Baheth

جاهزين نطلع رحلة زي امبارح جاهزين؟ طيب من الرحلات الجميلة قوي اللي يكون خير معين فيها وخير صاحب فيها رحلتنا مع الصدقة من اول دخول الانسان للقبر لحد دخول الانسان الجنة - 00:00:00ضَ

الصدقة البسيطة اللي النبي كان دايما بيكلمنا عنها حتى ولو كانت حاجة صغيرة قد كده حتى لو كان في يوم من الايام سندوتش قسمته بالنص بيني وبين صاحبي حتى ولو كان في اليوم جاري لما بعت لي ابنه وقال معلش لو عندكم تلات اربع ارغفة زيادة - 00:00:22ضَ

الصدقة البسيطة اللي ممكن انا اتصدق بها حتى وان كانت شيء بسيط جدا من وجهة نظرك انت ولكن الشيء البسيط ده لما تشوف بقى ان شاء الله يوم القيامة رحلة العمل البسيط ده معك لحد ما توصل لربنا هتقول سبحان الله يعني فعلا - 00:00:39ضَ

ان العمل الصالح ده حاجة كبيرة اوي اول حاجة اول ما الانسان مننا بيخش القبر النبي صلى الله عليه وسلم لما اكلمنا على دخول الانسان المؤمن للقبر اتكلم النبي صلى الله عليه وسلم فقال ان العبد المؤمن اذا كان في قبره - 00:00:57ضَ

كانت الصلاة عند رأسه والصيام عن يمينه والزكاة عن شماله واعمال البر من صدقة وصلة عند قدمه لك ان تتخيل ان اعمال الخير الصدقات والزكوات اللي احنا طلعناها وواخدين الجزء الشمال منك من حضرتك وواخدين من جهة رجليك - 00:01:15ضَ

يعني نص الجهات انت محفوظ باعمال الخير الصدقات والكلام ده. قال صلى الله عليه وسلم فيؤتى بالعذاب من قبل الرأس فدخول الصلاة من قبل مدخل. فيؤتى بالعذاب من قبل اليمين فيقول الصيام ما قبلي مدخل. ادي نص الجهات اتحفظت بالصلاة والصيام - 00:01:36ضَ

طب ونص الجهاد التاني متعلق بالصدقات بتاعتك. فيؤتى بالعذاب من على يساره فتقول الزكاة ما قبلنا مدخل قل فيؤتى بالعذاب من قبل قدمه فتكون فتقول اعمال البر من الصدقات واعانة الفقراء والمساكين ما قبلنا مدخل - 00:01:56ضَ

ويقال على اليقين عشت يقال لهذا الانسان على اليقين عشت وعليه مت وعليه تبعث ان شاء الله. نص الجهات بتاعتك محفوظة من عذاب القبر والسبب في ده صدقة بينك وبين ربنا سبحانه وتعالى - 00:02:19ضَ

والنبي لما اتكلم معنا عن القبور اتكلم ان من ضمن اهوال القبور شدة حر القبور. واحنا مش بنتكلم على درجة حرارة مسلا اربعين ولا خمسة واربعين ولكن بنتكلم على القبور بيفتح لها ابواب من النار. والصهد اللي في القبور انما يكون بسبب فتح ابواب النار. وسيدنا النبي يعلمنا - 00:02:35ضَ

يقول ان شاء الله عارفين هو كان عنده ورشة ويدوبك يعني العربية اللي بيصلحها يدوبك اللي بييجي منها على قد مصاريف البيت ولكن كان قبل ما يروح البيت يطلع جزء كده ويقول ده بتاع ربنا - 00:02:56ضَ

ده بتاع ربنا لنا حد في الشارع جوة هنا اهو مريضة وقعيدة وما بتحركشي اروح وانا مروح كده اجيب لها نص كيلو لبن وزبديتين وانا مروح وكيسين عيش حتة جبنة رومي وخدت كيسة حطيتها لها ومشيت لحد يعرف مين اللي عمل ولا مين اللي جاب - 00:03:12ضَ

قبل ما يروح بيته الاكل يعمل كده فسيدنا النبي صلى الله عليه وسلم يقول لنا ايه؟ ان الصدقة لتطفئ على اهلها حر القبور يبقى العذاب الشديد اللي بيكون موجود في القبر ممكن في يوم من الايام آآ البنت اليتيمة اللي عندنا في الشارع اللي ما اتجهزتش وفرحها واقف على شوية حاجات بسيطة - 00:03:30ضَ

واحنا كنا في ضهر والدتها وساعدناها علشان تكون الصدقة البسيطة دي هي اللي تنجيك من القبر. يخرج الانسان من القبر على يوم الحشر باهوال الحشر وما فيها من اهوال والناس خارجة من قبورها في غاية الفزع. ربنا يقول ان في ناس تخرج من قبورها لا هي خايفة ولا هي مفزوعة ولا الكلام ده اصلا - 00:03:53ضَ

ليه؟ اسمع اللي ربنا عز وجل وهو يقول الذين ينفقون اموالهم ها بالليل والنهار سرا وعلانية دول واحد بس هو واحد دايما بيعمل كده فلما ربنا يحكي عن حالك انت انت - 00:04:17ضَ

انك بتنفق بالليل والنهار. في السر وفي العلنية. يبقى انت مقضي حياتك ايه؟ صدقات باللي ربنا يقدرك عليها. فلا خوف عليهم ولا هم يحزنون. يبقى يوم القيامة الناس خايفة ومرعوبة اللي كان بينه وبين ربنا صدقة - 00:04:34ضَ

ما بيخافش يوم القيامة الشمس قربت قوي من من الناس والناس غرقانة في عرقها. المتصدق ما يخافش يخاف ليه يعني؟ ده النبي صلى الله عليه وسلم قال في الحديث كل امرئ في ظل صدقته يوم القيامة. الصدقات اللي انت طلعتها الاكل اللي انت طلعته الفلوس اللي انت طلعتها - 00:04:51ضَ

اعرف واحد بياع حلاوة غزل بنات واحد بتاع غزل بنات يخلص بيع غزل البنات يفضل ماشي على رجله طول الليل وياخدها كعب داير كده من اول الاستاد لقناة السويس ويرجع من قناة السويس على الاستاد ويلف عزبة الشال وفي الكفر علشان ربنا يرزقه - 00:05:15ضَ

يقول لي والله انا قبل ما اروح انا لازم اكون اطلع حاجة بيني وبين ربنا والله العزيم قلت له والله العزيم انت بالنسبة لي درس انت بالنسبة لي النهاردة درس - 00:05:36ضَ

الشاهد ان النبي يقول لنا ايه؟ كل امرئ في ظل ايه؟ ها؟ صدقته يوم القيامة يوم القيامة الناس خايفين ومرعوبين وبيجروا على الانبياء. والانبياء يقولوا ايه؟ ان ربي قد غضب اليوم غضبا لم يغضب قبله - 00:05:52ضَ

ولن يغضب بعده مثله نفسي نفسي اذهبوا الى غيري. صح؟ مش كل الانبياء يقولوا كده الا اللي كان بيتصدق في الدنيا وحريص على صدقة بينه وبين ربنا الله لا يغضب عليه - 00:06:09ضَ

واسمع للحديث ده وفيه يقول النبي صلى الله عليه وسلم ان صدقة السر لتطفئ غضب الرب صدقة السر ها تطفئ ايه؟ غضب الرب. خلاص وقف مرحلة جديدة انا قدام ربنا سبحانه وتعالى وربنا بيحاسب تعال نتحاسب - 00:06:24ضَ

تعالوا بقى نتحاسب. اسهل ناس ربنا بيحاسبها الناس اللي كان بينها وبين ربنا صدقة. اسهل ناس ربنا بيحاسبها. اسهل حساب حتى ولو كان عنده شوية اخطاء كده بس سبحان الله! طالما مخلص في اداء الصدقات ان شاء الله - 00:06:44ضَ

ربنا سبحانه وتعالى بيخلي حسابه سهل اوي سيدنا النبي بيقول لنا كان في من كان قبلكم رجل يداين الناس. هو راجل تاجر ييجي اروح له اقول له معلش والله انا في زنقة اديني الف جنيه بس - 00:07:04ضَ

العملية لحد حبيبنا. او واحدة تقول له معلش آآ يعني في زنقة ادينا. فكان يدين الناس وبعد كده يرسل الناس اللي شغالين عنده. هات مين فلان كزا وهات من فلانة كزا وهات من فلان كزا - 00:07:18ضَ

واذا وجدتم معسرا فتجاوزوا عنه. قولوا له احنا مسامحينك الفلوس بتاعتنا صدقة فلما مات هذا الرجل احياه الله قال له كن فكان فقال الله سبحانه لهذا الرجل هل عملت من خير قط؟ قال اي ربي كنت ادين الناس وكنت اتجاوز عن المعسر. اللي بيبقى - 00:07:31ضَ

انا تصدقت عليه خالص مش عايز الفلوس فقال الله عز وجل لملائكته انا اولى واحق بهذا من عبدي تجاوزوا عن عبدي الله طب تعال نتكلم في الاعمال لا. تجاوزوا عن عبدي. يلا. مش هو عبدي كان في الدنيا بيسهل على الناس؟ انا النهاردة - 00:07:55ضَ

سهل عليه وسيدنا النبي يقول لنا انا عايزكم تدخروا عمل صالح كده وانتم واقفين بين ايدين ربنا تقوموا مرفوعين الراس كده. فيقول لنا صلى الله عليه وسلم ما منكم من احد - 00:08:17ضَ

الا وسيخلو به ربه ربنا هيكلمه ليس بينه وبينه ترجمان. ربنا هيكلمك ويسألك. طب اعمل ايه يا رسول الله علشان اعدي من الموقف ده؟ قال صلى صلى الله عليه وسلم فاتقوا النار ولو بايه؟ نص تمرة؟ اه والله. نص تمراية يخلي آآ موقف الحساب وانا واقف بين ايدين - 00:08:29ضَ

سهل نص تمراية. امال الناس اللي ما شاء الله لا قوة الا بالله! امال بتاع غزل البنات ده وربنا يتعامل معه ازاي يعني بتاع غزل البنات ده ربنا يتعامل معه ازاي - 00:08:52ضَ

تيجي بقى وانت واقف على الميزان وانت واقف على الميزان انت محتاج اعمال يكون اجورها كبيرة ده الميزان الكفة بتاعته والنبي قال عنها كده. ان الميزان له كفتين. الكفة الواحدة لو وضعت فيها السماوات والارض لوسعت. كف حاجة ضخمة جدا - 00:09:04ضَ

طب انت عايز تسألها ما فيش حاجة تتقل ميزانك زي الصدقة واللي عايز يتأكد من المعنى ده يسمع لقول رسول الله صلى الله عليه وسلم ما منكم من احد يتصدق من كسب طيب - 00:09:26ضَ

تصدق من حلال حتى اللقمة الرغيف بكام لأ شيلن دي كانت زمان. ولا ايه ميدو اللي عندك كام ؟ ماشي رغيف بريال لو خدت منه لقمة. اللقمة دي بكام ؟ - 00:09:45ضَ

ولا حاجة. ولا حاجة يعني تخيلوا مسلا يا عم الحاج متولي مسلا عمل لنا عزومة بكرة مسلا جايب بط من البلد وقال يلا يا جماعة انا هعزمكم عندي. مش هيعمل كده؟ طيب. ان شاء الله - 00:10:04ضَ

ايه يا عم متولي طيب خلاص يا جماعة هو بيقول ماشي اهو طيب صلوا على سيدنا النبي فالنبي يقول حتى اللقمة يتصدق بها من كزب طيب الا وتقع في يمين الرحمن - 00:10:18ضَ

تخيل بقى لو ورك بطة بقى يا عم متولي تخيل اللقمة تقع في يمين الرحمن سبحانه وتعالى. فيربيها الله له وينميها له كما يربي احدكم فلوه او فصيلة. حتى تأتي اللقمة يوم القيامة كجبل احد حسنات - 00:10:34ضَ

عارفين جبل احد طوله كم طوله كم طوله من سبعة لاتناشر كيلو متر. يعني من هنا لحد اجا متخيل جبل من هنا لحد اجا؟ طب الجبل ده بقى بارتفاعه بقى الجبل ده فيه كم زرة تراب - 00:10:59ضَ

اكن اللقمة تيجي كجبل في تقل الجبل وعدد ذرات التراب المكونة للجبل. اللقمة تيجي كجبل احد حسنات! امال لو رغيف امال لو شنطة امال لو واحد كل شهر بيطلع جزء لله كده اكل للناس - 00:11:22ضَ

ده يبقى هيتحط في ميزانه ايه؟ كجبل احد حسنات سبحان الله النبي صلى الله عليه وسلم يقول لنا بقى ان اكتر حاجة تكون سبب لعتق العبد من النار الصدق البسيطة اللي بيني وبين ربنا سبحانه وتعالى - 00:11:39ضَ

الصدق البسيطة اللي بينه وبين ربنا سبحانه وتعالى ولذا قال النبي صلى الله عليه وسلم وان مثل الصدقة مسل الانسان لما بيتصدق كمثل رجل خرج العدو في اثره. عدو خارجين عايزين يقتلوه - 00:11:59ضَ

فاخذ هذا الرجل يعطيهم. يقول لهم خلاص خدوا الفلوس دي وسيبوني. قالوا له خلاص هناخد الفلوس ونسيبك فالنبي صلى الله عليه وسلم بيقول لنا وذلك مثل المتصدق لما بيتصدق انما يعتق نفسه بها من النار - 00:12:18ضَ

انا بحرر نفسي من النار بصدقة اللي انا بتصدق بها علشان كده حاولوا دايما الموزف بالله عليك اول ما تاخد المرتب بتاعك شل جزء بس كده صغير. يبقى بيننا وبين ربنا - 00:12:35ضَ

صنايعي يشتغل هنا ولا هنا؟ خد جزء صغير كده من اليومية بتاعتك دي بتاعة ربنا ساعتها والله الانسان منا لما يكون ده مبدأه دايما في الحياة يسعد في الدنيا والاخرة - 00:12:52ضَ

ما تعرفش حد قل لزوجتك ما هي زوجتك عارفة اللي في الشارع وعارفة ظروف الناس اللي في الشارع. قل لزوجتك بصي احنا عايزين دايما ايه آآ انا هاديك اليومية اهو واديك المرتب - 00:13:06ضَ

بس خدي جزء صغير كده نطلعه لله. يبقى بيني وبينك كده. يبقى انت بتعين اهلك كمان على مسألة الصدقة تكون النتيجة ان والله تسعد سعادة ما بعدها السعادة. من اول ما الانسان منا يخش القبر الى ان يلقى الله سبحانه وتعالى - 00:13:16ضَ

ربنا يا رب يبارك فيكم. هذا وصلى الله على نبينا محمد وعلى اله وصحبه - 00:13:32ضَ