشب وخلاص. طيب قول الامام مالك سنوع الغناء اللي هو الغناء المش كويس بقى فيه وصف الخدود والقبلات والكلام ده. قال انما يفعله الفساق. من الاخر. سألوه عن واحد اشترى جارية؟ اما - 00:47:15ضَ

اكتشف ان هي بتغني قال له اعمل ايه؟ قال له له ان يردها للعيب. ايه رأيك انت اشتريت واحدة بتغني؟ يا سلام تساوي كام دي دلوقتي رايحة تشتري لا واحد راح اشترى مغنية من المغنيات ديت - 00:47:34ضَ

مفروض يرجعها قال لك دي فيها عيب تغني غني دي معيوبة عندهم. الله المستعان. ابو حنيفة كان اصعب واصعب مزهب في قال سماع الغناء فسق كفر. يلا. بس طبعا يقصد كفر اصغر يعني. يعني كفر اصغر. وليس كفر اكبر. لكن اقعد كلمة شديدة شوية. قال سماع الغناء فسق والتلزز به - 00:47:50ضَ

يعني يقصد كفر ايه اصغر. الامام احمد قال الغناء ينبت النفاق في القلب وانما يفعله عندنا الفساق. ما عندناش راجل ليه؟ يغني. ابن تيمية قال اتفق الائمة الاربعة على تحريم المعازف - 00:48:14ضَ

التي هي الات اللهو كالعود وغيره. صريح واضح. نقل القرطبي والطبري وابن القيم وابن رجب نقلوا الاجماع على تحريم المعازف لم يعتبروا قول ابن حزم كل ما عدم نحاس كله تكلم في ايه؟ فاعتبروه اجماع. نقلوا الاجماع على تحريم الايه؟ على تحريم المعازف - 00:48:32ضَ

طيب نقطة تانية مشكلة كبيرة في الغناء. غير ان الموسيقى فيها مشكلة وغير ان الاغاني قد يكون فيها كلام فاحش. لكن كلمات الاغاني نفسها هي في حد زاتها مصيبة كبرى. يعني هناك اغاني الكلام يصل فيها الى قد يصل فيها الى الى الشرك - 00:48:57ضَ

والى الكفر الاصغر والاكبر يعني انا عايز ادي لك بعض الامسلة لتدلك على خطورة الانسان يسمع هذه الاغاني. الاغاني دي اللي بيألفها مش فاهم بيقول ايه. والكلمات احيانا بتبقى رهيبة لا تحتمل وما ينفعش حد يغنيها. انا مش هاكلمك على الايه على الكلمات اللي فيها فسق وفجور بقى ايه خدني لحنانة خدني ومشينا في طريق مظلم - 00:49:18ضَ

وخدودك وشفايفك والقبلات سبك من الكلام ده. الكلام ده كلنا عارفين ان هو كلام فاحش. وحرام وخلصانة لكن في كلام في الدين. في كلام في العقيدة. في كلام في الله. سبحانه وتعالى - 00:49:40ضَ

وحاجات اغاني كلها مشهورة مش هجيب لك حاجة غريبة عليك واحد هذا المغني المشهور لما قال قدر احمق الخطى سحقت هامتي خطاه سب للقدر صريح صريح وقال تعالى ان كل شيء خلقناه بقدر وهو يقول قدر احمق الخطى. هذا سب لله سبحانه وتعالى. عشان كده اللي - 00:49:57ضَ

غنوة دلوقتي في في الموسيقى العربية وكده ما بيقولهاش كده. بيقولوا قدر واثق الخطى. غيروا حتى الكلمة. لكن ظلت اجيال بتغني الاغنية دي قدر احمق الخطى. سب لله صريح والتاني فريد يقول لي يا رب ليه؟ ليه الظلم ليه؟ ليه القسوة ليه - 00:50:23ضَ

وفيروز تقول اعطني الناية وغني فالغنى سر الوجود. وانين يبقى بعد ان يفنى الوجود. فين ويبقى وجه ربك ذو الجلاء. ده هو بعد ما الخلائق تفنى هيفضل الناي ايه؟ هيفضل الناي يزمر. واحنا اصلا اتخلقنا عشان خاطر الايه؟ عشان خاطر النايم - 00:50:41ضَ

الني سر الوجود وانين لا يبقى بعد ان يفنى الوجود. وصاحبنا التاني يقول والحب عليك هو المكتوب يا ولدي هذا رجم الغيب انت عرفت منين الحب ومكتوب علي انا خلاص هو الحب مكتوب عليك يعني حب انت هو كده مكتوب عليك. الحب عليك هو المكتوب. وهي اصعب من كده قد مات شهيدا يا ولدي من مات فداء للمحبوب - 00:51:04ضَ

سيبك انت بقى احنا بنقول من مات دون اهله فهو ايه؟ شهيد. لا ده هو بيقول لك لو واحد بيحب واحدة من كتر حبه فيها مات ده عند ربنا ايه؟ شهيد شغال عادي يا جماعة الكلام ده اغاني. ما فيش حاجة. ويوم ما حب يعني يعمل اغنية كويسة قوي قال لك احلف بسماها - 00:51:29ضَ

وبالمصانع وبالمزارع وبالدنيا كلها ولا حلف بربنا ابدا. ابدا خلف بكل حاجة في الدنيا ما عدا ربنا واحنا قاعدين نغنيها حلوة قوي الاغنية دي. اغنية حلال احلف بسماها. ويلا بنا وبترابها. كله شرك. كل ما تقول كلمة قل لا اله الا الله بقى - 00:51:47ضَ

اه ما هو والتاني دوت محمد منير يوم ما حب يعمل اغنية دينية عمل ايه انتم حلوين اهو. مدد يا رسول الله. الكلمة دي شرك اكبر طلب الاستغاثة بغير الله - 00:52:07ضَ

استغاثة لغير الله. مدد يا رسول الله. انت بتنادي الرسول في قبره تقول له انقزني الحقني اغثني ان تدعوهم لا يسمعوا دعائكم. الكلمات الاغاني وقعد في الاغنية بقى ايه اقسمت بالاسراء وبراءة العزراء برضو دخل له شوية شركة اصغر ايه ده ايه حلو يعني. والتاني علي قال لك صلينا الفجر فين؟ صلينا فين - 00:52:23ضَ

مساء السبق والمساجد وراح الحسين وفي قبر. قال لك الازهر والامام والسيد المقام. المقام في حضرة النبي الحضرة حضرة صوفية. وبعد كده حرما يا سيدي ما لهاش اي علاقة بالدين. يعني ايه؟ دي الاغنية الدينية يوم ما عمل اغنية ايه - 00:52:44ضَ

دينية. وبالتالي راح صاحبنا نرجع له تاني. قال لك جئت لا ادري من اين اتيت. يلا. ولكني اتيت. وما خلقت الجن والانس الا ليعبدون. هو مش عارف هو ايه؟ موجود ليه - 00:53:01ضَ

طبعا احنا بقى كموضوع اتطور اللي طلع سلاحك متكامل. والموضوع بقى ايه اتدهور خالص لا بحبك يا حمار. لكن هي دي ايه؟ هي دي كلمات الاغاني. فالانسان تخيل اتخيل احنا قاعدين نغني الكلام دوت وليه والدنيا جميلة. ونسأل الله السلامة والعفو والعافية. هذا كاف في تحريم سماع هذه ايه؟ الكلمات الفاجرة - 00:53:11ضَ

من يسمع الغناء مازا ستكون عقوبته؟ قال النبي عليه الصلاة والسلام سيكون في امتي قذف وخسف ومسخ. قالوا متى يا رسول الله قال ازا زهرت القينات يعني المغنيات وضربت المعازف وشربت الخمور. احنا التلاتة - 00:53:31ضَ

مع بعض موجودين الان. مغنيات ومعازف وخمور خسف زلازل وانهيارات ارضية. شفتم انتم كم مسرح ينهار وكم ومسخ تقول لي فين المسخ؟ قال ابن القيم من لم يمسخ في الدنيا مسخ في القبر - 00:53:54ضَ

والمسخ مش بس مادي في مسخ معنوي ان الانسان يمسخ قرد. شفهم عاملين ازاي؟ كل القردة والخنازير ايه اشهر حاجة عند الخنزير مشكلة عنده؟ ديوث لا يغار على انثاه اشوفهم كده وهو مراته بتتباس في فيلم - 00:54:14ضَ

وهو لا يغير ولا يتكلم وعادي. وواحد كان واحد قال له كان واحد حاضر يعني فيلم كده ومراته فالراجل ممسل مش عارف اتعامل يعني. فقال لي خد راحتك اعتبرني مش موجود يعني. اه قردة وخنازير. فالمسخ معنوي قبل ان يكون مسخ ايه - 00:54:33ضَ

مادي وبعد كده يكون هناك مسخ مادي عيازا بالله تعالى. من لم يمسخ في الدنيا مسخ قبر. اه فضلا ده عن الجدب والقحط. قال ابن عباس ان للمعصية سوادا في القلب وظلمة في الوجه - 00:54:53ضَ

وضيقا في الرزق وبغضا في قلوب الايه؟ الخلق. كل ده يحصل لك ازا سمعت الغداء. طب ازا ترك الانسان الغناء ياخد اجر كبير على ترك هزا المحرم. والاجر ده كبير جدا. ليه؟ لانك انت بتعاني - 00:55:07ضَ

وبتجاهد معصية صعبة تتساب. لان هي بتطاردك في كل مكان بتطاردك وانا يا سامي عارف الكلمات دي منين ؟ مطاردة. انت حفزت الاغنية في بيتك ما سمعتهاش ولا شغلتها عمرك. بس انا هاسمعها لك من اولها لاخرها. من كتر بقى العربيات والتكاتك والمواصلات والشوارع نعمل ايه طيب؟ نسأل الله السلامة والعافية - 00:55:22ضَ

شيء صعب انك انت تتخلص منه. فالمجاهدة شديدة. فبالتالي يكون الاجر كبير. انما الاجر على قدر التعب والمجاهدة اضف الى ذلك البركات والرحمة والرزق ان للحسنة نورا في الوجه. سعة في الرزق ومحبة في قلوب الخلق. ثم يوم القيامة - 00:55:45ضَ

تستمتع من ترك الغناء بسماع الله سبحانه وتعالى. وهو يكلمهم ويحدثهم وقد يقرأ لهم القرآن يا له من صوت جميل. يسمعون النبي عليه الصلاة والسلام يقرأ القرآن. يتمتعون بابي موسى الاشعري ويقرأ القرآن ثم - 00:56:05ضَ

يخرجهم الله بالحور العين. فيغنون لهم الغناء الجميل. ما فيش موسيقى بقى. هو صوتهم لوحده نغم. يغنون لهم بقى زوجاتك من الحور العين يغنون لك هذا يعني يحرم منه من سمع الايه؟ يخشى ان من سمع الغناء يحرم من كل هذا لان من شرب الخمر في الدنيا لم يشربه في الاخرة فيخشى ان من - 00:56:25ضَ

الغناء في الدنيا وان دخل الجنة يرحم من هذه الايه؟ الاشياء. يبقى دي عقوبته. يتاخد منه دي بس لكن هو في الجنة. الله المستعان. محمد بن المنكدر قال ازا كان يوم القيامة نادى مناد - 00:56:45ضَ

ان الذين كانوا ينزهون اين الذين كانوا ينزهون اسماعهم وانفسهم عن مجالس الله ومزامير الشيطان. اسكنوهم رياض المسك ثم يقول الله تعالى الملائكة اسمعوهم تمجيدي وتحميدي. صوت الملائكة وهم يمجدون الله ويحمدون الله. هو ده متعة اهل الايه - 00:56:58ضَ

جنة وفي بعض الاثار ان الله تعالى يقول لملائكته ان عبادي كانوا يحبون الصوت الحسن في الدنيا فيدعونه من اجلي. فاسمع يا عبادي فيأخذون باصوات من تسبيح وتكبير لم يسمعوا مثلها قط - 00:57:19ضَ

هذا الثواب من ترك الغناء. كيف يتوب الانسان؟ الامر الاول. استعن بالله ولا تعجز. جاء رجل الى شخص قال ماذا تفعل اذا غواك الشيطان قال اجاهدك. قال فاذا غواك ثالثا قال اجاهده. قال اذا غاوك ثالثا قال اجاهده. قال ماذا تفعل اذا - 00:57:37ضَ

قال له قال له قال له ازا الامر يطول. الامر يطول. قال ماذا تفعل؟ اذا ارسل عليه آآ اذا هجم عليك كلب الغنم قال اجاهدك. قال ايضا الامر يطول ايسر عليك ان تذهب الى راعي الغنم - 00:57:57ضَ

وتخبره بذلك فيكف عنك الكلب. هو عايز يقول له ايه؟ استعن بالله ركز مع ربنا هو ربنا قادر يصرف عنك الغنى والشياطين الانس والجن. استعن بالله. الجأ اليه الا تصرف عني كيدهن اصب اليهن. اخ صريح واكن من الجاهلين - 00:58:14ضَ

يبقى واحد تتوكل على الله سبحانه وتعالى في هذا الامر. الامر الثاني ابتعد عنها. قال الرجل العالم للرجل قال اذهب الى ارض كذا وكذا. يعني ابعد عن ارض الايه؟ المعصية. ابعد عن ارض المعصية ازاي؟ موبايلك دلوقتي دلوقتي قبل - 00:58:37ضَ

مسجد تفتحه لو انت مكسوف نشوفك وحد يعرف انك عندك اغاني بعد ما تروح امسح كل الاغاني اللي فيه. قرار سريع افتح امسح ما تفكرش امسح خلاص نمسح كل فولدر اغاني اللي على الايه؟ على الكمبيوتر الكبير دوت. انجز نفسك - 00:58:52ضَ

ابعد بقى عن سماع الايه للحاجات ديت والافلام والمسلسلات حاول تبعد عن الايه عن التليفزيون خالص. من زلك انك لازم تبعد عن اي صحبة بتساعدك على الموضوع دوت. اصحابك كل ما بتقعد معهم بيشغلوا الحاجات دي لازم تبعد عنهم. او تختار مجلس ما بيشغلوش فيه الحاجات تخرجه بره مسلا ما بيشغلوش حاجة. بتاع لكن اي مجلس معهم هيشغله في اغاني هتفكرك هتسخنه - 00:59:07ضَ

سمك تاني يبقى لازم انك انت ايه تبتعد عنهم وفي نفس الوقت تلحق بصحبة صالحة لهم مجلس علم مجالس قرآن ودي ده سبب تاني ومعين تاني. انك انت ما هو انت ما ينفعش تقعد فاضي - 00:59:27ضَ

بطل تقول لي اقعد اسمع ايه؟ اسمع القرآن وبعدين القرآن وبعدين القرآن وبعدين في الاخر خالص تسمع النشيد. يعني الاناشيد لازم هي الاصل. انما الاصل القرآن. لبيد الشاعر لبيد مشهور بعد بعد ما اسلم ترك الشعر - 00:59:40ضَ

فقيل له يعني لماذا لا تنشد الاشعار؟ قال فهل بعد القرآن شعر؟ خلاص هو في بعد القرآن حاجة اتقال. انشغل تماما بالايه؟ بالقرآن اي واحد كده ان شاء الله اللي ما جربش هيجرب. اول ما تخش بقى مع القرآن تدبر وفهم وحفز. هتلاقي نفسك تدريجيا الموضوع ده بيتمسح عندك تماما. حتى الاناشيد الاسلامية مش هتسمعك - 00:59:59ضَ

تخيل يعني الاناشيد نفسها مش هسمعها. هتقول لا لا هقرا قرآن احسن. كان لي صديق كده. حكيت لكم قبل كده الموضوع ده. كان مدمن اغاني وكان ما بيزاكرش غير على الاغاني - 01:00:20ضَ

كان عنده كاظم الساهر ده يعني ايه؟ ما ينفعش يعيش من غيره اربعة وعشرين ساعة فهو كان مزنوق ولازم يزاكر عندي عشان انا اللي هشرح له قلت له تعال لي بقى يا حبيبي. احنا هنا ما عندناش اخويا لا كاظم ولا فاتن ولا آآ اي حاجة ما عندها فيش. هنا منشاوي - 01:00:30ضَ

في منشاوي بس. اشتاق قال لي طب خلاص نعملوا ايه طيب عشان افهم بس المادة. جه قعد معي فترة كده ايه يطولنا شوية المادة كانت طلع من ما يعني من هذه المزاكرة تائب الى الله سبحانه وتعالى. قال لي هو المنشاوي ده كان فين - 01:00:46ضَ

ايه اللي انا كنت بسمعه ازاي؟ قال لي الراجل ده كان فين؟ كان فين في حياتي؟ كان فين المنشاوي ده فين؟ انا ازاي ما كنتش عايش معه؟ ازاي ما بسمعوش - 01:01:04ضَ

لغى كل حاجة في حياته وهو بيسمع المنشاوي بس. سبحان الله! بركة القرآن. فانت ممكن تجادل تقول لي طب القرآن! جرب جرب لازم تخوض التجربة. موضوع يا اخوانا رائع رائع الانس بالقرآن لا يمكن مقارنته باي شيء ابدا - 01:01:14ضَ

اسمع حد صوته حسن وانت بتحبه وكده ان تكثر من ذكر الله تعالى. ان تشغل نفسك بمجالس العلم زي ما انتم قاعدين كده. تشغل نفسك مجالس الزكر. هم القوم لا يشقى جالسهم. هتلاقي اللي - 01:01:32ضَ

صاحبك هتلاقي اللي بيدلك على الخير وهتلاقي وقتك بيتشغل الله يباهي بكم الملائكة ماذا يطلبون؟ يطلبون الجنة مما يتعوزون يتعوزون من النار؟ اشهدكم يا ملائكتي اني قد غفرت لهم هم القوم لا يشقى بهم جالسون. الله يباهي بكم الان - 01:01:46ضَ

الملائكة من ذلك ان تخاف من سوء الخواتيم. ده شيء مرعب جدا لاي سامع غناء الخوف من سوء الخواتيم. قصص كسيرة جدا. كان احدهم يسمع الغناء في السيارة. حصل حادسة ضخمة. الناس راحوا له - 01:02:02ضَ

قالوا له قل لا اله الا الله قال انا بكرهه بكرهه ومات ابن القيم يحكي قصة الرجل حضراته الوفاة فقال له قل لا اله الا الله فاخذ يدندن حتى مات. وقصة جاها الشيخ العريفي عن اتنين برضه حصل لهم حادسة بسيارة - 01:02:21ضَ

وهم يموتون قالوا قالوا لهم قولوا لا اله الا الله فاخذوا يغنون الى ان ذاب صوتهم. قعد يغني يغني وقال وخفت الصوت حتى ماتوا. ما فيش اتعمى تماما. هي كده اللي انت هتعيش عليه لازم ايه؟ لازم هتموت عليه. الخوف من سوء الخواتيم والخوف من عقوبة الدنيا. التي ايه؟ تكلمنا فيها - 01:02:41ضَ

من قلة الرزق وضيق العيش وغير زلك يكفي البعد عن الله قيل قال احدهم يا ربي كم كم اعصيك ولا تعاقبني فقال الله كم اعاقبك وانت لا تشعر الم احرمك من لذة مناجاتي - 01:03:01ضَ

عمرك حسيت بالعقوبة دي ؟ اللي بيسمع الغنا ما يعرفش ان هو بيتعاقب بص هتقول لي الدنيا جميلة وحالتي جميلة وعمري ما اتعاقبت وصحيت زي الفل. انت معاقب شتى ما بيت. الله حرمك من نعيم الدنيا. جنة الدنيا - 01:03:22ضَ

فردوس الدنيا زكر الله وليس زكر اللسان. انس القلب بالله. لذة المناجاة. دي ما يعرفهاش اللي بيموت من الغناء لسة لما يعرفها ان شاء الله هيعرف هو كان متعاقد بايه. هيعرف هو كان محروم من ايه ساعتها. قال كم اعصيك ولا تعاقبني؟ قال كم اعاقبك - 01:03:36ضَ

وانت لا تشعر. الم احرمك من لذة مناجاتي؟ دي كفاية العقوبة. انك تسمع القرآن لا لا لا لا اله ما تفرحش. تتدبرش ما تخشعش اخيرا مقارنة بين القرآن وبين الغناء - 01:03:56ضَ

شتان بين ذوق الالحان وذوق القرآن وبين ذوق العود والطنبور وذوق المؤمنين والنور وبين ذوق الزمر وذوق الزمر وبين ذوق الناي وذوق اقتربت الساعة وانشق القمر. وبين ذوق غناء الشعر وذوق صورة الشعراء - 01:04:14ضَ

وبين ذوق سماع الاغاني وبين ذوق الانبياء وبين ذوق سماع سماع تذكر فيه العيون والخسور والخدود وبين ذوق سماع سورة يونس وهود وبين ذوق الواقفين في طاعة الشيطان على اقدامهم صواف - 01:04:40ضَ

وذوق الواقفين في خدمة الرحمن في سورة الانعام والاعراف. وبين ذوق اولي الاقدام الصافات في حظيرة سماع الشيطان وذوق اصحاب الاقدام الصافين الصافات بين يدي الرحمن سبحانه وتعالى فماذا بعد الحق - 01:05:03ضَ

الا الضلال سئل الامام مالك عن الغناء قال الغناء حق ام ام ضلال وقال ضلال. قال فماذا بعد الحق الا الضلال؟ الموضوع منتهي وصريح وواضح. وكل اللي فينا زي ما قلنا اول دليل عني واقوى دليل انت. الموضوع مش مستاج - 01:05:26ضَ

فتاوى ولا تجيب لي فتاوى ولا بتاع. وكل الشبهات مردودة عليها يعني. يكون هناك درس اخر في تفنيد كل هذه الشبهات. اللهم يعني متأكد ان لكن الامر الامر واضح. لابد ان الانسان ياخد قرار. هذا الامر يبعدك عن الله كل يوم كل يوم. وده من احد موانع التزامك. انت مش قادر تكمل - 01:05:43ضَ

مش قادر تبقى فعلا ملتزم بجد عشان انت عارف انك تسمع احنا مش عارفين بس انت عارف وانت عارف مينفعش ابقى ملتزم بجد طول ما انا في الحالة دي خد قرار كفاية يعني توقف عن هذا الامر استعن بالله ليكن لك - 01:06:03ضَ

صحبة صالحة ومن يهدي الله فهو المهتد ومن يهد الله فهو المهتد فسل الهداية من الله سبحانه وتعالى نسأل الله سبحانه وتعالى ان بالقرآن وان يختم لنا بالقرآن وان يجعل القرآن العظيم ربيع قلوبنا ونور صدورنا وجلاء همومنا وذهاب غمومنا - 01:06:18ضَ

وان يختم لنا بالباقيات الصالحات والحمد لله رب العالمين سبحانك اللهم ربنا وبحمدك اشهد ان لا اله الا انت استغفرك واتوب اليك - 01:06:38ضَ