ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له. ومن يضلل فلا هادي له واشهد ان لا اله الا الله وحده لا شريك له. واشهد ان محمدا عبده ورسوله - 00:00:00

اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة وكل بدعة ضلالة وكل ضلالة في النار - 00:00:31

اللهم صل على محمد وعلى ال محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم - 00:00:51

للعالمين انك حميد مجيد اه في المحاضرة الماضية بعدما ذكرت شروط الحديث الصحيح وانها خمسة واشرت بيدي هكذا وقل خمسة في عين العدو فارسل لي بعض اخواني من المغرب انه يعني خمسة في عين العدو دي - 00:01:09

اه عندنا في المغرب هو بيقول عندنا في المغرب اسمها خمسة وخميسة يعني يعني ايه يعني ضد السحر او كده يعني اي واحد تشعر فيه بالحسد تقول له خمسة وخميسة كده يعني - 00:01:34

طبعا ما لم يخطر ببالي هذا المعنى اطلاقا يعني لكن اه ليه؟ لان الكلام كان له سياق والسياق لم يكن في هذا اطلاقا لكن كان في شروط الحديث الصحيح الخمسة - 00:01:48

فقصدت خمسة في عين الخصوم الايه خصوم السنة يعني خمسة في عين العدو خمسة شروط للحديث الصحيح من اراد ان يحكم للحديث على الحديث بالصحة فلابد ان يتوفى بخمسة شروط - 00:02:03

والذين يتكلمون في احاديث النبي عليه الصلاة والسلام الصحيحة لا سيما في صحيح البخاري لا يعرفون شيئا من هذه الشروط الخمسة ولا يستطيع اذا فتح كتابا من كتب المصطلح ان يفهم - 00:02:18

كلام اهل العلم في هذا آآ الكتاب فهذا الذي قصدته يعني خمسة فينا العدو يعني خمسة شروط في عين من يتكلم في سنة النبي عليه الصلاة والسلام اه فهذا فاقتضى التنبيه يعني الاخ لما ارسل لي هذا التنبيه الحقيقة لم يخطر على بالي هذا المعنى الذي - 00:02:34

ذكره اه نحن ذكرنا في المحاضرات الماضية ان للحديث الصحيح شروطا خمسة وهي ثلاثة موجبة وشرطان عدميان بمعنى نفيهما فشروط الحديث الصحيح اتصال السند ده الشرط الاول عدالة الرواة الشرط التاني ضبط الرواة الشرط التالت - 00:02:57

ده التلات شروط الموجبة التي يجب ان تتوفر في الحديث عدم الشذوذ عدم العلة ده شرط ان سلبيان بمعنى نفيهما يعني ينبغي ان تنفي الشذوذ وان تنفي العلة عن حديث حتى يكون صحيحا - 00:03:33

وكنا في الشرط الاول اللي هو اتصال الاسناد وذكرنا قوادح الاتصال متى لا يكون السند متصلا اذا كان معلقا معضلا منقطعا مرسلا مدلسا اذا واحد من دول وجد يبقى السند منقطع على طول - 00:03:53

يبقى السند منقطع زي ما قلت لكم العلماء كانوا يسمون كل انقطاع اللي هم المتقدمون كانوا يسمون كل انقطاع في الاسناد ارسالا كما مسلت لكم في المرة الماضية بحديث يا اسماء - 00:04:22

ان المرأة اذا بلغت المحيض لا يجوز لا يجوز او لا يحل ان يظهر منها الا هذا وهذا. واشار الى وجهه وكفيه. قلت هذا الحديث رواه ابو داوود في سننه وقال مرسل - 00:04:37

خالد بن دريك لم يدرك عائشة فده اسمه انقطاع على حسب الايه الاصطلاح اللي احنا بندرسه الان اذا سقطت واسطة واحدة في اي مكان في الاسناد يبقى اسمه انقطاع الا اذا سقط من اوله يبقى اسمه ايه - 00:04:52

معلق واذا سقط من اعلاه يبقى مرسل واذا سقط اسنان من اوله معلق ومعضل واذا سقط اثنان من اعلاه يبقى مرسل ومعضل واذا سقط اي في ايدي مواضع في السند - 00:05:10

يبقى منقطع. خلاص كده يبقى القادح الخامس وهو المدلس التدليس ده يعني عايز ايه؟ يعني تديني دماغك اوي وازا كنت مشغول باي حاجة ركز معي لان التدليس انواع التدليس انواع - 00:05:31

ممكن يصل الى ستة انواع التدليس لكن ايه معنى التدليس اصلا احنا في كلامنا العادي لما نقول فلان مدلس يعني ايه يعني فعل فعلا معيبا واراد ان يخفيه تمام؟ يقول لك فلان ده بيدلس. بيدلس يعني ايه؟ يعني لا يقول الحقيقة - 00:06:01

يكذب وكما قال شعبة رحمة الله عليه التدليس اخو الكذب اخو الكذب اصل الدنس معناه الظلمة او اختلاط النور بالظلام اي حد بيحاول يعمل اي حاجة بيعملها في الضلمة اذا اراد ان يفعل عيبا بيعمله بايه؟ بعيدا عن اعين الناس. زي الاسم بالظبط - 00:06:30

النبي عليه الصلاة والسلام عندما عرف الاثم قال ايه والاثم ما حاك في صدرك وخشيت ان يطلع عليه الناس فكل شيء اردت ان تخفيه عن الناس فانت تدلس فيه خلاص يبقى الدنس معناه الظلام - 00:07:01

يبقى هناك عيب في الحديث اردت ان تخفيه فمن فعل ذلك كان مدلسا خلاص اشهر الانواع التدليس حاجة اسمها تدليس الاسناد ده اول نوع واشهرها تدليس الاسناد تعريفه هو ان يروي الراوي - 00:07:23

عن شيخه الذي سمع منه ما لم يسمع منه ازاي هذا المجلس بيحضر فيه مسلا مائة الف الفين عشر تلاف وفلان او انت مسلا دائما تحضر ولا تغيب دايما في الصف الاول - 00:07:57

انت تلميذي وانت تسمع مني دائما. ليه ؟ لانك انت تحضر باستمرار عندي واذا اردت ان تحدث عني حديثا او رواية ستقول حدثني فلان انه قال كذا او حكى كذا - 00:08:30

انت بتسمع مني مباشرة فاذا اردت ان تعقد مجلسا في بلدك او في حيك فبتقول فلان حدثني بكذا وكذا طيب عرض لك عارض صفر سافرت برة فسحة للعلاج لاي حاجة - 00:08:52

فتغيبت عن المجلس غبت درس درسين تلاتة اربعة كل درس من هذه الدروس انا بقول فيها احاديث او بحكي فيها حكايات فانت لما رجعت من السفر بتاعك وقد فاتك مني مجلس او اتنين او تلاتة اي اه عدد يعني - 00:09:16

بتيجي تقول لواحد صاحبك قل لي بقى ايه لما انا غبت قال ايه بقى الشيخ في المجلس فقال والله حكى كزا وكزا وقال كزا وكزا وبتاع والكلام ده فانت اذا اردت ان تحكي عني بعض - 00:09:41

الكلام اللي قلته في المجالس التي غبت انت عنها ازا اردت ان تحدث عني في هذه المجالس هتقول ايه بقى لابد ان تقول حدثني فلان اللي هو صاحبك قال حدثني فلان قال له وانا الشيخ بقى - 00:09:58

خلاص بعد ما كنت بتقول حدثني ابو اسحاق بتقول حدثني زيد قال حدثني ابو اسحاق. يبقى نزلت انت درجة ولا ما نزلتش نزلت درجة كنت انت الاول بتقول حدثني ابو اسحاق مباشرة ما فيش بيني وبينك واسطة - 00:10:19

فلما انت غبت هذه المجالس فلابد ان يحدثك واحد حضر المجالس وانت ما حضرتهاش فلابد ان يكون هذا الفلان واسطة بيني وبينك في حاجة اسمها العلو في علم الحديث العلو انواع البدل والموافقة - 00:10:39

هنيجي عليها ان شاء الله اشرف انواع العلو اشرف انواع العلو الى النبي عليه الصلاة والسلام او اشرف انواع العلو عموما يعني ان تقلل عدد الوسائط بينك وبين صاحب الخبر - 00:11:04

ولذلك كان صاحب الاسناد الثلاثي اعلى من صاحب الاسناد الرباعي فاكرين الكتب الستة وانا هختبركم بقى كتب الستة احنا قلناها هي ايه الصحيح ان البخاري ومسلم والسنن الاربعة اللواء ابو داوود والنسائي والترمزي وابن ماجة - 00:11:24

يبقى السنة اربعة والصحيح ان الكتب الايه الستة انا قلت الكتب الستة فيها تلت كتب فيها ثلاثيات وتلات كتب فيها رباعيات. اعلى اسناد في تلات كتب اسناد سلاسي والتلت كهف الكتب الباقية اعلى اسناد فيها رباعي - 00:11:46

وقصدنا بالاسناد الثلاثي ان يكون بينك وبين النبي او بينك وبين صاحب القبر كام تلاتة اسناد ثلاثي يعني بينك وبين اعلى حد في الاسناد صاحب الخبر يكون تلاتة فقلنا تلات كتب في الكتب الستة فيها ثلاثيات - 00:12:08

اولها البخاري. تمام والترمزي وابن ماجة تمام الترمزي فيه كم حديس سلاسي ايوة واحد واحد تمام وابن ماجة في تقريبا تلاتة تلات احاديس سلاسية يعني البخاري في عدة احاديس سلاسية - 00:12:26

اكتر من سبعة تمانية كده طيب الثلاثيات في الكتب دي التلاتة دي. اني سلاسيات صحيحة البخاري على طول طبعا البخاري ليس بعد البخاري للمرء مذهبه يعني خلاص البخاري حاجة فوق اوي يعني - 00:12:58

انما سلاسيات ابن ماجة كلها ضعيفة والحديس الوحيد اللي هو في الترمزي برضه ايه ضعيف جميل الكتب التلاتة الباقية مسلم ابو داود والنسائي اعلى اسناد فيها رباعي خلاص طيب الاسناد العالي - 00:13:16

ميزة كبيرة جدا كان المحدثون يقتتلون عليه ازا سمع اسناد رباعي وعرف انه ممكن يحصله ثلاثي يرحل يرحل فين بقى في اخر بلاد المسلمين يبيع الدار والحمار خلاص ويروح عشان يحصل اسناد سلاسي هو عنده رباعي - 00:13:43

لان كل ما تقترب من مصدر الضوء زي ما انا قلت لك لا سيما اذا كان المخبر هو النبي عليه الصلاة والسلام بيبقى شرف قيل لابن معين رحمة الله عليه - 00:14:10

في مرض موته ما تشتهي قال بيت خالي واسناد عالي برضو هو ايه وهو بيموت بيشتهي الايه؟ بيشتهي الاسناد العالي برضه بل علو شرف كل ما ما يكونش بينك وبين شيخك واسطة كل ما يكون اشرف بالنسبة لك - 00:14:22

آآ انت بقى لما غبت الغيبة بتاعتك ديت ورجعت لقيت اصحابك حصلوا عدة اسانيد واحاديث وبتاع فانت تريد هذه الاحاديث فلابد ان تنزل درجة عشان تحصلها فتقول حدثني فلان عن ابي اسحاق - 00:14:46

طيب ما دي مش لطيفة برضو فانت عايز تعلو لابي اسحاق على طول كده فتقوم تعمل ايه تسقط الواسطة صاحبك الغلبان ده اللي انت هتوقعه من السند هتسقطه وتطلع لي انا مباشرة - 00:15:07

بس تطلع لي بايه بعن لفظة تحمل تحتمل اللقاء تحتمل اللقاء. انت عندنا ادوات التحمل حدثنا وحدثني انبأنا وانبأني برنا واخبرني. سمعت وسمعنا قال لي قال لنا اي حاجة تقتضي المباشرة - 00:15:28

اي صيغة تقتضي المباشرة انك انت سمعتي مني مباشرة دي اسمها ادوات التحمل. وعن وقال وان ادي التلاتة دول عندما تقول حدثنا يبقى انت كنت في جمع كبير زي كده وانا حدستكم - 00:15:58

لكن انا وانت بس بتقول حدثني الصيغة نفسها صيغة الاخبار بتعرفنا انت تلقيت هذا لحالك او مع مجموعة فوانت دلوقتي بتستمع مني اول ما تريد ان تنقل عني خبرا هتقول ايه - 00:16:19

حدثنا مش حدثني لما اكون انا وانت لوحدنا تقول حدثني خلاص؟ وكذلك اخبرني انبأني قال لي سمعت الحاجة اللي تقتضي انك انت مفرد لوحدك كده الحاجة اللي جاية عن طريق المجموع يبقى انت سمعتها مع الايه - 00:16:41

مع المجموع طبعا في اختلافات برضو بين حدثنا واخبرنا يعني بعض اهل الحديث قال لك حدثنا في السماع المباشر من لفظ الشيخ يعني انا دلوقتي بقول لك خبرا ما فانت بتحكيه عني - 00:17:04

بتقول حدثنا لكن في حال العرض تقول اخبرنا بعض اهل الحديث يفرق مع ان في في النهاية المحصلة ان هي ما فيش تفريق انباءنا زي اخبارنا زي حدثنا اذا سمعتم التي تقتضي انك انت ايه تلقيت مني مباشرة - 00:17:25

بس بعض اهل الحديث فرق قال لك اذا قال اخبرنا نقولها في العرض. العرض يعني ايه العرض يعني انت تقرأ علي وانا اقر ها كأن يقول حدثكم فلان بكذا وكذا؟ اقول نعم - 00:17:46

يبقى انت عرضت علي المروي الشيء اللي انت بترويه عرضته علي اشهر عرض في الدنيا عرض ايه عرض القرآن هو القرآن مش عرض ها يعني التلميذ بيقرأ على الشيخ والشيخ يقر - 00:18:09

او بيصلح له ازا كان غلطان يقول لها دي غنة دي ده مد ده مش عارف نون ساكنة ده ميم ساكنة الى اخر قواعد التجويد يعني التلميذ يقرأ على الشيخ يعني التلميذ يعرض القرآن - 00:18:29

على الشيخ والشيخ يقره على صحة القراءة فاشهر عرض في الدنيا هو عرض القرآن تمام اهل العراق واهل الحجاز كانوا مختلفين في قصة حدثنا واخبرنا دي اهل الحجاز يقول لك ما فيش فرق - 00:18:44

بنحدثنا واخبرنا اهل العراق يقول لك لأ في فرق العرض غير العرض ايه؟ العرض اقل فاحتج عليهم ما لك بعرض القرآن قال بعد عرض القرآن انت عايز حاجة بعد عرض القرآن - 00:19:06

ليه؟ لان مالكا ما كان يقرأ الموطأ على احد خالص حتى الشافعي رحمة الله عليه لما ذهب الى ما لك ويريد ان يسمع منه الموطأ قال التمس من يقرأ لك - 00:19:27

لان مالكا ما كان يقرأ الموطأ على احد انما كان يعرض يستخدم العرض واعتقد ان استخدامه للعرض كان ردا على اهل العراق الذين كانوا يقولون ان العرض اقل من السماع المباشر - 00:19:43

ليه يا جماعة؟ قال لك لان العرض ممكن الشيخ يسهو يسهو يعني انا مسلا في انت عارف الجماعة اللي هم حافظين القرآن مية دول تبص تلاقي التلميذ بيقرأ عليه وهو بيشخر - 00:20:01

اه كده اول ما الولد يغلط يقوم صاحي على طول ودي انا لاحزتها في اكتر من واحد من القرأة اكتر من واحد من القراءات تبص تلاقيه نايم وانت تشعر بانه نايم خالص - 00:20:16

اول بس ما يغلط غلطة يقوم صاحي يقول له غلط كذا واخداه ده اللي هو ايه؟ القرآن بتاعه مية يعني. اللي هو القرآن بيجري في دمه كده تمام فهو كان ما لك رحمة الله عليه انما يستخدم العرض ردا على اهل العراق الذين يقولون السماع اقوى من العرض - 00:20:32

وكان ابراهيم بن سعد احد ائمة المدينة يقول يا اهل العراق لا تدعونا تنطعكم العرض اقوى من السماع كمان يعني انتم بتقولوا العرض اقل ده هو اقوى كمان وكما قلت كانوا يحتجون عليهم بالايه - 00:20:51

كانوا يحتجون عليهم بعرض الايه؟ القرآن او الصك الصك نفسه انما يعرض الصك زي التوكيل والحاجات اللي زي دي يعني تمام فدي ادوات التحمل. انت النهاردة سمعت مني درسا ما او حديثا ما - 00:21:08

وعايز تاخد الكلام بتاعي وتعقد مجلسا في بلدك لما تحب تستخدم اداة من ادوات التحمل. هتقول ايه بقى اي اداة من الادوات التي تدل على انك تلقيت مني مباشرة زي اللي انا قلتها دلوقتي حدثنا حدثني يا سمعت يا انباءنا الى اخره - 00:21:26

من ادوات التحمل التانية بقى التي تحتمل الانقطاع وتحتمل الاتصال عن وقال وان عن فلان انه قال تحتمل سمعت وتحتمل ايه ما سمعتش لكن ما تقدرش تكدبه انا النهاردة لو قلت عن رسول الله صلى الله عليه وسلم انه قال - 00:21:47

استخدمت عنه تمام لكن ما اقدرش اقول حدثني في بعض الناس اللي آآ الادباء اللي بيكتبوا التاريخ يقول لك ايه وها هو شيخنا ابن جرير يحدثنا يحدثنا يعني في كتابه - 00:22:23

فيستخدم كلمة حدثنا ودي خطيئة عند المحدثين وانت ممكن تقرأها لبعض من ايه من ينسبون يعني آآ بطريقة الادبية اخبار التاريخ للمؤرخين يقول لك ابن جرير يحدثنا ويقول حدس كذا وكذا. طب ابن جرير ده مسل التلتمية وعشرة - 00:22:48

هجرية او تلتمية وتسعة يا تلتمية وتسعة يا تلتمية وعشرة يعني فانت بينك وبينه مفاوز هو يقصد يحدثنا يعني في كتابه او اخبرنا في كتابه. ودي طبعا غلط عند المحدثين. لان لفظ تحدثنا تقتضي السماع المباشر - 00:23:10

فالمدلس اللي هو بقى عايز يوقع صاحبه علشان يعلو بالاسناد يستخدم كلمة عن بادوات التحمل فيقوم يقول لك فلان عن فلان خلاص؟ فهو بقى بدل ما يقول حدثني زيد عن ابي اسحاق - 00:23:28

او حتى حدثني ذلك قال حدثني ابو اسحاق يقول عن ابي اسحاق انه قال خلاص عندي مقبولة عند غير المدلس. انما المدلس مش مقبولة منه اطلاقا متى تقبل رواية المدلس اذا قال حدثني - 00:23:51

عشان نضمن انه ما وقعش حد من الاسناد فكل من اتهم بالتدليس لا تقبل روايته معنعنة قانون اي واحد اتهم بالتدليس اذا قال عن وانت مغمض ترد روايته على طول - 00:24:13

وطبعا المدلسون لهم كتب لان انت هتقول طب انا اعرف مدلس من آآ غير المدلس ازاي اقول لك في كتب الرجال في ترجمة كل راوي يقول لك مدلس او لأ - 00:24:40

والحافظ ابن حجر العسقلاني له كتاب اسمه ايه مراتب المدلسين يعني. طبقات اهل التدليس مقسمها طبقات في واحد يدلس وتقبل تدليسه واحد يدلس ولا تقبل تدليسه. بس انا هأجل دي شوية - 00:24:57

اؤجل القصة دي شوية على بس ما ايه نفهم ايه معنى التدليس. يبقى تعالوا بقى نعرف التدليس تاني التدليس هو ان يروي الراوي اللي هو انت عن شيخه الذي سمع منه - 00:25:19

ما انت قاعد معي ليل نهار سمعت مني ولا لأ سمعت مني ما لم يسمع منه في حال غيبته او في حال سفره خلاص؟ يبقى الاصل ان هذا الراوي سمع من شيخه ولازمه طويلا - 00:25:39

لكن غاب عنه مجلسا او مجلسين او ثلاثة فاحب ان يروي الاحاديث التي غابت عنه في حال سفره فاسقط الواسطة بينه وبين شيخه ورواها بعن ادي تدليس الايه الشيوخ تدليس عفوا تدليس الاسناد - 00:25:59

قديس الاسناد. خلاص كده؟ ده اشهر انواع التدليس قاطبة زي الاعمش مسلا زي محمد ابن اسحاق زي سفيان الثوري زي سفيان ابن عيينة تمام؟ يعني انتم تسمعوا اسماء كبيرة جدا - 00:26:20

ومدلسة ادي الاسماء يدلسون فالتدليس عيب في الراوي ولا في المروي الراوي ولا في المروي طب واحد يقول لي ها عيب في المروي لان برضه بعض الناس يقول لك ايه ؟ طب ازاي يا اخي مدلس وتقبله؟ - 00:26:40

وتقبل روايته اقول لك التدليس ليس عيبا في الراوي نواعيب في المروي ولزلك بنقول لك ترد روايته اللي دلس فيها لكن اذا قال حدثني نقبل روايته على طول اذا كان عدلا ضابطا حافظا - 00:27:08

خلاص كده ؟ طبعا احنا بنقبل رواية المدلس اذا كان عدلا ضابطا تمت فيه العدالة وتم فيه الضبط تمام؟ ده شرط قبول المدلل لكن هو لو ضعيف ومدلس يبقى ضغط على قبالة منيل بنيلة يعني. منيل - 00:27:30

ونيلة ها يبقى ننيل بنيلة ما تقبلش روايته حتى لو لم يكن مدلسا لانه ضعيف خلاص؟ فهو المدلس الذي تقبل روايته اللي هو الضابط الحافز اللي احنا لسة هنيجي على الكلام في العدالة والضبط - 00:27:49

يبقى التدليس هو عيب في المروي وليس عيبا في الراوي طيب مين الراوي الذي تستوي عنعنته مع تصريحه بالسماع واحد اذا قال عن زي اذا قال حدثنا مين لأ انا عايز اسمع واحد يقول لي - 00:28:07

اللي جو بيقوموا واللي عشان اقدر اسمعه طيب هذا الراوي هو سفيان ابن عيينة الذي اذا قال عن تساوي اذا قال حدثنا دي فزورة يعني برضه يعني آآ طلبة الحديث - 00:28:36

لما يقعدوا مع بعض في باب المذاكرة وبيقولوا حاجات زي كده تبقى تعتبر دي كانها ملح نوادر كده او الغاز احاجي من الراوي الذي تستوي عنعته مع التصريح بالسماع سفيان بن عيينة الامام العالم المفرد - 00:29:00

مين اللي قال لنا المعلومة ديت محاكم كل آآ يعني آآ كما قال اذا كنت مدعيا فالدليل واذا كنت محتجا فالصحة خدها قاعدة كده متقاعدة كده اذا كنت مدعيا فالدليل - 00:29:19

واذا كنت محتجا في الصحة ما تحتجش بحاجة ضعيفة اذا احتجت بنص لابد ان يكون صحيحا واذا احتجت من اصله لابد ان تكون صاحب دليل دي قاعدة كده بيقولها العلماء في باب المناظرات - 00:29:41

ازا واحد قال معلومة يقولوا جبتها منين المعلومة دي دعوة رجل بيدعي شيئا اذا كنت مدعيا فالدليل واذا كنت محتجا الصحة طيب انا ادعيت اهو ان سفيان ابن عيينة يستوي عنعنتوه مع تصريحه بالسماع. من ادعى هذا - 00:30:01

الامام ابو حاتم ابن حبان في اول صحيحه ابن حبان له كتاب الصحيح المشهور بصحيح ابن حبان المقدمة له مقدمة رائعة جدا اللي هي التي اسس عليها او تعتبر مفاتيح الصحيح - 00:30:34

ذكر المعلومة دي في السكة وهو ماشي عندما ذكر المدلسين ذكر المعلومة دي ان سفيان ابن عيينة كان اذا دلس يدلس عن ثقة مثل نفسه تمام فالمدلس اللي زي ابن عيينة يستوي عندي تصريحه بالسماع - 00:30:53

مع عنعنته دواء طيب اه ليه المدلس بيدلس ؟ يعني احنا هو ثبت عليه التدليس طب ليه بيدلس اما انا قلت علة من العلل اما اراد ان يعلو فاسقط صاحبه اللي هو زيه - 00:31:23

تمام وعلى واما ان يكون شيخه ضعيفا وهو عايز يمشي الحديث فاذا حدث عن شيخه الضعيف تقول له لا لا اقبل الخبر ليه لان شيخك ضعيف يسقطه وخلي الخبر عن الثقة - 00:32:06

لاجل هذا رد العلماء خبر المدلس معلش اسف يعني فمدلس الاسناد احيانا يلجأ اذا لم يرد ان يدلس الاسناد يلجأ لنوع تاني من التدليس اسمه تدليس الشيوخ قلنا تدليس الاسناد - 00:32:42

خلاص هو ان يروي الراوي عن شيخه الذي سمع منه خبر لم يسمعه منه اما لعلو او لضعف الشيخ ويدلس الاسناد بعن طب ازا ما كانش عايز يسقطه رغبة في العلو. يعمل ايه - 00:33:59

يلجأ الى نوع تاني من التدليس اسمه تدليس الشيوخ تدليس الشيوخ ده نفترض مسلا الراوي اسمه زيد ابن علي ابو بسطان مسلا هو مشهور باسمه لكن كنيته مش معروفة وهو ضعيف - 00:34:31

فلو صرح باسم زيد بن علي يقول له لأ ده ضعيف فيكنيه بكنية غريبة فيقول لك حدثني ابو بسطام انت بقى ما تعرفش من هو ابو بسطام ما تمش الخبر - 00:35:14

تمام طيب افترض ان انت اكتشفت ابو بيستاندة يطلع مين زيد ابن علي يقول لك ايه ابو اسماعيل قل لي بقى عن ما تعرفه باسماعيل وتفتش في خلق الله وتعرف من ابو اسماعيل - 00:35:40

ازا اكتشفت ان هو ابو اسماعيل فلان يقول لك ابو ابراهيم ها يفضل يلاعبك كده من كان افعل الناس لهذا كان بقية ابن الوليد كان له شيوخ مجاهيل اذا حدث عن الشيخ المجهول يردون روايته يكنيه - 00:36:01

تمام واحيانا اذا رويت عن صاحب لك وما انتش عايز تنزل في الاسناد وتعرف من هو تكنيه بعدة كنى او تنسبه الى جد اعلى يعني هو مسلا زي مسلا البخاري - 00:36:28

ابن منده قال البخاري مدلس طبعا استعزموا جدا منه ان يقول البخاري مدلس ها لكن في الواقع ابن من ده عمل كده ليه؟ او ليه قال البخاري مدلسا لان البخاري له شيخ اسمه محمد ابن يحيى الذهلي - 00:36:54

حصل بينه وبين البخاري مشكلة انا كنت حكيت عليها في اوائل الدروس بتاعتنا دي لما ولا مانع ان انا افكر برضه اه بعض الجلوس بها اللي ما حضرش لهذا المجلس - 00:37:15

انه محمد ابن يحيى الذهلي كان اكبر او من اكبر اشياخ نيسابور فلما البخاري اراد ان يدخل نيسابور فمحمد ابن يحيى الذهلي اكبر شيخ في نيسابور وكان بيحضر له الوف - 00:37:31

وكان صاحب حشمة تامة قال غدا يأتينا العبد الصالح محمد بن اسماعيل البخاري يعني فمن اراد ان يستقبله فاني مستقبله معنى شيخ نيسابور هيقابل البخاري يبقى نيسابور كلها تطلع فخرجت عمائم نيسابور وكانت بالالوف - 00:37:54

لتستقبل الامام البخاري في دخوله الى البلد ولما دخل البخاري نثرت الحلوى والدنانير على رؤوس الناس. ابتهاجا بدخول البخاري الى نيساور دخل البخاري نيسابور ونزل في دار البخاريين وبدأ تاني يوم يعقد مجالس التحديث - 00:38:20

طبعا البخاري كان نار على علمه يعني والدنيا كلها بتشتهي ان تسمع من البخاري وشاعر البلد ما بيسلهاش يعني ممكن ان اكون انا اشهر شيخ في البلد هنا وتلاقي الطلبة زاهدين في - 00:38:46

يقول لك ليه؟ يقول لك ما احنا يعني ازا حبينا نقابله ونروح نقابله ونتغدى معه كمان ها وبنقعد معه وبنطلع البر مع بعض وبتاع والكلام ده يعني حاجة مش شهوة يعني. انت راجل غريب وبتاع واول مرة تشوفها طب انت اللي حريص عليه - 00:39:02

ودايما كل ما يعني تستطيع الوصول للشيخ بتزهد فيه تزهد فيه امتى تبقى دايما حريص عليه يوم ما تعرفش تحصلوا تبقى دايما بتلتمس اللحزات بقى عشان تستفيد منه وتدون منه وبتاع. لكن طول ما انت قادر عليه انك انت تروح له وتقعد معه والخارج ده تقوم ايه تزهد فيه. لقدرتك - 00:39:17

الى اللقاء يعني انا فاكر مرة لما اول مرة اذهب للشيخ الالباني رحمة الله عليه في عمان الف ربعمية وسبعة وبدأت احضر مجالس بتاعته المجالس الخاصة اللي كان بيعقدها في الايه في البيوت يعني - 00:39:37

فكان فيه واحد كل ما احضر الاقيه على مرتبة كده نايم وحاطط آآ نايم على ضهره وحاطط رجل على رجل الله! اقول ايه الجدع الغريب ده او نايم على ضهره كمان وحاطط رجل على رجل - 00:39:56

وفي مجلس شيخ الالباني كمان فقلت اما اسأل اشوف مين الجريء ده اللي بيحضر ده ليه تبقى ايه الراجل اللي بيقضي للشيخ الالباني حاجاته بيبعتوا للسوق يجيب حاجات من السوق عايز يصلح حنفية - 00:40:11

عايز مسلا يجيب المقص وقص الشجر بتاع الجنينة ها عايز يروي الارض بتاع الجنينة عايز اي حاجة زي كده الم فده طبعا نايم وحاطط رجل على رجل. ليه؟ بيدخل على الشيخ في اي وقت - 00:40:30

لكن امثالي من طلبة العلم ما يعرفش يدخل على الشيخ الا اذا اخذ موعدا سابقا. وقد حدث لي شيء غريب في هذه الرحلة كان الشيخ بيصلي في مسجد آآ في حي الفالوجة - 00:40:44

لان الشيخ كان يرى ان الادان بيؤذن في عمان قبل اذان الفجر. قبل الفجر بربع ساعة المسجد ده كان بيتأخر تلت ساعة او نصف ساعة بعد ادان الفجر فكان الشيخ يأتي من ضاحية هملال الجنوبية بالسيارة عشان يصلي في المسجد ده - 00:41:00

على اساس انه بيأخر نصف ساعة عن الاذان وكان المكان اللي انا ساكن فيه كان بجانب هذا المسجد. فكانت فرصة ان انا بالتقي بالشيخ في صلاة الفجر دائما ففي يوم من الايام الشيخ ما جاش - 00:41:18

فاستصعبت جدا يمر علي يوم ما استفدش منه آآ صاحبي في الرحلة ابو حمزة القيسي جزاه الله خيرا كان معه سيارة وكان بيصحبني في آآ ترحالي في هذا في البلد يعني - 00:41:34

قلت له يا ابا حمزة ماذا افعل؟ ضاع علي يوم من الشيخ ماذا افعل قال اذهب للشيخ في بيته قال لي يلا قلت استشير تلامز الشيخ القريبين منه يا جماعة الخير انا عدى علي يوم لم التقي فيه بالشيخ - 00:41:50

وده يوم راح من رحلتي. فانا لا اريد ان يضيع علي هذا اليوم اذهب الشيخ في بيته فكان اجماعهم لا تذهب الا بموعد سابق ليه ؟ قال له مش هيفتح لك - 00:42:10

الباب اذا ما كانش فيه موعد هو لا يأذن لاحد الا بموعد سابق فحزنت جدا الحقيقة فقال لي صاحبي طب ما تيجي نجرب والروح يا صابت يا خابت فخطر ببالي انذاك - 00:42:24

وهو بيقول لي الكلمة دي حكاية قرأتها في ملجم معجم البلدان بتاع ياقوت الحموي بمادة بوست معجم البلدان ده بيجيب بلدان الاسلام اسامي البلدان ويقول لك اسمها كده ليه؟ ومن كان فيها من الفضلاء فلان وفلان وموقعها فين - 00:42:46

وكده يعني بلد اسمها بوست اللي منها ابن حبان البوستي ابن حبان صاحب الصحيح من بوست فساعات لما واحد والتوثيق ابن حبان ضعيف. يعني لو قال لك وثقه ابن حبان - 00:43:07

يقول لك لا توسيقه لين ما بنقبلوش فيقوم لو واحد عايز يدلس يقول لك وثقه البستي فانت لو مش واخد بالك ان ابن حبان بوستي ينطلي عليك وتقول البوست ده اكيد عالم واحد غير ابن حبان - 00:43:24

فتقوم تقبل توثيقه زي ما الكوثري عمل في راوي ضعيف وثقى ابن حبان قالو وثقو البوستي انا اول مرة اقرا وثقة البوست ده. قعدت ادور منه البوست يا رب ده - 00:43:39

ودور في العلماء من هو البوست غلبت. ما عرفتش مين هو البوستي مر علي زمان وانا نفسي اعرف مين هو البوست ده لحد ما قرأت في الضعيفة بتاع الشيخ الالباني - 00:43:52

ان البستي هو ابن حبان فعرفت انه ابن حبان قلت اتكشفت هي حلوة هتقول لي وثقوا البوست مرة تانية يبقى انا كشفت الايه ؟ كشفت الملعوب بتاعك. اهو ده التدليس برضه. من ضمن التدليس - 00:44:06

فقرأت قديما في مادة بوست دي ان ابن حبان البوستي كان يصحب شيخه ابن خزيمة صاحب الصحيح برضه وكان ابن حبان مشور ابن خزيمة بقلم وورقة كل ما ابن خزيمة ينطق كلمة ابن حبان يكتبها - 00:44:19

احم يكتب احم صدقوني كان بيعمل كده ابن حبان ما كانش يفوت كلمة لابن خزيمة يقولها واخد بالك؟ فمن كتر ما وارى ابن خزيمة ما شعر ابن خزيمة بيقلم الورقة - 00:44:42

بزهقه فبيسأله سؤال فابن خزيمة قال له ايه؟ تنحى عني يا بارد ها فابن حبان قام كاتبها تنحى عني يا بارد الله! فواحد بيقول له طب انت كتبتها ليه؟ قال له لا ادع كلمة يقولها الشيخ الا كتبتها - 00:44:59

هو ده الطالب المفلح ليه هناك قاعدة عند علماء الحديث يقول لك اذا كتبت فقمش واذا حدثت ففتش اذا كتبت فقمش قمش يعنيه اكتب كل حاجة واي حاجة اي حاجة ان شاء الله ما يكونش لها لازمة - 00:45:24

جايز يبقالها لازمة في يوم من الايام انت ما انتاش عايزها النهاردة هتحتاجها بكرة عشان كده الفرق بينا وبين جيلي والجيل الذي سبقني وبين جيل تلامزتنا دلوقتي ايه ان هو لما بيدخل على جوجل - 00:45:52

بياخد من الكتب اللي هو عايزه بس وينسى الكتاب بعد كده ولزلك تجد طلبة الدكتوراه والماجستير بيحضر احلى رسالة دكتوراة ماجستير وتيجي تسأله بعد شهر فيها ما تلاقيش عارف ولا كلمة - 00:46:12

ليه؟ قص والزق النص اللي هو عايزه دخل على جوجل قصه ولزقه في الرسالة احنا لما كنا بنطلب العلم كنا بنقرا الكتاب من الجلدة للجلدة. عايزينه دلوقتي او مش عايزينه - 00:46:29

حفظنا الكتاب. عرفنا كل حاجة في الكتاب مع ان انا مش محتاج الكتاب كله دلوقتي لكن احتاج الكتاب فيما بعد. المعلومات دي محتاجها النهاردة التانية محتاجة بكرة التالتة محتاجة اللي بعده وهكذا - 00:46:46

فبيبقى الكتاب كله حاضر في ذهني منين ما ييجي علي معلومة بكون اه انا قريتها في الكتاب الفلاني فاي طالب مفلح يتبع هذه القاعدة اذا كتبت فقمش. قمش يعني ايه - 00:47:02

اش خد كل حاجة في اوراقك. وبعدين لما تحبي تحدث بقى وتطلع تقول للناس فتش في الكتب بتاعتك خد الكلام اللي ينفع يتقال وقوله اللي ما ينفعش يتقال سيبه على جنب جايز يجي له يوم من الايام - 00:47:18

تحتاجه تمام يبقى القاعدة دي يتبعها كل طالب لا يريد ان يترك شيئا. اذا كتبت فقمش واذا حدثت ففتش فلما قال له تنحى عني يا بارد انا افتكرت القصة دي في ذلك الوقت. قلت والله انا اروح للشيخ الالباني - 00:47:39

وهنخبط على الباب. اذا قال امشي يا بارد والله ساعتبرها من فوائد هذا اليوم وابقى انا زي ابن حبان وهكتبها في جملة رحلتي ان انا رحت له وقال لي امشي يا بارد - 00:47:59

المهم طلعت انا وصاحبي ابو حمزة ورحنا طرقنا على الباب وانا قلبي بينتفض مع ان انا هتبسط لو قال لي امشي يا بارد هتبسط برضو واعتبروها من فوائد هذا اليوم. سبحان الله - 00:48:11

لما طرقنا الباب وردت علينا زوجته ام الفضل فابو حمزة قال لها ان ابو اسحاق الحويني يعني طالب الشيخ آآ يريد ان يلقى الشيخ فقالت آآ افتحوا الباب وادخلوا في الحديقة - 00:48:27

لم اتوقع هذا اطلاقا ودخلنا وجلسنا وفي هذا اليوم كان العادة اول ما التقيت بالشيخ الالباني اول يوم التقيت بالشيخ الالباني وصافحته عانقني. طبعا لا يمكن انا ابتدأ بعناق الشيخ ابدا - 00:48:44

ما اقدرش كان له هيبة جدا الشيخ الالباني جدا وكانت ندرة الحديث على وجهه كأنما انطبق عليه قول النبي صلى الله عليه وسلم نضر الله امرأ او وعى عني حديثا فرواه - 00:49:02

وشه كان منور الحقيقة يعني عانقني الشيخ الالباني لان حدس بيني وبينه في التليفون في الهاتف قبل ان القاه آآ وكان الشيخ يعني آآ قرأ لي كتابا وهو فصل الخطاب بنقد المغني عن الحفظ والكتاب كان نشر لي هذا الكتاب قبل ان القى الشيخ - 00:49:18

فقرأه وكان اسمي التصق بذهنه فالمهم لما قلت له انا فلان واتيت مصر قال نزلت اهلا وحللت سهلا لم اتصدق اذني يعني عندما قال لي هذا فانا عندما هو بادرني بالسلام قال السلام عليكم ورحمة الله وبركاته. قلت له وعليكم السلام ورحمة الله وبركاته - 00:49:42

قال لي ما احسنت الرد انا قلت من اولها كده ما احسنت الرد طب ايه اللي انا عملته ده هو بيقول لي السلام عليكم ورحمة الله وبركاته. قلت له وعليكم السلام ورحمة الله وبركاته - 00:50:07

وانا اعلم ان السلام انتهى الى وبركاته ده اللي انا اعرفه يعني كان الشيخ بقى في السلسلة الصحيحة الجزء التالت اللي كان طبع اياميها وما كانش نزل مصر عندنا كان يصحح زيادة ومغفرته - 00:50:23

باللي يرد يعني انا اذا قلت لك السلام عليكم ورحمة الله وبركاته. تقوم انت تقول لي وعليكم السلام ورحمة الله وبركاته ومغفرته كان الشيح الشيخ رحمة الله عليه صحح هذه الزيادة. هي ضعيفة - 00:50:42

الزيادة دي واعتقد ان الشيخ ضعفها في اخر حياته ايضا المهم قال لي ما احسنت الرد قلت له لماذا يا شيخنا قال اجعل هذا بحثا بيني وبينك غدا قلت بحثا بيني وبين الالباني - 00:50:57

ده انا هروح الصبح المهم التقيت بالشيخ الالباني فلما بدأني بالعناق استأنست يعني شعرت بشيء من الانس يعني المهم جلسنا مجلسا حوالي ساعة ونص ولما خرجنا من المجلس قلت له يا شيخ انا طالب علم واتيته من مصر - 00:51:13

ولاقيت في الطريق مشقة حتى اتيت اليك فانا اريد ان تعطيني شيئا او اللازمك اعتذر. طب اديني ساعة اعتذر. الدين خمس دقايق اعتذر كل ده لا ليس عندي وقت طب خمس دقايق اين ليس عندي وقت - 00:51:37

كدت ان ابكي خلاص انا جاي الاردن ليه؟ قال لي الشيخ الالباني ما ليش شغلانة الا اني اجي للشيخ الحقيقة اكدت ان ابكي ويعني امسكت نفسي بعناء بالغ رحلتي راحت - 00:51:56

وعنائي في الطريق ذهب سدى فقلت له والله يا شيخنا يعني اذا كان الله عز وجل علم انني ما خرجت من بلدي الا للقياك والاستفادة منك سيفتح قلبي لك واذا لم ينفتح قلبي لك قلب ايتان سيفتح قلبك لي - 00:52:14

واذا لم ينفتح قلبك لي انا اعتبر ده نوع من العقوبة لي وخلاص وانصرفت عن الشيخ وانا حزين جدا وجعلت ادعو الله عز وجل انه يفتح لي قلب الشيخ سبحان الله! تاني يوم التقينا في - 00:52:37

صلاة الفجر فكنت حريصا ان اصلي بجانبه عشان اشوف بيصلي ازاي عشان برضو ايه يعني آآ ازا كان انا صلاتي فيها حاجات مخالفة ولا حاجة اترك يعني صلاتي لصلاته فكنت قديما لما طلعت صلاة النبي وقرأتها - 00:52:53

وقرأت تحريك الاصبع كنت احرك اصبعي هكذا كده تمام فلما صليت جنبه برضو شغال كده فالشيخ لاحز ان انا ايه بعمل كده فبعد ما خلصنا صلاة قال لي اراك تحرك اصبعك هكذا - 00:53:19

لماذا قلت له يا شيخنا انت اللي علمتنا في كتاب صف صلاة النبي انه كان يحرك اصبعه قال هذا ليس تحريك هذا اسمه خفض ورفع تمام؟ هذا اسمه خفض ورفع - 00:53:45

انما التحريك هكذا كده اي تحركها في مكانها مش تحركي كده اسمه خفض ورفع ما اسموش تحريك تمام؟ فاعتبرت دي فائدة استفدتها منه وقلت خلاص ما هو مش راضي يديني ولا خمس دقايق حتى - 00:54:05

خرجنا من المسجد وبعدين عايز اراجعه تاني في الخمس دقايق اللي هو رفض ان هو ادهاني فتبسم لي وقال لعل الله استجاب دعائك فرحت جدا. قلت له طب يا شيخنا يعني كم تعطيني من الوقت - 00:54:25

قال دعها تمضي على قذر سبها هي وظروفها قلت له طب كيف قال لي خلاص بقى تجلس بجانبي السيارة وتسألني وانا اجيبك ركبت معه في السيارة ومشى بنا آآ بعد المسجد بحوالي آآ يعني ميت متر ميتين متر في وسط آآ - 00:54:43

المباني واوقف محرك السيارة وقال لي السائل سألت بدأت معه بنصف ساعة وانتهت القصة كلها بعد كده بتلات ساعات مرة في مرة في مرة وكت دايما ااخر السؤال اللي فيه تفصيل اخليه اخر سؤال - 00:55:03

علشان ايه؟ الف وباء وجيم ما انا اتعلمت بقى ها يعني برضو الواحد بيستفيد يعني ما ما حاكم بيقول لك آآ مرة واحد دعا واحد يتغدى عنده تمام فالمهم اتغدى عنده - 00:55:21

ولقى بياكل كده فحب يرد له العزومة فقال له ايه ؟ ما تقول لنا قصة سيدنا يوسف ها ما هو عشان يحكي قصة سيدنا يوسف مش هيتغدى فبيقول له احك لنا قصة سيدنا يوسف عشان يعني ايه يتلهي في الحكاية وما ياكلش يعني - 00:55:45

قال له تهوا لقوه كل ها خلص يعني تهو لو فكن اي سؤال فيه الف وبه وجيم ودال كنت هخليه ايه اخر سؤال في هذا اليوم اللي انا رحت للشيخ الالباني فيه جلست معه اربع ساعات - 00:56:07

تطرق الحديث لاشياء الشيخ رحمة الله عليه فتح لي الباب فيها بغير قسط لما جلسنا في الحديقة وجاء سلم علينا وراح يجيب لنا الفطار الافطار جاب طبق طبعا هو جايب الطبق قمت انا اجري عليه عشان اخد منه الايه - 00:56:29

الطبق لان عيب ان الشيخ يحمل اطباق لنا. فقال لي اجلس يا شيخ نعيب وما يصحش قال لي اجلس جلست واضع الطبق على الترابيزة وراح يجيب الطبق الاخر قمت اجري برضه عليه قال لي برضو اجلس - 00:56:51

المهم عملتها معه تلات مرات في المرة التالتة الحقيقة نهرني بشدة وقال قلت لك اجلس فانا حصل لي نوع الاندهاش يعني كسفت من نفسي وشعرت بحرج بالغ المهم واحنا على الافطار ما عرفتش اكل - 00:57:08

ولا ده انا لسه شاخط في من شوية هافطر ازاي يعني؟ فالمهم كأنه لاحز هذا فقال لي لعلك آآ اندهشت قلت له نعم قال لي عبارة انا فهمت بها معنى الاتباع - 00:57:27

اللي كنت بدرسه للناس وما كتش يعني مدرك لمعانيه كلها او طعمه طعم الاتباع قال لي الامتثال هو الادب وانا عرفت ايه معنى الاتباع؟ لاتباع هو الامتثال الجماعة الصوفية مسلا - 00:57:48

لما يقول لك في التشهد اشهد ان سيدنا محمدا رسول الله طب انت ليه بتسيد النبي عليه الصلاة والسلام في في التشهد وكان الصحابة يقولون كان يعلمنا التشهد كما يعلمنا السورة من القرآن - 00:58:15

كما انه لا يجوز لك ان تزيد في القرآن حرفا لا يجوز لك ان تزيد في التشهد حرفا التشهد عندهم كان كالقرآن فانت بتقول اشهد ان سيدنا محمد رسول الله. والنبي ما قالهاش ولا علمك كده - 00:58:34

يقول لك نعم هو ما علمناش كده بس هنقولها ليه؟ يقول لك اصلك لم يقلها لنا تواضعا فاحنا بنقولها تعظيما له وان لم يقل لنا قولوا سيدنا فاحنا بنقول سيدنا - 00:58:51

من باب التعظيم فبنقول له الامتثال هو الادب عرفت ايه معنى الاتباع؟ بالكلمة دي يعني الامتثال لامر من يأمرك هو الادب وليس ما تظنه انت ادبا انا عندما قمت اظنه من الادب - 00:59:11

ان شيخي لأ ما يصحش يشيل الطبق ويجيبه لي انا لازم انا اقابله واخد منه الطبق لكن عندما امرني يجب ان امتثل اذا كنت مؤدبا يبقى الادب هو الامتثال اللي هو الاتباع - 00:59:41

وحدثني في هذا اليوم يعني احاديث لما اردت ان اسجلها ابى علي وقال احتفظ بها في ذهنك وانا الحقيقة يعني لا استطيع لست في حل ان اقول ما حدثني به في هذا المجلس لكن استأذنته ان ادونها في ترجمته - 01:00:03

هو وانا عملت ترجمة للشيخ الالباني اسمها اه بالزبط اسمها الثمر الداني في الذب عن الالباني كتاب عبارة عن اربع مجلدات المجرد الاول لترجمة الشيخ الالباني المجلد التاني المحاكمة بين الشيخ الالباني وخصومه - 01:00:22

بمسائل الفقه واصوله. والمجلد التالت المحاكمة للشيخ الالباني وخصومه باصول الحديث وفي الاحكام والاحاديث والمجلد الرابع في الاوهام التي وقعت للشيخ الالباني رحمة الله عليه في كتبه فلم لم اتمم يعني هذا الكتاب قطعت فيه شوطا طويلا لكنني لم اتمم هذا الكتاب - 01:00:45

ايه اللي خلانا نطلع الطلعة الطويلة دي ها كنا نتكلم في في ايه تدريس شيوخ قول ابن حبان ابن عيينة عفوا عفوا عفوا ايه ايه صح صح معلش انا قلما اسهو يعني قلما - 01:01:10

يعني اطلع وما ارجعش لأ بطلع وارجع في العادة يعني واخد بالك؟ آآ كنت اقول ان ابن منده قال للبخاري مدلس وكنت بحكي حكاية محمد يحيى الذهني مع الامام البخاري رحمة الله عليه - 01:01:53

البخاري له شيخ اسم محمد اللي هو الزهري محمد ابن يحيى ابن عبدالله ابن خالد الزهلي فالذهلي لما خف مجلس البخاري لما خف مجلس الذهلي شيخ نيسابور والناس كلها اقبلت على البخاري واللي طلعني قلت شيخ الولد - 01:02:11

ما سلهاش مش كده؟ هو ده اللي خلاني اخرج الطلعة الطويلة دي فخف المجلس من عند الذهري وراحوا للبخاري البخاري يرى ان محمد ابن يحذر يتكلم في البخاري وحسدا والى اخره - 01:02:34

فالبخاري اذا روى عن محمد ابن يحيى الذهلي يدلس هذا الشيخ فمرة يقول حدثنا محمد بن خالد فيقوموا يدوروا مني يا ترى محمد ابن خالد ما يعرفوش محمد بن خالد - 01:02:49

اتاري هو الزهلي عزاه لجده هو اسمه محمد ابن يحيى ابن عبدالله ابن خالد قال حدثنا محمد بن خالد فيوم ما يخطرش على بالك انت يطلع مين ومرة يقول حدثنا محمد بن عبدالله - 01:03:06

تيجي انت تدور عليه من محمد بن عبدالله ما تعرفوش برضو حتى يقول حدثنا محمد ابن يحيى تقوم انت تعرف ان هو الزهلي تمام؟ عشان كده الايه؟ ابن من ده قال لك البخاري يدلس. يدلس ليه - 01:03:25

يعني نسب شيخه الى عدة اجداد له غير معروفين كما كان يفعل ابو بكر اسماعيلي مع رفيقه ابو احمد الغطريفي هم الاتنين كانوا اصحاب في جرجان بلد اسمها جورجان يعني. تمام - 01:03:41

فكان ينسبه مرة لابيه ومرة لجده ومرة جده الاعلى ليه؟ لكونه معه في البلد فيستثقل يعني انه يقول حدثنا ابو احمد الغطريفي يبقى يعني الناس يعرفوا انه صاحبه. فيقول حدثنا مسلا محمد ابو احمد ابن كذا - 01:04:00

فيوم على ما انت تكتشف ان هو الغطريفي يكون انا مت وانت مت ها ده اسمه تدليس الشيوخ النوع التاني من التدليس اني ان يكني او ان يكنى الشيخ بكنا متعددة. كل ما تكتشف - 01:04:19

كنية يجيب لك كنية غيرها القصد من هذا ان يعمي على الناقد هذا الشيخ بحيس ما يعرفوش ليه؟ لان الشيخ ده بيبقى ضعيف او انه صغير او انه يستقبح ان يروي عن مثله بس محتاج الحديث - 01:04:36

هنعمل ايه بقى؟ لازم نروي عن دهوت بس مستثقل ان اروي عنه فاقوم اكنيه بكنية لا تعرف وكان كما قلت يفعل هذا بقية ابن الوليد الذي كان له عدة شيوخ مجاهيل يكنيهم بكنى غير معروفة حتى يمضي حتى - 01:04:52

احاديثهم احنا وصلنا لكده لاخر المجلس النهاردة ولعل يعني التدليس تقيل شوية لكن فيه انواع من التدليس لطيفة جدا وفيها طرافة ان شاء الله آآ المرة القادمة بازن الله ان احيانا الله تبارك وتعالى هنحاول ان نتمم بحس التدليس وبكده يبقى ايه - 01:05:11

انتهينا من الشرط الاول من شروط الحديث الصحيح وهو اتصال بالاسناد. بعد كده ان شاء الله هندخل في محاضرة او اتنين من المحاضرات الايمانية التي تتعلق بمعاني الايمان. بمناسبة دخول رمضان يعني ان شاء الله - 01:05:34

وعلم الحديث برضو قبل ان ندخل الى رمضان هندي فيه محاضرة واتنين بازن الله تعالى. اقول قولي هذا واستغفر الله العظيم لي ولكم - 01:05:52