Transcription
بعض الأحيان لسبب كيجي الإنسان متأخر صافي كيلقى البيبان تسدو. ماشي تسدو ولكن تسدو ببنادم اذن كتلقى الصفوف في الزنقة وفي الساحات العمومية وقدام الحوانت شد الصف مع الناس ان شاء الله حتى فديك اللحظة وخا راك خارج السور ديال المسجد فلك اجره - 00:00:00ضَ
من صلى داخل المسجد اللهم الا بنادم يعني عجبو يصلي على برا بالعجز الجامع خاوي وهو جالس على برا هذا كلام اخر وهو لا يصح فعلا لكن مادام ان الموضوع عمر فينما جا الصف راك في الحرم وراك في الجماعة ديال ديال المسجد الحرام ان شاء الله الرحمان الرحيم وراه بمية الف صلاة بإذن الله انئذ - 00:00:16ضَ
نبقاو اذن على هاد الوضعية حتى لتمنية ديال الحجة الليلة ديال غدا تمنية ذي الحجة راه كيخبروكم. الوكالات ديال الحج. والوزارة الناس اللي مسؤولين كيقول لكم اذن غدا تهيئو روسكم - 00:00:34ضَ
للحج دابا عاد غادي يبدا الحج لأن هادشي كلو اللي درنا عمرة المقدمة ديال الحج الآن غادي نبداو الحج. الإنسان الرجال والنساء بحال بحال عاود يديرو عملية ديال الاغتسال. والتطهر - 00:00:48ضَ
وينظف الإنسان الجسم ديالو تهيئا لأعمال الحج سنة باش يتنظف الإنسان ومحتاج يتنظف فعلا لأن اعمال الحج فيها خدمة كاينة الشمس كاين العرق كاين الخدمة كاين الغبار فالإنسان كيهيأ البدن ديالو من البداية - 00:01:04ضَ
او هادي يعني كأنها نوع من الحكمة ولكن السنة هكا دايرة بعد صلاة الفجر ديال تمنية ذي الحجة كتصلي الفجر في المسجد الحرام مع الناس من بعد الصلاة ديال الفجر راه غادي يهزوكم في الكيران باش يديوكم لمنن فداك الصباح ديال تمنية الصباح ديال تمنية ديال الحجة - 00:01:19ضَ
تلبي بالحج غادي دخل بالإحرام ديال الحج غادي تحيد عاود الملابس ديالك بالنسبة للرجال. الجلالب القنادر يعني المخيط والمحيط وتلبس عاود دوك لفاط لي كانو عندك من قبل الرداء على - 00:01:39ضَ
كتفيك ونصفك الأعلى والمئزر او الإزار على نصفك الأدنى. او تشد بالمنطقة او تقول انئذ لبيك اللهم حجة. هادي ماشي العمرة. هذا الحج وهذا الركن الأول من اركان الحج يعني هاد النية لي كتعبر عنها بهاد الطلبية هي الركن الأول من اركان الحج - 00:01:57ضَ
كملنا العمرة. الركن الأول من اركان الحج. لبيك اللهم حجة لي غادي يحج على شي واحد بالنيابة باه مو خوه او اي واحد لي مكلفو او هو يعني من راسو بغا يحج عليه - 00:02:23ضَ
كيسميه يقول لبيك اللهم عن والدتي يمكن لو يقول تا سميتها ان شاء الا بغى لبيك اللهم عن اخيه فلان لبيك اللهم عن والدي فلان لبيك اللهم اخي او اختي او عمي او جدي او جدتي فلان هاه. او تسمي. او تبدا بالتلبية عاود بعد ذلك العادية. مباشرة لبيك اللهم لبيك لبيك لا شريك - 00:02:41ضَ
لك لبيك ان الحمد والنعمة لك والملك لا شريك لك من شرط النيابة ان الانسان يكون حج الحجة ديال راسو لا يجوز ان الانسان ما عمرو ما حج وغادي يحج دابا بالنيابة على شي واحد - 00:03:05ضَ
واحد الصحابي لباح دار النبي صلى الله عليه وسلم بالحج وقال لبيك اللهم عن شبرمة هو النبي صلى الله عليه وسلم قالو من شبرمة قالو اخي يعني كينوب عليه قالو ها الحجج تاع لنفسك قالو لا قالو حج عن نفسك اولا ثم حج عن شبرمة - 00:03:23ضَ
حج على راسك دابا هاد العام وعام اخر ان شاء الله او بعدو حسب التيسير حج على خوك او على باك او على مك. لكن اذا كان قد سبق لك حج فعلا لذلك - 00:03:43ضَ
يمكن لك تحج على اللي بغيت بالنيابة وقلنا الشرط في ذلك الإهلال بتسمية النيابة لبيك اللهم ثم عن والدتي فلانة وتنطلق ويلا على راسك كتقول غير لبيك اللهم حجة. راه غادية لراسك. لأنه ربي تعالى نيتك وهادي هي السنة ديال الصيغة. فإذا - 00:03:53ضَ
من بعد مباشرة راه اما انكم تركبو او الكيران واجدين او المهم راك فسياق السفر كتسافرو لمنن بضع كيلومتر ماشي بعيد الحال ولكن شي حاجة بضع كيلومترات الى منى. ياخدوكم بالحافلات. نتا غادي في الحافلة رجال ونساء. لبيك اللهم لبيك. لبيك لا تبدا التلبية من جديد. ديك التلبية - 00:04:16ضَ
اللي قطعناها بالدخول الى مكة نبدأها بالخروج من مكة حنا خارجين مكة وغادين عند مولانا الكريم سبحانه اللي نادانا الى منى والى عرفات والى مزدلفة. حنا غاديين عندو سبحانه وتعالى بالتلبية اي استجيبوا ونؤدي هذا التعبير النبوي. لي فيه نوع من - 00:04:38ضَ
من الطاعة والعبادة والأدب. لبيك اللهم لبيك لبيك لا شريك لك لبيك. ان الحمد والنعمة لك والملك لا شريك لك تا توصل منن وملي توصل منا متقطعش الطلبية انما راه يمكن لك ترتاح. ترتاح باش تنزل ترتاح يعني الراحة مفتوحة ومن حيت تعيا سكت. ولكن ملي تلقا عود الجهد استأنف - 00:04:58ضَ
غادي تلاحظو واحد الملاحظة ان الناس في منن مكيلبيوش هذا من السنة التي تركها الناس قليل تسمع شي ثلاثة ربعة دالناس كيبداو يلبيو فوسط منة لا خص تلبية تكون فمنن هاداك النهار ديال تمنية كلو تلبية كلو تلبية لا تنقطع - 00:05:19ضَ
وتبقى الطلبية حتى لعرفة وتبقى الطلبية حتى لمزدلفة ما تنقاطع الطلبية حتى لنهار عشرة ذي الحجة ملي كترجع الميناء باش ترمي جمرة العقبة ديال نهار العيد. تما كتقطع الطلبية اما ما قبل رمي جمرة العقبة كلو تلبية لبي وارتاح لبي وارتاح بالليل وبالنهار سواء - 00:05:37ضَ
اذن هاد الوقت كلو تلبية انت في منن الآن غيحطوكم في الخيام. لأن منن فيها غير الخيام كيحطوكم فالخيم الأعمال الأساسية عندك هادا نهار تمنية الفجر لي هو الصبح راك صليتو فمكة - 00:06:01ضَ
باقي قدامك الظهر والعصر والمغرب والعشاء كلهم غادي تصليهم في منن منن يمكن لك تصلي في الخيمة ديالك ولكن كاين واحد الجامع تما مهم مزيان تمشي تصلي فيه سميتو مسجد الخييف - 00:06:16ضَ
مسجد الخيف راه باين جامع متوسط الحجم وفيه ربعة ديال الصمعات على الطريقة ديال المشارقة كيديرو المآذن كتار فيه سر اشمن سر فهاد الجامع هدا؟ النبي صلى الله عليه وسلم قال في الحديث الصحيح - 00:06:32ضَ
على مسجد الخيف صلى فيه سبعون نبيئا هذا جمع مبارك يعني سبعون نبيا من الأنبياء السابقين واغلبهم قطعا من بني اسرائيل لان هوما اللي كانوا عندهم الانبياء كتار. من بني اسرائيل يعني الانبياء سيدنا داوود سيدنا موسى سيدنا عيسى يعني انبياء بني - 00:06:47ضَ
اسرائيل معروفين. يعني يحيى زكريا كلهم هادو كيتسماو ممن علمنا اسمائهم او لم نعلم اسمائهم. وهاد العبارة ديال سبعين في العربية يعني احيانا على العدد من واحد حتى لسبعين واحيانا كدل على الكثرة - 00:07:08ضَ
فقد يراد بهذا الحديث الكثرة يعني سبعون نبيا ربما يكون تا تلتمية ماشي غي سبعين ولكن قال سبعون للتكثير مزيان للمسلم يعني على حساب الطاقة ديالو يصلي فهاد المسجد هاديك الصلوات الأربع اللي باقية لأن الخمسة اللي هي الفجر راه صلاها في مكة بعدا - 00:07:23ضَ
فإن لم يستطع ما كاين باش يصلي فالخيمة ديالو لا بأس بذلك لكن من الأشياء اللي مهمة الآن هادي من باب يعني النصيحة والمعرفة الى عرفها بنادم حسن معرفهاش راه مكاين باس يعني ماشي شي حاجة لي ضروري يديرها ولكن مزيان - 00:07:41ضَ
غادي تمشي تشوف الجمرات كيفاش دايرين. يعني داك الموضع اللي كترجم فيهم سير شوفو. ما كاين رجيم فتمنية. لا ما كاينش ولكن تما كاين تما غادي يكون فنهار عشرة رميت جمرة العقبة ونهار حضاش طناش طلطاش - 00:07:57ضَ
ايام التشريق السلاسة تما غادي يكون وهاديك ايام التشريق وخاصة نهار عشرة كين زحام شديد فباش تعرف كيدايرا الجغرافية ديال البيئة والوضعية ديال الجمرات سير شوفها فداك نهار تمنية معندك مادير معندك شغل سير شوفها - 00:08:13ضَ
خاوية مكاين حد فعلا. اتلقى تلاتة ربعة د الناس كيتساراو كيشوفو. سير شوفها اشنو هي؟ بحال بحال شي جفنة واحد الحوض اللول وحداه واحد الحوض تاني وحداه حوض تالت هوما تلاتة ديال الحفاري وفوسط الحفرة مفرغة بالبوطون بالسيما مفرغة يعني بحال شي جفنة - 00:08:30ضَ
فوسطها واحد السارية واحد العمود د الحجر مبني بالحجر سميتو واحد السارية طويلة عالية ولذلك طولوها باش دارو لها السفلي ديالها ودارو لها فوقي يعني واحد القنطرة من الفوق يطلع الإنسان عاود كيطل من الفوق فكيلقى حوض بانينو من الفوق الى رميت الحجرة تما كتهبط حتى للحوض لتحتاني - 00:08:50ضَ
باش لما كيكون الزحام شي كيرجم التحت شي كيطلع يرجم الفوق باش كيسهلو على الناس. وهو شيء حسن فعلا اذا عندك اللولة اللولة اللي على مسجد الخيف. الى حسبنا من هاد الشكل هكذا. راك دابا في منى - 00:09:15ضَ
ومسجد الخيف ها هو حداك يعني اللولة اللي على مسجد الخيف والثانية اللي هي الوسطانية والثالثة اللي هي لجهة مكة هذاك الاتجاه ديال مكة هي اللي كتسمى جمرة العقبة وهي لي غادي ترجمها نهار العيد نهار عشرة. نهار عشرة كنترجمو غي وحدة. هاديك الطرفانية بمرة لجهة مكة. كتعطي الظهر ديالك لمسجد الخيف - 00:09:32ضَ
اللي اللولة لا وتخلي الثانية لا وتخلي الثالثة هي اللي عندك بها الغرض نهار العيد لخرين حتى لنهار حداش وطناش وطلطاش بالنسبة اللي بغا يزيد - 00:09:54ضَ