Baheth

اعوذ بالله من الشيطان الرجيم فبظلم من الذين هادوا حرمنا عليهم حرمنا واخذهم الربا وقد نهوا عنه. واكلهم اموال الناس بالباطل واعتدنا للكافرين منهم عذابا اليما الحمد لله رب العالمين والصلاة والسلام على اشرف - 00:00:00ضَ

المرسلين سيدنا محمد وعلى اله وصحبه ومن تبعهم باحسان الى يوم الدين اما بعد انحراف جديد من الانحرافات اللي وقعت فيه الامم قبلنا وربنا سبحانه وتعالى يذكر لنا في القرآن من باب ان احنا ناخد بالنا - 00:01:10ضَ

ان الانحراف ده ترتب عليه عقوبات شديدة جدا من الله سبحانه وتعالى على الامم قبلنا وكل ده علشان معنى مهم لابد ان احنا نبعد عن هذا الانحراف وناخد بالنا من هذا الانحراف - 00:01:24ضَ

ويمكن من خلال الاستقراء لكل انواع الانحرافات اللي حصلت في الامم قبلنا وجدت دايما الانحراف المتعلق بالمظالم المتعلقة بالناس هي اشد انواع الانحرافات عقوبة عند الله سبحانه وتعالى كل ما كان الانحراف ده متعلق بحقوق الناس كلما كانت العقوبة عليه عند الله عز وجل عظيمة - 00:01:38ضَ

زي الانحراف اللي حصل عند قوم شعيب واتكلمنا عليه قبل كده. هذا الانحراف لما كان متعلق باخذ اموال الناس بتطفيف المكيال والميزان والقعود على طرقات الناس واخذ اموال الناس بغير وجه حق. وجدنا قد ايه العقوبة كانت يعني مضاعفة على هؤلاء - 00:01:58ضَ

للاسف بنو اسرائيل كان من اعظم الانحرافات اللي كانت موجودة عندهم انحراف سماه الله عز وجل في القرآن ظلما كما قال الله تبارك وتعالى فان تبتم فلكم رؤوس اموالكم لا تظلمون ولا تظلمون - 00:02:18ضَ

ربنا سبحانه وتعالى حرم الربا على بني اسرائيل وجعل النوع ده من التعامل مع مع الناس نوع من انواع الظلم اللي بيقع على بعض الناس اللي هم الخاصة الفقراء المحتاجين - 00:02:35ضَ

فنهى الله سبحانه وتعالى اليهود عن هذا التعامل يحكي ابن كثير رحمة الله عليه في تفسيره فيقول فالله سبحانه وتعالى لما حرم الربا على اليهود تحايلوا عليه تحايل عليه ومكروا وبحثوا عن الطرق التي بها يحل هؤلاء الربا ليأكلوا اموال الناس بغير وجه حق - 00:02:49ضَ

فلما فعلوا هذا وخالفوا امر الله سبحانه وتعالى انزل الله عز وجل عليهم عقوبة هي من اشد العقوبات وهي ان طردهم الله عز وجل من رحمته جزاء وفاقا كما انهم لم يرحموا الناس لما ظلموهم في المسائل المادية واخذ الربا اضعاف مضاعفة كانت النتيجة في المقابل ان الله سبحانه - 00:03:12ضَ

وتعالى سلط عليهم ايضا عقوبات مضاعفة. ومن اشد هذه العقوبات ان حرمهم الله عز وجل من رحمته فجعلهم يتيهون في الارض وقد كتب عليهم العذاب وسلط عليهم العذاب من كل مكان - 00:03:34ضَ

ولما بعث النبي صلى الله عليه وسلم الى الناس حرم عليهم هذا النوع من التعامل وكان صلى الله عليه وسلم يقول وربا الجاهلية تحت قدم موضوع. ربا الجاهلية ليس له مكان في الاسلام الا تحت القدم. ليه؟ علشان - 00:03:52ضَ

عشان ظلم وتأتي نصوص القرآن والسنة بتحريم ده قال الله سبحانه وتعالى فان لم تفعلوا اليوم اللي انتم لا تتخلوا فيه عن التعاملات الربوية بينكم وبين بعض فان لم تفعلوا فاذنوا بحرب - 00:04:15ضَ

وخدوا بالكم ان كلمة حرب هنا حرب شاملة. كلمة نكرة. والنكرة تفيد العموم والشمول. حرب هتكون شاملة عليكم من كل اتجاه فاذنوا بحرب من الله ورسوله انتم ستصابوا بحرب ربنا عز وجل يشن عليكم حربا شديدة. الحرب دي هتكون من كل اتجاه علشان انتم في يوم من الايام - 00:04:32ضَ

لفتم امر الله سبحانه وتعالى في الربا. الربا ليس بالامر السهل ولا بالامر الهين لما يجي لي واحد في يوم من الايام وهو بيبكي بكاء شديد وعلامات المرض ظاهرة عليه - 00:04:55ضَ

يقول لي يا شيخ انا كان عندي اربع اتوبيسات نقل ما بين مكان بين مدن معينة الاربع اتوبيسات دول انا جايبهم بالربا والناس كانوا يحذروني يقولوا لي خد بالك ده ربا ده حرام ده لا يرضي الله. وانا مكمل شيخ يقول لي ربنا بيقول فاذنوا بحرب وانا كل يوم الاتوبيسات - 00:05:07ضَ

عمال تجيب لي اموال كثيرة اموال اموال اموال اموال. فكنت دايما بقول فين الحرب لحد ما في يوم تعبت شوية وانا كنت كتبت الاتوبيسات دي علشان الضرايب كتبت كل اتوبيس باسم زوج اخت من اخواتي الاربعة - 00:05:28ضَ

الاربع اتوبيسات عندي اربع اخوات بنات. الاتوبيسات مكتوبة باسماء ازواجهم اللي هم كانوا بيديروا الاتوبيسات دي. وكل يوم بيجيبوا لي اموال كتيرة جدا تعبت شوية عملت شوية تحاليل عرفت ان انا عندي كانسر. عرفت ان انا عندي سرطان - 00:05:44ضَ

قلت ابتدت الحرب بدأت اصرف فلوس كتير جدا وعمليات كتير جدا. كل ده بسبب انا بدأت افهم ان ده حرب من الله سبحانه وتعالى بدأت اسحب منهم فلوس كتير فبدأوا يتضايقوا ان انا بسحب منهم فلوس كتير. ففي يوم من الايام حصل شد بيني وبينهم بعد ما انفقت فلوس كتيرة جدا على العمليات - 00:05:59ضَ

الادوية والكيماوي لقيتهم بيقولوا لي لا خلاص انت سحبت فلوس بكفاية الاتوبيسات دي بتاعتنا. انت ما لكش حاجة عندنا. دورت على البيت اللي انا اشتريته من ورا الاتوبيسات دورت على البيت بدأت ابيع شقة ورا التانية علشان انفق على نفسي. مراتي ما تحملتش كده. وبخاصة بعد ما دلوقتي اطلب منها اديني غويشة من الدهب بتوعك اللي انا - 00:06:19ضَ

شريك من الربا علشان اتعالج عايز اجيب الدواء. رفضت تماما وكانت النتيجة ان مراتي سابتني وراحت عند اهلها ورفعت علي قضية طلاق للضرر بعدها بشوية الاتوبيسات كان عليها ديون واقساط للبنك. كانت النتيجة ان الاقساط ما اتسددتش. فكانت النتيجة انه اترفع علي قواضي وانا هروح في - 00:06:40ضَ

اتعرض الامر على القضاء وخدت حكم بالفعل بالحبس. سبت بلدي وسبت اهلي وسبت ما املك وجيت في المكان هنا غريب ما فيش حد معي مرض زوجة سابته فقد المال فقد اهله غير المرض اللي بياكل في جسده - 00:07:00ضَ

حرب متنوعة شاملة علشان في يوم من الايام حارب الله سبحانه وتعالى في قضايا الربا فذنوب حرب من الله ورسوله ده في الدنيا واما في الاخرة فان الله عز وجل وضح لنا ان هذا الذي يأكل الربا في الدنيا لا يقوم في الاخرة الا كما يقوم الذي يتخبطه الشيطان - 00:07:19ضَ

قول من المس من هول العقوبة عامل زي المجنون. من هول عقوبة لا يقوم الا كما يقوم الذي يتخبطه الشيطان المس كتير من الناس بيظن ان الربا ممكن تكون سبب ان انا لما اعمل مشروع - 00:07:39ضَ

بالربا ان هو يجيب فلوس كتير ممكن بعض الناس بيظن ان لما اجيب القرض الربوي ان ده هيكون سبب للسعادة ابدا ابدا. الله سبحانه وتعالى حسمها في القرآن وقال لنا يمحق الله الربا - 00:07:59ضَ

يمحق الله الربا لا يبقى من هذا المال شيء بل يتلف الله هذا المال ويتلف صاحب المال صاحب الربا واكل الربا لا يمكن في يوم من الايام يتهنى به اللي جاب قرض ربو عشان يجيب عربية عشان يفرح ولاده واسرته. صدقني اخرته بتكون في العربية - 00:08:15ضَ

اللي جاب قرض ربوي علشان مش عارف آآ عايز يعمل قرض ولا عايز يتزوج. والله الخراب بيكون في المشروع اللي جه من وراء مال ربوي محرم. الله سبحانه وتعالى كما قال يمحق الله الربا فان النبي صلى الله عليه وسلم هدد وقال الربا وان كثر - 00:08:34ضَ

فان مصيره الى قلة. لا يبارك الله عز وجل في هذا المال اللي في يوم من الايام بيظن ان سعادته انه يجيب قرض علشان يتجوز او علشان يعمل مشروع اوعى تظن ده. لان النبي صلى الله عليه وسلم قال لعن الله اكل الربا - 00:08:53ضَ

وموكله وكاتبه وشاهديه. كل دول كل دول ربنا سبحانه وتعالى لعنهم. طردهم الله عز وجل من رحمته بس ممكن تكون الربا يعني مش بالخطورة اللي انت بتتكلم عليها دي النبي صلى الله عليه وسلم وضح لنا ان الربا مش امر بسيط ولا امر هين - 00:09:07ضَ

فقال النبي صلى الله عليه وسلم لنا درهم يصيبه الرجل من الربا وهو يعلم. عارف ان ده حرام وان ده ربا اشر عند الله من من وثلاثين زنية ان الانسان يزني ستة وتلاتين مرة ده اهون عند الله من انه ياكل درهم من ربا واحد. النبي صلى الله عليه وسلم يقول في شأن الربا. قال صلى الله - 00:09:27ضَ

عليه وسلم الربا اثنتين وسبعون بابا ادناها اقل باب من ابواب الربا. كالرجل يزني بامه شفتم بشاعة كبشاعة اكل الربا. عمركم سمعتم حديث عن النبي صلى الله عليه وسلم فيه بشاعة لتصوير امر ما او في تصوير - 00:09:49ضَ

كهذه البشاعة قريبة اثنتان وسبعون بابا. اقل باب فيها كالرجل يزني بامه. شفتم اجرام اكتر من ده! ده كله في في ابواب آآ يعني بسيطة جدا من الربا. فما بالكم الباب الاعظم للربا وضعه ايه - 00:10:10ضَ

النبي صلى الله عليه وسلم لما حب يبشع لنا قضية التعاملات الربوية. قال النبي صلى الله عليه وسلم لنا الربا اثنتان وسبعون بابا والشرك كوب مثل ذلك. الاتنين زي بعض - 00:10:26ضَ

متخيلين قد ايه النبي صلى الله عليه وسلم بينفر الناس الناس اللي بتجيب القروض الربوية علشان تظن ان هي هتكون سبب للسعادة. انا هجيب قرض ربوي عشان عايز ابقى اشطب الشقة بقى واجيب عفش جديد وادهن دهانات في الشقة. اوعى تظن ان ده - 00:10:39ضَ

او يسعدك لان النبي صلى الله عليه وسلم قال ان الربا من المهلكات اتقوا السبع الموبقات اي المهلكات في الدنيا وفي الاخرة اوعى في يوم من الايام تظن ان الربا دي ممكن تكون مصدر سعادة ناس كتير - 00:10:52ضَ

بعض الاوقات بعتتني وزارة الاوقاف للسجون علشان يعني ننصح المساجين نهذب من طباعهم وسلوكياتهم. ففوجئت ان عشرات الناس عنابر كاملة. لناس في يوم من الايام كانوا بيتعاملوا بالربا. جاب قرض ربوي عشان يجيب تاكسي يشتغل عليه. وبعد فترة اتسجن والتاكسي اتاخد - 00:11:05ضَ

كان عايز يتجوز راح جاب قرض ربوي بعد شوية طلق مراته فاذنوا بحرب من الله ورسوله الرسالة الاساسية النهاردة لكل انسان ربنا سبحانه وتعالى عصمه من الربا ابعد عنها وما تفكرش في يوم من الايام انك تقرب منها - 00:11:25ضَ

الله سبحانه وتعالى نادى عليك بخطاب الايمان فقال يا ايها الذين امنوا اتقوا الله وذروا ما بقي من الربا ان كنتم مؤمن طب يا شيخ لو كنت وقعت فيها قبل كده الوضع ايه - 00:11:51ضَ

تب الى الله الان وحاول بقدم الصلاة انك تتخلص من اثارها بقدر المستطاع قبلتين في زمن النبي صلى الله عليه وسلم في الجاهلية بينهم وبين بعض اموال ربوية بعد عشر سنين يدفعوا الفلوس - 00:12:06ضَ

جاء الاسلام القابيلتين اسلموا مع بعض. وحانوا وقت سداد الربا قبيلة منهم تقول احنا عايزين فلوسنا بالربا بتاعتنا والقبيلة التانية تقول هذا حرام حرمه الله. التانية تقول بس ده كان اتفاق في الجاهلية - 00:12:23ضَ

مختصمة عند النبي صلى الله عليه وسلم فالنبي صلى الله عليه وسلم نزلت عليه هذه الاية. اتقوا الله وذروا ما بقي من الربا ان كنتم مؤمنين كانت النتيجة ان القبيلة صاحبة الاموال - 00:12:39ضَ

قالت نتوب الى الله ونستغفره يا رسول الله واموالنا لاخواننا انك تتخلص من الاموال الربوبية دي بقدر المستطاع. بقدر المستطاع. ساعتها ربنا سبحانه وتعالى ينجيك من كل هذه الاثار. اما ازا كنت وقعت في - 00:12:52ضَ

فيها قبل كده زمان فتب الى الله سبحانه وتعالى. واكثر من العمل الصالح. وحاول بقدر المستطاع. لو كانت الربا دخلت في مشروع من مشروعات او في شيء من الاشياء عندك في - 00:13:08ضَ

شغلك وتجارتك حاول بقدر المستطاع انك تتصدق كثيرا من باب تطهير هذا المال عشان يكون مالك حلال. لازم نعرف كويس ان السعادة لما بنطبق شرع ربنا سبحانه وتعالى. ويوم ما الانسان منا بينحرف عن الطريق وبيخالف شرع الله سبحانه وتعالى اقل عقوبة ان يطرده الله عز وجل من رحمته - 00:13:18ضَ

وهذه ما لا تطاق. سعادتك ان ملك يكون حلال وضياعك ان المال يكون حرام الربا ظلم عظيم. لابد ان احنا نبعد عنه ونتجنبه وننهى الناس عنه. لو عملنا كده صدقوني والله الامم بتعيش في سلام - 00:13:38ضَ

اما الامم اللي بتعيش على الربا وتأكل بالربا وتشرب بالربا قبرص لنا فيها اسوة واسبانيا لنا فيها اسوة. واليونان لنا فيها اسوة. بلاد افلست بسبب الربا. ونزلت عليها العقوبات بسبب الربا. وصدق النبي - 00:13:56ضَ

صلى الله عليه وسلم حين قال ما ظهر الربا والزنا في قرية الا احلوا انفسهم عقاب الله اللهم ارزقنا المال الحلال وجنبنا المال الحرام. اللهم اكفنا بحلالك عن حرامك - 00:14:14ضَ